“Дашчойлин” хийдийн хажуугийн Эмийн үйлдвэрийн газрыг дуудлагаар худалдаж, орон сууц бариулахаар болжээ

Сүхбаатар дүүргийн 8 дугаар хороо, “Дашчойлин” хийдийн баруун хойно, хотын төвд байршилтай нийслэлийн өмчид бүртгэлтэй ч бусдын хууль бус эзэмшилд олон жил болсон Эмийн үйлдвэрийн барилгыг нураагаад буй.

Уг үйлдвэрийг чөлөөлсөн 3,150 ам.метр газрыг ирэх тавдугаар сарын 21-ний өдөр иргэдэд нээлттэйгээр дуудлага худалдаанд оруулахаар болжээ.

НЗДТГ-аас мэдээлснээр газрыг дуудлага худалдаанд оруулах анхны үнэ 443 сая 520 төгрөг бөгөөд үйлчилгээ бүхий орон сууц бариулах юм байна.

Нийслэлийн өмчит Уламжлалт анагаах ухааны элэг судлалын клиник төвийн харьяа хуучин Эмийн үйлдвэрийн газар нь хотын төвд байрлалтай учраас үнэд хүрнэ гэж тооцоолжээ.

Эмийн үйлдвэр нь ашиглалтад ороод 73 жилийг үдэж, ашиглах боломжгүй гэсэн дүгнэлт гарч нураасан байна.