Цагаан дэл уул хилийн боомт нээхийг эсэргүүцсэн иргэд цахим гарын үсэг цуглуулж байна
Өмнөговь аймгийн зарим иргэн Цагаан дэл уул хилийн боомт нээхийг эсэргүүцэж байгаагаа мэдэгдэж, хэвлэлийн хурал зохион байгуулав.
Мөн тэд нийтийн өргөдөл гомдлын системд иргэдийн цахим гарын үсэг цуглуулж байгаа аж. Нийт 33,000 хүний дэмжлэгийг хүсэж буй бөгөөд одоогоор 6,988 хүн гарын үсгээ зуржээ.
Иргэдийн төлөөлөл "Монгол Улсын Засгийн газар Цагаан дэл уул-Өлзийт боомт нээх 46 дугаар тогтоолыг 2014 онд гаргасан байдаг. Уг тогтоол бол Улсын Их Хурлаар хэлэлцэх ёстой байсан асуудлыг Засгийн газар хүч түрэн мэдэмхийрч гаргасан нь Үндсэн хуулийн 25.2 дахь заалтыг зөрчсөн гэж харж байна.
Алтайн уулсын салбар Говь Гурвансайхан уулаас урагш газар нутагт ашиглалт, хайгуулын 40 гаруй лиценз олгогдсон байдаг" гэв.
Үндсэн хууль зөрчсөн гэж үзэж буй учраас нутгийн иргэд Үндсэн Хуулийн Цэцэд хандахаар төлөвлөсөн бөгөөд үүнээс өмнө Засгийн газрын тэргүүн Л.Оюун-Эрдэнэ, УИХ-ын дарга Д.Амарбаясгалан нарт албан бичиг хүргүүлж байгаа юм.
Мөн мэдээлэл хийсэн иргэдийн хэлж буйгаар боомт нээх гэж буй цэг нь Орвог гашууны бор толгой, говийн бага дархан цаазат газарт байрладаг байна.
Цахим өргөдөлд энд дарж гарын үсгээ зурах боломжтой.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
