作者在津主要活动场所
可能是因为离开北平太近，天津作为老早品国第二大租界地区，收到个关注程度程度一向难以同上海相提并论，即便近两年修整五大道，宣传“洋楼”文化，也是让大部分人云里雾里，除脱隐约对一些在此地避难个前清遗老、北洋寓公有一眼模糊记忆之外（往往也是模糊、混沌个），就是云里雾里，隔靴搔痒哉。迭本个人回忆录虽然内容弗算太丰富，章节也有限，但毕竟作者从小到18岁全在此地个租界长大，父系爱尔兰-英国，同母系法国人个家庭背景、天主教学堂个上学经历、以及伊从小同屋里向来自天津周边个佣人、租界公园当中帮洋人打仗个门卫等人个充分接触，让伊个成长经历邪气丰富多彩，让伊对天津个了解扎实通透。伊个字句虽然无啥逻辑、推理、引导或者前后情节，但洋洋洒洒，包罗万象，基本上成功拿1920-30年代天津个租界洋场风貌，还原到阿拉面前。
书中个内容是蛮丰富个，一些回忆内容，比方讲英国人同法国人之间个明争暗斗、爱尔兰人小圈子对故国独立自主个热烈讨论；哥萨克同白俄亡国奴个悲惨搭彷徨；废帝溥仪对复辟个渴望，以及对苏格兰个迷恋；洋人社团中对八里桥之战、戈登将军个特殊崇拜，以及对白莲教秘密组织个担心...全好单独拿出来作为讨论个主题。此地篇幅有限，就弗准备一一展开哉。
书中引用交关老早个照片，有一些是作者自家个收藏，有一些来自档案馆，蛮多邪气珍贵个建筑、场景就在拉纸面高头个能还原出来，有一些街道之前去过，就感到思绪万千，弗过，译者弗曾拿地点同现在个具体位置对应，可能会造成一眼困扰。算是美中弗足。
为此，大致拿作者提到过个场所在下面慢慢列出，也好作为今后重新去天津白相辰光个参照：
1、咪哆士道（ Meadours Road ）
“阿拉屋里在拉咪哆士道高头。迭条马路向北大约四百码就是河边。阿拉平常好听到拖船搭驳船个汽笛叫声，有个辰光，还好听到小轮船发春更加低沉、咆哮一样个声音。”
2、英国兵营（British Military Barracks）
“在拉阿拉房子个对过，有一栋房子只有一个阳台，在拉门口立一根旗杆。此地是英国军官餐厅，着卡其布制服，扎亮闪闪皮带、跨宝剑个军官乘坐黄包车来到此地，英国士兵就蹲在迭条马路（咪哆道）尽头个兵营当中。”
3、维多利亚花园（Victoria Park)
每日下半天，一姐全要带领阿拉到海河旁边个小广场去白相，迭个小广场当中有一个花园，叫做维多利亚花园，英租界顶重要个建筑全在迭个花园周边，一直有士兵胡总和巡捕在周围走来走去。”
“在花园个一个角落，有一座一战纪念碑，风格仿照伦敦怀特霍尔街纪念碑，四周花坛也尽量模仿英国人本土个风格。
“维多利亚花园周围有铁栏杆，除脱外国小人个保姆，任何中国人全弗好进来......花园门口有一条小路，路高头有木头个紫藤架。棚架一段靠近花园中央，伊面有一个小亭子，是中国式样个...”
“有个辰光，英国军乐队会在拉下半天到公园当中个亭子里向演奏音乐，衣裳光鲜个男女会靠牢绿颜色个椅子搞头解山河，或者沿花坛当中个小马路压马路。当乐队演奏停顿个间歇，观众会拍手鼓掌，乐队就向伊拉致意。”
“迭个地方老早有一座宝塔， 叫做海光塔，唯一留存下来个是一口大钟，通常用来对老百姓发出警告，比如讲，有大活摘或者军阀发动进攻之类。妈妈搭我讲，在拉我出生个1918年7月23号，大钟一整天全在拉响，个是因为当日海河泛滥，河水淹没两岸。”
4、戈登堂（Gordon Hall）
“在拉花园旁边，有移动深颜色个大楼，看上去有眼像城堡，又有眼像大教堂，个就是英租界个中枢，叫做“戈登堂”，是为纪念戈登将军命名个。第二趟鸦片战争之后，戈登作为皇家工兵上尉，来天津勘测划定英租界边界...”戈登堂里向有巡捕房、法庭、英国工部局，以及用来举行音乐会搭公众集会个会议厅。戈登堂所有个门窗全是哥特式个，中央大门常年紧闭，只好从侧门出入...设计迭个阴森堡垒个建筑师是一个苏格兰传教士，伊对自家个作品沾沾自喜，称其为天津维多利亚风格。英租界个蛮多建筑，比方讲英国俱乐部同安立甘教堂，也模仿伊个风格，大部分英国人也认为，迭个风格举世无双。”
5、安立甘教堂（Anlican Church,TienTsin）
‘在拉去花园个路上，阿拉要经过安立甘教堂。迭戈教堂是一个城堡一样阴森个哥特风格建筑，阿拉屋里向个人从来弗去迭个地方.....安立甘教堂平常辰光全是锁牢个，弗过，到礼拜天，教堂个旗杆高头就会挂出圣乔治个旗帜，皇家兵团个士兵扛好步枪，列队来此地进行早礼拜....去此地进行活动个，主要是英国人家庭以及皇家军团个士兵.....每当我远离迭个教堂之后，心里向全邪气开心，因为迭个场许实在是太阴森、太恐怖哉。”
6、紫竹林堂（L'Eglise Saint Louis，TienTsin）
“阿拉乘坐人力车，到离屋里大概1点5英里个法租界天主堂去望弥撒....假使到个比较早，就好看到修女沿孝敬去做弥撒，伊拉着有裙撑个长裙，头上戴扎蝴蝶翅膀个上浆打败帽子。妈妈搭我将，迭个衣着是仿效布列塔尼地区个村妇装束”
“天主堂当中，有几个中国女人跪在后头，同礼拜天相比，此地平常当真是邪气安静。弗过，到礼拜天，天主堂就闹忙哉，法国安南殖民地军团个小块头士兵，在拉鼓号乐队个引导之下，乱哄哄列队走过。”
7、起士林咖啡馆（Kiessling Cafe）
“身材胖墩墩，双下巴个赫尔·起士林（起士林创立者），一副派头老足个样范，立在自家个咖啡厅大堂当中走来走去，伊用德文同我妈妈打招呼，带伊到窗户旁边个桌子之前。妈妈用德文订餐，之后就开始同伊个朋友开始谈山东德国修女院辰光个故事，伊总是拿山东叫做中国个德国。”
“在阿拉慢慢吃热咖啡、吃点心个同时，坐在棕榈旁边个一个三重奏小组在拉演奏施特劳斯搭韦伯个华尔兹舞曲。个三个人当中零头个是赫尔·施耐德，伊是奥地利人，身高矮，面孔白，留小胡子，眼神忧郁。每趟起士林觉得个三个人个休息辰光太长，就会走过去，背手到伊拉旁边，对赫尔使眼色。赫尔就叹一口气，主编内演奏下一首华尔兹。
8、俄国花园（对应名称未寻到）
“春天，朝曼珠一路飞向北面个黄鹂会从天津飞过，弗过，伊拉弗会在天津停留太长辰光，迭些小鸟行踪弗顶，俄国花园是伊拉在拉天津个主要停留场许，所以，一姐拿那片俄国花园当中个树林叫做黄鹂个花园”
“隔河相望，好看到俄国花园当中个数目，还有俄国东正教堂洋葱形状个圆顶，老早，此地有各式各样个俄国人，伊拉在1900年之前就建立俄租界，到1904年俄国输脱日恶战中之后，大量俄国难民从曼珠来到天津，伊拉多数是士兵搭水手个家人，大部分无啥资产，只好从事三教九流个行当，每天买醉消愁。”
“1917年之后，又有一批沙俄流亡分子，也被叫做白俄，从陆路抵达天津，个当中，有钞票隔热罗斯人从天津跑到美国，无钞票个白俄就蹲在罗曼诺夫鲁，同之前个定居者混在一道。挨末，皮肤乌搓黑、将言语粗鲁来兮个西伯利亚人也来天津哉。”
