𝐃𝐨𝐥𝐩𝐡𝐢𝐧 𝐃𝐫𝐞𝐚𝐦𝐬 𝐓𝐞𝐚𝐦𝐰𝐨𝐫𝐤 𝐆𝐥𝐞𝐚𝐦𝐬✨

𝐃𝐨𝐥𝐩𝐡𝐢𝐧🐬 | Instagram | Linktree

Instagram of Dolphin🐬 

匿名問答區！有咩問題都可以問我哋㗎～（問答會在IGstory中發佈）

About Dolphin🐬

Hello大家好arr 我哋係24-25年度學生會2號候選內閣Dolphin🐬而家就等我哋介紹吓我哋Dolphin究竟係咩嚟㗎啦～

Dolphin（海豚）係一種非常聰明嘅動物，同時亦都好善良、聰明、活潑，希望今年我哋學生會候選內閣Dolphin可以充分理解各位同學嘅需要🫡向學校反映同學嘅意見，成為你哋嘅發聲筒📢令到每個同學都可以享受校園生活❤️‍🔥而我哋Dolphin承諾會喺未來盡力做到以下7點！
1.Dedicated（盡心盡力）的Dolphin🐬
Dolphin會喺唔同崗位上面盡責盡職📝務求令到各位同學信任同埋支持我哋Dolphin，除咗做好自己固定嘅崗位之外亦會積極尋求改進✅收集各位同學嘅意見再加以改進🤓成為一個盡責盡職嘅學生會💪🏻
2.Optimistic( 樂觀）的Dolphin🐬
Dolphin無論喺未來遇到任何嘅挑戰，我哋亦會以樂觀嘅心態去面對😝積極去面對唔同嘅挑戰以及搵唔同方法去解決任何困難🙌🏻成為一條樂觀嘅小海豚🐬
3.Lively（活躍）的Dolphin🐬
Dolphin除咗會計劃舉辦以往深受同學歡迎嘅活動之外，亦會嘗試舉辦以往喺學校從未舉辦過嘅活動～或者呢啲活動亦曾經有同學提議🌟希望引入呢一啲活動為我哋同學帶來不一樣的體驗✅積極引入不同活動
4.Pleasant（令人友好）的Dolphin🐬
Dolphin希望喺未來一年所舉辦及執行嘅活動及政綱會受到同學嘅歡迎及喜歡🍬為我校同學爭取唔同嘅福利、活動以及政策
5.Helpful（願意幫忙）的Dolphin🐬
Dolphin樂於幫助所有同學解決問題並為我校同學分憂😖收集同學嘅意見及問題，再從中幫助各位同學解決所提出問題🙋🙋‍♀️
6.Insightful（有洞察力）的Dolphin🐬
Dolphin希望可以用唔同嘅洞察力去了解各位同學嘅需要以及想法🧠再盡力將呢啲想法同埋需要加以實行😍務求令同學好好享受屬於自己嘅校園生活🫂
7.Nimble（敏捷）的Dolphin🐬
Dolphin會因應唔同嘅問題以及意見迅速以及敏捷地諗出唔同嘅解決方法去解決唔同嘅問題💫令各位同學信任我哋辦事嘅能力🧳
最後，我哋希望可以喺未來一年成為學生會服務大家，Dolphin全體成員承諾會盡心盡力服務全體師生、希望各位同學可以將神聖一票投畀2號學生會內閣Dolphin🐬

Dolphin介紹🐬

Dolphinの活動🎭
1.班際/組隊 球類活動
2.烹飪比賽
3. 中三級選修科講座
4.Helloweennnnn鬼屋and密室逃脫
5. 聖誕聯歡會
6.才藝表演
7.尋寶Day
8.自家製美食/飲品
9.電競比賽
10.手作工作紡
11.CCA校園祭
12.Dolphin義賣會
13.便服日
14.選修科體驗日
15.Cosplay day
16.美食嘉年華
 
Dolphinの期望🌄
1.爭取小息時間增長～
2.向小食部爭取購入更多零食，及享有優惠券
3.爭取設置locker
4.爭取小息/午息時發還iPad
5.爭取初中同學可以於午息留喺課室
6.爭取增加午餐選擇
7.為高中同學爭取外出午膳

爭取活動與期望！

Dolphin🐬政策方面🫡

1.爭取小息時間增長～
知道有時候同學喺小息都想用嚟溫書或者進行其他活動📖🏐所以Dolphin希望可以向學校爭取呢個政策✅令各位同學喺小息可以有更多時間進行活動

2.向小食部爭取購入更多零食🍡及享有優惠券💲
我哋會收集同學嘅意見🫡向小食部姨姨提出想購入邊一啲零食，為你哋發聲📢（想食支雪條arrr🥺）以及向小食部爭取派發優惠券🤑令同學仔食得開心又放心🫶🏻（優惠券方面已向小食部達成初步共識🤝🏻）

3.爭取設置locker🔐
令各位同學有更加多位置可以放置自己學習同私人物品🤩咁同學仔就唔使拎上落咁辛苦laaaaa🥵🥵

4.爭取小息/午息時發還iPad🤝🏻
令各位同學小息及午息時可以利用iPad進行溫習等等學習活動📚重溫課堂上嘅重點😼

5.爭取初中同學可以留喺課室🙌🏻
知道天氣有時候好熱🥵或者同學想留喺一個安靜嘅地方傾吓偈或者進行其他學習活動📝所以我哋希望可以爭取呢個政策🫶🏻

6.爭取增加午餐選擇🍛
令到同學午餐選擇增多🍝可以選擇其他飽肚之餘又好味又健康嘅午餐🤩🫶🏻

7.為高中同學爭取外出午膳🐬🍔
知道高中同學都好想可以外出吃飯，所以我哋希望今年可以為高中同學爭取提早外出午膳🗣️🙌🏻

Dolphin 政策方面（上）🐬📚

我推の活動方面😍

1.CCA校園祭🎆
同學可以自行組隊舉辦唔同攤位活動、服務、表演🤝🏻推廣唔同文化以及理念😆一齊感受我哋活躍嘅校園氣氛！❤️‍🔥

2.Dolphin義賣會🛒
同學可以自己組隊🫂整唔同嘅產品進行義賣🛍️令我哋嘅同學可以賣到產品之餘又可以幫助到唔同人❤️一舉兩得ar😆

3.便服日（可以着自己衫嗰種啊😍）
知道各位同學要面對好多學業壓力😰所以Dolphin希望可以喺嚟緊更多唔同嘅日子舉辦便服日😎令各位同學可以紓緩一下壓力🤧鬆鬆佢😝

4.選修科體驗日👍🏻
可能啲同學仔聽完選修課講咗之後都唔太明白嗰一個科目😞所以Dolphin會努力向各位選修科老師及校方商量舉辦選修科體驗日✅咁就可以確確實實知道嗰個科目嘅內容la🤓👍🏻

5.Cosplay day🎭
同學可以裝扮成自己鍾意嘅電影、動漫…等等唔同角色😻可以放鬆自己又可以令各位同學更加了解唔同嘅電影同埋動漫🎥

6.美食嘉年華🍱
邀請唔同嘅餐車去到本校進行美食體驗😎仲可以體驗到本地餐車同埋唔同食物嘅文化😺

請支持學生會2號候選內閣Dolphin🐬

Dolphin 政策方面（我推の活動方面）方面

Dolphin の活動🐬🫶🏻

以下係一啲本學校或者學生會曾經舉辦嘅活動😍👍🏻所以Dolphin希望本年度亦可以繼續舉辦🥳

1.班際／組隊 球類活動🏀
包括排球、籃球、羽毛球等等不同種類嘅運動，發揮同學嘅團體合作精神及球技👥🏐

2.烹飪比賽🥘
同家政科合作，舉辦師生或自由組隊形式嘅烹飪比賽🍽️個個都可以成為廚神🤩

3. 中三級選修科講座📚
令同學知道或者清楚自己所選擇嘅選修科✅務求令到同學可以揀到最心儀同埋最適合自己嘅科目🥳

4.Helloweennnnn鬼屋and密室逃脫👻
萬聖節🎃就梗係要玩一啲刺激、應節嘅活動laaaa我哋萬聖節鬼屋/密室逃脫💀等你哋嚟挑戰☠️

5.聖誕聯歡會🎄
我哋會舉辦才藝表演、大抽獎…等等好多好多唔同好好玩嘅活動😍一齊迎接美好嘅聖誕節🎄❤️

6.才藝表演🏅
喺台上面展現你嘅一技之長😎我哋大大嘅舞台等緊各位參賽者嚟表演啊🤩

7. 尋寶Day🥚
喺唔同節日舉辦尋寶活動😆考驗我哋同學嘅觀察力同埋應變能力🤯搵出我哋收埋喺唔同地方嘅物品🤪

8.自家製美食/飲品😋
我哋會不定期整唔同嘅嘢食或者飲品🥤令各位同學可以感受到我哋Dolphin滿滿嘅熱誠❤️‍🔥

9.電競比賽🎮
同DT科合作🤝🏻增加電競比賽嘅次數，同學就可以盡情享受電競帶俾我哋嘅魅力😆

10.手作工作紡🔆
舉行DIY手機殼、手機繩、等工作紡，又好玩又實用😍仲要可以整到自己心水嘅款式添添添添🫶🏻

請支持學生會2號候選內閣Dolphin🐬

Dolphin の活動🐬

Dolphin の決心  1.Dolphin以學生為本🐬🫶🏻 學生會嘅目的同埋存在意義係以學生為本😆所以我哋參選學生會希望以學生為中心🤝🏻以及為你哋服務✅所以希望爭取嘅政策以及福利都可以圍繞着學生嘅基本需求以及興趣😍希望令學生可以享受校園生活之餘亦可以從中搵到自己嘅興趣😎唔同學生有唔同嘅風格同興趣🤓所以我哋希望喺未來舉辦嘅活動以及政綱變得更加多元化😼🙌🏻而且，希望能夠提升校園整體質素🫶🏻令同學可以喺校園生活得更加愉快同埋充實～😻❤️‍🔥  2. Dolphin期盼成為學生的穩固橋樑🌉 我哋Dolphin希望同學可以大膽講出自己嘅意見🗣️我哋會聆聽並且向學校反映😼幫助同學向學校溝通並得到更多共識✅🤝🏻希望確保同學所表達嘅意見以及需求可以快速同埋有效地反映俾學校😉喺學生同埋學校之中協助解決唔同問題🥳令到各位同學所表達嘅意見可以傳達俾學校👍🏻學生嘅聲音同埋支持係我哋推動學生會嘅動力🙌🏻所以期望將來學生可以將唔同嘅意見反映俾我哋Dolphin！🐬❤️  3.Dolphin懂你🫵🏻🫂 我哋學生會每一位成員都會理解同學嘅感受同意見✌🏻各位同學嘅意見我哋唔會視而不見🫵🏻😼我哋會企喺同學嘅角度😆以同學嘅感受同想法為主✅諗更多政策同活動俾同學😍令同學可以有更開心嘅校園生活！亦可以共同營造一個關懷以及包容嘅校園氣氛🤩可以關心以及理解每一個同學嘅需要❤️再建立唔同活動或者福利～令各位同學都可以受用🐬❤️

請支持學生會2號候選內閣Dolphin🐬

Dolphin の決心  🐬❤️‍🔥

Dolphinの日常🐬
Hello arrrrr各位同學～嚟緊我哋會令到同學知道我哋Dolphin如果可以成為學生會，會有乜嘢服務提供俾同學👩‍🎓👨‍🎓

1.Dolphin守護你🐬💙
如果Dolphin之後能夠當選為學生會，我哋會安排唔同成員喺唔同時間當值～如果同學有任何需要都可以過嚟搵我哋㗎！！（包括傾偈或者同我哋玩）學生會室大門永遠為你哋打開～～仲會提供橡皮筋、膠布等日常用品～～🐬❤️

2.提供女性衛生用品🙋‍♀️
知道女同學有時候都會有特發情況出現😖所以我哋貼心嘅小海豚將會提供安睡褲以及衛生巾✅只要入嚟同我哋當值緊嘅成員講就可以啦～（如果有少少尷尬，可以直接同我哋嘅女成員講，就唔會尷尬la🙈）

3.Dolphin成為你的暖（男/女）💕
我哋會不定期派發暖心嘅朱古力或者好立克☕️令到每位同學即使離開咗暖笠笠嘅被竇😭😭仍然會感受到我哋俾你哋嘅溫暖☺️真係好暖笠笠啊🤩
（冬天仲會出售暖包或暖袋㖭啊☀️☀️）

4.來自小海豚的投餵🍭🍿
平時小食部咁多人，我又好肚餓😱點算呀！唔使驚🫂我哋Dolphin仔會不定期預備唔同種類嘅健康零食派俾我哋嘅同學🥳包保你哋食得開心又放心🤓🤓

5.海豚為你抹抹汗💦
如果成頭大汗又或者其他情況需要用紙巾🧻但係冇帶紙巾點算好呀😰唔使驚，Dolphin喺大廳🏠我哋會提供紙巾以及一次性毛巾比各位同學😍（仲要係好軟腍腍嗰啲紙巾同毛巾arr）咁就唔使驚冇紙巾同毛巾用laa😝👍🏻

6.運動及娛樂のDolphin🐬🏐♟️
唔知做咩好？想打波但係又冇帶波😔咁就嚟我哋學生會室借波同埋board game laa😎我哋有唔同種類嘅球類同board game，咁就唔怕悶啦✅

7.夏日熱辣辣🥵Dolphin為你降降溫🙌🏻
：天氣成日都咁熱，有咩辦法可以降吓溫啊
：有冇人可以幫吓我哋呀😞😞😞
唔使驚🫶🏻Dolphin可以幫到你！！我哋會售出冰涼濕紙巾/噴霧，止汗劑以及風扇等等降溫神器俾我哋嘅同學😺🫶🏻咁就可以放心同陽光玩遊戲la☀️（一定會搵最平，最抵同最正嘅貨品！！🐬💙）

8.瘋狂買買買🐬🛒
Dolphin會定期舉辦代購服務🛍️咁各位同學就唔使驚到時冇時間去買了了🩷
（限於文具店，超市，藥房-所有購買內容需由Dolphin批准）

Dolphinの日常🐬

Dolphin成員自介🐬

會長 歐陽敬贀
副會長 劉縈樂
副會長 楊芷晴
財政 陳振軒
福利 譚子澄
文書 潘子墨
宣傳 黃思齊
財政 林誠謙
總務 吳枳葦



Dolphin 成員🐬

Helloooo大家好（x100）我係5B班歐陽敬賢୧( ⁼̴̶̤̀ω⁼̴̶̤ )૭

好開心今年可以成為Dolphin嘅主席🤓🫶🏻今日係我第三年參選學生會😎亦都係中學生涯最後一次🥹所以希望今年可以挑戰自己，做一啲未試過做嘅崗位🫶🏻我平時鍾意打波🏓玩Drama🎭同講嘢🗣️我本身係一個好鍾意提出意見，表達自己嘅人（E到爆🥲）所以希望透過呢啲特點，可以成為一個好嘅領導者～😝會長呢個職位確實唔容易，但係只要我有目標我就一定唔會放棄❗️❗️所以希望今年做好會長呢個職位，令我哋嘅Dolphin變得更好🐬❤️

對我嚟講，學生會唔單只係一個團隊🙌🏻更加係所有同學嘅依靠同埋信任🫶🏻所以我希望今年我哋Dolphin可以成為你哋最堅強嘅後盾🛡️任何意見或者想我哋改善嘅地方我哋全部都會聆聽✅然後加以改進🫡成為更加出色嘅學生會😍❤️我哋一定唔會辜負所有同學嘅期望！！

Dolphin亦都係一種群體生物🐬所以我哋嘅力量絕對唔可以睇小㗎💪🏻我哋九位成員亦希望可以喺接下落嚟嘅日子同大家一齊渡過美好嘅校園生活🥳🥳成為各位可以倚靠以及信任嘅學生會😎❤️

請支持學生會2號候選內閣Dolphin🐬

Dolphin主席🐬

大家好好好好～我係Dolphin嘅副主席5B班嘅楊芷晴！應該好多人都係學校聽到我「爽朗」嘅笑聲´͈ ᗜ `͈都估到我係一個樂觀同埋鍾意玩嘅人，非常歡迎小息嘅時候搵我傾計(ง˙˘˙ )ว 雖然我貪玩，但係我做野能力係一級棒ദ്ദി˶ｰ̀֊ｰ́ )✧

我今年好有信心可以擔任好呢個副主席嘅崗位，希望能夠成為同學們同校方之間溝通嘅橋樑•̀֊•́我亦都係排球同健球嘅校隊成員，呢兩個運動都好注重團體合作🫂同我哋學生會一樣，要有充足嘅溝通先得㗎！所以我好有信心，可以同本學生會嘅成員為大家爭取更多嘅福利ʕ´-ก̀ʔᐝ

我希望Dolphin可以令你地係學校開心同舒適，我期望dolphin可以幫到你地每一位同學，用心聆聽到每一位同學嘅心聲，再由我地負責同校方溝通，為各位同學爭取更多福祉◜𖥦◝Dolphin🐬係一個好聰明同埋具有洞察力嘅動物，所以本學生會人如其名✨😝會好聰明同細心地做每一個抉擇💪🏻為同學爭取最大嘅福利以及福祉❤️

最後希望各位同學多多支持學生會2號候選內閣Dolphin🐬✨

Dolphin副主席🐬

Hello大家好呀👊🏻我係今年Dolphin嘅副主席5B班劉縈樂🔅 (✪ω✪)
-
今年中五第一次參選學生會🤍希望為同學爭取更加好嘅校園生活💪🏻平時日常嘅興趣都有好多！好鍾意畫畫🎨設計聽歌🎵超鍾意去藝術館✨同埋成日都會喺VA室見到我^喺學校都係drama club🎭今年Dolphin嘅設計我都有幫手，希望同學會鍾意（有意見歡迎提出arrrrr）🫶🏻
-
今年喺學生會候選內閣Dolphin擔任副主席嘅角色❗️希望可以幫助學生會處理各種唔同嘅事務同埋活動，平時啲人見到我覺得我個樣好高冷唔敢同我傾偈😢但係其實我都幾外向㗎😎所以見到我都唔使怕羞worrr ～如果同學有啲咩活動或者想有嘢提供，都可以同我哋學生會成員表達🫡我哋一定會盡全力協助同埋接納同學嘅訴求🦄
-
希望大家可以將你哋嘅一票投俾我哋學生會候選內閣Dolphin🐬🩵無論有啲咩我哋都一定會盡力服務大家✨✨

請支持學生會2號候選內閣Dolphin🐬

大家好我係5A班嘅陳振軒:D相信大家都應該見過我！未見過都唔緊要，第日就會見到㗎啦！

我平時就鍾意唱下歌仔🎤聽下歌仔🎼，彈吓結他🎸得閒可以同Jam吓歌🎤玩吓音樂㗎🎶同我熟嘅話我就會講好多嘢！所以行埋嚟見到我可以同我傾偈㗎‼️

我今次會喺我哋學生會內閣入邊擔任財政嘅角色😎點解會擔任財政呢？因為平時我都鍾意計吓成本收入，數吓錢咁💱所以如果由我去擔任財政呢個角色，就最適合不過啦✅希望我地呢個學生會可以服務嗮咁多位同學啦🙋🏻‍♂️亦都希望可以為同學索取更多不同嘅活動and福利✨同埋！你地記得要用盡嗮我地嘅福利啦！用得唔好嘥呀嘛～😝

Dolphin對我嘅意義就係對生活嘅希望🌄就好似海豚喺海不停咁游一樣，對生活嘅嚮往🌠希望大家投我哋學生會候選內閣Dolphin 1票，俾個機會我哋為同學服務！🫶🏻

請支持學生會2號候選內閣Dolphin🐬🫶🏻

Dolphin財政🐬

Hello 大家好!!!^ 我係5B班嘅譚子澄＞＜
我超鍾意shopping🛍️ 我一唔開心 就會瘋狂購物🙂‍↕️👉🏻👈🏻

我喺Dolphin🐬入面擔任福利！！！顧名思義^ 即係我會幫大家揾好多好正同好實用嘅福利 唔同福利都有㗎🫶🏻!!! 如果冇呢啲優惠 我呢個一唔開心就狂買嘢嘅購物狂應該會窮死🙂‍↕️ 所以由我去擔任福利呢個崗位 就最適合啦😙 我小息通常都會喺有蓋操場周圍行 你哋見到我 咁啱有福利想爭取或者想同我傾計 都可以主動嚟揾我🫰🏻 我好傾得㗎^><^ 所以你哋見到我 唔使怕羞😙🫰🏻 我除咗可以揾到好福利俾大家 我都算係一個唔錯嘅心事台嚟㗎^

最後 我想講！！！我哋Dolphin🐬一定會為大家爭取更多更好嘅福利同埋活動😙 我哋每一個成員都會化身小海豚🐬周圍游嚟游去幫大家揾唔同嘅福利同埋活動！！！

請支持學生會2號候選內閣Dolphin🐬

Dolphin福利🐬

Hello！大家好呀～我係5B班嘅潘子墨(๑¯∀¯๑)好開心今個學年可以喺Dolphin擔任文書一職～今年係我第一次參與學生會候選內閣，所以希望大家可以多多支持，我平時就中意打下排球🏐睇下動漫📒如果得閒見到我可以搵我一齊傾吓動漫節或者打吓排球🤪

因為我平時專心做一樣嘢嘅時候都好安靜😜同埋我都幾中意寫野✍️而文書呢種喺背後安靜做野同埋作為後勤嘅職位由我擔任就最合適不過啦😎唔好睇我斯斯文文🙈其實我寫起字上嚟可以好快㗎😏關於寫字同埋文書嘅嘢就放心交俾我啦🤩❤️

我希望我哋Dolphin可以用心服務大家，同埋盡力做到最好🫶🏻勇於去挑戰唔同嘅事物同埋挑戰自己✅成為一個永不言敗嘅學生會😆Dolphin🐬對我嘅意義就係我希望佢可以不停咁進步，全心全意為我哋嘅同學服務😎同時令自己進步！❤️最後我堅信只要我哋學生會成員可以團結一致，就可以做到最好！就好似海豚一樣，發揮團體精神🫶🏻

請支持學生會2號候選內閣Dolphin🐬

Dolphin文書🐬

大家好我係Dolphin嘅宣傳🐬4C班黃思齊∠( ᐛ 」

好榮幸今年能夠參與學生會選舉，成為Dolphin嘅一分子為同學服務🙌🏻我係一個好活潑好動嘅人，同時我對藝術有好高嘅熱誠🕺得閒嘅時候都好鍾意做一啲關於藝術方面嘅創作🤲🏻如果想同我交流有關藝術嘅嘢都可以搵我🤓大家一齊交流唔同藝術風格同埋畫作嘅心得都可以㗎～

想擔任宣傳係因為想喺唔同嘅方面去突破自己🥸嘗試挑戰一啲從未試過嘅崗位🤘同時嘗試用唔同嘅方法去宣傳Dolphin🐬令到Dolphin宣傳效果以及知名度達到最佳！更希望大家feel到我哋嘅熱誠🔥🔥令各位同學更加瞭解我哋嘅候選內閣😎

我哋期望可以增加學校嘅福利以及活動，令大家嘅校園生活更加精彩，我哋九個人會向著呢個目標努力！令Dolphin可以成為一個出色嘅學生會⭐️

請各位同學支持我哋學生會2號候選內閣Dolphin🐬🩵

Dolphin宣傳🐬

Hihi~✌️大家好😁我係3C班林誠謙ദ്ദി˶ｰ̀֊ｰ́ )✧同時亦都係2號候選內閣dolphin 🐬嘅財政💵💵,平時我比較鐘意去買嘢同埋食嘢😋所以對金錢有一定嘅認識😁所以我今年希望透過唔同嘅特點，可以做財政呢個職位😝好好管理金錢💲💲控制所有預算以及支出💸

同時今次係我第一次參加學生會,我希望來年可以爭取班際活動同埋更多活動❗令各位同學可以發揮自己所長同埋玩得開心😁我平時去玩嘅話係玩得好癲ga😂,同埋我平時鐘意打下籃球同埋kin ball平時喺訓練都可以見到我😙所以喺籃球同埋Kin ball方面我哋都可以交流㗎🙌🏻🙌🏻希望今個年度Dolphin可以為各位同學帶嚟更加美好嘅校園生活✅

一隻海豚係做唔到好多嘢😞但係我相信只要大家一齊團結，就可以做到好多嘢❗今年我哋一定會挑戰自己，成為一條出色嘅海豚😝🫶🏻所以希望同學可以投上你哋寶貴嘅一票俾dolphin 🐬❗❗

請支持學生會2號候選內閣Dolphin🐬❤️

Hello 大家好 我係3C班嘅吳枳葦(〃´∀｀)
我嘅興趣係打排球🏐籃球🏀
所以有乜嘢運動上嘅任何事都可以揾我🦦 平時我好活潑好好動✌🏻任何運動都鍾意玩👍🏻平時亦都好得閒 大家可以隨時揾我一齊打波～咪當認識下新朋友!!! 我都希望可以同更多唔同班嘅同學做到朋友😆
另外我有養貓貓🐈同狗狗🦮 唔知有冇同學都有養寵物🐱你哋都可以同我講下你哋嘅寵物🫶🏻我超鍾意小動物😙 我好樂意同大家講我隻貓同我隻狗啲趣事 亦都無任歡迎大家揾我傾偈🗣️我平時都好鍾意同人傾偈 我好傾得好健談 好多嘢講㗎😙

我喺Dolphin🐬入面擔任總務一職🫡
雖然我冇咩經驗，但係我會不斷幫大家揾唔同嘅福利 同埋諗更加多有趣又啱大家玩嘅活動🙌🏻俾大家去盡情放鬆✨亦都好希望我可以喺嚟緊呢段時間吸取到更加多嘅經驗幫到各位😆你哋有咩意見都可以揾我 反映俾我哋聽🗣️我哋Dolphin一定會盡力幫大家爭取大家需要同想要福利同活動😙‼️

請支持學生會2號候選內閣Dolphin🐬