Look back (2024) review
Сэтгэлд тод үлдсэн дурсамжуудаа эргээд харахад дотроос дулаацуулна, заримдаа дааруулна. Гэхдээ өнгөрсөнд юу ч болсон бай өмнөө тавьсан зорилгоо мартаж болохгүй харин талархалтайгаар урагш алхах хэрэгтэй.
Хэдийгээр богино (58 минутын) хугацаатай анимэ болов ч маш урлаглаг, хайрлаж үзэхээр бүрэн хэмжээний анимэ-н талаар сэтгэгдлээ бичиж үзэхээр шийдэв. Уг анимэ нь алдарт shonen jump болох Chainsawman манганы мангака, зохиолч Тацүки Фүжимото-н one-shot манганаас сэдэвлэсэн ижил нэрт бүтээл билээ. Зураглалаас нь харахад яг л түүний зурах хэв маяг, манга нь тэр чигтээ амь орсон мэт. Эхлэхдээ л тун сонирхолтой байдлаар буюу дрон камераар бичсэн мэт scene гардаг. Ер нь сүүлийн үеийн анимэ-ууд эгц урд, нэг цэгээс авсан юм шиг уйтгартай бус харин кино урлагийн элемэнтүүдийг их шингээдэг болсон нь ажиглагдсан. Бас background artist гарах болоод ч тэрүү wallpaper болгохоор сайн зурагдсан үзэсгэлэнтэй арын зургуудыг харж болно.
Get Frost’s stories in your inbox
Join Medium for free to get updates from this writer.
Анимэ-н өрнөл хэсгээс дурдвал:
Шөнө болсон ч ажрахгүй сургуулийнхаа сонинд хэвлэгддэг 4 панел мангаг зурж буй Фүжино-той бид танилцах бөгөөд тэрээр бүтээлийг нь магтах сурагчдын дунд бахдаж ядан суудаг байлаа. Гэвч 7 хоногийн сонин дээр өөр нэгэн бүтээл ирсэн байх ба Фүжино өөрөөс нь хавь илүү зурдаг нэгэн сургуульд нь байдгийг мэднэ. Түүнээс давахын тулд өдөр шөнөгүй, гэр бүлийнхэн найзуудаасаа хол болтлоо зурсаар байсан ч эцэст нь бууж өгнө. Гэтэл ямар нэг хувь тохиолоор тэр нууцлаг хүүхэдтэй уулзах завшаан гардаг. Энэ хэсэгт гол дүрийн нэг болох нийгмээс өөрийгөө тусгаарлаж сургуульд явдаггүй, хүнтэй хэдэн үг ч солилцож чаддаггүй Киомото-той танилцана. Фүжино-н хувьд өөртөө итгэлтэй, найзын хүрээлэлтэй, хэлэх гэснээ зоригтойгоор хэлдэг байсан бол Киомото-н хувьд өөр байлаа. Тэр нэгэн санамсаргүй эсвэл хувь тохиолын гэмээр уулзалтын дараа тэд байнга хамт цагийг өнгөрөөх болж, дутуу дутуугаа нөхсөн “зүү орох зайгүй” найзууд болохоор ч барахгүй 13хан насандаа хамтран бүтээсэн манга нь супер борлуулалттай болсон байлаа.
Фүжимото гуайн зохиол бичих хэв маяг нь ерөнхийдөө Уйллиам Шэкспир-н эмгэнэлт жүжгүүд шиг санагдсан. Төгсгөл хэсэг мэдээж түүнээс л ийм зүйл гарах байх гэмээр сайхан зүйлс тохиолдсоны дараа гэнэт нүүрэн дундуураа тас хийтэл алгадуулах шиг асар их гунигийн хавцал руу унагаадаг. Ихэнхи хүмүүс магадгүй дотны хүн нь өнгөрөн одсоны дараа өөрийгөө буруутгах тохиолдол гарч байсан байх. Тэрний адил Фүжино болсон бүх зүйлд өөрийгөө буруутгаж байгаа хэсэг дэндүү өрөвдөлтэй. Тэр үед ингэсэн бол арай өөр байх байсан даа гэдэг шиг бид өнгөрсөнд очоод зарим нэг зүйлсийг өөрчилж чадах юм шиг санагддаг. Энэ бодол нь биелэх шиг Фүжино түүний өрөөлүү орж чадахгүй уйлсаар суухдаа хэтэрхий сэтгэл хөдлөлдөө автан дэмий зүйл төсөөлсөн үү гэмээр үйл явдал болоод өнгөрдөг. Фүжино Киомото-г өрөөнөөс нь гаргаснаас болж ийм зүйл болсон гэдэгт бат итгэж, үүнээс болж өөрийгөө буруутган хамгийн ихээр харуусдаг ч анимэ-н дунд хэсэгт Киомото түүнд “өрөөнөөс минь гаргасанд баярлалаа” гэж хэлдэг шүү дээ. Тийм ч учраас гарсан гараагүй Киомото тэр сэтгүүлийг олж харах л байсан, түүнээс болоод өөрийгөө голоод тэр сургуульд явж сайжрахыг хүсэх л байсан гэх мэтээр Фүжиног аргадах шиг цаад хаалганаас өөр нэгэн үйл явдлыг өгүүлэх 4н панел гар зураг гарч ирдэг. Зэрэгцээ ертөнц ч бай сүнс ч бай хамгийн гол нь сүүлд олддог хоосон 4-н панел манганы хэсэг байлаа. Магадгүй Киомото түүнийг юу ч болсон бай өөртөө хүнд ачаа өгөлгүйгээр бүхнийг шинээр эхлээсэй гэж хүссэн байх. Тиймдээ ч төгсгөлд нь Фүжино тэрхүү хоосон цаасыг ажлынхаа цонхон дээр наагаад эхлэл хэсэг дээр гарсан шигээ хичээнгүйгээр мангагаа үргэлжлүүлсээр дуусдаг билээ.
За ингээд уг анимэ-тай холбоотой өөр нэгэн анзаарсан зүйлүүдээ бичье. Хэрэв та нар сайн харсан бол хоёр найзуудын маань bestseller болдог “Shark kick” манга нь Chainsawman манганы cover зурагнуудыг reference болгосон байдаг. Мөн Фүжино-н эхний хэдэн үсэг Киомото-н сүүлийн хэдэн үсэг нийлээд Фүжимото болж байгаагаас үзэхэд энэхүү дүрүүдээр тэрээр өөрийн өнцгөөс мангака байх нь ямар байдаг, ямаршуу замналыг туулдаг гэх зэргийг үзэгчдэд харуулахыг хичээжээ.
Мөн тэрээр эсрэг хүйсээрээ өөрийгөө төлөөлсөн байх бөгөөд энэ нь магадгүй эмэгтэй хүмүүс ч тэр сайн мангака байж чадна гэх зэргээр хүйсийн тэнцвэртэй байдлыг илэрхийлсэн байж болох.
Үүгээр төгсгөх болсон байх, энэ хүртэл миний бичсэн анхны noob review-г маань уншсанд баярлалаа xD
