American Made
2017
நம்ம ஊருல சாதாரணமா ஒருத்தர், கார் ஓட்டி பிழைக்கிறாருன்னா திடீர்னு அவர் உலகத்தையே உலுக்கக்கூடிய பெரிய உளவுத்துறைக்கும் கோடிக்கணக்கில் போதைப்பொருள் கடத்துற டானுக்கும் ஒரே நேரத்துல வேலைக்காரனா மாறுனா எப்படி இருக்கும்? கற்பனை பண்ணவே மிரட்சியா இருக்குல்ல? அப்படி ஒரு உண்மையான நம்பவே முடியாத கதையைத்தான் இயக்குனர் டக் லிமான் (Doug Liman) இயக்கத்தில் திரைக்கதை எழுத்தாளர் கேரி ஸ்பினெல்லி (Gary Spinelli) எழுத்தில் உலகநாயகன் டாம் குரூஸ் (Tom Cruise) நடிப்பில் 2017 இல் வெளியான American Made படத்துல சொன்னது.
டாம் குரூஸ் படம்னாவே நாம என்ன எதிர்பார்ப்போம்? செம ஸ்டைலா இன்ட்ரோ, வில்லனை அடிச்சு துவம்சம் பண்றது, செம கெத்துனுதானே? ஆனா இந்தப் படம் அதுக்கு நேர் எதிர். டாம் குரூஸ் இங்க ஒரு பக்கா லட்சியவாதியோ அல்லது ஹீரோவோ கிடையாது காசுக்காக எதை வேண்டுமானாலும் செய்யத் துணிகிற அதே சமயம் பேராசையால சிக்கிக்கிற ஒரு சாதாரண பைலட் காரி சீல் (Barry Seal) கதாபாத்திரத்தில் பட்டையைக் கிளப்பியிருப்பார்.
சில காட்சிகள் கவனிக்க வேண்டியவை —
முதல்ல, ஹீரோவை வெறுமனே மத்த நாட்டு படைகள் இருக்குற இடங்களை தான் போட்டோ எடுக்க அனுப்புறாங்க. அது நல்லா போறப்போ, ஹீரோ காசு அதிகம் வேணும்ன்னு கேட்க, You will figure it out இன்னு சாதாரணமா சொல்லிட்டு Panama ல காசை கொடுத்து அங்கிருந்து intel தகவல்களை விருக்கும் நபர் கிட்ட இருந்து வாங்கிட்டு வர சாதாரண வேலை தருவாங்க. அப்டியே கொலம்பியா போறப்போ தான் Medellín Cartel வந்து வா தம்பின்னு இவரை கூட்டிகிட்டு போய், அவங்களுக்கு வேலை பார்க்க வைக்கிறாங்க, அப்போ அரசாங்கம் வந்து எல்லாரையும் அர்ரெஸ்ட் பண்ணி ஜெயில்ல போட, பெரிய தலைகள் சந்தோசமா வெளிய போக, ஹீரோ போதை பொருள் கடத்தல் குற்றவாளி ஆகி, இங்க அமெரிக்கால அவன் வீட்டுக்கு ரெய்டு வர இருக்கு. அப்போ அதே அதிகாரி வந்து ஹீரோவை ஜெயில்ல இருந்து வெளிய எடுத்து அப்பவும் அதே We will figure it out வசனம், அமெரிக்கால வேற ஊருல குடி மாற்றி, இங்க வேற வேலை தர்றாங்க.
நிக்கராகுஆல அப்போ தான் commies கள் அதிகாரத்தை கைப்பற்றி இருந்தாங்க. மத்திய அமெரிக்காவில் நடந்த முதல் வெற்றிகரமான புரட்சி அது. தன் பெடக்ஸ் கீழயே செங்கொடி தேசம் வந்தா விடுமா. அதே நாட்ல, சுதந்திர போராட்ட படை ஒன்னு காண்ட்ராஸ்ன்னு இருந்தது. அதுக்கு அமெரிக்கா உதவி செய்ய ஆரம்பிச்சது. அதாவது, ரஷ்ய ஆயுதங்களை வேற நாட்டுகிட்ட இருந்து வாங்கி காண்ட்ராஸ்க்கு கொடுக்குறது, மத்த எல்லாமும் உண்டு. அது மட்டுமில்ல அவங்களை அமெரிக்கா கொண்டு வந்து பயிற்சி கொடுத்து திரும்ப அவங்க நாட்ல போய் விடுறது.
இங்க தான் உலக அரசியல் மட்டும் இல்ல, இசம் அரசியலையும் நாம புரிஞ்சிக்க முடியுது. ஆரம்பத்துல இருந்தே, காண்ட்ராஸ்க்கு வேறு பேச்சு தான், பெருசா லட்சியம் செய்கை கொண்ட படை இல்லை. பயிற்சிக்கு வந்த இடத்துல இருந்து தப்பிச்சு அமெரிக்கால புது வாழ்க்கைக்கு ஓடுறது, அமெரிக்கா தர்ற ஆயுதத்தை கொலம்பிய pablo கூட்டத்துக்கு வித்து, அதுல வர்ற போதை மருந்தை, அமெரிக்காவுக்கு சிறிய படகுகள் மூலம் கடத்தி விக்கிறதுன்னு ஒபென்னாவே இருக்காங்க. கவனிக்க — ஆஹா, ஓஹோ என்று புகழப்படும் சே குவேரா, பெரிய ஆள் என்றால், எதனால் பொலிவியால மண்ணை கவ்வுனார் ?
அது கிடக்கட்டும். இப்போ ஹீரோ நிலைமை ரொம்பவே காம்ப்லெஸ் ஆகுதா. பணம் கன்னாபின்னான்னு வருது. ஆனா, ஒரு பக்கம் கடத்தல் கும்பல் சகதியில நல்லா சிக்கிட்டார், இன்னொரு பக்கம் CIA வலையில நல்லா சிக்கிட்டார்.
Get CSP Tamil’s stories in your inbox
Join Medium for free to get updates from this writer.
ஒரு கட்டத்துல CIA கை விடுது, எல்லா டெபார்ட்மென்ட்களும் சேர்ந்து அர்ரெஸ்ட் பண்ணா, கிளின்டன் கிட்ட இருந்து கால் வருது, ஆள தூசி படாம, வெள்ளை மாளிகைக்கு மரியாதையா கூட்டிகிட்டு போறாங்க…. அப்புறம் ????
படம் வேகமாகவும் சுவாரஸ்யமாவும் கொஞ்சம் த்ரில்லிங்கொட இருக்கும். “அரசாங்கமே போதைப்பொருள் கடத்த துணை போகுதுன்னா அங்க சட்டம் ஒழுங்கு எங்க போச்சு?” அப்படிங்கிற கேள்வியை ரொம்ப நக்கலாவும் அழுத்தமாகவும் பதிவு பண்ணியிருப்பாங்க.
இந்த படத்தைப் பார்க்கும்போது பல இடங்கள்ல “இப்படியெல்லாம் கூட நடக்க முடியுமா?”னு தோணும்.
நிஜமாவே காரி சீல் ஒரு திறமையான கமர்ஷியல் விமானி (Trans World Airlines — TWA Pilot) தான். அவர் சாகச பறத்தலில் வல்லவர். அமெரிக்க உளவுத்துறை (CIA) மத்திய அமெரிக்காவில் கம்யூனிசத்தை ஒடுக்க ரகசியமாக கான்ட்ரா படைகளுக்கு ஆயுதங்களை அனுப்ப காரி சீலைப் பயன்படுத்தியது உண்மை. அதே சமயம் கொலம்பியாவின் குபேர போதைப்பொருள் தலைவன் பப்லோ எஸ்கோபார் (Pablo Escobar) மற்றும் ஓச்சோ சகோதரர்களின் மெடலின் கார்டெல் (Medellín Cartel) போதைப்பொருளை அமெரிக்காவுக்குள் கடத்தவும் இவர் விமானியாக வேலை பார்த்தார். அதாவது ஒரே ஆள் ஒரு பக்கம் அமெரிக்க அரசுக்காகவும் மறுபக்கம் உலகத்தின் மிகப்பெரிய போதைப்பொருள் கடத்தல் கும்பலுக்காகவும் ஒரே நேரத்தில் பறந்தார்! போதைப்பொருள் கடத்தி வந்த பணத்தை வச்சுத்தான் அமெரிக்க அரசு மத்திய அமெரிக்காவில் ரகசியப் போர்களுக்கு நிதி திரட்டியது என்கிற வரலாற்று உண்மை அப்படியே படத்தில் காட்டப்பட்டுள்ளது.
அதே சமயம் சினிமாவுக்கு ஒரு எல்லை இருக்கே, அதை ரசிகர்கள், அபிமானிகள் ரசிக்கும்படி செய்யணும், வசூல் செய்யனுமே. அதன்படி பாத்தா, படத்துல காரி சீல் ரொம்ப போரடிச்சுப் போய் சாகசத்துக்காகவும் த்ரில்லுக்காகவும் இந்த வேலையைத் தொடங்குற மாதிரி காட்டியிருப்பாங்க. ஆனா நிஜத்துல அவர் ரொம்ப நாளைக்கு முன்னாடியே லாபத்துக்காகவும் பேராசை பிடித்தும் இந்தச் செயல்களில் இறங்கியவர். படத்துல சின்ன சின்ன அடிப்பொடி பொருட்கள் கடத்தல் செய்ற ஆள் மாதிரி காட்டுவாங்க. அதை பிடிக்க வர்ற ஆள், CIA இன்னு அறிமுகம் ஆகி படம் நகரும். படத்தில் வரும் CIA அதிகாரி நிஜத்தில் பல அதிகாரிகள் செய்த செயல்களை ஒன்றாக இணைத்து உருவாக்கப்பட்ட புனைவுக் கதாபாத்திரம் தான். அதுமாதிரி பணத்தை வீட்ல எங்க ஒழித்து வைப்பது என்று தெரியாமல் வீட்டின் கொல்லைப்புறத்தில் சூட்கேஸ்களை புதைப்பது போன்ற சில காட்சிகள் சினிமாத்தனமான சுவாரஸ்த்துக்காக மிகைப்படுத்தப்பட்டவை.
அப்போ கிளைமாக்ஸ் — படத்தில காரி சீல் தான் செய்த தவறுகளை ஒப்புக்கொண்டு DEA மற்றும் உளவுத்துறையின் ஒரு இன்ஃபார்மராக (Informant) மாறுவதும் அதன் பின்னர் அவர் சந்தித்த விளைவுகளும் உண்மையான வரலாற்று சம்பவங்களின் அடிப்படையில் சற்று நாடகமயமாக்கப்பட்டு விவரிக்கப்பட்டுள்ளன.
இந்தப் படம் வெளியானப்போ அமெரிக்காவில் பெரும் விவாதத்தைக் கிளப்பியது. 1980 களில் அமெரிக்க அரசாங்கம் வெளியுறவுக் கொள்கை பெயரில் செய்த அயோக்கியத்தனங்களை வெளிச்சம் போட்டுக் காட்டியது. “நாட்டின் பாதுகாப்பிற்காக” என்று சொல்லிவிட்டு சொந்த நாட்டு இளைஞர்களைப் போதைப்பொருளுக்கு அடிமையாக்கிய அரசின் இரட்டை வேடத்தை இது தோலுரித்துக் காட்டியது.
ஆசிய மற்றும் வெளிநாட்டுப் பார்வையாளர்களைப் பொறுத்தவரை ஒரு வல்லரசு நாடு தன் சுயநலத்துக்காக எத்தகைய சட்டவிரோத வேலைகளையும் செய்யும் என்பதற்கு இந்தப் படம் ஒரு சிறந்த பாடம்.
காரி சீல் மற்றும் அவர் விமானம் பறந்த மீனா (Mena, Arkansas) விமான நிலைய ஊழல் அது மட்டும் இல்லாம இப்படி பறந்த பல பைலட்களின் பேட்டி எல்லாம், நிறைய டாக்குமென்டரிஸ் இருக்கு. இந்த டாபிக் இன்டெரெஸ்ட்டிங் ஆகா இருந்தா முடிஞ்சா அதையும் பாருங்க. முக்கிய குறிப்பு — KIll the messenger, இந்த பொருள் உள்ள வந்து இந்த கதை எல்லாம் முடிஞ்சா பத்து வருஷம் கழிச்சி தான் ஆரம்பிக்குது. இந்த கதை அதுக்கு 10 வருஷம் முன்னாடி முடிஞ்சே போகுது. இந்த கதையில கவர்னரா இருக்குற கிளின்டன் தான், அந்த கதையில விஷயம் வெளிய வர்றப்போ ஜனாதிபதி. அப்புறம் கிளின்டன் ஜனாதிபதியா இருக்குறப்போ Dark Allaince விஷயம் வெளிய வந்து மக்கள் ஒன்னரை வருஷமா கொந்தளிக்க, கேரி வெப்பை ரிசைன் பண்ண வைக்கவே அவ்வளவு காலம் ஆக, படக்குன்னு மோனிகா லேவின்ஸ்கி விஷயம் பூதாகரமா வந்தது. பள்ளிக்கூட பையன் மாதிரி பயந்துகிட்டு கிளின்டன் நாற்காலியில உக்காந்து கிட்டு இருக்குற படம் உலகம் முழுக்க பரப்பப்பட்டது. இவை எல்லாம் ஒன்றோடு ஒன்று சம்மந்தப்பட்ட இருக்கலாம், இல்லாமலும் இருக்கலாம். அல்லது என்ன சம்மந்தம் என எனக்கு படுவதும் உங்களுக்கு படுவதும் வெவ்வேறாக இருக்கலாம்.
மொத்தத்துல, American Made வெறும் பொழுதுபோக்கு விமான சாகசப் படம் மட்டுமல்ல அதிகாரத்தின் முகமூடியைக் கிழித்து விளாசும் ஒரு அரசியல் சாட்டை! அரசியல் தெரியாதவர்கள் கூட பார்த்து ரசிக்கக்கூடிய ஒரு படம்.
#AmericanMade #TomCruise #Nicaragua #Contras #DarkAlliance #KilltheMessenger
