Averto al Parkeruloj
Domingos José Gonçalves de Magalhães, brazilano (1811–1882)
Pia pastro em fasttempo
diris predikon parkeran,
pentrante en nigraj trajtoj
la turmentaron inferan.
Sed subite eksilentis
la fluo de l’ retoriko;
li ne povis rememori
ion plu el la prediko.
Get Júlio César PEDROSA’s stories in your inbox
Join Medium for free to get updates from this writer.
“Malfeliĉa!” (tiel oni
aŭdis iun ŝerce diri;
“li sin metis en l’ inferon
kaj forgesis eĉ eliri.”
El la portugala lingvo tradukis Francisco Valdomiro Lorenz.
In: LORENZ, Francisco Valdomiro. Diverskolora Bukedeto. 2-a eldono. Rio de Janeiro: Federação Espírita Brasileira, 1987. p. 31.
Noto: Kvankam ne multe konata aŭ estimata nuntempe, Domingos José Gonçalves de Magalhães, barono kaj vicgrafo “do Araguaia”, estis grava poeto en la XIX-a jarcento kaj unu el la plej fruaj romantismaj poetoj brazilaj.
