தமிழின் முதற் பதிவு!!!
மீடியத்தின் முதற் தமிழ்ப்பதிவு இது!!!
வணக்கம்!
அன்றைய மின்னஞ்சல் முதல், இன்றைய, இந்த மீடியம் எனும் சமூகவலைத்தளம் வரை இணையம் பல வரப்பிரசாதங்களைக் காலத்துக்குக் காலம் படைத்துக்கொண்டே இருக்கிறது. உலக மொழிகளும் தத்தமது இற்றைப்படுத்தல்களுடன் தொடர்ந்து தமது இருப்பைத் தக்கவைப்பதற்கான எல்லா முயற்சிகளையும் எடுத்தவண்ணமே வருகின்றன. இதற்கு உலகின் செம்மொழியாம் தமிழ் மொழியும் ஒன்றும் விதிவிலக்கல்ல.
Get நிரூஜா|Nirujah’s stories in your inbox
Join Medium for free to get updates from this writer.
ஒருங்குறி எழுத்துருக்கள் இல்லாத காலத்திலும் இணையத் தமிழில் பல எழுத்துருக்கள் தோன்றி தமிழை இணையமேற்றி அழகு சேர்த்தவண்ணமே இருந்தன. தமிழும் மெதுவாக இணையமேறி வலம்வரத் தொடங்கியிருந்தது. ஒருங்குறியின் வருகையின் பின் பல எழுத்துருக்களின் வருகை முதல் எல்லா இடங்களிலும் பார்க்கக்கூடிய வகையில் தமிழ் எழுத்துக்கள் உருவாக, மேலும் பொலிவுடன் தமிழ் இணையத்தில் வெளிவரத் தொடங்கியது.
பின்னரான பேஸ்புக், டுவிட்டர் போன்ற சமூகவலைத்தளக் காலங்களில் பெரும்பாலும் அனைவருமே தமிழில் எழுத முயன்றனர்.
இதோ தற்போது ‘மீடியம்' எனும் மற்றுமோர் சாதனம் தனது பீட்டா வெளியீட்டில் தவழ்ந்துகொண்டிருக்கிறது. எல்லோராலும் இதில் பதிவுகளை இட முடியாத நிலையில், ஏற்கனவே பதிவு இடக்கூடிய நிலையில் இருப்பவர்களால் அழைக்கப்பட்டு அந்த அழைப்பின் பெயரிலேயே மற்றவர்கள் பதிவிடலாம் என்கின்ற இறுக்கிய நிலையில் தான் நானும் ஒர் அழைப்பிதலைப் பெற நேர்ந்தது.
இவ்வளவு தட்டிவிட்ட நிலையில், ‘மீடியம்' ஒருங்குறி எழுத்துருக்களுக்கு வசதி செய்துள்ளதா என்று கூட தெரியாத நிலையில் தான் நான் இப்போது தட்டிக்கொண்டிருக்கின்றேன். டுவிட்டரைப் போன்று 140 எழுத்துக்கள் என்ற வரையறுக்கப்பட்ட அளவு இல்லாமல் கொஞ்சம் அதிகமாக தட்டக்கூடிய, படங்கள் இணைக்கக்கூடிய மேலும் பல சலுகைகள் சேர்க்கப்பட்ட ஓர் டுவிட்டரின் வடிவமாக இது வெளிவருகின்றது. இது வரை தமிழில் யாரும் பதிவு இட்டார்களோ தெரியாது; அப்படி யாரும் பதிவு இடவில்லை என்றால் என்னுடைய இந்தப் பதிவு ‘மீடியத்தில்' எழுத்தப்பட்ட முதற் தமிழ் பதிவு என்ற பெருமையைத் தட்டிச் செல்லும். [இந்தப் பதிவை நான் சேமிக்கும் போது ‘மீடியம்' எந்தவித இடைஞ்சலும் தராமல் சேமிக்க விடும்பட்சத்தில்]







