PRANË TEMPULLIT — Amir Or
PRANË TEMPULLIT
Get Saranda Mehmedi’s stories in your inbox
Join Medium for free to get updates from this writer.
Pranë tempullit / Asadi lyp bukë / Abdullai lyp para. Aty afër / mes barakave plot / temjan dhe hajmali / Mustafai lyp yje/ e Isai lyp dashuri / i shtrijnë kupat e tyre të lëmoshës / me sy të zgurdulluar. Mansuri lyp nga çdo kalimtar / të vërtetën/ Xhelali lyp lirinë / Omari — jetën. E ai? / Ai lyp asgjë / dhe askush asgjë i jep. Ai lyp kupa të mbushura / me shikime dhe vështrime / lëmoshë-mendimi / lëmoshë-fjale / ajri, zjarri, toke, / mbretërish / eliksiresh / shpëtimesh. Ai e përmbys kupën e lëmoshës / dhe e zbraz / Por prapëseprapë ajo është tejet e mbushur. “E dashur Vete” shkruan në të / e mbush gjer në grykë me verë / dhe e pi me një gllënjkë; ah, nuk qenka e zbrazët! E përplas kupën / në një të përplasur / copëza të thyera / dhe prapëseprapë duket sikur tani është / edhe më e plotë / e shumëfishuar. Pranë tempullit/ Asadi lyp mish / Mustafai — guraleca / dhe Omari — mure. Pranë tij / pranë tempullit / s’ka tempull.
{Amir Or, Selected Poems, Struga Poetry Evenings, 2020
Përktheu: Saranda Mehmedi, 2022}
.
Më shumë përkthime
