<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Sainaa on Medium]]></title>
        <description><![CDATA[Stories by Sainaa on Medium]]></description>
        <link>https://medium.com/@Sainaaia?source=rss-835af640ef4a------2</link>
        <image>
            <url>https://cdn-images-1.medium.com/fit/c/150/150/1*tv3y9nSW3c9ZbH-a1vlLSA.jpeg</url>
            <title>Stories by Sainaa on Medium</title>
            <link>https://medium.com/@Sainaaia?source=rss-835af640ef4a------2</link>
        </image>
        <generator>Medium</generator>
        <lastBuildDate>Tue, 17 Nov 2026 21:57:28 GMT</lastBuildDate>
        <atom:link href="https://medium.com/@Sainaaia/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Хачирхалтай зургууд ба хачирхалтай бичвэр]]></title>
            <link>https://medium.com/@Sainaaia/%D1%85%D0%B0%D1%87%D0%B8%D1%80%D1%85%D0%B0%D0%BB%D1%82%D0%B0%D0%B9-%D0%B7%D1%83%D1%80%D0%B3%D1%83%D1%83%D0%B4-%D0%B1%D0%B0-%D1%85%D0%B0%D1%87%D0%B8%D1%80%D1%85%D0%B0%D0%BB%D1%82%D0%B0%D0%B9-%D0%B1%D0%B8%D1%87%D0%B2%D1%8D%D1%80-9453647e6185?source=rss-835af640ef4a------2</link>
            <guid isPermaLink="false">https://medium.com/p/9453647e6185</guid>
            <category><![CDATA[номын-тэмдэглэл]]></category>
            <dc:creator><![CDATA[Sainaa]]></dc:creator>
            <pubDate>Tue, 28 Apr 2026 06:38:40 GMT</pubDate>
            <atom:updated>2026-04-28T06:38:40.704Z</atom:updated>
            <content:encoded><![CDATA[<p>Миний бие шинжлэх ухаан дээр суурилсан уран зөгнөлт атлаа гэмт хэрэг, мөрдлөгтэй, аль эсвэл учир битүүлэг зүйл унших дуртай. Тархи бүүүүүм хийж байвал миний сэтгэл хандаг гэсэн үг. Гэхдээ мэдээж амьдралын тухай философи, реализм уншилгүй яахав. Номын ертөнцийн гайхамшгийг нэг төрлөөр хязгаарлабал тэр магад нүгэл болох биз. Хүмүүсийн тархинаас урсан гарах зүйлс, шидийн биш бодит байдал байсан ч, итгэмээргүй өвөрмөц, учир битүүлэг нууцлаг, хэний ч сэтгээгүй гаж сонирхолтой аль эсвэл нуун далдалсан далд утгаар дүүргэсэн бүтээл гээд л есөн шидийн төрлөөр гардаг нь хүмүүний ертөнцийг улам л сонирхолтой болгодог. Бас амьдармаар санагдуулдаг. Амьдрах итгэл найдвар, амьдралаас мэдрэх аз жаргал өгдөг юм.</p><p>Унших зүйл олон ч цаг хүрэхгүй байгаа юм шиг санагдаж, олон хэл дээр бичсэн зүйлсийг танихад хэлний мэдлэг хүрэхгүй хязгаарлагдах үед өөрийгөө хэчнээн сул доройгоор мэдэрдэг гэж санана. Тиймээс ертөнц хийгээд хүн гайхалтай юм. Хар бараан санаа агуулсан ч ёс суртахуунд баригдан ядаж түүнийгээ цаасан дээр амилуулж байгаа нь аштай юу. За ингээд Үкэцүгийн нэгэн бүтээлтэй танилцсан аяллаа эхлэе.</p><p>Дотно найзын маань инстаграм дээрээ хийсэн сториноос нүдэнд туссан ганц зүйл нь “Үкэцү-Хачирхалтай зургууд” ном байлаа. Харахад л сонирхол татаж, юуны тухай бичигдэж, юуг өгүүлсэн болоо гэсэн бяцхан бодрол тэрхэн үед л толгойд минь бодогдоод өнгөрсөн. Хэд хоногийн дараа өнөө номын хавтас номын дэлгүүр бүрийн шилдэг борлуулалттай тавиур дээр илхэн харагдана. Бэстселлэр болжээ. Ийн явсаар би эл номыг гартаа барин худалдаж аваад тэр дороо байгаа бүх газраа уншиж эхэлсэн юм. Эхний өгүүлбэрээс авахуулаад уншигчийг яаж татаж, биднийг өөрийнхөө ертөнцийн нэг хэсэг болгохоо сайн мэдэж байсан нь тун увдислаг. Утга агуулга он цагийн дарааллаар өнгөрөхгүйгээр харин ч энд тэндээс нь мөртөө нэгтгэж харвал бүх л зураглал эцсийн мөчид бүрэлдэн нууцыг эл цагаан үгсээр сүүлийн хэдэн хуудсанд тод томруунаар урласан байв. Үгээр хэлэмгүй сонин мэдрэмж.</p><p>Үкэцү бол юүтүбэр хийдэг хачирхалтай нэгэн. Номоо гаргахаасаа өмнө өөрийн хаяг дээрээ эл зохиолуудаа түүх өгүүлэх байдлаар өөрөө ярьж, жүжиглэж бүтээдэг нэгэн. Дуу хоолойгоо өөрчилж, царайгаа халхалж, биеийн ил гарсан арьс байтугай ширхэг үс ч харагдахгүй нь түүний хүйсийг ч тодорхойлох боломжгүйд хүргэнэ. Энэ нь түүнийг алдартай байлгадаг суурь шалтгаан. Бусдаас хамаагүй өөрөөр сэтгэж сэтгэл судлалын шинжлэх ухааныг сууриа болгож “хачирхалтай зургууд” зохиолоо туурвисан нь улам л алдар нэрд хүргэсэн нь тодорхой. Хүмүүсийн хамгийн дуртай зүйлс нэг дор бүрэлдсэн нь энэ. За одоо ном руугаа оръё.</p><p>Сэтгэл судлал проектив тест гэдэг оношилгооны хэлбэр байдаг. Товчоор хэлбэл, хүнийг тодорхой бус, чөлөөт даалгаварт оруулах замаар дотоод ертөнц, ухамсаргүй хандлага, сэтгэл хөдлөлийн онцлогийг илэрхийлүүлэх зорилготой арга юм. Проектив аргуудын онолын суурь нь психодинамик чиглэлтэй, ялангуяа Sigmund Freud болон Carl Jung-ийн үзэл санаанд тулгуурладаг. Энэ арга дунд хүүхдээс авдаг нэгэн алдартай арга байдаг нь Хүн-Байшин-Мод тест. Тухайн хүнээр эсвэл хүүхдээр хүн байшин, мод гурав зурахыг даалгаад зуруулна. Дараа нь тус бүр дээр нь сэтгэл зүйн нарийн дүн шинжилгээ хийснээр тухайн хүний сэтгэл зүйн онцлогийг мэдэж авдаг байна.</p><p>Номын эхний хэсэгт манай гол дүрийн эмэгтэй болох Наомигийн хүүхэд насандаа зурсан Хүн-Байшин-Мод зурган дээр сэтгэл зүйч Хагио анализ хийх байдлаар эхэлдэг. Анхных нь үйлчлүүлэгч байсан тул уг сэтгэл зүйчид туршлага дутсаныг бид номын төгсгөлд Хагио сэтгэл зүйч дахин Наомигийн багийн зурган дээр анализ хийх үед бид мэдэх болно. Засарна гэсэн итгэл найдвар, хүнийг хүн л гэж харах ёстой гэсэн сэтгэл судлаач, сэтгэл зүйчдийн гол баримталдаг зарчим тэнд л буруу ажиллачихсан юм болов уу гэмээр санагдуулаад амжина.</p><p>Үйл явдлын бүхий л хэсэг дээр хэн нэгний зурсан зураг өөрийн гэсэн далд нууц утгыг агуулна. Сэтгэл судлал, оньс, уран зураг гээд ашиглаж болох бүхий л сонирхолтой аргуудыг ашиглан үйл явдлыг хэнийг ч уйдаалгүй үргэлжлүүлнэ. Ном нь хэд хэдэн бүлэгтэй бөгөөд бүлэг бүрийн гол дүр өөр мэтээр дүрслэн бичсэн байдаг. Нэг бүлэг дээр нэг паззл. Эцсийн бүлэг дээр бүх паззл нийлснээр энэ бүхнийг хийсэн ганц хүн нь Наоми болохыг олж мэднэ. Тун сонирхолтой байгаа биз. Ноами юуг яаж ямар зорилгоор хийснийг өөрийн биеэр уншвал сэтгэл ханамж хэд дахин нэмэгдэх байх гэж бодож байна.</p><p>Харин энд арай өөр утгаар харах гэж оролдвол хайраар дутаж өссөн нэгэн хайрын төлөө юу хийхийг хэн ч үл мэдэх юм. Хайр гэдэг ертөнцийн хамаг зүйлийг агуулж байдаг зүйл шиг санагдана. Хар бараан, гэгээлэг цагаан, ад зэтгэр, бурхан нигүүлсэл бүгд л хайранд орших байх. Нэг нь хайранд шунаж хайрыг эзэрхийлэхийг хүсэх ч нэг нь хайранд итгэж хайрыг дэлгэрүүлэхийг хүснэ. Энэ бүгдийн шалтгаан эцэст нь хайр л байж таардаг. Хайр хүнийг цэцэглүүлж хорвоо дэлхийн хамгийн аз жаргалтай нэгэн болгож чаддаг. Гэхдээ хайр бас хүнийг цөхрүүлж орчлон ертөнцийн хамгийн гунигтай нэгэн болгож чаддаг. Хайранд нөхцөл хэрэггүй. Хайранд юу ч хэрэггүй. Түүнд чин сэтгэл л хэрэгтэй байх. Энийг бид энэ номын цаад утгаас өчүүхэн төдий тунгаах боложмтой. Гэхдээ зөвхөн тунгаан боддог хүмүүс л эл зүйлийг ойлгож мэдэрч буй биз ээ. За одоо бага зэрэг зохиолчийнх нь тухай хэдэн зүйл бодсоноо бичье.</p><p>Зохиолчийн хувьд нэг бол маш сайн судалгаа хийдэг хүн үгүй бол өөрөө сэтгэл судлал үндэстэй ямар нэг мэргэжилтэй байж таарах гээд байгаа юм. Үгүй ч байж магадгүй. Юу ч гэсэн Үкэцү бол бүтээл бүрээ нарийн төлөвлөж, бүгдийг нь бодитой байлгахаар бодож сэтгэдэг хүн мөн. Бусад зохиолыг нь уншиж үзээгүй ч юүтүб дээрх хэд хэдэн бичлэгийг үзсэн хүний хувьд хүйсийг нь үнэхээр тодорхойлох боломжгүй санагдсан. Дүр бүрдээ тохируулан өөрийн хоолойг өөрчилдөг. Япончууд эртнээс л сонин хачин зүйл сэтгэхдээ сайн улс. Юу тэднийг ийм хачирхалтай сэтгэмжтэй болгоход нөлөөлснийг түүхийг нь судалсан ч олохгүй байж мэднэ. Амьд үлдэхийн төлөөх тэмцэл эсвэл дарж ядсан мэдрэмж, хүсэл хяслаа бүтээл болгон туурвидаг байж ч мэдэх юм.</p><p>Япон зохиолчид дундаас зохиолыг нь шимтэн таашаадаг нэгэн зохиолч бий. Тэр нэгэн бол Эдогава Ранпо. Өөрөө бол энэ нэрээ америкийн нэрт зохиолч Эдгар Аллан По-гийн товч нэр хэмээн тайлбарласан байдаг. Шүтэж хүндэлдэг зохиолч нь болохоор л тэр шүү дээ. Тэр ч утгаараа Эдогава Ранпо нийт хүмүүсийн хэлдгээр гаж зохиолоороо алдартай. Тэр бүр хүмүүсийн таашаадаггүй гэхдээ жихүүцэм эвгүй түүхүүдийг бичдэг нь үнэн. Үкэцү яг л тийм санагдсанаа нуух юун.</p><p>Эцэст нь гэхэд, энэ ном стресс дунд амралт болж, богино хугацаанд ч гэсэн асуудлуудаас минь холдуулж бодит байдлыг мартуулж өгсөн юм. Одоо доор оруулах зураг бол бүх үйл явдлыг хураангуйлан багтаасан оюуны зураглал байх тул хэрвээ та “Хачирхалтай зургууд” номыг уншаагүй бол энэ хүрээд дуусгаарай гэж хүсэх байна. Баярлалаа.</p><figure><img alt="" src="https://cdn-images-1.medium.com/max/1024/0*5WYIMIABFF_iVCS-.jpeg" /></figure><p>Аа бас сэтгэл судлалын мэдлэг олгохоох хөтөлж буй инстаграм хаягаар минь зочилж болно шүү ❤ @knowllector</p><img src="https://medium.com/_/stat?event=post.clientViewed&referrerSource=full_rss&postId=9453647e6185" width="1" height="1" alt="">]]></content:encoded>
        </item>
        <item>
            <title><![CDATA[Гэрэлд нэвчсэн гэгээрлийн хар толбо]]></title>
            <link>https://medium.com/@Sainaaia/%D0%B3%D1%8D%D1%80%D1%8D%D0%BB%D0%B4-%D0%BD%D1%8D%D0%B2%D1%87%D1%81%D1%8D%D0%BD-%D0%B3%D1%8D%D0%B3%D1%8D%D1%8D%D1%80%D0%BB%D0%B8%D0%B9%D0%BD-%D1%85%D0%B0%D1%80-%D1%82%D0%BE%D0%BB%D0%B1%D0%BE-a493013b49d6?source=rss-835af640ef4a------2</link>
            <guid isPermaLink="false">https://medium.com/p/a493013b49d6</guid>
            <dc:creator><![CDATA[Sainaa]]></dc:creator>
            <pubDate>Fri, 06 Mar 2026 02:02:12 GMT</pubDate>
            <atom:updated>2026-03-06T02:02:12.382Z</atom:updated>
            <content:encoded><![CDATA[<p>Утаанд замхарсан ертөнцийн үзүүрт нарны гэрэл чүү ай тусна. Орчлонгийн үзэсгэлэн гоог анзааралгүй урдаа гишгэх хүйтэн чулуун шаланд л төвлөрөх мэлмийн тусгал уйтай. Толгойгоо гэдийлгэж дээшээ нэг хардаг ч болоосой. Доошоо ширтсээр аньсага нь хөрсөнд нэвт шингэн үлджээ.</p><p>Маргаашийн нарыг харах итгэл түүнд байвч өнөөдрийг яаж давах сэтгэл нь туйлширан төөрчээ. Алсын замаа үл харан ажирах нь өнөөдрийн жижигхэн давааг тэвчихгүй халшрах үйлдлийг усалж цээжинд давчдах мэдрэмжээсээ бултах гэж эгэлгүй орчлонд зүрхээ хаан мэдрэмжээ устгав.</p><p>Мөрөөдлөөрөө итгэл хийн жигүүрлэж, бодит амьдралаас бичил зугтаалт хийхэд тэнгэрийн хаяа улаарахыг сая нэг харах биз. Сэтгэл ч амрах биз. Зүрхэнд харанхуй тусахтай зэрэгцэн орчлонд гэрэл гялалзан өнгөрнө. Хугацааны үнэ цэнтэй уралдан өөрийгөө үгүйсгэхдээ амьдралынхаа талыг нь үртэс болгоод хийсгэчихжээ.</p><p>Аминыхаа төлөө тэмцсэн өдөр хоногуудын үнэн төрх ухаарлын оюунд нуугдсан философийг сэрээхэд амь нь амилаагүй, оршихуй нь амьдраагүй байсан нь илчлэгдэв.</p><p>Үнэний цуурай худлын сүүдрийг давсангүй. Сөрөг муу үйл сэтгэлд эзлэх байртай болсон нь цагааныг буруутгаж итгэлийг сэвтээв.</p><img src="https://medium.com/_/stat?event=post.clientViewed&referrerSource=full_rss&postId=a493013b49d6" width="1" height="1" alt="">]]></content:encoded>
        </item>
        <item>
            <title><![CDATA[Хаалганы үүдэнд тавьсан эзэнгүй шуудан]]></title>
            <link>https://medium.com/@Sainaaia/%D1%85%D0%B0%D0%B0%D0%BB%D0%B3%D0%B0%D0%BD%D1%8B-%D2%AF%D2%AF%D0%B4%D1%8D%D0%BD%D0%B4-%D1%82%D0%B0%D0%B2%D1%8C%D1%81%D0%B0%D0%BD-%D1%8D%D0%B7%D1%8D%D0%BD%D0%B3%D2%AF%D0%B9-%D1%88%D1%83%D1%83%D0%B4%D0%B0%D0%BD-4f74b8253e77?source=rss-835af640ef4a------2</link>
            <guid isPermaLink="false">https://medium.com/p/4f74b8253e77</guid>
            <category><![CDATA[бодол]]></category>
            <category><![CDATA[мэдрэмж]]></category>
            <dc:creator><![CDATA[Sainaa]]></dc:creator>
            <pubDate>Thu, 27 Nov 2025 02:12:58 GMT</pubDate>
            <atom:updated>2025-11-27T02:12:58.150Z</atom:updated>
            <content:encoded><![CDATA[<p>Хүйтэн жиндүү салхи салхивчаар орж ирэхтэй зэрэгцэн хаалга тогших зэврүүн чимээ угтав. Шуудан. Тэмдэг тэмдэглэгээ байхгүй, зүгээр л цаасан хайрцган дээр эрт үеийн марк наасан нь чүү ай шуудан гэж танихад хүргэнэ. Гайхах яахав, өдөр бүр нэг шуудан ирдэг болоод удаж буй. Хайрцгийг нь задалж доторхыг нь харвал хов хоосон. Бүр оргүй хоосон. Хог новш. Уур бухимдал ч төрөхөө болиод удаж байгаа надад хоосон хайрцаг ямар утга илэрхийлэхэв дээ. Үүнээс би оршихуйн утга учрыг олох ёстой юу? оршин байгаа биеэ мэдрэх ёстой юу? бүр болоогүй гэгээрлийн хоосон чанарыг ухаарах ёстой юу? Мэдэхгүй юм.</p><p>Зүгээр л хаячихъя. Харин эл хайрцгийг хогийн сав руу чулуудахдаа байгалийн өмнө нүгэл үйлдэж буй мэтээр гэмшил харуусал нүдийг минь бүрхэж авдаг л учиртай байх. Хог бүтээчихлээ, гэхдээ миний хог биш. Гэсэн ч би л үүнийг хаяж буй нэгэн. Миний гараар дамжиж байгальд новшрох хайрцаг, яах аргагүй дотоод эмзэглэлийг минь төрүүлээд амжина.</p><p>Шуудан ирэх зогссонгүй. Оруулахгүй болохоор овоорсон их шуудан ирчихнэ. Бүгдийг нь ангилж янзалж хаяхгүй бол надад ирж байгаа зүйл бусдад гай удчих юм шиг санагдах юм. Хааяа даа хайрцган дотроос нэхмэл бээлий, ноолууран ороолт гэх мэт жижигхэн чамин зүйлс гарч ирэх нь сэтгэлд дулаан, биед ч тухтай санагдуулахыг нь яана. Ингэж байтал өнөө шуудангийн хайрцагт би дасчихжээ. Өдөр ирэх тусам хайрцаг хүлээдэг болж, тэр зүйлийг харуулдан сууж, сэтгэлдээ тээж эхэлсэн. Анзаараагүй ээ би эхэндээ. Хайрцаг төдийхөн сэтгэлийг минь тэгэж их эзэмдэнэ гэж хэн санах билээ. Тэгээд бүр ихэнхдээ хов хоосон ирдэг хайрцаг шүү дээ. Магадгүй энэ хайрцаг миний ганцаардлыг арилгаж, сэтгэлийг минь дээрдүүлэх гэж ирдэг байсан байх. Хэн нэгэн чамд анхаарч байгаа шүү, хэн нэгэн чамайг анзаарч, чамд хүрч хажууд чинь байж чадахгүй ч гэсэн, өгч бэлэглэх зүйлгүй ч гэсэн дотоод орон зай нь хоосон ч гэсэн чамайг халамжилдаг нэгэн байгаа шүү гэдгийг өгүүлж байгаа мэт. Дулаахан, нандин бас болоогүй урам зоригийн мэдрэмж өгөх нь цаанаасаа л амьдрах итгэл төрүүлнэ. Цаг хугацаа өнгөрөх тусам хайрцагны тоо багасаж, хайрцаг ирэхээ болих хүртэл би чин сэтгэлээсээ тэр хайрцагнуудыг нямбайлан хадгалж эхэллээ. Сүүлдээ тэд бэлэг дүүрэн ирдэг болж, хоосон хайрцагны тоо улам цөөрсөөр ангаарт замхарав. Жижигхэн ч гэсэн тэр хайрцагнууд сэтгэлд минь дотно. Жижигхэн ч гэсэн тэр хайрцгуудыг би хайраар дүүргэсэн юм. Ийн хайрцаг ирэхээ болив. Өдөр бүрийн ажилдаа дарагдаж шантрах нь холгүй байсан миний анхаарлыг өөртөө татаж, амрах, хайрлах ухааныг заасан нь энэ. Хайрцаг намайг зүглэхээ болиход миний дотоод ертөнцөд ганхашгүй мөнхийн ногоон модны үр суусан байсан юм.</p><p>Зүгээр л хоосон хайрцагны тухай ярьж байж юун уран яруу, уянгалаг үгс ашигладаг юм бэ дээ гэж та гайхаж магадгүй. Учир юуг нь одоо би тайлбарлаад өгье.</p><p>Хоосон хайрцаг бол миний анхаарлыг авч чадаагүй “би” юм. Хэн нэгэнд тоогдох, хэн нэгний анхаарал халамжинд байх хүсэлдээ автаж өөрийгөө бусдын хүлээлтэд хайрцаглаж орхисон “би” байгаа юм. Нийгмийн стандартад нийцэх гэсэн хүслийнхээ төлөөсийг би өөрийн хүсэл мөрөөдөл, идэвх зүтгэл, ирээдүйн итгэл найдвараараа төлсөн нь одоо бодох нь ээ юутай харуусал гунигтай хэрэг вэ. Энэ чинь миний онцлог, миний амьдрал, миний үзэл бодол гэж хашхирч, орилж чадахгүй би аажмаар хоосон хайрцаг болсон минь энэ. Хааяа хааяа өөртэйгөө нүүр тулж эдгээж анагаах шаардлагатай олон бодол, олон итгэл үнэмшилтэй тааралдана аа. Заримдаа би тэдгээрийг эдгээж чадах үед халамж дүүрэн бээлий, ороолт гарч ирдэг юм. Өөрөө өөртэйгөө нүүр тулж өөрөө “би” хичээсэн учраас гараар нэхсэн бээлийндээ хамгаас дуртай. Цаг минут өнгөрөх тусам би хайрцагнуудыг нямбайлж эхэлсэн нь өөртөө анхаарч, өөрийгөө хайрлаж эхэлсэн гэсэн үг юм. Хоосон хайрцагнуудын тоо багасаж эхлэхэд өөрийн онцлогоо арай ядан барьж тогтоосон хэрэг. Харин эцэс сүүлд нь хайрцаг ирэхээ болиход миний бүх анхаарал өөр рүү минь үзэсгэлэнт хүрхээ мэт цутгаж эхэлсэн юм шүү дээ.</p><p>Ийн би эзэнгүй шуудангийн хайрцагны эзнийг олж, өөртэйгөө дахин нэг удаа танилцсан юм.</p><img src="https://medium.com/_/stat?event=post.clientViewed&referrerSource=full_rss&postId=4f74b8253e77" width="1" height="1" alt="">]]></content:encoded>
        </item>
        <item>
            <title><![CDATA[Шанхай руу аялсан тэмдэглэл]]></title>
            <link>https://medium.com/@Sainaaia/%D1%88%D0%B0%D0%BD%D1%85%D0%B0%D0%B9-%D1%80%D1%83%D1%83-%D0%B0%D1%8F%D0%BB%D1%81%D0%B0%D0%BD-%D1%82%D1%8D%D0%BC%D0%B4%D1%8D%D0%B3%D0%BB%D1%8D%D0%BB-2d543ab34148?source=rss-835af640ef4a------2</link>
            <guid isPermaLink="false">https://medium.com/p/2d543ab34148</guid>
            <category><![CDATA[мэдрэмж]]></category>
            <category><![CDATA[аялалын-тэмдэглэл]]></category>
            <dc:creator><![CDATA[Sainaa]]></dc:creator>
            <pubDate>Wed, 05 Nov 2025 03:47:34 GMT</pubDate>
            <atom:updated>2025-11-06T05:21:19.015Z</atom:updated>
            <content:encoded><![CDATA[<h4>Мэдрэмжээр хөглөсөн бичвэр.</h4><p>Галзуу ч юм шиг даруухан ч юм шиг найзуудтайгаа зуны хэдэн өдөр Шанхай руу аялахаар шийдлээ. Тизээ аваад л догдлол дүүрэн анх удаа онгоцонд суусан минь 7 сарын 10-ны өдөр байв. Бүх зүйлсийг найзууд минь зохицуулаад, зохион байгуулаад төлөвлөгөөгөө гаргачихсан байсан тул сэтгэлд амар, биед ч тухтай байлаа.</p><p>Анх удаа найзуудтайгаа аялж байгааг хэлэх үү гиюүрч, гайхаж бахадсаар Шанхайн эргэн тойронд уусан шингэхтэй зэрэгцэн найзуудаараа мөн ч их бахархаж байв. Аль арван жилээсээ найзалсан алдаатай оноотой, харилцаатай харилцаагүй байж биедээ гомдож, туньж их л цаг хугацааг энэ хүрэх гэж зарцуулсан юм. Зүрхэндээ тээсэн шархнуудаа үл мэдэн амьдрах гэж тэмтчиж байсан жижигхэн охид байсан хэрэг л дээ. Одоо харин бүгд урдаа зорилготой, хийж бүтээх чин хүсэл эрмэлзэлтэй, өөрсдийгөө хэнээс ч илүү хайрладаг мундаг эмэгтэйчүүд болсон. Буурь суурьтай, бусадтай харилцах чадвартай, хэлтэй устай, зорилго чиглэлтэй тийм л охид болсон юм.</p><p>Гэмтсэн зүрхээ анагаах гэж их л цаг орж, дотоод ертөнцөө хайн бүдчихдээ салж явсан хэдий ч буцаад нийлэх цэг яагаад ч юм Шанхай байж таарав. Тэр дундаа дотоод хүүхдээ хангалттайгаас илүү баярлуулах хэмжээний Диснейлэнд орсон нь бүр ч сэтгэл зүрхийг анагааж, мэдрэмжийн холбооснуудыг минь дахин эрүүл бөгөөд зөвөөр холбож чадсан юм. Бид биесээ ойлгож, мэдэрч, оршин байгаагаар нь хүлээн зөвшөөрч байгаа нь надад тунчиг сайхан санагдаж билээ. Миний хувьд хааяа яг л хөгшин хүн шиг ач зээгээ харж байгаа аятай бахдаж, баярлах мэдрэмж төрж, сэтгэлдээ тээсэн зүрхнүүдийн инээмсэглэн хөгжилдөж байгааг хараад дусал нулимс унагааснаа нуух юун. Жаргал дүүрэн хөгжилтэй дусал нулимс. Нандин ч санагдана.</p><p>Ингээд Шанхайд болсон зүйлсээ мэдрэмжээр хөглөн дурсамжаар дүүрэн тэмдэглэл болгон энд үлдээе.</p><p>Шанхайд бид шөнийн 1 цагт газардав. Онгоцноос буугаад л чийглэг, бүгчим агаар угтахад хатгаа авч байсан уушгины минь хувьд хэдхэн секунд бартаатай зам шиг л санагдсан байх. Онгоцонд суух үед чих шуугьснаас болоод толгой өвдөж байсан ч догдлол дүүрэн байсан тул тэр өвдөлт юу ч үгүй өнөө чийглэг агаарт ууршин сарнисан юм. Бид Шанхайн Пудонг онгоцны буудлаас урьдчилсан захиалсан буудал руугаа таксидах гэтэл бөөндөө нэг таксинд багтахгүй учир хоёр хуваагдан сууцгаав. Тэндээс л бид сэтгэлээ нээцгээж эхэлсэн байх гэж бодож байна. Эхэндээ эх орноос минь ялгарах зүйлгүй байсан ч өнөө тэнгэр баганадсан өндөр, сүрлэг барилгыг хараад л аан нээрээ Шанхайд байгаа шүү дээ гэж дахин ухаарч байсан юм даг.</p><p>Дараагийн өдрүүдээс ёстой л алхана гэдгийг үзүүлж өгч, өгзөг гуяны булчин сайтай найз нарыгаа суудлын ажлын хийдэг би урт мөчтэй тулдаа л гүйцэж байснаа санаж байна. Үргэлжлүүлээд таксидаж нэг үзнэ, метродож нэг үзсэн дээ. Метро бол тээврийн хэрэгслийн гайхалтай шийдэл гэдгийг биеэрээ дахин нэг удаа мэдэрч авч билээ. Бид Шанхайн хотын төвөөр алхаж Шанхай товер, Хуангпу гол гээд л алдартай гэсэн бүгдийг нь үзэж гарлаа. Гудамжнуудын хийц сонирхол татаж хааяа Хятад улсад биш, европ-д байгаа билүү гэж бодогдмоор эртний европ загвартай барилгууд бишгүй олон байх нь нүдийг минь харин ч сайн хужирлаад авсан шүү. Энүүгээр, тэрүүгээр гээд маш олон хүн, бүр яг л шоргоолжны үүр шиг. Нар жаргаж, үдэш аажмаар ирэхэд хүмүүсийн тоо улам л олшрон нэмэгдэх нь бага зэрэг тухгүй санагдаж билээ. Эх орондоо байхдаа л хүнтэй шүргэлцэж зөрөх дургүй надад Шанхайд ирээд мөрлөхгүй л бол бараг явахгүй хэмжээний их хүн дунд байна гэдэг тухгүй мэдрэмж төрүүлэхээс өөр яах билээ.</p><p>Үнэндээ энд цугларсан хүмүүс Шанхай товер, хажууд нь байрлах сүртэй том барилгуудын гэрэл асахыг хүлээж, зураг даруулахыг хичээсэн хүмүүс байв. Бид нартай л адил. Бид ч дураараа хамаа намаагүй олон зураг дарж, хичээж нэг гайгүй поз авах гэж үзэж, инээлдэж хөхрөлдөж бас үзэн хэд хэдэн гоё зургуудтай болоод амжлаа. Эл өдөр ингээд дууссангүй ээ, бид буудалдаа ирээд хөгжилтэй картан тоглоомууд тоглож унтахаасаа өмнө бараг тоглоомон бясалгал хийгээд амжив.</p><p>За ингээд бидний хүсэн хүлээсэн Диснейлэнд. Бусад орны дисней-ээр бараг бүгдээр нь аялж үзсэн найзууд маань хэлэхдээ Шанхайн Дисней хамгийн гоё нь гэж дурдав. Тэр ч үнэн байв. Зүүтопиа хот тэр чигтээ тэнд амилж бүх дүрүүд нь гарт баригдаж, нүдэнд үзэгдэхүйц гайхалтай гэгч нь бодитоор бүтээгдсэн байснаас эхлээд Mickey avenue, seven dwarf mine train, disney pixar Toy story land, Tomorrowland, Fantasyland, Pirates of the Caribbean гээд л бүх зүйл нь хүүхэлдэйн кино болон кинон дээрээ гардагтай яг таг ижил байв. Далимд нь ямар их хөгжилтэй, инээдтэй, гоёмсог зургууд авсан гэж санана. Тоглоод л тоглоод л… ёстой л дотоод хүүхдээ нэг сайн баярлуулаад авсан даа. Яахав мэдээж нэг тоглоом дээр нэг цаг хүлээнэ, халуун наранд оочирлож зогсох хэцүү, залхмаар байсан ч тоглосны дараа бол оочир дараалал гэдэг зүйлийг бодлынхоо марталтын хөндий рүү хээв нэг хаяж орхисон байлаа. 3 тоглоом дээр тоглох premium access- тай тасалбар авсан тулдаа хамаагүй их тоглоом дээр тоглож амжсан. Өдрийн төгсгөлд мэдээж галт наадам болж хаа сайгүй өнгөөр солонгорч, дүрсээр чимэглэсэн салютууд буудаж, бидний сайн мэдэх диснеэйн дуунууд чих дэнсэлгэм чангаар хангинаж, өнөө алдартай логоны ордон дээр асар том хүүхэлдэйн киноны дүрслэл бууж амилсан мэт мэдрэмжийг асар тодоор өгснийг нь хүлээж авсаар эл өдөр өндөрлөсөн юм.</p><figure><img alt="" src="https://cdn-images-1.medium.com/max/1024/1*X2N2SrBaREeuBi4uXMQdug.png" /><figcaption>Sorry for posting this picture, girls. There was no other way. O_O</figcaption></figure><p>За тэгээд маргаашнаас нь үргэлжлүүлээд олон газраар явсны онцолмоор санагдсан хоёр газар бий. Нэг нь Астрономи музей, нөгөө нь Далайн парк байлгүй яахав.</p><p>Астрономи музей нь анх 2024 онд нээлтээ хийж дэлхийн ямар ч өнцөггүй загвартай барилгаараа нэлээдгүй шуугиулаад авсан. Нээлтээ хийснээс нь хойш орно доо гэж бодсоор эл өдөр боломж олдсон нь мэдээж. Орчлон ертөнцийн үүслээс эхлээд тоос тоосонцор, гараг ертөнц, сүүн зам, солирын чулуу гээд л байхгүй зүйл байсангүй. Дэлхий, сар, нарыг яг бодитоор хийж харанхуйд гэрэлтэж буй нь сансарт ниссэн мэт бодит бус мэдрэмжийг төрүүлж, улам л цааш, гүн рүү нь дүүлмээр санагдаж билээ. Пуужин, хиймэл дагуул хэрхэн ажилладаг, ямархуу бүтэцтэй, ямархуу тоноглол төхөөрөмжтэй зүйл гэдгийг гараар мэдэрч, нүдээр харах боломжийг энэ музейгээс олж авсан нь туйлын сонирхолтой туршлага болсон юм. Мэдээж энд байгаа зүйлсийг яриад дуусах биш дээ- хүүхдүүдэд зориулсан туршилтын жижиг төхөөрөмжүүд нь ямар хөөрхөн ухаалаг байсныг дурдаад эл хэсгийг энд нь дуусгахаар шийдлээ.</p><p>Далайн амьтдыг, туйлын мөсөнд амьдардаг амьтдыг харахаар үргэлжлүүлэн явлаа. Тодорхой хэмжээнд бага зэрэг догдлол байсан ч шилний цаана харагдах цагаан баавгай, цагаан үнэг зэргийг хараад сэтгэл эмтрэх шиг л болов. Эерэг мэдрэмжтэй ирсэн бид нар үүнийг төсөөлөөгүй байсан нь тун гунигтай мэдрэмжид шууд автахад хүргэж билээ. Цаашаа бага зэрэг урамгүй- гэхдээ үзэж хармаар байсан зүйлсээ үзсэн. Тэнд шилэн дотор байгаа гэдгээ ажрахгүй, сахилгагүйтэн сэлэх оцон шувуунууд тун чиг сайн сэтгэлийг минь дээрдүүлсэн ажээ.</p><p>Зиаг ингээд бид хэдэн өдөр шөрмөсөө таттал алхаж, өөрсдийн аяллын хөтөлбөрөө өөрсдөө гарган тэмүүлж, тэрхэн цаг хугацааг юунд ч санаа зоволгүй баяр баяслаар дүүрэн өнгөрөөсөн юм даг.</p><p><em>Жич: Ганцхан миний шөрмөс татсан юм аа кк.</em></p><img src="https://medium.com/_/stat?event=post.clientViewed&referrerSource=full_rss&postId=2d543ab34148" width="1" height="1" alt="">]]></content:encoded>
        </item>
        <item>
            <title><![CDATA[Уур хилэн /Алекс Михаэлидес/ номын тэмдэглэл]]></title>
            <link>https://medium.com/@Sainaaia/%D1%83%D1%83%D1%80-%D1%85%D0%B8%D0%BB%D1%8D%D0%BD-%D0%B0%D0%BB%D0%B5%D0%BA%D1%81-%D0%BC%D0%B8%D1%85%D0%B0%D1%8D%D0%BB%D0%B8%D0%B4%D0%B5%D1%81-%D0%BD%D0%BE%D0%BC%D1%8B%D0%BD-%D1%82%D1%8D%D0%BC%D0%B4%D1%8D%D0%B3%D0%BB%D1%8D%D0%BB-076eeceaefc5?source=rss-835af640ef4a------2</link>
            <guid isPermaLink="false">https://medium.com/p/076eeceaefc5</guid>
            <category><![CDATA[нийтлэл]]></category>
            <category><![CDATA[номын-тэмдэглэл]]></category>
            <dc:creator><![CDATA[Sainaa]]></dc:creator>
            <pubDate>Thu, 28 Aug 2025 11:46:48 GMT</pubDate>
            <atom:updated>2025-08-28T11:46:48.967Z</atom:updated>
            <content:encoded><![CDATA[<h4>Хайр тээсэн сэтгэл уур хилэнгийн шуурганд өртөхүйд тэр хэний аминд хүрэхсэн билээ.</h4><p>Энэхүү ном нь 2024 онд бичигдсэн. Бидний мэдэхээр “Хэлгүй өвчтөн” зохиолыг бичсэн Алекс Михаэлидес зохиолчийн дараагийн сэтгэл зүйн триллер болох “Уур хилэн” гарчигтай сонирхолтой номыг өнөөдөр танилцуулах нь.</p><p><strong><em>Сануулж хэлэхэд “Уур хилэн” номыг уншаагүй бол энэхүү нийтлэл тэр чигтээ спойлор болно гэдгийг анхааруулмаар байна.</em></strong></p><p>Мэдээж энэ номыг худалдаж авахдаа зохиолчийнх нь өмнөх зохиол надад нэлээдгүй нөлөөлсөн хэрэг. Хэлгүй өвчтөн бол тун сонирхолтой зохиол. Сэтгэл зүйч мэргэжилтэй хүний хувьд уншихад тун чиг бодууштай тэгсэн хэрнэ өдөр шөнө, цаг минут тутамд урдаа уяж, зүрхийг минь ховсдож нүднээсээ салгаж чадахааргүй ном байлаа. Уур хилэн номын хувьд бол хэлгүй өвчтөн зохиолоо арай гүйцэхгүй хэдий ч сэтгэл хөдлөл, мэдрэмж дундаа уур хилэн- хайр гэсэн хүн төрөлхтний хамгийн хүчтэй хоёр мэдрэмжийг сонгон хүүрнэн өгүүлж сийрүүлсэн нь сэтгэлд минь бага зэрэг гуниг хуруулахад хүрсэн юм.</p><p>Эхлэл бол мэдээж сонирхолтой. Гол дүрийн баатар болох Эллиот маань хайртай нэгэн болох дарь эхтэй зүйрлэн дээдэлдэг Ланагийнхаа тухай бичиж эхлэхдээ үзэгчдийг өөрийн зохиолын ертөнцөөс уйдаахгүйн тулд аллагын түүх хэмээн өгүүлдэг. Үйл явдлыг уншиж байж мэдэрч ойлгох учир энд хүүрнэн өгүүлж илүү үйлдэл хийх юун. Гагцхүү энэ номноос мэдэрсэн мэдрэмжээ мэдиүм дээрээ шивэн илэрхийлэхгүй бол цээжин дотор минь багахан хөндүүрлэх уйтай мэдрэмжийн далай дотоод сэтгэлд минь буглачих мэт санагдана. Тиймээс шууд эхлэе.</p><figure><img alt="" src="https://cdn-images-1.medium.com/max/1024/1*44aVm8lLhuktv0gwWJTumA.jpeg" /><figcaption>❤</figcaption></figure><p>Эхэндээ номыг уншиж байхад сургамж авахаар үг өгүүлбэр тун их байлаа. Уран зохиолын нэг гайхамшиг нь дүрийн мэдрэмжийг зүрхэндээ шивж тархиндаа тунгаах хүртэл сайтар хүүрнэдэг тул зог тусгам, зүрх хөндүүрлүүлэхээр голоо оносон өгүүлбэрүүд байх нь их. Энэ ч зорилгоо гайхалтай сайн биелүүлсэн нь миний сэтгэл дэх хэдэн зуун цоожны томоохон нэг цоожийг тайлж чадсан юм.</p><p>Зохиолын эхэн, дунд, өрнөл, төгсгөл хэсгүүдэд бүгдэд нь өөр өөр мэдрэмжийг хэдэн янзаар өгч байсан ч цаад утга агуулга нь төгсгөлд нь тайлагдахад “Уур хилэн” номоос авах мэдрэмж тэр чигтэй нэгэн бүхэл болсон юм. Гуниг. Эл мэдрэмжийг тайлбарлахыг тулд бичээч би хэлсэн үгнээсээ буцаж зохиолын үйл явдлыг тунчиг богино хэлбэрээр тайлбарлахаас өөр аргагүйд хүрлээ.</p><p>Эллиотын бага нас хэцүү гэхээс илүү харгис үл хайхрал, доромжлол, ялгаварлал дунд өнгөрсөн. Гэрээсээ зугтахдаа алдартай ахимаг насны зохиолчтой таарсан нь түүний хараал идсэн ертөнцийг аварсан ч гэх үү алсан ч гэх үү үйлийн үртэй учрал болсон юм. Мэдээж залуу хүүгээс авах зүйл юу ч байгаагүй хэдий ч хөгшин эм Эллиотын биеийг өөрийг нь тэжээсний хариу болгон унтахаасаа өмнө хэдэн шил мартини уучхаад бахаа ханатал гачигдаж дутагдсан биеийнхээ хэрэгцээнд ашигладаг байж. Сүүлд хэлэхнээ тэр эм Эллиотыг үзэшгүй муутай харьцуулан зүйрлэсэнээ сонирхолтой судлагдахуун хэмээн дурдсан нь зохиолчийн сониучирхал эсвэл ямар нэг гаж туршилт нь байж болох. Уншигчийн хувьд энэ эмгэн үхсэн нь ч болсон юм. Угаас Эллиотын хайрын амьдралыг сүйрүүлж, баллаж тавьж бахаа ханатал инээснээрээ эл дүрийн үүрэг энэ хүрээд л дууссан буй за.</p><p>Эллиотын надад мэдрүүлсэн мэдрэмж энэ номыг уншиж дууссан гуниг хурсан уйтай хуурай мэдрэмжтэй шууд холбогдоно. Өрөвдөлтэй гэхээсээ илүү хайрлагдахыг хүссэн дотоод хүүхэд нь дэндүү ихээр хашхирсан ч ертөнц түүнээс урвахыг мэдэрчхээд алах сэдлээ арай хийн дотроо нуун хайртай нэгнээ дэргэдээ байлгахыг л хүссэн жаахан хүүгийн түүх. Бодит байдлаас зугтахын тулд элдэв балай зүйлс төсөөлсөөр жүжгийн зохиолч мэргэжлийг сонгон хий төсөөлөлд өдөржин шөнөжин автан суудаг нэгэн. Өөрөө өөрийгөө сайн хүн гэдгийг батлах гэсэн өрөвдөлтэй хүү — далд сэдлээ тэмдэглэж үлдээсэн нь хайртай Лана нь түүнээс урвах гол шалтгаан болсон юм. Хорвоо дэлхий дээр анх удаа хайр гэдгийг мэдрүүлж, сайн хүн байх багийг зүүх хүслийг нь усалж нийгмийн стандарттай нийцэхийг шаардан түлхсэн Лана — түүнийг түмний шившиг, ертөнцийн доог болгож орхисон юм. Эцэс сүүлдээ өөрийгөө ч буруутгаж чадахгүйгээр барав Ланад хайртай гэхээс өөр ямар ч мэдрэмж үлдээгүй хоосон харцаар өөрийгөө ширтчхээд бурхантай гар барьсан биз ээ.</p><p><strong>Эллиот хайрлуулахыг л хүссэн.</strong></p><blockquote>Сэтгэл нь шархалсан, сэмэрч гундсан хүн өөрийн мэдэлгүй чөтгөрийн тойрогт орчихдог юм. Хайрлуулахын төлөө үхэн хатан зүтгэнэ. Гэтэл тэр хайр нь ирлээ ч мэдэрч, эдэлж чаддаггүй. Яагаад гэвэл хүн нүүрэндээ зүүсэн баг, хуурамч төрхийг нь биш, харин бусдад хэзээ ч харуулж байгаагүй, дотор нь нугдайн суугаа сул дорой, <strong>айж эмээсэн хүүхдийг л хайрлаасайн гэж хүсдэг юм.</strong></blockquote><p>Эллиотын өөрийгөө ийн илэрхийлсэн эшлэлийг номын хавтасны арын хэсэгт буулгасан нь энэ зохиолыг төгс илэрхийлсэн нэгэн цогцолбор болсон нь илт.</p><p>Үнэнээс зугтах хэн бүхэнд амархан. Үүнийг ч энэ номын гол дүр хэдэнтээ дурддаг. Зохиолын төгсгөл хэсгийг уншихад гар салганан сэтгэлд минь түгшиж, өрнөл төгсөж буй үг өгүүлбэрээс зугтмаар санагдаж байснаа нуух юун. Эл хэсэгт хайр хайсан жаал хүү уур хилэнгийн шуурганд сэтгэлээ алдаж хайрт Ланагийнхаа нөхөр Жэйсон гэх залууг хөнөөх төлөвлөгөөндөө өөрөө баригдан үзээрийн муухайгаар дооглуулж Ланагийн жүжиглэлтийн өрөвдөлтэй золиос болсон түүхтэй юм. Эллиот хэдэн удаа өөрийгөө үзээрийн заваан, эвгүй гаж гэж шошголсныг уншигч би тоолж баршгүй нь. Гунигтай төгсгөл. Өрөвдөлтэй түүх. Хайр агуулсан аллагын түүх ийн үргэлжилж, ийн өндөрлөсөн юм.</p><p>Одоо харин би сэтгэлд тод үлдсэн, тархинд гүн шигдсэн эшлэл болох цогцолбор аль эсвэл бяцхан жижигхэн өгүүлбэрүүдийг мэдрэмжээрээ тайлан сийрүүлэх гэж буй. Таалан сууж тухлан уншина гэж найдна.</p><h4>Хайрлаж, суралцаж тэмдэглэсэн номын хэсгүүдээс…</h4><ol><li><strong>Грекийн философич Хераклит ийн хэлсэн байдаг юм. <em>Зан төлөв бол заяа тавилан гэж.</em></strong></li></ol><p>Эгээтэй эл өгүүлбэрийг уншчхаад би үл ойлгон гайхаж суухад арын өгүүлбэрээс эхлээд тайлбар хэсгүүд урсана. Тэднийг энд товчоор өгүүлбэл орчин үеийн сэтгэл судлалын заслын үндэс суурь болох онол, үзлүүд явж. Мэдээж зохиолд бол уран сайхны хэллэгтэй байж таарна.</p><p>Товчоор өгүүлбэл, бага насандаа сэтгэл зүйн гэмтэл авсан бол ирээдүйд насанд хүрсэн ч бидний үйл хөдлөл, бодол санаанд албин чөтгөр хэлбэрээр нөлөөлсөөр байх болно. <strong>Хайр мэдрээгүй хүү </strong>— бага насны жаргал хайр гээчийг эдлэлгүй насанд хүрчхээр хайрлагдахын төлөө үхэн хатан зүтгэж, хайртай нэгнээ ч тэр, өөрийгөө ч тэр хамгийн хүчтэйгээр гэмтээж орхидог нь лав. Энэ бол энэ номны барьж авах ёстой гол санаа. Хайрласан хайр нь уур хилэн болон уурсаж эцэс сүүлдээ хэн нэгний аминд хүрэх болсон гол шалтгаан.</p><p>Зохиолч нь Эллиотыг маш сайн дүрсэлж мэдрэмж бүрийг нь цээжнийхээ гүнээс илэрхийлж бичсэн мэт хэтэрхий бодит байсан тул надад нэгэн бодол цухасхийн өнгөрсөн. “Зохиолч нь магадгүй Эллиоттой адилхан мэдрэмжийг арай өөр туршлагаар мэдэрч байсан байх нь”. Надад ч ялгаагүй тийм мэдрэмж мэдэрсэн үеүүд бий. Нүүр тулахад шаналалтай, тавьж явуулахад гаслантай.</p><p><strong><em>2. Там гэж зовлон шаналалаар дүүрсэн буцлам халуун тогоо биш. Үнэн хэрэгтээ там бол эс оршихуй. Эзэн бурхны ивээлээс алсран холдох явдал юм. Эзэн бурхнаас эгнэгт холдож тасарна гэдэг өөрөө там.</em></strong></p><p>Ямар ч төрлийн зохиол дээр бурхан чөтгөр хоёр дурдагддаг байх. Угаас эл хоёр хорвоогийн эсрэг тэсрэг туйл хэдий ч хүний мөн чанар дээр хоёул амилах ид шидтэй. Эзэн бурхан, албин чөтгөр ярьсан л бол бид бүхий л шашинд дурдагдах там болон диваажингийн тухай ойлголтыг мэдэх хэрэгтэй болно. Олон янзаар тайлбарлана аа. Төсөөлсөн төсөөлөл бүрээ үнэн гэж итгэнэ. Гэхдээ дээрх өгүүлбэрийг уншаад тэнэг хүн тэг дундуур нь гэгчээр яг голд төгс гэмээнэ оносон мэт санагдана. Магадгүй энэ зөвхөн миний мэдрэмж, миний бодол.</p><p>3. За эхлээд доор харагдах тодруулж, тойруулсан хэдхэн өгүүлбэрийг уншаасай гэж хүсэж байна. Цаашид ч гэсэн иймэрхүү хэв загвараар явах тул ойлгон гэж итгэж буй.<strong><em> Эл өгүүлбэрт дотоод хүүхэд нь гэмтсэн насанд хүрсэн хүний мэдрэмж, сэтгэгдлийг өгүүлсэн байх болно.</em></strong></p><figure><img alt="" src="https://cdn-images-1.medium.com/max/1024/1*HtfamBZRY_1kOlTAPIcm2Q.jpeg" /><figcaption>Магадгүй ингэж people pleaser хүмүүс үүсдэг ч байж мэднэ.</figcaption></figure><p>4. Эллиотыг зохиолч гэж хэлсэн дээ. Тэрээр жүжгийн зохиол сийрүүлэн суухдаа тэдний хувь тавиланг хаашаа эргүүлж, яаж сэдэлжүүлж хэрхэн дүр бүрийг үнэ цэн, утга учиртай болгож зорилгод хүрэхийг төлөвлөж суудаг. <strong><em>Эл хэсэгт тэрээр дүрийнхээ сонголтын тухай хүүрнэж буй хэдий ч бодит байдал дээрх хачин үнэнийг хээв нэг дэлгэж орхисон юм.</em></strong></p><figure><img alt="" src="https://cdn-images-1.medium.com/max/1024/1*zxjW3EUnteIaD_CTnRqtRA.jpeg" /><figcaption>Дүрийн хөгжил зохиолд чухал шиг бодитоор орших хүний хөгжил сонголтоос нь шалтгаалах биз ээ.</figcaption></figure><p>5. Мэдээж дотоод хүүхдийн тухай дурдагдаж, бүр ч болоогүй гол утга санаатай нь гүн гүнзгийгээр холбогдсон учир сэтгэл зүйч зайлшгүй гарах ёстой. Энд бид эдгэрэлийн тухай ярина. Хүн бүр эдгэрэл гэдэг юу болохыг мэдэх ч хэн ч нүүр тулж, хэн ч хүлээн зөвшөөрдөггүй бөгөөд сэтгэлийнхээ харанхуй гүнд байх хуучирч муудсан зэвэрч хорчийсон агуйг мөлтгөр биш арзгар чулуугаар хаалга хэсгийг нь хаан эгнүүлэн өрж далдаас далд, гүнээс гүнд нууж орхидог биз ээ.</p><blockquote><strong>Эдгэрээгүй зүрх хэнийг ч хайрлаж үл чадна. Гэмтсэн сэтгэлээр өөрийгөө байтугай өрөөлийг хайрлан энэрнэ гэдэг өөрөө боломжгүй. Анхаарал, халамж хүссэн бяцхан зүрх хайраар дүүрээгүй цагт уур хилэн, үзэн ядалт түүнийг эзэгнэн түрэмгийлэх нь гарцаагүй. — СА</strong></blockquote><figure><img alt="" src="https://cdn-images-1.medium.com/max/1024/1*m9opfkBUoCRKN_Jnq4hWvQ.jpeg" /><figcaption>Хэрвээ таны сэтгэл зүрх гэмтсэн бол та түүнийгээ эдгээхийг хүсэж эхэлсэн л бол өнгөрсөнд мэдэрсэн тэр харанхуйгаа дахин туулж хүлээн зөвшөөрөн тавьж явуулах хэрэгтэй.</figcaption></figure><p>6. Энэ хэсэг их сонирхолтой. Уг номын үйл явдал юу гэмээр ч юм араар тавилтаар сэдээлт өгөөд цааш хайр- уур хилэнг буцалгадаг. Зөвтгөж байгаа шалтгаан нь хууран мэхлэлт ч юм шиг. Дургүй хүргэм хэсэгхэн өгүүлбэр зарим хүмүүст бодит байдлыг өгүүлдэг нь тун сэртхийлгэм байх юм.</p><figure><img alt="" src="https://cdn-images-1.medium.com/max/1024/1*muJDetE6_mrXLRmOkleTjQ.jpeg" /><figcaption>Энийг уншаад хэзээ ч бодож байгаагүй зүйлээ уншсан юм. Хууран мэхлэлт зайлшгүй байх ёсгүй зүйл атал…</figcaption></figure><p>7. Энэ хэсэг зүрхэнд минь шивж үлдсэн үгсийн цуглуулга болсон юм. Хэлээд хэрэггүй байх уншигдаад мэдрэгддэг зүйл.</p><figure><img alt="" src="https://cdn-images-1.medium.com/max/1024/1*4BkJSbA0z30mqBOAtr1Yjg.jpeg" /><figcaption>Хүн бүр дотоод хүүхдийнхээ бяцхан гараас хөтлөөд чангаас чанга дулаахан гэгч нь тэврэлт өгөөсэй.</figcaption></figure><figure><img alt="" src="https://cdn-images-1.medium.com/max/1024/1*PMjZvS-_H393q58lG2ixgw.jpeg" /><figcaption>Яахав. Энэ бол зүгээр номтойгоо, өөртэйгөө ярьж бичдэг зүйлээ харуулж байгаа юм аа кк</figcaption></figure><figure><img alt="" src="https://cdn-images-1.medium.com/max/1024/1*XoV9C8i9b0Jnn2Oy-CHNEg.jpeg" /><figcaption>Худлаа зүйлдээ хүртэл өөрөө тэр чигт нь итгэчихдэг байх аа.</figcaption></figure><p>Эцэст нь хэлэхэд, уран зохиолын ертөнц таныг олон дүрйин амьдралаар амьдруулж, олж чадаагүй мэдрэмжийн чинь хариуг өгдөг юм. Хайр гэдэг магад цэвэр ариун зүйл хэдий ч хайрлагдаж чадаагүй зүрх уур хилэнгээр буцлан шуурахад жинхэнэ хайр учран ирэхэд аль хэдийн амиа бурханд өргөсөн байх вий.</p><img src="https://medium.com/_/stat?event=post.clientViewed&referrerSource=full_rss&postId=076eeceaefc5" width="1" height="1" alt="">]]></content:encoded>
        </item>
        <item>
            <title><![CDATA[Зүрхний цохилтдоо тааруулан өөхөө шатаах нь илүү үр дүнтэй]]></title>
            <link>https://medium.com/@Sainaaia/%D0%B7%D2%AF%D1%80%D1%85%D0%BD%D0%B8%D0%B9-%D1%86%D0%BE%D1%85%D0%B8%D0%BB%D1%82%D0%B4%D0%BE%D0%BE-%D1%82%D0%B0%D0%B0%D1%80%D1%83%D1%83%D0%BB%D0%B0%D0%BD-%D3%A9%D3%A9%D1%85%D3%A9%D3%A9-%D1%88%D0%B0%D1%82%D0%B0%D0%B0%D1%85-%D0%BD%D1%8C-%D0%B8%D0%BB%D2%AF%D2%AF-%D2%AF%D1%80-%D0%B4%D2%AF%D0%BD%D1%82%D1%8D%D0%B9-32eddd56ce42?source=rss-835af640ef4a------2</link>
            <guid isPermaLink="false">https://medium.com/p/32eddd56ce42</guid>
            <category><![CDATA[дасгал-хөдөлгөөн]]></category>
            <category><![CDATA[эрүүл-мэнд]]></category>
            <dc:creator><![CDATA[Sainaa]]></dc:creator>
            <pubDate>Thu, 13 Feb 2025 05:54:11 GMT</pubDate>
            <atom:updated>2025-04-07T05:43:13.820Z</atom:updated>
            <content:encoded><![CDATA[<h4><strong>“Fat Burn Heart Rate Zone” (Өөх шаталтын зүрхний цохилтын хязгаар) болон HIIT дасгал</strong></h4><p>Бидний бие бол байгалиас бүтээсэн гайхамшиг. Үүнийг судлахад бидэнд шинжлэх ухаан гайхалтай тус нэмэр болдог. Тэгвэл бид биед хуримтлагдсан өөхөө хэрхэн шатаах тухай шинжлэх ухаанаар дамжуулан дараах мэдлэгийг авч болно. Үүний нэг нь өөхөө шатаахдаа зүрхний цохиолтын хязгаартаа тохируулан дасгал хөдөлгөөн хийснээр шатааж болно гэсэн ойлголт юм. Дэлгэрэнгүй тайлбарлабал,</p><p>Өөх шатаах зүрхний цохиолтын хязгаараа бид мэдэж авснаар дасгал хөдөлгөөнөө биедээ тохируулан хийж ачааллаа тэнцвэржүүлж илүүдэл өөхөө шатаах боломжтой болж буй юм.</p><p>Өөх шатаах зүрхний цохилтын бүс нь таны бие нүүрс ус биш, өөх тосыг илүү ихээр энерги болгон ашиглаглаж эхэлдэг зүрхний цохилтын хүрээг хэлнэ. Энэхүү бүс нь ихэвчлэн зүрхний цохилтын (HRmax) 50–70% байдаг.</p><h4>Яагаад Fat Burn чухал вэ?</h4><ol><li><strong>Өөхийг түлш болгон ашигладаг.</strong><em> Энэхүү зүрхний цохилтын бүсэд цохиолтоо барин дасгал хийх үед бие нүүрс ус биш өөх тосыг шатаадаг байна.</em></li><li><strong>Тогтвортой дасгал хийх боломжтой. </strong><em>Хэт их ядрахгүйгээр удаан хугацаанд тэнцвэрээ хадгалан дасгал хийж болдог.</em></li><li><strong>Зүрхний эрүүл мэндэд тустай.</strong> <em>Хэт өндөр ачаалал байхгүй учир зүрхний үйл ажиллагаанд эерэг нөлөөтэй.</em></li></ol><h4>За тэгвэл бид өөх шатаах зүрхний цохилтоо хэрхэн тооцоолох вэ?</h4><ol><li>Бид эхлээд байж болох хамгийн их зүрхний цохилтоо хэд байхыг тооцож олох хэрэгтэй.</li></ol><h4>HRmax = 220 — нас</h4><ul><li>Та 220 гэдэг тооноос өөрийн насыг хассанаар өөрийн HRmax-аа мэдэх юм. Энэ нь ерөнхийлсөн томъёо бөгөөд хувь хүний биеийн байдлаас хамаарч бага зэрэг өөрчлөгдөж болно.</li><li><strong><em>Жишээ нь:</em> </strong>23 настай хүний HRmax 197 bpm байна. /220–23=197 bpm/</li></ul><p>2. Өөх шатаах зүрхний цохилтын бүсийг тодорхойлох</p><ul><li>Доод хязгаар (50%) → 197 х 0.50 = 98 bpm</li><li>Дээд хязгаар (70%) → 197 x 0.70 = 138 bpm</li></ul><p>Тиймээс 23 настай хүний өөх шатаах зүрхний цохилтын бүс 98–138 bpm байх нь. Илүү дэлгэрүүлж ойлгомжтой байдлаар хүргэхийн тулд доор хүснэгтээр харуулж байна.</p><h3>Дасгалын төрөл болон зүрхний цохилтын бүс</h3><figure><img alt="" src="https://cdn-images-1.medium.com/max/1024/1*4N7KVDd6_FQ8K1p5vKv5kg.png" /><figcaption>❤</figcaption></figure><p>Тэгвэл бид энэхүү мэдлэгийг олж авснаар илүүдэл жингээ буруулах, өндөр ачаалалтай дасгалд дасах, зүрх судасны үйл ажиллагаагаа дэмжих, булчингийн ачааллийг нэмэгдүүлэх зорилгоор ашиглаж болох нь байна.</p><h4>Тэгвэл бид Зүрхний цохиолтоо хэрхэн хянаж хэмжих вэ?</h4><ul><li>Дасгал хөдөлгөөн хийж байх үедээ <strong>ухаалаг цаг</strong> эсвэл <strong>ухаалаг утасны апп</strong> ашиглан хянаж, хэмжиж болно.</li><li>Гараар хэмжих бол <strong>хүзүү болон бугуйн судсаа 15 секундын турш тоолж 4-өөр үржүүлэхэд</strong> болно.</li></ul><p>Ямар ч аргыг зөв ашиглаж байж үр дүнгээ өгнө. Энэхүү арга ч ялгаагүй. Өөх шатаах үйл явц нь удаан явагддаг тул тогтвортой, урт хугацааны дасгал шаардлагатай. Энэ нь ч эрүүл мэндэд нэн тустай байдаг.</p><p>Эцэст нь энэхүү дасгалын тухай дүгнэж хэлбэл, энэхүү арга нь хэт ядрахгүйгээр өөх шатаах үр дүнтэй аргуудын нэгт тооцогддог. 23 настай хүний хувьд зүрхний цохилт 98–138 bpm дотор байвал хамгийн их өөх шаталт явагдана. Мөн ямар нэг дасгал хийхдээ зүрхний цохилтоо хянаж 30–60 минут үргэлжлүүлбэл илүү үр дүнтэй байдаг байна. Илүү хурдан үр дүн авахыг хүсвэл <strong>кардио болон HIIT дасгал</strong> хавсаргаж хийх нь сайн байх нь ээ.</p><h4>Кардио гэж юу вэ?</h4><p>Кардио гэдэг нь тодорхойлж хэлбэл зүрх судасны үйл ажиллагааны тогтолцоог сайжруулж, биеийн тэсвэр тэвчээрийг нэмэгдүүлэх дасгалыг хэлдэг. Энэ төрлийн дасгал нь удаан хугацаанд тогтвортой ачаалал өгдөг тул өөх шатаах, зүрхний үйл ажиллагааг дэмжих зорилготой 30–60 минутын турш тогтмол хийдэг дасгал юм.</p><p>Жишээ нь: алхах /walking/, гүйх /jogging, running/ , дугуй унах /cycling/, усанд сэлэх /swimming/, бүжиглэх /dance cardio/, олс харайх /jump rope/.</p><h4><strong>HIIT гэж юу вэ?</strong></h4><p>HIIT гэдэг нь өндөр эрчтэй хэдий ч амралттай дасгал юм. Энэхүү дасгал нь богино хугацаанд өндөр ачаалалтай дасгал хийж, дараа нь бага зэргийн амралт авч давтах зарчимтай.</p><p>HIIT нь хүний <strong>аэробик</strong> (хүчилтөрөгчийн оролцоотой) болон <strong>анаэробик</strong> (хүчилтөрөгчгүй) энергийн системүүдийг зэрэг ашигладаг.</p><ul><li><strong>Анаэробик систем</strong> (Фосфаген ба Гликолитик замууд): Богино хугацаанд өндөр хүчдэлтэй дасгал хийхэд ашиглагддаг. Энэ үед булчинд хурдан ATP (аденозин трифосфат) нийлэгжиж, гликоген хурдан задран энерги үүсгэдэг.</li><li><strong>Аэробик систем</strong> (Исэлдэх зам): Завсрын бага эрчимтэй амралтын үе шатанд илүү их ашиглагдаж, булчингийн сэргэлтийг хангадаг.</li></ul><p>HIIT-ийн гол давуу тал нь <strong>EPOC</strong> буюу дасгалын дараа хүний бие илүү их хүчилтөрөгч ашиглан энергийн зарцуулалтыг нэмэгдүүлдэг үзэгдэл юм. Энэ нь <strong>“afterburn effect”</strong> гэж нэрлэгддэг бөгөөд дасгал дууссаны дараа ч өөх шаталт үргэлжилдэг.</p><p><strong>Судалгааны баримт:</strong></p><ul><li>Шведийн Каролинска институтын 2013 оны судалгаагаар HIIT нь өөхний хүчил задрах процессыг нэмэгдүүлж, <strong>инсулины мэдрэг чанарыг сайжруулдаг</strong> болохыг тогтоожээ (Little et al., 2013).</li><li><strong>American College of Sports Medicine (ACSM)</strong>-ийн судалгаагаар HIIT нь <strong>ердийн тогтмол кардиотой харьцуулахад 6–15%-иар илүү калори шатаадаг</strong> болохыг тогтоосон.</li></ul><p>HIIT нь <strong>митохондрийн биогенез</strong> буюу эс дэх митохондрийн тоо, үйл ажиллагааг нэмэгдүүлдэг. Энэ нь <strong>булчингийн тэсвэртэй байдал</strong>, <strong>эрчим хүчний үйлдвэрлэл</strong>, <strong>бодисын солилцооны хурд</strong>-ыг сайжруулдаг.</p><p><strong>Судалгааны баримт:</strong></p><ul><li>Gibala et al. (2006) — HIIT нь <strong>урт хугацааны тогтмол аэробик дасгалтай адил түвшний митохондрийн өсөлтийг бий болгодог</strong>.</li><li>Burgomaster et al. (2008) — Зөвхөн 2 долоо хоногийн HIIT-ийн дараа <strong>митохондрийн ферментүүдийн идэвхжил</strong> 35%-иар өссөн нь тогтоогдсон.</li></ul><h4>Эх сурвалж:</h4><p><strong>Өөх шаталтын зүрхний цохилтын бүс (Fat Burn Heart Rate Zone):</strong></p><p>Healthline. (n.d.). <em>Fat-Burning Heart Rate: What is It, How to Calculate, and Chart by Age</em>. Retrieved from <a href="https://www.healthline.com/health/fitness-exercise/fat-burning-heart-rate">https://www.healthline.com/health/fitness-exercise/fat-burning-heart-rate</a></p><p>Mount Elizabeth Hospitals. (n.d.). <em>The Truth of the Fat Burning Zone: What is the Best Heart Rate to Lose Fat?</em>. Retrieved from <a href="https://www.mountelizabeth.com.sg/health-plus/article/fat-burning-zone-heart-rate-to-lose-fat">https://www.mountelizabeth.com.sg/health-plus/article/fat-burning-zone-heart-rate-to-lose-fat</a></p><p><strong>Кардио болон HIIT дасгалууд:</strong></p><p>American College of Sports Medicine. (2013). <em>High-Intensity Interval Training: Efficient, Effective, and a Fun Way to Exercise</em>. <em>ACSM’s Health &amp; Fitness Journal</em>, 17(3), 3–5.</p><p>Harvard T.H. Chan School of Public Health. (n.d.). <em>HIIT (High-Intensity Interval Training)</em>. The Nutrition Source. Retrieved from <a href="https://www.hsph.harvard.edu/nutritionsource/hiit/">https://www.hsph.harvard.edu/nutritionsource/hiit/</a></p><p>Gibala, M. J., Little, J. P., Macdonald, M. J., &amp; Hawley, J. A. (2012). Physiological adaptations to low‐volume, high‐intensity interval training in health and disease. <em>The Journal of Physiology, 590</em>(5), 1077–1084.</p><p>Burgomaster, K. A., Hughes, S. C., Heigenhauser, G. J. F., Bradwell, S. N., &amp; Gibala, M. J. (2008). Six sessions of sprint interval training increases muscle oxidative potential and cycle endurance capacity in humans. <em>Journal of Applied Physiology, 98</em>(6), 1985–1990.</p><img src="https://medium.com/_/stat?event=post.clientViewed&referrerSource=full_rss&postId=32eddd56ce42" width="1" height="1" alt="">]]></content:encoded>
        </item>
        <item>
            <title><![CDATA[Булангийн Сандал]]></title>
            <link>https://medium.com/@Sainaaia/%D0%B1%D1%83%D0%BB%D0%B0%D0%BD%D0%B3%D0%B8%D0%B9%D0%BD-%D1%81%D0%B0%D0%BD%D0%B4%D0%B0%D0%BB-c46779d0b323?source=rss-835af640ef4a------2</link>
            <guid isPermaLink="false">https://medium.com/p/c46779d0b323</guid>
            <dc:creator><![CDATA[Sainaa]]></dc:creator>
            <pubDate>Sat, 08 Feb 2025 13:24:00 GMT</pubDate>
            <atom:updated>2025-02-08T13:24:00.412Z</atom:updated>
            <content:encoded><![CDATA[<p>Хүйтэн шөнө дулаан хөнжилд тэврүүлээд</p><p>Хөгтэй дурсамжаа санагалзан</p><p>Мянган оддын гялааныг ширтэх нь</p><p>Мартагдашгүй тайван мэдрэмжийг бэлэглэнэ.</p><p>Шөнө бүр аялах зүүдний ертөнцийг хүлээх зуур</p><p>Харанхуйгаас нуугдах гэрлийн цацрал</p><p>Хар ч биш цагаан ч биш</p><p>Халцарч унасан будгийг нь тодотгож</p><p>Хайраар дүүрсэн ч ганцаардал тээсэн</p><p>Харуусалд тэврүүлсэн тэр нэг жижиг булангийн сандлыг санагдуулна</p><p>Булангийн сандал....</p><p>Буруутай мэдрэмжийн эгээрэл</p><p>Бяцхан зүрхний хамгаалагч</p><p>Баатарлаг зоримог мөрөөсөл юм.</p><p>Тэр ...</p><p>Гял цал биш ч гэсэн</p><p>Гүзээлгэнэтэй сүү шиг гэгээлэг</p><p>Хөвөн зөөлөн биш ч</p><p>Хөөсөн чихэр шиг тухтай</p><p>Тэр...</p><p>Булангийн хэдий ч сэтгэл амраагч</p><p>Бяцхан хэдий ч амь сахигч</p><p>Хуучирсан ч гэсэн онгод хөглөгч</p><p>Хамгийн нь биш ч оюун тэлэгч</p><p>Түүнд ертөнцөд байхгүй тух</p><p>Хорвоод байхгүй хайр</p><p>Дэлхийд байхгүй эгээрэл</p><p>Диваажинд байхгүй энэрэл бий.</p><img src="https://medium.com/_/stat?event=post.clientViewed&referrerSource=full_rss&postId=c46779d0b323" width="1" height="1" alt="">]]></content:encoded>
        </item>
        <item>
            <title><![CDATA[Өөрт тохирсон сэтгэл зүйчийг хэрхэн сонгох вэ?]]></title>
            <link>https://medium.com/@Sainaaia/%D3%A9%D3%A9%D1%80%D1%82-%D1%82%D0%BE%D1%85%D0%B8%D1%80%D1%81%D0%BE%D0%BD-%D1%81%D1%8D%D1%82%D0%B3%D1%8D%D0%BB-%D0%B7%D2%AF%D0%B9%D1%87%D0%B8%D0%B9%D0%B3-%D1%85%D1%8D%D1%80%D1%85%D1%8D%D0%BD-%D1%81%D0%BE%D0%BD%D0%B3%D0%BE%D1%85-%D0%B2%D1%8D-3685c39abf03?source=rss-835af640ef4a------2</link>
            <guid isPermaLink="false">https://medium.com/p/3685c39abf03</guid>
            <category><![CDATA[нийтлэл]]></category>
            <category><![CDATA[сэтгэл-зүй]]></category>
            <dc:creator><![CDATA[Sainaa]]></dc:creator>
            <pubDate>Sat, 08 Feb 2025 01:12:32 GMT</pubDate>
            <atom:updated>2025-02-09T00:03:44.105Z</atom:updated>
            <content:encoded><![CDATA[<h4><strong><em>Өөрийн сэтгэл зүйн эрүүл мэндтэй тань харьцах гэж байгаа хүнийг та биед тань мэс засал хийх гэж байгаа эмчтэй адил нарийн, шилж, сонгох хэрэгтэй.</em></strong></h4><p>Сайн чадвартнууд ховор учир хэрхэн сонголтоо хийх билээ? Туршлага нь юу билээ? ямар чиглэлээр зөвлөгөө, засал хийдэг билээ? ёс зүйн дүрмээ хэрхэн баримталдаг вэ? гэх мэт олон асуултад хариулт эрэхэд дараах зүйлсийг мэдэж авав.</p><h4>Cэтгэл зүйч гэдэг мэргэжлийн тухай</h4><blockquote><strong>Монгол улсад сэтгэл судлалын салбар үүсэж хөгжөөд удаагүй байгаа учир цэгцэнд нь оруулах гэж хичээн зүтгэж байгаа цөөнгүй мэргэжилтнүүд бий. Тэр дунд сайны дотор саар гэгчээр мэдлэг, чадвар дутуу, ашиг хонжоо хайсан хүмүүс ч бас бий болжээ.</strong></blockquote><p>Эрэлттэй мэргэжлийн тоонд ороод удаагүй байгаа сэтгэл судлалын салбар үндсэндээ Монгол улсын хувьд шинэхэн салбар юм. Монголчуудын сэтгэл зүйн байдал, онцлог шинжийг тодорхойлсон суурь судалгаа, шинжилгээ төрөл төрлөөрөө нэлээдгүй хэрэгтэй болж буй өнөө үед болсон болоогүй зүйлээсээ үлгэрлэн хий төсөөлөлдөө автсан хүмүүс ихэсжээ. Хоёрын хооронд гурвын дунд зөвлөгөө өгсөн нэрийдлээр хүнээс өндөр төлбөр нэхэж байгаа газрууд болон хүмүүстэй олонтаа таарснаа нуух юун.</p><p>Сэтгэл судлаач, сэтгэл зүйч, сэтгэл засалч, сэтгэцийн эмч гэсэн тусдаа тодорхойлолтой хүмүүс байдаг гэсэн ойлголт нийгмийн дунд давхаргын хүмүүсийн тархинд суугаагүй хэвээр. Үүнээс үүдэн андуурал үүсэж бүгдийг нь гажуудсан дүгнэлтээр дүгнэх гээд байдаг болжээ.</p><p>Сэтгэл судлалын салбарыг сонгон, мэргэжил эзэмшинэ гэдэг сэтгэл хөдлөлөөр шийдэхээр зүйл огтхон ч биш. Үнэнийг хэлэхэд энэ салбар тухайн мэргэжилтнээс өндөр ур чадвар, байнгын суралцах чадвар багадаа 1 цаг анхаарлаа төвлөрүүлэх чадвар, сэтгэл хөдлөл, харилцааны чадвар гээд нэг бус нэлээд хэдэн өндөр ур чадвар шаарддаг мэргэжил.</p><p>Ялангуяа Монгол улсад сэтгэл судлалаар, бүр тодруулбал сэтгэл зүйч, сэтгэл засалчаар ажиллаж энэ чиглэлээр мэргэшинэ гэдэг тухайн мэргэжилтнээс сэтгэлийн хат, тууштай, тэвчээртэй зан чанарыг минут, секунд тутамд нэхэж байдаг. <strong><em>Энэ их өндөр стрессийг даван үйлчлүүлэгчийн мэдрэмжийг өөртөө халгүй чиглүүлнэ гэдэг суралцаад баршгүй чухал чадвар болов уу гэж бодох юм.</em></strong></p><p>Гэтэл энэ үед буюу Монгол улсад сэтгэл зүйчид нэн хэрэгтэй болсон цаг үед дутуу бэлтгэгдсэн мэргэжилтнүүд хүний сэтгэлийг хааш нь чиглүүлэх бол? зөвхөн ярих хэрэгцээг нь хангахад л болох зүйл мөн болов уу? ойлгогдсон гэсэн мэдрэмжээс хэтрэхгүйгээр барахгүй зөрүүлэн шүүмжлэл авсан хүмүүсийн сэтгэл зүйчид итгэхээ больсон тэр итгэлийг яах хэрэгтэй бол?</p><blockquote><strong>Сэтгэл зүйч дээр очоод итгэх итгэлээ бүрэн алдсан хүмүүс эргэн тойронд минь багагүй бий. Урдаас нь уурлаж, загнаж хэвшмэл ойлголтоо тулгасан хүмүүс ч дунд нь багтана. Сайн судалж, асууж, харьцуулж, үйл ажиллагаа явуулдаг чиглэл бүрийг нь мэдэж байж сонголт хийх боломж дөнгөж бүрдэнэ</strong>.</blockquote><p>За энэ хүртэл та Монголын сэтгэл судлалын салбарын тухай сөрөг зүйлсийн захаас нь мэдэж авсан гэж хэлж болно. Дээрх зүйлсээс үүдэн эрсдэл нэмэгдэж байдаг гэдгийг ойлгоход хангалттай байх гэж бодож байна.</p><h4>Сэтгэл зүйчээ хэрхэн сонгох вэ?</h4><p>Монголчуудын тавьж болдоггүй, чаддаг ч үгүй нэг зан бий. Аман яриагаар, хэн нэгнээс сонссон мэдээллээр нэг талыг хэт баримтлан үйлчилгээ авах тохиолдлууд танд болон таны эргэн тойронд хангалттай их тохиолдож байсан болов уу. Харсан зүйлийг дүгнэж цэгнэхгүйгээр шуудхан хүлээж авсан мэдээлэл дээр үндэслэн хариу үйлдэл үзүүлдэг. Тэр хүнд тохирсон сэтгэл зүйч танд бас тохирно гэдэг, яахав магадлалын хувьд боломжтой хэдий ч өөрийн биеэр хайсан нь илүү дээр үр дүнд хүргэх болов уу гэж бодож байна.</p><ol><li><strong>Сэтгэл зүйн төвүүдийн тухай мэдээлэлтэй болох</strong></li><li><strong>Сэтгэл зүйчдийнх нь тухай мэдээлэлтэй болох</strong> <em>/төгссөн сургууль, мэргэшсэн чиглэл, туршлага, чадвар г.м/</em></li><li><strong>Сэтгэл зүйн зөвлөгөөний цаг авахад тантаа хэрхэн харилцаж байгааг ажиглах </strong><em>/мэдээж тантаа олон нийтийн газар болон зөвлөгөөний өрөөний стандартыг хангаагүй газар кофе шоп, хоолны газар гэх мэт газар уулзахыг санал болговол шуудхан тасалж орхиорой/</em></li><li><strong>Асуухыг хүссэн бүх зүйлээ санаа зовохгүйгээр сайтар асууж лавлах </strong><em>/жишээлбэл, төлбөрийн тухай мэдээлэл-сэтгэл зүйч нар танаас үйлчилгээ үзүүлэхээс өмнө төлбөрийн бүрэн авах ёсгүй, хэрэв танд ийм санал ирвэл дахиад л татгалзах хэрэгтэй, </em><strong><em>нөгөө талаар мөн ингэж асууж болно: “Надад хосын харилцаанаас үүдсэн түгшүүр нойргүйдэл илрээд байна, танд ийм кэйстэй ажиллаж байсан туршлага бий юу</em></strong><em>, би сэтгэл зүйч дээр очихоос санаа зовж, айж байна, яах хэрэгтэй вэ? гэх мэт асуултуудыг асуух бүрэн эрх танд бий/</em></li></ol><p><strong>Санахад илүүдэхгүй зүйлс:</strong></p><ol><li><strong>Сэтгэл зүйчээ сонгож цаг авсан бол та тухайн сэтгэл зүйч тантаа нууцлалын гэрээ хийх ёстой гэдгийг санах хэрэгтэй</strong></li><li><strong>Сэтгэл зүйч мэдээж эмгэг түвшний оношилгоо болон эм бичих эрхгүй гэдгийг мөн сайтар санах хэрэгтэй</strong> <em>/сэтгэцийн эмч бичнэ/</em></li><li><strong>Сэтгэл зүйч бүр өөрсдийн гэсэн чиглэл, өөрсдийн гэсэн арга барилтай байдаг. </strong>Тиймээс нэг удаа очоод танд таалагдаагүй бол та санаа зовохгүйгээр өөр сэтгэл зүйчид хандах боломжтой.</li><li><strong>Мэдээж та өөрт таарсан сэтгэл зүйчээ олоход цаг хугацаа зарцуулна гэдгийг өөртөө сайн хэлэх хэрэгтэй юм шүү</strong> <em>/цаг хугацаанд захирагдахгүй зүйлс хаа байхав дээ </em>😉<em>/</em></li></ol><p>Өөрт тохирсон сэтгэл зүйчээ олчихвол насан туршдаа ч үйлчлүүлсэн ч болно доо. Тиймээс дээрх зүйлсийг анхаарч үзэн сэтгэл зүйчээ сонгоорой. Бүх мэргэжилтнүүд дунд сайн ч хүн бий муу ч хүн бий, чадвартай ч хүн бий чадваргүй ч хүн бий. Тиймээс сайтар судлах чадвар бидэнд бүгдэд нь байх хэрэгтэй. Тэгэж байж бид зөв, сайн, өөрт тохирсон, сэтгэл ханамжтай шийдвэрүүдийг гаргаж чадна гэж бодож байна. ❤</p><img src="https://medium.com/_/stat?event=post.clientViewed&referrerSource=full_rss&postId=3685c39abf03" width="1" height="1" alt="">]]></content:encoded>
        </item>
        <item>
            <title><![CDATA[Шидэт Мухлаг 1]]></title>
            <link>https://medium.com/@Sainaaia/%D1%88%D0%B8%D0%B4%D1%8D%D1%82-%D0%BC%D1%83%D1%85%D0%BB%D0%B0%D0%B3-1-4e0d368ab0ab?source=rss-835af640ef4a------2</link>
            <guid isPermaLink="false">https://medium.com/p/4e0d368ab0ab</guid>
            <category><![CDATA[номын-тэмдэглэл]]></category>
            <category><![CDATA[номын-сэтгэгдэл]]></category>
            <dc:creator><![CDATA[Sainaa]]></dc:creator>
            <pubDate>Wed, 29 Jan 2025 06:28:55 GMT</pubDate>
            <atom:updated>2025-01-29T06:28:55.952Z</atom:updated>
            <content:encoded><![CDATA[<h4>Номоос авсан мэдрэмж</h4><p>Юуны түрүүнд энэ номоос ямар мэдрэмж авснаа өгсөн мэдлэгийнх нь тухай ярихаас өмнө энд сийрүүлэх хэрэгтэй болов уу.</p><p>Шидэт мухлаг номыг нээн эхний өгүүлбрийг унших үед л сэтгэл догдолж, цаашдын үйл явдлыг нь хүлээн үргэжлүүлэн уншиж эхлэв. Номын хуудас эргүүлэх бүрт энэ номын илэрхийлэх гэсэн утга руу гүн шумбаж яг л хэн нэгэнд удаан гэгч нь тэврүүлж байгаа мэт мэдрэмж төрсөн. Энэ эгэлгүй дулаан мэдрэмж хуудас бүрт байрлах утга санаа илэрхийлсэн үг бүрээс, яг л нарны цацраг адил гэрэл цацруулж сэтгэлийг минь бүлээцүүлж байсан.</p><p>Энэ гайхалтай номыг мэдрэлийн мэс заслын эмч Жеймс Доти удаан бодсоны эцэст тархинд нь хадгалагдан байсан дурсамж, мэдрэмж, хүсэл эрмэлзэл, хайр бүрээ бэхээр амилуулан бүтээжээ.</p><p>Мэдээж эхний бүлэг бол миний хүлээн авч мэдэрснээр хамгийн чухал хэсэг.<strong> Энэ бүлгээс бид хэрхэн биеэ суллаж, тархиа хоосолж, зүрхээ нээх тухай суралцах юм.</strong></p><p>Биеэ толгойноос эхлээд хөлийн хуруу хүртлээ бүхий л чангарсан булчингаа суллана гэдэг хэн бүгдийн чадах зүйл биш гэдгийг зохиогч маань удаа дараа хэлсэн ч өдөр бүр биедээ дадуулж, дасгалын нөлөөгөөр хэн бүхэн эл чадварыг эзэмшиж болно гэдгийг мөн дурдсан юм. Миний мэдэхээр булчин суллах амьсгалын дасгал бол сэтгэл зүйн байдлыг тогтворжуулах хамгийн үр дүнтэй дасгал. Үүнийг энэхүү номонд <strong>Рутын ид шид 1</strong> гэж нэрлэдэг.</p><p>Номын эл хэсгийг уншчхаад сэтгэлд нэвчсэн өнөө л нэг ядаргаатай амьсгалын дасгал гэдэг үгнээсээ салсандаа би баярладаг. Мэргэжлийн нөлөөгөөр амьсгалын дасгал, булчин суллах дасгал, бодлоо цэгцлэх гэдэг үгс танил битгий хэл өдөр тутамд байнга өөрөөсөө сонсдог үгс юм. Ийм надад энэ ном харж болох шинэхэн өнцгийг гайхалтай гэгч нь таниулсан. Түгшүүрийн мэдрэмж, санаа зовинол гэдэг зүйлс Рутын ид шид 1-г уншиж байх үед эгээтэй л намайг залгичихаагүй. Рутын ид шид 1-г уншсаны дараа байдал улам хүндэрч зүрхний минь цохиол өдөржингөө бөмбөр нүдэж байгаа мэт л хүчтэй дэлсэж байлаа. Энэ үед би энэ дасгалыг санан өөртөө хэлнэ: Рутын ид шид 1, Рутын ид шид 1 гэж олон дахин давтан хэлсэн. Биеэ тайвшруулах оролдлого минь сайн бүтсэн шүү. Энэ үнэхээр л ид шид шиг санагдаж байсан.</p><p><strong>Рутын ид шид 2 бол бодлоо хазаарлах.</strong> Хамгийн аймшигтай хэсэг. Жеймсын хувьд мэдээж өөрийн бодлыг хазаарлах гэсэн удаа дараагийн олон биш ч хэд хэдэн оролдлогоо жишээ болгон энэхүү ном дээр дурдана. Гэвч үүнийг нь дагаж хийх гэж оролдсон надад нэг л бүтэлтэй болсонгүй. Сөрөг бодлоос сална гэдэг тийм ч амар биш ажээ. Амархан байсан бол хүн бүр л жаргалын туйлыг эдлэх байсан биз. Эл дасгалын хамгийн тус болсон хэсэг бол өөрийн зохисон эсвэл бодлын төөрөгдлөөс гарахад туслах тарни дээр анхаарлаа төвлөрүүлэх байв. Би аль хэзээний энэ дасгалыг тайвшрах үедээ сурчихсан санагдав. РУТЫН ИД ШИД гэж хэлэх нь надад илүү амар амгалан тайван, тухтай тарни шиг санагдсан тул цаашид залхах хүртлээ бол энэ үгийг л хэлэх байх гэж бодож байна.</p><p>Тэгэхээр бид энэ номын дагуу Жеймс болон Рутын хэлсэн шиг биеэ суллаад бодлоо хазаарлачихлаа. Одоо харин зүрх сэтгэлээ нээх. Энэ бол Рутын ид шид 3. Нөхцөлгүй хайр, энэрэн нигүүлсэх сэтгэлийг илэрхийлсэн зүрх сэтгэлийг нээх гэдэг өнөөгийн нийгэмд хүндхэн л даваа. Мэдээж мэдэлгүй яахав. Зүрх сэтгэлээ нээсэн хэнбугай ч сэтгэлийн хувьд дээдийн дээд амар амгалан, хайр энэрэлийг мэдэрнэ гэдгийг. Гэвч Жеймс маань үүнийг ойлгосонгүй. Тэрээр 40 нас гарсныхаа дараа бүхий л амьдралаараа зүрх сэтгэлээ нээх гэдэг ид шидийг орхигдуулсан байж гэдгээ сүүлд нь ухаарсан тухайгаа сүүлийн 2 бүлэгт дэлгэрэнгүй ярьдаг билээ.</p><p>Одоо ч оролдсоор зүрхээ нээх хэцүү юм. Яаж нээх билээ… заавар нь байгаа ч хэцүүхэн даваа гэдгийг хэнээр ч хэлүүлэлт үгүй мэдэж байна. Гэхдээ энэ ном надад яах аргагүй итгэл найдвар, урам зориг, хааяа нэг гунигтай мэдрэмжийг төрүүлсэн нь үнэн. Хамгийн чухал нь миний сэтгэл дулаацсан юм. Тэгэхээр Жеймс эмчийн эцсийн зорилго угаас энэ номыг бичих үед л биелжээ гэдгийг зөнгөөрөө мэдэж, зөөлнөөр инээмсэглэсэн юм.</p><blockquote><strong>Хэрвээ та үүнийг санаандгүй уншиж байгаа бол ШИДЭТ МУХЛАГ номыг заавал уншаарай гэж хүсье. Та уншихгүй байж магадгүй ч номын санд тань заавал байх ёстой номуудын нэг юм шүү.</strong></blockquote><figure><img alt="" src="https://cdn-images-1.medium.com/max/322/1*B0S84sS2mB8md0pY7JEiew.jpeg" /><figcaption>internom</figcaption></figure><img src="https://medium.com/_/stat?event=post.clientViewed&referrerSource=full_rss&postId=4e0d368ab0ab" width="1" height="1" alt="">]]></content:encoded>
        </item>
        <item>
            <title><![CDATA[9-р сараас хойш араас минь дагасан сүүдэр…эсвэл…]]></title>
            <link>https://medium.com/@Sainaaia/9-%D1%80-%D1%81%D0%B0%D1%80%D0%B0%D0%B0%D1%81-%D1%85%D0%BE%D0%B9%D1%88-%D0%B0%D1%80%D0%B0%D0%B0%D1%81-%D0%BC%D0%B8%D0%BD%D1%8C-%D0%B4%D0%B0%D0%B3%D0%B0%D1%81%D0%B0%D0%BD-%D1%81%D2%AF%D2%AF%D0%B4%D1%8D%D1%80-%D1%8D%D1%81%D0%B2%D1%8D%D0%BB-855b4ab00a33?source=rss-835af640ef4a------2</link>
            <guid isPermaLink="false">https://medium.com/p/855b4ab00a33</guid>
            <category><![CDATA[мэдрэмж]]></category>
            <category><![CDATA[бодол]]></category>
            <dc:creator><![CDATA[Sainaa]]></dc:creator>
            <pubDate>Mon, 13 Jan 2025 02:25:02 GMT</pubDate>
            <atom:updated>2025-01-16T13:04:58.466Z</atom:updated>
            <content:encoded><![CDATA[<h3>9-р сараас хойш араас минь дагасан сүүдэр…</h3><p>Хүйтэн биш, гэхдээ халуун биш, аз жаргалтай ч биш, гунигтай ч биш. Зүгээр л амьдрах гэтэл юу тийм их хэцүү байгаа юм…гайхаж байна, энэ ойлгомжгүй мэдрэмжийг ойлгох гэж, хүлээж авах гэж хичээсэн ч юу намайг дагаад байгааг үнэндээ ойлгохгүй нь.</p><h4>Өнгөрсөн</h4><p>Өөрийнхөө мэргэжлийг сонгосон цаг мөчөөс өөртэйгөө ажиллаж байгаагүйгээрээ их ажиллаж, өдөр тутмын амьдралд минь саад болж байсан бүхий л шархаа, бүхий л сэтгэлийн гэмтлүүдээ сөхөн гаргаж ирж тэднийг хүлээн зөвшөөрөх гэж тав байтугай жилийг өлхөн зарцуулсан. <strong>Гэвч би энэ гэмтэл, траума, өөрийгөө хайрлах, хүлээн зөвшөөрөх гэдэг үгсээс хангалттай гэмээнэ залхаж, сонсох төдийд бие арзайж, тархи дүүрч, дургүй хүрч эхлээд 5 сар болж байх шиг байна.</strong> Гэхдээ би мэднэ, би хамгийн сайн мэднэ…намайг хойш нь татаж байсан тэрхүү бага насандаа учирсан чөтгөрийн сүүдэр аажмаар алга болох ямар аз жаргалтай мөч вэ гэдгийг миний хувьд биеэрээ, сэтгэлээрээ хангалттай сайн мэдэрсэн. Гэвч туулсан зам нь тийм ч дардан байгаагүй. Аюултай, аймшигтай… яг л хонгилын үзүүрт итгэл найдварын гэрэл цацарч байгаа нь харагдаж байсан ч би энэ хонгилдоо үүрд үлдэж, тэрхүү цацарсан гэрэлд хүрч чадахгүй юм байна гэсэн хөгийн бодол тархинд цуурайтайж хамгийн ихээр цөхрөлийг мэдэрч байснаа тод санаж байна.</p><p>Өдөр бүр тэр чөтгөр толгойд минь хэрэгтэй, хэрэггүй баахан үгсийг чалчиж байсан юм. Эдгээд, зүгээр болчхоод яах юм? эдгэж яах юм бэ? угаасаа одоо тухтай байгаа биз дээ? гэх мэт… Энэ бодлууд орж ирэх мөч бүрт би юуны төлөө ингэж их эдгэх гэж тэмүүлснээ, юуны төлөө ингэж их сэтгэлээ эмчлэх гэж хичээснээ мартаж орхидог байлаа. Зүгээр л энэ харанхуй, бүгчим, хоосон, хүнд мэдрэмжээр дүүрсэн ангалдаа үүрд үлдмээр санагдсан.</p><p>Би харанхуйд дасжээ. Тэнд надад тухтай, илүү хүчирхэг, ямар нэг сэтгэл хөдлөл үгүй хийгээд цээжинд минь хар нүх үүсэж, сэтгэлд минь зөвхөн хоосон л оршиж байлаа. Хааяа би зорилгоо барьж авнаа, өнгөрснөө хүлээн зөвшөөрч тэнд нь орхихгүй бол амьдрал хэзээ ч амьд болохгүй гэдгийг ойлгож байлаа. Би ч бас айдас, түгшүүргүйгээр одоогоо мэдэрч, хайранд итгэж, хайрлаж, хайрлагдаж болдог юм байна гэсэн итгэлээр дүүрсэн гэгээлэг ертөнцийг хүссэн. Би зүгээр л аз жаргалтай, амар тайван байдлыг хүссэн.</p><p>Ингэж нэг би 5–6 жил зарцуулан байж эдгээсэн сэтгэлээ тэврэн байж уйлсан. Баярын нулимс. Догдлол, бүтээх хүсэл дүүрэн биеэр минь урсах цусны эд эс хүртэл надад мэдрэгдэж буй мэт санагдаж тархи цэлмэж, бодол цэгцэрсэн байлаа. Урам зориг дүүрэн, шинийг илэрхийлсэн. Мэдээж гунигтай хэцүү үе байх ч тэдгээрийг сайтар даван туулж байлаа.</p><p>Гэтэл хаанаас эхэлж буруудсаныг мэдэхгүй ч хэтэрхий нэг тийшээ хазайн туйлширсан байж. Хэтэрхий аз жаргал хөөжээ. Үүнээс үүдсэн айдас, түгшүүр дахин намайг бүрхэж, даван туулах аргагүй мэт хөндий, хэцүү мэдрэмжийг бэлэглэж эхэлсэн нь энэ байлаа.</p><h4>Одоо</h4><p>Одоо байгаа бүхэн нурчихвал… тэр ангалын мэдрэмжийг дахин мэдрэх хэрэг үү… хичээж амьдарч байтал ямар нэг зүйл болчихвол би юу хийж чадах билээ… юу ч чадахгүй… би юу ч хийж чадахгүй…өөртөө итгэх итгэл өмнө минь сөхрөн унаж өөрийгөө голох мэдрэмж давамгайлж эхэллээ. Мэдээж би эсэргүүцнэ… энэ үед юу хийх ёстойгоо ч мэдэж байлаа. Тэсэхээ больж тултлаа тэвчсээр эцэст нь би сэтгэл зүйч дээрээ очлоо. Өөрт төрсөн мэдрэмж, бодол бүрээ түүнтэй хуваалцлаа. Намайг хамгийн сайн ойлгодог хүн шиг санагдсан тул энэ удаа намайг бас л ойлгох байх гэсэн найдлагаар дүүрсэн харцаар зөвлөгөөний өрөө рүү орлоо. Намайг ойлгож, надад зөвлөж, намайг чиглүүлж байлаа.</p><p>Гэтэл би тэр өрөөнд өөрийнхөөрөө байгаагүй… гэнэн цагаан тагтаа шиг л байсан. Зүрхнийхээ гүнд нуусан тэр чөтгөр эдгэчихсэн ч уул чанар нь байсаар байсныг тэр үед л анзаарсан хэрэг. Сэтгэл зүйч маань намайг шүүмжлэлгүй, тэр өрөөнд байгаагаар минь хүлээж авч байлаа. Гэтэл надад яагаад ч юм тэр өрөөн доторх би биш шүү дээ, тэр хэн юм? гэсэн мэргэжилтэй минь холбоотой ДҮРИЙН ЗӨРЧИЛ аль хэдийн үүссэн байлаа. Сэтгэл зүйч маань цаг дуусахаас эцсийн мөчид энэ зөрчлийг надад пал хийтэл хэлэв. Түүний дараа би бодож эхэлсэн юм. Би гэдэг хүн чинь хэн билээ? юу хүсдэг билээ? энэ хугацаанд би зөвхөн нийгмийн стандартад нийцэх гэж л жүжиглэж байсан хэрэг үү? гэсэн бодол намайг галзууруулах гэж байна.</p><p><strong>Хариу нь мэдээж тийм хурдан олдохгүй. Би бодсоор …бодсоор… нэг л үг хариулт нь болж чадахыг ухамсарлаж амандаа зөөлнөөр ШАНТРАЛТ гэж хэллээ.</strong></p><p>Өөрийн минь амнаас гарсан өөрөө хэлсэн үг байтал сэтгэл минь бэлэн биш байж нэлээдгүй цочирдлоо. Амьдралынхаа туршид шантрах гэдгийг үгийг ашиглаж ч байгаагүй, зөвхөн тэмцэж тэмүүлж байсан миний сэтгэлийг өмнө нь уур хилэн, үзэн ядалт чиглүүлж байж. Харин эдгэснээс хойш хэсэгтээ чиглэлээ алдсан миний сэтгэл хүчгүй мэт санагдсан нь уур хилэн, үзэн ядалт байгаагүйтэй холбоотой байлаа. Харин одоо ямар сэтгэл хөдлөл намайг чиглүүлж, миний доторх чөтгөрийг захирч байгаа гэж бодно… ЭНЭ БОЛ АЙДАС. Алдахвий гэхээс, бүтэхгүй байхвий гэхээс, өнгөрсөн дэх мэдрэмжийг дахин мэдрэхээс… Тэгвэл тэр сэтгэл зүйн гэмтлүүд юу байсан юм??? эдгээгүй гэж үү? гэж өөрөөсөө асуухад үгүй дээ эдгээж бараагүй юм гэсэн хоолой урдаас хариулахад би:</p><p>-аан бүгд эдгэх боломжгүйн дээр нөлөө нь л багассан байж. Эдгээгүй гэж хэлэхгүй ээ, үнэхээр зарим шархууд минь эдгэсэн гэж хариуллаа.</p><p>Тиймээс дахин нэг удаа өөр рүүгээ гүн шумбалт хийх цаг болжээ. Бүгдийг эхнээс нь дахиад нэг удаа туулаад үзье. Дахин нэг удаа эвдэрхий далангаар хаасан мэдрэмжийнхээ гол руу үсэрч үзье.</p><p>Мэдрэмжийн гол руу үсэрч тэг дунд нь дээш харан хөвж тэдгээр олон илэрхийлээгүй мэдрэмжээ нэг нэгээр нь мэдрэн тавьж явуулах гэж оролдож байх үед бага насанд минь байсан тэр чөтгөр надтай таарлаа. Би түүнийг харж, тэр ч над руу цоо ширтэж байлаа. Түүний харцанд гуниг торж, тусламж эрсэн нь мэдрэгдэж байв.</p><p>Тэрхүү бяцхан чөтгөрийг мэдрэмжийн хаан торон дотор хийн, өөрийн тэжээвэр амьтан болгосон байж. Тэр хаан тэрхүү өрөвдөлтэй чөтгөрт ямар мэдрэмжээс айхыг, ямар мэдрэмжээс зугтахыг, ямар мэдрэмжинд дурлахыг, ямар мэдрэмж аюулгүй болохыг зааж, зөвхөн өөрийн тав тухыг эрхэмлэн хувиа хичээсэн үйлдлүүд хийсэн байж.</p><p>Тэр хаан бол хуурамч бодлуудаас үүссэн сөрөг мэдрэмжид дургүй бүхий л мэдрэмжийг хуурамчаар бүтээх гэсэн нэгэн байж. Харин тэрхүү чөтгөр бол жинхэнэ би. Тэр бол бага насандаа таарсан чөтгөр биш, өөрийгөө л хамгаалах гэсэн дотоод би болж таарсан. Тэр одоо айдсаар дүүрэн амьдрах хүсэлгүй нэгэн болжээ. Нүдэнд минь нулимс торж, цээжээр минь хатгуулж гэмшил мэдрэгдэж сөхөрч суугаад түүнээс уучлалт гуймаар санагдана.</p><p>УУЧЛААРАЙ НАМАЙГ… УУЧЛААРАЙ гэж.</p><p>Одооноос юу хийхээ мэдэхгүй ч мэдрэмжийн голоос гарч иртэл удах байх… бодол бүрээ цэгцлэх, гажуудсан итгэлийг хөөн зайлуулахад гарцаагүй цаг хугацаа хэрэгтэй.</p><p>Туулах зам их юм…надад зүгээр л бууж өгөх сонголт бас бий… гэсэн ч… бууж өгөх сонголт биш…араас минь аажмаар дагах сүүдэр. Намайг гэрэлтэж байхад сүүдэр байж л байна. Харин гэрэлтэхээ больчихвол сүүдэртээ хүртэл хаягдах биз.</p><img src="https://medium.com/_/stat?event=post.clientViewed&referrerSource=full_rss&postId=855b4ab00a33" width="1" height="1" alt="">]]></content:encoded>
        </item>
    </channel>
</rss>