<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Agnar Freyr Helgason on Medium]]></title>
        <description><![CDATA[Stories by Agnar Freyr Helgason on Medium]]></description>
        <link>https://medium.com/@agnarfreyrhelgason?source=rss-9213958eb605------2</link>
        <image>
            <url>https://cdn-images-1.medium.com/fit/c/150/150/0*ibS8QHh2wZvhDN8B.</url>
            <title>Stories by Agnar Freyr Helgason on Medium</title>
            <link>https://medium.com/@agnarfreyrhelgason?source=rss-9213958eb605------2</link>
        </image>
        <generator>Medium</generator>
        <lastBuildDate>Thu, 19 Nov 2026 06:32:08 GMT</lastBuildDate>
        <atom:link href="https://medium.com/@agnarfreyrhelgason/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Flokkarnir á Facebook: Hvað kveikir í kjósendum?]]></title>
            <link>https://medium.com/@agnarfreyrhelgason/flokkarnir-%C3%A1-facebook-hva%C3%B0-kveikir-%C3%AD-kj%C3%B3sendum-bd49cd454b43?source=rss-9213958eb605------2</link>
            <guid isPermaLink="false">https://medium.com/p/bd49cd454b43</guid>
            <category><![CDATA[kosningar]]></category>
            <category><![CDATA[facebook]]></category>
            <category><![CDATA[stjórnmál]]></category>
            <dc:creator><![CDATA[Agnar Freyr Helgason]]></dc:creator>
            <pubDate>Wed, 04 Oct 2017 09:02:03 GMT</pubDate>
            <atom:updated>2017-10-04T09:02:03.006Z</atom:updated>
            <content:encoded><![CDATA[<p>Samfélagsmiðlar eru magnað fyrirbæri. Fyrir félagsvísindafólk eru þeir ekki síst áhugaverðir þar sem þeir eru mikil uppspretta gagna sem hægt er að nota til að lýsa og greina mannlega hegðun. Á mínu sviði, stjórnmálafræðinni, rekst maður til dæmis á sífellt fleiri fræðigreinar sem nota gögn af Facebook- eða Twitter á hugvitsamlegan hátt til að varpa ljósi á ýmis viðfangsefni, svo sem viðhorf almennings til málefna, frammistöðu frambjóðenda í kosningaþáttum og áhrifum jafningja á kosningahegðun. Auðvitað er það takmörkunum háð hvaða ályktanir er hægt að draga af slíkum gögnum, en í það minnsta gefa þau okkur annað sjónarhorn á ýmis áhugaverð viðfangsefni félagsvísindanna.</p><p>Mér datt í hug að það gæti verið áhugavert að skoða sérstaklega hvernig íslensku stjórnmálaflokkunum gengur á vinsælasta samfélagsmiðlinum, Facebook. Facebook gerir það nokkuð auðvelt að nálgast gögn um opnar síður á miðlinum og greina til dæmis fjölda notenda sem lækar, deilir og gerir athugasemdir við færslur sem birtast á síðunum (NB. þessi gögn eru ekki persónugreinanleg). Það má vel ímynda sér að hægt sé að nota þessi gögn til að greina málefnaáherslur flokkanna, upplegg þeirra í kosningabaráttu, strategísk viðbrögð við utanaðkomandi atburðum og svo framvegis, en ég ætla hins vegar að fókusa á frekar einfalda spurningu: <strong>Hvað kveikir í fylgjendum flokkanna á Facebook?</strong></p><p>Til að svara spurningunni sótti ég allar færslur sem birst hafa á aðalsíðum stærstu stjórnmálaflokkanna níu (miðað við nýlegar kannanir) frá upphafi árs 2013 til dagsins í gær. Gögn fyrir <a href="https://www.facebook.com/bjortframtid.XA">Bjarta framtíð</a> (A), <a href="https://www.facebook.com/framsokn">Framsóknarflokkinn</a> (B), <a href="https://www.facebook.com/sjalfstaedis">Sjálfstæðisflokkinn</a> (D), <a href="https://www.facebook.com/Piratar.Island">Pírata</a> (P), <a href="https://www.facebook.com/Samfylkingin">Samfylkinguna</a> (S) og <a href="https://www.facebook.com/vinstrigraen">Vinstri-græn</a> (V) eru til fyrir allt tímabilið, en <a href="https://www.facebook.com/vidreisn">Viðreisn</a> (C), <a href="https://www.facebook.com/FlokkurFolksinsXF">Flokkur fólksins</a> (F) og hinn splúnkunýji <a href="https://www.facebook.com/midflokkur">Miðflokkur</a> (M) eru einungis með virkar Facebook síður hluta af tímabilinu.</p><p>Fyrsta myndin hér að neðan sýnir þann fjölda notenda á Facebook sem hefur líkað við hverja færslu flokkanna undanfarin fjögur ár. Hver punktur á grafinu er ein færsla, á x-ásnum má sjá hvenær færslan var sett á Facebook og á y-ásnum fjöldann sem hefur líkað við færsluna.</p><figure><img alt="" src="https://cdn-images-1.medium.com/max/1024/1*vGT94ua5roNc52SAhkDkLA.png" /><figcaption>Hver punktur stendur fyrir eina færslu. Færslur sem fleiri en 500 hafa lækað eru rauðmerktar. Gögnin ná frá 1. janúar 2013 til 3. október 2017 og eru sótt af vef Facebook síðasta dag tímabilsins.</figcaption></figure><p>Það kom mér verulega á óvart hversu fáir notendur læka almennt við færslur flokkanna. Meðalfærslan fær einungis 34 læk og á rúmlega fjórum árum hafa flokkarnir sameiginlega einungis 36 sinnum sett inn færslur sem fá meira en 500 læk. Notendum Facebook virðast því ekki vera neitt sérstaklega í mun að sýna velþóknun sína á því sem flokkarnir bjóða upp á á miðlinum (til samanburðar má nefna að á einungis fimm mánuðum hafa tæplega 60 færslur í hópnum ,,Keypt í Costco Ísl.- Myndir og verð.” fengið yfir 500 læk).</p><p>Ef litið er til færslnanna með flest læk, þá á Sjálfstæðisflokkurinn dyggasta stuðningsfólkið á Facebook, en 22 af þeim 36 færslum sem náð hafa 500 lækum birtust á síðu flokksins. Framsókn kemur þar næst á eftir með 5 færslur, Björt framtíð og Píratar með 3 færslur, en Flokkur fólksins, Samfylking og Vinstri græn eru með eina færslu hver. Viðreisn kemst ekki á blað.</p><p>En hvaða færslur hafa fengið flest læk? Eitthvað tengt Icesave-dómnum 2013, Panama-skjölunum 2016 eða ríkisstjórnarslitum 2017?</p><p>Nei, myndbandið ,,Bjarni Benediktsson bakar köku” trónir á toppnum með 1354 læk.</p><iframe src="https://cdn.embedly.com/widgets/media.html?src=https%3A%2F%2Fwww.facebook.com%2Fplugins%2Fvideo.php%3Fhref%3Dhttps%253A%252F%252Fwww.facebook.com%252Fsjalfstaedis%252Fvideos%252F10154019994712709%252F%26width%3D1280&amp;url=https%3A%2F%2Fwww.facebook.com%2Fsjalfstaedis%2Fvideos%2F10154019994712709%2F&amp;image=https%3A%2F%2Fscontent-iad3-1.xx.fbcdn.net%2Fv%2Ft15.0-10%2Fp720x720%2F14694253_10154020026137709_6189706652799729664_n.jpg%3Foh%3D87135dbdd9511192efd60bc34de37642%26oe%3D5A802247&amp;key=d04bfffea46d4aeda930ec88cc64b87c&amp;type=text%2Fhtml&amp;schema=facebook" width="1280" height="720" frameborder="0" scrolling="no"><a href="https://medium.com/media/1b3e3f4cf16938c5d2dc132d7e870707/href">https://medium.com/media/1b3e3f4cf16938c5d2dc132d7e870707/href</a></iframe><p>Næstu tvær færslur á listanum eru einnig frá Sjálfstæðisflokknum (og nokkuð almenns eðlis), en í fjórða sæti er færsla Flokks fólksins um málaferli forsvarsmanna flokksins vegna afturvirkrar skerðingar stjórnvalda á ellilífeyrisgreiðslum, með 856 læk.</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/FlokkurFolksinsXF/posts/791012844385176&amp;image=https%3A//i.embed.ly/1/image%3Furl%3Dhttps%253A%252F%252Fscontent-iad3-1.xx.fbcdn.net%252Fv%252Ft45.1600-4%252Fc0.0.230.230%252Fp240x240%252F17312728_6069664983302_2258027262861377536_n.png%253Foh%253Daa18827b4c627465ccf274fdf0283b9d%2526oe%253D5A4295CC%26key%3Da19fcc184b9711e1b4764040d3dc5c07" width="600" height="600" frameborder="0" scrolling="no"><a href="https://medium.com/media/caf8f19883cdb01e82be7b914d302e1c/href">https://medium.com/media/caf8f19883cdb01e82be7b914d302e1c/href</a></iframe><p>Þetta er afar athyglisvert og endurspeglar mögulega að eldra fólk er frekar virkt pólitískt á Facebook. Næstu færslur á listanum eru nokkuð almenns eðlis — snúa ýmist að frambjóðendum flokkanna, fylgiskönnunum eða hvatningu til að mæta á kjörstað.</p><p>Læk eru eftirsóknarverð, en væntanlega eru deilingar heilagur kaleikur flokkanna á Facebook. Það er því ekki úr vegi að líta á hvaða færslum flokkanna hefur verið deilt oftast.</p><figure><img alt="" src="https://cdn-images-1.medium.com/max/1024/1*3cFi--Uf4J1lbXuUwC6vyg.png" /><figcaption>Hver punktur stendur fyrir eina færslu. Færslur sem fleiri en 300 hafa deilt eru rauðmerktar. Gögnin ná frá 1. janúar 2013 til 3. október 2017 og eru sótt af vef Facebook síðasta dag tímabilsins.</figcaption></figure><p>Það er eitthvað minna að frétta af deilingum af síðum flokkanna. Að meðaltali er hverri færslu deilt um 5 sinnum og einungis 12 færslur hafa fengið fleiri en 300 deilingar.</p><p>Nokkrar færslur hafa þó náð talsverðri útbreiðslu og þar af tvær yfir 1000 deilingum. Annars vegar vantraustsyfirlýsing stjórnarandstöðunnar þann 4. apríl 2016, sem fékk 1326 deilingar:</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/Samfylkingin/photos/a.153882679889.111427.152804904889/10154062030249890/%3Ftype%3D3&amp;image=https%3A//i.embed.ly/1/image%3Furl%3Dhttps%253A%252F%252Fscontent.xx.fbcdn.net%252Fv%252Ft1.0-0%252Fp130x130%252F12928407_10154062030249890_2295778003883462093_n.png%253Foh%253D166948a9d61a8ee00807bc3274523e55%2526oe%253D5A4C5A78%26key%3Da19fcc184b9711e1b4764040d3dc5c07" width="600" height="600" frameborder="0" scrolling="no"><a href="https://medium.com/media/02676cc3d241a0a30f48dd930375230b/href">https://medium.com/media/02676cc3d241a0a30f48dd930375230b/href</a></iframe><p>Hins vegar færsla Samfylkingarinnar fyrir tæpum tveim árum síðan sem birtir myndir af þingmönnum Sjálfstæðisflokks og Framsóknar sem höfnuðu tillögu stjórnarandstöðunnar um afturvirkar kjarabætur til aldraðra og öryrkja, sem fékk 1268 deilingar:</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/Samfylkingin/photos/a.153882679889.111427.152804904889/10153753202509890/%3Ftype%3D3&amp;image=https%3A//i.embed.ly/1/image%3Furl%3Dhttps%253A%252F%252Fscontent.xx.fbcdn.net%252Fv%252Ft1.0-0%252Fs130x130%252F12360045_10153753202509890_2256592889744616526_n.jpg%253Foh%253D9cb20b39f28fb6831b9c54a3781f07ce%2526oe%253D5A4F45AC%26key%3Da19fcc184b9711e1b4764040d3dc5c07" width="600" height="600" frameborder="0" scrolling="no"><a href="https://medium.com/media/03de9e3d081cb847e0ad5413d4c9a61d/href">https://medium.com/media/03de9e3d081cb847e0ad5413d4c9a61d/href</a></iframe><p>Í þriðja sæti er fyrrnefnt kökumyndband Bjarna Benediktssonar með 922 deilingar, en í fjórða sæti er myndband Viðreisnar um myntráð, með 616 deilingar.</p><iframe src="https://cdn.embedly.com/widgets/media.html?src=https%3A%2F%2Fwww.facebook.com%2Fplugins%2Fvideo.php%3Fhref%3Dhttps%253A%252F%252Fwww.facebook.com%252Fvidreisn%252Fvideos%252F1137619322982198%252F%26width%3D1280&amp;url=https%3A%2F%2Fwww.facebook.com%2Fvidreisn%2Fvideos%2F1137619322982198%2F&amp;image=https%3A%2F%2Fscontent-iad3-1.xx.fbcdn.net%2Fv%2Ft15.0-10%2Fp720x720%2F14602301_1137651969645600_5660030227632357376_n.jpg%3Foh%3D4a8e44966c1498c371777d08664fb216%26oe%3D5A46327B&amp;key=a19fcc184b9711e1b4764040d3dc5c07&amp;type=text%2Fhtml&amp;schema=facebook" width="1280" height="720" frameborder="0" scrolling="no"><a href="https://medium.com/media/45afb4d6a25255129e93a5b6310ca720/href">https://medium.com/media/45afb4d6a25255129e93a5b6310ca720/href</a></iframe><p>Átta færslur til viðbótar hafa fengið yfir 300 deilingar. Sex þeirra eru nokkuð almenns eðlis — snúa að frambjóðendum flokkanna eða hvatningu til að mæta á kjörstað, en tvær færslur snúa að tilteknu málefni. Eftirfarandi færsla Samfylkingarinnar, frá því fyrir tveim árum, með 471 deilingu:</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/Samfylkingin/photos/a.153882679889.111427.152804904889/10153774868014890/%3Ftype%3D3&amp;image=https%3A//i.embed.ly/1/image%3Furl%3Dhttps%253A%252F%252Fscontent.xx.fbcdn.net%252Fv%252Ft1.0-0%252Fp130x130%252F12376111_10153774868014890_3487478928169203817_n.png%253Foh%253Db4a9fd1103d19cb1c0cdec506fc26c2c%2526oe%253D5A42C9F7%26key%3Da19fcc184b9711e1b4764040d3dc5c07" width="600" height="600" frameborder="0" scrolling="no"><a href="https://medium.com/media/4533fd275b82b7b3c2c6d62a36acb776/href">https://medium.com/media/4533fd275b82b7b3c2c6d62a36acb776/href</a></iframe><p>Og þessi færsla Sjálfstæðisflokksins frá síðustu kosningum, með 352 deilingar:</p><iframe src="https://cdn.embedly.com/widgets/media.html?src=https%3A%2F%2Fwww.facebook.com%2Fplugins%2Fvideo.php%3Fhref%3Dhttps%253A%252F%252Fwww.facebook.com%252Fsjalfstaedis%252Fvideos%252F10154040864522709%252F%26width%3D1280&amp;url=https%3A%2F%2Fwww.facebook.com%2Fsjalfstaedis%2Fvideos%2F10154040864522709%2F&amp;image=https%3A%2F%2Fscontent-iad3-1.xx.fbcdn.net%2Fv%2Ft15.0-10%2Fp720x720%2F14645884_10154040881312709_1935966734989131776_n.jpg%3Foh%3Db2e94623a9ad99c4d8de80282ed8b37c%26oe%3D5A7E31C3&amp;key=a19fcc184b9711e1b4764040d3dc5c07&amp;type=text%2Fhtml&amp;schema=facebook" width="1280" height="720" frameborder="0" scrolling="no"><a href="https://medium.com/media/4bd75d4fe50466cbf5d40ccb1b595c51/href">https://medium.com/media/4bd75d4fe50466cbf5d40ccb1b595c51/href</a></iframe><p>Báðar færslur fjalla um kjaramál eldri borgara.</p><p>Áhugaverðast finnst mér hversu mörg læk/deilingar kjaramál eldri borgara fá samanborið við önnur málefni. Það hversu sterk viðbrögð málefnið vekur endurspeglar væntanlega að einhverju leyti mikilvægi þess í hugum Facebook-fylgjendum flokkanna og að einhverju leyti hvaða notendur eru pólitískt virkir á Facebook.</p><p>Nánast engin önnur málefni fá sérstaklega mikinn fjölda læka eða deilinga. Færslur sem fókusa á frambjóðendur eða almennt um stuðning við ákveðinn flokk virðast mun líklegri til að kveikja á fylgjendum flokkanna. <em>Maður er manns gaman</em> á ágætlega við á Facebook eins og annars staðar.</p><p>Svo það sé nú sagt, þá gramsaði ég í þessum gögnum meira til gamans en af alvöru. Þau benda þó til eins og annars sem kann að vera áhugavert að skoða nánar.</p><img src="https://medium.com/_/stat?event=post.clientViewed&referrerSource=full_rss&postId=bd49cd454b43" width="1" height="1" alt="">]]></content:encoded>
        </item>
        <item>
            <title><![CDATA[Hverjir kepptu um kjósendur 2016?]]></title>
            <link>https://medium.com/@agnarfreyrhelgason/hverjir-kepptu-um-kj%C3%B3sendur-2016-178bf906ea90?source=rss-9213958eb605------2</link>
            <guid isPermaLink="false">https://medium.com/p/178bf906ea90</guid>
            <category><![CDATA[ískos]]></category>
            <category><![CDATA[kosningar]]></category>
            <dc:creator><![CDATA[Agnar Freyr Helgason]]></dc:creator>
            <pubDate>Thu, 21 Sep 2017 09:27:33 GMT</pubDate>
            <atom:updated>2017-09-21T09:27:33.317Z</atom:updated>
            <content:encoded><![CDATA[<p>Í <a href="http://fel.hi.is/islenska_kosningarannsoknin">íslensku kosningarannsókninni</a> (ÍSKOS) er að finna ýmislegt fróðlegt um viðhorf kjósenda til flokka og málefna. Ein af þeim spurningum sem lögð var fyrir kjósendur í aðdraganda síðustu Alþingiskosninga sneri að því hvaða flokk eða flokka viðkomandi væri að íhuga að kjósa. Svarendur svöruðu fyrir hvern flokk á skalanum 0 til 10, þar sem 0 merkir að viðkomandi hafi alls ekki íhugað að kjósa viðkomandi flokk og 10 að viðkomandi muni örugglega kjósa viðkomandi flokk. Með því að greina svörin fyrir ólíka flokka saman er hægt að varpa ljósi á hvaða flokkar kepptu um fylgi óákveðinni 2016.</p><p>Hér að neðan takmarka ég greininguna við þá átta flokka sem hlutu yfir 2,5% fylgi í kosningunum og takmarka úrtakið við þá svarendur sem tóku afstöðu til spurningarinnar fyrir alla átta flokkana. Þá standa eftir 2451 svarendur. Af þeim höfðu 946 (ca. 39%) þegar ákveðið sig (gáfu einum flokki 10, sem gefur til kynna að viðkomandi hafi þegar gert upp hug sinn) og fjarlægi ég þann hóp sömuleiðis, en þá standa eftir 1505 svarendur.</p><p>Taflan hér að neðan sýnir fylgnina (<em>Pearsons r</em>) á milli hverra tveggja flokka meðal þessara 1505 svarenda. Háar jákvæðar tölur og sterkari blár litur gefa til kynna jákvæða fylgni (einstaklingar sem eru líklegir til að kjósa flokk 1 eru líka líklegir til að kjósa flokk 2), en háar neikvæðar tölur og sterkari rauður litur gefa til kynna neikvæða fylgni (einstaklingar sem eru líklegir til að kjósa flokk 1 eru ólíklegir til að kjósa flokk 2). Svartar tölur gefa til kynna tölfræðilega marktæka fylgni, rauðar tölur ómarktæka fylgni.</p><figure><img alt="" src="https://cdn-images-1.medium.com/max/1024/1*A7eLQzrSthg7Vri8_PAExw.png" /><figcaption>Heimild: Panelkönnun ÍSKOS 2016. n=1505. Fylgnistuðullinn er margfaldaður með 100. Gögnin eru vigtuð með tilliti til aldurs, kyns, búsetu, menntunar og kosningahegðunar. Marktæknipróf miðast við 95% öryggismörk með Bonferroni leiðréttingu.</figcaption></figure><p>Þegar rýnt er í fylgnitöfluna má sjá eitt og annað áhugavert.</p><p>Þeir svarendur sem gátu hugsað sér að kjósa Framsóknarflokkinn (B) — sjá fyrstu línuna og/eða fyrsta dálkinn í töflunni — horfðu fyrst og fremst til Sjálfstæðisflokksins (D) sem annars valmöguleika og í minna mæli til Flokks fólksins (F). Svarendur sem gáfu Sjálfstæðisflokknum háa einkunn gáfu Framsóknarflokknum að jafnaði einnig háa einkunn, en þeir virtust einnig horfða til Viðreisnar (C) að einhverju marki. Það má í raun segja að Framsóknarflokkur og Sjálfstæðisflokkur myndi nokkuð skýra miðju-hægri “blokk” í gögnunum, sem ætti ekki að koma á óvart í ljósi þess að flokkarnir sátu saman í ríkisstjórn á þessum tíma, sem naut umtalsverðs stuðnings meðal kjósenda beggja flokka.</p><p>Samfylking (S), Vinstri-græn (V), Björt Framtíð (A) og Píratar (P) mynda svo nokkuð greinilega miðju-vinstri “blokk” meðal kjósenda enda er fylgni hvers pars af flokkum yfir 30% í öllum tilvikum. Að sama skapi ætti það ekki að koma á óvart enda mynduðu flokkarnir nokkuð samhenta stjórnarandstöðu á þessum tíma.</p><p>Á milli þessara tveggja blokka eru Flokkur fólksins og Viðreisn. Stuðningur við Flokk fólksins hefur ekki mikla fylgni við stuðning við önnur framboð, nema þá helst Framsóknarflokkinn. Viðreisn er hins vegar í nokkuð athyglisverðri stöðu, sem nokkurs konar brú á milli blokkanna. Þannig er nokkuð sterk fylgni á milli þess að styðja Viðreisn og annars vegar Bjarta Framtíð (og Samfylkingu og Pírata í minna mæli) og hins vegar Sjálfstæðisflokkinn. Þetta endurspeglar ágætlega þá oddastöðu sem Viðreisn var í eftir síðustu kosningar, en að sama skapi er greinilegt að Björt Framtíð var ekki í viðlíka stöðu. Enda kom það á daginn að bakland Bjartrar framtíðar undi sér illa í samstarfi við Sjálfstæðisflokkinn.</p><p>Það sem er einna athyglisverðast við töfluna er hve takmarkaður samgangur virðist vera á milli blokkanna á meðal svarenda, sem sést á hárri neikvæðri fylgni á milli flokka í sitthvorri blokkinni. Almennt má því segja að kjósendur sem gátu vel hugsað sér að kjósa Sjálfstæðisflokk eða Framsóknarflokk gátu illa hugsað sér að kjósa Samfylkingu, Vinstri-græn, Bjarta Framtíð eða Pírata og öfugt. <strong>Meginþorri kjósenda virðist því fyrst og fremst hafa verið að velja á milli flokka innan blokkar, en síður að ferðast á milli blokka</strong>. Mér segir svo hugur að slík skautun (e. polarization) meðal kjósenda í tvær afgerandi andstæðar fylkingar sé nokkuð ný af nálinni í íslenskum stjórnmálum.</p><p>Segja þessi gögn okkur eitthvað um kosningabaráttuna sem er framundan?Það er ólíklegt að miklar sviptingar verði á slíkri skautun frá einu ári til annars. Væntanlega hafa Viðreisn og sérstaklega Björt framtíð hliðrast frá miðju-vinstri blokkinni í hugum kjósenda í kjölfar ríkisstjórnarsetu með Sjálfstæðisflokknum. Flokkur fólksins er sömuleiðis orðin þekktari stærð en fyrir ári síðan og því gögnin kannski ekki að öllu leyti marktæk fyrir þann flokk. En stóra myndin mun sennilega ekki breytast mikið í kosningabaráttunni sem er framundan.</p><p>Það má því búast við að áfram muni Sjálfstæðisflokkur og Framsókn mynda miðju-hægri blokk í hugum kjósenda og Samfylking, Vinstri græn og Píratar mynda miðju-vinstri blokk. Barátta þessara tveggja blokka við miðjuflokkana tvo, Viðreisn og Bjarta framtíð, og Flokk fólksins, um óákveðna kjósendur mun setja svip sinn á kosningabaráttuna og ráða miklu um hvaða ríkisstjórnarmynstur verði möguleg í kjölfar kosninganna.</p><img src="https://medium.com/_/stat?event=post.clientViewed&referrerSource=full_rss&postId=178bf906ea90" width="1" height="1" alt="">]]></content:encoded>
        </item>
        <item>
            <title><![CDATA[Á Ísland Evrópumet í tíðni þingkosninga?]]></title>
            <link>https://medium.com/@agnarfreyrhelgason/%C3%A1-%C3%ADsland-evr%C3%B3pumet-%C3%AD-t%C3%AD%C3%B0ni-%C3%BEingkosninga-52f1bf4b5a2d?source=rss-9213958eb605------2</link>
            <guid isPermaLink="false">https://medium.com/p/52f1bf4b5a2d</guid>
            <category><![CDATA[kosningar]]></category>
            <dc:creator><![CDATA[Agnar Freyr Helgason]]></dc:creator>
            <pubDate>Mon, 18 Sep 2017 15:10:46 GMT</pubDate>
            <atom:updated>2017-09-18T15:10:46.080Z</atom:updated>
            <content:encoded><![CDATA[<p>Mér til ánægju og yndisauka sótti ég gögn* um fjölda þingkosninga í Evrópu frá hruni, annars vegar, og frá seinni heimsstyrjöld, hins vegar, til að svara spurningunni hér að ofan.</p><p>Fyrri myndin hér að neðan sýnir samanburð á fjölda þingkosninga frá hruni (miðað við fall Lehman Brothers) til loka árs 2017, fyrir vel flest Evrópulönd. Ég tel fyrirhugaðar kosningarnar í lok október nk. með í þessum tölum, ásamt öðrum fyrirhuguðum þingkosningum í Evrópu til loka ársins (t.d. í Þýskalandi).</p><figure><img alt="" src="https://cdn-images-1.medium.com/max/1024/1*dAsz0ruuNGab1tkFa8yLaw.png" /></figure><p>Hér trónir Grikkland (5) á toppnum, en Ísland, Moldóvía og Búlgaría (4) eru skammt undan. Í ýmsum ríkjum sem alla jafna eru álitin búa við nokkuð stöðugt stjórnarfar — t.d. Þýskaland, Noregur og Holland — hefur verið (eða mun hafa verið í lok ársins) gengið til kosninga þrívegis á þessum níu árum sem liðin eru frá hruni. Ítalir (1) reka svo lestina — eru ekkert að stressa sig of mikið á þessu.</p><p>Seinni myndin sýnir samanburð á fjölda þingkosninga frá lokum seinni heimsstyrjaldarinnar til loka árs 2017 fyrir ,,Vestur”-Evrópu. Hafa ber í huga að nokkur ríkjanna á grafinu (Spánn, Portúgal og Grikkland) voru ekki lýðræðisríki allt tímabilið.</p><figure><img alt="" src="https://cdn-images-1.medium.com/max/1024/1*-RQKCk5_52k2ddbC6id5kA.png" /></figure><p>Hér er Grikkland (26) aftur á toppnum, þó Danir hafi reyndar kosið jafnoft til þings á tímabilinu. Ísland (23) er skammt undan, á meðan Lúxemborg og Spánn (13) reka lestina.</p><p><strong>Niðurstaðan</strong>: Nei, jafnvel þó Íslendingar hafi oftar fengið tækifæri til að kjósa til þings en flestar aðrar þjóðir Evrópu, njóta þeir ekki þess vafasama heiðurs að eiga Evrópumetið í fjölda þingkosninga, hvorki eftir hrun né frá lokum seinni heimstyrjaldarinnar. Það má þó halda því til haga að næstu þingkosningar í Grikklandi eru ekki fyrirhugaðar fyrr en eftir rúm tvö ár og því nægur tími til stefnu fyrir Íslendinga til að saxa á forskotið…</p><p>*Gögnin eru að mestu fengin úr gagnasafni <a href="http://mattgolder.com/elections">Matt Golder</a> um kosningar í heiminum frá 1946. Ég hef ekki sannreynt gögnin sérstaklega og set því fyrirvara við mögulegar villur í gagnasafninu. Hef þó enga ástæðu til að ætla að gögnin séu röng. Gögn fyrir 2017 eru fengin af <a href="https://en.wikipedia.org/wiki/List_of_elections_in_2017">Wikipedia</a>.</p><img src="https://medium.com/_/stat?event=post.clientViewed&referrerSource=full_rss&postId=52f1bf4b5a2d" width="1" height="1" alt="">]]></content:encoded>
        </item>
    </channel>
</rss>