<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Alangaravalli on Medium]]></title>
        <description><![CDATA[Stories by Alangaravalli on Medium]]></description>
        <link>https://medium.com/@alangaravalli97?source=rss-47143e52b869------2</link>
        <image>
            <url>https://cdn-images-1.medium.com/fit/c/150/150/0*Uk15c3gYAZt12qYe</url>
            <title>Stories by Alangaravalli on Medium</title>
            <link>https://medium.com/@alangaravalli97?source=rss-47143e52b869------2</link>
        </image>
        <generator>Medium</generator>
        <lastBuildDate>Sun, 22 Nov 2026 05:53:01 GMT</lastBuildDate>
        <atom:link href="https://medium.com/@alangaravalli97/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[என்ன DNA டெஸ்ட் பொய் சொல்லுமா?]]></title>
            <link>https://medium.com/@alangaravalli97/%E0%AE%8E%E0%AE%A9%E0%AF%8D%E0%AE%A9-dna-%E0%AE%9F%E0%AF%86%E0%AE%B8%E0%AF%8D%E0%AE%9F%E0%AF%8D-%E0%AE%AA%E0%AF%8A%E0%AE%AF%E0%AF%8D-%E0%AE%9A%E0%AF%8A%E0%AE%B2%E0%AF%8D%E0%AE%B2%E0%AF%81%E0%AE%AE%E0%AE%BE-bdf4c4a2a3ca?source=rss-47143e52b869------2</link>
            <guid isPermaLink="false">https://medium.com/p/bdf4c4a2a3ca</guid>
            <dc:creator><![CDATA[Alangaravalli]]></dc:creator>
            <pubDate>Tue, 31 Mar 2026 12:03:51 GMT</pubDate>
            <atom:updated>2026-03-31T12:09:37.485Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/480/0*Aa1GUu5dzvDPL5nr" /></figure><p>சமூக வலைதளங்களில் இப்போது இதுதான் டாப் ட்ரெண்டிங். மாதம்பட்டி ரங்கராஜ் — ஜாய் கிரிசில்லா விவகாரத்திற்கு நேற்றோடு ‘சுபம்’ போடப்பட்டுவிட்டது.</p><p>ஆம், “<strong>அவர்தான் தந்தை</strong>” என DNA ரிப்போர்ட் உறுதியாகச் சொல்லிவிட்டது. Paternity Test முடிவுகள் மூலம் ஒரு பெரிய விவாதத்திற்கு முற்றுப்புள்ளி கிடைத்துள்ளது — <strong>அனால் அதை நம்பலாமா?!</strong></p><p>பொதுவாக நாம் அனைவருமே ஆணித்தரமாக நம்புவது ஒன்றைத்தான்: <strong>“DNA டெஸ்ட் பொய் சொல்லாது, அதுதான் இறுதியான உண்மை”</strong> என்று. ஆனால், அறிவியல் உலகம் ஒரு அதிரடியான உண்மையைச் சொல்கிறது: <strong>சில நேரங்களில் உங்கள் DNA-வே உங்களை ‘அந்நியன்’ என்று காட்டிக்கொடுக்கலாம்!</strong></p><p><strong>DNA-வும் ஒரு கல்யாணப் பிரியாணியும்!</strong></p><p>மாதம்பட்டி ரங்கராஜ் தமிழ்நாட்டின் டாப் செஃப். அவர் பாணியிலேயே மனித உடலை ஒரு பெரிய <strong>கல்யாணப் பிரியாணி அண்டா</strong> என்று வைத்துக்கொள்வோம்.</p><p>அந்த முழு பிரியாணியையும் ஒரே ஒரு ‘மாஸ்டர்’ (அதாவது உங்கள் ஒற்றை DNA) சமைத்தார் என்றுதான் நாம் இத்தனை நாட்களாக நம்பிக் கொண்டிருக்கிறோம். ஆனால், அந்தப் பிரியாணியில் வேறு சிலரின் கைவண்ணமும் கலந்திருக்க வாய்ப்புள்ளது. வேறு யாரோ கொஞ்சம் பக்குவம் சேர்த்திருக்கலாம், எதிர்பாராத ஒரு நபர் கொஞ்சம் மசாலா தூவியிருக்கலாம்.</p><p>இத்தனை பேர் சேர்ந்து சமைத்த அந்தப் பிரியாணி அண்டாவின் ஏதோ ஒரு மூலையிலிருந்து ஒரே ஒரு ஸ்பூன் மட்டும் எடுத்து டேஸ்ட் பார்த்துவிட்டு (அதாவது ரத்தத்திலோ எச்சிலிலோ மட்டும் DNA டெஸ்ட் எடுத்துவிட்டு), “இது அவர் செஞ்சதே இல்லை” என்று முழுமையாக முடிவுகட்டிவிட முடியுமா? உடலின் வேறு சில பகுதிகளில் அசல் மாஸ்டரின் சுவை (உண்மையான DNA) இருக்கலாமே!</p><p>அப்படி மருத்துவ உலகையே அதிர வைத்த சில நிஜ சம்பவங்களைப் பார்ப்போம்.</p><p><strong>இருக்கு ஆனா இல்ல</strong></p><p>வாஷிங்டன் மாநிலத்தில் வசிக்கும் <strong>Lydia Fairchild</strong> என்ற தாய்க்கு நேர்ந்தது ஒரு விசித்திரமான கதை. அரசாங்கம் எடுத்த DNA சோதனையில், “இந்தக் குழந்தைகளுக்கு நீங்கள் தாயே இல்லை” என்ற முடிவு வந்தது. “நான்தான் ஒன்பது மாதம் சுமந்து பெற்றேன், இதோ தழும்புகள் இருக்கிறது” என்று அவர் கதறியும் சட்டம் நம்பவில்லை.</p><p>உண்மை என்ன தெரியுமா? Lydia கருவில் இருந்தபோது, அவரோடு ஒரு இரட்டைச் சகோதரியும் வளரத் தொடங்கியிருக்கிறார். ஆனால் ஆரம்பத்திலேயே அந்தச் சகோதரி கருவில் வளராமல் மறைந்து போனார். அந்தச் சகோதரியின் செல்கள் Lydiaவின் உடலில் கலந்துவிட்டன.</p><p>இதனை <strong>‘Vanishing Twin Syndrome’</strong> என்கிறார்கள். Lydiaவின் ரத்தத்தில் ஒரு DNA, அவர் கருப்பையில் வேறொரு DNA! அதாவது, அவர் உடலுக்குள் அவர் பிறக்காத சகோதரியின் அடையாளம் வாழ்ந்து கொண்டிருந்தது. இறுதியில் இது நிரூபிக்கப்பட்டு அவர் விடுதலையானார்.</p><figure><img alt="" src="https://cdn-images-1.medium.com/max/1024/0*rgKjeLrp17kQtNOp.jpg" /><figcaption>Vanishing Baby B</figcaption></figure><p><strong>ஒரே கல்லுல ரெண்டு மாங்கா- Chimerism</strong></p><p>ஒரே உடலில் இரண்டு அல்லது அதற்கு மேற்பட்ட வேறுபட்ட DNA-க்கள் இருப்பதை <strong>‘Chimerism’</strong> என்கிறோம்.</p><p>இது ஏதோ ஒரு சிலருக்கு மட்டும் நடக்கும் அதிசயம் அல்ல. நம் ரத்தத்தில் ஒரு DNA இருக்கும், ஆனால் நம் தோலில் அல்லது உறுப்புகளில் வேறொரு DNA இருக்கும். பலருக்குத் தெரியாமலேயே அவர்கள் உடலுக்குள் ஒரு ‘அந்நியன்’ ஒளிந்திருக்கிறான்.</p><blockquote><strong>FACT | Chimerism என்றால் என்ன?</strong></blockquote><blockquote>கிரேக்க புராணத்தில் ‘Chimera’ என்பது சிங்கம், ஆடு, பாம்பு — மூன்று விலங்குகளின் கலவையான ஒரு அரக்கன். உயிரியலில் Chimera என்பது ஒரே உடலில் இரண்டு வேறு வேறு DNA கொண்ட நிலை.</blockquote><figure><img alt="" src="https://cdn-images-1.medium.com/max/1024/0*zp1PlMu7Rt3S-YdB.jpg" /><figcaption>Chimera</figcaption></figure><figure><img alt="" src="https://cdn-images-1.medium.com/max/736/1*KX9KmQLQCcevblwoj88nrg.jpeg" /><figcaption>Yaazhi nu namma oorla solluvom</figcaption></figure><p><strong>ஆஹா… உள்ளேயே ஆஃபீஸ் போட்டு உக்காந்துருக்காய்ங்க போலயே!” — தாய்ப்பாசத்தின் மிரள வைக்கும் சயின்ஸ்</strong></p><p>தாய்ப்பாசத்திற்குப் பின்னால் ஒரு ஆச்சரியமான அறிவியல் இருக்கிறது. ஒரு தாய் குழந்தையைச் சுமக்கும்போது, குழந்தையின் சில செல்கள் நஞ்சுக்கொடி வழியாக தாயின் ரத்தத்தில் கலக்கின்றன. இவை தாயின் இதயம், மூளை, நுரையீரல் எனப் பல இடங்களுக்குச் சென்று குடியேறுகின்றன.</p><blockquote>ஆராய்ச்சியாளர்கள் 94 வயது தாயின் மூளையில் ஒரு ஆண் குழந்தையின் செல்கள் கண்டுபிடித்தனர் ஆச்சரியம் என்னவென்றால், குழந்தை பிறந்து 60 வருடங்கள் ஆன பிறகும்கூட அந்தக் குழந்தையின் செல்கள் உயிருடன் இருந்துள்ளது!</blockquote><p>இதனை <strong>Microchimerism</strong> என்கிறார்கள். தாயின் உடலில் எங்காவது காயம் ஏற்பட்டால், அவருக்குள் இருக்கும் குழந்தையின் செல்கள் அந்த இடத்திற்கு ஓடிச் சென்று குணப்படுத்த உதவுகின்றனவாம்.</p><p><strong>அந்த தண்ணி என் தண்ணி இல்ல!!!</strong></p><p>ரத்தப் புற்றுநோய் போன்ற பாதிப்புகளுக்கு எலும்பு மஜ்ஜை மாற்று அறுவை சிகிச்சை (<strong>Bone Marrow Transplant</strong>) செய்வார்கள். அப்படிச் செய்த ஒருவருக்கு, தானம் கொடுத்தவரின் DNA உடலில் பரவத் தொடங்கும்.</p><blockquote>2019-ல் அமெரிக்காவில் ஒரு வினோத வழக்கு நடந்தது. ஒரு குற்றவாளியின் DNA-வைச் சோதனை செய்தபோது, அது எங்கோ இருந்த ஒரு நபரோடு பொருந்தியது. விசாரணைக்கு பிறகுதான் தெரிந்தது, அந்தக் குற்றவாளிக்கு எலும்பு மஜ்ஜை தானம் கொடுத்தவர் தான் அவர் என்று. ரத்தம் மட்டுமல்ல, அவரது விந்தணு கூட தானம் கொடுத்தவரின் DNA-வாக மாறியிருந்தது!</blockquote><p>இப்போது சொல்லுங்கள்… இத்தனை பேர் சேர்ந்து சமைத்த அந்தப் பிரியாணி அண்டாவின் ஏதோ ஒரு மூலையிலிருந்து <strong>ஒரே ஒரு ஸ்பூன் மட்டும் எடுத்து டேஸ்ட் பார்த்துவிட்டு (அதாவது ரத்தத்தில் மட்டும் DNA டெஸ்ட் எடுத்துவிட்டு), “இது அவர் செஞ்சதே இல்லை” என்று சொல்வது எந்த அளவுக்கு நியாயம்?</strong> உடலின் வேறு சில உறுப்புகளில் அசல் மாஸ்டரின் கைவண்ணம் (உண்மையான DNA) இருக்கலாமே!</p><p>அதனால், “DNA டெஸ்ட் வந்துட்டா எல்லாமே முடிஞ்சது, ரிசல்ட் தெரிஞ்சிடும்” என்று சமூக வலைதளங்களில் அவசரப்பட்டுத் தீர்ப்பு எழுதுபவர்கள் கொஞ்சம் பொறுமை காக்க வேண்டும். ஒரு மனிதனின் அடையாளம் என்பது வெறும் ஒரு துளி ரத்தத்திலோ, எச்சிலிலோ அடங்கிவிடுவதில்லை. மனித உடல் என்பது அறிவியல் இன்னும் முழுமையாகப் படித்து முடிக்காத ஒரு பெரிய மர்ம நாவல். அதில் எந்தப் பக்கத்தில் என்ன ‘ட்விஸ்ட்’ இருக்கும் என்பது இயற்கைக்கு மட்டுமே வெளிச்சம்!</p><img src="https://medium.com/_/stat?event=post.clientViewed&referrerSource=full_rss&postId=bdf4c4a2a3ca" width="1" height="1" alt="">]]></content:encoded>
        </item>
    </channel>
</rss>