<![CDATA[Stories by Anirguiln on Medium]]> https://medium.com/@anirguiln?source=rss-19929d913ad5------2 https://cdn-images-1.medium.com/fit/c/150/150/1*5GstgiT0Fw3zG3Hphe2aMA.jpeg Stories by Anirguiln on Medium https://medium.com/@anirguiln?source=rss-19929d913ad5------2 Medium Sat, 14 Nov 2026 12:52:16 GMT <![CDATA[ХАГАРСАН ХУНДАГА МЭТ ЧИ БИД ХОЁР ШИГ ХҮМҮҮС Л ЗӨВХӨН ГУНИГТАЙ ХАЙРЫН ТУХАЙ ШҮЛЭГЛЭНЭ…]]> https://medium.com/@anirguiln/%D1%85%D0%B0%D0%B3%D0%B0%D1%80%D1%81%D0%B0%D0%BD-%D1%85%D1%83%D0%BD%D0%B4%D0%B0%D0%B3%D0%B0-%D0%BC%D1%8D%D1%82-%D1%87%D0%B8-%D0%B1%D0%B8%D0%B4-%D1%85%D0%BE%D1%91%D1%80-%D1%88%D0%B8%D0%B3-%D1%85%D2%AF%D0%BC%D2%AF%D2%AF%D1%81-%D0%BB-%D0%B7%D3%A9%D0%B2%D1%85%D3%A9%D0%BD-%D0%B3%D1%83%D0%BD%D0%B8%D0%B3%D1%82%D0%B0%D0%B9-%D1%85%D0%B0%D0%B9%D1%80%D1%8B%D0%BD-%D1%82%D1%83%D1%85%D0%B0%D0%B9-%D1%88%D2%AF%D0%BB%D1%8D%D0%B3%D0%BB%D1%8D%D0%BD%D1%8D-7d94a48476cd?source=rss-19929d913ad5------2 https://medium.com/p/7d94a48476cd Thu, 26 Mar 2026 17:44:34 GMT 2026-03-26T17:44:34.283Z ХАГАРСАН ХУНДАГА МЭТ ЧИ БИД ХОЁР ШИГ ХҮМҮҮС Л ЗӨВХӨН ГУНИГТАЙ ХАЙРЫН ТУХАЙ ШҮЛЭГЛЭНЭ…

]]> <![CDATA[Булингар]]> https://medium.com/@anirguiln/%D0%B1%D1%83%D0%BB%D0%B8%D0%BD%D0%B3%D0%B0%D1%80-af5d186074c5?source=rss-19929d913ad5------2 https://medium.com/p/af5d186074c5 Wed, 13 Aug 2025 15:13:13 GMT 2025-08-13T15:13:13.617Z Тэнгэр лүү би ширтэнэ

Тэндээс чи ирдэг

Нар сарнаас чи эхтэй

Харанхуйг минь гэрэлтүүлнэ

Амжиж ажилдаа явна

Алхаж гэртээ хүрнэ

Зүүдэлж чамайг харна

Зурж цагаа үрнэ

Ая эгшигээс чи ихтэй

Амьсгал минь давчдана

Монте Кристо гүн-г уншина

Чи бол Эдмон Дантес

Загас нүдээ анидаггүй

Зүрхэлж чамд хүрдэггүй

Би хүсээгүй болохоор

Чи үхээгүй

Бодол биелээгүй болохоор

Чамд сонсогдоогүй

Булингар хурсан зүрхэндээ

Бууж би өгнө

2025 он А. Анирлан

]]> <![CDATA[Зүүд]]> https://medium.com/@anirguiln/%D0%B7%D2%AF%D2%AF%D0%B4-744b5e40732a?source=rss-19929d913ad5------2 https://medium.com/p/744b5e40732a Wed, 13 Aug 2025 14:28:28 GMT 2025-08-13T14:29:29.436Z Өчигдөр шөнө чи миний зүүдэнд орж ирсэн

Тэгээд намайг тэврээд уучлаарай гэж хэлсэн

Чи найзуудтайгаа алхаж байгаад намайг олж хараад нэрээр минь дуудсан

Чангаас чанга тэврэлт чинь зүүд байсан ч надад бодит мэт санагдсан

Чи хэлэхдээ надад гаргасан бүх сэтгэлд чинь баярлалаа гэсэн

Гэхдээ баярлах ёстой хүн нь зөвхөн би л гэдгийг мэднэ биздээ

Хэдий зөвхөн зүүдэндээ дахин уулзсан ч үнэр чинь нэг л дотно

Тэгээд би ахиад л ардаас чинь харж ширтсээр нөгөө үгээ хэлсэн

Хэзээ нэгэн өдөр над дээр эргээд ирвэл би бүхнээ орхиод чамтай байна гэж

Тэгээд гэнэт сэрээд энэ бүхэн зүүд байсныг ухаарахад

Тэсэлгүй ихээр нулимс урасган чамайг маш их санасан ч

Өөр нэгэн хажууд минь тайван унтаж байхыг хараад бодохдоо

Бидний шийдвэр зөв байсан гэж, бидний шаналал хоосон байгаагүйг

Зүрхэнд минь байсан тэр өвдөлт, нулимс хоёр зүгээр урсаагүйг

Тиймээс гуйя дахиад ганцхан удаа жаргаж буй нарны дор далайг ширтье.

Гэхдээ : Юу ч болж байсан чамайг үргэлж аз жаргалтайгаар инээж, өдөр бүр хайрыг мэдэрч амьдраасай гэж хүсэж байна.

Яг л би түүнд хайрлуулдаг шиг…

2025 он А. Анирлан

]]> <![CDATA[Утгагүй баахан асуулт]]> https://medium.com/@anirguiln/%D1%83%D1%82%D0%B3%D0%B0%D0%B3%D2%AF%D0%B9-%D0%B1%D0%B0%D0%B0%D1%85%D0%B0%D0%BD-%D0%B0%D1%81%D1%83%D1%83%D0%BB%D1%82-55c232c86ab4?source=rss-19929d913ad5------2 https://medium.com/p/55c232c86ab4 Wed, 30 Apr 2025 03:15:11 GMT 2025-04-30T03:15:11.312Z Бидний толгой тархинд мэдрэгдэж буй энэ бүх мэдрэмжийг бодит гэдэгт та итгэдэг үү? Аль эсвэл бид төрсөн цагаасаа үхэх хүртэл өөрсдийн төсөөллийн тайзан дээрээ уянгын жүжиг тоглосоор байгаад үхдэг үү? Ер нь та өөрөө яг бодит оршихуй мөн үү? Бидний туйлын зорилго яг юу вэ? Яадаг ч байсан энэ лалрын асуултуудыг өөрт тань үлдээе.

Одоо харин гол асуулт : “ Сэтгэл гутрал үнэхээр байдаг уу? “

Та сэтгэл гутралтай юу? Эсвэл зүгээр л нэг амьдралын асуудалд арай хийж тэсэж өдрийг урсгалаараа өнгөрөөх стресс бухимдалтай иргэн үү? Цаг хугацаа өнгөрч хэдэн хаврыг ээлжлэн үзэх тусам бид. илүү “ Гутранги үзэлдэнгүүт“ болж байгаа мэт мэдрэмж төрдөг үү?

Тийм ээ анд минь, хүн бүрд амьдралд нь хэзээ нэгэн цагт үхэх хүсэл маш хүчтэй төрдгийг мэднэ. Тэглээ гээд яана гэж үхмээр санагдлаа гээд шууд үхчих үү? Яахав маш амархан хийгээд энгийн л шийдэл байна. Үхлээ, үхчихлээ… Цаашаа яах вэ? Үлдсэн хүмүүстээ уй гашууг мэдрүүлэх үү? Хүүр чинь хаа нэг уулын мухарт булагдчихаад хөрсний бохирдол үүсгэгч болох уу? Аль эсвэл чи дараагийн төрөлд итгэдэг тэнэг амьтан биш л бол сүнсний тухай бодоод ч хэрэггүй.

“ Гэхдээ надад л лав угтаа энэ бүгд хүн төрөлхтний бодож олсон хөөрхийлөлтэй нэг худал л санагддаг. Хариулт нь их энгийн. Бидний туйлын зорилго яг юу вэ? Хариулт нь “Юу ч биш!”. Мань хэд угаасаа хэдэн мянган жилийн өмнөөс л эр эм хоёрын хурьцлын үр дүнд бий болчихсон. Тэгээд л жоом шиг өсөж үржээд эдүгээ дэлхий дээр 8 тэрбум хүн чихцэлдэж амьдарч байнадаг. Энд чинь утгасаад байх юу байгаа юм бэ? Чи би бид бүгд ердөө л эцэг эхийнхээ ганц шөнийн таашаалын үр дүн. Угтаа энэ нь биологийн л зарчим. Тэгэхээс биш чи нээх цор ганц, дахин давтагдашгүй, дэлхий ертөнц дээр ямар нэгэн зүйл бүтээх гэж ирсэн төгс хүн лав биш. Хэрвээ тэгж боддог байсан бол дахин уучлал хүсье хонгор минь. Одоо наад драмтик бодлоо тархинаасаа авч хаяад үлдсэн хэдэн жилээ яаж сэтгэл ханамжтай өнгөрөөх тухайгаа л бод” гээд хэлчихмээр байгаа ч надад угаас хүмүүстэй ярилцах битгий хэл нийгмийн амьдралд ч орох эрч хүч алга байгаа учраас энэ хүрээд дууслаа…

( Өөртөө л байдаг өнөөх л утгагүй өрөвдөлтэй бодлоо бичин үлдээв. )

2025 он А.Анирлан

]]> <![CDATA[Хайрын тухай бодов]]> https://medium.com/@anirguiln/%D1%85%D0%B0%D0%B9%D1%80%D1%8B%D0%BD-%D1%82%D1%83%D1%85%D0%B0%D0%B9-%D0%B1%D0%BE%D0%B4%D0%BE%D0%B2-153567a24288?source=rss-19929d913ad5------2 https://medium.com/p/153567a24288 Wed, 16 Apr 2025 02:15:08 GMT 2025-04-16T02:15:08.608Z А : Хэзээ нэгэн цагт хэн нэгийг хамаг амьдралаа болгож хайрласан бол дахиад өөр хүнийг хайрлах боломжтой юм болов уу?

Б : Харин л дээ… Чи өмнө нь надаас өөр нэгнийг хайрлаж байсан. Гэхдээ одоо намайг ч бас хайрладаггүй гэж үү?

В : Хайр гэдэг чинь өрөөсгөл ойлголт. Бид зүгээр л ямар нэгэн зүйлээс болж гуниглаж, гуниглачихад гудрах л дуртай. Стрессээс өөр мэдрэмжүүдийг мэдэрч байж бид сэтгэл зүйн таашаал авна.

Г : Хайр бол хайр. Хайр өвтгөдөг, хайр гуниглуулдаг. Гэхдээ хайр өөрчилж бас эдгээж ч чаддаг.

Д : Хайр яг л арван зургаатай өсвөр насны охин шиг. Заримдаа хэн ч чамайг ойлгохгүй эсвэл чи дэлхий ертөнц дээр цор ганцаараа юм шиг. Аа эсвэл бүр дээвэр дээрээс үсэрчхэж ч мэднэ!

Е : Яадаг ч байсан ямар ч бодол алга. Хайр гэгч нь лав надаар дутахгүй биз. Ажилдаа оръё…

]]> <![CDATA[Санах]]> https://medium.com/@anirguiln/%D1%81%D0%B0%D0%BD%D0%B0%D1%85-c03a77355cd9?source=rss-19929d913ad5------2 https://medium.com/p/c03a77355cd9 Wed, 02 Apr 2025 00:09:53 GMT 2025-04-02T23:42:25.188Z Гэнэт надаас чам руу урсах намуун үгс гандаад

Гуниг хурсан үүлс уулсын цаагуур нүүчихээд

Нартын орчлонд навчис гундаж нулимсаа залгиад

Надаас чи холын хол намар шиг буцаад

Урагдаж тасдагдсан захидалын хуудаснууд

Уйлж өнгөрөөсөн хүндхэн шөнүүд шиг хуучираад

Ханын цагын чаг чаг хийх чимээ аниргүйд уусаад

Хавар ирэхэд өвөл шиг чамд мартагдаад

Гансарсан сэтгэлээ дийлэлгүй ганцаардалаа урж идээд

Гудамжинд хөглөрсөн навчис цэцэг болж дэлгэрээд

Эргэх хорвоогийн энгийн өдрүүд ээлжлэн солигдоод

Ээждээ эргээд очсон бяцхан хүүг сангалзан мөрөөдөж

Чи бус чамтай өнгөрөөсөн дурсамжууд намайг

Чимээгүй тарчлан зовоох шиг яасан амттай гуниг вэ?

2025 он А.Анирлан

]]> <![CDATA[Хүндэт далай минь…]]> https://medium.com/@anirguiln/%D1%85%D2%AF%D0%BD%D0%B4%D1%8D%D1%82-%D0%B4%D0%B0%D0%BB%D0%B0%D0%B9-%D0%BC%D0%B8%D0%BD%D1%8C-23e4efe6239e?source=rss-19929d913ad5------2 https://medium.com/p/23e4efe6239e Sun, 23 Mar 2025 19:39:06 GMT 2025-03-29T11:46:00.139Z Хүндэт далай минь, давалгаа минь

Та үргэлж л намайг гунигтай болгох юм

Хамт байхад асгараад л байсан сэтгэл

Одоо та бид хоёрт зүгээр л дурсамж болчихсон уу?

Хайр болон харуусалыг бичсэн захидалууд минь

Хэдийнээ таны хогын саванд чинь байдаг болсон уу?

Бодолд минь хааяа та орж ирэхэд

Учиргүй их гунигтай болчих юм би

Битгий эргэлдээд бай гээд бүгдийн орхиод явмаар байгаа ч

Урууланд минь үлдээсэн мөрийг чинь мартана гэж үгүй юм шиг

Нээрээ дахиад нулимс чинь урсаж байгаа юу?

Бүх гунигийг чинь аваад холын хол явчихсан юмсан

Нүд чинь дахиад л хоосон харцаар ширтэж байна уу?

Нүүж явахдаа би хамаг зүрхээ үүдэнд чинь үлдээчихсэн юмсан

Өнөөдөр түүний төрсөн өдөр ч, өнгөрсөн жил лав

Амьдралын минь аз жаргалтай өдөр байсансан

Өглөөг би дахиад л хүндүүрлэсэн сэтгэлтэй угтах нь дээ…

Аа хагацал гэдэг ийм амттай байх нь ээ!

Хэтэрхий их өвдөөд хөл дээрээ ч тогтож чадахгүй

Гэсэн ч босоод алхахгүй бол гартаа би гунигыг чинь атгачихсан

Хүзүүндээ харин таны талыг зүүчихээд хөдөлж л ядна даа

Хүндэт далай минь, давалгаа минь…

Төрсөн өдрийн мэнд хүргэе!

2025 он А.Анирлан

]]> <![CDATA[Нэр өгөх гээд болсонгүй]]> https://medium.com/@anirguiln/%D0%BD%D1%8D%D1%80-%D3%A9%D0%B3%D3%A9%D1%85-%D0%B3%D1%8D%D1%8D%D0%B4-%D0%B1%D0%BE%D0%BB%D1%81%D0%BE%D0%BD%D0%B3%D2%AF%D0%B9-69cb44fbcb74?source=rss-19929d913ad5------2 https://medium.com/p/69cb44fbcb74 Thu, 20 Mar 2025 01:10:39 GMT 2025-03-20T01:10:39.484Z Тархиа тарааж судасаа ханадаг

Тариа шахаж дураа хангадаг

Эгэл даруу охидын итгэлийг хоосолдог

Эмийн сангаар ходоодоо хоололдог

Хүүрээ тарааж хоосон гааз сордог

Хорт утаандаа угаартан мансуурдаг

Үнсээ ухаж үмх мах хайдаг

Үрээ хаяж эмсийн өвөр сөхдөг

Би хар тамхичин луйварчин бас гуйлагчин

Чи араар тавигч арван тавтай биеэ үнэлэгч

Би бор дарсанд толгойгоо мэдүүлсэн бүрхэг UB-гийн иргэн

Чи өвс зарж өтөнд идэгдсэн өмхий Улаанбаатарын өлөгчин

2025 он А.Анирлан

]]> <![CDATA[Захидал #3]]> https://medium.com/@anirguiln/%D0%B7%D0%B0%D1%85%D0%B8%D0%B4%D0%B0%D0%BB-3-5bdbf909c49a?source=rss-19929d913ad5------2 https://medium.com/p/5bdbf909c49a Mon, 23 Dec 2024 14:27:17 GMT 2024-12-23T14:27:17.478Z “… Сэтгэлд минь гуниг байсаар байгаа ч зүрхэнд өвдөлт огт мэдрэгдэхгүй байгаа. “

***

Дурлаж үзээд өөр юу өөрчлөгдсөнийг хэлэх үү?

Бүх зүйл. Гараа угаахдаа хүртэл арьсаа нэгд нэгэнгүй тэмтэрч, толинд өөрийгөө удаан гэгч ажиж, чиний хүрэх эсвэл үнэрлэх харах мэдрэхүйд таашагдан амьдрахыг хүсдэг болчихсон. Дурлал миний сэтгэлийн нүдийг, бас чихийг нээсэн. Дурлал намайг мэдрэг болгосон, бүх дэлхийтэй холбосон. Яасан үзэсгэлэнтэй амьдрал дунд би өөрийгөө л бодож яваав дээ…

***

Зүрх минь шархалсан ч дурлал надад багшилсаар байсан юм. Би дурсамжийг хөвж, бас нэхэж сурсан. Нулимс сул асгараад тогтохгүй үед хүнд юу бодогддогийг, “Үүрд мөнх”-ийн тухай бодол хичнээн оргилуун, бас аюултай гэдгийг олж мэдсэн. Авч, бас хаяж сурсан. “Үргэлжлэл” хичнээн нандин зүйл гэдгийг ойлгосон. Төгсгөл ирээд явсаны дараа харамсахгүйн тулд л бид одоод хайртай байдаг юм билээ.

***

“ Зүгээр дээ бид бүгд л алддаг, гол нь алдаанаасаа сургамж авч цааш алхах” гэж амьдрал надад ахиад нэг сануулах шиг. Чиний хэлсэнээр надад чи байгаа гэж бодоод одоо л хүч орж байх шиг. Дахиад ганцхан удаа харахсан гэдэг хүсэлдээ гуниглаж, гарцаагүй бүх буруу надаас л болдог гэх шаналалыг минь чи ганцхан өдөрт бүгдийг нь эдгээчихэж. Сэтгэлд минь гуниг байсаар байгаа ч зүрхэнд өвдөлт огт мэдрэгдэхгүй байгаа. Чи минь ийм л гайхалтай шүү дээ.

***

Магадгүй бид ахиад уулзах өдрөө дахин нэг удаа анхных шигээ доглолоор уулзаж ахин хамтдаа аз жаргалтай өдрүүдийг бүтээхийн төлөө би илүү их хичээе.

Харин чи намайг илүү их санаасай…

Солонгос улс, … хот

2024 он А.Анирлан

]]> <![CDATA[Захидал #2]]> https://medium.com/@anirguiln/%D0%B7%D0%B0%D1%85%D0%B8%D0%B4%D0%B0%D0%BB-2-aaf13b8f1071?source=rss-19929d913ad5------2 https://medium.com/p/aaf13b8f1071 Mon, 23 Dec 2024 14:22:34 GMT 2024-12-23T14:24:15.537Z Хоромхон туяараад сарних төдийдөө бүхэл өдрийг минь гийгүүлээд өнгөрөх үүлэн чөлөөний нар шиг инээдийг чинь би ажиж, хоолойнд чинь уярч, үнэрийг чинь сүнсээрээ илбэн жаргаж бүхэл ертөнцийг умартан чиний оршихуйд уусан дурласан.

“ Хүлээж байя” гэсэн өөриймсөг үгсэд чинь догдлоод, догдолсондоо тогтож ядаад гэрэлтэй цонх, дулаахан гэр лүү чинь байдгаараа яарчихсан цүнхээ шүүрч явахдаа энгэрт чинь эрхэлж хөлд чинь сөхөрч дурласан.

Намтар үлдэж, нэр минь хуудастай нь хамт хуучирч хоцрох хорвоогийн жамыг даган нарыг тойрохоор явахдаа хөөрхөн нүдний чинь нулимс сул тасарч, энгэрт минь унахыг үзээд гуниг ганцаардал хоёрт чинь би гансарч дурласан.

Тэртээд болж өнгөрсөн бороотой үдэшийг бодохдоо дурсамжинд минь үлдсэн тэр хүнийг олж хараад, харсан чигтээ ширтээд үлдчихсэн тэр л гэнэн дөлгөөн харцыг ахин нэг эргэн дурсаж нулимсаараа далай бүтээгээд сансан сэтгэлээр даруул хийгээд чамайг би үнэн зүрхнээсээ санан дурласан.

Миний хамгийн дуртай эхлэл, бас төгсгөл, ганцхан хором, бас үүрд мөнх минь

Миний дуулъя гэж санахдаа уяраад нулимсаа асгаруулчихсан аялгуу минь

Миний урсгаж чадаагүй үгс , хуучилж амжаагүй дурдатгал минь

Миний энгэртээ тэврэхдээ алдуураад зүрхэндээ нуучихсан эрдэнэс минь…

Би чамд хайртай

Солонгос улс, … хот

2024 он А.Анирлан

]]>