<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Liˋ Gon Limˇ on Medium]]></title>
        <description><![CDATA[Stories by Liˋ Gon Limˇ on Medium]]></description>
        <link>https://medium.com/@b11704064?source=rss-b6a3f0d18fc7------2</link>
        <image>
            <url>https://cdn-images-1.medium.com/fit/c/150/150/1*A4DpW-CBcJtlaaNxVGNAYQ.jpeg</url>
            <title>Stories by Liˋ Gon Limˇ on Medium</title>
            <link>https://medium.com/@b11704064?source=rss-b6a3f0d18fc7------2</link>
        </image>
        <generator>Medium</generator>
        <lastBuildDate>Mon, 16 Nov 2026 22:30:00 GMT</lastBuildDate>
        <atom:link href="https://medium.com/@b11704064/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[＆客家社个緣分－2024~2026]]></title>
            <link>https://medium.com/@b11704064/%E5%AE%A2%E5%AE%B6%E7%A4%BE%E4%B8%AA%E7%B7%A3%E5%88%86-2024-2026-679abf3cc8ae?source=rss-b6a3f0d18fc7------2</link>
            <guid isPermaLink="false">https://medium.com/p/679abf3cc8ae</guid>
            <dc:creator><![CDATA[Liˋ Gon Limˇ]]></dc:creator>
            <pubDate>Sat, 18 Jul 2026 19:32:38 GMT</pubDate>
            <atom:updated>2026-07-18T19:32:38.073Z</atom:updated>
            <content:encoded><![CDATA[<p>初開始會加入客家社，係想愛去尋著「講客伴」，建立自家个語言社群，拓展自家个眼界。</p><p>因為以前𠊎在屋下淨做得摎姐公講客，講久了會發現主題當有限，變做𠊎愛緊用問題來去引起姐公个記憶，就較無像一般平常个對話，係當刻意去維持、發想个。</p><p>發現自家會想愛繼續行等客家這條路，係因為得著个正面回應非常多，淨係講客、尋著客家社，大家就會當鼓勵𠊎進前在該煞猛个歲月，故所得著了成就感，續等就想愛摎客家社做較多个事情，在該做个時節雖然乜毋係做到幾好，毋過因為比以前過較認真，得著个正面反響又變到較多了。</p><p>到今年係第二年結束了，正經還難得，做得尋著恁多好夥伴，共下做事來發展客家社，雖然大家還係會因為自家各式各樣个事情，當難全部人聚到共下，但係𠊎還係當珍惜同大家共下搞个時間。</p><p>𠊎知得這生人可能還有當多機會再過同人共下搣客家，乜知得這可能係𠊎在大學个這段時間最有無可能賺錢个投資，毋過𠊎毋後悔，這係盡好个時光。</p><img src="https://medium.com/_/stat?event=post.clientViewed&referrerSource=full_rss&postId=679abf3cc8ae" width="1" height="1" alt="">]]></content:encoded>
        </item>
        <item>
            <title><![CDATA[做過个客家事]]></title>
            <link>https://medium.com/@b11704064/%E5%81%9A%E9%81%8E%E4%B8%AA%E5%AE%A2%E5%AE%B6%E4%BA%8B-7ea5b9aa412b?source=rss-b6a3f0d18fc7------2</link>
            <guid isPermaLink="false">https://medium.com/p/7ea5b9aa412b</guid>
            <category><![CDATA[客家]]></category>
            <category><![CDATA[客語]]></category>
            <dc:creator><![CDATA[Liˋ Gon Limˇ]]></dc:creator>
            <pubDate>Fri, 03 Jul 2026 08:57:54 GMT</pubDate>
            <atom:updated>2026-07-03T08:59:01.046Z</atom:updated>
            <content:encoded><![CDATA[<p>資料一無注意就寫啊當長，想了一下，無就放到這片好了。</p><p>背景：<br>在台北出世、長大，從細就知得姐公係客人，但係屋下毋會講客。<br>係到高中二年生个時節，因為在合唱團唱了當多客語歌，開始去反思屋下个語言環境，試著應該愛摎母語學轉來，故所開始同姐公姐婆學客話摎學老話。今下客語學齡五年，有四縣中高、海陸&amp;大埔初級。</p><p>客家參與：<br>1. 客家社社長：<br>在大學一年生个時節開始參加社課，到三年生个時節接了社長，做了兩年，現下既經交接分下一屆。<br>對社團个願景係：</p><p>在校園裡背營造一隻Hakka Corner，分來自各地个客家後生做得有隻地方講客、交流，凝聚一隻穩定存在个客家青年社群。</p><p>2. 活動內容：<br>（一）推廣活動（擺攤仔）：<br>參加校內个社團聯展、辦理客家週賣食个、去參加大港開場个NGO市集，分較多人知得𠊎(ngaiˇ)等。</p><p>（二）數位社群傳播：<br>經營Threads、IG、FB這兜社群媒體，透過貼文互動同翕短影音這兜形式，提升社團能見度。</p><p>（三）實地行讀同社課學習：<br>文化行讀：規劃行讀行程（目前去過新屋、竹北六家、苗栗、銅鑼、南庄、頭份），帶大家行出校園，去客庄行行啊。<br>社課：主要使用客語，規劃各式主題，像係：客人歧視个討論、客人个民俗植物、客家个飲食文化、客家音樂概述這兜。</p><p>（四）編寫刊物：<br>創社35年个時節，該時經過幾下年个經營，𠊎(ngaiˇ)兜又堵堵好聯繫到當多以前个學長姐，故所發起一隻計劃，同學長姐邀稿，編寫一本紀念專書，記錄社團个歷史同回憶。</p><p>3. 客委會青諮<br>識擔任客委會第一屆个青年諮詢委員，主要提出个意見係針對客語手機輸入法，希望做得提升便利性同實用性。</p><img src="https://medium.com/_/stat?event=post.clientViewed&referrerSource=full_rss&postId=7ea5b9aa412b" width="1" height="1" alt="">]]></content:encoded>
        </item>
        <item>
            <title><![CDATA[客語歌詞整理1：菊花夜行軍-縣道184]]></title>
            <link>https://medium.com/@b11704064/%E5%AE%A2%E8%AA%9E%E6%AD%8C%E8%A9%9E%E6%95%B4%E7%90%861-%E8%8F%8A%E8%8A%B1%E5%A4%9C%E8%A1%8C%E8%BB%8D-%E7%B8%A3%E9%81%93184-c0ca070a3756?source=rss-b6a3f0d18fc7------2</link>
            <guid isPermaLink="false">https://medium.com/p/c0ca070a3756</guid>
            <dc:creator><![CDATA[Liˋ Gon Limˇ]]></dc:creator>
            <pubDate>Tue, 03 Mar 2026 07:13:06 GMT</pubDate>
            <atom:updated>2026-03-03T07:13:06.773Z</atom:updated>
            <content:encoded><![CDATA[<p>會有這兜文，係因為𠊎自家對這幾張專輯非常个中意，希望作為一儕粉絲，摎歌詞个意義寫做客文，分大家做得用客語來理解厥个意境。</p><p>建議傍歌仔來看，歌曲連結：<a href="https://youtu.be/W_32DyC5so0">YouTube</a>／<a href="https://open.spotify.com/track/38LDAD28whhM0MavhNE8tb">Spotify</a>／<a href="https://music.apple.com/tw/song/%E7%B8%A3%E9%81%93184/1240790452">Apple Music</a>／<a href="https://kkbox.fm/6s0fag">KKBOX</a></p><p>縣道184，初開始<br>像一尾䘆公<br>同日頭落山、話糸又毋通个地方<br>逩啊到，𠊎等這个庄頭<br>擺擺阿爸，車穀包，去農會換肥料<br>就會撖𠊎，擳啊到牛車頂高矺心</p><figure><img alt="" src="https://cdn-images-1.medium.com/max/224/1*cT3erbLpJ63giEl4kTShQA.jpeg" /><figcaption>䘆公 hianˋ gungˊ</figcaption></figure><p>同位仔看啊出，縣道184<br>像一穴老鼠窿<br>路兩脣个鐵刀木，野野搭搭<br>孵出禾鷝仔、揚蝶仔、撖樹影仔</p><figure><img alt="" src="https://cdn-images-1.medium.com/max/540/1*6SW6ocessl0aSX1XsEZQ5g.jpeg" /><figcaption>老鼠窿 no cuˋ nungˇ</figcaption></figure><figure><img alt="" src="https://cdn-images-1.medium.com/max/1024/1*4PUrI1cUFeSlPOduTSkBIQ.jpeg" /><figcaption>鐵刀木 tiedˋ doˊ mugˋ</figcaption></figure><figure><img alt="" src="https://cdn-images-1.medium.com/max/1024/1*zP_vqCBb9Eak0cPFG4np0A.jpeg" /><figcaption>禾鷝仔 loˇ bidˋ eˋ</figcaption></figure><figure><img alt="" src="https://cdn-images-1.medium.com/max/275/1*vVI6qk3HAydAXRc6BaakSA.jpeg" /><figcaption>揚蝶仔 iongˇ iab eˋ</figcaption></figure><p>同位仔看啊出，縣道184<br>像一尾南蛇<br>久久正會有一台，摒屎牌送車<br>滿滿疊等，大膣嫲枝个ヒノキ<br>攻天攻地，同山肚裡剷啊出</p><figure><img alt="" src="https://cdn-images-1.medium.com/max/1024/1*BavYgDL7tzfR7ug5AyfFrQ.jpeg" /><figcaption>南蛇 namˇ saˇ</figcaption></figure><figure><img alt="" src="https://cdn-images-1.medium.com/max/500/1*BL3JhsSR0mVRV3TwnfereQ.jpeg" /><figcaption>摒屎牌送車 binˋ siiˋ paiˇ sung caˊ</figcaption></figure><figure><img alt="" src="https://cdn-images-1.medium.com/max/500/1*p6ufiButQkqbUhqX5Ym44A.jpeg" /><figcaption>ヒノキ hiˊ no kiˋ</figcaption></figure><p>重劃過後，田脣改轉直角<br>打馬膠路斯打啊密麻漬灂<br>耕田斯啊，緊來緊省工<br>但係斯，緊來緊壞賺食</p><figure><img alt="" src="https://cdn-images-1.medium.com/max/960/1*2yENggYz1h80t7QRXnDCMg.jpeg" /><figcaption>田脣tienˇ siinˇ</figcaption></figure><figure><img alt="" src="https://cdn-images-1.medium.com/max/1024/1*nvfznLnD2cXlP45tOIJZ3g.jpeg" /><figcaption>打馬膠路daˋ maˊ gauˊ lu</figcaption></figure><p>縣道184，這項時<br>像一尾湖蜞<br>巴等𠊎等這个庄頭<br>緊唶緊肥，緊唶緊光生<br>歸庄个後生仔<br>畀佢<br>唶淨淨</p><figure><img alt="" src="https://cdn-images-1.medium.com/max/800/1*LrQhp8y42lN8AQIPzXckQg.jpeg" /><figcaption>湖蜞fuˇ kiˇ</figcaption></figure><p>詞彙解釋：</p><p>䘆公 hianˋ gungˊ：在地泥下个一種動物，食爛葉仔<br>同：土蚓 Tōo-kún; Earth worm; ミミズ; Cacing tanah</p><p>同 tungˇ：從某一隻所在<br>同：對uì／tuì; From; …から; Dari</p><p>話系 fa xi：各式各樣个話所形成个分類體系<br>同：語系gí-hē; Language family; 語族(ごぞく); Rumpun bahasa</p><p>逩 bun：在地泥下挖<br>同：<a href="https://chhoe.taigi.info/TaioangiSiongiongGilui/569">濆 Bùn</a>; Burrow; 穴を掘る; Liang</p><p>…啊到 … a do：…到某隻所在<br>同：…去khì; … to somewhere; …まで;</p><p>擺擺 baiˋ baiˋ：逐擺<br>同：逐擺ta̍k-pái; every time; 毎度(まいど);</p><p>車榖包 caˊ gugˋ bauˊ：撖穀物收成下來个包用車仔載運<br>同：車粟包tshia tshik pau</p><p>撖 ganˋ：就係「摎lauˊ」、「同tungˇ」个意思<br>同：共 Kā/Kāng</p><p>擳 jied：「擲deb」个意思<br>同：擲 Tàn</p><p>矺心 zagˋ ximˊ：撖車仔抑係架仔這兜東西个重心用重物矺等<br>同：硩心teh sim</p><p>…啊出 … a cudˋ：對某一隻所在出來</p><p>穴 hied：一隻空</p><p>老鼠窿 no cuˋ nungˇ：<br>同：鳥鼠空 Niáu-tshí; Rat hole; ネズミ穴; Lubang tikus</p><p>路兩脣 lu liongˋ siinˇ：道路个兩片<br>同：路兩爿lōo nn̄g-pîng</p><p>鐵刀木 tiedˋ doˊ mugˋ：一種樹仔，因為厥个子像一支支刀仔，故所得著名仔<br>同：鐵刀木 Thih-to-bo̍k; Kassod tree; タガヤサン; Johar/Juar</p><p>野野搭搭 iaˊ iaˊ dabˋ dabˋ：樹椏、葉仔、枝條交插疊等个樣仔</p><p>孵 pu：撖卵維持溫度，到裡背个生物出世</p><p>禾鷝仔 loˇ bidˋ eˋ： <br>同：厝角鳥仔 Tshù-kak-tsiáu-á; Sparrow; スズメ; Burung gereja</p><p>揚蝶仔 iongˇ iab eˋ： <br>同：蝶仔 Ia̍h-á ; Butterfly; チョウ; Kupu-kupu</p><p>南蛇 namˇ saˇ： <br>同：南蛇 Lâm-tsuâ; Oriental rat snake; ナンダ; Bandotan macan</p><p>摒屎牌 binˋ siiˋ paiˇ： <br>同：賓士牌 Bèn-juh-pâi; Mercedes-Benz; メルセデス・ベンツ; Mercedes-Benz</p><p>送車 sung caˊ：<br>同：トラック Thoo-lá-khuh; Truck; トラック; Truk</p><p>疊等 tiab nunˋ：撖東西疊起來</p><p>大膣嫲枝 tai ziiˊ maˇ giˊ：形容樹椏粗大</p><p>ヒノキ hiˊ no kiˋ： <br>同：ヒノキ Hi-nóo-khih; Taiwan cypress; ベニヒ; Cipres Taiwan</p><p>攻天攻地 gungˊ tienˊ gungˊ ti：對天同地延伸，展現出擴展、侵略个感覺</p><p>剷 canˋ：用工具摎草仔抑係樹仔從根部附近挖起來</p><p>田脣 tienˇ siinˇ：田邊个土丘，用來劃分田地範圍<br>同：田岸 Tshân-huānn; Field ridge; 畦道(あぜみち); Alur ladang</p><p>打馬膠路 daˋ maˊ gauˊ lu：一種烏色材質鋪成个路<br>同：打馬膠路 Tá-má-ka-lōo ; Asphalt road; アスファルト道路(どうろう); Jalan aspal</p><p>密麻漬灂 med maˇ jid jiog：東西聚到共下，非常密集</p><p>緊來緊壞 ginˋ loiˇ ginˋ faiˋ：事情呈現壞个趨勢</p><p>賺食 con siid：賺錢來食飯<br>同：賺食tsuán-tsia̍h</p><p>湖蜞 fuˇ kiˇ：一種會唶血个生物<br>同：蜈蜞 Ngôo-khî; Leech; 蛭(ヒル); Lintah</p><p>巴等 baˇ nunˋ：附到東西个身項毋下來</p><p>緊A緊B ginˋ A ginˋ B：做A个同時呈現B个趨勢</p><p>唶 jiod：用嘴去吸水狀个東西<br>同：欶 Suh; Suck; 吸う(すう); Isap</p><p>光生 gongˊ sangˊ：亮亮仔會反光个樣仔</p><p>畀佢 biˋ iˇ：就係「分佢bunˊ giˇ」个合字，意思共樣<br>同：予伊 Hōo i;</p><p><a href="https://hakka.ncu.edu.tw/Hakka_ePaper/paper/paper336/336(1).html">…淨淨</a>：摎東西全部…忒，會加動詞，做得講「食淨淨」、「看淨淨」、「跌淨淨」、「挷淨淨」<br>同：…了了 …-liáu-liáu;</p><p>心得：</p><p>歌詞裡背展現出對農村个深度觀察，還用非常偎近生活个方式，寫出厥个發展同衰敗，曲調平淡又悠遠，講出了時代前行之下，逐隻庄頭都做得共情个故事。</p><p>做這篇文正經無恁該，單淨愛摎歌詞用客話來解釋就會需要當多時間愐想，毋過𠊎試著，應該愛分未來个人有一隻機會，毋使用到華語，就做得來理解歌詞个意義。</p><p>希望𠊎所寫个對歌詞理解會有幫助。</p><p>下二篇：</p><img src="https://medium.com/_/stat?event=post.clientViewed&referrerSource=full_rss&postId=c0ca070a3756" width="1" height="1" alt="">]]></content:encoded>
        </item>
    </channel>
</rss>