<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Batchimeg Batbold on Medium]]></title>
        <description><![CDATA[Stories by Batchimeg Batbold on Medium]]></description>
        <link>https://medium.com/@batchimeg-bk?source=rss-df076f2f90b4------2</link>
        <image>
            <url>https://cdn-images-1.medium.com/fit/c/150/150/1*p9cJmAl75xxC2p4Qw3U66w.jpeg</url>
            <title>Stories by Batchimeg Batbold on Medium</title>
            <link>https://medium.com/@batchimeg-bk?source=rss-df076f2f90b4------2</link>
        </image>
        <generator>Medium</generator>
        <lastBuildDate>Sat, 21 Nov 2026 04:24:17 GMT</lastBuildDate>
        <atom:link href="https://medium.com/@batchimeg-bk/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[…]]></title>
            <link>https://batchimeg-bk.medium.com/-2a3e2194dd3e?source=rss-df076f2f90b4------2</link>
            <guid isPermaLink="false">https://medium.com/p/2a3e2194dd3e</guid>
            <dc:creator><![CDATA[Batchimeg Batbold]]></dc:creator>
            <pubDate>Wed, 22 Nov 2023 03:00:05 GMT</pubDate>
            <atom:updated>2023-11-22T03:00:05.259Z</atom:updated>
            <content:encoded><![CDATA[<p>Япон Улсын утга зохиолын нобелтон Оэ Кензабүро дэлхийн II дайны үед Японы ард түмний гаргасан харгислалын өмнөөс уучлал эрж зохиол бүтээлээ туурвидаг тухайгаа дурдсан байдаг. Япон хүмүүс дотроо юу боддогийг яаж мэдэх билээ гэхдээ дайны үеийн түүхийнхээ өмнөөс бөхийж амьдардаг Япончуудтай нэг бус удаа таарч байлаа.</p><p>Монголчууд дайтаж, байлддагийг, устгаж, золиосолж чаддагийг дэлхий даяар л мэдэх байх. Гэхдээ дайтаж, эзэлж байснаараа бардамнаж, гайхуулах цаг үе нь энэ зуун лав биш. Хэлгий хазгай, эр, эм гэлтгүй хүн бүрийг, ургамал, амьтан бүрийг ер нь энэ орчлон дэлхий дээр буй оршихуй бүхнийг хүндлэх ёстой гэсэн хүмүүнлэг нийгмийг хүсэж амьдарч буй хүн төрөлхтний олонх нь өнөө цагт.</p><p>Түүхийн мэдлэг тун маруухан. Гэхдээ ном, зохиолоос уншихаар хамгийн энэрэнгүй, хамгийн уужим, оршихуй бүхэнд хүндэтгэлтэй нийгэм нүүдэлчид бидний дунд байсан мэт л ойлгогдож уншигддаг. Танай том эзэнт гүрнээс одоо тэгээд үзүүлчихээр үлдсэн юм юу байна гэж гаднын хүмүүс асуухад бид өөд бологсдодоо хүртэл газар эзэмшүүлж, хашдаг өөрсдөдөө л зөвхөн төвтэй үндэстэн байгаагүй ээ. Тийм ч учраас өнөөдөр та бүхэнд үзүүлэх орд харш, бунхан, балгас бага байгаа юм, тийм ч учраас Чингисийн шарил гэж та нар мэдэхгүй байгаа юм гэж хариулмаар санагддаг. Бид байгалийг, бусдын оршихуйг тэгж хүндэлдэг учраас байсан ч байгаагүй юм шиг оршсоор ирсэн юм гэж.</p><p>Жендерийн тэгш байдал ямар мундаг хангагдсан байсан тухай, хүний шашин шүтлэг яаж хүндлэгддэг байсан тухай өнөөгийн нийгэмд чухалд тооцогдох инновацлаг нээлтүүд Монголын эзэнт гүрний үед үүсэж хөгжсөн тухай зэрэг ийм хайрламаар, нандигнамаар өв соёл, амьдралын хэв маяг, Монгол зүйлсээ бид магтаж, гайхуулдаггүй хэрнээ 21-р зуунд хүмүүс гайхаж хүлээж авахаар хүний эрхийн мэдрэмж багатай хийсвэр зохиол бүхий жүжгийг дэлхийд гайхуулж буй нь жаахан тиймхэн. Хүнлэг энэрэнгүй байснаа гайхуулахын оронд шүү дээ.</p><p>Ер нь одоо Бавуугийн Лхагвасүрэн гуайн амнаас унагасан бүх л үг дандаа үнэн, дандаа тансаг, зөв байдаг гэдэг үзлээ, Баатар гэдэг найруулагчийн бүтээл хүн бүрийг омогшуулах ёстой гэсэн балаа бодлоосоо бид салах ёстой гэдгийг “Монгол Хан” жүжгийн шүүмжүүд харуулчихлаа даа бидэнд. Сул дорой байх тусмаа хүчтэй, чадалтай харагдах гэж, тэнэг, мунхаг байх тусмаа ухаантай, мундаг байх гэж, ядуу, хоосныхоо хэрээр ганган чамин харагдах гэж хичээдэг хүмүүс шиг. Ер нь тэгээд юмсыг үргэлж өөрсдийн талаасаа харж, өрөөлийн талаас ойлгох гэж хичээдэггүй эмпати муутай ард түмэн гэдгийг нь сайхан баталчих шиг боллоо. Дэлхий сүр хүчээс илүү хүнлэг энэрэнгүйг хүсэж байна. Биднээс ялгаатай нь…</p><p>Тэгээд яахав дээ бараг бүх л шүүмж нь 2000-аад жилийн өмнөх төрт улс гэж эхэлсэн нь сайхан санагдлаа. Монгол гэж сонсоочгүй эрин үед Монгол гэж хэдэн мянганаар тоологдох түүхтэй улс гэдгийг нь ингээд ч болов мэдээлсэн байх аа. Хэрэв сайн талаас нь харах ёстой бол :)</p><img src="https://medium.com/_/stat?event=post.clientViewed&referrerSource=full_rss&postId=2a3e2194dd3e" width="1" height="1" alt="">]]></content:encoded>
        </item>
        <item>
            <title><![CDATA[…]]></title>
            <link>https://batchimeg-bk.medium.com/-f4e292ba78b4?source=rss-df076f2f90b4------2</link>
            <guid isPermaLink="false">https://medium.com/p/f4e292ba78b4</guid>
            <dc:creator><![CDATA[Batchimeg Batbold]]></dc:creator>
            <pubDate>Sat, 04 Nov 2023 02:09:11 GMT</pubDate>
            <atom:updated>2023-11-04T05:16:26.945Z</atom:updated>
            <content:encoded><![CDATA[<p>Цас орсон өглөөд дурлан баясдаг нэг хөөрхөн шалтгаан байдаг. Багад өглөө сэрэхэд цас орчихсон байвал эмээ миний охин гараад гэрийнхээ цасыг шүүрдээд унагаарай гэдэг. Усанд явах, түлээ хагалах, аяга таваг угааж, эмээгийн данхыг зүлгэх гээд эмээд тусалж болох олон жижиг ажлуудаас гэрийн цас унагааж, тооно арчих хоёр л хамгийн гоё нь. Учир нь энэ ажлыг гэрийн хамгийн бага жинтэй зөвхөн би л хийнэ. Зөвхөн намайг л эмээ гуйж, зөвхөн би л эмээд түүнийг нь хийж өгч чадна гэсэн мэдрэмж.</p><p>Эмээ намайг орхиод яг хэдэн жил болж буйг хэлж мэдэхгүй. Ээж, ааваас лавлаж асуух ч хүсэлгүй. Арван тав, зургаа магадгүй түүнээс их. Ямартаа ч олон жил... Амьдралд юунд ч уягдахгүй байхыг л их хүсдэг. Бүр хүмүүст ч тэр. Хүмүүс ирж л байдаг, бас явж л байдаг. Цаг хугацааны явцад сайн, муу хамаагүй бүгд л бүлээхэн дурсамж болдог. Бүр үхтлээ гомдсон хүмүүсээ хүртэл бид инээмсэглээд л дурсдаг шиг санагддаг. Харин эмээ бол өөр. Ийм олон жил өнгөрсөн ч би түүнийг санасаар л байдаг. Санах бүрд хоосон мэдрэмж төрсөөр л байдаг. Гадагшаа яваад гэрийнхэндээ бэлэг авахдаа эмээ байсан бол гэж төсөөлж, хүссэн зорьсон зүйлээ биелүүлэх бүрдээ эмээ харж буй болов уу гэж бодож, айсан, сандарсан, хэцүү үедээ эмээгийн зааж өгсөн тарнийг уншиж, цастай өглөө эмээгээ дурсан алхаж гээд л.</p><p>Мах, цусаар холбогдоогүй ч эмээ шиг санагддаг өөр нэгэн эмээтэй байлаа өчигдрийг хүртэл. Ам бүл цөөтэй гэр бүл хүнээр их дутдаг. Эмээг өнгөрснөөс хойш үргэлж гэртээ түгжигдэж үлдэх болсон дүү бид хоёрыг эргэж, тойрч, харж хандсаар хожим шинэ жил, цагаан сар гээд бүх л баяр ёслолоор төрсөн хүүхдүүдтэй нь зэрэгцэж суудаг хүндтэй хэмжээнд очсон хөршийн өвөө, эмээ хоёртой болсон сон. Хүмүүс нэг, нэгэндээ гараа сунгахад л хангалттай юм гэдгийг, халуун, дулаан гэр бүлийн харилцааг, хөндлөнгийн хүмүүстэй ч үүсгэж болох юм гэдгийг хөршийн минь өвөө, эмээ хоёр ойлгуулсан.</p><p>Эмээ шиг минь бусдаас харамлаж, нууж хадгалсан амттанаа охиндоо гээд өгдөг нь, эмээ шиг минь үргэлж том, том чихэр авдартаа хадгалдаг нь, эмээ шиг минь битүүний оройг хөршүүдтэйгээ тэмдэглэдэг нь, эмээгийн минь оронд цагаан сарын өглөө орж золгох хүн минь байсанд нь гээд… хөршийнхөө эмээг би зүгээр л хувь хүнийх нь үүднээс биш “эмээ” шиг минь хүн учраас хайрласан ч байж мэднэ. Хүн гэдэг ийм л өөдгүй. Хөршийн минь өвөө Японд сурч байхад минь бурхан болсон. Явахад байсан хүн ирэхэд байхгүй байх мэдрэмж их сонин. Зориулж авах бэлгийн тоо нэгээр цөөрөөд, зорьж очиж үнсүүлэх хүн бас хасагдаад. Харин өнөө өглөө сэрэхэд энэ тоо хоёр болж өөрчлөгджээ.</p><p>Амьдрал их хачин. Хайртай хүмүүс хөгшрөхөөр бага, багаар тэднийгээ алдаж буйгаа мэдээд, бага, багаар тавьж явуулаад байдаг сэтгэлдээ. Очиж уулзаж амжаагүй дээ л алдаж явуулснаасаа ч их харамсаад байх шиг. Эцсийн дүндээ одож буй хүнийг биш үлдэж буй өөрийгөө л бодож, өрөвдөж хайрлаад байгаа юм уу даа. Нэг зул асаалаа. Асаасан зулаа ширтэж хэсэг суулаа. Өөрөөр хийж чадах, хийхийг хүсэх зүйлс ч төрсөнгүй. Тэгээд л болчихлоо.</p><p>Хорвоо ийм ажээ. Хүмүүсийн амьдрал ингэж л үргэлжлэх юм байна. Гэхдээ л хэрхэн яаж амьдрах учраа нэг л сайн ухахгүй байна. Хүмүүс өөд болоод хаачдаг юм бол? үлдсэн бид яах ёстой юм бол? амьдралд нэмэгдэх хүмүүс, хасагдах хүмүүсийн аль нь илүү олон байдаг юм бол? өөрийн минь ээлж ирэх хүртэл өшөө хэр их хүнийг би хэдий хэмжээний гуниг тээж үдэж явуулах бол? давтамж нь ихсэх тусам мэдрэмж нь буурах болов уу?</p><img src="https://medium.com/_/stat?event=post.clientViewed&referrerSource=full_rss&postId=f4e292ba78b4" width="1" height="1" alt="">]]></content:encoded>
        </item>
        <item>
            <title><![CDATA[“Санхүүгийн салбарын эмэгтэйчүүдийн манлайллын хөтөлбөр 2022–2023”-ийн төгсөлтийн баярын өдөр.]]></title>
            <link>https://batchimeg-bk.medium.com/%D1%81%D0%B0%D0%BD%D1%85%D2%AF%D2%AF%D0%B3%D0%B8%D0%B9%D0%BD-%D1%81%D0%B0%D0%BB%D0%B1%D0%B0%D1%80%D1%8B%D0%BD-%D1%8D%D0%BC%D1%8D%D0%B3%D1%82%D1%8D%D0%B9%D1%87%D2%AF%D2%AF%D0%B4%D0%B8%D0%B9%D0%BD-%D0%BC%D0%B0%D0%BD%D0%BB%D0%B0%D0%B9%D0%BB%D0%BB%D1%8B%D0%BD-%D1%85%D3%A9%D1%82%D3%A9%D0%BB%D0%B1%D3%A9%D1%80-2022-2023-%D0%B8%D0%B9%D0%BD-%D1%82%D3%A9%D0%B3%D1%81%D3%A9%D0%BB%D1%82%D0%B8%D0%B9%D0%BD-%D0%B1%D0%B0%D1%8F%D1%80%D1%8B%D0%BD-%D3%A9%D0%B4%D3%A9%D1%80-22d4c0be28e2?source=rss-df076f2f90b4------2</link>
            <guid isPermaLink="false">https://medium.com/p/22d4c0be28e2</guid>
            <dc:creator><![CDATA[Batchimeg Batbold]]></dc:creator>
            <pubDate>Wed, 06 Sep 2023 13:53:42 GMT</pubDate>
            <atom:updated>2023-09-06T13:53:42.274Z</atom:updated>
            <content:encoded><![CDATA[<p>Тэгш байдлыг бид байгалиасаа, цаанаасаа ухамсаргүйгээр хүсдэг. Бидний төрж өссөн хүрээлэл, амьдардаг нийгэм зэрэг гадаад хүчин зүйлсээс үл хамааран төрөлхөөсөө бид тэгш байдлыг хүсдэг гэсэн үг. Та үзсэн л байх шударга бус хандаж буйг эсэргүүцэж байгаа 2 сармагчны туршилт бичлэгийг (үзээгүй нэгэнд нь <a href="https://www.youtube.com/watch?v=meiU6TxysCg">https://www.youtube.com/watch?v=meiU6TxysCg</a> ).</p><p>Хүн бүр байгалиас заяасан өгөгдлөөсөө хамааран өөр хоорондоо ялгаатай байдаг ч мөн чанартаа бүгд хүн байдаг. Харин өөрсдөө удирдаж, сонгож, өөрчилж чадахгүй тэр ялгаатай байдлаасаа болон тэгш бус байдлыг мэдрэх нь угтаа маш утгагүй бас яаж ч чадахааргүй зүйл учраас үүнийхээ төлөө бид бухимдаж, дургүйлхэж, бас тэмцдэг.</p><p>Хүний санхүүгийн чадавх, эдийн засгийн нөөц бололцоо юунаас болоод тэгш бус байна вэ? өөрөөс нь эсхүл өөрийнх нь нөлөөлж чадахгүй бусад хүчин зүйлсээс үү? гэдгийг гайхаж эхэлсэн нь маш эртнийх. Өвлийн хүйтэнд гадаа зах дээр ажилладаг ээж, аав хоёрыгоо бусдын ээж, аавтай харьцуулж, харин аав, ээж хоёрыгоо миний голоод иддэггүй хоолоор өлсөж, дутагдаж байгаа өөр нэгний ээж, аавтай харьцуулж эхэлсэн үеэс эхлэлтэй. Энэ сониуч байдал маань намайг эдийн засагч гэх мэргэжлийг сонгоход хүргэж, тэгээд бүр төрийн байгууллагад ажиллах өнөөдрийн замд маань хөтөлсөн хэрэг.</p><p>Санхүүгийн болон эдийн засгийн ялгаа хамгийн их уншигддаг, яригддаг, бас үргэлж бодогддог сэдэв миний өдөр тутмын амьдралд. Харин үүний дараагийн асуудалд жендерийн ялгаа орно. Яагаад? Учир нь жендерийн ялгаа эдийн засаг, нийгэм, санхүүгийн зах зээлийн хөгжилтэй шууд хамааралтай. Хүн бүхэн өөрт байгаа потенциалаа үнэн зөв шударгаар үнэлүүлж, бас ашиглах боломж бүрдвэл бидний эдийн засаг, нийгмийн хөгжил шал өөр түвшинд хүрнэ гэдгийг дэлхийн томоохон бодлого гаргагчид аль хэдийн хүлээн зөвшөөрсөн.</p><p>Харин манай улсад хүмүүс хүйсээсээ болоод ялгаатай байдал мэдрээд байгаа юм байна аа гэсэн асуудлаа ч нэг их сайн ойлгож, хүлээн зөвшөөрөлгүй удаад байх шиг. Олонхоороо. Жендерийн ялгааг бид маш олон асуудлын огтлолцол дээрээс харах хэрэгтэй. Өнөөдөр манай улсад ажил эрхлэлтийн ерөнхий түвшинд жендерийн ялгаа байхгүй байгаа нь үнэн. Гэхдээ салбар бүрээр, албан тушаалын ангилал бүрээр, бүр цалингийн түвшин бүрээр харвал үүн шиг худал зүйл байхгүй. Гэх мэт… жендерийн ялгааны талаар яривал тоочоод барахгүй хэлэх зүйл, бас эр, эм хамааралгүй асуудлыг нь сонсох ихээхэн хүсэл байна надад.</p><p>Харин энэ удаад… Зүгээр л эмэгтэй хүний хоолой бусдад чанга сонсогддоггүй, үг нь хүчтэй хүрдэггүй, эмэгтэй хүн карьер хөөгөөд алдвал тэр аяараа, массаараа потенциалгүй гэж нэрлэгддэг, харин амжилтад хүрвэл хэн нэгний нууц амраг гэсэн хоч зүүдэг, ер нь л карьер хөөвөл хэнхэг гар болдог… хөөрхөн, туранхай байх стандартад идэгддэг, зөв хувцаслаж, үс, нүүрээ янзлаагүй бол оюун ухаан, чадвар чадамж юутай ийтэйгээ бүхэлдээ үнэлэмжээ алддаг, хүн бүхэнд ижил оногддог 24 цагийг хөдөлмөрлөхөд, бусдыг халамжлахад, хүн бүрд цаг гаргахад бас хөөрхөн байхад зарцуулах үүргийг хүлээдэг…хөдөлмөрийн зах зээлд бид ажилладаг шүү гэдгийг л хэлэхийг хүслээ. Бас ингэж бичлээ, дуугарлаа гээд эрэгтэй хүмүүсийн өөрсдийн асуудал, зовлон, жаргалаа хэлэх эрхийг нь огт хаагаагүй шүү гэж хэлэхийг, хүн өөрийн мэдэрч буй шударга бус байдлын талаар дуу гаргах нь таныг бухимдуулж, инээдийг чинь хүргэх зүйл огт байж болохгүй шүү гэж хэлэхийг хүслээ.</p><p>Эмэгтэй хүүхэд олимпиадын бэлтгэлийн багтаа авахгүй гэсэн багшийн үг, эмэгтэй хүн тоо, статистик энэ тэрд сайн биш ш дээ гэсэн ангийн найзын үг, эмэгтэй дарга нар ядаргаатай байдаг, эмэгтэй хүн карьер хөөгөөд дэмий гэсэн хамтран ажиллагсдын үг гээд хүйсээсээ болж буруугаар үнэлэгдэж, ялгаатай байдал мэдэрч явсан тохиолдлууд надад өч, төчнөөн бий. Танд ч бас эрэгтэй, эмэгтэйгээс чинь үл хамааран иймэрхүү зүйлс тохиолдож л байсан байх.</p><p>Нийгмийн иймэрхүү хэвшмэл ойлголтыг бууруулах, бидний анзаардаггүй, хүлээн зөвшөөрдөггүй жендерийн, хүний эрхийн мэдрэмжгүй үйлдлүүдийг бууруулах, эмэгтэй лидер, манлайлал энэ тэр гэсэн үгийг сүржин гэж тохуурхаж хүлээж авдаггүй тийм нийгмийг бүтээхийн төлөө хэрэгжсэн “Санхүүгийн салбарын эмэгтэйчүүдийн манлайллын хөтөлбөр 2022–2023”-ын анхны төгсөгч болсондоо баярлан энэхүү тэмдэглэлийг бичиж сууна.</p><p>Манай эмэгтэйчүүд бусдыг бодвол сайхан амьдардаг хүмүүс гэсэн яриаг сонсохоо болих хүртэл би жендерийн ялгаатай байдлын талаар, энэ ялгаа нь надад, бидэнд яаж мэдрэгддэг тухай ярьсаар л, бас энэ төрлийн бүхий л үйл ажиллагааг дэмжсээр л байх болно гэж боддог.</p><p><strong>Ямартаа ч хөтөлбөрийг зохион байгуулж, хэрэгжүүлсэн бүх хүмүүст гүн талархал илэрхийлье! Дурсамжаар дүүрэн, ихийг сурсан, олон зүйлийг бодсон 9 сар байлаа.</strong></p><figure><img alt="" src="https://cdn-images-1.medium.com/max/1024/1*nl-Lmptmk0_fV-FCqnUmqA@2x.jpeg" /></figure><img src="https://medium.com/_/stat?event=post.clientViewed&referrerSource=full_rss&postId=22d4c0be28e2" width="1" height="1" alt="">]]></content:encoded>
        </item>
        <item>
            <title><![CDATA[The Beautiful Struggle: Van Gogh’s Self Honesty]]></title>
            <link>https://batchimeg-bk.medium.com/the-beautiful-struggle-van-goghs-self-honesty-103ab1a9f53?source=rss-df076f2f90b4------2</link>
            <guid isPermaLink="false">https://medium.com/p/103ab1a9f53</guid>
            <dc:creator><![CDATA[Batchimeg Batbold]]></dc:creator>
            <pubDate>Fri, 04 Aug 2023 09:47:42 GMT</pubDate>
            <atom:updated>2023-08-04T10:22:21.964Z</atom:updated>
            <content:encoded><![CDATA[<p>Van Gogh is true magic to me; an extraordinary, naturally gifted artist. I could hardly fathom the idea or accept that he was just a fragile human being like the rest of us. His paintings were vibrant, magical, and dominated by stunning hues of blue and yellow. Stars and flowers, especially those grand sunflowers, were common themes associated with his name. What else do we know about him? He is also known for his ear incident and tragic suicide. I used to believe that he was too extraordinary for this mundane life, too magical for its monotony.</p><p>Recently, I discovered that behind his brilliance, Van Gogh was a simple, imperfect, yet fiercely determined fighter. His masterpieces, like the iconic “Starry Night,” were not created in a single night but required countless hours of practice and dedication. He spent more than a year just learning to draw hands and heads of portraits. Several years were dedicated to studying color theory, ultimately leading him to realize the destined connection between blue and yellow. The perfect combination of colors, akin to a loving partnership between a husband and wife.</p><p>It’s devastating to learn that he faced constant rejection, not only from the audiences of his time but even from his own family. It’s hard to imagine how he could persist in pursuing his passion when no one seemed to believe in him. Throughout his life, he struggled with poverty and relied heavily on financial support from his brother, Theo.</p><p>In one of his letters, Van Gogh mused that artists were often only recognized after their death. It’s disheartening to see how the world tends to admire the work of painters only after they have passed away, often neglecting their struggles during their lifetime. This makes me wonder how one should live their life. Should we strive for recognition, acceptance, or success, even if it might only come after our passing? Or should we abandon those aspirations and seek daily pleasures?</p><p>I firmly believe in living life to the fullest, utilizing our potential, and striving for greatness. However, after delving into Van Gogh’s letters and learning about his emotional and mental battles, I wonder if such sacrifices are too much to ask for. His fame today and our enjoyment of his paintings came at a high cost. He endured numerous personal and familial struggles, dedicating an enormous amount of time to painting, even during his most unstable and fragile moments. People might claim he had a weak condition, and many psychological books analyze his weaknesses and emotional instability. But who could be stronger than Van Gogh? He was powerful, consistent, principled, and above all, honest with himself.</p><p>Despite never having the chance to visit Japan, Van Gogh was an ardent fan of Japanese art, admiring how their painters worked swiftly and masterfully. Interestingly, in his final days, he produced over 70 remarkable artworks in just 70 days. Each painting was exquisite and magical. It was astonishing to witness how he effortlessly, yet masterfully, created these pieces. It felt like all his struggles, practices, and inner battles had finally paid off, and the world now reveres his art, colors, and letters.</p><p>It’s true that everything has its own time, and I now agree with that sentiment. Until that time arrives, we must stay true to ourselves, our passions, desires, and aspirations. We shouldn’t allow others to reject our goals or belittle our potential just for their comfort. They may choose to do so, but we mustn’t lose sight of our principles and the path we’ve chosen, even if the desired outcome eludes us, much like Van Gogh. The journey itself might be our life’s true essence, and giving up would only leave us worse off.</p><p>Now I can say more confidently that ….despite life not always aligning with the grand vision I once dreamt of, the pursuit of that dream, the sacrifices made along the journey, and the lessons learned from hardships and failures make up the tapestry of my beautiful life!</p><figure><img alt="" src="https://cdn-images-1.medium.com/max/750/1*BtH6SQeVROlFeQzzPJpqdg@2x.jpeg" /></figure><p><em>Photo was taken in Van Gogh’s museum in Netherlands. May, 2023</em></p><img src="https://medium.com/_/stat?event=post.clientViewed&referrerSource=full_rss&postId=103ab1a9f53" width="1" height="1" alt="">]]></content:encoded>
        </item>
        <item>
            <title><![CDATA[Хоёр дугаар сард уншсан 8 ном]]></title>
            <link>https://batchimeg-bk.medium.com/%D1%85%D0%BE%D1%91%D1%80-%D0%B4%D1%83%D0%B3%D0%B0%D0%B0%D1%80-%D1%81%D0%B0%D1%80%D0%B4-%D1%83%D0%BD%D1%88%D1%81%D0%B0%D0%BD-8-%D0%BD%D0%BE%D0%BC-8a391989b431?source=rss-df076f2f90b4------2</link>
            <guid isPermaLink="false">https://medium.com/p/8a391989b431</guid>
            <dc:creator><![CDATA[Batchimeg Batbold]]></dc:creator>
            <pubDate>Sat, 04 Mar 2023 15:29:01 GMT</pubDate>
            <atom:updated>2023-03-04T15:29:01.654Z</atom:updated>
            <content:encoded><![CDATA[<p><strong>1.“Post Office” by Charles Bukowski</strong></p><p>Герман гаралтай Америк зохиолч Чарльз Буковскигийн намтарчилсан зохиол гэгддэг “Шуудан хороо” хэмээх бичил роман. Нэг замарсан амьдралтай шууданч эрийн тэгсхийгээд л туулж яваа амьдралыг харуулдаг.</p><p>Маш гоё эмх цэгцтэй, дэг журамтай, тэнцвэртэй амьдрахыг хүсэж тэгж чадахгүй өөрийгөө голж стрессдэж явдаг хэрнээ тэрнээсээ шал өөр амьдралыг харуулсан жаахан бохир заваан, болхи, борогдуу, запирсан, бүтэлгүй амьдралыг харуулдаг ном, зохиол унших үнэхээр дуртай.</p><p>Нэг тэгсхийгээд л амьдраад байж болно гэдгийг харуулдаг болохоор тэгдэг байх. Болж бүтэх тухай мөрөөдөж бачуурахгүй, амьдрах шалтгаан энэ тэр хайж төөрөхгүй, угаасаа үхэл, амьдралын тухай нэг их анхаарал хандуулж бодохгүйхэн шиг амьдраад сурах хэрэгтэй байна. Буковский шиг амьдарч үзэх сэн гэсэн бодол л төрлөө дөө.</p><p><strong>2. Г.Аюурзана, “Дэлхийн Сонгомол Өгүүллэг”</strong></p><p>Чехов, Кафка, Фолкнер, Хармс, Сартр гээд л миний сонссон хамаг л мундгуудын өгүүллэгүүдийн түүвэр ном. Нэмээд хайртай Г.Аюурзанын маань орчуулгаар.</p><p>Уильям Фолкнер “Өвгөд”, Жан-Поль Сартр “Хурьцал”, Сол Бэлоу “Намайг дурсахад чинь нэмэр болох нэгэн зүйл”, Антун Шолян “Нэгэн асуулгын үр дүн”, Ши Тиэшэн “Татсан чавхдас мэт амьдрал” зэрэг өгүүллэгүүд хамгийн их таалагдсан.</p><p><em>“…хүмүүсийн сэтгэл эгээ л ширээн дээрх хоол шиг хүйтэн, халуун янз янз байх юм даа. Зарим нь халуун ногоотой, зарим нь шошны нухаш шиг шингэхэн, зарим нь байцаатай туулайн мах шиг, зарим нь бүр дусалхан зөгийн бал шиг…” </em>гэсэн нэг ганган зүйрлэлтэй таарсан.</p><p><strong>3. “Grit: The Power of Passion and Perseverance” by Angela Duckworth</strong></p><p><em>“Enthusiasm is common. Endurance is rare”; “Do things better than they have done before”</em></p><p>Grit- буюу тэсвэр, хатуужил хамгийн чухал нь болох талаар жишээ аван тайлбарласан, хэрхэн тэсвэр хатуужлыг өөртөө суулгах, мөн хүүхдээ хэрхэн хатуужилтай нэгэн болгож өсгөх тухай зөвлөмжүүдээр бүрдсэн ном.</p><p>Бусад энэ төрлийн хүний хөгжлийн номуудын л адилаар хэлдэг зөвлөгөө нь ерөнхийдөө л ойлгомжтой, сонирхол, зорилго, итгэл, дадлага бас тэгээд дэмжлэг гэх ойлголтууд. Ер нь ямар ч чиглэлд өөрийгөө сайжруулахад ойлгомжтой хэдэн зөвлөгөө байнга л байдаг. Тэднээс өөр санааг хайж ном унших нь бараг боломжгүй мэт. Харин тэр ойлгомжтой зөвлөгөөнүүдийг ямар жишээ аван, ямар баримт дэлгэн, ямар өнгө аясаар дүрслэн чамайг хэр ятгаж чадаж байгаа нь, хэр нөлөө үзүүлж байгаа нь, хэр удаан тархинд чинь үлдэж байгаа нь л чухал юм даг уу даа.</p><p><strong>4. “Siddharta” by Herman Hesse</strong></p><p>Нимгэхээн ном, гэхдээ маш гоё. Тийм учраас өөрсдөө заавал унш гэж хэлнээ.</p><p>Бидний заримд аль хэдийн танил болсон түүх. Гэгээрэлд хүрэхээр, утга учраа олохоор гэрээ орхиод гарч буй Сиддхарта. Гэрээсээ гараад даяанчилж үзнэ, баяжиж үзнэ, бүгдийг нь орхиж үзнэ, үр хүүхэдтэй болж бас түүндээ хаягдаж үзнэ. Гэхдээ энэ бүх зүйлсийн дундуур мөн чанараа хайж, хадгалж гарна.</p><p>Чи юу хийж чаддаг вэ? гэж асуухад Сиддхарта “Би хүлээж, бодож, бас мацаг барьж чадна” л гэсэн хариултыг үргэлж өгдөг. Усанд шидсэн чулуу ёроолд нь шууд л явж хүрдэг шиг амьдралд тохиолдож буй бүхий л зүйлсийг юу ч хийлгүйгээр, устай чулууг хутгаж бусниулалгүйгээр өнгөрүүлж, хүлээж сурвал эцэстээ бүх зүйлс аяндаа эв зүйгээ олно гэсэн санааг гаргадаг.</p><p>Мөн дурласан бүсгүй нь өөрийг нь эд баялагтай, гоё сайхан хувцастай болвол зөвшөөрнө гэж хэлэхэд “Надад хувцас бас эд баялаг хэрэгтэй юм байна. Маш жижигхэн зүйлс. Иймэрхүү хүсэл, зорилго хүний нойрыг хугаслахгүй” шүү дээ гэдэг. Энэ мэт олон гоё харилцан яриа, зүйрлэлүүд нь ихэд таалагдлаа.</p><p><em>“…The world is not imperfect, or on a slow path towards perfection: no, it is perfect in every moment, all sin already carries the divine forgiveness in itself, all small children already have the old person in themselves, all infants already have death, all dying people having the eternal life…”</em></p><p><strong>5. “Leaders Eat Least” by Simon Sinek</strong></p><p>Ажлын байран дээрх таагүй уур амьсгал хүний амьдралын чанарт хэрхэн нөлөөлдөг болох тухай судалгаа, жишээг ишлэн тайлбарлаад яагаад менежерүүдийн үүрэг оролцоо чухал болохыг харуулсан ном байсан.</p><p>Энд хүний биологийн шинж чанартай нь холбон тайлбарласан хэсэг нь нэлээн сонирхолтой санагдсан. Тухайлбал, бидэнд аз жаргалын мэдрэмж төрүүлэхэд тусалдаг 4 химийн элемент бидний биед байдаг. Эндорфин, дофамин, серотонин, окситокин.</p><p>Бид шийдвэр гаргахдаа эхлээд бусдын эрх ашгийг нэгдүгээрт тавих уу, эсхүл өөрийнхийгөө урьтал болгох уу гэдэг зөрчилтэй тулгардаг шиг энэ 4 химийн элемент хооронд бас зөрчил үүсдэг гэнэ. Эхний 2 буюу эндорфин, дофамин нь бид хувь хүнийхээ зүгээс амьдрах, асуудал, бэрхшээлийг давж гарах, ямар нэгэн зорилгод хүрэх, өсөлт дэвшлийг мэдрэхэд илүү ялгардаг бол дараагийн 2 нь бид бусадтай харилцаанд орох, итгэл хүлээх, хайрлах, хайрлуулах зэрэг хүн хоорондын харилцаа өрнөхөд ялгардаг аж.</p><p>Эхний 2 буюу эндорфин, дофамин нь маш богино хугацаанд хариу үйлдэл болон ялгардаг учраас биднийг донтуулах шинж чанартай байдаг байхад серотонин, окситокин нь бидний бие махбодод эерэг нөлөө үзүүлэх хугацаа нь арай удаан байдаг. Үүнээс шалтгаалан бид бусадтай хамтран ажиллах, нийгэмших, хайрлах, итгэл хүлээхээс авах тэр таатай мэдрэмжийн өмнүүр зөвхөн өөрт төвлөрсөн үйл ажиллагаанаас авах мэдрэмжийг оруулах хандлагатай байдаг гэнэ.</p><p>Тийм учраас системийг тэнцвэртэй байлгахын тулд нийгмийн идэвхтэй гишүүн байх, таатай уур амьсгалд ажиллах зэрэг нь бидний сайн сайхан байдалд маш чухал нөлөөтэй гэсэн үг. Өөрөөр хэлбэл бид зөвхөн өөрөө, өөрийнхөө амжилт, хөгжилд төвлөрөлгүйгээр, зөвхөн өөртөө л цаг, энергиэ зарцуулаад байлгүйгээр заавал нийгмийн харилцаанд байх хэрэгтэй, заавал бусадтайгаа хамт байх, хамтарч ажиллах, хөгжих ёстой гэх үү дээ.</p><p>Зарим санаа нь уншихад их сонирхолтой, гэхдээ зарим, зарим газраа хэт их нуршсан ерөнхийдөө давгүй ном байсан.</p><p><em>“…leadership is not a license to do less; it is a responsibility to do more…”</em></p><p><strong>6. “Ego is the Enemy” by Ryan Holiday</strong></p><p>Нэг хэсэг баахан шуугиулаад л байсан хэр нь яг тэр үнэлгээ шигээ сэтгэлд нэг их хүрсэнгүй ээ.</p><p>Ерөнхийдөө эго гэж юу юм, энэ яг яаж гай болдог юм, ёстой хэрэггүй зүйл шүү гэдгийг л дахин, дахин хэлээд жаахан сулхан жишээнүүдээр баяжуулсан ном шиг санагдсан. Гэхдээ өсөлт, амжилт, уналт гээд хүний амьдралын зайлшгүй үе шат тус бүр дээр салган бичсэн бүтэц нь бол таалагдсан. Бас өөрсдийгөө ертөнцийн төв хэмээн сэтгэ гэж зааж сургадаг инфлүенсэрүүд, үр хүүхдээ хэт дөвийлгөж өсгөдөг эцэг эхчүүдэд уншуулчихмаар л санагдсан ном.</p><p>Энд нээрэн Чингис хааны амжилтын нууц нь үргэлжийн сурагч байсантай нь холбоотой гээд манай түүхийн багахан хэсгээр жишээ аван бичсэн хэсэг байсан.</p><p><em>“…It is not enough only to be a student at the beginning. It is a position that one has to assume for life. Learn from everyone and everything. From the people, you beat, and the people who beat you, from the people you dislike, even from your supposed enemies. At every step and every juncture in life, there is the opportunity to learn- and even if the lesson is purely remedial, we must not let ego block us from hearing it again…”</em></p><p><strong>7. “The Brothers Karamazov” by Fyodor Doestoevsky</strong></p><p>“Уншигчдыг ер нь хоёр л ангилна. Доестовскийг уншсан болон уншаагүй гэж” гэсэн үг байдаг юм билээ.</p><p>Энэ агуу зохиолчийн хаа байсан 1880 онд бичсэн “Карамазовын Хөвүүд” номыг нь 2023 онд уншиж дуусгалаа. Романы гол дүрийн баатрууд тэр дундаа ах дүү Карамазовынхноор хүний амьдралын мөн чанарыг харуулсан, гэмт хэрэг нь тааварлахын аргагүй сонирхолтой учраас дуусан дуустлаа уншигчдыг төөрөгдүүлдэг гэх мэт магтаалууд маш их байдаг юм билээ.</p><p>Харин надад гэмт хэргийг хэн хийсэн нь тааж ядаад байхаар хэцүү байгаагүй. Эхнээсээ л ил байсан. Харин яаж хийснийг нь бол тайлж мэдэхэд хэцүү байв. /Уг нь баахан гэмт хэргийн түүх сонсож, уншдаг хүн./</p><p>Бас ах дүүсийн дүр байдлаас гадна эцэг, хөвгүүдийн хоорондын харилцаа нь үнэхээр сонгодог санагдсан. Үүн дээр нэмээд Алюша буюу бага хүүгийнх нь найз ядуу эцэг, хүү хоёрын нэмэлт бүр маш гоё харьцуулалт, зэрэгцүүлэл байсан. Тэнгэр, газар шиг өөр, өөр амьдрал бас өөр, өөр эцэг, хөвгүүд, тэгээд тэс өөр харилцаа.</p><p>Түүнчлэн эмэгтэй хүний хайрыг мэдэрч буй байдал, түүнийгээ илэрхийлж буй байдал, ихэнхдээ шулуухан байж, ил хүлээн зөвшөөрч чадахгүй, дотроо нууж, өөрөө түүндээ итгэхийг ч хүсдэггүй тэр төвөгтэй хайрын мэдрэмжүүдийг яг л харуулж дээ.</p><p>Бидний цаг үед зарим нэг нөхдүүд нэг л том нээлт хийсэн юм шиг цэцэрхэж яриад байдаг санаануудыг аль дээр 1880 онд Доестовский биччихсэн байж. Чухам үүндээ л агуу гэсэн агуулга нь бий байх. Тэгээд орчин цагийн хүмүүс өнгөцхөн бодвол юу нь тийм өөр гэж гайхахаар асар олон Доестовскийгийн хуулбарыг уншиж амьдардаг юм шиг байна бид хэд.</p><p><strong>8. “Big Data in Practice” by Bernard Marr</strong></p><p>Их өгөгдлийг эрүүл мэнд, хувцас загвар, урлаг, улс төр, байгаль экологи, худалдаа, үйлдвэрлэл гээд бараг байж болох бүхий л салбаруудад хэрхэн ашиглаж буй талаарх бодит компаниудын жишээг дурдсан ном.</p><p>Netflix л гэхэд бидний мэдээллийг ашиглан кино, контентийг дотор нь 80,000 гаруй дэд төрөлд хувааж болно гэж тооцоолон үүндээ үндэслэн бидэнд киног санал болгож, бүр үйлдвэрлэх байдлаар ажилладаг тухай гэх мэт нэг их урт биш кэйс, жишээнүүдийг бичсэн. Гэхдээ орсон мэдээлэл нь их өнгөцхөн, зөвхөн танилцуулга төдий л бөгөөд угаасаа энэ номыг уншсан, уншаагүй ойлгомжтой мэдээллүүдийг их багтаасан, нэр, хавтас шигээ сүртэй байж чадаагүй тиймхэндүү л ном байв.</p><p>Шинэлэг санагдсан зүйл нь гэвэл лаг орнуудад жижигхэн кафе мухлагууд хүртэл өмнүүр нь өнгөрч буй хүмүүсийн давтамж, үйл хөдлөл, цаг хугацаа, үүдэндээ байрлуулсан өдөр, өдрийн өөр, өөр менюг хараад хэд нь тус газраар үйлчлүүлж буй зэрэг мэдээллийг ашиглан үйлчилгээгээ хөгжүүлдэг юм байна.</p><img src="https://medium.com/_/stat?event=post.clientViewed&referrerSource=full_rss&postId=8a391989b431" width="1" height="1" alt="">]]></content:encoded>
        </item>
        <item>
            <title><![CDATA[Нэгдүгээр сард уншсан 11 ном]]></title>
            <link>https://batchimeg-bk.medium.com/%D0%BD%D1%8D%D0%B3%D0%B4%D2%AF%D0%B3%D1%8D%D1%8D%D1%80-%D1%81%D0%B0%D1%80%D0%B4-%D1%83%D0%BD%D1%88%D1%81%D0%B0%D0%BD-11-%D0%BD%D0%BE%D0%BC-e53b68d44178?source=rss-df076f2f90b4------2</link>
            <guid isPermaLink="false">https://medium.com/p/e53b68d44178</guid>
            <dc:creator><![CDATA[Batchimeg Batbold]]></dc:creator>
            <pubDate>Sun, 29 Jan 2023 14:41:54 GMT</pubDate>
            <atom:updated>2023-01-29T14:41:54.855Z</atom:updated>
            <content:encoded><![CDATA[<ol><li><strong>Л.Өлзийтөгс, “Эрх чөлөөтэй байхын урлаг”</strong></li></ol><p><em>Шүлэг гэдэг бол үг л биш! ҮГ-ийн “хэлэх гээд чадахгүй байгаа” ҮГ.</em></p><p>Нэг зохиолчийг дагнаж уншсаны үр дүнд тэр хүнийхээ бичсэнээс ямар мэдрэмж авахаа гадарладаг болдог юм болов уу. Л.Өлзийтөгсийг уншаад өөрийгөө юу мэдрэхээ мэддэг болжээ.</p><p>Бусдад огт ойлгогдохгүй, бүтэлтэй дурлалтай учрахгүй, бодол, хүсэлдээ төөрөлдөж ханахгүй ийм нэг хачин мэдрэмжүүдийг чинь шүлэг болгочихвол ямаршуухан юм байхыг хармаар байвал Л.Өлзийтөгсийг уншдаа гэж хэлмээр. Энэ ном нь ч бас яг л тийм ном санагдсан.</p><p><strong>2. Л.Өлзийтөгс, “Салхины нэр”</strong></p><p>Чили Улсын яруу найрагч, Нобелийн шагналт Пабло Нерудагийн шүлэг хэлбэрээр тавьсан асуултуудад хариу болгон зохиосон шүлгийн ном. Өөрөө, өөрийнхөө ур чадварыг сорих хүсэл нь ном бичигдэх нэг шалтгаан байсан тухай зохиолч дурдсан байдаг. Харин Л.Өлзийтөгсөөс юу хүлээхээ мэддэг болсон надад өөрийг нь тодорхойлох тэр хэв маягаасаа өөрөөр, хэн нэгэн шүлэгчийн тавьсан асуултуудад хөтлөгдөн бичсэн нь сонирхолтой санагдав.</p><p>Хачин сонин асуултуудад хариу болгож бичсэн шүлгүүдээс гадна шүлэг бүрийн хажууд оруулсан таталбар зургууд нь их таалагдлаа. Зохиолчийн охин А.Гэгээг аавынхаа номын хавтасны зургуудыг зурдаг гэдгээр нь мэддэг байлаа. Эл номон дахь зургуудыг бас охин нь зурсан байх гэж бодож байна.</p><p><strong>3. “Jamilia” by Chingiz Aitmatov</strong></p><p>Киргизстан Улсын уран зохиолын томоохон төлөөлөлд тооцогддог Чингиз Айтматовын “Жамиль” тууж нь хайрын тухай хамгийн гоё зохиолуудын нэг гэж олонд үнэлэгддэг. Дэлхийн II дайнд залуу эрчүүдээ үдэн явуулаад үлдсэн амьдрал хэрхэн өрнөж буй талаар, гэрлэлт гэдэг зүйл эмэгтэй хүний өөрийн сонголт байгаагүй цаг үеийн талаар, одоогийн бидэнд бол кинон дээр л гардаг юм шиг санагдах нандин хайрын талаарх зохиол л юм болов уу даа.</p><p><strong>4. “A Little Lumpen Novelita” by Roberto Bolano</strong></p><p>Эцэг эхээ машины ослоор алдсан өсвөр насны эгч, дүү хоёрын эмх замбараагүй амьдралыг л дүрсэлсэн ном юм уу даа. Нэг их таалагдаагүй ч зарим төрлийн зэрэгцүүлэл нь их таалагдсан. Ослын дараа амьдралд нь шөнө гэж байхаа больсон гэж зохиолын гол дүр өгүүлдэг. Амьдрал үргэлж гэгээтэй харагддаг гэсэн үг. Гэхдээ эсрэгээрээ туулж буй амьдрал нь үргэлж хар гэмээр.</p><p>Гэмт хэрэг үйлдэх зорилгоор сохорсон ахимаг насны эрд биеэ үнэлж, аажмаар түүндээ дурлаж эхэлдэг. Нэг дүрийнх нь хувьд харанхуй болдоггүй байхад, нөгөө дүрийнх нь хувьд байнгын харанхуй гэх мэтээр сонирхолтой зэрэгцүүллүүд багтаасан.</p><p>Амьдрал заримдаа залхмаар олон өдөр, шөнийн хэлхээ холбоос шиг санагддаг үеүд байдаг уу? аль нь өдөр, аль нь шөнө болох нь нэг их ач холбогдолтой биш юм шиг сэтгэгдэл надад үе үе төрдөг учраас энэ зэрэгцүүлэл нь сэтгэлд их үлдлээ.</p><p><strong>5. Г.Аюурзана, “2Х2=6 буюу Суут Жаран Сэтгэгч”</strong></p><p>Суут сэтгэгчдийн товч намтар, гол үзэл санаа, хэлсэн алдартай эшлэлүүдийг та энэ номноос олж уншнаа. Г.Аюурзаныг энэ номоор нь мэддэг хүмүүс их байдаг юм билээ, гайхалтай нь. Задгай мэдээллээс боловсруулалт хийж, шилж, сонгож, найруулж бусдад хүргэнэ гэдэг тийм амар ажил биш ч Г.Аюурзана зохиолчийг дурлан уншдаг надад бол сэтгэлд хүрсэн ном байсангүй ээ.</p><p><strong>6. “Fahrenheit 451” by Ray Bradbury</strong></p><p>Олон хүн уншихыг санал болгож байсан ном. Сэтгэгдэл өндөртэй уншсанаас болсон уу, сэтгэлд нээрэн их хүрсээн. Хаа байсан 1953 онд хэвлэгдэн гарсан ном хэрнээ энэ цаг үеийн тухай, эсхүл ирээдүйн цаг үеийн тухай яг л бичсэн юм шиг санагдсан.</p><p>Хэн ч өөрөө, өөрийнхөөрөө тайлж болох баахан төсөөлөл, таамаглал биччихсэн учраас л хэдэн ч үе өнгөрсөн хүмүүст таалагдсаар л байгаа юм гэсэн шүүмж байдаг юм билээ. Кино, номыг юу тийм алдартай болгодог вэ? гэвэл аль ч үеийн хүмүүс, хэдэн ч жилийн дараа үзэхэд, уншихад сэтгэлд нь хүрдэг байвал л болно биз дээ тээ.</p><p>Тэгэхээр би л лав өндрөөр үнэлж, уншаарай гэж санал болгоно.</p><p><strong>7. Г.Аюурзана, “Цэцэн мэргэний нэвтэрхий толь”</strong></p><p>Суут сэтгэгчдийн хэлсэн алдартай үгсийн цуглуулга ном. Гэрийнхээ хаа нэг газар тавьчхаад хааяа, хааяа сөхөж харахад хэрэгтэй, сонирхолтой л санагдлаа. Манай урлаг, соёлын алдартнуудын хэлсэн үгс үнэндээ өөрсдийнх нь биш байсан талаар бас мэдэж авлаа.</p><p>/Ухаантай болж харагдах их амархаан, мэдээлэлд л ойр бай гэдэг шиг л юм болох юм даа хаха/</p><p><strong>8. “Emerging FinTech: Understanding and Maximizing Their Benefits” by Paul Taylor</strong></p><p>Гарчиг нь сүртэй байсан, хавтасны загвар нь бас итгэл төрүүлэхүйц байсан, тэгээд нэлээн сүүлд хэвлэгдсэн болохоор хүлээлт өндөр байсан. Интернэтэд байдаг олон мэдээллийг л эмхэтгээд тавьчихсан, шинжилгээ, харьцуулалт уг нь хийсэн хэдий ч зөвхөн нэг талыг харсан ойлголт ихтэй нэг тиймхэн л ном байлаа.</p><p><strong>9. “A Short History of Nearly Everything” by Bill Bryson</strong></p><p>“Шинжлэх ухааны товч түүх” гэж орчуулан Непко Паблишингаас эрхлэн гаргасан ном. Байгалийн шинжлэх ухааны талаар ойлголт багатай, өм цөм мэдлэгтэй, Монголын суурь боловсролын системийн хохирогч болсон мань мэт шиг хүмүүс уншихад гоё ном байсан. Бас өөрсдөө уншдаггүй юм гэхэд үр хүүхэддээ, дүү нартаа уншуулчихвал тун хэрэгтэй л санагдлаа.</p><p>Өөрсдөө сонирхож судлах гэхээр барахгүй их мэдээллийг маш цэгцтэй, системтэй оруулсан. Уншихад уйдахааргүй, хөгжилтэй байдлаар, энгийн жишээнүүд, гоё харьцуулалтууд ашиглаж бичсэн ном байна билээ.</p><p><strong>10. Г. Аюурзана, “Зэн Буддизм: Амьдралаас Ангижрахуй”</strong></p><p>“Буддизм бол шашин болоод хувирчихсан шашингүйн үзэл” гэж Альбер Камю хэлсэн байдаг. Буддын шашин судалдаг хүн биш болохоор итгэлтэй хэлж чадахгүй ч Монголчууд Буддизмыг Буддизм биш болтол мухар сүсэгжүүлсэн олны нэг гэж боддог доо.</p><p>Амьдралын хоосон чанар, аз жаргал, зовлон бэрхшээлийг адилхан л байгаагаар нь хүлээн авах гэх мэт ийм санааг Г.Аюурзана гуайн зохиолуудаас үргэлжид л олж авдаг. Үүнд нь ч дурлаж би түүний бичсэнийг эргэлзэлгүйгээр авч уншдаг. Тэгэхээр надад энэ ном угаасаа их таалагдсан гэсэн үг. Санал болгоноо.</p><p>Зэн Буддизмын үндсэн ойлголт, үзэл санааг багтаасан их гоё тэмдэглэл бичиж болох байсан ч залхуурлаа дийлсэнгүй. Гэхдээ угийн 100-хан хуудастай номыг надаар товчлуулж байснаас, өөрсдөө олоод уншчихсан нь илүү дээр байх.</p><p><em>“Цай уух. Будаа идэх. Цагийг би ёсоор нь л өнгөрөөж байна. Адар ширтэх. Уулсыг ажиглах. Аль аль нь л надад ер бусын тайвшрал төрүүлж байна”.</em></p><p><strong>11. Г.Аюурзана, “Орчин цагийн аугаа их сэтгэгчид”</strong></p><p>“2Х2=6 буюу Суут Жаран Сэтгэгч” номын сайжруулсан хувилбар шиг санагдсан. Зүгээр нэг системтэй мэдээлэл биш, задлал шинжилгээтэй. Гэхдээ би ийм хэлбэртэй ном дараалж уншсанаас шалтгаалаад яваандаа өөрөө уншаад, өөрөөсөө асууж сураад эхэлсэн байж болно. Тэгээд илүү сонирхолтой санагдсан байх магадлалтай. Эсхүл орчин цагийн философи нь надад илүү ойр дотно, ойлгоход амар санагдсан ч байж болно л доо.</p><img src="https://medium.com/_/stat?event=post.clientViewed&referrerSource=full_rss&postId=e53b68d44178" width="1" height="1" alt="">]]></content:encoded>
        </item>
        <item>
            <title><![CDATA[Уран зохиол бидэнд юу өгдөг юм?]]></title>
            <link>https://batchimeg-bk.medium.com/%D1%83%D1%80%D0%B0%D0%BD-%D0%B7%D0%BE%D1%85%D0%B8%D0%BE%D0%BB-%D0%B1%D0%B8%D0%B4%D1%8D%D0%BD%D0%B4-%D1%8E%D1%83-%D3%A9%D0%B3%D0%B4%D3%A9%D0%B3-%D1%8E%D0%BC-575c2478db0a?source=rss-df076f2f90b4------2</link>
            <guid isPermaLink="false">https://medium.com/p/575c2478db0a</guid>
            <dc:creator><![CDATA[Batchimeg Batbold]]></dc:creator>
            <pubDate>Sun, 22 Jan 2023 04:53:26 GMT</pubDate>
            <atom:updated>2023-01-22T04:53:26.352Z</atom:updated>
            <content:encoded><![CDATA[<p>Ямар нэгэн байдлаар заавал ашиг хонжоо авч үлдэх сонирхолтой, замын ногоон гэрэл, ирж буй лифтийг тайван хүлээх хэдхэн минутын эрх чөлөөгүй, завгүй Монгол хүн тантай уран зохиолын номоос юу олж авах тухай өөрийн бодлыг хуваалцмаар санагдаад.</p><p>Саяхан нэг сургалтад суусан юм — “How to be emphatic”, хэрхэн бусдын нөхцөл байдлыг ойлгож, мэдэрдэг, асуудлыг зөвхөн өөрийнхөө өнцгөөс биш бусдын байр сууринаас бодож, хардаг болох тухай. Монголчууд бусдын оронд өөрийгөө тавьж үзэхдээ маш муу хүмүүс гэж илтгэгч нь хэлсэн. Ямар ч статистик, тоо баримт дурдаагүй ч би дуу нэгтэй санал нийлнэ. Тэгвэл “хэрхэн яаж энэ чадвараа хөгжүүлэх вэ” гэдэг.</p><p>Бид хэт их стресс, хэт их мэдээлэл бас хэт их заавар, зөвлөмж дунд амьдардаг. Бусдын асуудлыг чих тавиад бүтэн сонсохын оронд хариуд нь хэлэх зөвлөгөөгөө л толгойдоо боловсруулаад, хамаг анхаарлаа асуудалд нь биш хариултдаа төвлөрүүлээд сууж байдаг. Сонсох чадвар асуудалтай, унших чадвар асуудалтай, үүнээс үндэслээд ойлгох, мэдрэх чадвар ч асуудалтай. Ядаж байтал, суурь боловсролынхоо хүрээнд олж авалгүй өнгөрөөсөн энэ дутуу чадварууд дээрээ нэмээд их сургуулийн ч юм уу, амьдралын ч юм уу шаардлагаар ярих чадвараа яаж ийгээд хөгжүүлчихсэн. Жаахан харамсалтай.</p><p>Гэхдээ сурахад хэзээ ч оройтдоггүй гэдэг. Одооноос ч болов, бага багаар ч хамаагүй уран зохиол уншицгаая аа л гэж хэлэх гэсэн юм. Үргэлжийн ямар нэгэн статистик, тайлан, мэдээ, хураангуй график биш хааяа бас хэн нэгний түүх, утга зохиол, өгүүлэл уншицгаая. Сонссон ч болно л доо, учиргүй баахан зөвлөгөө өгдөг подкастууддаа салхи оруулах байдлаар.</p><p>Иран, Ирак эсхүл аль нэг Исламын хатуу шашинтай улс оронд эмэгтэйчүүдийн эрх зөрчигдөж буй тухай мэдээг хэдэн зуун удаа сонсоод өнгөрөх, тийм нийгмийн төлөөлөл хэн нэгэн эмэгтэйн амьдралыг дүрсэлсэн өгүүллийг нэгхэн удаа унших хоёр угтаа шал өөр. Баримт мэдээ бидэнд мэдээлэл өгдөг байхад утга зохиол харин мэдрэмжийг өгдөг юм. Яг иймэрхүү байдлаар энэ хорвоо ертөнцийг харах өнцгөө зөөллөхийн тулд, бусдын гутлыг өмсөөд алхахад төрдөг тэр мэдрэмж үргэлж ялгаатай байдаг гэдгийг санахын тулд, ядахдаа үүнд бага, багаар суралцахын тулд бид уран зохиол унших хэрэгтэй л дээ.</p><p>Дайны жилүүдэд өнгөрч байсан энгийн нэгэн иргэний амьдрал, үзэл бодол, үг яриагаа чөлөөтэй илэрхийлэх эрхээ хасуулсан хүмүүсийн амьдрал, массыг нэрвэсэн пропаганда бидэнтэй адил энгийн нэгний амьдралыг яаж орвонгоор нь эргүүлж буй тухай уран зохиол уншсан бол та улс төрийн үзэл суртал, улс орнуудын эрх мэдэл, хүчний төлөөх өрсөлдөөнөөс илүү энх тайван байдал эрхэм болохыг ойлгох юм. Мянган хүн үрэгджээ гэх статистик унших, хайртай нэгнээ алдаж буй хэн нэгний түүхийг унших хоёрын сүүлийнх нь илүү хүний зүрхэнд хүрдэг.</p><p>Байгалийн гамшгийн эрсдлээс болоод ганцхан хормын дотор аяга, таваг, хувцас хунараасаа эхлээд хайртай хүмүүсээ хүртэл алдаж буй хэн нэгэн ганцхан хүний тухай зохиол уншвал та энэ амьдралд юу үнэтэй болох талаар, эд хогшил цуглуулахын утга учир нь юунд байдаг талаар, зориг, зүрх муутай амьдарч буй тухайгаа бага ч болов эргэцүүлдэг болно. Тэдэн тэрбум доллароор хэмжигдэх гарз хохирол тохиожээ гэсэн мэдээнээс та иймэрхүү зүйлсийг ухахгүй л дээ.</p><p>Нөгөө талдаа бас бид үнэхээр сайн уран зохиол бичиж сурах хэрэгтэй байх л даа. Эх орон, ижий ааваа үргэлжийн магтан дуулах ёстой гэсэн социлизмийн сэтгэлгээнээс салсан, үнэхээр асуудлаа хөндсөн тийм уран зохиолууд их гарах хэрэгтэй байх. Монгол уран зохиол гэхээр л надад хэн нэгэн, хаан, хатан, баатрын үүх, түүх эсхүл хөдөө явмаар санагдсан сайхан байгалийн дуулал, аль нэг уулын аманд өвөлжиж буй ухаантай өвгөн, тусч эмгэний дүрслэл л санаанд буугаад байдаг. Тэгээд л болоо. /олж уншаагүй байж, шүүмжилж буй бол уучлаарай/</p><p>Гэтэл бидэнд үй түмэн асуудлууд байдаг. Хөдөөний хүүхэд байх тухай, хотын соёлд суралцах гэж хэрхэн хичээдэг тухай, түүхээс нь өөрөөр хүмүүс мэддэггүй жижиг улсын иргэн байх ямар байдаг тухай, хоёр шал өөр системийг дагнан амьдрах, дагнан амьдарч буй хүмүүстэй зэрэгцэн амьдрах ямар байдаг тухай. Саяхныг хүртэл хамгийн зөв гэж итгэж, санаж амьдарсан систем нь шал худлаа байгаад нуран унасны дараах сэтгэл зүйн тухай.</p><p>Үр хүүхдээ үдэж явуулаад үлдэж буй малчин өрхүүдийн тухай, Монголын хүнд хүчир өвлийг цөөн ам бүлтэй тэд хэрхэн яаж даван туулдаг тухай, эцэг эх нь Солонгос яваад үлдэж хоцорсон өсвөр настнуудын тухай. Уурхайд ажилдаг залуус, тэдний гэр бүлийн тухай гэх мэтээр бахархал, амжилтаа биш асуудлуудаа онцолсон, гэхдээ уншихын аргагүй зовлон амтагдсан биш, сонирхолтой, дулаахан, хөнгөн, хүнд мэдрэмжүүдийг хослуулсан уран зохиол бидэнд хэрэгтэй байх. Тэгж байж бид бие, биенийгээ, өөрсдийгөө ойлгох гэж, ямар нэгэн нийгмийн статусаар нь бус хүн гэдэг утгаар нь эхлээд харах гэж хичээдэг болно.</p><p>Тэгээд эрэлт байхгүй бол нийлүүлэх сонирхол байдаггүй зах зээлийн хуулиар эхлээд сайн уншигчид болчихвол, сайн сайн бичвэрүүд ч мөн их гарах байх. Утга, уран зохиолын орон л гэдэг гэтэл Монголын хөдөө нутгийн баясгалангийн тухай гайхалтай дүрслэл хүн төрөлхтөнд яг тийм үнэ цэнтэй зүйл мөн юм уу.</p><img src="https://medium.com/_/stat?event=post.clientViewed&referrerSource=full_rss&postId=575c2478db0a" width="1" height="1" alt="">]]></content:encoded>
        </item>
        <item>
            <title><![CDATA[2022 оны дүгнэлт]]></title>
            <link>https://batchimeg-bk.medium.com/2022-%D0%BE%D0%BD%D1%8B-%D0%B4%D2%AF%D0%B3%D0%BD%D1%8D%D0%BB%D1%82-a417f299c15c?source=rss-df076f2f90b4------2</link>
            <guid isPermaLink="false">https://medium.com/p/a417f299c15c</guid>
            <dc:creator><![CDATA[Batchimeg Batbold]]></dc:creator>
            <pubDate>Sun, 01 Jan 2023 05:01:59 GMT</pubDate>
            <atom:updated>2023-01-01T06:23:05.010Z</atom:updated>
            <content:encoded><![CDATA[<p>Энэ жил хэр жил байв даа гэж хүмүүс асуухад бид ёс юм шиг л янзын сайхан жил болж өнгөрлөө гэж хариулдаг. Аль эсхүл оны эцсийн завгүй амьдралдаа дарагдаад дарамттай цаг хугацаа өнгөрсөн юм шиг мэдэрдэг.</p><p>Бусдын тухай боддог шигээ гүн гүнзгийгээр, олон янзаар өөрийнхөө тухай боддог байхыг сэтгэл зүйчид, учир мэддэг хүмүүс бас зөвлөдөг. Тийм учраас жилээ дүгнэсэн ийм зүйл анх удаа бичиж сууна. Гэхдээ яаж ч эморсон жилээ дүгнэе гэсэн гарчиг дор өөрийгөө хамаг байдгаар нь магтахгүй юм шүү гэсэн бодол доо бол үнэнч хэвээр байгаа. Тэгэхээр дандаа гэгээлэг сайхан эсхүл урам зориг авах зүйл унших гэж байгаа бол энд ирээд зогсоорой.</p><ol><li>Нэгдүгээрт, 2022 он маш урт жил байв. Их ядарсан болохоор тэгж санагдсан уу эсхүл хэтэрхий их үйл явдал тохиолдсоноос тэр үү бүү мэд.</li><li>Ямар ч байсан сургуулиа төгсөж, магистраа хамгаалсан. Олон жил хүсэж, зорьсон зүйл маань болдгоороо болоод тэгсгээд өнгөрсөн. Жаахан хоосон мэдрэмж. Гэхдээ зүгээр.</li><li>Хичээлээ, нэмээд бүр шалгалтаа тасалж, хэдэн өдөр гэрээсээ гарахгүй бүгж, идэх эмгэгтэй болж үзэв. Нойр гэдэг юмныхаа ч учрыг олоогүй байж байтал шүү дээ. Учрыг нь олох гэж хичээнээ энэ жил. Урьд нь маш таагүй санагддаг иймэрхүү зүйлсийг эмзэглэхгүйгээр хүлээж авдаг болсон байна бас.</li><li>Доктор хийнэ гэсэн мөрөөдөлдөө эргэлзэж, сурч болох байсан боломжоо орхиод ирэв. Ер нь юмыг үхэн хатан хүсдэг байсан тэр гоё мэдрэмж алга болсон. Тэгсгээд болгоно доо гэсэн л бодол үлдсэн.</li><li>Гэртээ Монголдоо ирлээ. Зөрсөөр байгаад. Хачин их харамссан. Баахан уйлсан эхний хоёр сар. Ер нь юманд тэгж удаан харамсаад явснаа санадаггүй. Одоо ч гэсэн уйлчих гээд л байгаа, олны жишгээр бол энэ процесс 6 сар үргэлжилдэг гэсэн.</li><li>Бодож байгаагүй гоё, гоё ажлын саналууд авав. Жинхэнэ тархиа биш зүрхээ дагасан сонголт хийв. Салж чаддаггүй токсик хосууд шиг хуучин байгууллагаа л сонгосон. Хайртай юм даа. Гэхдээ угийн амлалт гэдэг юм дотор чангаагаад байсын. Михаилд бас нэг бодол бий л дээ 😎</li><li>Сургуульд явахаас өмнө ажил гарт ороод, жаахан залхах гээд эхэлчихсэн байсан. Харин шинээр томилогдсон ажил маань ёстой хачин байдалд оруулсан, юу ч хийсэн сугараад байгаа юм шиг санагдаад. Их өвтгөсөн, бас өвтгөж байгаа. Гэхдээ ер нь л бага зэргийн өвдөлтөөс кайф авдаг төрлийн хүн энэ тэр 😝</li><li>Хүмүүсийг явуулж сур гээд мундаг хүмүүс зөвлөдөг юм билээ. Харин би энэ жил хүмүүсээс явж сурсан. Новшийн муухай байсаар л байгаа. Ер нь ямар ч драмгүйгээр харилцааг дуусгана гэдэг хачин хөгийн мэдрэмж байна. Дандаа тултал нь драмдаж байна, үүнээс цааш. Дараа нь сэтгэлд амар. Тоглосын 🤣</li><li>Нэлээн их өвдөж, ядарсан бас энэ жил. Уг нь хугарсан хавиргаа мэдэлгүйгээр өөрөөр нь эдгээж хавийн амьтанд мэдрэл муутайгаараа дуудуулсан гүжирмэг амьтан. Одоо бол юм л бол ядардаг болсон. Нөгөө 25 плас нь байх.</li><li>Уншдагаараа олон ном уншсан. Хаа очиж сонгож буй ном маань чанаржаад байгаа юм шиг санагдсан. Уншихад суралцсаар л байна.</li><li>Турна гэчихээд туралгүйгээр ахиад л нэг жил явлаа. Гэхдээ жилийн голоор бол янзын л гоолиг болж үзлээ. Энэ жил гэхдээ миний бүдүүн байх сүүлийн жил байх болно, яг үнэнээсээ энэ тэр хахаха 🤣</li><li>Зөндөө их аялсан. Ер нь бол энэ жилийн хамгийн их бахархах зүйл маань яг энэ. Бодоход хачин жаргалтай дурсамжууд олныг бүтээсэн.</li><li>Янз бүрийн л олон хүнтэй танилцлаа бас. Олон ч жаргалтай цаг хугацааг үдэж, олон ч хичээл авч байна, хүмүүсийн харилцаанаас.</li><li>Эргээд харахад олон бэрх зүйлийг даваад л гарсан байна, урьдынхаараа. Олон адал явдлыг туулж, янзын хөгжилтэй амьдарсан байна бас. Угийн л кино шиг санагддаг даа миний амьдрал.</li><li>Тэгээд ирэх жилдээ их аялах, олон ном унших, зөндөө гоё хүмүүстэй танилцах гэсэн чин сэтгэлийн гурван хүсэл, бас бус олон зорилт байна. Тайван сайхан биш бужигнаж, буцалсан, сорьсон, ядраасан гоё жил ирээсэй гэж бас хүсэж байна аа ❤️</li></ol><img src="https://medium.com/_/stat?event=post.clientViewed&referrerSource=full_rss&postId=a417f299c15c" width="1" height="1" alt="">]]></content:encoded>
        </item>
        <item>
            <title><![CDATA[Бидэнд Төв банкны цахим валют хэрэгтэй юу?]]></title>
            <link>https://batchimeg-bk.medium.com/%D0%B1%D0%B8%D0%B4%D1%8D%D0%BD%D0%B4-%D1%82%D3%A9%D0%B2-%D0%B1%D0%B0%D0%BD%D0%BA%D0%BD%D1%8B-%D1%86%D0%B0%D1%85%D0%B8%D0%BC-%D0%B2%D0%B0%D0%BB%D1%8E%D1%82-%D1%85%D1%8D%D1%80%D1%8D%D0%B3%D1%82%D1%8D%D0%B9-%D1%8E%D1%83-70fec94db28?source=rss-df076f2f90b4------2</link>
            <guid isPermaLink="false">https://medium.com/p/70fec94db28</guid>
            <dc:creator><![CDATA[Batchimeg Batbold]]></dc:creator>
            <pubDate>Sat, 17 Jul 2021 10:52:04 GMT</pubDate>
            <atom:updated>2021-07-17T11:57:49.927Z</atom:updated>
            <content:encoded><![CDATA[<p>Түүхийнхээ явцад бид бартерийн үеэс эхлээд л эд таваар, эрдэс баялаг, алт, мөнгөн зоос, тэгээд цаасан мөнгө гэх зэрэг олон төрлийн төлбөрийн хэрэгслийг шинээр хөгжүүлж, ашиглаж иржээ. Дижитал эрин зуун гэж нэрлэгдэх өнөө үед ч гэсэн бид цахим хэлбэрээр хэд, хэдэн төрлийн төлбөрийн хэрэгслийг хөгжүүлэх гэж, зах зээлд нэвтрүүлэх гэж олон төрлөөр л үзэж байна. Бэлэн бус төлбөр тооцооны хэрэгслүүдээс гадна, стэйбл койн, крипто ассет, технологийн компаниудын зах зээлд нэвтрүүлж буй цахим мөнгө, тэгээд бас зарим улсуудын нэвтрүүлэхээр зэхэж буй төв банкны цахим валют гэх мэтээр… Шинэ зүйл гэдэг яалт ч үгүй шинэ зүйл л байдаг. Эрт үед төлбөрийн хэрэгсэл хэлбэр, агуулгаа өөрчлөх тутамд бидний өвөг дээдэс хэрхэн хүлээж авсан бол гэж бодох их соньхон байна. Учир нь өнөө цагийн дижитал шилжилтийн нөлөөг би л хувьдаа их сонирхож, догдолж, гэхдээ бага зэрэг халгааж хүлээж авч байгаа билээ.</p><figure><img alt="" src="https://cdn-images-1.medium.com/max/1024/1*QvBuqopZOYzfa0RDmBu7Tw.png" /><figcaption>Хичээлийнхээ илтгэлд зориулан зурсан схем болно.</figcaption></figure><p>Мөнгөн тэмдэгт өртгийн хэмжүүр, арилжааны хэрэгсэл, үнэ цэнийн хадгалалт гэсэн гурван үндсэн үүрэгтэй гэдгийг юун түрүүнд санах хэрэгтэй. Бидний одоогийн өдөр тутмын амьдралдаа хэрэглэж буй улс орны валютууд, цаасан дэвсгэртүүд энэ гурван үүргийг бидний амьдралд гүйцэтгэдэг гэсэн үг.</p><p>Харин шинээр зах зээлд нэвтэрч буй цахим мөнгө, валютууд энэ гурван багц үүргийг тус, тусад нь задалж байгаа аж. Жишээ нь бидний сайн мэдэх “кэнди” цахим мөнгийг бид арилжааны хэрэгсэл буюу төлбөр тооцооны үүргээр нь л илүү ашигладгаас биш бараа, үйлчилгээг “500 кэнди”, “1000 кэнди” гэж нэрлэж, өртгийн хэмжүүрийнх нь үүргийг өргөн утгаар ашиглахгүй байгаа билээ. Үндсэн гурван үүргийг нь ингэж салгах боломжтой болсноор бид олон төрлийн цахим мөнгийг өөр, өөр зориулалтаар ашиглах боломж бүрдэж байгаа юм. Бас дээрээс нь бид цахим мөнгийг сонгож ашиглахдаа дээрх гурван үүргийн аль нэгэнд үндэслэхээс гадна тус цахим мөнгийг нэвтрүүлж буй технологийн шийдлээс нь хамаарч сонголтоо хийх боломж бүрдэж байна.</p><p>Хуучин бид үнэ цэнэ нь амархан алдагдахгүй юм даа хэмээн сэтгэж ам.долларыг сонгодог байсан бол одоо цагт арилжаанд амар хялбар ашиглагдаж болохоор нь А цахим мөнгийг, үнэ цэнийн хадгалалт нь илүү сайн байж магадгүй хэмээн Б цахим мөнгийг, аль эсхүл арилжааны платформ нь илүү сайн нууцлал хамгаалдаг учраас В цахим мөнгийг эсхүл бүр өгөгдөл дээр минь суурилаад надад тохирсон бүтээгдэхүүн, үйлчилгээг санал болгож, амьдрал хөнгөвчлөх юм даа гэж үзээд Г цахим мөнгийг сонгох боломжтой болж буй юм. Эндээс юу мэдрэгдэж байна даа? мөнгө, валютын өрсөлдөөн улам бүр ширүүсэж байгаа биш гэж үү?</p><figure><img alt="" src="https://cdn-images-1.medium.com/max/1024/1*T_roWar-igRbiELM22XnVA.png" /><figcaption>Хичээлийнхээ илтгэлд зориулан зурсан схем болно.</figcaption></figure><p>Уламжлалт мөнгөний үүргүүдийг ингэж задалж, салгаж, өөр цоо шинэ үүргүүдийг нэмж байгаа энэ тэрээс эхлээд л дижитал долларжилтын нөлөө, мөнгөний бодлогын үр ашигт байдлын асуудал, мөнгө угаах эрсдэл, цахим мөнгө хоорондын хөрвүүлэг энэ тэр гэсэн зүйлс бодлого гаргагчдын толгойг өвтгөх болж, улмаар төв банкны цахим валют гэсэн нэр томьёо шинээр яригдах болсон билээ. Одоогоор, бидний ихэнхийнх нь сонссон Хятадын төв банкны “Дижитал Юань”-аас гадна Бахамын арал, Зүүн Карибын орнууд, Камбож, Швед зэрэг улсууд төв банкны цахим валют гаргах төслөө аль хэдийн эхлүүлсэн байна.</p><p>Олон улсын төлбөр тооцооны банкны 2020 оны жилийн тайлан дээр төв банкны цахим валютын байж болох хувилбаруудыг дараах байдлаар танилцуулан, дүрсэлсэн байна.</p><figure><img alt="" src="https://cdn-images-1.medium.com/max/1024/1*wJM-t4mneji85rxDePWM7A.png" /><figcaption>“BIS: Annual Economic Report, June 2021”</figcaption></figure><p>Заа ерөнхийдөө зөвхөн банк, санхүүгийн байгууллагуудад нөөц хэлбэрээр байршуулах, хоорондын гүйлгээнд нь ашиглагдах зориулалттай нэг төрөл, олон нийт ашиглах боломжтой нөгөө төрөл гэсэн 2 үндсэн хэлбэр юм уу даа. Зураг дээр байгаачлан олон нийтэд зориулж гаргах төв банкны цахим валютын хувьд дансанд суурилсан (бидний банкин дахь дансаараа дамжуулан ашиглаж буй мөнгөн дэвсгэрттэй адил) токенд суурилсан (бидний гар дээр буй цаасан мөнгөтэй ижил гэж ойлгож болно доо) гэсэн 2 төрөл байна. Токенд суурилсан цахим валютын хамгийн гоё зүйл нь мэдээж бидний санхүүгийн гүйлгээний мэдээлэл мэдэгдэхгүй нь юм. Миний сонссон үнэн бол Хятадын төв банк зөвхөн дансанд суурилсан цахим валютыг гаргана гэсэн. Тэгэхээр дижитал юанийг ашиглан хийгдсэн бүх гүйлгээний мэдээлэл чинь чиний мэдээлэлтэй хамт Хятадынх болох нь байна. Жаахан эвгүй тээ :P</p><figure><img alt="" src="https://cdn-images-1.medium.com/max/992/1*516T7D-kkI_XrhyJXbfpVg.png" /><figcaption>“BIS: Annual Economic Report, June 2021”</figcaption></figure><p>Харин ерөнхий дэд бүтцийнхээ хувьд төв банкны цахим валют нь гурван төрөл байх боломжтой. Үүнд: шууд, хосолсон, дундын зуучлалтай гэсэн хувилбарууд.</p><p>Эхнийх нь бол ойлгомжтой бидэнд одоо банк, санхүүгийн байгууллагууд хэрэггүй ээ л гэсэн үг. Харин хосолмол хувилбар ёсоор бол бид аливаа санхүүгийн гүйлгээнд оролцохдоо дундын зуучлагч болох банк, санхүүгийн байгууллагуудыг ашиглаж ч болно, ашиглахгүй ч байж болноо л гэсэн үг. Тэгээд зуучлалтай хувилбар бол бидний одоогийн мөнгөний системтэй л илүү төстэй юм даа. Гэхдээ мэдээж хэлбэр нь цахимаар.</p><p>Заа одоо үндсэн асуулт руугаа шилжье. <strong>Бидэнд “Төв банкны цахим валют” хэрэгтэй юу? хэрэггүй юу? Хэрэгтэй бол аль хувилбар нь вэ?</strong></p><p>Хэрэгтэй, хэрэггүйгийн тухайг ярихаас илүү бидэнд энэ бизнесээс салж үлдэх боломж байгаа эсэхийг бодох нь чухал ч юм шиг. Эрт, орой хэзээ нэгэн цагт мөнгө, санхүүгийн систем бүтэн цахимжих нь тодорхой, цаг хугацааны л асуудал байх тийм үү? Яахав надад төв банкны цахим валютыг дэмжиж хэлэх, бас үгүйсгэж хэлэх олон шалтгаан байна. Тус бүрийг нь энд бичвэл хэт уйтгартай болох байх. Ямартаа ч аминд тулсан нэн тэргүүний хэрэгцээ, шаардлагыг нь олж харахгүй байгаа ч яагаад бидэнд хэрэггүй гэж? Үр ашгийг нэмэгдүүлнэ, шимтгэл, зардлыг багасгана, олон улсын төлбөрийн шилжүүлэг илүү сайжирна, одоо бидэнд байгаа цахим мөнгүүдээ хооронд нь амархан хөрвүүлж, ашиглах боломж ч бүрдэнэ. Гэхдээ бас хувийн хэвшлээс гаргасан цахим мөнгөө зохицуулж, ашиглаад явж ч болно л доо.</p><p>Тэгвэл аль хувилбар нь? Зургаас харахад бол “шууд” хувилбар нь л хөөрхөн байгаа биз ууг нь. Төгс ертөнцөд бол бидэнд санхүүгийн дундын байгууллагууд хэрэггүй ээ гэж шулуухан хэлчихмээр. Гэхдээ бодит нөхцөл байдлаа санахаар яалт ч үгүй бодох хэрэг үүсэж байна. Бодит амьдрал дээр үүсдэг зах зээлийн гажуудлуудыг шийдэхийн тулд л эдийн засаг дахь төрийн оролцоо үүссэн гэдэг. Энэ утгаараа бол төв банкиа байх ёстой үүрэгтэй нь л үлдээчихмээр байна. Бас улсынхаа институцийн хөгжил, улс төрчдийн их нөлөө энэ тэрийг бодохоор дундын зуучлагч, гуравдагч этгээдгүй санхүүгийн зах зээлийн үр ашигт байдалд үл итгэнэ. Тэгээд ч банк, санхүүгийн байгууллага гэдэг чинь дан ганц хоёр эдийн засгийн этгээдийг холбохоос гадна өөр олон үүргийг гүйцэтгэдэг шүү дээ. Нөгөө талаас төрд, эсхүл нэг байгууллага, институцид хэт их эрх мэдэл төвлөрүүлэх хүсэл ердөө алга. Энгээд эхний сонголтыг хаслаа. /Гэхдээ шинэ зүйлсээс халшрах, айх натур маань энэ бүх шалтгааныг дурдахад нөлөөлж ч байж болно/</p><p>Хоёр, гурав дахь хувилбар аль, аль нь л боломжийн санагдана. Санхүүгийн үйлчилгээний хүртээмжээс гадна, татвар төвлөрүүлэх, нийгмийн халамж, тусламжийг иргэдэд түгээх, тэгээд хяналт, шалгалт хийх зэрэг төрийн үйлчилгээний хүртээмжийг бас нэмэгдүүлэх боломжийг нь бодвол хоёр дахь хувилбар нь илүү гоё ч юм шиг. Гэхдээ манай улс шиг насанд хүрсэн хүн бүр нь шахуу банкинд данстай, санхүүгийн үйлчилгээний хүртээмж харьцангуй сайн улс орны хувьд одоо байгаа дэд бүтэцдээ найдаад оролцохгүй үлдлээ ч буруудах зүйлгүй л санагдана.</p><p>Дараагийн асуулт? Хэрэв зээ хосолмол дэд бүтцийг нь сонгоод олон нийтэд ашиглагдах боломжтой төв банкны цахим валютыг гаргавал дансанд суурилсан, токенд суурилсан алийг нь сонгох вэ? гэж. Яахав дээ зохицуулагч талаас харвал дансанд суурилсан цахим валютын гоо үзэсгэлэн тоочоод барамгүй. Одоо та нар татвараас бултаж, мөнгө угааж, орлого, зарлагаа хуурамчаар мэдүүлэх ямар ч боломжгүй боллоо гээд инээгээд сууж баймаар. Гэхдээ хүн төрөлхтний натурал шинж чанараа бодвол хэзээ л бид зохицуулагдаж, хянагдаж амьдрах дуртай байлаа даа.</p><p>Санхүүгийн зах зээл дэх цахим шилжилтийн нөлөөгөөр бэлэн мөнгөний гүйлгээ улам бүр багасаж, бэлэн мөнгөний гүйлгээ багасах тусмаа бидний санхүүгийн үйл хөдлөл бүхэн бүртгэгдэж явах болсон. Хуучин бол би цаасан мөнгөө хаанаа хадгалж, хэндээ бэлэглэж, хэрхэн зарцуулж байгаа минь нууц хэвээр л байлаа. Цаасан мөнгөний яг энэ гоё шинж чанарыг цахим орчинд авч үлдэхийг хүссэнээс л үүдэн одоогийн халуухан сэдвүүдийн нэг болох крипто ассетууд үүсээгүй гэж үү? Тэгэхээр дан ганц дансанд суурилсан цахим валют бол миний л хувьд тэнэг сонголт. Бидэнд аль, аль нь хэрэгтэй? эс тэгвээс крипто ассетуудын хөгжилд л хувь нэмрээ оруулах байх. Ер нь илүү сайн зохицуулж, хянах гэж оролдох тусмаа л илүү далд, илүү төвөгтэй зохицуулалтгүй зах зээлийг үүсгэж байдаг ш дээ, бид :P</p><p>Заа тэгээд ерөнхийд нь нэг дүгнээд бодонгуут цахим шилжилт бүхнийг орвонгоор нь эргүүлээд байгаа юм алга ч юм шиг. Ерөнхий мөнгө, санхүүгийн системийн логик хадгалагдаад л үлдэж байна. Угаасаа зах зээлийн заяагдмал шинж чанар нь үүнийг шаарддаг ч байж магад. Жишээ нь зах зээлд нийлүүлэгдэж, эргэлдэж буй валютууд төв банкнаас гаргасан эсхүл хувийн хэвшлээс нэвтрүүлсэн цахим валютуудаар солигдож, ингэхдээ банк санхүүгийн байгууллагуудын дансан дахь мөнгөн хөрөнгө дансанд суурилсан цахим валютын хэлбэрээр, харин гүйлгээн дэх бэлэн мөнгүүд токенд суурилсан цахим валютын хэлбэрээр л шинэчлэгдэж байгаа юм уу даа.</p><p>Нэн тэргүүний айхтар шаардлагыг нь харахгүй байгаа учраас төв банкны цахим валют хурдан гаргая л даа гэж хэлэхийг үл хүснэ. Харин бидний нэн тэргүүний анхаарах асуудал бол цахим долларжилт шүү гэдгийг л сануулмаар байна. Гадаад сектороос хэт хамааралтай, жижиг, нээлттэй эдийн засаг, дээрээс нь бидний мөнгөн тэмдэгт сул. Хэрэв зээ бидэнд цахим ам.долларыг, цахим еврог эсхүл худалдааны системд өргөн ашиглагдах өөр нэгэн цахим валютыг маш амар хялбараар, хурдан шуурхай, шимтгэл, зардал багатайгаар эзэмших боломж бүрдвэл бидний эдийн засагт ямар эрсдэлүүд үүсэх тухай л юм. Энэ цахим долларжилтын асуудал бид төв банкны цахим валют гаргасан, гаргаагүй л хаяанд ирж буй байх, учир нь асуудлын гол нь бидний эдийн засгийн суурь чанартай холбогдож байгаа юм.</p><p>Жич: шал буруу ойлголттой явж байж болно, ямар ч төрлийн санал, сэтгэгдэл, шүүмжид маш нээлттэй хандана :)))</p><img src="https://medium.com/_/stat?event=post.clientViewed&referrerSource=full_rss&postId=70fec94db28" width="1" height="1" alt="">]]></content:encoded>
        </item>
        <item>
            <title><![CDATA[Гүнзгий амьсгаа авмаар тал шиг… тэнүүхэн амьдрахсан!]]></title>
            <link>https://batchimeg-bk.medium.com/%D0%B3%D2%AF%D0%BD%D0%B7%D0%B3%D0%B8%D0%B9-%D0%B0%D0%BC%D1%8C%D1%81%D0%B3%D0%B0%D0%B0-%D0%B0%D0%B2%D0%BC%D0%B0%D0%B0%D1%80-%D1%82%D0%B0%D0%BB-%D1%88%D0%B8%D0%B3-%D1%82%D1%8D%D0%BD%D2%AF%D2%AF%D1%85%D1%8D%D0%BD-%D0%B0%D0%BC%D1%8C%D0%B4%D1%80%D0%B0%D1%85%D1%81%D0%B0%D0%BD-3739594192fe?source=rss-df076f2f90b4------2</link>
            <guid isPermaLink="false">https://medium.com/p/3739594192fe</guid>
            <dc:creator><![CDATA[Batchimeg Batbold]]></dc:creator>
            <pubDate>Sun, 13 Jun 2021 10:43:29 GMT</pubDate>
            <atom:updated>2021-06-13T10:47:30.346Z</atom:updated>
            <content:encoded><![CDATA[<p><strong>Гүнзгий амьсгаа авмаар тал шиг… тэнүүхэн амьдрахсан!</strong></p><p>1950–1970-аад оны үед эрчимтэй өсөж, дэлхийн топуудын эгнээнд жагссан Япон Улсын эдийн засгийн өсөлт сүүлийн 30 жилийн туршид зогсонги төлөвтэй байгаа. Үүний нэг шалтгааныг багш их хөгжилтэй байдлаар хичээл дээр ярив аа. Мэдээж хүн амын хөгшрөлт үндсэн шалтгаан нь. Энэ ахмад үед нь тараагддаг тэтгэвэр, тэтгэмжийн мөнгө гэж нэлээдгүй зүйл байж таарна. Харин тэр мөнгө нь эргээд эдийн засгийн эргэлтэд орж чаддаггүй нь асуудал үүсгэдэг. Учир юу вэ гэхээр Японы ахмад үе цаашид дахиад өчнөөн олон жил амьдарна гэдэгтээ итгэлтэй байдаг учраас энэ мөнгө төгрөгөө нэг их хэрэглэдэггүй, хадгалдаг. Хадгалахдаа хүүгийн түвшин бага, эрсдэл өндөр энэ тэр гэсэн шалтгаанаар, ямар нэгэн санхүүгийн байгууллагад биш зүгээр л гэртээ хадгалах хандлагатай байдаг гэнэ. Энэ нь эргээд хүүгийн бага түвшиндээ, эдийн засгийн зогсонги байдалдаа нөлөөлөх суваг нь болдог юм байх аа.</p><p>Өөрийгөө л бодов. Дал, ная гарсан хүмүүс ирээдүйдээ тийм итгэлтэй байхад, эрүүл мэнддээ тийм бардам байхад маний биеэ авж яваа байдал, амьдралдаа хандаж байгаа байдал бол зүгээр л онигоо. Эдийн засгийн нөөцөө тэгж сүрхий төлөвлөх нь бүү хэл, эрч хүч, энергиэ аятайхан удирдаад зарцуулж чадахгүй л үйлээ үзэж явна.</p><p>Амьдрал гэдэг урт хугацааны марафон гэдгийг санах хэрэгтэй гэж хаанаас ч билээ нэг номноос уншсан нь толгойд уг нь хадгалагдаатай л байдаг. Гэтэл надад өнөөдрийн асуудлуудыг ямар ч хамаагүй аргаар шийдээд дуусгах нь чухал хэвээр л байна.</p><p>“…Хэзээ үхнэ гэж…” уг нь үнэн үг. Гэхдээ тэнэг үг. Хүн маш холын эрсдэлийг их ойртуулж хүлээж авдаг хэрнээ, их ойр байгаа эрсдэлээ үл тоодог зантай гэдэг. Хэзээ ч үхэж магадгүй гэсэн энэ эрсдэл уг нь маргааш өвдчих эрсдэлээс минь хаа холын зүйл л байж таарна.</p><p>Алсын хараа, холын бодол энэ бүр яалт ч үгүй чухал зүйлс мэт санагдах болсон. Гэхдээ энэ зүйлс хаана хүрэх вэ? гэдгээс илүүтэй яаж амьдрах вэ? гэдэгтэй л холбогдоосой. Өндөр боловсрол эзэмших, том байшинтай болох, лаг компанид ажиллах, гоё бизнес хийх энэ мэт бол яав ч холын бодол байж таарахгүй зүйлс. Яахав би иймэрхүү олон зүйлсийг урдаа жагсааж бичдэг л дээ. Гэхдээ би эдгээрт хэзээ нэгэн цагт хүрнэ гэдгээ мэддэг, тэгээд л болоо гэдгийг ч бас мэддэг. Ийм л зүйлс. Харин би ямар хүн байхыг хичээж?, яаж амьдарч? ямар төрлийн ажлыг тэтгэвэртээ гартал хийж? ямар хүмүүстэй үхтлээ хамт амьдарч чадах вэ? гэдгээр л алсын хараа тодорхойлогдоно байх.</p><p>Яажшуухан амьдрах вэ? гэж. Гоё биш ч гэсэн зөв замаар явах уу? Дөт биш ч гэсэн эргээд бодоход харамсхааргүй замаар явах уу? Ер нь ямаршуухан үнэт зүйлсийг эрхэмлэж, ямаршуухан үзэл бодлоор үлдсэн дөч, тавин жилээ туулах вэ? Энэ асуултынхаа хариултыг бүдэг, бадаг ч хамаагүй тодорхойлоод, сэтгэл санаа, оюун бодол их давчуухан болоод ирэх үедээ саначихдаг байвал зүгээр мэт. Би ийм, ийм юм хийсэн байна гэж нэг бодох өөр, би нэг иймэрхүү л байх ёстой шүү гэж сэтгэх бас нэг өөр хэрэг.</p><p>Харин иймэрхүү л амьдрах хэрэгтэй гэсэн асуултад хариултаа олж авахын тулд эхлээд өөрт өгөгдсөн зүйлсээ л хайрлаж сурах хэрэгтэй мэт. Өөрт байгаа заяагдмал зүйлсээ таньж, хайрлаж, эрхэмлэж сураагүй хэрнээ өөр олон гоё, сайхан гаднын зүйлсийг өөрийн амьдралдаа суулгах нь хэцүү, бэрхээс гадна худал, хуурмаг санагдана.</p><p>Амьдралд их олон өдөр ирнэ гэдгийг мэддэг байя. Ойрын зорилгоо өдөр бүр шахам өөртөө сануулдаг шигээ, холын бодол, алсын хараагаа тодорхойлох гэж хичээдэг байя. Өөрт аль хэдийн байгаа зүйлсээ таниж мэдэх, хайрлаж, нандигнахаас л алс холын аялал эхэлнэ гэдгийг санадаг байя. Өөрийн эрүүл мэнд, өөрийн биендээ арчаатай амьдрах нь магадгүй цаашдын өчнөөн амьдралын зарчмын суурь нь болох учиртай байх. Үнэхээр ч өнөө, маргаашаа л аргацаалаад өнгөрөхийн төлөө асуудлаас асуудлын хооронд л гүйдэг, урдаа овоолж тавьсан бүх асуудлыг шийдэж дуусгаж байж л жаргаж чадна гэж боддог энэ сэтгэлгээгээ өөрчлөх хамгийн эхний алхам нь эрүүл мэнддээ л анхаарах юм даа. Холын бодолтой хүн бол мянга, мянган маргааш намайг хүлээж буйг мэдэх учир, жижиг асуудлыг ухаантай шийдэх гэж том тэнэг үйлдэл гаргахгүй.</p><p>Өнөөдөр бидэнд энэ нийгэм шударга бус хандаж болно, өнөөдөр бид өчнөөн хичээгээд хүссэндээ өөрөөс шалтгаалах бус хүчин зүйлсээс болон хүрэхгүй ч байж болно, өнөөдөр бидэнд зүгээр л азгүй зүйлс тохиолдож болно, үхэл, хагацал, өвчин зовлон гээд олон бэрхшээлийг бид туулах шаардлага гарч л таарна. Гэхдээ алсуураа хэн байхаа мэдэж байгаа бол, алсуураа энэ амьдралаас хүссэн зүйлсээ гадарлаж буй бол алсуураа бүхий л зүйлс сайн сайхан руу л чиглэж байж таарна.</p><p>Харин энэ бүхний эхлэл өөрт байгаа зүйлсээ үнэлэхээс, танихаас, хайрлаж сурахаас, өнөөдөр, маргаашаар амьдралыг хэмждэггүй байхаас л эхлэх байх!!!</p><img src="https://medium.com/_/stat?event=post.clientViewed&referrerSource=full_rss&postId=3739594192fe" width="1" height="1" alt="">]]></content:encoded>
        </item>
    </channel>
</rss>