<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Batyr Berdiyev on Medium]]></title>
        <description><![CDATA[Stories by Batyr Berdiyev on Medium]]></description>
        <link>https://medium.com/@berdiyev?source=rss-1dd2105bf46a------2</link>
        <image>
            <url>https://cdn-images-1.medium.com/fit/c/150/150/1*XC0teFJEeEWC6iXsvZMi9w.jpeg</url>
            <title>Stories by Batyr Berdiyev on Medium</title>
            <link>https://medium.com/@berdiyev?source=rss-1dd2105bf46a------2</link>
        </image>
        <generator>Medium</generator>
        <lastBuildDate>Fri, 20 Nov 2026 01:56:06 GMT</lastBuildDate>
        <atom:link href="https://medium.com/@berdiyev/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Köpden bäri ýazamok]]></title>
            <link>https://berdiyev.medium.com/k%C3%B6pden-b%C3%A4ri-%C3%BDazamok-0f6bd820428d?source=rss-1dd2105bf46a------2</link>
            <guid isPermaLink="false">https://medium.com/p/0f6bd820428d</guid>
            <dc:creator><![CDATA[Batyr Berdiyev]]></dc:creator>
            <pubDate>Fri, 17 Apr 2026 18:52:57 GMT</pubDate>
            <atom:updated>2026-04-17T18:52:57.716Z</atom:updated>
            <content:encoded><![CDATA[<p>Ýazasymam gelenok. Öňler ýazmak belli bir täsirlenmäň netijesinde emele gelýän hereketdi meniň üçin. Ýa bolmasa şol wagtky duýgulary, garaýşy resmileşdirmek. Dokumentalist çemeleşmesi bardy garaz.</p><p>“Ýazmak ruhuň orgazmy” diýipdi Ahmet Mele. Belki bu sözi aýdan kändir ýa-da ýokdur, ýöne Ahmet Meleden eşitdim meň özüm-hä.</p><p>Yza seredýän welin, bäşlikçi çagaň etmeli hemme zadyny edipdirin. Orta okuwy oňat gutarypdyryn, stipendiýaly uniwersitetde okapdyryn — birem däl, iki — tanalýan ýerlerde işläpdirin, öýlenipdirin, Hudaý maňa perzent beripdir. Aý-ýyl geçdigiçe tejribe artyp, oýundaky “çällenjlerden” hötde gelip, her gezeginde başarnyklary artýan oýunçy bolaýmaly ýaly welin, hakyky durmuşda başarnyk gazandyrýan “çällenjler” barja bolanyndan hem iýýär eken. Türkmende erkek bolmak birnäçe wezipäni öz içine alýar. Bu wezipeleriň ählisi hem daş-töweregiň senden garaşýan talaplary esasynda emele gelýär. Ilki “ene-ata haýyrly ogul”, soň “Watana wepaly esger”, “jemgyýete peýdaly adam”, öýleneňsoň “haýyrly ýan-ýoldaş”, şeýle hem perzendiňe “kaka”.</p><p>Käte bularyň hemmesinden baş alyp çykmak gyzaryp duran közüň üstünde durkaň, şol közde gaýnadylan kofeden lezzet almaga synanyşmaga meňzeýär. Ýöne ýeke göz ýetiren zadym — bularyň ählisinde bir wagtda kämil bolup bolanok eken. Iň esasyraklaryny saýlap, beýlekilerde orta derejeli bolmaga kanagat etmeseň, aýagyň aşagyndaky köz beýniňem ýakýar, ýüregiňem.</p><p>Hemmesinde oýunçy bolup bolanok, käsinde NPC bolmagy saýlamaly bolýar.</p><p>30 ýaşdan soň kakam we atam nätdikä soragyny köp sorap başladym. Atam 75-nji ýylda, 29 ýaşynda 3 çagaly yzyna, Murgaba dolanyp gelip, öz adyna jaý galdyrdy. Bu ömrüniň soňunda çenli özüniň, çagalarynyň we agtyklarynyň öýüne öwrüldi. Kakam bolsa öz adyna jaýyny 31 ýaşynda galdyrdy.</p><p>Görýäňizmi, şu ýerdäki mysaly hem, biygtyýar, aň astymyza ornaşdyrylan üsti örtülgi ýörelgelerden ugur alyp beripdirin.</p><p>Jaýly gürrüň gidip durka şuny hem belläýin. Atamyň jaýy geçen ýanwar aýynda ot aldy. Onuň mirasyndan diňe ýatlamalar galdy. Kakam jaň edip aýdanynda özümi nähili duýjagymy bilmedim. Agyrlygy iküç gün soň çykdy.</p><p>Mowzuklaryň töwereginde kän bökjekledim. Sebäbi üýtgeşik aýtmaga zadym ýok. Hawa, işler bolup dur, güzeranymyzy aýlaýas. Geçen hepde ogluma “samokat” alyp berdik.</p><p>“Aýtmaga zadyň ýok bolsa näme üçin ýazdyň” diýmegiňiz mümkin. Men ýaly okuwyny okan adamlar ýazmasa, kim ýazsyn?!</p><img src="https://medium.com/_/stat?event=post.clientViewed&referrerSource=full_rss&postId=0f6bd820428d" width="1" height="1" alt="">]]></content:encoded>
        </item>
        <item>
            <title><![CDATA[Döredijilik çökgünligimi ýa-da çökgünkäň döretmek?]]></title>
            <link>https://berdiyev.medium.com/d%C3%B6redijilik-%C3%A7%C3%B6kg%C3%BCnligimi-%C3%BDa-da-%C3%A7%C3%B6kg%C3%BCnk%C3%A4%C5%88-d%C3%B6retmek-9f8cfdd7e017?source=rss-1dd2105bf46a------2</link>
            <guid isPermaLink="false">https://medium.com/p/9f8cfdd7e017</guid>
            <dc:creator><![CDATA[Batyr Berdiyev]]></dc:creator>
            <pubDate>Tue, 19 Nov 2024 18:33:37 GMT</pubDate>
            <atom:updated>2024-11-19T18:33:37.406Z</atom:updated>
            <content:encoded><![CDATA[<p>Adam pahyr gününe kanagat edip ýaşabermeli welin, bolaýanok-da. Daşyndan göräýmäge galagopsyz, asuda geçip duran günler aslynda ýarylmak üçin ýyllap taýýarlanýan wulkana meňzeýär. Bir tarapda şeýle wulkan, beýleki tarapda bolsa soňky demini sanap ýatan döredijilik. Partlap dynsa ikisem ýeňlejek welin, aňsat däl.</p><p>Partlamaga taýýar wulkan bilen döredijiligi gapma garşy görkezen ýaly duýulmagy mümkin. Ýöne bular bir-biriniň içinden eriş-argaç bolup geçýär. Döredijiligiň demi dynsa, partlamaga zat hem galmaýar.</p><p>Eýýäm birnäçe ýyl bäri döredijilik ulgamynyň içinde gezip ýörn, şondan “nan iýýän.” Ýa dörediji bolmagyň lagnaty, ýa-da kanagata bolan garaýşyň tapawutlylygy günüme goýanok; henizem gözlegde. Kanagat diýemde alýan aýlygyňa kanagat däl-de, eýsem edýän döredijiligiňe bolan kanagat. Bu duýguny “itiň öz guýrugyny kowalamagy” gaty oňat düşündirýär. Göwnüňe hereket edýän ýaly, ýöne ýeke ädim öňe gideňok, şol bir ýerde aýlanyp dursuň. Diňe men şeýle däldirin diýip umyt edýän.</p><p>Bu aýlawy döwmegiň birinji ädimi bu aýlawyň bardygyna göz ýetirmekden başlaýar. Aslynda bu iň aňsady. Muňa göz ýetireniňden soň töwekgelçilik etmekden çekinmek duýgusy gizlenen ýerinden çykýar. Bu çekinjeňligi gören adam pahyr hasaplamaga başlaýar; döwmelimi ýa-da däl.</p><p>Mundan esli ýyl öň, dünýäň düzüw wagty, bir ugurrakda işlän tanyşlarymyň biri “şu işi etjek bolsaň ýa bolmalysy ýaly etmeli, ýa-da düýbünden etmeli däl, başga ugra geçmeli” diýipdi. Ine, bu ýerde bolsa ýene bir faktor ýüze çykýar: işi alyp barýan gurşawymyz. Eger bu gurşaw ýokarda agzan aýlawymy döwmezlik düşünjesiniň binýadynda gurlan bolsa, ýagdaý beter kynlaşýar. Bir tarapdan içki hasap-hesip, beýleki tarapdan bolsa aýlawy döwmäge rugsat bermeýän gurşaw. Beteriň hem beteri bar; aýlawy döweniň bilen hem alan galaň bolmajagy düşünjesiniň beýniňe ornaşmagy.</p><p>Türkmençeläp aýtsam: aý gijäni ýagtyldasy gelýär, ýöne bar edýän zady penjireden jyklamak; ýaş ýene üç hepdeden 30; tolgundyrýan zatlaryň henizem gözleginde.</p><img src="https://medium.com/_/stat?event=post.clientViewed&referrerSource=full_rss&postId=9f8cfdd7e017" width="1" height="1" alt="">]]></content:encoded>
        </item>
        <item>
            <title><![CDATA[Nazar traktoristiň gündeligi — ugur no:la tarap]]></title>
            <link>https://berdiyev.medium.com/nazar-traktoristi%C5%88-g%C3%BCndeligi-ugur-no-la-tarap-de215b61881a?source=rss-1dd2105bf46a------2</link>
            <guid isPermaLink="false">https://medium.com/p/de215b61881a</guid>
            <dc:creator><![CDATA[Batyr Berdiyev]]></dc:creator>
            <pubDate>Sun, 04 Aug 2024 14:24:56 GMT</pubDate>
            <atom:updated>2024-08-04T14:24:56.071Z</atom:updated>
            <content:encoded><![CDATA[<h3>Nazar traktoristiň gündeligi — ugur no:la tarap</h3><p>Aňy aklyna aýlanyp, bir palta sap bolup bilmejegine gözi ýetip, durmuşdan närazy bolup ýören Nazar traktorist täze başlangyçlaryň ýoluny tutdy.</p><p>Ýaşlygynda ol potratdan beýlekisine haýdap pagta daşaýan Nazardan nam-nyşan galmady diýseň boljak. Ýaşy gitdigiçe gulagy harralyp, ýüzi inçelmäge başlady. Dişleri bolsa çilimiň sarylygy bilen göreşini dowam etdirýär. Saçy-hä beýle-de dursun, burnundan sallanýan gyllar hem agarmaga durupdy. Demir işi sebäpli yzygiderli dünýäsini täzeleýän dyrnaklarynyň ululygy kiçelip barmak uçlaryndaky et üýşmeklerini köpeltdi.</p><p>Uçara gireninden obasyndakylar bilen gürleşmäge başlap, tä uçýança ýerinden butnamady. Başda biraz howsalaly görünse-de uçaryň içinde ugurdaş ýoldaşlaryna duş gelenden soň ýüzi birneme güldi. 6 sagat uçmaly, az zat däl. Beýniniň bir bölegi sag-aman barmagyň aladasynda bolsa-da, beýleki bölegi ýany bilen getiren konýagyndan nädip ýolbeletlere bildirmän 50 gram ýelmäp bolaryň ugruny gözleýär. Gadagançylygyň özüne çekiji güýji Nazary heniz aeroporta gelmänkä “aý bir zat edersiň” arkaýynlygy özüne maýyl etdi.</p><p>Ýarany bilen 50 gram urdy. Ýolbelediň beren naharyny iýdi. Konýagyň şekelada meňzeş ysy uçary tutdy. Aslynda bu gezegem biz üçin adaty ýagdaýlaryň biri boldy: “hemme kişi hemme zady bilýär.”</p><p>Başardygyndan tapawutly içgileri içip gördi. Zatdan galaýmaýyn diýip, soňunda kofejigem ýelmedi.</p><p>Keýpi köklenenden soň bolsa şapbat ýaly telefonyny çykaryp özüni surata düşürdi, maşgalasynyň suratyny ýaranyna görkezdi. Barmaly ýerine baranyndan soň näme etjeginiň meýilnamasyna çenli aýdyp berdi. Meýilnama diýenimde, şeýle wajyp zat göz öňüňize gelmesin. Aslynda bar aýdan zady haýsy şäherde näçeräk içjegidi.</p><p>Aýagyny öňündäki stola diräp ýatyp galdy.</p><img src="https://medium.com/_/stat?event=post.clientViewed&referrerSource=full_rss&postId=de215b61881a" width="1" height="1" alt="">]]></content:encoded>
        </item>
        <item>
            <title><![CDATA[reňkli poçta #5]]></title>
            <link>https://medium.com/renkliplus/re%C5%88kli-po%C3%A7ta-5-5afedad4289c?source=rss-1dd2105bf46a------2</link>
            <guid isPermaLink="false">https://medium.com/p/5afedad4289c</guid>
            <category><![CDATA[teoman]]></category>
            <category><![CDATA[reňkli]]></category>
            <category><![CDATA[reňkli-poçta]]></category>
            <category><![CDATA[sungat]]></category>
            <category><![CDATA[türkmençe]]></category>
            <dc:creator><![CDATA[Batyr Berdiyev]]></dc:creator>
            <pubDate>Wed, 19 Apr 2023 23:06:38 GMT</pubDate>
            <atom:updated>2023-04-19T23:06:38.488Z</atom:updated>
            <content:encoded><![CDATA[<p><em>Bu makala ilkinji gezek 15-nji aprelde </em><a href="https://www.buymeacoffee.com/renkliplus"><em>reňkli+ neşiriniň BCM sahypasynda</em></a><em> paýlaşyldy. Biziň esasy maksadymyz okyjynyň neşri bolmakdyr. Şol sebäpden siziň goldawyňyz biziň üçin örän wajyp: </em><a href="https://www.buymeacoffee.com/renkliplus"><strong><em>https://www.buymeacoffee.com/renkliplus</em></strong></a></p><figure><img alt="" src="https://cdn-images-1.medium.com/max/1024/1*HsGwsQ29f0gKkKX7EiWHuA.png" /></figure><p>Soňky poçtadan bäri geçen döwürde, dogrusy, türkmen sungat industriýasynda ünsümi çeken aýratynlyga gabat gelmedim. Bu poçtada türkmen medeniýetinden çala uzaklaşmagym mümkin. Ýöne kän uzaga däl, bary-ýoga Türkiýä baryp gaýdarys.</p><p>Şu günden yzyma seredenimde Türkiýede okaýan döwürlerim düýbünden aýdym wkusymyň ýokdygyna kän göz ýetirýän. Belki bu ýaşa bagly bolmagy hem mümkin. Häzirki wagtda diňleýän türkiýeli aýdymçylarymyň aglabasyny okuwy gutaryp Türkmenistana dolananymdan soň tapdym, has dogrusy özüm üçin üstüni açdym. Ýöne şolaryň arasynda iki aýdymçy iki döwre hem öz täsirini ýetirdi. Olaryň biri Haluk Lewent, beýlekisi hem Teoman. Soňky döwür aýdymdan başga başarnyklary bilen köpçülige çykýan Haluk Lewent barada kän aýdara sözüm ýok. Emma, Teoman beýle däl.</p><p>Näme üçin Teoman? Teomanyň durmuşy ýa-da sungat ýoly aslynda her bir adamyň durmuşynda gabat gelýän büdür-südür ýodany ýatladýar. Elbetde, bu adaty görünmegi mümkin, “Her kimiň durmuşynda-da pese gaçyşlar we beýgelişler bolýar” diýýän bolmagyňyz mümkin. Hawa, bu dogry, ýöne Teoman sungatdaky çarkandaklygy öz adaty durmuşy bilen garyşdyryp ýaşaýar. Özümiz barada pikirleneliň, şahsy durmuşymyzdaky kynçylyklaryň işimizdäki täsirini adatça azaltmak isleýäs, hatda täsirini düýbünden aýyrmak isleýäs. Kä halatda hiç kime hiç zat aýtman bu kynçylyklary diňe öz içimizde başdan geçirýäs. Teomanyň beýikli-pesli sungat ýoluny onuň aýdymlaryndan görse bolýar. Belki sungatyň we meşhurlygyň tebigaty şeýle bolany üçindir. Ony diýseňem, hemme aýdymçylarda ýa-da sungat işgärlerinde beýle däl. Sebäbi aýdym-saza industriýa hökmünde garalýandygy üçin, aýdyma ýa-da saza satylmak üçin öndürilen bir produkt hökmünde garalýandygy üçin ýerine ýetirijileriň şahsy durmuşynda çukurlar, büdremeler olaryň işine täsir etmän bilýär. Teoman içse-de halkyň öňünde içýär, çilim çekse-de halkyň öňünde çekýär, aýdymyň sözlerini ýatdan çykarsa-da adaty ýagdaý hökmünde kabul edýär, depressiýa girse-de halkyň öňünde girýär. Garaz, hem özi, hem-de sungaty hemmeleriň gözüniň öňünde üýtgeýär, kämilleşýär, özgerýär.</p><p>2014–15-nji ýyllarda telefonymda Teomanyň iküç aýdymy bardy: Gönülçelen, Istanbul’da sonhabar, Paramparça. Aslynda men Teomany şu aýdymlaryň üsti bilen tanamaga başladym. Olaryň ählisiniň hem berýän duýgusy biri-birine meňzeş: durmuşdan doýmak, ulalmak, birazajygam hasrat. Görüp otursam, olaryň üçüsi hem 2000–01-nji ýyllarda ýazylypdyr. Şol ýyllary Teomanyň sungat ýolundaky esasy ýyllarynyň hataryna goşup bolar. Ol hakyky rockstar bolmagyň ýolunda ynamly ädimler bilen öňe barýardy.</p><p>Pandemiýa döwründe Teomany täzeden diňlemäge başladym. Esasanam, 2021-nji ýylyň aprelinde çykaran <em>Tek başına</em> atly 1996-njy ýyldan bäri çykaran aýdymlaryny ýerine ýetirýän onlaýn konsertini gaýta-gaýta diňledim; Teoman garrapdyr, ýöne onuň akordlary we tony ýatdan çykarmagy ýa-da çilimini otlamagy şol öňküsi ýaly. Bu konsert bilen Teoman göýä “men garrasamam, sungat düşünjäm özgerse-de, men şol öňki Teoman” diýýän ýaly. Onuň soňky çykaran singly Teomanyň alternatiw žanra doly geçendigini subut edýär. Şu makalada Teoman barada ýazmagymyň esasy sebäbi hem şol bolup durýar. Ýagny, <em>Nevrozumun Zindanı.</em></p><p>Bu aýdymyň düşündiriş bölüminde Teoman şeýle ýazýar:</p><blockquote><em>Bu aýdym 2024-nji ýylyň aprel aýynda çykarmagy göz öňünde tutýan we soňky albomym diýip pikir edýän “Ben, Zargana, Deus Ex Machina” atly albomymyň birinji singly. Bu aýdym size albomyň estetikasy we mazmuny manysynda pikir berer. Ýagny, satuw maksatly däl-de, eýsem alternatiw albomy boljagy barada. Şeýle albomyň aýdym ýazmak boýunça karýeramyň soňky nokadyny goýmak üçin ýerlikli bolar diýip pikir etdim. Aýdymlar taýýar, maý aýynda studio tapgyry başlar. Şeýle žanradaky aýdymlary halaýanlaryň garaşanyna degjek albom bolmasy üçin elimden gelenini ederin.</em></blockquote><p>Aýdym ýedi minutdan gowrak dowam edýär. Ony bir žanra sokmak kyn, sözüň doly manysynda alternatiw. Galanynam aýdymy diňläp, özüňiz baha beriň. Maňa görä, bu aýdym şu wagtky ýaşaýan “turbulentli” durmuşymyzda azajygam bolsa arkaýynlaşmak isleýän adamlaryň manifestosy bolup biler. Ine, men Teomany şunuň üçin hem halaýan. Sungatyň durmuşdan, durmuşyň bolsa sungatdan üzňe bar bolup bilmejegini mese-mälim görkezýär, ýaňlandyrýar. Teomanyň diňe söýgi barada aýdýan aýdymçylarymyza-da ylham bolmagy niýeti bilen 🤞.</p><p><em>Soňky sözlemi bir hili “bizde alternatiw aýdym çykarýan sungat işgärleri ýok” diýen manyda ýazypdyryn. Aslynda, türkmen deilinde hem alternatiw aýdym çykarýan bar. Muňa iň birinji mysallaryň biri hökmünde Şad Owezi (a.k.a 120 bpm) görkezip bilerin. Topar hökmünde ilkinji çykaran albomlary isleýişleri ýaly bolmady. Soňra topar dagady we Şatlyk aýdym ýoluna özbaşyna dowam etmäge başlady. Bu albom indie/country žanryna ýakyn bolmak bilen “Salam” ady bilen 2017-nji ýylda çykdy. Wagtyňyz bolanda diňläp görmegi maslahat berýärin, esasanam, Öz dünýäme men gidýän aýdymyny.</em></p><p><em>Gynansakda, hem ýerli aýdym-saz industriýamyz, hem-de diňleýjilerimiz alternatiw žanry kän bir halanok. Eýýäm birnäçe aý bäri münen taksimiň nähili aýdym diňlenilýändigini başardygymdan bellemäge synanyşýan. Maşynlarda diňlenilýän aýdymlar ýa türkmen halk aýdymlary, ýa rus dilinde soňky 20–30 ýylda mainstream bolan aýdymlar, ýa-da türkmen dilinde estrada, käte bolsa pop-räp. Elbetde arasynda Tyga, Soledad, Timberlake ýaly günbataryň aýdymçylary hem bardy. Ýagdaýyň şeýle bolmagynyň özi hem aslynda alternatiw žanr baradaky beýanymy subut edýär.</em></p><p>***</p><h3>Geçen hepde reňkli+ neşirinde çap edilenler</h3><p>reňkli poçta #4 bäri reňkli+ neşirinde şu aşakdaky iki makala ýerleşdirildi:</p><p><strong>Köçeden ýygnandylar: </strong>Biraz arakesmeden soňra türkmen hip-hop industriýasyndan ünsümi çeken bir fenomen bilen dowam etmek isleýän. Gep owadanlap oturman asyl meselä geljek bolsam, indi türkmen räpde <em>gangster rap</em> çykarýan adam galmandyr. Iň bolmanda, indi asyl räp ýaly köçe barada aýdýanam ýok diýen ýaly. Türkmen räpiň ýaňy bir ösüp başlan wagtlary, özüni gangster ýaly alyp barýan räper köpdi. Biri-biri bilen <em>battle girip</em>, <em>diss atyp</em> aýdym çykarýanlar köpdi we şol tolkunyň özboluşly, gyzykly <em>waýby</em> bardy…</p><ul><li>Doly okamak üçin: <a href="https://medium.com/p/900d0fb45790">https://medium.com/p/900d0fb45790</a></li></ul><p><strong>Eko-durmuş ýörelgesi şeýle ýönekeý: </strong>Belki, her kim şeýle bir ýagdaýy ýadyna düşürer: çyra ýanyp dur, ýöne otagda hiç kim ýok, ýa-da telewizor ýanyk, ýöne hiç kim oňa tomaşa edenok. Mesele nämede diýip pikir edersiňiz? Ýer ýüzünde näçe adamyň ýaşaýandygyny göz öňüne getiriň. Her kim çyrany ýa-da telewizory öçürmegi ýadyndan çykarsa, 100 sany güýçli elektrik stansiýasynyň üpjün edip biljek elektrik togy ýitirilýär. Her bir elektrik stansiýasynyň işlemegi üçin bolsa köp mukdarda gazylyp alynýan ýangyç gerek bolýar. Bir ýanýan çyranyň nähili gymmata düşýändigini görýäňizmi?…</p><ul><li>Doly okamak üçin: <a href="https://medium.com/p/d4cfb4f50e7">https://medium.com/p/d4cfb4f50e7</a></li></ul><p>***</p><p>Hormatly okyjy!</p><p>Teklipleriňizdir pikirleriňizi <em>berdiyevbatyr@gmail.com</em> adresine ugradyp bilersiňiz.</p><p>Eger reňkli poçta heniz agza bolmadyk bolsaňyz, hem agza bolmak üçin, hem-de reňkli+ neşirini goldamak üçin şu linke basyp bilersiňiz: <a href="https://www.buymeacoffee.com/renkliplus">https://www.buymeacoffee.com/renkliplus</a></p><p>Indiki sanlarymyzda duşuşýançak sag boluň!</p><img src="https://medium.com/_/stat?event=post.clientViewed&referrerSource=full_rss&postId=5afedad4289c" width="1" height="1" alt=""><hr><p><a href="https://medium.com/renkliplus/re%C5%88kli-po%C3%A7ta-5-5afedad4289c">reňkli poçta #5</a> was originally published in <a href="https://medium.com/renkliplus">reňkli+</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[reňkli poçta #4]]></title>
            <link>https://medium.com/renkliplus/re%C5%88kli-po%C3%A7ta-4-9043fd59799f?source=rss-1dd2105bf46a------2</link>
            <guid isPermaLink="false">https://medium.com/p/9043fd59799f</guid>
            <category><![CDATA[reňkli]]></category>
            <category><![CDATA[gunesh]]></category>
            <category><![CDATA[türkmençe]]></category>
            <category><![CDATA[aýdym]]></category>
            <category><![CDATA[kone-guzer]]></category>
            <dc:creator><![CDATA[Batyr Berdiyev]]></dc:creator>
            <pubDate>Tue, 11 Apr 2023 13:57:47 GMT</pubDate>
            <atom:updated>2023-04-11T13:57:47.279Z</atom:updated>
            <content:encoded><![CDATA[<p><em>Bu makala ilkinji gezek 5-nji aprelde </em><a href="https://www.buymeacoffee.com/renkliplus"><em>reňkli+ neşiriniň BCM sahypasynda</em></a><em> paýlaşyldy. Hepdelik poçtamyzy ilkinjileriň hatarynda okamak üçin biziň “buy me a coffee” sahypamyza agza boluň: </em><a href="https://www.buymeacoffee.com/renkliplus"><strong><em>https://www.buymeacoffee.com/renkliplus</em></strong></a></p><figure><img alt="" src="https://cdn-images-1.medium.com/max/960/1*sjwF1Ov1rqtV8WjSfvKh6A.jpeg" /></figure><p>Bir hepdäniň dowamynda türkmen medeniýeti we sungatyna degişli birnäçe material okaýan, görýän, diňleýän. Bulardan daşary türkmenistanlylaryň sungat önümlerinden peýdalanma endiklerini hem başardygymdan yzarlamaga synanyşýaryn. Sungat önümleri diýenimde, esasan, aýdym-saz, kino we şuňa meňzeşleri göz öňünde tutýan. Ýagdaý şeýle bolany üçin, aňymda yzygiderli birnäçe pikirdir seljermeler döreýär. Käte öňden bäri gözleýän jogabymy tapsam, kä ýagdaýda birnäçe wakalary birleşdirip, özümçe bir netije çykarýan. Reňkli poçtada ýazyljak temalar hem esasan şu pikirdir seljermeler, şeýle hem çykaran netijelerim barada bolar.</p><p>Bu poçtada türkmen halk aýdymlarynyň (ýa-da halk aýdyma öwrülen eserleriň) syýahaty barada çykaran netijelerimi paýlaşmak isleýärin.</p><p>“Köne güzer” aýdymyny diňläp görmedigiňiz ýok bolsa gerek. Bu aýdym adatça “Köne güzer” görnüşinde atlandyrylsa-da, “Gelin” aýdymy hökmünde paýlaşylýan ýagdaýlaryna hem gabat gelmek bolýar.</p><p>“Köne güzer” aýdymy gözbaşyny Nurmuhammet Andalybyň “Ýusup-Züleýha” dessanyndan alyp gaýdýar. Internetde ýaýraw bolan dessanyň türkmençe görnüşinden ugur alsam, bu aýdymyň sözlerini Züleýha Ýusuby ilkinji gören badyna “maksadym hasyl boldy” diýip, Ýusuba bagyşlap beýan edýär. Dessanda aýdymyň sözleri şeýle görkezilipdir:</p><blockquote>Maksatly köňül içre,</blockquote><blockquote>Bir apaty-jan geldi,</blockquote><blockquote>Müžgänleri hanjar dek,</blockquote><blockquote>Hem gaşy keman geldi.</blockquote><blockquote>Birniçe zaman ýyglap,</blockquote><blockquote>Çeşmim doly gan ýyglap,</blockquote><blockquote>Äşgär-u nyhan ýyglap,</blockquote><blockquote>Ýarym bu zaman geldi.</blockquote><blockquote>Janymda parahat ýok,</blockquote><blockquote>Onsuz maňa rahat ýok,</blockquote><blockquote>Hiç özge hekaýat ýok,</blockquote><blockquote>Çün ruhy-rowan geldi.</blockquote><blockquote>Hem derdimedir derman,</blockquote><blockquote>Janymdyr oňa gurban,</blockquote><blockquote>Öldürse budur perman,</blockquote><blockquote>Hem şahy-jahan geldi.</blockquote><blockquote>Yşkynda onuň zaram,</blockquote><blockquote>Ýolunda giriftaram,</blockquote><blockquote>Ölinçä hyrydaram,</blockquote><blockquote>Ol serwi-rowan geldi.</blockquote><blockquote>Ol serwi kaddyň jany,</blockquote><blockquote>Ýandyrdy Züleýhany,</blockquote><blockquote>Şährimiziň myhmany,</blockquote><blockquote>Döwletli zaman geldi.</blockquote><p>Andalybyň döredijiliginden çykan Züleýhanyň sözleriniň haçan ilkinji gezek aýdyma geçirilendigi barada anyk maglumaty maňa elýeter bolan çeşmelerden tapyp bilmedim. Belki gelejekde sazşynaslar bilen gürrüň etmek mümkinçiligim bolsa, ana şonda anyk maglumat tapdyrmagy mümkin. Elbetde, ilkinji kimiň aýdyma geçirendigini bilmesemem, onuň “ömrüni uzadanyň” Şamämmet Bäşimowdygy mese-mälim.</p><p>“Köne güzer” aýdymy eýýäm “Güneş” ansamblynyň ony täzeden işläp, ýazgy etmezinden ozal halk aýdym derejesini alypdy. Ýagdaý şeýle hem bolsa, şu güne çenli geçen döwürde bu aýdymy ýerine ýetirenleriň ählisiniň şol bir aýdymy ýerine ýetirendigini (ýetirýändigini) aýtmak kyn.</p><p>“Köne güzeriň” dutar we gyjakda ýerine ýetirilip, ýazgy edilen görnüşlerinden tapyp bilenlerimiň arasynda iň irkisi Geldimämmet Orazgulyýewiň aýdan görnüşidir. Orazgulyýew aýdymyň ýokardaky sözlerinden diňe birinji, dördünji, bäşinji we soňky topbaklaryny ýerine ýetirýär. Elbetde, doly meňzeş aýdýar diýip bolmaz; arasynda saza görä sazlanýan ýerleri, aýdyma görä goşulyp, aýrylýan setirleri bar.</p><p>“Güneş” ansamblynyň täzeden işlän görnüşi barada gürrüň etsek, ol ansamblyň “Melodiýa” studiýasy tarapyndan çykarylan plastinkasynda “Köne güzer” ady bilen ýaýradylýar. Şol plastinkada aýdymy Berdimyrat Berdiýew ýerine ýetirýär. “Güneş” topary barada düşürmäge synanyşan dokumental kinomyz üçin Berdimyrat aga bilen söhbetdeş bolanymyzda Şamämmet Bäşimowyň aýdymy täzeden işläp, ýerine ýetirmegi üçin özüne teklip edendigini aýdypdy. Elbetde, “Köne güzer” barada başga birnäçe maglumat beripdi, ýöne filmiň ykbaly henizem nämälim bolany üçin olary ýazmagy makul bilmedim.</p><p>Berdimyrat Berdiýewiň ýerine ýetiren görnüşinde aýdymyň sözleriniň dessandakydan üýtgeýän ýerleri bar. Ol birinji we dördünji topbaklaryny Orazgulyýewiňkä meňzeş aýdýar, ýöne soňky topbagyň ýarysyny dagy üýtgedýär:</p><p><em>Ýandyrdy Hatyjany,</em></p><p><em>Köýdürdi Züleýhany</em></p><p><em>Şährimiziň myhmany,</em></p><p><em>Döwletli zaman geldi.</em></p><p>“Güneşiň” täzeden işlän görnüşinde ozalky görnüşlerinden tapawutlylykda, saz gurallaryndan beter, esasy ünsüň aýdymçynyň wokalyna berlendigini görmek bolýar. “Köne güzeriň” “Gelin” aýdymy hökmünde bilinmeginiň sebäpleriniň biri “Güneşiň” täzeden işlän görnüşinde Berdimyrat Berdiýewiň “geldi” sözüni aýdyşy bolup biler. Türkmen dilinde adatça “ld” harplary bir ýere gelende ikisi hem “ll” görnüşinde okalýar: gelli (geldi), bolly (boldy). Aýdymda halypa “gelleý” diýmän “gel’deý” diýip aýdýar. Ol bolsa “gelin” diýen ýaly eşidilýär. Bu diňe “Güneşiňkide” däl, eýsem Hajy Ýazmämmedowyň aýdýan görnüşinde hem “gelin” ýaly eşidilýär. Elbetde, bu meň pikirim, ylalaşman bilersiňiz.</p><p>Soňky birnäçe ýyllykda ýerine ýetirilenlerden birnäçesini diňläp gördüm. Olaryň arasynda hem dutardyr gyjak bilen ýa-da başgarak gurallar bilen halk aýdym görnüşini aýdan bagşylar, hem-de “Güneşiň” täzeden işlän görnüşini aýdýanlar bar. “Köne güzeriň” sözlerini bolsa henizem her kim her hili ulanýar. Mysal üçin, Läle Begnazarowa dutar bilen aýdanda aýdymyň “Güneşiň” işlän görnüşindäki sözleri ulansa, Hajy Ýazmämmedow “Güneşiň” işlän aranžirowkasy bilen dessanyň edil özündäki sözleri ulanyp, “Köne güzeri” ýerine ýetirýär. Özüňiz hem diňläp görseňiz aýtjak bolýanyma has gowy düşünersiňiz.</p><p>Olaryň ählisinde-de adatça dessandaky birinji, dördünji, bäşinji we soňky topbaklary aýdym edilip aýdylýar. Ýöne dessandaky sözlere iň ýakyny Hajy Ýazmämmedowyň 2017-nji ýylda aýdan “Köne güzeridir.”</p><p>Sözleriniň biri-birinden tapawutly aýdylmagy, esasan hem halk aýdym görnüşinde, türkmen bagşyçylyk sungatynyň tapawutly ýollary bilen bagly bolmagy hem mümkin. Türkmen bagşyçylyk sungatynda damana, ahalteke, salyr-saryk, çowdur, ýomut-gökleň, etrek-gürgen ýaly ýollar bar. Muny aýtmagymyň sebäbi salyr-saryk ýoly bilen aýdýan (wideonyň adynda bellenen) Göwher Tuhyýewanyň “Köne güzeriniň” beýlekilerden az-kem tapawut edýändigini görüp bolýar.</p><p>Sözümi jemlesem, bir aýdymyň birnäçe tapawutly görnüşleriniň bolmagy hem onuň halk tarapyndan halanyp diňlenilýändigini görkezýär, hem-de onuň ömrüniň uzyn bolmagyna getirýär.</p><h3>Geçen hepde reňkli+ neşirinde çap edilenler</h3><p><strong><em>reňkli poçta #3</em></strong> bäri reňkli+ neşirinde şu aşakdaky iki makala ýerleşdirildi:</p><ul><li><a href="https://medium.com/renkliplus/k%C3%B6%C3%A7%C3%A4-zy%C5%88ma%C5%88-52d64cc7f655"><strong>Köçä zyňmaň!</strong></a> renkli+ ýazdy</li><li><a href="https://medium.com/p/e10fa812bc62"><strong>Polo 90 ýaşady | Emeli aň? | Moda industriýasynyň mart daýjesti</strong></a><strong> </strong>Enar Rejepowa ýazdy</li></ul><p>Hormatly okyjy, nobatdaky poçtamyzyň hem soňuna geldik!</p><p>Teklipleriňizdir pikirleriňizi <em>berdiyevbatyr@gmail.com</em> adresine ugradyp bilersiňiz.</p><p>Indiki sanlarymyzda duşuşýançak sag boluň!</p><img src="https://medium.com/_/stat?event=post.clientViewed&referrerSource=full_rss&postId=9043fd59799f" width="1" height="1" alt=""><hr><p><a href="https://medium.com/renkliplus/re%C5%88kli-po%C3%A7ta-4-9043fd59799f">reňkli poçta #4</a> was originally published in <a href="https://medium.com/renkliplus">reňkli+</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[reňkli poçta #3]]></title>
            <link>https://medium.com/renkliplus/re%C5%88kli-po%C3%A7ta-3-5e2c8f0d685b?source=rss-1dd2105bf46a------2</link>
            <guid isPermaLink="false">https://medium.com/p/5e2c8f0d685b</guid>
            <category><![CDATA[türkmençe]]></category>
            <category><![CDATA[newsletter]]></category>
            <category><![CDATA[reňkli]]></category>
            <dc:creator><![CDATA[Batyr Berdiyev]]></dc:creator>
            <pubDate>Mon, 20 Mar 2023 19:35:53 GMT</pubDate>
            <atom:updated>2023-03-20T19:35:53.841Z</atom:updated>
            <content:encoded><![CDATA[<p>Salam! Gowumy ýagdaýlaryň?</p><p>Eýýäm üçünji poçtamyzy hem sypdyrman okaýanyň üçin indi biri-birimize “siz” däl-de “sen” diýip ýüzlenip hem başlasak hem bolar diýip pikir edýän.</p><p>Soňky poçtamyzy ýazanyma bir aý wagt geçipdir; az wagt däl. Arasynda ýazmak üçin birnäçe temaň üstünden bardym, ýöne güzerän meselesi bilen pikirlerimi size ýetirip bilmedim. Şeýle pikirleriň biri Sapar Berdiýew ýa-da başgaça ady bilen <em>b’cave</em> barada. Sapar barada men ilkinji gezek <a href="https://www.youtube.com/watch?v=wRRA9xq42i8">“Gümür-ýamyr”</a> podkästinde eşitdim. Görüp otursam, soňky iküç ýylyň içinde hem takside, hem internetde ýaýran “Gaýtala” we “Suw sep” ýaly aýdymlarynyň prodýuseri bolup çykdy. Aslynda biz Sapar bilen tötänlikden tanşypdyrsam. 30-njy mikroraýonyň ortarasyndaky dermanhanaň öňünde Erkin bilen bir mesele boýunça gabatlaşmaly bolanymyzda meni Sapar atly biri bilen tanyşdyrypdy. Şo Sapar şu Sapar eken.</p><p>Bu tanyşlygyň üstünden wagt geçdi. Instagramdan <em>followlaşdyk, </em>edýän işlerini ýakyndan yzarlamaga başladym. Ýanwaryň aýagyna Saparyň dolulygyna özüne degişli täze “I did it” aýdymyny öz ady bilen çykarjakdygynyň bildirişine gabat geldim. Takmynan 20 gün soň, bu aýdym wideosy bilen bilelikde paýlaşylmaga başlandy. Dogrumy aýtsam, birinji gezek diňlänimden soň sözleriniň ýarysyna zordan düşündim. “Mumble rap”-iň tebigaty şeýle diýýän bolmagyňyz mümkin, ýöne pursatdan peýdalanyp, “mumble rap”-i halamaýandygymy hem aýdyp galaýyn. Seni-hä biljek däl, ýöne meň özüm-ä, esasan, ýa lirikasy ýa-da sazy üçin diňleýän.</p><p>Saparyň aýdymyna dolanyp gelsek, ahyrsoňy özüne işläp başlandygyna begendim, sebäbi aýdym-saz industriýasy kä wagt zalym bolup bilýär. Ýagşy niýet bilen işleşip ýörkäň, biderek mesele sebäpli hem döredijilikden, hem adamlardan sowadyp bilýär. Başda düşünmesemem, soňundan okap görenimde, aslynda, “I did it” aýdymynyň bir manifesto äheňiniň bardygyna göz ýetirdim. Aýdymyň şu sözler bilen başlamagy hem muny subut edýär:</p><blockquote>“Success is like being pregnant, everyone says congratulations but nobody knows how many times you got fu*ked”</blockquote><p>Aýdymyň adyny iki tarapa çekip bolýar: “Onam, şunam men etdim” ýa-da “Men ahyrsoňy başardym.” Ýokardaky sözleri hem göz öňünde tutanyňda ikinjisi has ýerlikli ýaly.</p><p>Saparly gürrüňi jemlesem, gelejekde türkmen dilinde hem işlerine garaşýan. “Just do it as you did it before” diýesim gelýär (ýöne türkmen dilinde 😊).</p><p>Agzap geçen “Suw sep” aýdymyny ýaşy 30 töwerek bolanlaryň aglabasy çagalygyndan ýa-da ýetginjeklik döwründen ýatlaýan bolmagy mümkin. Gara öýüň içinde oturan iki ýaşuly bilen başlaýan klibiň sýužeti meň-ä häzirem ýadymda. Şol aýdymyň Sopranoman, b’cave, Däli Däde dagylar tarapyndan täzeden işlenilmegi taryh bilen häzirki döwri birleşdirýän faktor hökmünde hyzmat etdi. Elbetde, bu bolsa aýdymyň sözleriniň täzeden gündelik ulanylýan dile girmegine hem sebäp bolýar. Öňki aýdymlaryň täzeden işlenilmegini eýýäm iküç ýyl bäri ýerli aýdym-saz industriýasynda görmek bolýar. Şeýle işleriň iň soňky nusgasyny bolsa Rorazbiniň “Gara Seýitli” albomyndaky bir aýdymda görmek bolýar. Onuň haýsydygyny tapmagy bolsa saňa goýýan.</p><p>Soňky poçtany ýazanymdan bäri <em>reňkli+ </em>neşirinde birnäçe makala paýlaşyldy:</p><h4><a href="https://medium.com/renkliplus/%C5%9Fah-ruh-hany%C5%88-t%C3%A4ze-filmi-n%C3%A4me-seb%C3%A4pden-%C5%9Fowly-%C3%A7ykdy-82f088c2495e">Şah Ruh Hanyň täze filmi näme sebäpden şowly çykdy?!</a></h4><p><em>Ussa Hajyýew ýazdy</em></p><h4><a href="https://medium.com/renkliplus/%C5%9Fah-ruh-hany%C5%88-t%C3%A4ze-filmi-n%C3%A4me-seb%C3%A4pden-%C5%9Fowly-%C3%A7ykdy-82f088c2495e">Çynmy ýa ýalan — klimatyň üýtgemegi ýer titremä täsir edip bilermi?</a></h4><p><em>reňkli+ ýazdy</em></p><h4><a href="https://medium.com/renkliplus/%C5%9Feb-i-hijran-74f26e0dce82">Şeb-i Hijran</a></h4><p><em>Baýram Agaýew ýazdy</em></p><h4><a href="https://medium.com/renkliplus/stiliste-berm%C3%A4ge-pulum-%C3%BDok-%C3%BDa-da-akylly-garderob-ta%C3%BD%C3%BDarlamak-bo%C3%BDun%C3%A7a-gollanma-53f9df867127">“Stiliste bermäge pulum ýok” ýa-da akylly garderob taýýarlamak boýunça gollanma</a></h4><p><em>Enar Rejepowa ýazdy</em></p><h4><a href="https://medium.com/renkliplus/xxi-asyr-jazyny%C5%88-h%C3%A4zirki-zaman-sopusy-7460069adb34">XXI asyr jazynyň häzirki zaman sopusy</a></h4><p><em>Baýram Agaýew ýazdy</em></p><h4><a href="https://medium.com/renkliplus/hemme-%C3%BDerde-oskar-bar-5ab4f828be99">Hemme ýerde Oskar bar…</a></h4><p><em>Ussa Hajyýew ýazdy</em></p><h4><a href="https://medium.com/renkliplus/moda-g%C3%B6rkezili%C5%9Fi-n%C3%A4me-we-ol-brende-n%C3%A4me-%C3%BC%C3%A7in-gerek-61410e50e294">Moda görkezilişi näme we ol brende näme üçin gerek?</a></h4><p><em>Enar Rejepowa ýazdy</em></p><h4><a href="https://medium.com/renkliplus/klimaty%C5%88-%C3%BC%C3%BDtgemegine-adamy%C5%88-dahyly-barmy-cf6542914d77">Klimatyň üýtgemegine adamyň dahyly barmy?</a></h4><p><em>reňkli+ ýazdy</em></p><p>reňkli poçtanyň bu sanyny hem soňuna çenli okanyň üçin sag bolsunymy bildirýän. Bu poçtany tanyş-bilişleriň bilen hem paýlaşmagy unutma. Eger poçta arkaly ýazylman, eýsem saýtdan okaýan bolsaň, onda haýal etmän e-poçtaň arkaly ýazylmagyňy hem maslahat berýärin. 🔽</p><blockquote><strong>“Your email”</strong> diýýän ýerine öz elektron poçtaňy ýazyp, ýanyndaky <strong>“Get this newsletter”</strong> ýazgysyna basmagyň ýeterlik.</blockquote><p>Sebäbi öňümizdäki hepdelerden başlap, bu poçtany okamak üçin bize kofe alyp bermeli bolmagyň mümkin. Ýöne şol wagta çenli poçta ýazylanlaryň ählisine soňra hem arkaýyn okamaga mümkinçilik bolar. 😉</p><img src="https://medium.com/_/stat?event=post.clientViewed&referrerSource=full_rss&postId=5e2c8f0d685b" width="1" height="1" alt=""><hr><p><a href="https://medium.com/renkliplus/re%C5%88kli-po%C3%A7ta-3-5e2c8f0d685b">reňkli poçta #3</a> was originally published in <a href="https://medium.com/renkliplus">reňkli+</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[“Köşküň jalaýyny” göreniň barmy?]]></title>
            <link>https://medium.com/renkliplus/k%C3%B6%C5%9Fk%C3%BC%C5%88-jala%C3%BDyny-g%C3%B6reni%C5%88-barmy-ebe5a77500a3?source=rss-1dd2105bf46a------2</link>
            <guid isPermaLink="false">https://medium.com/p/ebe5a77500a3</guid>
            <category><![CDATA[kino]]></category>
            <category><![CDATA[türkçe]]></category>
            <category><![CDATA[reňkli]]></category>
            <category><![CDATA[tv-shows]]></category>
            <category><![CDATA[yalı-çapkını]]></category>
            <dc:creator><![CDATA[Batyr Berdiyev]]></dc:creator>
            <pubDate>Tue, 28 Feb 2023 17:22:09 GMT</pubDate>
            <atom:updated>2023-03-01T14:13:03.921Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*CqhUkAaUfQTQRPPnb_Pxsg.png" /></figure><p><a href="https://renkliplus.com/k-pop-n%C3%A4me-i%C3%BDil%C3%BD%C3%A4n-zatmy-826d20f9ef69">K-pop barada ýazan makalamyzy</a> okan bolsaňyz, ol makalada awtoryň nähili usul ulanandygy ýadyňyzda bolsa gerek. Bu makalada menem şol ýoldan gidip, türk seriýaly <em>Yalı Çapkını* </em>barada ýazmakçy.</p><p>Türk pop-kulturasyny yzarlanym üçin, häli-şindi bu seriýaldan bölekler, bu seriýala ýaňsytmalar öňümden çykýar. Türkmenistanda hem bu seriýalyň muşdaklarynyň bardygyny “Google”-yň maglumatlary tassyklaýar.</p><p>Ýagdaý şeýle bolany üçin şu gün ýörite oturyp, soňky bölümine tomaşa etdim. Iki sagatdan gowrak dowam eden seriýalda onuň meşhur bolmagy üçin gerekli bolan ähli aýratynlyklar bar: söýgi, pul, wepasyzlyk, ýalan, intriga.</p><p>Umuman aýdanyňda seriýal atasynyň (kakasynyň kakasy) guran şalygynda gamsyz we görenine göz gyrpýan jalaý ýigidiň töwereginde aýlanýar. Gelni, gelniniň we öz öňki söýgülileri, gelniniň aýal dogany, gelniniň aýal dogany bilen işgärleriniň arasyndaky gatnaşyk, kakasy, kakasynyň beýleki zenanlar bilen gatnaşygy, atasy, atasynyň nusgawy däp-dessurlary dowam etdirmäge bolan islegi, atasynyň öz gelniniň daýzasyna simpatiýasy, atasynyň guran firmasynda kakasynyň pyssy-pyjurlyklary… Garaz, aýdyşym ýaly, näme diýseň bar. Öýüň hyzmatçylarynyň arasynda-da aýratyn intriga bar, ýöne bir bölümde oňa doly düşünip ýetişmedim.</p><p>Žurnalistikada okaýan döwürlerim bir sapagyň synagy hökmünde <em>Muhteşem Yüzyıl</em> seriýalynyň dört bölümini görmeli bolupdym. <em>Yalı Çapkını</em> hem şol döwürleri ýada saldy. Aslynda ikisiniň arasynda meňzeşlik ýok diýsem jypdyrdygym bolar.</p><p><em>Yalı Çapkını</em> tomaşaçylardan dürli synlary aldy. Bölüme tomaşa edenimden soňra tomaşaçylaryň ýazan teswirlerine göz gezdirdim. Käbirleri seriýaly gyzykly we özüne çekiji hasaplaýarlar, beýlekiler muny aşa, öz-özüni gaýtalaýan we zäherli (toksik) diýip häsiýetlendirýärler. Gaýtalanýan tankytlaryň biri, ýaramaz gatnaşyklaryň ele alnyşy, esasanam, erkek baş gahryman Feritiň wepasyzlygy we agressiýasy. Seriýal hakyky söýgä öwrülmek mümkinçiligi bolan galp nikalaşýan Ferit bilen Seýranyň hekaýasynyň binýadynda emele gelse-de, olaryň gatnaşygy Feritiň eýýäm uzak möhletli gatnaşykda bolmagy we seriýalyň beýleki zenanlary bilen iş salyşmagy bilen çylşyrymlaşýar. Mundan başga-da, Feritiň agressiw we gabanjaň häsiýeti, Seýran bilen dartgynlylygyň çeşmesi bolup, seriýalyň dowamynda birnäçe gazaply sahnalara sebäp bolýar.</p><p>Käbir tomaşaçylar seriýaly adaty we häzirki zaman gymmatlyklarynyň garyndysy hökmünde häsiýetlendirýärler. Muňa garamazdan, beýlekiler seriýaly zäherli erkekligi, esasanam, Feritiň wepasyzlygynyň we Seýrana garşy agressiýasynyň adatylaşdyrylýandygy üçin tankytlaýarlar. Birnäçe tomaşaçy bolsa ssenariýde şol birzatlaryň süýndirilýändigini tankytlaýar.</p><p>Bu tankytlara garamazdan, käbir tomaşaçylar seriýaldan lezzet alýandyklaryny ýazýarlar, esasanam baş gahrymanlaryň arasyndaky <em>himiýadan</em>, aktýorlaryň we aktýorlygyň hilinden. Şeýle-de bolsa, tomaşaçylar ssenariýniň özüne çekiji däldigini we hakykatdan daşdygyny boýun alýarlar.</p><p>Bu seriýala garşy aýdylýan tankytlaryň biri hem aýallaryň keşbiniň görkeziliş şekli — Feritiň olara bolan özüni alyp barşyny kabul etmekleri. Birnäçe tomaşaçy zenan keşpleriň erkek ýoldaşlarynyň kemsidiji hereketlerine çydaýan, umytsyz, çäresiz görnüşde şekillendirilýändigine üns çekýärler. Mundan başga-da, birnäçe erkek gahrymanyň hem kemsidiji ýa-da zäherli şahslar hökmünde şekillendirilýändigi hem käbir tomaşaçylardan tankyt alýar.</p><p><em>Yalı Çapkını </em>seriýalyndan garaşsyz, türk telewideniýasyndaky seriýallaryň bir bölüminiň näme üçin henizem iki sagatdan geçýändigine düşünmek kyn. Aslynda jogaby aňsat — “tomaşaçy we kanal şeýle isleýär.” Tomaşaçy üçin halaýan seriýaly näçe uzyn bolsa şonça gowy, seriýal näçe uzyn boldugyça hem içindäki reklama köpelýär, hem-de kanal köp girdeji gazanýar. Ýöne meň düşünmeýän tarapym, aktýorlar nädip muňa boýun bolýar. Sebäbi bir hepdede iki sagatdan geçýän seriýal düşüräýmek aňsat däl. Bu elbetde seriýalyň hiline hem täsir edýär; hindi kinony ýatladýan sahnalar, ýakyn kadrlar, dramatik sazlar.</p><p>Aslynda şu soňky aýdanym üçin hem halanýan bolup biler. Bir döwür hindi kino görülýän bolsa, indi türk seriýal.</p><p>Eger siz hem bu seriýala tomaşa eden bolsaňyz, pikirleriňizi biz bilen paýlaşyň!</p><p><em>*</em>Türk dilinde <em>yalı </em>sözi adatça deňziň kenarynda gurlan we ýörite arhitektura aýratynlyklary bolan kotežlere aýdylýar. Istanbul şäherinde Marmara we Gara deňizlerini biri-birini baglaýan bogazyň kenaryna gurlan taryhy arhitekturasy bolan kotežleriň aglabasyna <em>yalı </em>diýilýär. Seriýalyň adyny türkmen diline terjime etsem, “Köşküň jalaýy” diýip terjime ederdim, ýöne ýerli tomaşaçylaryň aglabasynyň aňynda bu seriýal hakyky ady bilen ýaşaýar.</p><img src="https://medium.com/_/stat?event=post.clientViewed&referrerSource=full_rss&postId=ebe5a77500a3" width="1" height="1" alt=""><hr><p><a href="https://medium.com/renkliplus/k%C3%B6%C5%9Fk%C3%BC%C5%88-jala%C3%BDyny-g%C3%B6reni%C5%88-barmy-ebe5a77500a3">“Köşküň jalaýyny” göreniň barmy?</a> was originally published in <a href="https://medium.com/renkliplus">reňkli+</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[reňkli poçta #2]]></title>
            <link>https://medium.com/renkliplus/re%C5%88kli-po%C3%A7ta-2-6b2f4fa5e553?source=rss-1dd2105bf46a------2</link>
            <guid isPermaLink="false">https://medium.com/p/6b2f4fa5e553</guid>
            <category><![CDATA[reňkli]]></category>
            <category><![CDATA[kino]]></category>
            <category><![CDATA[türkmençe]]></category>
            <category><![CDATA[you-people]]></category>
            <category><![CDATA[newsletter]]></category>
            <dc:creator><![CDATA[Batyr Berdiyev]]></dc:creator>
            <pubDate>Mon, 20 Feb 2023 10:09:28 GMT</pubDate>
            <atom:updated>2023-02-20T10:09:28.531Z</atom:updated>
            <content:encoded><![CDATA[<p>Hepdelik iberilmäge niýetlenen, ýöne maglumat gurşawymyz adatdan daşary ýagdaýa degişli habarlardan doly bolany üçin bir hepde gijä galan <em>reňkli poçtanyň </em>nobatdaky sanyna hoş geldiňiz!</p><p>Redaktor hökmünde şu poçtany “<em>Cigarrettes After Sex” </em>toparynyň “<em>Touch” </em>aýdymyny diňläp otyrkam ýazýaryn. Özüm üçin bu topary açanyma köp wagt bolmady; birnäçe aý belki. Näme üçin şeýle gijä galanyma özüm hem düşünemok.</p><p>Iki hepdäniň dowamynda kino, aýdym-saz we degişli ugurlarda näme görendigimi, näme diňländigimi paýlaşasym gelýär. Gaýtaladyp-gaýtaladyp diňlän aýdym sanawymyň başyny türkmenistanly döredijiler <em>LIDQID</em> we <em>LUVERA-nyň </em>bilelikde çykaran “<em>Нет Контроля” </em>aýdymy çekýär. Bu döredijilik eseriniň ýa-da döredijilik eksperimentiniň üns berilmeli iki aýratynlygy bar. Olardan birinjisi ýurduň aýdym-saz industriýasynda rok žanrynda eserleriň döremegidir. “Däliň bellän”<em> </em>trepiniň ýa-da “Jony stil” aýdymlaryň arasynda şeýle döredijilik eksperimentleri meň-ä gözüme yssy görünýär. Ikinjisi bolsa <em>LIDQID-iň </em>döremegi. Tapawutly žanrlary barlap görmelidigine ynanýan, barlap görmegi başarýan aýdymçylar, gynansakda, ýerli aýdym-saz industriýasynda uzaga gidenok; ýa başga žanra geçýärler, ýa-da goýbolsun edýärler. <em>LIDQID </em>uzaga gider diýip umyt edýän. <em>LUVERA-ny </em>bolsa<em> </em>köpden bäri yzarlap gelýän; hem öz aýdymlaryny, hem duetlerini, hem <em>cover </em>aýdymlaryny. Belki gelejekde <em>LUVERA</em> barada has giňişleýin ýazaryn.</p><p>Diňlänlerimiň arasynda <em>Abdy Daýyny</em> hem böküp geçip bolmaz. <em>Daýyň</em> eserlerini belli bir yzygiderlikde däl-de, garym-gatym diňledim. Geçen ýylyň Dekabr aýynda <em>54</em> albomyny çykarandan soň şeýle ýazypdyryn:</p><blockquote>Abdy Daýyň 54-ni diňledim. Näme-de bolsa “albom” (ýöne albom däl-de EP ýaly) görnüşinde çykarmak netijesine gelipdir; bu gowy. Ýene bir nüans, Daýy bu albomy muşdaklary üçin däl-de, eýsem özi üçin çykaran ýaly; ýagny özüniň kimdigini özüne ýatlatmak üçin. Sebäbi öz ukyplaryňy aram-aram özüňe subut edip durmasaň ýola dowam etmek kynlaşyp bilýär. Meň pikirimçe bu albom diňe bir ýagdaýda gymmat gazanar we Daýyň karýerasy üçin esasy “milestone” bolup görler, haçanda Daýy diňleýjisi bilen gatnaşygyny we döredijiligini ýygylaşdyrsa. Şeýle eden ýagdaýynda “54” albomy Daýy üçin täze döwrüň başlangyjy hökmünde ýatlanar. Eger muny etmese diňe eksperiment hökmünde galar.</blockquote><p>Garaz, <em>54</em> barada we <em>Daýyň </em>döredijiligi barada özi bilen belki bir gün gürrüňdeş bolmak nesip eder; etmeli işlerimiň arasynda dur.</p><p>Gören kinolarymyň arasynda bolsa ssenariýsi Jona Hill we Kenýa Barris tarapyndan ýazylan <em>“Nähili adamlaraý?!” (eng: “You People”) </em>filmi barada durup geçmekçi. Film biri-birine aşyk bolan akýagyz ýewreý maşgalasynyň ogly Ezranyň we garaýagyz musulman maşgaladan bolan Amiranyň arasyndaky gatnaşygy ele alýar. Kinonyň ilkinji sahnasyndan başlap eýýäm ne Ezranyň, ne-de Amiranyň maşgalalarynyň ähmiýet berýän gymmatlyklaryna kän bir üns bermeýändiklerini görmek bolýar. Medeniýet gapma-garşylyklary bilen üsti ýetirilen bu filmde gggaty kän mowzuga ýüzleý degilýär; Amerikadaky garaýagyzlaryň ýagdaýy, ýewreýleriň jemgyýetdäki roly, pul getirýän iş bilen döredijiligiň arasyndaky düşnüksizlik, <em>politkorrekt</em> bolmak..</p><p>Film komediýa žanryna girse-de, dogrusy, jemgyýetçilik meselelerine çendenaşa girýändigi üçin komediýany doly duýup bolanok. <a href="https://www.rottentomatoes.com/m/you_people_2023"><em>“Çüýrük pomidorlar” </em>saýtyndaky teswirler hem muny goldaýar.</a></p><p>Soňky poçtamyzdan bäri <a href="https://medium.com/re%C5%88kli"><strong>reňkli+</strong></a> üç makala paýlaşdy.</p><h4><a href="https://medium.com/re%C5%88kli/azi%C3%BDalylary%C5%88-oskary-we-gara%C5%9Fylmadyk-dala%C5%9Fg%C3%A4rler-1acd64ef2a05">Aziýalylaryň Oskary we garaşylmadyk dalaşgärler</a></h4><p>Taryhda ilkinji gezek 4 aziýaly artist Oskara dalaşgär görkezildi. Olaryň 3-si — Mişell Ýeo, Ke Kwa Jonatan, Stefani Hsu bolup, “Hemme zat hemme ýerde we birbada” filminiň artistleridir. Beýlekisi-de “Kit” filmindäki keşbi üçin dalaşgär görkezilen Hong Çau boldy. Bu ýylky aktýorçylyk ugurlarynyň dalaşgärleriniň käbirlerine bolsa düýbünden garaşylanokdy.</p><p>Bu makalada Ussa Hajyýew 95-nji Oskar baýraklarynyň dalaşgärlerini seljerýär. Awtor dalaşgär görkezilenleriň arasynda garaşylmadyklaryň bolşy ýaly, garaşylýanlaryň ýoklugyna ünsi çekmek bilen, haýsy dalaşgäriň Oskar baýragyny aljakdygy barada öz pikirlerini paýlaşýar.</p><h4><a href="https://medium.com/re%C5%88kli/kolumby%C5%88-g%C3%A4misinden-vogue-%C5%BEurnalyny%C5%88-%C3%BDalpyldawuk-sahypalaryna-jinsi%C5%88-b%C3%BCtind%C3%BCn%C3%BD%C3%A4-sy%C3%BDahaty-d77ba28da88a">Kolumbyň gämisinden “Vogue” žurnalynyň ýalpyldawuk sahypalaryna — jinsiň bütindünýä syýahaty</a></h4><p>Gündelik durmuşymyzda ulanýan top-3 eginbaşlarymyzyň arasynda ilki bilen kellämize gelýäni jins bolsa gerek. Hem erkekleriň, hem aýallaryň geýim şkafyny şonsuz göz öňüne getirmek mümkin däl. Amerikada XVII asyryň ahyrlaryna Kaliforniýada meşhur “Altyn howsalasynyň” başlamagy bilen, bu ýere 1853-nji ýylda bagtyny synamak üçin belgiýaly Lewi Straus hem göçüp gelýär, <em>Levi’s</em> brendiniň esaslandyryjysy.</p><p>Awtor bu makalada sungatyň, senagatyň we adamlaryň ýaşaýyş stiliniň modanyň kämilleşmegine näderejede täsir edýändigini seljerip, jinsiň iş eşigi bolmakdan nädip moda elementine öwrülendigini barada ýazýar.</p><h4><a href="https://medium.com/re%C5%88kli/eje-men-sekta-girdim-%C3%BDa-da-g%C3%BCndogar-medeni%C3%BDetini%C5%88-amerikan-hip-hopyna-t%C3%A4siri-6d290a9c5c3a">“Eje, men sekta girdim” — ýa-da Gündogar medeniýetiniň amerikan hip-hopyna täsiri</a></h4><p>Baýram bu makalada hem arkamyzy Gündogar Aziýa diräp, Günbatar barada gürrüň edýär, ýöne azajyk bärräkden, ýagny Koreýadan däl-de, Hytaýdan başlaýar.</p><p>“Wu Tang Clan”-yň bary-ýogy ýedi sany doly studio albomlary bar. Toparyň hem-de onuň agzalarynyň aýdymlary esasy köçe durmuşy we olaryň öňe sürýän pelsepeleri baradadyr. Topar adyny, şol wagtlar hemme ýerde trend bolan kung-fu we gündogar göreş sungaty barada düşürilen “Shaolin and Wu Tang” filmden alýar.</p><p>Hormatly okyjy!</p><p>Eger biziň alyp barýan işimize kömegiňiz degmegini isleseňiz, şu poçtany tanyş-bilişleriňize gönükdirseňiz ýerine düşer.</p><p>Nobatdaky poçtamyzy <em>“Nähili adamlaraý?!” </em>filmindäki şu dialog bilen tamamlamakçy:</p><blockquote>Akbar: “Amira maňa seň podkäste başlamak üçin finans işiňi taşlandygyňy aýtdy?!”</blockquote><blockquote>Ezra: “Durmuş gysga, arzuwlaryň yzyndan gitmeli.”</blockquote><blockquote>Akbar: “Arzuwlaň yzyndan gidýän wagtyň meň gyzymy nädip eklemegi göz öňünde tutýaň?”</blockquote><img src="https://medium.com/_/stat?event=post.clientViewed&referrerSource=full_rss&postId=6b2f4fa5e553" width="1" height="1" alt=""><hr><p><a href="https://medium.com/renkliplus/re%C5%88kli-po%C3%A7ta-2-6b2f4fa5e553">reňkli poçta #2</a> was originally published in <a href="https://medium.com/renkliplus">reňkli+</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[reňkli dolandy]]></title>
            <link>https://medium.com/renkliplus/re%C5%88kli-dolandy-5158e1e678ff?source=rss-1dd2105bf46a------2</link>
            <guid isPermaLink="false">https://medium.com/p/5158e1e678ff</guid>
            <dc:creator><![CDATA[Batyr Berdiyev]]></dc:creator>
            <pubDate>Mon, 06 Feb 2023 19:17:05 GMT</pubDate>
            <atom:updated>2023-02-06T22:41:59.586Z</atom:updated>
            <content:encoded><![CDATA[<h3>reňkli poçta #1</h3><p>Birnäçe aýdan soň <strong><em>reňkli sahypa</em></strong> täze ady <strong><em>reňkli+ </em></strong>bilen gaýtadan onlaýn. Neşirimiziň adyny üýtgetmeginiň esasy sebäbi, öňki adynyň täze neşir meýilnamasyna gabat gelmeýändigidir.</p><p>Hepdelik poçtamyzda bir hepdäniň dowamynda reňkli+ neşirinde ýazylan makalalara ser salarys, şeýle hem geçen döwürde aktuallygyny saklan sungat we medeniýet wakalarydyr habarlaryna göz gezdireris.</p><p>Reňkli poçtanyň ilkinji sanyny Hot Skull (<em>Sıcak Kafa</em>) bilen başlap, häzirki zaman türk kinomatografiýasy barada söz açjakdym. Türkiýäniň günorta-gündogarynda emele gelen ýer titreme sebäpli ady agzalan seriala ýüzleý degip, hepdäniň dowamynda neşir edilen makalalara geçmek netijesine geldim.</p><p>Türk dilindäki “Netflix”-de 2022-nji ýylyň ahyrynda ýaýlyma berlen “<strong>Gyzgyn kelle” </strong>türk kinomatograflary we aktýorlary tarapyndan Afşin Kumyň adybir romanynyň esasynda döredildi. Sekiz bölümlik antiutopik serialda ses we aragatnaşyk arkaly geçýän dälilik keseliniň döreden pandemiýa şertlerindäki dünýä barada söz açylýar. Pandemiýa sözi belki henizem durmuşyndan çykyp gitmedik adamlar üçin serialda tanyş zatlar bar; biz maskaly gezen bolsak, olar nauşnikli gezýer sebäbi kesel gulakdan geçýär.</p><p>“Gyzgyn kelläň” türk dilindäki serial industriýasynda meşhurlyk gazanmagy we köpler tarapyndan halanylmagynyň netijesinde ikinji sezonynyň hem düşürilmegine garaşylýardy. Emma, gynansakda, fewral aýynyň başynda “Netflix”-iň bu serialyň ikinji sezonyny düşürmegi goýbolsun edendigi belli boldy.</p><blockquote>Serialyň esasy gahrymanlardan Antonyň keşbinde oýnaýan Şewket Çoruh öz Twitter hasabynda “Gaty biderek aýrylyk boldy. Bilsedim, beýle ýakyn dostluk gurmazdym. Gysga boldy ýoldaşlygymyz. Özüňi aýap sakla Anton” diýip, bu barada ilkinji bolup mälim etdi.</blockquote><h4><a href="https://medium.com/re%C5%88kli/2023-moda-trendleri-gi%C5%88-jinslar-minimalist-ke%C5%9Fpler-emeli-s%C3%BCt%C3%BCkden-aksessuarlar-fce41664305a">2023 moda trendleri — giň jinslar, minimalist keşpler, emeli sütükden aksessuarlar</a></h4><p>Bu makalada awtor 2023-nji ýylyň moda trendleri barada söz açýar. Makalanyň başynda moda trendleriniň diňe ylham almak üçindigi, her kimiň bu trendleri öz islegine we geýiniş stiline görä sazlaýandygy bellinilip geçilýär. Trendler bilen bilelikde makalada <strong><em>moda sözlügi </em></strong>hem bar. Bu sözlükde makalada ulanylýan, halkara moda industriýasynda kabul edilen adalgalara düşündiriş getirilýär.</p><h4><a href="https://medium.com/re%C5%88kli/k-pop-n%C3%A4me-i%C3%BDil%C3%BD%C3%A4n-zatmy-826d20f9ef69">K-pop näme, iýilýän zatmy?</a></h4><p>Ozal K-pop barada maglumaty bolmadyklar üçin bu makala başlangyç çeşmesi hökmünde hyzmat edip biler. Sebäbi makalany ýazmaga başlanda awtoryň ýeke bilýän zady K-popyň Günorta Koreýada döränligi we ýetginjeklige ýaňy gadam basan gyzlaryň ölemen diňleýän žanry bolmagydy. Şonuň üçin awtor ynamdar çeşmelerden ýygnan maglumatlaryny hemme kişä düşnükli bolar ýaly seljerip, K-popy we onuň taryhyny okyjylar bilen bile öwrenýär.</p><h4><a href="https://medium.com/re%C5%88kli/howa-%C3%BC%C3%BDtge%C3%BD%C3%A4rmi-%C3%BDa-da-klimat-697fa49fa3a">Howa üýtgeýärmi ýa-da klimat?</a></h4><p>Daşky gurşaw bilen adamzadyň gatnaşygyny ele alýan täze bölümimiziň ilkinji makalasy. Internet çeşmelerinde ýa-da, umuman, gündelik durmuşda howanyň ýa-da klimatyň üýtgeýändigi barada maglumatlara gabat gelýänsiňiz. Makalada “howa” bilen “klimatyň” arasyndaky tapawudy mekdep okuwça düşündirýän ýaly düşündirmäge synanyşdyk. Sizde hem “Üýtgeýän haýsy, klimatmy ýa howa?” diýen sorag döreýän bolsa düşnükli jogaby almak üçin makala göz aýlap bilersiňiz.</p><p>Hormatly okyjy, nobatdaky poçtamyzy şu ýerde tamamlaýarys.</p><p>Hepdelik poçtamyzy <a href="https://medium.com/re%C5%88kli/newsletters/re%C5%88kli-po%C3%A7ta"><strong><em>bit.ly/renklipocta</em></strong></a><strong><em> </em></strong>salgysy arkaly başgalar bilen paýlaşyp bilersiňiz.</p><p>Indiki sanlarymyzda görüşýänçäk!</p><img src="https://medium.com/_/stat?event=post.clientViewed&referrerSource=full_rss&postId=5158e1e678ff" width="1" height="1" alt=""><hr><p><a href="https://medium.com/renkliplus/re%C5%88kli-dolandy-5158e1e678ff">reňkli dolandy</a> was originally published in <a href="https://medium.com/renkliplus">reňkli+</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[Can we properly store hay for the winter?]]></title>
            <link>https://berdiyev.medium.com/can-we-properly-store-hay-for-the-winter-80276381b186?source=rss-1dd2105bf46a------2</link>
            <guid isPermaLink="false">https://medium.com/p/80276381b186</guid>
            <category><![CDATA[creativity]]></category>
            <category><![CDATA[turkmen]]></category>
            <category><![CDATA[writing]]></category>
            <category><![CDATA[literatura]]></category>
            <category><![CDATA[language]]></category>
            <dc:creator><![CDATA[Batyr Berdiyev]]></dc:creator>
            <pubDate>Wed, 02 Nov 2022 22:58:05 GMT</pubDate>
            <atom:updated>2022-11-02T23:01:46.484Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1000/1*wRY9F3KwerCeUlGfzd9pZA.jpeg" /><figcaption>Garrygala, 2021</figcaption></figure><p>Lately, the relationship between my mind and my emotions has been like the relationship between solar panels and sunlight falling in a desert. They could not stop praising each other and praising their abilities. When it comes to action, both seem to disappear into the darkness.</p><p>In the meantime, I had the opportunity to meet with the European video creator and his works. We spent almost two hours talking with an Italian who was 10–12 years older than us. During breaks, we talked about video art and what we could do with fellows who shared similar professional and creative values. These discussions were not limited to that day as we continued to analyze the possibilities of creating and financing similar projects. We didn’t achieve any results; we had ideas but no money.</p><p>During that week, I also attended a meeting with a Latvian writer. It was an engaging conversation about writing in the native language and the roadmap of a writer. After this meeting, no one was found to jointly analyze the local situation. Because Turkmen creators who regularly produce in their native language were not present at this meeting except me. Perhaps, the reason for this is that the meeting announcement and its contents were not properly delivered. In fact, the way the event was organized was also unique. Latvian writer spoke in Russian about writing in the native language during a meeting organized in Turkmenistan. After reading this, you may have a feeling of resentment towards the organizers. Because once upon a time, I was like that too. However, I learned to adapt myself by seeing that this type of complaint did not help and observing that the parties against whom the complaint was made did not pay attention. Regardless of the language, I value the proper organization of the communication process and information delivery.</p><p>Going back to the meeting with the writer, I realized that no matter the challenge, one should not give up writing in his/her native language.</p><p>After the meeting, I revisited the university’s website for a Master’s in Creative Writing that had been sitting in my bookmarks for three years. The entry requirements include nearly 40 pages of prose, two more writings…</p><blockquote>“We are still too weak to study the period in our own language. We should adapt to the times, find out what to say and how to say it, and uncover the [language] treasure.” These words belong to one of my late teachers who passed away.</blockquote><p>After going through the entry requirements of writing programs at a couple of universities, I came across the truth that had been lurking in the back of my mind: I’m not good enough not only at reading the period in my own language but also at expressing it in my own language.</p><p>Perhaps this truth has never been covered; ignored it.</p><p>Let me be honest. I thought I had enough production to show as a writer of small-scale scripts and articles of various genres in the Turkmen language. The situation seems to be more unfortunate.</p><p>We often complain about the lack of information in the Turkmen language or the importance given to the Turkmen language by international organizations operating in Turkmenistan. But there is one thing that is overlooked — contemporary Turkmen literature. Are we able to enrich the literary heritage of older generations?</p><p>I am certainly not a linguist, but I am not incapable of making the connection between language and time. Any expression is a reproduction of the ideas of that period. As a system that constantly renovates itself by integrating new ideas and values, language converts ideas into written or spoken expressions and documents them. If a writer does not understand the ideas and values ​​of that time or, on the contrary, cannot correctly use the language, the documenting process weakens. In my opinion, this is the main problem that contemporary Turkmen literature has to overcome.</p><p>From time to time, I browse the works of Turkmen writers in traditional media and new media. Some writers have a high command of the Turkmen language while having difficulty understanding the values ​​of the times. Those who understand them cannot use the Turkmen language properly and adequately. Of course, there are some who can’t do both of them. However, I have never met someone who mastered contemporary dynamics and local concepts well and wrote about them consistently in the perfect Turkmen language.</p><p>Overall, I wanted to share some thoughts that have been running through my mind lately about language and creativity.</p><p>See you on creative days!</p><p><a href="https://medium.com/@berdiyev/samany-gy%C5%9Fa-saklamak-%C3%BC%C3%A7in-samanhana-gerek-80cef8a920fa"><em>This article was first written in Turkmen and then translated into English.</em></a></p><img src="https://medium.com/_/stat?event=post.clientViewed&referrerSource=full_rss&postId=80276381b186" width="1" height="1" alt="">]]></content:encoded>
        </item>
    </channel>
</rss>