<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Bubuuush on Medium]]></title>
        <description><![CDATA[Stories by Bubuuush on Medium]]></description>
        <link>https://medium.com/@bubuchkarahadra?source=rss-9712a73478b2------2</link>
        <image>
            <url>https://cdn-images-1.medium.com/fit/c/150/150/1*sONJfiUkJnOgikOUkBzDtA.jpeg</url>
            <title>Stories by Bubuuush on Medium</title>
            <link>https://medium.com/@bubuchkarahadra?source=rss-9712a73478b2------2</link>
        </image>
        <generator>Medium</generator>
        <lastBuildDate>Sun, 22 Nov 2026 13:16:46 GMT</lastBuildDate>
        <atom:link href="https://medium.com/@bubuchkarahadra/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[البلاء إذا جاك من جناحك قصو؟]]></title>
            <link>https://medium.com/@bubuchkarahadra/%D8%A7%D9%84%D8%A8%D9%84%D8%A7%D8%A1-%D8%A5%D8%B0%D8%A7-%D8%AC%D8%A7%D9%83-%D9%85%D9%86-%D8%AC%D9%86%D8%A7%D8%AD%D9%83-%D9%82%D8%B5%D9%88-cfac8f60701b?source=rss-9712a73478b2------2</link>
            <guid isPermaLink="false">https://medium.com/p/cfac8f60701b</guid>
            <dc:creator><![CDATA[Bubuuush]]></dc:creator>
            <pubDate>Thu, 13 Aug 2026 20:06:05 GMT</pubDate>
            <atom:updated>2026-08-13T20:06:05.085Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/250/1*OEedLPOtkS-hv9DC0IyREg@2x.jpeg" /></figure><p>قبل ان يكون الغضب صارخ و الاستياء ثقيل، الاثنين يولدون من رحم شيء ‘’ مكانش لازم يصرى’’ تصرف خاطئ، غير عادل و ظالم . هاذ المشاعر ميجوش فقط من الفعل ذاته بل من خلال تقييمنا للحدث. نقدرو أنا و انت نفس الشيء و لكن الترجمة تكون مختلفة( إذا يقدر ميكونش تصرف خاطئ لكن انت رأيته و ترجمته انه خاطىء)هاذ المشاعر غير محبوبة و غير مريحة و مذابينا منحسوهاش لكن هذا لا يعني انها موجودة فقط لكي نعاني، بل هي مهمة من اجل حمايتنا و المحافظة على بقائنا، الكرامة، رتبتنا، أحبائنا… أرسطو يقولك الغضب هو شعور ‘’virtous’’ عندما نشعر به اتجاه الشخص الصحيح، المجموعة ، المؤسسة الصحيحة. كي يكون كاين سبب valable و في وقت valable.</p><p>هاذ الشعور غير مريح و نحسوه عند ‘’ اختراق ما كان متوقع’’ . آآه هنا لازم نركز على أهمية predictability في حياتنا. على قد ما نحبو و نجرو مور السعادة، نجرو تان وراء عالم يمشي على حسب أنماط نستطيع فهمها و التنبؤ بها. كاين علماء اعصاب لي يسمو المخ’’ prediction machine’’ لانه دائما يركب و يحلل الواقع لكي يتنبأ به . نتا دوك كيما راك قاعد تقرأ مخك رح يحلل في المحيط تاعك ليتنبأ بأي تهديد يمكن يشكل خطر على بقائك باش يحميك. التنبأ يعطيك وهم بلي عندك تحكم في المستقبل و يدير احساس بالنظام لهذا الوعود مهمة و الالتزامات مهمة و المؤسسات مهمة لان تخليك تحس بالأمان خاصة في العلاقات؛ التنبأ بتصرفات الشخص الآخر مهمة و هي أساس العلاقات، إذا كان هذا الانسان unpredictable نهار هك و نهار هك رح يتعبك نفسيا و لن تشعر بالأمان معه لانه يستطيع اختراق ما هو متوقع دائما.</p><p>نعود إلى مشاعر الاستياء و الغضب، في زوج يخلوك تدخل في rumination من ‘’ علاش صرالي هكا؟’’ إلى ‘’ علاش هاذ المعتدي حس بلي سلوكه مقبول؟’’ لي و كي تعاود تدور في راسك و مخك يبدأ يزيد توابل رح تعرقل طريقك للمسامحة. الغضب يخليك تخمم كثر في الاشياء لي تشوفها مهمة و تحبها لانه الاشياء المهمة و لي نحبوها هي لي تحرك فينا هاذ المشاعر. النقطة التي يركز عليها علماء النفس هي اننا لا عندما نشعر بالمشاعر لا نصنّفها تلقائيا، علابيها تقول ‘’ معلاباليش وش بيا حاس حاجة ثقيلة’’ اوبعد تقدر تفهم و تمد اسم مع مرور الوقت بلي هذا غضب، استياء ، خذلان، قلق.. . و هنا حبيت نهدر على ان في الدارجة تعنا معندناش كلمة تعني حقا ‘’ الغضب’’ او ‘’ مستاء ‘’ علابالي بلي كاينين بصح هاذ الجيل ماشي موالف يستعملهم أنا الأب تاعي يقول ‘’ راني غضبان’’ بلاك الاستياء تكون ‘’ مغيوض’’ معلاباليش( قولولي إذا عندكم كلمات نفس المعنى باللهجة تعكم)من المهم يكون عندك كلمات لي تصف شعورك باش تفهم روحك لان ‘’ مرانيش مليح’’ مراهش شعور . الاستياء ، الغضب،الحزن،الجرح، الخذلان قع مشاعر منفصلة تقدر تتعايش مع بعضها،كي تقول ‘’ راني مقلق كي صاحبي معيطليش’’ القلق هنا يقدر يكون: خذلان لانك توقعت تصرف احسن من هذا، جرح لانك حسيت انك غير مهم، غضب لانك محبيتش طريقة المعاملة، خوف من انك تخسر العلاقة، استياء لانه دارها اكثر من مرة .</p><p>الاستياء نادرا مايبدأ بشيء درامي و ظاهر. يقدر يبدأ بصاحبك يقطعك كلامك، والديك يقارنوك، حاجة نظمتها و فسدوها… حوايج ‘’ ميستاهلوش ‘’المواجهة او المشاركة و نختار الصمت باش منبانوش حساسين، متطلبين، صعاب، جاحدين للنعمة و محبي الدراما ( و هنا تبان أهمية الصورة لي عندنا على رواحنا self image و شحال نحاول ان نحميها حتى و لو على حساب مشاعرنا و راحتنا) و هنا تتراكم الطبقات و تدير ta petite collection تع جروح. الغضب عنده عنوان’’ راني غاضب من هاذ الحاجة الباينة’’ و تكون ردة فعل للفعل نفسه بينما الاستياء يخسر الوضوح (حتى لانفسنا نولو ماشي فايقين)و يولو شحال من حاجة متداخلة لانه يخص علاقتنا بالجرح. حاجة وحدخرى لي يختلف فيها الاستياء عن الغضب هو انه الاستياء يصبح غير حيادي يغير نظرتنا للأمور اي خطأ آخر او أي قلة تخمام تولي دليل قاطع عن الحكاية لي عندنا في راسنا و رانا ملمدينها و يصبح شعور الاستياء هو العدسة التي نرى و نقيم بها. الغضب يقدر يغير الكثير عندما نستخدمه كشعور محرك: نواجه، نتواصل، نضع حدود واضحة ، نصحح، نغير .. الاستياء عموما يخلينا حابسين و نلمدو في الدليل و نعاودو نولو للجرح باش نقارنو و نتفكرو وش دارو فينا شغل تلمد score. كيفاش تعرف إذا كنت غاضب و راح هذا الشعور ولا مزالك مستاء : راك تتخيل سيناريوهات وين نتا و هاد الشخص تتحاورو و نتا تقولو وين غلط وش حاجة لي وجعاتك و دافع على روحك و تقولو أشياء لم تقلها له! هنا مزال عندك مشاعر لم يتم حلها.</p><p>علابالي بلي راكم حابين تقولو ايه و الحل ماهو؟ و أنا نقدر نقولك باينة المسامحة. لكن هذا الحل ليس واقعي دائماً و ماشي faisable لانه ببساطة ‘’ القلب لحمة’’ و يعتمد على الانسان الذي أغضبك و سبب لك الاستياء ما هي صفته و مكانته في حياتك. في الاية الكريمة ﴿ َالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ﴾ [آل عمران: 134]‘’ كظم الغيظ ‘’ هو ردة فعل عظيمة و مميزة تُكتسب وتُنمّى يعني ان لا تترك الغضب يسيطر على ردك فعلك فتصدر فساد و خسارة أكبر و أكبر ( أركز هنا على موضوعنا،ادرك عمق الاية) و العفو عن الناس خير و خير و كي تحسن اليهم خير و خير. لكن في نفس الوقت وضع حدود شيء مهم جدا! كاين ناس بلاك معلابالهمش بلي هاذ الشيء يؤلمك او معلابالهمش بلي هذا الحد لا يمكن اختراقه معلاباهمش بلي هاذ الشيء مهم بالنسبة لك معلابالهمش لانهم mediocre و الحق عليك لي توقعت منهم الكثير، الحياة مكانتش لصالحهم و هما أصلا أشخاص غاضبين و عندهم تراكم تع استياء اتجاه الحياة في حد ذاتها( هنا نحاول الفهم منيش نمد في اعذار)….وضع حدود صارمة مهم جدا. كيما سمعت خطرة من عند نايف بن نهار قال ‘’ ليس كل صفة سلبية نعتزل من اجلها الناس، اين الإصلاح؟ الصفات السلبية في الناس هي ابتلاء لنا و الله يريد ان يختبرنا كيف نتفاعل مع هذه الصفة ‘’ بلاك تقولي ماشي خدمتي نقولك صحيح و هذا يبقى اختيارك و أنا اذكر لك طرق للتعامل مع هاذ المشاعر. العفو و المسامحة ‘’ عند المقدرة’’ شيء جميل جدا! كي تكون واجد باش تسمح و كيفاش تولي واجد؟ كي تحبس ما تدور الحادثة في راسك rumination و ومتزيدش توكلها stop feeding it هي لي تخسرلك النية تع العفو. لانو مخك يولي مبدع جدا جدا💀يولي يمدلك أسباب وحشية لعلاش دارو وش دارو و من المهم انت تغير السردية في راسك و كيما قلت تحاول تفهمهم بدون ما تأذي روحك ‘’ مشراليش كادو باسكو يشوفني أنا معنديش قيمة و منستاهلش و ساهلة ‘’ تقدر تحولها إلى ‘’ مشراليش كادو لقلة تفكير منه لانه هو أصلا في حياته ماشي موالف هاذ الconcept tae les cadeaux’’ يعني هاذ التغيير في السردية the narrative تخلي مخك يرتاح اكثر لراحتك و باش ايضا تقدر تسامح. و باينة كخيار أخير و الأفضل هو الاعتزال و وضع مسافة بينك و بين هذا الشخص و تعنيقة كبيرة كبيرة 🫂🫂🫂 ليك نتا إذا كي قريت وش كتبت و خممت في شخص راه ضارك بزاف و قريب ليك بزاف و معندكش الرفاهية تع ‘’ تدير مسافة’’ ربي يهديهم و ان شاء الله ربي يديرلك حل من عنده</p><img src="https://medium.com/_/stat?event=post.clientViewed&referrerSource=full_rss&postId=cfac8f60701b" width="1" height="1" alt="">]]></content:encoded>
        </item>
        <item>
            <title><![CDATA[العار ميبنيش الدار.]]></title>
            <link>https://medium.com/@bubuchkarahadra/%D8%A7%D9%84%D8%B9%D8%A7%D8%B1-%D9%85%D9%8A%D8%A8%D9%86%D9%8A%D8%B4-%D8%A7%D9%84%D8%AF%D8%A7%D8%B1-9f7da4bf7495?source=rss-9712a73478b2------2</link>
            <guid isPermaLink="false">https://medium.com/p/9f7da4bf7495</guid>
            <dc:creator><![CDATA[Bubuuush]]></dc:creator>
            <pubDate>Mon, 27 Jul 2026 21:23:37 GMT</pubDate>
            <atom:updated>2026-07-27T21:25:10.944Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/300/1*GZDK76KiwQ1bn348QWzzeg@2x.jpeg" /></figure><p>أغلبيتنا تربينا بلي الغلطة تعبر عن شخصك ماشي منفصلة عن ذاتك. تنسى متديريش حاجة، تكسر كاس، تكذب .. ماشي خطأ قمت به برك بل يصبح وصف لهويتك ‘’ وش درت ماشي مليح’’ تسمع ‘’ يا الكذاب ‘’ ‘’ وعلاه اهملت هاذ الشي! ‘’ ‘’ فنيان’’ ‘’ مطروش’’ ‘’ ماشي ثابت ‘’ و كي جيك هاذ الأوصاف من ناس قراب ليك لي الperception تعهم مهمة حتى و متعجبكش بصح تبقى رافدها معاك و بزاف خطرات يستعملوها ظنا ان سلوكك سيتغير و تفطن. هاذ الأسلوب شائع بزاف في الأسرة ، المدرسة ، بيئة العمل و ولات في مواقع التواصل نشوفو صناع المحتوى الذين يقدمون النصائح يشعرون المستمع بالنقص أو العار قبل أن يقدموا له أي نصيحة. تسمع ‘’أنت غير منضبط’’ ‘’ انت فاشل’’ ‘’ انت غير نظيف’’ لازم يمسحو بيك الأرض. مدام العار هو وسيلة شائعة من اجل تغيير السلوك و تربية الأطفال يعني هو ناجح ؟ necessary evil؟</p><p>علماء نفس النمو يتفقون أن الأطفال يولدون عندهم القدرة يحسو مجموعة من المشاعر كيما الفرحة، القلق، الخوف ، الاشمئزاز، التفاجأ.. و كاين مشاعر أخرى لي تظهر بعد ان يكون الطفل وعيه بذاته ( عموما في عامه الثاني) ‘’ أنا’’ بلي هو فرد مستقل ، يقدر الآخر ان يقيمه ، يعرف القواعد الاجتماعية و يقارن سلوكه بهذه القواعد . و من بين هذه المشاعر لي يقولو عليها ‘’ مشاعر اجتماعية / اخلاقية’’ هي مشاعر العار و الذنب . علاش منزيدوش نحسو بيها ؟ لانه هذا المشاعر متحسش بيهم كي تغلط فقط بل عند استيعابك كيف يمكن لهذه الأخطاء التأثير على مكانتنا في العالم الاجتماعي.</p><p>منقدرش نهدر على هذا الموضوع بلا ما نهدر على Brene brown الباحثة و الكاتبة التي قدمت لنا افضل التمييزات بين الشعور بالعار و الشعور بالذنب. هي مشاعر واعية بالذات التي تتطلب من الإنسان ان يتأمل نفسه، يقيم افعاله و يتخيل كيف يراه الآخرون. يتشابهو لانهم ينطويان على التامل الذاتي لكنهما يقودان الانسان إلى مسارين مختلفين . الباحثة تقولك بلي الشعور بالذنب هو كي تقول ‘’ فعلت شيئا سيئا ‘’ و الشعور بالعار يقول ‘’ أنا سيء’’. الشعور بالذنب يسلط الضوء على الفعل نفسه و يحاكمه في حين الشعور بالعار يحاكم الإنسان و الهوية . الشعور بالذنب عنده علاقة بالتعاطف empathy و تحمل المسؤولية التي نجمت عن الفعل و إصلاح العلاقات اما العار فيرتبط بالشعور بالدونية و نقص تقدير الذات ، الدفاعية احيانا و إلقاء اللوم على الآخرين تسما كل انسان و آلية التكيف coping mechanism تاعو مع هاد الشعور. الشعور بالعار هو شعور قوي intense لكنه للأسف ليس الشعور القائد للتغيير و النضج،علاش؟ بسبب ارتباطه بالهوية. كاين بزاف دراسات لي داروها باش يشوفو الانسان كيفاش يتعامل مع الأخطاء و لقاو بلي حنا كبشر مذابينا نديرو الغلطة بلا ماتلصق فينا الصفة. مذابينا نتلاعب و نخدع و نغش قد ما نستفيد برك منزيدوش عليها بزاف حتان نولو سمونا ‘’ خداعين’’ و ‘’ غشاشين’’ و نضر صورتنا الاخلاقية just enough to benefit, not enough to damage our self image. نقولك’’ موالف تكذب؟ ‘’ ماشي كيما ‘’ نتا كذاب؟’’. صورة الإنسان عن نفسه ليست امر ثانوي بل هي من اكثر الأشياء التي يسعى لحمايتها.</p><p>بلاك هاذي لي تخلي الشعور بالعار من اكثر المشاعر تدميرا و يكون هو المصدر تع العديد من سلوكياتنا السلبية . لان العار يقنعك بلي كاين مشكل عطب فيك نتا. و هذا يقدر يسببلك اكتئاب و قلق و اضطرابات و نقص ثقة بالنفس و عزلة. او يخليك تبان في صورة شخص عدواني، ينتقد الجميع و يدافع عن نفسه باستمرار. ميوليش شعور فقط بل طريقة تنظر بها لنفسك. و هنا الطبيب غابور ماتيه يزيد يوسع فهمنا للعار و يقول يجي من صغرنا عندما لا يتم إشباع احتياجاتنا من أوليائنا كاين لي يكونو نظرة متشائمة عن العالم و كاين لي يكونو نظرة متشائمة عن انفسهم و يحسو بلي هوما ناقصين و فيهم خطأ علابيها غير مهمين . و هذا الشعور يتراكم و يؤدي إلى الادمان او العزلة.. يعني قادر يكون عندك منذ الطفولة و يكبر معاك تحس بلي هناك دين يجب عليك اسداده، احساس بعدم الاستحقاق، احساس بلي نتا مقزز، احساس بلي نتا متستاهلش و يقدر يكون بعد ان ترتكب خطأ ما و قد يكون بسبب الاخرين و انتقاداتهم حتى بعد غيابهم تبقى تكرر اصواتهم داخلك و يولي هو صوتك . و المشكل تع هذا الشعور انه بزاف خطرات يكون مخبي : لما تماطل عمل ما ، لما ترفض الإطراءات، الركض وراء إعجاب الناس people pleasing, الاستقلالية المفرطة،perfectionism, العمل المفرط، المقارنة المستمرة، body image , الادمان، البقاء في علاقات سامة، متفرحش بروحك، تحشم بروحك، بشكلك ، عائلتك، ملابسك، بيتكم ، لهجتك، مستواك المادي، حالتك المدنية، إعاقتك ، مرضك …. تحس بلي ماتستاهل غير القليل .</p><p>كاين لي يقولك الشعور بالعار يجي لما يكون كاين فجوة بين نفسك الحالية و بين الصورة المثالية التي تطمح ان تصل اليها. و هنا يأتي دور شخص آخر و صوت آخر …. العار يشوه إدراكك لذاتك و يخلي تقييمك لنفسك غير موضوعي و الصورة المثالية لي حاب تلحقها غير عقلانية تحتاج إلى مختص و معالج نفسي لي يساعدك ان ترى نفسك بوضوح و يفتش معك عن جذور هذا الشعور. الشعور بالعار ميبنيش الدار. لازم نعاملو انفسنا و الاخرين ب مودة و رحمة. ننتبه للأصوات التي في داخلنا و نكذبها. عندما نقترف خطأ نختار الشعور بالذنب حتى و لو انه ليس جميل و ✨ براق ✨ لكنه يساعدك على تقييم الخطأ و تأثيره، يخليك تتذكر أخلاقك و مبادئك و يحثك ام ‘’ تحث نفسك’’ بوعي و جهد من اجل الإصلاح و النمو و لا تربطه بهويتك و نفسك. متبنيش حبس لروحك و تقعد فيه ارحم تلك النفس و أتعلم ان تنظر اليها بطريقة اكثر عدلا و لطف.</p><img src="https://medium.com/_/stat?event=post.clientViewed&referrerSource=full_rss&postId=9f7da4bf7495" width="1" height="1" alt="">]]></content:encoded>
        </item>
        <item>
            <title><![CDATA[‘’ The medium is the message ‘’]]></title>
            <link>https://medium.com/@bubuchkarahadra/the-medium-is-the-message-5d22c9e167ea?source=rss-9712a73478b2------2</link>
            <guid isPermaLink="false">https://medium.com/p/5d22c9e167ea</guid>
            <dc:creator><![CDATA[Bubuuush]]></dc:creator>
            <pubDate>Fri, 24 Apr 2026 19:13:35 GMT</pubDate>
            <atom:updated>2026-04-24T19:13:35.653Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/600/1*xZVZEtcM7xnS_AoJfFdozA@2x.jpeg" /></figure><p>مواقع التواصل في الجزائر تكشف لنا أ كثر من الذوق السائد فيما يخص الترفيه ، تكشف حالة عقلنا الجمعي. فكثير من الناس يحكمون على المحتوى فقط من خلال ما يقوله، بينما يتجاهلون الطريقة التي يُقدَّم بها، ويُكافَأ عليها، ويُعاد تكرارها. كما يقول.</p><p><strong>Marshall McLuhan</strong> <strong>: الوسيلة هي الرسالة.</strong></p><p><strong>مارشل مكلوهان</strong> هو واحد من اكثر المفكرين تأثيرا في القرن العشرين فيما يخص الإعلام و التكنولوجيا. لي تنبأ بلي العالم رح يولي ‘’ <strong>قرية صغيرة The Global Village</strong> ‘’ و لي هي ماشي جملة بسيطة لي تستعملها في التعبير الكتابي باش توالي الفقرة تعك فيها حداش سطر 🫢. قرية ماشي معناها ‘’ السلام ‘’ معناتها مواقع التواصل رح تقربنا و يولو فينا طبايع القرية كيما كنا بكري نحسو بالوعي المفرط بالآخر،نحبو البوليتيك و الgossip, عاطفيين ، انفعاليين و قع مدخلين رواحنا في صوالح الآخرين. مكلوهان يقلك بلي وسائل الإعلام والتكنولوجيا هي <strong>امتدادات</strong> للإنسان <strong>extension</strong> ، أي أن الأدوات التي نبتكرها توسّع قدرات أجسادنا وحواسنا وعقولنا.العجلة هي امتداد للقدم لانها تخلينا اسرع و ابعد. الميكروفون هو امتداد للصوت. الكتاب هو امتداد للعين و العقل. الهاتف الذكي امتداد للذاكرة و الاتصال. و الإنترنت هو امتداد للجهاز العصبي لانه يربط الناس جميعا و فوراً . لكن <strong>مكلوهان</strong> يرى ايضا ان اي امتداد يقدر يقوي شيء و يضعف شيء آخر. الاعتماد على GPS يوسّع قدرتنا على التنقل، لكنه قد يضعف إحساسنا الطبيعي بالاتجاهات.وسائل التواصل توسّع الاتصال، لكنها قد تضعف الحضور الحقيقي والتركيز.الهاتف الذكي يوسّع الوصول للمعلومات، لكنه قد يشتّت الانتباه.</p><p>و كي نولو لفكرة الوسيلة هي الرسالة ، <strong>مكلوهان</strong> قصده ان تأثير اي وسيلة إعلامية لا يكمن فقط في المحتوى الذي تنقله، بل في الشكل الذي تنقل به هذا المحتوى.فالتكنولوجيا ليس محايدة بل قوة تعيد تشكيل الإنسان. التلفاز مثلًا لم يكن مجرد شاشة و لم يغيّر فقط ما يشاهده الناس، بل غيّر طريقة انتباههم و غيّر السياسة إلى صورة، والمعلومة إلى ترفيه، والعالم إلى عرض بصري( <strong>مكلوهان</strong> كان يتكلم اكثر عن التلفاز في وقته) والإنترنت لم يغيّر فقط طريقة الوصول إلى المعلومات، بل غيّر معنى الوقت، والعلاقات، والتركيز، والهوية. الناس عادة يركزون على ماذا يُقال لكن هذا المفكر يدعونا الى التفكير في كيف يُقال؟ قراءة كتاب تُدرّب الصبر، والتركيز، والخيال. التلفاز يُدرّب على التلقي السلبي والمشاهدة دون مشاركة. إذن حتى لو اختلف المحتوى، فإن الوسيلة نفسها تشكّل طريقة تفكير الإنسان. فالطباعة مثلًا لم تكن مجرد وسيلة لنقل الكتب، بل غيّرت طريقة التفكير، وخلقت الفردية، والتفكير الخطي، والدول الحديثة، واللغة المعيارية أما وسائل التواصل الحديثة فهي لا تنقل فقط المحتوى، بل تعيد تشكيل الهوية الإنسانية عبر: المقارنة المستمرة، السرعة بدل العمق، الظهور بدل الجوهر، التفاعل بدل التأمل. المقصود بالرسالة ليس فقط المعلومات، بل التغيير الذي تُحدثه الوسيلة في الإنسان والمجتمع: في طريقة العيش، والإحساس بالوقت والتفكير والعلاقات. السيارة ليست مجرد وسيلة نقل، بل صنعت ثقافة التنقل، وتغيير المدن.الهاتف الذكي ليس مجرد جهاز اتصال، بل خلق حياة دائمة التفاعل، والانشغال، والمراقبة المستمرة. الوسيلة التي نستخدمها تغيّرنا أكثر من المحتوى الذي نستهلكه</p><p>إذا طبقنا هذه الفكرة على الجزائر اليوم سنفهم أن المشكلة ليست فقط في كثرة الفضائح أو المحتوى السطحي، بل في طبيعة المنصات نفسها، خاصة المنصات القائمة على السرعة، والتمرير المستمر، والمكافأة الفورية، والانتشار الفيروسي. فالوسيلة هنا تُدرّب الناس على نمط جديد من التفكير: السريع بدل العميق، المتقطع بدل المركز، والانفعالي بدل التأملي</p><p>حين يقضي شاب جزائري ساعات يوميًا بين مقاطع قصيرة لا تتجاوز ثواني معدودة، فإن الرسالة الحقيقية ليست ذلك الفيديو المضحك أو تلك القصة التافهة، بل الرسالة هي إعادة تشكيل انتباهه. يصبح العقل معتادًا على الإثارة السريعة، ويصعب عليه الصبر مع كتاب، أو محاضرة، أو نقاش طويل، أو فكرة تحتاج وقتًا للنضج. كثير من الناس اليوم لا يكرهون العمق، بل أُعيد تدريب أدمغتهم على السرعة.</p><p>وفي الجزائر، نرى هذا بوضوح في هيمنة محتوى الفضائح، والمشاجرات، والسخرية، والإهانات، والمشاهد الصادمة. قد يظن البعض أن هذا مجرد ذوق شعبي، لكنه في الحقيقة نتيجة منطق الوسيلة. فالخوارزميات تكافئ ما يثير رد الفعل السريع: الغضب، الفضول، الضحك، الصدمة. ولهذا ينجح من يصرخ أكثر، ويستفز أكثر، ويبالغ أكثر. هنا تصبح الرسالة الخفية للمنصة: لكي تُرى لازم تڤربع.</p><p>من بين الملاحظات المهمة أيضًا على المشهد الرقمي في الجزائر هو أن جزءًا كبيرًا من المحتوى يبدو مكررًا بشكل كبير، ويعيد إنتاج نفس الأفكار، ونفس القوالب، ونفس أساليب العرض دون تجديد حقيقي. هذا التكرار لا يخلق فقط نوعًا من الملل، بل قد يساهم أيضًا في تطبيع السطحية أو الـ mediocrity كمعيار عادي للمحتوى. عندما يعتاد الجمهور على نفس الأشكال البصرية ونفس طريقة السرد، ينخفض تدريجيًا مستوى التوقعات الجمالية والفكرية</p><p>كي نشوفو المحتوى ‘’ النظيف ‘’ الأكثر انتشارا في الجزائر هو محتوى الطبخ لأننا نتشاركه فيه جميعا و قع نحبو الماكلة. لكن للأسف مفيهش ابداع مكاش فن! كل الفيديوهات متشابهة و مكاش محتوى خارج عن الصندوق. نلقاو نفس الزوايا، نفس الموسيقى ،نفس اللقطات و الحركات. غياب محتوى مبتكر جمالي أو فكري يرفع من الذوق العام يجعل التجربة الرقمية فقيرة على المدى الطويل لان الوسائل كما قلنا تشكل الإحساس بالذوق و المعايير نفسها. أوكاي باش تكون عادلة كاين محاولات حقيقة للإبداع مثل محتوى السفر وين نشوفو رؤية بصرية أجمل، سرد اكثر إنسانية و قدرة على نقل التجربة ماشي عرضها فقط. هذا النوع لي يفكرنا انه المشكل ليس في المنصة فقط بل في غياب التنوع الإبداعي.</p><p><strong>مكلوهان</strong> استخدم أسطورة narcissus لي شاف انعكاسه و اعجب به، و قالنا الأهم من هذا انه انخدر أمام صورته و لم يدرك انها امتداد له …كيما حنا و التكنولوجيا. المشكلة ليست فقط في المحتوى الجزائري! بل في أننا ننظر إلى وسائل التواصل كمرآة تعكس المجتمع بينما هي في الحقيقة تعيد تشكيله. نعتقد أنها تُظهر أذواق الناس فقط، لكنها <strong>أيضًا تصنع تلك الأذواق. </strong>كل ما تستعملو منصة تع تواصل اجتماعي سقسو رواحكم: ما هي السلوكيات التي يتم مكافئتها؟ العادات التي تصبح عادية من خلال هاذ الفيديوهات؟ وش راهي تدير لانتباهي ؟ وش راهي تسهل؟ وش راهي تصعب؟ هاذي لي تبين الرسالة .</p><p>إن مستقبل الجزائر لن يتشكل فقط عبر السياسة أو الاقتصاد بل أيضًا عبر ما نطبّعه على شاشاتنا. فإذا واصلنا مكافأة الفراغ، فسيتكاثر الفراغ. وإذا بدأنا بمكافأة الذكاء، والجمال، والصدق، والإتقان فإن هذه القيم أيضًا يمكن أن تنتشر❤️</p><img src="https://medium.com/_/stat?event=post.clientViewed&referrerSource=full_rss&postId=5d22c9e167ea" width="1" height="1" alt="">]]></content:encoded>
        </item>
        <item>
            <title><![CDATA[‘’حَرَّك السلعة تتباع ‘’- Meritocracy.]]></title>
            <link>https://medium.com/@bubuchkarahadra/%D8%AD%D9%8E%D8%B1%D9%91%D9%8E%D9%83-%D8%A7%D9%84%D8%B3%D9%84%D8%B9%D8%A9-%D8%AA%D8%AA%D8%A8%D8%A7%D8%B9-meritocracy-a54fe394a5f6?source=rss-9712a73478b2------2</link>
            <guid isPermaLink="false">https://medium.com/p/a54fe394a5f6</guid>
            <dc:creator><![CDATA[Bubuuush]]></dc:creator>
            <pubDate>Mon, 26 Jan 2026 18:19:30 GMT</pubDate>
            <atom:updated>2026-01-26T18:19:30.942Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/368/1*2vV7MTmMU0losItPxlZQ5g@2x.jpeg" /></figure><p>من لي نكونو صغار كبرنا و حنا رافدين معانا وحد la promesse كي شغل un contrat لي تقول بلي رح تتكافأ على وش تدير . إذا كنت مليح، منضبط، تخدم على روحك، تصبر وتتعب… الدنيا لازم تكافئك.وإذا كنت مهمل، ما تجتهدش، ولا ما تديرش الصح… لازم تجيك العواقب. الفكرة هذي ما تعلمناهاش في كتاب، تسربت لينا مع التربية، مع المدرسة، مع الحكايات ومع نظرتنا للحياة.صرنا نؤمن بها كأنها قانون كوني، كأنها عدالة أوتوماتيكية:تدير مليح =&gt; تلقى مليح. تدير خايب =&gt;تلقى خايب. لكن الحقيقة لي متعجبش : الحياة لم تعدك بهذا!. في الإسلام، الله سبحانه وتعالى ما وعدناش أن الخير يتكافأ دايما في الدنيا.قال باللي الجزاء ممكن يكون هنا، وممكن يكون في الآخرة.يعني:الخير عنده قيمة،النية عندها قيمة،العمل الصالح عنده معنى…لكن ما هوش صفقة تجارية.الخير ما هوش “استثمر باش تربح”.ما هوش عقد تقول فيه:’’ أنا درت كلش صح، إذن لازم تعطيني النتيجة اللي نحبها’’ و نحس انو العالم اليوم لي فيه اشباع فوري للدوبامين عودنا انو المكافاة ندوها بالخف ولينا حتى الخير و الثواب من عند الله نحبوه اليوم منستناوش نلقاوه في الاخرة. وهنا بالضبط تبدأ المشكلة.لما نخلطو بين القيمة والمعاملة،بين المعنى والضمان،نخلقو فكرة اسمها: الاستحقاق MERIT. أصل الكلمة هو Meritum و معناه ببساطة ‘’ وش يستاهل الانسان ‘’ مع الوقت ، خاصة مع تطور المجتمعات الكلمة ولات معيار ، نظام و إيمان. و من هنا ولدت كلمة meritocracy لي تعني الحكم لل’’ المستحقون ‘’ كي شغل الاستحقاق واضح قابل للقياس و محايد و النتايج ديما عادلة. شوية بشوية ولا the merit فكرة بشرية غير قابلة للنقاش و نشوفوها كحقيقة مطلقة . اول من جمع مصطلح MeRITOCRACY. <strong><em>Merit = IQ + effort هو MICHEAl YOUNG و هو لي حذرنا منو.</em></strong></p><p>هو و العديد من المفكرين مثل Micheal sandels في كتابه the tyranny of merit. قالو بلي المجتمع لي تختزل فيه قيمة الإنسان في ادائه و إنجازه و فيه الذكاء و الجهد هوما لي يحددون le statut social النتيجة مراحش تكون عادلة. يولي عندنا هرم و الناجحين في القمة تاعو راح يكون عندهم غرور لانهم يشوفو رواحهم هوما الأفضل. و في القاع كاين الفاشلين راه يحسو بالعار و يشوفو رواحهم اقل قيمة وٍمقصرين. يولي الاستحقاق و النجاح هو فعل اخلاقي و فضيلة و ننساو الفضائل الأخرى كالرحمة و التعاطف و اخذ الظروف الإنسانية في عين الاعتبار و نحكم على الآخرين اخلاقيا حسب الفشل و الأخلاق. هناك العديد من الدراسات في الاقتصاد لي تقولك العقلية الاستحقاقية تمد فرص اعلى للتنمية الاقتصادية خصوصا الأشخاص الموهوبين . لكن هذه التنمية غير متساوية و الناس لي معندهمش ظروف و فرص راح يبقاو ديما متخلفين مما يزيد الفجوة الاجتماعية. و الناجحين و المستفيدين من هاذ العقلية تلقاهم يبررون لعدم المساواة و ليست لديهم اي رغبة في اعادة توزيع الثروة. في واش يفكركم هاد الشيء ؟ …. الرأسمالية. الرأسمالية تسحق الميروتقراطية باش تكون التبرير الأخلاقي له. The winners have it all. و نتا رح تتقبل الرأسمالية لما تقدم لك على طبق مغلف بالعدل و كل واحد يدي حقو. ماشي اختلاف في الامتيازات نونونونونونووووووو هادي اختلاف في المهارة و الذكاء. بصح اصبروا 😭 راني افسر الميروتقراطية و نحلل آثارها بصح هذا ما يعنيش بلي راهي حقيقة. بالعكس! راهي عقلية أكثر منها واقع. الميروتقراطية ماهيش نظام موجود فعليًا. الرأسمالية تحتاج هاذ القصة باش تبان عادلة، لأنك مستحيل تقبل نظام فيه تفاوت رهيب إلا إذا اقتنعت بلي هاذ التفاوت مستحق. وهكذا تتحول الامتيازات، الحظ، والظروف إلى “ذكاء” و“اجتهاد”، ويفقد الناس قدرتهم على مساءلة النظام نفسه. الميروتقراطية لا تفسر النجاح، بل تبرره.</p><p>لوكان تحكمو زوج أطفال بنفس الجهد و الذكاء لكن في بيئتين مختلفتين مراحش تكون عندهم نفس فرص النجاح. ماشي كيفكيف. واحد غني يقدر يفشل شحال من خطرة و لا ينهار ماشي كيما واحد فقير لي يريسكي و يدمره الفشل. هاذي فروق في الحماية من الفشل. إذا كانت الميروتقراطية أسطورة، فهذا لا يعني أن النجاح مستحيل بل يعني أننا بحاجة إلى إطار أكثر واقعية وأقل قسوة و هنا بالذات لحقنا لقلب الحبة <strong>NASSIM</strong> <strong>NICHOLAS</strong> <strong>TALEEEEEB</strong>لي يقلنا بلي هاذ العالم لي وأنا عايشين فيه تتحكم فيه العشوائية كثرمن وش رانا حابين نأمنو.نحبو نمدو تفسير منطقي لكلش نحبو نفسرو النجاح بعد حدوثه كأنه نتيجة ذكاء وتنظيم وتخطيط، ونتجاهل آلاف الحالات التي فشلت بنفس الطريقة. نحب القصص المنظمة، ونكره الاعتراف بالحظ. نسيم طالب لا ينكر قيمة الجهد، لكنه يرفض تقديس النتائج.الجهد شرط أخلاقي، لكنه ليس ضمانًا للنتيجة.الخطأ الذي تروّج له الميروتقراطية هو تحويل النتيجة إلى دليل على الفضيلة. بهاذ التخمام لا يصبح السؤال: من يستحق النجاح؟ السؤال يولي : كيف نزيد احتمالات النجاح دون أن ندمّر الإنسان إذا لم يتحقق؟؟</p><p><strong><em>Optionality</em></strong>: بدل الرهان على خطة واحدة “مثالية”، الأفضل خلق فرص متعددة بخسائر محدودة وأرباح مفتوحة.الحظ لا يخدمك إذا كنت في مسار مغلق.الحظ يخدمك عندما تكون حاضرًا حيث يمكن أن يحدث.مشاريع صغيرة، مهارات متعددة، تجارب منخفضة المخاطر’’ًليست فوضى’’ بل ذكاء استراتيجي في عالم غير متوقّع.’’ الزهر ‘’ عامل مهم جدا في النجاح يقدر يكون مركزي قع.</p><p><strong><em>Antifragility</em></strong>: مذابيك تبني نظام في حياتك لي يصمد و يتحسن من الضغط كيما ‘’ العضلة’’ لي معناتها</p><p>-مصادر دخل متعددة- مهارات قابلة للنقل – عدم ربط الهوية بمسار واحد – عدم الخوف من التجربة – تقبل الفشل كجزأ من اللعبة و لا تعاقب نفسك- via negativa ازالة ما يدمرك و الخطاأ القاتل أحسن من السعي للمثالية.</p><p>To wrap everything up ; الجهد و السعي ضروريين من اجل النجاح. المشكل في ربطه دائما بحتمية الوصول و هذا غير مضمون اطلاقاً و ظلم لنا . الميروتقراطية تحول هذا الفارق بين السعي و الوصول إلى حكم اخلاقي بدل كونه نتيجة ظرفية ( الوقت – البيئة – المستوى… ) تسما للنجاح ارمي روحك في الوسط و أتقبل العشوائية متشدش في حاجة برك، خلي الزهر يلعب لعبته كيما يقول المصري متعرف وكتاه كيفاه قادر تزهرلك و تكون في المكان الصحيح في الوقت الصحيح.</p><img src="https://medium.com/_/stat?event=post.clientViewed&referrerSource=full_rss&postId=a54fe394a5f6" width="1" height="1" alt="">]]></content:encoded>
        </item>
        <item>
            <title><![CDATA[Necessary evil شر لا بدّ منه]]></title>
            <link>https://medium.com/@bubuchkarahadra/necessary-evil-%D8%B4%D8%B1-%D9%84%D8%A7-%D8%A8%D8%AF%D9%91-%D9%85%D9%86%D9%87-467ec4b318d1?source=rss-9712a73478b2------2</link>
            <guid isPermaLink="false">https://medium.com/p/467ec4b318d1</guid>
            <category><![CDATA[books]]></category>
            <category><![CDATA[culture]]></category>
            <category><![CDATA[life]]></category>
            <dc:creator><![CDATA[Bubuuush]]></dc:creator>
            <pubDate>Thu, 30 Oct 2025 13:57:52 GMT</pubDate>
            <atom:updated>2025-10-30T13:57:52.116Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/540/1*UlIzhHRmYjchFR7GCCmn3w@2x.jpeg" /></figure><p><strong>دوستويفسكي</strong> فـرواية الجريمة والعقاب هدر على <strong>راسكولنيكوف</strong>، طالب فقير، اللي قتل مرأة عجوز كان يشوفها مجنونة وما تستاهلش تعيش’’ useless parasite ‘’ من بعد ما قتلها، لقى عندها شوية دراهم وسلاح، ولقى مبرر لجريمته و قال رح يستعمل المال باش يعاون الناس. كان يبرّر في راسو ويقول باللي الناس الهاربين المميزين، كيما هو، عندهم الحق يديروا جرائم إذا كان الهدف خير. مع الوقت، بدا يفهم باللي ما يقدرش يسكّت الإحساس بالذنب، مهما حاول. كان حاب يكون كيما <strong>نيتشه</strong> ويتحوّل لـ “<strong>Übermensch</strong>” كما نابوليون، يعني إنسان فوق العادي أي يتجاوز حدود الأخلاق العادية و ما يتقيّدش بالقوانين تاع الناس العاديين بصح خلاصت عليه كيما <strong>آرسطو</strong> و ضميره و احساسه بالعدالة كلاه من داخله.</p><p><strong>دوستويفسكي</strong> فـ الجريمة والعقاب ما كانش غير يروي قصة جريمة…كان يحفر فـي أعماق النفس البشرية. <strong>راسكولنيكوف</strong> ما شافش روحو قاتل، بل “إنسان مميز” فوق القوانين، كيما قال: الغاية تبرّر الوسيلة. هنا تبدأ الفكرة تولّي فلسفة، مش غير مبرّر نفسي. بزّاف ناس عبر التاريخ تبنّاو هاد العقيدة doctrine “الغاية تبرر الوسيلة”.</p><p>ومن بين أشهر اللي جسّدها هو <strong>ماكيافيلي</strong> لي شاف باللي من أجل استقرار الدولة وبقاء السلطة، لازم أحياناً الواحد يلعب بالعقول، ويستعمل العنف والتلاعب. بالنسبة ليه، الأخلاق شيء نسبي، والسياسة ما تمشيش بالنية، تمشي بالنتائج لكن كي نروحوا ل<strong>هوبز</strong>، نلقاو وجه آخر لنفس الفكرة. هو يتّفق مع ماكيافيلي فأن الإنسان محتاج سلطة قوية باش ما يرجعش للفوضى، بصح الوسيلة تختلف: هوبز ما يشوفش السلام يجي بالمكر، بل بالقانون، بالنظام اللي يضمن الأمن للجميع.وهنا، بين راسكولنيكوف اللي برّر القتل باسم “الغاية النبيلة”، وماكيافيلي اللي برّر العنف باسم “بقاء الدولة”، وهوبز اللي حوس على السلام بالقانون….نلقاو سؤال مشترك يطرّح نفسو: زعما نقدرو نبرّرو الشر إذا كانت النية خير؟ ولا كل شرّ، مهما كان الغرض، يبقى شرّ؟ هنا تولّي الفكرة تتجاوز السياسة وتدخل فالأخلاق. بزّاف مدارس حاولت تجاوب: منهم <strong>النفعيين</strong> اللي يشوفو باللي القيمة الحقيقية لأي فعل هي في نتائجو، يعني إذا النتيجة فيها خير أكثر من الشر و يحقق سعادة و ينقص المعاناة إذا فالوسيلة تولّي مقبولة.</p><p>لكن <strong>كانط</strong> جا يعارضهم، وقال العكس تماماً: ما نقدروش نغضّو البصر على الوسيلة مهما كانت الغاية نبيلة. لأن الفعل في حد ذاتو هو اللي يحدّد أخلاق الإنسان، مش النتيجة. <strong>روبرت نوزيك</strong> انتقد الhedonism ؛ الفكرة ان ‘’ السعادة ‘’ او ‘’ المتعة ‘’ هي الغاية الأعلى للإنسان. وهنا نرجعو لنفس الصراع اللي بدا مع راسكولنيكوف: إلى أي حد نقدر نبرّرو الشرّ إذا كان يؤدي إلى الخير؟ وهل فعلاً كاين شي اسمو “شرّ لا بدّ منه”، ولا هو مجرد تبرير نخترعوه باش نرتاحو ضميرياً؟بصح الناس ڤع كيما راسكولنيكوف ،يشوفو الشر و يقنعو رواحهم بلي هو فيه خير؟</p><p>الناس يقدرو يتعوّدو الشرّ إذا تكرّر وقدّموه على أنه لصالِح أكبر. كاين طرق كثيرة باش الواحد يتخلى على حسّه الأخلاقي: <strong>الخوف</strong> …الخوف ماشي غير شعور هو ميكانيزم بقاء بيولوجي الذي يتم معاجته في مركزه الاميغدالا . كي تحس بالخوف <strong>الأميغدالا</strong> تغلب <strong>الprefrontal cortex</strong> المسؤول عن التفكير المنطقي و العقلاني تولي تحوس تحمي نفسك و فقط. كي تقول للناس ‘’ أيادي خارجية ‘’ و ‘’ الفوضى ‘’ رح يشجعو العنف غير علجال الاحساس بالأمان . و تبدأ <strong>البروباغاندا</strong> الي خدمتها تبسيط التعقيدات الاخلاقية و تكرر كلمات مثل الدفاع ، الشرف ،النظام …كلمات مدلدقة بالأخلاق لكنها تحمل في طياتها العنف و الاضطهاد. مخنا مبرمج على العيش في قبائل و حماية هذه القبيلة واجب إذا عند وقت الضغط رح يلقاو مبررات للعنف و الشر ، يسقط التعاطف و يجرد ‘’ الآخرين’’ من الإنسانية و تخلق echo chambers و يعيشو داخل cognitive dissonance لي يخليهم يقولو ‘’ هذا الشر ضروري ‘’ يولي عندهم تفوق اخلاقي و يحسو بالإستثنائية؛تسقط القواعد في مصلحتهم. او مثل ما وصفته <strong>حنه آرندت</strong> ب ‘’ بلاهة الشر ‘’ الناس العاديين راح يبسطو الشر و يشوفو رواحهم حشيشة طالبة معيشة و هوما راهم يديرو في خدمتهم برك و الخبزة و راك تعرف النتيجة سوف تعفو عن الفعل و الوسيلة . الكثير من المجتمعات تنورماليزي هاذ الشر من اجل التقدم و الاستقرار. ‘’ we have made peace with evil as long as it keeps our lives convenient ‘’ هيه القنابل النووية ماشي مليحة ؟ كيفاش تدير السلام؟ يجب منع التجارب على الحيوانات؟ شكون حياته اهم الإنسان ام الحيوان؟ عليمن نجربو الدواء إذا يشفي وليدك لي راه مريض ؟ حياة فأر أغلى منه؟ الرقابة ماشي لازم !! كيفاش نحافظو على الحقيقة ؟ الضرائب ضروريين لأجل المجتمع …….</p><p>لكن قبل ما نعطيو الضوء الأخضر للوسيلة، لازم نوقف و نسقسيو وش هي الغاية الحقيقية؟ هل الغاية عامة وتعود بالنفع على الجميع، ولا هي فائدة لجهة معيّنة :عائلتي، جماعتنا، دولتنا؟ وشكون رايح يتضرر؟ هل الناس المشاركين عندهم مصلحة مشروعة ولا هم مجرد أدوات؟ لازم نقيّمو طبيعة الوسيلة: هل فيها عنف دائم ولا فيها تلاعب نفسي وتطبيع للقمع؟ كاين بدائل أقل ضررا؟ عن يمكن التراجع عن الإجراء لو ثبت خطأه؟ هل الضرر الناتج أقل من الخير المتوقع؟ هل المتأثرين عندهم صوت؟</p><p><strong>في الإسلام</strong> توجد آليات فقهية وأخلاقية تخلّينا نحكمو إذا كان شيء يُسمّى “شرّ لازم” يجوز ولا لا. المبدأ المشهور في الفقه يقول: “الضرورات تبيح المحظورات” وقوله تعالى : (وَقَدْ فَصَّلَ لَكُمْ مَا حَرَّمَ عَلَيْكُمْ إِلاَّ مَا اضْطُرِرْتُمْ إِلَيْهِ) الأنعام/119 يعني في حالات قصوى يقدر الحاكم أو الفرد يتجاوز أمر ممنوع لو لزم لتفادي هلاك أكبر. لكن هذي القاعدة ما تعنيش أنه الكل مسموح يروح يبرّر الوسائل؛ هناك شروط وضوابط دقيقة: أولاً، الغاية لازم تكون حقاً درء مفسدة (تفادي الهلاك أو الفساد الكبير)، ما تكونش لمصالح ضيقة أو مكاسب فئوية. ثانياً، الوسيلة لازم تكون أقل أذى ممكن لا نختار حل يولّد مفسدة أكبر من اللي نحاولو نتجنبو. ثالثاً، النية مركزية: الفعل لازم يكون بقصد الحفظ والتخفيف، مش بقصد التمكين أو الاستئثار بالمنفعة. رابعاً، الفقه الإسلامي يعلّمنا قاعدة أساسية: درء المفاسد مقدم على جلب المصالح – يعني نتفادا الضرر قبل ما نجري ورا منفعة. خامساً، الحقوق والكرامة الإنسانية لازم تبقى ضمن الاعتبار؛ ما نستخدمش الوسائل اللي تنسف كرامة الناس أو تحطّهم تحت الاستبداد باسم “الضرورة”.بالمختصر: ما يكفيش نقولو “الغاية تبرّر الوسيلة” ولا “الضرورة تبيح المحظورات” بلا ما نجرّبو الميزان. التقدّم الإنساني يحتاج توازن بين الهدف والوسيلة. و ماشي ‘’ لوكان مدرتهاش أنا لوكان دارها إنسان آخر ‘’ . الخير و النهايات الجيدة منقدروش نديروها بوسائل شريرة منقدروش الفصل بينهم. الوسائل المستعملة هي التي تقرر طبيعة الأهداف المنتجة. القسوة تجيب القسوة، والعنف ما يولّد غير الطغيان.منقدروش نصنع utopia من خلال العنف و الإضطهاد.</p><p>في النهاية، لما نحكيو على “الشرّ الضروري”، ما نحكيوش فقط على قرارات الحكّام ولا على الفلاسفة اللي برّروا العنف باسم الغاية. نحكيو أيضاً على الشرّ الإنساني اليومي الشرّ اللي ما يدمّرش، بل يعلّم و نحتاجو une dose منو. الشرّ اللي نعيشوه باش نفهموا أنفسنا، ونصقلوا أرواحنا و نديرو بيه character development. في السياسة والفكر، شفنا كيف “الغاية تبرّر الوسيلة” ممكن تولّي فخّ خطير، تفتح باب التلاعب والاستبداد. لكن في الحياة اليومية، كاين شرور صغيرة لازمنا نتقبلوها وعياً بأنها جزء من معادلة التوازن. لازمنا شويةEgo باش نحمي رواحنا، لازمنا شوية معاناة باش نحسّوا بقيمة الراحة، لازمنا شوية وحدة باش نعرفوا قيمة الآخرين.الحياة ماشي كحلة بيضة.الخير والشر ماشي خطين متوازيين، بل متداخلين في لوحة واحدة. الله خلق التناقضات باش الإنسان يتعلّم منها، ويعرف يفرّق، ويتحمل مسؤولية اختياره. ولهذا “الشر الضروري” ما يكونش مبرّر للظلم، بل أداة وعي تخلينا نفهموا أن النور ما يبانش إلا بظلّه، وأن النضج الحقيقي يبدأ وقت ما نتعلّم نعيش وسط التعقيد، بلا ما نبرّر القسوة، وبلا ما نهرب من الحقيقة.</p><img src="https://medium.com/_/stat?event=post.clientViewed&referrerSource=full_rss&postId=467ec4b318d1" width="1" height="1" alt="">]]></content:encoded>
        </item>
        <item>
            <title><![CDATA[Let them eat cake -كولو الطاكوس]]></title>
            <link>https://medium.com/@bubuchkarahadra/let-them-eat-cake-%D9%83%D9%88%D9%84%D9%88-%D8%A7%D9%84%D8%B7%D8%A7%D9%83%D9%88%D8%B3-d78d0152ff3c?source=rss-9712a73478b2------2</link>
            <guid isPermaLink="false">https://medium.com/p/d78d0152ff3c</guid>
            <dc:creator><![CDATA[Bubuuush]]></dc:creator>
            <pubDate>Sun, 17 Aug 2025 16:18:05 GMT</pubDate>
            <atom:updated>2025-08-17T16:20:03.666Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/585/1*LG_lFIjUjeb_qczIeO3e9Q@2x.jpeg" /></figure><p>في مدة قصيرة عشنا كجزائريين حادثتين خلاو أثر كبير على الرأي العام : الأولى لرجل لي تم الاعتداء عليه في وضح النهار وين ظهرت ‘’ لامبالاة ‘’ المحيطين الذين لم يتدخلو لإنقاذه و نشوفو حكم الرأي العام بالمتفرجين على انهم ‘’ ماشي رجال ‘’ و ‘’وين راهي الأخلاق ‘’ و اتفهم ان التسرع في قول ان الأخلاق انهارت لا يرتبط بهذه الحادثة فقط بل هو نتيجة تراكمات من إحباطات وخيبات نحن نعيشها بسبب مواضيع كثيرة لي راهي في الواجهة mainstreamed. منغطيوش الشمس بالغربال ، أغلبيتنا نتفق بلي رانا on avance en arrière. لأكون منصفة، هناك تأثير يدعى the bystander effect لي هي ظاهرة نفسية تخلي الناس اقل ميلا لمساعدة شخص محتاج عندما يكون أشخاص اخرين حاضرين ، يتم تحميل و توزيع المسؤولية عليهم و يخمو بلي كاين انسان آخر رح يتدخل. علابيها من المهم ديما نتفكرو بلي نسحقو انسان واحد يدير خطوة و رح يتبعه الآخرين.كان الموقف يحتاج شخص واحد شجاع كفاية يتدخل و رح يفتح المجال للآخرين . و في هذا الأسبوع شفنا حادثة الحافلة التي سقطت في واد الحراش و شفنا الأشخاص الذين لم يترددوا في القفز وراء الحافلة لإنقاذ الراكبين . معنديش كلمات تعبر عن بطوليتهم و عن اخلاقهم نشوفها the zenith of morality &amp; freedom . هادي هي أسمى درجات الأخلاق . تضحي بروحك من اجل ان تنقذ روح. هاد الناس الأبطال لم يقبلو انهم يكونو Bystander دخلو بصدرهم من اجل المساعدة لي تخليك تقول مزال الخير في ولاد بلادي و هنا لازم نحبسو و نقولو هناك ما يجب اصلاحه نعم بصح لا يجب ان نعمم مزال الحال . The bystander effect لا يعني سقوط الأخلاق ،في غالب الأحيان يكون على حساب الموقف: كاين شخص في موقف يكون بارد و موقف آخر يسخن و يدير حركة. هذا التأثير يكشف لنا نقص في الشجاعة اكثر من نقص في الأخلاق لي يقدرو يكونو كاينين (تحب الخير ) بصح تنقص الشجاعة لي تخليها تبان. نحن بشر تحكمنا غريزتنا للبقاء و نمدو اولوية للقرارات لسلامتنا الشخصية و هذا بالضبط لي يخلي تصرف مثل القفز في الواد حاجة ماشي عادية و بطولية لانها تتطلب شجاعة كبيرة و يتجاوز حدود الطبيعي الذي هو البقاء . و السؤال هل يجب ان نتوقع هذه التضحية &quot;واجب يومي ‘’ ؟ هكا تولي ماشي بطولة و شيء غير استثنائي و لا يجب ان نحتفل به لأنه العادي. او مذابينا على الأقل نشوفو الحد الادنى من التضامن وين الناس يتصلو بالشرطة،يسجلون فيديو و يصورو المعتدين ؟</p><p>هاذ التوقع لي عندنا من شعبنا وليت نحسو شوية out of touch شغل كيما ماري أنطوانيت كي قالولها الناس معندهمش الخبز قاتلهم قلهم يأكلو الكعك let them eat cake هي المقولة تم تفنيدها لكن ممتازة من اجل هاذ التشبيه. أنا إنسانة أؤمن ان جوهر وحجر الأساس لحياة كريمة و حضارة و تطور و مجتمع ذو أخلاق عالية هو ‘’ الاقتصاد ‘’. نحسها تنوفيق انه نطلب من الناس انه يكونو ‘’ عندهم أخلاق اكثر ‘’ و لازم يكون عندهم ‘’ قيم و مبادئ’’ و هم الأغلبية ماشي شبعانين . منقدرش نطلب من انسان جيعان ان يكون بطل اخلاقي .منقدرش نطلب من انسان يكون نشط في المجتمع ، ملم بالمشهد السياسي ،مطلع على العالم و العلم ، منخرط في الجمعيات و مبدع و هو ماشي شبعان و محروم هذا شيء غير واقعي .انا أؤمن ان المجتمع لا يزدهر إلا إذا كان الناس يملكون الأساس الذي هو الأمن و الكرامة و الاستقال المادي. مراحش تكون عندك حرية سياسية و اجتماعية إذا متوفرتش الحرية الاقتصادية لأنه الدراهم يجيبولك access و تشري صوت الجائع و مبادئه . و ميقدرش يكون كاين نظام تعليمي ممتاز بدون اقتصاد ممتاز. أؤمن بعبارة ‘’ كي تشبع الكرش تقول للرأس غني ‘’ خليهم يشبعو و ياكلو الجاج و اللحم و يخرجو برا يلقاو بلايص شابين و هندسة تع بنايات شابة و يركبو في وسائل نقل لي تحترم كرامتهم و بنية تحتية جيدة يدخل لدار علابالو كاين الماء باش يدوش و كي يخدم مليح و يحب يحوس خارج البلد يقدر يجيب الفيزا و عنده تسهيلات تماك يولي يخمم باش يلحق لself actualisation تع موسلو و يوليÜbermensch تع نيتشه و يخرجولك الفنانين و نولو نحبو الجمال و نولو نحبو الاشياء الجمالية في هذا العالم لأننا ببساطة we can afford to و تجاوزنا مرحلة الأكل و الشرب فقط .بدون اقتصاد جيد تزيد الجريمة و تزيد التجاوزات الغير الأخلاقية و تزيد الحقرة و يولي الانسان يحب يهرب و يتجه نحو تعاطي المخدرات و الاباحية . اؤمن ان الحرية و الفضيلة تنمو على أرضية الرفاهية الاقتصادية. عندنا ابن خلدون في مقدمته يقول لك ان الأخلاق لا تنبت في ارض قاحلة و لازم اقتصاد جيد من اجل تنمية العمران البشري و يولي عندنا الحرية و نتخلص من الفقر الذي يعيق الفضيلة و يوافقه الكواكبي في هذا الفكر لي يقلك بلي الاستبداد ينتج لنا الفقر و الفقر يقلب القيم و يولي الكذب فضيلة و التذلل حكمة و الحرية عبث و المفكران الاثنان يدعوان إلى التوازن بين الراحة الاقتصادية و الترف لأن الأخير ايضا يولد انحرافاته الخاصة به و منقدروش نبنو اقتصاد و نتجاهل ‘’ الإنسان ‘’ لي هو مشروع النهضة بحد ذاته و مذابينا نبنيو إنسان واعي و ذو قيم ماشي غير عنده اقتصاد مليح و ‘’ مستهلك ‘’. شاهيناز و محمود نحو صباعتيكم من le clavier علابالي راكم تكتبو باش تقولولي بلي راني اعمم و اختزل ظاهرة معقدة كيما الأخلاق في سبب واحد فإرتاحوا منيش نقول هكا ! أنا لا الغي ان التربية ، التعليم ، الدين و الثقافة يصقلون فكر الناس و اخلاقهم ! أنا لا الغي التعددية في الأسباب لكن اركز هنا على الاقتصاد على انه حجر الأساس و اؤمن ان هناك عوامل اخرى أساسية و مهمة تساعد على نهوض المجتمع . و لا أتجاهل ان هناك الكثير من الأشخاص لي معندهمش راحة اقتصادية و لكن عندهم أخلاق عالية و يتحلون بالفضيلة ! لكن هؤلاء يمثلون الاستثناء و هو استثناء بطولي و ربي يجازيهم على صبرهم و على ضبط نفسهم و لكن يجب ان يتواجد نظام عادل يقلل الفوارق باش تولي الفضيلة خيار في المتناول و سهل ماشي بطولة فردية .كيما انسان غني جدا ايضا يمكن ان يقع في العديد من المواقف الغير اخلاقية و و يقرر انه يدير قرار تجره الفضلية لان الفقر و الغنى الاثنان فتنة …..بصح الفقر هو فتنة اكثر قساوة لانه يضاعف الاختبار و يضعف الحصانة الأخلاقية و يعرضك اكثر للانحراف . بالدراهم you can afford to know Better.</p><p>وش راني نكتب ماشي تبرير لعقلية ‘’ الزوالي ‘’ بل أريد تقديم شرح لها كتيار معاكس للهجوم الذي تتلقاه هذه الكلمة. نعم ، اتفهم انها تستعمل كذريعة تبرير للعديد من الجرائم و الاعتداءات . هناك فرق بين انك تفهم جذور شيء ما و انك ‘’تعذره‘’ أنا أؤمن ان هناك مسؤولية أخلاقية فردية لا تلغيهاالظروف و لا ادعمweaponized incompetence للتهرب من المسؤولية و الاحتماء وراء اعذار مصطنعة وأنا اؤمن ان الإنسان مطالب من قبل ربه ان يتحلى بالفضيلة مهما كانت ضروفه لازم تجاهد نفسك و تهذبها و لا تتخذ اي اعذار لهفواتك لكن هل هذا النوع تع الانسان الفقير التقي الصبور هو the norm ؟ هل هذه القاعدة ام الاستثناء ؟ هل لهذا يطلب الإسلام نظاما اقتصاديا عادلا حتى لا تصبح الفضلية شيء خيالي و فوق طاقة البشر؟ هل لهذا فرضت الزكاة و التكافل و تحريم الربا لكي نقلل الفوارق الاقتصادية و الاجتماعية و ضمان كرامة الانسان ؟ الفضلية لا تصبح خيالا إلا إذا غابت العدالة الاقتصادية.ماذابينا نعيشو في رفاهية اقتصادية لي تخليني كي نشوف بشاعة نقول كيما قال اللاز في البطحة ‘’ نتوما كوافا متتقدمو متتطورو رحتي لسيدي يحي ؟ مارحتيش. كليتي الطاكوس ؟ حق ربي ماكليتيه ‘’ بصح الواقع يقول بلي منقدرش اطلب من الناس أسمى درجات الفضيلة و التحلاب و حتان تتحرك الحالة.</p><p>أنا لا أدعي أنا كلامي هو الحقيقة المطلقة و مانيش غالقة رأسي تسما مذابيا نسمع رأيكم في هذا الموضوع و تشاركوني افكاركم 🫶</p><img src="https://medium.com/_/stat?event=post.clientViewed&referrerSource=full_rss&postId=d78d0152ff3c" width="1" height="1" alt="">]]></content:encoded>
        </item>
        <item>
            <title><![CDATA[قلبك أو عقلك ؟]]></title>
            <link>https://medium.com/@bubuchkarahadra/%D9%82%D9%84%D8%A8%D9%83-%D8%A3%D9%88-%D8%B9%D9%82%D9%84%D9%83-48f168bc8c77?source=rss-9712a73478b2------2</link>
            <guid isPermaLink="false">https://medium.com/p/48f168bc8c77</guid>
            <dc:creator><![CDATA[Bubuuush]]></dc:creator>
            <pubDate>Tue, 12 Aug 2025 19:28:09 GMT</pubDate>
            <atom:updated>2025-08-12T19:32:12.579Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/360/1*KoRad1feh6wdCXT9GvtPgA@2x.jpeg" /></figure><p>أعظم مسلسل شفته في حياتي هو <strong>Yargi</strong> <strong>القضاء</strong>.هو مساحة مفتوحة للأسئلة الكبرى التي شغلت الفلاسفة قرونا: ما هي العدالة؟ هل الغاية تبرر الوسيلة؟ هل القانون مطلق أم نسبي؟ وإلى أي مدى يمكن أن نقايض الحقيقة بالعاطفة؟</p><p>و حبيت نتكلم عن شخصية <strong>إيلغاز</strong> مدعي عام procureur و زوجته <strong>جيلين</strong> المحامية المتمردة لي نشوفها أعظم شخصية نسوية على الإطلاق.أحب الشخصيات المعقدة ، المربكة ، التي تكسر التوقعات و تفرض عليك تحديا صريحا. تخليك تصارع نفسك و مبادئك فتجد نفسك ممزقا بين حبها و كراهيتها.شخصية تستفزك بقدر ما تستعطفك و تضعك في صراع حاد بين عاطفتك و منطق عقلك ، بين المثالية و الواقعية . نحب هاذ النوع من الشخصيات لي أشوف فيها إنسان حقيقي بكل تناقضاته و ألوانه ، لا هو شيطان و لا هو ملاك بل إنسان و فقط تذكرني بأغنية تركية اسمها Hayat Gibi لي يقول فيها : عديمة الشفقة ، متمردة ، عديمة الوفاء ، تحبين الرياء … بريئة و مذنبة … <strong>مثل الحياة.</strong></p><p>في هذا المسلسل تم تناول مفهوم ‘’ العدالة ‘’ ليبينو لنا ان العدالة ليست فكرة واحدة بل هي مفهوم متشعب يتغير مع الزمان و المكان و في كل حلقة تجد نفسك أمام قرار أخلاقي تارة تقول ‘’ معليش خليها تخرق القانون ‘’ و تارة تقول ‘’ لا يجب خرق القانون إيلغاز عنده حق ‘’ علاقة هاذ الزوجين تجسد اصطدام لفلسفتين أخلاقيتين . <strong>جيلين</strong> ترى ان العدالة كائن حي يتم تكييفه حسب الموقف اما <strong>إيلغاز</strong> يراها كصرح ثابت صارم لا يتغير.هما نقيضين لا يلغيان بعضهما البعض و لي نشوفها أجمل شيء ❤️مثل ما تقول جيلين<strong> هي اللون الأسود و هو اللون الابيض .</strong></p><p><strong>جيلين</strong> محامية بارعة و شرسة في الدفاع عن من تحب تجسد التناقض البشري في أنقى صوره و روح الفلسفة <strong>النفعية utilitarianism</strong> كما صاغها <strong>جون</strong> <strong>ستيوارت</strong> <strong>ميل</strong> : تقيم القرار و الفعل على قدر السعادة التي ينتجها و تقليل المعاناة قدر الإمكان . Maximizing happiness &amp; minimizing suffering. لا يهمها ان كان الطريق إلى هذه السعادة مليئا بالمنعطفات الأخلاقية مادام الهدف نبيلا و هو تخفيف الألم او تنقذ حياة .انت تشوف بلي قرارتها متهورة و مستفزة جدا لكن عندما تشرح عن دوافعها في حواراتها مع ايلغاز او صديقها ايران، تفهم وجعها و الجرح العميق الذي يحركها و العدالة التي تؤمن بها بقلبها قبل عقلها . هي تشوف ان القانون اذا جُرّد من الرحمة قد يصبح ظلما و تحاول ان تجبر ايلغاز على اعادة التفكير في مفاهيمه حول العدالة ، الحقيقة و الثقة و ان هناك مواقف يجب ان نكسر فيها القوانين. مثلا ‘’ الكذب’’ في رأي الفلسفة النفعية ان كنت ستكذب لتنقذ نفسك او تساعد شخص و هذا ينتج منه السعادة و يقلل المعاناة إذا هو مسموح.</p><p>إيلغاز كأنه خرج من كتب. إيمانويل كانط و فلسفتهDeontology . إيمانه بالواجب ثابت لا يتزحزح، ومفهومه للعدالة مرتبط بالالتزام الصارم بالقانون. بغض النظر عن العواقب. بالنسبة له القوانين والمبادئ ليست مجرد أدوات بل أعمدة تحافظ على توازن المجتمع. إن خُرقت هذه الأعمدة حتى ولو لسبب نبيل ،فإن البناء كله مهدد بالانهيار. إيلغاز يرفض أن يبيع مبدأ مقابل نتيجة، لأنه يرى أن العدالة الحقيقية لا يمكن أن تقوم على استثناءات فردية حتى و لو أخوه و حتى و لو أعز شخص في حياته.القانون فوق الجميع. كانط يستعمل كحجة مبدأ التعميم universalizeit. ماذا لو جميع الناس قامو بهذا الفعل the maxim ? كيف يصبح العالم ؟ ماذا لو نصبح كلنا نكذب ؟ تختفي الثقة و يسقط التواصل. إذن الكذب غير مسموح تحت اي ظرف</p><p>مع ذلك ارى أنهما يلتقيان في أرض مشتركة مستمدة من <strong>أخلاق</strong> <strong>الفضائل</strong> <strong>virtue</strong> <strong>ethics</strong> عند <strong>أرسطو</strong> حين يغيران السؤال الأخلاقي و يطرحان السؤال العميق ‘’ اي نوع من الأشخاص سيجعلني هذا القرار ؟ ‘’ و الفكرة هنا ان الأخلاق ليست فقط عن القوانين و النتائج بل عن تشكيل شخصية الإنسان و بناء الفضائل على المدى الطويل . و هنا رح تختار أسمى فضيلة لي تحب تشكل شخصيتك و تأثر على قراراتك .هل ترى ان الصدق و الوفاء أسمى نوع فضائل ؟ هل التضحية من أجل من تحب ؟ و الهدف هنا ليس الوصول إلى فعل صحيح ام خاطئ بل ان تتصرف بالفضائل لي تخليك تعيش حياة مزدهرة Eudaemonia و هاذي الفلسفة متوكلش الخبز لانها ليست فاصلة و تسمح بتعدد الرؤى حول مواضيع و معضلات أخلاقية (كل واحد يعوم بحره).</p><p><strong>جيلين</strong> في واحد من أجمل حواراتها تقول أنها تشبه اسماك اللوتس لانهم لا يملكون جذور مثلها أينما يحملهم و ينقلهم الماء يذهبون معه. فوضوية و تفعل ما يخطر ببالها. هي مشبعة بالظلام و <strong>إلغاز</strong> مشبع بالنور و ظلامها سيبتلعه و يلوثه لان <strong>الأسود يبتلع اللون الأبيض دائما</strong>. و هذا التصوير الرمزي يبين لنا أنهما لا يختلفان فقط في الاراء بل هما في صراع دائم و معركة مستمرة بين النقاء الأخلاقي و التعقيدات الإنسانية. نحن كبشر معقدون و حياتنا الاخلاقية متقلبة و ليست ثابتة ، هي توتر دائم بين واجباتنا و النتائج . احيانا نكون نفعيين و أحيان اخرى كانطين لأننا ببساطة هذا العالم ليس بعالم كامل.</p><img src="https://medium.com/_/stat?event=post.clientViewed&referrerSource=full_rss&postId=48f168bc8c77" width="1" height="1" alt="">]]></content:encoded>
        </item>
        <item>
            <title><![CDATA[الواد دايني و أنا نقول محلاها العومة .]]></title>
            <link>https://medium.com/@bubuchkarahadra/%D8%A7%D9%84%D9%88%D8%A7%D8%AF-%D8%AF%D8%A7%D9%8A%D9%86%D9%8A-%D9%88-%D8%A3%D9%86%D8%A7-%D9%86%D9%82%D9%88%D9%84-%D9%85%D8%AD%D9%84%D8%A7%D9%87%D8%A7-%D8%A7%D9%84%D8%B9%D9%88%D9%85%D8%A9-0e1656bc2e02?source=rss-9712a73478b2------2</link>
            <guid isPermaLink="false">https://medium.com/p/0e1656bc2e02</guid>
            <dc:creator><![CDATA[Bubuuush]]></dc:creator>
            <pubDate>Wed, 30 Jul 2025 12:17:32 GMT</pubDate>
            <atom:updated>2025-07-30T12:17:32.066Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/338/1*NHKXFLf-g9z-_ItO535JWg@2x.jpeg" /></figure><p>خويا ChatGPT اكتبلي تشوف فقرة صغيرة. نبدأ بيها هاذ المقال باسكو لوكان نهدر أنا رح نخلطها و أضخم الأحوال و نقول بلي لي دار علاقة دارها بكري و من و جاي رح تزيد تتخلط و العلاقات ينقرضو و نولو قع des robots غير متوفر عاطفيا😗 . بالطبع، إليك ترجمة عربية بأسلوب شعري وراقي يحافظ على المعنى العميق:’’ كان الحب ذات يوم فعلَ عطاءٍ هادئ، فعلَ بقاء، وفعلَ حضورٍ في صمتٍ حين لا يرانا أحد. أما اليوم، فقد أصبحت العلاقات أشبه بالمرايا لا بالنوافذ – نبحث فيها عن انعكاسات أنفسنا، لا عن نوافذ نطلّ بها على أرواح الآخرين.’’ . شاااااااااابة *بصوت تع اللاز*</p><p><strong>مواقع التواصل :</strong></p><p>مواقع التواصل بدلت ديناميكية العلاقات.ولينا نشوفو عدد هائل من الناس ؛ الشيء لي مخنا ليس متعود عليه اطلاقاً. أجدادنا كانو يشوفو غير ولاد حومتهم ، دشرتهم … كاين دشر لي فيهم غير ولاد عم تع عائلة واحدة كبيرة . اليوم ولينا بقفلة تصيب ملايين الناس و تمدلك ‘’ وهم الوفرة في الناس ‘’ كيفاش نقدر نشرح هذه الفكرة همممم🤔🤔 وفرة الناس حاجة مليحة باش الانسان ميقعدش يجري وراء ناس أذاوه لكن ماشي مليحة كي نتباناوها كأسلوب حياة باش منديرو حتى مجهود في علاقاتنا و لا نقدر الناس لي عندنا في حياتنا و منقدروش نديرو قرار يجينا الطمع نقولو نقدر نكون معا هذا و هذا و هذا. و من أول مشكل نقولو خلاص NEEXT. حنا بشر ماشي سلعة شيء لي يتبدل و نغيروه بسرعة. العقلية الاستهلاكية ملازمش تولي في البشر تان لازم رزانة و تقدير .ولينا نشوفو أنواع مختلفة من العلاقات التي تأثر علينا. و تخليك تقارن و تشوف بلي الناس عايشين علاقات مثالية و تعليلك سقف التوقعات و تسبب لك عدم رضا.الخيانة ولات أسهل و لا تتطلب مجهود كبير، أبعث مساج سوبريميه راح الدليل.شيء آخر ظهر مع مواقع التواصل و الفيديوهات القصيرة هو الوعي الكبير بالجانب النفسي و كيف تختار شريك حياتك. و هذا سلاح ذو حدين.حاجة مليحة كي نحطو أسماء على سلوكيات معينة باش تساعدنا نفهموها أكثر و نحسو بلي وش جوزنا هو شيء يتشارك فيه العديد من الناس.حتى مع العائلات و خالاتنا و عماتنا ولينا نستعملو كلمات مثل صدمة نفسية و جرح طفولة و التشافي . من جهة أخرى ولاو كاين بزاف نصائح و تحولت علاقات لي كان فيها مساحة من العفوية إلى ساحة استجواب و تحاليل . لا يمكنك ان تكون انسان عفوي لأنه يتم دراستك. كيفاش تتعامل في هاذ الموقف ؟ هل انت emotionally available؟ آآه مشاكل التعلق ! كيفاش يعبر عن مشاعره ؟ اومبعد نبداو التصنيف تع ‘’ بدون وعي ‘’ ‘’ toxic ‘’ Red flag 🚩 لازم ديما يتصرف بمثالية …. و خاصة مع الخوارزميات لي تبعتلك نفس المحتوى,تولي تحوس على شخص يشبه لواش قالولك في تيكتوك و إنستغرام .انسان يوافق المحتوى الذي استهلكناه ‘’ مؤخرا ‘’ في هذيك السمانة ☺️ باسكو رانا نشوفو بزاف TROP . و هذا يلغي تماما كون الانسان معقد ، فيه طبقات ، العلاقة فيها تدرج ، فوضى ، غموض ، تداخلات ، خطأ ، تسامح ، بداية جديدة …. . الوعي هو وسيلة للمصالحة مع الذات و ماشي باش نولو des robots عندنا Data و نديرو تقييمات و نتصرفو كيما تم برمجتنا.نهدرو هدرة وحدة و نولو أطباء نفسيين نديرو des diagnostiques للناس لي نحبوهم .</p><p><strong>الدوبامين dopamine :</strong></p><p>الدوبامين هو ناقل عصبي المسؤول عن المتعة و التحفيز ، بناء عادة ، يعدل المزاج ، أخذ القرار ، التركيز و الادمان . يتم إفرازه ماشي غير كي نحصل على المتعة بل عندما نسعى اليها the anticipation . هو لي يخليك تدير شيء ما و تكمل فيه خاصة باش تحصل على هذاك الشعور الجميل تع المتعة. الدوبامين عنده دور كبير في العلاقات ( صداقة او حميمية ) كي نتلاقاو ناس و اي حاجة نديروها معاهم لأول مرة تديرلنا إفراز عالي في الدوبامين ؛ أول رسالة ، أول كلمة طيبة ، أول سر تشاركونه مع بعضكم علابيها البدايات يكونو شابين و نولو قريب مدمنين على هذا الشخص.و الناس لي يكون عندهم ‘’ تعاطف ‘’ أو ‘’ حساسين ، او كي كانو صغار كان يجيهم اهتمام غير منتظم ، او تعرضو للرفض او التخلي يجيهم هاد الإفراز شباب بزيادة لانهم يحسون انهم مرغوب فيهم . و علابيها تجي صعيبة تتخلى عن هاذ الأشخاص لي تسببوا باندفاع كبير في الدوبامين لانك كانو يحفزوه بزاف و كي تحس مستواه اصبح منخفض تولي تحوس عليهم لانك ادمنت على هذاك الاندفاع و الشعور بالأمان . إذا اصبح لديك مدة انتباه قصيرة short attention span و من لي تنوض و انت scroll و تسمع موسيقى و تشرب قهوة و تأكل سكريات و تدير أشياء لي تديرلك إشباع فوري للدوبامين رح يصرالك احتراق للدوبامين و هاذا سبب رئيسي ل ‘’ لماذا ‘’ الناس ولاو ميحبوش بزاف العلاقات و لا يتحمسون لها لانهم ديما يحسو بلي تجيب غير الألم . بكري إذا تشفاو كان الحب و الزواج شيء جد محبوب و حلم جميل جدا كان في وقت وين معندكش بزاف محفزات الدوبامين الاصطناعية . يعني كان الناس بكل طاقتهم حتان الشاب وحيد و هواري منار دارو الغنية تع ‘’ يا مرا ‘’ هديك تتطلب تركيز و جهد في التعبير ماشي كيما اليوم نرضاو ب شاب مومو يكتب جملة وحدة مفهومة نحسوها واو 😯 الإنسان اليوم ولات طيحلو la batterie تع الدوبامين و تبانلو الكلام مع الشخص ، التواصل، العمل معا لجعل العلاقة تمشي ،الاعتذار ، الصبر ، المفاهمة … هادو قع شيء جد مرهق و من الأفضل تفاديه .مدام هدرت على ناقل عصبي لازم عليا أذكر ‘’ أوكسيتوسين Oxytocin ‘’ . هو لي يعيطولو هرمون الحب ، يلعب دور أساسي في الثقة ، التعاطف ، الترابط و الشعور بالأمان . هو لي يخلينا مرتاحين مع الشريك . يتم إفرازه عن الطريق التلامس الجسدي و حتى التواصل البصري eye contact ، التكلم من خلال مواقع التواصل خلف الشاشات لا يفرز الاوكسيتوسين. Oxytocin يفرز اكثر عند النساء بسبب هرمون الاستروجين . و يفرز بغزارة عند الولادة و رضاعة الأطفال و هو لي يخلي النساء تتأثر أكثر بالارتباط العاطفي . و الرجال عندهم vasopressin لي يزيدلهم الإحساس بالحماية ، العدوانية لحماية من يحب و الرغبة في حماية son territoire. و الدراسات تقول بلي الإفراط في تحفيز الدوبامين يأثر على حساسية الدماغ تجاه عمليات الترابط العميقة والبطيئة مثل هاذ الهرمونين و لي تدير صعوبة في الحفاظ على الانجذاب طويل الأمد، فقدان الإشباع في العلاقات المستقرة، وانفصال عاطفي تدريجي.</p><p><strong>الحكاية لي راني نقولها لروحي :</strong></p><p>عندها بزاف سمعت الكاتبة Brene brown كانت تحكي بلي وحد النهار راحو رحلة عائلية هي ، زوجها و أولادهم. عند وحد البحيرة و كي دخلت تعوم. هي و راجلها بدأت تقولو بلي هي تقدر الوقت لي راهم يجوزو فيه و بلي راهي فرحانة و هو مكانش يستجيب لها كان زابط وجهو. و كانت تحس بلي ‘’ راه يليكيدي فيها ‘’ حاولت شحال من مرة حتان توسوست و بدأ مخها يديها بعيد لكنها تشجعت. و قاتلو اهدر معايا مليح باسكو ‘’ الحكاية لي راني نقولها لروحي هي بلي مرانيش عاجباتك و راك كاره حياتك و راك تقول وش راني ندير معاها هادي ، كبرت بزاف و تبدلت ، و le maillot مجاهاش شباب بكري خير ‘’ هو ريبوندالها قالها ‘’ مرانيش قع حاط معاك راني موسوس من روحي لأني نحس موليتش كيما بكري سريع و قوي و راني نخمم لوكان كشما يصرى ليك ولا واحد من الذراري كيفاش نقدر ننقذكم. و راني خايف نغرق ‘’ كان صاريلو Panick attack. و هاذ القصة من لي سمعتها و أنا نخمم فيها و وليت تان نستعمل ‘’ the story I’m telling myself is …. ‘’ لأنه المخ تاعك هو storyteller يحب التوقع و يكمل الفراغ و غالبا ما يكمله بشيء سلبي .كي ميكونش عندو معنى يديرو لأنه meaning-making machine . و يديرلك أسوء سيناريو ممكن كنوع من الحماية و التحضير. و بزاف خطرات منفرقوش بين الحقيقة و بين القصة لي دارهالنا المخ . منسقسوش الشخص الآخر و نفضل الغرق في القصة و كي نقولو للشخص الآخر هاوليك وش خممت نحسو بلي ولينا vulnérable و مناش متصالحين مع هذه الفكرة ( لي هي جد مهمة في كوننا بشر ) ملا نخيرو نكون دفاعيين و منمدوش الفرصة للشخص الآخر ليوضح موقفه.لازم نتعلمو اننا نشارك ‘’ وش راني نقول لروحي …. ‘’ كي تكون الأمور غير واضحة من جهة شريكنا. و نسمح له بتفنيد السردية. التي ابتكرها عقلنا.حب يقول التواصل la communication شيء مهم و أساسي في العلاقات . كي تكون ماشي مليح و تقول راني مليح ، كي تغيضك و تقول لالا مانيش زعفان ، كي تخمم بلي الشخص الآخر لازم يكون علابالو وش رك تحس هاذو قع يأثرو على ديناميكية العلاقة. و من الأفضل تفاديها عن طريق الكلام و المفاهمة .</p><p><strong>Narcissism</strong> <strong>النرجسية</strong></p><p>بزاف أخصائيين راهم يحذرون من ‘’ جائحة نرجسية narcissistic epidemic ‘’ مع مواقع التواصل الاجتماعي و التركيز الفظيع على ‘’ النفس ‘’. البارح شفت فيديو تع وحدة قالت كيفاش نجيب طفل إلى هذا العالم ؟ لوكان يبدأ يبكي و أنا نكون نخير le morceau تع الغنية لي نديرها في الستوري رح نتقلق و منمدلوش يأكل حتان نكمل ( كانت تقصر بصح فيها شوية حقيقة). مواقع التواصل ماشي هوما لي دارو ‘’النرجسية’’ لكن أكدوه و رجعوه نورمال. ولينا we self objectify نرجعو انفسنا أشياء و ستوريات. و يدعم لنا. ‘’ the main character syndrome’’ تولي مهووس بنفسك و أغلبية المنشورات لي تتلاقا بيها تقلك ‘’ انت الأهم ‘’ ‘’ حط نفسك اولاً ‘’ ‘’ تستاهل ما خير ‘’ و هاد النصائح ماشي صحيحة او خاطئة لوكان كي تزيد عن حدها تنقلب عليك. ‘’ أحبك ‘’ هو فعل يعني رح تمد ، تهتم ، تساعد ….بصح اليوم ولا مركز على ‘’ النفس ‘’ و ‘’ المتعة’’ نتا ماذا ستقدم لي ؟ رح نحبك غير كي تحسسني دائما بلي أنا هو الانسان الهايل. لازم تكون ديما ‘’ fan ‘’ تاعي. دورك في الحياة هو انك تضخم لي الصورة الذاتية تاعي. إذا ماشي ديما راني نحس روحي هايل في هاذ العلاقة ملا كاين مشكل BYEE.</p><img src="https://medium.com/_/stat?event=post.clientViewed&referrerSource=full_rss&postId=0e1656bc2e02" width="1" height="1" alt="">]]></content:encoded>
        </item>
        <item>
            <title><![CDATA[سمر و المسؤولية الأخلاقية.]]></title>
            <link>https://medium.com/@bubuchkarahadra/%D8%B3%D9%85%D8%B1-%D9%88-%D8%A7%D9%84%D9%85%D8%B3%D8%A4%D9%88%D9%84%D9%8A%D8%A9-%D8%A7%D9%84%D8%A3%D8%AE%D9%84%D8%A7%D9%82%D9%8A%D8%A9-f2d7e4e7e80a?source=rss-9712a73478b2------2</link>
            <guid isPermaLink="false">https://medium.com/p/f2d7e4e7e80a</guid>
            <dc:creator><![CDATA[Bubuuush]]></dc:creator>
            <pubDate>Wed, 23 Jul 2025 13:26:31 GMT</pubDate>
            <atom:updated>2025-07-23T13:26:31.195Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/600/1*XNaMv4g8B4uD4wWGJqnzQw@2x.jpeg" /></figure><p>نشفالها كيما اليوم كي كان في عمري 11 سنة و رحت لcyber و كتبت ‘’ الحلقة الأخيرة من العشق الممنوع’’ و الصدمة كي شفت سمر انتحرت و قلت بلاك مفبركة و كان عندي أمل في التلفزيون تكون كاينة نهاية أخرى . العشق الممنوع هو من أفضل المسلسلات التي شاهدتها و عند الأتراك هاذ المسلسل هو ‘’ عظمة ‘’ لأنه معقد و layered و حتى بعد 15 سنة من عرضه لازال الناس يحللون و يناقشون كل شخصية .</p><p>أنا اليوم نتكلم عن ‘’ سمر ‘’. سمر لي متقدرش تقول إذا كانت ‘’ شريرة ‘’ أم ‘’ ضحية ‘’ ؟ هي إنسانة معقدة ، متكبرة ، جافة ، وقحة mean girl . فقدت والدها في صغرها و علاقتها بأمها’’ فردوس ‘’ مضطربة لان أمها كانت تخون والدها . تزوجت ب’’ عدنان ‘’ لي قد عمر باباها و في أول الحلقات وراولنا بلي تقربت ليه ‘’ زكارة’’ في يماها لي كانت عينها عليه . ‘’ عدنان ‘’ عندو بنت إسمها ‘’ نهال ‘’ و عندو ابن واحد من أقاربه يتيم اسمه ‘’ مهند ‘’ كان دايرو كيما وليدو و متهلي فيه . سمر و مهند ولاو في علاقة و يخونو في عدنان . فرق العمر بين سمر و عدنان خلق فجوة بينهم و خلى سمر تحس بالإهمال العاطفي . مهند ( لويز البنكا🤣) لعوب و تائه عاطفيا و يهرب من المسؤولية , و ابداع الكاتب كان في الجملة التي لطالما رددها مهند ‘’ مهند بيهرب Behlul Kaçar’’ كلما يكون خارج ولا باش يهرب من المحادثات الصعبة .</p><p>سمر و مهند كانو في وهم التحكم . كانو يحسو بلي كلش راه تحت السيطرة و يقدرو يعيشو علاقتهم بدون عواقب . و كيما يقول سفيان ‘’ عشق الخيانة و شحال يجي حلو ‘’ و كيما يقولو في مجتمعنا ‘’ الحرام و الصوالح لي نديروهم بتخبية يجو حلويين ‘’ لانهم يديرو حماس . حماس السرية. سمر تكذب ، تنتقد مهند و تعاملو كطفل قدام العائلة تعيش دور ‘’ زوجة العم ‘’ و هو يخطب وحدة و يبين بلي راه في علاقة . كانو in denial . بلعقل بدأ الشعور بالذنب و العار و العلاقة تحولت من حب إلى علاقة خوف و ألم . سمر تعيش الألم تعها داخليا و تخبيه و مهند ‘’ يهرب ‘’ . بعد مدة و الشعور بالذنب يأكل فيهم . مهند يقرر ان يتملص من المسؤولية و العار عن طريق زواجه ب’’ نهال ‘’ ابنة عدنان ، الفتاة البريئة و تشبه الملاك و التي تكن له المشاعر . قرر يبدأ صفحة جديدة معهاو ينسى الماضي و بدأ يحسس سمر بلي هو بريء و ندم و حب يصلح الغلطة مع نهال في نفس الوقت سمر تدهورت علاقتها مع عدنان و كانو في الطلاق ، أختها بيسان رحلت مع زوجها إلى بلد آخر و أمها تتزوج و ولات تحس بلي حياتها قع تخربت و بلي ولات ‘’ وحيدة ‘’ . قرار زواج مهند من نهال لم يكن نابعا من الحب بل من الخوف ، الذنب و وهم الخلاص . نهال بالنسبة له هي كل ما يريد ان يكون بريئة ، نقية و لم تلوثها الخيانة . تحبه ببراءة و تنظر اليه كأنه مازال ذلك الشاب النقي . سمر هي مرآته التي تعكس حقيقته . رجل ضعيف و جبان ، يحس بلي حب سمر له ليس حقيقي لأنه ليس بريء. لم يدرك حبها له لأنه لم يحبها هو بدوره . سمر هي رمز للعار و نهال رمز للنجاة . و كان يقنع روحو بلي كي يتزوج بنهال رح تكون رحمة منه لانها ‘’ تموت بدونه ‘’ ….و المفارقة المأساوية هي ان سمر التي ماتت بدونه .</p><figure><img alt="" src="https://cdn-images-1.medium.com/max/250/1*VLrBVjztKXh0kXRZMURI8A@2x.jpeg" /></figure><p>هنا تتحول سمر في أعين الناس من شريرة إلى ‘’ ضحية ‘’ بصح ماشي بزاف . شوية برك . و انت كمشاهد تكون داخل صراع متفهمش إذا تتعاطف معاها أو تقول الشح هي لي حبت. بعد عرض المسلسل تم تحميل سمر العبئ الأكبر من المسؤولية الأخلاقية فقط لانها إمرأة . تُعامل وكأنها الطرف الوحيد الذي خالف القيم والأخلاق، بينما يتم التساهل مع مهند ، وتُمنح له الأعذار باستمرار: “كان ضعيف”، “مكانش علابالو وش حاب ”، صغير ومتهور”…. بل إن بعض المتابعين يصفون علاقته بسمر كـنزوة عابرة أو خطأ شبابي في حين تُصوَّر سمر كأنها الخطيئة بذاتها . خاصة مثلما وصفتها كانت وقحة و جافة لم تكن ‘’ مطيعة ‘’ و &quot;مسالمة ‘’ . و الحكم الأخلاقي على غلطتهما لم تكن متساوية و هذا يبين التوقع الثقافي لي كاين بلي المرأة لازم تكون أكثر أخلاقا من الرجل . في المجتمع الأبوي تُصوَّر المرأة على انها ‘’ حارسة الفضيلة ‘’ و أخطاء الرجل على انها ‘’ ضعف ‘’ و ‘’ زلة ‘’ . لم يتم ادانة سمر و مهند بنفس الطريقة . مهند يمنح له فرصة للخلاص و يحاول من جديد و يمكن محو ذنبه بإعادة الاندماج في النظام الاجتماعي( مهند يهرب kaçar ) . بينما سمر تبتلع ذنبها حتى النهاية و كيما نقول elle assume و تحرم من “الفرصة الثانية”، لا من قبل من حولها فحسب، بل من خلال المنظومة الأخلاقية المفروضة على النساء:بمجرد أن “تسقط”، لا تعود جديرة بالحب أو الغفران. و في الأخير تلجأ إلى قتل نفسها كعقاب أخلاقي و كنوع من الخلاص من العار .</p><img src="https://medium.com/_/stat?event=post.clientViewed&referrerSource=full_rss&postId=f2d7e4e7e80a" width="1" height="1" alt="">]]></content:encoded>
        </item>
        <item>
            <title><![CDATA[كونك فاشل في حاجة .]]></title>
            <link>https://medium.com/@bubuchkarahadra/%D9%83%D9%88%D9%86%D9%83-%D9%81%D8%A7%D8%B4%D9%84-%D9%81%D9%8A-%D8%AD%D8%A7%D8%AC%D8%A9-0ae2fb075dd7?source=rss-9712a73478b2------2</link>
            <guid isPermaLink="false">https://medium.com/p/0ae2fb075dd7</guid>
            <dc:creator><![CDATA[Bubuuush]]></dc:creator>
            <pubDate>Mon, 21 Jul 2025 10:20:56 GMT</pubDate>
            <atom:updated>2025-07-21T10:20:56.151Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/375/1*W98JwN2l8-m_G3RXkVg4Og@2x.jpeg" /></figure><p>قالك وحد النهار وحد الأستاذ في إحدى الجامعات دار تجربة على طلابه في قسم التصوير الفوتوغرافي. قسمهم إلى مجموعتين . المجموعة الأولى ‘’ الكمية quantity‘’ قالهم جيبولي اكبر عدد ممكن من الصور . المجموعة الثانية ‘’ quality ‘’ قالهم صورولي صورة واحدة و تكون مثالية . لي ربحو هوما المجموعة الأولى ‘’ الكمية ‘’ و كان عندهم افضل الصور. لأن مجموعة الكمية:	التقطت عددًا كبيرًا من الصور،	جربت أكثر،	ارتكبت أخطاء وتعلمت منها،	طورت مهاراتها في الإضاءة، التكوين، التوقيت… بينما المجموعة الثانية كانت مشغولة بالتخطيط و التفكير ، خافت من ارتكاب الأخطاء ، لم تمارس بما فيه الكفاية . المجموعة الأولى تعلمو من المحاولة و فهمو بلي ال’’ مثالية ‘’ او ‘’ الاتقان ‘’ يجي نتيجة لاحتكاكهم بعدم الكمال و مصاحبة الفشل . المجموعة الأولى تعلمو من مئات المحاولات و عن طريق كبس زر الكاميرا . و المجموعة ثانية انشغلو بالتخطيط و يقدرو يقولولك علاه الصورة ممتازة لكن المجموعة الأولى هوما الذين صنعو ‘’ الصورة الممتازة ‘’ .</p><p>منقدرش مندخلش نسيم طالب هنا *هداك السيد لي رح يطرطق * 🫢 و نهدر على Skin in the game ولا وش يقول Roosevelt ‘’ الرجل في الحلبة ‘’ ‘’ the man in the arena ‘’ . الإنسان لي يكون exposed لشيء ما خارج بصدره هو لي يتحمل الانتقاد ، الخسارة ، le risk , الجهد ، النتائج … هو أهم من شخص راه بعيد . علابيها لا يهم فعلا رأيك و نظرتك إذا مكنتش DEDANS . يهم الإنسان اي داخل الحلبة لي معندوش le lux تع يغلط ، لي وجهه مغطى بالطين و العرق . Ok it went too deep بصح فهمتوني حب يقول لازملك شوية skin in the game .</p><p>حنا هوما الكائنات الوحيدة التي تعاني من مخيلتها . عندنا الprefrontal cortex متطور لي يخلينا حنا البشر نتوقع المستقبل ، نتخيل سيناريوهات محتملة و نعاني من أشياء لم نقم بها بعد و هاذي طورناها لاحقا في حياتنا . كي كنا صغار لم نكن نعرف كلمة ‘’ مثالية ‘’ و لازم كلش يكون ممتاز . نرسمو فيل يطير و شجرة بنفسجية و نكتبو أغنية و نغنيها و نخمنو بلي حنا نقدرو نديرو قع وش رانا حابين . كنا فضوليين و منعرفوش وش هو الفشل . كنا مثل العنكبوت التي تبني بيتها بشكل معقد و هندسي و لا تجدها تقف عاجزةً لانها ادركت ان بيتها ليس مثالي و ليس قوي ، يمكن هدمه بسهولة . فقط البشر من يصلون إلى هذا الاستنتاج . جحيمنا نحن البشر يتمثل في قدرتنا على تطوير ‘’ الذوق ‘’ قبل المهارة . ‘’ الانتقاد ‘’ قبل التنفيذ . ‘’ كابوسنا ‘’ في صناعة شيء فاشل و ليس مثالي .</p><p>في مخنا عندنا Neural Reward systems دوائر المكافئة العصبية . عندما نفكر اننا قمنا بإنجاز او هدف معين مخك يكافئك على أساس انك فعلتها حقا . لأنه لا يعرف الفرق بين الحقيقة و الخيال . بزاف des athlètes يستعملو هاذ الأمر لتطوير مهاراتهم . لكن الإشكال هو لما تتخيل انك تقوم بشيء يتبعه إفراز الدوبامين و تحس بلي راك أنجزت . إذا لم يتبع التخيل – &gt; الفعل . راح تبقى عايش على هذاك الإحساس بالإنجاز الزائف . تسما ماذابيك استعمل التخيل و الأحلام مع الفعل مع السعي . و لا تستعمل الأحلام و الطموح للمماطلة .</p><p>هاد الهدرة قع باش نقولكم على أهمية أنك تكون حاضر في هاذ العالم و تفعل TO DO . لازم تصنع ، تبدع و تمد لنفسك و انت انسان بالغ إمتياز انك تكون ‘’ مبتدأ’’ . نحن خلقنا في هذا العالم يمخ يحب الإبداع ، التفكير و صنع أفكار ، أشياء….. و كي نولو ناس يركزو على الاستهلاك فقط رح نمرضو . أبداو هواية جديدة ، شيء يركز فيه المخ تاعكم . أخرجو شوية من الوهم لي دايرو الغرور تاعك و نفخاتو مواقع التواصل بلي اي حاجة تقدر تبدأها و تجيك ساهلة . لا تحرم نفسك من تذوق الفشل و تصحيح الخطأ و المواظبة و الاجتهاد . هادو لي يرجعونا ‘’ بشر ‘’ و يخلو التجربة الإنسانية حاجة شابة . متحرمش نفسك و أتعلم تكون ‘’ سيء ‘’ في شيء ما و تصنع لغاية واحدة و هي الاكتشاف و التمتع . تجاهل ‘’ كابوس ‘’ انك تصنع شيء غير مثالي . اتعرا مع روحك . قابل نفسك و حطها في موقف وين تكون سيء و إتعلم تتعامل مع هذاك الشعور . متقعدش تتخيل فقط و لا تقوم بشيء . متغرقش روحك في دور المنتقد و المحلل من البعيد لي يعرف غير يحل فمو . كونك الانسان لي في الحلبة لي ميخافش يبدأ شيء و يجوز على مرحلة يسموه ‘’ فاشل ‘’ لانها من افضل التجارب الإنسانية .</p><img src="https://medium.com/_/stat?event=post.clientViewed&referrerSource=full_rss&postId=0ae2fb075dd7" width="1" height="1" alt="">]]></content:encoded>
        </item>
    </channel>
</rss>