<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Batzorig.T on Medium]]></title>
        <description><![CDATA[Stories by Batzorig.T on Medium]]></description>
        <link>https://medium.com/@bzorigoo701?source=rss-1c51bd84eb33------2</link>
        <image>
            <url>https://cdn-images-1.medium.com/fit/c/150/150/1*EeNQt_Fet74m55IoBccPlA@2x.jpeg</url>
            <title>Stories by Batzorig.T on Medium</title>
            <link>https://medium.com/@bzorigoo701?source=rss-1c51bd84eb33------2</link>
        </image>
        <generator>Medium</generator>
        <lastBuildDate>Fri, 20 Nov 2026 12:30:28 GMT</lastBuildDate>
        <atom:link href="https://medium.com/@bzorigoo701/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Үүргэвчтэй үүл]]></title>
            <link>https://bzorigoo701.medium.com/%D2%AF%D2%AF%D1%80%D0%B3%D1%8D%D0%B2%D1%87%D1%82%D1%8D%D0%B9-%D2%AF%D2%AF%D0%BB-d667674bf1ca?source=rss-1c51bd84eb33------2</link>
            <guid isPermaLink="false">https://medium.com/p/d667674bf1ca</guid>
            <dc:creator><![CDATA[Batzorig.T]]></dc:creator>
            <pubDate>Wed, 25 Oct 2023 20:23:08 GMT</pubDate>
            <atom:updated>2023-10-25T20:23:08.294Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*DGgG7V0tO4r_802VCYx_mg.jpeg" /></figure><p>Сүүлийн хоёр жилийн хугацаанд нэлээн хөдөлгөөнтэй, хөл газар хүрэхгүй, нэг газраа удаан тогтож чадахгүй үүл шиг л амьтан нүүж явна. Нүүдэлчин араншин нөлөөлөөд байдаг юм уу, яадаг юм мэдэхгүй.</p><p>Ер нь муу ковидоос л болж байгаа юм, хоёр жил хоригдоод, бараг хэн байснаа мартаад гараад ирсэншд, амьсгаа. Тэгээд нэг хэсэг Улаанбаатартаа бөглөрч, түгжирч, чихэлдэж, чирэгдээд, уур хүрээд стрессдээд болсонгүй. Тэгэхээр нь нөгөө шуураад байдаг Оюу толгойд нь ажиллаж баяжаад, оюутан статусаасаа салъя гээд очвоо. Уул уурхай, оюуны уурхай хоёрыг зэрэгцүүлэж байгаад л уралдаж гарав. Их, бага багштай болоод л тайлан тооцоо гаргах гэж заримдаа зөв харж уйлаад, буруу хараад бас л уйлав. Багахан хугацаанд их зүйл сурсан гэхээсээ илүү, олон мэдрэмж мэдэрсэн, ойлгосон, бас гоё их хоол дураараа идсэн 😂 хугацаа байлаа. Эмх цэгц, эгнээ дараалал, дэг журам, амьдралын өөр нэг хэв маяг гээд удаан ажиллавал хүлээцтэй, хүндэтгэлтэй, хариуцлагатай болох юм шиг санагдсан. Гэхдээ заримдаа бас л стресс ихтэй, арай удсан бол яг уйлдаг газартай болж байсан даа.</p><p>Тэгээд эрдэм ном зүүдэнд үзэгдэж даллаад, хээрийн галуу нисэн үл хүрэх газраас, Зоригоо хүү дипломоо өвөртөлж ирэх гээд Хятадыг зорив доо. Үүргэвчээ үүрээд л өөрийгөө чирээд л, шал танихгүй газар, шал сохороор бараг явсандаа. Одоо бодохоор яаж явсан юм, төөрч будилаад тэндээ тариачин болоод үлдчихсэн бол яана гэж. Гэхдээ яахав азтай юм болохоороо зөндөө зөв сайхан хүмүүстэй таарч, нөхөрлөж адал явдал дүүрэн дурсамж бүтээсэн шүү. Аяа өвөө болчихоод орчлонгийн өөр өнцөгүүдээс, олон өнгийн найзуудтайгаа уулзаж, хуучин цагаа хуучилж суух байхдаа. Нэг тийм дулаахан, хөнгөхөн бас хөгжилтэй, үнэртдэг цаг хугацаа шүү. Залуу насны чөлөө зоригтой, заримдаа айдас эргэлзээтэй, бас мангар хямдхан бараа, мангар хялбархан үйлчилгээг, технологийн хөгжил, хүний чадамжийг ойлгосон доо. Одоо хүртэл гудамжинд зардаг шарсан тахианы үнэр үнэртэж, Хятад найзуудын шоу парти бодогддог.</p><p>Бас тэгээд тогтсонгүй шүү өнөөх чинь. Үүл шиг нүүгээд л яваад байна, өөрийгөө олно гээд л. Өөрийгөө олно биш өөрийгөө бүтээдэг юм байна дөө. Олон бодол цуглуулж, холилдон холхилдож, чихэлдэн чирэгдэж яваад орчлон хорвоог өөрийнхөөрөө л таньдаг, мэдэрдэг юм байна. Ахиад нэг аялал минь эхэлж л байна, бага багаар дасаж л байна.</p><p>Тэнд энд тэгээд эргэн тойронд <br>Олон өнгө огтлолцсон бодлын тойрогт <br>Холилдсон, холдсон наагуур цаагуур сүлжилдсэн <br>Хорвоогийн янз төрх холхилдож зөрөлдөх олонлогт <br>Даруухан ч дулаахан өнгө нэмээд<br>Давтагдахгүй тийм тодхон өнгө хайгаад <br>Танихгүйн дунд алхаж явнаа би…</p><img src="https://medium.com/_/stat?event=post.clientViewed&referrerSource=full_rss&postId=d667674bf1ca" width="1" height="1" alt="">]]></content:encoded>
        </item>
        <item>
            <title><![CDATA[Бяднуус ер нь яачихаад байдаг юм]]></title>
            <link>https://bzorigoo701.medium.com/%D0%B1%D1%8F%D0%B4%D0%BD%D1%83%D1%83%D1%81-%D0%B5%D1%80-%D0%BD%D1%8C-%D1%8F%D0%B0%D1%87%D0%B8%D1%85%D0%B0%D0%B0%D0%B4-%D0%B1%D0%B0%D0%B9%D0%B4%D0%B0%D0%B3-%D1%8E%D0%BC-c14d06aec3c4?source=rss-1c51bd84eb33------2</link>
            <guid isPermaLink="false">https://medium.com/p/c14d06aec3c4</guid>
            <dc:creator><![CDATA[Batzorig.T]]></dc:creator>
            <pubDate>Mon, 22 May 2023 10:49:38 GMT</pubDate>
            <atom:updated>2023-05-22T10:49:38.536Z</atom:updated>
            <content:encoded><![CDATA[<p>Ойрд ер нь уянгалж чадахаа ч байчихаж, хар л даа миний юу сүүлд бичсэнийг… нэг их сайхан сэтгэл амар эморч байгаад уянгалах юмсан. <br>Хулгайчдаас болоод хурдан хөгширч, эрт намба суугаад, бодсоор шаналсаар байгаад амьдрал намайг арай л эрт эдлээд байна, амьсгаа…</p><p>“Бид нар ер нь яачаад байгаан” гэж бодмооргүй байсан ч амьсгаанууд “Та нар сургуульдаа мориор явдаг уу” гэж дооглоод эсвэл “Аль хотынх нь метро хамгийн гоё вэ” гэж дээрэлхээд байна.</p><p>За тэр морь, метро хоёр ч яахав. Жаахан эмх замбараатай, эрээ цээртэй, цэгцтэй амьдарчмаар байнаа амьсгаануудаа… Бүр нэг дайн дунд амьдарч байгаа юм шиг аймхай хулчгар, нохой гахай шиг бүдүүлэг амиа бодсон өлөн зантай шдээ.</p><p>Нийтийн эзэмшил, нийгэм гэдэг ойлголттой болмоор байна. Аймар гоё энгийн шдээ, үхэр араншин нь арай ихдээд байгаа нэгнийгээ гадуурхдаг, хайр найргүй шаардлага тавьдаг болчихмоор байнаа… Алалций л даа амьсгаануудтай, тамхины ишийг нь цонхоор нь шид, тараасан хогийг нь гэрлүү нь оруул, тагласан машинруу нь сүүгээ цац яадын.</p><p>Юуны чинь Монгол хүний өрөвч зан, сайхан сэтгэл вэ, аймхай хүний арчаагүй зан. Амьсгаа царайлчаад луйварчин хулгайчдаа сошиалаар дагаад, од гэж онгироож байгаал хормойгоо сэгсэрүүлээд байх юм. Карма юм бээ яасан… Энэ дашрамд дарга дагадаг, далдага гаруудтай найзлахгүй шүү.</p><p>Хариуцлага гэдэг зүйлийн хэлтэрхийг Хятадаас байсан ч яадаг юм импортломоор байнаа. Аймар гоё энгийн шдээ, чадна гэсэн бол чад, чадахгүй гэсэн бол чацга царайлаад, гай бололгүй зүгээр байж бай л даа. Бүүр нэг бүдүүлэг шдээ угаасаа. Цаг гэж мэдэхгүй, эзгүй талд явжаам шиг л, киноны гол дүр шиг л… “хүн хараагүй байгаа дээр амжуулчих гээл”. Сэргэлэн зан биш тэнэглэл, овсогоо биш орклол за юу.</p><p>Тэгээд үнэнийг нь хэлэхээр үхэр хүртэл өшөөтэй гэдэг шиг уурлаад, занаад, загнаад чаагаааддд. Хүний өмнөөс амьдраад байгаамуууу, зовжиййнннооо хорооноос ирээд хог ачаад өгчүүүл гэшшшш. Давраадаарай, би яахийннн тэгээд.</p><p>Нийгмээрээ жаахан өөрсдийгөө голж, гологдож, ухаарч сэхээрч амьдармаар байнаа. Нийтийн хөдөлгөөн, соён гэгээрүүлэлт явуулмаар ч юм уу.</p><p>Яая даа байз. Хэзээ ч гоё бөөгнөрөөд амьдарч чадахгүй юм байна дөө. <br>Эсвэл хэдүүлээ зүгээр яашиг тараад буцаад гоё нүүдэллэж амьдарья, дураараа сайхан, ганцаараа тайван. Эсвэл цоо шинээр гэр хорооллын хот байгуулья л даа. Дэлхийд байхгүй шинэ санаа, шилдэг бизнес. Тэгээд ёстой нөгөө данхан даргын мөрөөддөг сая сая жуулчинг, түм түмэн доллартай нь авчрах юм биш үү. Модон жорлонгоо гоё шийдчүүл тэ?</p><p>Улсын хөгжил хүнээсээ шүү. Улс гэдэг чинь чи, би, бид шүү. Яааггг энэ янзаараа сайхан амьдарна даа, данхан дарга болно доо гээд мөрөөдөж байгаа, амаа үдүүлж амиа аргалж байгаа үеийн зарим нөхдөө хараад өрөвдөх юм, амьсгаа.</p><p>Бид ямар байна, ирээдүй тийм л байна даа.</p><img src="https://medium.com/_/stat?event=post.clientViewed&referrerSource=full_rss&postId=c14d06aec3c4" width="1" height="1" alt="">]]></content:encoded>
        </item>
        <item>
            <title><![CDATA[Сар гаруй нэг болохоор гаргах зав, нөгөө болохоор ханилах хүн олдохгүй байсан киногоо зүтгэсээр…]]></title>
            <link>https://bzorigoo701.medium.com/%D1%81%D0%B0%D1%80-%D0%B3%D0%B0%D1%80%D1%83%D0%B9-%D0%BD%D1%8D%D0%B3-%D0%B1%D0%BE%D0%BB%D0%BE%D1%85%D0%BE%D0%BE%D1%80-%D0%B3%D0%B0%D1%80%D0%B3%D0%B0%D1%85-%D0%B7%D0%B0%D0%B2-%D0%BD%D3%A9%D0%B3%D3%A9%D3%A9-%D0%B1%D0%BE%D0%BB%D0%BE%D1%85%D0%BE%D0%BE%D1%80-%D1%85%D0%B0%D0%BD%D0%B8%D0%BB%D0%B0%D1%85-%D1%85%D2%AF%D0%BD-%D0%BE%D0%BB%D0%B4%D0%BE%D1%85%D0%B3%D2%AF%D0%B9-%D0%B1%D0%B0%D0%B9%D1%81%D0%B0%D0%BD-%D0%BA%D0%B8%D0%BD%D0%BE%D0%B3%D0%BE%D0%BE-%D0%B7%D2%AF%D1%82%D0%B3%D1%8D%D1%81%D1%8D%D1%8D%D1%80-a77a13a0e9f?source=rss-1c51bd84eb33------2</link>
            <guid isPermaLink="false">https://medium.com/p/a77a13a0e9f</guid>
            <dc:creator><![CDATA[Batzorig.T]]></dc:creator>
            <pubDate>Tue, 20 Dec 2022 10:14:40 GMT</pubDate>
            <atom:updated>2022-12-20T10:14:40.041Z</atom:updated>
            <content:encoded><![CDATA[<p>Сар гаруй нэг болохоор гаргах зав, нөгөө болохоор ханилах хүн олдохгүй байсан киногоо зүтгэсээр байгаад үзцэн за.</p><figure><img alt="" src="https://cdn-images-1.medium.com/max/340/1*6irj4754sPrSalK0g02ZRg@2x.jpeg" /></figure><p>Хоногоор холдох намрын наран хорвоогийн нэг өнгийг ганзагалаад буцчих шиг гунигтай, илүү юмгүй тэр өнгийг эргээд үзэхгүй дээ гэж бодохоор, араас нь гүймээр, аман хуур зуугаад уртхан санаа алдмаар ч юм шиг. Амьдрал ер нь аяга борцтой шөл шиг энгийн, хачир давсгүй, амтгүй, тоомжиргүйхэн тонгойлгож орхимоор. Гэхдээ хуучин, дотно, дулаахан, хэзээ хойно хачин их хүсмээр.</p><p>Яджаахад зураглал нь яасан ч сайхан юм бэ дээ, үсээ салхинд өрвийлгөөд л, хээрийн хир, ороодог тамхины үнэр шингэсэн хуучин дээл өмсмөөр, энэ муу хоёртой барилдмаар, уралдмаар ч юм шиг.</p><p>Зодоон хийж, зорилго биелүүлэхгүй, хайр харуусал, өшөө авалтаар хайрцаглахгүй, гол санаагаа өөрсдийнхөөрөө ойлгочихоо гээд залхуурцийму яасин, ёстой гоё. Энгийн юм л хамгийн үнэн, сайхан, ойрхон байдаг даа. Амьдралын утга нь амьдрах шүү,</p><img src="https://medium.com/_/stat?event=post.clientViewed&referrerSource=full_rss&postId=a77a13a0e9f" width="1" height="1" alt="">]]></content:encoded>
        </item>
        <item>
            <title><![CDATA[Бидний хардаг өнцөг, хүсдэг нийгэм хоёр тэс ондоо.]]></title>
            <link>https://bzorigoo701.medium.com/%D0%B1%D0%B8%D0%B4%D0%BD%D0%B8%D0%B9-%D1%85%D0%B0%D1%80%D0%B4%D0%B0%D0%B3-%D3%A9%D0%BD%D1%86%D3%A9%D0%B3-%D1%85%D2%AF%D1%81%D0%B4%D1%8D%D0%B3-%D0%BD%D0%B8%D0%B9%D0%B3%D1%8D%D0%BC-%D1%85%D0%BE%D1%91%D1%80-%D1%82%D1%8D%D1%81-%D0%BE%D0%BD%D0%B4%D0%BE%D0%BE-8fde4c0ad3e9?source=rss-1c51bd84eb33------2</link>
            <guid isPermaLink="false">https://medium.com/p/8fde4c0ad3e9</guid>
            <dc:creator><![CDATA[Batzorig.T]]></dc:creator>
            <pubDate>Mon, 05 Dec 2022 13:53:00 GMT</pubDate>
            <atom:updated>2022-12-05T13:53:00.392Z</atom:updated>
            <content:encoded><![CDATA[<p><strong>Бидний хардаг өнцөг, хүсдэг нийгэм хоёр тэс ондоо.</strong></p><p>Утаатай удаанбаатарын цантсан цонхоор бол ардчилал чинь хувиа хичээгчдийн өнөөдрөөрөө амьдардаг өөдгүй нийгэм. Өлсөхгүйн тулд үнэнээс айж, итгэл үнэмшил, ирээдүйгээ зарж иддэг өлөн зантай даа бид. Тэгээд адаг сүүлд нь итгэл нь дуусаад, ирээдүй нь бүдэгрээд ирэхлээр бусдаас буруу хайдаг харалган даа бид.</p><p>Анхнаасаа л ардчилалыг утга учиргүй хуулж авчираад, хүүхнүүдийн дундах хов шиг сохор ухаанаар, алиа салбадай шиг дуурайлгаж нийгэм бүтээсэн дээ бид.</p><p>Амьдралын араншин, аж төрөх ёсон, онол номлол, итгэл үнэмшил нь тэс өөр тэнгис далайн чинадаас хөгжил гэж уухайлан, ухаангүй хуулж аваад, дөрвөлжин дүрсийг гурвалжин нүхрүү чихэж гарсан даа бид.</p><p>Тэгээд сайхан тэртээд улирсан феодалын, социализмын сэтгэлгээгээр даргаа хайрлаж, даргадаа дарлуулж, даргыг тахиж дарамтлуулсаар өдийг хүрсэндээ бид.</p><p>Тэр дарга нар нь тусдаа тусгаар амьдарч, цэвэрхэн гар, цагаан цамц, тэнэглэл тансаглалаараа амьдралыг шүүж, асуудал шийддэг болсон доо.</p><p>Сонгууль гэдэг жүжигт хүн бүгдээр дүр бүтээн оролцож, амандаа боорцог чихүүлж цадаад алгаа ташиж зөндөө уйлсан даа бид.</p><p>Орхигдсон амьдралын дунд олон бяцхан зүрхийг өмсөх гутал, үмхэх талхгүй байхад, хэнэг ч үгүй ирээдүйг нь зарж идчихээд, гэрэлгүй хүйтэн тэднийгээ мэдэх ч үгүй инээлдэж, гэгээрэл боловсрол ярьж суусан даа бид.</p><p>Арчаагүй нийгмээс болж алдагдсан амь, орхигдсон боломж, нийтийн эрх ашиг, нэгнийхээ сайн сайхныг хэзээ ч нэхэж, зориг гарган нэг хоолойгоор дуугарч чадсангүй. Бид нар хэзээ ч бие биедээ хайртай байсангүй дээ.</p><img src="https://medium.com/_/stat?event=post.clientViewed&referrerSource=full_rss&postId=8fde4c0ad3e9" width="1" height="1" alt="">]]></content:encoded>
        </item>
        <item>
            <title><![CDATA[Хятадаас би юу сурсан бэ?]]></title>
            <link>https://bzorigoo701.medium.com/%D1%85%D1%8F%D1%82%D0%B0%D0%B4%D0%B0%D0%B0%D1%81-%D0%B1%D0%B8-%D1%8E%D1%83-%D1%81%D1%83%D1%80%D1%81%D0%B0%D0%BD-%D0%B1%D1%8D-2275bd545810?source=rss-1c51bd84eb33------2</link>
            <guid isPermaLink="false">https://medium.com/p/2275bd545810</guid>
            <dc:creator><![CDATA[Batzorig.T]]></dc:creator>
            <pubDate>Mon, 28 Nov 2022 15:31:05 GMT</pubDate>
            <atom:updated>2022-11-28T15:37:27.998Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/246/1*s5rvY0QM7k0VnD5uI6xgnQ.png" /></figure><p>Нийгмийн шинжлэх ухааны чиглэлээр улсдаа топ сургуулиудын эхэнд нэрлэгддэг Renmin(人民大学)-д хувь таарч сураад, нэг л мэдэхэд төгсөх гээд хэдэн үг хэлхээд сууж байна даа. Хоёр жил гэдэг тоолох өдөр нь цөөхөн мөртлөө, сурах, эргэцүүлэх, харамсах зүйл их цаг хугацаа юм байна. Энд сурах гэж, Хятадыг судлах гэж золиослон орхисон зорилгууд, төлөөс болог гээд агаарт цацсан боломжууд ч цөөнгүй. Түүнийхээ хариуд Хятадынх гэж харьяалагдах түүх соёл, хөгжил гэж томьёологдох үзэл номлол, “дэлхий ертөнц та даган нэгдтүгэй” гэх улс төр, эдийн засгийн санал санаачилга… их зүйл сонсож, эргэцүүлсэн шүү.</p><p>“Юу ч үзэж, хаа ч явсан Монголоо бодож байгаарай” гэж танил багшийн хэлсэн хэдхэн үгс сонссон бүхнийг минь хашиж, харсан болгоныг минь түшиж байлаа. Багшийн захиасыг би биш, захиас л намайг гүйцэлдүүлж байх шиг санагдсан, одоо ч хэвээрээ. Тэгээд би биш, тэр захиас та нарт хэдэн зүйл хэлж байгаа шүү.</p><p><em>Хятадын түүх агуу л даа, олон мянган жилээр бичигдэх. Хятад бас баян л даа, олон тэрбум хувиар хэмжигдэх…<br></em>Бөөрөнхий дэлхийн гурвалжин өнцөгөөс түүсэн юм шиг олон янз хүмүүсийг цуглуулчихаад дэлхийн түүх бол бидний түүх, ертөнцийн төв бол Хятад улс гээд заагаад байгаа юм чинь баян байхгүй гээд яахав дээ. Тэнд Хятад бахархалыг тарьж, түүнээсээ жинхэнэ хөгжил ургуулж байна. Хойч үедээ бахархал үлдээх гэж дэлхийн түүх, Монголын соёлыг ч өөриймшүүлэн судалж, сурталчилж байна. Хоёрхон долоо хоног судалсан Хятадын түүхийн хичээл хорин жил сонссон Монголын түүхээс их зүйл үлдээсэн гээд боддоо. Ингэж бодохоор өөрөөсөө ичиж, түүхийн хичээлийг “хэн сайн цээжлэх вэ, хэрхэн алдаагүй хурдан чээжээр бичих вэ” болгосон боловсролын системээс жигшиж байна. Хар л даа, та нар… “Монгол бахархалын өдөр” гэчихээд юунд бахархахаа ч олохгүй, Чингисийн төрсөн өдөр гэчихээд хэзээ төрснийг нь ч мэдэхгүй хүмүүс. Улс даяараа утгагүй амарч, хоорондоо ноцолдож байхын оронд ядаж ганц энэ өдөр Монгол түүх, ертөнцийг үзэх үзэл, ахуй соёл, урлаг уран зохиол, ахиад хэдэн зуун дамжин яригдах шинэ бахархал бүтээх тухай орон даяараа ярилцдаг, сурталчилдаг, суралцдаг ч болоосой.</p><p>Дэлхий ертөнц даяаршихийн хэрээр өөр өөрийн үнэт зүйл, өвөрмөц онцлогоороо ялгарч, үндэстэн дотроо нэгдэн нийлж түүнийгээ хайрлаж байхад бидний байгааг хар даа. Хөгжил нь утаанд төөрч, тархи нь шуналдаа түгжирчихсэн бидний хийж байгаа бүхэн түүхийнхээ, өөрсдийнхөө эсрэг. Олон улсын боловсролын хөтөлбөр гээд хэлд муухан орсон хүүхэддээ бизнес сэтгэлгээ суулгаж баян хүн, гадаад хэл зааж дэлхийн иргэн болгоно гэнэ. Солиорол шүү, солиорол. Монгол гэж нэрнээс цааш мэдэхгүй, бахархал гэж мөнгөнөөс өөрийг нэрлэхгүй хүмүүс л биднийг хохироож ирсэн, хорлох ч болно. Тэглээ ч тэр хөгжил гэдэг чинь өнөө маргаашийн эдийн засаг биш, үнэт зүйл, итгэл үнэмшилээрээ нэгдэж шинэ бахархал бүтээх ондоошил, ялгаралыг хэлдэг юм за.</p><p>Хятадын төр авилгагүй, хууль шударга ёс үйчилдэг нь хаалттай ширүүн засаглалтай нь холбоогүй<br>Хятадын эдийн засгийн өндөр хөгжил, дэлхийн манлайлал нь манай алт нүүрс, байгалийн баялагтай бүр ч хамаагүй <br>Хятад хүн гэдгээрээ бахархдаг, тэрхүү үнэт зүйлээрээ нэгдэж шинэ бахархалыг шинэ үеийнхэндээ үлдээж чаддаг, түүх соёлоо хайрладаг түүнийгээ сурталчилж түгээн дэлгэрүүлдэгт. Бахархал байвал булаагаад ч хамаагүй авдагт нь байгаа юм за. Муур хар эсвэл цагаан байх нь хамаагүй хулгана барьдаг байх л болно гэдэг энэ. Эцсийн эцэст Хятад биднийг эзлэх биш, бид л өөрсдийн бахархал, ондоошил, сүнсээ худалдаж үүх түүх, үүсэл гаралаа хүртэл булаалгаж байгаа шүү.</p><p>Эх оронч сэтгэлгээ гэж гял цал баяр ёслол, ганган чамин дээл хувцас огтоос биш гэдгийг, түүхийг уйтгартай хэцүү хичээл биш оршин тогтнохын баталгаа бас дархлаа гэдгийг, аль ч улс төрийн номлолоор орлуулж болохгүй үндэсний үзэл, амьдралын ухаан байдгийг ойлгоосой.</p><p>Хэдэн зууны дараа ч гэсэн Монгол гэж Чингисээрээ л танигддаг, жижигхэн улс баймааргүй байна. Монголын түүх, миний соёл гээд Хятадтай хэрэлдээд, бидний хөгжил гээд дэлхийтэй уралдаад байж баймаар байна.</p><p>Дараагийн, хойчийн Монгол хүнийг хайрлаасай, үлдээгээсэй.</p><img src="https://medium.com/_/stat?event=post.clientViewed&referrerSource=full_rss&postId=2275bd545810" width="1" height="1" alt="">]]></content:encoded>
        </item>
        <item>
            <title><![CDATA[Би муу хүн шүү хайрт минь]]></title>
            <link>https://bzorigoo701.medium.com/%D0%B1%D0%B8-%D0%BC%D1%83%D1%83-%D1%85%D2%AF%D0%BD-%D1%88%D2%AF%D2%AF-%D1%85%D0%B0%D0%B9%D1%80%D1%82-%D0%BC%D0%B8%D0%BD%D1%8C-6d28937d4515?source=rss-1c51bd84eb33------2</link>
            <guid isPermaLink="false">https://medium.com/p/6d28937d4515</guid>
            <dc:creator><![CDATA[Batzorig.T]]></dc:creator>
            <pubDate>Wed, 16 Nov 2022 07:38:06 GMT</pubDate>
            <atom:updated>2022-11-16T11:01:49.895Z</atom:updated>
            <content:encoded><![CDATA[<p><strong><em>Би муу хүн шүү хайрт минь</em></strong></p><figure><img alt="" src="https://cdn-images-1.medium.com/max/385/1*n3Le9MfC4DTnaMGGqcAj2A@2x.jpeg" /></figure><p>ЧАМ ШИГ НЭГНЭЭС хайрын нулимсанд бэх нь урсчихсан нандин захиа авчихаад чангаар зарлан уншиж, хэнэг ч үгүй, хариу ч үгүй хагацал болгон даажигнаж өрөөсөн далавч нь богинохон онгоц хийгээд нисгэчихсэн, би муу хүн шүү хайрт минь</p><p>ЧАМ ШИГ НЭГНИЙ задарчихвий гэж айхдаа зориг муутайхан түгдчиж, арга ядан ганцаардахдаа итгэл тавин хэлсэн үгсийг, өрөөл нэгэнд тоомжиргүйхэн ярьчихаад өөрийгөө сүүлд нь өмөөрч явсан, би муу хүн шүү</p><p>ЗӨРЖ ӨНГӨРӨХ ЗАРИМЫН нүдэнд “танихгүй, тааламжгүй эсвэл бүр этгээд сонин”, тамхины үнэр минь муухай, таахалзаж алхдаг их зантай, юу ч мэдэхгүйн хэнхэг, ер нь оршдоггүй хоосон, би тийм эрхэм биш шүү</p><p>САЯХАН ОРСОН ЦАСЫГ хайргүй гишиглэн хөөрцөглөх олныг хараад баясал биш гуниг тодорч, тэгж сондгойрохдоо чамайг ч үлдээгээд тэнгэр өөд цас болж буухсан гэж санагдсан, тэгэхэд би амиа бодсон шүү хайрт минь</p><p>Би муу хүн шүү</p><img src="https://medium.com/_/stat?event=post.clientViewed&referrerSource=full_rss&postId=6d28937d4515" width="1" height="1" alt="">]]></content:encoded>
        </item>
        <item>
            <title><![CDATA[Би холоос гүйж энд ирсэн салхи]]></title>
            <link>https://bzorigoo701.medium.com/%D0%B1%D0%B8-%D1%85%D0%BE%D0%BB%D0%BE%D0%BE%D1%81-%D0%B3%D2%AF%D0%B9%D0%B6-%D1%8D%D0%BD%D0%B4-%D0%B8%D1%80%D1%81%D1%8D%D0%BD-%D1%81%D0%B0%D0%BB%D1%85%D0%B8-16e42f1ee63d?source=rss-1c51bd84eb33------2</link>
            <guid isPermaLink="false">https://medium.com/p/16e42f1ee63d</guid>
            <dc:creator><![CDATA[Batzorig.T]]></dc:creator>
            <pubDate>Wed, 16 Nov 2022 06:04:30 GMT</pubDate>
            <atom:updated>2022-11-16T06:05:35.452Z</atom:updated>
            <content:encoded><![CDATA[<p><strong>Би холоос гүйж энд ирсэн салхи</strong></p><p>Бие минь хоосон, сэтгэл минь хол</p><p>Юуг хүсэж энд ирсэнээ мэдэхгүй, олох ч утга амьдралд байхгүй</p><p>Юуг хайж энд үлдсэнээ ойлгохгүй, аваад одох ч уутгүй</p><p>Үүрд гэж надад байхгүй, би тийм удаан ч оршихгүй</p><p>Гунигт амьдралын хүрдийг тойрохдоо нэг булангаас нь чимээгүйхэн чирэгдэж бас зүүгдсээр ядраад</p><p>Урдаас тосох алхаа, ардаас дуудах авиа бүхний ТООМЖИРГҮЙ эздээр төрхөө сийлүүлж, зүрхээ сийчүүлсээр дуусаад</p><p>Нэг л өдөр бүгдээс нь бүхнээ харамлаад, төрхөө бас зүрхээ хамаад буцна.</p><p><strong>Би холыг зорьж эндээс одох салхи</strong></p><img src="https://medium.com/_/stat?event=post.clientViewed&referrerSource=full_rss&postId=16e42f1ee63d" width="1" height="1" alt="">]]></content:encoded>
        </item>
        <item>
            <title><![CDATA[Үгүйг үнэн биш “өс” болгож харна.]]></title>
            <link>https://bzorigoo701.medium.com/%D2%AF%D0%B3%D2%AF%D0%B9%D0%B3-%D2%AF%D0%BD%D1%8D%D0%BD-%D0%B1%D0%B8%D1%88-%D3%A9%D1%81-%D0%B1%D0%BE%D0%BB%D0%B3%D0%BE%D0%B6-%D1%85%D0%B0%D1%80%D0%BD%D0%B0-a717416e1fad?source=rss-1c51bd84eb33------2</link>
            <guid isPermaLink="false">https://medium.com/p/a717416e1fad</guid>
            <dc:creator><![CDATA[Batzorig.T]]></dc:creator>
            <pubDate>Mon, 11 Jul 2022 13:52:21 GMT</pubDate>
            <atom:updated>2022-07-11T13:52:21.619Z</atom:updated>
            <content:encoded><![CDATA[<p>Үгүйг үнэн биш “өс” болгож харна.</p><p>Өмнөөс минь зовж, бишээ дүр эсгэж “хайр” гэлцэнэ.</p><p>Тусын хүнд, сэтгэлийн хэврэгхэнийг тоолгүй мартаад хагалчихна.</p><p>Туулах зам минь чинийх шиг биш юм гэж барьцаж халаглана.</p><p>Гуйлгах гэж ядна, алхах бүртээ ашиг харна.</p><p>Гуниг зовлонгоо л хуваах гэж яарна, инээдээр халхалж мэхээ нууна.</p><p>Өөрөө түүсэн баяр гунигаа үүрээд ганцаар буцдаг жамыг мэдэхгүй.</p><p>Өнгө мөнгөнд өөриймсөж, өөрийн зовлондоо хүнийрхсэнэ.</p><p>Бусдын хэрэгт хошуу дүрэхгүй гэж будилж яваа нөхөрөө танихгүйхэн зөрнө.</p><p>Бусдын хэрэгт хошуу нэмье гээд буруудаж унасан нэгнээ танимхайран гишгэлэнэ.</p><p>Одон медаль, оргүй хоосон, цаг зуурт ялаа шиг шавж, инээд алдан зууралдана.</p><p>Огторгуйн өнгө бараан, үнэн гунигтайд ялаа шиг нуугдаж алга болно, ор сураггүй, огт байгаагүй.</p><p>Дээрээс эсвэл доороос харсан, шүүж шүлсээ үсчүүлсэн дотно харилцаа</p><p>Дэргэдээс хатгасан эсвэл ханил яваад түлхсэн танил царай.</p><p>Хааяа муухай хүмүүс таалагдахгүй юм.</p><img src="https://medium.com/_/stat?event=post.clientViewed&referrerSource=full_rss&postId=a717416e1fad" width="1" height="1" alt="">]]></content:encoded>
        </item>
        <item>
            <title><![CDATA[Монголоо орхихыг хүсэхгүй байна]]></title>
            <link>https://bzorigoo701.medium.com/%D0%BC%D0%BE%D0%BD%D0%B3%D0%BE%D0%BB%D0%BE%D0%BE-%D0%BE%D1%80%D1%85%D0%B8%D1%85%D1%8B%D0%B3-%D1%85%D2%AF%D1%81%D1%8D%D1%85%D0%B3%D2%AF%D0%B9-%D0%B1%D0%B0%D0%B9%D0%BD%D0%B0-ffee1dca2489?source=rss-1c51bd84eb33------2</link>
            <guid isPermaLink="false">https://medium.com/p/ffee1dca2489</guid>
            <dc:creator><![CDATA[Batzorig.T]]></dc:creator>
            <pubDate>Tue, 29 Mar 2022 07:27:30 GMT</pubDate>
            <atom:updated>2022-03-29T07:27:30.380Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*GXtLzcTfOx-z0t2HpzJAcw@2x.jpeg" /></figure><p>Бичих надад тайвшрал авчирдаг юм. Тиймдээ ч сайхан зүйлс, гэгээлэг мэдрэмжийн талаар үг холбох дуртай. Гэхдээ ойрд яагаад ч юм бичих сонирхол төрөхгүй юм. Үерлэн шуугих гол шиг нийгмийн…асуудал дүүрэн оволзох урсгалынх нь тэг дунд гацчихаад, тэсч үлдэх гэж тэвдэж яваа болохоор ч тэр юм уу.</p><p>Учир утгагүй, зүг чиггүй чихэлдэн урсаж, амьд үлдэхийн тулд нэгнээ үзэн ядаж, хэмлэхээс залхаж байна. Утаа, түгжрэл, үнийн өсөлтөөс биш, ухаан, сэтгэл, хайрын хомсдолд орсон хүмүүсээс л айж байна.</p><p>Үнийн өсөлт, ядуурал, ажилгүйдэл чинь угтаа бидний өнөөдрөөрөө амьдарсан, залхуурч хэвтсэн цаг хугацааны үр дүн. Маргааш гэж байдгийг мартаад зөвхөн өнөөдрөө бас өөрийгөө бодож эхэлсэн тэр цэгтээ бүдрэн унасан хөөрхий бид. Өөрөө унасан хүүхэд уйлаад яахав. Үзэл бодлын дархлаагүй, өөрийн хөрсөнд буулгалгүй даган дуурайсан мянга мянгаар нь хядсан. Алдсан байна гэж хашгирсан ч ахиад л дуурайж эхэлсэн, мянга мянгаараа сөхөрсөн, ухаан дутсан.</p><p>Үндэсний сэтгэлгээ, эх оронч сэтгэл гэж цээжээ дэлдэж онгирох хэрэггүй. Өөрсдөө бид бүтээсэн нь эмх замбараагүй, эх захгүй байдал учраас өвгөдийн үлдээсэн ухааныг өөрийнх гэж өмчлөх эрхгүй. Урагшгүй, сэтгэлгүй улс төрчид маань угтаа бидний л нэг, бидний л байгаа байдал, бидний хүссэн нийгэм. Авилга, хээл хахууль, арын хаалга, шударга бусын хонгилоо өрөөл нэгэнрүү чичлэх шаардлагагүй, өөрсдөө бид чирч авчирсан. Урд хөрш бүр ч буруугүй. Овоо босгоогүй бол шаазгай хаана суух вэ,</p><p>Миний нүд, чих одоо л нээгдээд байна уу, эсвэл нийгэм улам л харгис хэрцгий, хайрлах өрөвдөх сэтгэлгүй болоод байна уу.</p><p>Үүрэг хариуцлага гэж огт мэддэггүй, алдаа бүхнээ “эрх” гэдэг үгийн ард нуучихсан буруу зөвийн ялгалгүй, үнэт зүйлгүй роботууд өсч байгаа юм чинь арга байна уу даа. Сургуулиуд, сургалтын систем нь эрх мэдэл, эд хөрөнгөтэй болох арга заахаас хүнлэг сэтгэл, хүндлэл хайр заах биш дээ. Хэл ч ороогүй хүүхдээ бизнесийн сэтгэлгээтэй болгоно гэж ярьдаг эрээн даавуу, гялтгар төмрөөр гоёсон ядуу нэгнийг бишгүй л харлаа.</p><p>Монголоо орхиод зугтахыг хүсэхгүй байгаа ч, Монголчуудаасаа бол үнэндээ айж бас залхаж байна.</p><p>Автобусанд суугаад хамгийн сүүлд хэзээ өнгөлөг хувцастай, цэмцгэр залуусыг харлаа байз. Хамгийн сүүлд хэзээ тэднээс эх орны төлөөх мөрөөдөл, итгэл үнэмшил талархалыг нь сонслоо байз…</p><img src="https://medium.com/_/stat?event=post.clientViewed&referrerSource=full_rss&postId=ffee1dca2489" width="1" height="1" alt="">]]></content:encoded>
        </item>
        <item>
            <title><![CDATA[Хөхөө]]></title>
            <link>https://bzorigoo701.medium.com/%D1%85%D3%A9%D1%85%D3%A9%D3%A9-d5d4906f9d74?source=rss-1c51bd84eb33------2</link>
            <guid isPermaLink="false">https://medium.com/p/d5d4906f9d74</guid>
            <dc:creator><![CDATA[Batzorig.T]]></dc:creator>
            <pubDate>Tue, 19 Oct 2021 13:10:02 GMT</pubDate>
            <atom:updated>2021-10-19T13:10:02.476Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/679/0*b30ekMe7UQD1TXYd.jpg" /></figure><p>Надад энэ кино эх үрийн ачлал, эргэх орчлонгийн мөнх бус эсвэл эд баялаг, шунал хүслийн алины ч тухай биш. Харин алаг бөмбөл хорвоо дээр хоног холбон үргэлжлэх амьдрал гэгч оршихуйн араншинг өгүүлэх шиг санагдлаа.</p><p>Тэгээд тэр араншин нь асгат уулын чулуун дундах ганц цэцэг шиг сондгой бас хачин эмзэгхэн.</p><p>Эсвэл эхээ үгүйлэн эргэлдэх өнчин ботго шиг орь ганц, нулимс шиг нь санаашрал дүүрэн.</p><p>Цагийн эргүүлгэнд туугдан эс оршихуй, оргүй хоосонд дөхөж байгаа ч, намайг л өрөвдөөд үлдээчихсэн гэдэгт итгэх шиг өчүүхэн бас өрөвдмөөр.</p><p>Хааяа бачимдмаар, хачин их гунигаа хааш нь асгахаа мэдэхгүй, харамсаад нулимсаа нууж буруу хараад уйлмаар.</p><p>Харин заримдаа надаар дутахгүй мэт үргэлжлээд байх амьдралд хүсэл болгоноо биелэхийг үзмээр, өнгө нэммээр холгүй уужим.</p><p>Арга ядаж бачимдахдаа учрал аминчилж хүлээгээд л баймаар, агаарт хөхөө болоод одохдоо арагш харамсахгүй холыг зорьмоор.</p><p>Надаар дутахгүй хорвоогийн араншин, надаар л дуусах миний өнгө.</p><p>Тэр нь сайн энэ нь муу гээгүй ээ. Зүгээр чи ийм хорвоо дээр амьдарч байгаа шүү дээ гэж хэлэх шиг санагдаад. Гол санаа нь биш байсан ч хамаагүй л дээ, ер нь гол санаа гэж байгаа юм уу даа…</p><img src="https://medium.com/_/stat?event=post.clientViewed&referrerSource=full_rss&postId=d5d4906f9d74" width="1" height="1" alt="">]]></content:encoded>
        </item>
    </channel>
</rss>