<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by C on Medium]]></title>
        <description><![CDATA[Stories by C on Medium]]></description>
        <link>https://medium.com/@carissimus?source=rss-280dcbeb62bf------2</link>
        <image>
            <url>https://cdn-images-1.medium.com/fit/c/150/150/1*3BW-lQCsiQZ8lZDssduZOA@2x.jpeg</url>
            <title>Stories by C on Medium</title>
            <link>https://medium.com/@carissimus?source=rss-280dcbeb62bf------2</link>
        </image>
        <generator>Medium</generator>
        <lastBuildDate>Sat, 21 Nov 2026 02:29:32 GMT</lastBuildDate>
        <atom:link href="https://medium.com/@carissimus/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Exchange雜記]]></title>
            <link>https://medium.com/@carissimus/exchange%E9%9B%9C%E8%A8%98-e696171794c9?source=rss-280dcbeb62bf------2</link>
            <guid isPermaLink="false">https://medium.com/p/e696171794c9</guid>
            <dc:creator><![CDATA[C]]></dc:creator>
            <pubDate>Sun, 01 Mar 2020 21:47:16 GMT</pubDate>
            <atom:updated>2020-03-01T21:48:02.982Z</atom:updated>
            <content:encoded><![CDATA[<p>難得可以識到來自五湖四海嘅朋友，我即刻逼自己厚面皮一啲主動一啲同人傾計，不負自己期望，都識到唔少同學。</p><p>前日約左local同學去cafe傾計飲嘢，佢係我嘅presentation partner，上Central European Culture堂識嘅，major in Czech and German studies，好記得上堂輪流自我介紹嘅時候佢話佢去過德國兩年。有次同佢傾計，佢唔小心將and講左做und，然後同我道歉，話佢德文好過英文，我心底只有佩服。前日傾傾下知道佢由十三歲起開始學德文，同我呢個學左年幾但半桶水嘅真係天同地嘅距離。</p><p>我同佢嘅相識都幾特別，presentation分組嘅時候，professor俾曬所有題目我地睇先，再俾我地舉手揀想做邊一題，咁啱我同佢揀左同一題，係有關World War II後德國人嘅罪疚感。所以我地友誼嘅開始一半係緣分一半係興趣使然（？）我地落堂之後交換contact就開始傾計。</p><p>同佢傾計學到好多嘢，因為佢主修Czech and German，佢可以同我分享好多呢邊嘅歷史。去完cafe嘅時候，佢陪我行去搭地鐵，我地行過National Theatre對出個條街，佢話呢條街好有歷史價值，因為係Velvet Revolution嘅其中一個示威地點，呢條街有個位放左花同刻左17–11–1989，紀念革命嘅開始。我同佢講身為香港人，其他國家嘅抗爭歷史對我地來講都有一定嘅意義或者可以參考嘅地方。佢話上個sem上堂嘅時候佢地有討論香港嘅抗爭，其實都幾驚訝，因為夏天個陣我响呢邊，見到無咩當地新聞機構會報導香港嘅事（都難怪，呢邊無咩需要有同香港相關嘅agenda setting），所以知道香港發生咩事嘅當地人少之又少，無諗過原來佢地上堂會討論。</p><p>琴日就約左三個orientation week個陣識嘅同學去睇video mapping同埋飲酒，結果我成一點先返到屋企。佢地好nice好隨和，明明唔算好熟已經邀請我遲啲一齊去day trip，仲叫我問埋我兩個flatmates去唔去（佢地未見過我flatmates）。一開始識外國朋友最有趣嘅地方往往係教對方自己嘅語言，兩個法國同學教左我好多法文，雖然我覺得好難記，但真心覺得法文愈聽愈好聽！但我唔會咁花心未學好德文就走去學法文。 XD 好開心發現大家都有興趣行gallery、睇drama之類嘅活動，所以講好左搵日搞一個Prague 7 tour，因為Prague 7係呢邊嘅藝術區，成日都好多文藝展覽。</p><p>btw 仲有一件好好笑嘅事，就係兩日都有提及到電影。前日我同local同學提起呢邊睇戲好似幾平個陣，佢問我睇左Little Women未，琴日同學都有同我講佢地早排去左睇Little Women，結論就係：而加大家都知道我係Timothée Chalamet嘅迷妹了。雖然都一早同左法國同學講我想去Call me by your name嘅取景地方（因為係意大利所以應該去唔成喇），然後仲俾德國同學發現左我手機wallpaper係Timmy。</p><p>好，post完就返出去睇西班牙打吡。：P</p><img src="https://medium.com/_/stat?event=post.clientViewed&referrerSource=full_rss&postId=e696171794c9" width="1" height="1" alt="">]]></content:encoded>
        </item>
        <item>
            <title><![CDATA[可否好到被承認]]></title>
            <link>https://medium.com/@carissimus/%E5%8F%AF%E5%90%A6%E5%A5%BD%E5%88%B0%E8%A2%AB%E6%89%BF%E8%AA%8D-8d2e774a955b?source=rss-280dcbeb62bf------2</link>
            <guid isPermaLink="false">https://medium.com/p/8d2e774a955b</guid>
            <dc:creator><![CDATA[C]]></dc:creator>
            <pubDate>Mon, 21 Oct 2019 19:14:05 GMT</pubDate>
            <atom:updated>2019-10-21T19:15:35.158Z</atom:updated>
            <content:encoded><![CDATA[<p>上星期上social psychology tutorial做左個self-test，有一題係「I like to be the centre of attention」vs「I prefer to blend in with the crowd」。我思考左一段時間都揀唔落手。</p><p>I like to be the centre of attention？好似唔係特別中意，但I prefer to blend in with the crowd又稱唔上。我覺得成為焦點係一件唔容易嘅事，好多人留意自己，自己嘅一言一行都彷彿好有影響力，代表住唔可以出錯，其他人對自己嘅期望亦可能好高。但係blend in with the crowd呢？其實我又唔甘心。</p><p>當然呢個世界唔係咁二元對立，be the centre of attention同blend in with the crowd之間都會有一個空間。而且我想俾人見到或許係想significant others見到，並唔係全部人。</p><p>不如話我想得到attention係因為我無自信，往往要從人地手上攞肯定。</p><p>我成日都好唔中意自己咁平庸，我知道好多人都希望平凡，始終咁樣壓力會細啲。我相信因為我由細到大都比較自卑同好勝（係，自卑同好勝好似密不可分咁，因為自卑者希望透過表現得強大掩飾內心嘅自卑），經常覺得人地見唔到我就係因為我無值得俾人見到嘅地方，好想俾人地見到我，好想人地覺得我係值得被看見被讚賞。當人地讚我嘅時候，我又好怕其實我唔係佢地口中咁好，好怕有一日人地唔再讚我。</p><p>一直以來都好想變好，不過都幾清楚好多時都唔係為左自己。識得不斷同自己講唔可以咁，唔可以成日為左其他人或者佢地嘅期望去進步，要學識為自己，但都係做唔到。學業成績上遇過幾大嘅挫折，但原來最後都係唔能夠完全放低，見到人地gpa 3.幾係度呻時我會介意會唔開心，即使我會繼續安慰人，咁試問，一個連自己都說服唔到嘅人又點會有能力安慰到人。叫人地唔好俾成績限住自己，但其實我就係俾成績限住自己嘅例子。</p><p>上星期係mid-term week，溫書溫到個人好焦慮，要食藥先訓到教，不過都係訓得好差，個幾日成日都好似抖唔到氣咁，好似俾啲嘢壓住心口咁，同埋情緒好波動（尤其係好易嬲，例子就係著格仔裙時見到街上有人著格仔裙會燥左，心諗做咩同我撞，明明人地都有權咁著 LOL），波動到有一刻我懷疑自己要提早覆診，諗返起都覺得癲。其實我好清楚溫唔熟嘅後果，就係test唔識做，咁之後就係成績唔好，咁再之後呢？瘀囉。其實好小事，而我就係好在意瘀、好在意自己就係唔叻呢樣嘢。</p><p>學嘢嘅時候經常擔心落後，上個月去左試學國術，因為師父係義教嘅關係，義教完未傾好時間學費就未有得上堂住，我又想繼續跟呢個師父，所以就等緊有返堂繼續學。而加見到其他人學武就成日諗唉人地遲過我學都學得快過我喇。學德文又係，六七月個陣因為要去捷克返實習就暫停左，個邊啲堂撞曬返工時間，返到香港個陣已經過左報名時間，結果今個月先學返，就不斷諗死啦死啦一年先一個level，學得咁慢好廢呀。然而我知道自己唔係自學嘅材料，一定要跟老師，咁跟老師嘅選擇又唔多，除非private class。</p><p>明明學嘅嘢都係自己想學，都係自己有濃厚興趣嘅，偏偏就俾咁大壓力自己，逼自己學得快。有個中學師姐同我分享佢學德文嘅經歷，我直接同佢講左我嘅struggle，佢勸我慢慢來，話基礎好緊要，佢就係貪快個底打唔穩，而加好似識啲唔識啲咁，唔可以話自己真係講到fluent German。其實要搵理由證明學嘢要慢慢學真係俯拾皆是，就係勝不過我嘅自卑同好勝心。</p><p>最近同朋友傾計時，收到一句：「得到幾多都係你嘅，就算你唔覺，可能已經internalise左，潛移默化改變左你。」其實我真係唔覺得呢刻嘅我同之前有啲咩唔同左，雖然我相信呢句說話。或者下下諗住會唔會有改變、會唔會有進步正正就係阻礙自己進步嘅絆腳石，要試下除左「我要努力我要搏命」之外咩都唔好諗，咁先至最快爬到上去。</p><p>我仲觀察到自己有一個問題，就係成日有意無意同其他人講自己做緊咩學緊咩，潛台詞咪就係「我努力緊，我想你見到」aka 刷存在感/r人attention。係呀我知道應該let success make the noise架，但係我又無信心my success can make noise，甚至對我來說I may not succeed。</p><p>唔記得幾時了，沉迷武俠小說嘅我有一日拎住本《天龍八部》响屋企客廳睇，媽媽見到頁數，就話：「咦你睇到第10xx頁喇？」我帶點自豪咁話係。我爸爸就講左句：「如果你睇學校啲書（教科書）都係咁就好。」連尾音都無。由細到大都知爸爸成日口不對心，亦知道佢成日有意無意想激我，但我個刻嘅反應就係：「點解你係都要搵嘢批評我？」咁我諗《天龍八部》係好多人都睇過嘅書，而且係唔難理解嘅書，睇到第10xx頁並唔係咩咁叻嘅事，如果我話睇曬全本《古文觀止》或者德文版Romeo and Juliet就真係勁，但事實我只係睇《天龍八部》，確實唔值得讚，不過我好在意點解要咁樣表達，點解好似點都要搵位話我做得唔好咁。</p><p>屋企人明顯就係我嘅significant others嘅其中一部分人，爸爸對我嘅評價我看得好重，我咁大個女，佢讚人地時我都會有一刻諗：「我有啲咩唔夠呢個人做得好呢？」比如爸爸會讚我啲同輩同學，放榜時同爸爸講我有個好好嘅朋友入左中大，好記得佢即刻答：「咁叻嘅佢入到中大！」但佢無同我講：「咁叻嘅你入到浸大傳理！」我學校考試攞A、我篇報道攞獎、我德文考試拎95/100，我都急不及待同佢講，好想好想佢讚我。媽媽話爸爸其實只係唔會成日開口讚我，唔代表佢覺得我唔叻，更何況佢都讚過我，不過我由細到大都真係好在意個句：「你好叻女。」</p><p>打呢個post都係想透過文字反省自己心態上嘅問題。反省就識反省，不過始終唔知點樣改。睇返之前嘅post，發現我有提自己自我價值嘅重要，當意識到自己係有價值時，低潮時就唔會捨得放棄自己。其實我都係想自己好，但明顯用錯方法。咁既然學嘢係自己中意嘅，咪繼續囉。試過好專心咁努力，個刻諗唔到讚賞諗唔到虛榮，其實可以好享受，唯有慢慢來啦，建立自我價值唔係一朝一夕嘅事，所以都唔係打完呢個post會即刻學識嘅事。</p><p>不甘blend in with the crowd，但亦唔需要be the centre of attention，學習為自己發光就好。</p><p>（不過都希望大家多啲讚讚我哈哈，雖然我未必好似你講咁好）</p><img src="https://medium.com/_/stat?event=post.clientViewed&referrerSource=full_rss&postId=8d2e774a955b" width="1" height="1" alt="">]]></content:encoded>
        </item>
        <item>
            <title><![CDATA[實習雜記：inferiority]]></title>
            <link>https://medium.com/@carissimus/%E5%AF%A6%E7%BF%92%E9%9B%9C%E8%A8%98-inferiority-548e183fe162?source=rss-280dcbeb62bf------2</link>
            <guid isPermaLink="false">https://medium.com/p/548e183fe162</guid>
            <dc:creator><![CDATA[C]]></dc:creator>
            <pubDate>Thu, 25 Jul 2019 21:58:11 GMT</pubDate>
            <atom:updated>2019-07-25T21:58:11.090Z</atom:updated>
            <content:encoded><![CDATA[<p>報時22:08，我仲自行OT响office剪緊片，突然間又想寫下嘢。</p><p>其實唔係老細俾好多嘢我做，只係我之前拖得個節奏太慢，我留到咁夜係因為我覺得响呢個環境下做嘢會productive啲。</p><p>我唔知其他歐洲國家，甚至捷克嘅其他公司嘅work-life balance係點，但我呢度係其他人恨唔到咁relaxing。呢度逢星期三一定係home office，office唔會有人，無鎖匙嘅我有時想返來做嘢都唔得。睇google calendar發現好多欄有「HO」，即係同事自己set嘅home office day，有時email約senior傾嘢，佢地會覆：「Since I will not be in the office on xxxxx, can we talk on xxxxx?」試過同coordinator講因為我出去拍嘢所以唔會响office，佢覆無問題呀同埋佢都唔响office。有一次我返左去之後收到佢email話我可以work from home因為佢今日唔返，我返到去都無得問佢嘢。</p><p>Internship就快完，雖然我一心想返香港，但講真點都會唔捨得呢度。無論老細、senior定其他intern同事都極之nice，senior俾意見俾order唔會好harsh，同埋會不斷關心我有無困難會唔會處理唔到，我自己都唔好意思。</p><p>寫嘢拍嘢嘅自由度好大，大到我有啲迷失。初來報到個陣真係唔知頭唔知路，睇啲官方文件唔識睇（因為用捷克文寫）、東歐國家啲環境我又完全唔熟，講真就算學左之後都未必用得著，不過當興趣都好。見到另一個來自東歐國家嘅intern editorial assistant好快就上手，我就on99咁，有時都好無自信。不過呢啲都係我想出國實習嘅原因，呢啲經驗如果唔係我選擇左過來，應該唔會咁易攞得到。</p><p>講真我中意寫嘢多過拍嘢同做multimedia tasks，我都唔肯定係咪因為我覺得寫嘢平實啲無咁複雜，video就比較fancy（stereotype哈哈），感覺就係滿足讀者嘅需要。加上我剪片完全係半桶水，一來真係無咩呢方面嘅sense，二來成日拍啲footage都唔靚，咁炒埋一碟都唔會靚，三來覺得好麻煩。</p><p>咁報internship就梗係就算識得少少都話自己叻架啦，同埋我交上去嘅portfolio係特登分好曬text、photo同video，仲要hard news、soft news都交曬，好明顯咁想俾佢知我全部嘢都學過。當然心入面就好清楚我最中意係做text。</p><p>交左之後，佢地嘅回覆就係好需要我做video tasks，我一知道左都諗：「咁啱啦，當俾我挑戰下自己。」其實我真係真係好怕麻煩，但都要train架嘛，唔係點夠人爭。不過响呢度一邊怕麻煩一邊做，做多左video editing實實在在覺得自己進步左，有啲嘢總係要練。另一個intern唔太識呢方面嘅skills，不過佢寫嘢好叻同埋好主動好肯學嘢，有時放左工靜靜地諗，會唔會因為咁我先可以負責video，佢咁主動咁叻，如果佢識整video都一定俾左佢做啦。</p><p>雖然間中都會頹廢一下，但講到底我都有競爭心哈哈，唔想俾人感覺自己無用咩都唔識。然而暫時好想做到嘅係：慢慢學識真正咁享受增值自己嘅過程，唔係為左競爭。Btw一年前學德文個陣係全心全意享受，但到左而加唔知點解多左種好怕學得慢過人嘅心態。</p><p>甚至最近做文宣都係，因為人手比較少，無正式學過design但識玩photoshop同illustrator，所以都自告奮勇分擔設計工作，不過整完自己個part再見到有design background嘅隊友整得好靚好專業好多人share嘅時候，我會有一絲挫敗感。其實我真係好自私，咁嘅時勢仲將自己放到咁大（自卑嘅人先會將自己放到咁大，因為真係好怕人地睇唔到自己），下下計住功勞得失。講到底文宣嘅目的就係raise awareness同帶風向，做到個效果咪得，根本就應該大局為重。平時其他事情上計較都仲接受到，呢啲事上仲計住嘅話我真係唔配話自己為香港付出緊。</p><p>我學緊、調整緊架喇，就做到架喇。</p><img src="https://medium.com/_/stat?event=post.clientViewed&referrerSource=full_rss&postId=548e183fe162" width="1" height="1" alt="">]]></content:encoded>
        </item>
        <item>
            <title><![CDATA[實習雜記：loneliness]]></title>
            <link>https://medium.com/@carissimus/%E5%AF%A6%E7%BF%92%E9%9B%9C%E8%A8%98-loneliness-23b26f6fc39b?source=rss-280dcbeb62bf------2</link>
            <guid isPermaLink="false">https://medium.com/p/23b26f6fc39b</guid>
            <dc:creator><![CDATA[C]]></dc:creator>
            <pubDate>Tue, 23 Jul 2019 23:17:15 GMT</pubDate>
            <atom:updated>2019-07-23T23:18:17.760Z</atom:updated>
            <content:encoded><![CDATA[<p>其實我手頭上仲有好多嘢未做，但我決定停低寫寫嘢整理下思緒。</p><p>星期日一如其他週未咁睇直播、fact check、催啲朋友報平安，無助嘅感覺突然間出現返。夜晚見左兩個朋友，佢地過來歐洲玩，咁啱Prague係其中一個stop。朋友知道我差唔多全日都响屋企睇直播無出去，whatsapp我話：「sorry 係一個唔適當既日子搵你」但我係好想見佢地嘅。我地坐低左飲嘢傾計，聽左佢地分享旅行嘅事，又分享左自己返工嘅嘢，傾左下香港，咁樣傾下輕鬆下對我來講已經好夠。</p><p>散band之後返到去屋企就開始做返工啲嘢，下晝淨係掛住睇直播都無去剪片，剪剪下諗起朋友走左呢幾日又要自己一個面對，竟然忍唔住喊左出來。擦擦眼淚飲啖茶又繼續剪，搞搞下結果訓得兩個鐘。</p><p>朋友dm我問我其實係咪心好累，我話係。朋友：「冇得陪你啦呢幾日，要保重自己，我其實本身仲覺得阻住你😂你需要我地陪太好了💓」其實我個晚真係好需要人陪，我無開口講但佢地來得好合時，好多謝佢地搵我。</p><p>第二日返到office，intern同事問我點解唔join佢地星期日去gallery，我苦笑一下話唔得閒，唔知點解個刻唔太想講咁詳細。突然之間好中二病咁覺得算啦講出來你地都唔明。之前都有同佢地講過香港嘅事，講過suspend同withdraw、講過點解啲義士要攻入立法會，但係對佢地來講似乎都有距離。因為個種自己諗埋一邊嘅magnified loneliness，响office又差少少崩潰，不斷深呼吸再繼續做嘢。</p><p>收工前同老細傾嘢，走個陣佢叫住我，我以為佢有咩要補充，點知佢係問我：「Who were those in white actually? Are they mafia groups? I saw the news. It was so crazy, right?」結果就同佢傾左一陣香港。似乎老細心水好清，其實我對於外國點樣報導都唔係好清楚，呢兩日忙到無留意，我直頭想問老細你覺唔覺得香港嘅事係國際笑話。</p><p>傾完之後個陣「算啦你地都唔明」嘅想法好似無咁強烈，佢地一定唔會完全理解，但起碼佢地有嘗試理解，咁樣已經係對我地嘅一種支持。唔一定要香港人先明，亦唔代表香港人就一定明，只係香港人大部分會容易啲感同身受。</p><p>好啦寫完就要死返去繼續剪片了，其實今日發現啲footage唔係好夠，都幾頭痛，做左先算啦。</p><p>來緊嘅週未會去Heidelberg搵一個朋友，傾下計順便整下文宣嘢。買左車飛之後就好期待，呢個會係我今個星期努力返工嘅動力。</p><img src="https://medium.com/_/stat?event=post.clientViewed&referrerSource=full_rss&postId=23b26f6fc39b" width="1" height="1" alt="">]]></content:encoded>
        </item>
        <item>
            <title><![CDATA[The Lion King]]></title>
            <link>https://medium.com/@carissimus/the-lion-king-bc15203edfca?source=rss-280dcbeb62bf------2</link>
            <guid isPermaLink="false">https://medium.com/p/bc15203edfca</guid>
            <dc:creator><![CDATA[C]]></dc:creator>
            <pubDate>Fri, 19 Jul 2019 10:16:08 GMT</pubDate>
            <atom:updated>2019-07-19T10:16:08.054Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/650/1*xGR9kbGpRWjnXRBBtURWhQ@2x.jpeg" /></figure><p>琴晚即興衝去左睇拉人King，買十分鐘後嘅飛，然後發現係第一日上映，仲要第一次响外國睇戲，正正子。</p><p>大個左睇Disney片唔淨係睇故事，仲留意多左音樂同聲效，今次睇Lion King除左因為童年回憶之外，仲因為想聽入面啲歌。咁多年來都係最中意Can you feel the love tonight，聽到前奏已經起曬雞皮。不過聽完新version，我諗無一個版本取代到Elton John版。</p><p>一開始播Circle of life，然後見到草原嘅動物慶祝Simba出世嘅畫面，我心諗洗唔洗咁真咁靚呀。電影入面所有動物都好真、風景靚到好似discovery channel咁，睇到想去非洲親眼睇一次。唯一唔滿意嘅係Scar唔夠型，明明動畫嘅Scar勁型架嘛。</p><p>Mufasa死個幕我大個左咁多都仲係克服唔到，應該睇多幾多次都會喊，相信好多人同我一樣。另一幕就係Simba望住湖面見到自己嘅倒影似足呀爸，Rafiki同佢講「Your father is alive. He lives in you.」再聽到呀爸嘅幻聲鼓勵佢，真係好催淚，不過呢幕係帶點感動同溫暖嘅催淚。</p><p>Hakuna Matata，no worries。有傷心不堪回首嘅過去，拋開呢段過去唔代表從此咩都放低咩都唔理，you cannot change the past but the future。正正因為有段傷痛嘅過去，Simba更加勇敢。流浪異鄉後返屋企結束Scar嘅暴政、為呀爸為同伴爭取返屬於佢地嘅the Pride Lands，由Simba踏上爸爸嘅大腳印個刻開始，就注定係佢要承擔嘅任務。</p><img src="https://medium.com/_/stat?event=post.clientViewed&referrerSource=full_rss&postId=bc15203edfca" width="1" height="1" alt="">]]></content:encoded>
        </item>
        <item>
            <title><![CDATA[實習雜記：homesickness]]></title>
            <link>https://medium.com/@carissimus/%E5%AF%A6%E7%BF%92%E9%9B%9C%E8%A8%98-homesickness-3c73a97452b3?source=rss-280dcbeb62bf------2</link>
            <guid isPermaLink="false">https://medium.com/p/3c73a97452b3</guid>
            <dc:creator><![CDATA[C]]></dc:creator>
            <pubDate>Tue, 16 Jul 2019 20:24:12 GMT</pubDate>
            <atom:updated>2019-07-16T20:24:12.901Z</atom:updated>
            <content:encoded><![CDATA[<p>布拉格intern狗日程——星期一至五：返工之餘上連登、facebook、ig、twitter、reddit做打手；星期六日：睇live睇哨兵channel通風報信同催人報平安。</p><p>今個夏天响布拉格做intern，出發前掙扎左好耐，最後send email問coordinator我可唔可以去埋九號嘅遊行先出發？我打左好多好多原因解釋，結果佢好體諒覆左我sometimes things could happen，就俾我遲一個星期開始返工。</p><p>最後我十三號就出發，有睇我ig嘅朋友都知道我完全唔想响危急存亡之秋離開香港（apply個陣仲係滿心期待出國的），到左之後個兩三日特別唔開心。</p><p>記得睇醫生個陣醫生同我講左一句令我好深刻嘅說話：「多數你狀態好個陣就會唔記得食藥，少左擔心咁咪無諗起要食囉。」當我到左步發現朝早食完早餐一定要食左藥先安心嘅時候，我就知道我狀態好差。</p><p>Ig都有提到，十六號個日成個人好繃緊，隔住手提電話望住香港嘅新聞，原來出去遊行嘅人一早已經塞到九龍塘，有啲欣慰，但嬲自己無份；好多朋友，不論係留意開時事政治定係平時較少發聲嘅都上街，有啲感動，但討厭自己只能慢六小時嘅城市街上迷惘咁行來行去，個陣仲要落住雨，特別難過。</p><p>中學同學wtsapp我問我走左咩，我話係呀wuwuwuwu，佢回：「又無得拍住上」其實我都覺得好難受，第一次有少左我一個真係少嘅感覺（把自己看得那麼重要）。過左一陣有戰友pm我問我方唔方便幫手做文宣，我係有akb fans我好興奮呀gif嘅心情：「有嘢俾我做喇！！！！！」衝左入去間餐廳是但order左啲嘢再埋頭幫手翻譯文宣，夜少少再返左host整埋啲圖。</p><p>後來登報眾籌個兩日我好誤打誤撞咁响telegram識到班文宣組（？）嘅人，一齊開左group寫嘢整圖等等。到而加已經合作左成兩個幾三個星期，大家熟得好快，仲特登開左個吹水group閒聊，代價就係日日起身都要用成個鐘追group嘅對話，開會開三個鐘係等閒事。</p><p>Group入面有個响德國讀緊PhD嘅女仔，由於時差關係夜晚成日得佢online，漸漸我同佢特別多計傾，聽到佢同我身處同一時區真係覺得特別親切架。同埋有時都係身處海外嘅人先理解唔能夠親身去現場嘅唔甘心，諗諗下都有I’m not alone嘅感覺。</p><p>盧小姐離開個一日，我情緒狀況又開始變差，完全頂唔順自己一個人，特登搭左十個鐘車去搵朋友，個陣仲係度諗我會唔會响巴士已經breakdown到去唔到。去到留左一日，話就話想放鬆下發洩下，其實講兩句無聊嘢又返去講香港啲事，大家都放唔低。飲左少少已經wuwuwuwu咁話自己無用話自己廢咩都做唔到，又要麻煩朋友開解。其實我知道情緒低潮呢樣嘢去到最後都要靠自己過，但有人接一接自己感覺易過好多，唔開心要識求救。</p><p>我好中意諗如果同諗早知，如果我無選擇去海外實習會點呢？如果早知香港會咁我會唔會仲去海外實習呢？諗來真係無咩用，不過我又成日好犯賤咁諗，然後同自己講唉都無時光機啦，跟住又嬲自己一陣。仲記得我曾經話連自己都搞唔清我咁搏命做文宣心底裡到底係唔係想彌補唔可以親身去現場嘅內疚，而加呢刻我會諗「係咁又點？」就算係「贖罪」起碼我都係做緊實事，我都係making changes。</p><p>Internship八月頭就完，我本身個計劃係八月尾先返香港，不過我覺得任性到不得了嘅我會忍唔住改機票提早返。</p><p>其實都要多謝布拉格，至少我諗到sem 2 exchange又來布拉格我係覺得慶幸嘅。呢度啲人好好，風景dum一聲咁靚（好天再加心情好嘅話一落街就已經覺得好靚），而且物價唔貴，又位於歐洲嘅中心，感覺去邊都唔係好遠咁。即使我好掛住香港，時時刻刻都想早啲返去，諗起要離開呢個地方，都有啲唔捨得。加上如果唔係我過左呢邊，我都唔會識到多一班戰友，俾我揀過嘅話，我又唔想因為無過來呢邊，所以識唔到佢地喎。</p><p>唯有繼續逼自己作息定時三餐定時食藥定時（自律對我來講都幾難），每日嬲下自己再化悲憤為力量啦。</p><img src="https://medium.com/_/stat?event=post.clientViewed&referrerSource=full_rss&postId=3c73a97452b3" width="1" height="1" alt="">]]></content:encoded>
        </item>
        <item>
            <title><![CDATA[過氣追星妹的心聲]]></title>
            <link>https://medium.com/@carissimus/%E9%81%8E%E6%B0%A3%E8%BF%BD%E6%98%9F%E5%A6%B9%E7%9A%84%E5%BF%83%E8%81%B2-19c523a75dc2?source=rss-280dcbeb62bf------2</link>
            <guid isPermaLink="false">https://medium.com/p/19c523a75dc2</guid>
            <dc:creator><![CDATA[C]]></dc:creator>
            <pubDate>Wed, 15 May 2019 16:16:50 GMT</pubDate>
            <atom:updated>2021-05-13T15:16:13.913Z</atom:updated>
            <content:encoded><![CDATA[<p>初中嘅時候我係一個追星妹，100%嘅追星妹，我個陣嘅偶像係小豬羅志祥（無錯，係話不用分那麼細大家都是中國人個位）。我個陣買專輯去簽唱會去演唱會睇佢節目不在話下，仲會去機場接機送機，又俾幾百蚊入fans club，去活動個陣會自己整卡整小禮物送俾佢。諗返起都覺得幾癲。不過都幾開心，真係好青春，覺得最大得著係識到班好朋友，有幾個到而加都有聯絡。</p><p>人大左、接觸嘅嘢多左之後，以前覺得好有光芒嘅事開始變得平凡，追隨嘅事都變得唔一樣。而加回想起有好多以前唔識諗嘅事都諗通左。</p><p>細個嘅時候有人同我講寫信俾偶像、送嘢俾偶像佢未必會睇未必會留，我堅持佢會睇，係咁強調佢好錫fans，其實到而加我都唔知係咪真啦。不過細個覺得咁做開心咪算，又無傷大雅。</p><p>以前用零用錢買專輯，儲到成個櫃都係，又會逐間逐間便利店同報攤搵yes嘅贈品，買完都唔記得有幾多樣係實用嘅。到而加無錢就想賣返曬出去，然而仲要擔心無咩人想買。以前有零用錢就想買專輯，而加有錢留返起去下旅行買下衫買下書仲好，或者留起佢做德文學費。</p><p>我重視嘅嘢唔同左，但我無後悔過以前花時間追逐個一道光芒，人總會成長，以前嘅經歷對長大左嘅自己可能有另一層意義。細細個就咁識諗留返啲錢學德文，我就真係驚囉。</p><p>而加見到啲追星妹妹睇show舉燈牌，係ig story話自己哥哥好靚仔，我唔會覺得佢地好低能好唔識諗（即使我唔覺得佢地哥哥靚仔），因為我曾經都係咁，老土啲講，呢個係佢地嘅青春呀，無傷害人就可以了。</p><p>我之前中意嘅唔係韓國明星，不過我諗，啲妹因為自己嘅偶像而去學韓文，其實都幾值得欣賞。學語言從來唔係一件容易嘅事，要花大量嘅時間練習，尤其已經唔係四五歲，雖然我自問都有少少language方面嘅天分。又有另一個例子，之前八掛去睇全民造星第二季個interview，有一個男仔令我好深刻，佢自彈自唱周杰倫嘅歌，佢分享個陣話因為好中意周杰倫而學音樂練唱歌，有一次睇偶像演唱會仲俾偶像邀請左上台表演，連偶像都睇到自己嘅努力。</p><p>因為自己欣賞嘅人去增值自己，呢個絕對係好事。唔敢講第日仲會好中意而加嘅偶像，但學左嘅嘢就係自己嘅，就係一世。追星唔一定腦殘，如果追逐嘅時候不忘自己嘅價值，咁反而係值得鼓勵嘅事呀。</p><p>有一次去街嘅時候呀衰人問我有無睇BTS新mv，不嬲無追韓流嘅我就話無，佢同我講BTS有去過佢hometown開演唱會，佢有去睇。其實我唔明點解佢會中意BTS，即係一個男仔中意一班同自己一樣大嘅男仔，我有少少唔明哈哈（同埋講真我覺得呀衰人某啲方面隨時比佢地好，不過都係我覺得啫 LOL），但佢開心就好。</p><p>不過我對呢個組合嘅印象幾好，事關上年攞獎去gala dinner嘅時候識左一個細我少少嘅女仔，佢都入左圍，個獎係有關mental health嘅，我地就傾呢個問題。個女仔同我講佢家姐好中意BTS，佢以前完全唔明kpop有咩好，咪又係一班人係度跳舞。後來佢家姐同佢講BTS曾經寫過有關mental health嘅歌，希望引起歌迷對mental health嘅關注。之後佢就對kpop同埋BTS改觀，仲慢慢中意左呢隊組合。</p><p>韓流差不多吹遍全球，利用自己嘅歌同reputation去喚起歌迷甚至其他人對社會問題嘅關注，個效果一定理想過普通人推廣個issue幾十次。尤其mental health呢個問題好貼地，差唔多每一個人都有可能面對，或者身邊有人面對緊，我唔知一首歌可以有幾鼓勵到一個係低谷嘅人，但我諗至少可以俾佢地知道they’re not alone，起碼連一個偶像團體都明白佢地。</p><p>後來我有上網搵下新聞同文章睇下真唔真，可以分享下：<br><a href="https://www.teenvogue.com/story/bts-mental-health">BTS Opened Up About Mental Health</a></p><blockquote>RM from BTS also said he was shocked at the fellow singer’s death, especially because of his success in the music world. It’s important to remember, however, that no matter how someone’s life looks from the outside, they still may have a mental illness. That’s why RM said he hopes lawmakers will enact a plan to relieve stress for younger generations who are struggling in any way.</blockquote><p><a href="https://ramenswag.com/bts-songs-about-depression-and-mental-health-issues/">7 BTS Songs About Depression and Mental Health Issues!</a></p><blockquote>In AUGST D, Suga addresses mental illness openly. He accepts depression like it’s second nature. For me it was the biggest takeaway as I learnt that accepting things makes things much simpler.</blockquote><p>另外我曾經係網上見到有家長分享自己特登去炎亞綸嘅簽唱會同佢講多謝，話小朋友中意炎亞綸之後乖左好多。中意一個有正面形象，會負社會責任嘅偶像，話唔定對自身有正面影響。係資訊量爆炸嘅年代，發佈資訊嘅門檻愈來愈低，人人都可以做publisher，做KOL嘅成本極低，但又有幾多人肯負社會責任，明白到自己嘅言論行為係會影響到人。如果呢個世界咁多公眾人物，真係考慮到自己對年輕人嘅影響力，利用呢個影響力去鼓勵年輕人，個社會會靚幾多？</p><p>之前都有提過聽房東的貓演唱會，佩嶺話：「愛讓人看到更遼闊的世界。」其實歌迷同偶像之間個種關係都可以係咁，我一直深信愛就係令對方同自己變得更好，而呢種遠遠嘅愛都可以令人進步，令人變好in any way。</p><img src="https://medium.com/_/stat?event=post.clientViewed&referrerSource=full_rss&postId=19c523a75dc2" width="1" height="1" alt="">]]></content:encoded>
        </item>
        <item>
            <title><![CDATA[自救]]></title>
            <link>https://medium.com/@carissimus/%E8%87%AA%E6%95%91-5b12902af9a3?source=rss-280dcbeb62bf------2</link>
            <guid isPermaLink="false">https://medium.com/p/5b12902af9a3</guid>
            <dc:creator><![CDATA[C]]></dc:creator>
            <pubDate>Mon, 29 Apr 2019 19:14:27 GMT</pubDate>
            <atom:updated>2019-04-29T19:14:27.841Z</atom:updated>
            <content:encoded><![CDATA[<p>啱啱嘅星期五係year 3嘅最後一堂，除左感慨又老左，仲好唔捨得Dr. Ng個堂Matters of Life and Death。雖然工作量唔細，但每次上堂聽Dr. Ng講書都有種被治療嘅感覺。</p><p>呢堂顧名思義係講生死，以前中學上數學堂會諗大個邊會用三角函數，唔明點解要讀。到而加上生死學，學到嘅就真係人人都用得著嘅知識，聽落特別有味道。</p><p>我最記得就係教點樣觀察身邊嘅人有無自殺念頭，同埋知道左之後可以點樣回應。例如突然間將自己重視嘅嘢送俾人，就等於係想將自己離開之後會留低嘅嘢安頓好；言談間提過同死有關嘅嘢，比如「死左係咪咩到一了百了架喇？」代表佢有諗過死。堂上嘅練習就係睇張國榮經理人嘅訪問，透過佢描述哥哥生前嘅行為來搵佢打算離開嘅提示。來到呢一度我都暗暗可惜，如果當年有人察覺到呢啲提示，哥哥而加又會係邊度呢？</p><p>呢個course嘅三份功課我個組都用左討論自殺做題目，企係唔同宗教角度、法律角度睇自殺，評論呢個行為嘅對錯。做功課個陣都有諗，其實一個人決定生唔生存落去，我根本無資格評論，人地經歷過嘅我又無經歷過。曾經睇過評論人查映嵐嘅一篇文，提到自殺應該係一個選項。我認同無人想見到其他人因為唔開心而結束生命，但如果真係咁辛苦，條命係人地嘅，我地係咪真係需要加把口評論佢咁做啱唔啱。</p><p>我唔知有幾多人曾經有過想死嘅念頭，坦白講我都有過，但係只係一剎那間，好快就消失左，而且淨係出現過兩三次。我唔知道真係好想離開嘅人點樣諗，我無法想像佢地嘅痛苦，就算我只係有一下子嘅念頭，諗返起已經好難受，何況人地日日夜夜俾呢啲想法纏繞。</p><p>情緒問題初起個陣我已經有要處理好佢嘅想法，知道唔好好處理個一剎那間尋死嘅念頭，問題就只會愈來愈大，只會更加頻繁咁有suicidal thoughts。不過我知道有自救嘅意識真係好難，極度depressed嘅時候完全唔明救自己條命有咩意義，救左咪仲要面對呢個世界？</p><p>我一向唔識開解人或者俾意見，加上一個唔開心到極點嘅人根本唔會想聽意見，佢只係想要陪伴、想有人認同佢，坐係側邊點頭不斷講「係呀係呀」就可以。試過因為感情問題半夜崩潰搵朋友傾（唔只一次，我垃圾），兩次係搵唔同嘅人。一個適合嘅傾訴對象係十分重要，第一次搵嘅朋友我由中學開始就相當信任，所以根本無點諗就講曬出來，佢個種陪伴亦係我想要嘅，靜靜聆聽等我冷靜少少先再同我傾，傾完之後真係有「好彩有搵佢」嘅感覺。第二次搵嘅朋友可以話係典型正能量人士，平時同佢傾計會搵到好多力量同方向，但崩潰嘅時候我諗佢唔係一個適合嘅傾訴對象。當時佢不斷同我講我一定會走出呢個漩渦，我話我做唔到，佢都insist話我會做到，同埋我話第二日仲要返學呀補習呀都唔知心理質素夠唔夠，佢就叫我唔好諗個問題，專心面對，其實平時佢咁講我一定做到，但一個好唔開心嘅人根本就唔可以理性。雖然我感激佢陪我，不過我都想同佢講一句：「你要求太高喇。」</p><p>我諗解決方法呢啲唔係最唔開心個陣需要處理嘅事，情緒化嘅時候做決定應該都幾危險，連inner peace都無又點樣處理其他嘢。唔係話由得個問題存在唔理佢，但要理左自己先、照顧好自己先，咁先要求自己做更多嘢。</p><p>好唔開心，咪喊囉，試過低潮遇上考試嘅我同自己講：「唔開心個地球都唔會為左我而停。」然後逼自己繼續做paper溫書，結果壓抑到最後要睇醫生。其實你喊三日三夜地球真係唔會停，但係你之後可以做到嘅變得更多，因為你傷好了。</p><figure><img alt="" src="https://cdn-images-1.medium.com/max/750/1*i71ZvlH5qX-k6bDn61qsUw.jpeg" /></figure><p>情緒稍微平復就可以搵方法著手處理問題，或者理性咁調整心態。之前有想死嘅念頭其實都係因為感情問題，冷靜左之後諗起：「超，我死左佢又唔會知嘅，咁咪好唔抵。」其實唔死佢都未必會知架，但你自己知道，你會為自己驕傲。</p><p>自我價值真係好重要，我會咁諗，趁狀態好個陣增值下自己，見到自己慢慢變好，到左狀態差甚至低潮嘅時候你就唔會捨得放棄自己。</p><p>除左學習幫人，我地都要學下幫自己。</p><img src="https://medium.com/_/stat?event=post.clientViewed&referrerSource=full_rss&postId=5b12902af9a3" width="1" height="1" alt="">]]></content:encoded>
        </item>
        <item>
            <title><![CDATA[從許志安事件反思香港風氣]]></title>
            <link>https://medium.com/@carissimus/%E5%BE%9E%E8%A8%B1%E5%BF%97%E5%AE%89%E4%BA%8B%E4%BB%B6%E5%8F%8D%E6%80%9D%E9%A6%99%E6%B8%AF%E9%A2%A8%E6%B0%A3-4a11c4e32a3c?source=rss-280dcbeb62bf------2</link>
            <guid isPermaLink="false">https://medium.com/p/4a11c4e32a3c</guid>
            <category><![CDATA[黃心穎]]></category>
            <category><![CDATA[許志安]]></category>
            <category><![CDATA[港豬]]></category>
            <dc:creator><![CDATA[C]]></dc:creator>
            <pubDate>Tue, 16 Apr 2019 20:29:36 GMT</pubDate>
            <atom:updated>2019-04-16T20:43:57.068Z</atom:updated>
            <content:encoded><![CDATA[<p>少有嘅正經嘢，但零組織。</p><p>琴晚因為做assignment（同睇書拖延時間）好夜都未訓，所以聖母院嘅新聞一出我就睇到。</p><p>升中一個年暑假跟姨丈姨媽一家去歐洲玩，巴黎聖母院就係其中一個景點，細個唔太識欣賞建築，淨係覺得好大囉好多人囉，同埋係外面影左張相，除此以外都無咩特別感覺。到大個左自己去歐洲玩，愈來愈中意歐洲嘅建築，好多都好仔細好靚，曾經素描過呢啲建築，覺得畫都要畫咁耐，啲人起左嘢出來究竟要起幾耐同埋用幾多心機？原來花咁多時間建成嘅嘢，真係可以一眨眼間就灰飛煙滅。</p><p>一個地方之所以迷人，就係因為有歷史價值，透過睇建築就追溯返好耐以前嘅事，望住一棟嘢已經好多故事可以講。而呢樣嘢係中國強硬去殖民化下嘅香港愈來愈難做到。所以咁宏偉咁有歷史價值嘅建築一下子無左，我諗諗下真係好失落嗚嗚。</p><p>之後起身繼續係Facebook見到朋友分享有關嘅post、新聞同相，繼續感觸。</p><p>到下晝就爆左許志安同黃心穎偷食單新聞出來，上一上連登，痴線架literally差唔多全版熱門都係講緊呢件事，Facebook呢？梗係都係洗曬版，唔同圈子嘅朋友都一齊討論，熱鬧到不得了。</p><p>根據經驗，每次娛樂圈有咩大新聞，實有班人衝出來鬧香港人淨係理娛樂圈八掛嘢，時事嘢唔洗理啦云云，之前陳家樂同余香凝件事仲記憶猶新。</p><p>用來做對比嘅新聞除左聖母院，仲有逃犯條例。Btw今日立法會民主派開記者會講逃犯條例，不過相信今日另一個記者會會比較吸引，至少instagram story十個有七八個係影緊記者會直播。其實啲condemnation都係個幾句：「港豬淨係識八掛」、「逃犯條例？無人記得喇」、「香港人就係咁膚淺」</p><p>多謝Mike考試個陣要我地用Google Trends，學識左點用，頭先貪得意搵左個trend來睇，結果如下：</p><figure><img alt="" src="https://cdn-images-1.medium.com/max/1024/1*NCA_zTFMdzRQO7Ch-ko_kQ.png" /></figure><p>根據Google Trends，呢個圖表係計search terms於某時間點嘅相對熱門度，唔係搜尋次數，而一個search term高過50個條線，就已經叫half as popular，100就係頂點。</p><p>係架，睇Google Trends結果好明顯多啲人關注偷食事件。「逃犯條例」呢個search term嘅popularity全日都係0，而「許志安」係佢開記者會個段時間就100。「許志安」同「黃心穎」成個trend都係高過另外兩個terms。</p><p>之後我睇埋daily search trends，「許志安」有過百萬個search，其實第二已經係「巴黎聖母院」，有過十萬個search。不過其餘search就係爆偷食事件嘅蘋果日報同埋訪問馬國明媽媽嘅big big channel，都反映緊偷食事件真係熱門好多，如下圖所示：</p><figure><img alt="" src="https://cdn-images-1.medium.com/max/1024/1*Zyq1qf6XaGnLLAWS1wj8_Q.png" /></figure><p>香港人關注八掛新聞多啲就一直都係old news is so唔識串，但係問心真係有需要咁借題發揮？講真，道貌岸然咁話人地膚淺其實對整個風氣都無幫助。</p><p>逃犯條例由day one開始都係比較複雜嘅嘢，法律不嬲都係水蛇春咁長嘅條例案例，又難明，關心嘅人少啲好正常。當然複雜唔係唔關心嘅理由，正如星期五八半堂嘅Dr. Ng都成日同我地講「政治會自己搵上門」，兩年前討論一地兩檢個陣我都係咁同其他人講「關你事架好大件事架」，但人地真係覺得悶覺得資訊量好大吖嘛。</p><p>同埋逃犯條例討論左都好一段時間，而呢個議題仲會繼續講落去，一個有持續性嘅新聞關注度有回落實在再正常不過，對比起一下子爆出來嘅新聞，要逃犯條例呢啲long-term issue一樣咁多人討論，ummm難左啲喎。</p><p>而聖母院，其實對某啲人來講可能真係聽都未聽過，或者根本就唔會去，山長水遠一個國家無左個建築係可以唔關佢地事。</p><p>一日得二十四小時，訓都未必夠時間訓，好難每時每刻都留意緊時事，有啲嘢唔洗不斷提住先叫關心，一日到黑都提住應該係attention seeker。返工返學咁攰，正常都想輕鬆下，咁睇下八掛嘢無傷大雅，有邊個會唔中意放鬆。我係Facebook status都講：「香港人壓力咁大，唔洗下下都要做到咁唔膚淺嘅，心底真係知道咩係重要咪得。」</p><p>我覺得眼前呢個情況係需要改善，娛樂係香港人心中係無可否認十分重要，睇公共圖書館non-fiction嘅借閱榜就一目了然。但係娛樂始終都係生活嘅一部份，無左娛樂，生活就變左生存，所以最重要嘅就係攞返個平衡。</p><p>「心底真係知道咩係重要咪得」，前提就係明白時事對自己嘅影響、明白政治係同每個人有關。怪其他人唔關心無用，唔通話完人地佢就會坐定定同你睇逃犯條例新聞？冷靜咁諗下辦法來得比較實際。</p><p>呢兩年來好多前輩大大都講緊韜光養晦，以往批評都太多了，我地缺乏嘅係反省。算係半個社運人嘅我都成日諗點解有啲行動、集會咁少人出來，因為唔關心？因為覺得個行動無幫助？我地希望其他人同我地一樣睇到社會某啲嘅問題，但係我地有無耐心同佢地解釋呢？有無耐心將呢啲資訊慢慢滲入人地嘅思想入面呢？</p><p>尼采講過：「樂趣會伴隨著膚淺的知識。」識多少少之後睇人地可能會有種自命高高在上、我好清高呀嘅感覺，忘記左我地要繼續反省同進步。我地怪責泛民係另一道高牆，怪佢地離地造騷，怪佢地自以為專業人士就睇唔起其他抗爭人士，但去到最後我地又係咪用返同一個眼光去睇未跟到我地步伐嘅人？大家都成日話要做大個餅，餅唔係指責人地港豬就會做得到。</p><figure><img alt="" src="https://cdn-images-1.medium.com/max/612/1*lAAASR6RbyngY_-HDYJSxg.png" /></figure><p>民主、建立理想嘅家園，就好似當年擺街站拉票咁（唉好懷念），日日六點起身出去擺早站，烈日當空下企n個鐘，然後夜一夜先收站，期間不斷九十度鞠躬請街坊拎傳單睇再講多謝，甚至笑笑口忍受人地問候自己全家，再耐心解釋俾對方聽，慢慢一票一票拉返來。建立自己想要嘅環境，又點會一步就達到呢，要無比嘅耐性、要揼石仔架。</p><p>哈真係講到好遠，但係我確實係諗到咁多嘢。</p><p>係我打緊呢篇嘅時候我曼已經落後緊兩球，算啦都係訓先唔好睇了。</p><img src="https://medium.com/_/stat?event=post.clientViewed&referrerSource=full_rss&postId=4a11c4e32a3c" width="1" height="1" alt="">]]></content:encoded>
        </item>
        <item>
            <title><![CDATA[房東的貓演唱會後感：寧靜而真實的想念]]></title>
            <link>https://medium.com/@carissimus/%E6%88%BF%E6%9D%B1%E7%9A%84%E8%B2%93%E6%BC%94%E5%94%B1%E6%9C%83%E5%BE%8C%E6%84%9F-%E5%AF%A7%E9%9D%9C%E8%80%8C%E7%9C%9F%E5%AF%A6%E7%9A%84%E6%83%B3%E5%BF%B5-1be0c88a2f1d?source=rss-280dcbeb62bf------2</link>
            <guid isPermaLink="false">https://medium.com/p/1be0c88a2f1d</guid>
            <dc:creator><![CDATA[C]]></dc:creator>
            <pubDate>Thu, 11 Apr 2019 17:37:57 GMT</pubDate>
            <atom:updated>2021-05-13T15:21:09.931Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*U7-q5VEmIBtFlQ6xYHzuBQ.jpeg" /></figure><p>呢場好溫柔好治癒嘅演唱會，好似將我前幾日嘅厭世吹走左。</p><p>期待左好耐，但係到真係聽個陣由開始去到完都係好平靜。睇五月天演唱會個陣成日都起身跳，慣左high，今次坐定定睇感覺好唔一樣。</p><p>認識房東的貓呢個組合係近兩年前嘅事，對於日期好敏感嘅我好深刻咁記得係2017年夏天嘅一個早上，一個好朋友用smart tv嘅youtube開俾我聽。當時佢播嘅歌係＜美好事物＞，第一個感覺係呢首歌好靜，好柔和，聽到好放鬆，如果夜晚聽可能會覺得眼訓。</p><p>後來我自己上youtube同facebook搵返呢個組合，好快就中意左。基本上聽親房東的貓，就會諗起個位好朋友。</p><p>同年嘅冬天，個位好朋友離世，咁大個人第一次面對好朋友嘅離世，唔知點樣處理情緒。第二日我係屋企loop左房東的貓嘅歌成個下晝，尤其係＜不知歸期的故人＞。好唔開心，但係聽個陣個人可以好平靜。</p><p>上年嘅五月情緒頻臨崩潰邊緣，一個人去左高雄避世。係棧貳庫買左杯茶坐左係海景位，開左房東的貓來聽，佢地嘅歌真係太溫柔，好似同我傾計咁，每一次聽都會諗起好多回憶。想念可以好寧靜好無聲無息，不過同時可以好真實，我有感而發就寫左封信俾個位好朋友。</p><p>「你最近好嗎？還是笑得那麼燦爛嗎？身邊的事情總讓我疲憊，所以決定到高雄一趟，想著休息一下。」</p><p>「看著那片海，配上房東的貓的歌，沒有辦法不想起你，所以就寫了這些話給你。如果你能聽見我的分享就好了，一定要聽到喔，改天去看你就跟你分享更多更多，或者你到我的夢裏，我再告訴你。」</p><p>＜美好事物＞入面有一句：「你說要忘卻所有不愉快的片段／把美好事物純真的走完」呢個正正係我一直想做到嘅事。而且我知道呢個好朋友離開後佢最想我地做到嘅事。</p><p>貓嘅歌好多歌詞都要慢慢品嚐（可能係我膚淺），同時後勁好強。</p><iframe src="https://cdn.embedly.com/widgets/media.html?src=https%3A%2F%2Fwww.youtube.com%2Fembed%2FYYb1rjmMn98%3Ffeature%3Doembed&amp;url=http%3A%2F%2Fwww.youtube.com%2Fwatch%3Fv%3DYYb1rjmMn98&amp;image=https%3A%2F%2Fi.ytimg.com%2Fvi%2FYYb1rjmMn98%2Fhqdefault.jpg&amp;key=a19fcc184b9711e1b4764040d3dc5c07&amp;type=text%2Fhtml&amp;schema=youtube" width="854" height="480" frameborder="0" scrolling="no"><a href="https://medium.com/media/c503cdce21a42be186b0d2bde9387f2a/href">https://medium.com/media/c503cdce21a42be186b0d2bde9387f2a/href</a></iframe><p>演唱會入面有個主題係「甚麼是愛？」佩嶺話「愛讓人看到更遼闊的世界」，我聽到真係突然雞皮疙瘩。呢個完全係我相信嘅嘢，曾經同某好朋友傾類似嘅話題，我話愛應該係一齊進步同成長，令對方睇到更多美好嘅嘢，一直都覺得如果自己變好in any way，就係因為身邊有愛。</p><p>＜由於時間與地域的關係＞呢首歌我幾有感覺，唔係特別中意旋律，但歌詞就俘虜左我：「由於時間與地域的關係／我們再見不會超過三十次／未來的事我哪裡得知／只是這數字帶給我心事」呢兩年入面我身邊有好多人因為唔同嘅原因，下次見面唔知會係幾時，甚至可能唔會有機會再見，貓話「有想見的人，就見吧」，啱呀，唔好令自己後悔，make the most of it。（快啲出呢首嘅MV同mp3啦！）</p><p>如果唔會再見嘅話，就聽＜雲煙成雨＞，會喊到豬頭咁。「我多想再見你／至少玩笑話還能說起／街巷初次落葉的秋分／漸行漸遠去的我們」呢首歌個種想念但唔會再見嘅無力總係令我好寂寞。（好記得暑假個陣係倫敦，一個人係房聽，突然之間寂寞到一個點。）</p><iframe src="https://cdn.embedly.com/widgets/media.html?src=https%3A%2F%2Fwww.youtube.com%2Fembed%2F_Lq06i5MTq0%3Ffeature%3Doembed&amp;url=http%3A%2F%2Fwww.youtube.com%2Fwatch%3Fv%3D_Lq06i5MTq0&amp;image=https%3A%2F%2Fi.ytimg.com%2Fvi%2F_Lq06i5MTq0%2Fhqdefault.jpg&amp;key=a19fcc184b9711e1b4764040d3dc5c07&amp;type=text%2Fhtml&amp;schema=youtube" width="854" height="480" frameborder="0" scrolling="no"><a href="https://medium.com/media/e0ebcbf5ce43aef61ee3e187ca07ba83/href">https://medium.com/media/e0ebcbf5ce43aef61ee3e187ca07ba83/href</a></iframe><p>話說不得不佩服小黑嘅用心，佢特別練左＜單車＞同＜綿綿＞唱俾我地聽，佢把聲唱出來感覺好特別！之前已經覺得貓嘅翻唱好高質，佢地唱過＜春風十里＞、＜倉頡＞、＜斑馬斑馬＞等等，好聽得來又有自己個種溫柔慵懶。</p><iframe src="https://cdn.embedly.com/widgets/media.html?src=https%3A%2F%2Fwww.youtube.com%2Fembed%2Fq2zj74iK1MI%3Ffeature%3Doembed&amp;url=http%3A%2F%2Fwww.youtube.com%2Fwatch%3Fv%3Dq2zj74iK1MI&amp;image=https%3A%2F%2Fi.ytimg.com%2Fvi%2Fq2zj74iK1MI%2Fhqdefault.jpg&amp;key=a19fcc184b9711e1b4764040d3dc5c07&amp;type=text%2Fhtml&amp;schema=youtube" width="854" height="480" frameborder="0" scrolling="no"><a href="https://medium.com/media/894fb5cfdf0db80fb1f1164fdf27a240/href">https://medium.com/media/894fb5cfdf0db80fb1f1164fdf27a240/href</a></iframe><p>係演唱會中聽＜你是我最愚蠢的一次浪漫＞同＜美好事物＞個陣，我係合埋眼。好想全心全意投入係個個moment，原來合埋眼聽真係會專注好多，好想將呢份享受同我個位好朋友分享。</p><p>貓嘅歌有甜有虐，今次好滿足，好多好中意嘅歌都聽到（其實因為全部都中意），有啲可惜就係無唱＜蝴蝶之夏＞。</p><p>多謝你推介，我終於聽到佢地live。</p><img src="https://medium.com/_/stat?event=post.clientViewed&referrerSource=full_rss&postId=1be0c88a2f1d" width="1" height="1" alt="">]]></content:encoded>
        </item>
    </channel>
</rss>