<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Club des jacobins on Medium]]></title>
        <description><![CDATA[Stories by Club des jacobins on Medium]]></description>
        <link>https://medium.com/@desjacobins?source=rss-bfac544e4663------2</link>
        <image>
            <url>https://cdn-images-1.medium.com/fit/c/150/150/1*GHuqErmZ4MfMSnR6e_VGQA.jpeg</url>
            <title>Stories by Club des jacobins on Medium</title>
            <link>https://medium.com/@desjacobins?source=rss-bfac544e4663------2</link>
        </image>
        <generator>Medium</generator>
        <lastBuildDate>Sat, 21 Nov 2026 06:54:51 GMT</lastBuildDate>
        <atom:link href="https://medium.com/@desjacobins/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[之後既更新將會全部放係Patreon]]></title>
            <link>https://desjacobins.medium.com/%E4%B9%8B%E5%BE%8C%E6%97%A2%E6%9B%B4%E6%96%B0%E5%B0%87%E6%9C%83%E5%85%A8%E9%83%A8%E6%94%BE%E4%BF%82patreon-8d40af5eaaf?source=rss-bfac544e4663------2</link>
            <guid isPermaLink="false">https://medium.com/p/8d40af5eaaf</guid>
            <dc:creator><![CDATA[Club des jacobins]]></dc:creator>
            <pubDate>Wed, 05 May 2021 13:28:12 GMT</pubDate>
            <atom:updated>2021-05-05T13:28:12.944Z</atom:updated>
            <content:encoded><![CDATA[<p>新文章將會停止係Medium更新,敬請留意.</p><p>patreon網址: <a href="https://www.patreon.com/desjacobins">https://www.patreon.com/desjacobins</a></p><img src="https://medium.com/_/stat?event=post.clientViewed&referrerSource=full_rss&postId=8d40af5eaaf" width="1" height="1" alt="">]]></content:encoded>
        </item>
        <item>
            <title><![CDATA[得罪講句，唔好將任何希望放係海牙法庭]]></title>
            <link>https://desjacobins.medium.com/%E5%BE%97%E7%BD%AA%E8%AC%9B%E5%8F%A5-%E5%94%94%E5%A5%BD%E5%B0%87%E4%BB%BB%E4%BD%95%E5%B8%8C%E6%9C%9B%E6%94%BE%E4%BF%82%E6%B5%B7%E7%89%99%E6%B3%95%E5%BA%AD-a1c97f2ef91f?source=rss-bfac544e4663------2</link>
            <guid isPermaLink="false">https://medium.com/p/a1c97f2ef91f</guid>
            <category><![CDATA[international-law]]></category>
            <category><![CDATA[cantonese]]></category>
            <category><![CDATA[hong-kong-protests-2019]]></category>
            <category><![CDATA[icj]]></category>
            <category><![CDATA[red-pill]]></category>
            <dc:creator><![CDATA[Club des jacobins]]></dc:creator>
            <pubDate>Thu, 25 Jun 2020 12:36:03 GMT</pubDate>
            <atom:updated>2020-06-25T12:36:03.256Z</atom:updated>
            <content:encoded><![CDATA[<p>係歐洲議會決議通過“要求”（call for）歐盟同歐盟既成員國去國際法庭（ICJ）起訴中國違反中英聯合聲明同公民權利和政治權利國際公約（ICCPR），之後唔少KOL都加入評論將香港放上ICJ既可能性，係呢方面岸伯就似乎幾樂觀但MK沈叫做比較審慎。係呢單野上面唔難見到好多香港人實際上係唔熟國際法或者係一知半解。</p><p>首先一個法庭，無論係國際定國内法庭要審一個案件之前，係要首先建立法庭對該案件既司法管轄權，即係Jurisdiction。而要將一個訴訟案件（contentious case）交去ICJ，主權國家（ICJ只係受理主權國家之間既紛爭）首先要將文件交去ICJ既Registry去展開訴訟程序，而呢份文件第一步要建立既就係ICJ對呢件案有司法管轄權。</p><p>而根據ICJ Statute第36條，ICJ既司法管轄權可以透過以下幾種方法建立：<br>1. 國與國之間達成既特別協議，同意將爭議交由ICJ處理，簡單來講即係要中國同意，另外國與國既意思亦即係話作爲國際組織既歐盟本身係無辦法自行提出訴訟。<br>2. 本身個條條約裏面有條款規定，一定出現爭議就會交比ICJ處理，而岸伯已經講左中英聯合聲明係無呢條條款。<br>3. Forum prorogatum，即係如果有國家原先唔同意將爭議交比ICJ，但後來突然間願意將爭議交比ICJ，ICJ可以通過呢個國家事後既同意建立司法管轄權，所以除非中國事後同意否則呢條路都係行唔通。<br>4. 强制管轄權（compulsory jurisdiction），即係就算無特殊協議而國際條約無提供ICJ作爲爭議調解既情況之下，如果個國家事前已經按照ICJ Statue第36條（2）宣佈接受ICJ關於任何法律爭議既司法管轄權，ICJ亦可以對該國家任何國際法上既爭議建立司法管轄權。目前只有73個國家接受左ICJ既强制管轄權，而就算個d國家接受左ICJ既司法管轄權，呢d國家亦可以通過optional clauses將部分爭議剔除出ICJ既管轄範圍之内，即係可以cherry-picking，不過呢個太複雜暫時唔講住。簡單來講，聯合國安全理事會五大常任理事國，美國，俄國，英國，中國，法國都係無接受到ICJ既强制管轄權。除非呢d國家蠢到自己走去同意ICJ既管轄（例如美國係尼加拉瓜案之前），否則ICJ完全吹佢地唔漲。</p><p>因此，ICJ既司法管轄權好大程度上都係依賴中國既同意（consent），呢點正如MK沈所指出，係ICJ處理訴訟案件最大既局限。而ICJ既第二個功能就係作爲聯合國下轄既機構可以為其他聯合國機構（例如聯合國大會）或者專屬機構（例如世衛）提供咨詢意見，呢個咨詢意見對其他國家，就算係該爭議既當時國都係無約束力，但往往係具有相當權威性，例如MK沈提到既查戈斯群島咨詢意見書，就指出左因爲英國係毛里求斯獨立之前强行將查戈斯群島分離出去作爲英國印度洋屬土比美國建立軍事基地，毛里求斯既去殖民化仍然未完成，呢個咨詢意見就係由聯合國大會提出。理論上，聯合國大會亦可以就中國是否遵守聯合聲明要求國際法庭提供咨詢意見，但問題係，呢個議案必須過到聯合國大會，而聯合國大會裏面既不結盟國家同第三世界國家長期都係作爲中國既盟友，任何關於香港既議案會唔會得到呢d國家既支持呢？</p><p>而國際法庭既第二個替代品就係國際常設仲裁法院，呢個歷史仲悠久過國際法庭，係獨立於聯合國既國際組織，主要功能就係為國與國甚至國家同私人企業提供仲裁服務，所以唔少人包括網上搞聯署既人都將希望放係常設仲裁法院。但問題係仲裁既意思即係要雙方同意，簡單來講，中國唔同意既話你係無用。根據PCA最新的2012年仲裁規則第1.1條定：「Where a State, State-controlled entity, or intergovernmental organization has agreed with one or more States, State-controlled entities, intergovernmental organizations, or private parties that disputes between them in respect of a defined legal relationship, whether contractual, treaty based, or otherwise, shall be referred to arbitration under the Permanent Court of Arbitration Rules 2012 (hereinafter the “Rules”), then such disputes shall be settled in accordance with these Rules subject to such modification as the parties may agree.」</p><p>而岸伯就話唔係呀，南海仲裁案，中國都無同意，咪照樣開庭審。但問題係南海仲裁案既程序係好特殊，菲律賓係按照聯合國海洋法公約提出仲裁，而聯合國海洋法公約係提供左强制司法管轄權（compulsory jurisdiction, 解釋見上），而附件七第28條更加講到明，就算爭端入面其中一方缺席，都唔會影響仲裁既程序，所以南海仲裁案基本上係一個非常特殊既案例，同香港目前既情況無任何可比之處。</p><p>好啦，歐洲議會仲提到左公民權利和政治權利國際公約（ICCPR），ICCPR同樣係無為ICJ或者係PCA提供强制司法管轄權，唯一一樣野就係公民權利和政治權利國際公約有就違反人權提供調查機制，由聯合國人權理事會（無錯，就係個個由獨裁國家把持既機構）調查有無違反ICCPR，但問題係要啓動呢個調查機制，國家同樣係要簽處第一任擇議定書（Optional Protocol I），唔使問，中國同特區政府都係從來都無簽到Optional Protocol I。</p><p>岸伯主要既論據就係話歐洲議會如果知道無用就根本唔會提出，實在係太過擡舉歐洲議會，實際上歐洲議會基本上係歐盟下面在外交安全領域實際上並無實權，歐洲議會主要既功能（實際上好多香港人都係唔熟歐盟下面既結構）係投票審核歐盟委員會（European Commission）既組成，同審核歐洲委員會提出既預算草案同法律草案。呢個歐盟委員會先係掌握實權既機構，呢方面歐洲議會仲廢過香港既垃圾會，因爲連垃圾會都可以提出私人草案。而主導歐洲外交政策既，實際上係由28國元首組成既歐洲理事會（Council of the European Union），而任何一個歐洲元首（例如肥婆或者其他被買通既歐洲國家例如匈牙利或者希臘）反對，歐洲理事會討論既議程都可以被否決。所以我個人認爲呢個無太大實權既機構下面既民選議員，實際上都只係普通人，所以當呢條關於香港國安法既草案被審議既時候，無人係有認真研究過將香港交去海牙法庭既可行性，所以呢個草案最多只係表態，而call for呢個字已經話左比你聼，呢個決議對歐盟同歐盟既成員國都係無約束力。</p><p>所以簡單來講，唔好將任何希望放係海牙法庭，不論係ICJ定PCA。可以救到香港人既只有香港人自己, 而係呢方面我其實之前已經寫過<a href="https://medium.com/@desjacobins/%E9%A6%99%E6%B8%AF%E4%B8%BB%E6%AC%8A%E6%9C%AA%E5%AE%9A%E8%AB%96-9babb40fabc1">https://medium.com/@desjacobins/%E9%A6%99%E6%B8%AF%E4%B8%BB%E6%AC%8A%E6%9C%AA%E5%AE%9A%E8%AB%96-9babb40fabc1</a>，根據國際法，香港既自決權係1984年簽訂中英聯合聲明之前已經存在，所以如果將目光放遠d，香港實行民族自決既依據係went far beyond 中英聯合聲明，國際法係呢方面係認生唔認死，只要你製造左足夠既既成事實而得到其他國家承認既話，你既行動就係符合國際法；而相反，就算你係國際法上面有再好既依據，但無即成事實支持既話，唔好指望國際法會幫到你。:)</p><img src="https://medium.com/_/stat?event=post.clientViewed&referrerSource=full_rss&postId=a1c97f2ef91f" width="1" height="1" alt="">]]></content:encoded>
        </item>
        <item>
            <title><![CDATA[搞清楚，美國示威既合理對比，唔係光復行動而係67鎮暴]]></title>
            <link>https://desjacobins.medium.com/%E6%90%9E%E6%B8%85%E6%A5%9A-%E7%BE%8E%E5%9C%8B%E7%A4%BA%E5%A8%81%E6%97%A2%E5%90%88%E7%90%86%E5%B0%8D%E6%AF%94-%E5%94%94%E4%BF%82%E5%85%89%E5%BE%A9%E8%A1%8C%E5%8B%95%E8%80%8C%E4%BF%8267%E9%8E%AE%E6%9A%B4-c7155c24f4a7?source=rss-bfac544e4663------2</link>
            <guid isPermaLink="false">https://medium.com/p/c7155c24f4a7</guid>
            <category><![CDATA[cantonese]]></category>
            <category><![CDATA[anti-communism]]></category>
            <category><![CDATA[antifascism]]></category>
            <category><![CDATA[hong-kong-politics]]></category>
            <category><![CDATA[conservatives]]></category>
            <dc:creator><![CDATA[Club des jacobins]]></dc:creator>
            <pubDate>Mon, 08 Jun 2020 18:27:02 GMT</pubDate>
            <atom:updated>2020-06-08T18:27:02.814Z</atom:updated>
            <content:encoded><![CDATA[<p>我宜家可以正式放心咁講，美國既BLM示威既合理對比，唔係光復行動而係67鎮暴。兩者本身都係基於本身存在既社會矛盾（香港：貧富懸殊；美國：種族矛盾）而引起合情而且合理既抗議活動（香港：抗議天星小輪加價；美國：警察濫用暴力），但後來逐漸比極左派（香港：共產黨；美國：Antifa）劫持成爲暴力既顛覆行動，目的都係要當地建立極左派既暴政（香港：毛澤東主義；美國：極端進步主義）。先唔講係手段上，Antifa同支共使用無差別攻擊同破壞，已經明顯造成無辜平民死傷，係評論一個社會運動既合法同合理性必須將個運動既目的加入考慮，如果係火星人視角考慮，鬼唔知納粹，蘇聯同美國都係二戰違反戰爭法甚至犯下戰爭罪行，但呢種各打五十大版實際上就係對最壞同最邪惡既一方最有利，結果火星人最後就係會落到最壞同最邪惡既一方手上。</p><p>運用同樣既道理，如果你唔會將香港既愛國者同67鎮暴既左仔相提並論，你自然就唔會將香港既愛國者同美國既極端左翼示威者放係同一個標準上面比較，因爲香港愛國者係相對於係美國自發維持秩序既民兵同埋67鎮暴既皇家香港警察。如果覺得呢個係雙重標準既可以直接反問，你會唔會對夏洛茨維爾既新納粹示威者同極左派antifa使用同一標準，Trump就做左火星人選擇各打五十大板，結果咪照樣比你閙？點解？因爲連你自己都唔會對新納粹同進步主義使用統一標準。你會唔會對你父母同埋陌生人都用同一標準？所以雙重標準係唔夠既，仲必須要有多重標準，用劉仲敬既講法即係要有一個明確既歧視鏈，西方自由民主體制最根本既問題，就係一視同仁反而無法建立本身既體制點解比維權主義甚至極權主義（不論極左定極右）更加優秀，一個無辦法自證既社會體系最終就係面臨同時被極端左翼同右翼所挑戰，香港要光復既民主，如果係要建基於呢種一視同仁既平等主義，注定係會落入同一下場。東歐人同時領教過極左同極右既暴政，知道搞一視同仁既結果就係令自己落到最壞既人手上，只有係無知既黑暗裏面，天下烏鴉先會一樣黑。</p><img src="https://medium.com/_/stat?event=post.clientViewed&referrerSource=full_rss&postId=c7155c24f4a7" width="1" height="1" alt="">]]></content:encoded>
        </item>
        <item>
            <title><![CDATA[香港主權未定論]]></title>
            <link>https://desjacobins.medium.com/%E9%A6%99%E6%B8%AF%E4%B8%BB%E6%AC%8A%E6%9C%AA%E5%AE%9A%E8%AB%96-9babb40fabc1?source=rss-bfac544e4663------2</link>
            <guid isPermaLink="false">https://medium.com/p/9babb40fabc1</guid>
            <category><![CDATA[hong-kong]]></category>
            <category><![CDATA[self-determination]]></category>
            <category><![CDATA[hong-kong-protests-2019]]></category>
            <category><![CDATA[hong-kong-independence]]></category>
            <category><![CDATA[international-law]]></category>
            <dc:creator><![CDATA[Club des jacobins]]></dc:creator>
            <pubDate>Thu, 21 May 2020 19:30:38 GMT</pubDate>
            <atom:updated>2020-05-21T19:30:38.850Z</atom:updated>
            <content:encoded><![CDATA[<p>唔好唔記得香港由始至終都係有權自決，呢點係獨立於中英聯合聲明同一國兩制既履行同實施。</p><p>住民自決（self-determination）原則係國際法上被主流意見認爲最起碼適用於以下情況：(1) 殖民主義 (colonial domination)；（2）外國佔領（alien occupation)。聯合國大會2908號決議將香港和澳門移離非自治領地名單，並不代表住民自決並不適用於香港。法屬波里尼西亞係2013年被重新納入非自治領地名單，證明非自治領地名單並唔係非自治領地既完整名單。此外，聯合國人權事務委員會（UN Human Rights Committee）仍然係1979年同1988年要求並且審視英國就香港實行住民自決的情況，由此可見聯合國大會2908號的效力只是取消了英國就第73條（e）下面向聯合國報告落實住民自決的義務，而並沒有剝奪香港的住民自決權。</p><p>而無論如何，聯合國大會2908號均無法改變香港實際上處於外國佔領既狀態，而實際上中華人民共和國一直都承認香港和澳門係被外國佔領既”中國領土“，而係西撒哈拉意見書裏面，兩位國際法庭既法官（Judge Boni, Judge Dillard）都認爲即使是某一領土和鄰國存在國際法承認的主權紐帶亦不應影響該領土行駛住民自決既權利，係呢點可以見到，根據國際法，中國係展拓香港界址專條下擁有對新界既主權亦唔影響香港住民自決既權利。</p><p>最重要既係香港既住民經歷百年既殖民統治，已經形成相當既獨特性，包括擁有特有既語言文化（港式粵語，雙語混用），經濟結構（新自由主義，港幣），政治體制（半代議政制，言論和出版自由），法律系統（普通法），甚至部分既國際法法人地位（香港係關貿總協定GATT同國際奧委會既成員等）。因此，香港既住民理應被視爲住民自決既個體。</p><p>而係國際法裏面，住民自決係强制法（jus cogens），係國際法裏面所有違反强制法既條約都係自始無效（void ab initio）。由於强制法地位超然，所以其他國家既默認（acquiescence）不應令本已失效既條約重新生效，其次就係西南非洲一案已經説明托管方無權在違反民族自決原則下合并托管地，同理，時效取得（prescription）亦應受民族自決原則所限。由一戰國際聯盟就改變邊界舉行的多次公投，二戰後薩爾蘭（Saarland）1955年的公投，南斯拉夫解體過程中巴亭特委員會（Badinter Committee）既第四號意見書，科索沃和東帝汶的獨立公投均可以見到國際習慣法下就單方面改變/轉讓主權的行爲必須尊重民族自決原則，而該原則須由中立而受國際監管的公投所體現。英國係未有就前途問題進行公投既情況下，單方面將香港（最起碼包括港島及界限街以南）既主權轉讓比中華人民共和國屬於違反强制法，故中英進行之主權轉讓均爲無效。由於英國放棄行駛主權而主權由未能按照條約有效轉讓，故香港包括新界在内處於主權未定狀態，係呢個情況下，為左解決香港主權未定既狀態和英國係國際法下擁有儘快結束殖民統治的義務，根據國際法，香港住民可以要求透過公投來決定香港前途，公投最起碼應該包括下列選項：(1) 成爲獨立國家；(2) 和英國或中國組成自由聯合（free association）；(3) 和中國合并(integration)。</p><p>因此，香港既自決權力由始至終都唔取決於一國兩制是否成功履行與否。係呢點上，香港可以參考厄立特里亞（Eritrea）既先例。厄立特里亞原屬意大利殖民地，係1941年二戰期間被英國所佔領並處於被軍事托管既狀態。1950年盟軍將厄立特里亞既前途轉交聯合國大會處理，而聯合國大會通過390A (V)議案，將厄立特里亞交比一直對該地擁有主權聖索既埃塞俄比亞。聯合國大會既390A (V)議案要求埃塞俄比亞對厄立特里亞實施一國兩制，確保厄立特里亞可以擁有獨立既政治體制，司法系統，語言政策同處理内政既能力，但埃塞俄比亞係1962年就單方面廢止左厄立特里亞既自治權，自始以後，厄立特里亞進入長達30年既獨立戰爭，終於係1993年通過公投自決獨立。而實際上厄立特里亞獨立運動係1961年已經出現，而獨立苗頭既誕生亦係令埃塞俄比亞皇帝決定單方面取消厄立特里亞自治既重要因素。</p><p>係呢點上面，匪安法明顯係大幅限制左一國兩制下香港人理應享有既自由，但匪安法本身唔係香港行駛住民自決既依據，反之香港自從聯合國大會通過1514號議案宣佈殖民地同其他非自治領地既人民有權獨立開始，就有權實行住民自決，中英聯合聲明單方面將主權係無得到香港人民既同意下轉讓係違反國際法，而就算中國確實履行中英聯合聲明，最多只係令香港既主權移交變成illegal but legitimate。逃犯條例同匪安法只係令呢個長期被隱藏係一國兩制下面既非法性（illegitimacy）暴露出來而已。</p><img src="https://medium.com/_/stat?event=post.clientViewed&referrerSource=full_rss&postId=9babb40fabc1" width="1" height="1" alt="">]]></content:encoded>
        </item>
        <item>
            <title><![CDATA[香港愛國者既無罪申辯]]></title>
            <link>https://desjacobins.medium.com/%E9%A6%99%E6%B8%AF%E6%84%9B%E5%9C%8B%E8%80%85%E6%97%A2%E7%84%A1%E7%BD%AA%E7%94%B3%E8%BE%AF-85dfa8385f4d?source=rss-bfac544e4663------2</link>
            <guid isPermaLink="false">https://medium.com/p/85dfa8385f4d</guid>
            <category><![CDATA[hong-kong-independence]]></category>
            <category><![CDATA[international-law]]></category>
            <category><![CDATA[antielab]]></category>
            <category><![CDATA[hong-kong]]></category>
            <category><![CDATA[cantonese]]></category>
            <dc:creator><![CDATA[Club des jacobins]]></dc:creator>
            <pubDate>Wed, 13 Nov 2019 16:12:10 GMT</pubDate>
            <atom:updated>2019-11-13T16:12:10.343Z</atom:updated>
            <content:encoded><![CDATA[<p>對於獨派來講，唔單係1997年既臨時立法會，事實上1997年以後既特區政府，包括司法同立法機構機構都係無任何合法性存在。</p><p>國際法上講得好清楚，民族自決（self-determination）係强制法（jus cogens），香港係1946年被聯合國納入非自治領地（non-self governing territories）名單，擁有國際法下民族自決既權利，1972年聯合國大會2908議案只係剔除聯合國對香港同澳門去殖民化進度既監察權力，並唔會改變香港作爲英國殖民地既事實同香港人民係國際法下享有既權利。</p><p>中英兩國係80年代對香港主權進行既談判並無有效咨詢香港全體人民既意見，係缺乏一個國際監督下既主權公投下，1984年簽訂既中英聯合聲明同1997年中英兩國進行既主權移交違反左强制法（jus cogens），根據國際習慣法同維也納條約法公約，上述條約同主權移交都係自始無效（void ab initio）。係香港人民進行領土公投之前，香港主權屬於未定狀態，因此係1997年以後中華人民共和國附屬組織香港特別行政區政府本身及其官方行爲均爲非法和無效，故1997年所謂臨時立法會對公安條例作出之修訂亦為無效。</p><p>香港人民係國際托管下行駛自決權利之前拒絕承認中華人民共和國及其附屬附庸香港特別行政區政府係香港既所有官方行爲，生死及婚姻登記或其他影響香港人民日常生活既行爲除外（見 納米比亞意見書第126段）。香港人民為爭取民族自決有權使用任何手段，在主權未定造成既法律真空之下，只有下列法律及原則適用於香港人民而香港人民只接受國際刑事法庭或其他具有認受性之國際法庭按照下列法律及原則對香港人民進行審判：<br>1. 人類良知和自然法<br>2. 國際習慣法<br>3. 為文明各國所承認之一般法律原則<br>4. 國際人道法下之人道原則<br>5. 香港主權移交前，包括普通法和衡平法的所有法律</p><p>除此以外，香港人民拒絕承認中華人民共和國及其附庸特區政府在回歸後所指定既一切法律和判例，及其司法機構對香港人民行使既任何司法管轄權。</p><img src="https://medium.com/_/stat?event=post.clientViewed&referrerSource=full_rss&postId=85dfa8385f4d" width="1" height="1" alt="">]]></content:encoded>
        </item>
        <item>
            <title><![CDATA[初步整理香港獨立在國際法下的法理依據]]></title>
            <link>https://desjacobins.medium.com/%E5%88%9D%E6%AD%A5%E6%95%B4%E7%90%86%E9%A6%99%E6%B8%AF%E7%8D%A8%E7%AB%8B%E5%9C%A8%E5%9C%8B%E9%9A%9B%E6%B3%95%E4%B8%8B%E7%9A%84%E6%B3%95%E7%90%86%E4%BE%9D%E6%93%9A-228d5d187249?source=rss-bfac544e4663------2</link>
            <guid isPermaLink="false">https://medium.com/p/228d5d187249</guid>
            <category><![CDATA[self-determination]]></category>
            <category><![CDATA[cantonese]]></category>
            <category><![CDATA[hong-kong-independence]]></category>
            <category><![CDATA[international-law]]></category>
            <category><![CDATA[hong-kong]]></category>
            <dc:creator><![CDATA[Club des jacobins]]></dc:creator>
            <pubDate>Sat, 05 Oct 2019 22:48:34 GMT</pubDate>
            <atom:updated>2019-10-05T22:48:34.626Z</atom:updated>
            <content:encoded><![CDATA[<p>好簡單整理一下香港係國際法上面獨立既合法依據，理論尚未可以做到台灣主權未定論一樣完善，但要記住國際法下再完美既理論都係需要既成事實（fait accompli）支持，你無既成事實再好既理論都無用，科索沃vs台灣就係例子。</p><p>第一條路就係話中英聯合聲明因爲違反左民族自決（self-determination）呢條强制法（jus cogens）所以自始無效（void ab initio），記住中英聯合聲明生效既時候已經係1985年，而國際法庭係西南非洲案，西撒哈拉案同查戈斯群島案已經多次裁定住民自決係1960年以後已於國際法上享有强制法既地位，所有違反强制法既條約均爲無效。而住民自決原則係國際法上被主流意見認爲最起碼適用於以下情況：(1) 殖民主義 (colonial domination)；（2）外國佔領（alien domination/foreign occupation)。聯合國大會2908號決議將香港和澳門移離非自治領地名單，都無法改變香港實際上處於外國佔領既狀態，而實際上中華人民共和國一直都承認香港和澳門係被外國佔領既”中國領土“，而由薩爾蘭和東帝汶既先例可以見到臨近國家單方面既主權主張不應改變被佔領領土下住民自決既權利。</p><p>由一戰國際聯盟就改變邊界舉行的多次公投，二戰後薩爾蘭（Saarland）1955年的公投，南斯拉夫解體過程中巴亭特委員會（Badinter Committee）既第四號意見書，科索沃和東帝汶的獨立公投均可以見到國際習慣法下就單方面改變/轉讓主權的行爲必須尊重民族自決原則，而該原則須由中立而受國際監管的公投所體現。英國係未有就前途問題進行公投既情況下，單方面將香港（最起碼包括港島及界限街以南）既主權轉讓比中華人民共和國屬於違反强制法，故中英進行之主權轉讓均爲無效。故香港島和九龍半島界限街以南之主權仍屬於英國，新界地區因租約届滿而係舉行公投決定前途前屬於主權未定既狀態。為左解決新界主權未定既狀態和英國係國際法下擁有儘快結束殖民統治的義務，聯合國有權按照東帝汶獨立公投既先例介入並對香港進行托管，直至香港住民透過公投決定香港前途，公投最起碼應該包括下列選項：(1) 成爲獨立國家；(2) 和英國或中國組成自由聯合（free association）；(3) 和中國合并(integration)。</p><p>呢條路既好處，第一就係係法理上一直可以追溯到1997之前，好似波羅的海三國將法統追溯到 《莫洛托夫 — 里賓特洛甫條約》之前一樣，有利於法律上尤其是普通法系統既銜接。而呢條路法理上既障礙就係中英聯合聲明簽訂既時候基本上無任何國家提出過有關條約違反國際法下住民自決原則既反對意見，同樣既例子有荷蘭轉讓巴布亞新幾内亞主權予印尼但一直都無國家挑戰呢個轉讓是否符合民族自決，第二就係中華人民共和國係1997到2019年之間已經無間斷行駛主權，可以透過時效取得（prescription）取得香港既主權，呢兩個弱點基本上可以透過住民自決既强制法（jus cogens）地位來彌補，意思即係由於强制法地位超然，所以其他國家既默認（acquiescence）不應令本已失效既條約重新生效，其次就係西南非洲一案已經説明托管方無權在違反民族自決原則下合并托管地，同理，時效取得（prescription）亦應受民族自決原則所限。另外係政治上呢個理論會由根本上否定左英國係中英聯合聲明下監管香港既任何權力，係法律上點樣有效處理1997後主權未定狀態既法律條文例如土地租約和其他法庭的判例亦是比較麻煩。</p><p>第二條路就係行類似科索沃既補償分離道路。係國際法上除左頭兩個情況，即係殖民主義 (colonial domination)同外國佔領（alien domination/foreign occupation)下既人民有權享有民族自決權利之外，西方國家提出亦有第三種例外情況，即係個別地區人民無法行駛内部民族自決權利（internal self-determination，即無法有效行駛民主選舉/政治參選權利，文化語言權利並未得到保障等），和/或當地人民遭嚴重侵犯人權（必須去到大屠殺，反人類罪或戰爭罪行既層次）既時候，當地人民可以擁有補償分離權（remedial secession）。呢個第三種例外情況係二戰前奧蘭群島既案例，二戰後加拿大最高法院就魁北克獨立發表既意見書均有提到，但國際法庭目前並未正式承認呢個非常具爭議性既補償分離權。係科索沃案裏面國際法庭成功回避左呢個爭議性問題，但同時國際法庭既判例指出科索沃單方面宣佈獨立並未違反國際法而國際法下領土主權原則只適用於國與國之間，而並不對並未成爲國家既科索沃人民具約束力，亦可以視爲國際法並未明文禁止補償分離權。</p><p>而係國際法既先例上，1971年孟加拉脫離巴基斯坦獨立一直被學者視爲補償分離既重要先例，而後來斯洛文尼亞，克羅地亞，東帝汶，科索沃和南蘇丹獨立的例子則因各方對是否承認補償分離權而各自持有不同意見。值得一提的是，作爲塞爾維亞主要盟友既俄羅斯係科索沃案中並無拒絕承認補償分離權，俄羅斯只是指出科索沃在塞爾維亞享有高度自治地位，而塞爾維亞亦曾經向科索沃提出《一國兩制》方案但遭科索沃否決，故並不認爲科索沃人民無法行駛内部自決權利而需要啓動補償性分離。後來當南奧塞梯，阿布哈兹，以至克里米亞半島陸續宣佈”獨立“，俄羅斯一直使用補償分離權的論點支持有關地區的分離行動。故此，我地可以視補償分離權係國際法下有大量先例可循。</p><p>如果按照第二條道路，香港則無法直接回溯法統到1997前，但係法律上就比較容易銜接，避免出現超過二十年既空白期。而缺點就好似正如頭先所講，由於補償性分離爭議性太大，除非去到最壞既情況，即係中央政府已經取消一國兩制直接接管香港，而香港出現南蘇丹/東帝汶/科索沃規模既軍事鎮壓/種族滅絕/屠殺等等，香港都好難使用補償分離權來論證獨立既合法性，但如果目前既運動最終演變成類似1955年蘇聯鎮壓匈牙利起義或者後來既布拉格之春，補償分離權可以勉强作爲港獨既fall back position。國際文宣强調香港警察違反酷刑等强制法可以視爲將來（萬一）需要使用補償分離權既鋪展，但如果行呢條路，你就唔可以一開始就要港獨，而係要改爲話一國兩制已經失效所以我地係別無選擇既情況下只有尋求獨立，個logic要搞翻清楚。</p><p>當然，我上面講個兩條路都係要聯合國介入，即係要國際形勢出現大幅度改變，即係最起碼中國因對外戰爭戰敗而被逐出聯合國安全理事會或遭到其他國家局部佔領，或者因爲内亂/經濟危機而無法有效管治既情況下，先行得通，係其他情況之下呢套理論都係無任何現實意義。不過正如馬文輝係1960年既時候都估唔到香港居然會出現獨立運動一樣，我宜家可以做既就係將種子種落來，留比將來可能有需要用到既人。</p><img src="https://medium.com/_/stat?event=post.clientViewed&referrerSource=full_rss&postId=228d5d187249" width="1" height="1" alt="">]]></content:encoded>
        </item>
        <item>
            <title><![CDATA[點解用酷刑罪比用戰爭罪行追究黑警更加適合香港目前既情況。]]></title>
            <link>https://desjacobins.medium.com/%E9%BB%9E%E8%A7%A3%E7%94%A8%E9%85%B7%E5%88%91%E7%BD%AA%E6%AF%94%E7%94%A8%E6%88%B0%E7%88%AD%E7%BD%AA%E8%A1%8C%E8%BF%BD%E7%A9%B6%E9%BB%91%E8%AD%A6%E6%9B%B4%E5%8A%A0%E9%81%A9%E5%90%88%E9%A6%99%E6%B8%AF%E7%9B%AE%E5%89%8D%E6%97%A2%E6%83%85%E6%B3%81-d1d5b15eae5e?source=rss-bfac544e4663------2</link>
            <guid isPermaLink="false">https://medium.com/p/d1d5b15eae5e</guid>
            <category><![CDATA[human-right-law]]></category>
            <category><![CDATA[hong-kong]]></category>
            <category><![CDATA[international-law]]></category>
            <category><![CDATA[cantonese]]></category>
            <category><![CDATA[antielab]]></category>
            <dc:creator><![CDATA[Club des jacobins]]></dc:creator>
            <pubDate>Tue, 13 Aug 2019 09:22:25 GMT</pubDate>
            <atom:updated>2019-08-13T09:22:25.289Z</atom:updated>
            <content:encoded><![CDATA[<p>係國際法裏面，戰爭罪行係同武裝衝突（armed conflict）有關既情況之下發生，換句話來講無武裝衝突就唔會有戰爭罪行。而判斷有無武裝衝突既標準有兩個，一個係烈度（intensity）即係話幾耐幾大規模用邊種武器有無出動軍隊之類，另一個係武裝組織既組織程度（level of organization）即係有無指揮鏈，有無組織分發武器之類。</p><figure><img alt="" src="https://cdn-images-1.medium.com/max/638/0*Enq5OkqCP6oDSuBV" /><figcaption>國際人權法，國際人道法，同國際刑事法其實都係一雞三味</figcaption></figure><p>如果你用左戰爭罪行呢個字，會令國際社會誤認爲香港已經進入左武裝衝突既狀態（aka 黑衣示威者已經成爲武裝團體），而係武裝衝突裏面，軍隊/警察/執法單位係有權射殺敵對武裝團體既成員。</p><p>而係武裝衝突狀態裏面，好多國際人權法（international human rights law）既保障，例如right to life（生存權）係唔會完全適用，加埋香港係未宣佈獨立，所以任何香港爆發既武裝衝突都係屬於非國際武裝衝突（non-international armed conflict），係非國際武裝衝突裏面，由於受國家主權所限可以享有既保障其實更加少，而且只有退出戰鬥/無參與戰鬥/受傷等既平民會受惠，主要就係日内瓦公約共同第三條（Common Article III）裏面：<a href="https://ihl-databases.icrc.org/ihl/WebART/375-590006">https://ihl-databases.icrc.org/ihl/WebART/375-590006</a></p><p>最重要既係，被認爲係武裝組織成員並且參與戰鬥既人，係可以被軍警射殺/拘捕/按照國内法叛國罪既條文處決。</p><p>我仲未講到基本法下面如果爆發武裝衝突可以單方面宣佈緊急狀態個d情況。</p><p>所以你用戰爭罪行呢個字，等於放棄左自己手上既金剛盾，換個木制盾牌來保護自己。</p><p><strong>一日未死人，都唔好用戰爭罪行呢個字！<br>一日未死人，都唔好用戰爭罪行呢個字！<br>一日未死人，都唔好用戰爭罪行呢個字！</strong></p><p>而酷刑，根據聯合國禁止酷刑公約的第1條，酷刑係：</p><p>為了向某人或第三者取得情報或供狀，為了他或第三者所作或涉嫌的行為對他加以處罰，或為了恐嚇或威脅他或第三者，或為了基於任何一種歧視的任何理由，蓄意使某人在肉體或精神上遭受劇烈疼痛或痛苦的任何行為，而這種疼痛或痛苦是由公職人員或以官方身份行使職權的其他人所造成或在其唆使、同意或默許下造成的。純因法律制裁而引起或法律制裁所固有或附帶的疼痛或痛苦不包括在內。<br> — 反酷刑公約第1條第1項</p><p>香港警察毆打示威者，用布袋彈射擊面部我認爲係可以當作酷刑（torture）既一種，因爲如果你留意紅字，酷刑唔一定叫嚴刑逼供，亦都包括任何以施加極大既身體痛苦來懲罰他人既行爲。</p><p>強逼被捕人士裸露，係查身份證既時候背向牆壁公開展示呢d，雖然去唔到酷刑，但都屬於有辱人格既行爲（inhumane or degrading treatment），亦為聯合國禁止酷刑公約所禁止。</p><p>如果你想煲大件事，與其話係戰爭罪行，不如直接用酷刑和其他殘忍、不人道或有辱人格的待遇（英文好容易記，叫做CIDT, Cruel, Inhumane or Degrading Treatment）呢個字。係國際法上，反對酷刑係「強制法」來（jus cogens），代表住任何國家係任何情況之下都需要遵守，沒有例外情況，重要程度不下於禁止戰爭罪行或者其他反人道罪行。</p><p>而大規模既酷刑同有辱人格既行爲可以構成反人類罪，反人類罪唔需要有武裝衝突：針對人性尊嚴極其嚴重的侵犯與凌辱的眾多行為構成的事實。這些一般不是孤立或偶發的事件，或是出於政府的政策，或是實施了一系列被政府允許的暴行。如針對民眾實施的謀殺，種族滅絕，人體試驗，酷刑，強姦，政治性的、種族性的或宗教性的迫害，以及其他非人道的行為都可以叫反人類罪。</p><p>中國唔係羅馬規約既成員國，英國係移交香港主權既時候都未加入羅馬規約，但國際刑事法庭既檢察官係有權主動調查同提出檢控，一旦檢控官發出了根據《羅馬規約》作出的拘捕令，《規約》的締約國便有責任拘捕及將有關犯人移交位於海牙的法庭。不過因爲反人類罪既門欄好高，我個人對ICC會否主動調查香港係唔樂觀，不過你地可以去試下email ICC Office of Prosecutor，但唔好期望太大。</p><p><strong>係上唔到國際法庭都唔代表呢d黑警/背後既指揮官係無後果，國際法庭係Belgium<br>v Senegal一案已經講左，所有禁止酷刑公約既締約國都有義務去檢控違反止酷刑公約既人等。好多歐洲國家，例如荷蘭，西班牙，比利時都有普遍管轄權（universal jurisdiction），意思係，如果有關人等出現係上述國家既領土，當地既執法單位係有權局部並且監控有關人等，並係當地法院審訊。</strong></p><p>簡單來講<br>1. 立即停用戰爭罪行一詞<br>2. 改爲使用反對CIDT （酷刑和其他殘忍、不人道或有辱人格的待遇）<br>3. 要求國際刑事法庭檢察官調查反人類罪既機會不大<br>4. 黑警同特區政府高層呢世可以唔使去部分歐洲國家玩</p><img src="https://medium.com/_/stat?event=post.clientViewed&referrerSource=full_rss&postId=d1d5b15eae5e" width="1" height="1" alt="">]]></content:encoded>
        </item>
        <item>
            <title><![CDATA[由内部消息可以見到係短期内逼使匪軍出動攬炒呢個方向已經行唔通。
但呢個唔代表共產黨唔會繼續派遣特務破壞，派遣武警取代香港警察低調執法，但呢d全部都係維穩費。…]]></title>
            <link>https://desjacobins.medium.com/%E7%94%B1%E5%86%85%E9%83%A8%E6%B6%88%E6%81%AF%E5%8F%AF%E4%BB%A5%E8%A6%8B%E5%88%B0%E4%BF%82%E7%9F%AD%E6%9C%9F%E5%86%85%E9%80%BC%E4%BD%BF%E5%8C%AA%E8%BB%8D%E5%87%BA%E5%8B%95%E6%94%AC%E7%82%92%E5%91%A2%E5%80%8B%E6%96%B9%E5%90%91%E5%B7%B2%E7%B6%93%E8%A1%8C%E5%94%94%E9%80%9A-%E4%BD%86%E5%91%A2%E5%80%8B%E5%94%94%E4%BB%A3%E8%A1%A8%E5%85%B1%E7%94%A2%E9%BB%A8%E5%94%94%E6%9C%83%E7%B9%BC%E7%BA%8C%E6%B4%BE%E9%81%A3%E7%89%B9%E5%8B%99%E7%A0%B4%E5%A3%9E-%E6%B4%BE%E9%81%A3%E6%AD%A6%E8%AD%A6%E5%8F%96%E4%BB%A3%E9%A6%99%E6%B8%AF%E8%AD%A6%E5%AF%9F%E4%BD%8E%E8%AA%BF%E5%9F%B7%E6%B3%95-%E4%BD%86%E5%91%A2d%E5%85%A8%E9%83%A8%E9%83%BD%E4%BF%82%E7%B6%AD%E7%A9%A9%E8%B2%BB-6978d33d7fab?source=rss-bfac544e4663------2</link>
            <guid isPermaLink="false">https://medium.com/p/6978d33d7fab</guid>
            <category><![CDATA[hongkonger]]></category>
            <category><![CDATA[antielab]]></category>
            <category><![CDATA[class-analysis]]></category>
            <dc:creator><![CDATA[Club des jacobins]]></dc:creator>
            <pubDate>Mon, 12 Aug 2019 05:11:02 GMT</pubDate>
            <atom:updated>2019-08-12T05:11:02.320Z</atom:updated>
            <content:encoded><![CDATA[<h3>緊記三大要素：可持續，高針對性，低風險</h3><p>由内部消息可以見到係短期内逼使匪軍出動攬炒呢個方向已經行唔通。<br>但呢個唔代表共產黨唔會繼續派遣特務破壞，派遣武警取代香港警察低調執法，但呢d全部都係維穩費。<br>呢場宜家既重點應該係以，你可以消耗共產黨幾多既資源作爲目標。</p><p>劉仲敬就曾經粗略計過拿來準備侵略臺灣和統戰臺灣的預算最起碼要每年1000億美金，而新疆就要起碼每年大概500億美金既規模，所以只要有3個臺灣量級的麻煩或者5個新疆量級的麻煩，貴匪就會原地支爆。</p><p>可持續性</p><p>而香港宜家既情況係導致左解放軍同武警長期係深圳河以北待命，由撐警大聯盟到鄉黑到福建撈到警隊裏面既武警，呢d統統都是錢，所以如果我地可以將場運動拖長，就可以對共產黨造成最大既傷害。</p><p>而問題就係，為左確保香港係國際社會處於一種“爭奪中/拉鋸當中”既狀態，我地宜家需要一種超越“反送中”既口號，係最近幾個星期我有留意開外國媒體都係用“反對中國侵犯香港自治”來解釋我地呢場運動，反而比較少提到我地既5大訴求。</p><p>我當然同意5大訴求係缺一不可，但呢個唔代表我地訴求既次序唔可以調轉：第一個訴求就係“立即實行雙普選，確保香港自治”既noise會唔會比“要求全面撤回逃犯條例”大？第二個訴求可以繼續係“獨立調查委員會”，但係鄉黑之外會唔會加埋“調查中聯辦/中央有否干涉香港内部事務”？</p><p>最後就係，武警混入警察執法，同埋社會信用評分系統呢d都係彈藥來，我地可以預見共產黨同特區政府每個星期都會出d新既花樣，如果場運動要長期持續既話，我地就需要將呢d新既突發事件整合去本身存在既五大訴求裏面。宜家一定要面對現實，單單係反送中係無辦法令場運動可以行到落去九月十月，我地場運動要不斷前進，唔係原地踏步就要適應每個星期新發生既野。</p><p>高針對性</p><p>呢d其實林鄭本人都提左水，we have no stakes in the society呢點係事實。香港一路都係行資產階級專政，點解基本法一定要有1200人選委會？點解立法會一定要有功能組別？講到尾，港人治港既意思即係香港既資產階級治港，當初鄧小平透過改革開放既機會搞掂左呢幾百人基本上就等於接管左香港。所以呢批以四大地產商爲首既香港人，先係林鄭所講既stakeholders。</p><p>當初林鄭搞條送中條例出來，本身係引起左呢批stakeholders既反彈，所以林鄭一開始就向呢批資產階級作出讓步（Google 「暫緩」空置稅），所以呢場運動主要變成在地既中產階級+小資產階級+勞工階級領導，資產階級無份參與既運動，而香港長期動蕩反而逐漸影響呢批人既利益，所以有部分資產階級又轉而支持翻林鄭，或者採取中立既態度，林鄭只需要確保呢批人唔反對自己已經可以穩贏。</p><p>港鐵不合作運動同埋罷工雖然對資產階級係有造成影響，但針對性始終唔夠高，反而係令呢班人更加覺得“香港唔可以亂落去”（見主要報紙既頭版廣告），而對小資產階級同勞工階級既影響比對資產階級既影響大，所以林鄭先可以坐穩粒六等民意反彈。</p><p>我地其實試過去領事館巡迴遊行，用同樣既方式去巡迴富豪/地產商係香港既物業，會唔會更加有效地對香港實際既管治班底施壓呢？新城市廣場呢d我認爲可以繼續搞落去，但直接去圍呢班stakeholders既屋企，office可以避免影響埋商場既小商戶（aka 小資產階級），btw 係富豪區警察會唔會夠膽放催淚彈驅散呢？除左呢批有錢佬之外，其實中聯辦係香港都有好多物業，共產黨高層係香港一樣都有物業，多數仲係豪宅區。</p><p>除左呢批香港實際既管治班子之外，高針對性亦都可以包括部分人見人憎既人物/企業，純粹講幾個：何妖，黑社會，社團，領匯，港鐵…你集中搞呢d人見人憎既人物/企業，香港多數人都唔會有意見，可以當係支綫任務。</p><p>低風險</p><p>最後低風險又係同第一點挂鈎，要場運動可以持續落去，你一定要確保最核心最骨幹既個一批團體唔會被圍捕/受傷。呢個純粹係數學遊戲來，如果每個星期都有接近一百人被捕，唔需要好耐場運動就會自己熄滅，而最重要既係高風險會趕走和理非，好老實講，星期日兩區遊行既人數都低過之前幾個星期好多，唔係話團火已經熄左，而係好多人覺得圍攻警局+福建佬周街打人風險太高，所以唔肯現身或者行完就走。</p><p>場運動要行落去，最好就可以同時要做到三樣野：可持續，高針對性，低風險，例子就係連儂牆，可持續因爲人人都可以貼野上去人人都可以參與，高針對性，例如新城市廣場就直接搞到地產商，低風險，貼野好難拉你，最重要係低成本，而最後以大埔連儂隧道為例，共產黨直頭要派三架旅遊車既人來清拆你幾蚊一大曡既memo紙，呢d就叫成功。</p><p>以後所有活動如果做唔到三樣，最起碼都要中兩樣，先值得去做。我地其實並唔係輸緊5：0，宜家係守和打緊加時，不過對面11個人，我地就踢緊9個，而且對家仲有黑哨，所以宜家最需要係冷靜既頭腦，以拖到射12碼為目標，唔係盲目進攻等人地偷襲入一粒吹雞完場。</p><img src="https://medium.com/_/stat?event=post.clientViewed&referrerSource=full_rss&postId=6978d33d7fab" width="1" height="1" alt="">]]></content:encoded>
        </item>
        <item>
            <title><![CDATA[網絡時代的身份政治]]></title>
            <link>https://desjacobins.medium.com/%E7%B6%B2%E7%B5%A1%E6%99%82%E4%BB%A3%E7%9A%84%E8%BA%AB%E4%BB%BD%E6%94%BF%E6%B2%BB-78a3c1313ba1?source=rss-bfac544e4663------2</link>
            <guid isPermaLink="false">https://medium.com/p/78a3c1313ba1</guid>
            <category><![CDATA[21st-century]]></category>
            <category><![CDATA[cantonese]]></category>
            <category><![CDATA[identitarianism]]></category>
            <category><![CDATA[right-wing]]></category>
            <category><![CDATA[censorship]]></category>
            <dc:creator><![CDATA[Club des jacobins]]></dc:creator>
            <pubDate>Wed, 20 Mar 2019 05:42:33 GMT</pubDate>
            <atom:updated>2019-03-20T05:42:33.519Z</atom:updated>
            <content:encoded><![CDATA[<p>西方國家係二戰之後對於左翼極端主義同右翼極端主義既處理方法係有明顯唔同既，對於民族主義右派採用既手法係徹底邊緣化，係一切公共空間封殺極右所有既宣傳途徑，令他們透過無辦法係輿論造成影響來令他們慢慢凋零；而對於極左分子就係盡可能統戰左翼裏面既溫和左派，透過開放更多空間比溫和左翼進入政策制定層面，來孤立鼓吹武裝革命既左翼激進派。呢個手法係冷戰時期，當社會仲係依賴印刷媒體既時候仲係有效既。</p><figure><img alt="" src="https://cdn-images-1.medium.com/max/1024/0*IKfAjSfTAjkk2ef4.jpg" /><figcaption>50年代美國共產黨嫌疑分子<a href="https://en.wikipedia.org/wiki/Robert_G._Thompson">Robert Thompson</a> 同 <a href="https://en.wikipedia.org/wiki/Benjamin_J._Davis,_Jr.">Benjamin J. Davis</a>受審前同支持者見面</figcaption></figure><p>但進入左網絡年代，除非你係採用支那個種徹底審查網絡既手法，否則你係無可能用之前既方法來封殺民族主義右派，不論係所謂既白人至上分子定係伊斯蘭原教旨主義者都有他們各自既網絡空間來宣傳招募新既成員。而最重要既就係同溫層效應實際上就係創造出新既共同體。呢個實際係同所謂既精英同失敗者dichotomy無關既，正如Steve Bannon係現實世界同虛擬世界都係如魚得水。而呢種網絡政治既新常態反而係好類似戰間期因爲報紙同政團汎濫造成既碎片化政治。宜家西歐同日本既所謂主流政治團體，媒體同出版業，背後唔難見到美國50年代既無形之手，係20年代活躍既極左極右團體同報社就係西歐接受馬歇爾援助既同時開始被邊緣化同封殺。但宜家因爲右翼團體轉移到網絡世界，無左一個有形既政黨組織，政府係好難徹底封殺，挪威既布雷維克同紐西蘭既塔蘭特都係透過網絡自我啓蒙就可以見到，以前行之有效既方法係無辦法適應網絡時代既新常態。</p><p>撇除採用武裝鬥爭路綫既少數派，呢類網絡群體既形成係現實層面一樣會造成主流政治既碎片化。我敢講無高登既話梁天琦等既獨派係無可能透過被大台控制既主流反對派媒體政團組織送入立法會（先姑勿論呢條路綫是否正確），Donald Trump效應同8chan既關係，歐洲右翼政黨同Defend Europe, Russia Today既關係都唔難見到，長期被主流共識政治所孤立既群體點樣透過網絡來實現打反擊，就算無辦法奪取政權，都可以創造出一個碎片化既政治環境出來。而由歷史之中我地唔難見到民主政治基本上係需要一定既共識來運作，所以係經歷左Brexit同Trump之後，主流媒體包括部分網上既KOL仍然想用當年對付納粹既方法，將塔蘭特既Grand Displacement當成痴綫佬既瘋言瘋語，唔係面對Identitarianism同White nationalism背後，西方正係面對既道德同文化危機，基本上係無充分吸取教訓。</p><figure><img alt="" src="https://cdn-images-1.medium.com/max/715/0*FDrE3ofF4u6GMseM.jpg" /><figcaption>奧地利身份認同運動示威者</figcaption></figure><p>身份政治同白人民族主義背後既思想淵源，有最起碼一部分係同伊斯蘭原教旨主義一樣，都係反映緊受全球主義同資本主義威脅下出現既文化同道德危機。後者學術界包括牙牙學語既狹義風骨一早已經講過並歸咎於西方霸權，但學術界（主要由西方中產階級把持既）一直以來都見唔到，被視爲全球化大贏家既西方社會其實一樣感受到道德，文化，同價值既逐步喪失。身份政治同白人民族主義本身就係對理性主義-世俗主義所假設，文化同宗教會係個人主義係逐漸消亡既反證，而呢樣野其實一早就被亨廷頓講中。</p><img src="https://medium.com/_/stat?event=post.clientViewed&referrerSource=full_rss&postId=78a3c1313ba1" width="1" height="1" alt="">]]></content:encoded>
        </item>
        <item>
            <title><![CDATA[國際法不能引入法官造法]]></title>
            <link>https://desjacobins.medium.com/%E5%9C%8B%E9%9A%9B%E6%B3%95%E4%B8%8D%E8%83%BD%E5%BC%95%E5%85%A5%E6%B3%95%E5%AE%98%E9%80%A0%E6%B3%95-947127302106?source=rss-bfac544e4663------2</link>
            <guid isPermaLink="false">https://medium.com/p/947127302106</guid>
            <dc:creator><![CDATA[Club des jacobins]]></dc:creator>
            <pubDate>Sun, 21 Oct 2018 15:01:10 GMT</pubDate>
            <atom:updated>2018-10-21T15:01:10.092Z</atom:updated>
            <content:encoded><![CDATA[<p>雖然我假假地都係食呢行飯，但係我始終都要講句國際刑事法庭(ICC)係羅興亞問題上面既判決真係幾on9。呢單案既最大影響就係大幅擴大左國際刑事法庭既司法管轄權，原本你認爲唔簽羅馬規約ICC就無辦法審你，但宜家就唔再係咁樣，只要某國犯既國際罪行有一個跨國界既成分，而個罪行造成既影響係一個羅馬規約既成員國裏面體現既話，ICC就可以按照呢個國家既成員國身份介入行使司法管轄權。</p><p>呢個判例最後仲特登提到左敍利亞難民潮，而眾所周知歐盟成員國幾乎全部都係羅馬規約成員國，意思即係話ICC係有意用羅興亞呢單野套落將對司法管轄權套落敍利亞阿薩德政府個度。前幾年聯合國安理會否決左將敍利亞内戰發生既戰爭罪行交由ICC審理，今次ICC估計就係想透過建立呢個案例繞過安理會去審敍利亞，但講到尾你抓唔到人去海牙審都係無用，南斯拉夫刑事法庭個套行得通主要就係因爲有北約地面部隊去抓人/加埋經濟壓力逼塞爾維亞交人，宜家阿薩德唔交人你海牙個邊點審都無用，結果只會製造大量無辦法執行既判決最後變成廢例。</p><p>所謂既國際法其實講到尾都係透過國際上既行爲主體（主要是主權國家）之間互相博弈，約定俗成出來，唔係亦無可能透過海牙幾個法官創造出來，呢d創造出來既成例如果無國家肯遵守只會慢慢被淘汰。宜家美國直頭話要制裁ICC，我基本上可以預見到無美國，俄羅斯，支那同亞非拉shithole countries支持既ICC最後只會變成歐盟集體圍爐既工具。</p><img src="https://medium.com/_/stat?event=post.clientViewed&referrerSource=full_rss&postId=947127302106" width="1" height="1" alt="">]]></content:encoded>
        </item>
    </channel>
</rss>