<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Didar Jelaletdinov on Medium]]></title>
        <description><![CDATA[Stories by Didar Jelaletdinov on Medium]]></description>
        <link>https://medium.com/@djelaletdin?source=rss-eba7586d6eea------2</link>
        <image>
            <url>https://cdn-images-1.medium.com/fit/c/150/150/1*l09mNMxZZ5zam8d16MJ0Tg@2x.jpeg</url>
            <title>Stories by Didar Jelaletdinov on Medium</title>
            <link>https://medium.com/@djelaletdin?source=rss-eba7586d6eea------2</link>
        </image>
        <generator>Medium</generator>
        <lastBuildDate>Fri, 20 Nov 2026 05:13:36 GMT</lastBuildDate>
        <atom:link href="https://medium.com/@djelaletdin/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Dünýäniň iň betbagt adamyna]]></title>
            <link>https://djelaletdin.medium.com/d%C3%BCn%C3%BD%C3%A4ni%C5%88-i%C5%88-betbagt-adamyna-8866b9b529d6?source=rss-eba7586d6eea------2</link>
            <guid isPermaLink="false">https://medium.com/p/8866b9b529d6</guid>
            <category><![CDATA[garalama]]></category>
            <category><![CDATA[türkmençe]]></category>
            <dc:creator><![CDATA[Didar Jelaletdinov]]></dc:creator>
            <pubDate>Fri, 16 Oct 2020 16:56:22 GMT</pubDate>
            <atom:updated>2020-10-18T06:49:30.347Z</atom:updated>
            <content:encoded><![CDATA[<p>Ýene-de şol mesele üçin gynanyp dursuňmy? Nämedigini anyk bilemok; belki agyr talyp durmuşy, belki ýüregiňe düşýän işiň, belki-de aýrylşan söýgüliň. Edil şuwagt edip biljek ýeke-täk zat diňe pikirlenmek. Gije-gündiz şol meseläň barada pikirlen, ýöne düzetmek üçin hiç zat etme. Diňe pikirlen.</p><p>Daş töwregiňdäki adamlara seret soň. Seret, olar neneň bagtly! Olar seň dertleriňe düşünmez. Olar hiç agyr durmuşy görmediler. Olaryň arasynda dereksiz bir sebäp üçin okuwyndan çykarylan bir talyp ýok. Olaryň<strong> </strong>arasynda<strong> </strong>aç çagalarynyň gije garnyny doýurmak üçin porsy zibillikden bir zatlar gözleýän bir kaka ýok. Hatda, ol adamlaryň hemmesi söýen ýarlary bilen bile bagtly durmuşda döwran sürüp ýörler. Olar seniň derdiňe hiç-haçan hem düşünip bilmez. Seniň derdiň olaryň pikir edip biljek zatlaryndan müňlerçe esse uly we şol sebäpli hem seniň gije aladanalyp ýatmazlyga, töweregiňdäki adamlara sebäpsiz ýere azar bermäge hakyň bar.</p><p>Başda aýdan zadymy ýene bir gezek gaýtalaýyn: hiç zady düzetjek bolma. Eger düzetjek bolsaň we başarmasaň dünýädäki ýedi ýarym milliard adam seniň üstüňden gülmek üçin garaşyp dur. Ölýänçäň şol şowsuzlygyň barada yzygiderli ýatladyp durarys. Bagtsyz durmuşyň ahyr-soňy gutarar, ýöne biz seni ölümiňden soň hem ýeke goýmarys, arkaýyn bol. Mazaryň başyna “dünýäniň iň lapuh adamy” diýip daş oturdarys ýalňyşanyň üçin. Sebäbi başga işimiz ýok, ýedi ýarym milliard adamyň ýeke derdi sen. Irden turmagymyzyň ýeke-täk sebäbi seniň şowsuzlyga uçramagyňy görmek. Biziň öz işlerimiz, maşgalalarymyz, isleglerimiz, umytlarymyz ýok. Biziň öz aladamyz ýok.</p><p>Hany geljek barada arzuwlaryň barda… Şolary hiç-haçan kowalama. Belki ýalňyşaýsaň näme? Eger bir gudrat bolup başardyň diýeli, näme üýtgeşiklik bolar öýdýäň? Hiç zat!</p><blockquote>Gaty gitse, soňky demleriňi sanap duran wagtyň geçen günleri ýatlap: <strong>“Boşlugyň içindäki äpet bir alawly topyň daşyndan yzygiderli aýlanyp duran 4,5 milliard ýyl öň kiçijek tozan bölejikleriniň we gazlaryň birleşmegi sebäpli emele gelen ullakan bir daşyň üstünde ýaşamak üçin iň ajaýyp wagtda berilen durmuşymy beýleki adamlaryň bokly pikirlerinden täsirlenmän öz isleýişim ýaly ýaşandygyma we töweregimdäki adamlara ölemden soň hem ýylgyryp ýatlanjak owadan ýatlamalar goýup gitjekdigim üçin özümi örän bagtly duýýan”</strong> <em>diýersiň. Ehhhhhhh. Ýürek gysgynç.</em></blockquote><p>Bir zat aýdaýynmy? Hatda seniň dogulmagyň hem adaty birzat. Dünýä inme ähtimallygyň 10²⁶⁸⁵⁰⁰⁰-da bir (san bilen 1). 10-yň yzyndanky 2,685,000 sany nollyga aldanma, aslynda kän uly san hem däl. Şeýle mysal bilen düşündireýin: ýetginjek bir adamyň bedenindäki öýjikler bara… şol sana älemdäki hemme atomlaryň sanyny goşmaly… şol goşulan sanyň bary-ýogy 33,000 essesi… Seret, saňa berilen durmuş olar ýaly hem üýtgeşik zat däl eken. Eger başarsaňa dogulanyň üçin hem närazy bolup geçir durmuşyňy. Seniň deregiňe täze bir Newton, täze bir Dostoýewski, täze bir Tesla, täze bir DJ Begga gelip bilerdi diýip ýaşa günleriňi. Özüňi dereksiz gör.</p><p>Ýok, ýok, bularyň bary boş. Sebäbi sen entek hem şol mesele barada gynanyp dursuň. Nämedigini anyk bilemok; belki agyr talyp durmuşy, belki ýüregiňe düşýän işiň, belki-de aýrylşan söýgüliň. Aladalanýan zadyň näme hem bolsa hiç-haçan geçmejegini unutma. Edil mundan öňki meseleler ýaly. Hany nämedigi hem ýadyňa düşmeýän çykgynsyz meseleleriň bara… Hawa, edil şolar ýaly…</p><img src="https://medium.com/_/stat?event=post.clientViewed&referrerSource=full_rss&postId=8866b9b529d6" width="1" height="1" alt="">]]></content:encoded>
        </item>
        <item>
            <title><![CDATA[Beýnimiziň 100%-ni ulanamyzokmy?]]></title>
            <link>https://medium.com/penjire/be%C3%BDnimizi%C5%88-100-ni-ulanamyzokmy-835b4e9e70dc?source=rss-eba7586d6eea------2</link>
            <guid isPermaLink="false">https://medium.com/p/835b4e9e70dc</guid>
            <category><![CDATA[pikirlenmek]]></category>
            <category><![CDATA[beýni]]></category>
            <category><![CDATA[eýnşteýn]]></category>
            <category><![CDATA[düşünje]]></category>
            <dc:creator><![CDATA[Didar Jelaletdinov]]></dc:creator>
            <pubDate>Thu, 15 Mar 2018 16:57:55 GMT</pubDate>
            <atom:updated>2018-11-15T17:52:39.478Z</atom:updated>
            <content:encoded><![CDATA[<h4><em>Özbaşdak pikirlenmek barada…</em></h4><p>“<em>Limitless</em>” ýa-da <em>“Lucy”</em>-ni gördüňizmi? Iki filmiň temalary başga hem bolsa beriljek bolýan pikir şol birzatdy: “<strong>Adam beýnisiniň 100%-ni ulanyp bilenok</strong>”. Belki, bu filmlerden habardar däl hem bolsaňyz, bir fizika sapagynda <em>Eýnşteýniň</em> ady agzalanda, arka setirde oturan biri “Eýnşteýn beýnisiniň 15%-ini ulanypdyr, biz bolsa bary-ýogy 10%-ini ulanyp bilýäris” diýip, onuň nähili beýik alymdygyny (!) ýatladandyr. Hawa, bu makalada günümiziň iň ýaýran pikirlerinden biri bolan “Adam beýnisiniň 10%-i” barada bir-iki söz aýtmakçy.</p><h4>Belaň körügi nirede?</h4><blockquote>Elbetde adamlar hemişe köçede “Eýnşteýniň beýnisi” barada gürleşip oturmandyrlar.</blockquote><p>Ilkinji bolup, kellämize bu pikiri sokan kişi <em>William James</em> hasaplanýar. Ol özüniň <em>“Energies of Man”</em> (1908) atly kitabynda <strong>“Adamlaryň öz potensiýallaryny doly derejede ulanyp bilmejekdigini” </strong>aýdýar. (*)</p><p>“Beýniniň 10%-i” pikiri bolsa kitaplary bilen millionlarça adama höwes berýän (!) <em>Dale Carnegie</em>’niň “<em>How to Win Friends and Influence People</em>” atly kitabynda agzalýar. (*)</p><figure><img alt="" src="https://cdn-images-1.medium.com/max/800/1*dfyDSNwS1dAE_EPyLCfhjg.jpeg" /></figure><h4>Ynanmalymy?</h4><p>Eger beýniňiziň işleýşinden şübhe duýýan bolsaňyz, arkaýyn hassahanalarda beýniňizi “scan” etdirip bilersiňiz. Elimizi açyp-ýummak ýaly gaty sada görünýän işler üçin hem beýnimiziň 10%-i ýeterlik däldir.(*)</p><p><strong>Has takyk bolmagy üçin käbir pikirler:</strong></p><ul><li>Eger beýnimiziň 10%-ini ulanýan bolsak, “ulanylmaýan” beýleki böleklere zeper ýetmegi beýnimiziň doly we dogry şekilde işlemegine päsgel bermezdi. Ýöne bolsa, <em>beýnimize ýeten kiçijik zeper hem beýnimize uly zyýan berýär</em> we hat-da ölüm bilen hem netijelenip bilýär.</li><li>Beýnimiz bedenimiziň jemi energiýasynyň 20%-ini sarp edýär. Eger, 10% ulanyş üçin jemi energiýanyň 20%-ni ulanýan bolsa, biz hiç haçan beýnimiziň 100%-ni ulanmagy başarmaýarys we bu hem beýnimiziň uly böleginiň gerekmejek bir et bölegi bolup galmagyna sebäp bolýar. Siz bolsa kemçiliksiz ýaradylan adam bedeninde “gerekmejek bölegiň” ýokdygyny eýýäm bilýänsiňiz…</li><li>Ýokarda hem belleýşim ýaly beýni scan etdirip, onuň hereketlerini synlap bilersiňiz…</li></ul><h3>Gepiň tümmek ýeri.</h3><p>Men biolog däl, biologiýa bilen hem känbir gyzyklanyp baramok. Bu makalany ýazmagymyň esasy sebäbi şu pikire ynanýan adamlardyr.</p><blockquote><em>Uniwersitetde</em> <em>mugallym her talyba “presentation” etmelidigini aýtdy. Menem şu temany saýlap aldym. Presentation-ymy dynmakam öňki setirde oturan talyp </em><strong>“Ahow, beýnimiziň 100%-ni ulanýan bolsak uçars-da”<em> </em></strong><em>diýdi</em> (çagalar bagynda diýemok, uniwersitede). <em>Menem </em>“nämä daýanyp şol netijä gelendigini”<em> soradym. Hiç garaşmaýan jogabymy aldym; </em><strong><em>“Aý, aýdýalar-da”</em>…</strong></blockquote><blockquote>“<strong>Pikirlenmän ynanýarys”. </strong>Diňe, <em>“</em><strong><em>aý, </em></strong><em>aýdandyklary” </em>üçin ýalan-ýalňyş zatlara ynanýanlary görmek diýseň gynandyrýar. Pikirleniň. Özbaşdak pikiriňiz bolsun. Men, size <em>“Think Different” </em>diýemok. Diňe, ynanýan zatlaryňyza näme üçin ynanýanyňyzy bilmegiňiz ýeterli, ilden üýtgeşik bolmak möhüm däl.</blockquote><p>Ýokardakylar meniň şahsy pikirim, ylalaşman bilersiňiz.</p><p><strong>Çeşme:</strong></p><ul><li><a href="https://en.wikipedia.org/wiki/Ten_percent_of_the_brain_myth">Wikipedia</a></li><li><a href="http://www.bbc.com/future/story/20121112-do-we-only-use-10-of-our-brains">BBC</a></li></ul><img src="https://medium.com/_/stat?event=post.clientViewed&referrerSource=full_rss&postId=835b4e9e70dc" width="1" height="1" alt=""><hr><p><a href="https://medium.com/penjire/be%C3%BDnimizi%C5%88-100-ni-ulanamyzokmy-835b4e9e70dc">Beýnimiziň 100%-ni ulanamyzokmy?</a> was originally published in <a href="https://medium.com/penjire">Penjire</a> on Medium, where people are continuing the conversation by highlighting and responding to this story.</p>]]></content:encoded>
        </item>
    </channel>
</rss>