<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Emilija Zdravkovska on Medium]]></title>
        <description><![CDATA[Stories by Emilija Zdravkovska on Medium]]></description>
        <link>https://medium.com/@e.zdravkovska93?source=rss-1ae120bdee14------2</link>
        <image>
            <url>https://cdn-images-1.medium.com/fit/c/150/150/0*egodi02M5A9hr1JB.</url>
            <title>Stories by Emilija Zdravkovska on Medium</title>
            <link>https://medium.com/@e.zdravkovska93?source=rss-1ae120bdee14------2</link>
        </image>
        <generator>Medium</generator>
        <lastBuildDate>Mon, 16 Nov 2026 11:58:49 GMT</lastBuildDate>
        <atom:link href="https://medium.com/@e.zdravkovska93/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Имате ли слушнато за Модно Студио Лиа?]]></title>
            <link>https://medium.com/@e.zdravkovska93/%D0%B8%D0%BC%D0%B0%D1%82%D0%B5-%D0%BB%D0%B8-%D1%81%D0%BB%D1%83%D1%88%D0%BD%D0%B0%D1%82%D0%BE-%D0%B7%D0%B0-%D0%BC%D0%BE%D0%B4%D0%BD%D0%BE-%D1%81%D1%82%D1%83%D0%B4%D0%B8%D0%BE-%D0%BB%D0%B8%D0%B0-8c4da55ca173?source=rss-1ae120bdee14------2</link>
            <guid isPermaLink="false">https://medium.com/p/8c4da55ca173</guid>
            <dc:creator><![CDATA[Emilija Zdravkovska]]></dc:creator>
            <pubDate>Mon, 18 Jun 2018 17:14:45 GMT</pubDate>
            <atom:updated>2022-11-07T15:25:24.907Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1000/1*yeeXZ6Ls74rCvWz2-jpZ3w.png" /></figure><p>Денеска го посетивме Модното студио Лиа. Бевме љубезно пречекани од газдарицата на студиото, која со задоволство ни ја раскажа својата приказна.</p><p>Луина Панева е наставничка по математика и горда сопственичка на Модно студио Лиа. Заедно со својата ќерка веќе 12 години кројат, шијат, плетат и везат креации по нарачка.</p><p>Талентот за шиење Луина го открила на 17 години, кога нејзината тогашна шнајдерка одбила да и ја сошие креацијата која ја сакала. Сакајќи да ја носи токму таа облека, Луина била приморана да си ја сошие сама. Со неколку совети за кроење кои ги добила од пријателка, седнала и го направила првото здолниште.</p><figure><img alt="" src="https://cdn-images-1.medium.com/max/1000/1*A_t2tsNf1K5G6IQfZZUKLA.png" /></figure><p>Нејзината желба за создавање парчиња облека никогаш не исчезнала. На почеток немала ниту машина за шиење, па се правела рачно. За матура ја добила првата машина за шиење. Вели дека е самоука и дека за овој занает најмногу научила преку списанието Карина.</p><p>Денес Луина е наставничка по математика, а по завршувањето на работното време во основното училиште во кое предава, неуморно продолжува да создава облека.</p><p>Љубовта кон овој занает го има пренесено на својата ќерка, со која заедно работат. Во 2002 година го имаат отворено студиото Лиа и покрај шивачките услуги нудат и курсеви за кроење, рачно шиење, плетење и везење. Соработуваат и со Центарот за обука на возрасни каде што Луина ги прави програмите за учење.</p><figure><img alt="" src="https://cdn-images-1.medium.com/max/1000/1*8TjQYPlBkwNsekWxHESsdg.png" /></figure><p>Низ годините веќе имаат стекнато репутација и имаат постојани клиенти. Освен со Центарот за обука на возрасни имаат соработувано и со Академија Италијана, Универзитет Фон и Технолошкиот факултет при УКИМ. Од познати личности, велат дека никој од македонската естрада нема шиено креација кај нив, но имаат работено со Никола Ефтимов, Билјана Каран и Александар Ношпал.</p><p>До сега имаат работено само по нарачка, но од есен ќе започнат и да прават свои модели. Планираат да прават уникатни парчиња облека, главно фустани, од природни материјали, кои би биле главно наменети за жени на возраст од 25 до 40 години.</p><p>Моделите кои ги изработуваат можете да ги видите на фејсбук страната на Студио Лиа, можете да отидете и директно во студиото на адреса „Петар Поп Арсов бр.28“, а се надеваме и дека во скоро време ќе следи и некоја модна ревија на која Луина ќе ги претстави своите нови модели.</p><img src="https://medium.com/_/stat?event=post.clientViewed&referrerSource=full_rss&postId=8c4da55ca173" width="1" height="1" alt="">]]></content:encoded>
        </item>
        <item>
            <title><![CDATA[Facebook и Instagram маркетинг — предности и недостатоци]]></title>
            <link>https://medium.com/@e.zdravkovska93/facebook-%D0%B8-instagram-%D0%BC%D0%B0%D1%80%D0%BA%D0%B5%D1%82%D0%B8%D0%BD%D0%B3-%D0%BF%D1%80%D0%B5%D0%B4%D0%BD%D0%BE%D1%81%D1%82%D0%B8-%D0%B8-%D0%BD%D0%B5%D0%B4%D0%BE%D1%81%D1%82%D0%B0%D1%82%D0%BE%D1%86%D0%B8-aa88418a71bc?source=rss-1ae120bdee14------2</link>
            <guid isPermaLink="false">https://medium.com/p/aa88418a71bc</guid>
            <dc:creator><![CDATA[Emilija Zdravkovska]]></dc:creator>
            <pubDate>Wed, 06 Jun 2018 22:02:06 GMT</pubDate>
            <atom:updated>2022-11-07T15:26:00.757Z</atom:updated>
            <content:encoded><![CDATA[<p><strong>Живееме во дигитална ера. Сите имаме минимум по еден дигитален уред, постојано сме онлајн на социјалните медиуми, достапни сме 24/7. Промените што ги носи дигитализацијата ги чувствуваме во секојдневниот живот.</strong></p><figure><img alt="" src="https://cdn-images-1.medium.com/max/1000/1*rlt3B2i2-InTj5kQzDv97A.png" /></figure><p>Присутна е насекаде, во сите сфери, па и во маркетингот. Во последните години многу е нормално Facebook и Instagram да се користат за промоција и нудење продукти и услуги. Овој начин на рекламирање секако има многу предности, но и маани. Кои се тие?</p><p><strong>Да почнеме со бенефитите кои ги нуди Facebook маркетингот.</strong></p><p><strong>Огромна публика</strong></p><p>Facebook е социјален медиум со 2.19 милијарди корисници, што значи 2.19 потенцијални корисници на твоите услуги. Да, невозможно е да допреш до сите, но можноста за добивање огромна публика е реална. Плус, не си географски ограничен — без разлика каде се твоите таргет групи, можеш да стигнеш до нив.</p><p><strong>Помали трошоци</strong></p><p>Друга предност е што сам одредуваш колку пари ќе потрошиш за твојата маркетинг кампања. Со правилно таргетирање и добра тактика, Facebook маркетингот може да те чини неспоредливо помалку од традиционалниот начин на рекламирање.</p><p><strong>Мерење и следење на резултати</strong></p><p>Ако споредиме со традиционалниот маркетинг, Facebook маркетингот нуди уште една предност — мерење и следење на резултатите. Може да користиш различни алатки за таа цел. Со тоа ќе имаш поголема прегледност на твојата кампања и ќе знаеш што да смениш или модифицираш во маркетинг кампањата за да ги постигнеш посакуваните резултати.</p><p><strong>А кои се недостатоците?</strong></p><p><strong>Драстично намален organic reach</strong></p><p>Ако не сакаш да плаќаш, скоро никој нема да ја види твојата реклама. Со новите политики на Facebook, organic reach-от е намален за 20%. Тоа значи — супер што таргетираше публика, но твојата реклама ќе стигне само до мал дел од нив ако не платиш.</p><p><strong>Бара посветеност и одзема многу време</strong></p><p>Да смислиш и направиш контент е најкраткиот процес во Facebook маркетингот. Тоа што го прави овој вид на маркетинг time consuming доаѓа после тоа. За маркетингот да биде успешен треба постојано да ги следиш резултатите, но и коментарите, прашањата и реакциите на корисниците, како и да бидеш достапен и да реагираш најбрзо што можеш.</p><p><strong>Немаш целосна контрола</strong></p><p>Го користиш Facebook за маркетинг, страната што ја водиш е твоја, но не е твоја целата платформа. Бидејќи се промовираш преку Facebook треба да се придржуваш до сите правила и промени. Згора на сѐ, страницата може да ти биде избришана без било какво предупредување, ако Facebook смета дека некако ги кршиш правилата за користење.</p><p><strong>Кои се пак предностите од Instagram маркетингот?</strong></p><p><strong>Рекламирање 24/7</strong></p><p>Социјалните мрежи немаат работно време. Moжеш да постираш во секое време, а клиентите можат да го побараат вашиот производ кога ним најмногу им одговара. Временска разлика не влијае на достапноста на твоите понуди или Instagram кампањи.</p><p><strong>Брзо растечка платформа</strong></p><p>Бројот на Instagram корисници се зголемува од ден на ден. Исто како Facebook, оваа социјална платформа овозможува добивање навистина голема публика и потенцијални корисници на твоите производи и услуги, насекаде низ светот.</p><p><strong>Таргетирање</strong></p><p>Рекламирањето на Instagram ти овозможува да таргетираш публика според повеќе фактори (локација, демографија, интереси…). Тоа значи дека можеш да ги насочиш кампањите кон публиката на која навистина сакаш да ги понудиш твоите производи или услуги.</p><p><strong>Недостатоци?</strong></p><p><strong>Возрасна група</strong></p><p>Instagram е популарна социјална мрежа, има нешто повеќе од 800 милиони корисници. Проблемот е што само 15% од вкупниот број на корисници се 35+ години. Најголемиот дел од корисниците се ученици и студенти, односно, невработени лица без постојани приходи. За неколку години, истите тие луѓе ќе ти бидат примарна таргет група на која ќе сакаш да и се доближиш, но моментално не се најдобра публика, доколку сакаш да продадеш нешто.</p><p><strong>Платформата не е предвидена за маркетинг</strong></p><p>Корисниците на Instagram сакаат да гледаат убави фотографии. Ако им рекламираш нешто на класичен начин тешко ќе им го привлечеш вниманието. Треба да знаеш како да се изразуваш преку слики и видеа, да пратиш трендови, но и да бидеш уникатен, да постираш и други содржини и да не бидеш премногу напорен. И сѐ тоа во исто време.</p><p><strong>Сликите се прикачуваат само од мобилен телефон</strong></p><p>После 8 години постоење, на Instagram сѐ уште може да се постира само преку мобилен. Тоа е ок ако имаш приватен профил, но за водење маркетинг кампања е сложено. Сигурно сакаш сликите да ти бидат со добар квалитет, па понекогаш мора да ги обработиш на компјутер, а после да ги префрлиш на мобилен и да постираш од таму, што одзема повеќе време.</p><p><strong>Па што е заклучокот?</strong></p><p>Секој вид на маркетинг има одредени предности и недостатоци. Најважно е да препознаеш што ти е потребно на тебе и твојот бизнис, во зависност од производот или услугата што ја нудиш. Сепак, дури и да мислиш дека Facebook и Instagram маркетингот не се тоа што ти треба во моментот, мораш да ги следиш промените во маркетинг светот и да се приспособуваш доколку сакаш да успееш.</p><img src="https://medium.com/_/stat?event=post.clientViewed&referrerSource=full_rss&postId=aa88418a71bc" width="1" height="1" alt="">]]></content:encoded>
        </item>
    </channel>
</rss>