<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by fahagasiana on Medium]]></title>
        <description><![CDATA[Stories by fahagasiana on Medium]]></description>
        <link>https://medium.com/@fahagasiana?source=rss-17cfbc667aa4------2</link>
        <image>
            <url>https://cdn-images-1.medium.com/fit/c/150/150/2*2uQraR6ntYXlFqmeu6IRRg.jpeg</url>
            <title>Stories by fahagasiana on Medium</title>
            <link>https://medium.com/@fahagasiana?source=rss-17cfbc667aa4------2</link>
        </image>
        <generator>Medium</generator>
        <lastBuildDate>Wed, 18 Nov 2026 05:29:17 GMT</lastBuildDate>
        <atom:link href="https://medium.com/@fahagasiana/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[‘Zao no Nahakamo Ahy Tamin’iny Frankofonia Iny.]]></title>
            <link>https://fahagasiana.medium.com/zao-no-nahakamo-ahy-tamininy-frankofonia-iny-fahagasiana-db7c946805d7?source=rss-17cfbc667aa4------2</link>
            <guid isPermaLink="false">https://medium.com/p/db7c946805d7</guid>
            <category><![CDATA[madagascar]]></category>
            <category><![CDATA[francophonie]]></category>
            <category><![CDATA[malagasy]]></category>
            <category><![CDATA[society]]></category>
            <category><![CDATA[politics]]></category>
            <dc:creator><![CDATA[fahagasiana]]></dc:creator>
            <pubDate>Wed, 30 Nov 2016 15:22:40 GMT</pubDate>
            <atom:updated>2020-05-10T17:13:41.306Z</atom:updated>
            <content:encoded><![CDATA[<p>Azafady aloha ! Azafady, satria <em>‘zao ilay zavatra </em>! Tsy hoe tsy tianay akory ny mandray vahiny ! Tsy hoe ankahalainay amin’ny tsy antony akory ny mpitondra. Ary tsy hoe lavinay an-kitsirano akory ny <em>lova </em>frantsay eto Madagasikara !... Tsy izany !</p><figure><img alt="" src="https://cdn-images-1.medium.com/max/806/1*H1hO9k_tG1hN0Asgy284eQ.png" /><figcaption>Evan’ny <strong>Frankofonia </strong><em>(2016)</em></figcaption></figure><p>Fantatray fa mety hampandroso an’i Madagasikara ny fikarakarany hetsika iraisam-pirenena toy ireny ! Fantatray fa mety hiteraka vokatsoa maro isan-karazany izany, toy ny hoe : fisokafana tsenam-barotra, fanajariana ny tanàna, fivelarana ara-tsaina sy ara-kolotoraly, <em>sns</em>. Tsy ho voatanisa.</p><p>Kanefa. Na izany aza dia sarotra be ny hanadinoina ny zavatra maro manafintohina ny saina sy ny fo ataon’ity fitondrana ity. Ka ireo zavatra manafintohina ireo angamba no manaloka ankehitriny !… Lasa tsy manaraka ny vahoaka. Azoko !… Tsy hay hoadinoina koa ny fahalemen’ity fitondrana ity. Ka ireo fahalemena ireo angamba no vao maika mampisendaotra ankehitriny !...</p><p>Ka ao anatin’izany dia izao no tena mahavariana nefa. Asa raha nisy nahatsikaritra : Hay ve rehefa hoe handray <em>vahiny </em>dia mahavita mikandra be ihany ity fitondrana ity e ? Samy nahita ny fikonokononana isika. Hay ve rehefa hoe handray manam-boninahitra avy any ivelany dia mahavita manatanteraka asa “<em>tonga-dia-mivaingana</em>” ihany koa ity fitondrana ity e ?… Tsy nampoiziko !… <em>Hery niafina</em> ?</p><p>Nahoana ary no tsy arotsaka ho fampandrosoana ny tanora izany <em>hery</em> izany ? Avy hatrany dia tetikasa mivaingana sy azo-tsapain-tanana ao anatin’ny telo volana !… Ho an’ny tanora Malagasy tsy vaky volo.</p><p>Nahoana ary no tsy afatratra ho fiarovana sy fanampiana ny beantitsika izany <em>hery </em>izany ? Tetikasa mivaingana koa, hanatanterahana ny adidy. Sady ananganana modely ho an’ny ho avy !… Ny maitso volo anio ihany anie no ho beantitra rahampitso e !</p><p>Nahoana ary no tsy aparitaka ho fanafahana ny fahasahiranambe iainantsika izany <em>hery </em>izany ? Voakasik’izany fahasahiranambe izany avokoa ny vala ara-politika sy sosialy rehetra : ny fampianarana, ny asa, ny fanajariana, ny hetra, ny fitantanam-bola, ny fambolena sy fiompiana, ny tafika,… ‘Reo ! Sy maro hafa ! Izy rehetra. Tsy misy mandeha !… Na mandeha aza toa mihemotra ! Na, zara raha mandroso. Satria nahoana ? Satria fa : <em>sahirambe </em>!</p><p>Ka dia ‘zay ilay zavatra. Tsy atao lava resaka ! Fa andeha ho fehezina !… Raha toy ny ezaka natontona tao anatin’ny <em>frankofonia </em>no natonton’ny Hery Vaovao teto amin’ny firenena nandritra izay telo taona nitondrany izay, dia angamba efa mba niha sambatra kokoa ny Tanindrazantsika, Malala.</p><p>Indrisy. Fa soava tsara, e, ry Havako !</p><p><strong><em>Fahagasiana</em></strong><em>,<br></em><strong><em>Alarobia, faha-30 novambra, 2016<br>@ 4:05 hariva</em></strong></p><img src="https://medium.com/_/stat?event=post.clientViewed&referrerSource=full_rss&postId=db7c946805d7" width="1" height="1" alt="">]]></content:encoded>
        </item>
        <item>
            <title><![CDATA[Tafaresaka tamin’i Hery aho.]]></title>
            <link>https://fahagasiana.medium.com/tafaresaka-tamin-i-hery-aho-4a5b11454e95?source=rss-17cfbc667aa4------2</link>
            <guid isPermaLink="false">https://medium.com/p/4a5b11454e95</guid>
            <category><![CDATA[politics]]></category>
            <category><![CDATA[president]]></category>
            <category><![CDATA[madagascar]]></category>
            <dc:creator><![CDATA[fahagasiana]]></dc:creator>
            <pubDate>Sat, 26 Mar 2016 13:14:18 GMT</pubDate>
            <atom:updated>2016-03-26T16:49:08.659Z</atom:updated>
            <content:encoded><![CDATA[<p>Variana nijery an’ilay sary lery. Lasa lavitra be ny sainy. Efa in-dimapolo angamba izy ‘zay no nijery an’io sary io androany…!</p><figure><img alt="" src="https://cdn-images-1.medium.com/max/1024/1*v1gSAoagRZpaqX-jJtsEnw.jpeg" /><figcaption>MANIRERY — <a href="https://medium.com/u/17cfbc667aa4">Fahagasiana</a></figcaption></figure><p>Mena ny masony. Ohatran’ireny donton’ny rongony ireny mihitsy. Zara raha mikimpy ; mivandravandra ela be. — “Tay be ‘ty !”, hoy izy.</p><p>Zara raha matory lery hatramin’izay nahalany azy ‘zay. Be loatra ny zavatra mila sahaniny : Rajoelina, ny mpamatsy vola, ny raharaha iraisam-pirenena, Ravalomanana, ireo mpanolo-tsaina maro be…! Mitady tsy ho arany intsony. Tsy hainy ve ny manao azy ? Mety tsy nampoiziny ny hamafiny. — “Hm !”</p><p>Nalaza be tato ato fa hoe tafiditra anatina afera misy famonoan’olona ny zanak’i lery lahy. I Matthieu io. Bandy, telopolo taona eo eo. Be filiriny. Malaza ratsy. Malaza ratsy saina… — “Miampy indray ‘zany ny olana, lele ! F’angaha moramora ‘zao ny mitantana an’izany ?”… eo imason’ireo mpamatsy vola vahiny, ohatra. Amin’io, ny fahitan’ny vahoaka azy efa miha ratsy andro aman’alina.</p><p>“Ny adinon’ny olona dia ‘zao : matoa aho tonga eto amin’ity toerana misy ahy ity, dia tsy maintsy nisy nanampy. Matoa aho nahasahy nitsipaka an-dRajoelina dia tsy maintsy nisy nanampy koa…”. Azo heverina. “Fa ireo nanampy ahy ho lasa Filoha ‘reo angaha tsy mitady vali-babena hoy ialahy ?”. Voaviravira lery. Ny demony etsy an-daniny, ny anjely etsy an-kilany. — “Mba misy fo ihany aho. Kanefa tsy afaka manao izay tiako.” Voabaikon’ny fahefana. Tsy azony iodivirana ny vokatry ny fifanarahana sy ny teny nomeny an’ireo ‘zay namela azy ho lasa Filoha ‘reo.</p><p>Handositra ve ? Raha handotsitra dia tapitra hatreo ny fananam-boninahitra. Ny rehareha sisa mba ananana, hanjavona avokoa. Tsy handositra fa hiaritra eto hatramin’ny 2018 ? Ho resin-dRavalomanana. Na Rajoelina aza mety haharesy azy ka ho tapitra eo koa ny fananam-boninahitra. Ny rehareha kely sisa ananana hitovy lenta amin’ny isam-bato ho azo. Faran’izay ambany ! — “Ahoana ary ny fika …?”.</p><p>Sarin’i <a href="http://rijasolo.com/">Rijasolo</a> ilay izy. Asa hoe inona no mandalo ao an-tsain’i lery eo am-pijerevana an’ilay sary. Tsy haiko.</p><p>Tsy aritro intsony ka nolazaiko lery hoe : — “Ô r’Ingahy Filoha a ! Rijasolo, bandy tena mahay, fa ts’ity kosa angamba no sary tsara indrindra nalainy eh !… Fa inona no mahavariana anareo amin’io ?”. Niandry efa ho iray minitra taty aoriana izy vao namaly :</p><p>— “Ny olanareo Framasao, matetika, dia ‘zao : mitady hevitra ambadika foana. Efa zatra milalao <a href="http://malagasyword.org/bins/teny2/eva">eva</a> loatra ka na zavatra mila raisina an-tendrony aza dia teren-ko-raisina an-drambony… Jereo fotsiny ny havesatry ny hakiviana sy ny fahadisoam-panantenana ao anatin’io sary io eh !</p><p>Fantatr’ialahy ve fa tamin’ny 2009 io sary no nalain’i Rijasolo ? Tamin’izany fotoana izany, ny fiainana, efa ohatran’izao. Amin’izao fotoana izao, fito taona aty aoriana, vao maika niha-ratsy. Tay be… !</p><figure><img alt="" src="https://cdn-images-1.medium.com/max/940/1*O1TjEMNnwvBPBHwivJ64ew.jpeg" /><figcaption>RIJASOLO.COM — “Madagascar : Une Transition Difficile”, 2009</figcaption></figure><p>Voafatotra aho ! Tazako, miha-mikatona ny lalan-kombàko. Na aho manao zavatra ho an’ny vahoaka — tsy voatery hoe misy dikany be ho an’ny firenena, fa mila atao mipoapoaka fotsiny : manokana kianja, mampanamboatra hôpitaly anankiray,… — , na aho manao ‘zay tratrako hanangonam-bola mandram-piavin’ny fifidianana amin’ny 2018, avieo aho maka <em>retirety </em>any ivelany any… Tsy manao ohatran-dRavalo fa manao ohatran-dRatsiraka ! Mba hipetraka any Neuilly s/Seine koa aho !</p><p>Rehefa miverina mitondra i Ravalo — na Rajoelina, amin’ny 2018,… tsy ho tsapan’ny olona ve hoe mba nilay kokoa ny fiainana tamin’ny fotoana nitondràko ? Amin’izay fotoana izay aho no hiverina indray…”</p><p>Tsy namaly aho. Teo vao tazako imaso-imaso izany antsoina hoe <em>fahaverezana</em> izany. Tsy misy, hatreto — raha mbola eto Madagasikara, izany Filoham-pirenena voafidim-bahoaka izany. Matoa izy lany, dia satria nofidin’ireo <em>manam-pahefana</em> aloha. Izay fidin’ireo <em>manam-pahefana</em> ireo ihany no tsy maintsy ho lany.</p><p>Teo koa aho vao resy lahatra fa voabaiko ny Filohantsika. Tsy ny sitrapony no ataony. Mila mitady <a href="https://en.wiktionary.org/wiki/balance">toboka marin-tombina</a> izy isaky ny mandray fanapahan-kevitra. Tsy voatery hanasoa ny vahoaka foana ny vokatr’izany.</p><p>Ary noho izany, teo aho vao resy lahatra tanteraka fa tsy rahampitso no hiakatra ity firenena ity. Tsy amin’ny 2018 koa. Asa hoe rahoviana…</p><img src="https://medium.com/_/stat?event=post.clientViewed&referrerSource=full_rss&postId=4a5b11454e95" width="1" height="1" alt="">]]></content:encoded>
        </item>
        <item>
            <title><![CDATA[Mba Hitondra Voka-tsoa Ny Fahafatesan-dRabearivelo]]></title>
            <link>https://fahagasiana.medium.com/mba-hitera-bokatsoa-ny-fahafatesan-drabearivelo-dde67bf9eed2?source=rss-17cfbc667aa4------2</link>
            <guid isPermaLink="false">https://medium.com/p/dde67bf9eed2</guid>
            <dc:creator><![CDATA[fahagasiana]]></dc:creator>
            <pubDate>Thu, 29 Jan 2015 00:49:16 GMT</pubDate>
            <atom:updated>2015-02-01T18:57:27.647Z</atom:updated>
            <content:encoded><![CDATA[<h4>Ny lesona tsy notsoahantsika avy tamin’ny fahafatesan’ilay Poety Malahelo.</h4><p>Hoy izy namarana ilay tononkalo “Nosoratana Tao Anatin’ny Fangorakorahana” hoe :</p><p><em>Fitsaharana anie hampifaly;<br>Raha ho lasa, veloma, masìna,<br>Any an-koatra, ilay Fiainan-ko lava!<br>Mangina, ô ry nofoko omaly!<br>Mangina, ô ry nofoko ho rava!</em> — J. J. RABEARIVELO<br>(Ny Mpandinika, lah. 128, 7 may 1926)</p><figure><img alt="" src="https://cdn-images-1.medium.com/max/450/0*kOzI14F_Q_ks0Qf1." /><figcaption>J. J. RABEARIVELO — Ilay Poety Malahelo</figcaption></figure><p><strong><em>— Lasa i J. J. Rabearivelo</em></strong></p><p>Folak’andron’ny talata 22 jona, taona 1937. Sady feno alahelo izy no feno hafaliana. Malahelo satria handao ny malalany — vady, zanaka, havana sy namana ; kanefa faly satria hiaona indray amin’i Voahangy — ilay zanany tiany indrindra, kinanjo, indrisy, lasa aloha loatra. “Hisotro <em>cyanure de potassium 10</em>g mahery aho. […] Fihiniko ny bokin-tsarim-pianakaviana. Orohako ny bokin’i Baudelaire atsy amin’ny efitrano an’ila.” Hoy izy minitra vitsy mialohan’ny fandaozany antsika. Tamin’ny 3:02 ny lera nomeny farany. “Voasotro. Mary, ry zanako, any aminareo avokoa ny eritreritro, ny farany. Mitelina siramamy kely aho. Sempotra aho. Andeha hitsilany aho…”. Maty, namono tena i J. J. Rabearivelo.</p><p><strong><em>— Ny Alahelony: Tsy Nomena Azy Ny Toerana Tokony Nisy Azy</em></strong></p><p>Tsy hitompo teny fatratra aho eto hanambara fa ny hamafin’ny fiainana no nahatonga azy hamono tena. Tsia ! Tsy voatery ! Na izany aza nefa dia tsy sahiko ny hikimpy manoloana ny antso avo nasetriny, nasetriny ary nasetriny tao anatin’ny asa sorany sy tao anatin’ny resaka nifanaovany tamin’ireo olona nanodidina azy : nijaly izy ; nanana fikasana goavana, kanefa diso fanantenana imbetsaka ; nanome, ary nanome betsaka, kanefa tsy mba nandray. <a href="http://www.samoela-andriani.org/jjrabe/jjrabe.htm">Nilaza matetika hono izy hoe</a> : “Tsy izao no toerana sahaza ahy ary tokony hisy ahy”. Mahonena.</p><p>Tsy hilampatra loatra amin’ny fitantarana ny fiainany sy ny fahoriany aho nefa, satria efa betsaka ny fikarohana nafantoka tanteraka ho amin’izany. Aleoko mandray ny adidiko, ary milaza aminareo ny lesona anisan’ny lehibe indrindra tsy notsoahantsika taorian’ny famonoan-dRabearivelo tena.</p><p><strong><em>— Ny Fiainany (Anisany Ny Fahafatesany) : Lesona Lehibe Kanefa Tsy Noraisintsika</em></strong></p><p>Ny fahantran’i Madagasikara ve ? Sa inona marina no antony ? Fa mandrak’ity ny androany, toa an-jorom-bala foana ny mpamorona sy ny mpanakanto Malagasy ? Indrindra moa rehefa misotro ronono ireto farany ?</p><p>Ny fahantran’i Madagasikara ve ? Sa zavatra hafa ? Fa toa tsy mba misy mpiahy ireto kintan’ny famoronana sy ny zava-kanto Malagasy ireto ? Na mbola eny an-tampon’ny famiratany aza izy dia tsy mba raisina amin’ny hajany tokony ho izy ny anjara biriky entiny ho an’ny haren-tsaina malagasy ?</p><p>Tsy ny tantaran-dRabearivelo irery no ahitantsika izany. Raha nanomboka tamin’ny andron-dRabearivelo io toe-javatra io, dia mandrak’ity ny androany toa mbola mitohy foana. Sao kosa aza dia tsy tsinjon’ny mpitondra fanjakana ny maha zava-dehibe ny famoronana sy ny kanto ? Tao anatin’ny karazam-pitondrana maro nisesisesy teo ve nefa dia tsy nisy na dia mpanolo-tsaina iray aza mba niaro ny mpamorona sy ny mpanakanto ? Sa ve efa tsy firaharahiana bontolo be fotsiny ? Mikojakoja ny kanto ireo olona ireo. Indraindray mampita ny soatoavina. Matetika mikolokolo ny literatiora. Ary indrindra mampitsiky, mampitomany, mampifaly, mampandihy… mampihetsi-po antsika rehetra.</p><p>Kanefa. Mba fantatrao ve fa ny mpamorona sy ny mpanakanto Malagasy dia tsy maintsy mitady asa fanampiny mba ahafahany mitsinjo ny vody andro merika ? Mba fantatrao ve fa maro amin’izy ireo no tsy mahaloa akory na dia ny saram-pianaran’ireo zanany aza ? Vao tsy ela aho no tafaresaka tamina mpamorona iray. Tanora izy. Nanana ary mbola manana ny anarany eo amin’ny sehatry ny vazo malagasy. Nilaza tamiko izy fa mafy ny adiny. Na ny hofan-tranony aza tsy voaloany intsony, ka dia voatery izy niverina nipetraka tany amin’ny tranom-pianakaviana.</p><p>Fanontaniana tsotra no apetrako : Rabearivelo firy no andrasana ho lavon’ny fiainana ? Tôty firy ? Raoul firy izay vao hanetsika akihikely ny Ministeran’ny Kolontsaina sy ny Vakoka ?</p><p><a href="http://twitter.com/fahagasiana">Fahagasiana</a></p><img src="https://medium.com/_/stat?event=post.clientViewed&referrerSource=full_rss&postId=dde67bf9eed2" width="1" height="1" alt="">]]></content:encoded>
        </item>
    </channel>
</rss>