<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Tuvshinjargal Sunjidmaa on Medium]]></title>
        <description><![CDATA[Stories by Tuvshinjargal Sunjidmaa on Medium]]></description>
        <link>https://medium.com/@inga-sunjee?source=rss-f6449f1bf77d------2</link>
        <image>
            <url>https://cdn-images-1.medium.com/fit/c/150/150/1*PcPLvjmG_pXyDaxtlxJfQg.jpeg</url>
            <title>Stories by Tuvshinjargal Sunjidmaa on Medium</title>
            <link>https://medium.com/@inga-sunjee?source=rss-f6449f1bf77d------2</link>
        </image>
        <generator>Medium</generator>
        <lastBuildDate>Tue, 17 Nov 2026 23:52:08 GMT</lastBuildDate>
        <atom:link href="https://medium.com/@inga-sunjee/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Харилцаа ба мод]]></title>
            <link>https://inga-sunjee.medium.com/%D1%85%D0%B0%D1%80%D0%B8%D0%BB%D1%86%D0%B0%D0%B0-%D0%B1%D0%B0-%D0%BC%D0%BE%D0%B4-00d411198ace?source=rss-f6449f1bf77d------2</link>
            <guid isPermaLink="false">https://medium.com/p/00d411198ace</guid>
            <category><![CDATA[хосын-харилцаа]]></category>
            <category><![CDATA[хайр]]></category>
            <category><![CDATA[харилцаа]]></category>
            <dc:creator><![CDATA[Tuvshinjargal Sunjidmaa]]></dc:creator>
            <pubDate>Sat, 25 Jan 2025 16:00:07 GMT</pubDate>
            <atom:updated>2025-01-25T16:00:07.894Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/727/1*ig_g7JANM4F0JoH2SDv7QQ.jpeg" /><figcaption>Харилцааны модоо хамтдаа нандигнаж арчилж ургуулаарай</figcaption></figure><p>Бичвэр бичээгүй нэлээд хугацааг өнгөрөөж, тэгээд хэсэг хугацааны дараа хосын харилцаагаар бичих сэдэл төрөв. Хостой байна, хүнтэй ханьсана гэдэг маш их аз жаргал ба энэ нь бидэнд зовлон жаргал гээд бүхнийг хуваалцах дотны хүн байгаа нь өөрөө аюулгүй мэдрэмж төрүүлдэг. Тиймдээ ч энэ дунд бид бие биенийгээ танин мэдэж нэгэндээ уусан шингэдэг. Тодорхой цаг хугацааг өнгөрөөсний дараа яг л нэг сэтгэхүйгээр сэтгэж байгаа адил нэгнээ андахгүй болдог. Мэдээж хоёр хүний дунд үүссэн харилцааг сайн арчилж тордсон тохиолдолд ийм үр дүнд хүрнэ. Хүмүүс эмэгтэй хүнийг цэцэгтэй зүйрлэж, услах тусам ургаад л байна гэдэг. Яг үнэндээ эр эм ялгаагүй, шууд утгаараа нөгөө хүнээ услаж хайрлахаас гадна хоорондын “харилцаа” гэдэг зүйлийг арчилж тордвоос ирээдүйтэй санагдана.</p><blockquote>Жишээлбэл мэргэжлийн онцлогийн үүднээс хосын харилцааг “мод”-той зүйрлэе. Мод ургахад зөвхөн усалгаа л байхад хангалттай юу гэвэл үгүй. Нарны тусгал, агаарын хэм, салхины чиг, бордоо, зэрлэг өвс, хөрсний чийг, хүрээлэн буй орчин, шавж хорхой гээд олон талын хүчин зүйл бий. Хоёр талаасаа элбэж эдгээрийг бүрдүүлж чадвал алсдаа алзахгүй энэ мод (харилцаа) нь өөрөө биеэ даагаад явах болно. Хэрэв зөвхөн нэг талаас нарны гэрлийг хангалттай тусгаад, тогтмол усалгаа хийгээд, бордоод л яваад байвал ургах нь ургах хэдий ч, нөгөө талдаа дутах ёстой зүйлээрээ дутах л болно. Юу гэсэн үг вэ гэвэл ийм нөхцөлд харилцаа чинь мөхөхгүй гэхдээ нөгөө хүний талаас хичээл зүтгэл гаргаж тэр дундаа салхиа хаахгүй бол мод чинь өндөр болж ургахгүй давжаа хэвээр байж, жимсний модоор бол бүр жимсээ ч өгч чадахгүй.</blockquote><p>Бас нэг жишээ хосын хооронд үүсдэг жижиг том гэлтгүй асуудал бүрийг модны эргэн тойронд ургах зэрлэг өвстэй зүйрлэе. Хэрэв эдгээр зэрлэг ургамлуудыг тэр чигт нь орхивол модны чинь нарыг хаана, бүгчим орчин бий болгоно, шим тэжээлээс чинь сорно г.м. Чухамдаа үүнийг тодорхой хэмжээнд тайрч танаж, эсвэл бүр зулгаах шаардлагатай юм. Гэтэл тэгэлгүй зөнд нь хаяснаар илүү том аюул үүсч харилцаа ганхахад ч хүрнэ.</p><p>Эцсийн дүндээ хэлэх гэсэн санаа нь хоёр талаасаа хүчин зүтгэл гаргаж байж харилцаагаа эрүүл, бат бөх, бие даасан чадвартай болгож чадна гэсэн санаа юм шүү. Үргэлжлэл бий…</p><img src="https://medium.com/_/stat?event=post.clientViewed&referrerSource=full_rss&postId=00d411198ace" width="1" height="1" alt="">]]></content:encoded>
        </item>
        <item>
            <title><![CDATA[Жаргах уу Зовох уу]]></title>
            <link>https://inga-sunjee.medium.com/%D0%B6%D0%B0%D1%80%D0%B3%D0%B0%D1%85-%D1%83%D1%83-%D0%B7%D0%BE%D0%B2%D0%BE%D1%85-%D1%83%D1%83-1875f9a155bd?source=rss-f6449f1bf77d------2</link>
            <guid isPermaLink="false">https://medium.com/p/1875f9a155bd</guid>
            <dc:creator><![CDATA[Tuvshinjargal Sunjidmaa]]></dc:creator>
            <pubDate>Tue, 07 Feb 2023 16:12:02 GMT</pubDate>
            <atom:updated>2023-02-07T16:15:13.079Z</atom:updated>
            <content:encoded><![CDATA[<p>Урьд нь өөрлүүгээ их өнгийж дотоод ертөнцөөрөө аялах үедээ их юм бодож түүнийгээ тэмдэглэн үлдээдэг байж. Одоо тэгсэн илүү гадагшаа хүмүүстэй харилцаж, амьд бодит харилцаанд ороод тэр цаг үедээ оршоод бодол мэдрэмжээ ч дурсамж болгоод өнгөцхөн өнгөрөөдөг болж. Өчигдөрхөн “Амьдрал бол аялал” нэртэй бүтэн өдрийн сургалтанд суугаад тэрнээс сонсож авсан зүйлээ тэмдэглэж үлдээмээр санагдлаа.</p><p>Харвардын эрдэмтэн Доктор Вейлант урт удаан, эрүүл аз жаргалтай амьдралын шалтгааныг олохын тулд 75 жилийн турш 600 орчим хүнийг судалсан бөгөөд тухайн эрдэмтнээс судалгаанаасаа юу сурсаныг нь асуухад <strong>“Амьдралд хамгийн чухал юм бол чиний бусадтай үүсгэсэн харилцаа”</strong> гэжээ. Мөн түүнээс судалгааны үр дүнг 5 үгэнд багтаагаад хэлвэл гэсний хариуд <strong>“Аз жаргал бол хайр. Цэг”</strong> гэжээ. Үүнээс харахад хүний амьдралд ус агаартай дүйцэхүйц чухал зүйл бол “харилцаа” гэдэг нь нотлогдож байна. Нэмээд энэ харилцаа нь танд аз жаргалыг ч авчирна, хайрыг ч бий болгоно гэж ойлгож болохоор байна.</p><p>Тэгвэл үүний яг эсрэг өнцгийг харвал Иширо Кишимигийн Ад үзэгдэх зориг номонд <strong>“Энэ хорвоогийн олон зовлон дундаас бусадтай харилцах харилцаа хамгийн их зовлон”</strong> гэсэн байдаг. /Ишлэлийн үг үсгээ буруу санаагүй бол ингэсэн байдаг кк/</p><blockquote>Энэ 2 өнцгөөс нэг дүгнэлтэнд хүрж болохоор байна “харилцаа” хүнийг жаргал, зовлон аль руу ч хөтөлж чадна. Гагцхүү жаргах уу зовох уу гэдгийг бид өөрсдөө л сонгох нь.</blockquote><figure><img alt="" src="https://cdn-images-1.medium.com/max/1024/1*BOb3Knec9QPHqbHzWNN61w.jpeg" /></figure><p>Бусадтай харилцах нь зовлонг авчраад байнаа гээд ганцаараа явах замыг сонговол хол явж чадахгүй л болов уу, харин эсрэгээрээ жаргалын мөрийг хөөе гэвэл бусадтай харилцахдаа хариу нэхэлгүй сэтгэлээ нээн үнэн байж, харилцаагаа тууштай нандин байлгаж чадвал илүү урт замыг богино хугацаанд туулах боломж гарч,замдаа аз жаргалыг ч олж авах боломж олдох биз ээ.</p><img src="https://medium.com/_/stat?event=post.clientViewed&referrerSource=full_rss&postId=1875f9a155bd" width="1" height="1" alt="">]]></content:encoded>
        </item>
        <item>
            <title><![CDATA[Аз жаргал хаана оршдог вэ?]]></title>
            <link>https://inga-sunjee.medium.com/%D0%B0%D0%B7-%D0%B6%D0%B0%D1%80%D0%B3%D0%B0%D0%BB-%D1%85%D0%B0%D0%B0%D0%BD%D0%B0-%D0%BE%D1%80%D1%88%D0%B4%D0%BE%D0%B3-%D0%B2%D1%8D-6394353a2e3e?source=rss-f6449f1bf77d------2</link>
            <guid isPermaLink="false">https://medium.com/p/6394353a2e3e</guid>
            <category><![CDATA[аз-жаргал]]></category>
            <category><![CDATA[хайр]]></category>
            <category><![CDATA[гэр-бүл]]></category>
            <category><![CDATA[амьдралын-утга-учир]]></category>
            <dc:creator><![CDATA[Tuvshinjargal Sunjidmaa]]></dc:creator>
            <pubDate>Tue, 20 Apr 2021 03:47:29 GMT</pubDate>
            <atom:updated>2021-04-20T06:56:42.508Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/612/1*SLmBTZEWqGRCOfISjYqQFA.jpeg" /></figure><blockquote>Амьдралыг таньж мэдэн, ойлгох бус амьдрах нь өөрөө намайг аз жаргалтай болгож байна.</blockquote><p>Нөхөр бид 2 хүүхдүүдээ тийм ч их эрхлүүлдэггүй, ялангуяа ээжийн хувьд би хүүхдүүдээ багаас нь хариуцлагатай, биеэ даасан байгаасай гэж хүсээд энэ дагуу хүмүүжүүлэхийг зорьдог. Гэхдээ бар ээжийн хэмжээнд биш л дээ, мэдээж тунг нь тааруулдаг. Тиймдээ ч ийм тийм юм авья гэхэд нь шууд май гээд өгчихдөггүй, эсвэл өөрсдөө ч асуугаагүй байхад нь хэрэгцээгүй олон юм авч өгдөггүй. Саяхан аав нь том хүүдээ хүсээд байсан сагсны пүүзийг нь авч өгч гэнэтийг бэлэг барья гээд өгсөн юм, тэрэнд маш их баярласан тэгэхээр юутай ч юмны үнэ цэнийг мэддэг ойлгодог болж байгаан байна даа гээд дотроо баяртай байв. Гэхдээ нэг талаараа хүүхдүүддээ юм аваад өг гэхээр “үгүй” гээд байхаар манай аав ээж угаасаа юм авч өгдөггүй, муухай загнадаг, мөнгөгүй гээд толгойнд нь суучихвий гэж айлаа.</p><p>Өчигдөр оройн хоолон дээр хүүгээсээ зүгээр л чи аав ээжийгөө мөнгөтэй гэж боддог уу мөнгөгүй гэж боддог уу гэсэн чинь мөнгөтэй гэнэ, тэгэхээр нь манайх тэгвэл баян уу? ядуу юу? гэсэн чинь бодож байснаа /хятадаар/ <strong>“Тийм ч их баян гэхгүй гэхдээ бид нар их аз жаргалтай”</strong> гэж хэлсэн чинь яг нулимс гоожих гэж байсан. Би хүүхдийнхээ аав ээж мөнгөгүй гэдэг бодолд санаа зовж байхад манай хүү эсрэгээрээ тэр бол асуудал биш тийм их овойж оцойсон мөнгөгүй ч бид нар аз жаргалтай, баяр хөөртэй амьдарч байнаа гэж ойлгогдохоор хэлсэн нь миний тархи, сэтгэл 2т гал дүрэлзэх шиг болсон. Тэрийг сонсонгуутаа инээд тодроод, бүр аз жаргал, баяр баясал дотроос ундраад нүдэндээ нулимс цийлэгнүүлээд л өнгөрлөө. Одоо хүртэл бодогдоод нэг л сайхан зөв голдиролоор явж байгаа мэт мэдрэмж төрж байна. Ингээд бодохоор хүний амьдралын утга учир хувь хүн өөрийгөө олж нээж, карьертаа амжилт гаргаж, хайр дурлалтаа амжиллтай яваагаас гадна том зургаараа гэр бүл нь бүхэлдээ аз жаргалтай байна гэдэг өөрөө утга учир ч юм шиг. Мэдээж хүүхэд аав ээж хоёр нь бие биеэндээ хайртай байна уу, хүүхдүүддээ хайртай байна уу, гэр бүлийн гишүүн бүр нэгнийгээ халамжилж хамгаалж байна уу гэдэг дээр үндэслээд “аз жаргалтай” гэсэн тодорхойлолтонд хүрсэн байх гэж итгэж байна.</p><p>Төгс зүйл хаана ч байхгүй гэр бүл, хайр дурлал, ажил төрөл, эрүүл мэнд, авъяас чадвар бүгдийг нэг завин дээрээ тэнцүүхэн авч явна гэдэг үлгэрт л байдаг байх. Дээр нь нэмээд энэ бүгдийг юугаар хэмжихээс бүх зүйл шалтгаална. Бүх хайраа болон өөрт олгогдсон бүх цагаа гэр бүлдээ зарцуулвал тэр нь аз жаргал уу, эсвэл өөрийн дуртай хайртай ажлаа өдөр бүр хийх нь аз жаргал уу, илүүдэл жинтэй ч галбирлаг биетэй байх нь аз жаргал уу гээд тоочоод баршгүй. Тэгвэл энэ бүгдийг нийлүүлээд аз жаргал гэсэн ганцхан нэр томъёо, хүрэх цэгт аваачвал бид энд хүрч чадах уу?</p><blockquote>Аз жаргалыг би хүрэх цэг биш амьдрах үйл явцын урамшуулал гэж харж байна. Би хорвоо дэлхийн тоосыг хөдөлгөж явах үедээ зөв зүйл хийж, бусдад тустай, хайрыг түгээж явахад өөрөө надад урамшуулал болж ирнэ.</blockquote><p>Миний хэлэх гол санаа нь хайр өөрөө аз жаргалыг бидэнд бэлэглэнэ. Гэр бүл дотны хүмүүсээ аливаа нөхцөлгүйгээр, хариу нэхэлгүй хайрлаж эргүүлээд тэднээрээ хайрлуулах нь энэ орчлонг илүү олон өнгөтэй, утга учиртай болгоно. Хувь хүний карьерийн амжилт, авъяас чадварын оргилд хүрэх гээд зөвхөн өөрөөс тань гадна, бусдаас шалтгаалах олон хүчин зүйл бүрдэж байж та амжилттай, аз жаргалтай байна. Гэхдээ дээр дурьдсан хүүгийн маань жишээнд өөрөө хүсээд байхад нь аав ээж нь авч өгөөгүй /<em>манайх тийм ч баян биш</em>/, гэхдээ бид аз жаргалтай /<em>гэнэтийн бэлэг барьсан, тэд надад хайртай, би ч тэдэнд хайртай</em>/ гэж харагдаж байна. Тиймээс анхаарлаа жижиг зүйлд хандуулж, бусдаас шалтгаалахгүй өөрөөсөө хайрыг түгээж аз жаргалаа олж авах нь дөт зам байж мэдэх юм. Би өөрөө хүртэл буруу зүгрүү хандуулж байсныг хүү минь надад залруулж өгсөн болохоор хүн бүхнийг хайрламаар байна.</p><p>Бүгдийг нь үнсье</p><p>Сүнжээ нь.</p><img src="https://medium.com/_/stat?event=post.clientViewed&referrerSource=full_rss&postId=6394353a2e3e" width="1" height="1" alt="">]]></content:encoded>
        </item>
        <item>
            <title><![CDATA[“Биеэ засаад гэрээ зас, гэрээ засаад төрөө зас” Бид юуг орхигдуулсан бэ?]]></title>
            <link>https://inga-sunjee.medium.com/%D0%B1%D0%B8%D0%B5%D1%8D-%D0%B7%D0%B0%D1%81%D0%B0%D0%B0%D0%B4-%D0%B3%D1%8D%D1%80%D1%8D%D1%8D-%D0%B7%D0%B0%D1%81-%D0%B3%D1%8D%D1%80%D1%8D%D1%8D-%D0%B7%D0%B0%D1%81%D0%B0%D0%B0%D0%B4-%D1%82%D3%A9%D1%80%D3%A9%D3%A9-%D0%B7%D0%B0%D1%81-%D0%B1%D0%B8%D0%B4-%D1%8E%D1%83%D0%B3-%D0%BE%D1%80%D1%85%D0%B8%D0%B3%D0%B4%D1%83%D1%83%D0%BB%D1%81%D0%B0%D0%BD-%D0%B1%D1%8D-eff0364f96e9?source=rss-f6449f1bf77d------2</link>
            <guid isPermaLink="false">https://medium.com/p/eff0364f96e9</guid>
            <category><![CDATA[humanity]]></category>
            <category><![CDATA[mind]]></category>
            <category><![CDATA[confucianism]]></category>
            <category><![CDATA[philosophy]]></category>
            <dc:creator><![CDATA[Tuvshinjargal Sunjidmaa]]></dc:creator>
            <pubDate>Thu, 08 Apr 2021 07:33:03 GMT</pubDate>
            <atom:updated>2021-04-09T02:31:42.802Z</atom:updated>
            <content:encoded><![CDATA[<p>“Биеэ засаад гэрээ зас, гэрээ засаад төрөө зас” уг сургаалийг мэдэхгүй хүн үгүй, харин гарал үүсэл цаад утга санааг тодорхой мэдэхгүй бол үргэлжлүүлээд уншина уу.</p><p>Бидний өмчирхөх үзэлтэй холбоотой гэх үү, мэдлэг дутуугийнх уу, юутай ч уламжлагдан ирсэн сургааль үг, цэцэн үг, зүйр үгсийг Монгол ардын уламжлалт үгс хэмээгээд эх сурвалжийг дурдахгүй, мэдэхгүй, мэдэхийг ч хүсэхгүй байдаг талтай. Хэн хэзээ юу гэж хэлсэн нь сонин биш байлаа гэж бодоход тэр сургамж, түүний үндсэн санаа яг зөв утгаараа хэлэгдэн ирж үү гэдэг нь гол асуудал.</p><p>Дээр дурьдсан сургааль нь Күнзийн суртлын <a href="http://lit.ncu.edu.tw/ncujoh/word/17137282018.pdf">“大學 <strong>— </strong>Их суртахуй”</a> судрын <strong>“хэсэг”</strong> ба уг судар гурван мөрдлөг найман зүйлээс бүрддэг байна.</p><blockquote>古之欲明明德於天下者，先治其國；欲治其國者，先齊其家；欲 齊其家者，先修其身；欲修其身者，先正其心；欲正其心者，先 誠其意；欲誠其意者，先致其知；致知在格物。物格而后知至， 知至而后意誠，意誠而后心正，心正而后身修，身修而后家齊， 家齊而后國治，國治而后天下平。</blockquote><figure><img alt="" src="https://cdn-images-1.medium.com/max/350/1*OXSL-4ZrN1q7IZ3RALiVGg.gif" /><figcaption>Их суртахуйн зохиогч Күнзийн шавь Зэнз</figcaption></figure><p><a href="http://www.drbachinese.org/online_reading/dharma_talks/kaishrlu-9/volume9-ce-08.htm"><em>Гурван мөрдлөгт:</em> </a>「明德，親民，止於至善」 буюу өөрийн ёс суртахууныг төлөвшүүлж, улмаар бусдад нөлөөлж зөв зам руу дагуулснаар бүх нийтээрээ сайн сайханы хязгаарт хүрэх болно хэмээжээ.</p><blockquote><em>Найман зүйлд: 「格物，致知，誠意，正心，</em><strong><em>修身，齊家，治國</em></strong><em>，平天下」 буюу</em></blockquote><blockquote><em>格物 — бүх зүйлийн мөн чанарыг судлах /хувиа хичээх үзлээс ангижирах гэсэн тайлбар бас бий/,</em></blockquote><blockquote><em>致知 — эрдэм мэдлэгт хүрэх,</em></blockquote><blockquote><em>誠意 — чин сэтгэлээсээ хандах,</em></blockquote><blockquote><em>正心 — шулуун шударга байх,</em></blockquote><blockquote><strong><em>修身</em></strong><em> — биеэ засах /алдаа дутагдлаа ухаарах, бодол санаагаа цэгцлэх/,</em></blockquote><blockquote><strong><em>齊家</em></strong><em> — гэр бүлээ төвхнүүлэх /гэр бүлийн гишүүд үүргээ ухамсарлах, эцэг эх ах дүү амраг садандаа ачлалтай, найртай байх/,</em></blockquote><blockquote><strong><em>治國</em></strong><em> — улс орноо захирах,</em></blockquote><blockquote><em>平天下 — бүх дэлхийд энх тайван тогтоох.</em></blockquote><p>Дээрх найман зүйлийн эхний тавд хувь хүний бие махбодь болоод оюун санааны гэгээрэлд хөтлөн сургадаг бол сүүлийн гурван зүйл нь захирах ёсон болон улс төрийн сургаалийг багтаажээ. Тэгэхээр бидний хэлж заншсан сургааль маань уг эхийн найман зүйлийн зөвхөн гурав нь байх нь. Ерөнхий утга санаа багтаж болох ч <em>биеэ засахын тулд орчлон ертөнцтэй танилцаж, эрдэмд шамдан, бүх зүйлд чин сэтгэлээ зориулж, аливаад зөв шулуун эгц зогсон эцэст нь өөрийн өө сэв алдаа дутагдлаа ухаарснаар биеэ засах нь гэж ойлгож байна. Үүнээс цаашлаад өөрийн улс орныг төвхнүүлэхээс гадна энэ нь бүхэлдээ тэнгэрийн дор амар амгаланг оршин тогтнооход гол утга учир агуулагдах болой.</em></p><p>Эх сурвалж: <a href="http://www.drbachinese.org/online_reading/dharma_talks/kaishrlu-9/volume9-ce-08.htm">http://www.drbachinese.org/online_reading/dharma_talks/kaishrlu-9/volume9-ce-08.htm</a></p><p><a href="http://www.minlun.org.tw/1pt/1pt-17-1/17-1.htm">禮記大學講記</a></p><p><a href="http://lit.ncu.edu.tw/ncujoh/word/17137282018.pdf">http://lit.ncu.edu.tw/ncujoh/word/17137282018.pdf</a></p><img src="https://medium.com/_/stat?event=post.clientViewed&referrerSource=full_rss&postId=eff0364f96e9" width="1" height="1" alt="">]]></content:encoded>
        </item>
        <item>
            <title><![CDATA[аав, ээж, хүүхдүүд]]></title>
            <link>https://inga-sunjee.medium.com/%D0%B0%D0%B0%D0%B2-%D1%8D%D1%8D%D0%B6-%D1%85%D2%AF%D2%AF%D1%85%D0%B4%D2%AF%D2%AF%D0%B4-7151593b3c6c?source=rss-f6449f1bf77d------2</link>
            <guid isPermaLink="false">https://medium.com/p/7151593b3c6c</guid>
            <category><![CDATA[хүүхэд-хүмүүжил]]></category>
            <category><![CDATA[боловсрол]]></category>
            <category><![CDATA[гэр-бүл]]></category>
            <category><![CDATA[харилцаа]]></category>
            <dc:creator><![CDATA[Tuvshinjargal Sunjidmaa]]></dc:creator>
            <pubDate>Wed, 28 Oct 2020 06:47:19 GMT</pubDate>
            <atom:updated>2020-10-28T06:47:19.521Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*OEliOOSiVfTq56As1cJnYw.jpeg" /></figure><p>Хүүхэд шахуу байхдаа хүүхэд төрүүлэхээр, хүүхэдтэйгээ хамт өсдөг гэж үнэн байх. Хорьж болохгүй 20 насандаа хүүхэдтэй болоод одоо 30 шүргэж байхдаа хүүхэддээ амьдралын ухаанаас зааж зөвлөх үедээ өөрөө гэнэт ойлгож зарим нэгэн цэцэн цэлмэг үгс амнаас өөрөө урсаад ирдэг. (хааяа үнэхээр би ямар ухаантай үг хэлчих вэ гэх бодол зөндөө их орж ирж байсан ккк) Хүүхдийн хүмүүжлийн талаар айхтар их мэдлэгтэй гэхгүй ч өөрийн шинээр сурч мэдсэн зүйлсээ хүүтэйгээ хуваалцаад явдаг. Бага балчир гэлгүй 10 ч хүрээгүй хүүдээ хүнтэй яаж харилцах, өөрийгөө хэрхэн зөв илэрхийлэх, амьдралд тохиох хүндхэн зүйлсийг яаж даван туулах талаар ярилцах нь биднийг улам их дотно болгодог. Хүү маань унтах дөхөөд ирэхээрээ элдвийн юмыг хамж шимээд есөн жорын асуулт асуудаг. Өчигдөр орондоо орсны дараа надаас “ээж би зодоондоо сайн уу” гэхээр нь аййн, гэсэн чинь зодолдохдоо хэр вэ? гэлээ. Тэгэхээр нь хэнтэй харьцуулахаас л шалтгаалах байх, дүүтэйгээ юм уу өөрөөсөө дүү хүнтэй харьцуулвал мэдээж сайн байх.,үеийн юм уу насаар ах хүнтэй харьцуулвал хэлж мэдэхгүй юм, миний хүү ээжээсээ ямар үг сонсмоор байна, мундаг сонсмоор байна уу гэсэн чинь жаахан чимээгүй байснаа сайн ч муу дундаж ч юм уу гэлээ, тэгэхээр нь ээж нь чамайг хүдлаа магтаж бол чадахгүй би ямар чамтай зодолдож үзсэн биш ххэ, гэхдээ үнэхээр зодолдох шаардлага гарвал ямар арга барилаар яаж зодолдох вэ гэдгээ бодох нь чухал, өөрийгөө хамгаалах уу, зугтах уу, гараараа цохих уу, хөлөөрөө өшиглөх үү, дэгээдэж унгаах уу гэдгээ чи өөрөө хурдан хугацаанд бодож олно шүүдээ гэсэн чинь нээрээ тийн гэнэ. Тэгэхээр нь үргэлжлүүлээд “миний хүү хааяа юу ч болоогүй байхад уурлаад байдаг тэрийгээ дарж аваад саяны хэлснийг бодохгүй бол уурандаа захирагдаад эхэлвэл юу ч хийж чадахаа болино” гэсэн чинь яг тийм байна, ээжээ сайхан амраарай гээд унтаад өгсөн. Тэгээд хэлсэн үгээ өөрөө бодоод байсан чинь нээрээ л би өөрөө ч бас аливаа зүйлд хэр сайн болон муу вэ гэж бодохоос наана ямар тохиолдолд яаж зохьцуулж өөрийгөө удирдаж контролтой байж сурах вэ гэдгийг сурах нь илүү. Уул морийг зовооно, уур хүнийг зовооно гэгчээр хүний уур хилэн тархинд зөв мэдээллийг боловсруулж амжилгүй буруу үйлдэл хийлгэх нь олонтаа тул том жижиггүй энэ арга ухаанд суралцахаар мэриийх л үлдлээ дээ.</p><blockquote>Ухаан суусан хойноо хүүхдэдээ үнэн хэдий ч бодит бус сургааль айлдаж байхаар тэр ухаан нь сууж төлөвших үедээ зэрэг алдаж онож хорвоогийн тоосыг хөдөлгөх нь ямар амттай юм бэ.</blockquote><p>Амьдрах ухаан энээ тэрээ гэлтгүй хүүхдийн минь хайр дурлалын асуудал ч биднийг тойроогүй юм. Хүү минь 1-р ангиасаа эхлэн ангийнхаа нэг охинтой сайн найз болоод хамт тоглодог байв гэнэ. Тэгсэн 3-р ангид орсны дараа нөгөө охин нь ангийх өөр 2 бандитай найзлаад миний хүүг тоохгүй байгаад их л гуниглаад хэд хэдэн удаа аав ээжтэйгээ ярилцав. Хамгийн эхний удаа хэлэхэд нь ээж нь миний хүүг тоохгүй байвал ээжийн хүү эсрэгээр нь битгий тоо, ангид нь өөр найзладаг охин байвал хамтдаа хичээлээ давтаад яв, тэгвэл өөрөө чам дээр хүрээд ирнэ гэж ээж би зөвлөв. Аав нь харин наадах чинь өнгө мөнгө харсан охин байнаа, энэ жил шилжиж ирсэн өндөр, царайлаг банди дагаад байгаа юм чинь тэр чигт нь хая гэж зөвлөв. Эцэст нь аав ээж 2 нь ярилцаад хэн хэнийх нь зөвлөгөө биш байнаа, дундаа хийе гээд нөгөө охиноо нэг их тоохгүй байгаад, өөрөө хичээлээ маш сайн давтаж, өөрийгөө сатааруулж, өмсөж зүүх гадаад байдалдаа анхаарч эхлэхийг зөвлөв. Ямартаа ч зөвлөгөө өгөөд удаагүй байхад нөгөө охин нь миний хүүтэй юм ярьж тоглож байгаа гэсэн ч нөгөө эрэгтэй найзуудтайгаа илүү гоё харилцаж байгаа, “надад дургүй болсон юм уу” гэж өөр хүүхдээр асуулгасан чинь би 2-р ангиасаа эхлээд дургүй болчихсоон гэж хэлүүлсэн гэсэн. Тэр өдөр нь бас бага зэрэг сэтгэлээр унасан. За ямартай ч аав ээж нь өөр зүйлд анхаарлаа хандуул гэсэн зөвлөгөөг аваад одоогоор сэтгэл санаа нь гайгүй л байна. Бид 2 дотроо ийм жоохноосоо хүү минь ийм том хүн шиг юм ярих юм уу, асуудал нь ийм том байх юм уу гэж бодсон хэдий ч, наанаа бол хүүдээ зүгээр найз шиг нь ярилцсаар л байгаа. Гэхдээ байнга хүүхэдтэйгээ ярилцаад яг таг ойлголцоод байна гэж юу байхав. Аав шиг, ээж шиг байх үедээ байна, ах дүү шиг байх үе байна, найз шиг байх үе байна, танил шиг байх үе байна, хааяа бүр танихгүй хүн шиг ч байх үе байна. Нээрээ заримдаа урдах хийх юмаа хийгээгүй байтал хүүхэд чинь ингэмээр байна тэгмээр байна, яг одоо хийхгүй бол маргааш хураалгах юмтай нтр гэсэн үед бол заримдаа өөрийхөө асуудалд хариуцлагатай байгаагүй байнаа өөрөө зохьцуул гээд үлдээх үе ч бий.</p><p>Энэ бүхний эцэст би хүүхэд сурган хүмүүжүүлэх олон жилийн туршлагатай ээж биш, өөрөө ч айхтар их сургааль номонд өсөөгүй. Хүүхдээ яг ингэх ёстой, тэгэх ёстой гэсэн зарчим дунд биш өөрөөрөө сэтгэж, аав ээжтэйгээ хамт ухаарч, цаг хэмнэж, хамтдаа хөгжилдөж, зөв хүн болж төлөвшихийг л хүснэ.</p><p><strong>Аа тийм дөнгөж сая бодож оллоо, ингэх нь зөвхөн хүүхдүүдэд минь ашигтай бус аав ээж нь ч бас ирэх хэдэн арван жилд зах зээлээс шахагдчихгүй орчин үетэй хөл нийлүүлэхэд тус болох юм. Аав хүү, ээж хүү гэсэн босоо харилцаа бус аав, ээж, хүү гэсэн хэвтээ харилцаа биднийг нэг түвшинд байлгаж ч болох юм.</strong></p><img src="https://medium.com/_/stat?event=post.clientViewed&referrerSource=full_rss&postId=7151593b3c6c" width="1" height="1" alt="">]]></content:encoded>
        </item>
        <item>
            <title><![CDATA[Дотогшоо өнгийе]]></title>
            <link>https://inga-sunjee.medium.com/%D0%B4%D0%BE%D1%82%D0%BE%D0%B3%D1%88%D0%BE%D0%BE-%D3%A9%D0%BD%D0%B3%D0%B8%D0%B9%D0%B5-a576894c73b6?source=rss-f6449f1bf77d------2</link>
            <guid isPermaLink="false">https://medium.com/p/a576894c73b6</guid>
            <category><![CDATA[womens-health]]></category>
            <category><![CDATA[menstrual-cycle]]></category>
            <dc:creator><![CDATA[Tuvshinjargal Sunjidmaa]]></dc:creator>
            <pubDate>Tue, 15 Sep 2020 08:07:16 GMT</pubDate>
            <atom:updated>2020-09-15T08:09:47.933Z</atom:updated>
            <content:encoded><![CDATA[<p>Хүний сэтгэл зүйн байдал, энерги эдгээр зүйлс үнэхээр цэнэглэгдэж, хуримтлагдаад, дуусдаг батери шиг эд байдаг юм уу эсвэл гэнэт эрч хүчтэй болоод, гэнээт унаад савлаж байдаг юм уу. Ямартаа ч эмэгтэй хүний биеийн онцлог эрэгтэй хүнээс бол тэс өөр гэдэг нь мэдээж. Заримдаа их тэнэг зүйл бодогдох юм. Жишээ нь эмэгтэйчүүд бидний сарын тэмдэгийн мөчлөгтэй холбоотой маш олон өөрчлөлтүүд байдаг./үнэндээ өмнө нь үүнийг мэддэг ч яг тоож анхаардаггүй байсан/ Ирэх дөххөөр <strong>гэдэс дүүрэх, хоолны дуршил өөрчилөгдөх, амттан илүү их хүсэх, арьс тослог, батгатай болох, ааш нь нэмэгдэх, эрч хүч сулрах за тэгээд дуусаад ирэхээр арьс нь гэрэлтээд, ааш нь сайхан болоод, сэксийн хүсэл нь ч нэмэгдээд, бүхнийг хийж чадах хүсэл төрөх </strong>г.м ийм олон өөрчлөлтүүд явагддаг байхад эрэгтэйчүүд яадаг юм бэ? Нэг янзаараа л байгаад байдаг юм уу? Өөрийгөө ч ойлгож чадаагүй байж эрчүүдийн бие физиологи, сэтгэл зүйг судлах талаар бодож байсангүй.</p><p>Дээр дурьдсан эмэгтэйчүүдийн мөчлөгийн үеийн өөрчлөлтүүдийг охид бүсгүйчүүд аль болох эртхэн мэдэж судлаад, багаасаа өөрийгөө удирдаад сурчихвал нэмэртэй л санагдаж байна. Жишээ нь сарын тэмдэг ирэхийн өмнө сэтгэл санаа тийм ч сайнгүй байх тул тэр үеэр чухал ажил, хичээлээ хийхгүй байх ч юм уу, ийм үед хүнтэй таарамжгүй харилцсан бол энэ нь чиний буруу байх магадлал их гэдгийг өөртөө ухамсарлах гэх зэрэг.</p><figure><img alt="" src="https://cdn-images-1.medium.com/max/792/1*4zhKj7LOCl8M8JwOsGjlnQ.jpeg" /></figure><p>Хүүхэд төрүүлсэн эмэгтэйчүүд төрсөний дараах сэтгэл гутрал гэж их ярих юм. Юу байдгийг нь мэдэхгүй. Хоёр удаа хүүхэд төрүүлэхдээ тийм юм мэдрээгүй. Миний бодлоор бол ядаж эхний ээлжинд өөрийн хувь хүний биеийн онцлог, мөчлөг зэргээ мэдээд авчихвал, дараагийн гутралыг харьцангуй хөнгөн давах болов уу гэж бодож байна.</p><blockquote>Санал болгох календар апп: *Clue заримдаа бид зурхай нтр уншаад яг би яг би гэдэг ш дээ, үүнтэй адил сарын тэмдгийн мөчлөгийн биед илрэх шинж тэмдэгүүдийг харахаар яг тэгж хэлмээр болдог. Тэгэхээр нийтлэг эмэгтэйчүүдэд адил шинжтэй байдаг гэж ойлгож байна. Энэ апп-с гадна өөр олон вэбсайт дээр маш ойлгомжтой олон зөвлөмжүүд байгаа, хэрэгтэй хэрэггүй танихгүй хүний зөвлөмж сонсож дагаж байхаар өөрийгөө өөрөө таньж мэдээрэй.</blockquote><img src="https://medium.com/_/stat?event=post.clientViewed&referrerSource=full_rss&postId=a576894c73b6" width="1" height="1" alt="">]]></content:encoded>
        </item>
        <item>
            <title><![CDATA[Залруулж болох тохиол аваас, уурлаж ундууцахын хэрэг юун, залруулж болошгүй тавилан бол, уурлаж…]]></title>
            <link>https://inga-sunjee.medium.com/%D0%B7%D0%B0%D0%BB%D1%80%D1%83%D1%83%D0%BB%D0%B6-%D0%B1%D0%BE%D0%BB%D0%BE%D1%85-%D1%82%D0%BE%D1%85%D0%B8%D0%BE%D0%BB-%D0%B0%D0%B2%D0%B0%D0%B0%D1%81-%D1%83%D1%83%D1%80%D0%BB%D0%B0%D0%B6-%D1%83%D0%BD%D0%B4%D1%83%D1%83%D1%86%D0%B0%D1%85%D1%8B%D0%BD-%D1%85%D1%8D%D1%80%D1%8D%D0%B3-%D1%8E%D1%83%D0%BD-%D0%B7%D0%B0%D0%BB%D1%80%D1%83%D1%83%D0%BB%D0%B6-%D0%B1%D0%BE%D0%BB%D0%BE%D1%88%D0%B3%D2%AF%D0%B9-%D1%82%D0%B0%D0%B2%D0%B8%D0%BB%D0%B0%D0%BD-%D0%B1%D0%BE%D0%BB-%D1%83%D1%83%D1%80%D0%BB%D0%B0%D0%B6-ffa9781d7e8f?source=rss-f6449f1bf77d------2</link>
            <guid isPermaLink="false">https://medium.com/p/ffa9781d7e8f</guid>
            <dc:creator><![CDATA[Tuvshinjargal Sunjidmaa]]></dc:creator>
            <pubDate>Tue, 28 Jul 2020 10:18:30 GMT</pubDate>
            <atom:updated>2020-07-28T13:03:59.379Z</atom:updated>
            <content:encoded><![CDATA[<p>Залруулж болох тохиол аваас, уурлаж ундууцахын хэрэг юун, залруулж болошгүй тавилан бол, уурлаж ундууцаад ч нэмэр юун…</p><figure><img alt="" src="https://cdn-images-1.medium.com/max/227/1*XFyh4ZAyFe73XXeLqZE9gQ@2x.jpeg" /></figure><p>Бид бусдын хийж буй үйлдлийг хараад дотроо тунгаан бодоод, ямар цэнзүүр тавиад, юугаар хэмжээд зөв буруу, гоё сайхан гэж боддог вэ? Хувь хүн өөрийнхөө туйлын үнэн гэж бодсоноороо л бусдыг шүүнэ, эсвэл бүр өөрийнхөө ч биш хаа нэгтээ буй энхийн цагаан тагтаатай бүх хүнийг жишнэ. Тэгвэл бид нэгнийхээ алдаа дутагдлыг яаж хүлээж авах вэ? Олонхийн жишгийг хараад үнэхээр тэр хүн алдсан бол чичлээд байх нь зөв юм уу, тоохгүй юу ч болоогүй мэт байх ёстой юу! Тэгэхээр юун дээр алдсанаас шалтгаалаад хүмүүсийн шүүмж, магтаал аль нэг талруугаа хэвийх л байх. Жишээ нь хүний ёс зүйгээс гажууд зүйл хийсэн байхад уучилаад мартаад байх нь зөв үү! Нэг бодлын уучилж байгаа хүнд амар ч гэсэн. Буруу зүйл хийсэн хүн өөрийн алдааг ухамсарлахгүй хэвээрээ л байна. Гэхдээ уучлахгүй, чичлэхгүй яах ч үгүй дотроо зовдог мань мэтийн тэнэг хүмүүс нь яах ёстой юм. Алдаагаа ухаараад ахиж давтдаггүй хүнийг бол яасан ч хайрлана. Харин алдаа ч гэж бодохгүй, түүнийгээ хийсээр байдаг хүнийг харахаас ч дургүй хүрмээр. Ялангуяа бусдыг өөрийнхөө өмнө тавьж хүний өмнөөс сэтгэл өвддөг хүний хувьд ийм араатан шиг хүмүүсийг энгийнээр нь хүлээж авч чадахгүйд асуудал байгаа юм.</p><blockquote>Миний өөрийн үнэ цэн өдийг хүртэл амьдарсан туршлага, эцэг эхээс зааж сургасан хүмүүжил, эрдмийн мөрөөр олж авсан боловсрол, хамгийн сүүлд нь эх хүний мэдрэмжин дээр үндэслэгдэн тодорхойлогддог гэж найдаж байна. Уучилж болохгүй зүйл гэж үгүй, гэвч буруу зүйлийг мянга хийж үүнийг зөв гэвэл зөв л болно. Хүн өөрийн сонгосон зам мөрөөрөө амьдарч яваа ч, энэ алдаагаа ухаардаггүй хүмүүсийн гайгаар зарим нь сонгогдсон мэт амьдралаар амьдраад байгаа юм. Үүнийг нь хөндлөнгөөс харахад гунигтай байна. Гэхдээ энэ нь надад гуниг ч бусдад энгийн эсвэл огт асуудал биш байхыг үгүйсгэхгүй л юм.</blockquote><p>Эцэст нь бусад хүмүүс яаж зүв зүгээр орхиж байсан ч би хувьдаа тэдгээрийг дотроо ч гаднаа ч хүлээн зөвшөөрөхгүй. Ингэлээ гээд нэг их зүйл өөрчлөгдөхгүй. Гэвч би зөв гэж итгэсэн итгэлээр өөрийн хүүхдүүдээ хүмүүжүүлж үүнийг үлгэрлэснээр, ирээдүйд тэд минь ёс бус зүйлийг хийхгүй биш юм аа гэхэд ухаарах ухааныг өвлөнө гэж найдаж байна.</p><img src="https://medium.com/_/stat?event=post.clientViewed&referrerSource=full_rss&postId=ffa9781d7e8f" width="1" height="1" alt="">]]></content:encoded>
        </item>
        <item>
            <title><![CDATA[Зүлгэн дээр гэрээ бариад зүгээр л нэг амьдрах юмсан]]></title>
            <link>https://inga-sunjee.medium.com/%D0%B7%D2%AF%D0%BB%D0%B3%D1%8D%D0%BD-%D0%B4%D1%8D%D1%8D%D1%80-%D0%B3%D1%8D%D1%80%D1%8D%D1%8D-%D0%B1%D0%B0%D1%80%D0%B8%D0%B0%D0%B4-%D0%B7%D2%AF%D0%B3%D1%8D%D1%8D%D1%80-%D0%BB-%D0%BD%D1%8D%D0%B3-%D0%B0%D0%BC%D1%8C%D0%B4%D1%80%D0%B0%D1%85-%D1%8E%D0%BC%D1%81%D0%B0%D0%BD-5a11b670c110?source=rss-f6449f1bf77d------2</link>
            <guid isPermaLink="false">https://medium.com/p/5a11b670c110</guid>
            <category><![CDATA[simple-living]]></category>
            <category><![CDATA[culture]]></category>
            <category><![CDATA[terminology]]></category>
            <dc:creator><![CDATA[Tuvshinjargal Sunjidmaa]]></dc:creator>
            <pubDate>Sun, 17 May 2020 01:21:29 GMT</pubDate>
            <atom:updated>2020-05-17T01:21:29.358Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/960/1*ntIaCIX84a9Rku2VhPsFWg.jpeg" /></figure><p>Хүн хорвоод нүцгэн ирж, нүцгэн буцдаг. Энэ хооронд биедээ хэт их ачааг үүрч, хаяхыг нь хаяж чадахгүй, авах юмаа авч чадахгүй, авсан ч аваад буцаж чадахгүй тамын тогоонд амьдарсаар байдаг мэт. Гэтэл энэ Коронавирусын ач тусаар хүн төрөлхтөн бид өмнөх амьдралын хэв маягаа өнгийн харж, юу үнэ цэнтэй вэ гэдгийг дор бүрнээ ухамсарлаж байна. Гэхдээ зөвхөн корона ч үүнийг ойлгуулаад байгаа юм биш.</p><p>Мэдээллийн хэт их урсгалд автсан өнөө үед хөгжингүй орнуудын хэл соёлд өргөн хэрэглэгддэг үг нь хүртэл тодорхой хугацаанд шинэчилэгдэж байдаг. Жишээ нь: /simple life ,單純生活 /энгийн амьдрал гэх нэр томъёог маш түгээмэл хэрэглэдэг болсон. Үүнээс ч үүдэлтэй минималист гэх үзэл бий болсон. Яагаад өндөр хөгжилтэй орнууд илүүтэй дээрх нэр томъёог хэрэглэж байна гэвэл, хэрэглээ ихтэй, хувийн санхүүгийн дарамтгүй. Жишээлбэл Тайваньд онлайн худалдаа болон хүргэлтийн систем маш өндөр хөгжсөн, захиалгаа хийгээд хэдхэн хоногийн дотор бараагаа хүлээж авах боломжтой дээрээс нь нэмээд төлбөрөө тэр дор нь биш хүргэгдэж ирсний дараа төлөх боломжтой буюу 貨到付款 гэсэн нөхцөл нь худалдан авалт хийх эрмэлзлийг нэмэгдүүлдэг. Тайвань дээр л жишээ авахад жижиг арал хэрнээ өөртөө ахадсан хүн амын суурьшил, бүтээн байгуулалт дээрээс нь нэмээд иргэдийх нь эд хогшил цуглуулдаг /шунал нь ккк/ эко систем буюу дахин боловсруулах салбарт хөрөнгө хаяхаас аргагүйд хүргэдэг биз. Эдгээр зүйлүүд бүхэлдээ хэл соёлд хүртэл нөлөөлж энгийн эгэл рүү тэмүүлэх хүний хүслийг бий болгож энэ нэр томъёог ихээр хэрэглэх болсон гэж харж байна. Дээрх ойлголтонд зөвхөн эд хогшил хамаарахгүй бөгөөд бүхий л зүйлсийн илүүдэл гэсэн агуулга багтаж буй болно.</p><blockquote>Тэгвэл бидний өдөр тутмын амьдральд энэ үг түээмэл хэрэглэгддэггүй юм уу? гэвэл</blockquote><blockquote><strong>Яалаа гэж!</strong> хэрэглэлгүй яахав. Бид энийг чинь зүгээр ч нэг энгийн, жирийн амьдрал гэж хэлэхгүй Эх болсон аялгуут сайхан Монгол хэлээр минь зүйрлэл, уран сайханы аргаар <strong>“Зүлгэн дээр гэрээ бариад, зүгээр л нэг амьдрах юмсан”</strong> гэж хэлж байна. Бид ажлын ачаалал, дарамт, хүмүүс хоорондын тааламжгүй харилцаа зэргээс ангид байхын хүсэл болохдоо энэ үгийг л санадаг. Хэл соёл гэдэг хоёр үг яагаад хоршоо үг байгаагийн тодхон жишээ энэ юм. Аялгуут монгол хэлээрээ дамжуулаад Монгол ахуй, соёлыг илэрхийлж байгаа нь сэтгэл огшим.</blockquote><p>Улс орны хөгжил цэцэглэлт мэдээж том чухал нэн тэргүүний асуудал. Гэвч хэл соёл гэдэг ямар агуу хоорондоо зохицсон, биднээс хэзээ ч салахгүй, биднийг орхихгүй, хайрлам нандин эд билээ. Зарим үед гадаад хэлээр ярих үед Монгол үг нь орж ирэхгүй, эсвэл Монголоор ярьж байхад яг гоё оносон гадаад үг орж ирээд байдаг зовлонтой. Гэвч энэ нь нэг талаараа эх хэлний үгийн баялаг дутуу дулимаг байгаагийн илрэл юм. Тиймээс дор бүрнээ эх хэлний мэдлэгээ дээшлүүлж, цэгцтэй ярьж, зөв бичиж байх нь Монгол хүн болж төрсний гавьяа гэж санаж байна.</p><img src="https://medium.com/_/stat?event=post.clientViewed&referrerSource=full_rss&postId=5a11b670c110" width="1" height="1" alt="">]]></content:encoded>
        </item>
        <item>
            <title><![CDATA[Сэтгэх эрхээ дураараа эдлэ]]></title>
            <link>https://inga-sunjee.medium.com/%D1%81%D1%8D%D1%82%D0%B3%D1%8D%D1%85-%D1%8D%D1%80%D1%85%D1%8D%D1%8D-%D0%B4%D1%83%D1%80%D0%B0%D0%B0%D1%80%D0%B0%D0%B0-%D1%8D%D0%B4%D0%BB%D1%8D-c57c8b10be29?source=rss-f6449f1bf77d------2</link>
            <guid isPermaLink="false">https://medium.com/p/c57c8b10be29</guid>
            <category><![CDATA[дасгал-хөдөлгөөн]]></category>
            <category><![CDATA[сэтгэлгээ]]></category>
            <category><![CDATA[эрх-чөлөө]]></category>
            <dc:creator><![CDATA[Tuvshinjargal Sunjidmaa]]></dc:creator>
            <pubDate>Mon, 27 Apr 2020 03:01:20 GMT</pubDate>
            <atom:updated>2020-04-27T03:01:20.142Z</atom:updated>
            <content:encoded><![CDATA[<p>“Уншихаа больвол сэтгэхээ болино” В.И.Ленин.</p><figure><img alt="" src="https://cdn-images-1.medium.com/max/550/1*V4CDfj4Irtybu0jYtI9tBg.jpeg" /></figure><p>Хүн хэр их зүйл уншиж мэднэ тухайн зүйлсийн агуулгын хүрээнд сэтгэлгээ нь эргэлдэж байна. Харин уншихаас гадна өөрөөр яаж сэтгэлгээг ахиулах вэ? Бид мэдээлэлд хэт их тархиа мэдүүлээд, тархин доторх мэдээлэл, мэдлэг зэргээ ангилж ашиглаж чадахаа больж байж ч мэдэх юм. Тэгвэл юм уншихгүй хүн сэтгэхгүй, уншиж байгаа хэд нь л сэтгээд яваад байгаа юм уу? Үгүй. Унших гэдэг нь харах өнцгийг илүү өргөжүүлж, бодох сэтгэх эрх чөлөөг илүү нээж өгч байгаа гэж бодож байна.</p><p><strong>Сэтгэх эрх хүн бүхэнд бий. </strong>Өөрийн хэр хэмжээ, үүнд эд баялаг, мэдлэг, туршлага, орчин зэрэгтээ үндэслээд сэтгэх эрхийг бүгд хүссэнээрээ эдэлж болохоор байна. Харин сэтгэлгээний эрх чөлөөний хувьд, сэтгэлгээгээ чөлөөлж өгч байж үүнийг эрх чөлөөтэй болгосноор сэтгэлгээний эрх чөлөөнд хүрнэ гэж бодож байна. Гэвч энэхүү эрх чөлөө гээч нь сэтгэх эрхээс илүү хязгаарлагдмал буюу хүссэн хүнд нь олдох эд биш ч байж мэднэ. Магадгүй эдийн засгийн эрх чөлөө буюу санхүүгийн эрх чөлөөг дагаад ирдэг ч юм билүү. Учир нь хүн өөрийн хүссэнээр бус хүний эрхшээлд ажиллаж байна гэж бодьё. Тэгвэл тэр хүнд сэтгэх эрх нь байна уу? Байна. Дөрвөн мөчөө хөдөлгөж хүний төлөө хөдөлмөрлөж байсан ч өөрийнхөө төлөө сэтгэх эрх нь олдоно. Гэвч хүний дор ажиллаж, санхүүгийн эрх чөлөө гээчийг мэдрэхгүй байгаа үед яаж эрх чөлөөгөө олж авах вэ?</p><blockquote>Дээр дурьдсан уншихаа больвол сэтгэхээ болино гэснээс миний бодлоор хүн <strong>ярихаа больвол мөн адил сэтгэхээ болино.</strong> Хүн бүр ярихаасаа өмнө бүх хэлэх үгээ нэгд нэгэнгүй мэддэггүй ба ярихад үг тархинаас ундарч байдаг.</blockquote><p>Тиймээс энэ үгийг гаргаж, бодлоо илэрхийлж, тархийг ажиллуулахад биднээс юу ч шаардахгүй. Хэнтэй ярих вэ гэжүү? Өгүүлэгч, сонсогч нь чи өөрөө. Өөртэйгээ ярих явцад тархин доторх замбараагүй бодол цэгцэрч, аливаа зүйлсийн агуулгыг таньж мэдэх болно. Үүн дээр нь нэмээд шинэ санаа, шинэ бодол төрж түүндээ хүрэх арга замыг төвөггүй олох ба энэ нь чамайг урам зоригоор тэтгэж хэн нэгний мотивац өгөх бичлэгээс илүүтэй өдөөх болно. Хэрэв өөртэйгөө ярих нь галзуу хүн шиг санагдаад байвал өөртэйгөө бичгээр ярилцаарай гэж зөвлөх байна. Ярих, бичих ялгаагүй өөрийн тархин доторх мэдээлэл, бодлыг цэгцэлж, яг л гэр дотор хаа сайгүй эд юмс, хувцас хөглөрч байхад нь хураагаад цэмцгэр болгоод суухтай адил. Гэрээ цэвэрлэхгүй хэрнээ шинэ юм нэмж аваад л байвал гэр биш хогийн сав болно. Тархи яг л ингэж ажиллаж байгаа гэдэгт би эргэлзэхгүй байна.</p><p>Зүгээр дээшээ харж хэвтээд эсвэл буйдан дээрээ сууж байж энэхүү сэтгэлгээний эрх чөлөөгөө олж авна гэвэл үгүй л боловуу. Дасгал хөдөлгөөн хийж бие махбодио дасгалжуулснаар тархи ч үүнд нэгдэх болно. Эцэст нь дүгнэхэд өөртэйгөө ярь, тархиа цэвэрлэ, шинийг эрэлхийл. Үүний тулд бөгсөө хөдөлгө!</p><img src="https://medium.com/_/stat?event=post.clientViewed&referrerSource=full_rss&postId=c57c8b10be29" width="1" height="1" alt="">]]></content:encoded>
        </item>
    </channel>
</rss>