<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by 海隱 on Medium]]></title>
        <description><![CDATA[Stories by 海隱 on Medium]]></description>
        <link>https://medium.com/@kathleen.ng.lam?source=rss-f02f244d3395------2</link>
        <image>
            <url>https://cdn-images-1.medium.com/fit/c/150/150/1*1aiHZtJhf9Nbz2p2R__BiQ.jpeg</url>
            <title>Stories by 海隱 on Medium</title>
            <link>https://medium.com/@kathleen.ng.lam?source=rss-f02f244d3395------2</link>
        </image>
        <generator>Medium</generator>
        <lastBuildDate>Thu, 19 Nov 2026 09:16:40 GMT</lastBuildDate>
        <atom:link href="https://medium.com/@kathleen.ng.lam/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[用經濟學角度探討育兒知識]]></title>
            <link>https://medium.com/@kathleen.ng.lam/%E7%94%A8%E7%B6%93%E6%BF%9F%E5%AD%B8%E8%A7%92%E5%BA%A6%E6%8E%A2%E8%A8%8E%E5%85%92%E7%AB%A5%E6%95%99%E8%82%B2-4e3214b88762?source=rss-f02f244d3395------2</link>
            <guid isPermaLink="false">https://medium.com/p/4e3214b88762</guid>
            <dc:creator><![CDATA[海隱]]></dc:creator>
            <pubDate>Fri, 19 Jan 2018 15:34:37 GMT</pubDate>
            <atom:updated>2018-01-20T01:00:47.728Z</atom:updated>
            <content:encoded><![CDATA[<p>開場白先講解一下經濟學嘅理論。首先，籠統地define什麼謂之public goods。簡單而言，我用緊佢，唔會影響到你用，亦都唔可以阻止你一齊用，而大家都想要多啲嘅，就為之經濟學上嘅public goods。咁家庭教育中有咩係public goods呢？好的育兒/教育方法應該就為之此。新手父母應該是第一次教子育女，才是新手吧，所以有效的育兒資訊是多多益善，少少無拘的。而當我攞到育兒資訊嘅時候，我唔會令到你少咗你既有嘅育兒資訊，我用緊育兒亦都阻礙唔到你取得並使用呢啲育兒資訊，所以育兒知識都係public goods 嘅一種。</p><p>一黎到講public goods則衍生出一堆經濟問題。譬如free-rider問題，因為佢係public goods,有啲唔付出嘅人會攞到然後導致overuse及degrading嘅問題。呢個結果叫negative externality. 那麼點解育兒資訊(knowledge)又有咩問題呢？或者其實有冇問題呢？我已經好耐冇追economics個邊嘅literature。知識仍然停留响張五常年代（高人請指點）。但我僅餘嘅知識好似真係唔知knowledge呢樣public goods點樣可以衍生問題。</p><p>喺論述問題之前，讓大家了解下誰在supply育兒資訊呢件public good。政府的母嬰健康院有齊全的一套資訊冊。坊間又有無限量playgroup作為配套。最後當然是三姑六婆(包括媽媽group)的民間智慧。但最重要、最重要嘅其實係專家意見。</p><p><em>母嬰健康院</em></p><p>先講母嬰健康院的資訊冊。包含內容主要是圍繞幼兒的起居飲食，目的是希望減低嬰兒死亡率，免得有家長唔識湊b湊死b嘅現象。資訊係主要以文字主導。總括而言，極忙但都唔會忘記吃喝玩樂嘅香港人當然係冇時間睇文字啦。所以實體小冊子墊咗煲底，就算母嬰健康院嘅網站有補充電子版，翻閱嘅人嘅百分比都係用手指可以顯示得出。而且因為健康院嘅小冊子圍繞係幼兒護理，查閱嘅人大多是找重點。提及幼兒教育的理念正好就被忽視了。呢個source暫時不用經濟學理論補充。</p><p><em>Playgroup</em></p><p>Playgroup本來嘅理念係以遊玩學習，啟發幼兒各方面的發展。以前湊小朋友都係咁响屋企教，但又由於香港人真係太忙，用遊玩黎啟發小朋友呢個程序又可以外判了。</p><p>每樣好事黎到香港都會變質。忘記提及香港人除咗太忙，香港地仲有非常激烈唔知爭咩嘅競爭。所以playgroup本來以暢遊、減輕父母諗方法同仔女玩嘅目的，又變得同揀學校扯上關係。去playgroup都係策略性地揀，希望報呢個playgroup可以令小朋友入到邊間幼兒園、升邊間幼稚園、再升邊間小學。先講呢一點，就以啟發幼兒為本，入學校為目標，兩件事本來係分開的，依家由於各種時間金錢constraints混為一體，本質同目標有衝突，目標打嬴本質，所以playgroup都要sell吓自己入學校嘅track record。</p><p>回一回帶，我哋係視育兒資訊為之public goods，對吧？買回來的變成一條升學梯，所以上好多playgroup都係無助大部分家長得到更多育兒知識的。呢個只係唔帶眼揀playgroup嘅問題/或者由始至終只係當playgroup 係工具，達致入學目的嘅問題，唔係經濟問題。</p><p><em>民間智慧</em></p><p>「呀三姑呀，b仔痾屎唔出呀，點解嘅？」打個電話方便快捷，呀三姑就會答你：「你細個果陣都係咁啦，唔肯食菜呀嘛，畀啲生果佢食啦。」</p><p>「唔係喎，佢痾屎痾到，紅都面曬喇，搲到我件衫就爛喇！」</p><p>三嬸又話：「食啲無花果、火龍果、奇異果啦，乜都食哂啦！」</p><p>同一堆說話，健康院小冊子講過。冇睇、冇理。「唔該哂你呀三姑，仔終於痾到喇，冇咗你我都唔識湊佢呀！健康院啲姑娘冇用㗎，都唔教我呢啲嘅」由呀三姑講出黎就係真理。曲突徙身無恩澤，焦頭爛額為上客就係呢啲。呢個係好啲嘅情況。</p><p>唔好嘅情況當然係三姑六婆亂點一通，這種三姑六婆所提供嘅表面上係育兒知識，實質係佢哋為咗提醒世界上有佢呢個人存在而發聲而已。無資訊性可言。呢啲可以視爲低質育兒知識。</p><p><em>專家意見</em></p><p>除咗以上三種得到育兒資訊嘅來源之外，仲有就係可以請教專家。但九成九嘅香港人忙到不可開交。連健康院簡而潔嘅小冊子都懶得睇，何來叫佢哋睇育兒專家寫嘅書藉呢？連家庭主婦都忙到只有時間無限上網，文字記載著這些珍貴的知識，的確對大部分人是遙不可及的。</p><p>喔，對了。互聯網普及，但民智大概沒有提升。誰是專家一題已經考起好多媽媽。很多KOL呀、明星呀提供的育兒之道，突然變了模範。另外，又由於真正的專家提供的知識需要付上較多time cost閱讀先可以得到，真專家意見遠不及假專家的來得容易。</p><p>舉個例子：近年明星們都喜歡送孩子到國際學校讀書。中產們就想也不想，跟著這道風，都把小孩送到國際學校去了。只有少數家長會考慮專家已提供有關國際學校課程及本地課程差異、及送年少子女到外國讀書或到的考量。原因很簡單，要找出一位專家也要time cost,明星網絡紅人是已經知道的目標。那樣，他們所提供的資訊係more accessible 過專家提供嘅資訊。</p><p>又例如我的老闆們不斷在媒體上叫家長們唔好放棄同子女講廣東話。中產們，或者是最忙的一群，未必有機會閱讀到這些報導。又或者，來得更容易嘅低質育兒資訊已充斥佢哋嘅認知，沒有空間留下給專家意見。無論英文有多爛，自己的英文有多詞不達意，也堅持用英文同子女對話。何苦呢？又是沒有拿取專家意見的例子。</p><p>文章寫到呢度，好像大概拿捏到問題核心。高質的育兒知識需要家長們的time cost去得取、汲收並理解。顯然比起低質素的育兒知識昂貴。正因如此，本來是public goods的育兒資訊並沒有受到misuse/degrade那些影響。亦因為高質資訊需要付上time cost才能取得，所以沒有free-rider等negative externality的問題。</p><p>看似沒有經濟學上的問題，但用低質知識培育下一代，有問題與否？ 筆者確實覺得有極大問題。但當世人覺得冇問題，我也不想做厚多士再多說了。或者等我下次酒後三分醒的時候，再做厚多士吧。</p><img src="https://medium.com/_/stat?event=post.clientViewed&referrerSource=full_rss&postId=4e3214b88762" width="1" height="1" alt="">]]></content:encoded>
        </item>
        <item>
            <title><![CDATA[生。老。病。死]]></title>
            <link>https://medium.com/@kathleen.ng.lam/%E7%94%9F-%E8%80%81-%E7%97%85-%E6%AD%BB-2f52c40db1f9?source=rss-f02f244d3395------2</link>
            <guid isPermaLink="false">https://medium.com/p/2f52c40db1f9</guid>
            <dc:creator><![CDATA[海隱]]></dc:creator>
            <pubDate>Thu, 16 Nov 2017 16:55:47 GMT</pubDate>
            <atom:updated>2017-11-16T17:01:22.599Z</atom:updated>
            <content:encoded><![CDATA[<p>已經離開了香港好些年。雖然又回流了一年，但還未有心力去跟進以前學生的狀況。可是時間沒有等待任何人，只有踏踏實實地漏走。我還沒有機會跟一位小朋友寒暄一番，亦再沒有機會跟他道別，就已經是永別了。對，他還是一位小朋友。</p><p>首先，讓我說明世事有多諷刺。小孩跟他的哥哥並不是從小已經鋒芒畢露的那種，更不可以跟天資聰穎拉上等號。從他們任何一方面的發展，絕對聯想不到，爸爸媽媽是大醫生（實質函頭當然不止於此）。正因如此，爸爸媽媽才要我為兩兄弟當導師。我還記得哥哥當時的情況非常危急，好像是語文能力偏低到接近連國際學校也不能升班。當然，事出必有因。兩兄弟自小已經很多病痛，經常缺課，繼而各方面成長也受影響。對啊！生命就是百般無奈啊！儘管爸爸媽媽有無際的醫學知識與經驗，人脈派中有多少頂尖的專科醫生，孩子還是不能像其他小朋友一樣健康快樂地成長。對著兩個經常生病的孩子，依然束手無策。何悲！</p><p>剛剛說道哥哥比弟弟的學習情況更險峻。其實不是太正確的。因為哥哥各方面都比弟弟遜色，包括健康。所以我得知消息後，確實有點詫異離開的是弟弟。站在生兒育女是為了繁殖優秀下一代的人性立場而言，絕對不難理解爸爸媽媽還是偏心弟弟多一點、疼他多一點的。可是，上天好像預備了一個大考驗給這個家庭 — 奪走較好的一個，留下更艱辛的家庭教育任務給他倆。此乃另一大諷刺。</p><p>常言道：珍惜眼前一切。隨著人生閱歷的遞增，或多或少都把生命看化了。現在的我大部分時間也瞧著「律己以嚴 待人以寬」的態度去做，一部分原因不是基於我能做到待人以寬的指標，而是我確確實實地覺得生命得來不易。首先，不是每個想生孩子的夫婦都能順利生育。生下來的，也沒有擔保是健全的。健全的小孩亦不一定是聰明伶俐，人見人愛的。。。這種感恩的心，是可以無限累積。這份感恩之心，是真誠的、是經過精密計算而得出來的，絕不是附有宗教元素的。</p><p>從前的我是以諸多要求而見稱。現在，小事一樁已夠我替人高興。大概是，太多經歷教訓我「活著多好」的道理吧。</p><img src="https://medium.com/_/stat?event=post.clientViewed&referrerSource=full_rss&postId=2f52c40db1f9" width="1" height="1" alt="">]]></content:encoded>
        </item>
    </channel>
</rss>