Matagumpay na naipatakbo ang 2025 SOX Writers Workshop sa The Farm House, Rangayen, Alamada, Province of Cotabato sa pangunguna ng Cotabato Literary Circle at sa suporta ng National Book Development Board, at Aklat Alamid, kasama ang iba’t-ibang grupo at mga organisasyon sa buong Rehiyon 12 na may pagmamahal at interes sa wika, panitikan, at kultura.

Hindi naging madali ang pagtumpok ng mga fellows, mentors, speakers, at facilitators sa malayong kabundukan ng Alamada. Kulang-kulang pitung oras ang biyahe mula sa General Santos City kung saan nagsimula ang ruta ng sasakyan lulan ang mga participants. Ngunit mas naging mahirap ang paghihiwalay nang matapos na ang SWW 2025. Hindi lamang pagsusulat ang natalakay kundi pati na rin ang mga tagumpay, hirap, at pait ng buhay ng mga kalahok. Nangagsipagbukasan ng mga kaluluwa ang isa’t-isa sa mga sa una’y estranghero, ngunit di nagtagal ay para na ring mga kapamilya.

Walang gabing hindi malamig. Pero walang natulog na may ginaw. Sa kada araw na may mga pormal na diskusyon na tumutuklap sa kailaliman ng kamalayan ng mga nakikinig, sa kada tumpok ng mga tao na nagbabahagi ng kanilang buhay, sa kada tasa ng kape kasama ang mga naroroon, taglay nito ang ningas na tutupok sa kahit ano pang lamig. Ikinumot ng mga dumalo ang kaisipang hindi sila nag-iisa sa larangang bihira ang nakauunawa at sumusubok na umunawa.

Ngayong opisyal nang natapos ang SWW 2025, kampante ang lahat na may mga punla na sisibol sa buong rehiyon. Hindi magtatagal ay gagapas din tayo dito sa SOX. Tapos na ang ‘di birong pagtatanim. Aanihin natin ang bunga ng ating mga sakripisyo at pagsusumikap.

Parada ang magkakaroon,

isang selebrasyon,

isang pagdiriwang ng pag-ala-ala

sa araw ng paghanap niya ng kalinawagan.

Wala tayong babanggiting

temptasyon mula sa demonyo, bagkus,

ipagdiriwang natin ang kanyang pangungusisa,

ang kanyang matinding kagustuhan na matikman ang isang natatanging karanasan at matamo ang kaalaman.

Pagpipiyestahan natin ang mga handang hango sa mansanas:

Mga keyk, palaman, tinapay at pastel.

Uusbong ang mga dula at awit tungkol sa kaniyang kawalang karuwagan.

Ngunit si Eba ang nainip,

napagod sa mga limitasyon ng Eden.

At ang kagustuhan ng isang babae

ng paglaya ay madalang na dahilan

ng selebrasyon.

Mali ka. Kasi tumanda ka. Nagkaputing buhok.

Wrinkles, at fine lines.

Naging makakalimutin, matampuhin, pati ulo moy naging mainitin.

Alam namin lahat yan.

Minsan nga parang paurong.

Sapilitan mong pinapahubad ang mga faculty kapag r and r na swimming.

Para may karamay kang mag 2 piece. Tanda mo pa?

Pare-parehas tayong hindi nakakain ng mabuti.

Pero tumanda ka ng may pinagkatandaan.

May dignidad. May paninindigan. Legit na masasandigan.

Sa kagipitan, nariyan ka.

Laging maaasahan.

May trabahong kailangan gawin?

Hindi ka kailangan hanapin.

Madalas ikaw pa nga ang nagmamando

Na bakit ang tagal namin.

May problema sa PALMA?

Hindi ka kailangan hanapin.

Minsan pala kailangan din.

Nun pala, naroon ka na, nasolusyunan na ang problema.

May problema sa pera?

Mahirap kang hanapin.

Kasi nagwiwithdraw ka na pala.

Ng ipapahiram sa amin. Sikreto lang pala ito natin.

Sa makatuwid ikaw ang nakagisnan naming

Ina ng laging saklolo

Laging may pinaypay, coke, o kape na hindi mo naman inuubos.

Minsan kakanin o brownies, na inuubos ng alaga natin sa office.

Mam J. Magreretiro ka man, tiyak kong ikay magliligalig.

Walang humpay ka pa ring lalabas para baguhin ang daigdig.

Paunti unti, sa mga adbokasiya mong puro at walang pag iimbot.

Dala mong panigurado ang kagustuhan mong magserbisyo.

Sa lahat ng bilin mo, dalawa lang tiyak.

Ang ipamamana mong mga advisees, at mga thesis na inupuan mo.

Siguradong kulang ang banig ng biogesic para sa aming mga ulo.

Pero kaakibat nito lahat ng nalalaman ko.

Di ka namin mamimiss. Lamang pa rin ang rest house mo sa rangayen.

Malamig pero ni minsan ay hindi kami nakaramdam ng ginaw.

Nuno ng init ang iyong pag estima sa aming madalas ay bwisita na.

Kwarto, pagkain, at ang iyong pagmamahal ang naipadarama.

Mas lalong hindi namin mamimiss ang time zone mo.

Habang nasa bundok kami, naghihiking,

“Good PM” sabi mo.

Sabay airplane mode kami lahat. “Asan na mga syllabus ninyo?”

Heto na ang wakas. Ng ating mga ala-ala sa opisina.

Ito na ang tugatog ng iyong pampublikong serbisyo

Bilang leader sa PALMA, at ina, tita, ninang, o alkansiya.

Manatili kang naniniwala, na kaming iyong mga kasama,

Kailan man ay mananatiling tapat, at lagit laging iisipin ka.

Para sa Campus Director ng University of Southern Mindanao — PALMA Cluster Campuses na nagretiro ngayong araw, Hulyo 23, 2024, si Jacinta T. Pueyo, Ph.D. Mabuhay ka Mam J!

2 pancit canton sa PC 12.

Sting, at lights na half pack.

Open time, bagong padala.

Opening steam, verifying steam files.

Log-in. Collections. Dota 2.

Downloading updates.

Eto na naman. Glhf.

SEA server puro cheater.

Toxic. Parang sa Pinas.

Nagkalat din sila, pogo at mga base militar.

Wala pang bounty runes,

Mega creeps na sila.

Nakatayo pa mga tore, nagwe-well break na.

Sino nagpafeed sa lane?

imba? mh? O malakas lang talaga?

Kinakalawang lang ata ako parang yung sierra madre

Sa WPS. Lock item na sila,

Ironwood branch lang ako. Buti may bote.

Lakas nila mag Morph. Sumasaboy ng tubig.

Kada pupuwesto ako sa clash, waveform normal lang.

Water canon parang galing sa ccg.

Kawawang hero ko, mangingisdang Pinoy.

Yung carry kasi namin, jejetski daw. Mid o feed.

Feed si dudong. Walking 250. Chooks to go.

Akala namin kakampi, kalaban pala.

Di pa nakuntento, pati neut stacks sa jungle, ibinigay.

Mahirap na magdota ngayon.

Lalo na kung Pinoy ka.

Laging may traydor na kasama.

Di ka makakaboost ng mmr, rage quit na.

Kuya out na!

Sige kinse lang.

Libre ko na iba.

Xièxiè

Happy 11 years sa Dota!

Mahirap maging palaruan.

Sa una, masaya lahat kapag ginagamit ka.

Aakyatan. Kakapitan. Papadulasan.

Saksi sa lahat ng hagikgikan.

Syempre may malalaglag.

Kahit hindi ikaw ang may kasalanan.

Masasaktan. Masusugatan. Iiyak.

Aayawan ka na lang bigla.

Darating ang panahon na,

magtataasan na ang mga damo.

Kakalawangin ka na.

Kailangan ka pa ba?

Kung usaping pagbabalot,

Mga Muslim dito sa amin ang magagaling.

Maliit na bungkos ng kanin,

Berdeng dahon ng saging,

susumanin na pang saplot.

Bubudburan ng tinadtad na karne ng manok,

Di lang para pumatok

Kundi para may konting lasang masapit,

Panlaban man lang sa pait.

Masinsin na masinsin, mulo ulo hanggang paa.

Sanay na sanay sa pag balot talaga.

Sa araw araw ba namang may patay kang babalutin,

Di ka pa kaya gumaling?

Punasan ang alikabok mula sa tindahan sa kanto.
Sikuhin sa ilalim para mabuhay ang espirito ng bula.
Pailipitin ang takip hanggang sa lumagitik.
Atang para sa mga nauna sa atin.

Tumpak na mga hakbang para sa tunggang ganap.
Mababa, gitna, mataas, o puno na baso ang sasalakay.
Sa mga kaibigan, dayo, o bisita.
Aalukin ka, tatanggapin mo, tapos ang usapan.

Walang iba pang proseso,
Iikot lang ang baso.

Dapat.

Pero minsan may bago.
Lumalabas ang tunay na pagkatao.

May iiyak, susuka, tatawa, mag-aaway.
May tatakas, may makikipiknik,
May magiging galante, may mag-iingles.
May gagaling sa isports, at maging sa pulitika.

tUMMMFUCKK nA mGA hAGBAK pARA sA bASO aNG sASALAKAY
mABABA, gITNA, mATAAS, o pUNO nA tUNGGANG gANAP.
sA mGA kAIBIGAN, dAYO, o tAPOS aNG uSAPAN.
aALUKIN kA, tATANGGAPIN mO, bISITA.

Nagkakalasingan na.
May kaniya kaniyang pakay na.
Kaniya-kaniyang balak.
Pero ikaw lang ang pakay ko,
I will be given you that is all that is you want.

Bahala ka kung paano mo babasahin.

(You decide on the way you want to read it.)

i enter you from behind, short and long strokes.
slurping dripping sauces here and there.
the whiff of sweat and passion is in the air.
your load moans beat with my hips hitting yours.
i see your body shaking.

as we come to the climax,
we arrive at a crossroads.
pull out?
full send?

i’ll be back after 9 months.

full send?
pull out?
we arrive at a crossroads.
as we come to the climax,

i see your body shaking.
your load moans beat with my hips hitting yours.
the whiff of sweat and passion is in the air.
slurping dripping sauces here and there.
i enter you from behind, short and long strokes.

*10-line challenge after a sensory activity at the 2nd SOX Writers Workshop