<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Monagrage on Medium]]></title>
        <description><![CDATA[Stories by Monagrage on Medium]]></description>
        <link>https://medium.com/@monagrage?source=rss-29d211153923------2</link>
        <image>
            <url>https://cdn-images-1.medium.com/fit/c/150/150/0*HfHPiuHGHfvLGgHR</url>
            <title>Stories by Monagrage on Medium</title>
            <link>https://medium.com/@monagrage?source=rss-29d211153923------2</link>
        </image>
        <generator>Medium</generator>
        <lastBuildDate>Fri, 20 Nov 2026 14:20:18 GMT</lastBuildDate>
        <atom:link href="https://medium.com/@monagrage/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Би үхнэ.
Чи үхнэ.]]></title>
            <link>https://medium.com/@monagrage/%D0%B1%D0%B8-%D2%AF%D1%85%D0%BD%D1%8D-%D1%87%D0%B8-%D2%AF%D1%85%D0%BD%D1%8D-ee9213926448?source=rss-29d211153923------2</link>
            <guid isPermaLink="false">https://medium.com/p/ee9213926448</guid>
            <dc:creator><![CDATA[Monagrage]]></dc:creator>
            <pubDate>Wed, 05 Mar 2025 12:55:14 GMT</pubDate>
            <atom:updated>2025-03-05T12:55:14.076Z</atom:updated>
            <content:encoded><![CDATA[<p><em>Би үхнэ.<br>Чи үхнэ.<br>Цэцэг үлдээ.</em><br>Гэхдээ минийх биш... Өөр нэгнийх.<br>Би үхэхэд цэцэг минь хамт үхнэ. Эцсийн ганц навч нь эргэж сэхэхгүйгээр шимээ сороход, ижилгүй үлдсэн хатсан навч хүнгүй толгодын ганц улиас шиг мөчиртөө үлдэнэ. Хөнгөн гуниг төрүүлж тэндээ үлдэнэ.<br>Цэцэгсийг минь услах нэгэн үгүй. Би гуниглахгүй, бүгдэд. Гунигт навчинд, бүлээн нулимсанд, үлдэх бүгдэд. Эсвэл гуниглана. Эргээд очих гэж харуусна. Гэвч цэцэгтээ харамсахгүй.<br>Би үхнэ. Чи үхнэ. Цэцэг үлдэнэ. Гэвч минийх биш. Ус ундаагүй үлдсэн цэцэг минь шүүдэр мөрөөдөх чадалгүй, сүүлчийн навчаа унагах гэж шүгэлт салхины үзүүрийг хүлээнэ...</p><p><em>Анх 2023 оны 6-р сард Өлзийтөгс зохиолчын Үзэхийн хязгаар номыг уншиж билээ. Тэгэхэд </em><strong><em>Би үхнэ. Чи үхнэ. Цэцэг үлдэнэ. Чи цэцэг тарина шүү</em></strong><em> гэсэн хэсэг нь яг л надад хэлсэн мэт чихэнд минь тодхон үлдэж. Тэгээд цонхны тавцан дээр байгаа хэнээс авснаа санахгүй байгаа ч хэн нэгэн өгсөн ногоон савтай ягаан цэцгээ их л хайрлана. Гэхдээ... Хэдэн сараар яваад ирэхэд хөөрхий цэцгийг минь хэн ч над шиг халамжлахгүй нь мэдэгдэнэ.<br>Тэгээд би тэнэг үхлийг бодож суухад, би үхвэл миний гэх зүйл бүгд үхэхийг ойлгосон.<br>Ердөө л цэцэг.<br>Хэрвээ би үхээд хорвоо дэлхийг дээрээс харвал, хэн ч харсан хөнгөн гуниг төрүүлэх тэр хатаж хорчийсон цэцгээ хараад л лав харамсахгүй. Харин цэцгийг минь услах үүрэг ноогдсон ч ажлаа хийгээгүй аав, ээжийгээ л хараад харуусах биз.<br>Би үхэхэд цэцэг үлдэнэ. Гэвч минийх биш. Өөр нэгнийх. Амь амьсгал нь салхилж байгаа, сайхан инээж байгаа, санаа алдаж байгаа тэр нэгнийх...</em></p><img src="https://medium.com/_/stat?event=post.clientViewed&referrerSource=full_rss&postId=ee9213926448" width="1" height="1" alt="">]]></content:encoded>
        </item>
        <item>
            <title><![CDATA[“ Танатос”-ын уруу таталт]]></title>
            <link>https://medium.com/@monagrage/%D1%82%D0%B0%D0%BD%D0%B0%D1%82%D0%BE%D1%81-%D1%8B%D0%BD-%D1%83%D1%80%D1%83%D1%83-%D1%82%D0%B0%D1%82%D0%B0%D0%BB%D1%82-8c2eae88207b?source=rss-29d211153923------2</link>
            <guid isPermaLink="false">https://medium.com/p/8c2eae88207b</guid>
            <category><![CDATA[short-story]]></category>
            <category><![CDATA[mongolia]]></category>
            <dc:creator><![CDATA[Monagrage]]></dc:creator>
            <pubDate>Wed, 28 Jul 2021 16:45:32 GMT</pubDate>
            <atom:updated>2021-07-28T16:48:30.943Z</atom:updated>
            <content:encoded><![CDATA[<h4>Энэхүү богино өгүүллэг нь японы зохиолч Маёо Хошино-гийн бүтээл бөгөөд англи хэлнээс орчуулан хүргэж байна.</h4><p>Наймдугаар сарын 15. Нар хэдийнээ жаргасан байсан ч гадаах орчны чийглэг агаар байсаар байлаа.</p><p>&quot;Баяртай.&quot;</p><p>Түүний явуулсан зурвас. Энэ зурвас ямар утгатай болохыг би шууд л ойлголоо.<br>Өнөөдөр Обон(Обон буюу Бон баяр нь Японы буддын шашны өвөг дээдсийнхээ сүнсийг хүндэлдэг баяр) байсан ч ажиллаж дуусаад би гэртээ харихаар бэлдэв. Дараа нь яаран өөрийн амьдардаг байр луугаа очсон юм. Тэр дээвэр дээрх хашлагын цаанаас хөндий, хоосон харцаар ширтэн зогсож байлаа.<br>Үнэндээ, би түүнийг дээвэр дээр амиа хорлох гэж байгааг нь дөрөв дэх удаагаа харж байна.<br> <br> Энэ ертөнцөд хоёр төрлийн хүмүүс байдаг гэж ярьцгаадаг.<br>Амьдрах хүслээр дүүрэн, &quot;Эрос&quot;-ын удирдаж буй хүмүүс.<br>Үхлийг хүсэж байдаг &quot;Танатос&quot;-оор удирдуулж буй хүмүүс.<br>Ихэнх хүмүүс эхнийхэд нь хамаардаг хэдий ч тэр эргэлзээгүй сүүлийнх нь байсан юм. Түүнийг &quot;Танатос&quot;-ын удирддаг хүн байсан гэдгийг би түүнтэй үерхэж эхлэхээсээ ч өмнө мэддэг байсан.</p><p>Бидний анх уулзсан шалтгаан нь би түүнийг одоогийнх шиг дээвэр дээр амиа хорлох гэж байхад нь аварсан болохоор.<br>Тэр саяхан манай байранд нүүж ирсэн байсан. Тэр дугуй хөөрхөн нүд , ягаахан зөөлөн уруултай бөгөөд үзэсгэлэнтэй хийгээд эмзэгхэн төрхөөрөө миний зүрхийг тэрхэн зуурт л хулгайлчхав. Тиймээ, би түүнд анхны харцаар дурласан.</p><p>Энэ үеэс бид олон зүйлийн тухай ярилцаж, маш хурдан найзууд болсон. Хар компанид ажиллаж( хууль бус бизнес хийдэг газар), ганцаардмал амьдралаар амьдарч байсан надад тэр яг л тэнгэрээс бууж ирсэн сахиусан тэнгэр мэт санагдсан.</p><p>Гэхдээ, нэг эргэлзээтэй зүйл байна.<br>Тэр амиа хорлохоор төлөвлөх бүрдээ надтай заавал холбоо барьдаг. Тэгээд намайг очих хүртэл тэндээ хүлээж л байдаг.</p><p>Миний бодлоор, &quot;би хэнд ч хэлэлгүй үхсэн нь дээр&quot; гэж бодсон ч зүрхнийх нь хаа нэгтээ анх уулзаж байсан шиг түүнийг зогсоож, надаар туслуулахыг хүсдэг байх. Би түүний үйлдлийг ингэж л тайлбарлаж чадахаар байна.<br> Тийм учраас энэ удаад ч бас байшингийн шатаар гүйлээ.<br> &quot; Хаа(амьсгаадах)...хаа..&quot;<br>Би байшингийн дээвэр дээр гарч ирэв. Хашлагын цаана зогсох түүний нурууг харж байна.</p><p>&quot; Хүлээ...!! &quot;</p><p>Би хашлага дээгүүр үсрээд гараас нь атгав. Энэ чийглэг агаараас ялгаатай нь хүйтэн мэдрэмж төрүүлж байна.</p><p>&quot; Намайг тавь.&quot;</p><p>Хонх жингэнэхтэй адил зөөлөн, эгдүүтэй энэ хоолойд нь би үнэхээр дуртай.</p><p>&quot; Чи яагаад ингээд байгаа юм бээ...?&quot;</p><p>&quot; Би хурдан үхмээр байна.&quot;</p><p>&quot; Яагаад?&quot;</p><p>&quot; Яагаад гэвэл үхлийн бурхан намайг дуудаад байна.&quot;</p><p>Тэр үхлийн бурхныг харж чаддаг. Энэ бол &quot;Танатос&quot;-оор удирдуулдаг хүмүүсийн дунд ховор тохиолддог шинж тэмдэг гэсэн. Тэднээс өөр хэн ч тэр үхлийн бурхан гэгчийг нь харж чадахгүй.</p><p>&quot; Үхлийн бурхан гэж байдаггүй юм.&quot;</p><p>&quot; Чи юу ч мэдэхгүй...! &quot;</p><p>Үхлийн бурхныг үгүйсгэх үед тэр дандаа орилж хашхирдаг.<br>Үүнийг харж чаддаг хүмүүст үхлийн бурхан хамгийн их таалагддаг байх. Тэдний хүсэж мөрөөддөг тэр хүн шиг нь харагддаг биз.</p><p>Тэр үхлийн бурхан луу ширтэх болгонд( миний хувьд хоосон зайнаас өөр юу ч олж хардаггүй) түүний царайнд үргэлж дурлалт бүсгүйн дүр төрх илэрдэг. Магадгүй тэр түүнд зүрх сэтгэлээ бүр мөсөн алдсан байх.<br>Би түүний ийм царайг нь үзэн яддаг.</p><p>&quot; Гуйя, үхлийн бурхан, өөр юу ч байсан битгий хараач. Над руу хар.&quot;</p><p>&quot;Үгүй...! &quot;</p><p>Тэр гарыг минь тавиулахаар оролдоход би түүний гарыг илүү чангаар атгалаа.</p><p>&quot; Өвдөж байна! &quot;</p><p>&quot; Уучлаарай. &quot;</p><p>Гэхдээ чамаас болсон шүү дээ. Чи гараа салгах гээд байсан болохоор, над луу харахгүй байсан болохоор...</p><p>&quot; Үхлийн бурхан хэзээ ч ингэхгүй байсан.&quot;</p><p>Миний зүрх сэтгэлийг түнэр харанхуй нөмрөх шиг болов.</p><p>&quot; Яагаад...&quot;</p><p>Би чамайг маш ихээр хайрлаж байхад чи яагаад надаас нүүрээ буруулна вэ?</p><p>Инээдтэй ч гэлээ зүрхнийхээ хаа нэгтэйгээс би үхлийн бурханд атаархаж байлаа.</p><p>&quot; Энэ чинь намайг өвтгөж байна.&quot;<br>Би ч бас өвдөж байна.</p><p>&quot; Би ядраад байна.&quot;<br>Би ч бас ядарч байна.</p><p>&quot; Би хурдхан үхмээр байна.&quot;</p><p>&quot; Би ч бас үхмээр байна!! &quot;</p><p>Энэ үед тэр толгойгоо дээш өргөөд над луу харан томоор инээмсэглэлээ.</p><p>Түүний инээсэн царайг хармагц зүрхэнд минь байсан харанхуй хоромхон зуурт сарниж байгааг мэдрэв.</p><p>Байз, ийм зүйл байж болох уу?</p><p>&quot; Чи эцэст нь нэг юм ойлгосон уу? &quot;</p><p>&quot; Тиймээ, би эцэст нь ойлголоо.&quot;</p><p>&quot; Үнэхээр үү... гайхалтай.&quot;</p><p>Аан, ойлголоо. Амиа хорлохоор оролдох бүрдээ надад хэлдэг байсан нь надаас тусламж хүссэндээ биш байж. Намайг өөртэй нь хамт яваасай гэж хүссэн болохоор тэр.</p><p>Тэр бол миний үхлийн бурхан байсан. Хүйтэн салхи өнгөрсөн бүхнийг минь авч одлоо. Урьдын чийглэг байдлыг нь аль хэдийн мэдрэхгүй байна.</p><p>&quot; Явцгаах уу? &quot;</p><p>&quot; Тэгье, явцгаая.&quot;</p><p>Чи бас би, хамтдаа. Гар гараасаа хөтлөлцөн дэлхий ертөнцийн бидэнд авчирдаг дарамтаас салахын тулд бид шөнийн тэнгэр өөд үсэрлээ.</p><p>Мөн энэхүү бүтээлээ сэдэвлэсэн дуу байдаг бөгөөд сонсохыг хүсвэл https://youtu.be/xtfXl7TZTac холбоос дээр дарна уу.</p><p>Орчуулсан- Mona Grage</p><img src="https://medium.com/_/stat?event=post.clientViewed&referrerSource=full_rss&postId=8c2eae88207b" width="1" height="1" alt="">]]></content:encoded>
        </item>
    </channel>
</rss>