<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Odgerel D on Medium]]></title>
        <description><![CDATA[Stories by Odgerel D on Medium]]></description>
        <link>https://medium.com/@odgerel0520?source=rss-6e9b5df78277------2</link>
        <image>
            <url>https://cdn-images-1.medium.com/fit/c/150/150/1*6yYNRkHioMaWYRXezs1bHg.jpeg</url>
            <title>Stories by Odgerel D on Medium</title>
            <link>https://medium.com/@odgerel0520?source=rss-6e9b5df78277------2</link>
        </image>
        <generator>Medium</generator>
        <lastBuildDate>Tue, 17 Nov 2026 21:58:42 GMT</lastBuildDate>
        <atom:link href="https://medium.com/@odgerel0520/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Асралтын тэмдэглэл]]></title>
            <link>https://medium.com/@odgerel0520/%D0%B0%D1%81%D1%80%D0%B0%D0%BB%D1%82%D1%8B%D0%BD-%D1%82%D1%8D%D0%BC%D0%B4%D1%8D%D0%B3%D0%BB%D1%8D%D0%BB-9648241e5167?source=rss-6e9b5df78277------2</link>
            <guid isPermaLink="false">https://medium.com/p/9648241e5167</guid>
            <dc:creator><![CDATA[Odgerel D]]></dc:creator>
            <pubDate>Sat, 18 Jul 2026 11:37:46 GMT</pubDate>
            <atom:updated>2026-07-18T11:37:46.457Z</atom:updated>
            <content:encoded><![CDATA[<p>Асралтын тэмдэглэл</p><p>Ноднин өвөл 2 дугаар сард Асралт хайрханы авиралт алхалтад анх удаа явсан юм. Хэнтий нурууны ноён оргил, 2850м өндөрт орших энэ оргилыг уулчид өндөр уулын авиралтын босго гэж ярьцгаадаг, тэр жилийнхээ авиралтыг эхлүүлэхдээ бараалхдаг уул аж. Ажил дундуур төлөвлөөгүйгээр 1 сарын чөлөө гарсных, эх орныхоо өндөр уулсад хөл тавих мөрөөдөл зорилго байдгийнх, зориглоод фэйсбүүкийн зараар зохион байгуулагчтай нь холбогдоод явахаар шийдвээ.</p><p>Уг нь туулах зай нь ойрхон 100 орчим км хэдий ч бартаа ихтэй, зөвхөн хүйтний улиралд гол хөлдсөн үед явдаг энэ замыг голдуу оройхон хотоос хөдлөөд, шөнө хугаслан туулдаг аж. Гэрээсээ орой гарах дургүй, ялангуяа хол замд гарах үед түгшүүр төрөөд байдаг надад огт танихгүй хүмүүстэй, анх удаагаа өндөр уулын авиралтад явахаар гарах нь сорилт байлаа. Фургон машин дүүрэн дотор муухайртал ханхлах бензиний үнэр, завсаргүй сэгсчих замын бартаа зам зуур унтаад нойр авчихна гэсэн миний гэнэнг даажигнах шиг, амралт зугаалгад яваагүй шүү гэдгийг маань сануулах шиг л болж байв. Шөнөжин яваад үүрээр 5 цагийн орчимд зорьсон газартаа ирж хэсэгхэн амсхийгээд, шууд алхахаар ярилцаж шийдлээ. Өвлийн дунд 2 дугаар сар, дээрээс нь үүр шөнийн зааг ид тачигнасан хүйтэнд хэдий давхар зузаан бээлийтэй ч таяг барьсан гарын хуруу хөшиж бээрээд, үзүүр нь хайрагдаад хөлдчих вий гэсэн айдас байн байн төрж байснаас аль чадахаараа хөдөлгөж, тас харанхуйд духны гэрлийнхээ л гэрэлтүүлэх хязгаарлагдмал орчинд урдах замаа харан, цуваагаар алхаж эхэллээ.</p><p>Асралт хайрхан хүрэх зам 2 өндөрлөгтэй, өндөр авах хэсэгтээ яангуяа байнгын салхитайгаас зам жим байхгүй, өмнөхөн яваад өнгөрсөн хүний мөр салхинд дорхноо л замхрах аж. Олуулаа явсан хэдээс бидний 3 хүн тасран, түрүүлээд алхаж байтал эхний өндрөө давахын яг өмнөхөн тэнгэрийн баруун хаяанаас зүүн рүү чиглэсэн зэрэгцээ багц тод гэрэл (од харвахаас арай тод) 10 орчим секундын турш үзэгдээд өнгөрөх нь тэр. Ойрхон явсан хэд нь хоорондоо юув, харав уу үзэв үү гэлдээд өнгөрснөөс зураг авч буулгаж амжсан хүн үгүй. Гайхах алмайрах зэрэгцэж, цаг мөч нь таарч ийм ховор үзэгдэл таарсанд олзуурхаж, зориод зориглоод гарсны маань шагнал ч юм шиг санагдаж баярласан даа (Сүүлд хайж үзэхнээ старлинк хиймэл дагуулын гэрлийн цуваа байх магадлалтай юм билээ).</p><figure><img alt="" src="https://cdn-images-1.medium.com/max/1024/1*z27g3jnLQmefagZzB4dNGg.jpeg" /><figcaption>Иймэрхүү, гэхдээ хэвтээ чиглэлтэй</figcaption></figure><p>Ууланд алхах нэг хэрэг, харин авирах гэдэг өөр аж. Тэр дундаа Монголдоо анх удаа “өндөр” ангиллын ууланд, ид өвлийн хүйтнээр авирах зуур юу бодож явснаа одоо нэхэн санах гэж оролдоно. Ихэнхидээ зөвхөн урдах замаа л харж явсан санагдах, дээшлэх тусам хөлөө эгц тавих боломжгүй болон өндөрсөж, диагональ мөр үүсгэн алхах зуур зүүнээс мандсан нар хүч нэмэх шиг болсных, нэг мэдэхэд л юу юугүй оргил дээр гараад ирэх нь тэр. Санаснаас тун тайван, тэгтлээ хөөрч догдолсонгүй, хийх ёстой зүйлээ л хийсэн мэт мэдрэмж … Овоо тойроод, утсаараа хэдхэн секундын бичлэг хийгээд, эргэн тойрноо хэсэг хараачилснаар буухаар хөдөллөө.</p><p>Уулчид оргилд гарснаа биш буцаж бууснаа амжилтад тооцдог гэх. Буух зам огцом, цасан хунгар гүнзгий, хөндийн салхи хөгжилтэй, илч муутай ч итгэлтэй төөнөх нар, хээрийн цай амттай.</p><p>Дахин бараалхнаа Асралт танаа</p><img src="https://medium.com/_/stat?event=post.clientViewed&referrerSource=full_rss&postId=9648241e5167" width="1" height="1" alt="">]]></content:encoded>
        </item>
        <item>
            <title><![CDATA[Тавхан үгэндээ танигдаад байхымаа]]></title>
            <link>https://medium.com/@odgerel0520/%D1%82%D0%B0%D0%B2%D1%85%D0%B0%D0%BD-%D2%AF%D0%B3%D1%8D%D0%BD%D0%B4%D1%8D%D1%8D-%D1%82%D0%B0%D0%BD%D0%B8%D0%B3%D0%B4%D0%B0%D0%B0%D0%B4-%D0%B1%D0%B0%D0%B9%D1%85%D1%8B%D0%BC%D0%B0%D0%B0-0fdac7fb34d3?source=rss-6e9b5df78277------2</link>
            <guid isPermaLink="false">https://medium.com/p/0fdac7fb34d3</guid>
            <dc:creator><![CDATA[Odgerel D]]></dc:creator>
            <pubDate>Mon, 09 Sep 2024 08:37:15 GMT</pubDate>
            <atom:updated>2026-07-18T11:52:32.015Z</atom:updated>
            <content:encoded><![CDATA[<p>Хэн нэгэнтэй гүнзгий, утга учиртай яриа өрнүүлэн цаг өнгөрөхийг үл анзааран суумаар аа. Хамгийн сүүлд тэгэж суухдаа 4 грушик пивоны ард гарчихсан байж билээ, маргааш нь шартах ядрах мэдрэмжгүй байж энэ тэр. Гэтэл тийм хүрээлэл, хүмүүс, хүн цагаа тулахаар санасныг бодоход тун ховор санж. Анзаарахнээ бичдэг хүмүүс л алив зүйлээс утга учрыг эрж хайж, өөрийгөө төнхөж амьдардаг миний нэрлэдгээр “гүний” улсууд юмсанж уу гэх бодол эргэлдээстэй. Миний хүмүүсийг ангилах ч яамай, хэнд ч хүртээлгүй хэдий ч би хүмүүсийг ийм линзээр харчихаад байдаг юм.</p><figure><img alt="" src="https://cdn-images-1.medium.com/max/885/1*sOKBWW2PB70a2PfQI3Gh3w.png" /></figure><p>Таван үгнээсээ танигдаад байнаа хө гээд дуу байдаг даа : ) Хүмүүс тухайн мөчдөө худал үнэн ярьсныгаа аргалчихлаа, болчихлоо гэж боддог байх. Үнэн өөрийн үнэртэй, яаж ч хучиж булаад нэмэргүйгээр мэдрэгдэх хэлбэр дүрстэй. Хүн ямар ч нөхцөлд, тохиолдолд үнэн худлыг үнэрлээд мэдчихдэг чадвартай “амьтан” гэдгийг санаж явахад гэмгүй дээ. Та л заримдаа энэ үнэний өмнө чихээ бөглөөд, нүдээ таглачихдагаас биш.</p><img src="https://medium.com/_/stat?event=post.clientViewed&referrerSource=full_rss&postId=0fdac7fb34d3" width="1" height="1" alt="">]]></content:encoded>
        </item>
        <item>
            <title><![CDATA[Дулаахан …]]></title>
            <link>https://medium.com/@odgerel0520/%D0%B4%D1%83%D0%BB%D0%B0%D0%B0%D1%85%D0%B0%D0%BD-aec659812477?source=rss-6e9b5df78277------2</link>
            <guid isPermaLink="false">https://medium.com/p/aec659812477</guid>
            <dc:creator><![CDATA[Odgerel D]]></dc:creator>
            <pubDate>Tue, 14 May 2024 02:20:41 GMT</pubDate>
            <atom:updated>2026-07-18T11:41:30.503Z</atom:updated>
            <content:encoded><![CDATA[<p>Дулаахан …</p><p>Хорвоо ертөнц дээрх хамгийн дотно сайхан мэдрэмжийг илэрхийлэх үг миний хувьд “дулаахан” юмуу даа. Хайр халамж мэдрэхдээ, эсвэл миний дотор бүрэлдэн, намайг дүүргэх тэр мэдрэмжийг илэрхийлэх үгийг хайхаар энэ үг л санаанд буудаг. Тэр бүрийд энэ дэлхийг тэр чигээр нь тэвэрмээр, бүхнийг хайрламаар, бүх зүйлд талархмаар, бусадтай хуваалцмаар, бас олон олон хүнд ийм мэдрэмжийг ерөөмөөр өө.</p><figure><img alt="" src="https://cdn-images-1.medium.com/max/800/1*HGJbjand82g-AtVBbJpNyg.jpeg" /></figure><p>Аа гэхдээ бас хажуугаар нь үүний дараа сэтгэлээр унах юм шиг, ингэж халгиж цалгиж байснаасаа ичих юм шиг мэдрэмж зүрх базлах нь сулхан боловч мэдрэгдэнэ. Биднийг багад уйлах хүүхдийн бөгс урд өдөр нь загатнана гэдэг алдарт үг байв аа : ) Одоо бодохоор ямар муухай харгис үгээр хүүхэд насны баяр хөөр, гэм хоргүй цайлган сэтгэл хөдлөл, инээд хөөрийг унтрааж байсан юм бэ та нар гэж асуумаар.</p><p>Хүн зүгээр л тэр чигээрээ мэдрэмжийн далай, бас үүнийхээ хохирогч нь. Та сайхан үгийг хүнд хэлэхээсээ, эсвэл уян зөөлөн сэтгэл хөдлөлтэй харагдахаасаа, яг юу мэдэрч байгаагаа илэрхийлэхээс ичдэг бол ямар нэг зүйл “буруу” байгаагийн илрэл шүү. Амьдарч, амьд яваадаа талархахын нэгэн зүйл бол бидний мэдрэмжийн олон өнгөнүүд, үүнийгээ анзаарч танихын баясал бас ухаарал.</p><img src="https://medium.com/_/stat?event=post.clientViewed&referrerSource=full_rss&postId=aec659812477" width="1" height="1" alt="">]]></content:encoded>
        </item>
        <item>
            <title><![CDATA[“Том” болж дээ, миний хүү]]></title>
            <link>https://medium.com/@odgerel0520/%D1%82%D0%BE%D0%BC-%D0%B1%D0%BE%D0%BB%D0%B6-%D0%B4%D1%8D%D1%8D-%D0%BC%D0%B8%D0%BD%D0%B8%D0%B9-%D1%85%D2%AF%D2%AF-3177a1e4a695?source=rss-6e9b5df78277------2</link>
            <guid isPermaLink="false">https://medium.com/p/3177a1e4a695</guid>
            <dc:creator><![CDATA[Odgerel D]]></dc:creator>
            <pubDate>Fri, 12 Apr 2024 03:21:14 GMT</pubDate>
            <atom:updated>2026-07-18T11:49:42.336Z</atom:updated>
            <content:encoded><![CDATA[<p>“Том” болж дээ, миний хүү</p><p>11 цагийн үед миний өнөөдрийн өглөө, өдөр, оройны хоол болох карритай будаа хийж идчихээд түүнийг юу хийж байгаа бол гэж бодов. Бодсон биш бодогдсон гэвэл зохино. Учир нь түүний талаарх бодол миний ямар нөхцөл, орчинд байгааг үл хайхран тэр бүү хэл анхаарлаа хэр чадлаараа л төвлөрүүлсэн бясалгалын үеэр, удаахантай нь хичээнгүйлэн үйлдэх талархлын үеэр ч зад дайраад ороод ирдэг болохоор. Энэ хорвоод хүн болж төрснийх талархах зүйл мундахгүй ч миний зуршил болгосон хэдэн зүйл байдаг, тэрийгээ наана цаана нь оруулан санааны цаанаас дуудахдаа заримдаа бодох хэрэг гардаг бол “тэр” тун дураараа.</p><p>Чи хүнийг сэтгэл шимшрэн санаж үзсэн үү? Хажуудаа байлгах хүсэл, дэргэдээ уях шуналын сэдлээр биш зүгээр л тэр хүн оршин байгаад талархаж, чин сэтгэлээсээ сайныг ерөөн, хүсэл мөрөөдлийг нь хуваалцан дэмжих, эрүүл эрч хүчтэй байгаасай гэсэндээ хоол, нойрыг нь асуун санаа тавих, харилцаандаа эмзэг сул талыг нь дайруулж өвтгөхгүйг хичээн тойрохдоо өөрийнхөө дотор ийм “том, хүчтэй, уудам” орон зай байгааг мэдрэхийн жаргалыг амсаж байв уу?</p><figure><img alt="" src="https://cdn-images-1.medium.com/max/1024/1*loe5Or1daHCCx2ANj3kd3Q.jpeg" /></figure><p>Хүнийг таньж мэдэх нь өөрийгөө танихын нэр аж. Хүнтэй харилцах харилцаанаасаа, өөрийнхөө мэдрэмж, хариу үйлдлээсээ би өөрийгөө таньж л явна. Юм ерөөсөө нэгээрээ байдаггүй, адилхан төлвөөр оршдоггүй, хувьсан өөрчлөгдөж байдаг. Зөвхөн сайн, сайхан, гоё, тайван, амгаланд шунаж омойтолгүй эсрэг талд нь ч энэ шинжүүд оршдогийг санаж, өөртөө сануулж сурч байгаа. “Том” болж л явна.</p><img src="https://medium.com/_/stat?event=post.clientViewed&referrerSource=full_rss&postId=3177a1e4a695" width="1" height="1" alt="">]]></content:encoded>
        </item>
        <item>
            <title><![CDATA[Хичээх, үргэлжлүүлэн хичээхийн тухайд]]></title>
            <link>https://medium.com/@odgerel0520/%D1%85%D0%B8%D1%87%D1%8D%D1%8D%D1%85-%D2%AF%D1%80%D0%B3%D1%8D%D0%BB%D0%B6%D0%BB%D2%AF%D2%AF%D0%BB%D1%8D%D0%BD-%D1%85%D0%B8%D1%87%D1%8D%D1%8D%D1%85%D0%B8%D0%B9%D0%BD-%D1%82%D1%83%D1%85%D0%B0%D0%B9%D0%B4-a09ab6e5a018?source=rss-6e9b5df78277------2</link>
            <guid isPermaLink="false">https://medium.com/p/a09ab6e5a018</guid>
            <dc:creator><![CDATA[Odgerel D]]></dc:creator>
            <pubDate>Thu, 11 Apr 2024 09:05:43 GMT</pubDate>
            <atom:updated>2026-07-18T12:00:06.264Z</atom:updated>
            <content:encoded><![CDATA[<p>Хичээх, үргэлжлүүлэн хичээхийн тухайд</p><p>Подкаст сонсож байтал, хүний эрүүл оршиход хүрээлэн буй орчны нөлөө 70 хувь байдаг гэж сонсоод бүүр гутрах шиг боллоо. Би алхдаг хэмнэлтэй хүн л дээ, яаж ажил амжуулдаг юм гэх улсууд бий ч болдог бас болгодог гэж би хариулдаг. Гэтэл энэ хавар ялангуяа, алхах маань шийтгэл шиг санагдаад байна. Тоос тортог, үнсэн саарал гудамж, гэнэт л өмнө тулгарах саад, шавхай шалбааг, яг эзгүй газар бэлчиж буй мэт хүмүүс гээд тоочвол дуусахгүй. Арай ч ийм байгаагүй санагдах …</p><figure><img alt="" src="https://cdn-images-1.medium.com/max/458/1*JaNfyU53wDDL9BTx6YIETQ.jpeg" /></figure><p>Хүүеээ найзаа ийм орчинд эрүүл амьдарчих гэж хоол унд, дасгал хөдөлгөөн гэж хичээгээд, болоогүй баахан нэмэлт витамин энэ тэрд олсон мөнгөө бараад яана вээ гэж өөртөө хэлж, уулзаж учрах найзууд танилууд бас адилхан л дор дороо үгээ барна. Бидний ихэнх маань байнгын ядарсан мэдрэмжтэй байгаа нь сэтгэл санаа тавгүй тухгүй байхаас, сэтгэлийн амгалан нь амьдралын чанараас, амьдралын хэмнэл нь чанартай унтаж амрахгүй байхаас, чанаргүй нойр нь агаар, орчны бохирдлоос шалтгаалж байх магадлалтай юу? Магадаар барах уу даа, тийм.</p><p>Гэтэл хөөрхий бид улирлын өөрчлөлтөд, ажлынхаа дарга хамтрагч нарт, унхиагүй хань ижилдээ, ямар нэг витамины дутагдлаас шалтгаан хайж, анхаарч амжиж байх шиг. Амьдралын чанар гэж ямар өргөн гүн утга агуулга болохыг, бидний одоогийн байдал хүн эрүүл аюулгүй амьдрах хамгийн үндсэн түвшингийн хаа ч хүрэхгүй байгаад хэн буруутай вэ?</p><img src="https://medium.com/_/stat?event=post.clientViewed&referrerSource=full_rss&postId=a09ab6e5a018" width="1" height="1" alt="">]]></content:encoded>
        </item>
        <item>
            <title><![CDATA[Дуугаа хураасан өдрүүд]]></title>
            <link>https://medium.com/@odgerel0520/%D0%B4%D1%83%D1%83%D0%B3%D0%B0%D0%B0-%D1%85%D1%83%D1%80%D0%B0%D0%B0%D1%81%D0%B0%D0%BD-%D3%A9%D0%B4%D1%80%D2%AF%D2%AF%D0%B4-c37389ec1d83?source=rss-6e9b5df78277------2</link>
            <guid isPermaLink="false">https://medium.com/p/c37389ec1d83</guid>
            <category><![CDATA[well-being-of-daily-life]]></category>
            <dc:creator><![CDATA[Odgerel D]]></dc:creator>
            <pubDate>Thu, 01 Feb 2024 04:03:35 GMT</pubDate>
            <atom:updated>2026-07-18T11:47:37.248Z</atom:updated>
            <content:encoded><![CDATA[<p>Дуугаа хураасан өдрүүд</p><p>Хүнд гомдсон, яримааргүй байсан, эсвэл зүгээр л ярих боломж гараагүй шалтгаануудын аль нь ч биш. Сайн дураараа 10 хоногийн дуугүй, випашяна бясалгалын хичээлд суугаад гарч ирсэн юмаа. Энэ бясалгалын талаар манайхан миний төсөөлснөөс хавь илүү мэдээлэлтэй, мэдлэгтэй байдгийг 40000 хүн хамрагдсан гэсэн статистикаас мэдсэн болохоор нарийн ширийн тайлбар хийхгүй, зөвхөн өөрийнхөө мэдрэмжийн талаар хуваалцья гэж бодлоо.</p><p>Хэдий дүрэм журамтай нь урьдчилж танилцаад, зөвшөөрөөд, ажил албаа зохицуулаад, бие сэтгэлийн бэлтгэлтэй ирсэн ч эхний хэдэн өдөр хүндхэн өнгөрсөн. Яагаад заавал өглөөний 4т босох хэрэгтэй гэж, хүмүүс нойрмоглоод манараад юун бясалгалтай манатай байхад, 1–2 цаг хөдөлгөөнгүй суусны дараа 5 хан минутын завсарлага арай ч дээ гэх ундууцалтай хамт хөл, нуруу өвдөх хөших нь өдөр өдрөөр багасч, нээрээ л хүн ямар их бодлын ачаанд дараастай явдгийг, хичнээн их сатаарал дунд амьдардгийг тэр дундаа өөртэйгээ байх хугацаа ямар хомс болчихсоныг голдоо ортол мэдэрсэн.</p><p>Эхний өдрүүдэд утсаа (бясалгалын эхэнд хураагаад авчихдаг) үгүйлэх, ямар нэг зүйлээс хоцроод байгаа мэт мэдрэмж, их чухал хэрэгтэй мөчид байхгүй байх вий гэх айдас, бүр гэрийнхэнд маань ямар нэг зүйл болчихсон байх вий гэх зовнил тасраагүй нь, бясалгалын туршид үе үе орж ирж байсан нь бас л нэг одоо цаг үеийн анхаарлаа хулгайлуулсан бодит үнэн байлаа.</p><figure><img alt="" src="https://cdn-images-1.medium.com/max/500/1*25t9zAMEhvztOJDzIZFHGg.jpeg" /></figure><p>Бясалгалын дундуур гэнэ гэнэт орж ирж буй бодлууд, дүрслэлүүд бас сонирхолтой, заримдаа цочмоор эвгүй байсан нь төсөөллөөс өөр байсан. Тэмдэглэл хөтлөхийг хориглодог нь тиймхэн, яг тэр үеийн мэдрэмжүүдээ бичиж амжсан бол гэсэн харуусал төрөөстэй.</p><p>Хэдий дуугаа хурааж, хоорондоо ярихгүй тэр бүү хэл дохио зангаагаар харилцаж, харц тулгарахгүй байх дүрэмтэй ч хүний “биеийн хэлэмж” байнга л өмнөөс нь “үг” хэлж байдаг гэдгийг ажигласан маань сонирхолтой байлаа. Чухам хамаг анхаарлаа бясалгалд зориулсан, байдаг чадлаараа эерэг гэгээн байгаа тэр орчинд ч гайхмаар сөрөг харц, хандлагууд харагдаж байсан ба энэ нь гайхаад ч байхаар зүйл биш, бас арав хоног бясалгалын хичээлд суулаа гээд л бүх зүйл сайн сайхан болчихгүй гэдэг үнэний нотолгоо юм даа.</p><p>Арав дахь өдөр бясалгалын хөтөлбөр дуусч, ярих зөвшөөрөл өгөхөд дор бүрнээ догдлон шаагилдсан хүмүүс, чи би гэлдэх шуугиан дунд яагаад ч юм энэ хүмүүс шиг хөөрч чадахгүй байгаа өөртөө баяр хүргэлээ. Утсаа нээхэд минь ирсэн байсан мессэжүүдэд “тэврүүлэн”, нүүр дүүрэн инээмсэглэсээр “сорилгоо” өндөрлүүлэн гэрийн зүг явж байхдаа ойрд мэдрээгүй амгалан бүхий л бие, сэтгэлээр дүүрч байгаад чин сэтгэлээсээ талархсан билээ.</p><img src="https://medium.com/_/stat?event=post.clientViewed&referrerSource=full_rss&postId=c37389ec1d83" width="1" height="1" alt="">]]></content:encoded>
        </item>
        <item>
            <title><![CDATA[Бичих тухайд]]></title>
            <link>https://medium.com/@odgerel0520/%D0%B1%D0%B8%D1%87%D0%B8%D1%85-%D1%82%D1%83%D1%85%D0%B0%D0%B9%D0%B4-2ad7e3e9236f?source=rss-6e9b5df78277------2</link>
            <guid isPermaLink="false">https://medium.com/p/2ad7e3e9236f</guid>
            <dc:creator><![CDATA[Odgerel D]]></dc:creator>
            <pubDate>Mon, 08 Jan 2024 07:04:25 GMT</pubDate>
            <atom:updated>2026-07-18T11:46:03.022Z</atom:updated>
            <content:encoded><![CDATA[<p>Бичвэрээр хуваалцах санаанууд гол төлөв ямар нэг зүйл эсвэл хүмүүсийн тухай шүүмж болчих гээд байгаа юм шиг санагдаад өөртөө амласан тогтмол (сард 2 удаа) бичих зорилгодоо хүрч чадахнуу гэсэн эргэлзээ аль хэдийн төрчихсөн л явна. Бичих миний хувьд юусан билээ? Хэнд зориулж бичдэг вэ? Хүмүүст эсвэл өөртөө? Бичихдээ хангалттай шударга байж чаддаг уу? Хүмүүст таалагдах хүсэл байдаг уу? Нийгмийн хэвшсэн ойлголтод хэр хашигддаг вэ? Бусдаас будаа идэх хүсэл төрж байх юмуу?</p><p>Хүмүүс шинэ оны зорилго, зорилтоо халуурчихсан үзүүлээд өгнө гэсэн бяр, хүсэл эрчээ авчихсан яваа оны эхний сар миний хувьд амсхийх үе тохиож байгаа ба карьер төлөвлөлт, өөрийнхөө хүсэл мөрөөдлийг яг бодитой, ул суурьтай, жинхэнээр нь өөрөөсөө сонсох гэж хичээж байгаа билээ.</p><figure><img alt="" src="https://cdn-images-1.medium.com/max/1024/1*5xCyaw4gEWz9CtXEmhXaVQ.jpeg" /></figure><p>Бичих миний хувьд бодлоо цэгцлэх, өөрийгөө сонсох, өөрийгөө шинээр нээх, тасралтгүй суралцах зам мөр юм.</p><img src="https://medium.com/_/stat?event=post.clientViewed&referrerSource=full_rss&postId=2ad7e3e9236f" width="1" height="1" alt="">]]></content:encoded>
        </item>
        <item>
            <title><![CDATA[Бидний бие хогийн сав гэж үү?]]></title>
            <link>https://medium.com/@odgerel0520/%D0%B1%D0%B8%D0%B4%D0%BD%D0%B8%D0%B9-%D0%B1%D0%B8%D0%B5-%D1%85%D0%BE%D0%B3%D0%B8%D0%B9%D0%BD-%D1%81%D0%B0%D0%B2-%D0%B3%D1%8D%D0%B6-%D2%AF%D2%AF-17a9633a0efa?source=rss-6e9b5df78277------2</link>
            <guid isPermaLink="false">https://medium.com/p/17a9633a0efa</guid>
            <dc:creator><![CDATA[Odgerel D]]></dc:creator>
            <pubDate>Thu, 01 Jul 2021 08:02:12 GMT</pubDate>
            <atom:updated>2026-07-18T11:43:53.937Z</atom:updated>
            <content:encoded><![CDATA[<p>Бидний бие хогийн сав гэж үү?</p><p>Элэг, бөөр, ходоод гэдэс, арьс, хуйх, бүр эд эсийн түвшинд цэвэрлэнэ, хоргүйжүүлнэ гэсэн бүтээгдэхүүн, үйлчилгээний зарыг та өдөр тутамдаа л хардаг байх. Нэг эмэгтэй танил маань бүр “Бидний үтрээ шаар шавхруу, ОО-ын цаас гэх мэт бохирдлоор дүүрэн байдаг” гээд үрэл билүү бэлдмэл ч билүү нэг бүтээгдэхүүн зарах гэж оролдож байсан гээд бодохоор бид өөрийн биемахбодио таньж, ойлгох, тордох тэтгэх талаар тунчиг ядмагхан улс болохыг гэрчлээд байх шиг.</p><p>Бид яагаад өөрсдийнхөө биеийг хогийн тантан мэтээр төсөөлж, байнга л цэвэрлэнэ, угаана, хоргүйжүүлнэ, эрүүлжүүлнэ гэсэн бүхний эрэлд хатаж, болсон болоогүй хэрэглэж, үр дүн гарч байгаа үгүйг нь ч ялгаж ойлголгүй бэдэрч явдаг юм болоо. Нэг танилаасаа энэ асуултыг асуутал аргагүй шд, үнэхээр л гахай нохой шиг идэж ууж байгаам чинь гэж хээвнэг хариулсан сан. Тэгэхээр бидний энэ хүслийн цаана буруу амьдралын хэв маяг, ам руугаа оруулж байгаа хоол хүнсний найрлага, зохимж, таашааж мэдэрч хүртэх нь ч нэг л биш, буруу гэдэг далд ухамсар ажиллаж байдаг, яаж ийгээд эм тан, тариа ногоо, юухан хээхнээр залруулчих гээд л баталгаагүй бүтээгдэхүүний маркетингийн золиос болж явдаг байх нь.</p><figure><img alt="" src="https://cdn-images-1.medium.com/max/590/1*AI_0ddwZz6Fv4HXytP5-nA.jpeg" /></figure><p>Хүний бие өөрийгөө эрүүлжүүлжүүлэх чадваргүй, дархлаа гээч гайхалтай тогтолцоо ажилладаггүй, өдрөөс өдөрт доройтож, муудаж бохирдож байдаг гэдэг итгэл үнэмшилтэй бол та биеэ хүндлэхгүй байна. Байгалиараа өтлөх, насжих, биеийн чалх буурах талаар энд яриагүй гэдгийг та ойлгосон байхаа. Учраа ололцоно гэж ярьдаг даа, хамгийн түрүүнд биенийхээ л учрыг олмоор. Ойлгож, хайрламаар</p><img src="https://medium.com/_/stat?event=post.clientViewed&referrerSource=full_rss&postId=17a9633a0efa" width="1" height="1" alt="">]]></content:encoded>
        </item>
        <item>
            <title><![CDATA[Салхи гараасай …
Сургууль руугаа явах замдаа амаа дарсан ороолтны цаанаас угаар үнэртэхэд жаал…]]></title>
            <link>https://medium.com/@odgerel0520/%D1%81%D0%B0%D0%BB%D1%85%D0%B8-%D0%B3%D0%B0%D1%80%D0%B0%D0%B0%D1%81%D0%B0%D0%B9-%D1%81%D1%83%D1%80%D0%B3%D1%83%D1%83%D0%BB%D1%8C-%D1%80%D1%83%D1%83%D0%B3%D0%B0%D0%B0-%D1%8F%D0%B2%D0%B0%D1%85-%D0%B7%D0%B0%D0%BC%D0%B4%D0%B0%D0%B0-%D0%B0%D0%BC%D0%B0%D0%B0-%D0%B4%D0%B0%D1%80%D1%81%D0%B0%D0%BD-%D0%BE%D1%80%D0%BE%D0%BE%D0%BB%D1%82%D0%BD%D1%8B-%D1%86%D0%B0%D0%B0%D0%BD%D0%B0%D0%B0%D1%81-%D1%83%D0%B3%D0%B0%D0%B0%D1%80-%D2%AF%D0%BD%D1%8D%D1%80%D1%82%D1%8D%D1%85%D1%8D%D0%B4-%D0%B6%D0%B0%D0%B0%D0%BB-a27d25ea892?source=rss-6e9b5df78277------2</link>
            <guid isPermaLink="false">https://medium.com/p/a27d25ea892</guid>
            <dc:creator><![CDATA[Odgerel D]]></dc:creator>
            <pubDate>Mon, 18 Feb 2019 12:31:49 GMT</pubDate>
            <atom:updated>2026-07-18T12:06:21.817Z</atom:updated>
            <content:encoded><![CDATA[<p>Салхи гараасай …<br>Сургууль руугаа явах замдаа амаа дарсан ороолтны цаанаас угаар үнэртэхэд жаал “охин” ийн бодно</p><p>Салхи гараасай …<br>Гадаах пингээс нүүрс шуудайлангаа, цаана үлдсэн нь хэд хоногтоо хүрэхийг барижаалан санаа алдангаа “ээж” ийн үглэнэ</p><p>Салхи гараасай …<br>Өдөржин халтуур хийгээд харих замдаа өмнөх машины гэрэл сүүтэлзэхийг харангаа “аав” ийн бодно</p><p>Салхи гараасай …<br>Утаанд хоолой хорсон ханиалгах зуур үеэ өнгөрөөж яваа би ч яахав, энэ муусайн хүүхэд хэмээн “өвөө” халаглана</p><p>Салхи гараасай … Түр ч болов утааны шийдэл, арга хэмжээ нэхэх хүмүүс, хэвлэл мэдээний шүүмж хэсэг дарагдах байх даа гэж “улс төрч” ах ханцуйндаа залбирна</p><p>Өөр найдвар, шийдвэр, хүлээлт, горьдлого юу ч үлдээгүй … Салхи л гараасай … Улаанбаатарын утаанд бид иймэрхүү л аж төрнөм</p><img src="https://medium.com/_/stat?event=post.clientViewed&referrerSource=full_rss&postId=a27d25ea892" width="1" height="1" alt="">]]></content:encoded>
        </item>
    </channel>
</rss>