<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by 呀琦 on Medium]]></title>
        <description><![CDATA[Stories by 呀琦 on Medium]]></description>
        <link>https://medium.com/@peggyx2005?source=rss-5bf7aabc85f1------2</link>
        <image>
            <url>https://cdn-images-1.medium.com/fit/c/150/150/0*3HjKUVQkrr-ETzL3</url>
            <title>Stories by 呀琦 on Medium</title>
            <link>https://medium.com/@peggyx2005?source=rss-5bf7aabc85f1------2</link>
        </image>
        <generator>Medium</generator>
        <lastBuildDate>Sun, 22 Nov 2026 05:45:29 GMT</lastBuildDate>
        <atom:link href="https://medium.com/@peggyx2005/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[創新總要有夥伴同行]]></title>
            <link>https://medium.com/innopower-jc-fellowship-for-teachers-2017/%E5%89%B5%E6%96%B0%E7%B8%BD%E8%A6%81%E6%9C%89%E5%A4%A5%E4%BC%B4%E5%90%8C%E8%A1%8C-de93a26fb73b?source=rss-5bf7aabc85f1------2</link>
            <guid isPermaLink="false">https://medium.com/p/de93a26fb73b</guid>
            <category><![CDATA[innopower6th]]></category>
            <dc:creator><![CDATA[呀琦]]></dc:creator>
            <pubDate>Sun, 29 May 2022 18:22:30 GMT</pubDate>
            <atom:updated>2022-06-29T05:36:03.805Z</atom:updated>
            <content:encoded><![CDATA[<p>每次我寫Medium都係有感而發，記下自己的心路歷程</p><p>這個星期大概是目前最迷惘的一個星期，星期一時我實在無法找到學生的痛點，感覺尚未能掌握校園內較被動的學習者的資訊，手上訪問過的學生寥若晨星。我對Marco坦言，「我真係無辦法專注喺參觀學校上……感覺自己咩都揾唔到。」Marco鼓勵同提示我可以再找多一點學生問，於是我鼓起勇氣找高小的同事給我建議。謝謝你，Marco :)</p><p>想不到同事們毫不猶豫地願意提供該類學生家長的聯絡電話給我，該天下課我便立刻致電家長們，約學生見面；意想不到的是，家長們十分爽快地答應幫忙，並讓孩子接受訪問。謝謝同事和家長們！</p><p>雖說約好了學生們，但在星期二參觀學校是，還是心不在焉，擔心訪問學生後還是找不到任何痛點，只能找到他們的感受。我將我的糾結與Ada分享，她讓我不要太執着於整合Personas，指導我試試找出能幫助學生放下打電玩有用的念頭，重拾對學習的熱情。Ada問：「你喜歡這所學校的BEST programme嗎？」我雙眼發亮看着Ada說：「我很喜歡！」Ada續後更鼓勵我：「呀琦，你做到架！」謝謝Ada，雖然看似好簡單嘅一句鼓勵說話，已經為我打左枝強心針。</p><p>這星期的晚上共約了六個學生進行網上會談。有些學生會問：老師，訪問完未架；亦聽得出有些學生不耐煩的語調。接收到學生的負面情緒，我會說：「辛苦你啦，謝謝你幫我完成這次的功課。」然後送一款他喜歡的零食作回禮吧（雖然不太健康haha）</p><p>謝謝這些學生解答了我心底的疑問：是甚麼讓他們選擇不投入課堂、不完成功課/草草完成功課、討厭考試、遇到困難時不在課堂上向老師提問呢？看着這批學生就像看到當年高中的自己，放棄學習，覺得找不到任何成就感。我期望我能盡最大努力幫助他們享受學習，重拾對知識的渴求和好奇心。</p><figure><img alt="" src="https://cdn-images-1.medium.com/max/1024/1*eRTHQBSRNG4qTIyona3Kkg.jpeg" /><figcaption>不論是願意參與課堂的學生，還是不願投入課堂的學生，他們的需要都十分相似：希望學習是可以有得揀、有得郁、多活動、有趣味，學習環境空間大。</figcaption></figure><p>根據學生們所述，其中一位Fellows 呀寶同我一齊整合左學生們的痛點：就係欠自由、欠自信、欠好玩、欠空間。如果能夠滿足學生這些需要，設計多元好玩的學習活動，便能夠提升他們在學習的成就感，繼而提升他們的自信心，讓他們享受學習。謝謝你呀寶！</p><p>當然也少不了各位Fellows的支持，讓我努力不懈的走下去，謝謝咁多位！</p><p>現在最期望我能與同事們分享學生的故事，打動他們願意和我一起攜手創新！</p><p>這星期兩天參觀學校後，我寫下了以下的思考問題：（抱歉字體不太秀麗 :P）</p><figure><img alt="" src="https://cdn-images-1.medium.com/max/1024/1*T8CDidEE6BCWpYLh7roVoA.png" /></figure><p>參觀過兩所學校，聖文德天主教小學、何明華會督中學，亦聽過Frum分享有關Science of Learning，同自己喺網上少少嘅research，對上述問題得出以下嘅答案：</p><ol><li>學習拆分成「學」與「習」，簡而言之，「學」是透過各種形式學習新知識；而「習」則是應用知識，不斷反覆訓練及實踐的過程。</li><li>當我們學習時，大腦是會不斷將新吸收的知識與現存的舊有知識比對，並融合，成為新知；生活的每分每秒（工作、待人接物、接觸新事物、面對不同情境……），我們均在學習，只要明白學習的意義，不單是追求知識，也要實踐知識，生活絕對和學習密不可分。</li><li>夢想，是朝着令自己開心的生活勇往直前。</li><li>學習之所以被定義為無用，是因為學習者不懂如何應用及實踐。求生是人的天性，所以我們需要透過探索與模仿來學習（在母胎內第二個月，胚胎已經開始學習）；更高階的知識學習則由教學者引導，提升學習者的學習興趣及好奇心，鑽研更深層的知識，達至自我實現。</li><li>如果我地讓學生明白不斷練習的意義，相信學生會願意參與；當然我們亦可以讓學生們對課程目標加深了解，加入更多可以visualize到學生嘅Goals嘅元素喺練習當中。</li><li>分數其實喺現行制度下，很難與學習完全抽離。期望學生明白到分數的出現不是讓他們在「不及格」或「低分」時否定自己，只是讓老師明白學生對該些課題能否掌握的參考。</li><li>子曰：「學而時習之，不亦說乎？」 子曰：「温故而知新，可以為師矣。」</li></ol><blockquote>最後更要感謝兩位一路以嚟同我前行嘅Buddies，呀天同呀珊。即使工作再忙，都願意抽空同我喺Weekend進行Ideation，期待同你地一齊開闢呢條創新之路。請你地繼續多多指教！謝謝你地。</blockquote><img src="https://medium.com/_/stat?event=post.clientViewed&referrerSource=full_rss&postId=de93a26fb73b" width="1" height="1" alt=""><hr><p><a href="https://medium.com/innopower-jc-fellowship-for-teachers-2017/%E5%89%B5%E6%96%B0%E7%B8%BD%E8%A6%81%E6%9C%89%E5%A4%A5%E4%BC%B4%E5%90%8C%E8%A1%8C-de93a26fb73b">創新總要有夥伴同行</a> was originally published in <a href="https://medium.com/innopower-jc-fellowship-for-teachers-2017">JC InnoPower: Fellowship for Teachers</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[巷中送暖]]></title>
            <link>https://medium.com/innopower-jc-fellowship-for-teachers-2017/%E5%B7%B7%E4%B8%AD%E9%80%81%E6%9A%96-74c43be26d6f?source=rss-5bf7aabc85f1------2</link>
            <guid isPermaLink="false">https://medium.com/p/74c43be26d6f</guid>
            <category><![CDATA[innopower6th]]></category>
            <dc:creator><![CDATA[呀琦]]></dc:creator>
            <pubDate>Sun, 22 May 2022 18:41:46 GMT</pubDate>
            <atom:updated>2022-06-29T05:34:06.473Z</atom:updated>
            <content:encoded><![CDATA[<h3>後巷的温暖</h3><p>影隨的一天（窗後巷店長：呀Wan）</p><p>呢個係一個俾香港人促膝長談嘅空間，每一件貨品都係由香港人一手一腳去打做；去到小店，店長呀Wan（店員）非常健談，同我分享佢嘅人生，佢以前係一名marketing assistant manager、又做過旅遊版嘅記者。我入到小店，話：「陣間我幫襯下先！」</p><p>「我地從來都唔會sell人買嘢」，然後佢問我飲唔飲水，我有同佢講唔洗咁客氣。接住佢切左一碗檸檬同斟左杯水俾我，喺我面前一路享用住自己嘅午餐，一路同我傾計。「我地今晚有個讀書會，歡迎你嚟呀！」呀~ 可惜，我約左朋友。</p><p>店長同我一一介紹貨品、晚間活動、小店軼事，全部都由香港人甚至灣仔街坊去整或者籌辦。「有時我地唔洗番工，但都會嚟呢度，一齊食晚飯、飲酒。」</p><p>店長話小店去洗手間都麻煩，通常會叫客人幫忙睇住</p><p>而今日我都看左兩次舖。開舖無耐，有位男士嚟左，佢話自己叫呀Sam，佢放低左份奶醬多，同店長寒暄幾句就離開左。</p><p>店長：「佢係MM嘅呀Sam呀，你唔認得咩？」<br>我：「吓？完全認唔到！」</p><p>Wan食完lunch，問我鍾唔鍾意飲酒，我話好鍾意呀。接住又好客咁斟左杯清酒俾我。</p><p>呀Wan，因為唔鍾意面對社會上複雜嘅人事、功利同只有錢嘅一面，佢選擇跳番出嚟，讓自己有空間喘息，作一年gap year。</p><p>我問佢接住落嚟會做d咩，佢話未諗到。<br>我：「有無諗過可以做一個為教育同社褔機構撰文嘅記者？」<br>佢表示要顧慮家庭嘅經濟，同時間要揾到一份無硬生生嘅規矩、盡可能避免面對社會陰暗面嘅工作，相當困難。</p><p>一整天客流量唔多，有d人會駐足影幅相，或者企喺舖外望一望，由十二點到六點，幫襯嘅人只有兩個，計埋我有三個，一個入嚟買左包碧根果，一個入嚟拎番佢網上訂左嘅遮。店長會好熱情咁同經過嘅人打招呼，呢間舖都讓人同人之間嘅距離拉近左。</p><p>我：「你地好正，拉近左社區同香港人與人間嘅距離，喺呢度我感受到喺香港漸漸消退嘅人情味。」<br>店長：「其實唔係架，只要你願意做先打招呼果個，自然而然，人地都會感受到你嘅熱情，回應番你！」</p><p>有位叔叔入嚟問：「有無咖啡賣呀？」，店長笑指：「隔離先係呀。」</p><p>店長問我鍾唔鍾意飲咖啡，我話我好鍾意。然後佢拎左個杯俾我，叫我拎埋個杯去買杯飲，「平d呀。」</p><p>窗後巷附近有一間叫Arista Perfetto嘅咖啡店，係由原在台灣開咖啡店嘅港人經營，喺台灣以拉花技巧聞名，特意回流在港開店。</p><p>買完坐低，我飲住杯咖啡，繼續問：「咁樣坐喺度一日，唔會好悶咩？」<br>店長：「唔會呀，我好鍾意睇書，唔洗番工我都會去香港唔同地方睇書。我都拎左枝ukulele嚟，可以彈。」</p><p>七分一書店、建山書局、界限書店、獵人書店……，店長同我滔滔不絕咁介紹佢會去嘅書店，「支持下本土嘅書店呀！」</p><p>一路傾，佢又請我再飲多杯，仲同我分享今朝Sam買嚟嘅奶醬多</p><p>我：「你有無諗過環遊世界可以做自己夢想？」Wan：「我會去我支持佢理念嘅地方。」Wan同我分享左佢去西非、摩洛哥嘅故事，一個人揹住背囊喺當地游走，遇到當地人邀請自己到佢屋企，食飯，體驗當地人生活（去佢地嘅澡堂），借宿一宵（分開男同女休息）。</p><p>我：「你唔怕危險咩？」<br>Wan：「頭一日去到都好怕架，d人會由頭至腳打量我，尤其街上面幾乎只有男性。但後來發現佢地多數只係對作為亞洲人嘅我好奇。」</p><p>Wan同我分享左好多本佢鍾意嘅書，自己生活嘅點滴。及後提到，自己都鍾意番工，話店主呀謙成日講話揾到呢班店長真係好好彩（店長會輪流當值，佢地各有嗜好，有時會搞讀書會、電影分享、畫室；有時就係街坊可以搞活動/盡展一技之長（修眉、塔羅、音樂表演）其他店長有d係大學生，有讀社會科學、有讀人類學）</p><p>Wan話其實係呀謙（盧樂謙（其中一名店主））對我地好，好照顧我地，所以我地都好鍾意呢間舖。呀謙想呢度嘅招牌24/7亮着，即使夜深都想為街坊照明、添暖。</p><img src="https://medium.com/_/stat?event=post.clientViewed&referrerSource=full_rss&postId=74c43be26d6f" width="1" height="1" alt=""><hr><p><a href="https://medium.com/innopower-jc-fellowship-for-teachers-2017/%E5%B7%B7%E4%B8%AD%E9%80%81%E6%9A%96-74c43be26d6f">巷中送暖</a> was originally published in <a href="https://medium.com/innopower-jc-fellowship-for-teachers-2017">JC InnoPower: Fellowship for Teachers</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[尊重，不止於人與人之日]]></title>
            <link>https://medium.com/innopower-jc-fellowship-for-teachers-2017/%E5%B0%8A%E9%87%8D-%E4%B8%8D%E6%AD%A2%E6%96%BC%E4%BA%BA%E8%88%87%E4%BA%BA%E4%B9%8B%E6%97%A5-67e540a8145?source=rss-5bf7aabc85f1------2</link>
            <guid isPermaLink="false">https://medium.com/p/67e540a8145</guid>
            <category><![CDATA[innopower6th]]></category>
            <dc:creator><![CDATA[呀琦]]></dc:creator>
            <pubDate>Thu, 05 May 2022 03:39:34 GMT</pubDate>
            <atom:updated>2022-05-06T02:20:06.540Z</atom:updated>
            <content:encoded><![CDATA[<h3>尊重，不止於人與人之間</h3><p>以前，學校𥚃面開一場會議，俾人ban idea，我就會唔再發表意見，然後唔開心好耐，因為意見不被接納，就好似「失敗」左咁。因為小時候嘅經歷，我對「成功」同「失敗」睇得好重。</p><p>嚟到Innopower，第一個星期就偏偏係我最怕嘅要喺一群人面前講嘢、發聲，唯有懷住緊張嘅心情，戰戰競競咁喺人前present自己嘅想法，希望「成功」啦……原來我發表嘅意見，係有人願意聽，呢個空間容許我地互相交流意見。</p><p>我係一個好聽話嘅學生，總係喜歡問，對同錯、是與非、可以同不可以。記得Ada成日同我地講，喺呢度，咩都可以，漸漸我將呢種只有是與非嘅單向思維放低。</p><p>就係咁，我嘗試為克服人生𥚃面其中一樣好驚嘅嘢，public speaking，踏出第一步；我發現原來有效同舒適嘅溝通或表達，重要嘅係講者同聽者互相尊重，抱持開放嘅態度聆聽意見，再作合適嘅回饋。</p><p>返到班房嘅時候，期望能同學生們進行學術同非學術嘅交流，建立一個不需分高低嘅教室，每個學生都有自己嘅發言權。</p><p>第一個星期睇到唔同學校嘅教學、評核模式，會諗有無邊間嘅係做得最好嘅呢？但其實創新就係無得比較，喺Dr. Po Chi Wu所寫嘅Agile Innovation𥚃面就提到 “The key characteristic of genuine Innovation is the intent to avoid copying anyone else Innovation process. You’ve already failed if you imitated somebody.” (Po, 2014)</p><p>所以除左學生所學嘅係tailor made，創新同樣可以tailor made。只要同你出發點相互呼應，回應到情境嘅需求，果個就係合適嘅創新。</p><p>體驗式嘅學習拓闊左我嘅眼界，每一個活動之後，我地都會運用一段時間分享各自嘅感悟。無需要刻意設立一個主題，因為學生嘅經歷、背景，都影響住佢地觀看同感覺每件事物同接收知識嘅角度，透過各自分享，學生可以從其他人嘅角度學習更多，共同反思學習經歷。呢種學習模式嘅得着，同埋印象深刻嘅程度、對學生嘅影響，遠遠大於陳腔濫調同古版嘅書本、chalk and talk。</p><p>雖說本地教育體制之下，唔能夠一時三刻推行一個全面嘅學習模式大改革，又或者體驗式學習亦未必能夠回應所有學童嘅需要。</p><p>但自呀Bird嘅分享，creativity loves constraints呢句就響切耳邊。呢幾日，高空繩網、team building、觀鳥、本地農業生態、參觀生活書院嘅體會。</p><p>喺大自然𥚃面，人同動植物共享住同一個空間，當我地靜落嚟，放大自己嘅五感，就會發現人同自然嘅關係原來係咁近，平日懼怕（昆蟲）或者討厭（炙熱的陽光）嘅大自然嘅一分子，原來都有佢值得欣賞嘅奧妙之處，而喺面臨令人生畏嘅黑暗嘅時候，陽光温柔嘅一面。所以人同大自然之間其實都需要互相尊重同欣賞。</p><p>呢一d嘅體會，啟發我可以嘗試從一d活動日着手，讓學生有機會體會同吸收更多不止於書本嘅知識同學習人生嘅價值觀。</p><p>接下來就會接觸新科技，期待拓闊視野，再有新嘅體會。</p><img src="https://medium.com/_/stat?event=post.clientViewed&referrerSource=full_rss&postId=67e540a8145" width="1" height="1" alt=""><hr><p><a href="https://medium.com/innopower-jc-fellowship-for-teachers-2017/%E5%B0%8A%E9%87%8D-%E4%B8%8D%E6%AD%A2%E6%96%BC%E4%BA%BA%E8%88%87%E4%BA%BA%E4%B9%8B%E6%97%A5-67e540a8145">尊重，不止於人與人之日</a> was originally published in <a href="https://medium.com/innopower-jc-fellowship-for-teachers-2017">JC InnoPower: Fellowship for Teachers</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[人生故事嘅共振 將我地連埋一齊]]></title>
            <link>https://medium.com/innopower-jc-fellowship-for-teachers-2017/%E4%BA%BA%E7%94%9F%E6%95%85%E4%BA%8B%E5%98%85%E5%85%B1%E6%8C%AF-%E5%B0%87%E6%88%91%E5%9C%B0%E9%80%A3%E5%9F%8B%E4%B8%80%E9%BD%8A-7cf9134f7b84?source=rss-5bf7aabc85f1------2</link>
            <guid isPermaLink="false">https://medium.com/p/7cf9134f7b84</guid>
            <category><![CDATA[innopower6th]]></category>
            <dc:creator><![CDATA[呀琦]]></dc:creator>
            <pubDate>Thu, 28 Apr 2022 03:37:47 GMT</pubDate>
            <atom:updated>2022-04-28T04:24:12.194Z</atom:updated>
            <content:encoded><![CDATA[<h3>人生故事嘅共振 將我哋連埋一齊</h3><p>喺呢幾日嘅交流，我發現原來我哋嘅故事都有好多共通點，令到我哋今日匯聚埋一齊，互勵互勉，戰友們fighting :P</p><p>以下係我係呢幾日反思到嘅得着～</p><p>喺教學生嘅時候其實可以嘗試：<br>1. 訂定教學主題，設計多元嘅學習方式，評估學習者在進行活動前嘅態度或者對學習方式嘅接受程度，適度調節課程，教學結束後，共同反思好重要，要預留足夠時間俾學生分享所學/領會，先能夠評估學生到底有無吸收到相關主題嘅內容，同埋讓老師知道學生是否明白學習活動嘅意義。欠缺學習動機好大成因就係學生唔明白學習背後嘅意義。</p><p>2. 容許學生「犯錯」，唔需要事事分啱或者錯。我哋如果將對 vs 錯，改為嘗試一次 vs 繼續嘗試直至達到原訂目標，就會知道點樣搵到適合自己學習該項知識或者達到或超越目標嘅方法。最重要係享受過程，擁抱「尚未完成」嘅狀況，相信終能完成。呢個就係老師要帶畀學生知嘅訊息，係陪伴佢哋行呢條路，而唔係每步都扶起佢、扶實佢甚或揹住佢行。</p><p>呢個星期所體會到嘅係原來學習係可以短短幾日之內以咁多種形式呈現，短短三日已經好似過左一星期咁。呢啲表面看似只係遊戲或者活動，包括：介紹自己嘅熱情、興趣、放鬆自己、迎接挑戰、團隊合作、聽分享會，聽落係簡單嘅內容，但原來呢度嘅每一個活動都係學習嘅流程，同各個 fellows、亦師亦友嘅 Ednovators 嘅每一位討論、傾計，都可以係一個學習過程，咁多位fellows 無論喺性格、喜好、甚至係對創新嘅見解、理解都截然不同，閱歷多啲嘅fellows會分享好多寶貴經驗或者感到無力嘅位置畀閱歷較淺嘅 fellows 聽，經驗淺嘅 fellows 可能會憑空諗一啲方案講畀對方聽作交流；而當經驗尚淺嘅 fellows 分享嘅時候，前輩們亦可以提供到一啲解答同回應畀對方。</p><p>唔敢話呢啲學習活動適唔適合我哋每一位，但好肯定嘅係每一個活動都畀到新嘅體會、領悟畀我哋每一位，而我哋喺裏面每一瞬間學到或者接收到嘅都唔同。就係因為咁唔同，就更見知識分享嘅需要，咁就可以建立一個 shared database，讓每一位 fellows 都可以 maximize 所學。亦更見溝通喺學習上嘅重要性，雙向嘅溝通（師生、生生、師師）先能夠促進有效嘅學習。點解我要教學生所學，學生亦會問我地點解要學我哋所教，點解唔可以只係學佢哋想知、佢哋想學嘅？呢條問題呢幾日都不斷浮現喺我腦海 ⋯⋯ 大家覺得呢？</p><p>好奇妙地睇到我哋只係三日就已經可以好有凝聚力，我諗而家我哋就係喺InnoPower 呢個自由嘅學習環境裏面讓自己蛻變成具備廿一世紀技能/共通能力嘅人，從而感染同教學生點樣裝備自己。</p><p>我期待接住落嚟體驗到有更多樣化同創新嘅學習方式，同埋希望可以慢慢透過拓闊眼界同人際網絡，揾到一個清晰嘅方向，思考如何教育創新。除此之外，我都想繼續鼓勵自己多啲發言，同有多啲機會學習點樣清晰表達同組織自己所想。</p><img src="https://medium.com/_/stat?event=post.clientViewed&referrerSource=full_rss&postId=7cf9134f7b84" width="1" height="1" alt=""><hr><p><a href="https://medium.com/innopower-jc-fellowship-for-teachers-2017/%E4%BA%BA%E7%94%9F%E6%95%85%E4%BA%8B%E5%98%85%E5%85%B1%E6%8C%AF-%E5%B0%87%E6%88%91%E5%9C%B0%E9%80%A3%E5%9F%8B%E4%B8%80%E9%BD%8A-7cf9134f7b84">人生故事嘅共振 將我地連埋一齊</a> was originally published in <a href="https://medium.com/innopower-jc-fellowship-for-teachers-2017">JC InnoPower: Fellowship for Teachers</a> on Medium, where people are continuing the conversation by highlighting and responding to this story.</p>]]></content:encoded>
        </item>
    </channel>
</rss>