<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Ninjjbadgar Purev on Medium]]></title>
        <description><![CDATA[Stories by Ninjjbadgar Purev on Medium]]></description>
        <link>https://medium.com/@purevninjbadgar?source=rss-d8e65eec9c61------2</link>
        <image>
            <url>https://cdn-images-1.medium.com/fit/c/150/150/1*yXgm1VuqZFryDjVvdW9lUw.jpeg</url>
            <title>Stories by Ninjjbadgar Purev on Medium</title>
            <link>https://medium.com/@purevninjbadgar?source=rss-d8e65eec9c61------2</link>
        </image>
        <generator>Medium</generator>
        <lastBuildDate>Wed, 18 Nov 2026 01:11:54 GMT</lastBuildDate>
        <atom:link href="https://medium.com/@purevninjbadgar/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Өнгөрөгч жилээ дүгнэж, ирэх оноо зураглах нь 2020–2021]]></title>
            <link>https://purevninjbadgar.medium.com/%D3%A9%D0%BD%D0%B3%D3%A9%D1%80%D3%A9%D0%B3%D1%87-%D0%B6%D0%B8%D0%BB%D1%8D%D1%8D-%D0%B4%D2%AF%D0%B3%D0%BD%D1%8D%D0%B6-%D0%B8%D1%80%D1%8D%D1%85-%D0%BE%D0%BD%D0%BE%D0%BE-%D0%B7%D1%83%D1%80%D0%B0%D0%B3%D0%BB%D0%B0%D1%85-%D0%BD%D1%8C-2020-2021-6cd8615e8b45?source=rss-d8e65eec9c61------2</link>
            <guid isPermaLink="false">https://medium.com/p/6cd8615e8b45</guid>
            <category><![CDATA[шинэ-оноо-төлөвлөх-нь]]></category>
            <category><![CDATA[ирэх-оноо]]></category>
            <dc:creator><![CDATA[Ninjjbadgar Purev]]></dc:creator>
            <pubDate>Wed, 30 Dec 2020 15:14:10 GMT</pubDate>
            <atom:updated>2020-12-30T15:14:10.239Z</atom:updated>
            <content:encoded><![CDATA[<p><strong>Өнгөрөгч жилээ дүгнэж, ирэх оноо зураглах нь 2020–2021</strong></p><figure><img alt="" src="https://cdn-images-1.medium.com/max/563/1*CHywVBSMmWAlJCraaKQngA.jpeg" /></figure><p><strong>Танилын хүрээ буюу Networking:</strong> Амьдралд тохиож буй учрал бүхэн бясалгал гэдэг шиг учирч, уулзаж буй бүхэнтэй сэтгэлээсээ бас хүндэтгэлтэй хандах нь амьдралын урт хугацаанд хичнээн их хэрэгтэй, бас бидний амьдралын зам ахин дахин огтлолцдогийг танилын хүрээ бидэнд сануулдаг гэж боддог. 2020 онд та мянган хүнтэй танилцсан ч бай 10 хүнтэй танилцсан ч бай энэ дунд танд хэрэгтэй, үлгэр дуурайлал авч болох, таныг ойлгож дэмжих, бүтээлч байдалд уриалах хүмүүс нь илүү чухал байдаг. Мөн өмнө нь танилцаж байсан, одоо ч таны ажил амьдралд эерэгээр нөлөөлж байдаг хүмүүстэйгээ та холбоотой байгаа юу? гэдэг талаар ч бас бодоод үзэх хэрэгтэй. Тэгэхээр шинэ хамт олон, шинэ нөхцөл байдалд өөрийгөө сорих, богино хэмжээний хөтөлбөрүүд гэх мэт зүйлсэд хамрагдах нь танилын хүрээг тэлж болох хамгийн боломжит хувилбар юм, миний хувьд энэ жил хоёр ч хөтөлбөрт хамрагдсан нь танилын хүрээгээ тэлэх, тэр хэмжээгээр олон төрлийн шинэ мэдээлэл, мэдлэг олж авахад нөлөөлсөн алхам байсан гэж бодож байна.</p><p><strong>Эрүүл мэнд: </strong>2020 ондоо эрүүл мэндээ анхаарч дасгал хөдөлгөөн хийж эхлүүлсэн нь амжилттай үр дүнтэй юм байна гэдгийг мэдэрч өдөр бүр өөртэйгээ ажиллаж шинэ дадал зуршил бүтээхээр хичээсэн жил байсан учраас 2021 ондоо ч бас хичээл зүтгэлтэй, хамгийн гол нь тууштайгаар хичээнэ гэж шийдсээн. Өнөөдрийн эрүүл мэнд болон бие сэтгэлийн нөхцөл байдал гэнэт л бий болоогүй учраас нөхцөл байдлыг сайжруулахын тулд ч бас цаг хугацаа тодорхой хэмжээгээр орно гэдгийг өөртөө сануулж, өрөөл бусадтай биш өөртэйгөө л өдөр бүр өрсөлдөх нь чухал юм байна лээ. Тэгэхээр 2021 оноо дараа жил дүгнэж бичихдээ бүр ч илүү дэмжигдэхүйц, амжилттай үр дүнг бусдад урам зориг болгон хуваалцана гэдэгтээ итгэлтэй байнаа.</p><p><strong>Санхүү: </strong>Жил бүрийн төлөвлөгөө гаргахдаа санхүү гэдэг зүйлийг яагаад ч юм орхигдуулдаг байснаа анзаарсан, ингээд бодоод үзэхээр санхүүгийн хувьд бусдаас хараат, эсвэл ингэж тэгээд л болгодог байсан байх тийм үү :) харин 2020 онд бага гэлтгүй анхаарч ач холбогдол өгч нэмэлт орлого бас дахин нэмэлт орлого гэж бодоод л яваад байсны учир нэмэлт орлого олох боломжуудыг бас олсон байдаг юм шүү. Нэмэлт орлого олоод ирэхээр ийм ч зүйлс авъя тийм ч зүйлс авъя гэж бодогдолгүй хадгалъя хадгалъя гэж бодогддог юм байна лээ. Тэгэхээр 2021 он бол нэмэлт орлого+хадгаламж гэсэн уриан дор байх болно. Ажлын бус цагаар хийж болох мөн таныг давхар хөгжүүлэх, нэмэлт орлого олж болох боломжуудыг судлаад хайгаад үзээрэй.</p><p><strong>Карьер: </strong>Карьерийн хувьд өөрийн хүрэхээр тэмүүлж буй алсын тэр цэгтээ очиход чиглэсэн үйл ажиллагааг төлөвлөж, өөрийн мэргэжлийн хүрээнд сайжирч, бэлтгэлийг үргэлж хийсээр байх хэрэгтэй санагддаг. Тиймээс одоогоор бол өөрийн хүрэх тэр чигээ л нарийн сайхан төлөвлөж, нэгэнт олсон бол тэр чигрүүгээ итгэлтэйгээр, туршлага хуримтлуулан зүтгэх юм.</p><p><strong>Ур чадвар: </strong>2020 онд хамгийн их хэрэг болсон ур чадвар нь цахим ур чадвар, цахимаар ажиллах, жижиг сажиг контент бүтээх ур чадвар байсан гэж бодож байна. Ажлын шугамаар 11 удаагийн цуврал подкаст хийсэндээ баяртай байгаа, харин ирэх ондоо бичих ур чадвартаа онцгой анхаарч, бодсон байгаа зүйлийнхээ үр шимийг 2021 оны 7 сар гэхэд үзээд сууж байх боловуу гэж төсөөлж байна. Харин та ямар ур чадвараа сайжруулах тухайгаа бодоод нэг үзээрэй.</p><p>Эцэст нь: Бидний өмнө шив шинэхэн 365 хуудастай дэвтэр нээгдэж байна тиймээс өөр өөрийн гэсэн сайхан үгсээр дүүрэн хүлээж авцгаая.</p><img src="https://medium.com/_/stat?event=post.clientViewed&referrerSource=full_rss&postId=6cd8615e8b45" width="1" height="1" alt="">]]></content:encoded>
        </item>
        <item>
            <title><![CDATA[Манай багийн төлөөлөгчөө]]></title>
            <link>https://purevninjbadgar.medium.com/%D0%BC%D0%B0%D0%BD%D0%B0%D0%B9-%D0%B1%D0%B0%D0%B3%D0%B8%D0%B9%D0%BD-%D1%82%D3%A9%D0%BB%D3%A9%D3%A9%D0%BB%D3%A9%D0%B3%D1%87%D3%A9%D3%A9-ffb59cbf969?source=rss-d8e65eec9c61------2</link>
            <guid isPermaLink="false">https://medium.com/p/ffb59cbf969</guid>
            <category><![CDATA[иргэдийн-төлөөлөг]]></category>
            <category><![CDATA[сонгууль]]></category>
            <dc:creator><![CDATA[Ninjjbadgar Purev]]></dc:creator>
            <pubDate>Mon, 07 Dec 2020 12:18:30 GMT</pubDate>
            <atom:updated>2020-12-07T12:50:16.247Z</atom:updated>
            <content:encoded><![CDATA[<p><strong>Манай багийн төлөөлөгчөө</strong></p><p>Гурван жилийн өмнө их л хөл хөдөлгөөн болж суулгаж байсан жижиг цэцэрлэгт хүрээлэнгийн зэрлэг сарнайн бутнаас цэцэглэх үү байх уу гэсэн шиг бээрч даарсан 2 ягаан сарнай цухуйсан байх нь эгдүүтэй бас хөөрхийлөлтэй ч юм шиг санагдах намар цаг иржээ. Оршин суудаг багийн маань хамт олны санаачилсан цэцэрлэгт хүрээлэн юм.</p><p>Сарнайн бутны дэргэд очоод хөл дээрээ явган суулаа, эргэн тойрон суух сандалгүй ч энд ирэх би дуртай. Урд талд нь байх аптекаас иргэд эм тан авахдаа гаднах цаас сэлтийг нь гараад хаячихдаг бололтой эмийн бичиг, гаднах заавартай хуудсаар эргэн тойрон нь дүүрчээ.. Цэцэг навчинд жигтэйхэн дуртай манай гэрийнхэн энүүгээр явах тоолондоо л тус сарнайн бутыг ажигладаг юм. Эхний хэдэн жил арчлалт хамгаалалт маш сайн байсан ч энэ жил хэн ч тоож эргээгүй нь тодорхой эргэн тойрон нь гундаж орхижээ. Цаашид энд байх 11 сарнайн бутны амьд үлдсэн тавыг нь хэн арчлах бол? Хэдэн хүн энд зэрлэг сарнайн бутнаас сарнай ургадаг гэдгийг мэдэж нүдээ баясгадаг юм бол?</p><p>Гэрт ажлаа хийж суух зуур ээж маргааш нэг л чухал ажилтай гэж дахин дахин сануулсан ч би эс анзаарсан тул орой хирд дахин лавлавал, үүрээр эрт босч хэсгийн эмнэлэг орж байнга уудаг хэрэглээний эмнүүддээ хөнгөлөлттэй бичүүлэхийн тулд багийн эмнэлгийн гадна талд өдөржин дугаарлах тухайгаа сануулсан нь тэр байж. Үүрээр дугаарлаад оройдоо дугаар авч чадвал их юм болно гэв. Дугаарт зогсолгүй эмийн сангаас жирийн үнээр авч хэрэглэж болох тухай эгч бид хоёрын үгсийг ээж үл хайхран, улсаас хөнгөлдөг зүйлийг авах л хэрэгтэй гэж тас зөрөөд дугаарлахаар өглөө гарч одов. Ажилгүй бол өмнөөс нь дугаарлахсан… Ээжтэй нийлээд хэдэн хүн өнөөдөр дугаарлах бол??? Тоо баримт бий болов уу, даралтны эмээ авах гэж даралтаа ихэстэл хүлээдэг тогтолцоо бидний ярьдагаар “дээрээсээ цаанаасаа тогтолцооноосоо” боловч яг тэр хэсгийн эмнэлэгт хэдэн хүн тэгж хичээнгүйлэн дугаарладаг гэдгийг хэн мэдэх бол, энэ яг хэнд хамаатай зүйл вэ эсвэл хэнд ч хамаагүй зөвхөн эм уух хүмүүст л хамаатай төдий хэрэг үү??</p><p>Уулсын дунд орших Улиастай хот дундуур Хангайн уулсаас эх авсан хоёр цэнгэг гол урсах нь хичнээн гайхалтай гээч, бусад газруудтай харьцуулахад ховор тохиолдол юм шүү.</p><p>287 жилийн түүхт Улиастай хот ганцхан явган хүний гүүртэй, тунгалаг урсгалт Чигэстэй голын дээгүүр байрлах энэ гүүрийг бид “модон гүүр” гэж нэрийддэг бас хайрладаг.. Арал гэж нэрийдсэн хэсэг газрыг Улиастай хотын зах зээл, нутгийн удирдлагын төв үйлчилгээний газар байрших хэсэгтэй холбодог ГҮҮР юм.</p><p>Заримдаа би боддог л юм энэ гүүрний байгаа төрх яг л Улиастай хотын хөгжлийн өнөөгийн дүр төрхийг тодорхойлоод ч байх шиг.. Тус гүүрээр өдөрт зорчдог хэдэн хүн байдаг тухай судалгаа бий болов уу. Уртаар нь шахсан тавын банзнууд нь хугарсан байгааг, хөлөө завсраар нь хийгээд бүдэрчихгүйг хичээдэг биднээс өөр хүн анзаардаг болов уу? Дээгүүр нь өнгөрөх хэдэн зуун хүний хэд нь хаана хандаж хэлэхээ мэддэг болов уу.. бүгд шаагилдаад очих уу, хэн нэгэн нь энэ хэсгийг эдгээр хүмүүсийг төлөөлөөд хэлвэл яадаг бол?</p><p>Баруун 5 аймаг дундаа нүүрсний утааны үнэр харьцангуй багатай аймаг бол Завхан гэж олон хүн хэлдэг, тэр нь ч үнэн. Гэхдээ барилга байгууламж дагасан нам даралтын зуух нэгдсэн стандартгүй, нүүрсний утаагаа хаялах хаяалбар ямар ч тооцоололгүй хийгдсэнээс болж өдөрт ганцхан цаг гадаа хашаандаа гарч салхилдаг зэсэн шаргал нохой маань салхинд гарсан оройдоо пад хар пудль шиг болоод орж ирдэг гэдгийг манай гэрийнхнээс өөр хүн мэдэхгүй ч хүний хөлөөр орон гэр рүүгээ нүүрсний ялгадас гишгэлэн ордог бусад өрх хичнээн их хорддог гэдгийг хэн ч тооцоолох аргагүй..</p><p>Эрх чөлөө гэдэг юунаас ч үл хоригдон цонхоо онгойлгож агаар сорох тэр мэдрэмж байжээ гэдгийг энд тэндээс уулгалан довтлох уурын зуухны шүүлтүүргүй утаанаас айж, битүүрсэн хамраа чимхэж зогсохдоо ухаарах юм гэж бас л бодоогүй л явж, төлөвлөлт хаана байна вэ? Уурын зуухны яндангаа өндөр болгох боломж байна уу гэж шинэхэн барилгын эзнээс асууж очоод ширэв татуулж, дээгүүр доогуур хөөцөлдөөд үзэхгүй юу гэж хэлүүлэх гэмийг би хэзээ хийсэн юм бэ, энэ хавьд байх өдий олон өрхийн санал гомдлыг нэгтгээд хэн бидний өмнөөс дуугарах вэ, арай зоригтой нь уу, ахмад нь уу.. эсвэл намайг сонгоорой гэж уриалсан 4 жилийн өмнөх эрхэм та юу, эсвэл яг одоо намайг сонгоорой гэх шинэхэн дэвшигч та юу???</p><p>Үнэндээ иргэдээ төлөөлнө гэдэг үгийн утга учир нь таны дэвшсэн тойрог, хорооны иргэн хэн нэгэн цонхоо эсвэл өрхөө айх айдасгүй онгойлгож чадаж байна уу гэдэгт л анхаарал хандуулах юм гэдгийг ӨНГӨРСӨНД-ОДООД-ИРЭЭДҮЙД нэр дэвших МАНАЙ БАГИЙН ТӨЛӨӨЛӨГЧ та сайн ойлгодог байгаасай л гэж хүсэх байна даа.</p><figure><img alt="" src="https://cdn-images-1.medium.com/max/768/1*u1R2Ym4pPA8FLEuKZvX8IA.jpeg" /></figure><img src="https://medium.com/_/stat?event=post.clientViewed&referrerSource=full_rss&postId=ffb59cbf969" width="1" height="1" alt="">]]></content:encoded>
        </item>
    </channel>
</rss>