<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by R.T. on Medium]]></title>
        <description><![CDATA[Stories by R.T. on Medium]]></description>
        <link>https://medium.com/@rackaltam?source=rss-468fda08d218------2</link>
        <image>
            <url>https://cdn-images-1.medium.com/fit/c/150/150/1*fZpZTsepy9RcnIBLQca94Q.jpeg</url>
            <title>Stories by R.T. on Medium</title>
            <link>https://medium.com/@rackaltam?source=rss-468fda08d218------2</link>
        </image>
        <generator>Medium</generator>
        <lastBuildDate>Sat, 21 Nov 2026 06:15:03 GMT</lastBuildDate>
        <atom:link href="https://medium.com/@rackaltam/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[無喇喇講下幕末之二－薩長同盟]]></title>
            <link>https://medium.com/@rackaltam/%E7%84%A1%E5%96%87%E5%96%87%E8%AC%9B%E4%B8%8B%E5%B9%95%E6%9C%AB%E4%B9%8B%E4%BA%8C-%E8%96%A9%E9%95%B7%E5%90%8C%E7%9B%9F-193bdb24599e?source=rss-468fda08d218------2</link>
            <guid isPermaLink="false">https://medium.com/p/193bdb24599e</guid>
            <category><![CDATA[唔記得落左咩tag]]></category>
            <category><![CDATA[日劇]]></category>
            <category><![CDATA[幕末]]></category>
            <dc:creator><![CDATA[R.T.]]></dc:creator>
            <pubDate>Tue, 15 Jan 2019 06:06:44 GMT</pubDate>
            <atom:updated>2019-01-15T06:06:44.034Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*cupjIKQA-lWy1Yf6iTfqoA.jpeg" /><figcaption>日劇〈西鄉殿〉第三十二集就係講薩長同盟</figcaption></figure><p>上次講到，薩摩藩同長州藩勢成水火，最後點樣達致結盟呢？</p><p>話說桂小五郎約左西鄉隆盛黎傾，點知西鄉甩底，桂小五郎嬲到震：你老母，見到你個西！鄉！見鑊打鑊。同盟之事告吹，桂小五郎急到屎淋尿瀨</p><p>龍馬就話：彈條好橋俾你！要唔要？</p><p>小五郎仲未嬲完，喝話有咩橋快啲講啦！</p><p>龍馬UnUn腳話，我條橋講俾嬲緊嘅人唔會Work！</p><p>小五郎好想爆粗，你老尾玩嘢呀！但係為左長州藩，小五郎忍住，勉強唧係個笑容，柔聲問龍馬究竟有咩好橋呀？</p><p>龍馬：你仲嬲緊。</p><p>小五郎：挑…哈哈，我唔再嬲啦，你睇下我，笑晒喇！哈哈。跳隻舞俾你睇好冇？</p><p>龍馬：唔駛喇，其實你地有槍，咪唔駛驚幕府佢地囉。</p><p>小五郎：廢話！買到先得架！我地而家係朝敵，無人咁賣槍俾我地。</p><p>龍馬：廢話！你地唔買得啫，我買得吖麻！</p><p>小五郎拍到大脾都爛，係喎！其實龍馬經營緊一間叫龜山社嘅出入口公司，其他人以為龍馬間公司背景薩摩藩，所以好順攤咁賣左批槍俾龍馬，龍馬再轉買俾小五郎。小五郎好似shopping咁話我要呢支，呢支呢支，算啦，全部幫我包起晒佢，最後小五郎買左成二萬四千幾枝槍，數目仲多過幕府同其他咁多藩加埋嘅槍。長州藩就受左薩摩嘅恩惠，對薩摩就無以前咁有敵意，不過小五郎唔想淨係薩摩幫佢，否則覺得自己攞著數，咁啱薩摩藩農作物失收，龍馬就覺得真係食屎食著豆，話俾小五郎知，小五郎就話：你地薩摩想要幾多米就攞幾多，全部唔駛錢！</p><p>雞脾打人牙骹軟，薩摩班人收左錢就啹晒，龍馬見時間差唔多，就call meeting叫人黎開會，傾下同盟嘅事啦。</p><p>小五郎啖氣未落，仲講過見到西鄉會見鑊打鑊，不過講就咁講，長州藩係朝敵，被天下圍攻，正所謂全日本一人一吐啖口水都浸死長州人啦，小五郎唯有吞返啖氣，不過見面嘅時候都係不停俾說話西鄉聽：「係囉，我地成為朝敵囉，我地被人打囉，邊個害我地呀，咪薩摩囉。」十足一個怨婦，結果同盟嘅事就好似美國政府咁停擺左，龍馬見到咁，講左一段，我覺得幾感同身受…身同感受…Whatever，總之幾感人嘅一番話，呢段無加鹽力醋，原句上碟。</p><p>「長州…長州就那麼重要嗎？今後要建立的是沒有幕府，沒有薩摩、沒有長州的日本國，長州又如何？薩摩又如何？會比土佐慘嗎？土佐藩主和上士完全不管我們土佐鄉士的死活，京都的街道上、池田屋、蛤御門、天王山、大和、但馬、高知的刑場到處都是土佐鄉士的屍體…」（龍馬本身係土佐人）</p><p>講完一段電視劇對白之後，龍馬流晒馬尿，大家都靜晒，心諗：嘩，龍馬喊呀！巧驚驚呀！大家都驚龍馬會二鬧三上吊，就係咁，大家嗱嗱淋傾薩長同盟，跟住四隻字：</p><p>「登登登登！」</p><p>薩長終於結成同盟喇。</p><p>薩摩同長州雖然曾經鬥過你死我活，為左日本國，最終都係放低成見，坐埋一齊傾，結成同盟。睇返香港，私怨大過天，莫講話同盟，互相背後插唔只一刀，係幾刀。「同盟？TVB電視劇吖嘛，坐埋一齊傾，不了…」</p><p>當然，因為香港人唔係日本仔，人地做到嘅嘢，我地係無可能到架喇，所以都係去下日本，J下人地嘅AV，溫泉，shopping下咪算囉。</p><p>唉，好懷念之前去九州食好西，幾時可以再賣甩阿仔再去呀…</p><img src="https://medium.com/_/stat?event=post.clientViewed&referrerSource=full_rss&postId=193bdb24599e" width="1" height="1" alt="">]]></content:encoded>
        </item>
        <item>
            <title><![CDATA[無喇喇講下幕末]]></title>
            <link>https://medium.com/@rackaltam/%E7%84%A1%E5%96%87%E5%96%87%E8%AC%9B%E4%B8%8B%E5%B9%95%E6%9C%AB-1d52f2d4a9c?source=rss-468fda08d218------2</link>
            <guid isPermaLink="false">https://medium.com/p/1d52f2d4a9c</guid>
            <category><![CDATA[亂噏歷史]]></category>
            <category><![CDATA[幕末]]></category>
            <category><![CDATA[薩長同盟]]></category>
            <dc:creator><![CDATA[R.T.]]></dc:creator>
            <pubDate>Mon, 17 Dec 2018 15:32:48 GMT</pubDate>
            <atom:updated>2019-01-15T06:07:14.452Z</atom:updated>
            <content:encoded><![CDATA[<h3>無喇喇講下幕末之一－薩長同盟</h3><figure><img alt="" src="https://cdn-images-1.medium.com/max/1024/1*gE4WPsmAtbcYBot-nvmxpw.jpeg" /></figure><p>以前睇漫畫，幕末明治維新時期成日都會出現，啲人咩板本龍馬、土方歲三、西鄉隆盛個個都寫得好Q勁。今年係明治維新一百五十周年，於是的起心肚去睇呢段歷史。當中最吸引我係薩長同盟呢一段。</p><p>話說當時日本有兩個權力核心，天皇只係名義上嘅領袖，有咩東瓜豆腐就出黎求下個天，但係掌握軍權嘅幕府將軍先係真正嘅話事人。而幕府一直都係封好多地俾唔同嘅藩，制度類似中國周朝時期嘅諸候。而薩摩藩同長州藩係當時實力最強嘅兩個藩。</p><p>由於有美國佬黎日本話要開港口，狀況同中國一模九樣，幕府知道唔夠揪，於是就傾向開，但係天皇就話唔撚開得，於是就分左兩派，長州藩就撐天皇，有啲藩撐幕府，而薩摩藩就話不如Super打個和啦，唔啱傾到啱。長州藩啲人沙膽過沙膽鷹，直情想寫假聖旨呃其他人打幕府，天皇覺得呢班粉腸養唔熟，因為天皇雖然唔同意開港口，但從來無諗過打幕府，正所謂七孔流血還七孔流血，死還死，兩個唔同concept，長州藩呢班友仔亂咁揣摩上意，死得啦。薩摩藩就黎打到長洲藩班友仔返去長州藩嘅地頭，咁就種下左呢兩個藩嘅仇喇。</p><p>長州友滾返去長州，但係佐幕班友就好唔妥長州藩，天皇仲指長州係朝敵，叫其他人去打佢地，真係反轉豬肚就係屎。當時有人諗，長州被人圍揼，死得啦，一定要搵返個強而有力嘅同盟先得，譬如話薩摩藩啦。講係咁講，但係兩邊都隊過對方，邊有可能呢？呢個時候，板本龍馬就去搵當時係薩摩手執第一把交椅嘅西鄉隆盛。板本龍馬就話，「喂，除去長州藩對你薩摩有咩好處先？第時人地用對付長州嘅方式去對付薩摩果陣，有邊個藩願意，而且有能力幫你先？」西鄉聽到即刻點晒頭，話雖然聽落鳩鳩地，諗落其實有啲道理，但係長州憎到我地死喎，啲長州人對鞋左腳寫反復，右腳寫清明喎，Sorry唔係，對鞋寫薩賊，係咁踩我地喎，就算我肯佢都唔肯，點搞先？龍馬話得喇，你肯傾就得喇。</p><p>龍馬就去搵長州藩嘅第一把交椅桂小五郎傾，桂小五郎知道幕府就打到黎，諗下得我地個字頭被人群揪，點打呀！若果有人肯同自己同盟當然求之不得。本來約左西鄉隆盛黎傾，點知邊友甩底，桂小五郎嬲到震：你老母，見到你個西！鄉！見鑊打鑊。</p><p>好喇，見到泛民同…唔係，即係薩摩同長州完全無計傾，最後點樣一齊倒幕，即係推翻幕府呢，我地下回分解。</p><img src="https://medium.com/_/stat?event=post.clientViewed&referrerSource=full_rss&postId=1d52f2d4a9c" width="1" height="1" alt="">]]></content:encoded>
        </item>
        <item>
            <title><![CDATA[嚴格黎講，無雙係唔算抄嘅]]></title>
            <link>https://medium.com/@rackaltam/%E5%9A%B4%E6%A0%BC%E9%BB%8E%E8%AC%9B-%E7%84%A1%E9%9B%99%E4%BF%82%E5%94%94%E7%AE%97%E6%8A%84%E5%98%85-b15c59a411fa?source=rss-468fda08d218------2</link>
            <guid isPermaLink="false">https://medium.com/p/b15c59a411fa</guid>
            <category><![CDATA[港產片]]></category>
            <category><![CDATA[劇本]]></category>
            <category><![CDATA[抄]]></category>
            <dc:creator><![CDATA[R.T.]]></dc:creator>
            <pubDate>Sun, 28 Oct 2018 17:31:01 GMT</pubDate>
            <atom:updated>2018-10-28T17:31:01.641Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/434/1*mkyybP8igAKrelaA2DYxvg.jpeg" /><figcaption>有殺無賠呀</figcaption></figure><p>先說，有雷。不過都過左咁耐，一係你睇左，一係無打算睇，所以唔怕穿橋。</p><p>通常啲人會話無雙與兩套電影有點相似，一套係《Fight Club》，一套係《Unusual Suspect》。無雙故事模式是以李問回憶起與畫家的關係開始。警方想從李問的口供裡得到畫家的資料，與非常嫌疑犯是相似的，而到最後原來周潤發的角色其實係郭富成幻想出來，呢個同搏擊會好似。</p><p>不過咁，當郭富成出左獄之後，故事未完，因為張靜初個角式係反轉再反轉，以為係阮文，但原來係秀清，而點解莊文強點解咁大膽，明知啲人會話佢抄佢都照去，都係因為最後呢段令個故事好似八達通咁啫一聲增左值，令到呢個故事變得有自己嘅原創。嚴格黎講咁已經係唔算抄。道理就好似啲改變過去嘅戲，大家一開頭都會發現有回到過去嘅能力／情況出現，最後都係講點樣可以打破宿命，但係過程就各有變化，寫出自己原創嘅故事。譬如我好鍾意嘅《寒禪悲鳴之時》，《魔法少女小圓》，同《命運石之門》都係咁做。</p><p>（係呢度又要再捧下《寒禪》，呢套係我睇過咁過改變過去嘅故事入面最犀利，因為佢一開頭連你回到緊過去都未知！）</p><p>（記憶中好似《Groundhog Day》好似係呢類型嘅片嘅鼻祖）</p><p>再講多個譬如，就好似日本仔開頭就係咁抄中國文化，文字、美學、醫學…，但係過程不斷加自己嘢，到最後自成一家，而家無人會再話日本仔係抄中國咁囉。</p><p>退一萬步，話佢係抄都好啦，So what？其實我想話抄唔抄，唔係咁重要，對觀眾黎講最緊要係好睇。好多人即刻會話，咪就係咁諗，成個電影業俾你搞Wang晒！其實搞Wang嘅原因唔係抄，而係其他原因…遲啲有機會再講…（有個前輩仲講，就係條橋好先抄，所以一定要抄足，一定唔好變）</p><p>雖然話抄唔係問題，但係抄錯，抄漏令條橋有漏洞就係一個問題，而無雙抄得其實係有啲錯漏，好似話鑫叔明明只係電板專家，無端端咁勇猛揸晒槍去殺將軍呢？講呢段出黎俾警察聽，唔係令警察起疑咩？又或者郭富城點解好講唔講，要講個警察個樣出黎做拼圖呢？最多人講，當然就係張相，若果周潤發係想像出黎，點解會多左個人呢？</p><p>不過一般觀眾唔會覺，亦以我地行內所講，以快打慢，好快咁用畫面效果同之後嘅劇情將觀眾帶離開個問題，咁觀眾就唔多會發現有咩問題出現，當然，呢個問題亦一定唔係致命傷，否則睇完觀眾都係會問返。</p><p>補允多一句，其實行內人通常都唔會抄足一條橋，我地盡量會化，將人地條橋化成好似另一條橋，咁就神不知鬼不覺喇。</p><img src="https://medium.com/_/stat?event=post.clientViewed&referrerSource=full_rss&postId=b15c59a411fa" width="1" height="1" alt="">]]></content:encoded>
        </item>
        <item>
            <title><![CDATA[美劇快？快條毛！]]></title>
            <link>https://medium.com/@rackaltam/%E7%BE%8E%E5%8A%87%E5%BF%AB-%E5%BF%AB%E6%A2%9D%E6%AF%9B-bcd0ebb1b32e?source=rss-468fda08d218------2</link>
            <guid isPermaLink="false">https://medium.com/p/bcd0ebb1b32e</guid>
            <category><![CDATA[港劇]]></category>
            <category><![CDATA[劇本創作]]></category>
            <category><![CDATA[美劇]]></category>
            <category><![CDATA[beats]]></category>
            <dc:creator><![CDATA[R.T.]]></dc:creator>
            <pubDate>Wed, 01 Aug 2018 00:43:42 GMT</pubDate>
            <atom:updated>2018-08-01T00:43:42.057Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*TagQg3xt1FJiRizM-VZsNA.jpeg" /><figcaption>Arya學武果段慢過隻雞啦</figcaption></figure><p>美劇快？快條毛！</p><p>有人說美劇節奏快，我想這人應該很少看美劇，美劇節奏一點都不快，Game of Throne, Breaking Bad, Madman, Housemaid…那一套節奏是快的？有些更是用一季去推一個角色的變化，他媽的慢到不得了…</p><p>如何說一套劇的節奏快和慢呢？</p><p>先撇除鏡頭剪接場面調度這些因素，單以劇本來說的話，簡單講就是劇情行動的密集程度，一個劇情行動轉折可以稱為一個beat，越短時間內越多beat，劇情就推展得快，但留心，劇情推展快，同角色心理轉變係兩回事。最利害的是角心內心推展可以快得來又合情合理，咁係高手中嘅高手先做到。</p><p>節奏快慢沒有好與壞，所以說節奏快不是一個絕對的讚揚，因為一套講求角色內在活動的戲劇，節奏快必定會破壞縕釀中的情緒。動作片無疑是要節奏要快，因為劇情要緊張，要刺激，劇情轉變快推進劇情節奏。</p><p>但你若要看人物心理描寫的，劇情用作去推動角色的情緒，因為要營造氣氛令觀眾能夠感受得到角色的情緒，所以一定要慢慢推進。</p><p>而美劇好看的原因，最主要是因為他們描寫角色出色，要描寫角色細膩的話劇情推進必會變慢，因此節奏會隨之變慢，所以，人們說好看的美劇大多數不會是節奏快囉。咁當然，睇24果啲美劇就肯定係快嘅。</p><p>反而大陸電視劇唔單只慢，可以叫做拖，一套大陸劇閒閒地就五六十集，唔拖邊有咁多戲做。日本嘅劇集其實推展好快，因為佢嘅Case形式，好多時都要一集內要講晒一個起承轉合，係簡單得來唔容易。韓劇就大部份都係慢，因為佢地好多談情戲，談情就係男女主角之間的心理變化，一定要慢先可以推到個氣氣同情緒。</p><p>至於港劇，其實係快，不斷堆事件，反而角色內心變化和描寫就寫得比較少，所以有時睇左好多，但係都唔知自己睇左啲咩。</p><img src="https://medium.com/_/stat?event=post.clientViewed&referrerSource=full_rss&postId=bcd0ebb1b32e" width="1" height="1" alt="">]]></content:encoded>
        </item>
        <item>
            <title><![CDATA[萬事起頭難……]]></title>
            <link>https://medium.com/@rackaltam/%E8%90%AC%E4%BA%8B%E8%B5%B7%E9%A0%AD%E9%9B%A3-16e5bb163165?source=rss-468fda08d218------2</link>
            <guid isPermaLink="false">https://medium.com/p/16e5bb163165</guid>
            <category><![CDATA[劇本]]></category>
            <category><![CDATA[美劇]]></category>
            <category><![CDATA[港劇]]></category>
            <category><![CDATA[創作]]></category>
            <category><![CDATA[電視劇]]></category>
            <dc:creator><![CDATA[R.T.]]></dc:creator>
            <pubDate>Fri, 20 Jul 2018 17:21:28 GMT</pubDate>
            <atom:updated>2018-07-20T17:21:28.266Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/400/1*y7LYq1aoovz34QXAvtN3nw.jpeg" /></figure><p>人到中年，起頭變得越來越難，特別係你諗東諗西，精神唔集中，就特別難起頭…… 應該用廣東話寫，定係書面語寫？係咪喺第一篇嘅時候介紹一下自己，講下會寫啲咩，但諗黎諗去，自己無咩好介紹，加上寫故仔最終都唔會跟住個大綱寫，（成日話故事有生命，自己會發展去第二度，唔到你控制），所以寫黎又係無謂。諗諗下不如抄下啲電視劇第一集嘅寫法，去起下呢篇嘢個頭。（By the way試過度一套劇嘅第一集，差不多用了三個星期時間，幾百萬個version，過埋監製，最後先定到落黎。）</p><p>第一集一定係寫主角出場，或者講呢套劇主要係講咩。通常要度一啲出到主角性格特式嘅出場方式，例如《The End of The Fxxxing World》，一黎就講左主角James係一個騎呢友，會伸手入個油炸鍋去試下俾自己一啲感覺，又或者《Crown》開頭幾場戲，Elizabeth細個嘅時候所受嘅教育已經係同一般人嘅唔同，講緊係一個皇后的育成。當然有啲就寫得似小說一啲，無著意去寫一個主角的性格咩咩咩，而係寫個人物嘅生活開出，從中去知道主角的性格，好似《我的大叔》咁，第一場戲就係寫辦工室裡面嘅一啲瑣碎事，阿大叔的性格並不突出，就算女主角IU，都係打死隻甲蟲去出佢同一般女仔唔同，但點唔同？又唔講住，等你慢慢睇落去。當然常說最好的開場是又寫事件，又寫人物，好似《Handmaid’s Tale》咁，一黎就黎一場緊張的追逐，既寫Moss是一個冷靜有計的女人，又寫她正被一班唔知咩嘅人追緊。</p><p>就咁數都幾款寫法，有冇話邊個好啲？通常按美劇嘅要求，特別係第一季第一集，都係要求好似《Handmaid’s Tale》咁開，因為佢第一集係一個pilot，要吸引投資者俾錢，所以一定要一個事件盡快引領觀眾（或者係負責審批訂算目嘅主管）去跟，其實香港都係咁做，好似《使徒行者2》咁，第一集去泰國執行任務，從中寫五個卧底的性格互動。（《使徒行者2》有少少特別，比較少一套劇開就建立了的角色，跟住集尾就炸死晒佢地。）</p><p>美劇嘅制度令第一集好重要，決定左套劇開唔開到，做唔做到一個Series，係要另起一篇講下。雖然香港都係好重視第一集，但係香港嘅制度同美劇係好大嘅唔同，又值得另開一篇講下。</p><p>諗緊點起頭，點知好似射左…寫左咁多，人生往往就係咁……第一篇，講住咁多先，人生苦短，有mood先寫，有趣先追……</p><img src="https://medium.com/_/stat?event=post.clientViewed&referrerSource=full_rss&postId=16e5bb163165" width="1" height="1" alt="">]]></content:encoded>
        </item>
    </channel>
</rss>