睇過篇文嘅人可能記得篇嘢係講移民。刪文嘅原因唔係國安法乜乜物物，而係唔知邊條友整咗啲九唔搭八嘅highlight。

個人覺得highlight功能係畀其他人記錄成篇文章有意義嘅部分，記低學咗乜嘢又好，方便以後返睇又好。但係有時候啲highlight都可以好無厘頭。我知道咁做可能純粹係佢跣手，但係Medium除咗highlight嗰條友，就唔畀人刪。我唔擅長同人打交道，亦都費事專登問佢搞邊科（鬼知佢係咪玩嘢？），咁我咪回爐重製囉，雖然follow我嘅人會覺得好怪，但係唔理嘞。

凡例

• 鄙人在此發表的作品舉列如下。
• 從2021年起，在本站發表的部分內容會劃入收費牆。敏感內容（我打算寫的小說，絕大部分都涉及某大國的禁忌）／遊記將轉到其他平台發表。
• 我在這邊看過很多大佬作文，覺得自己的才學九牛一毛，也就不好意思說自己哪篇文章寫得最滿意。雖然作家最滿意的作品未必是作家最賣座的作品。比如印尼電影之父烏斯瑪·伊斯邁爾最賣座的作品是《閃亮三姊妹》，但是他本人認為這部作品注重賺錢，並不符合自己從事電影事業的初心——當然，烏斯瑪戰前是劇作家，戰後是電影大亨，並非我等Kentang kecil可以攀比。

序

觀月山莊開張致詞

星期六的功課

雜項

譯名規範

備註

• 【粵】：粵文內容
• ★：收費內容
• □→：不在本站刊登

要寫返週記唔易。更何況係對住公眾寫。

第一次寫週記嗰陣，我重讀緊幼稚園。嗰陣啲作業簿唔知俾我掟咗去邊（升中之後我就未試過開門見客，因為我間房夠哂亂），不過大致上個格式係咁：寫幾行字，喺隔離畫幅圖。當年我重叫做純品，冇咁自由奔放，寫嘅嘢不外乎係啲冇乜特別嘅生活小事。不過因為輕鬆，細個最中意就係呢份功課。

我讀小學、初中嗰陣，應該未寫過週記，好似係。一直去到大概中五嘅時候，中文老師先至開返本隨筆集，畀我哋寫文（不過好似已經畀我整唔見）。有時候係出特定嘅題目，例如「你信唔信因果報應」（當然教會學校唔方會整個咁嘅題目啦，我係話類似嘅意思），「樓下商場間糖果舖執笠，你有乜感想」呢啲，有時候係畀我哋自由創作，我唔知人哋寫乜啦，不過我就試過寫小說，寫個老教授同後生嗰陣嘅佢，相遇之後做咗啲乜（不過未穿越先爛尾，各位願意我再寫過，反正原本寫得有啲九唔搭八）。然後老師就經常攞呢樣嘢嚟講……

之後冇繼續寫落去嘅原因，其實來來去去一個字：懶。當然唔寫重有好多藉口，例如江郎才盡啊，冇嘢好寫啊，讀書／寫維基好忙啊，我平時收收埋埋唔多講嘢啊，我平時好唔中意同啲三唔識七嘅人吹水啊，我文學造詣差啊（文學老師話我唔適合寫小說，適合寫評論／說明文多啲，可能寫維基多得滯），諸如此類。或者咁講，相比起網誌，我更加中意用通訊軟件嚟講嘢。首先係Skype（2009年－2012年左右），QQ（2012年到2018年），IRC（2015年左右到2016年），然後係Telegram（2016年－）同Discord（2017年－）。我粗略睇返自己呢一兩年喺Telegram/Discord嘅發言可以寫到幾篇文出嚟，反而喺Wordpress同呢度得雞碎嗰幾篇。

我知道自己嘅學識係一塊百家布，寫篇好pro嘅文係好大諗頭，所以有啲位（南洋政治等等）自己雖然有涉獵，但係唔熟書，比較棹忌。不過有啲嘢係要自己先寫得出嗰個感覺。例如第一身經歷（旅行／童年往事／工作經驗／中意食乜）或者自己嘅小說手稿，有啲嘢係複製唔到，畀人哋去寫會唔會失真，或者俾人X改，好難講。（ Hoi Hong Billy Tang 你應該明我講咩啦）

嚟緊每個星期六我都會喺度寫篇週記。講吓啲人生經歷，或者寫吓小說，或者出吓埠，講吓一啲地方民情，甚或者改編名著，諷刺時弊（呢個我冇咁有信心）。我以前啲「玩具項目」成日都搞到爛尾，呢次都話唔埋，希望我keep到把火啦。

後記

1. 我家陣部電腦壞咗mon，要維修個mon連電池大概都要成5000文，又唔夠錢維修，可能呢排我都要轉去圖書館寫週記，受制圖書館嘅開放時數，我未必成日睇到啲數據。

2. 點解用粵文寫呢？唔係華文表達唔到我想講嘢，亦都無關政治或者乜嘢垃雜社會語言學，而係怕咗某個文友，我講錯幾句嘢就喺度嘰嘰訖訖（雖然佢唔係第一個，由讀小學開始我就經常遇到呢種人），咁你有張良計，我有過牆梯，咪用佢唔識睇嘅文字寫嘢囉。雖然聽落好卑鄙。

1. 更符合歷史背景的譯名優先使用，譯名本身有錯者另計（例如鬥爭派民主黨優於民主鬥爭黨）。
2. 意譯優於音譯，譯名本身有錯者另計（例如專業集團黨優於戈爾卡黨）。
3. 除非與上述各條衝突，否則膠事錄有翻譯的地名，一律沿用（例如湖州優於拉各斯，地名就一定的了，人名以後才跟從。如果有多於一個版本，較符合譯名規範的優先使用。）。
4. 除非與上述各條衝突，否則南洋專有名詞儘量按照南洋翻譯的版本翻譯（例如亞庇優於哥打京那峇魯。1945年之後的越南專有名詞例外，由於欠缺規範，新華社的版本可以接受）。
5. 漢字文化圈人物、地方如果有正名，多數建議跟從。
6. 膠事錄沒有翻譯，傳媒選擇音譯的地名，這裏可以酌情原創研究一個新譯名（例如Kabupaten Pesisir Barat，這裏暫譯西岸縣）。除非膠事錄能夠提出一個更好的譯名。

如果有人膽敢非議上述的規範，我會下逐客令。

2018年11月16日

近月面書亂改演算法、出賣私隱等爭議影響到用戶留守的意願，部分人甚至抵制面書，尋找替代的發布途徑——Medium就是其中之一。小弟認識的大佬、朋友相繼進駐Medium，發表文化、飲食、地情等各類文章，一時間小弟撰寫雜文的興趣又恢復過來了（雖然我往往寫到一半就不想寫或者想不到怎樣寫。。。）就這樣，我也在這兒踏出第一步。

本來我是希望這裏只刊登輕鬆的內容（不做作，政治正確，報紙娛樂版和副刊版能出現的內容）。但是想來想去，如果一味排除比較嚴肅的內容（房屋、交通、教育等），那對我來說實在是沒趣，也就不再堅持下去了。體裁方面以雜文為主，雖說將來也打算在這裏寫小說。這裏的遊記可能會放在收費區（避免北人濫用），但是其他文章我未必寫得獨到而精彩，所以不會收費。

觀月山莊就此開張，希望各位多給掌聲，少扔玻璃瓶。

P. S. 為甚麼這裏叫觀月山莊呢？那是因為這裏的分工和本人的Instagram帳號比較類似。我給自己的Instagram專頁改了一個別名，叫觀月山（起名原因是秘密）。這裏是本人另一個「消遣世慮、安心修養、遠離宦禍」的好去處，在這裏我要準備更豐富的資訊大餐給各位享用（Instagram不是寫長文的好地方），好讓大家久留。這和山莊有相似的地方，所以就起了個這樣的名字。

P. S. S. 小弟生為香港人，沒有南洋背景，只是對南洋稍有涉獵而已。配圖純粹是求意境——這幅圖展示的城鎮是越南老街省沙壩市鎮，一座位於越南西北部的山城，原先是赫蒙族（苗族）等數個少數民族的居處，後來因為景色優美、氣候宜人，輾轉成為旅遊好去處。