<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Starri Reynisson on Medium]]></title>
        <description><![CDATA[Stories by Starri Reynisson on Medium]]></description>
        <link>https://medium.com/@starrireynisson?source=rss-7b69537f933d------2</link>
        <image>
            <url>https://cdn-images-1.medium.com/fit/c/150/150/2*8tSVUkeJXZ5YpcwmthU-Jw.jpeg</url>
            <title>Stories by Starri Reynisson on Medium</title>
            <link>https://medium.com/@starrireynisson?source=rss-7b69537f933d------2</link>
        </image>
        <generator>Medium</generator>
        <lastBuildDate>Tue, 17 Nov 2026 10:07:48 GMT</lastBuildDate>
        <atom:link href="https://medium.com/@starrireynisson/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Framsóknarfjölmiðlun]]></title>
            <link>https://medium.com/@starrireynisson/frams%C3%B3knarfj%C3%B6lmi%C3%B0lun-d3c37c2437bf?source=rss-7b69537f933d------2</link>
            <guid isPermaLink="false">https://medium.com/p/d3c37c2437bf</guid>
            <dc:creator><![CDATA[Starri Reynisson]]></dc:creator>
            <pubDate>Fri, 13 Dec 2019 15:02:09 GMT</pubDate>
            <atom:updated>2019-12-13T15:02:09.352Z</atom:updated>
            <content:encoded><![CDATA[<p>Það er ekki hægt að leggja nógu mikla áherslu á það hversu miklu máli blómlegt og lifandi fjölmiðlaumhverfi skiptir samfélagið. Við hljótum öll að geta verið sammála um það. Því dettur mér ekki í hug að draga í efa að það búi eingöngu góður ásetningur að baki fjölmiðlafrumvarpi Lilju Alfreðsdóttur. Þá ber samt að hafa í huga að vegurinn til glötunar er gjarnan varðaður góðum ásetningi.</p><p>Tillaga Lilju gengur fyrst og fremst út á að þeir fjölmiðlar sem mæta ákveðnum skilyrðum geti fengið beinan ríkisstyrk fyrir allt að 18% af ritstjórnarkostnaði. Skilyrðin sem fjölmiðlar þurfa að mæta henta einna best stærri miðlum sem þurfa ekki endilega á stuðningnum að halda. Þá yrði skipuð nefnd sem hefði það hlutverk að fara yfir styrkumsóknir og meta hvaða fjölmiðlar ættu að fá styrk.</p><p>Þetta kemur beint úr handbók Framsóknarflokksins um hvernig skuli styðja við þjóðhagslega mikilvægar iðngreinar. Það á að heimfæra landbúnaðarstyrkjakerfi Framsóknarflokksins yfir á fjölmiðlamarkaðinn. Í stað þess að ýta undir aðlögun fjölmiðla að breyttum aðstæðum á markaði á að hjálpa þeim, og jafnvel verðlauna þá fyrir, að viðhalda úreltu rekstrarformi með því að nota ríkisfé til að mæta tapi þeirra. Það er enn eina ferðina verið að skrúfa frá krana sem liggur beint inn í ríkissjóð, en reynslan sýnir okkur að strax og það er búið og gert er nær ómögulegt að skrúfa fyrir aftur.</p><p>Enn fremur yrði þetta fyrirkomulag til þess að langflestir fjölmiðlar landsins yrðu háðir stuðningi ríkisins til lengri tíma. Það er ekki heilbrigt, sér í lagi þar sem fordæmi eru fyrir því að íslenskir stjórnmálamenn veitist að fjölmiðlum þegar þeim mislíkar efnistök og fréttaflutningur þeirra. Þannig gæti þessi nálgun dregið talsvert úr getu fjölmiðla til að gagnrýna bæði ríkisvaldið og pólitíska valdhafa hvers tíma.</p><p><a href="https://www.visir.is/g/2019191219550/framsoknarfjolmidlun"><em>Greinin birtist fyrst á visir.is 13.12.2019</em></a></p><img src="https://medium.com/_/stat?event=post.clientViewed&referrerSource=full_rss&postId=d3c37c2437bf" width="1" height="1" alt="">]]></content:encoded>
        </item>
        <item>
            <title><![CDATA[Satt og logið um þriðja orkupakkann]]></title>
            <link>https://medium.com/@starrireynisson/satt-og-logi%C3%B0-um-%C3%BEri%C3%B0ja-orkupakkann-7e339c9d3428?source=rss-7b69537f933d------2</link>
            <guid isPermaLink="false">https://medium.com/p/7e339c9d3428</guid>
            <category><![CDATA[þriðji-orkupakkinn]]></category>
            <category><![CDATA[evrópusambandið]]></category>
            <dc:creator><![CDATA[Starri Reynisson]]></dc:creator>
            <pubDate>Wed, 28 Aug 2019 15:56:53 GMT</pubDate>
            <atom:updated>2019-08-28T15:56:53.879Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/0*oTEM0ZbUPdofgJRe.jpg" /></figure><p>Samningurinn um evrópska efnahagssvæðið er án nokkurs vafa einn af hornsteinum velmegunar íslensku þjóðarinnar, en undanfarin misseri hafa óprúttnir einangrunarsinnar gert allt hvað þeir geta til að grafa undan honum. Atlagan að samningnum felst einkum og sér í því að þriðji orkupakkinn er gerður tortryggilegur, þrátt fyrir að hagfelldara samansafn reglugerða sé vandfundið.</p><p>Það er gífurlegt magn af rangfærslum og falsfréttum sem hefur birst í tengslum við þriðja orkupakkann. Margt af því má rekja til samtakanna Orkan okkar, annað til Miðflokksins og enn annað til sjálfskipaðra „sérfræðinga“ á sviði Evrópuréttar og orkumála.</p><p>Því hefur ítrekað verið haldið fram að orkupakkinn setji kvaðir um lagningu sæstrengs á íslensk stjórnvöld. Það er rangt. Bent hefur verið á að slík kvöð gengi gegn öðrum alþjóðlegum skuldbindingum EES-þjóðanna, á borð við hafréttarsamning Sameinuðu þjóðanna. Orkupakkinn getur því ekki haft áhrif á það hvort sæstrengur verði lagður eða ekki. Í umræðunni um sæstreng má einnig nefna að ekki er framleidd næg umframorka á Íslandi til anna útflutningi og eingöngu Alþingi getur gefið leyfi fyrir byggingu nýrra virkjanna. Kvaðir um virkjanaframkvæmdir eru ekki og geta ekki verið í orkupakkanum. Enn fremur er hæpið að sæstrengur yrði arðbær ef tekið er tillit til þróunar á öðrum umhverfisvænum orkugjöfum, s.s. vind- og sólarorku á meginlandi Evrópu.</p><p>Því hefur ítrekað verið haldið fram að orkupakkinn færi yfirráð yfir orkuauðlindum úr landi. Það er rangt. Reglugerðirnar í þriðja orkupakkanum snúast einkum og sér um að efla eftirlitshlutverk Orkustofnunar og skila sér fyrst og fremst í bættri neytendavernd. Stofnunin ACER á vegum Evrópusambandsins er samstarfsvettvangur fyrir eftirlitsstofnanir Evrópusambandsþjóða á sviði orkumála og sér um að skera úr um deilumál þeirra á milli ásamt því að taka ákvarðanir á afmörkuðu sviði, t.a.m. um skilmála fyrir aðgangi og rekstraröryggi, ásamt því að aðstoða við innleiðingu reglugerða. Valdsvið ACER nær þó einungis til sambandsþjóðanna og sér ESA um að sinna hlutverkum hans gagnvart EES-ríkjunum. Tveggja stoða kerfi EES kemur því í veg fyrir íhlutun ACER á Íslandi.</p><p>Því hefur ítrekað verið haldið fram að orkupakkinn hafi áhrif á eignarhald Landsvirkjunnar. Það er rangt. Þriðji orkupakkinn hefur enga þýðingu gagnvart einkavæðingu eða uppskiptingu Landsvirkjunar. Engin nýmæli eru í þriðja orkupakkanum sem geta stuðlað að slíku. Íslensk samkeppnislög gilda um fyrirtækið og starfar það á samkeppnismarkaði. Enn fremur er Ísland undanþegið þeim ákvæðum um eigendaaðskilnað fyrirtækja á raforkumarkaði sem finna má í orkupökkunum.</p><p>Hvers vegna þessum aðilum er svona mikið í mun um að grafa undan EES-samningnum og draga þannig úr lífsgæðum almennings veit ég ekki, en það er klárt mál að málflutningur þeirra getur varla talist annað en lýðskrum.</p><p><a href="https://www.visir.is/g/2019190828883/satt-og-logid-um-thridja-orkupakkann"><em>Greinin birtist fyrst á Visir.is 28.8.2019</em></a></p><img src="https://medium.com/_/stat?event=post.clientViewed&referrerSource=full_rss&postId=7e339c9d3428" width="1" height="1" alt="">]]></content:encoded>
        </item>
        <item>
            <title><![CDATA[Stóri bleiki fíllinn]]></title>
            <link>https://medium.com/@starrireynisson/st%C3%B3ri-bleiki-f%C3%ADllinn-cfec5914d4f?source=rss-7b69537f933d------2</link>
            <guid isPermaLink="false">https://medium.com/p/cfec5914d4f</guid>
            <dc:creator><![CDATA[Starri Reynisson]]></dc:creator>
            <pubDate>Thu, 02 May 2019 19:42:09 GMT</pubDate>
            <atom:updated>2019-05-02T19:42:09.456Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/713/0*VBzH3sNuDGcrwMxj.jpg" /></figure><p>Fyrr í vikunni barst Alþingi umsögn frá ASÍ um þriðja orkupakka Evrópusambandsins. Í þeirri umsögn lýsir ASÍ sig andsnúið innleiðingu pakkans. Þar stillir Drífa Snædal sér upp við hlið einangrunarsinnaðra lýðskrumara á við Frosta Sigurjónsson, Bergþór Ólason, Gunnar Braga og Sigmund Davíð. Þannig kýs hún að hjálpa þeim í vegferð þeirra að grafa undan EES-samningnum. Þetta þykir mér afskaplega sorgleg afstaða hjá Drífu Snædal og ASÍ, sér í lagi þar sem EES-samningurinn hefur bætt lífskjör Íslendinga svo um munar. Afstaðan kemur þó ekki mikið á óvart, enda hefur Alþýðusambandið lengi verið neikvætt gagnvert einni af grunnstoðum samningsins, frjálsri för fólks.</p><p>Drífa er þó ekki fyrsti verkalýðsleiðtoginn til að ljá lýðskrumurunum aðstoð sína. Ragnar Þór Ingólfsson, formaður VR, varð fyrri til að lýsa yfir andstöðu við orkupakkann. Hann byggir sína andstöðu á óljósum, illa rökstuddum ásökunum um sérhagsmunapot. Ég á afskaplega erfitt með að átta mig á því hvað verkalýðsforystunni gengur til, enda eru þau með þessum yfirlýsingum að vinna þvert gegn hagsmunum almennings.</p><p>Því miður er þetta þó ekki stílbrot hjá núverandi forystu verkalýðshreyfingarinnar. Þau virðast ýmist vera ómeðvituð um eða í fullkominni afneitunn gagnvart þeim gífurlegu áhrifum sem Evrópusamstarfið bæði hefur og getur haft á kjaramál á Íslandi. Þau hunsa það til dæmis með öllu að grunnforsenda þess að þjóðarsáttin gekk upp var aðild Íslands að Evrópska efnahagssvæðinu, sem byrjað var að semja um nokkru áður en þjóðarsáttin var undirrituð.</p><p>Þau kjósa að horfa alveg framhjá stóra bleika fílnum í herberginu, allra þyngsta bagga sem íslenskt launafólk þarf að bera, íslensku krónunni. Þau kjósa að einblína á afleidd vandamál krónunnar, verðtryggingu, verðlag og vexti svo dæmi séu nefnd, í stað þess að ráðast á rót vandans. Innganga í Evrópusambandið og upptaka evru er stærsta kjarabót sem hægt væri að færa íslenskum almenningi. Verkalýðsleiðtogar sem bera hag umbjóðenda sinna fyrir brjósti ættu að beita sér fyrir því, frekar en að spila með Brexit fantasíum Miðflokksmanna.</p><img src="https://medium.com/_/stat?event=post.clientViewed&referrerSource=full_rss&postId=cfec5914d4f" width="1" height="1" alt="">]]></content:encoded>
        </item>
        <item>
            <title><![CDATA[Líkur sækir líkan heim]]></title>
            <link>https://medium.com/@starrireynisson/l%C3%ADkur-s%C3%A6kir-l%C3%ADkan-heim-8e89cfcc164a?source=rss-7b69537f933d------2</link>
            <guid isPermaLink="false">https://medium.com/p/8e89cfcc164a</guid>
            <dc:creator><![CDATA[Starri Reynisson]]></dc:creator>
            <pubDate>Wed, 18 Jul 2018 22:45:57 GMT</pubDate>
            <atom:updated>2018-07-18T22:45:57.744Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*_rotfpINLOE0FlB_cHuC3A.jpeg" /></figure><p>Það hefur varla farið framhjá neinum að vægast sagt umdeildur ræðumaður var fenginn til þess að tala á hátíðarffundi Alþingis í tilefni af 100 ára fullveldi Íslands í dag. Þessi umdeildi ræðumaður, Pia Kjærsgaard forseti danska þingsins og stofnandi Danska Þjóðarflokksins, er skiljanlega umdeild, enda hefur hún byggt sinn stjórnmálaferil á útlendingaandúð og fordómum. Mér þykir það varpa þungum skugga á annars gleðilegt tilefni að svo ógeðfeld manneskja sé fenginn til þess að halda ræðu.</p><p>Margir spyrja sig hvernig stendur á því að slík manneskja sé fengin til þess að halda ræðu við þetta tilefni. Þetta kemur mér hins vegar ekki á óvart.</p><p>Ef við horfum á það hvernig ríkisstjórn Íslands er skipuð þá einfaldlega blasir þetta við. Sjálfstæðisflokkurinn<a href="https://en.wikipedia.org/wiki/Alliance_of_Conservatives_and_Reformists_in_Europe"> skipar sér í lið með Danska Þjóðarflokknum</a> í evrópskri pólitík, þannig það getur varla komið neinum á óvart að formaður þess flokks <a href="http://www.ruv.is/frett/donaskapur-gagnvart-danska-thjodthinginu">beri mikla virðingu fyrir Piu</a>.</p><p>Vinstri græn hafa hins vegar borið því fyrir sig að embætti þingforseta danska þingsins hafi verið boðið, og það gildi einu hver gegni því embætti. Eftir situr að Pia hefur sinnt þessu hlutverki síðan 2015 og ekki fyrirséð að hún láti af því í bráð. Það mátti því vera nokkuð augljóst að boð til danska þingforsetans væri boð til Piu.</p><p>Steingrímur J. Sigfússon, þingmaður Vinstri grænna og forseti Alþingis, er sá sem bauð Piu til fundarins, vitandi fullvel fyrir hvað hún stendur. Það er ágætur fjöldi annara danskra embættismanna sem hefði komið til greina í þetta verk, en flestir þeirra eru frjálslyndir evrópusinnar úr Venstre. Það þarf ekki að koma neinum á óvart að gamli kalda stríðs komminn Steingrímur J. taki rasista fram yfir frjálslynda, sér í lagi ekki þegar hans flokkur er í ríkisstjórn með einangrunnarsinnunum í Sjálfstæðis- og Framsóknarflokknum. Þetta val sendir því mjög skýr skilaboð þess efnis að ríkisstjórn Íslands tekur rasisma og einangrunarhyggju fram yfir frjálslyndi og Evrópuhugsjón.</p><img src="https://medium.com/_/stat?event=post.clientViewed&referrerSource=full_rss&postId=8e89cfcc164a" width="1" height="1" alt="">]]></content:encoded>
        </item>
        <item>
            <title><![CDATA[Í Oxford árið 1947]]></title>
            <link>https://medium.com/@starrireynisson/%C3%AD-oxford-%C3%A1ri%C3%B0-1947-15ca355bf0ef?source=rss-7b69537f933d------2</link>
            <guid isPermaLink="false">https://medium.com/p/15ca355bf0ef</guid>
            <dc:creator><![CDATA[Starri Reynisson]]></dc:creator>
            <pubDate>Wed, 09 May 2018 20:51:01 GMT</pubDate>
            <atom:updated>2018-05-09T20:51:01.908Z</atom:updated>
            <content:encoded><![CDATA[<p>Frjálslyndi er hugtak sem hefur lengi verið misnotað af íslenskum stjórnmálamönnum. Yfirleitt er það notað sem skrautyrði þegar stjórnmálamenn vilja höfða til breiðari hóps en þeir myndu annars gera. Sem dæmi má nefna að Sjálfstæðismenn segjast gjarnan vera frjálslyndir, en á dögunum birtist formaður flokksins í fjölmiðlum og <a href="http://www.vb.is/frettir/bjarni-thrystingur-esb-skapar-ergelsi/146589/">tekur afdráttarlausa afstöðu gegn frjálsu flæði varnings og valfrelsi neytenda</a>, það getur varla talist frjálslynt. Þá heldur Framsóknarflokkurinn því fram að hann sé “frjálslyndur félagshyggjuflokkur” og margt Samfylkingarfólk talar um sig sem “frjálslynda jafnaðarmenn”. Reyndin er sú að <a href="https://en.wikipedia.org/wiki/Liberalism">frjálslyndi</a> er sérstök, aðskilin hugmyndafræði rétt eins og <a href="https://en.wikipedia.org/wiki/Socialism">félagshyggja</a>, <a href="https://en.wikipedia.org/wiki/Social_democracy">jafnaðarstefna</a>, <a href="https://en.wikipedia.org/wiki/Libertarianism">frjálshyggja</a> eða <a href="https://en.wikipedia.org/wiki/Conservatism">íhaldsstefna</a>.</p><p>Frjálslyndisstefnan átti upphaf sitt á 18.öld þó rekja megi frjálslyndar hugmyndir mikið lengra aftur í tíman, jafnvel alla leið aftur til Aristótelesar, en upphaf frjálslyndisstefnu nútímans má að miklu leiti finna í eftirmálum seinni heimsstyrjaldarinnar.</p><p>Fyrir 71 ári, í apríl 1947, hittust fulltrúar frjálslyndra flokka víða að úr heiminum í Oxford í Bretlandi. Þar festu þeir á blað stefnuyfirlýsingu sem lýsir kjarna frjálslyndu hugmyndafræðinnar nokkuð vel. Þessi yfirlýsing ætti að vera skyldulesning fyrir alla þá sem vilja kalla sig frjálslynda, en margt af því sem í henni stendur, ef ekki allt, á vel við enn þann dag í dag.</p><figure><img alt="" src="https://cdn-images-1.medium.com/max/566/1*4pjWtbmq0VShrzG7Du6Axw.jpeg" /></figure><p>Ég birti þessa yfirlýsingu hér í íslenskri þýðingu Gests Guðjónssonar með góðfúslegu leyfi hans.</p><p><a href="https://liberal-international.org/who-we-are/our-mission/landmark-documents/political-manifestos/oxford-manifesto-1947/">Oxford Manifesto Liberal International 1947</a> er svo hljóðandi:</p><blockquote>Við, frjálslynt fólk frá nítján löndum, sem erum saman komin í Oxford á tímum ófriðar, fátæktar, hungursneyðar og ótta af völdum tveggja heimstyrjalda;</blockquote><blockquote>sannfærð um að þetta ástand í heiminum sé að miklu leiti vegna skorts á frjálslyndum gildum;</blockquote><blockquote>staðfestum trú okkar á eftirfarandi yfirlýsingu:</blockquote><blockquote>I</blockquote><blockquote>1. Maðurinn er fyrst og fremst gæddur krafti sjálfstæðrar hugsunar og gjörða, og hæfileikanum að greina á muninn á réttu og röngu.</blockquote><blockquote>2. Virðing fyrir einstaklingnum og fjölskyldunni er grunnsteinn samfélagsins.</blockquote><blockquote>3. Ríkið er bara verkfæri samfélagsins og ætti ekki að taka sér vald sem stríðir gegn grundvallarréttindum borgaranna og forsendum ábyrgs og skapandi lífs, sem eru:</blockquote><blockquote>a. Frelsi einstaklingsins, verndað með aðskilnaði löggjafar og dómsvalds</blockquote><blockquote>b. Trúfrelsi og skoðanafrelsi</blockquote><blockquote>c. Tjáningafrelsi og frjálsa fjölmiðla</blockquote><blockquote>d. Frelsi til að ganga í félög eða standa utan þeirra</blockquote><blockquote>e. Atvinnufrelsi</blockquote><blockquote>f. Tækifæri til góðrar og fjölbreyttrar menntunar, í samræmi við getu hvers og eins, óháð uppruna og efnahag</blockquote><blockquote>g. Rétt til einkaeignar á eignum og réttinn til að stofna fyrirtæki</blockquote><blockquote>h. Réttur neytenda til að velja frjálst sínar vörur og tækifæri til að njóta að fullu ávaxta jarðar og atorku mannsins</blockquote><blockquote>i. Vernd vegna hættu og veikinda, atvinnuleysis, fötlunar og elli</blockquote><blockquote>4. Þessi réttindi og skilyrði er einungis hægt að vernda með fullkomnu lýðræði. Fullkomið lýðræði er óaðskiljanlegt frá stjórnmálalegu frelsi og er grundvölluð á meðvituðu, frjálsu og upplýstu samþykki meirihlutans, í gegnum frjálsar og leynilegar kosningar, þar sem gætt er að réttindum og skoðunum minnihlutans.</blockquote><blockquote>II</blockquote><blockquote>1. Skerðing á efnahagslegu frelsi leiðir óhjákvæmilega til skerðingar á stjórnmálalegu frelsi. Við mótmælum slíkri skerðingu, hvort sem hún er til komin vegna ríkiseignar eða stjórnunar, eða einokunar einkaaðila eða þar sem samkeppni ríkir ekki.</blockquote><blockquote>2. Velferð samfélagsins verður að vera í fyrirrúmi og verður að vernda fyrir sérhagsmunaöflum.</blockquote><blockquote>3. Stöðugar framfarir í umhverfi atvinnulífs og starfsumhverfi starfsmanna eru nauðsynlegar. Réttindi, skyldur og hagsmunir vinnuafls og fjármagns fara saman. Skipulegt samráð og samvinna milli atvinnurekenda og starfsfólks er lífsnauðsynleg heilbrigðu atvinnulífi.</blockquote><blockquote>III</blockquote><blockquote>Þjónusta er nauðsynleg forsenda frelsins og hverjum rétti fylgir samsvarandi skylda. Ef frjálsar stofnanir eiga að virka vel, verður hver einstaklingur að bera siðferðilega ábyrgð gagnvart náunganum og taka virkan þátt í verkefnum samfélagsins.</blockquote><blockquote>IV</blockquote><blockquote>Einungis er hægt að útrýma stríðum og koma á heimsfriði og hagsæld ef allar þjóðir uppfylla eftirfarandi skilyrði.</blockquote><blockquote>a) Hollusta við samtök allra þjóða, stórra sem smárra, samkvæmt sömu lögum og rétti, með heimild til að framkvæma strangt eftirlit með alþjóðlegum skuldbindingum, sem samþykktar hafa verið.</blockquote><blockquote>b) Virðing fyrir rétti hverrar þjóðar til að njóta grundvallarmannréttinda.</blockquote><blockquote>c) Virðing fyrir tungu, trú, lögum og venjum minnihlutahópa</blockquote><blockquote>d) Frjálst flæði hugmynda, frétta, vöru og þjónustu milli þjóða, sem og ferðafrelsi innan og milli allra landa, án hafta ritskoðunar, verndartolla og gjaldmiðilshafta.</blockquote><blockquote>e) Þróun á fátækari svæðum heimsins, í samvinnu við heimamenn, í þágu hagsmuna þeirra og alls mannkyns.</blockquote><blockquote>Við áköllum alla menn og konur sem eru sammála þessum hugsjónum og grunngildum að sameinast okkur í viðleitni til að vinna þeim fylgis um allan heim.</blockquote><p>Frjálslyndir flokkar styðja aðild að yfirþjóðlegum stofnunum eins og Evrópusambandinu og átta sig á því að slíkar stofnanir eru besta leiðin til þess að eiga við mörg af vandamálum nútímans. Frjálslyndir flokkar viðurkenna rétt neytenda til þess velja frjálst vörur sínar, styðja því frjálst flæði varnings og fólks og líta á útrýmingu verndartolla sem nauðsynlega. Frjálslyndir flokkar treysta einkaaðilum til þess að sinna hinum ýmsu verkefnum, eru gagnrýnir á ríkisvaldið og á móti einokun, hvort sem er ríkis eða einkaaðila.</p><p>Flokkar sem styðja verndartolla, og hamla þannig frjálst flæði varnings og valfrelsi neytenda geta ekki talist frjálslyndir, þess þá heldur séu þeir einnig andsnúnir frjálsu flæði fólks og á móti aðild að Evrópusambandinu. Það á við um bæði Sjálfstæðisflokkinn og Framsóknarflokkinn, sem þó kalla sig frjálslynda eins og áður hefur komið fram. Varhugaverður málflutningur þessara flokka í garð EES-samningsins er svo stórkostleg atlaga að frjálslyndi á Íslandi.</p><img src="https://medium.com/_/stat?event=post.clientViewed&referrerSource=full_rss&postId=15ca355bf0ef" width="1" height="1" alt="">]]></content:encoded>
        </item>
    </channel>
</rss>