<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by 石賈墨 on Medium]]></title>
        <description><![CDATA[Stories by 石賈墨 on Medium]]></description>
        <link>https://medium.com/@stegermatt?source=rss-ab3b4e957225------2</link>
        <image>
            <url>https://cdn-images-1.medium.com/fit/c/150/150/1*nH6AFaK9hYdt4m8WmVjc-A.png</url>
            <title>Stories by 石賈墨 on Medium</title>
            <link>https://medium.com/@stegermatt?source=rss-ab3b4e957225------2</link>
        </image>
        <generator>Medium</generator>
        <lastBuildDate>Tue, 17 Nov 2026 17:28:36 GMT</lastBuildDate>
        <atom:link href="https://medium.com/@stegermatt/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[【賽後包膠】德國聽證會感想]]></title>
            <link>https://medium.com/@stegermatt/%E8%B3%BD%E5%BE%8C%E5%8C%85%E8%86%A0-%E5%BE%B7%E5%9C%8B%E8%81%BD%E8%AD%89%E6%9C%83%E6%84%9F%E6%83%B3-7b070c8e6cb9?source=rss-ab3b4e957225------2</link>
            <guid isPermaLink="false">https://medium.com/p/7b070c8e6cb9</guid>
            <category><![CDATA[德國]]></category>
            <category><![CDATA[hong-kong]]></category>
            <category><![CDATA[香港]]></category>
            <category><![CDATA[germany]]></category>
            <dc:creator><![CDATA[石賈墨]]></dc:creator>
            <pubDate>Wed, 29 Jan 2020 20:39:07 GMT</pubDate>
            <atom:updated>2020-01-29T20:41:37.062Z</atom:updated>
            <content:encoded><![CDATA[<p>二十七日，我去咗柏林，出席有關香港警暴問題嘅聽證會。</p><figure><img alt="" src="https://cdn-images-1.medium.com/max/1024/1*fjhhyqovK3mkwlP4dojtcQ.jpeg" /><figcaption>圖片來源：中央通訊社記者採訪圖片</figcaption></figure><p>當日我自己四點鐘即刻睇返多一次，事後我自己再思考過，呢幾日亦都有聽過好多人嘅意見，有讚許，有批評，我覺得我可以回應一下，亦都係作爲一個資訊上嘅分享。</p><p>讚許嘅嘢我諗唔需要講，批評的話，我好樂意接受，寫呢個感想，唔係爲咗幫我自己做關公洗白，我係覺得我有責任同同路人講清楚成個來龍去脈。我自己發言嘅時候，成個背景同考慮係點。</p><iframe src="https://cdn.embedly.com/widgets/media.html?src=https%3A%2F%2Fwww.youtube.com%2Fembed%2Fi6aak70Bibc%3Ffeature%3Doembed&amp;display_name=YouTube&amp;url=https%3A%2F%2Fwww.youtube.com%2Fwatch%3Fv%3Di6aak70Bibc&amp;image=https%3A%2F%2Fi.ytimg.com%2Fvi%2Fi6aak70Bibc%2Fhqdefault.jpg&amp;key=a19fcc184b9711e1b4764040d3dc5c07&amp;type=text%2Fhtml&amp;schema=youtube" width="854" height="480" frameborder="0" scrolling="no"><a href="https://medium.com/media/a3642f9fb66cad81cb414274c5a1c615/href">https://medium.com/media/a3642f9fb66cad81cb414274c5a1c615/href</a></iframe><p>首先，我自己本身唔係聯署發起人，呢度我好感激Cindy同一班香港人，推出呢個聯署，等我地可以多一個機會喺德國討論香港嘅運動，我諗無論今次聽證會收到幾多成效都好，我都覺得我地行出咗正面嘅一步。</p><p>當初我同佢地傾嘅時候，我自己其實係打算企後少少，講到明希望可以搵到一個有更加大政治投入嘅人去講，我自己唔做發言人，可以幫手準備下咁大把，因爲我覺得放得上一個政治層面去講，其實唔係我呢個非政治人應該做嘅嘢，但係大家傾落，發言人其實個限制真係好大，首先佢應該係喺德國生活嘅香港人，亦都應該可以講到流利德文，亦都需要係一個瞭解德國政治同香港局勢嘅人，同時可以揭露自己嘅身份，再又要有時間準備聽證會。</p><p>大家搵到嘅人選，真係得三幾個，到最後，大家認爲我去，唔係完美嘅選擇，但係都係最後一個選擇。雖然政治上嘅認識我係十分之不足，但係要符合曬所有條件嘅人，真係要上火星搵…咁所以我當時其實就係選擇去定係選擇唔去。</p><p>最後我選擇咗去。</p><p>而亦都清楚，因爲自己嘅論政能力，肯定唔會滿足到所有人，所以我立場，確實極度保守，對於Bundestag批評唔係好夠，呢樣嘢我係知道嘅，希望大家可以睇落去，理解下我嘅決定。</p><h3>有關批評部分：</h3><p>已經有德國手足 德國家書neben Kantstraße回應咗有關今次嘅聽證會，寫得十分之好，大家可以睇睇：</p><p><a href="https://medium.com/%E6%B8%B8%E5%9F%8E%E5%AE%A2%E6%9B%B8-%E5%BA%B7%E5%BE%B7%E5%A4%A7%E9%81%93%E6%97%81/%E5%B9%B4%E5%88%9D%E4%B8%89%E5%92%81%E6%A8%A3-%E5%BE%B7%E5%9C%8B%E8%AB%8B%E9%A1%98%E4%BF%A1%E5%85%AC%E7%9C%BE%E8%81%BD%E8%AD%89%E6%9C%83%E5%9B%9E%E9%A1%A7-41c882851b4b">年初三咁樣：德國請願信公眾聽證會回顧</a></p><p>除咗佢嘅回應之外，我自己私底下都收到好多唔同嘅意見，尤其係支持獨派嘅朋友，覺得我同前線割席，呢樣嘢我之後會講。不過neben Kantstraße寫嘅批評十分之有條理，亦都係好有建設性嘅批評，所以我覺得跟住回應，大家最容易理解。</p><p>首先，佢認爲聽證會有三個指標，唔成功，佢講得好正確</p><ol><li>德國媒體關注</li></ol><p>因爲肺炎，所以聽證會得唔到德國媒體關注。好多朋友有事先聯絡媒體，但係真係有幾關注，我真係比較難控制。</p><p>2. 揭露香港慘況</p><p>呢一點，我地好想做到，已經準備咗十張圖片，用嚟披露黑警嘅五大罪行，我成檯嘅筆記，當中有超過三分一係用嚟講呢啲事例，結果我地算係好失敗，做唔到展示慘況嘅效果，我自己係覺得好可惜。</p><p>呢度入面有一個流程上嘅限制，導致到我地表現無預期中咁好：我當初有睇臺灣同其他聽證會做參考，一路以嚟，都係見到官方雖然淨係俾人講一分鐘回答，不過如果有補充都會有機會講到兩分鐘，三分鐘嘢，我以爲Wendt都會一路用呢個方法做，但係好可惜今次佢自己做咗Berichterstatter，我以爲佢講完之後，會返返主席位自己再做，結果Storjohann佢一路做到尾，而且對於我嘅補充同發言時間都有好大限制，對住Bundesregierung就反而鬆手少少。所以我準備曬嘅「兩分鐘精裝版」描述，全部都掉曬落鹹水海。呢度天意弄人，我自己臨場應變唔完美，所以大家有批評係正常的。</p><p>3. 做唔到要求對方承諾，落實某啲政策嘅效果。</p><p>其實我都好想…要清楚成個聽證會嘅架構，有一個設定，成個流程，理論上係唔存在聯署發起人向政府提問嘅可能。個格局都真係政黨代表人問發起人或者政府，無一個選項係發起人同政府直接對話。所以其實我都有多次希望提出補充，作爲對德國政府嘅回應，不過最後主席真係容許我補充嘅機會實在太少（現場可能先見到我有多次要求補充，不過最後得兩次俾到我講），所以我自己覺得，最後提出政治批評嘅角色，都係要俾返政黨去做，始終個委員會係做咗討論之後，射返個結論去俾其他委員會做決定，Bundesregierung呢度都可以話係「扮被動」嘅角色。</p><h3>點解唔批評德國政府（Bundesregierung），點解唔講實在嘅措施？</h3><p>所以一開始我地嘗試聯絡議員嘅時候，都想清楚佢地嘅立場，亦都希望佢地可以表達到我地對於德國政府嘅不滿同埋質疑政府嘅取態，但係我覺得，我地自己並無一個身份去直接批評政府。亦都只能夠提供一個方向，真正討論政策的話，我自己又係期望政黨會出聲的。我諗緊講稿嘅時候，我認爲自己身份，唔係一個politischer Akteur（我唔知道可以點樣翻譯，類似政治家或者政治操作者啦），所以我講嘅嘢，唔會用政治框架嚟講，導致到可能會俾人一個空泛嘅感覺，但係我自己唔想講到最後要Bundesregierung承諾，因爲呢個位好清楚，AA代表都根本唔可能做。而問有咩確實政策，其他政黨，個個都有提到，但係政府避重就輕，其實我自己都預知到我會好無奈。所以我第一個目標，係想做到揭露警暴嘅效果…</p><p>可能我自己嘅睇法係未必最好，但係我自己好小心，我寧願講大路方向嘢，都好過講啲off track嘅措施。批評話我過分懇求，其實我係知道嘅，無奈我自己真係覺得個身份係Bürgerinitiativ嘅形式，我真係唔覺得我有能力跳過個格式，同Bundesregierung講對香港政策…</p><p>如果大家呢一點係有期望的話，唔好意思，可能我真係太過保守。</p><h3>爲討好德國政府屈曲求存？</h3><p>另一個好大爭議嘅一點：點解你一開始要講「香港依家呢個運動唔係獨立運動，香港係中國嘅一個城市」？</p><p>有人認爲，我咁講係「跪」，怕刺激中共，咁講係自己畫地爲牢，甚至係否定香港獨立呼聲嘅存在。</p><p>喺準備成個講稿嘅時候，有幾樣嘢，我係掙扎咗好耐。</p><p>第一，就係到底自己要點樣設定呢個運動嘅框架同講香港嘅主權問題。</p><p>第二，就係一旦有人問到激進示威者暴力嘅問題，到底要點樣回答（割席問題）。好彩呢條問題無出現，否則都係我應該會死多兩錢。</p><p>仲有好多考慮，我唔一一寫出，但係呢兩個係我自己掙扎咗最耐嘅問題。因爲我自己嘅政治觀，係唔可能用幾分鐘就講得曬，聽證會亦唔係講政治觀嘅地方，所以我最後都係要做一個選擇，就係到底我講咩，對停止警暴呢一點有最大嘅幫助，集合咗我身邊參與政治嘅人嘅意見，雖然同我自己立場唔係完全一致，但係我最後做咗呢個選擇。</p><p>就算係盡力協助香港人嘅綠黨，其實講嚟講去，講香港，都係話Wahrung Ein-Land-Zwei-Systeme，要保護，維護一國兩制落實，如果大家有聽我DLF嘅訪問，我講嘅係我自己唔認爲一國兩制係可以執行嘅計劃。但係如果大家期望我講嘅嘢，係可以超脫呢個框架，俾到成班議員一個全新嘅政治理念，我諗大家對我嘅期望，可能有少少多。</p><h3>展露香港警暴問題？</h3><p>我自己都認爲做得唔好嘅地方，係我想講警暴，但係最後係講唔到，就算我一開始列出對黑警嘅嚴重指控（強姦，酷刑，警察自己組織嘅恐怖襲擊），打算去provoke啲議員去懷疑我有無證據都好，結果我地都無機會講。無奈，我地發言時間又好有限，我好多回應都拆曬啲論點嚟講。呢度我係真係覺得可惜。</p><p>而失分嘅地方，例如話公安混入警察，呢度我都要承認係無時間講我個例子，結果拆開咗講，只能夠話無確實證據證明。呢度我係好認同真係做得唔理想。</p><h3>兩句句子</h3><p>但係返返去個重點，我喺開場白講呢兩句句子，有以下考慮：</p><blockquote>「呢場運動唔係獨立運動」</blockquote><p>我有考慮過，要唔要自己爲運動嘅基本盤放一個框架，將所有討論嘅基礎放返落去香港人爭取自由民主嘅過程受到警暴傷害。如果我唔咁樣做，政黨同政府，係一定唔會跳出香港人權問題嘅框架同我講香港嘅運動會點樣定性，結果我希望講嘅警暴嘅問題，全部都因爲政治認同唔一樣，就變成「社運人士因爲政見不同而攻擊香港警察」。我問返自己，我出席到底係想對德國議員曉以大義，定係確確實實講警暴問題呢？可能好多人對前者係有一種幻想，我自己係無的。所以我選擇後者。自己講咗出嚟先，你地係覺得難接受，但係我唔有血有肉咁講，啲議員真係唔會繼續聽我講埋落去。就算你話個運動有百分之一嘅獨立運動成份，德國政治人物個立場都唔會當警暴係警暴，就真係可以話係搞暴力革命，話係內戰，流血也是「止暴制亂」嘅結果，成個框架係走樣。</p><p>我成日被人鬧我抱德國人大腿，其實我真係認的，我寧願造到一個影像出嚟，係香港人和平上街，唱今天我，爭取民主自由，但係警察都施行暴力嘅慘況。當然香港依家個運動有幾複雜，大家都知道，但係我懦弱，係保守，我真係好左膠地跟民意，要咗獨立調查委員會先，否定運動係獨立運動（我覺得呢個位就算係最hardcore嘅獨派都唔夠膽話個運動係獨立運動…最多你可以話好多前線同參與者都有呢個政治願景咁解，但係佢地真係唔係多數，我咁樣講，唔係否定曬所有獨派對運動嘅支持，而係一個事實嘅描述）。老實講，獨立調查委員會，到底可以做到咩角色，我自己其實係有懷疑，但係我知道我雖然唔係代表香港人，但係都叫做有責任反映返香港人嘅最大訴求，所以我選擇講呢一點。</p><p>我相信，身份呢個問題，係一個好重要嘅條件。我可以唔講呢兩句說話，咁我嘅面孔，當然就係保持一個問號啦。但係我嘅限制就係，只要我嘅內容，有偏離德國政府嘅框架，我就會變咗一個politischer Akteur，或者係用一個代表前線身份嘅Aktivist去講香港嘅運動，只要呢一樣嘢一發生，我無論之後講咩都好，都會係入咗萬劫不復嘅境地，無人會聽我講警暴嘅問題。我自己真係無咁勁，可以處理到呢啲咁delicate嘅政治表述。</p><blockquote>「香港係中國嘅一個城市」</blockquote><p>其實呢句句子，係打算駁去後面，如果有人講德國利益的話，用嚟講的。</p><p>因爲如果唔講呢一點，又係有另一個考慮。香港如果同中國關係唔密切的話，從利益上去講，好難叫德國人去幫香港。我有一個描述，係準備有人問中德貿易關係問題嘅時候，打算用，可惜無機會（一開始講流程問題，已經講咗）。但係呢條問題我真心係覺得會出現，所以係煮重米，喺開場白都鋪埋出嚟講。</p><p>德國人其實檯面都知道中國係最大貿易夥伴，唔得罪得。我當然會講人權無價啦，但係其實要德國政府行動，我係話香港係中國領土上最後嘅民主體制，如果保得住香港呢個安全港，將一啲公民元素滲透去內地，德國人嘅利益只會更加受保障（當然都想講埋外資經香港嘅成分呢類數字）。</p><p>但係，一切嘅利益，都係基於香港係中國一部分嘅基調去講，如果我唔咁講，又係再一次跳出「保持對話」嘅框架，咁我真係淨係用GG去凶返啲德國人？如果我連呢個中港關係都唔講，我又有咩落腳點去講保障德國人利益呢一個問題？</p><h3>自己唔開槍，就讓子彈飛</h3><p>我喺聽證會唯一可以講嘅嘢，其實就係對於AA係咁講Dialog呢個講法嘅不滿。熱血嘅朋友，可能就睇得最開心，Wendt生set到個波出嚟，我係覺得要打…可能大家係想睇呢啲嘢，但係好可惜，我自己唔認爲喺呢個位插Bundesregierung係有大幫助，我自己覺得可以拉埋全部政黨（AfD除外，外國勢力，笑咗），讓少少子彈飛，我已經覺得滿足。</p><p>我知道，我講嘅嘢，係泛民嘅基調，美國嘅聽證會，都有人話點解要對一國兩制有幻想，唔數臭一國兩制。但係唔講一國兩制呢個框架，政治上我真係無咁嘅能力去安全咁deliver到香港人嘅訴求出去。</p><h3>俾著係你，你簽唔簽聲明確認書？</h3><p>獨派嘅朋友，我想講返一個故事俾大家聽，梁天琦可以算係稱得上自決派同獨派嘅靈魂人物，但係大家都知道，爲咗參加一六年嘅立會選舉，佢都簽過聲明確定書，堅決否定過「繼續主張和推動香港獨立」，「支持香港是國家不可分離部分」。佢自己都認爲呢個妥協，係一個好艱難嘅決定，但係「手段不及目標重要」。</p><p>我相信就算唔係獨派嘅朋友，都好想選佢，亦都好希望佢有得選。我自己覺得，無人會怪佢點解要屈服簽聲明。</p><p>我咁做，都係同一個思維。當然，面對政權打壓，妥協係無奈，但係我想你地知道我嘅目標係咩。如果獨派嘅朋友認爲梁天琦因爲想選立會而堅決地放棄港獨立場係可以接受的話，希望你可以用同樣嘅尺度嚟量度我嘅決定。更何況，我講嘅只係一個殘酷嘅事實，你覺得唔啱聽，唔認同，我明白，但係都希望你明白我做呢個決定，唔係因爲我自己個人政治立場係泛民，或者想同任何派別割席，而係我自己選擇喺聽證會呢個德國政治框架入面，傳遞香港民意最主流嘅願望，而要做到呢個效果，我係無奈要一開始就承認呢兩個事實。</p><h3>廢柴你就廢柴啦 唔好咁多嘢講 道歉先</h3><p>講嚟講去，我都無辦法喺一個咁短嘅時間（準備時間同發言時間都好短），用一個純politisches Engagement嘅方式去做到大家想做嘅效果。如果有前線，包括大量獨派嘅朋友，認爲我咁樣講係割席的話，我可以喺度向大家道歉。我咁樣講，唔係抹殺有獨派意見嘅朋友喺運動嘅功勞，亦都無否定獨派嘅呼聲。</p><p>我唔認爲我有責任解釋我自己嘅決定，但係我自己天真地認爲，同路人，係應該知道大家嘅初心，我希望就算有咩意見分歧，都唔會因爲咁而令到戰線方向碎片化。你地聽完我講，我亦都承認我自己有所不足，希望你地可以繼續支持德國戰線。</p><p>我諗最後我仲有一個感想，呢句嘢已經成爲我嘅口頭禪，<strong>I’m too young for this shit</strong>。</p><p>都係返去搞黃色德文補習社比較好。</p><img src="https://medium.com/_/stat?event=post.clientViewed&referrerSource=full_rss&postId=7b070c8e6cb9" width="1" height="1" alt="">]]></content:encoded>
        </item>
        <item>
            <title><![CDATA[和理非，可以有幾勇武？]]></title>
            <link>https://medium.com/@stegermatt/%E5%92%8C%E7%90%86%E9%9D%9E-%E5%8F%AF%E4%BB%A5%E6%9C%89%E5%B9%BE%E5%8B%87%E6%AD%A6-ec8cd62c6eca?source=rss-ab3b4e957225------2</link>
            <guid isPermaLink="false">https://medium.com/p/ec8cd62c6eca</guid>
            <category><![CDATA[反送中]]></category>
            <category><![CDATA[香港]]></category>
            <category><![CDATA[德文]]></category>
            <category><![CDATA[德國]]></category>
            <dc:creator><![CDATA[石賈墨]]></dc:creator>
            <pubDate>Thu, 21 Nov 2019 16:13:43 GMT</pubDate>
            <atom:updated>2019-11-21T16:13:43.816Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*BSyhFHawYlN9WdN4QTfPRw.jpeg" /></figure><p>「明白呀，我記得我離開以前間公司嘅時候，已經做咗十三年，其實我好鍾意間公司，但係自己諗過，想要有一個突破，結果我就決定辭職。所以我真係明白，唔需要擔心。」</p><p>我老細真係絕非「腦細」，連我跟緊個大Project之際，「驚喜式」辭職都可以咁體諒人。</p><p>係呀，今朝，我遞咗大信封，決定離職。</p><p>二零二零年一月一日開始，我會脫離我深愛嘅全職工程師身份，喺自己「三張」來臨之前，開展我人生嘅另一個階段。</p><p>「癡撚咗線咩你！你間屋啱啱先起完，仲有排供，個仔先幾大呀，仔細老婆嫩，萬一你病咗無得放病假咁點？生多個，又無得放產假…仲有呀，保險呢？無老闆幫你畀，要自己畀曬呀！幾多人幾想做你份工，你竟然一句話想辭職就唔撚做？你係咪Hi大咗？」</p><p>屌得你咁應嘅朋友，其實好多時候係真心的。</p><p>「你啱。不過你第一日識我咩…我十年前Quit U去德國讀書，你咪又係係咁屌，過咗幾年就話我走得好以後唔好返嚟，鬧我衝動之前唔該你收一收皮先啦。」</p><p>俾我咁駁法，佢又真係一時之間諗唔到點駁返我轉頭，一蕉皮爾修。</p><p>雖然咁講，但係佢講得啱，我呢個決定，其實唔係我自己一個可以做，因爲有咩差錯，唔係得我自己一個受，我老婆同個仔真係好「無辜」。</p><p>同我老婆一開始傾呢個決定，其實佢都好驚。論點同我朋友一樣。佢覺得工程師係一個「專業」，放棄呢個專業，唔單單係放棄一份薪高糧準嘅工作，而係會令自己走入一個充滿未知數嘅生活模式，佢覺得好大壓力…做一個專業人士，簡簡單單咁生活咪幾好。</p><p>咁我就同佢針對每一個未知數嚟傾，一路傾，佢開始明白我嘅構思，佢恐懼嘅感覺都越嚟越少。</p><p>「其實搵得你呢個老公，都無得唔支持你，你就係鍾意冒險，Es ist in dir，否則你十年前都唔會夠膽嚟德國。」</p><p>仲有一樣嘢，令到佢好支持我：佢其實比我更加愛香港，佢喺香港嘅美好時光，令到佢更加想香港浴火重生，所以佢好明白我希望可以做得幾多得幾多嘅心情。</p><p>早兩日去慕尼黑做分享，佢一開始都係話「你唔係上晝返完工，揸四個鐘車去講一個鐘嘢然後揸多四個鐘車返嚟呀嘛？值唔值呀？」</p><p>好彩，個分享好成功，而且有MdB出席，我做完分享之後，呢位國會議員毫無架子，攞住杯啤酒，即刻拉住我針，希望有啲幫到香港嘅安排可以立刻做到。</p><p>同我老婆講完之後，佢終於話佢zuversichtlich，呢個字唔知點翻譯，類似有信心，有希望，樂觀啦。佢話會百分之一百支持我。</p><p>今日交完信，成個人鬆曬，我個To Do List，上面幾十萬樣有關香港嘅嘢，終於有機會可以清。</p><p>登報嗰一輪，因爲時間實在太緊逼，朝早起身返工，放工之後湊仔，到佢訓咗之後就坐喺部電腦前面，做到兩點幾，真係做到個人虧咗，老細都睇得出，插過我唔好搞到自己變咗喪屍咁樣…</p><p>嗰時我返工當「休息」，放工先「返工」，老細詐我型，確實正常不過。</p><p>做完嗰一炮之後，真係要潛陣水，係有諗過直頭唔做，覺得自己根本無能力應付到，要承認自己嘅不足，摺埋算數。</p><p>但係當你以爲，香港局勢唔能夠再壞落去嘅時候，721，831，101，1111呢啲數字接連出現，人地問到你可唔可以幫手，你根本就無能力say no…</p><p>咁我呢邊唔say no，我點爆啲時間出嚟？本來打算同公司申請減工時，老細都批咗咖啦，不過我諗諗下，減嗰少少工時，都係杯水車薪…</p><p>都係直接quit最爽快。</p><p>我想做一個最勇武嘅和理非，同大家一齊打呢條德國戰線。</p><p>「咁，你即係全職投身社運？」我講咗個計劃俾朋友聽，佢咁問我。</p><p>唔係。</p><p>一：社運人士呢個名詞，我覺得有一條線要跨過，唔係求其搵個阿豬阿狗，做少少嘢，就可以話自己係社運人士。真心講，我自己六月以嚟，做咗嘅嘢，相比其他香港人，少之又少。你諗下，我喺德國䟴䟴腳，做下鍵盤戰士，連一絲TG都未索過，就唔好用呢啲朵，我最多係一個熱心嘅香港人咁大把。</p><p>二：我辭職，主要係想喺呢段時間回下氣，跟手做下自己一路想做，我認爲會幫到香港嘅嘢，但係我都要搵食，所以我嚟緊嘅工作轉型，唔會係開善堂。話定俾你地聽，我好想食人血饅頭 — — 雖然啲血我自己預先嘔咗一攤出嚟自己點住先。但係，長貧難顧，我會堅持我做嘅嘢，一定要係商業可行性行先，咁就唔好打住啲社運標籤，慈善旗號嚟呃9啲香港人。</p><p>係呀，我鬧緊香港啲慈善機構呀，收埋收埋咁多香港人捐款，要你地幫手嘅時候，你地死咗去邊？</p><p>我之前一路都有一啲既可牟利，又可以幫到香港人嘅概念，但係好怕有人會話我踩喺香港人嘅屍體上面搵銀，所以一路都唔敢實行。</p><p>依家？我反而放開咗，只要公開透明咁同大家講清楚我想做咩，覺得值得俾我賺嘅就支持，覺得我食你人血饅頭嘅 — — 我份可以打足一世嘅長工都夠薑劈炮唔撈，你認爲我會介意你點睇我？</p><p>嚟緊嘅日子，我會諗清楚曬所有我想做嘅嘢，一次過同大家交待，希望大家到時可以支持。</p><p>和理非都可以好勇武的。</p><p>光復香港，時代革命。五大訴求，缺一不可。</p><img src="https://medium.com/_/stat?event=post.clientViewed&referrerSource=full_rss&postId=ec8cd62c6eca" width="1" height="1" alt="">]]></content:encoded>
        </item>
        <item>
            <title><![CDATA[香港人在德國協會 Hongkonger in Deutschland Verein，正式成立！]]></title>
            <link>https://medium.com/@stegermatt/%E9%A6%99%E6%B8%AF%E4%BA%BA%E5%9C%A8%E5%BE%B7%E5%9C%8B%E5%8D%94%E6%9C%83-hongkonger-in-deutschland-verein-%E6%AD%A3%E5%BC%8F%E6%88%90%E7%AB%8B-83bd78d53de3?source=rss-ab3b4e957225------2</link>
            <guid isPermaLink="false">https://medium.com/p/83bd78d53de3</guid>
            <dc:creator><![CDATA[石賈墨]]></dc:creator>
            <pubDate>Thu, 17 Oct 2019 14:36:39 GMT</pubDate>
            <atom:updated>2019-10-17T14:36:39.200Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*6VqnaHj2S5Lb7PUvjQOYPA.jpeg" /><figcaption>Freiheit — männlich/weiblich, Jonathan Borofsky (Bild:Stegermatt)</figcaption></figure><p>九月二十日，七個香港人加上一個德國人，一齊聚首Offenburg*，香港人在德國協會，正式成立！</p><p>而剛剛，我亦都同律師去咗公證處度，爲文件進行加簽，律師好快就會安排地方法院嘅登記手續，如無意外，呢個協會將會喺十一月內成爲一個德國嘅註冊協會eingetragener Verein (e.V.)。</p><p>呢個，應該係第一個喺德國由香港人成立嘅註冊協會。</p><p><strong>目標</strong><br>到底我地成立呢個協會，有啲咩目標？<br>根據我地嘅會章，香港人在德國協會成立之後，會有以下嘅目標：<br>一，聯繫身在德國嘅香港人<br>二，為身在德國而又有需要嘅香港人提供幫助<br>三，關注香港及德國之間嘅政治同商貿關係<br>四，收集有關德國嘅資訊，整合之後，再提供畀身在德國嘅香港人<br>當行政上嘅手續搞掂好曬之後，就會歡迎所有認同德國《基本法》入面提倡嘅價值（包括自由，平等，民主，法治），而又居於德國嘅香港人，加入呢一個協會。</p><p><strong>只係平台，唔係大台<br></strong>香港嘅「流水革命」，能夠延續超過四個月，其中一個原因，就係「無大台」。<br>創立「香港人在德國協會」，可能有人會質疑，我咁樣做，係唔係想起「德國大台」？<br>我同其他創會會員，都絕對無咁嘅意思。創立協會，我只有一個目標，就係為喺德國嘅香港人提供一個平台，亦希望可以擔當一個Facilitator嘅角色（真係搵唔到呢個字中文講法）。</p><p>呢邊嘅香港人，由於欠缺一個具有法定身份嘅代表，好多時候，好多嘢都無辦法做到。就係好簡單咁收集一啲有心人嘅資金，然後用嚟扣返搞活動嘅支出，都已經係一件令人非常頭痛嘅事，而聯絡唔同嘅德國組織或者媒體嘅時候，都無辦法唔以個人嘅名義去做。就用G20團隊三次德國登報嚟做例子，ViSdP後面，唔應該用我一個人嘅名嚟頂，而係應該用「香港人」嘅名義嚟登！</p><p>運動無大台，係好事，但我記得六月局勢剛剛踏入惡化嘅螺旋之際，好多朋友都勞心勞力，希望自己都可以做到少少嘢，幫到香港。當時呢個去中心化嘅動員力，真係令到好多香港人都驚歎。</p><p>我明白，面對一個無情嘅政權，匿名對於好多人嚟講，係一個必要嘅自我保護措施，但係每次當一個行動完成之後，臨時建構嘅平台亦隨之消散，當又有一波行動出現嘅時候，要再聚集多一次五湖四海嘅有心人，實在係一個好艱鉅嘅工作。</p><p>喺呢個時刻，協會最重要嘅角色，就係整合所有人力物力，等喺呢邊嘅香港人，擁有一個平臺，不但出師有名，更可以一齊合作，互相支持！</p><p><strong>展望</strong></p><p>協會依家仍然處於起始階段，想要做到理想入面嘅角色，仍有漫漫長路。我好希望，身處喺德國嘅香港人，可以連成一線，一齊幫手，喺德國建立一個屬於香港人嘅社區，喺需要嘅時候，都可以互相幫助，亦可以爲遙遠嘅家鄉出一分力！</p><p>接下來嘅工作，十分之多，我地依家已經開始搵緊啲有心人。如果你係一個喺德國定居嘅香港人，認同我地嘅理念，又希望可以幫手的話，歡迎你加入我地核心會員嘅團隊！緊接落嚟，我會提供一個聯絡方法，等大家都可以一齊參與建立在德港人社區嘅過程。當協會完成註冊，辦理好所有手續（包括銀行戶口，會員管理系統等等），可以開始招收會員，接受捐款嘅時候，就會再通知大家。希望大家密切留意！</p><p>能夠得到創會會員嘅支持，成爲協會嘅主席，我深感榮幸。喺呢度我要多謝各位有份參與籌組協會嘅朋友對我嘅信任同埋你地嘅付出。</p><p>我地會繼續努力，同全部香港人齊上齊落！</p><p>石賈墨 上</p><p><em>*呢個Post，我唔知道應該配咩圖，但係講到Offenburg，我就好想講佢嘅歷史，咁就唯有引用返之前我寫過嘅嘢啦：<br>//張相背後嘅大型雕塑，叫做『Freiheit — männlich/weiblich』Freiheit大家都識啦，自由咁解。呢個雕塑出自藝術家Jonathan Borofsky之手，係由一男一女互相嵌入，各高舉一隻手嘅人所組成，用嚟紀念Offenburg喺德國民主化運動入面所扮演嘅角色。</em></p><p><em>唔講你唔知，原來一八三零年，法國七月革命牽起咗歐洲民主化嘅浪潮，直接令到德國出現三月革命，而第一個革命宣言，就係喺Offenburg出現。當時喺Offenburg一間叫Salmen嘅餐廳入面同外面，圍繞咗超過八百人，提出一份叫《人民的要求》嘅宣言，總共有十三段，當中有好多描述都清楚講明人民所要求嘅權利，例如係言論自由，集會自由等等。而呢啲描述，部分更加成為咗德國基本法嘅基礎。</em></p><p><em>呢個雕塑，就係用嚟紀念當初振臂一呼，追求自由嘅嗰八百幾位先行者。時至今日，Offenburg每隔兩年，都會喺Salmen外面舉辦『自由節』，去歌頌佢地嘅貢獻。//</em></p><img src="https://medium.com/_/stat?event=post.clientViewed&referrerSource=full_rss&postId=83bd78d53de3" width="1" height="1" alt="">]]></content:encoded>
        </item>
        <item>
            <title><![CDATA[回應返我呼籲停用『赤納粹』比喻所引起嘅疑問]]></title>
            <link>https://medium.com/@stegermatt/%E5%9B%9E%E6%87%89%E8%BF%94%E6%88%91%E5%91%BC%E7%B1%B2%E5%81%9C%E7%94%A8-%E8%B5%A4%E7%B4%8D%E7%B2%B9-%E6%AF%94%E5%96%BB%E6%89%80%E5%BC%95%E8%B5%B7%E5%98%85%E7%96%91%E5%95%8F-1ca5024490b7?source=rss-ab3b4e957225------2</link>
            <guid isPermaLink="false">https://medium.com/p/1ca5024490b7</guid>
            <dc:creator><![CDATA[石賈墨]]></dc:creator>
            <pubDate>Thu, 03 Oct 2019 14:24:21 GMT</pubDate>
            <atom:updated>2019-10-03T14:24:21.250Z</atom:updated>
            <content:encoded><![CDATA[<p>我知道，呼籲停用『赤納粹』嘅講法，一定會引起爭議，不過我都照講，俾人插都咁話。</p><p>有人話我唔回應，話我走住嚟屌，我自己無呢個意思，不過有營養嘅討論，要啲時間消化同寫咁解。</p><p>我喺度希望可以再針對返回應我呼籲嘅意見，疑問，等大家明白我點解會咁講。</p><p>最後，我唔想重演『機場道歉』嘅爭議，你地睇完我點講之後，自己決定用唔用『赤納粹』。兄弟爬山，各有各做。屌人係唔駛本的，但係落手落腳做就唔係人人都做得到，如果睇完都覺得我係『維穩』，『五毛』，『左膠』，呢啲稱呼，我唔介意啃咗佢，你地屌得開心就可以。無所謂，我會喺德國呢邊繼續努力。</p><p>首先，我想講一下提出呼籲嘅成個來龍去脈。</p><p>六月，個運動仲係叫『返送中』嘅時候，我以為最多淨係食下花生，但嗰時我就已經有諗，到底我可以做啲咩，可以幫到手。</p><p>一開始，我係翻譯啲德文媒體咁大把，等香港人可以理解一下德國媒體點樣睇呢場喺香港發生嘅運動。之後，我喺機緣巧合嘅情況下，參與咗G20團隊三次登報嘅行動，第一次趕頭趕命，自己落咗ViSdP個名，之後嘅參與就越嚟越多。</p><p>我嘅職責係幫手做德國登報行動嘅聯絡人，聯絡報館，而因為ViSdP焗住出咗嗰名，所以就做咗少量有披露自己身份嘅G20團隊成員，咁反正我都黃咗囉，我就有接受德國傳媒嘅訪問，主要係想redirect返啲注意力，去啲我認為重要嘅議題度。因為呢幾次登報行動，所以我自己關注多咗德國媒體，同好多記者都有聯絡，開始想知道德國呢邊點討論呢個議題。</p><p>依家，我已經將成個Vision放咗喺嚟緊嘅三年度。如果大家有跟開我寫嘅嘢，知道我嚟緊會搞一個e.V.，幫返呢邊香港人手先，亦都打算做一個行動上嘅轉型，不過呢個係後話，到時候我先同大家講。</p><p>尤其係最後一次嘅登報計劃，我花咗好多時間落去睇德國嘅報導，都叫對德國人睇呢場運動嘅睇法，有少少了解，亦都有同身邊嘅德國人，傳媒人有討論，大家都係得一個目的，就係希望可以用某啲方法，令到德國可以有所行動，向香港同內地施壓（點做我嚟緊會講）。</p><p>我一早就見到『赤納粹』呢個字，其實唔多妥當，本來都想講下自己睇法。余杰本《納粹中國》，我無睇過，到底佢點比較，我唔清楚。但呢個字喺香港流通，覺得唔會上到檯，我都認為無咩問題。</p><p>直到之前瑞士有報過一次『赤納粹』嘅比喻，雖然都係一句起兩句止，但之後就收到好多媒體人，德國人嘅『查詢』，想知道點解會有呢個比喻。佢地嘅疑惑，其實背後潛台詞就係：『<em>台灣有學生玩過，內地有遊客玩過，估唔到連香港人都鐘意咁玩。</em>』</p><p>你想我點答佢？</p><p>我唔係讀歷史，唔係讀政治，但如果你想知道，點解部分德國人會咁唔鐘意呢個比較，之前留言，有一個好好嘅比喻：『<strong>依家我見到有義士俾黑警射傷，我好傷心呀！直頭好似你上年老母生Cancer死咗嘅時候咁傷心。#死老母咁傷心</strong>』</p><p>如果你係死老母嘅嗰位朋友，仲會唔會話：『你嘅比喻真係好精闢呀！我好清楚理解到你係有幾傷心！支持你！』唔會，正常人都唔會。正常人都expect對話入面，每個人都會尊重悲痛嘅過去，盡量唔會提起呢一段歷史。</p><p>用返同樣道理，你用呢個比喻都唔係話唔得，但係你要用落一個Context度：『上年你傷心到喊到爆，唉，依家我終於體會到你舊年失去親人嘅痛苦，希望你可以安慰下我啦。』我絕對唔反對香港人攞黑警『曱甴』論嚟講，唔反對網上面對比Gestapo同黑警嘅圖片，呢啲有Context，局部嘅比較，係做到大家想做嘅效果：話俾人知，香港警察，中共，有幾邪惡。</p><p>但係我嘅言論一出，好多人就認為：『佢叫人唔好用赤納粹，即係覺得中共唔夠邪惡，即係幫中共塗脂抹粉。』你要咁諗，我無辦法。我知道新疆維吾爾族，西藏發生緊咩事，中共七十年以來殘害過幾多中國人，我都算叫知道。呢度有一個觀點我想提出：<strong>技術上比較納粹德國所做成嘅死亡人數，同中共殘害過嘅人頭，係無意思的</strong>。納粹德國所引起嘅係世界大戰，係實實在在嘅戰爭，係一場涉及幾十個國家嘅浩劫，成個歐洲，幾多個人係經歷過納粹德國所帶嚟嘅毀滅，對於歐洲人嚟講，納粹嘅歷史，唔係一啲可以用嚟隨意比較嘅題目。我咁講，唔係話新疆維吾爾族所受到嘅逼害『唔夠慘』，但係有無必要用呢種我上面講，所謂嘅『死老母』比喻嚟講呢？局部嚟講，你都可以講話中共搞『集中營』，但係推『赤納粹』，直接俾『中共=納粹』呢個信息出嚟，唔係人人都buy㗎！</p><p>退後一步嚟講，就算你嘅比喻真係技術上十分吻合，但係，<strong>比喻精闢係無獎囉㗎</strong>。你硬係要比較，咪好似gphone咁，話香港係新柏林，當其時DDR都係監控人民，高壓統治，但最後週一示威間接導致政權倒台，比喻貼切得嚟最後結果又夠正面，呢啲比較，唔會得罪到人，咪可以放心做囉。</p><p>『咁你都係怕得罪人啫！怕你就唔講，唔通啲藍絲同共狗話唔鐘意乜乜物物，你又唔講啦喎！』我怕唔怕得罪，最重要睇個人對我有嚟講有幾重要。深藍講咩，做咩，對於爭取我地嘅目標，完全無關痛癢，我唔怕得罪。<strong>得罪人可以，但係真係要睇下有咩回報。</strong>十月一TAZ登報，我同報館嘅廣告負責人聯絡，睇完我地寫嗰篇文，佢話：『你ViSdP個名寫得清楚啲喎，到時我買蛋糕去探你監，都可以搵到你呀嘛。』兩個負責寫文嘅德國人，都幾次提醒我，要小心啲講法。尤其係八三一太子站傷亡人數同自殺案件掛鉤，根本未有官方渠道確定，我自己諗過幾次，到底寫唔寫好，大佬我出ViSdP㗎，如果有啲咩喺德國嘅愛國同胞一個唔鐘意，話我散播不實言論，搵律師告我，我個名放得喺ViSdP後面，係我一個人啃㗎！但係我都要照講，係因為呢一個觀點，德國媒體真係無講，而我又覺得真係好重要，等啲德國嘅人道機構都可以關注八三一，Amnesty已經出咗報告，其他機構可唔可以添食呢？我唔知，但我講咗先，話我言論不實的話，就不妨去查證一下。惹火嘅言論，我唔怕講，最怕係講完之後，倒自己米咋。</p><p>『有無問過德國人？德國人點睇赤納粹呢個字？我認識嘅德國人（老公，朋友等等），佢地都好讚成用呢個比喻！網上啲人都鬧認字特警係Grammar Nazi啦！』</p><p>我無可能代表曬所有德國人，呢樣嘢喺我之前寫嘅文入面，已經強調咗好多次。不過我照答：我有問過，人數唔少。而且當中係有人贊成用赤納粹嚟比較的。</p><p>咁點解你都要反對用呢個字？</p><p>因為，<strong>每個國家都有自己嘅框架，有一套政治語言，如果要爭奪話語權，唔係話大聲就得，而係要用呢套政治語言嚟講說話。</strong></p><p>睇返話唔介意講赤納粹嘅德國朋友，都係年紀比較輕嘅人，佢地同二戰近乎斷絕接觸（戰後第三代，最多聽下屋企爺爺嫲嫲講故仔嘅朋友），當然無咁敏感，對於香港中國嘅局勢又比較理解，所以都無咩所謂。但係依家政治體制入面嘅人，仲係戰後第二代，父母經歷過二戰，自己又有經歷過東西德，對於呢啲比較，自然敏感好多，唔識『政治語言』，都唔會入到個體制入面。媒體人就更加唔需要講，佢地講嘢就更加精準，清楚知道『政治語言』嘅重要性。你搵啲網絡上嘅例子俾我，有咩價值？</p><p>你見德國啲政客有陣時好似成日講廢話咁，支持香港，好似講得好悶，得三幅皮，你以為特登㗎咩？廚師煮飯，識煮嘅，調味料唔會落得多，好多時候都係三幾樣，係點樣配搭組合煮得好食，先係有功架嘅地方。講『自由』，『民主』，『人權』，『反極權』呢啲嘢，啲德國人先容易入口，之後先可以一步一步咁帶落去講。你依家一嚟就講『赤納粹』，呢個講法，真係成羹蝦醬咁撻落嚟，你就覺得好有鮮味，啲鬼佬聞到係覺得好腥㗎！</p><p>有朋友有疑問，但係問得高汁，我想喺度提提：佢見到好多德國人都有用納粹嚟做比喻，比如話用嚟講AfD，而且有部分都有公開展示打咗交叉嘅Hakenkreuz，咁唔係代表呢個比較無問題咩？</p><p>係，德國本土，都偶有納粹比較，但係左翼咁做，其實都會惹起反感。德國人左翼反AfD，都係會扣Rechtsextremismus帽子，但其實分類上，佢地係Rechtspopulismus。呢個係大路，放得上檯，用『政治語言』嘅鬧法。咁你話，Rechtsextremismus，其實就係納粹啦。係，但係前者係政治語言，後者唔係，真係嘢嘢都講納粹，係極左先會咁做，而且你講到要去到NPD呢啲政黨，喺一個有限嘅框架入面，用納粹嚟鞭佢先叫安全。</p><p>如果要德國政界聽到我地講嘢，就係要用呢套語言嚟講，你可能覺得好左膠，可能你覺得唔夠爆。你啱，係好左膠的。我仲記得上次Bundestagswahl玩Wahl-O-Mat，有一條問題，問話學校應唔應該用Holocaust嚟做Erinnerungskultur嘅核心。我一個香港人，唔需要有咩歷史包袱，咁梗係話唔需要再講啦。不過呢個位連AfD都唔敢郁呀！佢地夠右啦掛，但係都唔敢反呢樣嘢。</p><p>你話我左膠，其實我唔係，不過事實擺在眼前：德國人係左膠。人地唔左，都唔會收難民，仲有香港人黃台仰李東昇，仲有劉霞艾神呀。成日話『共產黨最開心』，德國唔左膠橫行，唔肯收黃李，邊個最開心呀？我左膠？我不知幾想德國人膠多兩錢呀！</p><p>去到呢個位，又有人講『德國，歐盟做過啲咩？佢地都無撚用！搵美國仲好！』我絕對認同大家話『自己香港自己救』，唔可以假手於人。但係你叫『赤納粹』，喺香港又可以起到咩作用？有人話留言話，我地係表達自己感受，唔係要德國認同同情。咁你直接認你地自己圍爐打飛機咪算囉！如果我地香港人喺呢邊可以爭取到啲咩，一定係要落手落腳做，爭取媒體支持，改變返德國人對香港嘅認知，等政黨對香港支持增加（或者增加支持香港嘅政黨力量）。</p><p>咁講好遙遠，等我幫大家溫返書先：</p><p>EU Parl有做Resolution，雖然最後嘅結論係無約束力，不過起碼喺EU度落咗個定論先。最後係<strong>呼籲全部EU國家唔好賣武器俾香港警察</strong>呀…</p><p>動議呢個Resolution嘅MEP，叫Reinhard Bütikofer，德國人，Grüne。</p><p>Margarete Bause，德國MP，Grüne。去咗慕尼黑支持香港人嘅集會。佢曾經想跟代表團去中國，但被拒入境。佢都<strong>有份逼德國政府披露中國國安喺德國嘅活動，話俾全世界知道，中國係有情報人員監視呢邊嘅香港活躍人士，要求德國政府遞解呢啲人出境</strong>。</p><p>Andreas Walter，科隆市長，Grüne。接見過香港人，討論過點樣可以幫香港人（<strong>例如話想過嚟旅行嘅義士</strong>），表明支持香港民主運動。</p><p>Gyde Jensen，MP，德國人權事務委員會主席，FDP，做過聲明，表明支持香港示威者，並且提出，<strong>如果香港通過逃犯條例，必定要求德國修改同香港嘅引渡安排</strong>。</p><p>Christian Linder，MP，FDP大粒佬。本來對中國有過美好想像，但係自從去咗香港見咗民主派嘅人，再返大陸畀人噴之後，就開行復仇Turbo，FDP旗下青年人政治組織<strong>搞過聲援香港集會</strong>，<strong>鬧過默姨姨點解唔親自接見gphone</strong>，鬧過Siemens大佬Kaeser<strong>掛住做生意，連社會信用評級都唔理</strong>。</p><p>Heiko Maas，德國AA Minister，SPD底。<strong>見過gphone</strong>，之後外交部真係開『吹風會』，SPD之後都反擊。</p><p>當然，大佬係CDU，呢個真係一座難移嘅大山，無奈CDU真係最大粒，入面個個人都食中共條水，點會肯翻檯。</p><p>你見到，凈係Grüne呢個左膠政黨，可以做到幾多嘢？</p><p>呢個表，唔夠長，我地呢邊嘅香港人，做得幾多得幾多。一時三刻，我地改變唔到啲咩，只能夠喺德國左膠框架入面，步步為營咁前進。但係你地有無諗過，做呢樣嘢係幾難，係幾需要深耕細作？一粒老鼠屎，壞了一鍋粥，點解硬要講赤納粹，要冒呢個險呢？</p><p>大家可能習慣咗無民主嘅抗爭，但係喺德國，票唔係屌返嚟㗎。你唔做媒體，唔做德國民意，唔放香港呢個議題入去Bundestag，點樣可以令德國『賀佢老母』呢？Bundestag夠人頭，『支助』中共幾十億，係咪可以考慮收皮先？我啱啱呢邊先收到E-Mail，有人想搵我分享一下，因為呢度附近有一個城堡，有中國買家準備買入，當地居民反對，但係唔知道點樣同人講佢地嘅擔憂。機場呀，公司呀，依家中國大手大手買，紅色資本流緊入嚟㗎啦，仲有華為5G呀，會唔會出個收購限制先？林鄭個仔嚟讀哲學，有無Magnitsky俾佢嘆下呀？全部嘢，都係要用套政治語言嚟慢慢講，等德國政治主流變成反共先有得做。</p><p>你地咪叫『赤納粹』囉，比喻精闢啦，一語道破中共邪惡面目啦…但係你破壞咗香港人喺德國大眾心目中嘅形象，turn off咗德國人對香港人嘅美好想像。就係幫我地倒米，其他國家我唔敢講，德國一定係。</p><p>共產黨最開心？用多幾次赤納粹呢個比喻啦，邊個開心呀？</p><p>呢邊嘅香港人，花咗幾多時間搞登報，花咗幾多人力物力搞展覽，花咗幾多心機聯絡唔同嘅政治人物。依家我叫大家唔好用『赤納粹』比較，費事倒米，你地啲淨係識圍爐打飛機嘅契弟，就話我玩膠，維穩，話我係五毛？</p><p>如果我要批評的話，只能夠講，你地搵到個精闢獨到嘅比喻，圍爐打飛機，無話唔得，但係如果你地打到周圍都係，我踩到出句聲，你地諗一諗再屌，得唔得呢？我唔會話你地維穩，五毛，露底，但係你地真係唔好認為搵到個咩神來之筆，唔想你地用就要鬧，咁樣你地同啲盲毛有咩分別？鬧我嘅，我知道都係兄弟，但係各有各做，我話聲你知，諒解下我好唔好？</p><p>當然，打飛機打到上腦，都未叫做係主流。最後，我針對返大家嘅疑問，俾多少少個人見解。</p><p><strong><em>加『反』，標誌上面打叉，會唔會就可以？</em></strong></p><p>客觀上嚟講，一定會係好啲，但係爭議都係有。</p><p><strong><em>德國人都有拍過電影，納粹點會完全唔講得？</em></strong></p><p>無話唔講得，係睇你點講。所有藝術範疇嘅展示，都係例外。但係有例外唔代表呢個標誌同講法就無爭議。</p><p><strong><em>咁我應該用咩字眼去形容中共？</em></strong></p><p>大把。極權，法西斯，暴政，獨裁，乜都得，唔好玩納粹就可以。</p><p>攬炒巴就用『抗極權』取代『赤納粹』嚟做Rally嘅主題。攬炒巴點解唔用，有佢原因，我相信佢睇得通透過我。我覺得唔需要特登搵一個字嚟比喻。希特拉，納粹惡行，contextual嘅比較，無問題，但係唔好用一兩個單純而危險嘅字眼嚟套落去，否則又會做到『好似你死老母嗰時咁慘』嘅效果。</p><p>要講嘅係咁多，睇完都仲要用赤納粹，歡迎。大家都係各有各做，有人要倒米，我都係要繼續做，無辦法。</p><img src="https://medium.com/_/stat?event=post.clientViewed&referrerSource=full_rss&postId=1ca5024490b7" width="1" height="1" alt="">]]></content:encoded>
        </item>
        <item>
            <title><![CDATA[請立刻停止使用『赤納粹』比喻]]></title>
            <link>https://medium.com/@stegermatt/%E8%AB%8B%E7%AB%8B%E5%88%BB%E5%81%9C%E6%AD%A2%E4%BD%BF%E7%94%A8-%E8%B5%A4%E7%B4%8D%E7%B2%B9-%E6%AF%94%E5%96%BB-3b60787a671f?source=rss-ab3b4e957225------2</link>
            <guid isPermaLink="false">https://medium.com/p/3b60787a671f</guid>
            <category><![CDATA[antielab]]></category>
            <category><![CDATA[hong-kong-politics]]></category>
            <category><![CDATA[nazis]]></category>
            <category><![CDATA[hong-kong]]></category>
            <dc:creator><![CDATA[石賈墨]]></dc:creator>
            <pubDate>Mon, 30 Sep 2019 18:23:14 GMT</pubDate>
            <atom:updated>2019-09-30T18:23:14.496Z</atom:updated>
            <content:encoded><![CDATA[<p>【臨崖勒馬】請立刻停止使用『赤納粹』比喻</p><figure><img alt="" src="https://cdn-images-1.medium.com/max/960/1*QuttSGoUNVkkVQFVHOmUBQ.jpeg" /><figcaption>Photo of <a href="https://www.facebook.com/Pakkin.Cousin">Pakkin Leung</a>, CC-BY 4.0</figcaption></figure><p><em>（註：本文以書面語寫成，希望可以接觸到香港以外的中文媒體）</em></p><p>國慶十一，全城希望『賀佢老母』。我明白，但是外媒如何可以明白大家這種『賀佢老母』的思維呢？</p><p>本來好多宣傳活動，都想用『赤納粹』來做主題，最後還是要剎停。用不用納粹來做比較，無需要問外國記者，西方政客，略為有少少國際常識的人，都知道這個字眼極其量可以在香港流通，而絕對不能夠登上國際舞台。</p><p>難以理解的是，竟然有人對這個棄用『赤納粹』的決定，有所不滿。甚至有人聯絡我，問我可否幫他分發帶有赤納粹標誌的單張。</p><p>攬炒巴說：『善用國際思維，我地一定會贏。』善用國際思維的前設，是大家都有國際思維。根本沒有的話，何來善用。對於德國歷史略有了解的朋友，都知道『納粹』一字，在德國是天大的禁忌。</p><p>先拋開感性上的觀感。在法律層面上，於公開場合行納粹禮，展示納粹的標誌（包括Hakenkreuz，就是所謂的反卍字），都會觸犯德國法例。亦即是說，如果有德國的媒體走來香港，看見大家集會的時候，都拿著赤納粹的橫額，就算赤納粹的標誌，跟本身的Hakenkreuz有所不同，為求安全，他們根本就不能做任何影像採訪，反正圖片不能刊登（或者需要先打上馬賽克才可以公開），納粹這個字眼，他們亦盡量避免使用。</p><p>朋友們，你希望失去德國媒體的正面報導嗎？</p><p>感性上，德國人對於納粹的惡行深痛惡絕，納粹對於德國這個國家的殘害，是以世界大戰的層次來計算。對不起，香港的朋友可能不認同，但是中共對香港的壓逼，還是遠遠跟不上納粹的水平。</p><p>二戰中受到納粹逼害的倖存者，全部都年事已高，人數不多，不過他們見證過這一段歷史，尤其是家破人亡，妻離子散，在集中營受到極不人道的對待，身心受到的折磨，確實是令人極度痛心。無論在什麼語境下，『納粹』這一個字的出現，都會刺傷這些倖存者的心靈。</p><p>德國人有一個講法，雖然誇張，但是也不無道理：『德國人在學校讀歷史，有一大半的時間都是用來講自己國家做了什麼傷天害理的東西』。</p><p>以往有一段長時間，德國歷史在德國的學校裡是必修科，跟香港不一樣，必修中史，是當權者以為可以提升國民身份認同的手法；德國歷史必須要讀，就是防範納粹主義再抬頭，再次對德國產生不可挽救的傷害。</p><p>本來德國就是一個擁有言論自由的地方，但是所有有關納粹的東西，仍未解禁（希特拉『我的奮鬥』早幾年允許出版，不過只限於有學者加上評註的版本，『正版』仍然是禁書），原因就是不希望挖出猶太人歷史上的傷口，也不希望右翼主義通過延續納粹的象征而死灰復燃。</p><p>你可能會認為我是左膠，或者覺得我不敢比較中共和納粹。這些意見，對於我來講都無關痛癢。我的目標只有一個：幫香港人在德國爭取關注和幫助。使用赤納粹這個比喻，只會破壞在德港人的努力。</p><p>我在此由衷建議大家：如果大家要得到德國人的支持，請立刻停止使用『赤納粹』這個比喻！</p><img src="https://medium.com/_/stat?event=post.clientViewed&referrerSource=full_rss&postId=3b60787a671f" width="1" height="1" alt="">]]></content:encoded>
        </item>
        <item>
            <title><![CDATA[香港人移民德國，無咁容易嘅]]></title>
            <link>https://medium.com/@stegermatt/%E9%A6%99%E6%B8%AF%E4%BA%BA%E7%A7%BB%E6%B0%91%E5%BE%B7%E5%9C%8B-%E7%84%A1%E5%92%81%E5%AE%B9%E6%98%93%E5%98%85-10147a957199?source=rss-ab3b4e957225------2</link>
            <guid isPermaLink="false">https://medium.com/p/10147a957199</guid>
            <category><![CDATA[石賈墨]]></category>
            <category><![CDATA[移民]]></category>
            <category><![CDATA[護照]]></category>
            <category><![CDATA[德國]]></category>
            <category><![CDATA[香港]]></category>
            <dc:creator><![CDATA[石賈墨]]></dc:creator>
            <pubDate>Mon, 09 Sep 2019 21:50:57 GMT</pubDate>
            <atom:updated>2019-09-09T21:50:57.429Z</atom:updated>
            <content:encoded><![CDATA[<h3>來生不做中國人？</h3><figure><img alt="" src="https://cdn-images-1.medium.com/max/1024/1*9S5bpHIeTtG5IXO15ceLQQ.jpeg" /></figure><p>文件其實已經交齊曬啦，但係Einbürgerung嘅負責人話，依家條龍越嚟越長，照咁計，要等足一年，先會處理到我嘅申請。</p><p>係，我已經決定，唔需要等來生，今生已經不做中國人。</p><p>就咁聽落去，攞另一本護照，好似好大件事咁，但係其實你諗下，香港啲高官有幾多人有外國護照？當然，佢地攞得嘅護照，都容許佢地有雙重國籍，或者放棄之後可以重新申請，著數盡攞，但又唔需要完全放棄香港護照同身份證。呢啲人攞外國護照要俾嘅代價，差不多等於零。</p><p>唔同人有唔同睇法啦，就算德國唔接受雙重國籍，而需要放棄香港護照再入籍，我自己覺得都無咩大不了。</p><p>衰啲講句，護照咪又係旅遊證件一張。我依家喺德國落地生根，有幾何返香港，仲要留超過三個月？咁我攞德國護照，其實真係正常不過。到我返到香港，等陣有人話我『首先係中國人』，你可以點？德國本護照都唔係重點，避免『被首先』先係最重要嘅一環，所以最緊要係快快手剪咗本香港本護照，之後你話攞咩護照，其實都無咩所謂。</p><h3>何謂香港人？</h3><figure><img alt="" src="https://cdn-images-1.medium.com/max/1024/0*graqpG2gMQIEXPC2" /><figcaption>Photo by <a href="https://unsplash.com/@florianwehde?utm_source=medium&amp;utm_medium=referral">Florian Wehde</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><p>好記得，反修例一開始嘅時候，蘋果有同我做訪問，講起呢個問題：放棄本特區護照，唔會覺得自己已經唔再係香港人？</p><p>咁其實香港人嘅定義，可以有好多種嘅。</p><p>手入面揸住嘅護照，當然係決定我國籍嘅文件，但係我生於香港，長於香港，由細到大，學嘅係廣東話，聽嘅係廣東歌，受嘅係香港嘅教育。人生頭二十年嘅歲月，都係喺香港渡過，難道我可以喺換本護照嘅一刻，就同人講我唔再係香港人？</p><p>講起離開香港呢個話題，由六月起，我依家收到好多香港人嘅Message，話想移民嚟德國。</p><figure><img alt="" src="https://cdn-images-1.medium.com/max/1024/0*Lb6aGffoN4U_NGYt" /><figcaption>Photo by <a href="https://unsplash.com/@schluditsch?utm_source=medium&amp;utm_medium=referral">Daniel Schludi</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><p>德國從來都唔係移民國家，香港人最鐘意加拿大，澳洲，美國。移民嚟德國嘅香港人真係少之又少。大佬呀，你估德國入籍容易嘅咩，我以前都有講過德國申請入籍嘅條件，先唔好講咩其他嘅條件，淨係講話居住年期，正常都要八年（有可能可以變七年甚至五年，不過呢個係後話啦）。</p><p>你諗下，八年嘅光陰喎，人生有幾多個八年？</p><p>喺一個陌生嘅國度渡過八年，就算我保證你生活無風無浪都好，你有無咁嘅決心可以做到？更何況，離開自己嘅家鄉，去一個遙遠嘅國度，生活根本就無可能無風無浪。</p><h3>『你可以為香港做啲咩？』</h3><figure><img alt="" src="https://cdn-images-1.medium.com/max/1024/0*6lJ2sfW_e_gTvLai" /><figcaption>Photo by <a href="https://unsplash.com/@yulokchan?utm_source=medium&amp;utm_medium=referral">Joseph Chan</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><p>林鄭話撤回之後，我有講過，我自己好清楚香港嘅民主運動，唔會喺短時間內可以取得啲咩結果。我自己寫完出嚟之後，反而諗得多咗：如果呢一場自由之戰，係一場數以年計嘅抗爭，當下呢一刻，我呢個身處德國嘅香港人，應該做啲咩好？</p><p>我呢幾個禮拜不斷反復咁諗，喺我自己嗰腦入面投影一下，到底幾年之後，香港其實會變成點，然後一步一步咁回放返出嚟。</p><p>喺我悲觀嘅想像之中，我一個人嘅能力好有限，做唔到啲咩。我既唔係政治人物，亦唔係商業大亨，講話『可以為香港做啲咩』，呢條問題，我自問無咩資格答。其實我諗落，自己依家喺德國嘅生活，都叫做順順利利，可以有咁嘅條件，唔受限制咁表達自己嘅政見，自己覺得幫到咩就盡幫，唔需要日日擔驚受怕。我一個人能力有限啫，如果可以有多幾個『挾洋（德）自重』嘅『漢奸』可以一齊『反中亂港』，將『亡我之心不死』的角色，從美帝手上分一杯羹，都可算係一件美事。</p><p>咁其實客觀啲咁睇，我自己都係德文叫做比較好，可以同德國人溝通，幫香港人講解下大家嘅諗法，同埋喺度住咗幾年，對德國嘅生活同文化，比起香港人有多少少認識咁解。</p><p>有關德文嘅呢一部分，做緊啦：我已經整緊影片課程，所以我會繼續努力，希望可以盡快完成成個課程，最後再一次過推出。</p><p>有關德國生活嘅呢部分，我之前係完全無諗過可以認真咁做，每一次講啲德國資訊，都係風花雪月咁講。</p><p>好啦，咁你話嚟德國生活，認真咁講，點開始？</p><h3>實在係想嚟德國？</h3><figure><img alt="" src="https://cdn-images-1.medium.com/max/1024/0*ETLjAJ0MPsd-QNBS" /><figcaption>Photo by <a href="https://unsplash.com/@ansgarscheffold?utm_source=medium&amp;utm_medium=referral">Ansgar Scheffold</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><p>第一步，我想知道，我篇文章接觸到嘅人，到底有幾多個，係真係好實在好實在咁計劃過嚟德國生活，甚至移民？</p><p>我講『實在』，有幾個條件：</p><p>一，確確實實學緊德文，無論學到咩程度都好。A1學咗兩年都唔緊要，最緊要你真係有keep住讀。</p><p>二，你打算長時間，甚至永遠離開香港。當然，有人攞咗護照之後，覺得有選擇，可以再決定自己喺邊度生活，呢個無問題，但係八年呢一條先，你係肯定想跨過。</p><p>三，你自己有一個好清楚嘅想像，到底嚟到德國之後，到入籍嘅一刻，呢七八年，每一日嘅生活，你會點樣安排。當然，命運呢樣嘢，可以有好多意外，重點係你真係有一個合理計劃。呢度其實隱含咗一啲『次條件』，例如話嚟讀書就肯定要有一定學業水平同考試成績，嚟做嘢的話就一定要有專業技能，無大學學歷唔緊要，最緊要係有謀生技能。如果無呢啲前設，我唔清楚你點樣可以有一個合理計劃…</p><p>四，為咗實現呢個目標，你依家財政上已經有所準備。例如話儲緊錢，或者已經準備好喺關鍵時刻做出重大嘅資產轉移，例如話賣樓套現，然後喺德國置業。</p><p>五，你自問真係好了解德國嘅生活，知道德國有咩好有咩唔好之後，仍然覺得自己好想嚟。我以前有幾個學生，跟我學德文嘅時候，話想嚟德國，因為『好鐘意德國』，我問佢你鐘意德國啲咩？佢口啞啞…最後，呢啲學生德文都唔會學得好，因為佢學德文係基於『鐘意德國』，但佢『鐘意德國』又係基於對德國嘅片面認識或者係美好想像，當呢啲唔實在嘅想像消散嘅時候，學德文嘅動機都會灰飛煙滅。</p><p>六，你知道你要承受啲咩風險，亦都好清楚自己心理上承擔到呢一個改變一生嘅決定，知道自己有足夠嘅執行力，可以堅持到最後一日。</p><p>自問符合曬以上條件嘅，我誠邀你寫個Message話俾我知（Facebook, WhatsApp, E-Mail點都好），鐘意的話，亦可以留言講下自己點睇呢幾個『前設』。我依家好想確實知道香港有幾多人想嚟德國生活，而你地又希望可以得到啲咩確切嘅幫助。</p><p>呢度可能都有好多人都已經定居德國，咁都歡迎你分享一下自己嘅經驗啦。</p><img src="https://medium.com/_/stat?event=post.clientViewed&referrerSource=full_rss&postId=10147a957199" width="1" height="1" alt="">]]></content:encoded>
        </item>
        <item>
            <title><![CDATA[學習德文血淚史前傳合集]]></title>
            <link>https://medium.com/@stegermatt/%E5%AD%B8%E7%BF%92%E5%BE%B7%E6%96%87%E8%A1%80%E6%B7%9A%E5%8F%B2%E5%89%8D%E5%82%B3%E5%90%88%E9%9B%86-27e250f292c0?source=rss-ab3b4e957225------2</link>
            <guid isPermaLink="false">https://medium.com/p/27e250f292c0</guid>
            <category><![CDATA[石賈墨]]></category>
            <category><![CDATA[歌德學院]]></category>
            <category><![CDATA[德國]]></category>
            <category><![CDATA[香港]]></category>
            <dc:creator><![CDATA[石賈墨]]></dc:creator>
            <pubDate>Wed, 17 Apr 2019 22:40:29 GMT</pubDate>
            <atom:updated>2019-04-17T22:40:29.288Z</atom:updated>
            <content:encoded><![CDATA[<h3>前言</h3><figure><img alt="" src="https://cdn-images-1.medium.com/max/1024/0*OnyrRtc1Bm34oow0" /><figcaption>Photo by <a href="https://unsplash.com/@zoltantasi?utm_source=medium&amp;utm_medium=referral">Zoltan Tasi</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><p>很久沒有更新『學習德文血淚史』了。</p><p>開始寫血淚史的時候，工餘的時間還十分充裕，可以一鼓作氣連續寫。現在沒有這種閒下來寫的時間，所以想寫的東西自然也五時花六時變。心血來潮，又有時間的話，就寫一點。</p><p>血淚史記錄的時間是始於剛要離開香港到德國讀書的時間。我沒有談及很多發生在將要離開香港之前的故事 — — 我是特意把這一個時期的故事留白的：我的出發點是多講一點有關在德國生活的點滴以及學德文的艱苦過程，讓其他剛剛到德國生活（或想要到德國生活）的香港人有一個故事可以借鏡，同時亦想鼓勵一下大家學好德文。</p><p>當初決定來德國的時候，有一定客觀的環境因素，而我做決定的時候有什麼想法，我身邊的人又如何反應…每個人要下決定的時候，處境都不一樣，經歷也自然不同，所以我覺得這些『跟德國無關』的故事，不夠『實在』 — — 但今次我『破戒』，講一講這段經歷。</p><p>爲何？</p><p>去年，自從開始替人補習德文之後，接觸到為數不少的學生。他們學德文的動機，不盡相同：把德文當成純粹興趣的人，雖然比想象中多，但不是主流。最主要的動機，一定是想來德國生活。不論是因為學業（讀大學），工作，愛情（有德國人伴侶），或者是希望經歷異地生活（工作假期）也好。起碼大家都知道，在德國生活，德文是一個十分基礎的條件，英文在德國也十分通行，不過沒有德文作爲溝通工具，生活始終會比較艱苦。</p><p>想來德國，即是還沒有下決定，尚在計劃，考慮。我作為『過來人』，經常會在課餘時間扮演『講古佬』的角色，跟學生，或者是特意走來聯絡我的朋友，分享我當初決定來德國的經歷。</p><h3>『應不應該』離開的問題</h3><figure><img alt="" src="https://cdn-images-1.medium.com/max/1024/0*-qkN5CX8ZDLOnPpF" /><figcaption>Photo by <a href="https://unsplash.com/@scottbroomephotography?utm_source=medium&amp;utm_medium=referral">Scott Broome</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><p>大家都知道，來德國並不是容易的決定，但<strong>原來在考慮的階段，最重要的問題，不是我設想的『如何』，而是『應不應該』</strong>：他們沒有問我簽證怎麽搞，怎麽跟德國人打交道，去德國讀書有什麽東西需要留意…之類的問題，而是問我<strong>『當初你下這個決定的時候，在想什麽？』</strong>。</p><p>不過想深一層，如果『應不應該』這個問題的答案是『應該』的話，『如何』這條問題的答案就會自然而然浮現出來。畢竟現在網上資訊如此流通，有不同的留學機構幫忙（DAAD，歌德學院，托斯留學…），也有過來人分享德國生活的經歷和指南，要應付德國生活的種種資訊性問題，應該沒有特別大的難度。</p><p>但你必先要想『去或留』。</p><p>但由於這個『去或留』的問題實在太難答，所以每一次我都要費不少唇舌，從多個角度跟他們分析這個決定的利弊，再加入我自己的觀點和經歷。</p><p>打鐵趁熱，反正我都講了好幾次，就不妨『破戒』，寫一寫自己對來德國的想法，及一點來德國之前的經歷。我希望可以通過這篇連載，讓正在考慮『來德國』的你有一個參照。</p><p>投資涉及風險，政府也勸人不要借錢炒股；同樣道理，我不會叫人下注在一盤不能輸的賭局。所以毋論如何，你對德國生活的前景如何樂觀也好，你也不能做一個回不了頭的決定！你一定要預計一旦接受不到德國生活的模式的話，會有什麼後果，而這個後果是你必須可以承受的。我寫自己經歷和決定的話，一定不會中立（雖然我會扮中立，但讀到最後你都一定知道我的立場），所以更加要做香港人最喜歡的動作，就是『利申』：衹會打電話問財經主持號碼的師奶，投資極容易失利 — — 沒有人可以告訴你應不應該來德國，衹有你自己一個最清楚。</p><h3>考慮財政因素</h3><figure><img alt="" src="https://cdn-images-1.medium.com/max/1024/0*iL20yVjFuZeGF5no" /><figcaption>Photo by <a href="https://unsplash.com/@sharonmccutcheon?utm_source=medium&amp;utm_medium=referral">Sharon McCutcheon</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><p>做任何決定，都需要權衡利弊。離開香港，要考慮的因素十分多，讓我來一個一個的講一講。</p><p>如果我有些範疇沒有提及，或者是你希望更加深入理解的話，歡迎你留言，我會盡我所能解答你的問題。</p><p>第一個是財政考慮，這是一個最實際的問題 — — 如果你打算來德國讀大學（本科，碩士）的話，錢這回事，不論你從何得來，有就有，無就無，沒有什麽好講。</p><p>那麽何爲『有』呢？<strong>在德國的生活費，平均每個月，都要最少六百到七百歐元*</strong>，當中租金大概三百到五百歐元，然後飲食，交通，也要二百到三百歐元左右。當然，這個『六百歐元』的數字可以再壓縮啦！沒有錢的時候，這個數字就會自然下降。我有一個學期，窮得就是交租，飲食之後，幾乎沒有任何其他的支出，所以那個月的總支出，最後不超過四百歐元！</p><p>不過我想取一個安全的平均數給大家作參考，要不然有什麽意外的額外支出，導致盤川散盡，反而令你的德國大計提早結束，更得不償失。而且，很老實的說一句，如果每個月都捉襟見肘，生活在『破產』的邊緣，不是人人都受得了這種壓力，我自己經歷過這一段艱苦的時間，希望告誡一下財政上有困難的朋友：計算生活費的時候，不要太過樂觀。幸好（還是不幸？）我出身不算富裕，從小就已經習慣節衣縮食，所以都叫吃得苦，熬得過來。但是如非必要的話，還是預算得鬆動一點比較好。</p><p>作為學生，沒有足夠積蓄而又沒有穩定收入的話，在德國自然很難維持生計！不要妄想你一定可以找到兼職。<strong>在德國，沒有德語技能的話，一份侍應生的工作，也不一定容易找。</strong>我不想說做侍應生是一份低下的工作，反之，我自己做過幾次類似的工作，十分清楚做侍應生的難度。雖然工作不容易，但是收入真的很微薄，尤其是走投無路，做『强國』餐館的黑工，被壓榨之餘，得到的薪水相對龐大的支出，衹是杯水車薪。</p><p>不過在餐館工作，還是有好處的，就是可以練習一點點德語，否則你要應付學業，學習德文，每個星期又要花長時間來打工，打得筋疲力竭，賺的錢又僅僅足夠糊口，何必呢。可幸的是，現在網絡發達，要找到一份合適的兼職，難度相比以前已經下降了很多。我有很多學生和朋友都通過網絡找到其他朋友或者同鄉介紹的工作，有一部分的工作不但薪金優厚，工作性質也相對比較輕鬆，或者有一定的技術含量。如果你打算來德國，又希望可以找兼職半工讀的話，我希望你也有好運，可以找到適合自己的兼職啦！</p><p><em>*根據BAMF的準則，留在德國的學生，需要確保每年有€8700的生活費</em></p><h3>半工讀</h3><figure><img alt="" src="https://cdn-images-1.medium.com/max/1024/0*CSvL_ic_GhPBLESs" /><figcaption>Photo by <a href="https://unsplash.com/@nickkarvounis?utm_source=medium&amp;utm_medium=referral">Nick Karvounis</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><p>雖說搵兼職並不容易，但如你有專業技能，另當別論。</p><p>我有些朋友或以前的同學，懂得編程，寫網頁，很容易就接到足夠的Freelance，或者是彈性比較高的兼職維持生計。其中一個烏克蘭來的同學，是正式的電腦神童，學業成績甚佳，志願是研發人工智能…他在一間科技公司打工，負責設計網頁的用戶界面，上班彈性高，收入也十分不錯，所以在他讀書的生涯內，生活費從來都不是一個問題。</p><p>如果你好像我一樣，讀工程，懂得一點點編程，有一點點專業知識，以我自己的經驗來説，在德國工業發達的地區，德文不太流利，也有可能可以找到一份兼職用來糊口。我自己雖然沒有烏克蘭神童般的能力，但也算是十分幸運，總在『燒乾水』的關頭找到打工的機會。</p><p><strong>生存之道，在於『鍥而不捨』</strong>：還在讀書的時間，尋找打工機會這個活動，從沒間斷。還未畢業，就已經斷斷續續投身過四五間公司。在幾年讀書生涯，已經有一定的工作經驗，寫求職信，履歷，面試的次數自然多不勝數，到畢業的時候已經成為一個小小的『求職專家』。還沒有畢業，就已經成功找到職位，而開始工作後，我甚至連畢業證書都沒有補交。一個好的Interview，其實就是最好的證書…</p><p>往後想轉工，絕不能說是『容易過食生菜』：因爲『揾工』二字，重點不是『揾』，而是『工』…你始終要細心選擇一個適合自己的崗位。但是由於求職技巧已經純熟，轉工的時候，技術上的難度也不是太大。</p><p>不斷求職，不斷工作，不辛苦嗎？當然辛苦！每一次放學期假，我都會出盡全力打工，一個禮拜工作三十到四十小時，積穀防饑，在一兩個月内盡量賺夠半年的生活費，開學的時候，打工就真的不用太『辛苦』，一個禮拜工作大概十小時便可。我記得我在其中一間打工的公司，我的老闆十分仁慈，讓我周末都可以在家中遙距登陸公司的網絡，繼續平日的工作。在我再看，周末可以花幾個小時編程賺點外快，一點都不辛苦，比起日日憂柴憂米的苦痛，這種『辛苦』簡直就是天堂啦。</p><p>現在我工作的公司，當初求職的過程也是充滿趣事，不過我現在寫血淚史前傳，想從現在回望一下過去，所以畢業之後的事情，往後有機會先再分享一下。</p><p>總結：還沒有來德國的你，或者是剛剛來德國的你，記得不要放棄 — — 找工作雖然難，但如果你可以保持熱誠，找到一份適合自己專業的好工，不但生活費的壓力會驟降，還可以磨練自己的德文和專業能力，認識一下德國人的工作文化，直接加速你融入德國社會的進度，一舉多得，不要讓機會白白流走！</p><h3>風險管理和『抛帽子』哲學</h3><figure><img alt="" src="https://cdn-images-1.medium.com/max/1024/0*34sud5iGUjDZevic" /><figcaption>Photo by <a href="https://unsplash.com/@jennifer_regnier?utm_source=medium&amp;utm_medium=referral">Jennifer Regnier</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><p>講起『求職』這個問題，爲什麽我說半工讀永遠都稱不上是辛苦呢？因爲我試過找不到工，坐吃空山的滋味。你試過了，不會投訴半工讀辛苦。</p><p>要熬過這段時期，並不輕鬆，我當初抱著的，是『<strong>抛帽子過墻</strong>』的信念。</p><p>我翻看七年多前，即來到德國半年左右，自己寫下的雜記。有一篇寫在艱難的時間：德文還沒有學成，盤川快要散盡，當時在生活各方面都嚐到失敗的滋味。在一個漫長的晚上，獨自消化自己憂鬱的情感，坎坷非常…</p><blockquote>不過我從來都抱著這樣的宗旨… …但我知道人生的機會幾何，我先去做。每次都是要命的辛苦，把我折磨到崩潰的邊緣，但是每一次都有如蟑螂被追打至體無完膚後，明天還是看見他在廚房的暗角出現。你知道鄰家女孩漂亮，就先把帽子拋過鄰家的欄柵，然後想盡辦法爬過去撿回來，那麼你就自然可以一睹伊人風采。…</blockquote><blockquote>…我堅決拒絕被感情控制我的行動，就算辛苦，就算傷感，我走進浴室，洗一個熱水澡，出來了，我還是繼續上網找工作，然後繼續讀德語，因為我的理性讓我從頭到末都知道，給苦痛一些時間，就可以變成你的力量…</blockquote><p>畢竟是接近八年前的札記，幾乎十年光陰，現在回看，感覺已經很陌生。扮滄桑這些事，原是十幾歲少年的專利，所以也不會說什麼感觸良多…在此分享這段雜記的目的，第一是希望大家要引以為戒：<strong>我當初都是十分天真地假設一切都會『船到橋頭自然直』</strong> — — 來德國肯定有機會找到工作啦。在香港還特地去考一趟普通話，以為可以兼職做補習老師，再不然可以去餐館打黑工呀，去工廠做工人呀，等等等等。此等想法，就是大膽假設一切會順利，其實十分危險，家庭觀眾切勿模仿；</p><p>第二我想大家從中有所得著：我當初寫的這一段『抛帽子哲學』，驟聽很玄，但確實不是亂嗡當秘笈，這真真正正是我當時最堅決的信念，直接驅動我去做很多『為求賺錢，不擇手段』的事情…其實就是不知廉恥地不停求職，寄電郵，聯絡所有能夠提供工作機會的人等等…最後，我甚至連『試藥』都試過，確實是無所不用其極…學德文，情況亦相近，考TestDaF之前，兩個禮拜近乎閉關式的修煉，我現在想起都覺得誇張。不過，如果不是當初自己把自己置入接近走投無路的境地，我又如何可以演變成一個求職，面試的『專家』？這個『Throw your hat over the fence』的故事，我在網上看過一次，就『荼毒』了我的心智了。現在回顧，有幸當初自己一開始經歷挫敗的時候，確實有咬緊牙關，一直堅持不可以因為挫敗感而影響自己的行動。<strong>沒有這個小小的故事，我在冒險之際，可能沒有那麼大的決心，分分鐘在艱難的關頭，想會『輸少當贏』，投降回港。</strong></p><p>你可能覺得我馬後炮：其實我當初不是盲目忽略這些風險的，而是有一套自己的賭博策略，我開初在『後腦』深處（Hinterkopf，德國人的說法是也），其實有鎖起一個『Murphy Plan』，計劃好一旦在德國遇上真真正正無可克服的逆境，會如何善後。我仍然如此膽粗粗去計劃和行動，其實就是把其他舒適的選項都狠心地刪去了，把自己當成賭局的籌碼。</p><p>退後一步來説，就算這種『自封後路』的計劃，沒有磨煉出實用的技能，就光說試藥這一個『逼出來』的經歷，次次講起，都趣味盎然。所以，來到德國之後，不要貪圖『安逸』，避開自己覺得有困難的範疇，及早開放自己的心扉，全力開始攻克『三座大山』— — 德文，文化相關的技能（比如求職方法）…最後也不要忘記：讀書！尤其要考慮一下你自己專業技能在德國的走向和處境。來到德國，一開始的生活都不會太輕鬆，不過往後一定會有收穫！</p><p>如此『玩殘自己』，值不值得，你來德國之前，請先三思。事實是：如無必要的話，不要這樣折磨自己。<strong>先在香港努力讀好德文，儲起一筆充裕的資金，比起我冒險的方法，好上百倍。</strong></p><p>還好，我夠符祿，把自己當成籌碼，有幸賭贏。船到橋頭，沒有自然直，但是『坎坷過後有艇搭』，幾年過來，無穿無爛，成功生還。</p><p>後話：『Throw your hat over the fence』的故事，我讀的版本，是傳記，不是虛構出來的版本。可惜，我讀的版本，已經找不回來了…不過既然找不到，就讓我在這裡寫自己的故事吧！希望可以延續這個故事的精神。</p><h3>後生仔，捱下啦？所謂『收入』</h3><figure><img alt="" src="https://cdn-images-1.medium.com/max/1024/0*iOKSuwgSeydIqQqn" /><figcaption>Photo by <a href="https://unsplash.com/@jibarofoto?utm_source=medium&amp;utm_medium=referral">Luis Quintero</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><p>說了好久半工讀，一路都圍繞學生這個身份，我們來轉一轉角度 — — 假設你現在想來德國工作，如果不是公司安排轉到德國工作，或你自己本身已經是身居要職的金融才俊，IT專才，而德國人必須要你的專業技能，那麽你的收入通常會比在香港打工低。</p><p>這個是事實：香港人的收入中位，比德國人高。在德國要繳付重稅，大家都知道，所以收到工作合約之後，看見的數字可能十分可觀，到計算了稅後的收入，就會驚訝那種落差。</p><p>這是一個我個人認爲香港人經常錯誤聚焦的問題：我在香港賺的錢比在德國多，職位比在德國高，所以我不想去德國。很多人見到德國公司的出價，就反問自己：爲什麽我還要到德國工作呢？人望高處，水向低流，特地換一份薪酬比之前差的工作，明顯違反直覺。</p><p>我的答案很簡單：因爲生活不衹是爲了一份人工。而人工，也不祇是每個月由雇主存入你戶口的一個數字。這個道理十分顯淺，但是我這樣說，好像我不吃人間煙火，食米唔知米貴。</p><p>『揾食呀大佬！』錢有多重要，大家都知道，但是你要問一問自己，錢爲什麽那麽重要。</p><p>對我來説，賺到錢，可以幫我過舒適的生活，實踐自己想做的事，保障我和家人的將來。如果你在追求的過程，就要一直放棄自己的生活的話，這不是有點本末倒置嗎？我覺得很多在香港的年輕人（假如我還留在香港的話，就會包括我自己在內），都有一個問題：我們整個人生都在為將來打算。不只是年輕人捱下啦，是從小到大都要捱。</p><p>你想一想，我們不是整個人生都在『捱』嗎 — — 小時候讀書，老爸跟我們說：你現在努力讀書，將來讀大學，賺大錢，就有舒適的生活啦！捱一捱吧！好，你咬緊牙關，跟這個教育系統搏鬥一下。</p><p>到你畢業之後，收入可能僅僅足夠糊口，每月收入大半用來繳租，唯有節衣縮食，九成按揭，供一個豆腐潤單位。『買磚頭是最好的投資，有自己地方，是夢想呀！捱一捱吧！』加班，不去旅行，斗零都計到盡。</p><p>到你年老的時候，樓剛好供完，樓價已經瘋狂得可怕 — — 兒子結婚了，還買不起樓，所以爲了下一代，祇好再捱一捱吧…</p><p>終於都不用捱了！時間就是你躺在棺材之時 — — 噢不對，香港現在也沒有人負擔得起棺材，應該說是你火化之時。</p><p>後生仔，捱下啦？這句說話，比粗口更難聽。你可以話我無大志，吃不了苦，我的理想，不是發大達，只不過是想安安份份，打一份自己喜歡的工，住在一個給人住的環境，生活在一個無憂無慮的地方。月尾在戶口出現的數字，多多少少，反而不太重要。<strong>德國不是天堂，但偏偏香港就是接納不到這種卑微的平庸。</strong></p><blockquote>你來德國，又是為了什麼？</blockquote><figure><img alt="" src="https://cdn-images-1.medium.com/max/1024/0*cSY3rZCkcX_fha-1" /><figcaption>Photo by <a href="https://unsplash.com/@emilymorter?utm_source=medium&amp;utm_medium=referral">Emily Morter</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><img src="https://medium.com/_/stat?event=post.clientViewed&referrerSource=full_rss&postId=27e250f292c0" width="1" height="1" alt="">]]></content:encoded>
        </item>
        <item>
            <title><![CDATA[香港人看奧斯爾的『兩個心』]]></title>
            <link>https://medium.com/@stegermatt/%E9%A6%99%E6%B8%AF%E4%BA%BA%E7%9C%8B%E5%A5%A7%E6%96%AF%E7%88%BE%E7%9A%84-%E5%85%A9%E5%80%8B%E5%BF%83-7c2c427ef654?source=rss-ab3b4e957225------2</link>
            <guid isPermaLink="false">https://medium.com/p/7c2c427ef654</guid>
            <category><![CDATA[香港]]></category>
            <category><![CDATA[新移民]]></category>
            <category><![CDATA[足球]]></category>
            <category><![CDATA[奧斯爾]]></category>
            <category><![CDATA[德國]]></category>
            <dc:creator><![CDATA[石賈墨]]></dc:creator>
            <pubDate>Fri, 27 Jul 2018 23:44:53 GMT</pubDate>
            <atom:updated>2018-07-27T23:44:53.729Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/0*anSnFxgyXnhD6Q94.jpg" /></figure><p>我本身就不是球迷，但是人在德國，都會支持一下德國國家隊。今屆世界杯，我看過的球賽只有寥寥幾場。可惜，上屆冠軍的德國國家隊，表現令人大跌眼鏡，連我僅有的足球熱情都慘被抹去。</p><p>既然我不是忠實球迷，對足球認識自然有限，德國隊成敗及其原因，我是門外漢，不會多加評論。不過這個世界杯，德國隊是輸了，可是有一個人，一個機構，輸得特別慘重。</p><p>沒錯，輸家就是奧斯爾這位球員和德國足球協會。這兩天，這位身處在媒體風眼的足球員，在世界杯之後終於打破沉默。走入國際媒體的鎂光燈之下，連香港媒體和評論員都有談論這宗『奧燒事件』。</p><h3>別問我是誰？</h3><p>奧斯爾生於德國，長於德國，多年為德國國家隊披甲上陣。司職中場，腳法靈巧，助攻能力高，在足球世界，評價和成就都甚高。毫無疑問，奧斯爾是一個德國人。但是，奧斯爾的父母，擁有土耳其背景，在聲明中，奧斯爾也強調，自己擁有土耳其血統，認為自己要依從母親教導，認祖歸宗，不要忘本。</p><p>奧斯爾的身份認同，因此陷入了一個困難的局面。</p><p>那麼他也可以是一個『稱職』的德國人嗎？我的立場，其實並不重要。重要的是，這個爭議，可以折射出一個中港矛盾的故事。</p><h3>衰過閃卡的合照</h3><figure><img alt="" src="https://cdn-images-1.medium.com/max/993/0*iXH06Jf42SiGbbkh.jpg" /></figure><p>『奧斯爾事件』的導火線是一張合照 — — 奧斯爾在倫敦跟埃爾多安的合照，滾起了德國輿論的爭議：到底一個德國國家隊球員，應否跟一個『獨裁者』合照呢？</p><p>輿論反應十分兩極。有一方說：『不要所有事情都政治化』，『奧斯爾有土耳其背景，跟總統合照並無不可』，『奧斯爾受歧視』…另一方卻說：『奧斯爾是一個德國人，而且是一個代表德國的國家足球隊球員，不應該跟一個極權國家的首腦有任何形式的接觸』…</p><p>類似的事件，在香港都有發生過。我想起的，是幾年前黃之鋒和梁振英的拒絕握手事件。當時正值反國教，梁振英進入學生絕食的場地，接過黃之鋒的請願信之後，想跟黃之鋒握手，黃之鋒拒絕，用一個鞠躬代替。</p><iframe src="https://cdn.embedly.com/widgets/media.html?src=https%3A%2F%2Fwww.youtube.com%2Fembed%2FuwgaCP1GQds%3Fstart%3D72%26feature%3Doembed%26start%3D72&amp;url=http%3A%2F%2Fwww.youtube.com%2Fwatch%3Fv%3DuwgaCP1GQds&amp;image=https%3A%2F%2Fi.ytimg.com%2Fvi%2FuwgaCP1GQds%2Fhqdefault.jpg&amp;key=a19fcc184b9711e1b4764040d3dc5c07&amp;type=text%2Fhtml&amp;schema=youtube" width="854" height="480" frameborder="0" scrolling="no"><a href="https://medium.com/media/a9dd82b83acecaad16310f0d63fe31a4/href">https://medium.com/media/a9dd82b83acecaad16310f0d63fe31a4/href</a></iframe><p>『本人意見不代表本人立場』？一個公眾人物的私人行為，可否與其個人的公眾面貌分離？答案明顯是否定的。跟一個政治人物合照，背後的意義有多大，每個人的衡重都不一樣。</p><p>但，一張合照，一個握手，都是一個『友善』，『合作』的象征。黃之鋒這一個拒絕握手的動作，比起奧斯爾的『只是合照』，有政治智慧得多。奧斯爾的聲明，足見他對指控的不滿，但他竟然天真地想，足球員，影張相，沒有什麼大不了。道不同不相為謀，而足球從來都不只是足球，這些道理，奧斯爾不可能不知。聲明一出，輿論都批評奧斯爾扮成受害者，指責右翼政黨和傳媒歧視他的土耳其背景。而德國足球協會亦難逃一劫，被指責『玩弄公關伎倆』，『胡亂消毒』。</p><p>這個風暴，沒有一方可以用勝利者的姿態出場，這個爭論一出現，所有人都是輸家。</p><h3>鄉音無改…就會衰？</h3><p>那麼語言是不是他永遠不是德國人的因素？</p><iframe src="https://cdn.embedly.com/widgets/media.html?src=https%3A%2F%2Fwww.youtube.com%2Fembed%2Flk8t_eHt0c4%3Ffeature%3Doembed&amp;url=http%3A%2F%2Fwww.youtube.com%2Fwatch%3Fv%3Dlk8t_eHt0c4&amp;image=https%3A%2F%2Fi.ytimg.com%2Fvi%2Flk8t_eHt0c4%2Fhqdefault.jpg&amp;key=a19fcc184b9711e1b4764040d3dc5c07&amp;type=text%2Fhtml&amp;schema=youtube" width="640" height="480" frameborder="0" scrolling="no"><a href="https://medium.com/media/964853f8062710380770a0be314b98b9/href">https://medium.com/media/964853f8062710380770a0be314b98b9/href</a></iframe><p>他雖然在德國接受教育，但是在外國人社區長大，家中又沒有德語環境，所以他的德文雖然不差，但是仍然沒有一般德國人的流暢和音準。如果你說，德語要講得像母語一樣好，才可以是一個真正的德國人的話，恐怕整個德國，只有幾個外國人可以合符這個極其嚴苛的條件。</p><p>我早兩年已經考過了C2，而且有幾年跟香港人補習的經驗，有能力教人的話，德語總不能太差，可是一個語言是多麼的博大精深呀！初學者看似遙不可及的C2，到你考得到手的時候，就會發現，要融入德國社會，德文這個語言背後拉著的，還有一大籮的文化，歷史，生活哲學。所謂的『融入德國社會』，並沒有一條清楚的標記線，不是說你跨過了，就叫『成功融入』。</p><p>沒有。他的德語，不是他的問題。</p><h3>『食兩家茶禮』</h3><figure><img alt="" src="https://cdn-images-1.medium.com/max/911/0*EmeXH0h2K5eMV-cO.jpg" /><figcaption>Foto: Roland Weihrauch</figcaption></figure><p>土耳其人，尤其是持有雙重護照的土耳其人，老早就引起好多德國人的不滿。德國現時是允許有限度的雙重國籍，很多居住在德國，擁有德國護照，發誓會擁護普世價值的土耳其人，拿著護照，在德國參加埃爾多安的投票造勢聚會，票投一個獨裁者。尤其是土耳其扣留德國記者，抓捕異見人士的一段時間，兩國關係更加緊張。這種『在德國生活，卻票投家鄉獨裁者』的做法確實惹人不滿。</p><p>但是一個人不可以擁有兩個身份嗎？不可以在兩個國家擁有自己的政治立場嗎？埃爾多安是獨裁者，還是強政勵治的領導者？我發覺，同情奧斯爾的香港人，跟他們在香港的政治取向完全無關，這就有趣了。</p><figure><img alt="" src="https://cdn-images-1.medium.com/max/1024/0*YkJ97B9rz-HmupQy.jpg" /><figcaption>Deniz Yücel 被扣留的德國記者</figcaption></figure><p>有人說，奧斯爾生於德國，長於德國，也因為德國良好的足球發展，才會有今日的成就，德國於他有恩。有人說，他也有納稅，已經盡了他作為德國人的義務。況且，他在德國，或其他國家，一直都有推動外國人融入德國的工作，樂於行善，不能說他忘恩負義。</p><p>如果自己的家庭有移民背景，他應否代表德國出賽？這個做法，是否屬於『食兩家茶禮』的『墻頭草』？</p><p>我的父母，七十年代從內地移居到香港，如果根據這個講法，我是『香港人人』的成份，比奧斯爾是『德國人』的成份，其實一樣。可是也從來沒有人說我不是香港人。也沒有聽過人講，我的父母不是香港人。</p><p>很多香港人，商業上的成功，都是因為搭上內地發展的快車。任憑你如何否定，無可置疑，中國內地的經濟發展，確實令人驚歎（當然背後的代價和這種發展模式的可持續性的確有很大的討論空間）。這些人，如果政治立場跟內地的一套有所違背，我敢寫包單，他們活得十分艱難——比奧斯爾更加難。</p><h3>『贏了我就是德國人，輸了就是移民』</h3><p>喜歡黐人金糠，恐怕是所有人，甚至國家的天性。奧斯爾講的這句說話，令我想起愛因斯坦的名言：</p><figure><img alt="" src="https://cdn-images-1.medium.com/max/1024/0*sRx6b_-FP2mm4N5c" /><figcaption>Photo by <a href="https://unsplash.com/@ugurpeker?utm_source=medium&amp;utm_medium=referral">Ugur Peker</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><blockquote>如果我的相對論被證明是正確的，德國人就會說我是德國人，法國佬會說我是一個世界公民。如果我的相對論被否定了，法國佬就會罵我德國鬼子，而德國人就會把我歸為猶太人。</blockquote><p>奧斯爾講這句說話，言過其實。因為愛因斯坦當時猶太人的身份，是關乎自己的生死的。奧斯爾在足球世界成就甚高，在職業球會效力，週薪隨時多過我跟你加起來的年薪；他多年都是德國隊的中堅，受到路維的重用。</p><p>他受的，絕對稱不上是逼害。</p><p>那麼他在德國國家隊中受到的對待，公平嗎？</p><h3>所謂『德國人』</h3><p>家庭有土耳其的文化背景，跟他受到媒體攻擊，有沒有關係？就是因為他是穆斯林，就是因為他是外國人面貌，就是因為他跟外國政客合照，所以他就受到<a href="https://www.stegermatt.de/2017/09/17/%E6%89%80%E8%AC%82-%E5%BE%B7%E5%9C%8B%E4%BA%BA%E6%AD%A7%E8%A6%96%E4%BA%9E%E6%B4%B2%E4%BA%BA-%E4%B8%80/">歧視</a>？</p><p>到底他怎樣才可能在所有人的眼裡成為一個德國人呢？恐怕永遠沒有可能。</p><p>我要提出的問題是：他有沒有成為一個完美德國人的需要？為什麼他會苦苦追求自己要成為一個完美的德國人呢？他的隊友『普渡司機』，『高佬士』生於波蘭，德國人卻認同他們的身份，他心有不忿？</p><figure><img alt="" src="https://cdn-images-1.medium.com/max/435/0*iYuo5EFnKN02eQmr.jpg" /></figure><p>有一點我很不明白，他一方面他認為自己要認祖歸宗，另一方面又竭力想成為一個被大家認同的德國人。</p><p>為什麼他就不甘於成為一個『帶有土耳其文化色彩的德國人』？</p><p>和而不同，一定是德國的優勢。沒有德國人會強逼你成為德國人。融入社會，不代表要背棄自己的背景。</p><p>回應上面的問題，我想，到底新移民（例如我父母），怎麼可以被確認為『一個真正的香港人』呢？說的廣東話沒有口音？要有豐厚的收入？不依賴香港的福利系統？必須要承認香港主流的政治取向？早輪在大學發生的政治風波，有一些內地生都有支持一些內地並不接納的政治立場，他們是香港人嗎？反之，香港藝人，到內地『挖金』，不可以說內地的好話嗎？</p><p>如果要去到用政治立場去斷定一個人的身份，這是一個十分危險的想法。偏偏，一切都是政治，足球是政治，身份是政治，奧斯爾『足球不是政治』的講法，食兩家茶禮，『講足球就是德國人，見總統就是土耳其後人』，就是他被攻擊的原因。</p><h3>票投阿凡達？</h3><figure><img alt="" src="https://cdn-images-1.medium.com/max/1024/0*WFbt10iU3Yaij6n-.jpg" /><figcaption><strong>(Quelle: Olaf Kosinsky / </strong><a href="http://www.kosinsky.eu/"><strong>kosinsky.eu</strong></a><strong>)</strong></figcaption></figure><p>我記得剛來的時候，阿凡達(AfD另類選擇黨)擺街檔，宣傳自己脫離歐元區的政治理念，有個派傳單的工作人員，竟然想找我聊天。我德文還太差，沒有能力交流，就拒絕了。當時阿凡達還是新政黨，但略有名聲，我知道流派是右傾的，所以我有點驚訝，為什麼一個右派的政黨，會想跟一個外國人交流。但是當時的阿凡達確實是主攻貨幣問題。</p><p>現在他們依靠難民問題，極速上位，他們當初的立場，恐怕已經沒有人記得。根據我自己的觀察，很多身處德國的香港人，政治立場都十分『偏右』，假如他們會投票的話，相信必定會票投阿凡達。</p><p>這就奇怪了，被某一些媒體稱為極右翼政黨的阿凡達，竟然被『外國人』支持，這是一種什麼道理！</p><p>原因：反難民。</p><figure><img alt="" src="https://cdn-images-1.medium.com/max/1024/0*3yatnq96LM9ydv2T.jpg" /><figcaption>Quelle: Ggia</figcaption></figure><p>在德香港人比較的對象，絕對是新移民。所以難民就自然成為被攻擊的對象。有些香港人（還有一個台灣的博客），甚至悲觀地得出一個結論：『德國淪陷』。在自己家鄉，當然沒有選擇，或者是有勇氣地選擇留低，有能力到德國生活的香港人，也必定有能力到其他國家生活。偏偏口講『德國淪陷』的人，都沒有離開德國，原因？我讓你們思考一下。</p><h3>無奈的刺痛</h3><p>認識我的人，其實都知道我的政治取態，但是我越來越不喜歡談及政治的話題（可能這一篇是第一篇，也是最後一篇？），不是因為我怕，而是因為講政治會『痛』：小時候我不懂事，很喜歡跟別人爭論宗教的問題，到現在我才發覺，政治跟宗教沒兩樣，討論幾乎是沒有意義的，只會有互相刺傷大家的『痛』。香港的政治情況複雜到，光光是我提出以上的問題的答案，就已經可以把政治光譜分割為十份八份。這紐纏著的幾個難題，我相信一路都有困擾著很多香港人。這些矛盾，不能曾志偉跑出來說『打和』就可以解決，很多人選擇用感情去表述自己的立場，爭吵不斷。不是建制派的，就是『反中亂港』，不是民主派的，便是『舔共』，不是激進派的，就是『港豬』。</p><p>這是香港的政治死局。</p><p>德國的奧斯爾，其實只是一個由足球明星帶出的一則簡單的事例；在香港，這種矛盾，每天都在所有人身邊上演。</p><figure><img alt="" src="https://cdn-images-1.medium.com/max/1024/1*T7hLh5wnXoVY4XG-66NJjA.jpeg" /><figcaption>Quelle: Castor Lau</figcaption></figure><p>我看不破這個僵局，恕我懦弱，我選擇留在德國遙看自己的家鄉。</p><img src="https://medium.com/_/stat?event=post.clientViewed&referrerSource=full_rss&postId=7c2c427ef654" width="1" height="1" alt="">]]></content:encoded>
        </item>
    </channel>
</rss>