<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Teacher on Medium]]></title>
        <description><![CDATA[Stories by Teacher on Medium]]></description>
        <link>https://medium.com/@teacher-238?source=rss-9be8d1827c46------2</link>
        <image>
            <url>https://cdn-images-1.medium.com/fit/c/150/150/1*__QcPmEYZLGtrbEtCSlFuA.jpeg</url>
            <title>Stories by Teacher on Medium</title>
            <link>https://medium.com/@teacher-238?source=rss-9be8d1827c46------2</link>
        </image>
        <generator>Medium</generator>
        <lastBuildDate>Thu, 19 Nov 2026 19:37:08 GMT</lastBuildDate>
        <atom:link href="https://medium.com/@teacher-238/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Mekdep durmuşy we soñky jañ]]></title>
            <link>https://teacher-238.medium.com/mekdep-durmu%C5%9Fy-we-so%C3%B1ky-ja%C3%B1-f4c1f69acbf1?source=rss-9be8d1827c46------2</link>
            <guid isPermaLink="false">https://medium.com/p/f4c1f69acbf1</guid>
            <dc:creator><![CDATA[Teacher]]></dc:creator>
            <pubDate>Tue, 25 May 2021 07:24:36 GMT</pubDate>
            <atom:updated>2021-05-25T07:24:36.381Z</atom:updated>
            <content:encoded><![CDATA[<p>Mekdep durmuşy we soñky jañ</p><p>Mundan on üç ýyl öñ edil şu gün mekdebe “hoş gal” diýipdik. Edil şol gün aprel aýynyñ içinde soñky jañy pikir edip öz depderçäme ýazyp goýanlarymy ýeke ýekeden başdan geçirýärdim.</p><p>Depderçämde <strong>“Mekdep durmuşy gutardy. Soñky jañ kakyldy. Indi ömür boýy dowam etjek durmuş mekdebi başlanýar…”</strong> diýip dowam edýärdi.</p><p>We edil şeýle-de boldy.</p><p>Bu gün hem mugallymy bolup işleýän mekdebimde we beýleki mekdeplerde okuwçylar mekdep durmuşyna nokat goýup, durmuş mekdebine gadam basýarlar. Sizi gutlaýan. Elbetde begenjiñiziñ çägi ýokdyr. Begenmäge hakyñyz bar. Indi siz bir uly adam hökmünde jemgyýetde öz ýerleriñizi alarsyñyz.</p><p>Size hem mugallym hem-de durmuş mekdebiniñ bir okuwçysy hökmünde birnäçe masalahatlar bermekçi.</p><p>Durmuş mekdebinde synaglar başda alynyp soñundan sapak berilýär we bu synaglaryñ jogabyny kitaphana.net web saýtynda satylanok. Her kimiñ synag soragy başgaça bolansoñ, jogaplaryny göçürmek pajygaly ýagdaýlara hem sebäp bolaýýar. Sebäbi bu synagda 2+2 hemişe 4e deñ bolup durmaýar.</p><p>Adam dünýäde iñ çylşyrymly jandardyr. Beýleki jandarlardan tapawutlylykda akyl paýhasa eýedir. Ýöne durmuş mekdebinde hemişe akylly netijelere garaşmak bizi örän sada ýagdaýa düşürer. Bu barada günbataryñ alymlary Deýwid Hýum (David Hume), Immanuel Kant, Rene Dekartes (René Descartes) we şuña meñzeş birnäçe alym özleriniñ filosofiýa kitaplarynda belläp geçýärler. Dini ynanç nukdaýnazaryndan seredeniñde-de şu wagta çenli gelip geçen pygamberler we ulama alymlar adamzady akylyny ulanyp akylly işler etmegini ündeýär. Şonuñ üçin bu gün durmuş mekdebine gadam basýanlar, bardy geldi geljekde “Näme üçin bu adam akylly hereket edenok we belki başgalaryna zyýan hem berýär?” diýen soragy soramaly bolsañyz, ýadyñyzdan çykarmañ “adam dünýäde akyly bolup, akylsyz hereketler edip bilýän ýeke-täk jandardyr”.</p><p>Bu diýýänlerim belki size bu gün manysyz bolup biler. Sebäbi siz entek durmuş mekdebine ýañy gadam basdyñyz.</p><p>Size durmuşyñyzda hemişe üstünlikler dileýän. Ýoluñyz bagtyñyz açyk bolsun. Durmuş mekdebine hoş geldiñiz!</p><img src="https://medium.com/_/stat?event=post.clientViewed&referrerSource=full_rss&postId=f4c1f69acbf1" width="1" height="1" alt="">]]></content:encoded>
        </item>
        <item>
            <title><![CDATA[“Mugallym öwrenmek näme?” (1)]]></title>
            <link>https://teacher-238.medium.com/mugallym-%C3%B6wrenmek-n%C3%A4me-1-d5c42c83e4c0?source=rss-9be8d1827c46------2</link>
            <guid isPermaLink="false">https://medium.com/p/d5c42c83e4c0</guid>
            <dc:creator><![CDATA[Teacher]]></dc:creator>
            <pubDate>Fri, 07 May 2021 07:09:21 GMT</pubDate>
            <atom:updated>2021-05-07T07:09:21.559Z</atom:updated>
            <content:encoded><![CDATA[<p>“Mugallym öwrenmek näme?” (1)</p><p>Bu hakykatda bolan bir waka ýöne okuwçynyñ dostlarynyñ arasynda özüni biynjalyk duýmazlygynyñ öñüni almak üçin adynyñ ýerine başga at ulanmakçy we eger bu ulanylan at size tanyş geläýse ýa-da siziñ adyñyz bilen meñzeş çykaýsa, ýadyñyzda saklañ at hyýaly ýöne waka hakykat.</p><p>Hepdäniñ şenbe günidi. Okuwçylaram tizräk öýlerine gaýdaslary gelýädi. Kimisi dynç gününde oba gitmekçi, kimisi sapaklardan soñ futbol oýnamakçy, kimisi bolsa juwanlygyñ kellä urýan şemalynyñ netijesinde sapak bilen kän ugurlaram ýokdy. Ýöne Ahmet biraz tapawutlanýardy. Ol diñe 5-lik bahalar almalydy. 4-lik baha bolsa oña ölüm ýaly agyr gelýädi. Ýalñyşlyk bilen dagy duwara dörtlik baha alaýsa ol gaharyny deñ duşlaryndan çykarmany hem durmaýan okuwçydy. Bu sapar hem sapak aýdyşy 4-lik beýlede dursun 3-lige hem ýetenokdy. Ol bolsa däliräp barýardy. A men bolsa oña geçen sapak öwreden grammatiki temadan 2 sanyja sözlem düzüp bermegini talap edýärdim. Ahmet bolsa ýene şol hiñine tutup meniñ düşündiren kesgitlemäm bilen meniñ mysal hökmünde ýazan sözlemlerimi gaýtalaýardy.</p><p>Aslynda ol kesgitleme okuw kitabynda ýokdy. Kitapda diñe sözlemleriñ gurluş şekli we ony berkitmek üçin bir gönükmeden ybaratdy. Bu grammatiki gurluşyñ durmuşda haýsy ýagdaýlarda ulanylmalydygy barada kän bir maglumat ýokdy. Hemişeki ýaly Oxford Uniweristetiniñ çaphanasynda çykan grammatika kitabyma seretdim we Kembrij Uniwersitetiniñ çaphanasyndan çykan başga bir kitap bilen deñeşdirdim we okuwçylaryñ düşünäýjek dili bilen tagtada düşündirdim. Göräýmäge şol wagt hemmesi düşünen ýalydy. Okuw bilen gyzyklanýanjalar derrew mysal berip bahalaryny aldylar we indiki sapara öwrenip gelmeklerini tabşyrdym.</p><p>“Ýatlaýmañ ýazylanlary” diýip ýene bir sapar tabşyryp sapagy jemläpdik.</p><p>Ahmet bolsa gitmek islänokdy. Onuñ üçin bu ýagdaý belki-de durmuşynyñ iñ agyr pursadydy. We gahary güýjeýärdi.</p><p>“Mugallym men hemme sapaklarda öwredilenleri indiki sapakda ýatlap aýdyp berýän we 5-ligimi alýan. Siz işiñizi bileñzok” diýip gözlerinde gahardan dolan ýaşlar bardy.</p><p>Men oña düşündirjek bolýan ol bolsa diñlemek islänok. Iñ soñunda</p><p>“Ahmet men saña geçen ýyl şu sapakda iñ soñky 5-lik alan temañy aýdyp ber” diýdim.</p><p>“Geçen ýyl geçmişde galdy” diýýärdi.</p><p>“Bolýa geçen ýyl uzagrak. 1-nji çärýekdäki temany aýt” diydim.</p><p>Ýene-de jogap berip bilenokdy Ahmet.</p><p>“Bolýa çärýegiñ başyndaky temany aýt” diýdim.</p><p>Ýene ýüz öwürdi. Ýöne indi başdaky gahary ýokdy. Biraz köşeşipdi. Kellesinde bir üýtgeşmeler bolanyny sözler bilen aýtmasa-da ýüzündaki üýtgeşmelerden belli bolýardy.</p><p>“Ahmet sen häzir ýatlap aýdyp berýändirsiñ. Gördüñmi öwrenmek bilen ýatlamagyñ tapawudyny! Eger sen hemme sapaklardan şeýle edýän bolsañ geljekde bu öwredilen zatlary ulanmaly ýeri gelende näme etjek?! Ýene ýanyñda kitap göterjekmi?! Durmuşda 5-lik baha däl-de seniñ bileniñi ulanyp biljek akylyñ has möhüm.” diýdim we onuñ laýyk bolan bahasy 3-ligi goýmadym žurnala.</p><p>Bu hadysa mekdep müdiriniñ orunbasarynyñ (zawuçyñ) gulagyna ýetipdir.</p><p>Zawuç meni çagyrdy.</p><p>“Mugallym täzelik goşjak bolma. Öñ gurlan bir sistema bar. Ýalñyş bolsa gurmazdylar. Okuwça-da beýdip öwretjek bolup azara galma. Özüñi zaýalarsyñ. Olaryñ gözünde ýaman görünersiñ. Ene atalara nädip düşündirjek” diýdi.</p><p>Kelläme ýyldyrym düşen ýaly boldum. Bir zamanlar adamlar dünýä tekiz diýipdi we togalak diýenleri ýakyp öldüripdiler diýip aýdasym gelýädi. Ýöne bir peýdasy bolar öýtmedim.</p><p>Sessizje çykdym.</p><p>“Şem bütin gijäniñ garañkysyny aýyrmaýar ýöne öñüñizi görmegi, bir ýerlere çaknyşmagyñyzyñ ýa-da bir çukura gaçmazlygyñ öñüni alýar” diýip biriniñ aýdan sözi ýadyma düşýädi.</p><p>Içimdäki turýan tupanlar bilen öýüme gaýtdym.</p><p>“Mugallym öwrenmek näme?” sözleri bolsa gulagymda ýañlanýardy.</p><img src="https://medium.com/_/stat?event=post.clientViewed&referrerSource=full_rss&postId=d5c42c83e4c0" width="1" height="1" alt="">]]></content:encoded>
        </item>
        <item>
            <title><![CDATA[Ömrüñde etdiñmi kişä bahyllyk…]]></title>
            <link>https://teacher-238.medium.com/%C3%B6mr%C3%BC%C3%B1de-etdi%C3%B1mi-ki%C5%9F%C3%A4-bahyllyk-770eec0dffd4?source=rss-9be8d1827c46------2</link>
            <guid isPermaLink="false">https://medium.com/p/770eec0dffd4</guid>
            <dc:creator><![CDATA[Teacher]]></dc:creator>
            <pubDate>Thu, 08 Apr 2021 17:57:45 GMT</pubDate>
            <atom:updated>2021-04-08T18:34:33.605Z</atom:updated>
            <content:encoded><![CDATA[<p>Ömrüñde etdiñmi kişä bahyllyk…</p><p>Adamzat… giden bir umman ýaly çuñ duýgulara eýe sosiýal jandardyr. Ýagny Dekartesiñ hem belläp geçişi ýaly biziñ töweregimizde beýleki adamlar bolmasa ýaşaýyşa dowam etmegimiz diñe maddy däl eýsem ruhy we psihiki taýdan hem kyndyr, hatda käteler ýekelik durmuşdan el üzmäge hem eltip biler.</p><p>Eýsem adamlar birlikde ýaşamaklary biziñ şeýle görşümiz ýaly añsatmy?</p><p>Gynansak-da bu soragyñ jogaby “Elbet-de ýok”!</p><p>Çaga dünýä inen gününden başlap onda dürli psihologiki döwürler bolup geçýär we bu döwürler adamyñ geljekde durmuşda ýaşaýşyny üstünlikli görnüşde dowam etmesi üçin wajyp. Bu döwürler käte bilelikde ýaşamagy añsatlaşdyrsa-da käbirleri daş töweregindäkilere zyýan ýetirip biler.</p><p>Geliñ bu sapar bulardan diñe “bahyllyk” barada durup geçeliñ.</p><p>Entek ösüşiniñ irki döwründe çaga “ego-centrist” döwürden geçýär. Bu wagtlarda çaga göýä “dünýäde ýeke özi bar ýaly” ýa-da “dünýä öz daşyndan aýlanýan ýaly” duýýar. Ol özüniñ oýunjaklaryny paýlaşmaz ýa-da başgasynyñ elindäki “gowja” zadyñ “özüne degişli” bolmagyny talap edýär. Bu duýgy soñlugy bilen galyşyp gidýär. Ýöne käbir adamlarda bolsa ömrüniñ soñuna çenli galmaýar.</p><p>Bu duýgy bize gerekmi? Bahyllyk erbet dälmi eýsem?</p><p>Üstünlikden üstünlige ýetmek üçin bu duýgy az kem gerek hem bolup biler. Ýöne köp bolan halatynda bolsa hem bu duýgysy bar bolan adama we daş töweregindäkilere kyn bolar.</p><p>Adamlar sosiýal jandar bolany üçin birlikde ýaşamasy möhüm. Bahyllyk duýgusynyñ kimde bardygy bolsa sosiýal gatlaklary we gatnaşyjylaryna örän uly täsir edýär.</p><p>Eger-de bir adamyñ içinde bahyllyk duýgusy bar bolsa we bu kişi öz töweregindäkilere görübilmezçilik edýän bolsa, bu kişi hem öz durmuşyndan lezzet alyp bilmez hem töwedegindäkileriniñ durmuşyna täsir edýär.</p><p>ÝÖNE bu duýgy ýolbaşçy adamda bolsa we öz golastyndaky işgärleriñ üstünliklerine ýa-da başarnyklaryna görübilmezçilik edýän bolsa, onda ol kişi ýolbaşçylyk edýän edarasyny, guramasyny edil agajyñ düýbüne kislota döken ýaly üstünlige barýan ýoluñ öñünde äpet bir päsgelçilik döreder.</p><p>Dogry bahyllyk ýa-da görübilmezlik adamzadyñ zannynda bar. ÝÖNE bilim edarasyndaky ýolbaşçy kürsüsinde oturan adam öz duýgularyny gözden geçirmeli. Sebäbi bilim edarasy jemgyýetiñ esasy sütüni. Göz öñüne gelip biljek ähli kärde işleýän adamlar hökman mekdeplerde okandyr. Bu bolsa geljekde jemgyýetiñ nähili şekilde ýol aljagyna täsir edýär</p><p>Eger durmuşyñyz we durmuşymyz, ýaşaýşyñyz we ýaşaýşymyz gowylaşmagyny isleýän bolsak, jemgyýetde asudalygyñ we rowaçlygyñ höküm sürmegini isleýän bolsak geliñ özümizi bir gözden geçireliñ. Bizde bu duýgy barmyka? Bar bolsa töweregimizdäkilere nä dereje täsir edýärkä ýa-da özümizde bar bolan nygmatlary görmegimiziñ öñüni nä derejede örtýärkä?!</p><img src="https://medium.com/_/stat?event=post.clientViewed&referrerSource=full_rss&postId=770eec0dffd4" width="1" height="1" alt="">]]></content:encoded>
        </item>
        <item>
            <title><![CDATA[Bir kemi bar bolaýmasyn?]]></title>
            <link>https://teacher-238.medium.com/bir-kemi-bar-bola%C3%BDmasyn-1bb3a313095?source=rss-9be8d1827c46------2</link>
            <guid isPermaLink="false">https://medium.com/p/1bb3a313095</guid>
            <dc:creator><![CDATA[Teacher]]></dc:creator>
            <pubDate>Sun, 28 Feb 2021 08:31:47 GMT</pubDate>
            <atom:updated>2021-02-28T08:35:10.645Z</atom:updated>
            <content:encoded><![CDATA[<p>Bir kemi bar bolaýmasyn?</p><p>Durmuşa düşünmek üçin geçmişe göz atmaly we geçmişde gazanylan üstünliklere göz atyp olaryñ üstüne täzeçe çemeleşmeler, garaýyşlar goşup geljege tarap gitmeli.</p><p>Eýsem bu nähili mümkin?</p><p>Filosofiýanyñ, ylmyñ başlangyjy hökmünde Grek alymlaryny görkezýärler we henize çenli dünýäniñ hemme ýerinde Aristotle, Plato ýaly Grek filosoflara salgynalynýar. We bu edebiýatlaryñ üstüne Hindi edebiýatlar hem goşulýar. 7-nji asyrda Yslam dininiñ ýüze çykmagy bilen bu edebiýatlaryñ üstüne täzeçe garaýyşlar goşulmalar goşup medrese ylmy orta çykýar. Biziñ hemmämiziñ ýakyndan bilýän alymy Al-Horezmi algebra ylmynyñ düýbüni tutan alym. Onuñ Arap dilinde “<a href="https://en.m.wikipedia.org/wiki/Algebra">Al-jabr</a> ” kitaby— bölekleriñ birleşdirilmegi manysyny berip döwrümize çenli gelip ýetdi.</p><p>Ibn-Haldun syýasat ylmynda özüniñ adyny taryha geçirip giden arap alymlarynyñ biri. Ol hem özünden önki edebiýarlardan peýdalanyp we döwründaki syýasy ýagdaýy yzarlap “Mukaddime” kitabyny ýazýar. Bu kitap häzirki wagtda dünýäniñ ady belli uniwersitetlerinde gollanma hökmünde ulanylýar.</p><p>Eýsem adamzat ösüşi diñe olara bagly galdymy. Elbetde ýok!</p><p>Medrese ylmynyñ göçürmesini nusga edinip Ýewropada ilkinji uniwersitetler döredi. Şeýdip ylym ösmäge dowam etdi.</p><p>Demire ganat baglap uçuran Wright doganlardan soñ 1969-da aýa aýak basyldy.</p><p>Mundan bir hepde — on gün öñ bolsa goñşy planeta Marsa ilkinji robotlar gondy we hem ses we şekilli ýazgy ugratdy dünýämize.</p><p>Eýsem bularyñ hemmesi tötänlikmi?</p><p>Ýa-da “olar edäýýämi”</p><p>Birinji soragyñ jogabynyñ “hawa” däldigi bilen hemmämiz ylalaşarys. Ýöne “olar edäýýä” bilen oñuşýan bolsak ullakan girdabyñ içine düşendigimizdir.</p><p>“Olar” bu zatlary nädip başarýarlarka?</p><p>Esasy öñümizde goýmaly soraglarymyzyñ biri.</p><p>Tankydy pikirlenmek diýip eşiden bolmagyñyz ähtimal. Tankyt diýlende ýalñyş pikirlenmäñ. Ylmyñ tankydy “criticizm” ýa- da “critique” ylmyñ ösüşinde uly rol oýnaýar. Ylmy žurnallarda makalalar çap edilmezden öñ makalanyñ temasynyñ üstünde işleýän başga alymlar tarapyndan göz gezdirilýär we bu alymlar oñyn pikirlerini beýan edenlerinde makalalar çapa gidýär. Ýagny ýazylanlary göniden göni dogry diýip hasap etmegiñ ýerine tankyt edilmäge berilýär kemçilikleri görülmek üçin.</p><p>Ýagny ösüş üçin gerekli zatlaryñ esasysy öñki edebiýatlary okamak, olary öwrenmek. Ondan soñra mümkin bolsa üstüne täzeçe garaýyşlar goşmak.</p><p>Ýazgynyñ başynda-da belläp geçişim ýaly bir kemi bar bolaýmasyn diýip üstüne täzelikler goşup geljege batly gadamlar bilen ýöremek gerek.</p><p>Bu ýazgynyñ hem kem galan ýerleri bardyr elbetde. Hepdäniñ alty gününiñ hersinde zähmet çekip soñunda ýetilen dynç gününde beýleki aladalaryñ arasyndan sypynyp bir zatlar garaladym. Pikirleriñizi, pikirlerimizi paýlaşalyñ. Tankyt edip üstünde duralyñ. Üstüne täzelikler, täze garaýyşlar goşup öseliñ.</p><p>Goý bize-de diýsinler “olaram ýasaýar” diýip…</p><img src="https://medium.com/_/stat?event=post.clientViewed&referrerSource=full_rss&postId=1bb3a313095" width="1" height="1" alt="">]]></content:encoded>
        </item>
        <item>
            <title><![CDATA[OKAMAGA BAŞLAMAK]]></title>
            <link>https://teacher-238.medium.com/okamaga-ba%C5%9Flamak-1c49604b225a?source=rss-9be8d1827c46------2</link>
            <guid isPermaLink="false">https://medium.com/p/1c49604b225a</guid>
            <dc:creator><![CDATA[Teacher]]></dc:creator>
            <pubDate>Sat, 20 Feb 2021 19:51:10 GMT</pubDate>
            <atom:updated>2021-02-20T19:51:10.931Z</atom:updated>
            <content:encoded><![CDATA[<p>Okamak hakynda oýlanma</p><p>Başda belläp geçişim ýaly bu bir oýlanma we belki ylalaşýan ýerleriňiz bolup biler. Hatda üstüne goşmaça öz pikirleriňizi hem goşup bilersiňiz kommentariýa bölüminde we netijede has gowy bir dünýä garaýşy döräp biler.</p><p>Mekdep kitaplarynda ýa-da başga çeşmelerde “<strong>knowledge is power</strong>” diýen şygarlara köp gabat gelendirsiňiz. Bu şygar öz köküni Latin dilindäki “<strong>scientia potentia est</strong>” şygardan alyp gaýdýar. Türkmen diline alanymyzda “<strong>bilim güýçdir</strong>” manysyny almak mümkin.</p><p>Geliň bilimiň nädip güýç bolup biljekdigi barada azajyk taryha we şu döwrümize göz atalyň.</p><p>Hemmämiz taryh kitaplarynda görendiris Kristofor Kolumb Amerika materigini açandygy baradaky temany. Elbetde bu bilimiň ösmegi netijesinde bolup geçdi. Kristofor öz adamlary bilen Amerika baranda şol ýeriň öňden gelýän ýaşaýjylary olary gujak açyp garşy almadylar. Gapma garşylyklar boldy. Şonda ol üstünde <a href="https://www.washingtonpost.com/history/2019/05/05/columbus-brought-measles-new-world-it-was-disaster-native-americans/#:~:text=Measles%20history%3A%20Christopher%20Columbus%20brought,Native%20Americans%20%2D%20The%20Washington%20Post"><strong>gyzamyk</strong></a><strong> </strong>keseliniň wirusy bolan örtgüni ýerli halka bermek arkaly olaryň aglabasyny heläkçilige duçar etdi. Kolumb diňe özüniň harby güýjini däl eýsem gyzamyk keseli baradaky bilimini duşmany ýeňmek üçin ulandy.</p><p>Ikinji Jahan Urşy barada bilmeýänimiz ýokdyr. Uruş diýmek diňe ýarag taýdan üstünlik däl-de hemme taraplaýyn duşmandan ýokary gelmegi başarmagy gerekdirýän çykgynsyz ýagdaýdyr. Ikinji Jahan Urşy ýa-da Beýik Watançylyk urşy Berliniň synmagy esasynda soňlanýar. Bize muny aýtmak aňsat ýöne Gitleriň dolandyrýan Germaniýasynda Berlini syndyrmak 1939-njy ýyly başlangyç hasap etsek ýedi ýyla golaý wagty öz içine aldy. Elbetde bu uruşy gazanmagyň birnäçe sebäpleri bardy çünki Ikinji Jahan Urşy diýip taryhda öz yzyny galdyran urşyň diňe bir sebäpden soňlanmagy mümkin däl. Bu sebäpleriň biri bolsa biziň eramyzdan öň 497-nji ýylda aradan çykan Hytaýly general Sun Tzunyň “Söweş Sungaty” atly eserinde görkezilen strategiýalaryň durmuşa geçirilmegidi.</p><p>Belki şu wagt şeýle sorag bilen ýüzlenýändirsiňiz: bu bolup geçen zatlaryň okamak bilen näme dahyly bar? — diýip.</p><p>Adamzady beýleki jandarlardan esasy tapawudy onuň öwrenen maglumatyny täze nesle öwredip bilmesi. Ýogsam her täze dogan çaga tigiri täzeden oýlap tapmaly bolardy.</p><p>We bularyň hemmesi OKAMAK bilen başlaýar.</p><p>Elbetde okaýanlar ýok diýsem okaýan adamlary ýok hökmünde görenim bolar. Ýöne täze ýetişip gelýän nesil okamak diýlen sözi eşidende göýa aýtmasyz bir zat aýdan ýa-da etmesiz bir iş eden ýaly garaýarlar.</p><p>Bu ýagdaý diňe meniň däl başgalarynyň hem ukusyny gaçyrýandyr diýip umyt edýän.</p><p>Geçen saparky ýazgymda BAŞLAMAK diýipdim</p><p>Bu gezek OKAMAGA BAŞLAMAK diýesim gelýär.</p><p>Okamagyň hem ýörite ýollary bar. Näme okamaly? Nädip okamaly? we şuňa meňzeş kyn soraglar.</p><p>“Häsiýetiňi üýtgetmeýän bilim peýdasyzdyr” — diýip belleýär Ýuwal Noah Harari özüniň ýakynda çap edilen “Homo Deus — Ertiriň Gysgaça Taryhy” atly eserinde.</p><p>Geliň okalyň we öwrenen bilimimizi durmuşa geçireliň!</p><p>OKAMAGA BAŞLALYŇ!</p><img src="https://medium.com/_/stat?event=post.clientViewed&referrerSource=full_rss&postId=1c49604b225a" width="1" height="1" alt="">]]></content:encoded>
        </item>
        <item>
            <title><![CDATA[Başlamak]]></title>
            <link>https://teacher-238.medium.com/ba%C5%9Flamak-6285360db843?source=rss-9be8d1827c46------2</link>
            <guid isPermaLink="false">https://medium.com/p/6285360db843</guid>
            <dc:creator><![CDATA[Teacher]]></dc:creator>
            <pubDate>Sat, 13 Feb 2021 18:53:17 GMT</pubDate>
            <atom:updated>2021-02-13T18:58:39.999Z</atom:updated>
            <content:encoded><![CDATA[<p>Başlamak…</p><p>Göraýmäge ýönekeýje işlik ýalydyr. Başlamak. Başladym. Başladyň. Başlaýar…</p><p>Geliň şu ýerde biraz duralyň we başlamak üçin gerekli ýagdaýlara, gerekli zatlara we esasanam başlamak üçin möhüm bolan zatlardan biri özümize bolan ynama göz atalyň.</p><p>Ene garnynda öz kadaly ösüşini dowam edip bolan çagany göz öňümize getireliň. Biziň hemmämiz bu ýoldan geçdik. Ene özüniň çagasyna bolan mähri sebäpli adaty ýagdaýda adamyň hötdesinden gelip bilmejek agyry derejesini ýeňip bäbejigi dünýä getirýär. Bäbejik üçin täze bir durmuş BAŞLAÝAR.</p><p>Adamyň durmuşy BAŞLANGYÇLARDAN doludyr aslynda.</p><p>We biz käte oturyp “Eýsem dünýäniň, ýyldyzlaryň, galaktikalaryň BAŞLANGYJY” barada pikirlenip gördükmi?</p><p>Bu soragy bu wagta çenli soran adamlar sanardan köpdir. Bu adamlaryň hemmesiniň reňki, jynsy, ýaşaýan ýerine garamazdan bir meňzeş tarapy bardyr: PIKIRLENMÄGE BAŞLAMAK.</p><p>Pikirlenmek bizi beýleki jandarlardan tapawutlandyrýan esasy häsiýetlerden biri we iň esasysydyr.</p><p>Geliň pikirlenmäge başlalyň we başgasynyň ýeriňe pikirlenmegine garaşmagy bes edeliň.</p><img src="https://medium.com/_/stat?event=post.clientViewed&referrerSource=full_rss&postId=6285360db843" width="1" height="1" alt="">]]></content:encoded>
        </item>
    </channel>
</rss>