<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Шар шувуу on Medium]]></title>
        <description><![CDATA[Stories by Шар шувуу on Medium]]></description>
        <link>https://medium.com/@tselmegtselmee?source=rss-217d18bc204------2</link>
        <image>
            <url>https://cdn-images-1.medium.com/fit/c/150/150/1*TVxC8oOAqL-3HjG2g669_w.jpeg</url>
            <title>Stories by Шар шувуу on Medium</title>
            <link>https://medium.com/@tselmegtselmee?source=rss-217d18bc204------2</link>
        </image>
        <generator>Medium</generator>
        <lastBuildDate>Tue, 17 Nov 2026 22:21:12 GMT</lastBuildDate>
        <atom:link href="https://medium.com/@tselmegtselmee/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Буцааж төлж чадахгүй их сэтгэл]]></title>
            <link>https://medium.com/@tselmegtselmee/%D0%B1%D1%83%D1%86%D0%B0%D0%B0%D0%B6-%D1%82%D3%A9%D0%BB%D0%B6-%D1%87%D0%B0%D0%B4%D0%B0%D1%85%D0%B3%D2%AF%D0%B9-%D0%B8%D1%85-%D1%81%D1%8D%D1%82%D0%B3%D1%8D%D0%BB-270be971271d?source=rss-217d18bc204------2</link>
            <guid isPermaLink="false">https://medium.com/p/270be971271d</guid>
            <dc:creator><![CDATA[Шар шувуу]]></dc:creator>
            <pubDate>Tue, 01 Sep 2026 07:21:37 GMT</pubDate>
            <atom:updated>2026-09-01T07:21:37.061Z</atom:updated>
            <content:encoded><![CDATA[<p>Их сургуулийн ширээг илээн дөрвөн намар, дөрвөн хаврыг үзээд эзэмшсэн мэргэжлээрээ ажилд оров. Нэг зорилготой салбартаа зүтгэж яваа олон ч мэргэжил нэгтнүүдтэйгээ танилцсаны дунд энгийн даруухан хэрнээ онцгой нэгэн байсан нь одоо миний өгүүлэх гэж буй бяцхан түүхийн гол эзэн юм.</p><p>Хэлэхийг хүссэн гол санаа руугаа орохоос өмнө бид анх яаж танилцсан талаар оршил бичсэн нь зөв болов уу.</p><p>Түүний талаар би өмнө нь бусдын амнаас л дам байдлаар сонсож байсан ч өөрийн биеэр уулзаж танилцаж амжилгүй явсаар 2023 оны 11-р сард нэрийг нь мэдэн танилцах завшаан тохиов. Түүний нэрийг Д гэдэг. Надтай л адил боловсрол, сэтгэл судлалын салбарт өөрийн мэргэжлийн үнэ цэнийг бататган мэдрүүлж яваа сургуулийн сэтгэл зүйч, бүр сургуулийн сэтгэл зүйчдийн анхдагч нь аж. Гэвч өөрөөс нь хэл амыг нь сугалчих шахуу асууж шалгаахгүй л бол салбартаа хийж бүтээсэн энэ том ажил хэргээ бусдад барагтаа л бол яриад байдаггүй даруухан нэгэн. Хамт сургалтад суралцах болоод 3 дахь өдөр дээрээ би энэ хүнтэй анх удаа үг сольж үзсэн юм. Эхлээд танилцлаа “Өмнө нь их сургуульд сэтгэл судлалын багш хийж байсан, арав гаруй жилийн өмнө анх сургуулиудад сэтгэл зүйч ажиллуулах төсөл хөтөлбөрт сэтгэл зүйчээр ажиллаж байсан гээд намтар түүх ихтэй энэ эрхэм одоо нэг ерөнхий боловсролын сургуульд сэтгэл зүйч хийж байгаа л гэнэ. Дүүргийнхээ боловсролын сэтгэл зүйчдийг нэгтгэж мэргэжил арга зүйн зөвлөгөө өгч ажилладаг ганц тулгуур багана нь юм байна гэж би ойлгов. Өмнө нь энэ хүнтэй уулзаж үзсэн, бүр өөр дээр нь дадлага удирдуулан хийж байсан сэтгэл зүйчдийн ярианаас сэтгэл зүйч гэхэд арай л хатуу, хүүхдүүд нь сэтгэл зүйчээсээ айгаад байдаг тэгхээр яаж сэтгэл зүйн үйлчилгээ үзүүлдэг юм гэсэн яриаг нилээдгүй удаа сонссон би ямар хүн байдгийг нь сонжих байдалтай түүнтэй багаар хамтран ажиллалаа. Анхны сэтгэгдэл миний бодож байснаас, бусад хүний надад өгсөн төсөөллөөс тэс ондоо байв. Цаанаасаа л буурь суурьтай, түшигтэй нэгэн зарим тохиолдолд юу ярьж байгаагаа ч мэдэхгүй миний амнаас гарах үг бүрийг анхааралтай сонсож өөрийн санааг нэмэрлэж хийх ёстой ажлаа дуусгав.</p><p>Сарын дараа Боловсролын яамнаас хэрэгжүүлж буй Боловсролын сэтгэл зүйчдийн стандарт боловсруулах төсөлд улсын хэмжээнд 10 сэтгэл зүйч сонгогдож ажилласны дунд Д ах бид хоёр сонгогдож нэг зорилготойгоор гар нийлэн ажиллахаар болов. Ердөө гуравхан хоног хамтран ажилласныг дурдах нь зөв биз.</p><p>Анх сургалт дээр танилцаад нэг их сэтгэгдэл төрүүлээгүй ч энэ 3 өдрийн хугацаанд Д ах намайг гайхашруулсан нь өдрийн хоолны үеэр миний хэлсэн хоёрхон өгүүлбэрийг сонсоод миний дотроо бодож явдаг мөрөөдлийг минь хялбархан таачих нь тэр. Дөрвөн жил суралцах хугацаанд минь аав ээж минь ч миний яагаад заавал хоёрдох мэргэжлээрээ багш болох гээд байгааг ойлгож ядан надаас байн байн асуудаг байсан юм. Харин энэ хүн бодлыг минь уншсан юм шиг л шууд “Ирээдүйн сургуулийн захирал энд сууж байгаа байх нь ээ” гэж хэлж орхих нь миний энэ хүнийг хувь хүний хувьд, мэргэжилтнийх нь хувьд хүндлэх эхлэл тавигдсан юм даа.</p><p>Төсөл боловсруулж дууссанаас хойш дахин холбогдохгүйгээр 5 сар өнгөрч сэтгэл зүйчдийн спорт өдөрлөг дээр түүнтэй дахин тааралдсан минь миний өнөөдөр энд түүний тухай бичих болсон шалтгааны минь уг үндэс нь юм.</p><p>Ах сэтгэл зүйчээ хийхээ болиод хүүхдийн зуслангийн захирлаар томилогдон ажиллаж байгаа гэнэ. Зун зусландаа ажиллах багш хайж байгаа гэхээр нь хэсэг бодож байгаад ажиллахаар шийдэв. Ингээд Д ах маань миний итгэж хүндэлж явдаг захирал, эрхэлж туниж явдаг эрхэм ах минь болсон юм даа. Зуны гурван сар ажиллах үедээ захирлаа гэж дуудан ажил дууссаны дараа ахаа гэж дуудсаар бидний харилцаа нэг мэдэхэд ах дүүс, ажил олгогч болон ажилтан, найз нөхөд, зарим үед ах яг л миний аав шиг ирээдүйд минь санаа тавьж зөвлөгөө өгдөг, амьдралд минь шууд оролцохгүй ч алсаас зөвлөн тусалж дэмждэг, бусдаас намайг өмөөрөн хамгаалдаг буруу зүйл хийвэл зэмлэж залруулдаг болсон. Нүүрэн дээр минь хэзээ ч надад мэдэгдэхгүй хэрнээ нүднээс минь далд хүн бүхэнд намайг магтаж, над руу дайрсан болгоноос намайг өмгөөлж үг хэлнэ. Арыг минь бат даана гэсэн шиг ямар ч үед ах нь чиний талд зогсноо. Би өөрийнхөө охиныг чам шиг эмэгтэй болж өсөөсэй гэж хүсдэг шүү гээд л сууж байх нь, дэргэд нь байхад л түшигтэй, хамгаалагдсан, аюулгүй мэдрэмж төрүүлэх энэ хүний багийн нэг гишүүн нь болж ажиллах хүсэл сэтгэлд минь буцалж билээ. Хүсэл минь биелсэн ч удаан үргэлжлэлгүй би шинэ ажилд орохоор болов. “Залуу хүн өсөж дэвших ёстой. Би өөрийгөө бодох юм бол хэзээ ч чамайг дэргэдээсээ явуулахгүй. Гэхдээ миний дүү өсөж хөгжих ёстой болохоор явах нь зөв.” гэж хэлээд намайг илүү өндөр албан тушаалд өөрөө зуучлан хэлж өгөөд оруулав. Намайг залуу байхад ингээд зөвлөөд өгөх хүн байсан бол сайхан байхгүй юу гэсээр өөрийн авч чадаагүй боломж бүхнийг надад нээж өгөхийг зорих ахын энэ үйлдлүүд 24 настай амьдралд учраа олчих гэж хичээж яваа залуу хүний хувьд маш том боломжийг өмнө минь дэлгээд өгчих нь тэр. “Ахын дүү энэ хүн чамайг би өөрийн тань энэ хүнийг авчих уу гээд надаас гуйгаад авсан шүү. Гуйлгаж очсон хүн бардам байгаарай. Хэцүү санагдвал надад л хэлээд бусад хүмүүсийн өмнө хүчтэй байдаг юм шүү” гэж намайг зоригжуулаад алхам тутамд минь амьдралын ч бай ажлын ч бай өөрийн чадах чинээгээр зөвлөн тусалж, дэмнэж байдагт нь би БАЯРЛАЛАА гэдэг ганцхан үгээр л хариу барьж чадах юм.</p><p>Өөрийн дэргэд байгаа хүн бүрийг дэмжиж, чадах бүхнээрээ тусалдаг энэ эрхмээс хүртэж байгаа энэ их сэтгэлийг дааж амьдарна гэдэг асар их тансаглал юм билээ. Намайг гэсэн энэ их сэтгэлийн хариуг буцааж төлж барахгүй тул жижигхэн дүү нь таны надад зориулсан их сэтгэлийг чадлынхаа хэрээр бусдад зориулах болноо ахаа. Өөрт тань хэлэх гэхээр амнаас минь багтаж гардаггүй үгээ энд сийрүүлэн үлдээе.</p><p>БАЯРЛАЛАА АХАА. ХАЙРТАЙ ШҮҮ ❣️</p><p>2026 он</p><p>Шар шувуу</p><img src="https://medium.com/_/stat?event=post.clientViewed&referrerSource=full_rss&postId=270be971271d" width="1" height="1" alt="">]]></content:encoded>
        </item>
        <item>
            <title><![CDATA[Би энэ өдрийг 9 жил хүлээсэн.]]></title>
            <link>https://medium.com/@tselmegtselmee/%D0%B1%D0%B8-%D1%8D%D0%BD%D1%8D-%D3%A9%D0%B4%D1%80%D0%B8%D0%B9%D0%B3-9-%D0%B6%D0%B8%D0%BB-%D1%85%D2%AF%D0%BB%D1%8D%D1%8D%D1%81%D1%8D%D0%BD-7528d382eff7?source=rss-217d18bc204------2</link>
            <guid isPermaLink="false">https://medium.com/p/7528d382eff7</guid>
            <category><![CDATA[writing]]></category>
            <dc:creator><![CDATA[Шар шувуу]]></dc:creator>
            <pubDate>Sun, 28 Jun 2026 17:39:13 GMT</pubDate>
            <atom:updated>2026-10-18T12:08:47.666Z</atom:updated>
            <content:encoded><![CDATA[<h3>Би энэ өдрийг 9 жил хүлээсэн. Харамсалтай нь яг энэ мөчид чиний дэргэд инээгээд зогсох тавилангүй байж.</h3><p>Хамтдаа мөрөөдөж, хамтдаа суралцаж, хамтдаа хичээн хөдөлмөрлөж ирсэн нэг мөрөөдөл минь ингээд биелэв.</p><p>Бид анх танилцаж нэг нэгэндээ мөрөөдөл, зорилгоо хуваалцаж эхэлсэн цаг мөчөөс хойш миний жижигхэн ертөнцөд чиний мөрөөдөл бүхэн бодит биелэлээ олж билээ. Тэр цагаас хойш чиний мөрөөдөл минийх болж чиний зорилго миний зүтгэх ёстой хүсэл тэмүүлэл болоод 9 жилийг ардаа үдэж.</p><p>“Би мэс заслын эмч болно тэгээд хотын захад байшин бариад нэг өрөөг нь чамд зориулж номын сан болгож өгнөө. Яг л жонон Белл-д зориулж номын сангаа нээж өгдөг шиг. Бас нэг өрөөг нь хөгжмийн өрөө болгоод олон төрлийн хөгжмийн цуглуулгатай болно, нэг өрөөндөө ажлаа хийж суудаг ажлын өрөө, нөгөө өрөөгөө би өөрийнхөө хүссэнээр тохижуулаад амьдаръя. Хоёулаа хамтдаа хүүхдүүдэд зориулсан хамгийн сайхан асрах, хөгжих газар байгуулаад чи хүүхдүүдэд хичээл зааж харин би өвдсөн хүүхдүүдийг эмчилж байя. Анагаахын чиглэлээр аль улсад хамгийн сайн сургадагийг нь би судалж байгаа” гээд хамтдаа мөрөөдөж ярилцаад тэр мөрөөдлөө биелсэн байгаагаар төсөөлдөг байсан цаг хугацаа ард үлдэж бидний мөрөөдөл, хүсэл эхнээсээ биелэлээ оллоо.</p><p>ЭЕШ-т өгч байх үед чинь амьсгаа даран хүлээж Анагаах Ухааны Үндэсний Их Сургуульд тэнцсэн мэдээг чинь хамтдаа харчихаад би чамаас ч илүү ихээр баярлаж дороо дэвхцэн орилж байсан үе өнгөрөөд долоон жил өнгөрч. Шөнө ч унтаж чадахгүй хичээлээ хийж, өдрийн цагаар суугаагаараа нүдээ нээлттэй унтахыг чинь хараад хачин их өрөвддөг байж билээ. Дэргэд чинь чамд нэмэр болж чадах зүйл юу байна гэж үргэлж санаа зовж хамтдаа суралцсан хамтдаа хөгжсөн өдрүүд минь хэтэрхий нандин.</p><p>Уйлсан, уурласан, шантарсан, зоригжсон, хичээсэн өдөр бүхнийхээ ард гараад ямар ч байсан чи “<strong>Хүний их эмч” мэргэжлээ амжилттай эзэмшиж гартаа диплом, энгэртээ ромбо зүүж чадлаа. Баяр хүргэе. Чиний их сургуулиа төгсөх хонхны баярыг чинь би есөн жил хүлээсэн гэвч надад чиний энэ баярт мөчийг дэргэд чинь зогсоод хуваалцах хувь тавилан байсангүй дутлаа. Дэргэд чинь инээж зогсохын оронд баяр, гуниг, харамсал, бахдал шингэсэн баглаа цэцэг чам руу илгээлээ. Хонхны баярын мэнд хүргэе. Мөрөөдлөө надгүй байсан ч заавал биелүүлээрэй. Чамд чадвар нь хангалттай байгаа.</strong></p><p>Хүндэтгэсэн: Шар шувуу</p><p>2026.05.21</p><img src="https://medium.com/_/stat?event=post.clientViewed&referrerSource=full_rss&postId=7528d382eff7" width="1" height="1" alt="">]]></content:encoded>
        </item>
        <item>
            <title><![CDATA[Төрсөн өдрийн мэнд хүргэе хайрт минь]]></title>
            <link>https://medium.com/@tselmegtselmee/%D1%82%D3%A9%D1%80%D1%81%D3%A9%D0%BD-%D3%A9%D0%B4%D1%80%D0%B8%D0%B9%D0%BD-%D0%BC%D1%8D%D0%BD%D0%B4-%D1%85%D2%AF%D1%80%D0%B3%D1%8D%D0%B5-%D1%85%D0%B0%D0%B9%D1%80%D1%82-%D0%BC%D0%B8%D0%BD%D1%8C-16357c3330b3?source=rss-217d18bc204------2</link>
            <guid isPermaLink="false">https://medium.com/p/16357c3330b3</guid>
            <dc:creator><![CDATA[Шар шувуу]]></dc:creator>
            <pubDate>Thu, 21 May 2026 05:49:26 GMT</pubDate>
            <atom:updated>2026-05-21T05:58:33.937Z</atom:updated>
            <content:encoded><![CDATA[<p>Маргааш чиний минь төрсөн өдөр. Гэрэлт хорвоод мэндэлсэн энэ өдрийг чинь чинийхээ хувьд хамгийн жаргалтай инээж өнгөрүүлсэн дурсамжтай өдөр байлгах гэж би жил бүр чадлаараа хичээдэг байж билээ. Жил бүрийн энэ өдөр чамд таалагдах дахин давтагдашгүй онцгой бэлэг бэлдэх гэж толгой гашилган бодол болж суудаг сан. Гэвч өнөөдрөөс эхлэн би зөвхөн өөрийн сэтгэл дотроо л чамд баярын мэндчилгээ илгээж чадах нь.</p><p>Хамтдаа хөтлөлцөж очоод иргэний үнэмлэхээ авч нэг нэгэндээ үзүүлж байсан хүүхдүүд одоо тэр үнэмлэхээ шинээр солих насандаа ирчихэж. Сольж авахдаа гараас нь хөтлөөд алхах хүнээ бас сольчихжээ. Цаашид дахин чиний гараас хөтлөхгүй, дахиж чамд баярын мэндчилгээ хүргэхгүй, дахиж чамд төрсөн өдрийн бэлэг сонгохгүй.</p><figure><img alt="" src="https://cdn-images-1.medium.com/max/1024/1*6MvwfvEoaEtLlMFKth_ppA.jpeg" /><figcaption>Nothing’s gonna change my love for you</figcaption></figure><p>2017.05.01 Анх удаа чамд төрсөн өдрийн мэнд хүргэсэн</p><p>2018.05.01 Баярыг чинь тэмдэглэж хамтдаа кино үзэж байсан</p><p>2019.05.01 Хамтдаа чиний төрсөн өдрийн тэмдэглэсэн</p><p>2020.05.01 Чи Японд байсан тул хамтдаа тэмдэглэж чадаагүй. Энэ өдөр чамд зориулж бэлэг болгон хийлгэсэн бидний зурагтай хос хүзүүний зүүлт одоо ч надад бий.</p><p>2021.05.01 Хөл хорионы үед цагдаа нараас зугтан байж гэр рүү чинь алхаж очоод гэрийн чинь үүдэнд бялуу бариад зогсож байж билээ.</p><p>2022.05.01 21 насны чинь төрсөн өдөрт зориулж өөрийн гараар 21ш бэлгийн эрхийн бичиг бүхий карт хийж очоод чамаар нэг нэгээр нь сонгуулсан. Миний хувьд чамд зориулсан хамгийн содон, хамгийн их сэтгэлээ шингээж бэлдсэн бэлэг минь байсан.</p><p>2023.05.01 Нэг талд гомдсон зүрх, нөгөө талд гэмшсэн сэтгэлтэй хоёр хүн. Би чамд тайтгарлын захидал бичиж нэг хүслийг чинь биелүүлж байсан.</p><p>2024.05.01 Найзуудтайгаа баяраа сайхан тэмдэглээд ирээрэй гээд бэлдэж өгөөд явуулсан.</p><p>2025.05.01 Ажлаа тарчихаад чамд зориулж баярын ширээ засах гэж бялуу, амттан аваад гэртээ очсон. Гэвч чи амаа ч хүргээгүй</p><p>2026.05.01 Чамд өөрт чинь хэлэх эсэхдээ эргэлзэж байгаа ч би чамд баярын мэнд хүргээд инээмсэглэх болноо.</p><p>Үүгээр 10 дахь жилдээ би чамд төрсөн өдрийн мэндчилгээ дэвшүүлж цаашид дахин чиний төрсөн өдрийн мэндчилгээ хүргэж суухгүй ээ.</p><p>Сүүлчийн удаа чамд би маргааш мэнд хүргэе. Аз жаргалтай, эрүүл энх, урт удаан амьдраарай чи минь.</p><p>Төрсөн өдрийн мэнд хүргэе хайрт минь. Хайртай шүү.</p><p>2026.04.30</p><img src="https://medium.com/_/stat?event=post.clientViewed&referrerSource=full_rss&postId=16357c3330b3" width="1" height="1" alt="">]]></content:encoded>
        </item>
        <item>
            <title><![CDATA[Сэтгэлийн шивнээ]]></title>
            <link>https://medium.com/@tselmegtselmee/%D1%81%D1%8D%D1%82%D0%B3%D1%8D%D0%BB%D0%B8%D0%B9%D0%BD-%D1%88%D0%B8%D0%B2%D0%BD%D1%8D%D1%8D-de539e4e7540?source=rss-217d18bc204------2</link>
            <guid isPermaLink="false">https://medium.com/p/de539e4e7540</guid>
            <dc:creator><![CDATA[Шар шувуу]]></dc:creator>
            <pubDate>Thu, 07 May 2026 06:56:02 GMT</pubDate>
            <atom:updated>2026-05-07T06:56:02.609Z</atom:updated>
            <content:encoded><![CDATA[<p>Чимээгүй өнгөрсөн цаг хугацаа бүхэн минь</p><p>Чихэнд минь нэг л зүйлийг тодоор шивнэнэ</p><p>Чи тэр хүнд хайртай шүү дээ гэж</p><p>Чанга гэгч нь сэтгэлд минь шивнэнэ</p><p>Олон жилийн турш бүтээсэн бүхэн минь</p><p>Он удаан жил дурсамжинд минь тодорно</p><p>Охин наснаасаа дурласан хайр минь</p><p>Онгорхой хоосон зайг зүрхэнд минь үлдээнэ.</p><p>Одоо түүнд хайртай юу гэж надаас асууна</p><p>Одоо ч сэтгэлтэй хэвээр гэж би хариулна</p><p>Орчлонгийн шалгуурыг давж чадав уу гэвэл харин</p><p>Онцгой нэгэн хэвээр нь үлдээж чадсангүй ээ гэж хэлнэ.</p><p>Шар шувуу</p><p>2026 он</p><img src="https://medium.com/_/stat?event=post.clientViewed&referrerSource=full_rss&postId=de539e4e7540" width="1" height="1" alt="">]]></content:encoded>
        </item>
        <item>
            <title><![CDATA[Эндүүрэл]]></title>
            <link>https://medium.com/@tselmegtselmee/%D1%8D%D0%BD%D0%B4%D2%AF%D2%AF%D1%80%D1%8D%D0%BB-4bffa1f2eff0?source=rss-217d18bc204------2</link>
            <guid isPermaLink="false">https://medium.com/p/4bffa1f2eff0</guid>
            <dc:creator><![CDATA[Шар шувуу]]></dc:creator>
            <pubDate>Thu, 26 Mar 2026 03:40:51 GMT</pubDate>
            <atom:updated>2026-03-26T03:40:51.752Z</atom:updated>
            <content:encoded><![CDATA[<p>Амьдралдаа хийсэн сонголтуудаасаа, өөрийн хийсэн үйлдэлдээ харамсахгүй амьдрахыг хичээдэг төрлийн хүн…</p><p>Өнөөдрийг хүртэл бодож байсан зүйлсээс минь хамгийн том эндүүрсэн бодол минь чамайг миний дэргэдээс хэзээ ч холдохгүй үргэлж хажууд минь намайг ойлгож хайрлана гэсэн балчир охины цагаахан бодол байсан ажээ. Миний зүрхийг хэдэн хэсэг болгоод нүднээс минь бус сэтгэлээс минь гомдол цөхрөлийн нулимс асгаруулна гэдгийг 16 настай охин тэрхэн агшинд яахин мэдэх билээ. Хэрвээ мэдсэн бол хэзээ ч бүр хэзээ ч чамтай тааралдахгүй амьдрахыг хичээх байсан болов уу?</p><p>Нэгэнт л заяа төөрөг таарч амьдралын зам огтлолцсоноос хойш тэр замыг нэгтгэн өргөсгөж хамтдаа туулахыг эцсээ хүртэл хичээж тэвчээрийн сүүлийн цэгтээ хүргэсэн минь өнөөдөртэй нүүр туллаа. Чиний хувьд ч адилхан байсан болов уу. Харамсалтай нь чи бид хоёрын зам хэсэгхэн хугацаанд огтлолцоод дахин огтлолцох эсэх нь мэдэгдэхгүйгээр салах тавилантай байж.</p><p>“Би чамайг жаргалтай байлгаж чадна. Харин чи намайг хүлээж чадах уу?” гэсэн үгэнд чинь өнөөдрийг хүртэл хоргодон хагарсан эмтэрхий болгоныг эргүүлж эвлүүлэх гэж хичээсэн минь энэ хүрээд зогслоо. Хэлсэн энэ үгэндээ хүрэх гэж өдийг хүртэл бүх чадлаараа хичээж ирснийг чинь хэнээс ч илүүтэйгээр би мэдэх учраас амлалтаа биелүүлсэнгүй гэж чамайг буруутгахгүй ээ. Чи ч бас намайг замаасаа буцлаа гэж бүү зэмлээрэй. Чи бид хоёрын хэн хэн нь хэлсэн үг, өгсөн амлалтаа биелүүлэх гэж бүх хүчээрээ зүтгэж болохоосоо болохгүй хүртэл урт замыг гараасаа хөтлөлцөн хамт туулсан болохоор чи ч мөн битгий харамсаарай.</p><blockquote>Жаргалтай байлаа. Амьдралын олон хэцүүг туулаагүй арван зургаан настай хүүхдүүд. Хир буртаг тогтоогүй хамгийн ариун цэвэр сэтгэлээр нэгнээ харж, дурлаж, хайрлаж, халамжилж, харамлаж нэг нэгэндээ энэ хорвоо дээрх хамгийн үнэн хамгийн гэгээн хайрыг зориулсан болохоор жаргалтай байлаа. Миний чамд Чиний надад зориулсан сэтгэлд худал зүйл нэг ч байсангүй ээ. Зүрхэндээ үүрд нандигнаж явах дахин давтагдашгүй эрхэм учрал минь чамдаа баярлалаа.</blockquote><p>2025.11.10</p><p>Шар шувуу</p><img src="https://medium.com/_/stat?event=post.clientViewed&referrerSource=full_rss&postId=4bffa1f2eff0" width="1" height="1" alt="">]]></content:encoded>
        </item>
        <item>
            <title><![CDATA[Явуулж чадах болов уу?.]]></title>
            <link>https://medium.com/@tselmegtselmee/%D1%8F%D0%B2%D1%83%D1%83%D0%BB%D0%B6-%D1%87%D0%B0%D0%B4%D0%B0%D1%85-%D0%B1%D0%BE%D0%BB%D0%BE%D0%B2-%D1%83%D1%83-5fe581e5aacc?source=rss-217d18bc204------2</link>
            <guid isPermaLink="false">https://medium.com/p/5fe581e5aacc</guid>
            <dc:creator><![CDATA[Шар шувуу]]></dc:creator>
            <pubDate>Fri, 10 Oct 2025 03:52:15 GMT</pubDate>
            <atom:updated>2025-10-10T03:52:15.695Z</atom:updated>
            <content:encoded><![CDATA[<p>Явуулж чадах болов уу?.</p><p>Чамаас явахдаа би</p><p>Чанга хатуу байж чадна гэж бодсон</p><p>Чамайг явуулахдаа би</p><p>Цийлгэнэх нулимсаа дотогш залгиж, цэл хүйтэн мөс шиг болно гэж бодсон</p><p>Чамаас холдохдоо би</p><p>Эргэж харалгүй урагш алхаж, эрхэмсэг бардам бүсгүйн төрх харуулна гэж бодсон</p><p>Чамайг өөрөөсөө түлхэхдээ би</p><p>Энэ хорвоогийн хамгийн хатуу хүйтэн цэвдэг сэтгэл гаргана гэж бодсон</p><p>Гэвч…</p><p>Хүлээхгүй шүү гэж өөртөө шивнээд гэртээ орлоо</p><p>Хүйтэн намрын шөнө нүдээ ширгэтэл чамайг хүлээх юм.</p><p>Ирэхгүй дээ гэсэн бодол тархинд сануулж хэлсэн ч</p><p>Ирээсэй гэсэн горьдлого зүрхэнд шивнээд салахгүй юм.</p><p>Гараас чинь хөтлөхдөө төсөөлсөн бүхнээ</p><p>Гарыг чинь тавихдаа мартах гэсэн ч</p><p>Гал мэт дүрэлзсэн хайрын сэтгэл</p><p>Ганцхан оролдлогоор бүрэн унтарсангүй. ЦОГШСООР…</p><p>Хамтдаа даруулсан зургуудаа устгах гэж үзлээ чадсангүй</p><p>Хамт бүтээсэн дурсамжаа мартах гэж оролдлоо барсангүй</p><p>Хүчээр чамайг сэтгэлээсээ хөөх гэж хичээвч</p><p>Хайрласан бүсгүйн сэтгэл хүнд амархан захирагддаггүй зөрүүд юм байна.</p><p>Шар шувуу</p><p>2025.10.10</p><img src="https://medium.com/_/stat?event=post.clientViewed&referrerSource=full_rss&postId=5fe581e5aacc" width="1" height="1" alt="">]]></content:encoded>
        </item>
        <item>
            <title><![CDATA[БУДАГЧИН]]></title>
            <link>https://medium.com/@tselmegtselmee/%D0%B1%D1%83%D0%B4%D0%B0%D0%B3%D1%87%D0%B8%D0%BD-b528551ee346?source=rss-217d18bc204------2</link>
            <guid isPermaLink="false">https://medium.com/p/b528551ee346</guid>
            <dc:creator><![CDATA[Шар шувуу]]></dc:creator>
            <pubDate>Sun, 03 Aug 2025 16:20:19 GMT</pubDate>
            <atom:updated>2025-08-03T16:20:19.293Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/540/1*Ea63SO7tS35gWV9SL0HUBQ.jpeg" /></figure><p>“Өдөр бүхэн янз бүрийн өнгөтэй</p><p>Ганц өнгөөрөө байвал уйтгартай</p><p>Өөр өөрийн өнгөөр</p><p>Өдөр бүрийг би будаж баймаар байна”</p><p>Сүүлийн 3 жилийн хугацаанд өөрийгөө хүлсэн уур бухимдал, гомдол гэдэг хүлээснээс би одоо л өөрийгөө чөлөөлж чадах хэмжээний хүчтэй болж байна. Юм бүхнийг харах өнцөг минь өөрчлөгдөж, өнгөрсөн бүхэнд би болон бусад хүмүүс буруугүй гэдгийг хүлээн зөвшөөрч хамгийн гол нь өөртөө хатуу хандахаа багасгасан минь амьдралдаа нэмсэн шинэ өнгө гэлтэй…</p><p>Өмнө нь бүхнийг ганцаараа даван туулна, өөрөө шийднэ, хэнээр ч заалгахгүй, хэнээс ч тусламж хүсэхгүй гэж хатуурхан эр хүнд эрхэлнэ гэж ямар байдгийг ч мартсан байсан сэтгэлд минь шинэ өнгө нэмэгдэж эмэгтэй хүн гэдэг чинь эр хүнд ингэж эрхэлж, ингэж нандигнуулдаг юм аа гэдгийг дахин сануулж өгсөн нэгэн амьдралд минь гарч ирсэн нь яг л цагаа олж гарч ирсэн авралын оч мэт сэтгэлд минь гялтганана. Миний огт мэдэхгүй ертөнц, өмнө нь огт сонирхож байгаагүй мэргэжил, төсөөлөл төдийгөөс хэтэрдэггүй хананы цаадах үйл явдлыг надад мэдрүүлж өгсөн тэр хүмүүст гүнээ талархах нь зүйн хэрэг биз.</p><p>Ичсэн, сандарсан, догдолсон мэдрэмжүүдийг дахин нэг удаа мэдэрч үүний сацуу шар шувуу өөрийгөө ямар үнэ цэнтэй, чадварлаг бүсгүй болохоо бусдын хандлагаас мэдрэх тэр хором мөч бүхэн ямар таатай дулаахан мэдрэмж өгдөг юм бэ.</p><p>Чин сэтгэлээс минь ундрах “БАЯРЛАЛАА” гэдэг ганцхан үг очих ёстой хүнийхээ өмнө хоолой дээр тулж ирчхээд уруулаар минь давах зориг үгүй байсан нь үнэхээр л би энэ хүнд чин сэтгэлээсээ талархсан, тэр талархлыг минь илтгэхэд энэ ганц үг багадах хэмжээний юм байна гэдгийг ухаарах мөчид өөрийгөө баярлалаа гэж хэлэхээс өөр зүйл хийж чадахгүйгээ мэдрэх шиг хүчгүй дорой мэдрэмж байсангүй ээ. Уг нь би өөрийгөө их л хүчтэй, сэтгэлийн тэнхээтэй, биеэ даасан эмэгтэй гэж бодсон боловч тэр хүний өмнө л би гэдэг хүн ямар эрх танхи, эмзэг, хүч чадал дорой бүсгүй хүн бэ гэдгээ мэдэрсэн минь энэ.</p><p>Амьдралыг харах шинэ өнцөг, шинэ мэдлэг олгосон тэр хүний үг бүрийг нь сонсоод өөр өөрсдийнхөө өнцгөөс амьдралын философи ярьж мэтгэлцээд суухад хэдэн цаг битгий хэл хэдэн өдөр байсан ч багадахаар санагдах нь, төлөв төвшин төрхийг нь харахыг хүсэх тэр их хүсэл минь, хоолойг нь дахиад сонсохыг эрмэлзэх тэр их тэмүүлэл минь шархалж хатуужсан шар шувууны зүрхэнд багахан хэмжээний итгэлийн очийг гялалзуулж, би ганцаараа биш дэргэд минь намайг сонсох, ойлгох, надад зөвлөж туслах хүн байгаа гэдэг мэдрэмжийг сэтгэлийн минь мухарт шингээжээ. Ийм мэдрэмж төрүүлээд явах нь нүүрэнд минь баярын мишээл тодруулах ч нүдэнд минь гунигийн харц хуруулж, сэтгэлд минь өөрийн гэсэн жижигхэн орон зайг бий болгочхоод тэр чигт нь хоосон зай үлдээгээд орхиод явчих вий гэсэн түгшүүр төрүүлнэ.</p><p>Энэ мэтчилэн амьдралыг минь олон өнгөөр будах хүн бүрийн өнгийг өөртөө хураан шингээж өөр хооронд нь хольж шинэ өнгө төрх үүсгэн бусад хүмүүсийн хэзээ ч харж байгаагүй, цаашид хэзээ ч харахгүй зөвхөн миний л нүдэнд харагдаж сэтгэлд дүрслэгдэх өөрийн гэсэн ховор хэр нь сэтгэл татам өвөрмөц будгийн өнгийг гарган, буугаад мордох төдий богинохон хэр нь адал явдлаар дүүрэн энэ амьдралаа будаж өнгөлж, буцаан арилгаж, дахин шинээр будсаар дуусгах нь дамжиггүй биз.</p><p>Шар шувуу 2025 он</p><p>“Хөдөлмөр” зуслан</p><img src="https://medium.com/_/stat?event=post.clientViewed&referrerSource=full_rss&postId=b528551ee346" width="1" height="1" alt="">]]></content:encoded>
        </item>
        <item>
            <title><![CDATA[Томчуудад сурах зүйл маш их бий 2.]]></title>
            <link>https://medium.com/@tselmegtselmee/%D1%82%D0%BE%D0%BC%D1%87%D1%83%D1%83%D0%B4%D0%B0%D0%B4-%D1%81%D1%83%D1%80%D0%B0%D1%85-%D0%B7%D2%AF%D0%B9%D0%BB-%D0%BC%D0%B0%D1%88-%D0%B8%D1%85-%D0%B1%D0%B8%D0%B9-2-caa3051e0e03?source=rss-217d18bc204------2</link>
            <guid isPermaLink="false">https://medium.com/p/caa3051e0e03</guid>
            <dc:creator><![CDATA[Шар шувуу]]></dc:creator>
            <pubDate>Tue, 29 Oct 2024 12:21:11 GMT</pubDate>
            <atom:updated>2025-09-23T07:49:24.471Z</atom:updated>
            <content:encoded><![CDATA[<p>Боловсролын байгууллагад ажиллаад 3 дахь жилийнхээ нүүрийг үзэж байна. Энэ хугацаанд олон ч хүүхэдтэй уулзаж ярилцан дотоод сэтгэл рүү нь чадлынхаа хэрээр өнгийж үзлээ. Зарим тохиолдолд үнэхээр сэтгэл эмзэглэмээр, харамсмаар, томчуудыг, өөрсдийгөө бүхэлд нь буруутгаж загнамаар санагдах.</p><p>Надаас тусламж эрсэн бяцхан харцнуудаас өдөр бүр, цаг бүр өөр өөр мэдрэмж, өөр өөр хүсэл харагдана. Саяхан уулзалтад ирсэн нэгний харц нь хэвийн, байгаа байдал нь хүн гаднаас нь харахад зүв зүгээр юу ч болоогүй энгийн л хүүхэд, дуу хоолойн өнгө нь хүртэл энгийн байсан хэрнээ яагаад ч юм надад асар их гуниг мэдрүүлж өөрийн эрхгүй нүдэнд минь нулимс цийлэгнэн түүнийгээ хүчээр залгиж суусан юм. Хүүхдийн сэтгэлд ямар их гомдол хураа вэ гэдгийг ойлгох төдийд өөрт минь асар хүчтэйгээр мэдрэгдсэн нь тэр. “Би зөв юм ч хийсэн буруу юм ч хийсэн бүгд миний буруу болдог” гэх өгүүлбэрт өөрийн эрхгүй өөрөөсөө болон бусад томчуудаас асуухыг хүссэн асуулт минь “ЯАГААД?”</p><p>Яагаад хүүхдийн буруу гэж? Яагаад томчуудад буруу байхгүй гэж? Яагаад насанд хүрсэн тархины хөгжил нь бүрэн явагдаж дууссан, аливаа зүйлийг олон талаас нь логиктойгоор харах чадварт суралцсан томчууд дөнгөж амьдралд хандах хандлага, аливаа зүйлийг суралцахаар зорьж хичээж байгаа хүүхдийг ойлгож чадахгүй бүр ойлгохыг ч хүсэхгүй байгаа юм бэ? Яагаад дандаа томчуудын зөв байх ёстой юм бэ? Яагаад хүүхэд зөвхөн том хүмүүсийн үгээр л хөдөлж, томчуудын зохиосон сайн хүүхэд гэх стандартад нийцүүлэх гэж өөрийн хүсэл сонирхлыг хаяж, өөрийгөө гээх ёстой юм бэ? Яагаад эцэг эхчүүд, багш нар, томчууд хүүхдүүдээс суралцаж болохгүй гэж? Яагаад заавал насаар ахмад хүний үг л зөв, үнэн болчихдог юм бэ?</p><p>Ийм олон асуулт толгой дотор минь эргэлдэж одоо хүртэл бүх асуултынхаа хариултыг олж чадахгүй л явна. Тэр хүүхдэд юу ч хийсэн чиний буруу гэдэг ойлголтыг хэн тархинд нь, сэтгэлд нь гүн гэгч нь суулгачихав даа…</p><p>Ганц энэ тохиолдолд ч бус өмнөх олон хүүхдийн ярианаас ийм бодол төрж байсан юм.</p><p>Хүүхэд үнэхээр буруу зүйл хийсэн болоод бид буруутгасан уу? Эсвэл зүгээр л буруутгамаар байсан болохоор буруутгасан уу?</p><p>ХҮҮХДИЙН ГЭГЭЭН ЦАЙЛГАН ЕРТӨНЦӨД ТОМЧУУД БИДНИЙ ГАНЦ ҮГ ЯМАР ИХ НӨЛӨӨ ҮЗҮҮЛЖ АМЬДАРЛД НЬ ТУС ЭСВЭЛ ТОС БОЛЖ БОЛОХЫГ ӨНГӨРСӨН ГУРВАН НАМРЫН ХУГАЦААНД ЗҮРХЭНДЭЭ ШИГДТЭЛ НЬ ОЙЛГОЖ ТЭДНЭЭС СУРАЛЦСАН МИНЬ ЭНЭ БАЙЛАА</p><blockquote>Та бүхэн ч надтай адил бодлын хүлээсэнд ороогдоогүй хэвшмэл сэтгэлгээнд хайрцаглагдаагүй <strong>бяцхан багш </strong>нараас боломжтой бүхнийг суралцаарай гэж миний бие хичээнгүйлэн гуйя</blockquote><p>Шар шувуу</p><p>2024.10.29</p><img src="https://medium.com/_/stat?event=post.clientViewed&referrerSource=full_rss&postId=caa3051e0e03" width="1" height="1" alt="">]]></content:encoded>
        </item>
        <item>
            <title><![CDATA[Тантай уулзаж болох уу?]]></title>
            <link>https://medium.com/@tselmegtselmee/%D1%82%D0%B0%D0%BD%D1%82%D0%B0%D0%B9-%D1%83%D1%83%D0%BB%D0%B7%D0%B0%D0%B6-%D0%B1%D0%BE%D0%BB%D0%BE%D1%85-%D1%83%D1%83-6bc858c54ea9?source=rss-217d18bc204------2</link>
            <guid isPermaLink="false">https://medium.com/p/6bc858c54ea9</guid>
            <dc:creator><![CDATA[Шар шувуу]]></dc:creator>
            <pubDate>Tue, 22 Oct 2024 09:15:09 GMT</pubDate>
            <atom:updated>2024-10-22T09:15:09.553Z</atom:updated>
            <content:encoded><![CDATA[<p>Тантай би уулзаж болох уу?</p><p>Тэнгэрийн уудмыг бишрэн гайхаад</p><p>Тэнд суугаад ярилцъя болох уу?</p><p>Санасан шүү гээд хэлэх зүрхгүй би</p><p>Сайхан муухайг чинь зүгээр л харъя</p><p>Санаа бодлын үзүүрт уяатай явдаг шүү та гээд</p><p>Сэтгэл дотроо би чимээгүйхэн шивнэе</p><p>Хөөрхөн шүү гээд инээмсэглэх төрхийг чинь</p><p>Хүмүүний энэ орчлонд дахиад ганцхан харъя</p><p>Дулаахан гарыг чинь ахиад ганцхан атгая</p><p>Дундрашгүй сэтгэлийг тань ахиад ганц мэдэрье</p><p>Дэгжин төрхийг тань ахиад ганц үзье</p><p>Дэндүү зөөлөн тэврэлтэнд тань дахин нэг л удаа мансууръя</p><p>Тантай би уулзаж болох уу?</p><p>Байхгүй хооронд чинь болсон бүхнийг</p><p>Бага багаар танд ярьж өгье болох уу?</p><p>Балга дарс шимэн суухдаа</p><p>Баяр гунигаа тантай л хуваалцъя болох уу?</p><p>Уудам энэ орчлонд уйлах газар олдоогүйгээ</p><p>Ууж өмсөх насандаа урт холын замд гарснаа</p><p>Уйтгарын их далайд хөвөхдөө</p><p>Ухаан бодолдоо таныг л санаж сууснаа</p><p>Удаан гэгч нь ярьж өгье</p><p>Учирлаж та намайг сонсох уу?</p><p>Тантай би уулзаж болох уу?</p><p>2024.10.15</p><p>Шар шувуу</p><img src="https://medium.com/_/stat?event=post.clientViewed&referrerSource=full_rss&postId=6bc858c54ea9" width="1" height="1" alt="">]]></content:encoded>
        </item>
        <item>
            <title><![CDATA[.vs…]]></title>
            <link>https://medium.com/@tselmegtselmee/vs-be06f6dab528?source=rss-217d18bc204------2</link>
            <guid isPermaLink="false">https://medium.com/p/be06f6dab528</guid>
            <category><![CDATA[бодол]]></category>
            <category><![CDATA[мэдрэмж]]></category>
            <dc:creator><![CDATA[Шар шувуу]]></dc:creator>
            <pubDate>Fri, 11 Oct 2024 15:07:57 GMT</pubDate>
            <atom:updated>2024-10-11T15:07:57.358Z</atom:updated>
            <content:encoded><![CDATA[<p>.vs…</p><p>“Ямар нэгэн зүйлд шийдвэр гаргах яагаад ийм хэцүү байдаг болчихсон юм бол мэдэхгүй юм даа. Бүх зүйлийг одоо хангалттай энэ сүүлчийнх гэж өөртөө түмэн удаа давтаж хэлээд сэтгэлээ чангалаад түүнийг өөрөөсөө явуулах шийдвэр гаргасан боловч одоо хүртэл явуулж чадахгүй л байна… Хэзээ дэлбэрэх нь мэдэгдэхгүй энэ харилцаанд одоо . тавих уу … гээд ард нь үргэлжлэл байна уу гэдгийг баттай мэддэг бол аль нэгийг нь хялбархан сонгох сон. Хоолой боогдож цээж хөндүүрлэсэн хогийн мэдрэмжийг хэзээ мэдрэхээ болих болдоо…”</p><p>Дээрх бодол Шар шувууны хэдэн сарын өмнөх бодол юм. Ямартай ч эргэлзээтэй байсан тэр харилцааг … гээд үргэлжлүүлээд өнөөдрийн амар тайван байдалд шилжин ирж чадсан өөртөө баярлах шиг. Дараа дахиад л . тавих уу … гээд үргэлжлүүлэх үү гэдэг сонголт гарч ирж магадгүй тэр үед шар шувуу дахиад л … гээд үргэлжлүүлэх сонголтыг хийсээр байх болно. Эцсээ хүртэл цуцаллаа … гэж үргэлжлүүлсээр наана нь бууж өгөхгүй төгсгөлийг нь заавал үзнээ. Амжилт</p><p>Шар шувуу</p><p>2024.10.11-нд бичиж дуусгав</p><img src="https://medium.com/_/stat?event=post.clientViewed&referrerSource=full_rss&postId=be06f6dab528" width="1" height="1" alt="">]]></content:encoded>
        </item>
    </channel>
</rss>