<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Uuganbayar Batsaihan on Medium]]></title>
        <description><![CDATA[Stories by Uuganbayar Batsaihan on Medium]]></description>
        <link>https://medium.com/@uuganbayarbatsaihan?source=rss-90347b931d8b------2</link>
        <image>
            <url>https://cdn-images-1.medium.com/fit/c/150/150/0*i1da9MjK958_Bw-1.</url>
            <title>Stories by Uuganbayar Batsaihan on Medium</title>
            <link>https://medium.com/@uuganbayarbatsaihan?source=rss-90347b931d8b------2</link>
        </image>
        <generator>Medium</generator>
        <lastBuildDate>Sat, 21 Nov 2026 07:16:06 GMT</lastBuildDate>
        <atom:link href="https://medium.com/@uuganbayarbatsaihan/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Хуурамч аккаунт ажиллуулахуй 101 буюу Principles of Trolling]]></title>
            <link>https://medium.com/@uuganbayarbatsaihan/%D1%85%D1%83%D1%83%D1%80%D0%B0%D0%BC%D1%87-%D0%B0%D0%BA%D0%BA%D0%B0%D1%83%D0%BD%D1%82-%D0%B0%D0%B6%D0%B8%D0%BB%D0%BB%D1%83%D1%83%D0%BB%D0%B0%D1%85%D1%83%D0%B9-101-%D0%B1%D1%83%D1%8E%D1%83-principles-of-trolling-dafc6c1a0c9e?source=rss-90347b931d8b------2</link>
            <guid isPermaLink="false">https://medium.com/p/dafc6c1a0c9e</guid>
            <category><![CDATA[твиттер]]></category>
            <category><![CDATA[хуурам-аккаунт]]></category>
            <category><![CDATA[fake]]></category>
            <category><![CDATA[fake-accounts]]></category>
            <category><![CDATA[twitter]]></category>
            <dc:creator><![CDATA[Uuganbayar Batsaihan]]></dc:creator>
            <pubDate>Thu, 09 Jan 2020 05:26:01 GMT</pubDate>
            <atom:updated>2020-01-09T05:26:01.360Z</atom:updated>
            <content:encoded><![CDATA[<p>Twitter observation…</p><figure><img alt="" src="https://cdn-images-1.medium.com/max/670/0*0VroqsjyN8zWIFL_.jpg" /></figure><p>Олон нийтийн сүлжээнд хүйсээ сольж хаяг нээх нь баруунд бол сэтгэцийн өвчин гэж тооцогддог талаар би өмнө нь нэг удаа жиргэж байлаа. Харин Орос, Монголд бол энэ нь full болон part time job, амьжиргааны эх үүсвэр гэж тооцогдохоор болчихжээ. Саяхан нэг нийтлэл уншихад Оросын алдартай тролл фэрм Украйны ерөнхийлөгчид нэр дэвшигч, жүжигчин залууг идэвхитэй дэмжиж, ФБ-ээр сэвсээр байгаад нэр хүндийг нь өсгөсөн байж болзошгүй талаар гарсан байсан. Харин Монголд бол энд тэнд коммэнт бичигч хүүхдүүдийг хэд хэдээр нь цуглуулж юм бичүүлээд мөнгө өгдөг гэх яриа чих дэлсэж байв. Твиттерт харин нэг хүн маш олон зэрэг хуурамч хаяг нээж, өөрөө удирдан, суудаг нь Tweetdeck гэдэг программын ач буян юм уу даа. Уг нь манайхан үүнийг нэг их анзаардаггүй, ач холбогдол өгдөггүй учир тэгсгээд скроллдоод өнгөрдөг ч охидын зурагттай аккаунт удирддаг ах нар маань заримдаа хүүхдийн гэмээр алдаа хийж, өнөө олон хаяг, олон сарын хөдөлмөрөө будаа болгоод байх юм. Тэгээд тэссэнгүй эмэгтэй аккаунттай сахалтай ах нартаа хуурамч хаягнуудаа хэрхэн баригдуулахгүй маллалж, уншигч биднийгээ мангартуулж болох талаар зөвөлгөө өгөхөөр шийдлээ.</p><p>Ерөөсөө анхаарал татаж, алдаа гаргадаг хэдхэн гол пойнт байна. Эд нарыг л тэвччихвэл хэдхэн сарын дараа 2020 оны сонгуультай золгож, хэн, хэн, бас нөгөө хэнүүд маань бурзайх нь байна шүү дээ. За олныг үл нуршин гол асуудалдаа оръё.</p><p>1.Алдартай хүмүүсийг impersonate хийхгүй байх. Өөрөөр хэлбэл Баганбанди гуай, Буянгийн Жагаа, Нямдорж сайд нарын зургийг хийгээд хаяг нээхээр чинь тэд нарынх нь танил нөхөд, муугаар бодоход цүнх баригч нар нь гүйж очоод, “Даргаа та твиттер хаяг нээчихээд надад хэлэхгүй, юун муухайен. Би таныг хамгийн түрүүнд дагах байсан шт” гэж мэгээд, нөгөө дарга нь өөрийнхөө нэр зургаар твиттер хаяг нээгээгүй байж таараад, тэгээд л хуурамч гэдэг нь баригдана шүү дээ. Тийм болохоор хуурамч хаяг чинь нэн тэргүүнд хэн ч цочиж анзаарахааргүй, барууны кино комикоор жишээлбээс, John Doe, Homer Simpson, Family guy маягийн хүний нэр зургаар нээгдсэн байвал анхаарал бага татах нигууртай л гэж боддог доо.</p><p>2.Хүйсийн тэнцвэртэй байдлыг хангах: Анзаараад байхнээ ихэнх хуурамч аккаунт нээгчид (за ихэнх ч гэж дээ бүр 10 аккаунт тутмын 8 нь) залуу охид бүсгүйчүүдийн зураг ашиглаж, эмэгтэй хүн уг хаягийг хөтөлж байгаа мэт сэтгэгдэл төрүүлэхээр ажилладаг. Тэр хаягаараа их л сайндаа 7 хоногийн хугацаанд мөөм, өгзөг, трэнд сэдвүүд бичиж, бусад хүний жиргээг Рт хийж байгаад, сүүлдээ үндсэн зорилго руугаа орж (уйддаг юм уу, яадаг юм, хэ хэ) улс төрөө бичиж эхэлнэ. Ингээд л баригдаж байгаа юм. Тэрний оронд нисдэг булга шахчихсан хижээл насны ах хүүгийн зураг, эсвэл чагнуур зүүсэн, санчигандаа үл мэдэг бууралтсан, дотрын эмчийн зураг, бүр болохгүй бол нөгөө хэн шиг гаанс зуусан малчин байрын ах хүүгийн зураг шахчихаад улстөржвөл хэн ч чамайг хуурамч аккаунт ажиллуулж байна гэж сэжиглэхгүй дээ, аягүй бол.</p><p>3.Нэрний сонголт: Эртээдхэн нэг ийм жиргээ харсан. “-үжин, бүжин, -ямаргоо, ямаржингоо гэсэн нэртэй аккаунтууд голдуу бот байх юм даа” гээд нэг нь бичсэн байсан. Би бол зөв анзаарсан байна л гэж хэлнэ. Одоо нээрээ наад Борголжин, Хорголжин, Үнсгэлжин, Сондорхон, Хонгорхон, Ямарсий ч билээ нэрнүүдээ сонгож хэрэглэхээ болихгүй бол амжилтанд хүрэхгүй дээ, тролл маллагчидаа. Тэрний оронд Төвдөөс Монголд орж ирсэн бараг сонгодог гэж хэлж болохуйц Балдан, Гэндэн, Долгор, эсвэл сайхан гол усныхаа нэрээр Хэрлэн, Онон, Орхон гэсэн нэртэй бол хүн нэг их онцолж анхаарахгүй л болов уу.</p><p>4. 20–30 хаяг зэрэг нээгээд, за зарим full-time ажилладаг нь 75 хаяг зэрэг нээж, тийм их ажил болчихоод нөгөө хуурамч хаягнуудынхаа жиргээг бусад хуурамч хаягаар нь РТ хийж баригдмааргүй байна аа 😂 Грандхаан архин дээр яалаа даа.</p><p>Саяхан гэтэл бас нэг мундаг хүн миний л анзаарснаар 30 гаруй хуурамч хаяг нээгээд, тэрүүгээрээ хэсэг тогложээ. Өмнөх хүмүүсийн алдааг мэдээж давтахгүйг оролдож, аль болох Монгол зураг сонгож, аль болох классик нэрнүүд өгч, хэрэндээ л зүтгэл гаргаж. Гэвч нөгөө хуурамч хаягуудынхаа бичсэн жижүүрийн хэдэн жиргээг нөгөө хэдэн хуурамч хаягаар нь РТ-дээд, фав-даад баригдаад байх юм аа 🤦‍♂️😂 Тэр хэдэн жижүүрийн жиргээг нь жагсаавал:</p><p>-Энд мөөмөө гаргахгүй бол дагагч нэмэгддэггүй гэж үнэн үү?</p><p>-ФБ-г бодвол давтагдаад байхгүй, өөр өөр юм бичдэг юм байна тийм үү?</p><p>-Төгс төгөлдөрүүд энд цугларчээ. Өөгүй байх сайхан байдаг уу?</p><p>-Дагаад л байвал дагагч нэмэгдэх болов уу? гэх мэт.</p><p>Тэгээд тэрийгээ нөгөө хаягуудаараа яг тойруулаад РТ хийгээд байхаар чинь илүү үгэнд дуртай мань мэт нь орж үзээд, хэн нь хэнийгээ РТ-дсэнээр нь хуурамч хаягуудыг чинь мэдчихээд байна, мэдчихээд байна.</p><p>5. Био гэж нэг зүйл байна. Яахав англиар бол байяо энэ тэр гэж унших л байх. Манайхан био гэж дуудах ёстой гэж итгэснээс гадна тэрэн дээр заавал нэг текст байх ёстой гээд бодчихсон. Ядаж байхад олон хуурамч хаяг нээгээд тэрүүндээ төөрдөг юм уу, уйддаг юм уу, яадаг юм, нэг хуурамч охины хаяг дээр бичсэн био-гоо өөр хүнийх дээр дахиад л биччих юм. Жишээ нь: Цэмцгэр нэгэн, Гүндүүгүй нэгэн, Спортод дурлагч, Хурд хүчинд найдагч, Тасралтгүй суралцагч, Байгалийг бишрэгч, Уйлах дургүй, Маргах дургүй, Цуйванд дуртай, Аав ээжийн охин, Ээжийн охин гэх мэтийн улиг болсон хэдэн юмаа бичнэ. Тэрийг заавал бичих албагүй шүү дээ, хоосон орхичихсон ч болно шүү, дараагийн удаа. Бүр уйдаад байдаг юм бол дууны үгнээс нэг мөрийг хусаад тавь л даа: “Туулын урсгал шөнөдөө сайхан”, “Миний ардын сэтгэл цагаан” гэх мэт, эсбөгөөс “Дайсны цэргүүдээ сонсоцгоо”, “Сур сур, бас дахин сур”, “Өвөл болохоор хүйтэн болдог” гээд бичсэн ч болно шүү, хөөе!</p><p>6. Ковэр зураг: Нэгэнт л хүн амьтны хар цагаан Пи Ар хийж өгч мөнгө төгрөгийг нь авч байгаа юм бол ажлыг сэтгэлээсээ хийж бай! Яахаараа хоёрхон минут зарцуулаад гүүглээс нэг аятайхан, хүнд сэтгэгдэл төрүүлэхээр зураг хусаад, кроополчихож чаддаггүй юм бэ, айн??</p><p>Windows XP-ийн нөгөө ногоон толгодын зураг шахах нь холгүй л байх юм аа. Энэ хэдэн зургийг хар даа. Ийм залхуу, сэтгэлгүй байж болохгүй шүү. Windows-ийн Wallpaper-ээр коовэр зураг хийхгүй ээ, найзуудаа.</p><figure><img alt="" src="https://cdn-images-1.medium.com/max/320/0*qpmOAOc-mXe2XYDX.png" /></figure><figure><img alt="" src="https://cdn-images-1.medium.com/max/320/0*cfT8ZkUkRzQEFN4s.png" /></figure><figure><img alt="" src="https://cdn-images-1.medium.com/max/320/0*1S-BkajVt7vGDDlp.png" /></figure><figure><img alt="" src="https://cdn-images-1.medium.com/max/320/0*qDNt-mcI7AgXz7L8.png" /></figure><p>7. Нууц аккаунтны эзэн, сахалтай ах өөрөө хуурамч аккаунтуудынхаа жиргээг өөрөө РТ хийж сэвэх, эсвэл өөрийнхөө жиргээг хуурамч аккаунтуудаараа РТ-дэн сэвүүлэх нь бусдын анхаарал татаж, түргэн баригдах нигууртай гэж… Энэ зун наадмаар Грандхаан архи рекламдахад нэг ахын жиргээг 75 хуурамч хаяг РТ-дэж, нөгөө хуурамч хаягууд нь архиа рекламдангуут бусад 65 хуурамч хаяг нь РТ-дэхээр эд нарыг нэг хүн удирдаж байна гэж хэн ч бодно биз дээ. Тэрний оронд сураагүй юм биш, гэмгүй найз нөхдүүд рүүгээ тэр хуурамч хаягныхаа сэвэх гэсэн жиргээг ДМ-ээр явуул л даа😂 Угаасаа тэгж л сэвцгээдэг биз дээ.</p><p>8. Сүүлийн бөгөөд хамгийн анхаарвал зохих нэг зүйл: Буруу байгууллага, хүнээрээ оролдохгүй байвал зүгээр байх аа: Яагаад үүнийг онцгойлон хэлж байгаа вэ гэвэл 2019 оны 10-р сард нээгдсэн 30 гаруй охид, бүсгүйчүүдийн зурагтай аккаунтаар нэг ах жиргээ бичиж, Тагнуулын байгууллага руу хандсан нэг сэдэв сэвээд 5 хонолоо л доо. Архи рекламдах бол нэг өөр хэрэг, харин хуурамч аккаунтуудынхаа жиргээг өөрөө РТ хийж, байн байн ТЕГ-ын даргаас юу ч юм нэг юм нэхээд байхаар нь өмнөөс нь яс хавталзаад байх юм, creepy shit🤔 Цаадуул чинь нэг өдөр махны үйлдвэр лүү биш танай руу пир пар гэж ороод муу компүүктэрийг чинь дэлбэ авах вий дээ. Бараг л зүгээр домбо, гүц энэ тэрээ рекламдавал баригдсан ч мань мэтдээ л баригдах юм даа л гэж…</p><p>Твиттерийн хайлт хэсэг: “Ерөнхий сайдаас асууя” гэсэн түлхүүр үгээр хайж ороод, хэн хэн голдуу РТ хийж вэ гэдгийг нь харвал миний энэ дээр бичсэн аккаунтуудын ерөнхий дүр зураг, чиг баримжаа, дүн нуруу нь тодрох буй заа.. Ганц нэг зургуудыг нь орууллаа.</p><figure><img alt="" src="https://cdn-images-1.medium.com/max/320/0*aGQD5brYNN4cb3zb.png" /></figure><figure><img alt="" src="https://cdn-images-1.medium.com/max/320/0*jJcU303FnrbF-4AE.png" /></figure><figure><img alt="" src="https://cdn-images-1.medium.com/max/320/0*EcZJp1IqWkhWhpNs.png" /></figure><figure><img alt="" src="https://cdn-images-1.medium.com/max/320/0*GIfQNoIy3gkuegbL.png" /></figure><figure><img alt="" src="https://cdn-images-1.medium.com/max/320/0*PvMVNL4gEcgpk3SI.png" /></figure><figure><img alt="" src="https://cdn-images-1.medium.com/max/320/0*TQ8wIro9knmoBsfO.png" /></figure><figure><img alt="" src="https://cdn-images-1.medium.com/max/320/0*LgbNs-yYEqUS8_XR.png" /></figure><figure><img alt="" src="https://cdn-images-1.medium.com/max/320/0*wL_frhjZ8zHY3072.png" /></figure><figure><img alt="" src="https://cdn-images-1.medium.com/max/320/0*veJQebZDlRaUm3Sw.png" /></figure><p>гэх мэт….</p><p>Анхааран уншсанд баярлалаа.</p><img src="https://medium.com/_/stat?event=post.clientViewed&referrerSource=full_rss&postId=dafc6c1a0c9e" width="1" height="1" alt="">]]></content:encoded>
        </item>
        <item>
            <title><![CDATA[Гүржийн 600000 иргэний өр “тэглэгдсэн”-ий цаад утга учир]]></title>
            <link>https://medium.com/@uuganbayarbatsaihan/%D0%B3%D2%AF%D1%80%D0%B6%D0%B8%D0%B9%D0%BD-600000-%D0%B8%D1%80%D0%B3%D1%8D%D0%BD%D0%B8%D0%B9-%D3%A9%D1%80-%D1%82%D1%8D%D0%B3%D0%BB%D1%8D%D0%B3%D0%B4%D1%81%D1%8D%D0%BD-%D0%B8%D0%B9-%D1%86%D0%B0%D0%B0%D0%B4-%D1%83%D1%82%D0%B3%D0%B0-%D1%83%D1%87%D0%B8%D1%80-f45a50b57594?source=rss-90347b931d8b------2</link>
            <guid isPermaLink="false">https://medium.com/p/f45a50b57594</guid>
            <category><![CDATA[санал-худалдаж-авах]]></category>
            <category><![CDATA[өр-тэглэх]]></category>
            <category><![CDATA[популизм]]></category>
            <category><![CDATA[тэтгэлэг]]></category>
            <category><![CDATA[debt-cancelling]]></category>
            <dc:creator><![CDATA[Uuganbayar Batsaihan]]></dc:creator>
            <pubDate>Tue, 07 Jan 2020 04:18:45 GMT</pubDate>
            <atom:updated>2020-01-07T04:18:45.956Z</atom:updated>
            <content:encoded><![CDATA[<h3>Өр тэглэх нь цаанаа ямар зорилго агуулж бас болдог вэ?</h3><p>Гүрж улсын тэргүүн баян, улстөрийн нөлөө бүхий эрхэм, эрх баригч Georgian Dream буюу Гүрж Мөрөөдөл намын үүсгэн байгуулагч, бас дарга нь болох Бизина Иванишвили гэдэг хүн бий. Форбэс сэтгүүлийн 2019 оны 10-р сарын дугаарт түүний хөрөнгийг 4,9 тэрбум ам доллар гэж үнэлсэн байдаг. Сонирхуулж хэлэхэд Гүрж улсын 2019 оны ДНБ нь урьдчилсан байдлаар 17,8 тэрбум ам доллар байсан.</p><figure><img alt="" src="https://cdn-images-1.medium.com/max/250/0*CSd0bZQTEKfLcArs.jpg" /></figure><p>Социалист нийгэм задрах үед өмч хувьчлалаар анх хөрөнгөжиж, ОХУ болон Гүржид бизнес хийж явсаар үл хөдлөх, банк санхүү, металлургийн салбарын магнат болсон Иванишвили 2012 онд Georgian Dream намыг байгуулж байсан бол өдгөө тус нам нь Гүрж улсын төрийн эрх барьж байгаа улстөрийн том хүчин болжээ.</p><p>2018 оны Гүржийн ерөнхийлөгчийг сонгох сонгуулийн 1-р шатанд буюу 2018 оны 10-р сарын 28-нд болсон санал хураалтын дүн гарахад бие даан нэр дэвшигч Саломе Зурабишвили сонгогчдын 38,64%-н санал авсан бол Үндэсний Нэгдсэн Хөдөлгөөний нэр дэвшигч Григол Вашадзе 37,74%-н санал авч, дараагийн шатны сонгуульд хоорондоо өрсөлдөхөөр шалгарав. Саналын зөрүү тун бага байв. Яг энэ үед мөнөөх Иванишвили маань “Гүрж Мөрөөдөл” нам бие даан нэр дэвшигч Саломэ Зурабишвилийн дэвшүүлж буй мөрийн хөтөлбөр нь намынх нь зорилго чиглэлтэй нийцэж байгаа тул дараагийн шатны сонгуульд түүнийг дэмжин оролцох болно гэж мэдэгдэв.<br>Хэдийгээр 2017 онд хийгдсэн Үндсэн хуулийн өөрчлөлтөөр Гүржийн ерөнхийлөгчийн эрх мэдэл хумигдаж, илүүтэй бэлэгдлийн шинжтэй /өөрөөр хэлбэл Монголын ерөнхийлөгч шиг/ чиг үүрэгтэй болсон ч гэлээ хэрэв Үндэсний Нэгдсэн хөдөлгөөний нэр дэвшигч Григол Вашадзе сонгуульд ялж ерөнхийлөгч болвол тус хөдөлгөөний үндэслэгч, экс ерөнхийлөгч, эчнээгээр яллагдаад байгаа Михайл Саакашвилид өршөөл үзүүлж, улмаар Саакашвили Гүржид эргэн ирж, улстөрд оролцох магадлал өндөр байв. Энэ нь Иванишвилид таалагдаагүй тул тэрээр бие даан нэр дэвшигчийг ерөнхйилөгчийн сонгуульд ялуулахын тулд бүх арга чаргаа хэрэглэсэн гэж ажиглагчид ярилцдаг.</p><p>Ийнхүү 1-р шатны сонгуулийн дараа бие даан нэр дэвшигч Саломе Зурабишвилигийн сонгуулийн баннер, зурагт хуудсууд гэнэтхэн нэг өглөө солигдож, нэр дэвшигчийнх нь овог нэр, уриа нь хэвээрээ боловч зурагнууд нь “Гүрж Мөрөөдөл” намын дарга Бизина Иванишвили, Тбилиси хотын мэр Каха Каладзе (хөлбөмбөг сонирхогчид түүнийг андахгүй байх) болон парламентын дарга Иракли Кобахидзе нарын зургаар солигдсон байлаа. Өөрөөр хэлбэл Саломе Зурабишвили гэдэг эмэгтэй нэр дэвшигчийг эдгээр нөлөө бүхий эрхмүүд бүх чадлаараа дэмжиж байна гэсэн мессежийг нийгэмд түгээх зорилго агуулсан байлаа. Бизина Иванишвили гэж хэн болохыг уншигчид маань гүүглдээд үзчихэд огт гэмгүй. Хэрэв хайлт хийж үзвэл Гүржийн улс төр, эдийн засаг, хууль шүүх, хэвлэл медиад энэ хүн ямаршуухан чухал нөлөөтэй талаар бага зэрэг ойлголт авах байх. Ийм супер хүнд жингийн тоглогчийн дэмжлэг авсан Зурабишвили сонгуульд ялах нь бараг тодорхой болоод байв. Гүржид сонгуулийн ажиглалт мониторинг хийдэг олон ТББ-ууд, түүн дотроос Transparency International Georgia байгууллага Иванишвили болон “Гүрж Мөрөөдөл” намыг эрх барьж байгаагаараа түрий барин төсвйин мөнгийг зориулалтын бус аргаар зарцуулах буюу сонгуулийн сурталчилгаандаа ашиглаж байна гэж буруутгаж байсан бол энэ удаагийн сонгуульд илүү чухал хөзөр дэлгэх гэж байгааг нь огт таамаглаагүй байжээ.</p><p>2018 оны 11-р сарын 28-нд сонгуулийн 2-р шатны санал хураалт товлогдоод байлаа. 11-р сарын 17-нд буюу санал хураалтаас 11 хоногийн өмнө Үндэсний Нэгдсэн хөдөлгөөний нэр дэвшигч Григол Вашадзе мэдэгдэл хийж, засгийн газрыг шүүмжлэнгээ “эдийн засгийн хүнд байдлын улмаас зээл авч, түүнийгээ төлж чадахгүй байдалд ороод байгаа иргэдийн авсан зээлийг төр чөлөөлөх ёстой” гэсэн үг хэлжээ. Гэтэл яг маргааш нь буюу сонгууль болохоос 10 хоногийн өмнө Гүржийн ерөнхий сайд Мамука Бахтадзе хэвлэлийн бага хурал хийлгэлээ. Тэрээр “Гүрж улсын засгийн газар 760 ам. доллараас дээш зээлтэй, зээл төлөлт нь хүндэрч, хар жагсаалтанд орсон 600 000 иргэнийхээ авсан зээлийг төр хүчингүй болгох хөтөлбөр эхлүүллээ” хэмээн зарлав. “Энэ 600 000 хүний 95% нь зээлээ төлж чадахгүй байгаагийн улмаас хар жагсаалтанд орсон тул төр засаг, хувийн хэвшилтэйгээ хэлэлцээрийн ширээний ард сууж, удаан хугацаанд ярилцсаны үндсэн дээр, зарим банк, банк бус санхүүгийн байгууллага болон онлайн зээлийн үйлчилгээний газруудаас нийгмийн хариуцлагаа ухамсарлан, та бүгдийн авсан зээлийг чинь тэглэхээр боллоо. Уг хөтөлбөр 12-р сарын 15-нд эхэлж, 12-р сарын 31 гэхэд дуусна. Тиймээс ард иргэд маань <a href="http://www.vali.ge/">www.vali.ge</a> вэбсайт руу орж нэр усаа шалгаарай” гэжээ. Мөн тэрээр “Энэ хүндхэн хэлэлцээр нь Карту хандивын сангийн оролцоо, тусламж дэмжлэггүйгээр огт бүтэхээргүй зүйл байсан” гэдгийг онцлон тэмдэглээд, чухамдаа Карту хандивын сангийн хөрөнгөөр та бүгдийн өр зээлийг тэглэж байгаа шүү гэдгийг ч онцгойлон сануулав. Харин уг мэдээллийг эргүүлэн уншиж, мэдээлэл цуглуулж байх явцад Карту хандивын сан гэдэг нь Гүрж Мөрөөдөл намын дарга, супер олигархи, тус улсын толгой баян, экс ерөнхий сайд Бизина Иванишвилигийн толгойлдог санхүүгийн эзэнт гүрний нэгээхэн хэсэг нь болохыг олж мэдсэнээ энд миний бие онцлон тэмдэглэмээр санагдав.</p><figure><img alt="" src="https://cdn-images-1.medium.com/max/650/0*3gHdHMRd7OdKO369" /></figure><figure><img alt="" src="https://cdn-images-1.medium.com/max/320/0*qPOU1Iuusn3YVbN2.png" /></figure><p>Ийнхүү нэр дэвшигч Вашадзегийн санаа нэг өдрийн дотор л эрх баригчдын урт удаан хугацаанд хийж хэрэгжүүлж байсан ажил болж хувирсан төдийгүй, Гүрж Мөрөөдөл намын генсек, Тбилиси хотын мээр, Гүржийн хамгийн алдартай хөлбөмбөгч асан Каха Каладзе нь нэр дэвшигч Вашадзег өөрсдийнх нь нам засгийн хийж буй ажлыг ичгүүргүйгээр өөртөө хамаатуулах гэж оролдсон, санааг нь хулгайлах гэсэн этгээд гэж ерөнхий сайдын мэдэгдлийн араас зарлав. Энэ мөчөөс эхлээд Гүржийн ард иргэдэд яг шууд нэр цохож хэлээгүй ч гэлээ бие даан нэр дэвшигч Саломе Зурабишвилигийн ард өөрсдийнх нь их хэмжээний өрийг тэглэж байгаа хүмүүс байгаа юм байна гэсэн сэтгэгдлийг эргэлт буцалтгүй төрүүлжээ.</p><p>Иргэний нийгмийн байгууллагууд, Transparency International Georgia, OSCE-н ажиглагч нар ч энэ үйл явдлыг эрх баригч намын зүгээс иргэдийн саналыг худалдаж авах гэсэн увайгүй оролдлого, Гүржийн ардчиллыг хойш нь татсан үйлдэл боллоо гэж хурцаар шүүмжилсэн ч ерөнхий сайдын хувьд “Өр тэглэх асуудал нь сонгуультай түй ч хамаагүй, энэ бол маш урт хугацаанд яригдаж төлөвлөгдсөн ажил. Харин зүгээр мэдэгдэл хийх өдөр, сонгууль хоёр ингээд ойрхон давхцчихлаа, товчхондоо бол улирал нь ингээд таарчихаж байгаа байхгүй юу” гэсэн утгатай мэдэгдлийг хийсэн байдаг. Харин ерөнхий сайдын араас <a href="http://georgiatoday.ge/news/13958/Finance-Minister-Says-Debt-Forgiveness-Program-a-Success">сангийн сайд</a> нь энэ арга хэмжээг сайшаасан мэдэгдэл хийж, <a href="http://georgiatoday.ge/news/13378/National-Bank-Head-Praises-Gov%E2%80%99t-Initiative-of-Annulling-People%27s-Debts">төв банкны тэргүүн</a> ч мөн л эдийн засгийн хүндрэлтэй тэмцэх чухал арга хэмжээ боллоо хэмээн талархал илэрхийлэв.</p><p>Ингээд сонгуулийн 2-р шатны санал явагдаж, бие даан нэр дэвшигч Саломе Зурабишвили саналын нилээн зөрүүгээр өрсөлдөгчөө ялах нь тэр ээ. Энэ үйл явдал хоёр зүйлээрээ Гүржийн улс төрийн түүхэнд ихээхэн онцлог үйл явдалд болсон нь: 1-рт, Гүрж улс түүхэндээ анх удаа эмэгтэй ерөнхйилөгчтэй болсон, 2-рт гэвэл ард иргэдийн саналыг ил тодоор худалдаж авсан гэж хэлж болохуйц арга хэрэглэсэн явдал байв. Мэдээж хэрэг зээл тэглэсэн үйл явц нь сонгуулийн санал хураалтанд төдөн хувийн нөлөө үзүүлсэн гэж шууд дүгнэж хэлэх аргагүй боловч, 3,7 сая хүнтэй улс орны хүн амын 16 хувь буюу 600 000 хүний өрийг тэглэсэн явдал нь тэдний сонголтонд огт нөлөөлөөгүй гэдэгт тэнэг хүн ч итгэхгүй байх.</p><figure><img alt="" src="https://cdn-images-1.medium.com/max/528/0*IZgjRiuSMXeaLAPS.jpg" /></figure><p>Transparency International Georgia байгууллага өнгөрсөн онд Who Owns Georgia? буюу Гүрж улсыг хэн эзэмшдэг вэ? гэсэн эмхэтгэл хэвлүүлж гаргасан ба энэ номонд мөнөөх тэргүүн баян Бизина Иванишвили нь тус улсын улс төр, нийгэм эдийн засаг, хууль шүүх, хэвлэл мэдээллийг хэрхэн атгасан талаар хангалттай тоо баримттайгаар бичиж хүүрнэсэн бөгөөд төгсгөлд нь энэхүү 2018 оны сонгууль, өр тэглэх замаар ард иргэдийн саналыг худалдан авсан процессыг бичиж, тус улсад нам-төрийн зааг гэдэг зүйл бараг ариллаа, нам нь төрийнхөө дээр гарчээ гэсэн дүгнэлтийг хийсэн байдаг.</p><p>Тэгэхээр өчигдөр буюу 2020 оны эхний өдөр Твиттерт “Гүржүүд 600000 хүний өрийг тэглэлээ гээд эдийн засаг нь сүйрчихээгүй л байна” гэж бичээд байсан хүмүүс</p><h3>Ч. Раднаа on Twitter</h3><p>Гүрж, Казакстан бол орк, мояачууд...Өрийг тэглэдэг...Араас нь монголчууд...ингэж жиргэвэл жиргээний хэдэд маань таалагдах юм байна л даа..😂😘😛</p><h3>Эбо f(🕓) on Twitter</h3><p>Бүхэл бүтэн улс бна да. Уул уурхай болон бусад эх үүсвэрээс Тэтгэврийн цөөхөн хөгшчүүл ээ зээлийг нь ганц удаа чөлөөлөх гэхээр Венесүэл яриад ороод ирдэг. Айлгадаг . Нэг хатуухан шийдвэр гаргахаар Венесүэлийн дарангуйлагч болгоод шоглоод бдаг ядаргаатай багууд бна аа бн</p><h3>Туяа on Twitter</h3><p>@MNNtweet Гүрж иргэдийнхээ зээлийг төлчихсөн дампуураагүй л бх шг.Идэх хуваалцах нь багасах нь гээд бахирдаг нэг хэсэг бх шг ээ.Хусмаа чамлагчид 😂</p><p>маань үүнийг уншаад нэгийг бодох байлгүй дээ. Монгол улсын хувьд бол шүүхийн маргаантай байгаа ямар нэгэн уул уурхайн орд ашиглалтанд орж, түүнээс олсон цэвэр ашгаар тэтгэврийн зээл тэглэх ажлыг санхүүжүүлнэ гэдэг бол ёстой нөгөө “харганы ноос түүж эсгий хийх”-ийн үлгэр лугаа зүйл болох болов уу л гэж айж байна. Эрх баригчид a.k.a ҮАБЗ, за бас өөр нэг нэр нь Триумвират маань амлалтаа биелүүлэхээр чичрэх юм бол иргэд биднйи төлсөн татварын мөнгө рүү л гараа дүрэхээс өөр сонголтгүй үлдэнэ. УИХ маань 2020 оны төсвөө алдагдалтай баталсан. Угаасаа алдагдалтай төсвөөс тэтгэвэр тэглэх мөнгөө гаргуулна гэвэл өөр ямар нэгэн ажлыг, эмнэлэг, сургууль, хэсэг бүлэг хүний цалинг тавих байсан мөнгөнөөс л хусч байж, хөгшчүүлээс оноо авч таарах нь дээ. Хэрэвзээ манай Триумвиратад Гүржийнх шиг Карту хандивын сан, улсын эдийн засаг санхүүг атгасан хувийн банк санхүүгийн нэгдэл байдаггүй л бол шүү дээ…</p><p>За ер нь бол бичих гэсэн зүйл маань энд хүрээд өндөрлөж байна. Цагийг тань барж, оюуныг тань чилээсэн бол хүлцэл өчье.</p><p>Аа тийм, өр тэглэх ажлыг хармаанаасаа гаргасан эрхэм болох Бизина Иванишвилигийн Карту санхүүгийн нэгдэл болоод бусад компаниудыг нь Гүрж улсын төрийн удирдлагын академи гэж ард иргэд нь хошигнодог юм билээ. Арга ч үгүй биз, төрийн хамаг том албан тушаал дээр тэдний компанид алба хашиж байсан хүмүүс л очдог. Тодхон жишээнүүд нь гэвэл, тус улсын ерөнхий прокурор нь Иванишвилигийн хуульч асан, Аюулаас хамгаалахын дарга нь хуучин бие хамгаалагч нь байсан бол хувийн эмч нь Гүржийн эрүүл мэндийн сайд, Карту банкных нь экс захирал нь улсынхаа сангийн сайд болж байсан түүхтэй юм билээ. Би энэ доор түүний “удирдлагын академи”-ийг төгсөөд төрийн албанд амжилттайгаар “дэвшин” ажилласан болон ажиллаж байгаа хүмүүсийн талаарх инфографик орууллаа. Зурагны resolution дээр бол уучлал хүсье. Бүрэн эхээр нь та бүхэн <a href="https://www.transparency.ge/en/blog/ivanishvilis-companies-public-officials-talent-pool-three-years-later">энд дарж</a> үзэх боломжтой шүү.</p><p>Эх сурвалж:<br>1. <a href="https://www.cacianalyst.org/publications/analytical-articles/item/13587-political-turbulence-in-georgia-one-year-before-elections.html">https://www.cacianalyst.org/publications/analytical-articles/item/13587-political-turbulence-in-georgia-one-year-before-elections.html</a><br>2. <a href="http://georgiatoday.ge/news/13958/Finance-Minister-Says-Debt-Forgiveness-Program-a-Success">http://georgiatoday.ge/news/13958/Finance-Minister-Says-Debt-Forgiveness-Program-a-Success</a><br>3. <a href="http://georgiatoday.ge/news/13378/National-Bank-Head-Praises-Gov%E2%80%99t-Initiative-of-Annulling-People%27s-Debts">http://georgiatoday.ge/news/13378/National-Bank-Head-Praises-Gov%E2%80%99t-Initiative-of-Annulling-People%27s-Debts</a><br>4. <a href="https://agenda.ge/en/news/2018/2616">https://agenda.ge/en/news/2018/2616</a><br>5. <a href="https://en.wikipedia.org/wiki/Bidzina_Ivanishvili">https://en.wikipedia.org/wiki/Bidzina_Ivanishvili</a><br>6. <a href="https://www.nytimes.com/2019/07/02/business/georgia-oligarch-bidzina-ivanishvili.html">https://www.nytimes.com/2019/07/02/business/georgia-oligarch-bidzina-ivanishvili.html</a><br>7. <a href="https://www.transparency.ge/en/blog/ivanishvilis-companies-public-officials-talent-pool-three-years-later">https://www.transparency.ge/en/blog/ivanishvilis-companies-public-officials-talent-pool-three-years-later</a><br>8. <a href="https://ru.wikipedia.org/wiki/%D0%9A%D0%B0%D0%BB%D0%B0%D0%B4%D0%B7%D0%B5,_%D0%9A%D0%B0%D1%85%D0%B0%D0%B1%D0%B5%D1%80_%D0%9A%D0%B0%D1%80%D0%BB%D0%BE%D0%B2%D0%B8%D1%87">https://ru.wikipedia.org/wiki/%D0%9A%D0%B0%D0%BB%D0%B0%D0%B4%D0%B7%D0%B5,_%D0%9A%D0%B0%D1%85%D0%B0%D0%B1%D0%B5%D1%80_%D0%9A%D0%B0%D1%80%D0%BB%D0%BE%D0%B2%D0%B8%D1%87</a><br>9. <a href="https://atlanticcouncil.org/blogs/new-atlanticist/an-uncertain-future-for-georgian-democracy/">https://atlanticcouncil.org/blogs/new-atlanticist/an-uncertain-future-for-georgian-democracy/</a><br>10. <a href="https://oc-media.org/pm-promises-to-write-off-1-5-billion-in-debts-for-600-000-georgians/#more-15511">https://oc-media.org/pm-promises-to-write-off-1-5-billion-in-debts-for-600-000-georgians/#more-15511</a></p><img src="https://medium.com/_/stat?event=post.clientViewed&referrerSource=full_rss&postId=f45a50b57594" width="1" height="1" alt="">]]></content:encoded>
        </item>
        <item>
            <title><![CDATA[Үдийн цайны элийрэл]]></title>
            <link>https://medium.com/@uuganbayarbatsaihan/%D2%AF%D0%B4%D0%B8%D0%B9%D0%BD-%D1%86%D0%B0%D0%B9%D0%BD%D1%8B-%D1%8D%D0%BB%D0%B8%D0%B9%D1%80%D1%8D%D0%BB-eea534279ae9?source=rss-90347b931d8b------2</link>
            <guid isPermaLink="false">https://medium.com/p/eea534279ae9</guid>
            <dc:creator><![CDATA[Uuganbayar Batsaihan]]></dc:creator>
            <pubDate>Fri, 07 Sep 2018 08:51:07 GMT</pubDate>
            <atom:updated>2018-09-07T08:51:07.003Z</atom:updated>
            <content:encoded><![CDATA[<p>A баг “Хятад ялна” уриа дэвшүүлэв. Харин Б баг “Эвтэй Хятадын төлөө” гэсэн уриа гаргаж иржээ. Хоёр PR баг хоорондоо бүх төрлийн аргаар үзэлцсэн ч сүүлдээ үнэхээр сонгогдчдод “Хятад Ялна” уриа нь таалагдсан уу, эсвэл А багийн амлалтанд нь итгэсэн үү ямартай ч тэмцээн А багийн ялалтаар өндөрлөжээ. Молхи мань мэтийн ухаанаар бол тэмцээн дуусангуут тухайн PR багийн ажил дуусч, дараагийн өөр төсөл руугаа ормоор ч юм шиг.</p><p>Гэтэл тэмцээний дараа ч Б баг PR-ийн ажлаа орхисонгүй. Тэд харин энэ удаа “Эвтэй Хятадын төлөө” уриагаараа дагнасангүй, харин ч “Хятад Ялна” дээр ажиллаж эхлэв. Нэн тэргүүнд тэмцээний үеэр ундааны мөнгө өгсөн хэнийг ч болов дэмжихэд бэлэн байдаг хөлсөөр хөгжөөн дэмжигчдийн асар том баг, social media группуудыг худалдан авч, гишүүд дэмжигчдээ дунд нь оруулж, юутай ч нэг үг хэлэхэд нэжгээд хүмүүс даган шуугиж, түрэн түрхэрч байгаа юм шиг харагдахаар тайзыг засчээ. Ийнхүү тэд PR-ийн шинэ туршилтууд хийж эхлэх нь тэр ээ. “Хятад Ялна, тийм болохоор гадна хөрөнгө оруулалт хэрэггүй” гэж үлээдэг бохь аваад ундааны саваар шал нүддэг нэг хөгжөөн дэмжигч орилоход, бусад нь түүнийг тосгуулан авч, “Эртнээс Хятадууд өөрсдөө тариагаа тариад, хувцсаа урлаад ирсэн улс. Тариалангийн багаж төхөөрөмжөө ч өөрсдөө хийдэг байсан. Тийм болохоор бид нар тариа хураалтын комбайныг ч гар доорх мод, төмөр ашиглаад хийж чадна. Тйим биз дээ, тэнгэрлэг Хятадууд аа?” хэмээн цааш нь түгээж эхлэв. Хөлсөөр дэмжигчид хэдийгээр мод, чулуунаас өөр зүйлгүй гар хоосон Хятад хүн комбайн угсарч чадахгүйг мэдэж байвч, хөлсийг нь аваад тэмцээний үеэр балиашиглана гээд амалчихсан учир “Тэнгэр заяатай юм чинь бид бүгдийг чадна. Гадныхан хэрэггүй. Технологи хэрэггүй. Хөрөнгө оруулалт хэрэггүй” гэж лоозогнох аж:</p><p>Харин энэ үед Б багийн нүүр царай болсон ужиг PR-чид өнөөх муусайн хөлсний балиашгуудынхаа пост, бичлэгийг олон нийтэд цацаж “Еэ еэ бөөвөө. Энэ Хятад ялначууд, нээрээ ална аа. Гаапуу, жоотуу ашиглаад комбайн угсарна гэнээ. Алив эднүүсийг шоолцгоо” гэж уриална. Олон нийт ч пүү паа, халаг хуухай бололцож, “Хятад Ялна”-чуудын эргүү мунхагийг гайхан шагшина. Энэ үед Б багийн өнөөх мэргэжлийн PR-чдын багийн зүгээс нийгэмд өгөх ёстой гол мессеж болох “Хятад ялна”-чууд ийм эргүү амьсгаа нар юм чинь тэдний дэмжиж ялуулсан А багийнхан бас л нэг ийм эргүү амьтас байгаа гэсэн үгээ цацаж эхлэх ажээ. Үүнийг олж сонссон олон хүнд “За энэ эргүү амьтадтай нэр холбогдхгүйн тулд би Хятад ялах талаар дахин бодох ёсгүй юм байна. Хэрвээ би Хятад ялна гэж энд тэнд ярьвал намайг яг эд нар шиг мангуу амьтан гэж бодох юм байна. Ерөөсөө Хятад ялах ёсгүй юм байна” гэсэн бодол төрснөөр Б багийн PR-ийн энэ удаагийн ажлын зорилт биелж, үнэхээр л Public relation гэж юуг хэлдгийг А багийн назгай гишүүдэд яруу тодоор үзүүлнэ.</p><p>Энэ цагаас хойш олон нийтийн мэдээллийн хэрэгсэл, цахим сүлжээгээр шатдаггүй Хятад хүний гавал, дэлхийд хосгүй Хятад хүний ген, муусайн Япончууд полипропилений үйлдвэрт Хятадуудад зориулсан цагаан будаа савалж буй тухай болоод бусдын өмч, хөрөнгө, шударга хөдөлмөөр бий болгож буй баялгийг дээрэм, сүрдүүлгийн аргаар авахыг оролдож буй бандитуудыг “Хятад ялна”-чууд тууштай дэмжиж байгаа тухай зогсоо зайгүй цацах бөгөөд энэ нь яван явсаар “Хятад ялна” гэдэг ойлголт нь ОРК, боловсролгүй, юмыг эргэцүүлэх тунгаах чадваргүй, дээрэмчид, сүрдүүлэгчид, мухар сүсэгтнүүдийг ерөнхийд нь нэрлэх нэршил болон хувирах нигууртай ажээ.</p><p>Б баг бол тууштай баг.</p><p>А баг бол нэг тэмцээнд түрүүлээд өөрсдийгөө дийлдэшгүй болчихлоо гэж андуурсан залхуу баг.</p><p>2018–09–07</p><p>This is a work of fiction. Names, characters, businesses, places, events, locales, and incidents are either the products of the author’s imagination or used in a fictitious manner. Any resemblance to actual persons, living or dead, or actual events is purely coincidental бла бла гэдэг байх тийм ээ. Нэг их үнэмшээд сүртэй хүлээж аваад байв аа та нар 😅😅</p><img src="https://medium.com/_/stat?event=post.clientViewed&referrerSource=full_rss&postId=eea534279ae9" width="1" height="1" alt="">]]></content:encoded>
        </item>
        <item>
            <title><![CDATA[Соронзлогдсон утас ашиглан цусан дахь хавдрын эсүүдийг хэрхэн илрүүлэх вэ?]]></title>
            <link>https://medium.com/@uuganbayarbatsaihan/%D1%81%D0%BE%D1%80%D0%BE%D0%BD%D0%B7%D0%BB%D0%BE%D0%B3%D0%B4%D1%81%D0%BE%D0%BD-%D1%83%D1%82%D0%B0%D1%81-%D0%B0%D1%88%D0%B8%D0%B3%D0%BB%D0%B0%D0%BD-%D1%86%D1%83%D1%81%D0%B0%D0%BD-%D0%B4%D0%B0%D1%85%D1%8C-%D1%85%D0%B0%D0%B2%D0%B4%D1%80%D1%8B%D0%BD-%D1%8D%D1%81%D2%AF%D2%AF%D0%B4%D0%B8%D0%B9%D0%B3-%D1%85%D1%8D%D1%80%D1%85%D1%8D%D0%BD-%D0%B8%D0%BB%D1%80%D2%AF%D2%AF%D0%BB%D1%8D%D1%85-%D0%B2%D1%8D-52cdaae10f64?source=rss-90347b931d8b------2</link>
            <guid isPermaLink="false">https://medium.com/p/52cdaae10f64</guid>
            <dc:creator><![CDATA[Uuganbayar Batsaihan]]></dc:creator>
            <pubDate>Tue, 17 Jul 2018 06:32:33 GMT</pubDate>
            <atom:updated>2018-07-17T06:32:33.582Z</atom:updated>
            <content:encoded><![CDATA[<p>Стэнфордын их сургуулийн судлаачид хавдрыг илрүүлэх маш гайхалтай арга бодож олжээ. Энэ арга нь хүний венийн судсанд соронзтой утас оруулах замаар цусны эргэлтэнд чөлөөтэй тээвэрлэглэж яваа хавдрын эсийг олж, өөртөө татах байдлаар явагдах бөгөөд цусны шинжилгээн дээр суурилсан бусад аргуудтай харьцуулахад хавдрыг эрт илрүүлэх тал дээр илүү үр дүнтэй байж болохоор байна.</p><p>Олон судлаачид цусны шинжилгээг ашиглан хавдрыг эрт илрүүлэх арга чарга хайсаар л байгаа. Хавдрын маркер тавих сайн сайн аргууд практикт нэвтэрсээр байгаа ч цусан дотор хөвж яваа хавдрын эсүүдийг олж, хавдрыг таньж илрүүлэх нь хамгийн шилдэг арга юм. Харамсалтай нь эдгээр эсүүд тийм ч элбэг биш тул нэг удаагийн шинжилгээгээр олж илрүүлэх нь маш хэцүү.</p><figure><img alt="" src="https://cdn-images-1.medium.com/max/600/0*wo7C_zpNWwB9ApHV" /></figure><p>Энэ судалгааны удирдагч Сэм Гэмбир хэлэхдээ “Цуснаас сорьц авах шинжилгээгээр хавдрын эс илрүүлэх нь маш хэцүү. Учир нь хавдрын эс ховор тохиолддог тул цусны дээж авсан шилэнд нэг ширхэг эс ороогүй байх ч тохиолдол бий” гэжээ. Үүнийг тэрээр зүйрлүүлж хэлэхдээ усанд ордог онгоцонд нэг элсний ширхэг хийгээд түүнээсээ нэг шанагыг хутгаж, дотроос нь элсээ хайхтай адил зүйл гэсэн юм.</p><p>Харин энэ шинэ арга нь хүний венийн судас руу тусгай соронзлогдсон материалаар хийгдсэн нарийн утас шургуулах арга юм. Энэхүү тусгай материал нь тодорхой нэг хавдрын эсийг өөртөө татах зориулалттай нано-ширхэгүүдээс бүтсэн материал юм байна. Ширхэг нэг бүр нь соронзон адил үүрэг гүйцэтгэх учир хавдрын эсийг өөртөө татах нь маш үр дүнтэй.</p><p>Энэ аргыг гахайн дээр туршиж үзэхэд цуснаас хавдрын эсийг илрүүлж буй үр дүн нь энгийн цусны шинжилгээнээс 10-аас 80 дахин илүү үр дүнтэй байжээ. Хэр зэрэг их цуснаас шинжилгээ авах вэ гэдгээсээ хамааруулан тухайн соронзон утсыг хүний биед хэр удаан байлгахаа шийддэг ажээ. Судалгааны багийн ахлагч Гэмбирийн хэлж байгаагаар цусны шинжилгээний 80 гуурсанд авч хийдэг шинжилгээг уг соронзон утас 20 минут хүний судсанд байхдаа л хийх юм байна.</p><p>Энэ аргыг одоогоор хүн дээр туршаагүй байгаа ч судалгааны багийнхан тун удахгүй хүн дээр туршина гэдэгтээ итгэлтэй байна. Сөрөг нөлөөний судалгааг хулгана дээр хийж үзэхэд аюулгүй гэсэн үр дүн гарсан бөгөөд судсанд орсноосоо хойш хэдэн долоо хоногийн дараа харин соронзлох чадвар нь мууддаг нь тогтоогджээ.</p><p>Судалгааны багийнхан ийнхүү цуснаас хавдрын эсийг илрүүлэх ажилд энэ нээлтээ ашиглахаас гадна эмчилгээний зорилгод ч хэрэглэж болно гэсэн найдвар тээж байна. Учир нь нэгэнт л цуснаас хавдрын эсийг өөртөө татаж барьж болж байгаа бол нано-ширхэгээ сайжруулаад, цусанд удаан хугацаагаар байлгаж болох боломж олчихвол, удаан хугацаагаар судсанд байрлуулж, хавдрын эсийг бусад эд эрхтэнд түгэж тархахаас нь өмнө барьж авдаг, нэг төрлийн шүүлтүүрийн зориулалтаар ашиглаж болно гэсэн таамаг дэвшүүлсэн гэнэ.</p><p>Мөн нано-материалдаа өөрчлөлт оруулах замаар энэ аргыг дан ганц хавдрын эс гэлтгүй өөр бусад тодорхой эсүүд, бусад бичил биет, маркеруудыг таних зориулалттай болгон өөрчилж, цусны шинжилгээг шинэ ахисан түвшинд гаргах боломж тэнд бүрдээд байгаа юм байна. Өөрөөр хэлбэл, бактерийн халдвар, хавдрын ДНК, тодорхой эрхтний үрэвсэл үүсгэдэг маш ховор эсүүд зэргийг таньж олохын тулд нано-ширхэгийнхээ соронзлох чадварыг өөрчлөхөд л дээрх боломжууд бүрдэнэ хэмээн судалгааны удирдагч Гэмбир итгэл төгс ярьж байна.</p><p>Энэхүү нийтлэл нь <a href="https://www.nature.com/articles/s41551-018-0257-3"><em>Nature Biomedical Engineering</em></a><em> сэтгүүлд хэвлэгдсэн болно.</em></p><p><a href="https://www.nature.com/articles/s41551-018-0257-3"><em>https://www.nature.com/articles/s41551-018-0257-3</em></a></p><img src="https://medium.com/_/stat?event=post.clientViewed&referrerSource=full_rss&postId=52cdaae10f64" width="1" height="1" alt="">]]></content:encoded>
        </item>
        <item>
            <title><![CDATA[The Judge (2014 он) Уран сайхны киноны тухай]]></title>
            <link>https://medium.com/@uuganbayarbatsaihan/the-judge-2014-%D0%BE%D0%BD-%D1%83%D1%80%D0%B0%D0%BD-%D1%81%D0%B0%D0%B9%D1%85%D0%BD%D1%8B-%D0%BA%D0%B8%D0%BD%D0%BE%D0%BD%D1%8B-%D1%82%D1%83%D1%85%D0%B0%D0%B9-dcbe7d38b969?source=rss-90347b931d8b------2</link>
            <guid isPermaLink="false">https://medium.com/p/dcbe7d38b969</guid>
            <category><![CDATA[movie-review]]></category>
            <dc:creator><![CDATA[Uuganbayar Batsaihan]]></dc:creator>
            <pubDate>Sun, 08 Jul 2018 08:04:05 GMT</pubDate>
            <atom:updated>2018-07-08T08:04:05.998Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/0*7S9cm9xrN69HnFOm.jpg" /></figure><p>2 цаг 21 минут үргэлжилдэг Vincent D’Onofrio, Robert Downey Jr., Robert Duvall, Vera Farmiga, Jeremy Strong, Billy Bob Thornton зэрэг алдартнуудын тоглосон The Judge гэдэг киног үзлээ. Энэ киноны найруулагчаар Дэвид Добкин ажилласан бөгөөд аав нь хуульч хүн байсан учир ийм кино хийх санаа түүнд аль эрт төрсөн байсан гэж мэргэжилтнүүд ярилцдаг юм байна.</p><p>Киноны гол үйл явдал нь Индиана мужийн Карлинвил гэдэг (Мэдээж хотын нэр нь зохиомол нэр) хотод оршин суудаг Палмерын гэр бүлийг тойрон өрнөнө. Шүүгч Joseph Palmer, түүний эхнэр, 3 хүү нь энэ хотод олон жил амьдарсан бөгөөд аавтайгаа багаасаа таардаггүй байсны учир гэрээсээ зугтан явсан хүү Хэнк Палмер олон жилийн дараа Чикаго хотоос төрөлх хот руугаа саяхан насан өөд болсон ээжийнхээ оршуулганд оролцохоор ирж байгаагаар кино эхэлнэ.Бүх зүйл дээр өөрийнх нь зөв гэж бат итгэдэг эцэг болон өөрийг нь хүлээн зөвшөөрөлгүйгээр дандаа дорд үздэг гэж аавдаа гомдсон хүү хоёрын зөрчилдөөн нь энэ киноны гол зангилаа юм. Хэнк Палмер олон жилийн өмнө гэрээсээ явж, өмгөөлөгч болоод Чикаго хотод амьдарч, өмгөөлөгчийн карьер хөөсөн бөгөөд ажил мэргэжилдээ ч гарамгай нэгэн болж, томоохон үйлчлүүлэгч нарын дунд алдаршсан бөгөөд энэ нь түүний өөртөө итгэх итгэлийг маш өндөр болгосон нь “Ядуус намайг өмгөөлөгчөөр авч дийлэхгүй ээ. Учир нь тэд дандаа буруугүй байдаг” гэж хэлж байгаа үгнээс нь харагдана. Өөрөөр хэлбэл, гэмт хэрэгт буруутай боловч, үүнээсээ яаж ийж байгаад их мөнгө, чадварлаг өмгөөлөгчийн ачаар мултрах гэсэн чинээлэг хүмүүст л үйлчилдэг хүн болох нь эндээс анзаарагдах ажээ.</p><p>Харин эцэг Жозеф бол төрөлх хотдоо эрүүгийн хэрэг шийдвэрлэдэг шүүгчийн ажлыг 42 жил хийсэн, нутаг орондоо нэр хүндтэй, чанга хатуу, зарчимч, басхүү нэг талаар зөрүүд, өөрийнхөөрөө нэгэн. Кино төгсгөлдөө орох хүртэл юу гэдэг нь мэдэгдэхгүй нэг шалтгаанаар тэр өмгөөлөгч хүү Хэнкдээ их хатуу хандаж байсан тул аав хүү хоёр тангараг тасарч, энэ олон жилийн дараа ээжийнхээ оршуулганд ирсэн хүүтэйгээ бараг гар барилгүй шахуу уулзаад хоёр тийш салах гэж байгаа нь зөрчил маш гүнзгий хийгээд, урт удаан хугацаанд үргэлжилснийг харуулна. Харин энэ айлын нөгөө хоёр хүү болох Глен нь автозасварын газар ажиллуулдаг, гэр бүл тогтсон амьдралтай эр бол харин бага хүү Дэйл нь цаг үргэлж 8мм-н кино камер бариад бичлэг хийж явдаг аутизмтай залуу юм. Тэр нас биенд хүрсэн ч аав ээжтэйгээ цуг амьдардаг.</p><figure><img alt="" src="https://cdn-images-1.medium.com/max/432/0*WGVzxWo2vkneKQjf.jpg" /></figure><p>Ээжийнхээ оршуулганд л гэж ирснээс биш төрөлх хотоо, төрсөн гэр бүлээ гэж ирээгүй учир Хэнк оршуулгын маргааш бушуухан Чикаго руугаа буцахаар яарна. Учир нь түүний гэрлэлт бүтэлгүйтэж, эхнэр нь түүний араар тавиад зогсохгүй, гэр бүлээ цуцлуулахаар шүүхэд хандаж байгаа тул ганц охиныхоо асран хамгаалах эрхийн төлөөх санаа зовоосон асуудал түүнд байлаа. Гэтэл яг онгоцонд суугаад нисэхийн даваан дээр ах нь утасдаж, аав нь маш ноцтой хүн амины хэрэгт сэжиглэгдсэн тухай дуулгадаг. Хүүхдүүд нь аавынхаа машиныг юм мөргөөд эвдрэл авсныг анзаарсан боловч хүн дайрсан чинээ бодоогүй нь ойлгомжтой. Гэтэл шүүгч буюу эцэг Палмер эхнэрийнхээ оршуулга болсон орой дэлгүүр лүү машинтайгаа яваад, гэртээ ирэх замдаа хэн нэгнийг дайрч, амь насыг нь хохироосон байх бүх сэжиг таамаг босч ирнэ. Хамгийн ноцтой нь дайруулж нас барсан хүн нь 20 жилийн өмнө хүн амины хэрэг үйлдээд, түүний шийдвэрээр шоронд сууж, хугацаа нь дуусч суллагдаад хэдхэн сар болж байсан этгээд байдаг.</p><figure><img alt="" src="https://cdn-images-1.medium.com/max/1024/0*am3B9vVC1t8oPnba.jpg" /></figure><p>Шүүгчийн ажлыг 42 жил хийх хугацаандаа Жозеф маш олон хүнд хорих ял оногдуулсан ч энэ удаа түүнд дайруулсан байж болзошгүй Марк Блэквэлл гэгч нь маш онцгой холбогдолтой хүн юм. Марк Блэквэлл багадаа нэг охинтой үерхэх санал тавиад татгалзсан хариу авсныхаа төлөө охины гэрийн гадаа очиж, цонх руу нь буудаж танхайрсан этгээд бөгөөд Жозеф шүүгч түүнд маш энэрэнгүй хандаж 30 хоногийн баривчлах ял оногдуулсан байдаг. Гэтэл мань эр 30 хоногийн дараа суллагдаж гарч ирээд хохирогч охиных руу дахин халдаж, хөөрхий охиныг усанд живүүлж амь насыг нь бүрэлгэсэн учир шүүгч энэ удаа түүнд 20 жилийн хорих ял оноосон байжээ. Гэтэл яг эхнэрийнхээ оршуулганд оролцоод явж байсан шүүгч мөнөөх Марк Блэквэлл гэгчтэй дэлгүүрт халз тулгарч, энэ явдлаас хэдхэн минутын дараа Марк дугуйтайгаа машинд мөргүүлж, замын хажуу руу нисч амиа алдсан нь гэмт хэргийн нотлох баримтуудаар хөдлөшгүй тодорхой болж байна. Энэ мөчөөс эхлэн Хэнк-д аавыгаа өмгөөлөх, үүний хажуугаар түүний тэсвэрлэшгүй зөрүүд зантай учраа ололцох хүндхэн даалгавар тулгарч байна.</p><p>Энэ киноны хууль шүүхийн ажиллагааны процедурыг ажиглахад Хэнкэд олон жилийн өмнөөс дургүй байсан прокурор Дикхэм болон өмгөөлөгч залуугийн хоорондох тулаан мэт харагдах боловч яг үнэн хэрэгтээ өөрийг нь хүлээн зөвшөөрдөггүй эцгээ харж байгаад шоронд явуулахгүйн тулд тэмцэж буй хүү болон юунд ч бууж өгч нугардаггүй, цаг ямагт өөрийгөө зөв зүйл хийж, зөв амьдарсан гэж итгэдэг аав хоёрын хоорондох бие биесээ хүлээн зөвшөөрүүлэх гэсэн адармаатай тэмцэл басхүү хамтын ажиллагаа явагдаж байгааг та олж харна.</p><p>Эцэг хүү хоёр яагаад бие биедээ ийм дургүй, бараг үзэн ядалт гэмээр харилцаатай болсныг, Хэнк яагаад энэ хотоос “Металлика” хамтлагийн тоглолт үзэхээр яваад эргэж ирээгүй нь кино дунд хэсэгтээ орох хүртэл таавар мэт өрнөх бөгөөд энэ киноны туслах дүрүүд болох том хүү Глен, бага хүү Дэйл болон Хэнкийн өсвөр насны хайр дурлал болох Саманта нар Хэнкийн бага залуу нас, тэдэнд чухам юу тохиолдсон болоод харилцаа нь ийм төвөгтэй байдалд орсныг харуулах зорилгоор найруулагч зохион байгуулжээ. Тухайлбал, Хэнк багадаа ямар мөрөөдөлтэй, юунд тэмүүлдэг, ямар залуу байсныг Саманта дурсамжаа ярингаа өгүүлж байгаа бол аутизмтай бага хүү болох Дэйлийн цаг үргэлж барьж явдаг 8мм-ийн камер, түүний олон жил хийсэн бичлэг нь энэ гэр бүл цагтаа хичнээн аз жаргалтай, элэг бүтэн, хайраар бялхсан он жилүүдийг туулж өнгөрүүлснийг үзэгч бидэнд харуулж байна. Кинонд илүүдэл дүр гэж байдаггүйг төдийлөн чухал биш боловч хамаг хэрэг явдлын учир зангилааг бидэнд ойлгуулах Дэйлийн дүр тод харуулна. Хэрэв түүний бичлэгүүд байхгүй бол энэ гэр бүлийнхэн үргэлж хоорондоо ийм таагүй хөндий харилцаатай байсан уу, яагаад Глен бейсболын онцгой авьяас чадвартай байсан хэр нь мэргэжлийн тоглогч бололгүй дугуй засварын газарт насаараа хадагдсан, Хэнк яагаад аавтайгаа тангараг тасрах болсныг бид мэдэж чадахгүй өнгөрөхөөр байна.</p><figure><img alt="" src="https://cdn-images-1.medium.com/max/300/0*j5AqjJ275zl49rU2" /></figure><p>Эцэг Палмер хүүгээ үл тоож, гарцаагүй хүн амины хэрэгт буруутгагдах дээрээ тулсан ч буулт хийлгүй, орон нутгийн туршлагагүй өмгөөлөгч хөлслөх боловч мань өмгөөлөгч залуу энэ хэргийг зохицуулж чадахгүй тул хүү Хэнкээсээ тусламж авах хэрэгтэй гэж зөвлөн, аав нь хүүгээ өмгөөлөгчөөр оролцохыг дуртай дургүй зөвшөөрнө. Хэнк хэргийн материалуудтай танилцаж, аавынхаа дадал зуршлуудыг судлах явцдаа санамсаргүйгээр аав нь огт шатар тоглодоггүй, эмч нарт дургүй мөртлөө долоо хоног бүрийн Лхагва гарагт нуурын эрэг дээрх байшиндаа нутгийн нэг эмчтэй шатар тоглохоор явлаа гэж хэлээд тйиш очдог болохыг олж мэднэ. Энэ санамсаргүй нээлт нь аав нь өөрт нь болон бусад хүүхдүүддээ хэлэлгүй ямар их өвчин шаналал тээж явсныг, бас хэрэг нэгэнт буруу тийшээ шийдэгдэх дээр тулах эгзэгтэй мөчид шүүгчийг санаатай хүн амины хэргээс мултлах гол түлхүүр болохыг та энэ киног үзсэнээр мэдэх болно.</p><p>Шүүх хуралд оролцох тангарагтны шүүхийг 12 хүнийг сонгохдоо Хэнк чухам ямар шалгуураар хандаж байгааг харвал мөн Дэйлийн үе үе гаргадаг гэнэн тэнэгдүү авир нь энэ киног дан уй гашуу, зөрчил маргаан болгож харагдуулахгүй, хааяа ч гэсэн хөнгөн хошигнол харуулах гэсэн найруулагчийн шийдэл гэлтэй.</p><p>Ерөнхийдөө төгсгөлийн хэсэгт хүн амины хэргийн шүүх хурал дээр аав хүү хоёр гэм буруугүйгээ нотлохын сацуу олон жил цээжиндээ тээж ирсэн гомдол, дайсагналаа үлдэн хөөж, учраа ололцож байгаа нь киноны тайлал хэсэг болох бөгөөд энэ хэсэг нь үзэгчдийн сэтгэлийг маш их хөдөлгөдөг гэдэгт би хувьдаа итгэлтэй байна. Айлын гэрийн гадаа буугаар буудаж танхайрсан тэр хүүг Хэнкээс минь өөрцгүй залуу хүү байна, алдаагаа ойлгох ухамсарлах байх гэсэн итгэлдээ хөтлөгдөж, 30-хан хоног баривчилж сулласнаараа хүн амины гэмт хэрэг үйлдэх нөхцлийг нь бүрдүүлж өгсөндөө хэрхэн харамсч явдгаа аав нь хэлдэг бол хүү нь багадаа аавынхаа шийдвэрээр баривчлагдаж, засан хүмүүжүүлэх хөдөлмөр эрхэлж шийтгүүлснээсээ болоод гэрээсээ явах болсноо аавдаа хэлж байна. Хэдийгээр цаг үргэлж өөрийнхөө буруутай үйлдлийг хүүхэд насны алдаа гэж Хэнк өөрийгөө өмөөрөх боловч яг үнэндээ 17 насандаа согтуугаар машин жолоодож яваад аймшигт осолд орж, ирээдүйд дээд лигт тоглож, MVP болох байсан ахынхаа гарыг гэмтээж, ирээдүйг нь балласнаас болоод аав нь түүнд ихэд хатуу ханддаг байсан нь тодорхой болно.</p><figure><img alt="" src="https://cdn-images-1.medium.com/max/1024/0*HSYZTxiKdk1IPIui.jpg" /></figure><p>Эдгээр болон энд өгүүлээгүй бас бус олон сонирхолтой үйл явдал, эргэлтийн цэгээр дүүрэн энэ киног нэг удаа үзэхэд огтхон ч харамсахгүй шүү гэж хэлмээр байна. Зарим киног бид ажил хэрэг болгон, цаг гаргаж үзээд дараа нь харамсах сэтгэл төрдөг. Харин энэ киног гарсан жил нь олж үзэхгүй яав даа гэсэн харамсал төрж суулаа.</p><p>Киноны эцсийн кадр дээр хэдий хорих ял шийтгүүлсэн ч гэлээ хугацаанаасаа өмнө суллагдаад гарч ирсэн шүүгч Жозеф нас барахад түүний дурсгалыг хүндэтгэж, хотын захиргаа төрийн далбаагаа гудайлгаж байгаа кадрыг харуулдаг. Энэ бол шүүгч Жозефын хүүдээ үргэлж захиж хэлдэг байсан “Чи энэ аварга том улсад хэн ч биш байж болно. Гэхдээ өөртөө, гэр бүлдээ цаг үргэлж би зөв, шударга амьдарсан шүү гэж хэлэх бахархалтай байх ёстой” гэсэн үгний тодотгол болсон дүр зураг гэж ойлгогдож байна.</p><p>Цаг зав гарган уншсанд баярлалаа.</p><p>Мөн энэхүү киног боломжтой үедээ тухлан сууж, элдэв зүйлд сатааралгүй, анхааралтайгаар үзээрэй гэж зөвөлж байна.</p><img src="https://medium.com/_/stat?event=post.clientViewed&referrerSource=full_rss&postId=dcbe7d38b969" width="1" height="1" alt="">]]></content:encoded>
        </item>
        <item>
            <title><![CDATA[Shape of Water киноны тухай. Энэ кино хэдэн Оскар авах вэ?]]></title>
            <link>https://medium.com/@uuganbayarbatsaihan/shape-of-water-%D0%BA%D0%B8%D0%BD%D0%BE%D0%BD%D1%8B-%D1%82%D1%83%D1%85%D0%B0%D0%B9-%D1%8D%D0%BD%D1%8D-%D0%BA%D0%B8%D0%BD%D0%BE-%D1%85%D1%8D%D0%B4%D1%8D%D0%BD-%D0%BE%D1%81%D0%BA%D0%B0%D1%80-%D0%B0%D0%B2%D0%B0%D1%85-%D0%B2%D1%8D-42c014605a4?source=rss-90347b931d8b------2</link>
            <guid isPermaLink="false">https://medium.com/p/42c014605a4</guid>
            <dc:creator><![CDATA[Uuganbayar Batsaihan]]></dc:creator>
            <pubDate>Tue, 10 Apr 2018 09:24:39 GMT</pubDate>
            <atom:updated>2018-04-10T09:24:39.341Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/400/0*8s4gCoCjJJnsJ0Aq.jpg" /></figure><p>Элиза гэдэг ярьж чаддаггүй эмэгтэй энэ киноны гол дүр бөгөөд бид нарын мэддэгчлэн хэлгүй хүн голдуу дүлий байдаг бол энэ эмэгтэй харин сонсдог гэдгээрээ ялгаатай. Кино театрын дээр түрээсийн байранд амьдардаг Элиза АНУ-ын засгийн газрын нууц лабораторид цэвэрлэгч хийдэг. Тэнд ажиллаж байгаа хүмүүс дундаас Зелда гэдэг эмэгтэй түүнд найрсаг хандаж, шаардлагатай үед орчуулагч хийж өгнө. Бас байрных нь хөрш, зураач өвгөн Элиса нар хоёр биедээ их сайн, хамт хооллож, зурагт үзэж, ярилцдаг. Элизаг бага байхад нь гол дотроос олж авсан гэдэг бөгөөд хүзүүн дээрээ хачирхалтай сорвитой байх ажээ.</p><p>Лабораторид нэг өдөр устай саванд хийсэн нэг зүйлийг маш ихээр чухалчлан авчрах бөгөөд тэрэн дотор байгаа зүйлд лабораторийн эрхлэгч, хурандаа Стрикланд онцгойлон анхаарал тавина. Элиза сониуч зандаа хөтлөгдөн устай сав руу өнгийж үзээд, түүн дотор нэг хачирхалтай амьтан байгааг олж мэднэ. Энэ бол хурандаагийн Өмнөд Америкаас барьж ирсэн газар уснаа явагч, хүн дүрстэй амьтан байх бөгөөд засгийн газар Зөвлөлттэй өрнөж буй сансрын уралдаанд давуу байдал олж авахын тулд энэ амьтныг судалж байгаа ажээ. Хурандаа тэр амьтантай зэрлэг догшин харьцаж, 2 хуруугаа тасдуулах боловч Элиса бусдаас нууцаар тэр амьтныг өөртөө дасгаж, хөгжим сонсгож, хооллож сургана. Бусад хүнтэй ойлголцож чадахгүй байгаа хэрнээ Элисатай ийм амархан ойлголцож байгаа нь тэр хоёр хоёулаа ярьдаггүйд байна гэж ажиглав. Элиса тэр амьтанд дохионы хэлээр хэрхэн ойлголцохыг бага багаар зааж өгсөөр.</p><figure><img alt="" src="https://cdn-images-1.medium.com/max/400/0*FgRpPbqkdmUZdW2S.jpg" /></figure><p>Харин энэ киноны өрнөл хэсэгт нэг сонирхолтой хүн гарч ирсэн нь лабораторийн эрдэмтэн Хофштэллэр юм. Тэр бол уг лабораторит нууцаар шургалсан Зөвлөлтийн тагнуул байлаа. Генерал хурандаад даалгавар өгч, газар уснаа явагч амьтныг судалгааны зорилгоор задлан шинжлэх даалгавар өгөх тэр мөчийг Хофштэллэр болон Элиза хоёулаа нүдээр үзнэ. Гэхдээ Элиза энэ яриа өрнөж байхад лабораторит нуугдаж байгааг Хофштэллэр олж хараад ямар нэгэн байдлаар өөрт нь тусалж мэдэх хүн мөн юм гэдгийг ойлгож байна. Ингээд Хофштэллэр энэ амьтныг амьд авч үлдэхийг хичээх боловч түүнд даалгавар өгдөг Зөвлөлтийн тагнуул нэгэнт уг амьтныг Америкчуудад судлуулж байхаар шууд устга гэсэн даалгавар өгнө. Элиза ч гэсэн энэ талаар мэдсэн болохоор лабораториос оргуулах арга сэдэж эхлэх ажээ.</p><p>Байрны хөрш өвгөн Жиилс болон Зэлда нарын тусламжтайгаар бас санаандгүй байдлаар зорилго нэгдсэн Хофштэллэрийн дэмжлэгтэйгээр тэд хүн дүрст газар уснаа явагчийг оргуулж Элизагийн гэрт авчраад усан сандаа нууж, Элиза түүнийг асарч тойлох зуураа улам түүнд татагдаж эхэлнэ. Онцгой холбоо нь улам бүр гүнзгийрсээр тэд сексийн харилцаатай болж, Элизагийн секс фантааз халуун усны өрөөгөө усаар дүүргэж, театр луу ус алдахад ч хүргэнэ. Энэ үеэр лабораторийн судалгааны обьектоо алдсан хурандаа Стриклэнд бүх ажилтнуудаа байцааж эхэлдэг. Хэдийгээр Элизаг байцаахад сэжиг бүхий байдал анзаарагдах боловч Стриклэнд өөрөө Элизад сээтэн хаяж, ажлын байрны бэлгийн дарамт үзүүлэхийг завдсанаас нь болоод бүсгүйг ингэж хачирхалтай аашилж байна гэж бодоод сэжиглэхгүй өнгөрнө.</p><figure><img alt="" src="https://cdn-images-1.medium.com/max/400/0*BaedpmPAxADUKGC_.jpg" /></figure><p>Харин Зөвлөлтийн тагнуул Хофштэллэр нэгдүгээрт хариуцсан обьектоо оргуулсан, хоёрдугаарт удирдлагынхаа зааврыг биелүүлэгүй болохоор өөрийгөө аль нэг талд нь баригдаж магад гэсэн сэрэмжээр бүх зүйлд хандах боловч хурандаа түүнийг мөрдөж мөшгисөөр тагнуулын зааварлагчтайгаа уулзах үед нь үйлдэл дээр нь барина. Гэхдээ энд зааварлагч нь Хофштэллэрийг буудаж, яг алахын даваан дээр хурандаа гарч ирээд зааварлагч нарыг нь устган, Хофштэллэрийг үхэхээс нь өмнө тамалж байцаасаар байгаад үнэнийг хэлүүлж, цэвэрлэгч эмэгтэйн гэр орныг ухаж, хэзээ хаанаас нөгөө амьтныг усанд нь буцаах гэж байгааг олж мэднэ.</p><p>Усан санд удсанаас болж бие нь муудсан газар уснаа явагч, хэлгүй бүсгүй, зураач өвгөн гурав голын эрэг дээр буу зэвсэг агссан хурандаатай тулгараад үйл явдал хэрхэн төгсөхийг та киног үзээд мэдэж авах боломжтой. Мэдээж би энд үйл явдал бүхнийг нарийн тоочиж орхивол үзэгч танд киног бүтэн үзэх, өөрийнхөөрөө харж дүгнэхэд тань саад болж магадгүй гэж бодоод товчхон өгүүллээ.</p><p>Урьд жилүүдийн Оскарын шагнал авч байгаа гол дүрүүдийг харахад маш их дотоод зөрчилтэй, жүжиглэлт ихээр шаардсан дүрүүдээр ялж байгаа нь анзаарагдсан. Тухайлбал, оюуны хомсдолтой эрдэмтэн, оюун ухаан хурц боловч саажилттай суут сэтгэгч, огт ярихгүйгээр бүх жүжиглэлтээ харуулж буй газарчин эр гэх мэт дүрүүд мэргэжилтнүүдээс хамгийн өндөр үнэлгээ авдаг юм билээ. Туслах дүрийн хувьд ч гэсэн ялгаагүй киноны гол дүрээс дутахааргүй киног чимж, зарим үед гол дүрээ илүү товойлгож дүрсэлж чадсан туслах дүрүүд амжилттай өрсөлддөг гэж бодсон. Тулаанч киноны боксчин Мики Уордын ээж Алис Уордын дүрд тоглосон Мэлисса Лео бол ийм мундаг туслах дүрүүдийн нэг яах аргагүй мөн/ миний л бодлоор/.</p><p>Энэ кинонд Sally Hawkins хэлгүй эмэгтэйн дүрд тоглосноороо жүжиглэх чадвараа илүү сайн харуулж чадаж байх шиг байна. Хэлгүй болгож тоглуулсны утга учир нь, хүзүүн дээрх сорви нь ч ямар учиртай нь кино төгсөхдөө бүрэн тодорхой болно. Хүнд биш амьтанд дурлаад тэрийгээ илэрхийлж чадахгүй багтарч ядахдаа дотоод сэтгэлдээ дуу дуулж, хайраа илчилж байгаа, хүний нүдэнд анзаарагдамгүй, ноомой даруухан эмэгтэй дурлалд автахаараа хэрхэн өөрчлөгдөж, юу ч хийхээс буцахгүй, оргилуун дэврүүн нэгэн болж болдгийг бас их гайхалтай харуулжээ.</p><figure><img alt="" src="https://cdn-images-1.medium.com/max/400/0*F-Q_947IYvjBprH0.png" /></figure><p>Хурандаа Стрикланд бол киноны эсрэг талын гол баатар бөгөөд кино үзэхэд өөрийн эрхгүй үзэгчдийн дургүйцлийг төрүүлж, тэр хэрээрээ үйл явдлыг улам сонирхолтой болгож байдаг дүрүүдийн нэг юм. Өндөр албан тушаал горилж, түүндээ хэт улайран, олон жил горьдож зорьж ирсэн боломжууд нь газар уснаа явагчийг лабораториосоо хулгайд алдсанаар нуран унахад тулж байгаа нь хурандааг гарцгүй байдалд оруулж, юу ч хийхээс буцахгүй нэгэн болгож байна. Жүжигчин Michael Shannon ажилдаа үнэнч, зэрлэг ширүүн, хуучинсаг аргаар ажлыг явуулдаг, хатуу сэтгэлтэй хүний дүрийг бүтээсэн бөгөөд хэлгүй учраас өөрт нь юу тохиолдсоныг цааш нь ярьж чадахгүй юм байна гэсэн шалтгаанаар Элизаг ажлын байрны бэлгийн дарамтанд оруулах гэж оролдох нь түүний сөрөг талыг улам ч баяжуулж харуулж байх шиг.</p><p>Киноны зохиолын хувьд бол маш мундаг, өө сэвгүй авцалдсан үйл явдлуудаар баялаг зохиол байна гэж бодогдов. Газар уснаа явагч амьтныг яг ямар учраас гэдгээ мэдэхгүй ч их гүрнүүдийн засгийн газрууд судлахаар улайран байгаа дүр зураг гардаг. Гэхдээ энэ амьтан яг ямар онцгой чадвартай вэ гэдгийг хамгийн анх Элизагийн хөрш зураач өвгөн олж мэдэх бөгөөд хурандаа Стрикланд эцсийн мөчид олж мэдээд амьсгал хураана. <a href="https://en.wikipedia.org/wiki/Guillermo_del_Toro">Guillermo del Toro</a> болон Vanessa Taylor нар зохиолыг бичсэн бөгөөд del Toro энэ киног найруулж, продюссэрлэсэн байна. Маргааш болох Академийн 90 дэх удаагийн шагнал гардуулах ёслолд 13 төрлөөр нэр дэвшсэн уг киног Шилдэг зохиол, Шилдэг кино, Шилдэг эмэгтэй гол дүр болон Шилдэг эрэгтэй туслах дүрийн шагналыг авах тун өндөр магадлалтай юм байна гэж саналаа. Бусад хүчтэй өрсөлдөгч кинонуудыг нь заримыг нь үзэж чадаагүй ч гэсэн энэ киног дөнгөж үзээд дууссаны дараа тийм таамаг төрлөө.</p><p>Загас сонсдог ч ярьдаггүй, тийм болохоор хэлгүй эмэгтэйг гол дүрээрээ сонгожээ гэсэн бодол киноны яг төгсгөлийн хоромд төрлөө. Та ч гэсэн үзвэл тэгж санагдах байхаа гэж найдаж байна.</p><p>Зургуудыг Foxsearchlight.com сайтаас</p><img src="https://medium.com/_/stat?event=post.clientViewed&referrerSource=full_rss&postId=42c014605a4" width="1" height="1" alt="">]]></content:encoded>
        </item>
        <item>
            <title><![CDATA[The Greatest Showman кино үзээд төрсөн сэтгэгдэл]]></title>
            <link>https://medium.com/@uuganbayarbatsaihan/the-greatest-showman-%D0%BA%D0%B8%D0%BD%D0%BE-%D2%AF%D0%B7%D1%8D%D1%8D%D0%B4-%D1%82%D3%A9%D1%80%D1%81%D3%A9%D0%BD-%D1%81%D1%8D%D1%82%D0%B3%D1%8D%D0%B3%D0%B4%D1%8D%D0%BB-225374212741?source=rss-90347b931d8b------2</link>
            <guid isPermaLink="false">https://medium.com/p/225374212741</guid>
            <dc:creator><![CDATA[Uuganbayar Batsaihan]]></dc:creator>
            <pubDate>Mon, 26 Feb 2018 14:58:02 GMT</pubDate>
            <atom:updated>2018-02-26T14:58:02.630Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/400/0*P0hFDn_dvgaUzVn5.jpg" /></figure><p>Бямба гарагийн орой The Greatest Showman киног үзлээ. Hugh Jackman тоглосон мюзикл төрлийн бүтээл гэснээс өөр ойлголтгүй явж оров. Урьд нь түүнийг Les Miserables мюзиклд тоглож байхыг нь үзсэн болохоор бас ч муугүй кино байх гэж бодсон юм.</p><p>Гол дүрийн баатар Пи. Ти. Барнумыг ерөнхийдөө киноны үйл явдал тойрон өрнөх ажээ. Барнум туйлын ядуу зүдүү ядуу амьдралд өссөн бөгөөд чинээлэг айлын охин Чарити(Мишель Уилльямс)-д бага байхдаа дурлаж, том болоод тэд гэрлэж хоёр хөөрхөн охинтой болно.</p><p>Чарити энэ бүхэнд сэтгэл хангалуун байж, одоогийн амьдралдаа сэтгэл дүүрэн байх авч Барнум харин илүү томыг бодож мөрөөдөн явна. Гэвч ажиллаж байсан компани нь дампуурч ажилгүй болсон Барнум эцсийн аргаа хэрэглэн, банкинд худал хөрөнгийн баталгаа гаргаж өгөөд их хэмжээний зээл авч, тэр мөнгөөрөө лааны тосон баримлын музей нээлээ. Гэвч энэ музей тэгтлээ их амжилт олоогүй тул охидынхоо зөвлөснөөр тэр ямар нэг “амьд” үзмэр олохоор шийдэж, янз бүрийн “гаж” хөгжилтэй, “содон” төрхтэй улсуудыг цуглуулан тоглолт хйисэн нь санаанд оромгүйгээр хүмүүст таалагдаж сүүлдээ энэ тоглолтоо Барнумын Цирк гэж нэрлэдэг.</p><p>Ихэнх үзэгчид нь доод давхаргын иргэд байгаагаас гадна тэдний үзүүлбэрийг жигшин эсэргүүцдэг улсууд байгаа зэрэг нь Барнумыг нийгмийн дунд буюу дээд давхаргын дунд хүрээллээ тэлэх бодолд хөтөлж мань эр угсаа гарал сайтай айлын хүү, зохиолч Филип Карлайл(Зак Эфрон)-той танилцах бөгөөд түүний холбоо сүлбээгээр дамжуулан Английн хатан хааны ордонд “цирк”-ийнхэнтэйгээ зочилж очжээ. Энэ үеэрээ тэр Шведийн алдарт дуурийн дуучин Жэнни Линдтэй танилцаж, Америкт очиж тогловол та дэлхийг бүхэлд нь байлдан дагуулна, надтай хамтраач гэж ятгаж дөнгөв. Жэнни Линд түүний саналыг зөвшөөрч Америкт очиж тоглосноор киноны гол зангилаа энд эхэлнэ.</p><figure><img alt="" src="https://cdn-images-1.medium.com/max/400/0*ECEtHVzsNEAG6_wH.jpg" /></figure><p>1-рт, Барнум Жэннигийн тоглолтоор дамжуулан нийгмийн дээд давхаргынхантай холбоо тогтоож, ашиг орлого нь нэмэгдсэнээр “Цирк”-ийнхнийгээ тоохоо байж, гагцхүү дээд зиндааны үзэгчдэд хамаг анхаарлаа хандуулж эхэлнэ. Үүнд мэдээж “содон” жүжигчид нь, хамтрагч Филип нь бас дургүйцнэ.</p><p>2-рт, Барнум дуурийн дуучин Жэннигээр дамжуулан нэр хүнд нь өөр түвшинд гарч байгаад туйлын их баяртай байсан болохоор түүнд онцгойлон сайн хандаж эхлэх бөгөөд энэ байдлыг нь Жэнни илүү хувийн байдлаар хүлээн авч түүнд сэтгэл татагдана. Бас энэ хоёр хүн хоёулаа нийгмийн доод давхаргаас тодорхой хэмжээний амжилтанд хүрсэн, хоёулаа нэр төрд дуртай нь тэднийг бас нэгтгэх ажээ. Иймэрхүү онцгой харилцаа бий болсныг Чарити гадарлах боловч эцсийн мөч хүртэл нөхөртөө итгэсэн хэвээр байна.</p><p>Барнум орд харш, эдлэнгээ банкинд барьцаалан их хэмжээний зээл авч, Жэннигийн Америк даяар хийх аялан тоглолтыг санхүүжүүлэхээр шийдэхэд хамтрагч Филип нь түүнд том эрсдэл үүрч байгааг сануулна. Бас эхнэр нь одоо байгаа амьдралдаа сэтгэл хангалуун байгаагаа ахин дахин илэрхийлж, нэр төр, эд баялагт шунах шуналаа хазаарлахыг сануулах боловч Барнум энэ бүхнийг үл тоон аялан тоглолтоор явна.</p><p>Тоглолт хэдийгээр их амжилт олох боловч дуучин Жэнни Барнумд сэтгэлтэй болсноо илэрхийлэх тэр үед Барнум түүнд гэр бүлтэй хүн, ийм зүйлд орооцолдож болохгүй гэдгээ хэлэхэд Жэнни аялан тоглолтыг дундаас нь орхиж явна гэж сүрдүүлээд хэлсэндээ хүрч тоглолтыг орхин явах ба Барнумыг гэртээ эргэн ирэх үед цирк нь түймэрт өртөнө.</p><p>Циркгүй, тоглолтоос олсон орлогогүйн улмаас банкинд байр, эдлэнгээ хураалгаж, эхнэр хүүхэд нь төрхөмдөө буцаж, жүжигчдээ гомдоож хүнд байдалд орсон түүний хувь заяа хэрхэхийг та бүхэн киног нь үзээд мэдэж авна биз дээ.</p><p>Би хувьдаа Барнумын дүрээс олж харсан зүйлээ энд бичмээр санагдлаа.</p><p>Багадаа ядуу зүдүү, дээрэлхүүлж дарлуулж өсч, эхнэрийнхээ эцэгт басамжлуулан доромжлуулсан нь түүнийг ямар ч хамаагүй аргаар мөнгөтэй болох, дээдсийн хүрээлэнд нэвтэрч өөрийгөө байнга тунхаглан харуулах, нэр төрд дурласан нэгэн болоход нөлөөлж байна. Бидний эргэн тойронд ч ийм хүмүүс тааралддаг.</p><p>Киноны үйл явдалтай огт хамаагүй ч гэлээ, багадаа хүнд дээрэлхүүлж, доромжлуулж өссөн хүүхэд том болоод өөрөөсөө илүү чадалтай руу эрмэлзэх бус, харин нийгмийн байдал доогуур, өөрөөс нь эрх мэдэл, санхүүгийн хувьд хамааралтай хүмүүс болон дорой ядарсныг дээрэлхэж сэтгэл ханамж авдаг хүн болох нь цөөнгүй бөгөөд тухайн хүн өсөрхүү, дотуур тамиртай хүн байгаад, ямар нэгэн эрх мэдэл, албан тушаалд хүрвэл энэ зан нь бүр ч илүү тодрон гарч, хүмүүсийг өөрөөсөө хамааралтай байлгаж, амьдралд нь ямар нэгэн байдлаар нөлөө үзүүлж байгаагаасаа асар их сэтгэлийн ханамж авч амьдардаг гэдэгтэй нэг их олон хүн маргахгүй биз гэж найдаж байна.</p><p>Мөн Барнумын дээд зиндааны үзэгчидтэй болоод анх өөрийг нь нэр алдарт хүргэсэн “содон” жүжигчдээсээ ичиж, тэдний харанхуй өрөөнд нууж байгаа нь нилээд нэрэлхүү, нийгмийн гарлаасаа ичдэг хүн болохыг нь илтгэнэ. Энэ бол бас л хүмүүсийн нэг нийтлэг араншин билээ. Бид амьдралд уруудаж доройтож, ажил үйлс бүтэлгүйтэж, аргаа бараад байхад тусламжийн гараа сунгасан мөртлөө эргээд хариу нэхдэггүй, тусалсныхаа оронд хариу нэхдэггүй, түүнийгээ гайхуулж ярьдаггүй тэр хүмүүсийг хэр зэрэг санаж дурсдаг билээ? Зарим нь бүр тэднийг санан дурсахаасаа ч зайлсхийдгийн учир шалтгаан нь “Намайг тэр үед баларч доройтож явсныг минь хүмүүст ярьчих вий, урьд нь намайг эд нартай нийлж хамтарч, эд нараас тусламж гуйж явсныг одоогийн бизнесийн хамтрагч, эргэн тойрныхон маань мэдчих вий “ гэсэн нэрэлхүү, арчаагүй зан гаргаж байдаг. Пи Ти Барнумд яг л энэ эргэлзээт бодол нэгэн үед төрдөг.</p><figure><img alt="" src="https://cdn-images-1.medium.com/max/400/0*olvRBX7xADBf5sX9.jpg" /></figure><p>Харин түүний хамтрагч Филип Карлайл энэ зан характерын эсрэгцлийг кинон дээр харуулдаг. Тэр “Цирк”-ийн өнгөт арьстан, агаарын гимнастикч бүсгүй Энн Вийлэр(Zendaya)-т дурладаг бөгөөд үүнийгээ нэгэн үе хүмүүсээс нуух гэж оролддог. Учир нь Америкт арьс өнгөөр ялгаварлах үзэл өнгөрсөн зууны 80-аад он хүртэл хүчтэй байсныг та бүхэн надаар хэлүүлэлтгүй мэдэж байгаа байх. Гэхдээ Филип Карлайл зүрх сэтгэлээ дагаж, “бусад хүмүүс, тэр дундаа өөрийнх нь баян чинээлэг эцэг эх нь өнгөт арьстан бүсгүйн тухай юу бодох нь хамаагүй” гэж шийдэж байгаагаараа бид нэг удаа олдох амьдралдаа “бусад хүмүүс миний тухай юу гэж бодож байгаа бол, би хүмүүст таалагдахгүй бол яана” гэсэн жижигхэн бодолд хөтлөгдөж, цахим орчны хэллэгээр бол лайк, шэйрийн төлөө хайран цаг мөчөө үрж, өөрийнхөөрөө амьдарч чаддаггүй тэр байдалд няцаалт өгч байна.</p><p>Чаритигийн дүр бол амьдралд хүн аз жаргалтай байхын тулд хэтэрхий их зүйлд шунах хэрэггүй гэдгийг байнга сануулж буй эерэг дүр юм. Чарити хэрэв материаллаг сонирхол нь давамгайлсан эмэгтэй байсан бол үгээгүй хоосон Барнумтай гэрлэхгүй байлаа. Чинээлэг айлын охин тэрээр Нью-Йоркийн ядуу дүүрэгт нөхөр хүүхдүүдийн хамтаар түрээсийн байранд толгой хоргодон амьдарч байхдаа ч амьдрал тааруу байна гэж гомдоллодоггүй. Харин ч эрүүл саруул, элэг бүтэн, хайраар дүүрэн амьдарч байгаадаа сэтгэл хангалуун байж, Барнумыг өөрт ахадсан зүйлд шунан тэмүүлэх хэрэггүй гэдгийг ойлгуулах гэж ямагт оролдоно. Гэвч Барнум хадам эцэгтээ дуурийн дуучин Жэнни Линдтэй танил гэдгээрээ сайрхаж, хадам эцэг эхийгээ гэрээсээ хөөн гаргах замаар ЭГО-гоо хооллож, эхнэрийгээ гомдоох ажээ. Гэвч эцсийн мөчид циркгүй, мөнгөгүй, орон гэргүй болсон нь Барнумыг ухааруулж, амьдралд юу хамгийн чухал вэ гэдгийг ахиад нэг бодоход хүргэнэ. Тиймдээ ч цирк нь ахиад хөл дээрээ босч, ахин тоглолтоо хийх үед тэрээр шоуны ажлаа хамтрагчдаа шилжүүлж, гэр бүлдээ хамаг цагаа зориулах болсноо хэлж кино аз жаргалтай төгсч байна.</p><figure><img alt="" src="https://cdn-images-1.medium.com/max/400/0*Otgdn6Nlb8zNCIdD.jpg" /></figure><p>Сонирхуулахад, кино тэр чигтээ мюзикл хэлбэрээр хийгдсэн бөгөөд дуунууд дээр нь La la land киноны дуу хөгжим дээр ажилласан уран бүтээлчид ажилласан юм байна. Хэдйигээр мэргэжилтнүүд болон шүүмжлэгчид энэ кинонд тэгтлээ өндөр үнэлгээ өгөхгүй байгаа ч гэсэн кино мэдээж хэрэг мэргэжлийнхэнд биш бидэн шиг энгийн үзэгчдэд зориулагдаж хийгдсэн болохоор шүүмжлэгчдийн дүгнэлтийг сохроор дагах хэрэггүй гэж зөвөлмөөр байна. Киног хүн бүр үзээд өөр өөрийнхөө харж дүгнэх нь гарцаагүй. Нэг хүнийг анзаараагүйг нөгөө нь анзаарсан байдаг. Бас энэ кино Оскарын наадамд киноны шилдэг дуу төрлөөр нэр дэвшээд байгаа юм.</p><p>Зургуудыг <a href="http://www.backstage.com/">www.backstage.com</a> сайтнаас авч байрлуулав.</p><img src="https://medium.com/_/stat?event=post.clientViewed&referrerSource=full_rss&postId=225374212741" width="1" height="1" alt="">]]></content:encoded>
        </item>
    </channel>
</rss>