<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Уянга on Medium]]></title>
        <description><![CDATA[Stories by Уянга on Medium]]></description>
        <link>https://medium.com/@uyangamelo?source=rss-51067f52c6b5------2</link>
        <image>
            <url>https://cdn-images-1.medium.com/fit/c/150/150/1*u3NyBAo6g-n7RIQJnz1gqQ@2x.jpeg</url>
            <title>Stories by Уянга on Medium</title>
            <link>https://medium.com/@uyangamelo?source=rss-51067f52c6b5------2</link>
        </image>
        <generator>Medium</generator>
        <lastBuildDate>Wed, 18 Nov 2026 03:30:12 GMT</lastBuildDate>
        <atom:link href="https://medium.com/@uyangamelo/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[БНСУ-ын Засгийн газрын тэтгэлэг KGSP-ын тухай]]></title>
            <link>https://medium.com/@uyangamelo/%D0%B1%D0%BD%D1%81%D1%83-%D1%8B%D0%BD-%D0%B7%D0%B0%D1%81%D0%B3%D0%B8%D0%B9%D0%BD-%D0%B3%D0%B0%D0%B7%D1%80%D1%8B%D0%BD-%D1%82%D1%8D%D1%82%D0%B3%D1%8D%D0%BB%D1%8D%D0%B3-kgsp-%D1%8B%D0%BD-%D1%82%D1%83%D1%85%D0%B0%D0%B9-edd2ed353715?source=rss-51067f52c6b5------2</link>
            <guid isPermaLink="false">https://medium.com/p/edd2ed353715</guid>
            <category><![CDATA[солонгос]]></category>
            <category><![CDATA[kgsp]]></category>
            <category><![CDATA[засгийн-газрын-тэтгэлэг]]></category>
            <category><![CDATA[тэтгэлэг]]></category>
            <category><![CDATA[солонгост-суралцацгаая]]></category>
            <dc:creator><![CDATA[Уянга]]></dc:creator>
            <pubDate>Tue, 20 Jul 2021 09:45:37 GMT</pubDate>
            <atom:updated>2021-08-03T07:20:08.218Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*7kkoxEJ4gHYxObo1831Jxg.jpeg" /></figure><h3>1. Тэтгэлгийн тухай товч танилцуулга</h3><p>Бүгд найрамдах Солонгос Улсын Засгийн газрын тэтгэлэг нь бакалаврын болон төгсөлтийн дараах түвшний (магистр, доктор, судалгааны) оюутнуудад солонгосын их дээд сургуулиудад бүрэн тэтгэлэгтэйгээр суралцах боломжийг олгодог олон улсын хэмжээний тэтгэлэг юм. Энд би яг өөрийн сурсан төгсөлтийн дараах түвшний буюу магистрын тухай бичиж байгаа болохоор бакалаврын түвшнийх өөр байх юм уу жил жилээсээ хамаараад бага зэрэг ялгаа гарч магадгүйг ойлгон хүлээж аваарай. Тэтгэлэгт сургалтын бүтэн төлбөр, 2 талын онгоцны билет (анх ирэх, төгсөөд буцах), сар тутам эрүүл мэндийн даатгал, амьжиргааны зардал (1,000,000 вон) болон нэг удаагийн суурьших 200,000 вон, диплом хэвлүүлэх гэх мэт зардлууд хүртэл олгодог. Мөн ТОПИК 5,6-тай оюутнууд сар бүр нэмэлт 100,000 вон авах боломжтой.</p><p>Жил бүрийн 2 сарын дундуур төгсөлтийн дараах буюу бакалавраас дээш түвшний тэтгэлэг зарлагдаад ерөнхийдөө 3 сарын эхний хагаст материалаа авдаг авч дуусдаг боловч сургуулиасаа шалтгаалаад янз бүр байдаг. Материалаа явуулахын тулд</p><p><strong>А хувилбар: Монгол Улсад байгаа БНСУ-ын элчин сайдын яам ЭСЯ руу материалаа явуулах</strong></p><p>1. Элсэхийг хүссэн 3 сургуулиа сонгоод Монголд байгаа БНСУ-ын ЭСЯ руу материалаа явуулах</p><p>2. ЭСЯ шалгаруулах</p><p>3. Сонгосон 3 сургууль руу материалыг нь явуулах</p><p>4. Сургууль тус бүр шалгаруулалтаа хийх</p><p><strong>Б хувилбар: Сургуулиа сонгоод шууд явуулах</strong></p><p>1. Зөвхөн нэг сургууль руу шууд материалаа явуулах (шуудангаар явуулаад заасан хугацаанаас өмнө сургууль дээр хүргэгдсэн байх ёстой)</p><p>2. Тухайн сургууль шалгаруулах</p><p>3. Шалгарсан материалаас Солонгос дээд боловсролын хүрээлэн тухайн улсын квотод багтаан шалгаруулах</p><p>гэсэн хоёр хувилбарын зөвхөн нэгийг нь л сонгож материалаа явуулна. ЭСЯ-аас нэмэлт шалгуур тавьж болдог бөгөөд Монголоос өрсөлдөөн ихтэй болоод ч тэр үү ихэвчлэн нэмэлт шалгууртай байдаг. Бас сургууль болгоны шалгуур нь янз бүр байдаг бөгөөд нэмэлт шалгууртай сургууль ч бий, мөн нэмэлт тэтгэлэгтэй сургууль ч бий. Жишээ нь дотуур байр үнэгүй гэх мэт. Тэтгэлэг зарлагдах үеэр дараах хаягаар ороод мэдээлэл аваарай.</p><p><a href="https://www.studyinkorea.go.kr/en/sub/gks/allnew_invite.do">https://www.studyinkorea.go.kr/en/sub/gks/allnew_invite.do</a></p><p><a href="https://www.studyinkorea.go.kr/en/sub/gks/selectBoardList.do?bbsId=BBSMSTR_000000000461">https://www.studyinkorea.go.kr/en/sub/gks/selectBoardList.do?bbsId=BBSMSTR_000000000461</a></p><p>Мөн ЭСЯ-аар дамжуулж материалаа өгөхөөр бол ЭСЯ-ны вэбсайтаас ч харж болно. Эртнээс өмнөх жилүүдэд зарлагдсан тэтгэлгийн материалыг орж үзээд ерөнхийд нь бэлдэж байвал бэлтгэлээ илүү сайн хийж чадна. Гэхдээ зарлагдах үеэр яг энэ жилийнхээ хувьд шалгуур, элсэхийг хүссэн сургууль, сонирхож буй мэргэжил гэх мэт өөрчлөгдсөн байна уу, эсвэл хэвээрээ байна уу шалгаарай. Жишээ нь миний сурж байгаа сургууль зарим жил энэ хөтөлбөрт байдаггүй.</p><h3>2. Шалгуур</h3><p><em>· Тухайн улсын иргэн байх, эцэг эх нь мөн тухайн улсын харьяалалтай байх</em></p><p><em>· 40 хүртэл настай</em></p><p><em>· Өмнөх зэргийн боловсрол эзэмшсэн буюу солонгост ирэх үед төгссөн байх сургуулиасаа тодорхойлолт авах шаардлагатай</em></p><p><em>· Голч дүн 80% буюу 2.64-оос дээш /4.0-өөс/</em></p><p><em>· Эрүүл мэндийн хувьд асуудалгүй байх</em></p><p><em>· Өмнө нь Солонгост бакалавр, магистр, докторт сураад төгссөн буюу дипломоо авсан бол энэ тэтгэлэгт оролцож болохгүй, харин сурж байгаад тэтгэлэгтээ материалаа өгөөд тэнцвэл кредит шилжүүлэхгүйгээр, өмнө сурж байсан сургуулиа хаяад тэтгэлгийнхээ сургуульд орж болно. (KGSP-ээр төгссөн бол зэрэг ахиулаад өгч болно гэхдээ сураад төгссөн хүмүүс энэ материалыг нээх харахгүй байх)</em></p><p>Ерөнхий шалгуур ийм боловч ЭСЯ-наас голч дүн 90% дээшээ байх, топикийн оноо шаарддаг тул эдгээр шаардлагыг хангаагүй бол нэг сургууль сонгоод шууд сургууль руугаа материалаа явуулж болно. Монголд ЭСЯ-наас зарлагдсан шалгуурыг л мэдээллэдэг болохоор ЭСЯ-ны шалгуур хангахгүй ч ерөнхий шалгуурыг хангаж байгаа маш олон залуус сургууль руу явуулах боломжийг олж хардаггүй санагддаг. Миний ч хувьд мөн адил солонгос хэлний ямар ч мэдлэггүй, голч оноо ч 90%-аас бага байсан болохоор шууд сургууль руугаа материалаа явуулсан. Бас ажилласан жил шаарддаггүй болохоор хүсвэл бакалавраа төгсөх хавраа ч материалаа явуулж болно. Харин диплом, дүнгийн хуулбар тухайн жилийнхээ 08 сарын 31 гэхэд бэлэн байх хэрэгтэй.</p><h3>3. Миний түүх</h3><p>Миний хувьд их сургуулийн голч оноо тийм ч сайн биш, ер нь оюутан байхдаа гадагшаа явж сурах талаар боддоггүй байсан юм. Гэхдээ хэдэн жил ажилласны дараа ер нь илүү сайн сурах, өөрийнхөө тухтай бүсээс гарах хэрэгтэй юм байна гэж бодож эхлэсэн. Аль улсад сурах вэ гэдэг дээр надад хувийн шалтгааны улмаас ер нь сонголт байгаагүй солонгос л хамгийн боломжит хувилбар байлаа. Тэгээд солонгост тэтгэлгээр сурах нилээн алсын төлөвлөгөөтэй байсан. Гэхдээ эхлээд бэлтгэл болгож англи хэлний мэдлэгээ сайжруулаад 2016 онд IELTS 6.5 оноо авсан. Ингээд завгүй ажил, гэр гэж гүйсээр нэг мэдэхэд 2018 оны тэтгэлэг зарлагдаж, тэр үеэр маш их ажилтай тул материалаа бэлдэж чадахгүй байсаар ажлаа жин тан дуусгаад 3 сарын 1-нээс яг тухтай бэлдэж эхлэв. Энэ жилийнхт амжиж өгөхгүй бол солонгосоор нэг ч үг мэдэхгүйн дээр давуу тал болох IELTS онооны хүчинтэй хугацаа дуусах байв. ЭСЯ-ны шалгуур хангахгүй учир нэг л сургууль сонгоод материалаа явуулах хэрэгтэй боллоо. Сургууль руугаа материалаа явуулахад сургууль бүр маш олон орны олон оролцогчоос 10–20 оюутан сонгодог тул KAIST, Seoul university-д бол сонгогдох боломж бага санагдсан. Тэгээд инженерийн чиглэлээрээ сайн сургалттай арай дундаж түвшний сургуулиудаас Инха их сургууль таалагдсан учир Инха их сургуулийг сонгосон. Сүүлд сурж байхдаа солонгос оюутнуудаас манай мэргэжлийн хувьд ТОП 3 сургуулийн дараа ордог гэж сонсоод баярлаж байлаа. Дээр нь би бакалавраа програм хангамжаар төгссөн бөгөөд магистртаа дан програм хангамж гэхээсээ илүү дата, өгөгдлийн чиглэлээр сурсан. Олон оюутнууд хуулиар сурж болдог уу гэж асуусан байсан. Өмнөх жилийн сургуулиуд болон элсэлт авах жагсаалтыг харвал хуулиар элсэлт авах сургуулиуд хэд хэд байсан. Мөн анагахаар ч бас байсан. Миний сурахыг хүссэн чиглэл энэ сургуульд байна уу гэж шалгаад сургуулиа сонгоорой.</p><p>Сургуулиа сонгохдоо, тэтгэлэгт материалаа илгээхдээ “би өөрөө шалгаруулалтын комисст байсан бол ийм материалыг сонгох байсан уу?” гэсэн асуултыг өөртөө тавиад үзээрэй. Чамд бусдаас ялгарах сайн дүн, хэлний сайн мэдлэг, хийсэн томоохон ажил гэх мэт давуу тал байна уу? Энэ жил өгөөд тэнцээгүй бол ирэх жил хүртэл хэлний мэдлэгээ дээшлүүлж сайн оноотой болохыг хичээгээрэй.</p><p>За ингээд сургуулиа сонгосон бол бөглөх маягт, бүрдүүлэх материалын жагсаалтаа гаргаад материалаа бүрдүүлж эхэлнэ. Би МУИС төгссөн, диплом маань англиар байсан учраас апостил хийлгэлгүй зүгээр нотариатаар батлуулаад явуулсан. Гол нь 2,3-р маягт буюу Өөрийн танилцуулга /эссэ/ болон Суралцах төлөвлөгөө. Гэхдээ энэ хоёрыг бичихдээ ерөнхий асуултууд байгаа учир ерөнхийдөө асуултууддаа хариулаад өөрийнхөөрөө бичихэд болно. Нэг анхаарах зүйл нь эссэгээ бичихдээ тоо баримт оруулах, бодит баримт дурдвал чиний эссэ илүү үнэмшилтэй болно. За энэ ч улиг болсон зөвлөгөө байх дөө. Гол нь заавал өөрөө бичээрэй. Надад материалаа бүрдүүлж явуулахад 7 хоногийн л хугацаа үлдсэн байсан. Гэхдээ энэ хугацааныхаа ихэнх хэсгийг эссэгээ бодох, бичих, засахад зориулсан. Хэд хэдэн хувилбараар гялс бичээд, маргааш нь бил үү дахиж уншиж үзээд, нэгийг нь сонгоод засаад, сайн англи хэлтэй хүнээр алдаагаа хянуулсан. Учир нь тэр үед миний бичих чадвар тийм ч сайн байгаагүй. Маш бага хугацаа зарцуулсан болохоор бас тэнцнэ гэсэн найдвар бага байсан ч туршлага болно гэж бодоод материалаа явуулж байлаа.</p><p><strong>Надад давуу тал болсон байж болох зүйлс:</strong></p><p>Инженэрийн чиглэлээр сурах</p><p>Англи хэлний оноо</p><p>Ажлын туршлага юм болов уу.</p><p><strong>Харин сул тал нь:</strong></p><p>Голч оноо 85%</p><p>Солонгос хэлний мэдлэггүй</p><p>Тэтгэлгийн заавар дээрээ ч гэсэн гадаад хэлний оноотой бол, инженер, шинжлэх ухааны чиглэлээр сурах бол, хөдөө орон нутгийн сонгогдсон сургуулиудад сурахаар сонгосон бол давуу тал болно оо гэж маш тодорхой заасан байдаг. Тийм болохоор материалуудаа татаж аваад, сайн уншиж судлахыг зөвлөе.</p><p>Чамаас хамаарахгүй ч чиний материалд маш том нөлөө үзүүлэх нэг хүчин зүйл бол тодорхойлох захидал юм. Миний хувьд тодорхойлох захидлаа бичүүлэх сонгосон 2 багш маань нэг нь миний суралцах мэргэжилтэй холбоотой хичээлүүдийг заасан багш маань мөн дээр нь тэнхмийн эрхлэгч байсан бол нөгөө нь дипломын ажлын маань удирдагч багш байсан. Чамайг академик түвшинд судалгаа шинжилгээ хийх, суралцах чадвартайг тодорхойлох захидлаараа баталгаажуулж нэг ёсондоо батлан даадаг учир аль болох тухайн салбартаа танигдсан, эрдэм шинжилгээний өгүүллүүд хэвлүүлсэн нэр хүндтэй багш нараар тодорхойлох захидлаа бичүүлвэл чиний материалд маш том давуу тал болох болно.</p><p>Мэргэжлээ сольж сурахыг хүсч байгаа оюутнууд тухайн мэргэжлээр сурах хэрэгцээ шаардлагаа сайн тодорхойлох хэрэгтэй, мэдээж өмнө нь сурч байгаагүй мэргэжлээр ахисан түвшинд сурахад чамаас илүү их хичээл зүтгэл цаг зав шаардна. Тэр тусмаа ахисан түвшинд суралцахад чамаас бусдын бичсэн эрдэм шинжилгээний ажил, туршилт, судалгааг уншаад ойлгох хэмжээний хэлний мэдлэг болон тухайн чиглэлийн мэдлэг хэрэг болно. Бакалаврын түвшний хэдэн хичээл нэмж судалж магадгүй.</p><p>Тэтгэлэгтээ тэнцсэн бол эхний нэг жилийн хугацаанд Солонгос хэлний сургалтанд хамрагддаг болохоор заавал Солонгос хэлтэй байх албагүй. Нэг жилийн дараа дор хаяж ТОПИК 3-р түвшин авах хэрэгтэй, (Аан бас чиглэлээсээ хамаараад ТОПИК 4, 5, 6 шаарддаг сургуулиуд ч байгаа). ТОПИК 3 авч чадаагүй бол дахин 6 сар хэлний бэлтгэлийг сунгаж болдог боловч энэ хугацааны зардлын 50 хувийг өөрөө төлөх хэрэгтэй болно. ТОПИК 5,6-тай бол хэлний бэлтгэлд суулгүй шууд үндсэн ангидаа орж болно. Ихэнх хэлний бэлтгэлийн хичээлүүд 13–14 цаг хүртэл ордог болохоор үлдсэн цагт нь гэрийн даалгавраа хийгээд, хэлээ үзээд ер нь цаг зав гайгүй байдаг. Хэлний бэлтгэлдээ үндсэн сургуулиасаа өөр сургуульд сурдаг бөгөөд цаанаас нь чамайг аль сургуулийн хэлний бэлтгэлд сурахыг хуваарилж өгнө. Миний хувьд хэлний бэлтгэлдээ солонгосоор сайн байна уу ч гэж мэдэхгүй нэрээ ч бичиж чадахгүй ирж байсан. Нэг жилийн хугацаанд ямар ч гэсэн ТОПИК 5,6 аваад төгссөн, бусад монголчууд маань ч гэсэн ер нь солонгос хэлийг сайн сурдаг болохоор ерөнхийдөө гайгүй. Хэлний бэлтгэл бол ачааллын хувьд хүүхдийн цэцэрлэг гэж хэлний багш маань их хэлдэг байсан ккк.</p><p>Жич: Анагаах, инженэрийн чиглэлийн оюутнууд магистр, доктортоо бүтэн цагаар лабораторд суух болдог тул хэлний бэлтгэлдээ сайн аялаж зугаалж аваарай. Жишээ нь манай лаборатор албан ёсны цаг 10–18 цаг боловч судалж байгаа хичээлүүдийнхээ даалгаврыг хийх, хажуугаар нь судалгаагаа хийх гээд ихэвчлэн 10–20 цаг завгүй үедээ 10–22, 23 цаг хүртэл суух, хонох ч үе байдаг байсан. Давуу тал нь профессор чинь судалгааны ажил, төсөлдөө оролцуулвал нэмэлт цалинтай болох боломжтой. Гэхдээ сургууль, профессороосоо шалтгаалаад янз бүр байдаг. Зарим сургууль огт өгдөггүй гэж сонсож байсан.</p><p><strong>Магистрт суралцахдаа анхаарах зүйлс:</strong></p><p>Төгсөхийн тулд ямар ямар шалгуур хангасан байх ёстойгоо эртнээс мэдэж авах, хувийн төлөвлөгөө гаргах хэрэгтэй. Тавигдах шаардлага нь сургууль бүр, тэнхим бүр өөр өөр байдаг.</p><p>Манай тэнхим жишээ нь</p><blockquote>Англи хэлний IELTS 5.5 эсвэл ТОПИК 4</blockquote><blockquote>Мэргэжлийн 2 шалгалт</blockquote><blockquote>Судалгааны ажлаараа дотоодын юм уу гадаадын эрдэм шинжилгээний хуралд оролцох юм уу сэтгүүлд хэвлүүлэх гэх мэт шаардлага тавьдаг.</blockquote><p>Хичээлээ үзэхдээ эхний 2 семэстртээ дан англиар хичээлээ сонгосон, сүүлд нь англиар үзэх хичээлүүд таалагдаагүй учир солонгос, англи хэлээр холиод үзсэн. Мэргэжлийн хичээлүүд бол боломжийн байсан. Харин сүүлийн семэстртээ мэргэжлийн бус тэнхмээс солонгос хэлээр хичээл сонгож судалсан. Нилээн сорилт болсон ч аз болж хичээл зааж байгаа профессор маань маш сайн ойлгож, сайн дэмжсэн, бүр заримдаа англиар дахиж тайлбарлаж өгдөг байсан. Одоо хичээлээ үзээд дууссан ч тэр профессортой хамтраад сайн дураараа нэг өгүүлэл бичихээр бэлдэж байгаа.</p><p><strong>4. Солонгост амьдрах талаар товчхон</strong></p><p>Амьдрах хугацаандаа байр, хоол, хувцас хунар, ном дэвтрээ сар бүрийн стифендээсээ төлнө. Дотуур байрны сарын төлбөр 180,000–300,000 орчим вон, хувиараа байр түрээслэвэл сардаа 500,000-ын төлбөртэй ч байх нь бий. Гэхдээ хамгийн зардал багатай буюу дотуур байранд амьдраад жоохон хэмнэхэд стифенд чинь хүрээд зогсохгүй бага ч болтугай хуримтлуулах боломж гардаг. Лабораторт суух мэргэжлийн оюутнууд бол ажил хийх цаг зав бараг л гарахгүй болов уу.</p><p><strong>Зөвлөгөө</strong></p><p><em>Шалгуурыг нь хангаж л байгаа бол ЭСЯ-аар ч бай, сургуулиар ч бай материалаа өгөөд үзээрэй. Маш олон оюутнууд тэтгэлгийг 4.0 голчтой маш сайн сурдаг оюутнууд л авдаг гэж боддогоосоо болоод хойшоо суудаг юм шиг санагддаг. Эссэндээ өөрийнхөө давуу талыг маш бодитоор үнэлж бичээд сул талаа нөхөхийн тулд өөртөө ямар давуу тал байгаагаа сайн илэрхийлж бичээд, хичээж бэлдээд материалаа өгөөд үзээрэй л гэж хэлмээр байна. Заавал төгс оноотой, эсвэл маш сайн хэлний мэдлэгтэй байж л тэтгэлэгт тэнцдэг гэж бодохоо болиод оролдоод үзээрэй гээд өөрийнхөө түүхийг жишээ болгож бичлээ. Та бүхэнд амжилт хүсье.</em></p><img src="https://medium.com/_/stat?event=post.clientViewed&referrerSource=full_rss&postId=edd2ed353715" width="1" height="1" alt="">]]></content:encoded>
        </item>
        <item>
            <title><![CDATA[ТОПИК-т хэрхэн бэлдэх вэ?]]></title>
            <link>https://medium.com/@uyangamelo/%D1%82%D0%BE%D0%BF%D0%B8%D0%BA-%D1%82-%D1%85%D1%8D%D1%80%D1%85%D1%8D%D0%BD-%D0%B1%D1%8D%D0%BB%D0%B4%D1%8D%D1%85-%D0%B2%D1%8D-a15cb895632f?source=rss-51067f52c6b5------2</link>
            <guid isPermaLink="false">https://medium.com/p/a15cb895632f</guid>
            <category><![CDATA[топик]]></category>
            <category><![CDATA[солонгос-хэл]]></category>
            <category><![CDATA[топик-шалгалт]]></category>
            <category><![CDATA[топик-6]]></category>
            <dc:creator><![CDATA[Уянга]]></dc:creator>
            <pubDate>Fri, 01 Nov 2019 02:50:26 GMT</pubDate>
            <atom:updated>2020-07-21T09:11:29.023Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/0*Mn1XtlAn_t0tpEma" /><figcaption>Photo by <a href="https://unsplash.com/@dylanluu?utm_source=medium&amp;utm_medium=referral">Dylan Lu</a> on <a href="https://unsplash.com/?utm_source=medium&amp;utm_medium=referral">Unsplash</a></figcaption></figure><p><strong>ТОПИК-ын шалгалтанд хэрхэн бэлтгэх вэ? ТОПИК 6 авсан туршлага</strong></p><p>Яг нэг жилийн өмнө Солонгос хэл байтугай ганц үсэг ч мэдэхгүй Солонгост ирж байлаа. Техникийн чиглэлийн мэргэжилтэй, өчнөөн жил Англи хэл сурахаар оролдсон ч олигтой ахиж дээшилсэн зүйлгүй надад ТОПИК 5 авчих юмсан гэсэн хүсэл байсан боловч анхны хичээл дээр хэлний багш “<em>Үсэгнээсээ эхэлж үзээд ганцхан жилийн дотор ТОПИК 5, 6-д тэнцэх хэцүү, 2 жил сурч байж ТОПИК 6 авах боломжтой</em>” гэж хэлж байлаа. Үнэхээр ч түвшин 1 буюу үсгээ цээжлэхээс эхэлж сурсаар 4 сарын дараа (түвшин 2 дуусах үед) анх удаа ТОПИК-ийн шалгалт өгөөд тэнцсэнгүй ээ. (Солонгос хэлний сургалт шалгалттайгаа адилхан Түвшин 1–6 гэж хуваагддаг.)</p><p>Энэ үеэс эхэлж ТОПИК-ийн шалгалт тоглоом биш болохыг ойлгон, айхтар нойр хоолоо хасан өдөржин шөнөжин суугаагүй ч гэсэн хэрхэн үр дүнтэй бэлдэх вэ гэж судалж үзээд бага зэрэг тактиктай бэлдсэний хүчинд 4 сарын дараа ТОПИК 5-д, сарын дараа 4-р түвшний хичээлд сууж байх үедээ ТОПИК 6-д тэнцсэн. Хэл амархан сурдаг хүмүүсийн хажууд гайхуулах зүйл биш ч гэсэн над шиг хэлний авъяасгүй гэж өөрийгөө тодорхойлдог хүмүүст жаахан ч гэсэн нэмэр болоосой гэж энэхүү жижигхэн зөвлөгөөг бичлээ. Би чадсан болохоор Та ч бас чадна.</p><p><strong>Сургалтанд суух үедээ</strong></p><p>Та нэгэнт цаг зав, мөнгөө зарцуулаад сурж байгаа гэдгээ ухамсарлаад сургалтанд сууж байхдаа аль болох ихийг сурч мэдэхийн тулд хичээлдээ анхааралтай, идэвхтэй оролцоорой.</p><blockquote><em>Багштай аль болох их харилцах</em></blockquote><p>Хичээлийн явцад ойлгомжгүй, эргэлзээтэй зүйл байвал “Намайг иймхэн юм мэддэггүй гэж бодох вий” гэсэн айдсаа дараад шууд асууж сураарай. Яагаад гэвэл мэдэхгүй зүйлээ сурах гэж л сургалтанд сууж байгаа шүү дээ. Шалгалтан дээр алдсаны оронд багшаас нэг удаа тэнэг асуулт асуугаад ойлгоод үлдсэн нь илүү хялбар.</p><blockquote><em>Үндсэн суурь бүтэц</em></blockquote><p>Монгол хэл, Солонгос хэлний өгүүлбэрийн бүтэц их төстэй ч гэсэн -이/가, -을/를 гэх мэт нөхцөлүүдээ сайн ойлгож аваарай. Учир нь эдгээр нь Монгол хэлний тийн ялгалуудаас бага зэрэг ялгаатай байдаг.</p><blockquote><em>Өөртөө зориулж суралцах</em></blockquote><p>Мэдээж дүн чухал ч гэсэн зөвхөн сайн дүн авахын тулд биш яг өөртөө зориулж чин сэтгэлээсээ суралцаарай. Жишээ нь: Манай сургалтанд өдөр бүр шинэ үгийн тэст авдаг байхад зарим сурагчид яг шалгалтны өмнөх 10–20 минутанд үгээ цээжлээд тэстээ сайн өгсөн ч ганц 2 өдрийн дараа ихэнхийг нь мартсан байдаг. Үүний оронд өмнөх өдөр нь цээжлээд маргааш нь шалгалтан дээр хэд нь санаанд чинь үлдэж байна вэ гэдгийг шалгавал дараа нь үгээ сайн цээжлэнэ.</p><p><strong>Чөлөөт цаг</strong></p><p>Байнга хичээл хийгээд байх үнэхээр уйтгартай. Хааяа завсарлага авч хичээлээс өөр зүйл хиймээр санагдах үед хэрхэн яаж ашигтайгаар <em>залхуурах </em>вэ?</p><p><em>Youtube: </em>Сонирхолтой бичлэг, блог үзэх. Би солонгос хүмүүсийн аялалын бичлэг их үздэг байсан.</p><p><em>Кино: </em>Солонгос кино, драм аль дуртайгаа солонгосоор хадмал орчуулгатай үзэх</p><p>Бусад хэрэгтэй програм</p><p>Зөвхөн Солонгос гэлтгүй гадаад хэл сурах, үг цээжлэхэд туслах тоглоом маягаар сурч болдог апп: <strong>Memrise, Duolingo</strong>…</p><p>Солонгос хэлний дүрэм, толь бичиг, зүйр үгс гэх мэт маш хэрэгцээтэй Монгол хэл дээрх апп: <strong>Misheel</strong></p><p>ТОПИК I болон II-ийн унших/сонсох жишиг тэст ажиллаж болох апп: ‘<strong>TOPIK’ </strong>—<strong> </strong>Яг шалгалт өгч байгаа мэт хийж үзээд өөрийн түвшингээ баримжаа аваарай.</p><p>koreanhanja.app сайтаас мэдэхгүй үгээ хайгаад үзээрэй. Ханзны гаралтай үгсийн толь бичиг. Жишээ болгоод “시청” үгийг хайж үзвэл</p><blockquote><a href="https://koreanhanja.app/%e5%b8%82%e5%bb%b3">市廳</a> 시청 city hall</blockquote><blockquote><a href="https://koreanhanja.app/%e8%a6%96%e8%81%bd%ef%a7%9b">視聽率</a> 시청률 ratings</blockquote><blockquote><a href="https://koreanhanja.app/%e8%a6%96%e8%81%bd%e8%80%85">視聽者</a> 시청자 television audience member гэсэн утгууд гарч ирнэ.</blockquote><p>Эндээс 시청 гэдэг нь хотын захиргаа эсвэл тв үзэх гэсэн 2 утга гарч ирж байна. Дараа нь 시 эсвэл 청 гэсэн үг тааралдвал иймэрхүү утгатай үг байсан гэж таамаглаж чадна.</p><p><strong>Шалгалтын үед</strong></p><p><em>Сонсох хэсэг</em></p><ul><li>Сонсох хэсгийн асуулт бүр дээр үг бүрийг мэдэх албагүй ч гол үгсийг сайн олох: Тухайн үйл явдал болсон эсэх, хэзээ, хаана, хэн гэх мэт асуултанд хариулагдах үгс болон тухайн орчин нөхцөл нь сургууль, оффис, олон нийтийн газар аль нь болохоос хамаараад хэрэглэх үгс өөр өөр болдог болохоор тухайн орчноос хамаараад нийтлэг ашиглагддаг үгсийг сайн мэдэх хэрэгтэй.</li><li>Асуулт бүрийн дараа шууд хариултын хуудас дээр тэмдэглээд, дараагийн асуултны хариултыг гүйлгэж хараад орчин нөхцлийг тааварлах, нэг асуултыг сонсож амжаагүй алдсан бол шууд орхиод дараагийн асуултандаа бэлдээрэй.</li></ul><p><em>Бичих хэсэг</em></p><ul><li>Үндсэн өгүүлбэрийн бүтэц, тийн ялгалын нөхцөл гэх мэт анхан шатанд сурсан байх ёстой зүйлс дээр алдаа гаргаж болохгүй.</li><li>Анхан болон дунд шатны үгсийн сан болон дүрмээ маш сайн ойлгож өөрийн болгож авсныхаа дараа ахисан түвшний үгсийн сан, дүрмээс алдаагүй хэрэглэж чадах цөөхөн үгс, дүрэм оруулан бичих хэрэгтэй. Гэхдээ эргэлзэж байвал орхиод сайн мэддэг үгс, дүрмээ оруулж аль болох алдаагүй бичсэн нь дээр.</li><li>Миний бодлоор бичгийн чадвараа сайжруулах хамгийн зөв арга бол ном унших болон жишээ зохион бичлэг хуулж бичих юм. Зохион бичлэг дангаараа 50 оноо буюу унших/сонсох хэсгийн 25 асуулттай тэнцүү болохоор түвшингээ ахиулах хамгийн гол хөшүүрэг гэж хэлж болно.</li></ul><p><em>Унших хэсэг</em></p><ul><li>Унших хэсгийн асуултанд ханзны гаралтай үгс их ордог болохоор түгээмэл хэрэглэгддэг ханзны гаралтай үгсийг ханзыг нь цээжлэх албагүй ч утгыг нь ойлгож цээжлэх. Жишээ нь -력 нь чадвар, чадал гэсэн утгатай гэдгийг мэдвэл урд нь мэдэхгүй үг орлоо ч ямар нэг чадварыг хэлж байна гээд таамаглаж чадна.</li><li>Сонсох хэсэгт ч бас хамаатай: Ахисан түвшинд хүрэхийн тулд 1–30 хүртэлх асуултыг аль болох алдахгүй хийж сурах</li></ul><p>Шалгалтны өмнөх өдөр хичээлээ давтаад нойргүй хоносноос аль болох сайн унтаж амраад, өглөөний цайгаа тайван сайн уугаад явбал шалгалтны үеэр толгой сайн ажилладаг. Шалгалтанд явахдаа бичиг баримтаа марталгүй аваад, шалгалт хооронд идэх жаахан юм бэлдээд аваад яваарай. Учир нь ангидаа орж суугаад хүлээхээс авахуулаад дуусах хүртэл шалгалтны нийт хугацаа 4, 5 цаг болдог. Амжилт хүсье!</p><p>— — — — Би хичээлийн сурах бичгээсээ өөр ямар нэгэн шалгалтанд бэлтгэх ном, сурах бичиг ашиглаагүй бөгөөд интэрнэтээс өмнөх шалгалтуудын материал болон зохион бичлэг, дүрмийн жагсаалт гэх мэт материалууд татаж аваад түүн дээрээ ажилладаг байсан. Topik mock test, korean grammar cheatsheet, солонгос хэлний дүрэм гэх мэтээр гүүглэдээд үзвэл зөндөө материал гараад ирдэг шүү.</p><img src="https://medium.com/_/stat?event=post.clientViewed&referrerSource=full_rss&postId=a15cb895632f" width="1" height="1" alt="">]]></content:encoded>
        </item>
    </channel>
</rss>