<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by lilac on Medium]]></title>
        <description><![CDATA[Stories by lilac on Medium]]></description>
        <link>https://medium.com/@vienglatysaydouangta?source=rss-83e7566b544a------2</link>
        <image>
            <url>https://cdn-images-1.medium.com/fit/c/150/150/1*HJH-mOiVzYKk-WmmZW-ndg.jpeg</url>
            <title>Stories by lilac on Medium</title>
            <link>https://medium.com/@vienglatysaydouangta?source=rss-83e7566b544a------2</link>
        </image>
        <generator>Medium</generator>
        <lastBuildDate>Thu, 19 Nov 2026 07:58:26 GMT</lastBuildDate>
        <atom:link href="https://medium.com/@vienglatysaydouangta/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[“Philophobia” ເມື່ອຄວາມຮັກມັນເປັນສິ່ງຫນ້າຢ້ານກົວ]]></title>
            <link>https://vienglatysaydouangta.medium.com/philophobia-%E0%BB%80%E0%BA%A1%E0%BA%B7%E0%BB%88%E0%BA%AD%E0%BA%84%E0%BA%A7%E0%BA%B2%E0%BA%A1%E0%BA%AE%E0%BA%B1%E0%BA%81%E0%BA%A1%E0%BA%B1%E0%BA%99%E0%BB%80%E0%BA%9B%E0%BA%B1%E0%BA%99%E0%BA%AA%E0%BA%B4%E0%BB%88%E0%BA%87%E0%BA%AB%E0%BA%99%E0%BB%89%E0%BA%B2%E0%BA%A2%E0%BB%89%E0%BA%B2%E0%BA%99%E0%BA%81%E0%BA%BB%E0%BA%A7-92b7b7af5b5f?source=rss-83e7566b544a------2</link>
            <guid isPermaLink="false">https://medium.com/p/92b7b7af5b5f</guid>
            <dc:creator><![CDATA[lilac]]></dc:creator>
            <pubDate>Tue, 02 Mar 2021 16:51:06 GMT</pubDate>
            <atom:updated>2021-03-02T16:51:06.728Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/0*OjlhTZOe-uJGk_-e" /></figure><p>“ໃນຂະນະທີ່ທຸກຄົນກຳລັງຕາມຫາຄວາມຮັກທີ່ໄຝ່ຝັນ ແຕ່ເປັນຫຍັງຄົນກຸ່ມຫນຶ່ງຈຶ່ງເລືອກທີ່ຈະແລ່ນໜີມັນ”</p><p>“Philophobia” ຫຼື ໂລກຢ້ານຄວາມຮັກ, ຫຼາຍຄົນອາດຕັ້ງຄຳຖາມວ່າມັນມີຢູ່ແທ້ຫວາ ຂໍຕອບເລີຍວ່າ ມັນມີຢູ່ຈິງ. ໂດຍທີ່ຄົນເຮົາຈະຮູ້ສຶກຢ້ານການມີຄວາມຮັກ, ກັງວົນໃນຄວາມສຳພັນ, ລວມໄປເຖິງການສານສຳພັນແບບເລິກເຊິ່ງກັບບຸກຄົນອື່ນ ຈົນບໍ່ກ້າທີ່ຈະເລີ່ມຕົ້ນ, ບາງຄັ້ງກໍພະຍາຍາມທີ່ຈະບໍ່ໃຫ້ຕົວເອງຮູ້ສຶກພິເສດ ຫຼື ຮູ້ສຶກຮັກໃຜ, ເວລາທີ່ຮູ້ສຶກດີກັບໃຜຂື້ນມາກໍຈະບໍ່ຍອມເປີດໃຈ ແລະ ຖອຍອອກມາ.</p><p><strong>ການຜິດຫວັງໃນຄວາມຮັກຊໍ້າໆ </strong>ເມື່ອມີຄວາມຮັກເທື່ອໃດກໍພົບແຕ່ຄວາມເຈັບປວດ, ຜິດຫວັງແລະ ເລີກລາກັນໄປທຸກເທື່ອ ເມື່ອເຫດການມັນເກີດຂຶ້ນຊໍ້າໆ ກໍອາດຈະເຮັດໃຫ້ເຮົາຮູ້ສຶກເມື່ອຍ ແລະ ທໍ້ກັບມັນ ຈົນເລືອກທີ່ຈະບໍ່ສານສຳພັນກັບໃຜ.</p><p><strong>ຮູ້ສຶກວ່າຕົວເອງຂາດຄຸນສົມບັດແລະເຫັນຄຸນຄ່າຕົວເອງຕໍ່າ </strong>ເວລາທີ່ຮູ້ສຶກກັບໃຜຄົນໜຶ່ງກໍຈະເກີດການປຽບທຽບຕົວເອງກັບຄົນອື່ນ, ພ້ອມທັງຕີຄ່າຕົວເອງຕໍ່າວ່າບໍ່ເໝາະສົມ ທັງຮູບຮ່າງໜ້າຕາ. ລັກສະນະນິໄສ ແລະ ສະຖານະເປັນຕົ້ນ.</p><p><strong>ເຫດການບໍ່ດີທີ່ຝັງໃຈມາແຕ່ອະດີດ</strong> ອາດເກີດໃນກຸ່ມຄົນທີ່ມີຄອບຄົວແຕກແຍກ, ຄອບຄົວມີບັນຫາ, ເກີດການຜິດຖຽງກັນ ຫຼື ຄົນໃກ້ຕົວມີຄວາມຮັກທີ່ບໍ່ຄ່ອຍດີ ເຮັດໃຫ້ເຮົາຈົດຈຳ ແລະ ຝັງມັນໄວ້ໃນຄວາມຄິດຂອງຕົວເອງແລະຢ້ານວ່າຕົວເອງຈະພົບເຈີແບບນັ້ນເຊັ່ນກັນ.</p><figure><img alt="" src="https://cdn-images-1.medium.com/max/1024/0*9OK60-5wkodDDj0j" /></figure><p>ແຕ່ເຖິງຢ່າງໃດກໍຕາມຄວາມຮັກກໍຍັງມີຫຼາຍຮູບແບບ, ບໍ່ວ່າຈະເປັນຄວາມຮັກແບບຄອບຄົວ, ແບບໝູ່ເພື່ອນ, ແລະ ແບບອ່ື່ນໆອີກຫຼາຍທີ່ຍັງຢູ່ກັບເຮົາໃນປັດຈຸບັນ. ສຸດທ້າຍແລ້ວ, ຄວາມຮັກກໍຍັງເປັນສິ່ງສວຍງາມທີ່ສ້າງສິ່ງດີໆໃຫ້ກັບເຮົາທຸກຄົນ ຜູ້ຂຽນຂໍອວຍພອນໃຫ້ທຸກຄົນທີ່ເຂົ້າມາອ່ານໄດ້ເຈີກັບຄວາມຮັກດີໆ ທີ່ເຮັດໃຫ້ທຸກຄົນກ້າເປີດໃຈອີກຄັ້ງ :)</p><p>ແຕ່ສຳລັບຜູ້ຂຽນແລ້ວ “ໄປກ່ອນໂລດ ຂ້ອຍຍັງບໍ່ຟ້າວ”</p><img src="https://medium.com/_/stat?event=post.clientViewed&referrerSource=full_rss&postId=92b7b7af5b5f" width="1" height="1" alt="">]]></content:encoded>
        </item>
        <item>
            <title><![CDATA[ເມື່ອຂ້ອຍກາຍເປັນຄົນເສບຕິດຄວາມເສົ້າ]]></title>
            <link>https://vienglatysaydouangta.medium.com/%E0%BB%80%E0%BA%A1%E0%BA%B7%E0%BB%88%E0%BA%AD%E0%BA%82%E0%BB%89%E0%BA%AD%E0%BA%8D%E0%BA%81%E0%BA%B2%E0%BA%8D%E0%BB%80%E0%BA%9B%E0%BA%B1%E0%BA%99%E0%BA%84%E0%BA%BB%E0%BA%99%E0%BB%80%E0%BA%AA%E0%BA%9A%E0%BA%95%E0%BA%B4%E0%BA%94%E0%BA%84%E0%BA%A7%E0%BA%B2%E0%BA%A1%E0%BB%80%E0%BA%AA%E0%BA%BB%E0%BB%89%E0%BA%B2-fa3baddc3b3b?source=rss-83e7566b544a------2</link>
            <guid isPermaLink="false">https://medium.com/p/fa3baddc3b3b</guid>
            <dc:creator><![CDATA[lilac]]></dc:creator>
            <pubDate>Fri, 25 Sep 2020 04:39:42 GMT</pubDate>
            <atom:updated>2020-09-25T04:39:42.747Z</atom:updated>
            <content:encoded><![CDATA[<p><strong>ເມື່ອຂ້ອຍກາຍເປັນຄົນເສບຕິດຄວາມເສົ້າ</strong></p><figure><img alt="" src="https://cdn-images-1.medium.com/max/507/0*FFyPM4MET5HS_IJe.jpg" /></figure><p>ຄວາມເສົ້າເປັນສິ່ງທີ່ທຸກຄົນບໍ່ປາຖະໜາຢາກຈະພົບເຫັນ ແຕ່ສຳລັບບາງຄົນຄວາມເສົ້າກໍກາຍເປັນສ່ວນຫນຶ່ງຂອງຊີວິດໃນແຕ່ລະມື້</p><p>ເວລາທີ່ຢູູ່ຄົນດຽວ, ຕື່ນເຊົ້າຂຶ້ນມາກໍເປິດເພງເສົ້າ ພ້ອມທັງຮູ້ສຶກຟັງເພງໄວ, ເພງຕື່ນເຕັ້ນແລ້ວບໍ່ມີສະມາທິ, ເບິ່ງຫນັງກໍຕ້ອງເບິ່ງຫນັງ Romantic Drama ຫລື ຫນັງທີ່ມັນກະທົບຕໍ່ອາລົມຄວາມຮູ້ສຶກ. ບາງຄັ້ງກໍເຖິງຂັ້ນ ຍ້ອນກັບໄປເບິ່ງສາກເກົ່າຊໍ້າໆ ໂດຍສະເພາະສາກທີ່ເຮັດໃຫ້ຕ້ອງເສຍນໍ້າຕາ.</p><p>ເວລາທີ່ເສຍໃຈ ຫຼື ຜິດຫວັງ ກໍຈະມີຄວາມຮູ້ສຶກອ່ອນໄຫວງ່າຍ ເກີດອາການ Down ຫຼື ຈົມດິ່ງໃຫ້ສຸດ ຖ້າຈະຮ້ອງໄຫ້ກໍຕ້ອງໄຫ້ໃຫ້ສຸດ ແລ້ວຢູ່ກັບຕົວເອງ ພ້ອມທັງປອບໃຈຕົວເອງໃຫ້ດີຂຶ້ນ.</p><figure><img alt="" src="https://cdn-images-1.medium.com/max/510/0*ER3-OCzo3EMjTrD1.jpg" /></figure><p>ແຕ່ເມື່ອຢູ່ກັບຄົນອື່ນກັບກາຍເປັນຄົນເກັບຄວາມຮູ້ສຶກດ້ານລົບໄວ້ໃນໃນ ສະແດງອອກພຽງແຕ່ດ້ານທີ່ສົດໃສສ້າງສຽງຫົວໃຫ້ຜູ້ອື່ນໄດ້ຕະຫຼອດເວລາ ມັກເຂົ້າສັງຄົມ,ມັກການສັງສັນ ຄ້າຍຄືກັບວ່າເຫດການກ່ອນຫນ້ານັ້ນບໍ່ເຄີຍເກີດຂື້ນ.</p><p>ອາການດັ່ງກ່າວຍັງບໍ່ສາມາດນິຍາມໄດ້ວ່າມັນເປັນແບບໃດ ຖ້າຈະເວົ້າວ່າເປັນຄົນໂລກສ່ວນຕົວສູງ ແຕ່ກໍຍັງ enjoy ກັບການຢູ່ຮ່ວມກັບຄົນອື່ນ. ຈຶ່ງຂໍເອີ້ນມັນວ່າ <em>ການເສບຕິິດຄວາມເສົ້າ</em></p><img src="https://medium.com/_/stat?event=post.clientViewed&referrerSource=full_rss&postId=fa3baddc3b3b" width="1" height="1" alt="">]]></content:encoded>
        </item>
        <item>
            <title><![CDATA[“7ເຫດຜົນ ທີ່ຂ້ອຍຄວນມີຊີວິດຢູ່ຕໍ່”]]></title>
            <link>https://vienglatysaydouangta.medium.com/7%E0%BB%80%E0%BA%AB%E0%BA%94%E0%BA%9C%E0%BA%BB%E0%BA%99-%E0%BA%97%E0%BA%B5%E0%BB%88%E0%BA%82%E0%BB%89%E0%BA%AD%E0%BA%8D%E0%BA%84%E0%BA%A7%E0%BA%99%E0%BA%A1%E0%BA%B5%E0%BA%8A%E0%BA%B5%E0%BA%A7%E0%BA%B4%E0%BA%94%E0%BA%A2%E0%BA%B9%E0%BB%88%E0%BA%95%E0%BB%8D%E0%BB%88-7ceabfbfed87?source=rss-83e7566b544a------2</link>
            <guid isPermaLink="false">https://medium.com/p/7ceabfbfed87</guid>
            <dc:creator><![CDATA[lilac]]></dc:creator>
            <pubDate>Wed, 19 Aug 2020 17:16:01 GMT</pubDate>
            <atom:updated>2020-08-19T17:38:29.918Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/510/0*WkWmXV3r6oJaRUVl.jpg" /></figure><p>ໃນໂລກນີ້, ທຸກຄົນລ້ວນແຕ່ພົບເຈີກັບຄວາມເຈັບປວດເສຍໃຈນຳກັນຫມົດທຸກຄົນ ບໍ່ວ່າຈະເປັນຄວາມເຈັບປວດທາງດ້ານຮ່າງກາຍ ຫຼື ຈິດໃຈ, ເຊິ່ງບໍ່ມີໃຜທີ່ຈະປາສະຈາກມັນໄດ້.ບາງຄົນເຈັບປວດທາງຈິດໃຈແລ້ວຈື່ງມາສົ່ງຜົນກະທົບທາງຮ່າງກາຍ, ແຕ່ສຳລັບບາງຄົນອາດຈະເຈັບປວດທາງສຸຂະພາບຮ່າງກາຍແລ້ວສົ່ງຜົນມາເຖິງຈິດໃຈ.</p><p>ໃນຊ່ວງເວລາດັ່ງກ່າວນີ້, ທຸກຄົນຍ່ອມຕ້ອງການຄົນເຂົ້າໃຈ ແລະ ຕ້ອງການຄວາມສົນໃຈເປັນພິເສດ. ຖ້າເຮົາຫາກຂາດກຳລັງໃຈ ຫຼື ມີພູມຄຸ້ມກັນທາງດ້ານຈິດໃຈບໍ່ແຂງແຮງ ກໍອາດຈະເຮັດໃຫ້ເຮົາຮູ້ສຶກໂດດດ່ຽວ, ບໍ່ມີຄົນເຂົ້າໃຈ ແລະ ບໍ່ຢາກໃຊ້ຊີວິດ ຫຼື ເຮັດຫຍັງເລີຍ. ແລະ ບາງຄັ້ງເຖິງຂັ້ນຕັ້ງຄຳຖາມກັບໂຕເອງວ່າ “<em>ເຮົາມີຊີວິດຢູ່ເທິງໂລກນີ້ໄປເຮັດຫຍັງ ?</em> “</p><p>ມື້ນີ້, ຜູ້ຂຽນມີຂໍ້ຄິດດີໆທີ່ຢາກບອກທຸກຄົນເຖິງສາເຫດທີ່ເຮົາຄວນມີຊີວິດຢູ່ຕໍ່ມາໃຫ້ທຸກຄົນໄດ້ອ່ານ ແລະ ຄິດຕຶກຕອງໄປພ້ອມໆກັນ. ເຊິ່ງເຫດຜົນດັ່ງກ່າວນີ້ ເປັນຄຳຕອບຂອງຄຳຖາມທາງດ້ານເທິງທີ່ຜູ້ຂຽນຄົ້ນຫາມັນມາດ້ວຍໂຕເອງ.</p><figure><img alt="" src="https://cdn-images-1.medium.com/max/510/0*-Nzyp5q5U648Aa9-.jpg" /></figure><ol><li><strong>ຢູ່ເພື່ອຕົວເອງ </strong>ຄືການທີ່ເຮົາລອງຄິດຈິນຕະນາການຍ້ອນກັບໄປແຕ່ອະດີດເຖິງປັດຈຸບັນວ່າເຮົາໄດ້ຜ່ານອຸປະສັກຫຍັງມາແນ່ແລ້ວກວ່າທີຈະໃຫຍ່ເປັນຄົນຜູ້ຫນຶ່ງມາໄດ້. ແລ້ວຄຳຖາມກໍຄື ເຮົາຈະຍອມໃຫ້ໂຕເອງຢູ່ຮອດເທົ່ານີ້ຫວາ ?</li></ol><p><strong>2. ຢູ່ເພື່ອຄອບຄົວ ແລະ ຄົນທີ່ເຮົາຮັກ </strong>ຫນຶ່ງເຫດຜົນຫຼັກໆທີ່ຜູ້ຂຽນຢາກນຳສະເໜີ ເພາະເວລາທີ່ເມື່ອຍແລະທໍ້ເທື່ອໃດ ສິ່ງທຳອິດທີ່ເຮົາມັກຈະຄິດຫາຄືຄົນຄອບຄົວ ແລະ ຄົນທີ່ເຮົາຮັກ ເພາະໃນຄວາມເປັນຈິງແລ້ວສິ່ງທີ່ເຮົາພະຍາຍາມຊອກຫາ ແລະ ຂົນຂວາຍຢູ່ທຸກມື້ນີ້ ນອກຈາກເພື່ອໂຕເຮົາເອງ ກໍເພື່ອຄວາມສຸກຂອງພວກເຂົາເຈົ້າທັງນັ້ນ. ສະນັ້ນ, ຄືຈະໜ້າເສຍດາຍຖ້າເຮົາບໍ່ໄດ້ຢູ່ເພື່ອເຮັດສິ່ງດີໆໃຫ້ພວກເຂົາເຈົ້າຕໍ່.</p><p><strong>3. ຢູ່ເພື່ອຮຽນຮູ້ຄວາມເຈັບປວດ</strong> (ຢາກວ່າຄຸ້ນໆຄືເນື້ອເພງເນາະ 555+) ມັນກໍຄືຄວາມຈິງຫັ້ນລະ ເຮົາຕ້ອງຢູ່ເພື່ອຮຽນຮູ້ສິ່ງທີ່ຜິດພາດເພື່ຶອເປັນປະສົບການຊີວິດ ແລະເປັນບົດຮຽນບໍ່ໃຫ້ເຮົາກ້າວພາດຊໍ້າໄດ້ອີກຮອບ.</p><p><strong>4. ຢູ່ເພື່ອເຮັດໃນສິ່ງທີ່ເຮົາຮັກ </strong>ເພາະທຸກຄົນມີຄວາມຝັນທີ່ຈະເຮັດບາງຢ່າງໃຫ້ສຳເລັດ ຖ້າເຮົາເລືອກທີ່ຈະຈາກໄປ ແລ້ວໃຜຈະສາມາດມາສານຕໍ່ໃຫ້ເຮົາ ?</p><p><strong>5. ຢູ່ເພື່ອພົບເຈີສິ່ງໃຫມ່ໆ</strong> ຍ້ອນວ່າໃນຈັກກະວານອັນໄກໂພ້ນນນນນນີ້ ຍັງມີອີກຫຼາຍສິ່ງຫຼາຍຢ່າງທີ່ເຮົາຍັງບໍ່ທັນໄດ້ເຫັນ, ບໍ່ທັນໄດ້ສຳຜັດທີ່ຍັງລໍຖ້າໃຫ້ເຮົາໄປຄົ້ນຫາອີກຫຼາຍຢ່າງ ຢ່າເຮັດໃຫ້ບັນຫາທີ່ເຮົາເຈີພຽງຢ່າງດຽວ ເຮັດໃຫ້ໂຕເອງຮູ້ສຶກທໍ້, ເພາະຊີວິດທາງຫນ້າຍັງມີອີກຫລາຍບັນຫາໃຫ້ເຮົາຕ້ອງແກ້ອີກຢູ່&gt;.&lt;</p><p><strong>6. ຢູ່ເພື່ອຊ່ວຍເຫຼືອຄົນທີ່ຂາດ </strong>ໃນໂລກນີ້ ບໍ່ໄດ້ມີພຽງຄົນທີເຮົາຢາກເປັນແບບເຂົາເທົ່ານັ້ນ ແຕ່ຍັງມີຄົນອີກຫຼາຍທີ່ຕ້ອງການເປັນແບບເຮົາ ຍ້ອນແນວນັ້ນ, ມັນຄືຊິດີກວ່າບໍ່ຖ້າເຮົາຍັງຢູ່ຕໍ່ເພື່ອສົ່ງຕໍ່ໂອກາດ ແລະ ສິ່ງທີ່ດີໆໃຫ້ເຂົາເຈົ້າ, ເພາະຄວາມສຸກຂອງການໃຫ້ຈະກາຍພະລັງບວກຂອງຊີວິດເຮົາໄດ້ສະເໝີ. :)</p><p><strong>7. ຢູ່ເພື່ອກິນອາຫານແຊບໆດີໆ </strong>ເພາະມັນຄືປັດໄຈທັງຫ້າຂອງມະນຸດນີ້ເອງ ໃນໂລກນີ້ຍັງມີອາຫານຫຼາຍປະເພດໃຫ້ເຮົາໄປຍັດລົງກະເພາະ, ລອງຄິດພາບເບິ່ງວ່າຖ້າເຮົາຕາຍໄປເຮົາຄົງຈະບໍ່ສາມາດລິ້ມລອງລົດຊາດອາຫານທີ່ແສນສຸດຈະແຊບຊ້ອຍນີ້ໄດ້ເລີຍ. (ຫນ້າເສຍດາຍເນາະ &gt;.&lt;)</p><figure><img alt="" src="https://cdn-images-1.medium.com/max/960/0*pe4yW5MKFAEn4paT.jpg" /></figure><p>ສຸດທ້າຍນີ້, ບໍ່ວ່າໃຜຈະພົບບັນຫາຫຍັງມາກໍຕາມ, ຜູ້ຂຽນກໍຂໍເປັນອີກກຳລັງໃຈຫນຶ່ງທີ່ຖ່າຍທອດຜ່ານຕົວຫນັງສືໄປຍັງທຸກຄົນ. ເຖິງມັນຊິຫນັກຫນາພຽງໃດກໍຕາມກໍຂໍໃຫ້ມີສະຕິຮັບມື ແລະ ຕໍ່ສູ້ຜ່ານພົ້ນທຸກບັນຫາໄປໃຫ້ໄດ້, ເພາະຕໍ່ໃຫ້ພາຍຸຈະພັດຮຸນແຮງປານໃດກໍຕາມ ສຸດທ້າຍແລ້ວ ມັນກໍຈະພັດຜ່ານ ແລະ ທ້ອງຟ້າທີ່ສວຍງາມຈະຄືນກັບມາຫາເຮົາສະເໝີ. :)</p><p>ຂອບໃຈຮູບພາບປະກອບ: Pixabay</p><img src="https://medium.com/_/stat?event=post.clientViewed&referrerSource=full_rss&postId=7ceabfbfed87" width="1" height="1" alt="">]]></content:encoded>
        </item>
        <item>
            <title><![CDATA[ຂ້ອຍຄືດວງຈັນ <Moon>…….]]></title>
            <link>https://vienglatysaydouangta.medium.com/%E0%BA%82%E0%BB%89%E0%BA%AD%E0%BA%8D%E0%BA%84%E0%BA%B7%E0%BA%94%E0%BA%A7%E0%BA%87%E0%BA%88%E0%BA%B1%E0%BA%99-moon-2dce3ee136e4?source=rss-83e7566b544a------2</link>
            <guid isPermaLink="false">https://medium.com/p/2dce3ee136e4</guid>
            <dc:creator><![CDATA[lilac]]></dc:creator>
            <pubDate>Sat, 06 Jun 2020 14:37:14 GMT</pubDate>
            <atom:updated>2020-06-06T14:37:14.339Z</atom:updated>
            <content:encoded><![CDATA[<p><strong>ຂ້ອຍຄືດວງຈັນ &lt;Moon&gt;…….</strong></p><figure><img alt="" src="https://cdn-images-1.medium.com/max/510/0*8uV6nIzStCVyGROe.jpg" /></figure><p>ມື້ນີ້ດວງຈັນງາມເນາະ ຄຳເວົ້ານີ້ມັນກະຄືກັບ ມື້ທີ່ເຈົ້າເຫັນຂ້ອຍມີຄວາມສຳຄັນຫັ້ນລະ ;)</p><p>ດວງຈັນແມ່ນດາວບໍລິວານທີ່ໝູນອ້ອມໂລກຂອງເຮົາ ມັນຢູ່ກັບເຮົາທຸກມື້ ແຕ່ກໍເປັນສິ່ງທີ່ເຮົາມັກເບິ່ງຂ້າມ.</p><p>ໃນຄວາມສຳພັນໃດຫນຶ່ງ ກໍຍ່ອມຕ້ອງມີຄົນສຳຄັນທີ່ໃຜກໍຕ້ອງການທີ່ປຽບດັ່ງດວງຕາເວັນທີ່ສ່ອງແສງສະຫວ່າງພ້ອມທັງໃຫ້ຄວາມອົບອຸ່ນ, ແລະ ຄົນທີ່ຖືກເບິ່ງຂ້າມດັ່ງດວງຈັນທີ່ຢູ່ກັບເຮົາທັງກາງວັນ ແລະ ກາງຄືນ ແຕ່ພັດເຫັນຄວາມສຳຄັນໃນມື້ເພັງຈັນເຕັມດວງກັບມື້ທີ່ທ້ອງຟ້າມືດມົວ. ເມື່ອວັນໃດທີ່ເດືອນມືດ ຫຼື ດວງຕາເວັນສ່ອງສະຫວ່າງດວງຈັນກໍຈະຖືກລືມເລືອນຫາຍໄປ.</p><figure><img alt="" src="https://cdn-images-1.medium.com/max/510/0*lLNaA2IlLtxnzQBj.jpg" /></figure><p>ບາງຄັ້ງໂລກນີ້ກໍບໍ່ຍຸດຕິທຳສຳລັບຫນຶ່ງຄົນທີ່ບໍ່ຕ້ອງເຮັດຫຍັງແຕ່ກໍໄດ້ຄຸນຄ່າຄວາມສຳຄັນໄປຄອບຄອງເອົາຊື່ໆ, ແຕ່ອີກຄົນຫນຶ່ງທີ່ພະຍາຍາມທຸ່ມເທກຳລັງກາຍໃຈໃຫ້ອີກຝ່າຍສົນໃຈ ຄອຍຢູ່ຄຽງຂ້າງຍາມມີບັນຫາ ແລະ ພ້ອມທີ່ຈະຍື່ນມືເຂົ້າໄປຊ່ວຍໃນຍາມທີ່ອີກຝ່າຍລົ້ມລົງ, ແຕ່ກໍໄດ້ກັບມາພຽງສະຖານະອີຫຍັງກະບໍ່ຮູ້ທີ່ບາງເທື່ອກໍລະບຸບໍ່ໄດ້ຊໍ້າ.</p><p>ແລ້ວຄຳຖາມກະຄື “ ເປັນຫຍັງຄືຍັງຢູ່ ? “ ກໍຍ້ອນຄິດວ່າຕົວເອງເປັນດວງຈັນນິລະ ທີ່ຍັງຄິດວ່າມື້ຫນຶ່ງເຂົາຈະຕ້ອງການ ແລະ ເຫັນຄວາມສຳຄັນເຮົາ, ຈຶ່ງເຮັດໃຫ້ຕັດຂາດຈາກຄວາມສຳພັນນີ້ບໍ່ໄດ້ຈັກເທື່ອ.</p><p>ກໍເລີຍຕ້ອງໃຊ້ຊີວິດຫມຸນອ້ອມເຂົາຕໍ່ໄປ “<em>ຄືກັບດວງຈັນທີ່ຍັງໝູນອ້ອມຫນ່ວຍໂລກບໍ່ໄປໃສ, ແຕ່ຫນ່ວຍໂລກພັດໄປໝູນອ້ອມດວງຕາເວັນ”</em> ຄິດມາມັນກໍເປັນຄວາມສຳພັນທີ່ແສນແປກພິລຶກ. ມະນຸດ ​​ກ ແລ່ນຕາມ ມະນຸດ ຂ, ສ່ວນມະນຸດ ຂ ກໍແລ່ນຕາມມະນຸດ ຄ ອີກຮອບ.</p><figure><img alt="" src="https://cdn-images-1.medium.com/max/510/0*JtysT-C65vg00NyW.jpg" /></figure><p>ຫລາຍຄົນອາດເວົ້າວ່າ ການເປັນດວງຈັນ ເປັນສິ່ງທີ່ໂງ່ງົມ ແລະ ບໍ່ມີຄວາມຫວັງ, ຢູ່ຄຽງຂ້າງສະເໝີແຕ່ເຂົາກັບບໍ່ເຫັນ. ແຕ່ສຳລັບຂ້ອຍແລ້ວ ຂ້ອຍກໍຍັງຍິນດີເປັນດວງຈັນທີ່ໄດ້ຢູ່ໃກ້ກັບເຈົ້າຕະຫລອດໄປ.</p><p>ເພາະສຸດທ້າຍແລ້ວ, ຕໍ່ໃຫ້ວັນເວລາຜັນຜ່ານ ແຕ່ດາວບໍລິວານດວງນີ້ກໍຍັງພັກດີຕໍ່ດາວໂລກສະເຫມີ. :)</p><p>ຂອບໃຈຮູບ: pixabay</p><img src="https://medium.com/_/stat?event=post.clientViewed&referrerSource=full_rss&postId=2dce3ee136e4" width="1" height="1" alt="">]]></content:encoded>
        </item>
        <item>
            <title><![CDATA[“ຄວາມພໍດີ” ທີ່ “ບໍ່ເທົ່າກັນ”]]></title>
            <link>https://vienglatysaydouangta.medium.com/%E0%BA%84%E0%BA%A7%E0%BA%B2%E0%BA%A1%E0%BA%9E%E0%BB%8D%E0%BA%94%E0%BA%B5-%E0%BA%97%E0%BA%B5%E0%BB%88-%E0%BA%9A%E0%BB%8D%E0%BB%88%E0%BB%80%E0%BA%97%E0%BA%BB%E0%BB%88%E0%BA%B2%E0%BA%81%E0%BA%B1%E0%BA%99-28452d6d1129?source=rss-83e7566b544a------2</link>
            <guid isPermaLink="false">https://medium.com/p/28452d6d1129</guid>
            <dc:creator><![CDATA[lilac]]></dc:creator>
            <pubDate>Fri, 05 Jun 2020 15:40:45 GMT</pubDate>
            <atom:updated>2020-06-05T15:57:49.389Z</atom:updated>
            <content:encoded><![CDATA[<p><strong>“ຄວາມພໍດີ” ທີ່ “ບໍ່ເທົ່າກັນ”</strong></p><figure><img alt="" src="https://cdn-images-1.medium.com/max/960/0*8DdpYQ-pOlvqUamJ.jpg" /></figure><p><em>ມີຫລາຍຄົນເຄີຍເວົ້າວ່າ “ບໍ່ຕ້ອງການຄົນທີ່ດີພໍ ຂໍແຕ່ເປັນຄົນທີ່ພໍດີ” ແລ້ວສິ່ງທີ່ພໍດີຂອງແຕ່ລະຄົນມັນເປັນແບບໃດລະ ?</em></p><p>ໃນແງ່ມຸມຂອງຄວາມຮັກເຮົາມັກຈະໄດ້ຍິນຄຳເວົ້າຂ້າງເທິງຜ່ານຫູມາເລື້ອຍໆ ແຕ່ກໍຍັງບໍ່ມີໃຜໃຫ້ຄຳຕອບໄດ້ ວ່າຄວາມພໍດີ ຈຸດສິ້ນສຸດມັນຢູ່ບ່ອນໃດ ? ແລະ ເຮົາສາມາດເອົາຫຍັງມາເປັນເຄື່ອງໝາຍໃນການວັດແທກ ?</p><p>ບາງຄົນອາດຕອບວ່າ ”ຄວາມພໍດີ”, ຄືການທີ່ສອງຝ່າຍພໍໃຈ ແລະ ເຂົ້າໃຈເຊິ່ງກັນ ແລະ ກັນເປັນຢ່າງດີ, ຕ່າງຝ່າຍຕ່າງສາມາດເຕີມເຕັມໃນສິ່ງທີ່ຂາດແລະແບ່ງປັນໃນສິ່ງທີ່ມີໄດ້, ໂດຍທີ່ບໍ່ໄດ້ເອົາປັດໄຈພາຍນອກ ລວມທັງວັດຖຸເປັນສິ່ງມາຕັດສິນ ຖ້າໃຜເປັນຢູ່ໃນສະຖານະການແບບນີ້ ຖືວ່າໂຊກດີທີີ່ສຸດແລ້ວ.</p><figure><img alt="" src="https://cdn-images-1.medium.com/max/507/0*dxwS5W3PRXm60Z0N.jpg" /></figure><p>ເພາະວ່າໃນຄວາມເປັນຈິງມະນຸດເຮົາເປັນສິ່ງທີ່ມີຊີວິດທີ່ມີຄວາມຕ້ອງການບໍ່ສິ້ນສຸດ, ແລ້ວເຮົາຈະສາມາດເອົາຄວາມຮັກ ແລະ ຄວາມພໍດີ ທີ່ເຮົາມີໃນຕອນນີ້ມາຕໍ່ສູ້ກັບຄວາມຢາກຂອງໂຕເອງໄດ້ຫຼືບໍ່ ?</p><p>ເລີ່ມຕົ້ນ, ເຮົາອາດຈະພໍໃຈໃນຄວາມສຳພັັນໃນປັດຈຸບັນ ແລະ ຍອມຮັບໃນສິ່ງທີ່ຕົວເອງມີ. ແຕ່ເມື່ອດົນໆແລ້ວ ເຮົາໄດ້ຮູ້ຈັກຕົວຕົນອີກຝ່າຍຫຼາຍຂຶ້ນ, ພ້ອມທັງໄປພົບກັນຫຼາຍສິ່ງຫຼາຍຢ່າງທີ່ຢູ່ອ້ອມຂ້າງແລ້ວເກີດການປຽບທຽບ, ການຄາດຫວັງ ຈົນເລີ່ມເກີດຄວາມບໍ່ແນ່ໃຈກັບຕົວເອງແລ້ວວ່າ ສິ່ງທີ່ເປັນຢູ່ຕອນນີ້ມັນດີແທ້ໆແລ້ວຫຼືບໍ່ ຫຼື ມັນຍັງບໍ່ພໍດີສຳລັບເຮົາ.</p><p>ເມື່ອຄວາມຄິດແບບນີ້ເກີດຂຶ້ນ ເຮົາກໍເລີ່ມຈະສັນຫາສິ່ງຕົວເອງຄິດວ່າຄູ່ຄວນ ຈົນຫຼົງລືມຄວາມພໍໃຈຕໍ່ຄວາມພໍດີທີ່ມີມາຕັ້ງແຕ່ຕົ້ນ, ເກີດຄວາມອຶດອັດໃຈ ແລະ ບໍ່ສະບາຍໃຈ. ຖ້າມາຮອດຈຸດນີ້ແລ້ວຈິດໃຈເຮົາບໍ່ຫນັກແຫນ້ນພໍກໍອາດທຳລາຍຄວາມສຳພັນລະຫວ່າງກັນລົງໄດ້ແບບບໍ່ຮູ້ຕົວ.</p><figure><img alt="" src="https://cdn-images-1.medium.com/max/843/0*wWBmpH5wPMe-F8AF.jpg" /></figure><p>ໃນມຸມມອງຂອງຜູ້ຂຽນແລ້ວ ເວລາເຮົາຮັກໃຜຜູ້ໜຶ່ງ ແນ່ນອນຢູ່ແລ້ວວ່າແຕ່ລະຝ່າຍຕ້ອງທຸ່ມເທຫຼາຍສິ່ງຫຼາຍຢ່າງໃນກັບຄົນຮັກເຮົາຫຼາຍທີ່ສຸດ ແລະ ຕ່າງຝ່າຍກໍຄິດວ່າສິ່ງທີ່ເຮົາໃຫ້ໄປມັນພໍດີສຳລັບອີກຝ່າຍແລ້ວ ແຕ່ຖ້າເກີດຍັງບໍ່ໍພໍໃຈ ຄວາມພະຍາຍາມທັງໝົດກໍກາຍເປັນສູນ, ຈົນເກີດເປັນທີ່ມາຂອງ ”ຄວາມພໍດີທີ່ບໍ່ເທົ່າກັນ”.</p><p>ແຕ່ເຖິງຢ່າງໃດກໍຕາມ ຄວາມຮັກເປັນສິ່ງແປກປະຫຼາດ ທີ່ບາງຄັ້ງເຮົາກໍຫາເຫດຜົນຈາກມັນບໍ່ໄດ້, ເພາະສະນັ້ນລອງກ້າວອອກຈາກຄຳວ່າດີພໍ ຫຼື ພໍດີ ມາໃຊ້ຊີວິດຢ່າງມີຄວາມສຸກກັບສິ່ງທີ່ຍັງຢູ່ກັບເຮົາໃນປັດຈຸບັນ ແລະ ຍັງສາມາດຈັບຕ້ອງໄດ້ດີກວ່າ. :)</p><p>ຂອບໃຈຮູບ: pixabay</p><img src="https://medium.com/_/stat?event=post.clientViewed&referrerSource=full_rss&postId=28452d6d1129" width="1" height="1" alt="">]]></content:encoded>
        </item>
        <item>
            <title><![CDATA[“ອາການ ‘Homesick’ ແມ່ນຫຍັງ ແລະ ເຮົາຄວນມີວິທີແກ້ໄຂແນວໃດ”]]></title>
            <link>https://vienglatysaydouangta.medium.com/%E0%BA%AD%E0%BA%B2%E0%BA%81%E0%BA%B2%E0%BA%99-homesick-%E0%BB%81%E0%BA%A1%E0%BB%88%E0%BA%99%E0%BA%AB%E0%BA%8D%E0%BA%B1%E0%BA%87-%E0%BB%81%E0%BA%A5%E0%BA%B0-%E0%BB%80%E0%BA%AE%E0%BA%BB%E0%BA%B2%E0%BA%84%E0%BA%A7%E0%BA%99%E0%BA%A1%E0%BA%B5%E0%BA%A7%E0%BA%B4%E0%BA%97%E0%BA%B5%E0%BB%81%E0%BA%81%E0%BB%89%E0%BB%84%E0%BA%82%E0%BB%81%E0%BA%99%E0%BA%A7%E0%BB%83%E0%BA%94-468edae61ab2?source=rss-83e7566b544a------2</link>
            <guid isPermaLink="false">https://medium.com/p/468edae61ab2</guid>
            <dc:creator><![CDATA[lilac]]></dc:creator>
            <pubDate>Wed, 09 Oct 2019 07:19:55 GMT</pubDate>
            <atom:updated>2019-10-09T07:19:55.414Z</atom:updated>
            <content:encoded><![CDATA[<p><strong><em>“ອາການ ‘Homesick’ ແມ່ນຫຍັງ ແລະ ເຮົາຄວນມີວິທີແກ້ໄຂແນວໃດ”</em></strong></p><figure><img alt="" src="https://cdn-images-1.medium.com/max/1000/0*lf9tA8gplrzKBc7L" /></figure><p>‘Homesick’ ຫລື ຄິດຮອດບ້ານ ແມ່ນອາການທີ່ມັກເກີດຂຶ້ນກັບຄົນທີ່ຕ້ອງໄດ້ໄປອາໄສຢູ່ຕ່າງຖິ່ນຖານ ຫຼື ຕ່າງປະເທດ ລວມທັງນັກສຶກສາທີ່ອາໄສຢູ່ຫໍພັກຄົນດຽວ, ເຊິ່ງສະແດງອອກດ້ວຍການຄິດຮອດບ້ານ, ຄິດຮອດພໍ່ແມ່, ອ້າຍເອື້ອຍນ້ອງ, ຄົນຮັກ, ຫມູ່ເພື່ອນ, ຍາດຕິພີ່ນ້ອງ ລວມໄປເຖິງ ສັດລ້ຽງ, ສິ່ງຂອງທີ່ສິ່ງອື່ນໆທີ່ຢູ່ໃນບ້ານເກີດຂອງຕົວຜູ້ກ່ຽວນັ້ນເອງ.</p><p><strong>ອາການຂອງ <em>‘Homesick’</em></strong></p><p>ຄົນທີ່ມີອາການດັ່ງກ່າວນີ້ ຈະຮູ້ສຶກໂສກເສົ້າ ຫຼື ຊຶມເສົ້າ, ບໍ່ມີຄວາມສຸກ. ພ້ອມກັບຕັ້ງຄຳຖາມກັບຕົວເອງເລື້ອຍໆວ່າ “ເຮົາມາເຮັດຫຍັງຢູ່ບ່ອນນີ້ ?”, “ເຮັດໄປເພື່ອຫຍັງ”? ເມື່ອຕັ້ງຄຳຖາມເຫລົ່ານີ້ຂຶ້ນມາແລ້ວ ໂຕເອງພັດຕອບບໍ່ໄດ້ ກໍຍິ່ງເຮັດໃຫ້ຮູ້ສຶກຊຶມເສົ້າຫລາຍກວ່າເກົ່າ. ສຳລັບບາງຄົນທີ່ບໍ່ຮູ້ຕົວວ່າ ຕົວເອງເຂົ້າຂ່າຍອາການນີ້ຫຼືບໍ່ ໃຫ້ລອງສັງເກດເບິ່ງວ່າ ຊ່ວງຫລັງໆມານີ້ ເຮົາມີອາການທໍ້ແທ້, ເບຶ່ອໜ່າຍກັບສິ່ງທີ່ໂຕເອງເຮັດບໍ່? ບາງຄັ້ງກໍມີອາລົມອ່ອນໄຫວ ເສຍນໍ້າຕາ ແລະ ໄຫ້ອອກມາແບບງ່າຍໆ ທັງທີບໍ່ເຄີຍເປັນມາກ່ອນ ເວລາເຈີບັນຫາ ຫຼື ອຸປະສັກພຽງຫນ້ອຍດຽວກໍຮູ້ສຶກອ່ອນໄຫວແລ້ວ.</p><figure><img alt="" src="https://cdn-images-1.medium.com/max/1000/0*ReyShd53hr5KgQ8J" /></figure><p><strong>ສາເຫດຂອງອາການ <em>‘Homesick’</em></strong></p><ol><li>ການເຈີສັງຄົມ, ວັດທະນະທຳໃຫມ່ໆທີ່ຮູ້ສຶກບໍ່ຄຸ້ນເຄີຍ ຍິ່ງຕ່າງຊາດຕ່າງພາສາ ກໍຍິ່ງຮູ້ສຶກປັບໂຕໄດ້ຍາກ ໂດຍສະເພາະຄົນທີ່ຂ່ອນຂ້າງບໍ່ຄ່ອຍກ້າສະແດງອອກ.</li><li>ສຳລັບບາງຄົນອາດຈະບໍ່ມີອາການດັ່ງກ່າວຕັ້ງແຕ່ເລີ່ມຕົ້ນ, ແຕ່ອາດຈະເປັນຊ່ວງຫລັງຈາກທີ່ຢູ່ໄດ້ໄລຍະຫນຶ່ງ ແລ້ວເລີ່ມຮູ້ສຶກວ່າ ສິ່ງຕ່າງໆທີ່ຢູ່ອ້ອມຕົວເຮົາບໍ່ຫນ້າຕື່ນເຕັ້ນ ເຊິ່ງອາດເປັນເພາະເຮົາຢູ່ກັບແຕ່ສິ່ງເກົ່າໆເຮັດຊໍ້າເກົ່າເລື້ອຍໆ.</li><li>ຕາມລະດູການ, ໂດຍສະເພາະ ລະດູໜາວກັບ ລະດູຝົນ. ຫລາຍຄົນເຄີຍສັງເກດບໍ່ວ່າ ຊ່ວງຍາມຝົນເຮົາຈະຮູ້ສຶກເສົ້າໆໄປຕາມສະພາບອາກາດ ບວກກັບເພງເສົ້າໆ ຫຼື ອົກຫັກຍິ່ງອາການຫນັກ ແລ້ວຍິ່ງມາຢູ່ຄົນດຽວຕ່າງບ້ານຕ່າງເມືຶອງແບບນີ້ບໍ່ຢາກຄິດພາບເລີຍ.</li></ol><figure><img alt="" src="https://cdn-images-1.medium.com/max/1000/0*YSeWu6K5x_AIpHEs" /></figure><p><strong>ວິທີແກ້ໄຂອາການ <em>‘Homesick’</em></strong></p><p>ກ່ອນອື່ນກະຂໍຍອມຮັບເລີຍວ່າຜູ້ຂຽນມີອາການດັ່ງກ່າວ ຈຶ່ງຢາກນຳມາແຊຣປະສົບການ ແລະ ເລົ່າເລື່ອງ ພວກທັງແນະນຳວິທີທີ່ຜູ້ຂຽນເຮັດແລ້ວໄດ້ຜົນ (ຕິເບາະ 555)ເຊິ່ງທຸກຄົນສາມາດນຳໄປປັບປ່ຽນໃຊ້ໄດ້ຕາມສະຖານະການ.</p><ol><li>ຢ່າຢູ່ຄົນດຽວ ພະຍາຍາມຢູ່ກັບຫມູ່ເພື່ອນ ຫລື ຫາເພື່ອນໃຫມ່ ແລະ ຮູ້ຈັກຄົນໃໝ່ໆຢູ່ສະເຫມີ, ພ້ອມທັງໃຫ້ເວລາກັບໂຕເອງ ໃນການປັບຕົວເຂົ້າກັບສະພາບແວດລ້ອມໃຫມ່ໆ ແລະ ຮຽນຮູ້ທີ່ຈະເຂົ້າມັນ</li><li>ສ້າງເປົ້າໃຫ້ກັບໂຕເອງ ຈົດແຜນງານໄວ້ວ່າ ມື້ນີ້ເຮົາຈະເຮັດຫຍັງຢູ່ໃສ ໄປໃສ ພ້ອມກັບຫາກິດຈະກຳເຮັດ ຢ່າປ່ອຍໃຫ້ໂຕເອງຫວ່າງ ເພາະຍິ່ງເຮັດໃຫ້ຄິດຫລາຍ ລອງເຮັດສິ່ງໃຫມ່ໆ ປະສົບການໃຫມ່ໆ ທີ່ໂຕເອງບໍ່ເຄີຍເຮັດລອງເບິ່ງ.</li><li>ເຝິກໃຫ້ໂຕເອງເປັນຄົນຄິດບວກ ເມື່ອຮູ້ສຶກວ່າໂຕເອງເລີ່ມຄິດລົບ ໃຫ້ລອງອອກໄປທາງນອກໄປຫາສິ່ງໃຫມ່ໆ ໄປທ່ຽວ ຫລື ຜ່ອນຄາຍ ຈະຊ່ວຍເຮັດໃຫ້ເຮົາສຶກດີກັບໂຕເອງຫລາຍຂຶ້ນ ຕົວຢ່າງ ເຊັ່ນ ນັ່ງຄາເຟ່ ຫາເຄື່ຶອງດື່ມດີໆຈັກຈອກ ເຄັກແຊບໆຈັກກ້ອນ &gt;.&lt;.</li><li>ຍິ້ມໃຫ້ກັບໂຕເອງ ພ້ອມກັບບອກໂຕເອງ(ເວົ້ານຳຕົວເອງກະໄດ້ ປລ. ຕອນຢູ່ຄົນດຽວເດີ້ &gt;.&lt; ) “ເຮົາມາເຖິງຈຸດນີ້ແລ້ວຖ້າຜ່ານມັນໄປໄດ້ ເຮົາກໍຈະເກັ່ງຂຶ້ນ ແລະ ພັດທະນາໂຕເອງໄປອີກລະດັບຫນຶ່ງ”.</li><li>ອອກກຳລັງກາຍ ພ້ອມກັບກິນອາຫານທີ່ມີປະໂຫຍດ ເພາະມັນຈະຊ່ວຍປັບຮໍໂມນ ແລະ ລົດຄວາມຕຶງຄຽດໄດ້ ( ເມື່ອກາຍພ້ອມ ໃຈກະພ້ອມ 555 )</li><li>ໂທຫາຄອບຄົວ, ຄົນຮັກ, ຫມູ່ເພື່ອນ ເພື່ອເລົ່າແລະລະບາຍບາງສິ່ງບາງຢ່າງທີ່ເຮົາເຈີແຕ່ລະມື້ໃຫ້ເຂົາໄດ້ຟັງ ເຖິງເຂົາຈະບໍ່ຢາກຟັງກໍຕາມ 555+ ຢ່າງນ້ອຍມັນກະບັນເທົາຄວາມຄິດຮອດບ້ານໄປໄດ້ຫັ້ນລະ.</li></ol><figure><img alt="" src="https://cdn-images-1.medium.com/max/1000/0*sWCvKNf3SMOTEw9W" /></figure><p>ສຸດທ້າຍຜູ້ຂຽນຂໍເປັນກຳລັງໃຈໃຫ້ທຸກຄົນທີ່ກຳລັງເຈີສະຖານະການດຽວກັນ ໃຫ້ຜ່ານພົ້ນມັນໄປໃຫ້ໄດ້, ຜູ້ຂຽນເຊື່ອວ່າການທີ່ເຮົາໄດ້ອອກມາໄກບ້ານຈະເຮັດໃຫ້ເຮົາກາຍເປັນຄົນທີ່ເຂັ້ມແຂງຂຶ້ນບໍ່ຫລາຍກໍຫນ້ອຍ, ຍິ່ງເດີນທາງໄກເທົ່າໃດ ຍິ່ງມີເລື່ອງລາວທີ່ຫນ້າຈົດຈຳຫລາຍຂຶ້ນເທົ່ານັ້ນ ພະຍາຍາມເກັບ, ຊຶມຊັບບັນຍາກາດເລົ່ານີ້ໄວ້ ແລະ ມີຄວາມສຸກ ແລະ ຍິ້ມໄປກັບທຸກເລື່ອງທີ່ຜ່ານເຂົ້າມາໃນຊີວິດ.</p><p>ຄວາມສຳເລັດ ລໍຖ້າທຸກຄົນຢູ່ ສູ້ໆ :)</p><img src="https://medium.com/_/stat?event=post.clientViewed&referrerSource=full_rss&postId=468edae61ab2" width="1" height="1" alt="">]]></content:encoded>
        </item>
        <item>
            <title><![CDATA[One day in Tsubame ຂອງນັກສຶກສາຝຶກງານທີ່ບໍ່ມີບ່ອນໄປ]]></title>
            <link>https://vienglatysaydouangta.medium.com/one-day-in-tsubame-%E0%BA%82%E0%BA%AD%E0%BA%87%E0%BA%99%E0%BA%B1%E0%BA%81%E0%BA%AA%E0%BA%B6%E0%BA%81%E0%BA%AA%E0%BA%B2%E0%BA%9D%E0%BA%B6%E0%BA%81%E0%BA%87%E0%BA%B2%E0%BA%99%E0%BA%97%E0%BA%B5%E0%BB%88%E0%BA%9A%E0%BB%8D%E0%BB%88%E0%BA%A1%E0%BA%B5%E0%BA%9A%E0%BB%88%E0%BA%AD%E0%BA%99%E0%BB%84%E0%BA%9B-783306aa52d9?source=rss-83e7566b544a------2</link>
            <guid isPermaLink="false">https://medium.com/p/783306aa52d9</guid>
            <dc:creator><![CDATA[lilac]]></dc:creator>
            <pubDate>Sun, 08 Sep 2019 05:57:19 GMT</pubDate>
            <atom:updated>2019-09-08T06:05:12.438Z</atom:updated>
            <content:encoded><![CDATA[<h4><strong>One day in Tsubame ຂອງນັກສຶກສາເຝິກງານທີ່ບໍ່ມີບ່ອນໄປ</strong></h4><p>ເມືອງ “Tsubame” ເປັນອີກເມືອງຫນຶ່ງຂອງແຂວງ “Niigata” ປະເທດຢີ່ປຸ່ນ (ຫລາຍຄົນຄືຊິຢາກຮູ້ຈັກເມືອງນີ້ຫລາຍກວ່ານີ້ ເອົາເປັນວ່າຖ້າຜູ້ຂຽນບໍ່ຄ້ານກ່ອນລະຊິມາເລົ່າໃຫ້ຟັງ).</p><p>ເຊິ່ງຜູ້ຂຽນໂຊກດີ(ຫລືບໍ່ 555) ທີ່ມີໂອກາດໄດ້ມາເຝິກງານຢູ່ນີ້ປະມານສອງອາທິດ, ແລະຈຸດເລີ່ມຕົ້ນຂອງທຣິບນີ້ແມ່ນມາຈາກຜູ້ຂຽນ ແລະ ຜູ້ຮ່ວມຊະຕາກຳ(ສະດວກເອິ້ນແບບນີ້) ມີມື້ພັກຢູ່ສອງມື້ (ເສົາ, ອາທິດ). ແລະ ເມືອງນີ້ກໍຂຶ້ນຊື່ເລື່ອງຄວາມງຽບສະຫງົບ(???) ຈຶ່ງໄດ້ຕົກລົງກັນວ່າເຮົາມາທັງທີ ຕ້ອງຫາບ່ອນທ່ຽວໃຫ້ໄດ້, ເມື່ອພາກັນລອງຄົ້ນຫາຢູ່ Google ຈຶ່ງພົບກັບສະຖານທີ່ທ່ອງທ່ຽວແຫ່ງຫນຶ່ງເຊິ່ງເປັນ Popular (ຜູ້ຂຽນຄິດເອງ) ນັ້ນກໍຄື “Yahiko Mountain” ເຊິ່ງໃນຂໍ້ມູນເຂົາບອກວ່າເປັນຈຸດຊົມວິວທີ່ງາມທີ່ສຸດຂອງເມືອງ. ສະນັ້ນ…..</p><p>ເຮົາກໍວາບມາເຖິງ Tsubame Station ເພື່ອລໍຖ້ານັ່ງລົດໄຟໄປຫາຈຸດຫມາຍປາຍທາງຂອງພວກເຮົາ ເຊິ່ງພວກເຮົາກໍໄດ້ນັ່ງຖ້າອີຫລີ 555 ເພາະມາກ່ອນລົດໄຟເກືອບຫນຶ່ງຊົ່ວໂມງ ເຊິ່ງຄ່າລົດໄຟສຳລັບໄປຮອດ Yahiko Station ແມ່ນປະມານ 240 ເຢນ ຕໍ່ຖ້ຽວ (ໄປ-ກັບ 480)</p><figure><img alt="" src="https://cdn-images-1.medium.com/max/1024/1*1cwWJscnQ1FWGR1MDKd9dg.jpeg" /></figure><p>ເມື່ອລໍຖ້າລົດໄຟພໍສົມຄວນແລ້ວເຮົາກໍເດີນທາງມາເຖິງຈຸດຫມາຍຂອງພວກເຮົາເຊິ່ງໃຊ້ເວລາເດີນທາງປະມານ 30 ນາທີ. ເມື່ອມາຮອດກໍເຈີກັບສະຖານີທີ່ມີການຕົກແຕ່ງສວຍງາມເປັນເອກະລັກຕ່າງຈາກບ່ອນອື່ນ.</p><figure><img alt="" src="https://cdn-images-1.medium.com/max/1024/1*hCa1H34vcadN2S4cb9CAmA.jpeg" /></figure><p>ເຊິ່ງອອກຈາກນີ້ເຮົາກໍຈະຕ້ອງຍ່າງໄປອີກປະມານ 20–30 ນາທີ ເພື່ອຮອດຈຸດຫມາຍ ເຊິ່ງລະຫວ່າງທາງເຮົາກໍສາມາດເຫັນໄດ້ເຖິງບັນຍາກາດຂອງຫມູ່ບ້ານ Yahigo Village ເຊິ່ງຍັງຄົງຄວາມເປັນກິ່ນອາຍຂອງຢີ່ປຸ່ນແທ້ໆ ພ້ອມທັງມີຄາເຟ່ແລະຮ້ານຂາຍເຄື່ອງທີ່ລະນຶກຫນ້າຮັກໆຕາມແຄມທາງ</p><figure><img alt="" src="https://cdn-images-1.medium.com/max/1024/1*2gpj3Hu5uKbuZBe_MM6Omg.jpeg" /></figure><p>ແລະແລ້ວ ເຮົາກໍມາຮອດ…… . ຈຸດແວະພັກລະຫວ່າງທາງ 5555 ເນື່ອງຈາກໄລຍະທາງມັນໄກ ຈຶ່ງຂໍພັກກິນກະແລ່ມແປບຫນຶ່ງ ແລະຈຸດພັກທີ່ວ່ານີ້ກໍມີທັງຮ້ານອາຫານ, ຮ້ານຄ້າທີ່ຂາຍເຄື່ອງທີ່ລະນຶກພ້ອມທັງຜົນຜະລິດທາງການກະເສດຂອງຫມູ່ບ້ານ ເຊິ່ງຜູ້ຂຽນສອຍຫມາກອະງຸ່ນມາແພັກຫນຶ່ງ (ຂໍອະໄພທີ່ລືມຖ່າຍຮູບສະຖານທີ່ ກິນເພີນໂພດ 555)</p><figure><img alt="" src="https://cdn-images-1.medium.com/max/1024/1*rc26jS3iAmG017DgAG9-1Q.jpeg" /></figure><p>ຫລັງຈາກກິນແລ້ວໆກໍຍ່າງຂຶ້ນພູວົນໄປຈ່ະ</p><figure><img alt="" src="https://cdn-images-1.medium.com/max/1024/1*rjKA56qUeM95pLXCa1-fSg.jpeg" /></figure><p>ໃຊ້ເວລາເກືອບເຄິ່ງມື້ ເອີ້ຍຍຍ ເຄິ່ງຊົ່ວໂມງເຮົາກໍມາຮອດທາງຂຶ້ນ Yahiko moutain</p><figure><img alt="" src="https://cdn-images-1.medium.com/max/1024/1*LNJ-CisODXvOVw1fau80Yw.jpeg" /></figure><p>ເມື່ອຍ່າງເຂົ້າໄປເຮົາຈະພົບກັບຕົ້ນໄມ້ຂະຫນາດໃຫຍ່ທີ່ປົກຄຸມຕະຫລອດທາງຍ່າງ ເຮັດໃຫ້ອາກາດສົດຊື່ນເຢັນສະບາຍ ພ້ອມຍັງມີຫ້ວຍນໍ້ານ້ອຍໆໄຫລຜ່ານອີກດ້ວຍ</p><figure><img alt="" src="https://cdn-images-1.medium.com/max/1024/1*NzUooeHojvErhYIkNlgKaA.jpeg" /></figure><p>ແລະແລ້ວເຮົາກໍມາພົບກັບ ວັດ Yahiko ເຊິ່ງເປັນບ່ອນດຶງດູດນັກທ່ອງທ່ຽວໃຫ້ແວະຊົມແລະໄຫວ້ພຣະຂໍພອນຫລາຍສົມຄວນ</p><figure><img alt="" src="https://cdn-images-1.medium.com/max/1024/1*dMISOnCbAmkS5YvO_0OLtQ.jpeg" /></figure><p>ກ່ອນຈະຂື້ນໄປຈຸດຊົມວິວ ພວກເຮົາມີສອງທາງເລືອກໃຫ້ເລືອກ ນັ້ນກໍຄື ຍ່າງຂຶ້ນເອງvsເສຍຂຶ້ນກະເຊົ້າ( Ropeway), ເຊິ່ງແນ່ນອນແລ້ວວ່າພວກເຮົາເລືອກ “ເສຍເງິນ ດີກວ່າ ເສຍເຫື່ອ 555” ແລະ ຄ່າໃຊ້ຈ່າຍສຳລັບນັ່ງ Ropewa ໄປກັບກໍຕົກຢູ່ທີ່ 1500 ເຢນ (ຊື້ເຂົ້າກິນໄດ້3–4 ຄາບ ;) . ແລະ ລະຫວ່າງນັ່ງຂຶ້ນໄປເຮົາກໍສາມາດເຫັນມຸມສູງຂອງເມືຶອງ ເຊິ່ງອ້ອມຮອບໄປດ້ວຍທົ່ງນາທີ່ກ້ວາງສຸດສາຍຕາ</p><figure><img alt="" src="https://cdn-images-1.medium.com/max/1024/1*kPyEnrpYmV3JJEpXx6TbjA.jpeg" /></figure><p>ແລະແລ້ວກໍມາຮອດຈຸດສູງສຸດຂອງ “Yahiko Mountain” ທີ່ເຮົາແບກສັງຂານຂຶ້ນມາ, ເຖິງມັນຈະໃຊ້ເວລາດົນແລະຫມົດເງິນໄປຫລາຍເຕີບ (ດຽວໆ), ແຕ່ມັນກໍຄຸ້ມຄ່າ ເພາະເຮົາໄດ້ພົບກັບວິວທີ່ສວຍງາມຫນ້າປະທັບໃຈ ຝັ່ງຫນຶ່ງເປັນທະເລ ສ່ວນອີກຝັ່ງຫນຶ່ງ ກໍເປັນວິວຕົວເອງເມືອງທີ່ປະສົມປະສານກັນລະຫວ່າງ ທົ່ງນາ, ບ້ານເຮືອນ, ແລະ ໂຮງງານອຸດສາຫະກຳໄດ້ຢ່າງລົງຕົວ.</p><figure><img alt="" src="https://cdn-images-1.medium.com/max/1024/1*aBzxfMq-5w5mvuEeL-Xxew.jpeg" /></figure><p>ເມື່ອຊຶມຊັບກັບບັນຍາກາດຈົນເຕັມອີ່ມແລ້ວ ກໍເຖິງເວລາກັບ. ທາງທີ່ພວກເຮົາເລືອກກັບເປັນອີກເສັ້ນທາງຫນຶ່ງທີ່ໄປຮອດສະຖານີ ໂດຍການຍ່າງຜ່ານສວນສາທາລະນະທີ່ຕ້ອງໄດ້ຍ່າງຜ່ານອຸໂມງແລະມີຂົວຂ້າມນໍ້າທີ່ເຫມາະແກ່ການຖ່າຍຮູບທີ່ສຸດ ຍິ່ງຖ້າມາຊ່ວງໃບໄມ້ປ່ຽນສີຄືຊິງາມກວ່ານີ້ອີກຫລາຍເທົ່າ</p><figure><img alt="" src="https://cdn-images-1.medium.com/max/1024/1*rOk2C5zQ_PHFsn_jO6_tmw.jpeg" /></figure><p>ແລະແລ້ວເຮົາກໍເຖິງສະຖານີເພື່ອຖ້ານັ່ງລົດໄຟກັບທີ່ພັກ, ມາຮອດຈຸດນີ້ເຊື່ອແລ້ວວ່າປາຍທາງທີ່ເຮົາຈະໄປ ບາງເທື່ອມັນກໍບໍ່ໄດ້ສຳຄັນເທົ່າການຊຶມຊັບບັນຍາກາດ ແລະ ເຫດການລະຫວ່າງການເດີນທາງໄດ້ເລີຍ.</p><figure><img alt="" src="https://cdn-images-1.medium.com/max/1024/1*ipS0I9pw5eE73eaqOjThjw.jpeg" /></figure><p>ສຳລັບການເດີນທາງໃນຄັ້ງນີ້ ຫລາຍຄົນອາດຄິດວ່າມັນເປັນທຣິບທີ່ແສນທຳມະດາ ແຕ່ໃນມຸມຂອງຜູ້ຂຽນແລ້ວມັນເປັນສິ່ງທີ່ຫນ້າປະທັບຫລາຍ ໂດຍສະເພາະເດັກນ້ອຍຄົນຫນຶ່ງທີ່ໄດ້ມາໃຊ້ຊີວິດຢູ່ຕ່າງແດນເປັນເວລາຫນຶ່ງເດືອນເຕັມ ທີ່ໄດ້ມາເຫັນໃນສິ່ງທີ່ໂຕເອງບໍ່ເຄີຍເຫັນ, ມາສຳຜັດໃນສິ່ງທີ່ໂຕເອງບໍ່ເຄີຍຄິດວ່າຈະມີໂອກາດມາສຳພັດ, ຢ່າງນ້ອຍຜູ້ຂຽນກໍມີອີກເລື່ອງເລົ່າຫນື່ງທີ່ຕັ້ງໃຈເລົ່າໃຫ້ຄົນອື່ນຟັງເຖິງຄວາມຮູ້ສຶກຂອງໂຕເອງຜ່ານຮູບພາບແລະຕົວຫນັງສືກໍພໍແລ້ວ.</p><figure><img alt="" src="https://cdn-images-1.medium.com/max/1024/1*TD7aEc9wnBlX3U8DereyJA.jpeg" /></figure><p>ຂອບໃຈທັງຜູ້ຮ່ວມຊະຕາກຳ ແລະ ຜູ້ທີ່ອ່ານມາຈົນຮອດບ່ອນນີ້, ສຳລັບຮູບເຕັມແມ່ນສາມາດຕິດຕາມຜ່ານ FB ແລະ IG ຂອງຜູ້ຂຽນໄດ້ (ຕາມອາລົມມື້ທີ່ຢາກໂພສ).</p><p><strong>ແລ້ວພົບກັນໃຫມ່ :)</strong></p><img src="https://medium.com/_/stat?event=post.clientViewed&referrerSource=full_rss&postId=783306aa52d9" width="1" height="1" alt="">]]></content:encoded>
        </item>
        <item>
            <title><![CDATA[ການຮັບມືກັບອາລົມຄວາມເສົ້າເສຍໃຈຕາມແບບສະບັບຂອງຜູ້ຍິງອິນດີ້]]></title>
            <link>https://vienglatysaydouangta.medium.com/%E0%BA%81%E0%BA%B2%E0%BA%99%E0%BA%AE%E0%BA%B1%E0%BA%9A%E0%BA%A1%E0%BA%B7%E0%BA%81%E0%BA%B1%E0%BA%9A%E0%BA%AD%E0%BA%B2%E0%BA%A5%E0%BA%BB%E0%BA%A1%E0%BA%84%E0%BA%A7%E0%BA%B2%E0%BA%A1%E0%BB%80%E0%BA%AA%E0%BA%BB%E0%BB%89%E0%BA%B2%E0%BB%80%E0%BA%AA%E0%BA%8D%E0%BB%83%E0%BA%88%E0%BA%95%E0%BA%B2%E0%BA%A1%E0%BB%81%E0%BA%9A%E0%BA%9A%E0%BA%AA%E0%BA%B0%E0%BA%9A%E0%BA%B1%E0%BA%9A%E0%BA%82%E0%BA%AD%E0%BA%87%E0%BA%9C%E0%BA%B9%E0%BB%89%E0%BA%8D%E0%BA%B4%E0%BA%87%E0%BA%AD%E0%BA%B4%E0%BA%99%E0%BA%94%E0%BA%B5%E0%BB%89-e2dd85b22485?source=rss-83e7566b544a------2</link>
            <guid isPermaLink="false">https://medium.com/p/e2dd85b22485</guid>
            <dc:creator><![CDATA[lilac]]></dc:creator>
            <pubDate>Sun, 26 May 2019 15:34:22 GMT</pubDate>
            <atom:updated>2019-05-26T16:21:53.713Z</atom:updated>
            <content:encoded><![CDATA[<h3>ການຮັບມືກັບອາລົມຄວາມເສົ້າເສຍໃຈຕາມແບບສະບັບຂອງ #ຜູ້ຍິງອິນດີ້</h3><figure><img alt="" src="https://cdn-images-1.medium.com/max/1024/1*c1RhZqvD5_av00OC75ulWQ.jpeg" /></figure><p>ມະນຸດເຮົາເປັນສິ່ງທີ່ມີຊີວິດທີ່ມີການສະແດງອອກຂອງອາລົມແລະຄວາມຮູ້ສຶກຫລາຍທີ່ສຸດ ບໍ່ວ່າຈະມີອາການດີໃຈ ເສຍໃຈ ຫຼື ເສົ້າໃຈ. ເຊິ່ງແຕ່ລະຄົນຈະມີຂີດຈຳກັດຂອງການເກັບຄວາມຮູ້ສຶກໄດ້ບໍ່ເທົ່າກັນແລະ ມີວິທີສະແດງອອກແຕກຕ່າງກັນ.</p><p>ແນ່ນອນວ່າ, ຫລາຍຄົນກໍເຄີຍມີອາການເສົ້າເສຍໃຈ, ແລະຄວາມເສຍໃຈນັ້ນເກີດມາຈາກຫລາຍສາເຫດເຊັ່ນ: ຄວາມຜິດຫວັງໃນຊີວິດ, ການສູນເສຍ, ການຖືກທຳຮ້າຍຈິດໃຈ ລວມໄປເຖິງການຜິດຫວັງຈາກຄວາມຮັກເຊັ່ນດຽວກັນ.</p><p>ເຮົາບໍ່ສາມາດເອົາຄວາມເສຍໃຈຂອງແຕ່ລະຄົນມາປຽບທຽບຊັ່ງຊາໄດ້ວ່າ ໃຜເສຍໃຈຫລາຍ-ຫນ້ອຍກວ່າກັນ, ບັນຫາຫນັກຫລືເບົາກວ່າ, ເພາະແຕ່ລະຄົນມີຂີດຈຳກັດຂອງການຮັບຄວາມຮູ້ສຶກໄດ້ບໍ່ເທົ່າກັນ ບາງຄົນສະແດງອອກເຖິງຄວາມເສຍໃຈໄດ້ຫລາຍກວ່າ ແຕ່ອີກຄົນຫນຶ່ງພັດເລືອກທີ່ຈະເກັບຄວາມເສຍໃຈໄວ້ກັບໂຕເອງແລະສະແດງມັນອອກມາໃຫ້ຫນ້ອຍທີ່ສຸດ.</p><p>ບາງຄັ້ງການທີ່ເຮົາເສຍໃຈແລ້ວມານັ່ງເສຍເວລາຄິດຫາມັນ ແລະ ຈົມຢູ່ໃນສະຖານະການແບບນັ້ນມັນບໍ່ໄດ້ກໍ່ໃຫ້ເກີດປະໂຫຍດໃດໆກັບໃຜເລີຍ, ເອົາເວລາທີ່ເຮົາມານັ່ງໂທດຄົນອື່ນ, ໂທດສິ່ງຕ່າງໆທີ່ພາໃຫ້ເຮົາເຈັບປວດ ລວມທັງການໂທດໂຕເອງ ມາຮັບມື ແລະ ແກ້ໄຂມັນດີກວ່າ.</p><figure><img alt="" src="https://cdn-images-1.medium.com/max/1024/1*oCikLazipVVn6rBEy4PRtA.jpeg" /></figure><p><strong>“ຍອມຮັບຄວາມຈິງ ແລະ ມີສະຕິ”: </strong>ກ່ອນອື່ນຫມົດເຮົາຕ້ອງຍອມຮັບໃຫ້ໄດ້ກ່ອນວ່າມັນເກີດຂຶ້ນໄປແລ້ວ ເຮົາບໍ່ສາມາດຍ້ອນເວລາກັບໄປແກ້ໄຂໄດ້ອີກ, ບໍ່ໂວຍວາຍ ຈົມຢູ່ກັບບັນຫາ ພ້ອມທັງມີສະຕິຕໍ່ສິ່ງທີ່ກຳລັງເກີດໃຫ້ຫລາຍທີ່ສຸດ.</p><p><strong>“ລະບາຍ, ເປີດໃຈແລະຮັບຟັງ”: </strong>ເວລາທີ່ທຸກຄົນເກີດບັນຫາແນ່ນອນແລ້ວວ່າ ເຮົາຕ້ອງໃຜຄົນຫນຶ່ງມາຮັບຟັງ,ເຂົ້າໃຈ,ໃຫ້ຄຳປຶກສາ ແລະຢູ່ຂ້າງໆ ຖ້າມີແບບນັ້ນຖືວ່າເຮົາເປັນຄົນຫນຶ່ງທີ່ໂຊກດີແລ້ວ. ແຕ່ສຳລັບບາງຄົນທີ່ຍັງບໍ່ສາມາດເລົ່າສິ່ງທີ່ຕົນເອງພົບເຈີມາໃຫ້ຄົນອື່ນຟັງໄດ້ກໍລອງລະບາຍມັນອອກມາຜ່ານຕົວຫນັງສື ໂດຍການລອງຈັບເຈ້ຍແຜ່ນຫນຶ່ງມາຂຽນລະບາຍຄວາມຮູ້ສຶກຂອງໂຕເອງລົງໄປໃນນັ້ນໃຫ້ຫມົດ ແລ້ວລອງໂຍນມັນຖິ້ມໄປໄກທີ່ສຸດ ຄືກັບວ່າເຮົາກຳລັງຖິ້ມຄວາມເສຍໃຈອອກໄປຈາກຕົວເຮົາ.</p><p><strong>“Social Media ບໍ່ແມ່ນທີ່ປຶກສາແລະທີ່ລະບາຍທີ່ດີສະເຫມີໄປ”</strong>: ຫຼາຍຄົນເລືອກທີ່ຈະລະບາຍຄວາມຮູ້ສຶກຫລືສິ່ງທີ່ຕົວເອງກຳລັງປະສົບລົງໃນໂລກອອນລາຍ ເພາະຄິດວ່າມັນເປັນວິທີ່ທີ່ງ່າຍແລະໃກ້ຕົວ ແຕ່ເຮົາຈະຮູ້ໄດ້ແນວໃດວ່າສິ່ງທີ່ເຮົາໂພສຫຼືແຊຣໄປມັນຈະດີຕໍ່ຕົວເຮົາຫລືບໍ່??? ບາງຄັ້ງມັນກໍອາດຈະເປັນອາວຸດທີ່ກັບມາທຳຮ້າຍແລະສົ່ງຜົນກະທົບຕໍ່ຕົວເຮົາກໍ່ໄດ້, ສະນັ້ນລອງເຮັດຕາມວິທີຂ້າງເທິງແມ່ນດີທີ່ສຸດ.</p><figure><img alt="" src="https://cdn-images-1.medium.com/max/1024/1*-OgxhOMixxPXf6v-0bCPJQ.jpeg" /></figure><p><strong>“ຮຽນຮູ້ແລະເຂົ້າໃຈ”: </strong>ຕ້ອງຮັບຮູ້ແລະເຂົ້າໃຈວ່າ ທຸກຄົນທີ່ເກີດຍ່ອມຕ້ອງພົບກັບຄວາມຜິດຫວັງເສຍໃຈ ແຕ່ຄວາມຜິດຫວັງນັ້ນເກີດມາຈາກຕົວເຮົາເອງທີ່ໄປຄາດຫວັງໃນສິ່ງໃດຫນຶ່ງຫລາຍເກີນໄປ ຈົນພາໃຫ້ຕົວເອງເປັນທຸກ ການບໍ່ຄາດຫວັງໃນທີ່ນີ້ບໍ່ແມ່ນຫມາຍເຖິງການບອກໃຫ້ທຸກຄົນບໍ່ມີຄວາມຫວັງ ແຕ່ມັນແມ່ນການ<strong>ຄາດຫວັງ </strong>ວ່າຈະສົມຫວັງ<strong> </strong>ແລະ ເ<strong>ຜື່ອໃຈ </strong>ຍອມຮັບຄວາມຜິດຫວັງໄວ້ເຊັ່ນກັນ.</p><p><strong>“ໃຊ້ຊີວິດປົກກະຕິ”: </strong>ບໍ່ວ່າການເກີດເຫດການໃດຂຶ້ນມາໃນຊີວິດ ສຸດທ້າຍແລ້ວເຮົາກໍຍັງຕື່ນນອນ, ກິນອາຫານ, ເຮັດກິດຈະກຳປະຈຳວັນ, ແລະເຂົ້ານອນເປັນປົກກະຕິ ບາງຄັ້ງເຮົາອາດຈະຮູ້ສຶກແປກໆກັບມັນ ແຕ່ເຖິງຢ່າງໃດກໍຕາມຕໍ່ໃຫ້ໂສກເສົ້າເສຍໃຈພຽງໃດເຮົາກໍຍັງຕ້ອງເຮັດຫນ້າທີ່ຕາມປົກກະຕິຂອງມະນຸດທົ່ວໄປ . ເວລາທີ່ພັດຜ່ານໄປຈະຊ່ວຍໃຫ້ຄວາມເຈັບປວດຄ່ອຍໆຈາງຫາຍໄປເອງຈົນເຮົາບໍ່ຮູ້ຕົວ.</p><p><strong>“ຮັກຕົວເຮົາເອງຫຼາຍຂື້ນ”: </strong>ເຄີຍມີຄົນເວົ້າວ່າ “ການຮັກໂຕເອງຫມາຍເຖິງການພັກຜ່ອນໃຫ້ພຽງພໍ, ອອກກຳລັງກາຍ, ດື່ມນໍ້າໃຫ້ຫຼາຍໆ ພ້ອມທັງກິນອາຫານທີ່ມີປະໂຫຍດ”. ແຕ່ເທົ່ານັ້ນຍັງບໍ່ພໍ ການຮັກໂຕເອງໃນທີ່ນີ້ກໍຄື ການພາໂຕເອງອອກມາຈາກສະພາບແວດລ້ອມທີ່ພາໃຫ້ບັ່ນທອນຈິດໃຈແລະຄວາມຮູ້ສຶກ ຫລີກເວັ້ນຜູ້ຄົນ, ສັງຄົມ,ຫລືສະຖານທີ່ ທີ່ພາໃຫ້ເຮົາຈົມຢູ່ກັບຄວາມເສົ້າເສຍໃຈ ກ້າທີ່ຈະຕັດບາງສິ່ງບາງຢ່າງທີ່ເຮັດໃຫ້ໂຕເຮົາເກີດມີຄວາມທຸກອອກໄປ.</p><p><strong>“ຍິ້ມແລະສ້າງຄວາມສຸກໃຫ້ກັບຕົວເອງ”:</strong> ຮອຍຍິ້ມແລະສຽງຫົວທີ່ຈິງໃຈ ເປັນສິ່ງທີ່ສ້າງຄວາມສຸກໃຫ້ທັງເຈົ້າຕົວແລະຜູ້ພົບເຫັນ ມັນສາມາດເຮັດໃຫ້ຄົນເຮົາມີຄວາມສຸກໃນຊ່ວງຫນຶ່ງ ໃນແຕ່ລະມື້ເຮົາຄວນຍິ້ມແລະຊື່ນຊົມຄວາມເຂັ້ມແຂງໃຫ້ກັບຕົວເອງທີ່ສາມາດຜ່ານມາໄດ້ຂະຫນາດນີ້. ພ້ອມກັບການຢູ່ກັບຕົວເອງໃຫ້ຫລາຍຂຶ້ນ, ເປັນໃນສິ່ງທີ່ຕົວເອງຢາກເປັນ, ລອງເຮັດໃນສິ່ງທີ່ຕົວເອງຢາກເຮັດ ແລະ ເດີນທາງໄປຍັງສະຖານທີ່ທີ່ຕົວເອງຢາກໄປພຽງເທົ່ານີ້ກໍສາມາດສ້າງຄວາມສຸກໃຫ້ຕົວເອງໄດ້ແລ້ວ.</p><figure><img alt="" src="https://cdn-images-1.medium.com/max/1024/1*VoZdpkjc71bdQTYyApJxDg.jpeg" /></figure><p><strong>“ບາດແຜແລະຄວາມເຈັບປວດຈະສອນໃຫ້ເຮົາເຂັ້ມແຂງຂຶ້ນ”: </strong>ຄົນທີ່ຈະປະສົບຜົນສຳເລັດໄດ້ຕ້ອງເລີ່ມມາຈາກຄວາມຜິດພາດລອງຜິດລອງຖືກມາຊ່ວງເວລາຫນຶ່ງເສຍກ່ອນ, ເຊັ່ນດຽວກັບຄວາມເຈັບປວດແລະເສຍໃຈໃນຕອນນີ້ ແລະ ໃນອະດີດຈະຊ່ວຍໃຫ້ເຮົາກາຍເປັນຄົນທີ່ມີຈິດໃຈເຂັ້ມແຂງບໍ່ຫວັ່ນໄຫວກັບສິ່ງອ້ອມຂ້າງທີ່ຈະພາໃຫ້ຕົວເອງເປັນທຸກໄດ້ງ່າຍ. ເວລາທີ່ປະສົບກັບຄວາມເສຍໃຈ, ບົດຮຽນທີ່ຜ່ານມາມີຫລາຍເທົ່າໃດ ກໍຈະສ້າງພູມຄຸ້ມກັນຕໍ່ຄວາມເຈັບປວດໄດ້ຫລາຍເທົ່ານັ້ນ. ມີຄຳເວົ້າຫນຶ່ງທີ່ຄຸ້ນຫູວ່າ “ຄົນເຮົາຍິ່ງອົກຫັກຈາກຄວາມຮັກຫລາຍເທົ່າໃດ ເທື່ອຖັດໄປຈະເຮັດໃຫ້ເຮົາມີສະຕິໃນການຮັກໃຜຄົນຫນຶ່ງຫລາຍຂຶ້ນ”</p><p>ທັງຫມົດນີ້ ຜູ້ຂຽນພຽງແຕ່ຕ້ອງການຢາກບອກວ່າການທີ່ເຮົາຈົມຢູ່ກັບຄວາມເສຍໃຈມັນບໍ່ໄດ້ຊ່ວຍໃຫ້ຫຍັງດີຂຶ້ນ ຢ່າເອົາຄວາມເສຍໃຈພຽງຄັ້ງດຽວມາຖ່ວງດືງຊີວິດເຮົາ.ລອງເບິ່ງໂລກໃຫ້ກວ້າງຂຶ້ນດ້ວຍເຫດຜົນແລ້ວເຮົາຈະພົບວ່າຍັງມີອີກຫລາຍຊີວິດທີ່ເປັນແບບດຽວກັບເຮົາ ແຕ່ເຂົາກໍຍັງຢູ່ກັບມັນໄດ້ ເຮົາກໍຕ້ອງລຸກຂຶ້ນມາຕໍ່ສູ້ກັບມັນ ແລະ ກ້າວຕໍ່ໄປທາງຫນ້າ. ທຸກບາດແຜທີ່ພົບເຈີໃນເສັ້ນທາງຂອງຊີວິດຈະສອນເຮົາໃຫ້ຮູ້ຈັກກັບຊີວິດຫລາຍຂຶ້ນ <strong>ຈົ່ງຍິນດີທີ່ຈະພົບກັບມັນ</strong>.</p><p>ຂອບໃຈຮູບພາບປະກອບ.</p><img src="https://medium.com/_/stat?event=post.clientViewed&referrerSource=full_rss&postId=e2dd85b22485" width="1" height="1" alt="">]]></content:encoded>
        </item>
        <item>
            <title><![CDATA[“ວິທີຮັບມືກັບການປ່ຽນແປງໃນຊີວິດຢ່າງມີສະຕິ” ຕາມແບບສະບັບຂອງ ​​​#ຜູ້ຍິງອິນດີ້]]></title>
            <link>https://vienglatysaydouangta.medium.com/%E0%BA%A7%E0%BA%B4%E0%BA%97%E0%BA%B5%E0%BA%AE%E0%BA%B1%E0%BA%9A%E0%BA%A1%E0%BA%B7%E0%BA%81%E0%BA%B1%E0%BA%9A%E0%BA%81%E0%BA%B2%E0%BA%99%E0%BA%9B%E0%BB%88%E0%BA%BD%E0%BA%99%E0%BB%81%E0%BA%9B%E0%BA%87%E0%BB%83%E0%BA%99%E0%BA%8A%E0%BA%B5%E0%BA%A7%E0%BA%B4%E0%BA%94%E0%BA%A2%E0%BB%88%E0%BA%B2%E0%BA%87%E0%BA%A1%E0%BA%B5%E0%BA%AA%E0%BA%B0%E0%BA%95%E0%BA%B4-%E0%BA%95%E0%BA%B2%E0%BA%A1%E0%BB%81%E0%BA%9A%E0%BA%9A%E0%BA%AA%E0%BA%B0%E0%BA%9A%E0%BA%B1%E0%BA%9A%E0%BA%82%E0%BA%AD%E0%BA%87-%E0%BA%9C%E0%BA%B9%E0%BB%89%E0%BA%8D%E0%BA%B4%E0%BA%87%E0%BA%AD%E0%BA%B4%E0%BA%99%E0%BA%94%E0%BA%B5%E0%BB%89-b46daa820f30?source=rss-83e7566b544a------2</link>
            <guid isPermaLink="false">https://medium.com/p/b46daa820f30</guid>
            <dc:creator><![CDATA[lilac]]></dc:creator>
            <pubDate>Sun, 26 Aug 2018 15:39:38 GMT</pubDate>
            <atom:updated>2018-08-26T16:35:40.409Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/642/1*fnQ5-Qg7w1BI7ZBi6Dx6dw.jpeg" /></figure><p>ທຸກສິ່ງໃນໂລກບໍ່ມີຫຍັງທີ່ແນ່ນອນ ແລະ ຄົງຢູ່ຕະຫລອດໄປ. ມັນຍ່ອມມີການປ່ຽນແປງ, ຫມູນວຽນ, ຜັນປ່ຽນໄປຕາມການເວລາ ແລະ ເກີດຂຶ້ນດັບໄປຕາມອາຍຸໄຂຂອງມັນ.</p><p>ຄືກັບຄົນເຮົາທີ່ບໍ່ໃຜຢືນຢຸດນິ້ງຢູ່ບ່ອນເກົ່າ, ທຸກເວລາທຸກວິນາທີກໍຕ້ອງມີການເຄື່ອນໄຫວ ເພື່ອພາຊີວິດຕົນເອງໃຫ້ກ້າວເດີນຕໍ່ໄປທາງຫນ້າຫລືຖອຍຫລັງກໍຕາມ ມື້ໃດທີ່ຄົນເຮົາຢືນຢຸດນີ້ງ ກໍຄືມື້ທີ່ເຮົາຫມົດລົມຫາຍໃຈແລ້ວ.</p><p>ມັນຈະດີບໍ່ ຖ້າເຮົາຮູ້ຈັກຮັບມື ແລະ ຍອມຮັບການປ່ຽນແປງທີ່ກຳລັງປະສົບຫລືກຳລັງຈະເກີດຂຶ້ນໃນອະນາຄົດຢ່າງມີສະຕິ ແລະ ເຂົ້າໃຈ.</p><figure><img alt="" src="https://cdn-images-1.medium.com/max/1024/1*8fjd49ah25EVCcZK9foHpw.jpeg" /></figure><p>ມື້ນີ້ຜູ້ຂຽນກໍມີວິທີທີ່ຕົນເອງໃຊ້ມາໂດຍຕະຫລອດມານຳສະເໜີ ເຊິ່ງວິທີການດັ່ງກ່າວແມ່ນໄດ້ນຳມາຈາກການສຶກສາຄົ້ນຄວ້າ, ບວກກັບສິ່ງທີ່ປະສົບໃນຊີວິດຈິງທີ່ຮັບຮູ້ແລະເຂົ້າໃຈມາອະທິບາຍເພື່ອເປັນອີກແນວທາງຫນຶ່ງໃຫ້ຜູ້ອ່ານຫລາຍຄົນໄດ້ຮັບຮູ້ໄປພ້ອມໆກັນ.</p><ol><li><em>ຍອມຮັບຄວາມເປັນຈິງວ່າທຸກຢ່າງບໍ່ມີຫຍັງແນ່ນອນສະເຫມີໄປ.</em></li><li><em>ຢ່າຍຶດຕິດ ແລະ ຄາດຫວັງກັບສິ່ງໃດຫນຶ່ງພຽງຢ່າງດຽວ.</em></li><li><em>ຮຽນຮູ້ການປ່ອຍວາງ ແລະ ເຂົ້າໃຈເຖິງທຸກສາເຫດຂອງປ່ຽນແປງ.</em></li><li><em>ຮູ້ຈັກປັບຕົວໃຫ້ເຂົ້າກັບການປ່ຽນແປງໃນທຸກສະຖານະການທີ່ກຳລັງເກີດຂຶ້ນ.</em></li><li><em>ຢູ່ກັບປັດຈຸບັນ ແລະ ເຮັດໃຫ້ການປ່ຽນແປງກາຍເປັນພຽງສ່ວນຫນຶ່ງໃນຊີວິດເຮົາ.</em></li></ol><figure><img alt="" src="https://cdn-images-1.medium.com/max/525/1*ITU_RxAmMARwI1c2aG3EbQ.jpeg" /></figure><p>ທັັງຫມົດ 5 ຂໍ້ທີ່ກ່າວມາຂ້າງເທິງນັ້ນ ກໍຄືຢາກໃຫ້ເຮົາທຸກຄົນຍອມຮັບຄວາມເປັນຈິງຂອງຊີວິດວ່າມັນຕ້ອງການປ່ຽນແປງຢູ່ສະເຫມີ ບໍ່ວ່າມັນຈະເກີດຂຶ້ນຈາກຄວາມບັງເອີນ ຫຼື ຕັ້ງໃຈຂອງໃຜກໍຕາມ ທຸກການປ່ຽນແປງໃດຫນຶ່ງມັນກໍໃຫ້ເກີດສິ່ງໃຫມ່ ເຊິ່ງອາດຈະມີທັງດີແລະບໍ່ດີປະປົນກັນໄປ.</p><p>ບໍ່ມີສິ່ງໃດທີ່ມັນຈະຢູ່ຄົງທົນ ໂດຍສະເພາະຈິດໃຈແລະຄວາມຮູ້ສຶກຂອງມະນຸດເຮົາ ໃນຕອນນີ້ເຮົາອາດຈະພໍໃຈກັບສິ່ງທີ່ຕົນເອງເປັນຢູ່, ແຕ່ຕໍ່ໄປໃນອະນາຄົດ ຖ້າເຮົາໄປເຈີສິ່ງໃຫມ່ທີ່ດີກວ່າໃຈເຮົາກໍຕ້ອງມີການປ່ຽນແປງໄປບໍ່ຫລາຍກໍຫນ້ອຍ.</p><p>ຄວາມຕ້ອງການຂອງມະນຸດເປັນສິ່ງທີ່ບໍ່ມີມື້ສິ້ນສຸດ ຄົນທີ່ເຮົາຄິດວ່າເຂົາສົມບູນແບບທຸກຢ່າງ ສຸດທ້າຍເຂົາກໍຍັງສະແດງຫາຕໍ່ໆໄປຈົນຮອດມື້ສຸດທ້າຍໃນຊີວິດຂອງເຂົາເຈົ້າ.</p><figure><img alt="" src="https://cdn-images-1.medium.com/max/1024/1*irqlCk76_iCEpDXppS1EQA.jpeg" /></figure><p>ເຮົາບໍ່ສາມາດຍຶດຕິດ ແລະ ຄາດຫວັງກັບສິ່ງໃດຫນຶ່ງພຽງຢ່າງດຽວ, ເຮົາຕ້ອງຮູ້ຈັກປ່ອຍວາງເພາະບໍ່ມີຄວາມສຸກໃດທີ່ມັນຍືນຍົງ ແລະ ບໍ່ມີຄວາມທຸກໃດທີ່ມັນຄົງທົນໄປຕະຫລອດ. ມື້ນີ້ເຮົາອາດຈະຍັງຄົງຍິ້ມໃຫ້ກັນ ມື້ອື່ນ ຫລື ມື້ຕໍ່ໆໄປ ເຮົາອາດຈະບໍ່ໄດ້ເຫັນຫນ້າກັນອີກກໍເປັນໄດ້, ຈາກມິດຈະກາຍເປັນສັດຕູ ຫລືບໍ່ ສັດຕູກໍອາດກາຍເປັນມິດໄດ້.</p><p>ຕອນນີ້ເຮົາອາດຈະຍັງຄົງຮັກຄົນນີ້ ແລ້ວມື້ຕໍ່ໄປເດ ເຮົາຈະຍັງຮັກເຂົາຫລືບໍ? ບໍ່ມີໃຜກ້າຕອບຄຳຖາມນີ້ ເພາະເລິກໆເຮົາກໍຍັງບໍ່ຫມັ້ນໃຈໃນໂຕເຮົາເອງ ຂະຫນາດຈິດໃຈຂອງເຮົາແທ້ໆ ເຮົາຍັງບັງຄັບບໍ່ໄດ້ ໃຈຄົນອື່ນກໍຍິ່ງເປັນໄປບໍ່ໄດ້ເລີຍ.</p><p>ການປ່ອຍວາງເປັນສິ່ງທີ່ດີ ແຕ່ມັນກໍບໍ່ໄດ້ຫມາຍເຖິງເຮົາຊິປ່ອຍປະລະເລີຍສິ່ງທີ່ມີຢູ່ຕອນນີ້ດ້ວບເຫດຜົນທີ່ວ່າ ສຸດທ້າຍມັນກະປ່ຽນແປງໄປຢູ່ດີ. ເຮົາຕ້ອງຢູ່ກັບສິ່ງທີ່ເຮົາມີຕອນນີ້ໃຫ້ມີຄວາມສຸກຫລາຍທີ່ສຸດ.</p><figure><img alt="" src="https://cdn-images-1.medium.com/max/592/1*R9CtWohRN7Tx9nQF1VGn9w.jpeg" /></figure><p>ເຂົ້າໃຈວ່າທຸກການແປງປ່ຽນຍ່ອມມີສາເຫດຂອງມັນ ເຊິ່ງບາງສາເຫດເຮົາກໍຍັງຮັບມັນບໍ່ໄດ້ ແຕ່ເຮົາກໍຕ້ອງຮູ້ຈັກປັບຕົວໃຫ້ເຂົ້າເຖິງທຸກສະຖານະການທີ່ກຳລັງຈະເກີດຂຶ້ນຢ່າງມີສະຕິ ແລະ ຮອບຄອບ ຊີວິດຄົນເຮົາມັນຕ້ອງເດີນຕໍ່ໄປຢູ່ສະເຫມີ ຢ່າມົວມານັ່ງຫາເຫດຜົນຂອງການປ່ຽນແປງ ຫຼື ການຈາກໄປຂອງສິ່ງໃດຫນຶ່ງ .</p><p>ເຮົາຕ້ອງຮຽນຮູ້ທີ່ຈະຢູ່ກັບປັດຈຸບັນ ແລະ ບໍ່ຕື່ນເຕັ້ນກັບທຸກເຫດການໃນຊີວິດຫລາຍເກີນໄປ ຄິດພຽງແຕ່ວ່າມັນເປັນສິ່ງທີ່ເຮົາຕ້ອງພົບເຈີໄປຕະຫລອດໃນອະນາຄົດ. ຖ້າຕອນນີ້ສິ່ງທີ່ເຮົາກຳລັງເຮັດຢູ່ມັນຍັງບໍ່ທັນດີເທົ່າທີ່ຄວນ ກໍຕ້ອງເຮັດໃຫ້ມັນດີຂຶ້ນກວ່າເກົ່າໃນເວລາຂ້າງຫນ້າ.ຈົ່ງເຮັດຕົວໃຫ້ເປັນຄືກັບນໍ້າ ຕໍ່ໃຫ້ປ່ຽນພາຊະນາໄປ ແຕ່ກໍຍັງຄົງເປັນນໍ້າຄືເກົ່າ.</p><figure><img alt="" src="https://cdn-images-1.medium.com/max/717/1*47bJWQsjDtxrVyiEqK48DQ.jpeg" /></figure><p>“ life is not about waiting for the storm to pass, It is about learning to dance in the rain”</p><p>( ເພາະຊີວິດຂອງຄົນເຮົາບໍ່ແມ່ນການລໍຖ້າໃຫ້ພາຍຸພັດຜ່ານໄປ, ແຕ່ມັນຄືການຮຽນຮູ້ທີ່ຈະເຕັ້ນຢູ່ທ່າມກາງສາຍຝົນ).</p><img src="https://medium.com/_/stat?event=post.clientViewed&referrerSource=full_rss&postId=b46daa820f30" width="1" height="1" alt="">]]></content:encoded>
        </item>
        <item>
            <title><![CDATA[“ທິດສະດີຄວາມຮັກຂອງ #ຜູ້ຍິງອິນດີ້2018”]]></title>
            <link>https://vienglatysaydouangta.medium.com/%E0%BA%97%E0%BA%B4%E0%BA%94%E0%BA%AA%E0%BA%B0%E0%BA%94%E0%BA%B5%E0%BA%84%E0%BA%A7%E0%BA%B2%E0%BA%A1%E0%BA%AE%E0%BA%B1%E0%BA%81%E0%BA%82%E0%BA%AD%E0%BA%87-%E0%BA%9C%E0%BA%B9%E0%BB%89%E0%BA%8D%E0%BA%B4%E0%BA%87%E0%BA%AD%E0%BA%B4%E0%BA%99%E0%BA%94%E0%BA%B5%E0%BB%892018-e04dbddc18ce?source=rss-83e7566b544a------2</link>
            <guid isPermaLink="false">https://medium.com/p/e04dbddc18ce</guid>
            <dc:creator><![CDATA[lilac]]></dc:creator>
            <pubDate>Thu, 02 Aug 2018 16:47:30 GMT</pubDate>
            <atom:updated>2018-08-03T01:43:20.857Z</atom:updated>
            <content:encoded><![CDATA[<p><strong>“ທິດສະດີຄວາມຮັກຂອງ #ຜູ້ຍິງອິນດີ້2018”</strong></p><figure><img alt="" src="https://cdn-images-1.medium.com/max/400/1*dkY4W-uszoxrnukBpqKeyg.jpeg" /></figure><p>ຄວາມຮັກເປັນສິ່ງທີ່ສວຍງາມ ເປັນນາມມະທຳທີ່ຈັບຕ້ອງບໍ່ໄດ້, ບໍ່ສາມາດເບິ່ງເຫັນ, ບໍ່ມີຕົວຕົນ ແຕ່ທຸກຄົນກໍຍັງສະແຫວງຫາມັນຢູ່ຕະຫລອດເວລາແລະຍຶດຖືຄະຕິທີ່ວ່າ “ຂ້ອຍບໍ່ສາມາດຢູ່ໄດ້ ຖ້າປາສະຈາກຄວາມຮັກ”.</p><p>ຫລາຍຄົນຍອມຖິ້ມຄວາມເປັນໂຕເອງ, ຍອມທຳຮ້າຍຄວາມຮູ້ສຶກຂອງຄົນອື່ນ, ຍອມເຮັດໃນສິ່ງຕົນເອງບໍ່ເຄີຍເຮັດ ແລະ ເຮັດໃນສິ່ງທີ່ຕົນເອງບໍ່ມັກ. ທັງຫມົດນີ້ ພຽງເພາະຄຳວ່າ “ ຮັກ “ ຄຳດຽວ.</p><p>ທຸກຢ່າງມັນກໍຕ້ອງມີອາຍຸໄຂຂອງມັນ ບໍ່ມີສິ່ງໃດທີ່ມັນຢູ່ຄົງທົນຕະຫລອດໄປ ມື້ນີ້ເວລານີ້ ເຮົາອາດຈະມັກເຮັດສິ່ງນີ້ ແຕ່ເຮົາກໍບໍ່ຮູ້ວ່າໃນອະນາຄົດເຮົາຈະຍັງມັກມັນຫລືບໍ່? ຄວາມຮັກກໍເຊັ່ນກັນ ເຮົາບໍ່ສາມາດໃຫ້ຄຳຕອບກັບໂຕເອງໄດ້ວ່າ ເຮົາຈະຮັກຄົນໆນີ້ຕະຫລອດໄປ ໄດ້ຫລືບໍ່ ຄົນທີ່ຢືນຢູ່ຂ້າງເຮົາຕອນນີ້ຈະຢູ່ກັບເຮົາໄປຕະຫລອດຊີວິດບໍ່ ບໍ່ມີສິ່ງໃດແນ່ນອນ ໂດຍສະເພາະໃຈຄົນ</p><p>ບໍ່ມີໃຜພໍໃຈໃນສິ່ງທີ່ຕົນເອງມີໄດ້ ຖ້າເຮົາຢາກໃຫ້ສິ່ງໃດຫນຶ່ງຢູ່ກັບເຮົາໄດ້ດົນ ເຮົາກໍຕ້ອງຮູ້ຈັກຮັກສາແລະດູແລຢ່າງຖືກວິທີ</p><p><strong><em>“ແລ້ວເຮົາຈະມີວິທີແນວໃດ ເພື່ອໃຫ້ຄວາມຮັກຂອງເຮົາທັງສອງຍືນຍາວ ?”</em></strong></p><figure><img alt="" src="https://cdn-images-1.medium.com/max/400/1*ciZz_c0H4GruvTyiLIhKtg.jpeg" /></figure><p>ຄຳຖາມທີ່ເປັນຄຳຖາມໂລກແຕກທີ່ທຸກຄົນບໍ່ສາມາດໃຫ້ຄຳຕອບທີ່ຊັດເຈນ ແລະ ໃຫ້ແນວທາງທີ່ແນ່ນອນໄດ້ ຍ້ອນວ່າຄວາມຮັກຂອງທຸກຄົນ ຍ່ອມມີຫລາຍຮູບແບບທີ່ແຕກຕ່າງກັນ ແຕ່ຜູ້ຂຽນກໍມີອີກແນວທາງຫນຶ່ງທີ່ສາມາດແນະນຳໄດ້ກະຄື “ ທິດສະດີຄວາມຮັກແບບ ສອງວົງກົມທີ່ວາງຊ້ອນກັນ”</p><p><strong><em>“ທິດສະດີວົງກົມສອງອັນວາງຊ້ອນກັນຄື???”</em></strong></p><figure><img alt="" src="https://cdn-images-1.medium.com/max/866/1*6N6-RZQZh5o8PkjfWqf7BA.jpeg" /></figure><p>ຫລາຍຄົນອາດຈະຈື່ໄດ້ໃນບົດຮຽນວິຊາຄະນິດສາດ ທີ່ມັນມີຮູບວົງກົມສອງອັນວາງຊ້ອນກັນ ແລ້ວອາຈານຈະໃຫ້ເຮົາຄິດໄລ່ຊອກຫາພື້ນທີ່ຮວມກັນແລະພື້ນທີ່ທີຍັງເຫລືອຂອງທັງສອງອັນ ຖ້າເຮົາປຽບທຽບຄວາມຮັກຂອງຄົນສອງຄົນ ຄືກັບສອງວົງມົນນີ້ ທີ່ມີທັງພຶ້ນທີ່ຂອງຂ້ອຍ,ເຈົ້າ ແລະ ພື້ນທີ່ຂອງເຮົາ.</p><p>ເພາະວ່າທຸກຄົນທີ່ໄດ້ພົບເຈີແລະສ້າງສຳພັນກັນສ່ວນໃຫຍ່ແມ່ນບໍ່ໄດ້ຮູ້ຈັກກັນມາແຕ່ເກີດ, ທຸກຄົນຕ່າງມີຊີວິດທີ່ເປັນຂອງໂຕເອງມາກ່ອນ, ມີຄອບຄົວ, ມີຫມູ່ເພື່ອນ, ມີຄົນຮູ້ຈັກ, ມີສັງຄົມເປັນຂອງຕົວເອງ. ສະນັ້ນ, ຈະໃຫ້ອີກຝ່າຍປ່ຽນແປງກໍເປັນໄປບໍ່ໄດ້ ບໍ່ມີໃຜທີ່ຈະສາມາດປ່ຽນຫຼືຖິ້ມສິ່ງຕົນເອງເປັນມາຕະຫລອດຊີວິດໄດ້ຫມົດທຸກຢ່າງ.</p><p><strong><em>ຕ້ອງເຂົ້າໃຈວ່າ “ຄວາມຮັກບໍ່ແມ່ນການປ່ຽນແປງ ແຕ່ແມ່ນການປັບຕົວເຂົ້າຫາກັນ”</em></strong></p><figure><img alt="" src="https://cdn-images-1.medium.com/max/400/1*z1jW0X0GfnyMjWq0BetJBw.jpeg" /></figure><p>ທັງຫມົດນີ້ກໍເພື່ອໃຫ້ຄວາມສຳພັນມີຄວາມສົມດຸນລະຫວ່າງສອງຝ່າຍທີ່ຕ່າງຝ່າຍຕ່າງເຂົ້າໃຈກັນ ເປີດໃຈລົມໃນສິ່ງທີ່ທັງສອງຄົນຕ້ອງການ.ເຈົ້າແລະຂ້ອຍກໍມີຍ່ອມເວລາ ມີພື້ນທີ່ສ່ວນຕົວຂອງຕົນເອງ ພ້ອມດຽວກັນນັ້ນເຮົາທັງສອງກໍຕ້ອງມີພື້ນທີ່ຂອງເຮົາເຊັ່ນກັນ. ຄວາມຮັກບໍ່ແມ່ນການອອກຄຳສັ່ງ ຫຼື ການຮ້ອງຂໍ ແຕ່ທຸກສິ່ງທີ່ກະທຳອອກມາຄວນອອກມາຈາກຫົວໃຈ ແລະ ຄວາມຕັ້ງໃຈຂອງອີກຝ່າຍຫລາຍກວ່າ ບາງຄັ້ງລອງປັບປ່ຽນຫາກັນເທື່ອລະຫນ້ອຍມັນອາດຈະເປັນການດີ.</p><p><strong><em>“ເພາະຄວາມຮັກບໍ່ແມ່ນການຢູ່ນຳກັນຕະຫລອດເວລາ”</em></strong></p><figure><img alt="" src="https://cdn-images-1.medium.com/max/400/1*nqeWUWtYko0l77uaIZh3Yw.jpeg" /></figure><p>ເຮົາທຸກຄົນກໍຕ້ອງມີຫນ້າທີ່ ມີສິ່ງທີ່ຕ້ອງຮັບຜິດຊອບເປັນຂອງຕົນເອງ ເວັ້ນໄລຍະຫ່າງ ຖ້າໂຕຕິດກັນຫລາຍເກີນໄປ ອາດຈະສ້າງຄວາມລຳຄານໃຫ້ແກ່ກັນ, ລອງປ່ອຍໃຫ້ຕ່າງຝ່າຍຕ່າງໃຫ້ມີເວລາໄດ້ຄິດຮອດກັນ ຄອຍໃຫ້ກຳລັງໃຈ, ສະແດງຄວາມຫ່ວງໄຍ, ບໍ່ຫວງຫລາຍຈົນເກີນໄປ ໃຫ້ຄວາມເຊື່ອໃຈກັນ. ພ້ອມທັງເຮັດໃຫ້ອີກຝ່າຍເຫັນວ່າ ເຮົາພ້ອມຈະຍືນຢູ່ຄຽງຂ້າງເຂົາສະເໝີ ໃນຕອນນີ້ເຈົ້າກໍເຮັດຫນ້າທີ່ຂອງເຈົ້າໄປ ສ່ວນຂ້ອຍກໍເຮັດຫນ້າທີ່ຂອງຂ້ອຍເຊັ່ນກັນ ເມື່ອຫນ້າທີ່ນັ້ນສິ້ນສຸດລົງ ສຸດທ້າຍເຮົາກໍຈະມີເວລາຂອງເຮົາສອງຄົນຄືກັນ .</p><p><strong><em>“ເປັນຕົວຂອງຕົວເອງແຕ່ເລີ່ມຕົ້ນ ພ້ອມທັງຮຽນຮູ້ອີກຝ່າຍໄປພ້ອມໆກັນ”</em></strong></p><figure><img alt="" src="https://cdn-images-1.medium.com/max/400/1*AnUjtATXdVRM4sdgZQoOFw.jpeg" /></figure><p>ຄືການທີ່ເຮົາບໍ່ຄວນປິດບັງຄວາມເປັນຕົວເອງເພື່ອໃຫ້ອີກຝ່າຍພໍໃຈ, ບາງຄົນພະຍາຍາມສ້າງໂປຣຟາຍຂອງຄົນເອງໃຫ້ດີ ເພື່ອໃຫ້ຄົນຮັກປະທັບໃຈ, ສຸດທ້າຍແລ້ວເຂົາກໍບໍ່ໄດ້ຮັກຈາກສິ່ງທີ່ຢູ່ພາຍໃນຕົວຕົນຂອງເຈົ້າ, ເຂົາພຽງແຕ່ຮັກເປືອກພາຍນອກທີ່ເຈົ້າເປັນຄົນສ້າງຂຶ້ນ ເມື່ອສິ່ງທີ່ປີດບັງໄວ້ເລີ່ມເປີດເຜີຍອອກມາ ຈົນເຂົາຮູ້ສຶກວ່າທ່ານເລີ່ມປ່ຽນໄປ ແລະ ບໍ່ຄືຕອນທີ່ຄົບກັນໃໝ່ໆ ຈົນສຸດທ້າຍຕ່າງຝ່າຍຕ່າງເລີ່ມຮູ້ສຶກວ່າທີ່ຜ່ານມາເຮົາບໍ່ໄດ້ຮູ້ຈັກກັນເລີຍ. ທາງທີ່ດີເຮົາຄວນຄ່ອຍໆສຶກສາຮຽນຮູ້ກັນໄປ ສຶກສາຂໍ້ດີຂໍ້ເສຍຂອງອີກຝ່າຍ ປັບຈູນຄວາມຄິດ ຄວາມຕ້ອງການໃຫ້ມີຄວາມເຂົ້າໃຈກັນຫລາຍຂຶ້ນ.</p><p><strong><em>“ຫລາຍເກີນໄປກໍບໍ່ດີ ຫນ້ອຍເກີນໄປກໍບໍ່ພໍ”</em></strong></p><figure><img alt="" src="https://cdn-images-1.medium.com/max/400/1*folEWtwCvZyDccXF7xRHZw.jpeg" /></figure><p>ຄວາມຮັກກໍຄືກັບຕົ້ນໄມ້ ຖ້າເຮົາຫົດນໍ້າຫລາຍ ຫຼື ຫນ້ອຍເກີນໄປ ຕົ້ນໄມ້ກໍ່ສາມາດຈະເລີນເຕີບໃຫຍ່ໄດ້ ແຕ່ຖ້າເຮົາຮູ້ຈັກດູແລບົວລະບັດຮັກສາຫົດນໍ້າຢ່າງສະຫມໍ່າສະເຫມີ ຕົ້ນໄມ້ທີ່ເຮົາປູກມັນກໍສາມາດຈະເລີນງອກງາມໄດ້ ພ້ອມດຽວກັນນັ້ນເຮົາຕ້ອງຮູ້ຈັກຕົ້ນໄມ້ຕົ້ນນັ້ນຢ່າງດີ ເພາະຕົ້ນໄມ້ແຕ່ລະຊະນິດມີຄວາມຕ້ອງການທີ່ແຕກຕ່າງກັນ. ຄົນເຮົາທຸກຄົນກໍຍ່ອມມີຄວາມຕ້ອງການຫລາຍຫນ້ອຍບໍ່ເທົ່າກັນ.</p><p>ຖ້າເຮົາໃຫ້ຫລາຍຕັ້ງແຕ່ເລີ່ມຕົ້ນ ເມື່ອເວລາຜ່ານໄປແລ້ວເຮົາຮູ້ສຶກເບື່ອຫລືເມື່ອຍທີ່ຕ້ອງເຮັດແບບນີ້ ເມື່ອເຮົາເລີ່ມໃຫ້ຫນ້ອຍລົງອີກຝ່າຍກໍໍຈະຮູ້ສຶກເຖິງການປ່ຽນແປງໃນທາງລົບ ກົງກັນຂ້າມຖ້າເຮົາເສີຍຊາແລະປ່ອຍປະລະເລີຍຫລາຍເກີນໄປ ຈະເຮັດໃຫ້ຄວາມຮັກຂອງເຮົາຈືດຈາງລົງ ຈົນຫມົດໄປແບບບໍ່ຮູ້ສຶກຕົວ.</p><p>ສະນັ້ນ, ການຮຽນຮູ້ເຊິ່ງກັນແລະກັນຈຶ່ງເປັນປັດໃຈຫລັກທີ່ຈະສາມາດເຮັດໃຫ້ຄວາມຮັກຂອງເຮົາຍືນຍາວໄດ້, ຮູ້ຈັກຜ່ອນສັ້ນຜ່ອນຍາວ, ຮູ້ຈັກໃຫ້ເວລາສ່ວນຕົວແກ່ກັນ ພ້ອມທັງຮູ້ຈັກໃຫ້ເວລາແກ່ຄົນຮັກຂອງຕົວເອງ.</p><p>ເມື່ອເຮົາເລືອກໃຫ້ຄົນໆຫນຶ່ງ ເຂົ້າມາຢູ່ໃນຊີິວິດແລ້ວ ເຮົາກໍຕ້ອງໄດ້ມີຈັດການຫາບ່ອນຫວ່າງເພື່ອໃຫ້ອີກຝ່າຍໄດ້ຢູ່ໃນວົງຈອນທີ່ຊີວິດຂອງເຮົາ ບໍ່ເຮັດໃຫ້ເຂົາເຈົ້າຮູ້ສຶກເປັນສ່ວນເກີນ ແຕ່ເຂົາຄືສ່ວນເຕີມເຕັມສ່ວນທີ່ຂາດໃຫ້ແກ່ເຮົາ ບໍ່ແມ່ນເຮັດຄືເຂົາເປັນຄືກັບດາວພລູໂຕທີ່ເຮົາຈະຮູ້ສຶກມີຄ່າເມື່ອອອກຈາກວົງໂຄຈອນຂອງລະບົບສຸລິຍະຈັກກະວານໄປແລ້ວ.</p><p>ແລ້ວທ່ານເດ ພ້ອມແລ້ວບໍ່ທີ່ຈະປູກຕົ້ນໄມ້ຕົ້ນນີ້ໄປພ້ອມກັບຄົນຮັກຂອງທ່ານແລ້ວຫລືຍັງ ?</p><figure><img alt="" src="https://cdn-images-1.medium.com/max/400/1*K_efr-DM_S3QS4XCcWufWA.jpeg" /><figcaption><strong>“ເພາະຄວາມຮັກທີ່ດີ ບໍ່ແມ່ນຄວາມຮັກທີ່ຕ້ອງພະຍາຍາມ”</strong></figcaption></figure><img src="https://medium.com/_/stat?event=post.clientViewed&referrerSource=full_rss&postId=e04dbddc18ce" width="1" height="1" alt="">]]></content:encoded>
        </item>
    </channel>
</rss>