<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Stories by Virasack VIRAVONG on Medium]]></title>
        <description><![CDATA[Stories by Virasack VIRAVONG on Medium]]></description>
        <link>https://medium.com/@virasackviravong?source=rss-703919f805e3------2</link>
        <image>
            <url>https://cdn-images-1.medium.com/fit/c/150/150/2*bZoG_hhT5XWQ7zUi9I1eTw.jpeg</url>
            <title>Stories by Virasack VIRAVONG on Medium</title>
            <link>https://medium.com/@virasackviravong?source=rss-703919f805e3------2</link>
        </image>
        <generator>Medium</generator>
        <lastBuildDate>Thu, 19 Nov 2026 06:24:35 GMT</lastBuildDate>
        <atom:link href="https://medium.com/@virasackviravong/feed" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[ທຣິບຂີ່ສະລິງແລະປີນພູທີ່ຈຸດຊົມວິວ The Rock Viewpoint]]></title>
            <link>https://medium.com/@virasackviravong/%E0%BA%97%E0%BA%A3%E0%BA%B4%E0%BA%9A%E0%BA%82%E0%BA%B5%E0%BB%88%E0%BA%AA%E0%BA%B0%E0%BA%A5%E0%BA%B4%E0%BA%87%E0%BB%81%E0%BA%A5%E0%BA%B0%E0%BA%9B%E0%BA%B5%E0%BA%99%E0%BA%9E%E0%BA%B9%E0%BA%97%E0%BA%B5%E0%BB%88%E0%BA%88%E0%BA%B8%E0%BA%94%E0%BA%8A%E0%BA%BB%E0%BA%A1%E0%BA%A7%E0%BA%B4%E0%BA%A7-the-rock-viewpoint-fc85bb764ac0?source=rss-703919f805e3------2</link>
            <guid isPermaLink="false">https://medium.com/p/fc85bb764ac0</guid>
            <category><![CDATA[laos]]></category>
            <category><![CDATA[the-rock-viewpoint]]></category>
            <category><![CDATA[kong-lor-cave]]></category>
            <category><![CDATA[nam-thuen]]></category>
            <dc:creator><![CDATA[Virasack VIRAVONG]]></dc:creator>
            <pubDate>Mon, 20 Jan 2020 11:38:14 GMT</pubDate>
            <atom:updated>2020-01-20T11:41:33.598Z</atom:updated>
            <content:encoded><![CDATA[<p>ຫວ່າງເສົາທິດທີ່ຜ່ານ ໄດ້ມີໂອກາດໄປທ່ອງທ່ຽວທີ່ພູຜາມ່ານ ແລະແນ່ນອນສະຖານທີ່ທ່ອງທ່ຽວແຫ່ງໃຫມ່ທີ່ຫາກໍເປີດໄດ້ພໍດີ 1 ເດືອນ ເປັນຈຸດຫມາຍຫລັກຂອງພວກເຮົາ ທີ່ຕ້ອງໄປຊົມໃຫ້ໄດ້</p><figure><img alt="" src="https://cdn-images-1.medium.com/max/1024/1*A4nYQhN5I2x8TxwU9G1Tww.jpeg" /><figcaption>ມາຮອດສະຖານທີ່ຕອນ 7:30 ຕາເວັນສ່ອງສວນທາງ ຖ່າຍຍ້ອນແສງງາມຫລາຍ</figcaption></figure><p>ຄວາມຫນ້າສົນໃຈຂອງສະຖານທີ່ທ່ອງທ່ຽວແຫ່ງນີ້ແມ່ນພໍສະຫລຸບຫຍໍ້ໆແບບນີ້:</p><ul><li>ຈຸດດັ່ງກ່າວເປັນຈຸດຊົມວິວທີ່ງາມຫລາຍ ເມື່ອກ່ອນເປັນພຽງກະຕູບໃຫ້ຄົນແວ່ຖ່າຍຮູບ ພຽງແຕ່ຢືນຖ່າຍຮູບຢູ່ແຄມທາງກໍຍັງງາມແລ້ວ ເມື່ອເປິດເປັນແຫລ່ງທ່ອງທ່ຽວ ແລະໃຫ້ຂີ່ສະລິງໄປສຳຜັດວິວແບບໃກ້ໆຍິງງາມໄປຕື່ມອີກ</li><li>ການເດີນທາງໄປບໍ່ຍາກ ມີລົດໂດຍສານລົດເມລົດຕູ້ ສຳລັບຕ່າງຊາດຫລືຜູ່ທີ່ບໍ່ມີລົດໃຫຍ່ສ່ວນໂຕ. ສຳລັບຜູ່ທີ່ມີລົດສ່ວນໂຕ ສາມາດຂັບໄປເອງໄດ້ສະບາຍໆ ຫ່າງຈາກວຽງຈັນ 270 Km ເທົ່ານັ້ນ ໃຊ້ເວລາຂັບລົດ 4 ຊົ່ວໂມງກໍຮອດ</li></ul><p>ໂລເຄຊັນ The Rock Viewpoint</p><p><a href="https://goo.gl/maps/bFEtnNaB2Vj5QPf4A">Google Maps</a></p><blockquote><strong>ການເດີນທາງແມ່ນ ລ້ຽວໄປທາງ ຫລັກ20 ເຊິ່ງຈະຕ້ອງຂັບລົດຂຶ້ນພູຢູ່ປະມານ 40 ນາທີ ສະນັ້ນມືໃຫມ່ຮຽນຂັບໃຫ້ລະມັດລະວັງແລະສຶກສາການຂັບລົດເສັ້ນທາງພູນຳກ່ອນຈະຂັບໄປເອງ</strong></blockquote><p>ສິ່ງທີ່ຕ້ອງກະກຽມສຳລັບການມາຂີ່ສະລິງນີ້ແມ່ນ:</p><ul><li>ຮ່າງກາຍ ບໍ່ຕ້ອງເຖິງຂັ້ນຟິດ ແຕ່ຖ້າຄົນທີ່ບໍ່ສູ້ໄດ້ອອກກຳລັງການເລື້ອຍໆກໍອາດຈະເມື່ອຍຫອບສົມຄວນ ເອົາເປັນວ່າບໍ່ຕ້ອງຢ້ານເພາະໂດຍລວມບໍ່ຫນັກຫນາສາຫັດຫລາຍ ແຕ່ວ່າຕ້ອງມີການປີນການຍ່າງຂຶ້ນພູທີ່ໃຊ້ພະລັງງານສົມຄວນ</li><li>ຄວນມີກະເປົ໋າເປ້ ຫລືກະເປົ໋າທີ່ໃສ່ເຄື່ອງໄດ້ແລະຮັດຕິດໂຕບໍ່ເຮ່ຍງ່າຍໆ ເພື່ອໃສ່ຕຸກນ້ຳ ໃສ່ກ້ອງໃສ່ມືຖື ເພາະຖ້າບໍ່ຖືໄປເຈົ້າຈະພາດໂອກາດໄດ້ຖ່າຍຮູບງາມໆ</li><li>ໃຜມີກ້ອງ Action Camera ຄວນພົກໄປຢ່າງຍິ່ງ ຫລືມີໂດຣນຈະຍິ່ງດີ</li><li>ລາຄາການບໍລິການແມ່ນຈະຢູ່ປະມານ $25–30 ຕໍ່ຄົນ ໃຊ້ເວລາໃນການຂີ່ສະລິງ, ໄຕ່ຜາ, ຍ່າງຂຶ້ນພູ ແລະຢຸດຖ່າຍຮູບ ລວມໆແລ້ວປະມານ ຊົ່ວໂມງເຄິ່ງຫາສອງຊົ່ວໂມງ</li><li>ສຳລັບຫມູ່ຄູ່ຍາດພີ່ນ້ອງ ຄົນເຖົ້າແກ່ ຮ່າງກາຍບໍ່ແຂງແຮງ ຄົນທີ່ຍັງບໍ່ກ້າ ກໍບໍ່ຕ້ອງຢ້ານ ເພາະດ້ານເທິງຈຸດຊົມວິວ ເພິ່ນມີບໍລິການກາເຟ ອາຫານເຄື່ອງດື່ມ ໄວ້ໃຫ້ນັ່ງຈິບ ນັ່ງກິນນັ່ງຊິວ ພ້ອມບັນຍາກາດແລະວິວຫລັກລ້ານ ຖ້າຊຳຊາຄົນອື່ນຂີ່ສະລິງແລ້ວ</li></ul><figure><img alt="" src="https://cdn-images-1.medium.com/max/1024/1*HxIyIVNXUCCqppf2A_r7qQ.jpeg" /><figcaption>ຈຸດຖ່າຍຮູບຊົມວິວ</figcaption></figure><figure><img alt="" src="https://cdn-images-1.medium.com/max/1024/1*w-BYXDUSElib17lBnVBRtA.jpeg" /><figcaption>ຕ້ອງມີຍ່າງຂຶ້ນພູ ກິນແຮງພໍສົມຄວນ</figcaption></figure><h3>ຖ້າທຸກຢ່າງພ້ອມ ກາຍພ້ອມ ໃຈພ້ອມ ເງິນພ້ອມ ຫມູ່ພ້ອມ ກໍມາລຸຍກັນເລີຍ</h3><ul><li>ເມື່ອໄປຮອດທຳອິດທາງທີມງານເພິ່ນຈະໃຫ້ເຮົາຂຽນຂໍ້ມູນໃນເອກະສານ ແລະເຊັນຍອມຮັບເງື່ອນໄຂ ເພາະຕ້ອງເຂົ້າໃຈວ່າ ການຂີ່ສະລິງ ມັນມີຄວາມສ່ຽງ ທີ່ອາດເຖິງຊີວິດ ສະນັ້ນຕ້ອງມີການເຊັນຍິນຍອມ ຍອມຮັບເງື່ອນໄຂຕ່າງໆ ແລະມອບສິດແກ່ຄົນອື່ນໃນກໍລະນີເກີດເຫດບໍ່ຄາດຄິດ</li></ul><figure><img alt="" src="https://cdn-images-1.medium.com/max/1024/1*JrOBC4bJ-wdt6jn5ZfAL-A.jpeg" /><figcaption>ເອກະສານທີ່ຕ້ອງປະກອບ</figcaption></figure><ul><li>ຫລັງຈາກຂຽນຟອມຄົບ ຈ່າຍຄ່າບໍລິການແລ້ວ ທີມງານກໍຈະກຽມໂຕໃຫ້ ໃສ່ອຸປະກອນເຄື່ອງມື safety ຕ່າງໆ ພ້ອມສາຖິດແລະກົດກະຕິກາເວລາໄປ ວ່າຕ້ອງເຮັດແນວໃດ ເພື່ອຄວາມປອດໄພ (ເປັນອີ່ຫຍັງທີ່ຮຽນຮູ້ບໍ່ຍາກ ແລະອຸປະກອນໃຫມ່ຫລາຍ ມີຄວາມແຫນ້ນຫນາ ຮູ້ສຶກປອດໄພ ເພາະທຸກກ້າວຍ່າງເຮົາຕ້ອງມີການເກາະສາຍສະລິງແບບທີ່ເຫັນໃນຫນັງປີນພູປີນຜາທຸກຄັ້ງ)</li></ul><figure><img alt="" src="https://cdn-images-1.medium.com/max/1024/1*9_jVgnHscmnlgwf-KiJgJA.jpeg" /><figcaption>ທີມງານກະກຽມໃສ່ອຸປະກອນໃຫ້ ມີສາຍຮັດໂຕພ້ອມຂໍເກາະສະລິງ, ຖົງມື ແລະຫມວກກັນກະທົບ</figcaption></figure><figure><img alt="" src="https://cdn-images-1.medium.com/max/1024/1*eqjp9prd0vsIxK6ut3r8Dg.jpeg" /><figcaption>ມີຝຣັ່ງຕິດມານຳກຸ່ມຄົນນຶ່ງ ມາຄົນດຽວລຸຍຄົນດຽວ ບໍ່ມີກ້ອງອີກ ມາເອົາປະສົບການລ້ວນໆວ່າຊັ້ນເດ້</figcaption></figure><ul><li>ເມື່ອກຽມໂຕພ້ອມແລ້ວ ກໍຈະມີທີມສະຕາຟ ທີ່ຈະຕິດຕາມໄປນຳຄະນະພວກເຮົາ 2 ຄົນ ທີ່ຈະຮັບຜິດຊອບເບິ່ງແຍງໄປຈົນສຸດທາງ ວ່າແລ້ວກໍລົງໄປທີ່ຈຸດປ່ອຍໂຕອັນທຳອິດກັນເລີຍ</li></ul><figure><img alt="" src="https://cdn-images-1.medium.com/max/1024/1*3xYKT-YZl47YF4gtcQTkYg.jpeg" /><figcaption>ຈຸດປ່ອຍໂຕສະລິງທຳອິດ</figcaption></figure><figure><img alt="" src="https://cdn-images-1.medium.com/max/1024/1*e3HnJbqZYBk3xPddcXh2TQ.jpeg" /><figcaption>ເຊລຟີ່ທີ່ຈຸດປ່ອຍໂຕສະລິງທຳອິດ</figcaption></figure><ul><li>ສະລິງທຳອິດ ເປັນສະລິງທີ່ຍາວກ່ອນຫມູ່ ຫນ້າຢ້ານກວ່າຫມູ່ ຄວາມຍາວສີ່ຮ້ອຍກວ່າແມັດ ເອົາແບບວ່າຈັດຫນັກໃຫ້ແຕ່ຊ໊ອດທຳອິດເລີຍ ຜ່ານໂຕນີ້ໄປໄດ້ ໂຕຕໍ່ໆໄປກໍສະບາຍ</li></ul><figure><img alt="" src="https://cdn-images-1.medium.com/max/1024/1*C2_GJ4NTK0S0UJLaE3O5Lw.jpeg" /><figcaption>ວິວຈາກຈຸດປ່ອຍໂຕ ທີ່ປ່າຟຸ່ມນີ້ຕອນເຊົ້າໆຈະມີຝູງລິງເອີ້ນວ່າ ຄຸ້ງລາວ ອອກມາ</figcaption></figure><figure><img alt="" src="https://cdn-images-1.medium.com/max/1024/1*iFxYh4rrAHnvZxUgapiUnQ.jpeg" /><figcaption>ຢູ່ຈຸດຊົມວິວເພິ່ນມີກ້ອງສ່ອງທາງໄກໃຫ້ສ່ອງເບິ່ງ ຕ້ອງມາເຊົ້າກ່ອນທີ່ຈະເລີ່ມປ່ອຍນັກທ່ອງທ່ຽວຂີ່ສະລິງຈຶ່ງຈະເຫັນ</figcaption></figure><blockquote>ອາດຈະມີຄົນສົງໄສວ່າ ຖ້ານ້ຳຫນັກຫລາຍຈະໄປໄດ້ບໍ່ ຕອບເລີຍວ່າໄດ້ (ແຕ່ຕ້ອງຟິດແນ່ເພາະມີຍ່າງຂຶ້ນພູ) ສ່ວນການຂີ່ສະລິງນັ້ນບໍ່ມີບັນຫາ ເພາະສະລິງເພິ່ນຮັບນ້ຳຫນັກໄດ້ 1ໂຕນ ຄົນທີ່ຕ້ອງກັງວົນແມ່ນຄົນທີ່ນ້ຳຫນັກນ້ອຍ ຫລືເດັກນ້ອຍ ເພິ່ນຈະມີການຊັ່ງນ້ຳຫນັກຄົນທີ່ໂຕນ້ອຍກ່ອນວ່ານ້ຳຫນັກຜ່ານບໍ່ ເພາະຖ້ານ້ຳຫນັກນ້ອຍຫລາຍ ສະລິງຈະໄປບໍ່ຮອດ ເພາະໄຫລຊ້າ ຈະເກີດມີປະກົດການຄ້າງຢູ່ກາງສະລິງ ຫ້ອຍໂຕ່ງເຕ່ງໃຫ້ຫວາດສຽວຫລິ້ນຮະຮະ</blockquote><ul><li>ຈົບສະລິງທຳອິດ ຂາສັ່ນເລັກນ້ອຍ ແຕ່ບໍ່ທັນໄດ້ເຊົາສັ່ນ ທີມງານເພິ່ນກໍຈັດສົ່ງເຮົາໃສ່ ສະລິງທີສອງທັນທີ ເຖິງຈະໄລຍະສັ້ນ ແຕ່ບ່ອນນີ້ສູງ ແລະດ້ານລຸ່ມເປັນຜາຫີນແຫລມໆ ຫວາດສຽວໃຊ້ໄດ້</li></ul><figure><img alt="" src="https://cdn-images-1.medium.com/max/1024/1*aED_PKgUL8zOaKtvwr6rjA.jpeg" /><figcaption>ຫລັງຄາເຫັນໄກໆແມ່ນຈຸດປ່ອຍໂຕຂອງສະລິງທຳອິດ</figcaption></figure><figure><img alt="" src="https://cdn-images-1.medium.com/max/1024/1*LiFNjUfV_F2GnFifZyh7ew.jpeg" /><figcaption>ສະລິງທີສອງ ໄລຍະສັ້ນແຕ່ພື້ນເລິກສຽວໃຊ້ໄດ້</figcaption></figure><figure><img alt="" src="https://cdn-images-1.medium.com/max/1024/1*2PBrdTEi6cq91z1JS9oUnQ.jpeg" /><figcaption>ສະລິງຈຸດທີສອງ</figcaption></figure><figure><img alt="" src="https://cdn-images-1.medium.com/max/1024/1*tywTMNMsof31MGr0lqB1MA.jpeg" /><figcaption>ວິວຈາກຈຸດສະລິງທີ 2</figcaption></figure><ul><li>ຫລັງຈາກຈົບສະລິງສອງ ກໍຕ້ອງໃຊ້ທັກສະການປີນເລັກນ້ອຍ ເພື່ອປີນຜາລົງໄປຕໍ່ສະລິງທີສາມ ເຊິ່ງເປັນສະລິງທີ່ສັ້ນແຫລະໄຫລໄວ</li></ul><figure><img alt="" src="https://cdn-images-1.medium.com/max/1024/1*b2miJf8bXLyeDhrhI0DnSQ.jpeg" /><figcaption>ຕ້ອງປີນລົງໄປເພື່ອໄປຈຸດຂີ່ສະລິງທີສາມ</figcaption></figure><ul><li>ຈົບສະລິງສາມ ກໍຕ້ອງປີນຜາໄຕ່ລະດັບລົງມາອີກເລັກນ້ອຍ ເພື່ອເຂົ້າສູ່ຂົວຫ້ອຍໂຕ່ງເຕ່ງ ເຊິ່ງເພິ່ນຈະໃຫ້ຂຶ້ນໄດ້ເທື່ອລະ 3 ຄົນເທົ່ານັ້ນ ໄຕ່ໄປແກວ່ງໄປສຽວໃຊ້ໄດ້ (ຂໍ້ຄວນລະວັງ ຕອນນີ້ຖ້າຈະຖ່າຍຮູບ ຄວນມີເຊືອກມັດກ້ອງມັດມືຖືໄວ້ດີດີ ເພາະອາດພາດເຮັດຕົກໄດ້ງ່າຍໆ ມີກຸ່ມນຳຫລັງມາເຮັດກ້ອງຕົກຢູ່ຈຸດນີ້)</li></ul><figure><img alt="" src="https://cdn-images-1.medium.com/max/1024/1*t_ZdddGTdjzhnq3NR8s4qA.jpeg" /><figcaption>ຕ້ອງປີນລົງໄປຂົວ ສິ່ງສຳຄັນຢ່າລຶມສາຍ Safety ຕ້ອງເກາະສອງເສັ້ນປີ້ນທາງກັນສະເຫມີເພື່ອຄວາມປອດໄພ</figcaption></figure><figure><img alt="" src="https://cdn-images-1.medium.com/max/1024/1*ZTnC61-CFq8-SvIbP9OxjA.jpeg" /><figcaption>ຕ້ອງໄຕ່ລົງມາແບບນີ້ ໄຕ່ໄດ້ຫລາຍທາງ ແລ້ວແຕ່ລີລາແລະຄວາມສາມາດ</figcaption></figure><figure><img alt="" src="https://cdn-images-1.medium.com/max/1024/1*DT_MmuYGiJoL8f4mNQXjcQ.jpeg" /><figcaption>ຂົວຫ້ອຍຂຶ້ນໄດ້ສູງສຸດເທື່ອລະ 3 ຄົນ</figcaption></figure><figure><img alt="" src="https://cdn-images-1.medium.com/max/1024/1*aLO8PMdK2W1qOFVFkgFf6w.jpeg" /><figcaption>ຫລັງຈາກຍ່າງຂ້າມຂົວແລ້ວຫັນຫລັງກັບໄປຖ່າຍທາງທີປີນມາອີກຄັ້ງ</figcaption></figure><figure><img alt="" src="https://cdn-images-1.medium.com/max/1024/1*XPDmgC5fQOCYu8yRB6nNNQ.jpeg" /><figcaption>ຕ້ອງເກາະສາຍ Safety ກ່ອນຍ່າງຂ້າມ</figcaption></figure><figure><img alt="" src="https://cdn-images-1.medium.com/max/1024/1*BXY1NAGai4j9jGdhIU-pUQ.jpeg" /><figcaption>ຈຸດຫມາຍຕໍ່ໄປຫລັງຈາກຂ້າມຂົວຫ້ອຍແລ້ວແມ່ນຂົວເຊືອກ</figcaption></figure><ul><li>ຫລັງຈາກຂ້າມຂົວມາແລ້ວ ກໍຕ້ອງປີນຜາຂຶ້ນໄປອີກສະເຕັບ ເພື່ອໄປສູ່ນຶ່ງໃນຈຸດທີ່ໂດດເດັ່ນທີ່ສຸດຂອງທຣິບນີ້ ນັ້ນກໍຄື ຂົວເຊືອກ ທີ່ຫລາຍຄົນມາເຂົ່າອ່ອນຂາສັ່ນກັນຢູ່ບ່ອນນີ້ ແຕ່ກໍເປັນຈຸດທີ່ຢາກໃຊ້ເວໍາຖ່າຍຮູບດົນທີ່ສຸດເຊັ່ນກັນ ຖ້າມີໂດຣນຈະຍິ່ງຄັກ</li></ul><figure><img alt="" src="https://cdn-images-1.medium.com/max/1024/1*MQKilxhqBTFl6EM_rFbh_Q.jpeg" /><figcaption>ຕອນປີນບ່ອນນີ້ຮູ້ສຶກຄືກຳລັງເປັນນັກປີນຜາເລີຍຄັກດີ</figcaption></figure><figure><img alt="" src="https://cdn-images-1.medium.com/max/1024/1*9yvOfhrJ0aq7PMJnndVoEA.jpeg" /><figcaption>ປີນຂ້າມມາຈາກຟາກນັ້ນເພື່ອມາຂົວເຊືອກ</figcaption></figure><figure><img alt="" src="https://cdn-images-1.medium.com/max/1024/1*pHWD345rjkENLmRxboFbSQ.jpeg" /><figcaption>ຂົວເຊືອກບ່ອນນີ້ຄືໄຮໄລເລີຍກໍວ່າໄດ້ ທັງງາມທັງສຽວເພາະທາງລຸ່ມສູງຫລາຍ</figcaption></figure><figure><img alt="" src="https://cdn-images-1.medium.com/max/1024/1*yCeClkA5XdGRlOmvA-7z6g.jpeg" /><figcaption>ຈຸດຍອດຮິດ ທຸກຄົນທີ່ມາຕ້ອງໄດ້ຖ່າຍຮູບ ບ່ອນນີ້ຂຶ້ນໄດ້ຫລາຍຄົນ</figcaption></figure><figure><img alt="" src="https://cdn-images-1.medium.com/max/1024/1*9F9A86DgoNSz7expjqHudg.jpeg" /><figcaption>ອີກມຸມຕອນປີນຂຶ້ນມາ</figcaption></figure><figure><img alt="" src="https://cdn-images-1.medium.com/max/1024/1*rA-sgeVEE1q0Tnysiatz1w.jpeg" /></figure><figure><img alt="" src="https://cdn-images-1.medium.com/max/1024/1*SgsKnPNddHspiqSfRNVq4A.jpeg" /><figcaption>ຫລັງຈາກຍ່າງຜ່ານຂົວເຊືອກໄປແລ້ວ ເລີຍຫັນກັບມາຖ່າຍເອົາວິວຄັກໆຈັກບາດ</figcaption></figure><ul><li>ເມື່ອຜ່ານຂົວເຊືອກມາແລ້ວ ຕອນນີ້ເຫື່ອເລີ່ມຍ້ອຍຫລາຍ ເຮົາຈະຖືກຕ້ອນຮັບດ້ວຍການປີນຂຶ້ນຜາຕໍ່ອີກຍາວເລັກນ້ອຍ ໃຫ້ເຫື່ອໄດ້ອອກເຕັມທີ່ ເພື່ອຂຶ້ນໄປສູ່ຈຸດຊົມວິວສູງສຸດ ທີ່ເພິ່ນເຮັດເປັນບ່ອນຢືນຖ່າຍຮູບໄວ້ໃຫ້</li></ul><figure><img alt="" src="https://cdn-images-1.medium.com/max/1024/1*wAktrQnl-zi2LWWT1F7j0w.jpeg" /><figcaption>ຂຶ້ນມາຮອດຈຸດຊົມວິວສູງສຸດແລ້ວ</figcaption></figure><figure><img alt="" src="https://cdn-images-1.medium.com/max/1024/1*_w73XB13QUVH6rXkY3cuog.jpeg" /><figcaption>ຖ່າຍວິວກວ້າງໆຈາກຈຸດຊົມວິວ ງາມອີ່ຫລີ່ ນິຂະຫນາດຍາມແລ້ງສີຂຽວບໍ່ຫລາຍຍັງງາມຂະຫນາດນີ້</figcaption></figure><figure><img alt="" src="https://cdn-images-1.medium.com/max/1024/1*_LJcrqyEQzXd1ORNpobbzw.jpeg" /><figcaption>ຫີນແຫລມງາມໆ ຫລືທີ່ເອີ້ນກັນວ່າ ຫີນຫນາມຫນໍ່</figcaption></figure><figure><img alt="" src="https://cdn-images-1.medium.com/max/1024/1*p-I5pDL6rbwulWX2yKJztw.jpeg" /><figcaption>ວິວຈາກຈຸດຊົມວິວ ຖ່າຍໄປເບິ່ງຂົວເຊືອກ</figcaption></figure><ul><li>ຫລັງຈາກພັກເມື່ອຍ ຖ່າຍຮູບຊົມວິວ ຟິນໆກັນໄປແລ້ວ ກໍຈະເຂົ້າສູ່ຊ່ວງທ້າຍຂອງທຣິບ ນັ້ນກໍຄືການກັບ ເພິ່ນຈະໃຫ້ເລີ່ມຈາກການຂີ່ສະລິງກັບເຂົ້າພູເບື້ອງທີ່ຈາກມາ ເຊິ່ງຕອນນີ້ບັນຍາກາດຈະປ່ຽນຈາກຜາຫີນແຫລມໆ ມາສູ່ບັນຍາກາດປ່າຂຽວ</li></ul><figure><img alt="" src="https://cdn-images-1.medium.com/max/1024/1*9mtJRtDfD8bUSpMlg38Pcg.jpeg" /><figcaption>ທາງລົງໄປຂີ່ສະລິງກັບ</figcaption></figure><figure><img alt="" src="https://cdn-images-1.medium.com/max/1024/1*TG_tu5cc3Q6giYdqqogbwA.jpeg" /><figcaption>ເຊລຟີ່ຈາກຈຸດຊົມວິວໃຫ້ເຫັນທາງທີ່ຈະຕ້ອງຂີ່ສະລິງກັບ</figcaption></figure><ul><li>ຫລັງຈສກຂີ່ສະລິງລົງມາຈາກຈຸດຊົມວິວແລ້ວ ກໍຈະຕ້ອງຍ່າງຂຶ້ນພູໄລຍະທາງປະມານ 300 ແມັດ ຄຳວ່າຍ່າງຂຶ້ນພູ ແມ່ນຂຶ້ນພູອີ່ຫລີ່ ເພາະຕ້ອງຍ່າງທາງຊັນໆຕະຫລອດ 300 ແມັດ ຕອນນີ້ຄົນທີ່ບໍ່ຟິດ ອາດຫອບແລະຕ້ອງພັກເປັນໄລຍະ ນ້ຳດື່ມຈະມີປະໂຫຍດຕອນນີ້</li></ul><figure><img alt="" src="https://cdn-images-1.medium.com/max/1024/1*qA2v0JQ1kOdHhSQBJ0T__w.jpeg" /><figcaption>ຂີ່ສະລິງເຂົ້າປ່າ ເຊິ່ງເປັນຈຸດທີ່ຕ້ອງຍ່າງຂຶ້ນພູປະມານ 300 ແມັດ ເພື່ອໄປຈຸດຂີ່ສະລິງສຸດທ້າຍ</figcaption></figure><figure><img alt="" src="https://cdn-images-1.medium.com/max/1024/1*Icl_DpvDyTzy12jEPKWcIA.jpeg" /><figcaption>ຕ້ອງຍ່າງຂຶ້ນພູແບບນີ້ ຫອບສົມຄວນເພາະນ້ຳຫນັກໂຕຫລາຍ ແຕ່ກໍຜ່ານໄປດ້ວຍດີບໍ່ມີບັນຫາ</figcaption></figure><ul><li>ຫລັງຈາກຍ່າງຂຶ້ນພູມາແລ້ວ ກໍຈະຕ້ອງໄປຂີ່ສະລິງເສັ້ນສຸດທ້າຍເພື່ອກັບໄປຈຸດເລີ່ມຕົ້ນ ເຊິ່ງຕ້ອງເພີ່ມຄວາມສູງເລັກນ້ອຍໂດຍການປີຂັ້ນໄດຂຶ້ນໄປພັກເທິງຕົ້ນໄມ້ ແລະຍ່າງຂ້າມຂົວເຊືອກເສັ້ນດຽວ</li></ul><figure><img alt="" src="https://cdn-images-1.medium.com/max/1024/1*bkiJc0WCabKs6AxNNeY0qw.jpeg" /><figcaption>ຕ້ອງໄຕ່ໄປຂຶ້ນສະລິງສຸດທ້າຍ</figcaption></figure><ul><li>ຫລັງຈາກໄຕ່ຂົວເຊືອກເສັ້ນດຽວມາແລ້ວ ກໍຂີ່ສະລິງສຸດທ້າຍກັບໄປກໍຖືວ່າສຳເລັດທຣິບນີ້</li></ul><figure><img alt="" src="https://cdn-images-1.medium.com/max/1024/1*mirTGNdmLrrv4nKahijlBw.jpeg" /><figcaption>ສະລິງສຸດທ້າຍ</figcaption></figure><figure><img alt="" src="https://cdn-images-1.medium.com/max/1024/1*jAWJbRbHXg-ZdHRsfrx5zQ.jpeg" /><figcaption>ເຫັນຂົວນີ້ແມ່ນຖືວ່າສິ້ນສຸດ</figcaption></figure><p>ມ່ວນ ມັນ ຕື່ນເຕັ້ນ ຫວາດສຽວ ໄດ້ເຫື່ອ ໄດ້ປວດຂາ ແລະຟິນສຸດໆ</p><p>ການມາທ່ຽວທີ່ The Rock Viewpoint ນີ້ ຍັງໄດ້ພ່ວງສະຖານທີ່ທ່ຽວອື່ນທີ່ຢູ່ໃກ້ກັນເຂົ້າໄປນຳ ເຮົາສາມາດຂີ່ລົດຕໍ່ໄປຖ້ຳກອງລໍ ໂດຍໃຊ້ເວລາອີກປະມານ 1 ຊົ່ວໂມງ ຫລືໄປຈຸດຫລິ້ນນ້ຳເອີ້ນວ່າ ວັງນ້ຳເຢັນ ຂີ່ໄປທາງຫລັກຊາວ ຈະເປັນຄ້າຍໆ Blue lagoon ຢູ່ວັງວຽງ</p><figure><img alt="" src="https://cdn-images-1.medium.com/max/1024/1*oKKwWoZhx7_AzVBqap76vw.jpeg" /><figcaption>ວິວຈາກຖ້ຳກອງລໍ</figcaption></figure><figure><img alt="" src="https://cdn-images-1.medium.com/max/1024/1*vOJmtEji2EugWEC0D_S4hw.jpeg" /><figcaption>ວັງນ້ຳເຢັນ</figcaption></figure><p>ການນອນພັກແມ່ນມີຈຸດໃຫ້ເລືອກພັກຫລາຍບ່ອນດັ່ງນີ້:</p><ul><li>ພັກທີ່ບ້ານນາຫີນ ໃກ້ກັບແຄັມພະນັກງານເຂື່ອນໄຟຟ້າເທີນຫີນບູນ ບ່ອນນີ້ກໍມີເຮືອນພັກໃຫ້ເລືອກນອນຫລາກຫລາຍ</li><li>ພັກຢູ່ຄິວລົດເມ ຈຸດສາມແຍກໄປຖ້ຳກອງລໍກໍມີເຮືອນພັກເຊັ່ນດຽວກັນ</li><li>ໄປພັກຢູ່ເຂດຖ້ຳກອງລໍ ກໍມີເຮືອນພັກ ຣີສອດ ບັງກາໂລ ໃຫ້ເລືອກຫລາກຫລາຍ</li><li>ຫລືຈະນອນຢູ່ທ່າແຂກ (ຂັບລົດໄປອີກປະມານເກືອບ 2 ຊົ່ວໂມງ) ແຕ່ໄດ້ຈຸດທ່ຽວເພີ່ມຢູ່ທ່າແຂກເຊັ່ນ ໄປປີນຜາກະຕ່າຍ ຫລິ້ນນ້ຳຢູ່ທ່າຝຣັ່ງ ທ່ຽງຊົມທາດເມືອງເກົ່າ ແລະອື່ນໆ</li></ul><figure><img alt="" src="https://cdn-images-1.medium.com/max/1024/1*8mRZqpv6pFA5a-XJsVlM5A.jpeg" /><figcaption>ສຸດທ້າຍກະຂອບໃຈເມຍທີ່ບໍ່ຮ້າຍ ເພາະຕ້ອງນັ່ງຖ້າຕັ້ງວ່າ 2 ຊົ່ວໂມງຮະຮະ</figcaption></figure><p>ອັດທ້າຍດ້ວຍວິດີໂອໄຮໄລຈາກທຣິບຄັ້ງນີ້ເບິ່ງໄດ້ໃນ Youtube</p><iframe src="https://cdn.embedly.com/widgets/media.html?src=https%3A%2F%2Fwww.youtube.com%2Fembed%2FzGFNztOjib8%3Ffeature%3Doembed&amp;url=https%3A%2F%2Fwww.youtube.com%2Fwatch%3Fv%3DzGFNztOjib8&amp;image=https%3A%2F%2Fi.ytimg.com%2Fvi%2FzGFNztOjib8%2Fhqdefault.jpg&amp;key=a19fcc184b9711e1b4764040d3dc5c07&amp;type=text%2Fhtml&amp;schema=youtube" width="854" height="480" frameborder="0" scrolling="no"><a href="https://medium.com/media/69aacc352e4e5e5454910c7b93412a48/href">https://medium.com/media/69aacc352e4e5e5454910c7b93412a48/href</a></iframe><img src="https://medium.com/_/stat?event=post.clientViewed&referrerSource=full_rss&postId=fc85bb764ac0" width="1" height="1" alt="">]]></content:encoded>
        </item>
        <item>
            <title><![CDATA[ຄະດີຄາດຕະກຳແບບສຸ່ມດ້ວຍຢາໄທລິນໍ]]></title>
            <link>https://medium.com/@virasackviravong/%E0%BA%84%E0%BA%B0%E0%BA%94%E0%BA%B5%E0%BA%84%E0%BA%B2%E0%BA%94%E0%BA%95%E0%BA%B0%E0%BA%81%E0%BA%B3%E0%BB%81%E0%BA%9A%E0%BA%9A%E0%BA%AA%E0%BA%B8%E0%BB%88%E0%BA%A1%E0%BA%94%E0%BB%89%E0%BA%A7%E0%BA%8D%E0%BA%A2%E0%BA%B2%E0%BB%84%E0%BA%97%E0%BA%A5%E0%BA%B4%E0%BA%99%E0%BB%8D-4e62a049a162?source=rss-703919f805e3------2</link>
            <guid isPermaLink="false">https://medium.com/p/4e62a049a162</guid>
            <category><![CDATA[science]]></category>
            <category><![CDATA[laos]]></category>
            <dc:creator><![CDATA[Virasack VIRAVONG]]></dc:creator>
            <pubDate>Sun, 27 Aug 2017 08:26:14 GMT</pubDate>
            <atom:updated>2017-08-27T08:30:21.656Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*zts9yFZT4W5O0emoPnSq0Q.jpeg" /><figcaption>ຄະດີທີ່ປ່ຽນແປງວົງການອຸດສະຫະກຳຢາຄັ້ງຍິ່ງໃຫຍ່</figcaption></figure><p>ພໍດີຄົ້ນເຫັນຂໍ້ມູນເກົ່າເຄີຍຂຽນໄວ້ເລົ່າໃນລາຍການ ScienceTalk ຕອນສະໄຫມຈັດ ຢູ່ວິທະຍຸ 98.8MHz ເລີຍເອົາມາລົງໄວ້ນີ້ເພື່ອມີຄົນສົນໃຈອ່ານ ເປັນຄະດີດັງ ແລະສ້າງ ຄວາມປ່ຽນແປງໃນອຸດສະຫະກຳການຢາຄັ້ງຍິ່ງໃຫຍ່.</p><p>ເຫດການນີ້ເກີດຂຶ້ນໃນປີ 1982 ຢູ່ຊິຄາໂກ ສະຫະຣັດອາເມຣິກາ ມີຄົນຕາຍເປັນຈຳ ນວນ 7 ຄົນ ໂດຍບໍ່ຮູ້ສາເຫດ ບໍ່ມີຮ່ອງຮອຍຫລືຄວາມກ່ຽວຂ້ອງກັນແຕ່ຢ່າງໃດ. ເລີ່ມຈາກເດັກນ້ອຍ 12 ປີ ຄົນນຶ່ງຊື່ ນາງ ແມຣີ ຕື່ນນອນມາແລ້ວມີອາການເຈັບ ຫົວຄືຈະເປັນໄຂ້ ແມ່ເລີຍເອົາຢາລົດໄຂ້ ໄທລິນໍ ໃຫ້ກິນ ຫລັງຈາກນັ້ນບໍ່ດົນ ນາງນ້ອຍ ກໍລົ້ມຫມົດສະຕິໃນຫ້ອງນ້ຳ ພໍ່ແມ່ຮີບພາໄປໂຮງຫມໍ ແຕ່ກໍບໍ່ທັນແລ້ວ.</p><p>ເຫດການຕໍ່ມາເກີດຂຶ້ນກັບຊາຍຄົນນຶ່ງຊື່ ອາດຳ ຈານິສ ມີອາການເຈັບຫົວເລີຍກິນ ຢາ ໄທລິນໍ ຫລັງຈາກນັ້ນບໍ່ດົນກໍລົ້ມລົງຫມົດສະຕິ ແລະເສຍຊີວິດ. ໃນງານສົບຂອງ ຜູ່ກ່ຽວ ດ້ວຍຄວາມໂສກເສົ້າເສຍໃຈ ເຮັດໃຫ້ຍາດພີ່ນ້ອງອຸກໃຈຈົນບໍ່ສະບາຍໄປນຳ ຫລາຍຄົນ ໃນນັ້ນນ້ອງຊາຍຂອງອາດຳ ແລະແຟນ ເຈັບຫົວເລີຍເອົາຢາໄທລິນໍຂອງ ອ້າຍມາກິນ ແລ້ວກໍເສຍຊີວິດນຳກັນ.</p><p>ຕະຫລອດໄລຍະເວລາແຕ່ເດືອນ ກັນຍາ ຮອດ ຕຸລາ ປີ 1982 ມີຄົນເສຍຊີວິດ 7 ຄົນ ຕຳຫລວດພະຍາຍາມຊອກຫາສາເຫດ ວ່າເປັນຍ້ອນຫຍັງ ເກີດຍ້ອນຫຍັງ ທັງ 7 ກ່ຽວກັນແນວໃດ ຈົນໄດ້ຂໍ້ສະຫລຸບມາວ່າ ທັງ 7 ຄະດີ ມີສິ່ງກ່ຽວກັນຢູ່ບ່ອນ ທຸກຄົນ ກິນຢາ ໄທລິນໍ ລຸ້ນ Extra Strength ທີ່ຫາກໍອອກໃຫມ່ໃນໄລຍະນັ້ນ ຜະລິດໂດຍບໍລິສັດ Johnson &amp; Johnson</p><p>ຫລັງຈາກສືບສວນ ເຈົ້າຫນ້າທີ່ໄດ້ຮູ້ເຖິງສາເຫດການຕາຍ ແມ່ນໃນຢາໄທລິນໍ ທີ່ຄົນ ຕາຍກິນ ມີສານໄຊຍາໄນ ປົນຢູ່ ພໍຂ່າວດັງອອກໄປກໍສ້າງຄວາມແຕກຕື່ນທົ່ວປະເທດ ເພາະຢາໄທລິນໍ ຖືເປັນຢາລົດໄຂ້ທີ່ຂາຍດີ ແລະຫລາຍຄອບຄົວມີຕິດເຮືອນ.</p><p>ບໍລິສັດ Johnson &amp; Johnson ກະທົບຢ່າງຫນັກ ຖືກສື່ແລະສັງຄົມໂຈມຕີ ເຖິງຄວາມ ໄຮ້ຄຸນນະພາບຂອງການຜະລິດຢາ. ຫລັງຈາກນັ້ນບໍ່ດົນຜົນສືບສວນພົບວ່າ ສານພິດ ໃນຢາບໍ່ໄດ້ມາຈາກໂຮງງານ ແຕ່ເກີດຈາກຄົນວາງຢາໃສ່ໃນແຄັບຊູນ ແລ້ວເອົາໄປສະ ຫລັບກັບຢາແທ້ໃນຮ້ານຂາຍຢາ. ສາເຫດກໍຍ້ອນສະໄຫມນັ້ນ ການຜະລິດຢາເປັນ ແບບແຄັບຊູນ ແລ້ວໃສ່ໃນກ່ອງພລາສຕິກ ທີ່ແກະໄດ້ງ່າຍວາງຂາຍ ເຮັດໃຫ້ຄາດຕະ ກອນ ສາມາດເອົາຢາພິດໃສ່ໃນແຄັບຊູນ ແລະໄປລັກແກະໃສ່ໃນກັບຢາໄດ້.</p><p>ເພື່ອປ້ອງກັນອັນຕະລາຍທີ່ອາດຈະເກີດຫລາຍກວ່ານີ້ Johnson &amp; Johnson ເອີ້ນເກັບຢາໄທລິນໍທັງຫມົດ 31ລ້ານກັບ ເສຍຫາຍລ້ານຮ້ອຍລ້ານໂດລາ, ຫຸ້ນຕົກ ພາບຫລັງບໍລິສັດຕ່ຳ ຖືກສັງຄົມແລະສື່ໂຈມຕີ ຕ້ອງໃຊ້ເວລາອີກຫລາຍປີຕໍ່ມາ ໃນການສ້າງຊື່ສຽງຄືນ ທັງອອກຢາແບບພິເສດ ທີ່ມີການຫຸ້ມຫໍ່ສາມຊັ້ນ ແລະ ອື່ນໆ.ໃນດ້ານຄະດີ ປັດຈຸບັນຍັງຄົງຫາຄາດຕະກອນທີ່ລົງມືບໍ່ໄດ້ ເພາະເກີດຂຶ້ນ ແບບສຸ່ມ ບໍ່ສາມາດນຳຫາຕົ້ນທາງໄດ້ເລີຍ.</p><p>ຄະດີດັ່ງກ່າວຖືກນຳໄປເປັນນິຍາຍ, ຮູບເງົາ, ກາຕູນ ແລະດັດແປງອີກຫລາຍຢ່າງ ນອກນັ້ນ ຜົນຈາກຄະດີດັ່ງກ່າວໄດ້ເຮັດໃຫ້ອຸດສະຫະກຳການຜະລິດຢາຕື່ນໂຕ ບໍລິສັດຜະລິດຢາ ເລັ່ງພັດທະນາຮູບແບບຢາໃຫມ່ໆທີ່ປອດໄພ ແລະຫລຸດຄວາມ ສ່ຽງການຖືກວາງສານພິດໃນລັກສະນະດັ່ງກ່າວ. ຈາກທີ່ເຮັດແຕ່ຢາເປັນ ແຄັບຊູນມີຜົງຢາຢູ່ໃນຫັ້ນ ກໍຫັນມາຜະລິດຢາແບບເມັດແຂງ. ສ່ວນໂຕຢາ ທີ່ຍັງຈຳເປັນຕ້ອງເຮັດແບບແຄັບຊູນ ກໍມີການຫຸ້ມຫໍ່ຫລາຍຊັ້ນ ບໍ່ໃຫ້ແກະ ປ່ຽນໄດ້ໂດຍງ່າຍ.</p><p><a href="http://io9.gizmodo.com/the-horrifying-true-story-of-the-1982-chicago-tylenol-m-1675923381">http://io9.gizmodo.com/the-horrifying-true-story-of-the-1982-chicago-tylenol-m-1675923381</a></p><img src="https://medium.com/_/stat?event=post.clientViewed&referrerSource=full_rss&postId=4e62a049a162" width="1" height="1" alt="">]]></content:encoded>
        </item>
        <item>
            <title><![CDATA[ພາຍຸ ໄຕ້ຝຸ່ນ ເຮີຣິເຄນ ທໍນາໂດ… ຕ່າງກັນແນວໃດ?]]></title>
            <link>https://medium.com/@virasackviravong/%E0%BA%9E%E0%BA%B2%E0%BA%8D%E0%BA%B8-%E0%BB%84%E0%BA%95%E0%BB%89%E0%BA%9D%E0%BA%B8%E0%BB%88%E0%BA%99-%E0%BB%80%E0%BA%AE%E0%BA%B5%E0%BA%A3%E0%BA%B4%E0%BB%80%E0%BA%84%E0%BA%99-%E0%BA%97%E0%BB%8D%E0%BA%99%E0%BA%B2%E0%BB%82%E0%BA%94-%E0%BA%95%E0%BB%88%E0%BA%B2%E0%BA%87%E0%BA%81%E0%BA%B1%E0%BA%99%E0%BB%81%E0%BA%99%E0%BA%A7%E0%BB%83%E0%BA%94-742adec015a6?source=rss-703919f805e3------2</link>
            <guid isPermaLink="false">https://medium.com/p/742adec015a6</guid>
            <category><![CDATA[tornado]]></category>
            <category><![CDATA[typhoon]]></category>
            <category><![CDATA[cyclone]]></category>
            <dc:creator><![CDATA[Virasack VIRAVONG]]></dc:creator>
            <pubDate>Thu, 24 Aug 2017 04:25:32 GMT</pubDate>
            <atom:updated>2017-08-27T08:31:49.137Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/612/1*OYlNHHaUQkN35lSQwruNKQ.jpeg" /><figcaption>ການກໍ່ໂຕຂອງພາຍຸຫມຸນເຂດຮ້ອນ</figcaption></figure><p>ຂ່າວພາຍຸເຂົ້າເຂົ້າເກາະຮົງກົງຮຸນແຮງເປັນປະຫວັດສາດ ແຖມພາຍຸດັ່ງກ່າວ ຍັງມີອິດທິພົນມາຮອດລາວ ເພາະກົມອຸຕຸນິຍົມປະກາດແຈ້ງເຕືອນແລ້ວວ່າ ລາວຈະຖືກຫາງພາຍຸ ເຮັດໃຫ້ຈະມີຝົນຕົກຫນັກ ໂດຍສະເພາະທາງພາກເຫນືອ ຂອງລາວເຮົາ ໃຫ້ຕິດຕາມຂ່າວສານແລະລະມັດລະວັງກັນ</p><p>ເຮົາຄົງຈະເຄີຍໄດ້ຍິນຂ່າວເລື່ອງພາຍຸ ຊື່ນັ້ນຊື່ນີ້ຫລາຍຊື່ສັບສົນ ມື້ນີ້ເລີຍຖືໂອກາດ ນຳສະເຫນີກ່ຽວກັບພາຍຸ ໃຫ້ເຂົ້າໃຈວ່າພາຍຸມັນເປັນແນວໃດ ແລະມີຈັກແບບຈັກຊື່.</p><p>ເລີ່ມຈາກປະເພດໃຫຍ່ໆກ່ອນ ພາຍຸມີ 3 ປະເພດໃຫຍ່ໆຄື:</p><ul><li>ພາຍຸຝົນຟ້າຄະນອງ (Thunderstorm) ອັນນີ້ຄົງບໍ່ຕ້ອງອະທິບາຍຫຍັງຫລາຍ ເຮົາພົບໄດ້ທົ່ວໄປໃນຍາມຝົນ</li><li>ພາຍຸຫມຸນເຂດຮ້ອນ (Tropical Cyclone) ໂຕນີ້ຍາວ ດຽວເຮົາມາລົງລາຍລະ ອຽດກັນ</li><li>ພາຍຸທໍນາໂດ (Tornado) ເປັນພາຍຸຫມຸນຮຸນແຮງ ຈັກຫນ້ອຍຈະກ່າວເຖິງ ອີກບາດ</li></ul><p>ເຫັນ 3 ປະເພດພາຍຸໄປແລ້ວ ຕອນນີ້ຄົງຈະສົງໄສກັນວ່າ ອ້າວແລ້ວອັນ ໄຕ້ຝຸ່ນ, ໄຊໂຄລນ, ເຮີຣິເຄນ, ດີເພຣັສຊັນ… ທີ່ມັກໄດ້ຍິນນຳຂ່າວເດ້ ມັນຢູ່ໃສ ສະນັ້ນເຮົາຈຶ່ງຕ້ອງລົງເລິກເຂົ້າໄປໃນລາຍລະອຽດ ໂດຍສະເພາະປະເພດທີ 2 ຂອງພາຍຸ.</p><h3><strong>ພາຍຸຫມຸນເຂດຮ້ອນ (Tropical Cyclone)</strong></h3><p>ເປັນພາຍຸທີ່ກໍ່ໂຕຂຶ້ນຈາກຄວາມກົດອາກາດຕ່ຳ ທີ່ເກີດໃນເຂດຮ້ອນ (ບໍລິເວນໃກ້ ເສັ້ນສູນສູດ) ເຊິ່ງເກີດຂຶ້ນໃນທະເລແລະມະຫາສະຫມຸດ ທີ່ມີອຸນຫະພູມນ້ຳສູງກວ່າ 27 ອົງຊາເຊ (ນີ້ຈຶ່ງເປັນສ່ວນນຶ່ງທີ່ສະພາບໂລກຮ້ອນ ເຮັດໃຫ້ນ້ຳທະເລຮ້ອນຂຶ້ນ ພາຍຸຈະເກີດຫລາຍຂຶ້ນ). ລັກສະນະຂອງພະຍຸປະເພດນີ້ ເປັນພາຍຸຫມູນຂະຫນາດ ໃຫຍ່ ມີເສັ້ນຜ່າໃຈກາງເປັນ 100Km ຫລືຫລາຍກວ່າ ແລະມີຄວາມໄວນັບແຕ່ 120–200ກິໂລແມັດຕໍ່ຊົ່ວໂມງ.</p><p>ພາຍຸຫມຸນເຂດຮ້ອນ ມີຄວາມຊັບຊ້ອນ ແລະມີລາຍລະອຽດຍ່ອຍລົງໄປອີກ ເພາະມັນ ແບ່ງເປັນປະເພດຍ່ອຍໆອີກຫລາຍປະເພດ ແຖມແຕ່ລະຂົງເຂດເອີ້ນຊື່ບໍ່ຄືກັນອີກ ລອງມາຄ່ອຍໆຮູ້ຈັກມັນເພີ່ມ.</p><p><strong>ພາຍຸໄຕ້ຝຸ່ນ</strong></p><p>ເປັນປະເພດຍ່ອຍຂອງ ພາຍຸຫມຸນເຂດຮ້ອນ ທີ່ມີຄວາມຮຸນແຮງ ແລະຖ້າເບິ່ງພາບ ຈາກດາວທຽມ ເຮົາຈະເຫັນເປັນ ຕາພາຍຸ. ມີຄວາມໄວເລີ່ມຕັ້ງແຕ່ 118ກມ/ຊມ ຂຶ້ນໄປ ເຊິ່ງຖ້າພາຍຸປະເພດນີ້ຜັດຂຶ້ນຝັ່ງໄດ້ ກໍຈະສ້າງຄວາມເສຍຫາຍ ບໍ່ວ່າຕົ້ນໄມ້ ເສົາໄຟຟ້າ ອາຄານ ເກີດຄື້ນສູງແຄມຝັ່ງທະເລ ແລະອື່ນໆ.</p><p>ພາຍຸໄຕ້ຝຸ່ນ ແບ່ງລະດັບຄວາມແຮງເປັນ 5 ລະດັບ ແລະຖືກເອີ້ນຊື່ແຕກຕ່າງກັນໄປ ຕາມແຕ່ລະທ້ອງຖິ່ນດັ່ງນີ້:</p><p><em>ລະດັບ 1 ມີຄວາມໄວລົມປະມານ 119–153 ກມ/ຊມ</em></p><p><em>ລະດັບ 2 ມີຄວາມໄວລົມປະມານ 154–177 ກມ/ຊມ</em></p><p><em>ລະດັບ 3 ມີຄວາມໄວລົມປະມານ 178–209 ກມ/ຊມ</em></p><p><em>ລະດັບ 4 ມີຄວາມໄວລົມປະມານ 210–249 ກມ/ຊມ</em></p><p><em>ລະດັບ 5 ມີຄວາມໄວລົມປະມານ 250 ກມ/ຊມ</em></p><ul><li>ໃນເຂດມະຫາສະຫມຸດປາຊີຟິກເຫນືອເຊັ່ນ ທະເລຈີນໃຕ້ ເຮົາເອີ້ນວ່າ ໄຕ້ຝຸ່ນ (Typhoon)</li><li>ເຂດມະຫາສະຫມຸດອິນເດຍເຫລືອເຊັ່ນ ອ່າວເບງກໍ, ທະເລອາຫລັບ… ເອີ້ນວ່າ ໄຊໂຄຣນ (Cyclone)</li><li>ເຂດທະເລເມດິເຕຣານຽນ, ແຖວຕາເວັນອອກສຽງເຫນືອຂອງອົດສະຕາລີ ເອີ້ນວ່າ ວິລລີ-ວິລລີ (Willy-Willy)</li><li>ເຂດຟີລິບປິນ ເອີ້ນວ່າ ບາກຽວ (Baguio) ເປັນພາສາທ້ອງຖິ່ນ ແຕ່ປັດຈຸບັນເວລາອອກຂ່າວສ່ວນໃຫຍ່ພາຍຸຢູ່ຟິລິບປິນກໍມັກເອີ້ນໄຕ້ຝຸ່ນ</li><li>ເຂດມະຫາສະຫມຸດແອັດແລນຕິກ ໂຊນແມັກຊິໂກ, ອາເມຣິກາ… ເອີ້ນວ່າ ເຮີຣິເຄນ (Hurricane)</li></ul><figure><img alt="" src="https://cdn-images-1.medium.com/max/796/1*veACWuC_2ECb0qXmAlaHJA.jpeg" /><figcaption>ແຕ່ລະເຂດເອີ້ນຊື່ຕ່າງກັນ</figcaption></figure><p><strong>ພາຍຸໂຊນຮ້ອນ (Tropical Storm)</strong></p><p>ໃນກໍລະນີພາຍຸຂະຫນາດໃຫຍ່ແບບໄຕ້ຝຸ່ນ ເຄື່ອນທີ່ແລ້ວມີກຳລັງອ່ອນລົງ ຈົນຄວາມ ໄວຕ່ຳກວ່າ 118ກມ/ຊມ ເຮົາຈະເອີ້ນວ່າ ພາຍຸໂຊນຮ້ອນ ເຖິງຈະອ່ອນກຳລັງລົງ ແຕ່ກໍອາດສ້າງຄວາມເສຍຫາຍໄດ້ເຊັ່ນກັນ ເພາະລົມຍັງແຮງຢູ່ ແລະຈະເຮັດໃຫ້ ເກີດຝົນຕົກຫນັກຕິດຕໍ່ກັນເຮັດໃຫ້ນ້ຳຖ້ວມໄດ້</p><p><strong>ພາຍຸດິເພຣັສຊັນ (Tropical Depression)</strong></p><p>ເປັນການອ່ອນໂຕອີກລະດັບຂອງພາຍຸໂຊນຮ້ອນ ຈົນມີຄວາມໄວລົມສູນກາງບໍ່ເກີນ 63 ກມ/ຊມ ພາຍຸໃນລະດັບນີ້ ຄວາມຮຸນແຮງຕ່ຳ ມີພຽງແຕ່ຝົນຕົກນ້ຳ ແລະອາດ ເຮັດໃຫ້ນ້ຳຖ້ວມໄດ້</p><p>ປະເທດລາວເຮົາຢູ່ເຂດທະເລຈີນໃຕ້ ສະນັ້ນເຮົາຈຶ່ງເອີ້ນພາຍຸພວກນີ້ວ່າ ໄຕ້ຝຸ່ນ ແຕ່ເນື່ອງຈາກພູມສັນຖານປະເທດເຮົາຢູ່ຫ່າງຈາກຝັ່ງທະເລຈີນໃຕ້ (ມີຫວຽດ ນາມຂັ້ນ) ເຮັດໃຫ້ເຮົາບໍ່ຖືກໄຕ້ຝຸ່ນ ຫລືພາຍຸໂຊນຮ້ອນກົງໆ ສ່ວນໃຫຍ່ກວ່າຈະ ມາຮອດເຮົາມັນຈະກາຍເປັນພາຍຸ ດິເພຣັສຊັນ ເກີດຝົນຕົກຫນັກ ອາດນ້ຳຖ້ວມ. ສ່ວນໃຫຍ່ພາຍຸເຫລົ່ານີ້ຈະເລີ່ມຕັ້ງແຕ່ເດືອນພຶດສະພາໄປຈົນຮອດເດືອນຕຸລາ ໃນໄລຍະເດືອນກັນຍາແລະຕຸລາ ຈະມີພາຍຸລັກສະນະນີ້ເຄື່ອນເຂົ້າມາຫາປະເທດ ເຮົາຫລາຍເປັນພິເສດ.</p><figure><img alt="" src="https://cdn-images-1.medium.com/max/640/1*UnvU9u1TSrpMiWVKWnrkEg.jpeg" /><figcaption>ກວ່າຈະຮອດລາວສ່ວນໃຫຍ່ກໍກາຍເປັນດິເພຣັສຊັນ</figcaption></figure><p>ສະຫລຸບກໍຄື ພາຍຸຫມຸນເຂດຮ້ອນ ມີຫລາຍລະດັບແລະແບ່ງຊື່ເອີ້ນຍ່ອຍ ໂດຍຫລັກໆ ຈັດຕາມຄວາມແຮງເປັນແບບນີ້</p><blockquote><em>ພາຍຸໄຕ້ຝຸ່ນ (ຊື່ອື່ນໆເຊັ່ນເຮີຣິເຄນ, ໄຊໂຄລນ…) &gt; ພາຍຸໂຊນຮ້ອນ &gt; ພາຍຸດິເພຣັສຊັນ</em></blockquote><h3>ພາຍຸທໍນາໂດ (Tornado)</h3><p>ທໍນາໂດເປັນພາຍຸທີ່ເກີດຈາກລົມຮ້ອນ ແລະລົມເຢັນມາປະທະກັນ (ເປັນພາຍຸຫມຸນ ເປັນກຽວ ຄ້າຍໆຄືລົມຫົວກຸດທີ່ບ້ານເຮົາມັກເອີ້ນ ແຕ່ຂະຫນາດໃຫຍ່ກວ່າເທົ່າ) ເມື່ອລົມທັງສອງປະທະກັນຈະກໍ່ໃຫ້ເກີດລົມຫມຸນຂະຫນາດໃຫຍ່ ເກີດໄດ້ທັງເທິງບົກ ແລະທະເລ (ສ່ວນໃຫຍ່ເກີດເທິງບົກ).</p><figure><img alt="" src="https://cdn-images-1.medium.com/max/1024/1*np5zc4oM23EEjhRxd3N-wQ.jpeg" /></figure><p>ທໍນາໂດ ສາມາດເກີດໄດ້ທົ່ວໂລກ ຖ້າສະພາບອາກາດເຫມາະສົມແກ່ການກໍ່ໂຕ ແຕ່ສ່ວນໃຫຍ່ເຮົາມັກໄດ້ຍິນຂ່າວກ່ຽວກັບ ທໍນາໂດ ຢູ່ສະຫະຣັດອາເມຣິກາ ເນື່ອງ ຈາກຢູ່ຫັ້ນສະພາບແວດລ້ອມເຫມາະສົມຫລາຍ ເຮັດໃຫ້ເກີດທໍນາໂດຢູ່ເລື້ອຍ ແລະຫລາຍກວ່າບ່ອນອື່ນ</p><p>ທໍນາໂດຈັດວ່າເປັນຫາຍະນະນຶ່ງທີ່ຮ້າຍແຮງ ເນື່ອງຈາກເຮົາບໍ່ສາມາດພະຍາກອນ ການເກີດລ່ວງຫນ້າໄດ້ດົນ ແລະພາຍຸລັກສະນະນີ້ມີຄວາມຮຸນແຮງສູງ ກໍລະນີແຮງ ສາມາດຍົກເຮືອນເປັນຫລັກຂຶ້ນໄປເທິງຟ້າໄດ້ເລີຍ. ພາຍຸທໍນາໂດແບ່ງຄວາມຮຸນ ແຮງເປັນ 6 ລະດັບດັ່ງນີ້</p><p><em>F0 ຄວາມໄວລົມ 64–116 ກມ/ຊມ</em></p><p><em>F1 ຄວາມໄວລົມ 117–180 ກມ/ຊມ</em></p><p><em>F2 ຄວາມໄວລົມ 181–253 ກມ/ຊມ</em></p><p><em>F3 ຄວາມໄວລົມ 254–332 ກມ/ຊມ</em></p><p><em>F4 ຄວາມໄວລົມ 333–418 ກມ/ຊມ</em></p><p><em>F5 ຄວາມໄວລົມ 419–512 ກມ/ຊມ</em></p><p>ພໍໄດ້ຮູ້ເບື້ອງຕົ້ນກ່ຽວກັບພາຍຸແລ້ວວ່າແຕ່ລະປະເພດເປັນແນວໃດ ແລະເປັນຫຍັງ ຄືເອີ້ນຊື່ຕ່າງກັນ ໂອກາດຫນ້າຈະເວົ້າເຖິງການຕັ້ງຊື່ພາຍຸໃຫ້ຟັງ ແລະປະສົບການ ສ່ວນໂຕ ທີ່ຕ້ອງເດີນທາງດ້ວຍຍົນໃນມື້ທີ່ ໄຕ້ຝຸ່ນລະດັບ 4 ກຳລັງເຄື່ອນໂຕເຂົ້າມາ ພໍດີ.</p><p><a href="http://www.enjoyday.net/">www.enjoyday.net/</a>รู้จักกับพายุ.html</p><img src="https://medium.com/_/stat?event=post.clientViewed&referrerSource=full_rss&postId=742adec015a6" width="1" height="1" alt="">]]></content:encoded>
        </item>
        <item>
            <title><![CDATA[ລົດໄຫລຂຶ້ນຄ້ອຍ]]></title>
            <link>https://medium.com/@virasackviravong/%E0%BA%A5%E0%BA%BB%E0%BA%94%E0%BB%84%E0%BA%AB%E0%BA%A5%E0%BA%82%E0%BA%B6%E0%BB%89%E0%BA%99%E0%BA%84%E0%BB%89%E0%BA%AD%E0%BA%8D-1d0b1ba1a86e?source=rss-703919f805e3------2</link>
            <guid isPermaLink="false">https://medium.com/p/1d0b1ba1a86e</guid>
            <dc:creator><![CDATA[Virasack VIRAVONG]]></dc:creator>
            <pubDate>Wed, 23 Aug 2017 14:15:53 GMT</pubDate>
            <atom:updated>2017-08-23T14:15:53.031Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/495/1*jU10UPl4yF80VUBeztfp_Q.jpeg" /></figure><p>ເຫັນມີຫລາຍຄົນຖາມເຂົ້າມາ ທັງແທັກໄປຫາໂພສຕົ້ນທາງນຳ ກໍລະນີມີກຸ່ມນັກຂັບຂີ່ນຶ່ງ ໄດ້ໄປພິສູດຄ້ອຍປິດສະຫນາ ທີ່ເປັນທາງຂຶ້ນຄ້ອຍ ແຕ່ລົດຜັດໄຫລຂຶ້ນຄ້ອຍໄດ້ຢ່າງຫນ້າອັດສະຈັນ</p><p>ປະເດັນນີ້ ອະທິບາຍໄດ້ງ່າຍໆ ວ່າເປັນພາບລວງຕາ ແລະບໍ່ແມ່ນເລື່ອງລຶກລັບ ຫລືເຫນືອທຳມະຊາດແຕ່ຢ່າງໃດ ເພາະມີຢູ່ທົ່ວໂລກ ເຊິ່ງສະຫມອງແລະຕາເຮົາຖືກສະພາບແວດລ້ອມລວງ ສະນັ້ນຖ້າຢາກຮູ້ຄວາມຈິງ ງ່າຍໆແມ່ນເອົາແນວວັດແທກລະດັບໄປແທກຈະເຫັນຄວາມຈິງວ່າ ລົດທີ່ເບິ່ງຄືໄຫລຂຶ້ນຄ້ອຍນັ້ນ ແທ້ຈິງແລ້ວມັນກຳລັງໄຫລລົງຄ້ອຍຢູ່.</p><p>ມາເບິ່ງກັນວ່າປະກົດການນີ້ເກີດໄດ້ແນວໃດ ຂໍຍົກຕົວຢ່າງຮູບປະກອບສອງຮູບນີ້ ຈະເຫັນວ່າ ສະຖານທີ່ດຽວກັນແຕ່ເບິ່ງຄົນລະມຸມຈະເຫັນເປັນຄົນລະແບບ</p><figure><img alt="" src="https://cdn-images-1.medium.com/max/640/1*XzXPVkoryo3mac6s9upYpg.jpeg" /><figcaption>ເບິ່ງຄືຂຶ້ນຄ້ອຍ</figcaption></figure><figure><img alt="" src="https://cdn-images-1.medium.com/max/640/1*wF0UCENK4R2cmW25AIQ4Hg.jpeg" /><figcaption>ຄືລົງຄ້ອຍ</figcaption></figure><p>ຫລືອີກແບບນຶ່ງໃນການອະທິບາຍປະກົດການຄ້ອຍປິດສະຫນານີ້ ກໍແມ່ນຕາມຮູບດ້ານລຸ່ມນີ້</p><figure><img alt="" src="https://cdn-images-1.medium.com/max/711/1*CbrZ4TcVzqnnRZwjCNyyWw.jpeg" /></figure><p>ສະຫລຸບກໍຄືເລື່ອງນີ້ ບໍ່ແມ່ນເລື່ອງພິດສະດານອັດສະຈັນແຕ່ຢ່າງໃດ ເປັນພຽງສະພາບແວດລ້ອມທີ່ລວງຕາເຮົາ ລົດໄຫລລົງຄ້ອຍຕາມແຮງດຶງດູດປົກກະຕິ ບໍ່ໄດ້ມີການຂັດກົດຟີຊິກແຕ່ຢ່າງໃດ.</p><p>ແຖມທ້າຍຢາກໃຫ້ລອງເບິ່ງຄລິບນີ້ ເປັນສະຖານທີ່ທ່ອງທ່ຽວນຶ່ງໃນສະຫະຣັດອາເມຣິກາ ຊື່ວ່າ oregon vortexໂດ່ງດັງຍ້ອນມີຄ້ອຍປິດສະຫນາ ຫລັງໆມາມີການສ້າງເຮືອນປິດສະຫນາໃສ່ອີກ ໃຫ້ນັກທ່ອງທ່ຽວທີ່ເຂົ້າໄປໃຫ້ຖືກລວງຕາລວງສະຫມອງກັນເປັນແຖວ</p><p><a href="https://www.youtube.com/watch?v=gJgdB1yZgMQ">https://www.youtube.com/watch?v=gJgdB1yZgMQ</a></p><img src="https://medium.com/_/stat?event=post.clientViewed&referrerSource=full_rss&postId=1d0b1ba1a86e" width="1" height="1" alt="">]]></content:encoded>
        </item>
        <item>
            <title><![CDATA[ເປັນຫຍັງຄົນຈຶ່ງຕິດການພະນັນ]]></title>
            <link>https://medium.com/@virasackviravong/%E0%BB%80%E0%BA%9B%E0%BA%B1%E0%BA%99%E0%BA%AB%E0%BA%8D%E0%BA%B1%E0%BA%87%E0%BA%84%E0%BA%BB%E0%BA%99%E0%BA%88%E0%BA%B6%E0%BB%88%E0%BA%87%E0%BA%95%E0%BA%B4%E0%BA%94%E0%BA%81%E0%BA%B2%E0%BA%99%E0%BA%9E%E0%BA%B0%E0%BA%99%E0%BA%B1%E0%BA%99-fce91d357116?source=rss-703919f805e3------2</link>
            <guid isPermaLink="false">https://medium.com/p/fce91d357116</guid>
            <category><![CDATA[science]]></category>
            <category><![CDATA[dopamine]]></category>
            <category><![CDATA[laos]]></category>
            <category><![CDATA[lottery]]></category>
            <category><![CDATA[gambling]]></category>
            <dc:creator><![CDATA[Virasack VIRAVONG]]></dc:creator>
            <pubDate>Wed, 23 Aug 2017 13:27:13 GMT</pubDate>
            <atom:updated>2017-08-23T13:27:13.347Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*i_eIlA7E1vAAxTf7Uv3twA.jpeg" /><figcaption>ເລກແມວເປີເຊຍຢ່າງດີ</figcaption></figure><p>ໄລຍະນີ້ມີຂ່າວຮືຮານາຍົກສັ່ງ ຫລຸດຜ່ອນການອອກເລກອອກຫວຍ ເຮົາເຄີຍສົງ ໄສກັນບໍ່ວ່າ ທັງໆທີ່ປະເທດເອກອ້າງຕົນວ່າເປັນເມືອງພຸດ ແຕ່ການພະນັນ ຜັດ ແຜ່ຫລາຍ ບໍ່ວ່າລັດຖະບານຈະອອກນະໂຍບາຍ ໄປໃນທິດທາງໃດ ກໍລ້ວນແຕ່ ມີຫາງສຽງທັງເຫັນດີແລະບໍ່ເຫັນດີເຊັ່ນ:</p><ul><li>ຖ້າລັດຖະບານປະກາດວ່າຫ້າມເລື່ອງການພະນັນ (ແບນທຸກຢ່າງ) ກໍຈະມີບາງ ກຸ່ມຄົນເຫັນດີ ແຕ່ໃນຂະນະອີກບາງກຸ່ມກໍຫັນໄປຫລິ້ນຫວຍເຖື່ອນ ບາງກຸ່ມກໍ ອາດບອກວ່າບໍ່ເຫັນດີເພາະລັດຖະບານເສຍລາຍໄດ້</li><li>ຖ້າລັດຖະບານສົ່ງເສີມການພະນັນໃຫ້ຖືກກົດຫມາຍ ໂດຍອ້າງວ່າເພື່ອກຳຈັດ ການຫລິ້ນເຖື່ອນແລະສ້າງລາຍຮັບເຂົ້າລັດ ກໍຈະມີຄົນທີ່ຫລິ້ນປົກກະຕິແລະຫລິ້ນ ຫລາຍຂຶ້ນ, ໃນຂະນະດຽວກັນກໍຈະມີຫາງສຽງວ່າ ລັດເຮັດບໍ່ຖືກທີ່ໄປສົ່ງເສີມການ ພະນັນ</li><li>ກໍລະນີມາແບບກາງ ໃຫ້ມີແນ່ແຕ່ມີຫນ້ອຍ ກໍຕ້ອງທົນສະພາບວ່າ ມີຄົນໂຫຍຫາ ໄປຫລິ້ນຂອງເຖື່ອນຫລາຍຂຶ້ນຄຽງຄູ່່ໄປນຳ</li></ul><p>ເຫັນບໍ່ວ່າ ບໍ່ວ່າຈະໄປທາງໃດ ສຸດທ້າຍກໍຍັງມີຄົນຫລິ້ນຢູ່ດີ ສະນັ້ນຈຶ່ງມາຕັ້ງຄຳຖາມ ນຳກັນວ່າ ເປັນຫຍັງຄົນຈຶ່ງຢາກຫລິ້ນການພະນັນ ເຮົາຈະລົບລ້າງມັນອອກຈາກ ສັງຄົມໄດ້ບໍ່? ມື້ນີ້ຈະພາໄປລົງເລິກກົນໄກການເຮັດວຽກພາຍໃນສະຫມອງ ຂອງວົງ ຈອນນຶ່ງທີ່ເປັນຕົ້ນເຫດຂອງຫລາຍໆຢ່າງນັບແຕ່ ຕິດການພະນັນ, ຢາສູບ, ເຫລົ້າ, ຢາເສບຕິດ, ຕິດບ່າວຕິດສາວ, ຕິດຂອງຫວານ, ຕິດຂອງມັນ, ຕິດລະຄອນ, ຕິດເກມ… ແຕ່ເຮົາຈະເອົາສະເພາະດ້ານການພະນັນເປັນຫລັກ.</p><h4>ກົນໄກການເສບຕິດ</h4><p>ນັກວິທະຍາສາດຮູ້ມາດົນວ່າ ໃນສະຫມອງມີກົນໄກທີ່ກ່ຽວຂ້ອງກັບການເສບຕິດ (ຫມາຍເຖິງເຮັດແລ້ວມີຄວາມສຸກ) ກົນໄກນີ້ເກີດຂຶ້ນເມື່ອສະຫມອງຫລັ່ງສານທີ່ຊື່ ວ່າ ໂດປາມີນ ອອກມາ ພຽງແຕ່ຍັງຄາໃຈວ່າ ກົນໄກນີ້ສ້າງໃຫ້ຄົນຕິດສິ່ງໃດສິ່ງນຶ່ງ ຫນັກໆໄດ້ແນວໃດ ແລ້ວການຕິດນັ້ນເກີດດ້ວຍເຫດຜົນຫຍັງ? ໃນກໍລະນີນີ້ເຮົາຈະ ມາສົມທຽບໃສ່ການພະນັນ ໃນເມື່ອໂດປາມີນ ຫລັ່ງອອກມາໃຫ້ເຮົາມີຄວາມສຸກ (ມີຄວາມສຸກເລີຍຢາກເຮັດອີກ ຈົນກາຍເປັນຕິດ) ແລ້ວເຮົາຕິດໄດ້ແນວໃດ ໃນເມື່ອ ຫລິ້ນແລ້ວເສຍເງິນມັນຄວນຈະຢ້ານແລະເຊົາຫລິ້ນແມ່ນບໍ່?</p><p><strong><em>ການຄົ້ນພົບນີ້ເກີດຂຶ້ນຈາກການທົດລອງຂອງນັກວິທະຍາສາດທ່ານນຶ່ງນາມວ່າ Wolfram Schultz</em></strong></p><figure><img alt="" src="https://cdn-images-1.medium.com/max/590/1*za-OBfnm2kUejL5qvnboSA.jpeg" /><figcaption>Wolfram Schultz</figcaption></figure><p>ເລີ່ມຕົ້ນລາວສອນໃຫ້ລີງຮູ້ຈັກກົດປຸ່ມ ເມື່ອລີງກົດປຸ່ມນັ້ນແລ້ວຈະມີນ້ຳຫມາກລະ ແຊັງອອກມາ ໄລຍະທຳອິດຂອງການທົດລອງເປັນໄປຕາມຄາດ ເມື່ອລີງກົດປຸ່ມແລ້ວ ໄດ້ນ້ຳຫມາກລະແຊັງ ໂດປາມີນຫລັ່ງອອກມາ ລີງມີຄວາມສຸກ ແຕ່ພໍຜ່ານໄປໄລຍະນຶ່ງ ລີງທີ່ກົດປຸ່ມແລ້ວໄດ້ນ້ຳທໍ່ເກົ່າ ໂດປາມີນຜັດລົດລົງ ແລະຄ່ອຍໆລົດລົງເລື້ອຍໆ</p><blockquote>ສິ່ງທີ່ໄດ້ຈາກຜົນການທົດຄັ້ງທຳອິດນີ້ບອກວ່າ ວົງຈອນໂດປາມີນ ສາມາດປັບປ່ຽນ, ຮຽນຮູ້ ໄປຕາມປະສົບການແລະຄວາມຈື່ຈຳໄດ້ ສິ່ງທີ່ເປັນຄວາມສຸກເທື່ອນີ້ ເທື່ອຫນ້າ ຈະບໍ່ມີຄວາມສຸກ</blockquote><p>ການທົດລອງຂັ້ນທີສອງ ເທື່ອນີ້ລາວປ່ຽນເງື່ອນໄຂ ເມື່ອລີງກົດປຸ່ມ ມັນຈະໄດ້ນ້ຳລະ ແຊັງເປັນປະລິມານຄູນສອງ ຜົນກໍປະກົດວ່າລະດັບໂດປາມີນຂອງມັນເພີ່ມຂຶ້ນຢ່າງ ຫລາຍ, ຫລາຍກວ່າທີ່ໄດ້ຕອນຄັ້ງທຳອິດອີກ ແລະເຊັ່ນເຄີຍເມື່ອມັນກົດໄປເລື້ອຍໆ ລະດັບໂດປາມີນກໍລົດລົງເລື້ອຍໆຄືກັນ ແຕ່ມີບາງຄັ້ງລາວລອງປັບໃຫ້ນ້ຳລະແຊັງ ຫລຸດລົງເຫລືອເທົ່າການທົດລອງຄັ້ງທີ 1 ສິ່ງທີ່ໄດ້ກໍແມ່ນໂດປາມີນລົດລົງຢ່າງຫລາຍ ທັນທີທັນໃດເລີຍ</p><blockquote>ກາຍເປັນວ່ານ້ຳລະແຊັງໃນລະດັບທີ່ເຄີຍເຮັດໃຫ້ມັນມີຄວາມສຸກໃນການທົດລອງຄັ້ງທຳອິດ ເມື່ອລີງມີປະສົບການໄດ້ຮັບນ້ຳລະແຊັງຫລາຍສອງທົບໃນການທົດລອງຄັ້ງ ທີສອງ ສິ່ງທີ່ເຄີຍເຮັດໃຫ້ມີຄວາມສຸກ ກາຍເປັນສິ່ງທີ່ເຮັດແລ້ວບໍ່ມີຄວາມສຸກເລີຍ.</blockquote><p>ຂັ້ນທີສາມການທົດລອງເລີ່ມຊັບຊ້ອນຂຶ້ນໄປອີກ ເທື່ອນີ້ລາວອອກແບບໃຫ້ທຸກຄັ້ງ ທີ່ລີງກົດປຸ່ມ ຈະມີໄຟຮຸ່ງຂຶ້ນ ຈາກນັ້ນນ້ຳລະແຊັງຈຶ່ງໄຫລອອກມາ. ຊ່ວງທຳອິດທີ່ລີງ ກົດປຸ່ມ ໄຟຮຸ່ງ ແລະນ້ຳລະແຊັງອອກມາ ໂດປາມີນຂອງມັນກໍຍັງຫລັ່ງອອກມາຕອນ ທີ່ໄດ້ນ້ຳລະແຊັງ</p><p><strong><em>ກົດປຸ່ມ =&gt; ໄຟຮຸ່ງ =&gt; ໄດ້ນ້ຳລະແຊັງ =&gt; ມີຄວາມສຸກ</em></strong></p><p>ແຕ່ພໍຜ່ານໄປລະຍະນຶ່ງເມື່ອລີງເລີ່ມຮຽນຮູ້ວ່າ ທຸກຄັ້ງກ່ອນທີ່ນ້ຳລະແຊັງຈະອອກມາ ໄຟຕ້ອງຮຸ່ງ ເທື່ອນີ້ໂດປາມີນປ່ຽນມາຫລັ່ງຕອນທີ່ໄຟຮຸ່ງ ສ່ວນຕອນທີ່ໄດ້ນ້ຳແມ່ນ ບໍ່ຫລັ່ງເລີຍ</p><blockquote>ສິ່ງທີ່ໄດ້ຈາກການທົດຂັ້ນທີສາມນີ້ແມ່ນເຮົາໄດ້ຮູ້ວ່າ ໂດປາມີນບໍ່ໄດ້ເຮັດວຽກຕອນ ໄດ້ຮັບຮາງວັນ ຫລືໄດ້ຜົນຕອບແທນ ແຕ່ມັນເຮັດວຽກຕອນທີ່ເຮົາເກີດຄວາມຄາດ ຫວັງ ຫລືໄດ້ລຸ້ນນັ້ນເອງ.</blockquote><p>ຜ່ານການກົດໄປສັງເກດໄຟຮຸ່ງໄປຫລາຍຄັ້ງລີງກໍເລີ່ມເບື່ອ ແລະກົດປຸ່ມຫນ້ອຍລົງ ດັ່ງນັ້ນນັກວິທະຍາສາດຈຶ່ງເຂົ້າສູ່ການທົດລອງທີສີ່ ເທື່ອນີ້ ເມື່ອລີງກົດປຸ່ມນ້ຳລະແຊັງ ຈະສຸ່ມອອກມາ ບາງຄັ້ງກົດແລ້ວໄດ້ຫນ້ອຍ ບາງຄັ້ງກົດແລ້ວໄດ້ຫລາຍ ຜົນປະກົດວ່າ ລະດັບໂດປາມີນ ເພີ່ມຂຶ້ນຢ່າງຫລວງຫລາຍ ຫລາຍກວ່າການທົດລອງສາມຄັ້ງທີ່ ຜ່ານມາ.</p><figure><img alt="" src="https://cdn-images-1.medium.com/max/332/1*-dLp9WYcf5keTzypN7Ytsw.jpeg" /></figure><p>ການທົດລອງນີ້ ກາຍເປັນຕົ້ນແບບ ຂອງການທົດລອງອີກຫລາຍຮູບແບບພາຍ ຫລັງອີກຫລາຍຄັ້ງ ເຊິ່ງເຜີຍໃຫ້ເຮົາຮູ້ວ່າ ຄວາມສຸກ ຫລືຄວາມພໍໃຈໃນຄັ້ງນີ້ ອາດຈະ ບໍ່ເຮັດໃຫ້ເຮົາຮູ້ສຶກຄືເກົ່າໃນຄັ້ງຫນ້າ ມະນຸດຫລືສັດລ້ຽງລູກດ້ວຍນົມຈຶ່ງສັນຫາສິ່ງທີ່ ດີຂຶ້ນເລື້ອຍໆ ເພາະມັນເປັນໂຕທີ່ກະຕຸ້ນໃຫ້ບັນພະບູລຸດພວກເຮົາກ້າວຫນ້າຂຶ້ນມາ ເຫນືອສິ່ງມີຊີວິດອື່ນ ຈາກຂວານທີ່ເຮັດດ້ວຍການທຸບຫີນ ກາຍມາເປັນເຄື່ອງມື ເຄື່ອງຈັກທີ່ທັນສະໄຫມ, ຈາກກວຽນທີ່ໃຊ້ງົວຄວາຍລາກກາຍມາເປັນລົດໃຫ້ຂີ່, ຈາກຮູ້ຈັກປຸກເຮືອນຊັ້ນດຽວກາຍມາເປັນອາຄານຫລາຍຮ້ອຍຊັ້ນ… ແຕ່ໃນທາງກົງ ກັນຂ້າມວົງຈອນນີ້ກໍເຮັດໃຫ້ເຮົາເກີດຄວາມໂລບມາກ, ເຫັນແກ່ໂຕ, ບໍ່ຮູ້ຈັກພໍ ມີ iPhone 7 ຢາກໄດ້ iPhone 8, ມີເງິນຮ້ອຍລ້ານຢາກໄດ້ພັນລ້ານ ຈົນກາຍເປັນຄວາມ ເດືອດຮ້ອນຫລືຄວາມທຸກໄດ້.</p><p>ແຕ່ສິ່ງສຳຄັນທີ່ສຸດການທົດລອງນີ້ແມ່ນເຮົາໄດ້ຮູ້ອີກວ່າ ວົງຈອນໂດປາມີນ ເປັນໂຕ ກະຕຸ້ນເຮັດໃຫ້ມະນຸດຍອມເຮັດສິ່ງທີ່ເຮັດໄດ້ຍາກ, ຜິດພາດແລ້ວກໍຍັງຢາກລອງ ຢາກພະຍາຍາມເຮັດອີກ ໂດຍຄາດຫວັງວ່າມັນຈະປະສົບຜົນສຳເລັດ ແລະກາຍເປັນ ວ່າຄວາມສຸກເກີດຈາກການໄດ້ຄາດຫວັງ, ການໄດ້ລອງ, ການໄດ້ພະຍາຍາມ ຖ້າເຮັດ ຫຍັງທີ່ເຮັດແລ້ວໄດ້ຜົນຕອບແທນມາງ່າຍໆເຮັດບຶດດຽວເຮົາກໍເບື່ອ ກົງກັນຂ້າມຖ້າ ເປັນສິ່ງທີ່ຍາກໆ ໄດ້ຜົນຕອບແທນມາຍາກ ມີຄວາມທ້າທາຍ ໂດປາມີນຈະຍິ່ງຫລັ່ງ ຫລາຍຂຶ້ນ ຈຶ່ງເປັນສາເຫດທີ່ມະນຸດ ຕິດການພະນັນ, ຫລິ້ນຫວຍຫລິ້ນເລກ, ຫລິ້ນໄພ້, ຕິດສາວຕິດບ່າວ, ຕິດເກມ, ອ່ານນິຍາຍທີ່ຕື່ນເຕັ້ນເນື້ອເລື່ອງຫັກມຸມ, ເບິ່ງຫນັງຜີ (ທັງໆທີ່ຢ້ານແຕ່ກໍຍັງຢາກເບິ່ງ) ແລະອື່ນໆ.</p><p>ຄວາມຮູ້ທີ່ໄດ້ໃນເລື່ອງນີ້ ເຮັດໃຫ້ເຮົາສາມາດເຂົ້າໃຈແລະອະທິບາຍເຖິງສິ່ງຕ່າງໆທີ່ຢູ່ ອ້ອມໂຕ ໂດຍສະເພາະໃນວົງການການພະນັນ ກໍມີການຄຶດຄົ້ນເກມການພະນັນທີ່ ສ້າງຄວາມທ້າທາຍຕື່ນເຕັ້ນຫລາກຮູບແບບ ໄພ້ສາລະພັດຊະນິດ, ຫວຍຂູດ, ຫວຍສອງໂຕສາມໂຕເລກທ້າຍເລກຫນ້າ, ຕູ້ເກມຢອດຫລຽນຫລາຍຮູບແບບ ໄປຈົນຮອດການອອກແບບກາສີໂນໃຫ້ມີລັກສະນະຕື່ນເຕັ້ນ ມີການແຈກນ້ຳແຈກ ເຂົ້າຫນົມ ແຈກຄູປອງອາຫານ ແຈກນັ້ນແຈກນີ້ເລື້ອຍໆ ເພື່ອສ້າງຄວາມປະຫລາດ ໃຈ ແລະດຶງໃຫ້ຄົນຢາກຫລິ້ນຢູ່ໃນກາສິໂນດົນໆ.</p><figure><img alt="" src="https://cdn-images-1.medium.com/max/542/1*YUqcYBYxU2i4aSMIDzp9mQ.png" /></figure><p>ສະຫລຸບກໍຄື ປັດໃຈທຳອິດທີ່ເຮັດໃຫ້ມະນຸດເຂົ້າຫາການພະນັນ ແມ່ນເລື່ອງຜົນຕອບ ແທນ ເຮົາຕື່ນເຕັ້ນທີ່ໄດ້ເຫັນຜົນຕອບແທນຈຳນວນຫລາຍ ແຕ່ພໍຫລິ້ນໄປໄລຍະນຶ່ງ ເຮົາຈະເລີ່ມຕິດຈາກການໄດ້ລຸ້ນ ຈາກການໄດ້ທ້າທາຍ (ເຫັນຫລາຍຄົນວ່າ ຫລິ້ນໄປ ຍ້ອນໄດ້ລຸ້ນມ່ວນ ຄັນຟຸກຖືກມາກໍເອົາເງິນມາລ້ຽງສະຫລອງຫມູ່ຄູ່ກັນຊື່ໆ) ສະນັ້ນຈຶ່ງ ເວົ້າໄດ້ວ່າ ການພະນັນມັນຄຽງຄູ່ກັບມະນຸດ ຍ້ອນເປັນກົນໄກໃນສະຫມອງທີ່ເຮັດ ວຽກດ້ານນີ້ ເຊິ່ງແນ່ນອນມັນມີທັງດ້ານດີ ແລະບໍ່ດີ.</p><p>ສິ່ງທີ່ດີທີ່ສຸດກໍຄື ຢ່າເອົາໂຕເຂົ້າໄປຫຍຸ້ງກ່ຽວກັບການພະນັນ ເພາະບໍ່ວ່າໃຜໆຖ້າຫລົງ ໂຕເຂົ້າໄປແລ້ວ ອາດອອກມາຈາກວົງຈອນນັ້ນຍາກ ສະນັ້ນບໍ່ວ່າຈະຫ້າມປານໃດ ສຸດທ້າຍຄົນເຮົາກໍສັນຫາມາຈົນໄດ້ ຄຶດອີກແງ່ນຶ່ງກໍແມ່ນການຫລິ້ນພໍມ່ວນພໍຊື່ນ ກໍເປັນການສ້າງຄວາມສຸກໃຫ້ຄົນຫລິ້ນໄດ້ (ມີຄວາມສຸກຈິດໃຈດີ ສຸຂະພາບກໍດີ) ແຕ່ອີກດ້ານນຶ່ງຄົນທີ່ຕິດຫນັກ ຫລິ້ນຫນັກ ກໍສ້າງຄວາມເດືອດຮ້ອນໃຫ້ຄອບຄົວ</p><blockquote>ແລ້ວທ່ານຄຶດວ່າແນວໃດຈຶ່ງເຫມາະສົມ ແລະຈະແກ້ໄຂບັນ ຫາການຕິດການພະນັນແນວໃດໃນປະເທດລາວ?</blockquote><p><strong><em>ໃນປຶ້ມ “ເລື່ອງໃຫຍ່ໃນໂລກນ້ອຍ ເຫລັ້ມ 1” ຂຽນເຖິງວົງຈອນນີ້ລະອຽດ ແຕ່ໃນບົດ ຄວາມນີ້ຄັດມາເວົ້າສະເພາະເລື່ອງການພະນັນ ໃຜສົນໃຈສາມາດຊອກອ່ານເພີ່ມ ໃນປຶ້ມໄດ້.</em></strong></p><p><a href="http://jn.physiology.org/content/80/1/1">Predictive Reward Signal of Dopamine Neurons</a></p><img src="https://medium.com/_/stat?event=post.clientViewed&referrerSource=full_rss&postId=fce91d357116" width="1" height="1" alt="">]]></content:encoded>
        </item>
    </channel>
</rss>