<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[Penjire - Medium]]></title>
        <description><![CDATA[Türkmençe Bloglar we Makalalar - Medium]]></description>
        <link>https://medium.com/penjire?source=rss----844cd9076488---4</link>
        <image>
            <url>https://cdn-images-1.medium.com/proxy/1*TGH72Nnw24QL3iV9IOm4VA.png</url>
            <title>Penjire - Medium</title>
            <link>https://medium.com/penjire?source=rss----844cd9076488---4</link>
        </image>
        <generator>Medium</generator>
        <lastBuildDate>Fri, 20 Nov 2026 05:23:01 GMT</lastBuildDate>
        <atom:link href="https://medium.com/feed/penjire" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[Myrat Sadykow we Güneş]]></title>
            <link>https://medium.com/penjire/myrat-sadykow-we-g%C3%BCne%C5%9F-1ba91ff43e56?source=rss----844cd9076488---4</link>
            <guid isPermaLink="false">https://medium.com/p/1ba91ff43e56</guid>
            <category><![CDATA[виа-гунеш]]></category>
            <category><![CDATA[aýdym]]></category>
            <category><![CDATA[türkmençe]]></category>
            <category><![CDATA[penjire]]></category>
            <category><![CDATA[sadykow]]></category>
            <dc:creator><![CDATA[Bayram Agayew]]></dc:creator>
            <pubDate>Sun, 26 Jul 2020 12:34:33 GMT</pubDate>
            <atom:updated>2020-08-22T13:12:28.643Z</atom:updated>
            <content:encoded><![CDATA[<p>Birazdan gürrüňini etjek bolýan şahsyýetim bilen meniň gaýbana tanyşlyk hekaýam 5–6 ýaşlarymda bolup geçipdi. Şol wagtlar, öýüň üçeginden tapan akkordionym bilen maňa agam saz çalmagy öwredipdi we ilkinji öwrenen sazym “Akja kepderi” diýen aýdymyň sazydy. Elbetde belli bir ýaşa ýetýänçam ne Myrat Sadykowdan habarym bardy ne-de “Güneş” toparyndan. Ilkinji duşuşygyň üstünden 7–8 ýyl geçipdi we men tomus kanikulunda öýe gaýdypdym. Öýe gelenimde, öýde, ýakyn gatnaşýan maşgalamyz bolan Meredowlardan diňlemäge alynan gramofon we ýanynda 5–6 sany plastinkalar bardy. Plastinkalardaky atlaryň köpüsi meniň üçin tanyşdy, Magtymguly Garly, Sahy Jepbarow, Hojaw Annadurdyýew ýaly adamlaryň atlary geçýärdi. Ýöne içinde iň köp diňlän plastinkam bardy, onuň daşynda “ВИА ГУНЕШ” diýip ýazylgy durdy. Şol ýerde “Güneş” ansambly bilen we M.Sadykowyň aýdymlary bilen ýakyndan tanyşdym. Bu şahys barada eýýäm ençeme gezek makalalar, habarlar ýazyldy. Biografiýa ýazmagy halamasamam, meniň ünsümi çeken ýa-da maňa şekil beren adamlar barada iki kelam söz aýdyp geçmäge karar berdim.</p><figure><img alt="" src="https://cdn-images-1.medium.com/max/1024/1*_OrrlMSzmEq5SO2p5cm7Tg.jpeg" /></figure><p>Gysgaçasy Myrat Sadykow 1936-njy ýylyň üçünji sentýabrynda Aşgabat şäherinde dogulýar. Bäş ýaşyna ýeteninde, şol bir wagtda iki mekdebiň müdüri bolan kakasy ýaraman dünýäsini çalyşýar. Çagalygy uruş döwrüne, açlyga gabat gelensoň onuň ejesi, ony ekläp bilmedigi üçin şol sebäpden çagalar öýüne düşýär. 1948-nji ýylda Aşgabatda bolan ýer titremesinde bolsa uly doganyny, Gulýany ýitirýär. 1955-nji ýylda orta mekdebi tamamlandan soňra bolsa I.Kalinin adyndaky oba-hojalyk institutyna okuwa girýär we 1960-da inžener-gidrotehnik bolup işe başlaýar. Şol ýyllarda hem Daňatar Öwezow adyndaky sazçylyk mekdebine wokal sapaklaryny almaga başlaýar.</p><figure><img alt="" src="https://cdn-images-1.medium.com/max/701/1*17YDArj1ljtYlzhimkXqmg.jpeg" /></figure><figure><img alt="" src="https://cdn-images-1.medium.com/max/1024/1*PDdbnSK6mU83nHHM3jl3Tg.jpeg" /></figure><p>M.Sadykow ilkinji gezek alty ýaşynda Aşgabada getirilen partizan esgerleriň öňünde aýdym aýtmaga başlaýar. Bu barada Wiktor Karmaziniň “Biziň çöregimiz” atly kitabynda agzalyp geçilýär.</p><figure><img alt="" src="https://cdn-images-1.medium.com/max/470/1*_xf-heVGnJeOt76I4dgsDQ.jpeg" /></figure><figure><img alt="" src="https://cdn-images-1.medium.com/max/698/1*HGVNk5Ln6bEOXOa4Ee-9eg.jpeg" /></figure><p>M.Sadykow okuwçy wagty Moskwada çykyş edýär we şondan soňra ony konsertlere, çärelere çagyryp başlaýarlar. 1967-nji ýylda Kanadada geçirilen EXPO67-de ilkinji gezek daşary ýurtly tomaşaçylaryň öňünde çykyş edýär. Şol ýerde hem Kanadaly prodýuserler bir ýyllyk dünýä turnesi bilen uzak möhletli kontrakt hödürleýärler, emma SSSR-yň dereksiz býurokratiýasy we käbir kanunlary sebäpli kontrakt baglaşyp bilmeyär. 1969-njy ýylyň dekabrynda bolsa uzak wagtlap dowam eden kynçylyklaryň netijesinde M.Sadykow “Güneş” ansamblyny gurýar.</p><figure><img alt="" src="https://cdn-images-1.medium.com/max/600/1*nGljV14rYYEPYy1nKsUrzw.jpeg" /></figure><p>“Güneş” M.Sadykowyň ýolbaşçylygynda SSSR-yň ähli respublikalarynda çykyş edýär. 1981-nji ýylda Wietnamda we Laosda konsert berýärler we günüň soňunda Wietnam Respublikasy M.Sadykowy dostluk medaly bilen hormatlap, Ho Chi Minh şäheriniň hormatly raýaty adyny berýärler.</p><figure><img alt="" src="https://cdn-images-1.medium.com/max/1024/1*Wr6lkkWNgHmCD-4jOrFU5w.jpeg" /></figure><figure><img alt="" src="https://cdn-images-1.medium.com/max/1024/1*omoZ80u-lYItuFTWVox7SA.jpeg" /></figure><figure><img alt="" src="https://cdn-images-1.medium.com/max/1024/1*LFSl4yOTImKwUXymDPngfg.jpeg" /></figure><figure><img alt="" src="https://cdn-images-1.medium.com/max/1024/1*RvxHJh3C3fQjLOkKl858DQ.jpeg" /><figcaption>“Güneş” topary Wietnamda</figcaption></figure><p>1973-nji ýylda TSSR-yň at gazanan artisti bolýar.</p><figure><img alt="" src="https://cdn-images-1.medium.com/max/1024/1*PTHotBKmxjaa0vajnv4CuQ.jpeg" /></figure><p>M.Sadykow şol bir wagtda birnäçe filmlerde hem agzalyp geçilýär. Mysal üçin: Anatoliý Karpuhiniň düşüren “ОФИЦЕРСКИЙ ВАЛЬС (1978)” atly dokumental filminde “Случайный вальс” aýdymyny aýdýar, 1973-nji ýylda bolsa Leonid Bykowyň “В бой идут одни старики” atly filminde “Смуглянка” aýdymy ýerine ýetirýär. Ýene bir agzap geçilmeli film, Tahir Sabirowyň “Şasenem we Garyp” filmi. Bu filmde hem rus hem-de türkmen dilinde Garybyň aýdymlaryny M.Sadykow ýerine ýetirýär.</p><figure><img alt="" src="https://cdn-images-1.medium.com/max/1000/1*RD_oDMXqFB3nkUGAKriXpw.jpeg" /></figure><p>M.Sadykow birnäçe türkmen şahyrlarynyň goşgularyny hem ilkinji bolup solo görnüşde ýerine ýetiripdi: Halyçy gelin (G.Gulyýew), Aýly Agşam (Aman Agajykow), Daň şemaly (Rejep Gutlyýew), Aldar köse (Ç. Nurymow), Leýla (Daňatar Öwezow), Näzli gyz (R.Gutlyýew), Säher bilen (Ç.Nurymow).</p><figure><img alt="" src="https://cdn-images-1.medium.com/max/1024/1*l3V82rD0iiacaDhbkFkG8w.jpeg" /></figure><figure><img alt="" src="https://cdn-images-1.medium.com/max/1024/1*EMFmP9rpJUxgTZ1f1Ks4SQ.jpeg" /></figure><p>M.Sadykowa ýakyn bolan adamlaryň aýtmagyna görä ol Gurbannazar Ezizow, Nury Halmammedow, Islam Babaýew, Myrat Diwanaýew, Aleksandr Awakow, Rişad Şafi ýaly beýik adamlar bilen ýakyndan dostlukly gatnaşyklarda bolupdyr. Ogly N.Sadykowyň aýtmagyna görä Gurbannazar Ezizowyň özi kitaplaryny getirip M.Sadykowa sowgat edipdir.</p><figure><img alt="" src="https://cdn-images-1.medium.com/max/599/1*vsSUFpPclWVlY00wuSTdUA.jpeg" /><figcaption>M.Sadykow we R.Şafi</figcaption></figure><p>M.Sadykowa ýakyn bolan adamlaryň aýtmagyna görä ol klassikadan başlap dürli milletleriň ethno sazlaryna çenli gyzyklandyrma bildirýärdi. Klassik sazlardan Bethoween, Bach, Şubert we Wiwaldiniň sazlaryny has köp diňleýärdi. Haçanda dosty Islam Babaýew myhmançylyga gelende bolsa ispan gitara sazlarynda, türkmen dessan aýdymlaryna çenli uzap gidýän aýdymlary ýerine ýetirerdiler.</p><figure><img alt="" src="https://cdn-images-1.medium.com/max/1024/1*ZOVnwGccwnY93-mM5lmnbg.jpeg" /><figcaption>M.Sadykow we Güneş topary.</figcaption></figure><p>Elbetde, wagt her bir adam bilen özüniň üýtgeşik oýunlaryny oýnaýardy, ýöne hemmesiniň soňy şol bir meňzeş netijelenýärdi. Ölüm özüniň ýakynlaşýanlygyny yzygiderli duýduryp durýardy, ýuwaş-ýuwaşdan M.Sadykowyň dostlary, deň-duşlary aradan çykýardylar. M. Sadykow ölümden gorkmaýardy, emma ýakynlaryny alada edýärdi.</p><p>“Ol hemme kişi bilen hoşlaşdy, sebäbi özüniň gidip barýanlygyny bilýärdi. Myrat Sadykow 2013-nji ýylyň maý aýynyň ýedisine ömürlik ýoldaşynyň we körpe oglunyň elinde aradan çykdy. M.Sadykow, Aşgabadyň şäher gonamçylygynda topraga berildi. Onuň başujundaky ölüm daşynda “Näçe ýollar geçmeli boldum, Akja kepderi.” diýip ýazgy bar. Ol hakykatdan hem aňsat bolmadyk uzak durmuş ýoluny başy dik geçdi.”</p><figure><img alt="" src="https://cdn-images-1.medium.com/max/765/1*OS15BLv7NCimYJgLp1lFCg.jpeg" /></figure><iframe src="https://cdn.embedly.com/widgets/media.html?src=https%3A%2F%2Fwww.youtube.com%2Fembed%2FaLAYQ0omTLk%3Ffeature%3Doembed&amp;display_name=YouTube&amp;url=https%3A%2F%2Fwww.youtube.com%2Fwatch%3Fv%3DaLAYQ0omTLk&amp;image=https%3A%2F%2Fi.ytimg.com%2Fvi%2FaLAYQ0omTLk%2Fhqdefault.jpg&amp;key=a19fcc184b9711e1b4764040d3dc5c07&amp;type=text%2Fhtml&amp;schema=youtube" width="854" height="480" frameborder="0" scrolling="no"><a href="https://medium.com/media/b04f78bd65f7b26a65ec6c2c31168af9/href">https://medium.com/media/b04f78bd65f7b26a65ec6c2c31168af9/href</a></iframe><p><em>Nazara we N.Sadykowa minnetdarlyk bildirýän.</em></p><img src="https://medium.com/_/stat?event=post.clientViewed&referrerSource=full_rss&postId=1ba91ff43e56" width="1" height="1" alt=""><hr><p><a href="https://medium.com/penjire/myrat-sadykow-we-g%C3%BCne%C5%9F-1ba91ff43e56">Myrat Sadykow we Güneş</a> was originally published in <a href="https://medium.com/penjire">Penjire</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[Altynjy]]></title>
            <link>https://medium.com/penjire/altynjy-497f177ac4c4?source=rss----844cd9076488---4</link>
            <guid isPermaLink="false">https://medium.com/p/497f177ac4c4</guid>
            <category><![CDATA[penjire]]></category>
            <category><![CDATA[türkmençe-ýaz]]></category>
            <category><![CDATA[altynjy]]></category>
            <dc:creator><![CDATA[Bayram Agayew]]></dc:creator>
            <pubDate>Thu, 18 Jun 2020 21:22:43 GMT</pubDate>
            <atom:updated>2020-06-18T21:22:43.088Z</atom:updated>
            <content:encoded><![CDATA[<p>Ynha-da men, otyryn. Stoluň üstünde soňky galan alty sany çilim, ýekeligimi her minutda ýatladyp duran gije we meni taýýarlyksyz urşa iteren Şostakowiç. Altyn asyr sindromy bilen ýüzleşip, ýüzleý, çuňluklary bolmaýan ruhumyň azaryny çekip otyryn ýene-de. Içimdäki “gürle” we “gürleme” diýýän iki şahsyň gohuny üçünji şahs bolup, bulam-bujarlygyň içinde rahatlyk tapan kişi kimin diňläp otyryn.</p><p>Soňky iki-üç aý bäri “gürleme” diýýäniň hökümdarlygynda galyp diňe keýpimi kowaladym gezdim. Bu gün bolsa “gürle” diýýän çeperi duelda üstün çykdy. Şonda-da “gürleme” diýýäne hak bermän baramok.</p><p>Arada ýatlamalaryny ýitiren bir garry barada hekaýa okadym. Şol hekaýadan bäri Werter deýin içden-içe urunýaryn. Ikimiziň aramyzdaky ýekeje tapawut, onuň umytsyzlyk bilen söweşidi, meniň bolsa huşsuzlyk bilen söweşim. Pikirlerimi ýalaňaç okap bilýän adamyň meniň dünýämden gidenine eýýäm ep-eslije wagt geçdi. Şol wagtyň dowamynda bir gezek hem açyp Ýesenini ýa-da Gafty okamadym. Geçen gije, meni baglaýan ähli setirleri okap çykdym. Ýöne bu gezek şol setirleri okanymda onuň sesi däl-de öz sesim ýaňlanýardy. Indi her tümlüge çümenimde “elim agyrýar” diýenimde jogap gelenokdy, garaşamogam. Täze dünýäniň sütünini dikmek, diwaryny galdyrmak kyn gelýärdi. Yzyma öwrülip seredenimde ýene-de bir zatlar dikeltmegi başarypdyryn. Ýöne bu galdyrylan diwarlar kime garşy we näme üçin, soraglaryna heniz jogap tapmadym.</p><p>Daşyndan rus basniýasyndaky soňsuz gyş hökümdarlyk eden bakja öwrülýärdi. Menden sorasaňyz ýene gyş ýaly gowy pasyl ýok, esasanam gar ýaganda. Her minutda, her sekuntda özüniň nähili kirli we adalatsyzlygyny gözümize sokup duran dünýäni, gar öz bedeni bilen onuň ähli kemçiliklerini içine alyp örtýärdi. Edil şonuň ýaly hem diwarlaryň içinde öz patyşalygyna dowam edýän gyş, şol mekanyň ähli kemçiliklerini, anomaliýalaryny öz içine alyp daşky gurşawdan ýygşyrýardy. Bir tarapdan dogry etýärdi. Ol diwarlaryň arkasyndaky bolup geçýän, ýapraklaryň dökülmesi, kökleriň guraýşy, guşlaryň, kebelekleriň soňuny kimiň göresi gelsin.</p><p>Başda, diwarlar galdyrylmazdan öň bakjada alty düýp miweli agaç bardy. Iň ulusynyň düýbüne palta urulandan soňra, galan bäşisi ýuwaş-ýuwaşdan guramaga başladylar. Arada, agaçlaryň içinde, şemala ýapraklary bilen owadan sesler çykarýan agaç öldi we yza alty agaçdan diňe biri galdy, iň owadany. Aslynda arada ölen agaç has irräk ölüpdi, onuň yzynda goýup giden bedeni yzygiderli şemal bilen çalýan sazlaryny ýatladyp durýardy. Indi bolsa bedeni hem diwaryň içinde dörän mör-möjekler tarapyndan ýok edildi. Yza ne onuň ne-de başgalarynyň ýatlamasy galdy.</p><p>Bu, bolup geçýän wakalara, arada bir gelip gidýän myhmanlar, diwary galdyran bakjanyň eýesi hem öwrenişdi. Arada bir gelip gidýän myhmanlar bakja barada bolup bilse söz açmajak bolýardylar. Diwardan öň ýygy-ýygydan ugrap duran myhmanlar, olardan soňra gelmelerini azaltdylar. Bakjanyň eýesi hem olary göresi gelip baranokdy. Ol adamlar dogry hem edýardiler. Kimiň ölümini garaşýan kişini ýa-da bäş sany mazarlygy göresi gelsin?! Bäş mazaryň başynda dikilip duran altynja umyt baglamak samsyklykdan başga zat däl. Altynjy barada, ýöne ýaşaýar, diri diýmäge hiç kimiň dili baranokdy. Ölmändi, emma özüni bäşga bir ýerde duýýardy. Bäş tümmegiň başynda, hemmämiziň garaşýan kişimize, garaşyp geçirýärdi wagtyny. Onuň üçin wagt diýilen fenomen güýjüni gaçyrypdy. Ol diňe şol ýerde, şol wagtda bardy. Ne ses çykarýardy ne-de hereket edýärdi. Diňe pikir edýärdi, elbetde pikirlenmegi hereket diýip hasap etmesek. Ol bardy, şol bir wagtda hem ýokdy. Baljanyň eýesi bolsa her gije penjireden olara ogryn-ogryn bakýardy, diňe garaýardy. Edil öz çagalaryny öz peýdasy üçin pida eden ene ýaly. Emma şu ýerde bir sorag ýüze çykýardy: özüni tüssa gömen, edil altynjy kibi ýary öli-ýary diri kişiden näme medet isläp bolardy? Çukuryňy gazmasynymy? Daşyndan garaýmaga ikisi hem durmuşlaryndan razydy.</p><img src="https://medium.com/_/stat?event=post.clientViewed&referrerSource=full_rss&postId=497f177ac4c4" width="1" height="1" alt=""><hr><p><a href="https://medium.com/penjire/altynjy-497f177ac4c4">Altynjy</a> was originally published in <a href="https://medium.com/penjire">Penjire</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[Germaniýada bakalawr derejesini okamak]]></title>
            <link>https://medium.com/penjire/germani%C3%BDada-bakalawr-derejesini-okamak-c4aa3a23eeba?source=rss----844cd9076488---4</link>
            <guid isPermaLink="false">https://medium.com/p/c4aa3a23eeba</guid>
            <category><![CDATA[germaniýada-okamak]]></category>
            <category><![CDATA[germaniýada-kollej]]></category>
            <category><![CDATA[bilim-almak]]></category>
            <category><![CDATA[ýokary-okuw]]></category>
            <category><![CDATA[nemes-dili]]></category>
            <dc:creator><![CDATA[Ojarmyrat Gandymov]]></dc:creator>
            <pubDate>Sat, 21 Mar 2020 13:48:56 GMT</pubDate>
            <atom:updated>2020-03-21T14:52:59.982Z</atom:updated>
            <content:encoded><![CDATA[<p>Salam gadyrdan adamlar. Uzyn wagtdan soňra ylym-bilime degişli täze bir makala ýazmaly diýen karara geldim. Bu ýazgynyň üsti bilen Germaniýada bakalawr derejesinde okamak üçin ädilýän ädimleri düşündirmekçi. Mundan öňki 3 sany ýazan makalalarymda 100% öz tejribelerime daýanyp ýazan bolsam, bu gezek başga görnüşde ýazmakçy. Onun sebäbi bolsa meniň özüm bakalawr derejämi Germaniýada okamadym we hiç-hili gönümel tejribäm bolmady. Şol sebäpden Germaniýada bakalawr okaýan iki sany türkmen ildeşimizden interview aldym we onuň netijelerini hem bu makalada jemläp, size hödürlemekçi. Soraglaryma jogap bermage razy bolandyklary üçin Aýgül Seýtjanowa we Artykly Artyklyýewe uly minnetdarlygymy bildirýärin.</p><h3>Studienkolleg näme zat?</h3><p>Germaniýada mekdepler 12–13 ýyl okadylýany üçin, köp ýurtlardan gelýän okuwçylar ilki bilen uniwersitete başlamazdan ozal, Studienkolleg diýen ýerde 1 ýyl okamaly bolýarlar. Bu okuwlar ýörite daşary ýurtly okuwçylar üçin niýetlenen bolup, ony gutaranyňdan soňra uniwersitetlere tabşyrmaga gapy açylýar. Kollejiň ýarym ýyllygynyň tölegi <strong>100–400€</strong> (ýewro) arasy bolup, Baden Württemberg ştatynda 1500€ çenli ýetip bilýär. Okuwyň möhleti 1 ýyl, ýa-da 2 semester (2 ýarym ýyl). Güýz möwsüminde okuwa girseňiz, Setýabrda başlap, Iyul aýynda gutarýar. Eger ýaz möwsüminde girjek bolsaňyz, onda okuw fewralda başlap, indiki ýylyň ýanwarynda gutarar. Bu okuwy üstünlikli tamamlap bilmedik ýagdaýyňyzda, iki semesteri hem 1 gezek gaýtadan okap bilersiňiz. Studienkolleg-a tabşyrmagyň iki sany usuly bar. Birinjisi — Türkmenistanda mekdebi gutaryp, şol ýerden gönümel tabşyrmak. Ikinjisi bolsa, mekdepden soňra Germaniýa dil kursy öwrenmäge gidip, şol ýerden tabşyrmak.</p><p>Germaniýadaky kollejleri gözlemek üchin aşakdaky web sahypasyny ullanyp bilersiňiz.</p><p>(<a href="http://www.studienkollegs.de/">http://www.studienkollegs.de</a>).</p><figure><img alt="" src="https://cdn-images-1.medium.com/max/1024/1*eGU-YiyyqkHdC-Laa5ulJg.jpeg" /></figure><h3>Okuwa tabşyrmagyň soňky möhleti haçan we jogaplar haçan belli bolýar?</h3><p>Studienkolleg-e ýylda iki gezek tabşyryp bolýar. Eger güýzde tabşyrjak bolsaňyz soňky möhlet 15-nji iyul, we ýaz üçin 15-nji ýanwar. Wiza işini aňsatlaşdyrmak üçin näçe ir tabşyrsaňyz, şonça hem gowy. Hat-petekleri tabşyranyňyzdan soňra ortaça 7–10 günüň dowamynda jogap gelýär. Eger resminamaňyz kem bolsa, gönümel sizi ýykman, gerekli maglumatlary täzeden ugratmagyňyzy isleýärler. Hemme resminamalaryňyz ýerbe-ýer, B2 dil sertifikaty, ünsli ýazylan CV, we bahalaryňyz hem kämil bolsa, 1–2 hepdäniň dowamynda hökman kabul edýärler. Kabul edilendidiňiz barada haty alanyňyzdan soňra, ilki bilen Germaniýa gelip, nemes dili we matematikdan synag tabşyrmaly bolarsyňyz. Güýzdäki başlaýan semester üçin synag sentýabryň başynda bolýar. Eger synagy geçseňiz, sentýabryň ortasynda okuwa başlap bilersiňiz. Eger geçip bilmeseňiz, hepdelik iň azyndan 20 sagatlyk intensiw sapak berýän nemes dili kurslaryna galyp bilersiňiz. Ýaz semesteri üçin bolsa synag fewralyň başynda geçiriler we aýyň ortalaryna eýýäm okuwa başlap bilersiňiz. Ýazdaky başlaýan semestre girmek aňsadrak, sebäbi mekdepden soňra okuwçylar güýzdäki semestere tabşyrmak isleýärler we bäsdeşlik ýokary bolýar.</p><h3>Studienkolleg üçin gerekli resminamalar</h3><p>- Attestat (tutuş 5-lik bolsa okuwa girmek mümkinçiligiňiz ýokarlanar).</p><p>- Kämil ýazylan CV</p><p>- Okuwa bolan islegiňizi bildirýän hat (Motivation letter)</p><p>- Okuwyň resmi sahypasyndaky anketanyň doldurylan görnüşi</p><p>- Hemme dokumentleriň notariusdan geçen nusgasy (Aşgabatdaky Germaniýa ilçihanasyndan mugt etdirip bilersiňiz).</p><p>- Nemesçe B1 ýa-da B2 derejesinde sertifikat. Käbir okuwlar B1 islese, käbiri B2 hem sorap bilýar. Ýagny, tabşyrjak okuwyňyzyň web sahypasyna seretmegiňizi maslahat beryärin.</p><p>Nemes dili sertifikatyny Aşgabatda diňe Goethe sertifikaty üsti bilen alyp bolýar. Synag her ýylyň Mart aýynda 1 gezek Dil Merkeziniň binasynda geçirilýär. Gujurly Nesil, Päk Nesil we beýleki kurs merkezlerinden alynan sertifikat kabul edilmeyär! Goethe synagyna ýazylmak üçin azyndan 1 aý öňünden Dil Merkezine ýüz tutsaňyz ýerlikli bolar. Synag tölegli bolup, onuň mukdaryny şol ýerden anyklap bilersiňiz. Eger Germaniýada dil kursy okan bolsaňyz, onda ol ýerde islendik kurs merkeziniň sertifikaty bilen tabşyryp bilersiňiz.</p><p>Attestatdaky bahalaryň hemmesiniň 5-lik bolmasy nemesler üçin ýeterlik däl we attestatyň içinde hem gynansak-da okuwy tapawutly gutardy diýen ýeri ýok. Şol sebapli, Bilim ministrliginden ýa-da mekdebiň direktoryndan, „okuwy gowy bahalar bilen üstünlikli gutardy“ mazmunly aýratyn bir hat alynmagy örän wajyp. Resminamalar kollejiň özüne däl-de, onuň bagly bolan uniwersitetine tabşyrylýar. Kolleji gutarmagyň, uniwersitete girmegi kepillendirmeýär. Bu ýagdaý aljak bahaňa görä üýtgeyär.</p><h3>Kolleje kabul edenlerinden soňra näçe wagtda wiza aldyň?</h3><p>Germaniýada wiza bermek kararyny her ştatyň özi çözýär. Uly şäherlere wiza almak kyn bolsa, kiçileri üçin has aňsat. Ortaça wiza 4–8 hepdede taýyn bolýar. Wiza üçin hökman goragly, ýapyk hasap açmaly (blocked account). Germaniýa wiza almak barada has giňişleýin maglumatlary şu makalamda görüp bilersiniz: <a href="https://medium.com/penjire/almasy-agyr-d%C3%BC%C5%9Fen-nemes-wizasy-152beafa05bd">Almasy agyr düşen nemes wizasy…</a></p><h3>Kollej döwründe stipendiýa alyp bolýarmy ýa-da hemme çykdaýjyňy özüň ýapmalymy?</h3><p>Gynansak-da stipendiýa almak diýseň kyn. Maliýe kömegi ähmiýetli bolup biler, emma ýapyk bank hasabyňda 10,000€ açylany üçin, „maňa pul gerek“ diýip hem bilmersiňiz. Hemme bahalaryňyz gaty gowy bolsa, “Deutschlandstipendium” atly stipendiýa tabşyryp bilersiňiz şu aşakdaky link bilen:</p><p>(<a href="https://www.deutschlandstipendium.de/index.html">https://www.deutschlandstipendium.de/index.html</a>). Munuň daşyndan, kollej döwründe size diňe dynç alyşda işlemäge rugsat beriler.</p><h3>Kollejde haýsy sapaklar okadylýar?</h3><p>Kollejleriň möhleti 1 ýyl bolmak bilen, ol ýerde her kim özüne bir ugur saýlap bilýär. Ugurlar 5 sany uly kategoriýa bölünyär:</p><p>M–kurslar: Lukmançylyk, Biologiýa and farmasewtika.</p><p>W — kurslar: Ykdysadyýet, Statistika, Maliýe, Biznes we Sosýal bilimler.</p><p>T — kurslar: Technologiýa, Matematika, Inženerlik, Tebigy ylymlar we Kompýuter ugurlary.</p><p>G — kurslar: Ynsanperwer ugurlar, Edebiýat, Taryh we German ylymlary.</p><p>S — kurslar: Dil ugurlary</p><p>Kollejlerde ýokarky agzalan uly 5 kurslar bolýar we hersinden 2 sany synp açylýar. Her synpda ortaça 20–25 adam okaýar we hemme sapaklar başdan başlaýar. Sapaklaryň aglaba bölegi nemesçe, iňlisçe we matematika bolup durýar. Ýöne elbetde saýlan ugruňa göra sapaklaryň agyrlygy we düzümi hem üytgeýär. Esasan hem ynsanperwer ugurlarda nemesçe gowy bilmeseňiz gaty kösenersiňiz. Okuwyňyzy näçe gowy baha bilen gutaryp bilseňiz, uniwersitetlere girmek ähtimallygy hem şonça artar. Nemes ulgamyna görä 1.0–1.8 arasynda baha alsaňyz, gowy uniwersitetlere girmek mümkinçiligiňiz ýokarlanar. Kolleji gutaryp, näçe köp uniwersitete resminamalaryňyzy tabşyryp bilseňiz, şonça-da gowy, sebäbi ýokary okuw jaýyna girmekde hem bäsdeşlik ýokary bolýar. Esasan hem lukmançylyk ugrundan Uniwersitete girjek bolsaňyz, kollejdäki bahaňyzy 1.5 töwerekde saklajak boluň, sebäbi okuwa esasan bahalar boýunça kabul edilýär. <br>Şol sebäpden hem okuwçylaryň hemmesi kolleji esasan gowy baha almak üçin okaýarlar we zat öwrenmek ikinji derejede bolup durýar. Özüňizi beýleki dalaşgärlerden saýgarmak üçin, okuwyň daşyndan jemgyýetçilik maksatly işleri bilen meýletinçilik edip, halka hyzmat etseňiz, bularyň okuwa girmek üçin uly kömegi bolup bilyär. Lukmançylyga girjek bolsaňyz esasan hem Red Cross ýaly ýerlerde jemgyýetçilik hyzmatlaryna kömek edip, CV- ňize ýerleşdirseňiz, okuwa girmekde olaryň orny gaty uly bolar.</p><p>Eger uniwersitetlere tabşyrmak prosesiňiz üstünlikli bolsa, onda şol ýerden göni wizaňyzy uzaldyp, okuwyňyza dowam edip bilersiňiz. Has köp maglumatlar üçin ýene bir gezek (<a href="http://www.studienkollegs.de/">http://www.studienkollegs.de</a>) web sahypasyna girip görmegiňizi maslahat berýärin.</p><img src="https://medium.com/_/stat?event=post.clientViewed&referrerSource=full_rss&postId=c4aa3a23eeba" width="1" height="1" alt=""><hr><p><a href="https://medium.com/penjire/germani%C3%BDada-bakalawr-derejesini-okamak-c4aa3a23eeba">Germaniýada bakalawr derejesini okamak</a> was originally published in <a href="https://medium.com/penjire">Penjire</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[Iliň Gündeliginden]]></title>
            <link>https://medium.com/penjire/ili%C5%88-g%C3%BCndeliginden-848e62b8e27b?source=rss----844cd9076488---4</link>
            <guid isPermaLink="false">https://medium.com/p/848e62b8e27b</guid>
            <category><![CDATA[türkmen-dili]]></category>
            <category><![CDATA[hekaýa]]></category>
            <category><![CDATA[türkmençe]]></category>
            <category><![CDATA[oýlanma]]></category>
            <dc:creator><![CDATA[Bayram Agayew]]></dc:creator>
            <pubDate>Sun, 08 Mar 2020 22:05:09 GMT</pubDate>
            <atom:updated>2020-03-08T22:05:09.311Z</atom:updated>
            <content:encoded><![CDATA[<p>Ýene günlerden şol bir gün (gündeligimi şular ýaly “refrain” sözler bilen başlasym gelmesede beýnim okan, eşiden, gören şablonlarynyň daşyna çykyp bilenokdy ýa-da men zorlamokdym). Köçäniň gyrasynda ösen ýandaklary düýn çapyp petteläp goýupdym. Tomus günleri bolanlygy üçin bir günde guraýardy. Bu gün hem okuwdan gelip kakamyň ýok wagty erkinligiň ysyny aldym. Meniň üçin bu eýýäm endik halyna gelipdi. Erkinligim uzak sürenokdy, günorta sagat ikide okuwdan gelýärdim, öýlän sagat altyda bolsa kakam işden gelýärdi. Şol dört sagadyň içinde islän zadymy görüp, diňläp bilýärdim. <br>Sagat bäş bolýar welin, ejem gygyryp başlaýardy: “Kazimir, çyk daşary! Seret iliň çagasy eýýäm mellekde işläp ýör!” diýip. Daşary çykasym gelmesede şu gepleri eşitmejek bolup özümi zorlap öýden daşary atýardym. Yssa öwrenşip bilmän bir salym buz ýaly sekiň üstünde oturyp etmeli işlerimi pikirlenýärdim. (Her gün edýän zatlarym bolmasa welin, şonda-da ýazasym geldi) Bir tarapdan ejem etmeli işlerimi sanaýardy: “…ýorunja ýygyp gel, onam kerçge. Soňam korm bilen garyp towuklara ber! Soňam eliňe plastmas bedräni al we gaçan erkileri çöpläp teläre ser! Ondan soňam düynki çapan ýandaklaryňy otla!” Başymy ýaýkap sesimi çykarman iň halaýan ýerim, sklada gidip iş eşiklerimi geýdim. Iş eşikleri geýmegi halamokdym. Geýenimde üýtgeşik birahat ediji duýgulary duýýardym tenimde. Iň soňunda bolsa agamdan galan SSSR-yň ädigini geýýärdim. Derisi sypyp giden bedroýja ädik, onça goşlaryñ arasynda her gün maña garaşýan ýalydy. Näme üçindir ädigi özüme meñzedýärdim.</p><p>Elime oragy alyp mellegiñ çilinden içimi hümledip ýorunja ýygmaga barýardym. Her gezek çilden geçenimde (howlukmaç bolmasam) 5-10 minut durup geçýän ýerim bardy. Mellegiñ gyrasynda galdyrylan kiçijek tümmek. Şol tümmegiñ üstünden ýanymyzdan geçýän derýany ýokardan has gowy görüp bilýärdim. Ýene-de depäñ üstüne çykyp daş-töwerege göz aýladym. Derýañ añyr ýüzünde potratda işläp ýörenleri tanamasamam el sallaşýardyk. Soñra garry toraññyny gördüm we onuñ aşagyndaky ýerden çykýan çeşmejik ýadyma düşdi, ýanyna gidesim geldi, ýöne gitmedim. Çeşmäñ suwy süýjüdi, çopan oglanlar suw alyp bilsinler diýip içine-daşyna bişen kerpiçleri örüp arassalapdym.</p><p>Ýorunjalyga hiç giresim gelenokdy. Iki-üç gezek ýorunjalykda ýylan öldürenim bäri içimde gorky bardy. Öýdäkilere ýylan öldürenimi aýtmandym, diñe ýorunjalykda ýylan gördüm, giräýmäñ diýipdim. Şonuñ üçin her gezek elime uly taýak alyp barlap çykýardym. Gujagyma sygjak desse ýorunja ýygamdan soñ ýüp bilen baglap, mal ýatagyñ ýanyna gitdim. Howluda kakamyñ ulagy durdy, işden gelipdi. Çanagy ot kerçgelýäniñ öñüne taşlap, getiren ýorunjamy kerçgedim. Gidip skladdan üstüne korm dökdüm, soñam guýudan çekip goýan suwumy üstüne döküp, garyşdyryp towuklara berdim. Iki işli bolmaýyn diýip ýumurtgalaram çöpläp towuk ketekden çykdym. Daşaryda kakam mellegiñ daşyndan aýlanyp ýördi. Menem elimi ýuwup, plastmas bedräni alyp erik çöplemäge gitdim. Kakam bilen sataşmajak bolup her zat edýärdim. Ol hem menden gaçýan ýalydy (maña görä). Erik çöplemek daşyndan göräýmäge añsat iş ýaly, ýöne ýaman ýürege düşüji we maýdaçyl bir iş. Ýagny maña görä iş däl. Esasanam suwly joýýa gaçan erikleri çöplemek iñ ýigrenýän işlerimden biri. Ýarym sagatda bitirip boljak işi, sessizligiñ we ýekeligiñ keýpini alyp bir sagada, käwagtlar bolsa bir ýarym sagada bitirýärdim. Bedrämi süýräp gamyşdan dokalan teläriñ üstüne dökdüm. Boşan gabymada guran erikleri dolduryp olaram halta guýdum. Şeýdip hem bu günki işimiñ iñ gyzykly ýerine geldim. Gitdim, öz çarşagymy gözläp aldym. Aslynda hojalygyñ çarşagam bolsa adam zähmet siñdirip eli bilen ýasan gurallary bilen arasynda üýtgeşik bir bag bolýardy, elbetde käriñ gural ýasamak bolmasa.</p><p>Tal bilen saplanan çarşagy alyp, köçäň gyrasy bilen petdeläp goýulan ýandaklary çöpläp, agajyñ, bagyñ bolmadyk ýerine üýşürdim hemmesini. Üýşürip bolanymda gün batyp, jahan garañkylap başlapdy. Gün, derýanyñ añyrky ýüzünde, potrat ýerleriñ dynýan ýerinde batýardy. Çaga wagtym, Galileo bilen tanyşmagymdan öñ şol potrat ýerden gaty ylgap gitsem güni tutup biljegime ynanýardym.</p><p>Galan-gaçak hiç zat goýmadygyma göz ýetirenimden soñra çakgynyñ ýanynda duran kükürdi jübimden çykardym we üýşüp duran ýandaklary üç tarapdan otladym. Ot tutaşyp başlanynda bolsa dört-bäş ädim yza çekilip tomaşa etdim. Aýagyma dynç bereýin diýip ýere çökdüm. Ýanyp duran oduñ howry ýüzüme urýardy, bul hem meni meýmiredýärdi. Ýanyp duran gury ýandak bolansoñ gaty çalt tutaşyp gaty çaltam sönýärdi. Men bolsa oduñ sönmesini islemeýärdim, tomaşa dowam etmek isleýärdim. Şonuñ üçin elimiñ aşagynda gury näme bar bolsa atýardym oda. Üýşmeleñde gerek bolar diýip üýşürip goýan odunlarymdan bir-iki sanysyny atdym. Garynjalar ýaly adamlaryñ hem meýdandan öýlerine ýygnanmalaryna oduñ başynda seredip, pikirleriñe çümmäge iterýän zatlaryñ biri olaryñ hereket edişi bolup biler. Her gezek oduñ başynda ýeke galanymda öz ýoklugymy, birden ýok bolup gitmek, mensiz bir durmuşy pikirlenmäge çalyşýardym we her gezek bir netijä baryp bilmän pikirlerimi kül bilen taşlap gaýdýardym. Oduñ gipnozunda, düşünjelerimiñ içinde çolaşyp oturan wagtym meni öz guran dünýämden, kimdir biri tarapyndan gurulan dünýä yzyma getiren ejemiñ sesini eşitdim. Nahara çagyrýardy. Oklan odunym doly öçýänçä garaşdym we közüñ üstüne gum depip howla tarap ýöredim.</p><p>Obada hemme kişi öýlerine ýygnanşypdy, diñe oýun oýnap ýa-da maly ýitip gijä galan çopanlaryñ sesi bardy. Uzakdan uly ýoldan geçip barýan motoryñ sesi eşidilýärdi. Biraz salym soñra bolsa, howla ýetenimde derýanyñ gyrasynda gezişýän şagallar gezekleşip aýdymlaryna başlapdylar. Şol boluşyma göni sklada geçdim we eşigimi çalyşdym. Aýagyma pak eýran şypbygy (şypbyk sözi nireden gelýänligini bilemok) geýip guýyñ ýanyna bardym we ilki sowuk suwa ýuwundym, soñra bolsa bir bedrä sowuk suwy dolduryp goýdum. Guýynyñ depesinde ýetişýän üzüm telärden çakgymy çykaryp gelin barmak gopardym we sowuk suwyñ içine atdym. Suwyñ içindäki hoşany murt-murt ütüp iýip otyrdym we ejem ýene bir gezek adymy tutyp gygyrdy. Galanja üzümi nahardan soñ iýerin diýip bedräni tamyñ burçuna geçirip goýdum. Gapyny açyp öýe girdim, hemme kişi eýwanda saçagyñ başynda telewizor görüp otyrdylar. Kakam naharyny iýip bolup ýasdyga gyşarnyp telewizor görýärdi, içeri girenimde ýüzüme hem bakmandy. Men hem üns bermän, arasynda kellämi galdyryp telewizora seredip sesimi çykarman naharymy iýýärdim. Telewizora seretmesemde näme görýändiklerini bilýärdim. Rus bir enäniñ ogly we gelini enäniñ elinden jaýyny alyp, özüni bolsa garrylar öýüne taşlap gidipdirler. We birden hem reklama başlady. Kakam maña tarap seretdide del birine ýüzlenýän ýaly ýogyn sesi bilen “Biz garrasak ölýänçäk seredersiñä how?” diýdi. Sesimi çykarman naharyma dowam etsemde içden-içe gürleýärdim.</p><p>Adam pahyr diñe öz egosy üçin köpelýän ýalydy. Çaga dogurýyn, ýetişdireýin, diýenimi etdireýin, ol hem soñra maña göz-gulak bolsun, maña gul bolsun. Içimden öz-özüme sorag berýärdim: “Beýle etmek ol dogan çagany gul edip dogurdygyñ bolanokmy? Eger dogjak çagadan sorap bilsedik, çaga belki-de dünýä gelmek islemezdi.” Çagany özüñe görä ýetişdirmegi çagany içinden öldürmek diýip hasaplaýardym. Çagañdan özüñ üçin, señ üçin özüni pida etmegini islemek ahlak taýdan dogrymy eýsem?! Içimden bir ses gygyrýardy: “Ýok, bu däl… durmuşyñ manysy bu däldir…bu bolup bilmez. Seniñ bu dünýä gelmegiñ maksady bu däldi, bu bolup bilmezdi.” Bir tarapdan hem beýnimiñ bir ujundan başga bir ses gygyrýardy: “Çaga islämok! Çagaly bolmak islämok! Ýitse ýitip geçsin meniñ neslim! Biziñ neslimizi dowam etdirjek menden başga adam bar! Neslimiz şu wagta çenli bar bolup dünýä peýda getirmändir, ýok bolup hem peýda getirmese zyýan getirmez. Eger işler ters gidip çaga bolaýsa-da, elim-aýagym ysmaz bolup, akyl-huşumy ýitirip, çüýrän töññä dönmezden öñ ölmek isleýän!”</p><img src="https://medium.com/_/stat?event=post.clientViewed&referrerSource=full_rss&postId=848e62b8e27b" width="1" height="1" alt=""><hr><p><a href="https://medium.com/penjire/ili%C5%88-g%C3%BCndeliginden-848e62b8e27b">Iliň Gündeliginden</a> was originally published in <a href="https://medium.com/penjire">Penjire</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[Atsyz 2]]></title>
            <link>https://medium.com/penjire/atsyz-2-856b5cd39400?source=rss----844cd9076488---4</link>
            <guid isPermaLink="false">https://medium.com/p/856b5cd39400</guid>
            <category><![CDATA[atsyz]]></category>
            <category><![CDATA[türkmeçe]]></category>
            <category><![CDATA[hekaýa]]></category>
            <dc:creator><![CDATA[Bayram Agayew]]></dc:creator>
            <pubDate>Sat, 07 Dec 2019 18:10:40 GMT</pubDate>
            <atom:updated>2019-12-07T18:10:40.543Z</atom:updated>
            <content:encoded><![CDATA[<p>Daş-töwerege göz ataýyn diýip bazar diýilen ýerde eýläk-beýläk aýlanyp başladym. Ýöne näme üçindir üýtgeşik eşikli adamlardan başga zat göremokdym. Bu ýagdaý meni biraz howsala saldy. Birden adamlar bir nokadyň daşyna üýşip başladylar. Adaty bolşy ýaly köpçülikden gaçýan bolamsoň, içimdäki bilesigeljilik duýgumy öldürip bilmän köpçüligiň arasyna garyşyp gitdim.</p><p>Bazara gelen admlar ortada duran, kerpiçden galdyrylan tümmegiň daşyny gurşap aldylar. Ýaňky tümmegiň üstüne bahary geçen bir garryny çykardylar. Garry tümmegiň üstünde ýüzüni aşak salyp, hiç kimiň ýüzüne seredip bilmän durdy. Ol bolşuna bir-iki damja ajy suwy tozan basan çepeginiň üstüne düşdi. Başy egilmedik deregiň ýykylşyna tomaşa etmek…(boşluk).</p><p>Köki guran deregi kör teňňä aldylar gitdiler.</p><p>Onuň yz ýany tümmegiň üstüne ýetginjeklik ýaşyna ýaňy giren, ýüzi örtgüli gyzjagazy çykardylar. Nalaç gyzjagazyň ýürek urşuny örtgüniň arkasynda dem alyşyndan aňyp bolýardy. Belki-de ony, onuň geljegi beýle howsala salýandyr. Belki-de gijeleri ýatmazdan öň eden hemme arzuwlarynyň göz açyp ýumasy salymda ölendikleri.</p><p>Şagalaňy alyp baryjylaryň biri geldi-de gyzyň ýüzündäki örtgüni galdyrdy. Içimden “Käşgä şony galdyrmadyk bolsadyň” diýdim. Ol gözler, onuň gözleri…</p><p>Onuň gözlerine seredip bilemok, şol bir wagtda hem gözlerimi aýyryp bilemok. Ol bakyşlary ömür boýy unudyp bilmern diýip gorkýan. Onuň gözleri hanasyndan çykaýjak bolýardy. Üýşen adamlaryň içinden birilerini gözleýärdi. Tapdy.</p><p>Köpçüligiň içinde duran iki kişä seredip bakyşlary bilen “Näme üçin?”, “Men size näme etdim?”, “Meniň etmişim näme?” diýýän ýalydy. Ýalňyşmasam şol duran iki kişi bolsa bu dünýäsi ýykylan gyza “ene-atalyk” eden adamlardy. Eger-de bu bakyşlaryň sesi bolan bolsady şol sese Lusiferiň hem ýüregi gyýylardy.</p><p>Uzak dowam etmedik kesgin bakyşlardan soňra olaryň üstünden gözüni aýyrdy. Peträp duran gözleri bilen halkyň içine garaňjaklaýardy. Haman ony bu oduň içinden çykarjak halasgär gözleýärdi, ýöne umytlary bir-bir ýumrulýardy. Bu tragediýany yzarlap durşuma içimden şeýle sözler geçýärdi: “maňa bir seretme”, “haýyş edýän meniň gözlerime bakma” diýip.</p><p>— Seretme!</p><p>— Seretme maňa!</p><p>— Ýok, haýyş edýän!</p><p>Bolmady.</p><p>Nirede sen, gerek wagtyň ýanymyzda bolmaýan zat? Hany sen çagalaryňy ýeke goýmaýadyň?! Şu öňümde, gözlerimiň içine seredip meni ýakyp duran öz çagaň, beýlekilerden näme tapawudy bar? Hemme zady görüp, bilip oturan bolsaň saňa gygyrmagymyň, seslenmegimiň peýdasy ýok. Eger görýän bolsaň seret! Öňümde duran çagaň Medusa kimin bakyşlary bilen meni duran ýerimde heýkel etdi, daş etdi. Ýok, men özüm üçin saňa ýüzlenmedim, saňa seslenmedim, ýöne sen çagaňa seret we onuň daşyny gurşap alan beýleki çagalaryňa seret! Şolaryň hemmesi ýene seni diňläp saňa ýüzlenýärler.</p><p>— Gör!</p><p>— Görsene!</p><p>— Görkez!</p><p>Aýtsana maňa, indi şonuň, ogluň Ieşuadan näme tapawudy bar? Sen meni, seniň üçin kiçi bolan, ýöne meniň üçin uly bolan älemiň ýok bolup gidişine näme üçin şaýatlyk etdirdiň?</p><img src="https://medium.com/_/stat?event=post.clientViewed&referrerSource=full_rss&postId=856b5cd39400" width="1" height="1" alt=""><hr><p><a href="https://medium.com/penjire/atsyz-2-856b5cd39400">Atsyz 2</a> was originally published in <a href="https://medium.com/penjire">Penjire</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[Atsyz]]></title>
            <link>https://medium.com/penjire/atsyz-57ce6825cbb?source=rss----844cd9076488---4</link>
            <guid isPermaLink="false">https://medium.com/p/57ce6825cbb</guid>
            <category><![CDATA[atsyz]]></category>
            <category><![CDATA[hyýaly-hekaýa]]></category>
            <category><![CDATA[türkmençe]]></category>
            <dc:creator><![CDATA[Bayram Agayew]]></dc:creator>
            <pubDate>Sun, 29 Sep 2019 10:03:27 GMT</pubDate>
            <atom:updated>2019-09-29T10:03:27.848Z</atom:updated>
            <content:encoded><![CDATA[<p>Nädip we nähili düşenimi özüm hem bilemok, ýöne özümi bir köçäniň gyrasynda tapdym. Özüme gelenimden soňra daş-töweregime syn salyp köçäniň boýy boýunça gözlege, ýola çykdym. Köçäniň başyndan ýöräp baryşyma öňümden iki sany erkek adam çykdy we gapdalymdan geçip gitdiler. Adaty adamlar ýaly geýinenokdylar, III — IV-nji asyrlar gündogar halklary ýaly geýinilgidiler. Gurap giden üzüm ýapragynyň reňkinde, injiklerine we goşarlaryna çenli ýetip duran uzyn köýnekdediler, aýaklarynda deriden ýasalan çepekler, boýunlarynda bolsa bir näçe altyndan şaý-sep bardy. Öz aralarynda gürrüň edip gelişlerine ýüzüme hem bakmadan duşumdan geçip gitdiler. Özümi başga asyra düşen ýaly duýup başlapdym.</p><p>Ýuwaşlyk bilen ýoluma dowam etdim we uzakdan köçäniň çepe öwrülýänligini gördüm. Äm-säm bolup barşyma ýoluň beýleki ýüzünde, sag tarapda üç sany adamyň garasy göründi. Olaryň içinde iri, saýlanyp duran, sakgally, köne kitap sahypalarynyň reňkinde, hälki deňimden geçip giden adamlaryň eşiklerine meňzeş eşikde bir erkek durdy, sag tarapda bolsa 30–35 ýaşlarynda, görnüşine görä bir näçe çagasy bolan, nagyşlar bilen ýakasy bezelen ak köýnekde bir zenan durdy. Olaryň ikisiniň arasynda ak eşikde, kellesinde bolsa — ýüzüni-de örtüp duran — ak ýaglyk bardy.</p><p>Men olary uzakdan görşüme, ýetişen gyzy bilen gelýän maşgaladyr öýdüp çak etdim, emma hemme zat sekundlaryň içinde üýtgedi. Olar meniň uzakdan gelýänimi gördüler-de durdular. Erkek we zenan meniň ýüzüme seredip, ýaňky gollaryndan tutup gelýän adamy taşlap yzlaryndan ýagy kowalaýan ýaly gaçyp başladylar. Men bolsa edil ürken düýe ýaly yza tarap üç-dört ädim ädenimi duýman galdym. Ýoluň orta arasynda taşlanan ynsan bolsa yuwaşlyk bilen ýoluň beýleki ýüzünden meniň tarapyma howlukman geçdi. Ine şol wagt hem men ol kişiniň ýaş gyz däl-de, bu durmuşda görjegini gören, ýüzi ýygyrt basyp giden, bili bükülen garry erkekligine göz ýetirdim. Ol garry ýaşuly bolsa hiç zat bolmadyk ýaly meniň ýüzüme hem seretmän ýoluň gyrasynda ýatan daşlaryň üstüne geçip oturdy. Ýaşulynyň deňine ýetenimde bolsa nämeleriň bolup geçýänligine düşünmek üçin onuň hal-ýagdaýyny soradym, ol bolsa edil men şol ýerde ýok ýaly iki gözüni ýere dikip oturdy.</p><p>Men ýene-de ýoluma dowam etdim. Ýöräp barşyma ýene orta ýaşlarynda iki erkek adam ak reňkli köýnekleri bilen ýalpyldap garşyma çykdylar. Bu iki adamyň ýüpekden tikilen köýnekleri we boýunlaryndaky şaý-seplerden olaryň baý gatlaga degişli bolandyklary belli bolýady. Olar hem ýüzüme seretmän duşumdan geçip gitdiler. Nirä düşenimi bilmek arzuwy has hem artýardy. Ýoluň gyrasyndan ýuwaşlyk bilen ilerlemäge dowam etdim we öňümde adamlar bilen doly bolan uly, seýilgähe meňzeş ýaşyl meýdan janlandy. Ýöräp barşyma çetde bir zatlar satyp oturan ýaş, gara saçlary arkadan baglanan, görnüksizje, eşigi, tozanly gün asmanyň ýüzüni tutan al-sary buludyň reňki ýaly reňkde bolan gyzyň ýanyna baryp ahyrsoňy nirä düşenligimi soradym. Gyzyň sowuk gözleri maňa bakdy-da “bazar” diýip gysga jogap berip öz işi bilen gümra boldy. “Bazar” sözi kellämiň içinde aýlanyp durdy, ýöne näme üçindir haryt satyp oturan adam göremokdym. Adaty bazarlarda bolşy ýaly satyjylar gygyryp adamlaryň ünsüni çekjek bolanokdylar. Goh-galmagal diňe iýmit satýan dükanyň öňünde we çaýhananyň töwereginde eşidilýärdi. Görülip otursa ýaňky gyz hem çaýhanada işleýän eken…</p><img src="https://medium.com/_/stat?event=post.clientViewed&referrerSource=full_rss&postId=57ce6825cbb" width="1" height="1" alt=""><hr><p><a href="https://medium.com/penjire/atsyz-57ce6825cbb">Atsyz</a> was originally published in <a href="https://medium.com/penjire">Penjire</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[DAAD stipendiýasy barada gerekli maglumatlar]]></title>
            <link>https://medium.com/penjire/daad-stipendi%C3%BDasy-barada-gerekli-maglumatlar-22e07601e4cd?source=rss----844cd9076488---4</link>
            <guid isPermaLink="false">https://medium.com/p/22e07601e4cd</guid>
            <category><![CDATA[okuw-stipendiýasy]]></category>
            <category><![CDATA[daad]]></category>
            <category><![CDATA[ýokary-okuw]]></category>
            <category><![CDATA[germaniýada-okuw-okamak]]></category>
            <category><![CDATA[türkmen-talyby]]></category>
            <dc:creator><![CDATA[Ojarmyrat Gandymov]]></dc:creator>
            <pubDate>Tue, 21 May 2019 13:55:42 GMT</pubDate>
            <atom:updated>2019-05-21T13:55:41.842Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/607/1*ZY-5DC9Olqi92xlb2fUGHQ.jpeg" /></figure><p>Salam mähriban ildeşler!</p><p>Bu gezekki makalamda sizi iň köp gyzyklandyrýan we ýazmagym haýyş edilen temalaryň biri Germaniýa Federasiýasynyň DAAD stipendiýasy hakynda nygtap geçmekçi.</p><h4><strong>DAAD</strong> näme?</h4><p>Bu stipendiýa nemes hökümeti tarapyndan 1922-nji ýyldan bäri berlip, esasy maksady daşary ýurtlylara nemes medeniýeti bilen tanyşdyrmak we ýokary bilim bermek bolup durýar. DAAD ýyllyk 100.000-e golaý ylmy adamlara maddy kömek bermek bilen dünýäniň iň uly stipendiýa berýän guramasydyr. DAAD Türkmenistanyň raýatlaryna hem her ýyl ujyply mukdarda stipendiýa berýär. Biziň ýurdymyz üçin DAAD diňe master we doktor (PhD) derejesini okamak isleýänlere stipendiýa berýär we onun mukdary master okaýanlar üçin aýlyk 850 ýewro we 1200 ýewro bolsa doktor okaýanlar üçindir. 2018-nji ýylda ortaça 6 sany adama stipendiýa berlip, olar siziň uçar petegiňize çenli töleýärler. Dogry, bu ýazan sanlarym gaty owadan we özüne çekiji, emma ilki bilen onuň üçin ägirt uly böwetleri ýeňip geçmeli we tonnalap resminama tabşyrmaly bolarsaňyz.</p><h4><strong>1.</strong> <strong>Deadline (soňky dokument tabşyryş senesi)</strong></h4><p>Hemme zatda boluşy ýaly, DAAD stipendiýasynda hemme deadline dogry bilmek iň esasy zatlaryň biri. Onuň möhleti her ýyl Oktýabr aýynyň ortalaryna ýa-da soňlaryna çenli uzaýar. Has anyk bilmek üçin DAAD öz web sahypasyndan her ýyl barlamagyňyzy ündeýärin.</p><h4><strong>2.</strong> <strong>Gerekli resminamalar</strong></h4><p>Deadline öwrenenimizden soňra, indi resminamalarymyzy ýuwaşdan çöpläp başlalyň. Daşary ýurtda okaýan dostum, deadline Oktýabr-da diýip gynanma, resminamalaryñ kopiýalaryny Aşgabatda ýaşaýan islendik bir tanşyňa haýyş edip, DAAD ofisyna seniň adyňdan tabşyrdyp bilersiň.</p><ul><li><strong>Online application form</strong> <br>Adyndan belli bolşy ýaly, DAAD online portalyndan dokumentleri ilki tabşyryp başlaýaňyz. Aşaky linki ulanyp, birinji ädimimizi ädeliň onda!</li></ul><p><a href="https://www.daad.de/deutschland/stipendium/datenbank/en/21148-scholarship-database/"><em>https://www.daad.de/deutschland/stipendium/datenbank/en/21148-scholarship-database/</em></a></p><p>Bu ýerden çep tarapda ýurtlaryň arasyndan Türkmenistany we haýsy dereje okajagaňyz (graduates=master’s we doctoral candidates), bölümde okajagyňyzy saýlaýarsyňyz. Soňra, sanaw çykar. Master’s okajaklar şo ýerden “Study Scholarships for Graduates of All Academic Disciplines” diýen penjirä girýäňiz we şol ýerden aşakdaky dokumentleri skan edip online ýükleýäňiz.</p><ul><li><strong>CV </strong>(Europass formatynda doldurylan)</li><li><strong>Motivation letter</strong></li><li><strong>Iňlis dilini bilýändigiňiz baradaky subutnama <br></strong>IELTS, TOEFL bar bolsa beýleki dalaşgärlerden şansyňyz has ýokary bolar. 2018-nji ýyldan başlap, sertifikadyňyz ýok bolsa, ofise çagyryp, dilden hem sorapdyrlar. Ýöne bu ýyl olar ýaly zat boljakmy belli däl. Şol sebäpli, özlerinden sorap, ýene bir gezek anyklamagyňyzy maslahat berýän.</li><li><strong>Form doldurmak</strong> <br>“Information about your preferred program” atly word dokumendi şol online portaldan indirýäňiz we dokumentde okamak isleýän 3 sany Uniwersitetiňiziň adyny ýazýaňyz. Muny ýazmagyň kän manysyna düşünmedim, sebäbi DAAD diňe stipendiýa berýär we okuwy tapmak we okuwdan kabul almak siziň öz borjuňyz.</li><li><strong>Bakalawr ýa-da master diplomyňyz we transkriptyňyz</strong> <br>Eger DAAD dokument tabşyrýan wagtyňyz okuwyňyzyň soňky ýylynda bolsaňyz, onda şol senä çenli okuw bahalaryňyzy öz içine alýan transkriptyňyzy tabşyryp bilersiňiz. Diplomyňyzy bolsa okuwyňyzy gutaraňyzda görkezäymeli bolar.</li><li><strong>PhD üçin tabşyrjaklar öz üstünde işleýän research hem gysgaça düşündirmeli bolar.</strong></li><li><strong>Mekdep attestatyňyz</strong></li></ul><h4><strong>3. Interwýu</strong></h4><p>Hemme dokumentleriňizi tabşyranyňyzdan soň, DAAD-da işleyän adamlar hatlaryňyzy bir-birden seljerip, göwnüne ýaran dalaşgärleri interwýu çagyrarlar. Onuň wagty her ýyl üýtgäp durýar, bir ýyl Ýanwarda bolsa, başga ýyl Noýabr ýa-da Dekabrda hem bolup bilýär. Interwýu çagyrylan dalaşgärler DAAD Aşgabatdaky ofisine barmaly we daşary ýurtda okaýanlar üçin 2018-nji ýyldan başlap Skype interwýu etmelerini hem bes etdiler. Ýagny, daşynda okaýan türkmen raýatlarymyz hem şol çagyrylan möhletde Aşgabada interwýu gelmeleri mejbur. Şonda-da dokument tabşyrmazdan ozal, ýene özlerinden sorap anyklamagyňyzy maslahat beryärin.</p><h4><strong>Interwýuda ortaça beriljek soraglar aşakdakylardan ybarat:</strong></h4><ul><li>Näme üçin DAAD stipendiýasyna tabşyrýaň? (Milýoner bolan bolsam stipendiýa tabşyrmazdym ýaly jogaplary beräýmäň ýöne)</li><li>Näme üçin Germaniýa, başga ýurt däl-de?</li><li>Näme üçin öz bölümiňi okamaga karar berdiň?</li><li>Näme üçin şo sanawdaky 3 sany Uniwersiteti ýazdyň? Bularyň beýleki okuw jaýlardan näme tapawudy bar?</li><li>Öz bölümiňe degişli bir sorag.</li><li>Ýene 5 ýyldan özüňi nähili ýagdaýda görýäň?</li></ul><p>Interwýuda 5 adam oturar we olaryň 2–3 sanysy ýörite Germaniýadan gelen professorlar bolar. Aljyramaň, özüňize göwnüňiz ýetsin. Nähili derejede okasyň gelýändiňi gözüňden ot çykaryp görkez!</p><h4><strong>4.</strong> <strong>Jogaplar</strong></h4><p>Bu döwrüň iň tolgundyryjy wagty hem elbetde jogaplara garaşmak. Gynansakda, begençli ýa-da gynançly netijelere Aprele çenli garaşmaly bolarsyňyz. Eger stipendiýa utsaňyz email arkaly begençli habary size ýetirerler, ýöne gynançly habary hemişe ýetirip duranoklar. Şol sebäpli, DAAD-yñ online portalyndan özüňiz göni seredip bilersiňiz. Stipendiýa utýanlaryň sany her ýyl ortaça 6–8 adam we şol sebäpli çynyň bilen der dökmeli bolarsyňyz dostum. Boldy indi, okap oturmada dokumentleriňi taýýarlamagyň ugruna çyk! Üstünlik hemraň!</p><blockquote>P.S. Ýokarda ýazylanlaryň hiçisi 100% dogry diýmekligi aňlatman, meniň we beýleki tabşyran dostlarymyň tejribelerinden jemlenip ýazylan makala. Hemişe DAAD-yň öz ofisine gidip soramagy ýa-da email arkaly habarlaşmagyňyzy berk maslahat berýärin!</blockquote><img src="https://medium.com/_/stat?event=post.clientViewed&referrerSource=full_rss&postId=22e07601e4cd" width="1" height="1" alt=""><hr><p><a href="https://medium.com/penjire/daad-stipendi%C3%BDasy-barada-gerekli-maglumatlar-22e07601e4cd">DAAD stipendiýasy barada gerekli maglumatlar</a> was originally published in <a href="https://medium.com/penjire">Penjire</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[Almasy agyr düşen nemes wizasy…]]></title>
            <link>https://medium.com/penjire/almasy-agyr-d%C3%BC%C5%9Fen-nemes-wizasy-152beafa05bd?source=rss----844cd9076488---4</link>
            <guid isPermaLink="false">https://medium.com/p/152beafa05bd</guid>
            <category><![CDATA[türkmen-talyp]]></category>
            <category><![CDATA[okuwçy-wizasy]]></category>
            <category><![CDATA[germaniýa-wiza]]></category>
            <category><![CDATA[ýewropada-ýokary-okuw]]></category>
            <category><![CDATA[ýokary-okuw]]></category>
            <dc:creator><![CDATA[Ojarmyrat Gandymov]]></dc:creator>
            <pubDate>Thu, 17 Jan 2019 20:11:19 GMT</pubDate>
            <atom:updated>2021-06-08T14:10:31.865Z</atom:updated>
            <content:encoded><![CDATA[<figure><img alt="" src="https://cdn-images-1.medium.com/max/1024/1*WJNh3mzAPJryrGqU5mxHLA.jpeg" /><figcaption>Berlin, Parlament binasy</figcaption></figure><p>Salam gadyrdan ildeşler! Bu günki makalamda size Germaniýa döwletine talyp wizasy almak hakynda agzap geçmekçi. Wiza diýlen zat dünýäde iň ýürek-gysdyryjy zatlaryň biri bolmak bilen çäklenmän, eýse artykmaç wagt, energiýa we pul sarp edýän öwrümleriň biridir. Ýöne gynansakda, öňümizde goýan maksatlarymyza ýetmek üçin arasynda bular ýaly böwetlerden hem geçmeli bolýarys. Onda näme, başlalyňmy?!</p><h4>1. Admission Letter</h4><p>Ilki bilen etmeli zadyňyz okuwdan kabul haty almak <em>(</em><strong><em>admission letter</em></strong>). Onsoň, okuwa kabul edilendigiňiz baradaky resminamaňyzy alan badyňyza göni nemes ilçihanasyna ylgaň. (Gije sagat 12-de alan bolsaňyz, ilçihanaň gapysynda gögerip azara galmaň, işgärleri aýaklaryny uzadyp ýatandyrlar ol wagt). Resminamaň asyl nusgasyny görkezmek zerurlygy ýok, şol sebäpden email-iňize gelen <strong><em>pdf</em></strong> formatyndaky dokumenti görkezip bilersiňiz. Başga-da näme dokument gerek diýip gyzyklanýan bolsaňyz…</p><h4>2. Application Form</h4><p>Ilçihanadan arza (<em>“</em><strong><em>appliсation form</em></strong><em>”)</em> alyp, maglumatlaryňyzy doldurmaly. Arzany wagtyňyzyň biderek ýitmezligi üçin, nemes ilçihanasynyň web sahypasyndan hem ýükläp bilersiňiz.</p><h4>3. Saglyk <strong>ätiýaçlandyryş kagyzy</strong></h4><p>Indiki gerek zadymyz <strong>saglyk ätiýaçlandyryş kagyzy</strong>. Germaniýada okajak bolsaňyz, ätiýaçlandyrmany hökmany suratda almaly. Ony hem wiza tabşyrmankaňyz onlaýn edip bilersiňiz. (Men özümiňkini iki günüň dowamynda açypdym). Ýokary okuw jaýyňyz haýsy şäherde ýerleşýän bolsa, şol ýerdäki ähli saglyk ätiýaçlandyrma şereketlerini internetden gözläň we olara göni açmak isleýänligiňiz barada email ugradyň. Siziň olara diňe okuwa kabul edilendigiňiz hakyndaky dokument bilen passport kopiýaňyzy surat görnüşinde (sсan) edip ugratmagyňyz ýeterli. Ätiýaçlandyrmanyň möhletini diňe okuwyň başlaýan gününden başladyp bilersiňiz. Okuwa geleniňizden soň, şol şereketiň merkezine baryp, aktiwlaşdyryp bilersiňiz.</p><h4><strong>4. Ýaşajak ýeriňiz</strong></h4><p>Germaniýada <strong>ýaşajak ýeriňiz</strong> baradaky subutnama. Eger okuwyň umumy ýaşaýyş jaýynda galjak bolsaňyz, şolardan gelen haty görkezmeli bolar. Eger wiza tabşyrýan mahalyňyz, eliňizde hiç zat ýok bolsa, <em>booking.com</em>-dan galjak şäheriňizde bir hepdelik myhman otagy aýyrdyp, şony görkezip bilersiňiz. Bu hyzmatyň gowy tarapy, eger myhmanhanaňyzy mugt yzyna gaýtarma görnüşinde <em>(free cancellation option)</em> alan bolsaňyz, we wiza tabşyraňyzdan soň eger galmaga ýer tapan bolsaňyz, puluňyzyň şemala gitmezligi üçin petegiňizi yzyna gaýtaryp bilersiňiz.</p><h4><strong>5. Maddy ýagdaýyňyz</strong></h4><p>Makalanyň iň gyzykly ýerine geldik. Ol bolsa, Germaniýada okajak wagtyňyzdaky <strong>maddy ýagdaýyňyzy</strong> subut etmek. Türkmenistanyň raýatlary üçin muny subut etmegiň üç usuly bar:</p><p>A) Eger aýlyk 861 Ýewro çenli stipendiýaňyz bar bolsa, şony görkezip arkaýyn wiza alyp bilersiňiz. Eger stipendiýaňyz 500 Ýewro bolsa, üstüni dolduryp (361 Ýewro), bir ýyllyk umumy mukdaryny görkezmeli bolarsyňyz. Bu ýagdaýda 361 Ýewrony 12 aýa köpeldip, 4332 Ýewro goşmaça görkezmeli bolarsyňyz.</p><p>B) Eger hiç hili stipendiýaňyz ýok bolsa, onda siz 8640 Ýewrony nemes ýapyk bank hasabynda goýup, görkezmeli bolarsyňyz. Ilki bilen muny näme üçin soraýandygyny we 10,332 Ýewro diýen mukdar nireden çykandygyny düşündireýin. Eger Germaniýada okajak bolsaňyz, bir talybyň aýakda durmagy üçin aýlyk 861 Ýewro gerek diýip hasaplapdyrlar. Ol mukdaryň içine siziň galjak ýeriňiziň tölegi, iýjek-işjegiňiz, sportuňyz, depder-galam, kino-teatr, hemmesini goşup, ortalyk çykaran mukdarlary bolup durýar. Elbetde bu mukdaryň näçe boljagy siziň özüňize we ýaşaýyş stiliňize bagly. Ýagny, käbirleri 500 Ýewro ýaşap bilýän bolsa, başgalary 1000 Ýewro hem ýaşaýar. Indi ol mukdary 861 Ýewro 12 aýa köpeldip, 10,332 Euro çykarýarys. Ýapyk hasap näme diýip sorap bilersiňiz we näme üçin ýönekeý bank hasap däl-de, ýapyk hasap? Nemes hökümeti siziň çyndan hem puluňyzyň bardygyny bilmek üçin, ýapyk hasapda goýmagyňyzy isleýär. Ady nähili gorkunç görünse-de, ýapyk hasap diýmegim bilen siz ol puly hiç elläp bilmersiňiz diýlen zat ýok. Siz Germaniýa geleniňizden soň, her aý ýapyk hasabyň ujundan 861 Ýewro çekip bilersiňiz we şeýlelikde bir ýylyň dowamynda çekip gutararsyňyz. Ilkinji aýda hat-da göni 3 aýyň puluny hem berip bilerler, ýagny 2583 Ýewro we indiki aýlardan 861 çekmäge dowam edersiňiz. Ýapyk hasaby diňe bir ýyl üçin görkezýäňiz, ýagny indiki ýyllar üçin açmak mejbury däl. Germaniýada talyplar üçin ýapyk hasaby üç sany bank açyp berýär. Olar:</p><p>1) <strong>FINTIBA</strong></p><p>2) <strong>DEUTSCHE BANK</strong></p><p>3) <strong>X-PATRIO</strong></p><p>Bularyň içinde meniň size maslahat berjegim we iň aňsady “Fintiba”nyň üsti bilen açmaklyk. Siz olara email ugradyp, iň giç bir hepdäň dowamynda hasabyňyzy açyp bilersiňiz. Hasaby açanlaryndan soň, bank size IBAN we SWIFT hasabyňyzy berer we nemes hasabyňyza online pul salyp bilersiňiz. Eger Türkmenistandan pul salyp bilmeseňiz, Türkiýede ýa-da Russiýada ýaşaýan/okaýan tanyşlaryňyza haýyş etmeli bolarsyňyz. Hasabyňyza doly pul geçeninden soň, nemes ilçihanasyna gidip hemme dokumentleriňizi tabşyryp bilersiňiz.</p><p>ç) Finans ýagdaýyňyzy görkezmek üçin üçünji we iň aňsat usuly, Germaniýada ýaşaýan tanşyňyz bar bolsa (Germaniýaň raýaty bolmasa-da, işleýän ýa-da şereketi bar bolan islendik kişi), şolaryň öz ýaşaýan şäherindäki “<strong>Auslanderbehorde</strong>” (Foreign Authority) merkezine gidip, siziň aýlyk çykdaýjylaryňyzy öz boýnuma alýan diýip gol çekip gaýtmaly. Ony subut etmek üçin ol adam aýlyk mukdaryny görkezmeli bolar. Eger öýlenmedik/durmuşa çykmadyk biri bolsa, onda ol adamyn iň az 2100 Ýewro (netto, ýagny salgytlardan soňra) mukdarynda aýlygy bolmaly. Eger öýlenen/durmuşa çykan biri bolsa, onda iň az 3000 Ýewro aýlygy bolmaly. Eger subut edip bilseler, edara olara rugsatnama berer. Ýöne gynansakda, nemes ilçihanasy ol dokumendiň asyl nusgasyny talap eder, şonuň üçin Germaniýadaky ýaşaýan tanyşyňyz poçtadan ugratmaly bolar. (Poçtanyň Türkmenistana gelmegi iki hepde töwerek wagt alar).</p><h4><strong>6. Uçuş ätiýaçlandyrmasy</strong></h4><p>Iň soňky gerek dokumendimiz <strong>uçuş ätiýaçlandyrmasy</strong>. Eger okuwyňyzyň başlaýan güni ýa-da ol seneden giç gitseňiz, saglyk ätiýaçlandyrmasynyň bolmagy ýeterlikdir. Eger Germaniýa okuwyňyz başlaýan güninden biraz irräk gitmek isleseňiz, onda size goşmaça uçuş ätiýaçlandyrmasy açmaly bolar. Bu hyzmaty Aşgabatdaky “Ätiýaçlandyrma edarasyna” gidip, şol bada açdyryp bilersiňiz. Bu hyzmatyň tölegi gün başyna 2.5 USD, ýagny 10 gün ir gitjek bolsaňyz 25 USD tölemeli bolarsyňyz. Bu tölegi Türkmen Visa card-yňyz üsti bilen hem töläp bilersiňiz.</p><p>Ýokardaky agzalyp geçilen dokumentleriň hemmesini çöpläp, arkaýyn wiza tabşyryp bilersiňiz. Wiza hyzmaty üçin hem 75 Ýewro ýada 90 USD töwereginde pul islärler. Şulary ýerine ýetirip, diňe garaşaýmak galýar. Germaniýada jemi 16 sany Ştat (Länder) bolup, haýsy birinde okajak bolsaňyz, şol ştatdakylar siziň wizaňyza karar bererler. Muny aýtmak bilen, uly ştatlar bolan Berlin, Bavariya we Hamburg üçin <strong>4 hepdeden 12 hepdä</strong> çenli garaşmaly bolsaňyz, kiçiräk ştatlar üçin 4–6 hepde garaşarsyňyz. (Men Bremen Ştaty üçin ylaýyk 4 hepdede aldym). Meniň şu günki aýtjaklarym şulardan ybarat. Indiki makalalarymda görüşýänçäk hoş sag boluň!</p><p><a href="https://penjire.com/germani%C3%BDada-magistratura-masters-degree-derejesini-okamagy%C5%88-usullary-b2355206ced4">Germaniýada magistratura (Master’s degree) derejesini okamagyň usullary</a></p><h4><strong>Peýdaly boljak web sahypalary:</strong></h4><p><a href="https://aschgabat.diplo.de/tm-ru/service/05-VisaEinreise/-/1437408"><em>https://aschgabat.diplo.de/tm-ru/service/05-VisaEinreise/-/1437408</em></a></p><p><a href="https://www.study-in.de/en/plan-your-studies/requirements/visa-and-residence-permit_26604.php"><em>https://www.study-in.de/en/plan-your-studies/requirements/visa-and-residence-permit_26604.php</em></a></p><p><a href="https://www.daad.de/deutschland/nach-deutschland/bewerbung/en/9199-visas/"><em>https://www.daad.de/deutschland/nach-deutschland/bewerbung/en/9199-visas/</em></a></p><img src="https://medium.com/_/stat?event=post.clientViewed&referrerSource=full_rss&postId=152beafa05bd" width="1" height="1" alt=""><hr><p><a href="https://medium.com/penjire/almasy-agyr-d%C3%BC%C5%9Fen-nemes-wizasy-152beafa05bd">Almasy agyr düşen nemes wizasy…</a> was originally published in <a href="https://medium.com/penjire">Penjire</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[Germaniýada magistratura (Master’s degree) derejesini okamagyň usullary]]></title>
            <link>https://medium.com/penjire/germani%C3%BDada-magistratura-masters-degree-derejesini-okamagy%C5%88-usullary-b2355206ced4?source=rss----844cd9076488---4</link>
            <guid isPermaLink="false">https://medium.com/p/b2355206ced4</guid>
            <category><![CDATA[germaniya]]></category>
            <category><![CDATA[ylymsöýer]]></category>
            <category><![CDATA[turkmen-talyp]]></category>
            <category><![CDATA[ýokary-okuw]]></category>
            <category><![CDATA[magistratura-okamak]]></category>
            <dc:creator><![CDATA[Ojarmyrat Gandymov]]></dc:creator>
            <pubDate>Sat, 29 Dec 2018 16:32:42 GMT</pubDate>
            <atom:updated>2019-10-20T13:34:19.010Z</atom:updated>
            <content:encoded><![CDATA[<p>Salam gadyrdan ildeşler! Geçen hepde okuw otagymda çaý owurtlap, ertire ýetişdirmeli hat-peteklere syn edip otyrkam, tanyşlarymdan biri menden Germaniýada magistratura okamak barada maslahat sorady. Soňky 2 aýyň içinde bu hakda maňa berlen soragyň onunjysydy. Ildeşlerimden beýle gyzyklanmany ýygy-ýygydan almagym diýseň begendirdi we bu pursatdan peýdalanyp türkmen dilinde makala ýazmaga karar berdim.</p><figure><img alt="" src="https://cdn-images-1.medium.com/max/1000/1*IXD3LZrmXXs5o5WYSdv8UA.jpeg" /><figcaption>Bremen, Germaniýa</figcaption></figure><p>Häzir men Germaniýanyň Bremen şäherinde magistratura derejesinde okaýaryn. Şol sebäpli bu makala esasan masterlik derejesine üns berer. Bakalawr, kollej /orta mekdep, nemes dili kurslary barada heniz anyk maglumatym ýok, emma nesip bolsa gelejekki ýazgylarymda siziň bilen paýlaşmakçy. Bu makala 5 ädimden ybarat:</p><ol><li>Okuwlar we ugurlar hakynda maglumat edinmek</li><li>Dokumentleri ýygnamak</li><li>Okuwlara ýüz tutmak (application)</li><li>Jogaba garaşmak</li><li>Okuwa kabul edileniňizden soň wiza tabşyrmak</li></ol><p>Men ilki size Germaniýadaky uniwersitetler hakynda gysgaça maglumat bermek isleýärin. Germaniýada Uniwersitetleriň sany 300-e ýakyn bolup, olar döwlet we hususy edaralar tarapyndan ýöredilyär. Bularyň aglaba bölegi döwlet uniwersitetlerinden ybarat bolup, olaryň ortaça 1 semesterlik bahasy 100–500 € arasydyr. (2018-nji ýyldan bäri Baden-Wurttemberg ştatyndaky okuw tölegleri 1500 € çenli ýokarlandyryldy). Nemes dilini bilmeýän bolsaňyz hem zyýany ýok, çünki iňlis dilinde okadylýan ýüzlerçe programma tapyp bilersiňiz.</p><h4>1. Okuwlar we ugurlar hakynda maglumat edinmek</h4><p>Siziň ilkinji etmeli işiňiz Germaniýadaky okuwlar we bölümler bilen tanyşmak. Uniwersitetler 2 sany semestere bölünýär. Birinjisi Winter Semester (Gyş semesteri), 1-nji Oktýabrdan 31-nji Marta çenli dowam edýär. Ikinjisi Summer Semester (Tomus semesteri), 1-nji Apreldan Sentýabr aýyna çenli dowam edýär. Käbir Uniwersitetler diňe Gyş semesterinde okuwa kabul alýan bolsa, käbirleri diňe tomus semestirinden başlaýana hem kabul edip biler, beýlekiler bolsa iki semester üçin hem kabul edip biler. Okuw programmalaryny gözläniňizde size iňňän uly kömegi degjek web sahypasy:</p><p><a href="https://www.daad.de/deutschland/studienangebote/international-programmes/en/">DAAD - International Programmes - Homepage</a></p><figure><img alt="" src="https://cdn-images-1.medium.com/max/1024/1*N4frzm0YCz74yWwGCSY1rg.jpeg" /></figure><p>Ýokarky suratda görşüňiz ýaly, bu ýerde haýsy derejäni (bakalawr, master, doktor) almak isleýäniňizi saýlap, haýsy bölüm we dilde okajagyňyzy ýazýaňyz. Mundan soň, saýlan kriteriýalaryňyza görä uniwersitetlerin sanawy çykar. Siz ol ýerden göwnüňize ýaran okuwy we programmany saýlanyňyzda, size gerek ähli maglumatlary (deadline ýa-da soňky möhleti, gerekli resminamalar, okuwyň tölegi we ş.m.) tapyp bilersiňiz. Meniň maslahatym, maglumatlary öwreneniňizden soň, okuwyň öz web sahypasyny hem aýratyn barlap, täzeden deňeşdirip görüň, sebäbi käwagt möhletli datalar okuwyň öz saýtynda üýtgäp biler. Size başdaky linki bermegimiň maksady umuman Germaniýadaky hemme okuwlaryň haýsy programma boýunça ders berýänini tiz bilip, siziň işiňizi ýeňilleşdirmek.</p><p>Ilkinji öwrenmeli zadyňyz <em>deadline</em> (okuwa dokumentleriňizi tabşyrmak üçin soňky gün). Umaman alanymyzda käbir okuwlaryňky <strong>Ýanwar </strong>aýynda gutaryan bolsa, başgalary <strong>Fewral, Mart</strong>, hat-da <strong>Iýula</strong> çenli uzap bilýär. Mundan daşary, köpsanly okuwlaryň soňky möhleti Ýewropa Bilelişiginde okaýanlar üçin gijirak edilip, beýleki daşary ýurtlylar üçin ir edýärler. Meselem, daşary ýurtlylar üçin <strong>Fewral</strong>, Ýewropalylar üçin <strong>Iyun</strong> aýynda bolup bilýär, şol sebäpli deadline senesine ünsli seretmegiňizi ündeýärin.</p><h4>2. Dokumentleri ýygnamak</h4><p>Indiki ädim, haýsy dokumentleriň gerekdigini öwrenip, ýygnap başlamak. Bakalawr derejäňiziň soňky ýylynda bolsaňyz, terjimehalyňyz (<strong>transcript</strong>) bilen arkaýyn tabşyryp bilersiňiz. Mundan başga möhüm gerek zatlaryň biri iňlis dilini bilyändigiňiz baradaky subutnama. Muny subut etmegiň birnäçe usullary bar:</p><ol><li><strong>IELTS</strong> — eger inžinerlik okaýan bolsaňyz 6.0 hem ýeterlik bolup bilýar. Eger aragatnaşyk ylymlary (communication, social sciences) bolsa, 6.5 we ondan ýokary islärler.</li><li><strong>TOEFL</strong> — munuň kriteriýasy hem IELTS ýaly. 79-dan ýokary bal alsaňyz has gowy bolar.</li><li>(Bu meniň in halaýan usulym we arasynda in aňsady.) Siz bakalawr derejäňizi 100% inlisçe gutaran bolsaňyz köp uniwersitetler şony kabul edýärler. Ýöne, has takyk anyklamak üçin gönümel okuwyň özi bilen e-mail arkaly habarlaşsaňyz jaýdar bolar. Eger bolümiňiz inlisçe bolsa, siziň transcript-iňizde ýazylar we şony görkezip bilersiňiz.</li></ol><p>IELTS, TOEFL meselesinde her okuwyň isleýän mukdary biri birinden tapawutly. Meselem “Uniwersitet A” IELTS 6.0 isleýän bolsa, “Uniwersitet B” 6.5 isläp bilýär. Synagyň özüne bolsa, siz eýýäm okuwa dokument tabşyrmaga 2–3 aý galanda, öñünden girseňiz has gowy bolar (Synagyň tölegi 150–250 $ arasynda bolup, haýsy ýurtda girýäniňize görä üýtgeýär). Herhal okuw bilen habarlaşyp anyklamaly, sebäbi käbir (!) okuwlar deadline geçenson hem IELTS/TOEFL kabul edip bilyär.</p><p>Indiki möhüm dokumentler: <strong>CV</strong> (özüňiz hakynda gysgaça beýannama. Meniň maslahatym Europass formatyndan taýýarlamak) we <strong>motivation letter</strong> (näme sebäpli şol okuwa ýa-da şol bölüme tabşyrýanlygyňyz barada ýazmaly)</p><p><em>Europass format CV: </em><a href="https://europass.cedefop.europa.eu/documents/curriculum-vitae"><em>https://europass.cedefop.europa.eu/documents/curriculum-vitae</em></a></p><p>Okuwa dokument ugradanyňyzda olar sizden hatlaryňyzy <strong>notariýusdan</strong> geçirmegiňizi hem isläp bilerler. Bu ýagdaýda, galýan yeriňizdäki iň ýakyn <strong>Nemes ilçihanasyna</strong> gidip, dokumendiň asyl nusgasyny görkezip kopiýasyna <strong>möhür</strong> basdyryp bilersiňiz. Eger bakalawr derejaňizi Türkmenistanda — Türkmen dilinde okan bolsaňyz, onda ilki bilen hemme dokumentleriňizi iňlis ýa-da nemes diline resmi taýdan dahylly (litsenziýasy) bolan edarada terjime etdirmeli bolýaňyz.</p><h4>3. Okuwlara ýüz tutmak</h4><p>Indiki ädim okuwa ýüz tutmak (<strong>application</strong>). Onun birnäçe usullary bar. Aşakdaky ýazjak usullarymyň haýsyny etmelidigini her Uniwersitetiň özi çözýär, ýagny her Uniwersitetiň öz kriteriýalary bolýar. Meselem:</p><ol><li>In aňsat ýoly okuwyň göni öz websaýtyn-dan <strong>online</strong> tabşyrmak.</li><li>Hem online, hem-de <strong>poçtaň</strong> üsti bilen okuwyň özüne dokumentleri ugratmak (köp okuwlar ikisini birlikde etmegiňizi isleýär). Poçtadan ugradanyňyzda deadline-dan öň barar ýaly ir alada edip başlamaly.</li><li><a href="https://www.uni-assist.de/en/"><strong>Uni-assist</strong></a> arkaly. Bul aýratyn bir sistema bolup, siz uni-assista dokumentleriňizi ugradýaňyz, olar dokumentleri süzgüçden (filtrden) geçirip dogrumy yalňyşdygyny kesgitleýär. Hernäçe owadan görünse-de, ýeri gelende bu hyzmat tölegli. Ilkinji ugradan uniwersitetiňiz üçin €75 töläp, beýlekileriň hemmesine €15-dan tölemeli. Köp uniwersitetler diňe uni-assist üstünden resminama tabşyrmagyňyzy hem isläp biler.</li></ol><h4>4. Jogaba garaşmak</h4><p>Dokumendiňizi üstünlikli ugradanyňyzdan soň, sabyr bilen garaşaýmak galýar! Bu birnäçe wagt alar (1 aýdan 4 aýa çenli). Menden sorasaňyz-a iň az 3–4 uniwersitete tabşyryp görüň. Eger hemmesinden kabul edilseňiz, beýlekileri kabul etmän bilersiňiz.</p><blockquote><em>Berekella, okuwa kabul edildiňiz!</em></blockquote><h4>5. Okuwa kabul edileniňizden soň wiza tabşyrmak</h4><p>Sag-aman soňky basgançagymyza-da ýetdik! Tutuş dowamatyň (prosesiň) iň kyn ädimi Germaniýa döwletine <strong>visa</strong> almak. Eger okuwyňyz Oktýabrda başlaýan bolsa iň azyndan <strong>3</strong> aý (!) öňünden viza işlerine başlaň, aňsat ýaly görünse-de, gaty köp der dökmegi talap edýär. Talyp vizasyny (<strong>Type D</strong> wizasy) almak üçin gerekli dokumentleri aşakdaky linkden görüp bilersiňiz:</p><p><a href="https://aschgabat.diplo.de/tm-ru/service/05-VisaEinreise/-/1437408"><em>https://aschgabat.diplo.de/tm-ru/service/05-VisaEinreise/-/1437408</em></a></p><p>Wiza prosesi hakynda giňişleýin maglumaty indiki makalamda okap bilersiňiz. Şeýle hem, öňümizdäki hepdelerde nesip bolsa DAAD stipendiyasy, Germaniýada okuwçy wagtyň ýarym wagtlaýyn (part-time) işlemek, umumy ýaşaýyş jaýynda student bolup ýaşamak üçin çykdajylar hakynda aýratyn makala ýazmagy meýilleşdirýärin.</p><p>Höwesli ýaş ildeşlerimiz, siziň bu basgançaklary üstünlikli geçjekdigiňize şüphäm ýok! Şowlulyk ýaranyňyz bolsun! Aşakda size peýdaly boljak websaýt-laryň linklerini goýup, şu wagtlykça hoşlaşýaryn!</p><h4><strong><em>Linkler:</em></strong></h4><ul><li><a href="https://www.study-in.de/en/"><em>https://www.study-in.de/en/</em></a></li><li><a href="https://www.mastersportal.com/countries/11/germany.html"><em>https://www.mastersportal.com/countries/11/germany.html</em></a></li><li><a href="https://www.daad.de/deutschland/studienangebote/international-programmes/en/"><em>https://www.daad.de/deutschland/studienangebote/international-programmes/en/</em></a></li><li><a href="https://www.uni-assist.de/en/"><em>https://www.uni-assist.de/en/</em></a></li><li><a href="https://aschgabat.diplo.de/tm-ru/service/05-VisaEinreise/-/1437408"><em>https://aschgabat.diplo.de/tm-ru/service/05-VisaEinreise/-/1437408</em></a></li><li><a href="https://europass.cedefop.europa.eu/documents/curriculum-vitae"><em>https://europass.cedefop.europa.eu/documents/curriculum-vitae</em></a></li></ul><img src="https://medium.com/_/stat?event=post.clientViewed&referrerSource=full_rss&postId=b2355206ced4" width="1" height="1" alt=""><hr><p><a href="https://medium.com/penjire/germani%C3%BDada-magistratura-masters-degree-derejesini-okamagy%C5%88-usullary-b2355206ced4">Germaniýada magistratura (Master’s degree) derejesini okamagyň usullary</a> was originally published in <a href="https://medium.com/penjire">Penjire</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[Sungat taryhy — Impressionizm]]></title>
            <link>https://medium.com/penjire/sungat-taryhy-impressionizm-72f655466117?source=rss----844cd9076488---4</link>
            <guid isPermaLink="false">https://medium.com/p/72f655466117</guid>
            <category><![CDATA[impressionizm]]></category>
            <category><![CDATA[sungat-taryhy]]></category>
            <category><![CDATA[monet]]></category>
            <category><![CDATA[žiwopis]]></category>
            <category><![CDATA[wan-gogh]]></category>
            <dc:creator><![CDATA[Bayram Agayew]]></dc:creator>
            <pubDate>Mon, 17 Dec 2018 04:49:09 GMT</pubDate>
            <atom:updated>2018-12-17T04:49:09.232Z</atom:updated>
            <content:encoded><![CDATA[<h3>Sungat taryhy — Impressionizm</h3><figure><img alt="" src="https://cdn-images-1.medium.com/max/1024/1*6B6zoDjrKo2vtK-0-KevyA.jpeg" /><figcaption>Ýyldyzly gije (Wan Gogh)</figcaption></figure><p>Impressionizm sözi fransuz dilinden terjime edilende (<em>fr:impressionissme</em>) — galan täsir, duýgy, yz manylaryny berýär. Impressionizm 19-nji asyryň soňlaryna Parižda orta çykan sungat akymy. Ilkinji suratkeşleriň we pikirdeşleriň “ Suratkeşleriň anonim kooperatiw guramasy” ady bilen geçirilen sergiden soňra orta çykýar. Improssioniz termini sungat tankytçysy Louis Leroýiň çap eden makalasyndan soňra ulanylmaga başlanýar, <em>impressionizm</em> termini Klaude Monetiň Le Hawre portynda çeken Täsir: günüň doguşy (Impression: soleil levant) atly eserinden alynýar, bu bolsa impressionizmda Monetiň uly rol oýnaýanlygyny aňladýar.</p><figure><img alt="" src="https://cdn-images-1.medium.com/max/768/1*8mJxeVEER-VbZM6c7Umfhg.jpeg" /><figcaption>Günüň doguşy (Klaude Monet)</figcaption></figure><p>Impressionistlara görä suratkeş hakykatlary ýa-da dogrylary şekillendirmän onuň ýerine gören peýzažynyň ýa-da şaýatlyk eden wakasynyň suratkeşde galdyran täsirini we içinde oýandyran duýgulary janlandyryp öz görüşini şekillendirmek bolup durýar. Impressionizmda her suratkeş öz duýgusyny öz durmuş hekaýasyny şekillendirdigi üçin her suratkeşiň eserlerinde şol şahsyýetiň kişiligini, harakterini görmek bolýar. Žiwopisde eserleriň allegoriki pikirlerine ýa-da eserde şekillendirilen esbaplaryň manylaryna üns berilmän esasy reňklere we şöhle oýunlaryna üns berilýär.</p><figure><img alt="" src="https://cdn-images-1.medium.com/max/1024/1*JiKyoGMJ0hKAkOLyfOtCdA.jpeg" /><figcaption>Saman küdeleri (Klaude Monet)</figcaption></figure><p>Impressionizm özi bilen biraz hem bolsa sungata demokratizmi getirdi diýip bilers. 18–19-nji asyrlarda žiwopis diňe aristokrat maşgalalar üçin we ýokary gatlak adamlar üçin döredilýärdi, suratkeşleriň şekillendiren daýhan adamlaryň kyn günleri we işçi gatlagyň eserlerde ýer alyp başlamagy sungat tankytçylary tarapyndan ýakymly garşylanmaýar. Impressionistler ne eýläk-ne beýläk diýen ýaly orta bir ýol seçýärler we žiwopisden edebi görüşleri, injil sýužetlerini, mifologiýany, taryhy aýyryp, akademiýadan uzaklaşýarlar. Ilkinji impressionistlar açyk howada surat çekmäge başlaýarlar. Ilkinji nobatda bolsa impressionistler konturdan daşlaşýarlar, onuň ýerine az göze ilýän kontrastlar ulanyp günüň şöhlesini has ýakymly şekillendirýärler.</p><figure><img alt="" src="https://cdn-images-1.medium.com/max/579/1*VKFinhqcctQ-7CCTN9UvYw.jpeg" /><figcaption>Mawy tansçylar (Edgar Degas)</figcaption></figure><p>Impressionizm bilen modern sungat düşünjesi hem döremäge başlady diýip bilers. Impressionist suratkeşler esasan adamlaryň hereketdäki hallaryny, tans wagty ýa-da dynç alýan wagtlaryny, teatrda ýa-da parklarda geçirilýän wagtlaryny janlandyrýarlar. Impressionistlaryň eserlerini obýektiw pikirleniş bilen baksak olara görä adamlar diňe şadyýan durmuşda ýaşaýarlar, bu durmuş diňe baýramçylyklardan doly, şäheriň daşynda seýilgähde aýlanmak, owadan gyzlar bilen, dostlaryň bilen gowy wagt geçirmekden ybarat bolup durýar.</p><img src="https://medium.com/_/stat?event=post.clientViewed&referrerSource=full_rss&postId=72f655466117" width="1" height="1" alt=""><hr><p><a href="https://medium.com/penjire/sungat-taryhy-impressionizm-72f655466117">Sungat taryhy — Impressionizm</a> was originally published in <a href="https://medium.com/penjire">Penjire</a> on Medium, where people are continuing the conversation by highlighting and responding to this story.</p>]]></content:encoded>
        </item>
    </channel>
</rss>