<?xml version="1.0" encoding="UTF-8"?><rss xmlns:dc="http://purl.org/dc/elements/1.1/" xmlns:content="http://purl.org/rss/1.0/modules/content/" xmlns:atom="http://www.w3.org/2005/Atom" version="2.0" xmlns:cc="http://cyber.law.harvard.edu/rss/creativeCommonsRssModule.html">
    <channel>
        <title><![CDATA[火車未到站 Train Not Arriving - Medium]]></title>
        <description><![CDATA[Voyages with Empathy and Curiosity 昂首探路 並肩同行 - Medium]]></description>
        <link>https://medium.com/train-not-arriving?source=rss----b3c581f6ae38---4</link>
        <image>
            <url>https://cdn-images-1.medium.com/proxy/1*TGH72Nnw24QL3iV9IOm4VA.png</url>
            <title>火車未到站 Train Not Arriving - Medium</title>
            <link>https://medium.com/train-not-arriving?source=rss----b3c581f6ae38---4</link>
        </image>
        <generator>Medium</generator>
        <lastBuildDate>Wed, 18 Nov 2026 03:40:05 GMT</lastBuildDate>
        <atom:link href="https://medium.com/feed/train-not-arriving" rel="self" type="application/rss+xml"/>
        <webMaster><![CDATA[yourfriends@medium.com]]></webMaster>
        <atom:link href="http://medium.superfeedr.com/" rel="hub"/>
        <item>
            <title><![CDATA[九龍東高架單軌壽終正寢 2017年諮詢內容全面下架]]></title>
            <link>https://medium.com/train-not-arriving/efls-turndown-2f5cdd90549?source=rss----b3c581f6ae38---4</link>
            <guid isPermaLink="false">https://medium.com/p/2f5cdd90549</guid>
            <category><![CDATA[九龍東環保連接系統]]></category>
            <category><![CDATA[九龍東]]></category>
            <category><![CDATA[起動九龍東]]></category>
            <category><![CDATA[東九龍]]></category>
            <category><![CDATA[環保連接系統]]></category>
            <dc:creator><![CDATA[火車未到站 Train Not Arriving]]></dc:creator>
            <pubDate>Fri, 08 Jan 2021 04:31:56 GMT</pubDate>
            <atom:updated>2021-01-08T04:31:56.120Z</atom:updated>
            <cc:license>https://creativecommons.org/licenses/by-nc-sa/4.0/</cc:license>
            <content:encoded><![CDATA[<p>近日前往九龍東單軌詳細可行性研究網站，希望翻查2017年時顧問公司編寫嘅報告，發現有關網址未能連上 (Opps! That’s a 404 error.)。至2021年1月8日早上編寫此文章之時，整個網頁只剩下歡迎辭，與過往工務部門仍將「不合時宜研究結果」保留或封存網頁做法唔同。對比2017年顧問公司推薦使用全高架鐵路系統嘅論述，以及政府近期對放棄高架鐵路模式嘅講法，可謂天淵之別。</p><figure><img alt="" src="https://cdn-images-1.medium.com/max/1024/1*U1MdOgm0LQEKdh9CmyY82w.png" /></figure><p>翻查2017年顧問公司編寫嘅「環保公共交通模式評選報告」，2.1.3段曾經提到「於九龍東綜合多模式連接系統(Multi-Modal Linkage System, MMLS)中，服務中心區的環保連接系統(EFLS)將作為區內骨幹運輸工具，連接九龍東內各主要活動樞紐，以填補現有及規劃中鐵路網絡未能覆蓋的範圍」。</p><blockquote>2.1.3 To further enhance intra-district connections within Kowloon East, transport serving the area will gradually evolve into an integrated Multi-Modal Linkage System (MMLS) with an Environmentally Friendly Linkage System (EFLS) at its heart, to fill service gaps in the existing and planned railway networks, offering high-quality connectivity essential for the district’s success. The EFLS will serve as the back bone system within Kowloon East, linking to major railway stations and serving all key trip generators and attractors within Kowloon East.</blockquote><p>顧問公司當時比較路面專用通道、路面共用通道、全高架及混合模式四種方案後，顧問於第6.2.1段表明只有「全高架方案」方能做到 &gt;1% 內部回報率，其餘模式均為負數。</p><blockquote>6.2.1 The recommended option to carry forward is a fully elevated option (Option 3). This option generates the highest EIRR, in addition to the highest levels of ridership and best performance in terms of travel and transfer time compared to the mixed operations Option 4. As a fully elevated option, Option 3 would not be subject to interference from other road vehicles or pedestrians along its entire alignment.</blockquote><p>但於2020年12月1日，發展局向立法會提交有關「《施政報告》中有關發展局的措施」文件 (立法會CB(1)275/20–21(01)號文件)，第38段則如是說：</p><blockquote>至於擬議的九龍東環保連接系統，政府亦已大致完成有關的詳細可行性研究，發現於區內建造單元高架模式的捷運系統，在技術上將極度受制於毗鄰的稠密發展，兼且<strong>成本高昂，不具財務效益</strong>，並非可持續和可行的選項。研究建議<strong>推展「多元組合」模式的環保連接系統</strong>，對打造啟德發展區成為綠色社區，以及進一步提升與毗鄰社區之間的暢達連接度，將更為有效和可取。</blockquote><p>政府中人對住九龍東高架單軌項目，應該心諗：「我恐懼、我誤判、我愧疚」，如果唔係點解直接將「九龍東環保連接系統詳細可行性研究中期諮詢」、乃至過往初步可行性研究資料下架處理。與啟德發展同樣相關嘅「土木工程拓展署啟德辦事處」及「規劃署啟德規劃檢討」網頁上，即使係已完成或已過期內容，至今仍保留並讓公眾查閱。於亂流中，除希望大家平安外，更要堅持講真話。</p><p>延伸閱讀：<br> 政府仲未研究完九龍東環保連接系統，不斷打倒昨天的我（2019年9月7日）：<a href="http://bit.ly/2LxltOB">http://bit.ly/2LxltOB</a></p><p>搵埋自己友撐場都無用 九龍東高架單軌項目壽終正寢（2020年11月26日）：<a href="https://bit.ly/35oeS3U">https://bit.ly/35oeS3U</a></p><p>政府當局就《行政長官2020年施政報告》及《施政報告附篇》- 有關發展局的措施提交的文件 （2020年12月1日）：<a href="https://www.legco.gov.hk/yr20-21/chinese/panels/dev/papers/dev20201201cb1-275-1-c.pdf">https://www.legco.gov.hk/yr20-21/chinese/panels/dev/papers/dev20201201cb1-275-1-c.pdf</a></p><p>透過Wayback Machine存取已下架之公眾諮詢內容：<a href="http://web.archive.org/web/20181208174937/http://www.ktd.gov.hk/efls/tc/home.html">http://web.archive.org/web/20181208174937/http://www.ktd.gov.hk/efls/tc/home.html</a></p><img src="https://medium.com/_/stat?event=post.clientViewed&referrerSource=full_rss&postId=2f5cdd90549" width="1" height="1" alt=""><hr><p><a href="https://medium.com/train-not-arriving/efls-turndown-2f5cdd90549">九龍東高架單軌壽終正寢 2017年諮詢內容全面下架</a> was originally published in <a href="https://medium.com/train-not-arriving">火車未到站 Train Not Arriving</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[火車未到站．三年誌]]></title>
            <link>https://medium.com/train-not-arriving/tna-3rd-anniversary-917df494b8c3?source=rss----b3c581f6ae38---4</link>
            <guid isPermaLink="false">https://medium.com/p/917df494b8c3</guid>
            <category><![CDATA[火車未到站]]></category>
            <dc:creator><![CDATA[火車未到站 Train Not Arriving]]></dc:creator>
            <pubDate>Sat, 10 Oct 2020 15:59:40 GMT</pubDate>
            <atom:updated>2020-10-10T15:59:39.951Z</atom:updated>
            <cc:license>https://creativecommons.org/licenses/by-nc-sa/4.0/</cc:license>
            <content:encoded><![CDATA[<p>「火車未到站」來到第三年，響風雨飄搖中，感謝各位繼續與站長同清潔姐姐一齊「昂首探路，並肩同行」。</p><figure><img alt="" src="https://cdn-images-1.medium.com/max/1024/1*Vn8J7tiCuUqNfVk_0u2B8A.png" /></figure><h3>「未了願 我替你朝浪濤吶喊 聽聽有沒有被迴響」</h3><p>過去四個月，身邊先後有兩位年輕同好因病離開世界。佢哋圍繞著柴油機車及蒸氣火車嘅未了願，我哋呢班仍生於世上嘅朋友將繼承遺志，透過各種方式嘗試同佢哋一齊圓夢。如何將佢哋看似瘋狂嘅諗法，轉化為切實可行嘅計劃，我哋期望得到大家踴躍支持同發表意見，竭盡全力將不可能變成可能。</p><h3>「歲月將一切淘空 但我守好那片夢」</h3><p>近大半年專注自己本身嘅公務，能夠投放響「火車未到站」嘅時間越來越少。夜闌人靜之時，有時會反問自己：點解仲要繼續經營呢片園地？對比其他談論鐵路或交通嘅專頁，站長最希望能夠讓更多朋友從宏觀政策、規劃歷程等方面去思索呢個城市嘅交通發展，藉此推動一個更開放透明嘅公民社會：公開透明嘅資訊、廣泛及有意義嘅公眾參與。</p><h3>「時代變 人物風景都改變 我們英勇卻未輸從前」</h3><p>身處在面對「多層次世代之爭」嘅鐵路迷群體中，與其「無奈的打轉」，站長更希望可以促進圈子中唔同興趣範疇及光譜嘅朋友交流。礙於疫情緣故，原來計劃嘅公眾活動幾乎肯定今年內無法進行。但同時近期嘗試開拓如網上直播對話等方式，與各位同好接觸。</p><p>近期睇返Facebook及Instagram Followers嘅年齡分佈，發現較年輕嘅朋友相對難接觸到。而從部分年輕朋友口中得悉，佢哋接觸鐵路資訊嘅渠道，逐漸從Facebook轉移到YouTube、Instagram或各式各樣嘅WhatsApp群組。如何在迎上潮流嘅同時，可以確保大家能夠接收相對正確嘅知識，似乎仍需再下苦功。</p><p>三年過去，站長預視到「火車未到站」日後發展難免遇上樽頸。各位一直以來嘅鼓勵同支持，係讓我哋繼續堅持嘅動力。期望下年回望之時，我哋能夠有所成果，開始實現上面所提出嘅各種願景。</p><p><em>風雨不會沒了期 終於會等到夢寐 全城在變遷 不減你是你</em></p><p>－《假使世界原來不像你預期》</p><img src="https://medium.com/_/stat?event=post.clientViewed&referrerSource=full_rss&postId=917df494b8c3" width="1" height="1" alt=""><hr><p><a href="https://medium.com/train-not-arriving/tna-3rd-anniversary-917df494b8c3">火車未到站．三年誌</a> was originally published in <a href="https://medium.com/train-not-arriving">火車未到站 Train Not Arriving</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[點解 #火車未到站 ？因為屯馬綫分段通車，啟德受惠程度其實有限]]></title>
            <link>https://medium.com/train-not-arriving/%E9%BB%9E%E8%A7%A3-%E7%81%AB%E8%BB%8A%E6%9C%AA%E5%88%B0%E7%AB%99-%E5%9B%A0%E7%82%BA%E5%B1%AF%E9%A6%AC%E7%B6%AB%E5%88%86%E6%AE%B5%E9%80%9A%E8%BB%8A-%E5%95%9F%E5%BE%B7%E5%8F%97%E6%83%A0%E7%A8%8B%E5%BA%A6%E5%85%B6%E5%AF%A6%E6%9C%89%E9%99%90-d655cee3f9b2?source=rss----b3c581f6ae38---4</link>
            <guid isPermaLink="false">https://medium.com/p/d655cee3f9b2</guid>
            <category><![CDATA[鐵路]]></category>
            <category><![CDATA[屯馬綫]]></category>
            <category><![CDATA[車費]]></category>
            <dc:creator><![CDATA[火車未到站 Train Not Arriving]]></dc:creator>
            <pubDate>Sun, 04 Oct 2020 05:49:39 GMT</pubDate>
            <atom:updated>2019-11-04T08:06:02.097Z</atom:updated>
            <content:encoded><![CDATA[<p>選擇去一個新區做「開荒牛」，最大期盼當然係日後該區發展成熟能夠「坐享其成」。2013年起，啟德發展區住宅及設施相繼落成啟用。然而該區居民期待已久嘅鐵路，卻因為早期宋皇臺站發現文物、後期紅磡站擴建部分審視施工質素而導致延誤。該區私人屋苑業主亦曾舉辦<a href="https://docs.google.com/forms/d/e/1FAIpQLSdCmNt2YqKRXZqS-pCQzdgr0vyJCZt1iP0A_mLkMTZyiZIGzQ/viewform?fbclid=IwAR3nOoj82AjaKmfyiXSDOx0-NjL7mQNxkBff7iEk0ZqH4XN7Go7az7UN9pg">網上簽名</a>，希望沙中綫能早日通車。啟德開荒牛終於等到鐵路服務，但出油尖旺要兜大圈。市區多以站數計車費，啟德居民有機會得不償失？</p><p><em>本系列資料搜集及編寫時間為2019年8–10月，為方便讀者理解，除特別註明外，本文所提及之價格取自於2019年6月生效之成人八達通車費。下文以現有車費結構及過往新路綫收費表之制訂方式作出推測，實際車費或與鐵路公司最終公佈之訂價不符。</em></p><figure><img alt="" src="https://cdn-images-1.medium.com/max/1024/1*9w9KdXl4m2gf8dUOMupeTQ.png" /></figure><p>啟德前往鑽石山預測車費為非過海第一級車費$4.8，相信大家並無懸念。然而承接過往以屯馬綫九龍段收費「一站跳一級」之<strong>假設</strong>，搭多一個站去黃大仙或彩虹，<strong>預測收費</strong>已為非過海第二級車費$5.7。</p><p><strong>參照現有收費結構，</strong>前往其它車站之<strong>預測車費</strong>如下：</p><blockquote>啟德－鑽石山 預測車費：$4.8（非過海第一級）<br>啟德－樂富/黃大仙/彩虹/九龍灣 預測車費：$5.7（非過海第二級）<br>啟德－石硤尾/九龍塘/牛頭角/觀塘 預測車費：$7.1（非過海第三級）<br>啟德－油尖旺區/深水埗區/藍田/何文田/黃埔 預測車費：$8.8（非過海第四級）<br>啟德－顯徑/大圍 預測車費：$9.3（與現時來往大圍及鑽石山票價相同）</blockquote><p>我哋回顧返上回討論站數收費、1996年荃灣區議會提出嘅問題：點解尖沙咀去荃灣同去觀塘，大家都係搭13個站，點解觀塘綫會平過荃灣綫。當時地鐵解釋係「雖然乘搭車站數目相同，但<strong>由於觀塘至尖沙咀的路線較為迂迴，因此收取一個較低的車費以保償較間接路線所帶來的不便</strong>。」</p><p>屯馬綫一期去到啟德止步，意味經鐵路出油尖旺的話，路線將會非常迂迴。然而路線迂迴係一回事，收唔收平啲又係另一回事。從九龍南線通車後解決車費「短貴長平」嘅方法可見，條路短咗唔會減價，反而係收平咗嘅路段不斷加價。即使等到屯馬綫全線通車，啟德出油尖旺條路短咗，但唔好意思，車費等級<strong>好大機會不作任何調整</strong>。</p><p>屯馬綫一期預計2020年1月通車，鐵路公司亦已開展屯馬綫一期嘅「試營運」。參考過往新鐵路通車安排，新路段車費表約於通車前一個月公佈。擱筆之時，鐵路公司應對屯馬綫一期車費有最終定案。一日未正式公佈新車費表，一日都仍然有轉機。</p><p>香港出現鐵路車費問題，乃在兩鐵合併時並無認真整合「車費結構」，只根據兩鐵合併時車費再不斷加加減減。我哋最大心願，係鐵路公司能夠認真對外「諮詢」而非「知會」新路段車費，最終票價比「預言車費」平同合理，長遠更應認真研究制訂一套具透明度嘅收費模式（如按距計費）。</p><img src="https://medium.com/_/stat?event=post.clientViewed&referrerSource=full_rss&postId=d655cee3f9b2" width="1" height="1" alt=""><hr><p><a href="https://medium.com/train-not-arriving/%E9%BB%9E%E8%A7%A3-%E7%81%AB%E8%BB%8A%E6%9C%AA%E5%88%B0%E7%AB%99-%E5%9B%A0%E7%82%BA%E5%B1%AF%E9%A6%AC%E7%B6%AB%E5%88%86%E6%AE%B5%E9%80%9A%E8%BB%8A-%E5%95%9F%E5%BE%B7%E5%8F%97%E6%83%A0%E7%A8%8B%E5%BA%A6%E5%85%B6%E5%AF%A6%E6%9C%89%E9%99%90-d655cee3f9b2">點解 #火車未到站 ？因為屯馬綫分段通車，啟德受惠程度其實有限</a> was originally published in <a href="https://medium.com/train-not-arriving">火車未到站 Train Not Arriving</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[場仗未完！寫於屯馬綫車費倡議報導見報一年後]]></title>
            <link>https://medium.com/train-not-arriving/apple-interview-201906-9790abb58037?source=rss----b3c581f6ae38---4</link>
            <guid isPermaLink="false">https://medium.com/p/9790abb58037</guid>
            <category><![CDATA[屯馬綫]]></category>
            <category><![CDATA[車費]]></category>
            <category><![CDATA[鐵路]]></category>
            <category><![CDATA[運輸]]></category>
            <category><![CDATA[交通]]></category>
            <dc:creator><![CDATA[火車未到站 Train Not Arriving]]></dc:creator>
            <pubDate>Sun, 28 Jun 2020 15:10:02 GMT</pubDate>
            <atom:updated>2020-06-28T15:10:02.159Z</atom:updated>
            <cc:license>https://creativecommons.org/licenses/by-nc-sa/4.0/</cc:license>
            <content:encoded><![CDATA[<p>去年昨日（27/6/2019），蘋果日報刊登第一篇屯馬綫車費倡議報導（<a href="http://bit.ly/2X6gpof">傳送門</a>）。今日重溫當時報導，當中有幾多預想成真？邊啲疑問仍未得到解答？</p><figure><img alt="" src="https://cdn-images-1.medium.com/max/1024/1*ehbEUUz-WJRJ4LnK_kJhoA.jpeg" /></figure><p>報導刊登後嘅大半個月（2019年7月），運房局宣佈屯馬綫將分段通車：馬鞍山綫由大圍經顯徑及鑽石山，延伸至啟德並合稱為「屯馬綫一期」；啟德至紅磡段則預計於2021年通車。故此，報導提到牽涉來往鑽石山及何文田，以及來往大圍及紅磡車費嘅問題於此時此刻並未浮現。上述問題尚且能迴避一時，但總唔能夠迴避一世。</p><p>報導亦提到：「考慮不改變現有收費表的收費水平為主要原則，意味現有路綫即使在屯馬綫通車後，總車程距離雖有縮短，但不會因此減價」。單從來往大圍及鑽石山車費可見，鐵路公司確實採納上述原則制訂車費，亦「不會因此減價」。響呢個原則下制訂屯馬綫一期車費，出現「紅磡去石門仲平過去顯徑」等怪象毫不出奇。過往帖文已就呢類情況作出討論，在此不贅。</p><p>鐵路公司強調：「同一路線上唔會出現短貴長平情況」。至於唔係同一條路線嘅車程組合，出現車費不平衡情況，鐵路公司則多以「牽涉轉綫」及「考慮市場情況」試圖自圓其說。隨著鐵路網絡繼續擴張，鐵路公司繼續以各種理由去迴避鐵路車費結構各種問題，日後只會導致更多不必要爭議。故此，「港鐵票價結構關注組」最終倡議方向乃「以劃一標準，全面按距計費」。</p><p>屯馬綫車費議題難以聚焦，或者係呢個題目提倡嘅時間「生不逢時」。雖則如此，我哋亦永不放棄。</p><p>在提出屯馬綫車費問題之初，香港社會正處於躁動年代，及後更出現元朗黑夜、太子警暴等場面，部份網民見到牽涉港鐵嘅討論都只會留言一句：「党鐵不了」。去到屯馬綫一期通車前後，大眾始終最關心一眾頭班車乘客，於中国武漢肺炎爆發之時敢於「除罩相見」嘅情境。結果，車費問題太複雜，加上「杯葛港鐵」，所以都係不了。</p><p>一年過去，大眾或許對鐵路（公司）觀感出現變化，甚至產生抗拒、厭惡情緒。但大眾係咪因此而忽略、否定所有牽涉車費嘅討論？車費制訂過程關乎公眾利益，而新鐵路綫車費水平亦係乘客考慮選乘鐵路嘅其中一項因素。所謂「知己知彼」，大眾更要知道制訂鐵路車費可以有幾唔合理。而屯馬綫啟德至紅磡段仍未通車，一日未公布呢個路段嘅車費，一日大家仍然有Say。所以呢場仗，根本未完！</p><p>雖則如此，自關注組受訪提及鐵路車費結構問題後，我哋樂見其他人士對呢個題目深感興趣。期望日後可與其他同路人一齊合作，希望於唔同範疇上互相補足，甚至向「全民共議」方向進發。要贏，就要一齊贏！</p><img src="https://medium.com/_/stat?event=post.clientViewed&referrerSource=full_rss&postId=9790abb58037" width="1" height="1" alt=""><hr><p><a href="https://medium.com/train-not-arriving/apple-interview-201906-9790abb58037">場仗未完！寫於屯馬綫車費倡議報導見報一年後</a> was originally published in <a href="https://medium.com/train-not-arriving">火車未到站 Train Not Arriving</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[【2020年6月預測票價】土瓜灣站]]></title>
            <link>https://medium.com/train-not-arriving/tml-fare-tkw-2020-98320b51af69?source=rss----b3c581f6ae38---4</link>
            <guid isPermaLink="false">https://medium.com/p/98320b51af69</guid>
            <category><![CDATA[運輸]]></category>
            <category><![CDATA[車費]]></category>
            <category><![CDATA[交通]]></category>
            <category><![CDATA[鐵路]]></category>
            <category><![CDATA[巴士]]></category>
            <dc:creator><![CDATA[火車未到站 Train Not Arriving]]></dc:creator>
            <pubDate>Mon, 08 Jun 2020 12:32:36 GMT</pubDate>
            <atom:updated>2020-07-01T10:53:10.225Z</atom:updated>
            <cc:license>https://creativecommons.org/licenses/by-nc-sa/4.0/</cc:license>
            <content:encoded><![CDATA[<p>上星期政府宣布「屯馬綫二期」通車日期將由2021年底「提早」至2021年第三季，新鐵路服務將對九龍城區內交通帶來翻天覆地變化。「火車未到站」參考今年初啟用「屯馬綫一期」啟德站訂價方式，重新對土瓜灣站及宋皇臺站車費進行預測。</p><p><em>本系列資料搜集及編寫時間為2020年4-6月，為方便讀者理解，除特別註明外，本文所提及之價格取自於2019年6月生效之成人八達通車費。下文以現有車費結構及過往新路綫收費表之制訂方式作出推測，實際車費或與鐵路公司最終公佈之訂價不符。</em></p><figure><img alt="" src="https://cdn-images-1.medium.com/max/1024/1*cFRVRA0zaRgxbZURovGLTQ.png" /></figure><h3>啟德站車費表揭示新路段訂價方式 唯短貴長平問題仍未解決</h3><p>2019年，我哋以「假設鑽石山－何文田不減價，而使屯馬綫九龍段新車站車費等級以一站跳一級」嘅假設進行車費預測。但鐵路公司最終於制訂屯馬綫一期啟德站車費時，大致採用地鐵市區綫「兩站跳一級」嘅訂價方式。當套用同樣原則重新推測土瓜灣站及宋皇臺站車費，短途路程車費水平相比舊年預測為平。</p><p><a href="https://medium.com/train-not-arriving/tml-fare-tkw-a28afc424326">點解 #火車未到站 ？因為土瓜灣睇落多咗鐵路呢個選擇，實際上有機會得不償失</a></p><p>然而，鐵路公司在制訂屯馬綫一期車費時，仍未針對「短貴長平」問題進行任何修正，對新車站使用者（尤其是顯徑）造成不公。而來往東鐵／馬鞍山綫新界車站，以及觀塘綫／將軍澳綫鑽石山－寶琳／康城，即使經新路段乘車里數縮短，但鐵路公司並未相應調低相關區間車費。日後屯馬綫二期通車後，鑽石山－何文田路程將縮短近一半，車費亦會否相應調低？參考屯馬綫一期訂價方式，我哋不表樂觀。</p><h3>鐵路轉乘次數及路程不算直接 但區內短途巴士小巴路線勢必挨打</h3><p>建基於新車費預測，我哋可以預視：區內短途乘客會因價格、車程時間等因素，選擇改乘鐵路。至於前往旺角、佐敦、深水埗等地區，雖然轉乘次數及路線相對迂迴，但車費仍有一定競爭力，九龍城區內路面交通網絡勢必面臨大重組。</p><p>面對激烈競爭，九龍區內短途巴士小巴路線處於挨打狀態，新鐵路綫通車後無可避免被削減服務甚至被取消。若運輸署繼續藉「以鐵路為骨幹」旗號，一味透過削減路面交通服務，將乘客推向鐵路系統，無視區內居民實際交通需要，只會扼殺乘客出行選擇。惟望運輸署能就屯馬綫交通重組「與民共議」，作充分諮詢，讓各種交通模式互相補足，方能為廣大乘客帶來裨益。</p><img src="https://medium.com/_/stat?event=post.clientViewed&referrerSource=full_rss&postId=98320b51af69" width="1" height="1" alt=""><hr><p><a href="https://medium.com/train-not-arriving/tml-fare-tkw-2020-98320b51af69">【2020年6月預測票價】土瓜灣站</a> was originally published in <a href="https://medium.com/train-not-arriving">火車未到站 Train Not Arriving</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[點解 #火車未到站 ？因為乘客以為鐵路公司全心跟你共度時艱？傻啦。]]></title>
            <link>https://medium.com/train-not-arriving/fam2020-discount-d9ace10d8b2b?source=rss----b3c581f6ae38---4</link>
            <guid isPermaLink="false">https://medium.com/p/d9ace10d8b2b</guid>
            <category><![CDATA[票價調整機制]]></category>
            <category><![CDATA[車費]]></category>
            <category><![CDATA[鐵路]]></category>
            <category><![CDATA[可加可減機制]]></category>
            <dc:creator><![CDATA[火車未到站 Train Not Arriving]]></dc:creator>
            <pubDate>Tue, 24 Mar 2020 15:24:30 GMT</pubDate>
            <atom:updated>2020-03-24T15:24:30.055Z</atom:updated>
            <cc:license>https://creativecommons.org/licenses/by-nc-sa/4.0/</cc:license>
            <content:encoded><![CDATA[<p>鐵路公司於2月20日<a href="http://www.mtr.com.hk/archive/corporate/en/press_release/PR-20-014-C.pdf">聲稱與市民共度時艱</a>，所以會透過唔同優惠或安排，令車費於今年餘下時間唔會有實際調整。真係咁荀？認真睇，其實只係應付票價機制要求。</p><figure><img alt="" src="https://cdn-images-1.medium.com/max/1024/1*7dfuEGiH9yNvPBKYz1rRpw.png" /></figure><h3>每程3%車費扣減</h3><p>2013年政府與鐵路公司<a href="https://www.legco.gov.hk/yr12-13/chinese/panels/tp/papers/tp0419-thbtcr33101799-c.pdf">首次檢討「票價調整機制」</a>，引入數項新安排：根據「分享利潤機制」及「服務表現安排」提供車費優惠；引入「負擔能力上限」為增幅「封頂」。2017年<a href="https://www.legco.gov.hk/yr16-17/chinese/panels/tp/papers/tp20170421-thbtcr19559100-c.pdf">票價調整機制第二次檢討</a>後，透過「分享利潤機制」及「服務表現安排」提供嘅車費優惠定為「每程3%車費扣減」，亦規定呢個優惠最少要做六個月。響「分享利潤機制」及「服務表現安排」嘔出嚟舊錢唔夠做六個月？咁就要額外再貼錢了。</p><h3>負擔能力上限及負擔能力折扣</h3><p>所謂「負擔能力上限」即係規定「鐵路票價調整機制」調整幅度唔能夠高於上年12月「家庭入息中位數按年變動」，市民普遍稱之為「封頂機制」。</p><p>首次觸法「封頂機制」為2019年嘅車費調整，當時透過運算所得嘅調整幅度為+3.6%，而「2018年12月家庭每月收入中位數按年變動」則為+3.3%。剩低嘅0.3%本來就應該分兩年追加返，但最終政府與鐵路公司<a href="https://www.legco.gov.hk/yr18-19/chinese/panels/tp/papers/tp20190426cb4-766-4-c.pdf">傾掂數</a>：車費表按+3.3%幅度調整，剩低0.3%於2021年先一次過加返。</p><p>今年其實同樣觸及「負擔能力上限」界線，「2019年12月家庭每月收入中位數按年變動」為-2.48%。你以為出負數就可以減價？傻啦，票價調整機制講到明：「如中位數按年變動為負數，中位數按年變動會視為0%。」作為「推廣優惠」，2020年鐵路票價透過提供「八達通負擔能力折扣」而增加0%（或稱凍價）。</p><p>咪以為封咗頂就唔駛還，「負擔能力折扣」會於隨後兩年撤回。無論點計，全港乘客都係「欠咗港鐵每一程」。</p><h3>撇除上述兩項「法定優惠」，先開始係「做好心」嘅部分</h3><p>回顧2019年，鐵路公司為慶祝「四十週年」，將「每程3%車費扣減」優惠期延長至「四十星期」，折扣率亦提高至與當年車費調整幅度一樣嘅3.3%。鐵路公司叫做「做好心」嘅部分，暫時就只係得延長呢個優惠至六月底。</p><p>星期四政府將會公佈「2019年12月運輸業名義工資指數」，屆時就可以得出本年按照方程式得出「車費表」整體調整幅度。若要在調整車費表後，仍然達到「八達通乘客自2019年1月至2020年12月車費維持不變」嘅效果，鐵路公司於扣除「每程3%車費扣減」及「負擔能力折扣」後，應該仍須增撥資源。至於需要增撥幾多資源？「每程3%車費扣減」及「負擔能力折扣」將會一併計算定「折上折」咁計？反正鐵路公司已經「攞曬光環」，應該都無幾多人關心吧～</p><p>今年係立法會選舉年，少數派保皇黨近日打出「要求鐵路公司減價」嘅期票，同時要求鐵路公司檢視車費結構。敝站一年前已公開表示要檢討車費結構，甚至提交文件予立法會交通事務委員會。站長樂見少數派保皇黨對呢個題目有興趣，但建議議員提出呢個題目前先做好功課，免得被人貽笑大方。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/train.not.arriving/posts/3524713917569678&amp;image=" width="600" height="600" frameborder="0" scrolling="no"><a href="https://medium.com/media/06e33980133b863d78640b4d72a7d6df/href">https://medium.com/media/06e33980133b863d78640b4d72a7d6df/href</a></iframe><img src="https://medium.com/_/stat?event=post.clientViewed&referrerSource=full_rss&postId=d9ace10d8b2b" width="1" height="1" alt=""><hr><p><a href="https://medium.com/train-not-arriving/fam2020-discount-d9ace10d8b2b">點解 #火車未到站 ？因為乘客以為鐵路公司全心跟你共度時艱？傻啦。</a> was originally published in <a href="https://medium.com/train-not-arriving">火車未到站 Train Not Arriving</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[點解 #火車未到站 ？因為屯馬綫一期頭班車乘客「除罩相見」，印證「愛在瘟疫蔓延時」]]></title>
            <link>https://medium.com/train-not-arriving/tmlp1-railfan-6f782187efe6?source=rss----b3c581f6ae38---4</link>
            <guid isPermaLink="false">https://medium.com/p/6f782187efe6</guid>
            <category><![CDATA[鐵路迷]]></category>
            <category><![CDATA[鐵路]]></category>
            <category><![CDATA[屯馬綫一期]]></category>
            <dc:creator><![CDATA[火車未到站 Train Not Arriving]]></dc:creator>
            <pubDate>Sun, 16 Feb 2020 07:59:59 GMT</pubDate>
            <atom:updated>2020-02-16T07:59:59.221Z</atom:updated>
            <cc:license>https://creativecommons.org/licenses/by-nc-sa/4.0/</cc:license>
            <content:encoded><![CDATA[<p>2020年2月14日，除咗被「情人節放閃/單身人士無懼閃光」同埋「搶唔到個人護理網店口罩」洗版外，「頭班列車除罩相見」嘅「鐵膠」亦讓網民熱烈討論。站長作為過來人，又會點睇呢啲論述？</p><p>利申：(1) 站長自認鐵膠；(2) 真係「齋睇唔搭無幫襯」</p><figure><img alt="" src="https://cdn-images-1.medium.com/max/1024/1*A9q4EEgYYk80Fq-W4Uj9iA.png" /></figure><h3>對成為焦點嘅渴求</h3><p>認識站長嘅朋友大概都知道，以前站長都試過搭頭班車受訪，亦做得出「出位容易」嘅舉動。畀人放過上網評頭論足後，都係低調啲好：西港島綫、觀塘綫延綫通車時，跟朋友走去柴灣、彩虹上頭班車；南港島綫通車日，去到海怡半島站都係殿後。屯馬綫一期通車，站長前往啟德站亦刻意迴避鏡頭，免得在未訓醒情況下被邀受訪時語無倫次，再次成為大眾焦點。</p><p>Andy Warhol 曾經講過：“In the future, everyone will be world-famous for 15 minutes.” 如何響呢15分鐘讓全世界人認識你？點樣能夠在歷史上留名？資訊爆炸年代，直接於傳媒編採時擺出最Juicy嘅內容：爆句Soundbite、搞下Gimmick，自然成為新聞嘅一部分。</p><p>對成為焦點嘅渴求，或者係因為呢班乘客想響自己嘅朋輩面前炫耀。Erik Erikson嘅「人生八階」認為青少年面對「身份危機」(Identity Crisis)，於尋找個人身份嘅過程中，有時會產生迷惘、不安及不肯定嘅感覺。朋輩、流行文化、社交生活等對塑造個人身份有重大影響，故青少年透過獲得朋輩支持同肯定嘅過程，樹立自己嘅個人身份。</p><h3>鐵路迷對鐵路嘅「愛」</h3><p>網友對巴士迷及鐵路迷嘅風評並不正面：每當有新線、新車投入服務，現場猶如「院友開放日」般，乜人都會見到。站長認為出席頭班車活動嘅朋友，籠統可以分為幾類：見證歷史型、愚愛型、搏上鏡型。</p><p>唔少搭新鐵路綫頭班車嘅乘客，都係希望見證歷史，呢班人其實先佔最多數。除咗一般鐵路迷（及陪伴嘅家人）外，亦包括新車站周邊居民以及地區工作者。呢班人只係想有難忘體驗，不求上鏡見報成名，故此佢哋都係企響隊伍中較後位置。言談中可以感受到呢班朋友嘅雀躍，但又唔會覺得不失大體。</p><p>有班「鋼鐵鐵粉」，早一晚子夜前已經到達，落雨不怕落雪也不怕，鏡頭前見到就係排頭位嗰班朋友。當「愛情可以使人盲目」，對鐵路嘅喜愛亦教呢班朋友盲目。呢班朋友所表達嘅「愛」十分真心，會願意手繪賀圖，甚至準備香檳慶祝（呢度講2009年嗰位仁兄）。但「愚愛」之所以「愚」，係因為呢種愛帶點愚昧，為呢份情「赴湯蹈火」，在濕凍嘅天氣下願意企響度等通頂。個人認為，「自己都不愛怎麼相愛」，對自己好少少，下次唔駛咁早排隊去等嘅。</p><p>但有班朋友，由始至終都只係「搏上鏡」。在已知會有記者採訪嘅場景當中，為求上鏡不惜扭盡六壬，甚至於報導刊登後不斷強調自己「我上咗電視」。有位於頭班車搶盡鎂光燈嘅朋友，於Facebook不斷「自Tag」所有佢有出現嘅報導，連改圖都會「自Tag」。亦有另一位朋友私下向其友人哭訴，稱自己旨在於通車一刻「抽水」，無諗到畀成班網民當真心。</p><p>到底香港嘅鐵路迷，「愛鐵路」係咪代表會「愛埋港鐵」？唔愛港鐵，又係咪代表唔應該去搭港鐵呢？近半年不時有人呼籲「罷搭党鐵」，原因係鐵路公司於唔少「人禍」時站在群眾對面。罷搭與否純屬個人選擇，留待乘客「自決」用腳投票，在此暫不多加評論。</p><h3>是有種人 叫鐵路迷</h3><p>講咗咁耐，我哋返去一個基本問題：鐵路迷/巴士迷又係何等人種？點解有時候會作出一啲外人難以理解嘅舉動？</p><p>2017年底有一則動新聞以「小朋友沉迷背巴士火車路線？可能患亞氏保加症！」為題，引起網友（尤其係交通愛好者）對亞氏保加症（Asperger Syndrome）嘅討論，當時我哋都有跟大家作出討論。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/train.not.arriving/posts/1791862037521550%3A0&amp;image=" width="600" height="600" frameborder="0" scrolling="no"><a href="https://medium.com/media/6a5435d204d7247d48b64abbba84a4f5/href">https://medium.com/media/6a5435d204d7247d48b64abbba84a4f5/href</a></iframe><p>過往討論過嘅內容在此不贅，但坊間對交通愛好者嘅標籤情況近年來並無改善。坦白講，站長留意到有部份讀者屬有「特殊學習需要」(Special Education Needs, SEN) 嘅朋友，同樣有權去喜愛或深入認識鐵路或巴士等「所謂嘅狹隘興趣」。畀呢班朋友適當嘅指導，相信佢哋能夠在鑽研交通嘅過程有所發展同成長。</p><p>有教育及交通專業人士成立<a href="https://www.facebook.com/%E9%A6%99%E6%B8%AF%E4%BA%A4%E9%80%9A%E6%95%99%E8%82%B2%E5%AD%B8%E6%9C%83-HKATE-105380814345036/">香港交通教育學會 HKATE</a>，並曾設計<a href="https://www.facebook.com/litnovation/">「交通社交路路通」</a>計劃，通過對交通共同興趣及特長，有效地讓自閉症學生發展對他人溝通信任及提升人際關係。</p><h3>「鐵膠」不膠？</h3><p>過往稱呼鐵路迷做「鐵膠」、巴士迷做「巴膠」，個「膠」字畀人感覺負面，認定有呢啲興趣嘅朋友全部都係「膠人」。時移勢易，巴膠鐵膠飛機膠等詞彙更多時候被用作「自嘲的代名詞」，站長亦會自稱自己係一等一「死鐵膠」。</p><p>一個群體嘅聲譽乃共業，唔同鐵路專頁其實都嘗試讓「鐵膠」不膠：無論係出Post講故仔、介紹資訊，定係搞通車團、導賞團等活動，無非都係想對外推廣鐵路呢門興趣。</p><p>不過，現實世界往往就係「一粒老鼠屎壞了一鍋粥」。以頭班列車乘客為例，常人大多係因無法理解「知魚之樂」而譏笑，至於站長等人只係對響武漢肺炎肆虐期間「頭班列車除罩相見」，而產生「鐵路迷罔顧公共衛生」之觀感大感不解。</p><p>鍾意鐵路無問題，等搭頭班車都無問題，係如何做到自省自律方為關鍵。期望日後新鐵路通車日，唔會再被譏笑為「院友開放日」。</p><p><em>旁人從不贊同 連情理也不容 仍全情投入 傷都不覺痛<br>如窮追一個夢 誰人如何激進 亦不及我為你那麼勇</em></p><img src="https://medium.com/_/stat?event=post.clientViewed&referrerSource=full_rss&postId=6f782187efe6" width="1" height="1" alt=""><hr><p><a href="https://medium.com/train-not-arriving/tmlp1-railfan-6f782187efe6">點解 #火車未到站 ？因為屯馬綫一期頭班車乘客「除罩相見」，印證「愛在瘟疫蔓延時」</a> was originally published in <a href="https://medium.com/train-not-arriving">火車未到站 Train Not Arriving</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[點解 #火車未到站 ？因為區議員比過往更關注車費問題，鐵路公司繼續遊花園]]></title>
            <link>https://medium.com/train-not-arriving/dc-fare-20200206-620cce77528b?source=rss----b3c581f6ae38---4</link>
            <guid isPermaLink="false">https://medium.com/p/620cce77528b</guid>
            <category><![CDATA[運輸]]></category>
            <category><![CDATA[車費]]></category>
            <category><![CDATA[交通]]></category>
            <category><![CDATA[區議會]]></category>
            <category><![CDATA[鐵路]]></category>
            <dc:creator><![CDATA[火車未到站 Train Not Arriving]]></dc:creator>
            <pubDate>Fri, 07 Feb 2020 17:39:06 GMT</pubDate>
            <atom:updated>2020-02-07T17:39:06.872Z</atom:updated>
            <cc:license>https://creativecommons.org/licenses/by-nc-sa/4.0/</cc:license>
            <content:encoded><![CDATA[<p>星期四下午，沙田及南區區議會均有議員討論車費問題。沙田區討論屯馬綫一期通車安排，當中有議員指出車費「短貴長平」；南區則有議題討論「不平衡車費」。</p><figure><img alt="" src="https://cdn-images-1.medium.com/max/1024/1*x15Eabmb-WfUPS6j60nmAg.png" /></figure><p>於沙田區議會交通及運輸委員會上，鐵路公司代表介紹屯馬綫一期通車安排，包括車站設施及車費等，具體情況可參考香港獨立媒體網<a href="https://www.inmediahk.net/node/1070603">相關報導</a>。</p><p>就屯馬綫一期車費，部分議員對個別車程票價提出質疑。海嵐選區陳珮明指出來往大圍及鑽石山票價響屯馬綫一期通車後，路程及行車時間均有縮短，但收費仍為$9.3。雲城選區張慶樺指出由紅磡前往顯徑路程比前往石門為短，但車費反而較貴。</p><p>出現上述情況，佢哋點出兩鐵合併前九鐵與地鐵訂價模式有別：九鐵以「時值概念」制訂車費，地鐵則以「收費區」釐訂車費。陳珮明質疑兩鐵合併後，與現有鐵路或隧道平行嘅新鐵路線定價並不清楚，要求有更清晰訂價標準。張慶樺重提2016年底商務總監指出「同一線路車費按車程距離收費」，質疑屯馬綫一期車費並非如此。鐵路公司在無檢討車費結構情況下制訂新路線車站收費，讓新車站乘客反要承受更高車費，對顯徑站乘客並不公平。</p><p>馬鞍山市中心選區嘅鍾禮謙詢問會否重新調整所有車站票價釐定準則，並以北環線為例，指日後由上水到屯門途經車站數目較少，但係咪仍然要跟從目前超過20蚊收費。烏溪沙選區李永成認為整體票價制度有不公平地方，雖然箇中原因有部分為「歷史因素」，但對於出現「短貴長平」情況，詢問鐵路公司會否有措施調整呢類車程車費，讓制度更公平？至於交運會主席、大水坑選區容溟舟提到前九鐵主席田北辰引入「時值票價」概念，與一般理解「按距收費」方式有出入，問應如何將兩項差異收窄。</p><p>鐵路公司代表於會上指出，屯馬綫一期連接數條現有鐵路線，與現有重鐵路線票價結構相若，即按車程距離而訂，所以同一路線車站唔會有「短貴長平」。至於牽涉「轉綫」車程，因路線較為複雜，故不能直接比較。</p><p>至於在南區區議會交通及運輸委員會上，華富南選區黎熙琳提出「南港島綫的不平衡車費」議案，指出南港島綫有「相同區域，不同價格」及「距離更遠，收費反而更低」兩類車費問題，並<a href="https://www.facebook.com/watch/?v=638445340250849">製作簡報說明</a>。</p><p>黃竹坑選區徐遠華則認為按照鐵路公司回覆，「短貴長平」情況將繼續存在，鐵路公司對外公佈或宣傳時難以讓市民明白，甚至產生車費唔合理，問鐵路公司會否透過措施舒緩或收窄車費差距。</p><p>鐵路公司代表於會上回覆跟沙田區代表大致相若，亦對部分質疑作出補充。針對「市場情況」，具體而言就係參考其他公共交通工具為相若路程所收取車費。每年透過「票價調整機制」調整車費時，都會視之為「一盤棋」看待所有車程組合：除考慮當年核准調整幅度外，亦會檢視個別車程組合的市場情況。值得留意嘅係，鐵路公司代表稱議員若收到居民意見或自身體驗，對個別車程車費有意見，希望作出審視，可以向佢哋反映。</p><p>鐵路公司對車費結構嘅回應仍然畀人感覺「遊花園」或避重就輕，但透過區議會平台可就車費議題作出官方記錄。期望日後區議會能就車費議題作更多跟進，最終可以將鐵路車費理順。</p><img src="https://medium.com/_/stat?event=post.clientViewed&referrerSource=full_rss&postId=620cce77528b" width="1" height="1" alt=""><hr><p><a href="https://medium.com/train-not-arriving/dc-fare-20200206-620cce77528b">點解 #火車未到站 ？因為區議員比過往更關注車費問題，鐵路公司繼續遊花園</a> was originally published in <a href="https://medium.com/train-not-arriving">火車未到站 Train Not Arriving</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[點解 #火車未到站 ？因為除咗鐵路迷外，地產從業員同投資者同樣關心屯馬綫一期]]></title>
            <link>https://medium.com/train-not-arriving/kat-real-estate-37500257898d?source=rss----b3c581f6ae38---4</link>
            <guid isPermaLink="false">https://medium.com/p/37500257898d</guid>
            <category><![CDATA[屯馬綫]]></category>
            <category><![CDATA[啟德]]></category>
            <category><![CDATA[地產]]></category>
            <category><![CDATA[鐵路]]></category>
            <dc:creator><![CDATA[火車未到站 Train Not Arriving]]></dc:creator>
            <pubDate>Sat, 18 Jan 2020 15:20:36 GMT</pubDate>
            <atom:updated>2020-01-18T15:20:36.088Z</atom:updated>
            <cc:license>https://creativecommons.org/licenses/by-nc-sa/4.0/</cc:license>
            <content:encoded><![CDATA[<p>呢幾日響Facebook講得太多屯馬綫一期車費問題，不如轉下話題講下…地產？站長於新蒲崗食飽飯行過地產舖，發現已經有門市即時張貼大海報。新鐵路除為地區帶來多一個交通選擇外，同時帶來投資機遇。</p><figure><img alt="" src="https://cdn-images-1.medium.com/max/1024/1*JVQMJl0shfIB_lsJ2ZpRqA.png" /></figure><p>有<a href="https://www.facebook.com/train.not.arriving/posts/3384904088217329?comment_id=3385645131476558&amp;reply_comment_id=3385758388131899">網友話</a>：「佢收費點計都好，港鐵係世界最佳鐵路之一係無可否認的事實」。港鐵是否位列世界最佳鐵路之一值得斟酌，但新鐵路沿線樓盤係投資者最佳選擇之一，確實係無可否認的事實。</p><p>香港嘅鐵路與地產發展之間嘅關係密不可分，鐵路公司更以對外輸出「鐵路加物業」(Railway + Property, R+P)發展模式感到自豪。每當興建新鐵路，充滿期待嘅唔止係沿線居民，仲包括一大班地產從業員同投資者，皆因更方便交通網絡能夠提升物業價值。於發展成熟嘅社區中，新鐵路蒞臨為該區帶動市區重建；而在開發中嘅新社區內，一大班「開荒牛」期待新鐵路通車後能夠讓佢哋踏入「收成期」。</p><p>地產代理對新鐵路有幾期待？睇下玻璃櫥窗張貼嘅海報就知。除咗有屯馬綫路線圖外，亦有一張海報特別強調奧運站及九龍站等西九龍新區升值潛力．從而招徠有意「入市」置業者購買鄰近啟德站一帶（啟德坊）嘅樓盤。鐵路公司亦知道啟德發展區乃各大小地產代理嘅兵家必爭之地，故安排其中兩個啟德站舖位作地產舖之用。</p><figure><img alt="" src="https://cdn-images-1.medium.com/max/1020/1*2FyhIbxJyWp1yra7oEiF2Q.png" /><figcaption><a href="https://www.mtr.com.hk/ch/corporate/tenders/Open_Tender_2019B.html">公開招標2019(B) — 港鐵屯馬綫一期車站內的店舖</a></figcaption></figure><p>社會科學出身嘅站長對地產行業並無太多認識，反而係會反思香港係咪一個全被地產商牽著鼻子走嘅城市、地產係咪一種霸權、香港人係咪一定要買樓、買完樓係咪要做樓奴。要上車？上火車就得...</p><p>呢幾日討論屯馬綫一期車費時，總會有朋友以「時間價值」（Value of Time），將路程縮短但無調低車費之區間嘅行為合理化。到底「計費方式」有無考慮「時間價值」呢個因素？新綫車費又有幾多唔合理地方？下回再講。</p><img src="https://medium.com/_/stat?event=post.clientViewed&referrerSource=full_rss&postId=37500257898d" width="1" height="1" alt=""><hr><p><a href="https://medium.com/train-not-arriving/kat-real-estate-37500257898d">點解 #火車未到站 ？因為除咗鐵路迷外，地產從業員同投資者同樣關心屯馬綫一期</a> was originally published in <a href="https://medium.com/train-not-arriving">火車未到站 Train Not Arriving</a> on Medium, where people are continuing the conversation by highlighting and responding to this story.</p>]]></content:encoded>
        </item>
        <item>
            <title><![CDATA[點解 #火車未到站 ？因為香港鐵路於2019年經歷無數危機，以致火車未能到站]]></title>
            <link>https://medium.com/train-not-arriving/review-2019-6008ba2c85b4?source=rss----b3c581f6ae38---4</link>
            <guid isPermaLink="false">https://medium.com/p/6008ba2c85b4</guid>
            <category><![CDATA[運輸]]></category>
            <category><![CDATA[交通]]></category>
            <category><![CDATA[2019年]]></category>
            <category><![CDATA[鐵路]]></category>
            <dc:creator><![CDATA[火車未到站 Train Not Arriving]]></dc:creator>
            <pubDate>Sun, 29 Dec 2019 14:06:37 GMT</pubDate>
            <atom:updated>2019-12-29T14:06:37.506Z</atom:updated>
            <cc:license>https://creativecommons.org/licenses/by-nc-sa/4.0/</cc:license>
            <content:encoded><![CDATA[<p>2019年無論對香港人定係香港鐵路而言，都係充滿危機及挑戰。我哋一連兩回，回顧2019年嘅香港鐵路。</p><figure><img alt="" src="https://cdn-images-1.medium.com/max/1024/1*chhO7SNTJd7qKPFbTBD3Lw.png" /></figure><h4>#港鐵四十週年</h4><p>雖則 「港鐵」只係得12年貨仔，而「香港鐵路」歷史接近110年，鐵路公司則宣稱自己「（地鐵修正早期系統通車）四十週年」。</p><p>點都好，呢個四十週年過得非常黯淡：對外負面形象無法消除，加上2019年年中更正式冠以「党鐵」美名，而本應期望能夠「沖喜」 嘅屯馬綫今年無法通車。結果截至擱筆之時，鐵路公司網頁有關40週年內容只有<a href="http://www.mtr.com.hk/ch/customer/main/brand-story.html">品牌故事</a>、<a href="http://www.mtr.com.hk/ch/customer/main/journey-to-blossoming-future.html">以花展未來</a>、<a href="http://www.mtr.com.hk/ch/customer/main/t-chai-got-an-offer.html">「鐵仔」見工成功啦﹗</a>及<a href="http://www.mtr.com.hk/ch/customer/main/train-design-competition.html">港鐵40旅「圖」大募集</a>，對外慶祝活動只得 3月「香港花卉展覽2019」之花壇，鐵路公司亦無發售任何四十週年紀念車票。</p><p>（<a href="https://www.facebook.com/train.not.arriving/photos/a.1695222363852185/2458912560816491/?type=3&amp;theater">延伸閱讀：因為鐵路公司宣傳「公司四十週年」要「載生活·再起程」嘅時候，市民期望嘅係沙中綫項目「扭螺絲 樓堅固」</a>）</p><h4>#撞車</h4><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/train.not.arriving/posts/2552661054774974/&amp;image=" width="600" height="600" frameborder="0" scrolling="no"><a href="https://medium.com/media/cc8f5bdf3a3ecf833c2f2b324d785799/href">https://medium.com/media/cc8f5bdf3a3ecf833c2f2b324d785799/href</a></iframe><p>以前用地鐵塞車、撞車做遲到理由，大家都會得啖笑；但今年香港鐵路話畀各位乘客聽：地鐵係會撞車的。3月18日凌晨，當進行荃灣綫新訊號系統測試期間，兩列列車於中環站附近軌道相撞，事後發現肇事原因為當晚測試用嘅備用電腦系統程式出現編寫錯誤。</p><p>至於呢單事故應該定性為「與外物碰撞」，定係「受工程影響」，最後處理方法又係咪「拖返柴灣車廠」？睇怕要眾人皆醉佢獨醒嘅「鐵路公司影子」先最清楚。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/DennispnutCreations/posts/2288464137942336&amp;image=" width="600" height="600" frameborder="0" scrolling="no"><a href="https://medium.com/media/54ce3d8e0c36439b7c8a84fc49cb7955/href">https://medium.com/media/54ce3d8e0c36439b7c8a84fc49cb7955/href</a></iframe><p>至於另一單「碰撞」，則發生於美孚與荔景之間嘅軌道。</p><h4>#出軌</h4><p>講明先，以運輸及房屋局局局長陳帆用語，呢度所指嘅「出軌」，係「列車偏離軌道」而非「婚外情」。</p><p>東鐵於2019年下半年出現兩次出軌意外：7月中， 大學站以北有工程車出軌，以致火炭至大埔墟站嘅列車服務暫停。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/MLRiders/posts/799060927157022&amp;image=" width="600" height="600" frameborder="0" scrolling="no"><a href="https://medium.com/media/07eef13b76ac59c685c03c00a0441def/href">https://medium.com/media/07eef13b76ac59c685c03c00a0441def/href</a></iframe><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/RidersHongKong/videos/907710922960714/&amp;image=https%3A//i.embed.ly/1/image%3Furl%3Dhttps%253A%252F%252Fscontent-iad3-1.xx.fbcdn.net%252Fv%252Ft15.5256-10%252Fp200x200%252F69250553_907715486293591_7485407297120763904_n.jpg%253F_nc_cat%253D107%2526_nc_ohc%253D63rf5kpb_osAQkc8LyHO6cTl_F-8ecini74EHRymiiNs_rglaTNow41cg%2526_nc_ht%253Dscontent-iad3-1.xx%2526oh%253D8339fdb318550581a6e9a633219eccc9%2526oe%253D5E9E510A%26key%3Da19fcc184b9711e1b4764040d3dc5c07" width="600" height="600" frameborder="0" scrolling="no"><a href="https://medium.com/media/67a4fdb3c1e1b26d58dfca3e6193c4a2/href">https://medium.com/media/67a4fdb3c1e1b26d58dfca3e6193c4a2/href</a></iframe><p>至於9月中於一列東鐵列車由旺角東站駛進紅磡站時，其中三節車廂偏離路軌，車廂之間接駁位斷開。事發時正值上班時間，嚴重影響東鐵服務。</p><p>由於早前鐵路沿線出現多宗破壞事件，中央喉舌以至中國網民曾質疑「紅磡站出軌意外」乃「外國勢力背後策劃的恐怖襲擊」。然而，近日機電工程署署長薛永恆在電台節目上表示，呢單意外與外物或惡意破壞無關。</p><h4>#加價</h4><p>無錯，今年鐵路公司又再加價3.3%，而未來兩年仲回追加返今年未加嘅 0.3%。但鐵路公司話因為要「慶祝四十週年」，而提供四十星期「3.3%車費回贈」，從而「暫緩」加價。</p><p>但正如我哋一直所言： 帳面上（八達通）票價雖然無實質調整，甚至部分車程打咗折扣仲平過「票價調整前」嘅車費，但「加價」仍是不爭事實，正如「暫緩」不等於擱置或撤回。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/train.not.arriving/posts/2795658697141874/&amp;image=" width="600" height="600" frameborder="0" scrolling="no"><a href="https://medium.com/media/03aeaa4e6631247bb551313d26bef0f0/href">https://medium.com/media/03aeaa4e6631247bb551313d26bef0f0/href</a></iframe><h4>#屯馬綫</h4><p>紅磡站施工質素叫人擔心，專家最終結論係「加固車站結構」而無須重建。原先預計今年能夠開放嘅大圍至紅磡段，未能如期通車；而大圍至啟德段，則預計於2020年第一季通車，並命名為「屯馬綫一期」。<a href="https://www.facebook.com/RidersHongKong/photos/a.1551348581765604/2544504335783352/?type=3&amp;theater">Riders於2019年10月</a>曾引用鐵路公司內部資訊，指出擬訂通車日期為2020年1月5日或12日。但以現時情況而言，屯馬綫一期能於上述日期通車機會甚低。最少，鐵路公司呢一刻連新綫車費表都仲未肯公佈。</p><p>參考過往新鐵路綫通車經驗，鐵路公司會於新車站啟用前約一個月對外公佈車費表，以及向立法會提交文件交代營運準備工作。如同我哋過去大半年討論屯馬綫車費問題提到，若不認真處理將會導致大量不合理車費組合出現。鐵路公司到底係扮聽唔到，定係已經諗到絕世好橋處理？真係要坐冷氣房班高層先知道了。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/train.not.arriving/posts/3074224615951946&amp;image=" width="600" height="600" frameborder="0" scrolling="no"><a href="https://medium.com/media/319cfff007a5358396d311e9d566100a/href">https://medium.com/media/319cfff007a5358396d311e9d566100a/href</a></iframe><p>鐵路迷們真係好期待沙中綫早日全線通車，期待到要潛入非公眾範圍。基於安全考慮，我哋唔建議各位擅自進入未開放區域。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/DennispnutCreations/videos/442343719906695/%3Fv%3D442343719906695&amp;image=https%3A//i.embed.ly/1/image%3Furl%3Dhttps%253A%252F%252Fscontent-iad3-1.xx.fbcdn.net%252Fv%252Ft15.5256-10%252Fp200x200%252F57561419_442347289906338_1077243141469241344_n.jpg%253F_nc_cat%253D100%2526_nc_ohc%253DqWPizl30bUkAQlbcdz5G3XU3upDwlWCFZ7eHlhVixv5qLorKBmzK4tg6w%2526_nc_ht%253Dscontent-iad3-1.xx%2526oh%253Db4a262b0509694371125286acddf60d5%2526oe%253D5E65B996%26key%3Da19fcc184b9711e1b4764040d3dc5c07" width="600" height="600" frameborder="0" scrolling="no"><a href="https://medium.com/media/caf2f5418c8ae83b61ac3749e73cdd06/href">https://medium.com/media/caf2f5418c8ae83b61ac3749e73cdd06/href</a></iframe><h4>#環保連接系統</h4><p>政府打算於兩個新發展區建立「環保連接系統」，包括啟德/九龍東及洪水橋/厦村：前者今年繼續毫無聲氣，至於後者則於今年年底展開諮詢。</p><p>政府於2019年先「發現」九龍東環保連接系統「有技術挑戰」，預計下年先會再攞出嚟諮詢。近日我哋收到讀者訊息，話不如搵區議會傾下係咪提出擱置。睇下來年政府係咪可以交出一個大眾接受、合乎成本效益嘅方案，在此我哋暫不表態。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/train.not.arriving/posts/2978186378889104/&amp;image=" width="600" height="600" frameborder="0" scrolling="no"><a href="https://medium.com/media/17cf2a88e560ee4812825f1900eaf654/href">https://medium.com/media/17cf2a88e560ee4812825f1900eaf654/href</a></iframe><p>至於洪水橋/厦村環保連接系統，政府則否定延伸現有輕鐵系統，而建議於區內設立新運輸模式服務新區。土木工程拓展署將於2020年1月4日舉辦公眾論壇，歡迎各位朋友到場發言表達意見。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/RDG.hk/posts/2343659482552360&amp;image=" width="600" height="600" frameborder="0" scrolling="no"><a href="https://medium.com/media/5b1dba547b7a8edef4e60ec5f664b25c/href">https://medium.com/media/5b1dba547b7a8edef4e60ec5f664b25c/href</a></iframe><h4>#屯門南延綫</h4><p>政府原訂於今年年初向立法會就屯門南延綫提交文件，但年中有傳媒引述不具名消息，指鐵路公司擬於屯門泳池增設車站並發展上蓋。屯門區議員有感未被諮詢向政府表達不滿，立法會相關議程亦被抽起。</p><p>直至年底， 民建聯立法會議員梁志祥提出質詢，查詢屯門南延綫最新進展，局長淨係話要求為中部水域人工島鐵路預留接駁位，車站位置及融資安排「無嘢講」。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/train.not.arriving/posts/3111923415515399/&amp;image=" width="600" height="600" frameborder="0" scrolling="no"><a href="https://medium.com/media/cc87525abd0813cdeb2ed5a62f039c08/href">https://medium.com/media/cc87525abd0813cdeb2ed5a62f039c08/href</a></iframe><h4>#南港島綫西段</h4><p>另一個今年有較多討論嘅新鐵路項目為南港島綫西段。政府於今年中向鐵路公司邀請提交南港島綫西段計劃書，地區人士踴躍表達意見並提出構想，不過部分構想就認真嚇人，例如係建議為兩座樓設立專屬出口。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/train.not.arriving/posts/3003399473034461/&amp;image=" width="600" height="600" frameborder="0" scrolling="no"><a href="https://medium.com/media/74b9ba68f9546d8b885ec2510891b45c/href">https://medium.com/media/74b9ba68f9546d8b885ec2510891b45c/href</a></iframe><h4>#鐵路監管部門</h4><p>兩鐵合併後，鐵路公司作風仿如獨立王國。但近年來鐵路公司無論於新鐵路項目管理，抑或處理車務延誤等手法，均惹來非議，並質疑政府是否無法有效監管鐵路公司運作。歸根究柢，監督鐵路運作部門「政出多門」。</p><p>行政長官林鄭月娥於2019年施政報告提到：「於監管鐵路公司方面，運輸及房屋局將跟進強化港鐵公司的企業管治，推動提升各項服務的事宜，並研究成立一個全新的部門，專責處理和監督鐵路規劃和建造事宜。」</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/train.not.arriving/posts/3090397887667952/&amp;image=" width="600" height="600" frameborder="0" scrolling="no"><a href="https://medium.com/media/bca49bfbf1bf0f7f3db73499b5fcbe68/href">https://medium.com/media/bca49bfbf1bf0f7f3db73499b5fcbe68/href</a></iframe><h4>#鐵路博物館</h4><p>香港鐵路博物館被譏笑為「鐵路公園」，以展示退役車卡及舊火車站設施及用具為主，甚少涉獵鐵路技術、工程或科學範疇。康樂及文化事務署近年計劃更新香港鐵路博物館內容，亦將於日內將歷史車廂313號運送至博物館。</p><iframe src="https://cdn.embedly.com/widgets/media.html?type=text%2Fhtml&amp;key=a19fcc184b9711e1b4764040d3dc5c07&amp;schema=facebook&amp;url=https%3A//www.facebook.com/RDG.hk/posts/2434955793422728/&amp;image=" width="600" height="600" frameborder="0" scrolling="no"><a href="https://medium.com/media/221e85e023f16ca1f423e034ae8fd954/href">https://medium.com/media/221e85e023f16ca1f423e034ae8fd954/href</a></iframe><p>今年香港鐵路得上面咁多嘢講？傻啦。</p><p>其他關鍵字，留待下回詳細討論。</p><img src="https://medium.com/_/stat?event=post.clientViewed&referrerSource=full_rss&postId=6008ba2c85b4" width="1" height="1" alt=""><hr><p><a href="https://medium.com/train-not-arriving/review-2019-6008ba2c85b4">點解 #火車未到站 ？因為香港鐵路於2019年經歷無數危機，以致火車未能到站</a> was originally published in <a href="https://medium.com/train-not-arriving">火車未到站 Train Not Arriving</a> on Medium, where people are continuing the conversation by highlighting and responding to this story.</p>]]></content:encoded>
        </item>
    </channel>
</rss>