10.1下的屯門 — 補習與初中生的抗爭
一個只會在地區發生的抗爭小故事
2019年10 月1 日,遍地開花。我的家 — 屯門,也不例外。10月1日,就連我居住了近40年的屋苑也被波及。
作為街坊,我一身全黑打扮到樓下了解,其實已經去到一個點:一旦 TG 攻入來,我一定會死守自己住的樓。
路障,就在我的家必經車路處。我,用最短的距離,去到了抗爭的前線。作為「補習佬」,其實不應太投入一場政治運動,但作為一個人,當每個人都被迫發出最後的吼聲、敵人的炮火已經攻到門前,唯一可以的,可能是前進。
樓下巧遇黃絲鄰居,我望著他們搬進來,兩個仔都高中畢業,均是勇武,全身 full gear。正在吹水閒聊之際。突然,我們看見一個 150cm 不足的小男孩,還穿著粉紅衫、粉紅襪,稚氣未減,在我們面前拿著拆掉了的鐵柵經過。鄰居屋主是中年型男:高,金毛,紥辫,六舊腹肌,老粗,但好有腦的,突然衝過去,一手捉住小男孩,說了兩句。回頭跟我說:「14歲咋,睇到呢啲,好心噏。」眼有淚光,他要小男孩跟他回家暫避,不要冒險,他推說有 friend 住附近。
我想想我那一班中二英文/中二數學,不禁芫爾。我教佢地都嫌煩,一早請導師教了,避之則吉。心想:如果可以幫到佢,可能我都會。
兩小時後,我夾硬扯了藍絲母親來湊熱鬧:你口中的暴徒就在你樓下,無理由唔去睇下,順便買晚餐:我們是街坊!
Get Fish@Meta Learning’s stories in your inbox
Join Medium for free to get updates from this writer.
在商場入口樓梯,男孩坐在門口無走。我跟他談了兩句,叫他小心。
行入商場回頭又忍唔住,作為一個大人,一個補習中佬,我好有型咁放低咗張卡片,小男孩好像不知是什麼,推說不要;
作為大人,一個補習中佬,我好有型咁拋下一句:「補習社卡片,要幫手就搵我!」商場嘅鎂光燈,嗰一刻好似射向自己:我好有型,我係大人了。
作為大人,一個補習中佬,我 Meta Learning 係唔會隨便收初中生,見你出街抗爭,有緣,靚仔,你執到啦!我緩緩走入商場。
「喺唔喺盈豐嗰間?你係唔係 Fish ? 」遠處傳來小男孩的聲音。
作為大人,作為補習中佬,唔通我嘅蚊型補習社,真係已經街知巷聞?名聲傳返到自己屋企商場?
原來,佢兩個表姐分別都係我學生。我昨晚先跟他剛入大學的表姐聚舊。
個結局係有啲好笑,但係,但嗰一個場景,嗰一個 setting,嗰一個 moment我作為一個大人,一個補習中佬,其實笑唔出。我的想法,高中同學仔都知:有心嘅,就入大學,改變自己,改變世界,做馬斯丹上校。我可以幫呢一班年輕抗爭者嘅,可能就係咁多。







