இரண்டாம் உலகம்
A fantacy film based on Multiverse concept
இரு உலகங்கள். ஒன்றில் வாழ்பவர்கள் இன்னொரு உலகிலும் இன்னொரு விதத்தில் வாழக்கூடும். இந்தப்படத்தில் ஆர்யா, அனுஷ்கா இருவரும் இரு உலகிலும் உள்ளனர். Multiverse concept பலராலும் விவாதிக்கப்பட்ட ஒரு விடயம். இதை வைத்து பல ஹாலிவூட் + வெளிநாட்டுப் படங்களும் வந்துள்ளன. தமிழில் இது முதல் முயற்சி. செல்வராகவனுக்கு நன்றி. இந்தப்படத்தின் மேல் எனக்கு ஆர்வம் வரக் காரணமே முன்னோட்டத்தில் காட்டப்பட்ட “இரண்டாம் உலகம்"மற்றும் “from the makers of ஆயிரத்தில் ஒருவன்" என்ற tagline. (செல்வராகவனின் படங்களில் எனக்கு ஆகப்பிடித்தது,ஆயிரத்தில் ஒருவன்)
Get Dayalan’s stories in your inbox
Join Medium for free to get updates from this writer.
இந்த உலகத்தில் வாழும் ஆர்யா + அனுஷ்கா காதல், ஊடல், மோதல் என்று நலமாக போய்க்கொண்டிருக்க, இரண்டாம் உலகத்தில் காதல் இல்லாமல் இருக்கின்றது. அவ்வுலகில் பெண்களுக்கு இந்த உலகத்தில்(?) இருக்கும் கொஞ்ச நஞ்ச மரியாதையும் இல்லாமல் இருக்கின்றது. இரண்டு உலகங்களையும் படைத்த பெண் கடவுள் (கவனிக்க, பெண் கடவுள்) இதனை மாற்ற எடுக்கும் முயற்சி, இந்த உலக காதலர்களையும் இரண்டாம் உலகத்தையும் மாற்றிப் போடுகின்றது.
கற்பனைக் கதை என்பதால் இது நடக்குமா இல்லையா என்ற logic பார்க்கும் விடயத்தை விட்டு விடுவது நல்லம். இரு உலகங்களையும் வேறுபடுத்த இரண்டாம் உலகத்துக்கு CGI (Computer Generated Imagery) பயன்பட்டிருக்கின்றது. ஹாலிவுட் படத்துடன் ஒப்பிடாமல் பார்த்தால் தமிழ் சினிமாவுக்கு இது நன்றாகவே உள்ளது. இந்த CGI மூலமான இரண்டு உலகங்களுக்குமான வேறுபாடு தேவையா என்பது என் கேள்வி, கொஞ்சம் அதிகமாகிவிட்டதோ என தோன்றுகின்றது.
இசை + பிண்ணனி இசை பெரிதாக கவரவில்லை. நல்லாத்தானே போயிட்டுருக்கு என தோன்ற வைத்த இடம் “பனங்கள்ளா” பாடல் இடம்பெற்ற தருணம்.
நிச்சயம் இது தமிழ் சினிமாவுக்கு முக்கியமான படம். எல்லாத் தரப்பினரிடமும் வரவேற்பை பெறுமா இல்லையா என தெரியாது. ஆனால் நிச்சயம் இது போன்ற முயற்சிகளை மற்றவர்கள் எடுக்க உந்துதலாக இருக்கும்.





