Member-only story
流心奶黃月餅與魚香茄子煲
話說某牌子嘅流心奶黃月餅造成一片全城熱賣,在開賣日上班路過火車站都見到某店門外有幾十人排隊。睇過報紙報導先知原來九成都係比水貨客炒賣至某國。
唔係想講某牌子點樣係某國入面做viral marketing/面向大市場/放棄本土云云,只係腦海忽然想起了某國人一種好令人費解嘅飲食習慣。
喺我嘅認知裡面,某國人嘅飲食喜好係近乎一致得病態。
對於佢哋忽然追捧嘅潮流,佢哋十幾億人會一齊去捧,捧到各省各市不論正版還是山寨都開到成行成市。然後當呢樣嘢已經過氣嘅時候,可以完全無人幫襯。
而對於出街食飯嘅口味,比我嘅印象更加深刻。
因為叫餸食飯一定係有魚香茄子煲。
當年喺英國嘅一間酒店入面嘅粵菜館打過工,嚟食飯嘅某國人來自五湖四海,有本地做嘢讀書(*)嘅打工仔同學生,有嚟觀光嘅遊客團,仲有啲大公司設宴款待由某國總部過嚟考察嘅高層。
九成七以上嘅某國客,都係求其揭完餐牌,然後一定會叫以下呢幾樣嘢:
- 魚香茄子煲
- 乾煸四季豆
- 水煮牛肉
- 麻婆豆腐
- 酸辣湯
- 辣子雞
- 口水雞
- 涼拌土豆絲
- 白米飯(佢哋係咁叫)
- 苦嗚Yuan
呢一堆餸都偏濃偏辣重油份。喺英國嘅某國人通常都唔叫海鮮,無貴價食材,唔喜歡飲燉湯例湯老火湯,唔會食完主菜問有冇糖水送,飲茶食點心唔會叫腸粉,食雲吞麵會嫌你湯頭淡企起身搵你加鹽。
另外,本店一向無賣涼拌土豆絲呢啲根本唔可以用港式中文寫出嚟嘅菜式。但係啲某國客係唔會理嘅,餐牌無都會問你可唔可以做一份。有啲客仲第一次見你就已經扮熟客叫你破例一次。
每次我都好喜歡耍返佢哋轉頭,but I do like to see them try.
呢一堆餸菜受歡迎嘅程度係,兩個留學生嚟食個便飯又係叫呢啲,一家四口嚟又係食呢啲,太太團聚埋一檯又係食呢啲,連嗰次某國銀行前行長嚟包廂食飯飲茅台都係食呢啲。換個角度…






