Fir ek baar
Once Again
Disclaimer: Prastut likhit kavita mai lekhak ka kisi bhi vyakti vishesh se kuch lena dena nahi hai😂 Woh free bethe the, aur spotify ne love mashup chala diya, to ye likh diya gaya hai.
……………..
Fir ek baar dil laga raha hoon,
Fir woh message padhte-padhte muskura raha hoon,
Sach kahun to anjaam ka darr bhi hai
Par fir se khudko khush pa raha hoon.
Dost to kehte hain fir katega
Par kuch pal ki khushi ko maze se jeena chah raha hoon.
Fir ek baar dil laga raha hoon,
Fir woh message padhte-padhte muskura raha hoon.
Iss bar dil dukhne ki fikar nahi hai
Mai to dosti bhi sachchi nibha raha hoon.
Poora din achcha sa lagta hai
uske apne saath ke khwaab saja raha hoon.
Bhaiya to kehte hain, ye bhi pehle wali jaisi hai,
“I like her”, bolke unhe mai tarka raha hoon.
Fir ek baar dil laga raha hoon,
Fir woh message padhte-padhte muskura raha hoon.
Kisi ke jaane par dukh to hota hai,
par kisi naye ke aane se, woh dukh bhool pa raha hoon.
Ishq, aashiqui, mohobbat yun to pyaar ke hazarron naam hain,
Par main pyaar bass us ek ke liye mehsoos kar pa raha hoon.
Get Kartik Gupta’s stories in your inbox
Join Medium for free to get updates from this writer.
Kal raat hi Pyaar ka Punchnama dekhi hai
KARTIK ARYAN ki advice bhi kuch kuch samajh pa raha hoon.
Fir ek baar dil laga raha hoon,
Fir woh message padhte-padhte muskura raha hoon.
Sab kehte hain, chehre par ab muskaan si rehti hai,
Bass use sochkar poora din muskura raha hoon.
Kehne ko to koi kisi ke saath nahi rehta hai,
uske saath ka samay khushi-khushi bita raha hoon.
Katega to zaroor, pata mujhe bhi hai,
Par bass in lamho main, apne hisse ka pyaar chah raha hoon.
Fir ek baar dil laga raha hoon,
Fir woh message padhte-padhte muskura raha hoon.
……………..
Fir wahi galti ek baar aur ho rahi hai mujhse
Sab keh rahe hain mat kar-mat kar, par mai pyaar kare ja raha hoon.
Mujhe jise ab peeni chahiye chaach bhi phook phook kar
Mohobbat ke sharbat ko bass labon se laga raha hoon.
Dekho anjaam ab chahe kuch bhi ho,
Khulke kehta hoon mai fir dil laga raha hoon.
Fir woh khushbu, woh khushi, woh jazbaat mehsoos kar pa raha hoon,
Fir woh message padhte-padhte muskura raha hoon, Fir ek baar dil laga raha hoon.
Note: Not me guys! Na dil laga hai kahin aur shaayad ab na hi lagega kahin, ye to bass mann mai aaya to likh diya hai.
Ek aur baat hum sab apni-apni zindagi ke Ted Mosby, Jim Halpert ya Jake hain par maza shayad ab isi mai hai. Sometimes longing is good, but sometimes letting go is better!
Chalo zyada gyaan nahi dete, enjoy your day Reader.
Bye.
