Mewġiet tas-sħana u nirien fil-foresti: it-tisħiħ tar-rispons tal-UE
L-Erbgħa, il-Parlament se jiddibatti l-ħtieġa li jissaħħu r-rispons u t-tħejjija tal-UE biex tipproteġi lin-nies minn mewġiet ta’ sħana rikorrenti u minn nirien fil-foresti.
L-Ewropa esperjenzat it-tielet l-aktar rebbiegħa sħuna tagħha rreġistrata fl-2026, segwita minn mewġa ta’ sħana eċċezzjonalment bikrija madwar l-Ewropa tal-Punent f’Mejju, u avvenimenti ta’ sħana estremi saħansitra aktar intensi f’dawn l-aħħar ġimgħat. Ir-riskju ta’ nixfiet u nirien fil-foresti bħalissa qed jikber madwar il-kontinent.
Il-MPE x'aktarx li jistaqsu lir-rappreżentanti tal-Kummissjoni dwar l-azzjoni tal-UE meħuda għall-prevenzjoni u t-tħejjija għal dawn l-avvenimenti estremi tat-temp.
Sfond
B'aktar minn miljun ettaru jew 10,000 km² ta' art tal-UE maħruqa minn nirien fil-foresti fl-2025, l-UE diġà hija mistennija li tuża l-akbar rispons li qatt kien hemm għan-nirien fil-foresti għas-sajf tal-2026. 777 ħaddiem tat-tifi tan-nar minn 14-il pajjiż Ewropew se jkunu ppożizzjonati minn qabel b’mod strateġiku f’żoni ta’ riskju għoli madwar Ċipru, il-Greċja, l-Italja, Franza, Spanja u l-Portugall.
Proċedura: Dikjarazzjonijiet tal-Kunsill u tal-Kummissjoni, mingħajr riżoluzzjoni
Dibattitu: L-Erbgħa 8 ta' Lulju