Παις και λέων γεγραμμένος
Υἱόν τις γέρων δειλὸς μονογενῆ ἔχων γενναῖον, κυνηγεῖν ἐφιέμενον, εἶδε τοῦτον καθ᾿ ὕπνους ὑπὸ λέοντος ἀναλωθέντα.
Φοβηθεὶς δὲ μή πως ὁ ὄνειρος ἀληθεύσῃ, οἴκημα κάλλιστον καὶ μετέωρον
κατεσκεύασε, κἀκεῖσε τὸν υἱὸν εἰσαγαγὼν ἐφύλαττεν.
Ἐζωγράφησε δὲ ἐν τῷ οἰκήματι πρὸς τέρψιν τοῦ υἱοῦ παντοῖα ζῷα, ἐν οἷς ἦν καὶ λέων.
Ὁ δὲ ταῦτα μᾶλλον ὁρῶν πλείονα λύπην εἶχε. Καὶ δήποτε πλησίον τοῦ λέοντος στὰς εἶπεν· Ὦ κάκιστον θηρίον, διὰ σὲ καὶ τὸν ψευδῆ ὄνειρον τοῦ ἐμοῦ πατρὸς τῇδε τῇ οἰκίᾳ κατεκλείσθην,
ὡς ἐν φρουρᾷ· τί σοι ποιήσω; Καὶ εἰπὼν ἐπέβαλε τῷ τοίχῳ τὴν χεῖρα ἐκτυφλῶσαι τὸν λέοντα.
Σκόλοψ δὲ τῷ δακτύλῳ αὐτοῦ ἐμπαρεὶς ὄγκωμα καὶ φλεγμονὴν μέχρι βουβῶνος εἰργάσατο· πυρετὸς δὲ ἐπιγενόμενος αὐτῷ θᾶττον τοῦ βίου μετέστησεν.
Ὁ δὲ λέων καὶ οὕτως ἀνῄρηκε τὸν παῖδα, μηδὲν τῷ τοῦ πατρὸς ὠφεληθέντα
σοφίσματι.
Ὁ μῦθος δηλοῖ ὅτι οὐδεὶς δύναται τὸ μέλλον ἐκφυγεῖν.
_________________________________________________________________________________ΕΛΛΗΝΙΚΗ ΙΣΤΟΡΙΑ ΖΩΣΑ
ΜΕΣΑ ΑΠΟ ΠΑΙΔΙΚΗ ΜΙΜΗΣΗ ΜΙΜΗΣΕΩΣ – ΖΩΓΡΑΦΙΚΗ
ΘΕΜΑΤΙΚΗ ΠΑΡΟΥΣΙΑΣΗ ΕΔΩ ΜΕ ΚΑΤΑ ΣΕΙΡΑ ΧΡΟΝΟΛΟΓΙΚΗΣ ΑΛΛΗΛΟΥΧΙΑΣ
(Για τους ιστορικούς χρόνους σκοταδισμού, όπως και οι σημερινοί, δεν παρουσιάζονται ζωγραφιές)
=================================================
=================================================
*ΔΙΕΥΘΥΝΣΗ ΑΥΤΗΣ ΤΗΣ ΣΕΛΙΔΟΣ:http://rozosotiris.blogspot.gr/2011/09/blog-post_6254.html
