Өнөөдөр болон маргааш ихэнх нутгаар, 23-нд нутгийн зүүн хагаст хүчтэй салхи, шороон шуургатай байна

Гэрэл зургийг MPA агентлагийн онцгой зөвшөөрөлтэйгөөр ашиглав

Өнөөдөр болон маргааш ихэнх нутгаар, 23-нд нутгийн зүүн хагаст хүчтэй салхи, шороон шуурга шуурч, хуурайшилт нэмэгдэхийг Цаг уур, орчны шинжилгээний газраас анхаарууллаа. 

Өнөөдөр салхи нутгийн зүүн хагаст баруун өмнөөс баруун хойш эргэж, бусад нутгаар баруун өмнөөс секундэд 8-13 метр, нутгийн зарим газраар түр зуур секундэд 18-20 метр хүрч ширүүсэж, шороон шуурга шуурах юм байна. 

Дөрөвдүгээр сарын 22-26-ныг хүртэлх цаг агаарын урьдчилсан төлөв:

Хур тунадас: 

• Дөрөвдүгээр сарын 22-нд баруун, төв болон зүүн аймгуудын нутгийн хойд хэсгээр,
• Дөрөвдүгээр сарын 23-нд төвийн аймгуудын нутгийн зүүн хэсэг, зүүн аймгуудын нутгийн зарим газраар,
• Дөрөвдүгээр сарын 24-нд Увс нуурын хотгор, Халх голын сав газраар,
• Дөрөвдүгээр сарын 25-нд баруун аймгуудын нутгийн зарим газар, төвийн аймгуудын нутгийн баруун хэсгээр бороо, нойтон цас, цас орж, цасан шуурга шуурна.

Салхи: 

• Дөрөвдүгээр сарын 22-нд ихэнх нутгаар,
• Дөрөвдүгээр сарын 23-нд нутгийн зүүн хагаст зарим үед секундэд 18-20 метр хүрч ширүүсэж, шороон шуурга шуурна.

Агаарын температур: 

• Дөрөвдүгээр сарын 22-нд ихэнх нутгаар,
• Дөрөвдүгээр сарын 23-нд нутгийн зүүн хэсгээр сэрүүсэж Монгол-Алтай, Хангай, Хөвсгөлийн уулархаг нутаг, Завхан голын эх, Тэс голын хөндийгөөр шөнөдөө -11…-16 градус хүйтэн, өдөртөө -2...+3 градус, говийн бүс нутгийн өмнөд хэсгээр шөнөдөө +1...+6 градус, өдөртөө +11…+16 градус дулаан, бусад нутгаар шөнөдөө -2…-7 градус хүйтэн, өдөртөө +5...+10 градус дулаан байна.
• Дөрөвдүгээр сарын 24, 25-нд нутгийн өмнөд хэсгээр дулаарна.