Ein mann i 50-åra som har vore sakna sidan torsdag er funnen i god behald. Det melder politiet.
Det var eit familiemedlem som melde mannen sakna etter å ikkje ha sett han på to døgn.
Tidlegare søndag vart det sett i gang søk etter mannen på Os, med frivillige mannskap, båtressursar og drone.
Politiet takkar dei frivillige for innsatsen.
Like over klokka 19 melde brannvesenet om terrengbrann ved Horneskletten i Sunnfjord.
Det var ikkje umiddelbar spreiingsfare, men litt vind i området.
Klokka 19.40 er brannen sløkt og brannvesenet held på med dynking av terrenget.
– Området som har brent er på mellom 1 og 2 mål, skriv Trond Landaas i presseloggen.
Politiet melde like over klokka 18 at det brann i eit rekkehus på Stord. Det er fire bueiningar i rekka.
Politi, ambulanse og brannvesenet rykte ut til staden der det blei observert røyk, men ikkje flammar.
– Det er meldt om mykje røyk på staden og mykje varme i huset, seier Svein Nesse i 110 Sør-Vest til NRK like før 18.30.
Dei har gått inn med røykdukkarar i bustaden.
Like etter 18.30 blei brannen meldt sløkt. Ein person er teken med ut av bustaden og send til sjukehus. Det skal ikkje vera fleire involverte.
Det brann på eit kjøkken i Åsane i Bergen, melde politiet like før klokka 17.
Det er mange leilegheiter i bygget som blei evakuert. Det skal ha vore opne flammar på staden, i følgje politiet.
Brannvesenet melde klokka 16.54 at dei var framme på staden og at det var røykutvikling på kjøkkenet. Dei sende inn røykdykkarar.
– Det er mindre røyk og ingen opne flammar, skreiv Trond Landaas i 110 Vest.
Brannen blei meldt slokka klokka 17.39.
Det er gult farevarsel for skogbrannfare i Nordfjord no og dagane framover.
Denne veka trådde bålforrådet i kraft. No er det normalt ikkje lov å gjere opp eld i utmark. Unntaket er viss det er openbert at elden ikkje kan spreie seg. Det er òg lov på tilrettelagde bålplassar.
